Thendral - தென்றல்

08/01/2024

தென்றல் இணைய தளத்தில் வாசிக்கலாம்/ ஒலி வடிவில் கேட்கலாம்.
வாசிக்க:
http://tamilonline.com/thendral/article.aspx?aid=15546
கேட்க:
http://tamilonline.com/thendral/playaudio.aspx?aid=15546

சிறுகதை:
இறுதி முடிவு
கலாநிதி. நாகலிங்கம் சிவயோகன், வடகரோலினா

நாளை விருந்தினர்கள் வருகிறார்கள், சற்று வேளைக்கே வந்துவிடுங்களென கோசலா தனது மகள்கள் கௌரிக்கும் உமாவிற்கும் முதல்நாளே அழைப்பு எடுத்துக்கூறிவிட்டாள். அவளினிரு பெண்களுக்கும் நீண்டநாள் திருணம் முடிக்க, தகுந்த துணையைத் தேடினாலும் தமிழர் யாரும் கிடைக்கவில்லை. நாளாக நாளாக மகள்மாரே தமக்கு உகந்தது என்று இரு வெள்ளையினத்தவரைத் திருமணம் செய்துகொண்டனர். மனதுள் பெரிதாக இணக்கம்மில்லாவிடினும் மகிழ்ச்சியாக தெரிந்தவர்களையெல்லாம் அழைத்து திருமணத்தை கோலாகலமாக நடத்திவைத்தனர்.

வந்திருந்த வெள்ளையின மருமக்களும் மிகவும் அருமையானவர்கள். குடும்பத்துடன் ஐக்கியமாகி மனைவியரை நன்றாகவே கவனிப்பதாகத் தோன்றியது. மூன்றாவது மகள் பிரியா பற்றிய கவலை மனதுக்குள் இருந்தாலும் அவள் இப்போது உயர்தர வகுப்பிற்குச் செல்வதால் உடனடியாகக் கவலைப்படும் நிலையிலவள் இல்லை. அவர்களின் திருமணங்கள் முடிந்து நண்பர்களை வீட்டுக்கு விருந்துக்கு அழைக்கும் சந்தர்ப்பம் பெரிதாக அமையவில்லை. அண்மையில் புதியவீடும் வாங்கிக் குடிபுகுந்துள்ளதால் இந்தச் சந்தர்ப்பத்தில் நண்பர்களை அழைத்திருந்தனர்.

காலையிலிருந்து விருந்தினருக்கான ஏற்பாடுகளைச் செய்வதில் கோசலாவும் கணவன் கணேசனும் மும்முரமாக ஈடுபட்டனர். தேவையான சாமான்களைக் கடைக்குச் சென்று வாங்கிவந்தனர். வீட்டிலிருந்த மகள் பிரியா தனக்குப் பரீட்சைக்குப் படிக்க வேண்டும் எனத் தனது அறைக்குச்சென்றாள். மதியநேரம் விருந்தினர் வரத்தொடங்கிவிட்டனர்.
ஆனாலும் மூத்தமகள்கள் இன்னும் வந்துசேரவில்லை. நேரமாக மனதுள் ஏதோ அரித்தது. தொலைபேசியில் அழைத்து ஏன் வரவில்லையெனச் சற்றுக் கோபத்துடன் கேட்டாள். வெளிக்கிட்டோம், விரைவில் வந்துவிடுவோமென்று இருவரும் சிரித்தபடி கூறினர்.
***
தென்றல் இணைய தளத்தில் வாசிக்கலாம்/ ஒலி வடிவில் கேட்கலாம்.

வாசிக்க:
http://tamilonline.com/thendral/article.aspx?aid=15546

கேட்க:
http://tamilonline.com/thendral/playaudio.aspx?aid=15546

#சிறுகதை #இறுதி_முடிவு #கலாநிதி_நாகலிங்கம்_சிவயோகன் #தென்றல் #தமிழ்_ஆன்லைன்

08/01/2024

சிறப்புப் பார்வை:
லோகேஷ் ரகுராமன்

34 வயதாகும் லோகேஷ் ரகுராமன் இளம் எழுத்தாளருக்கு சாகித்ய அகாதமி வழங்கும் யுவ புரஸ்கார் விருதைப் பெற்றுள்ளார். இறுதிப் பட்டியலில் இடம்பெற்ற 14 பேர்களின் சிறுகதை, கவிதை, நாவல் படைப்புகளில் லோகேஷ் ரகுராமனின் ‘விஷ்ணு வந்தார்’ சிறுகதைத் தொகுப்பு 2024ம் ஆண்டிற்கான சாகித்ய அகாதமி விருது பெறுகிறது. டாக்டர் க. பஞ்சாங்கம், டாக்டர் எம். திருமலை, மாலன் ஆகியோர் அடங்கிய நடுவர் குழு இப்படைப்பை விருதுக்குத் தேர்ந்தெடுத்தது. இந்நூல் லோகேஷ் ரகுராமனின் முதல் சிறுகதைத் தொகுப்பு. முதல் சிறுகதைத் தொகுப்புக்கே சாகித்ய அகாதமி விருதை வென்றுள்ளது குறிப்பிடத்தக்க சாதனைதான். ‘சால்ட்’ பதிப்பகம் இந்நூலைப் பதிப்பித்துள்ளது. ‘அரோமா’ என்னும் இரண்டாவது சிறுகதைத் தொகுப்பையும் லோகேஷ் வெளியிட்டுள்ளார்.

லோகேஷின் பின்னணி சுவாரஸ்யமானது. எழுத்தாளர் குடும்பத்தைச் சேர்ந்தவரல்ல இவர். சாதாரண நடுத்தர வர்க்கக் குடும்பம்தான். லோகேஷ் ரகுராமன் திருவாரூர் மாவட்டம் விஷ்ணுபுரத்தை அடுத்துள்ள எரவாஞ்சேரியில், என்.எஸ். நடேசன்-வேதாம்பாள் தம்பதியருக்கு மே 23, 1990-ல் பிறந்தார். தஞ்சாவூர் அரசர் மேல்நிலைப் பள்ளியில் பள்ளிக்கல்வி. மதுரை தியாகராஜர் பொறியியல் கல்லூரியில் பொறியியல் இளங்கலைப் பட்டம். பள்ளி நாட்களிலேயே வாசிப்பார்வம் வந்துவிட்டது. கல்லூரியில் படிக்கும்போது சில சிறுகதைகளை எழுதினார். இவர் எழுதிய சில நாடகங்களை நண்பர்கள் நடித்தனர். என்றாலும் தீவிரமாக லோகேஷ் அப்போது எழுதத் தொடங்கவில்லை. வாசிப்பில்தான் கவனம் சென்றது. ஜெயமோகனின் வெண்கடல், யுவன் சந்திரசேகரின் குள்ளச்சித்தன் சரித்திரம், புதுமைப்பித்தனின் சிறுகதைகள், ஜானகிராமனின் எழுத்துக்கள் தாக்கத்தை ஏற்படுத்தின.

பெங்களூருவில் தகவல் தொழில்நுட்பத் துறையில் (நெட்வொர்க்கிங் டொமைன்) பணியாற்றும் போது எழுத்தார்வம் தீவிரமானது. முதல் சிறுகதை 'திருஷ்டி' சொல்வனம் இதழில் வெளியானது. தொடர்ந்து கவிதைகளையும், சிறுகதைகளையும், கட்டுரைகளையும் தனது இணையதளத்திலும், தமிழினி, அரூ, வல்லினம், சொல்வனம், கனலி, நடு போன்ற இணையதளங்களிலும் எழுதி வந்தார். வாழ்க்கை அனுபவங்களையும் கண்டதையும், கேட்டதையும், கிராமத்து அனுபவங்களையும், எதிர்கொள்ளும் சவால்களையும் புனைவு கலந்து எழுத்தாக்கினார். எந்த முன்னோடியின் சாயலும் இல்லாமல் புது மாதிரியான எழுத்தாக லோகேஷ் ரகுராமனின் கதைகள் மதிப்பிடப்படுகின்றன.

‘விஷ்ணு வந்தார்’ சிறுகதைத் தொகுப்பில் 10 கதைகள் இடம்பெற்றுள்ளன. முதல் கதையான ‘விஷ்ணு வந்தார்’ என்பதே நூலின் தலைப்பாக உள்ளது. பிராமணர்கள் இல்லத்தில் நடக்கும் பித்ரு காரியத்தில் ‘விஷ்ணு இலை’க்குச் சாப்பிட வரும் ஒருவரை மையமாகக் கொண்டு பல்வேறு அடுக்குகளில் விரிந்து செல்லும் கதை. கிராமத்து வர்ணனை, பித்ரு காரியங்களின் செயல்பாடுகள், மந்திரங்கள், கர்த்தா, வாத்தியார், விஸ்வே தேவர், பித்ருவாக வரிக்கப்படுவர், விஷ்ணு இலைக்குச் சாப்பிட வருபவர் என மிகவும் விரிவாகப் பித்ரு காரியங்கள் பேசப்படுகின்றன. கதையின் மையம் பித்ரு பூஜையாக இருந்தாலும் அதன் பின்னணியில் மகன் தத்துக் கொடுக்கப்பட்டதன் நினைவிலே வாழும் தந்தையின் புத்திர சோகம் மிக ஆழமாக வெளிப்படுத்தப் பட்டுள்ளது. பல ஆண்டுகளுக்கு முன்னால், இதே போன்று பித்ரு காரியங்களை மையமாக வைத்து, ம.ந. ராமசாமி எழுதிச் சர்ச்சையை ஏற்படுத்திய, ‘கணையாழி’யில் வெளிவந்த ‘யந்மே மாதா’வுக்குப் பிறகு மிக ஆழமாக, விரிவாக பிராமணர் இல்லங்களில் நடக்கும் பித்ரு காரியங்கள் இந்தச் சிறுகதையில் காட்சிப்படுத்தப் பட்டுள்ளன. தி. ஜானகிராமன், லா.ச. ராமாமிர்தம், சிவசங்கரி, பாலகுமாரன் உள்ளிட்டோர் பித்ரு விஷயங்கள் பற்றி தங்கள் படைப்புகளில் எழுதியிருந்தாலும், லோகேஷ் தன் கூறல் முறையிலும், கதையின் மையத்தினாலும் வித்தியாசப்படுகிறார். ஒரு சிறுகதைக்கு இத்தனை ‘டீடெயிலிங்’ தேவையா என்ற கேள்வி எழுந்தாலும், கதையின் தன்மையும், மையமும் அதை வைத்தே பின்னப்பட்டுள்ளதால் அவை இங்கு அவசியமாகின்றன. மிக ஆழமான உணர்வுகளை வெளிப்படுத்தக் கூடிய சிறுகதையாக விஷ்ணு வந்தார் அமைந்துள்ளது.
***
தென்றல் இணைய தளத்தில் வாசிக்கலாம்/ ஒலி வடிவில் கேட்கலாம்.

வாசிக்க:
http://tamilonline.com/thendral/article.aspx?aid=15540

கேட்க:
http://tamilonline.com/thendral/playaudio.aspx?aid=15540

#சிறப்புப்_பார்வை #எழுத்தாளர் #லோகேஷ்_ரகுராமன் #யுவ_புரஸ்கார் #விஷ்ணு_வந்தார் #சிறுகதை #தென்றல் #தமிழ்_ஆன்லைன்

07/27/2024

சிறுகதை:
இறுதி முடிவு
கலாநிதி. நாகலிங்கம் சிவயோகன், வடகரோலினா

நாளை விருந்தினர்கள் வருகிறார்கள், சற்று வேளைக்கே வந்துவிடுங்களென கோசலா தனது மகள்கள் கௌரிக்கும் உமாவிற்கும் முதல்நாளே அழைப்பு எடுத்துக்கூறிவிட்டாள். அவளினிரு பெண்களுக்கும் நீண்டநாள் திருணம் முடிக்க, தகுந்த துணையைத் தேடினாலும் தமிழர் யாரும் கிடைக்கவில்லை. நாளாக நாளாக மகள்மாரே தமக்கு உகந்தது என்று இரு வெள்ளையினத்தவரைத் திருமணம் செய்துகொண்டனர். மனதுள் பெரிதாக இணக்கம்மில்லாவிடினும் மகிழ்ச்சியாக தெரிந்தவர்களையெல்லாம் அழைத்து திருமணத்தை கோலாகலமாக நடத்திவைத்தனர்.

வந்திருந்த வெள்ளையின மருமக்களும் மிகவும் அருமையானவர்கள். குடும்பத்துடன் ஐக்கியமாகி மனைவியரை நன்றாகவே கவனிப்பதாகத் தோன்றியது. மூன்றாவது மகள் பிரியா பற்றிய கவலை மனதுக்குள் இருந்தாலும் அவள் இப்போது உயர்தர வகுப்பிற்குச் செல்வதால் உடனடியாகக் கவலைப்படும் நிலையிலவள் இல்லை. அவர்களின் திருமணங்கள் முடிந்து நண்பர்களை வீட்டுக்கு விருந்துக்கு அழைக்கும் சந்தர்ப்பம் பெரிதாக அமையவில்லை. அண்மையில் புதியவீடும் வாங்கிக் குடிபுகுந்துள்ளதால் இந்தச் சந்தர்ப்பத்தில் நண்பர்களை அழைத்திருந்தனர்.

காலையிலிருந்து விருந்தினருக்கான ஏற்பாடுகளைச் செய்வதில் கோசலாவும் கணவன் கணேசனும் மும்முரமாக ஈடுபட்டனர். தேவையான சாமான்களைக் கடைக்குச் சென்று வாங்கிவந்தனர். வீட்டிலிருந்த மகள் பிரியா தனக்குப் பரீட்சைக்குப் படிக்க வேண்டும் எனத் தனது அறைக்குச்சென்றாள். மதியநேரம் விருந்தினர் வரத்தொடங்கிவிட்டனர்.
ஆனாலும் மூத்தமகள்கள் இன்னும் வந்துசேரவில்லை. நேரமாக மனதுள் ஏதோ அரித்தது. தொலைபேசியில் அழைத்து ஏன் வரவில்லையெனச் சற்றுக் கோபத்துடன் கேட்டாள். வெளிக்கிட்டோம், விரைவில் வந்துவிடுவோமென்று இருவரும் சிரித்தபடி கூறினர்.
***
தென்றல் இணைய தளத்தில் வாசிக்கலாம்/ ஒலி வடிவில் கேட்கலாம்.

வாசிக்க:
http://tamilonline.com/thendral/article.aspx?aid=15546

கேட்க:
http://tamilonline.com/thendral/playaudio.aspx?aid=15546

#சிறுகதை #இறுதி_முடிவு #கலாநிதி_நாகலிங்கம்_சிவயோகன் #தென்றல் #தமிழ்_ஆன்லைன்

07/24/2024

சிறுகதை:
"புவா எப்போ வரும்?"
- சித்ராங்கி, சிகாகோ, இல்லினாய்

வருடம் 1988. பம்பாய் செம்பூரில் வாசம்.

பம்பாய் என்றாலே இட நெருக்கடிதான். நான்கு மாடிக் கட்டிடத்தில் முதல் மாடியில் 700 சதுர அடி வீடு. சிறு சமையலறை, அத்துடன் இன்னும் இரண்டு சிறிய அறைகள். அப்புறம் எனக்கும் என் இரண்டரை வருட மகளுக்கும் பிடித்த சிறிய நிலா முற்றம் (பால்கனி).

இருக்கும் இடத்தைத் துப்புரவாக வைத்துக் கொண்டு, மணக்க மணக்கக் காலையிலும் மாலையிலும் இரண்டு வேளை சமைத்துக் கொண்டு, புத்தகங்கள் படித்துக் கொண்டு, வானொலியில் பாட்டுகள் கேட்டுக் கொண்டு பொழுது போய்க் கொண்டிருந்தது.

செல்லமகளுக்குப் புத்தகம் படித்துக் கதை சொல்வது, அவளுடன் விளையாடுவது, பாடிக் காண்பிப்பது என்று எனக்கு நேரம் அவளுடன் மிகச் சுவாரசியமாகப் போகும். மகள் தமிழில் நிறையப் பேசுவாள். ஆங்கிலமும், ஹிந்தியும் கொஞ்சம் பேசுவாள். எனக்கும் அவளுக்கும் 28 வயது வித்தியாசம். இருப்பினும் அவள்தான் என் மிகச்சிறந்த தோழி.

அவளை இடுப்பில் தூக்கி வைத்துக் கொண்டு பால்கனியில் நின்று தம்ளரில் இருக்கும் பாலை ஒவ்வொரு தேக்கரண்டியாக அவளுக்குத் தினமும் இரண்டு அல்லது மூன்று முறை புகட்டுவேன். பாலைக் குடிக்க நிறைய நேரம் எடுத்துக்கொள்வாள். "உனக்கு ஊசித் தொண்டையா?" என்று கேட்டுச் சிரிப்பேன். அவளுக்கு அர்த்தம் புரியாத போதும் கிளுக்கென்று பதிலுக்குச் சிரிப்பாள்.

கீழே, கட்டிடத்திற்கு வெளியே மற்றக் குழந்தைகள் விளையாடும் சமயம் அவள் பால்கனியில் இருந்து வேடிக்கை பார்த்துக் கொண்டிருந்தால், பாலோ சாப்பாடோ சீக்கிரம் இறங்கும். ஆனால் மற்றக் குழந்தைகள் அங்கு சாயங்காலம் தவிர மற்ற நேரங்களில் வர மாட்டார்கள்.

வீட்டைச்சுற்றி இருக்கும் மரங்களில் குருவிகள் இருக்கும். ஆனால் அவற்றைக் கண்டுபிடித்து வேடிக்கை பார்க்கக் குழந்தைக்குத் தெரியாது.

கீழ் வீட்டில் ஓர் அருமையான, தமிழ் மாமியின் குடும்பம் இருந்தது. மாமி தினமும் காக்கைக்குச் சாதம் வைக்காமல் சாப்பிட மாட்டார். தினமும் காலை எட்டரை மணிக்கு "கா, கா" என்று மாமியின் குரல் கேட்கும். நாலைந்து காகங்கள் மாமி வைக்கும் சாதத்தைக் கொத்தித் தின்றுவிட்டு விரைவாகப் பறந்துவிடும்.

அந்தக் காக்கைகள் எங்கள் பால்கனிக்கு வரக்கூடாதோ, குழந்தைக்கு வேடிக்கை காட்டிச் சீக்கிரம் சாப்பாடு ஊட்டிவிடலாமே என்று தோன்றும். நானும் காக்கைக்குச் சாதம் வைக்க ஆரம்பிக்கலாமே என்று ஏனோ எனக்குத் தோன்றவில்லை!. அவை சீக்கிரம் பறந்துவிடும் அல்லது பால்கனியை அசுத்தம் செய்யும் என்ற எண்ணமோ என்னவோ தெரியவில்லை!

பால்கனியில் குட்டை மதில்சுவருக்கு வெளியே இருபுறமும் மரக்கட்டை அடித்து இடையே இரும்புக்கம்பி மூன்று வரிசையில் கட்டியிருக்கும். தினமும் துணிகளைத் துவைத்தபின் அதில்தான் உலர்த்துவேன். காக்கை வந்தால் துணிகளில் எச்சமிட்டு அசுத்தப்படுத்தும், அதனால் வேண்டாம் என்று எனக்குத் தோன்றி இருக்கலாம்.

கீழே மாமி வீட்டில் புதிதாகச் சில அலமாரிகள் வாங்கினார்கள். இரும்புக் கம்பியாலான, நான்கு பக்கமும் திறவையாக இருந்த பழைய அலமாரிக்கு அவர்களது வீட்டில் இடமில்லாமல் போனது. "உனக்கு வேணுமா, எடுத்துக்கோ" என்று என் வீட்டில் கொண்டுவந்து கொடுத்தார்.

அதை நான் பால்கனியில் வைத்தேன். பிளாஸ்டிக் வாளி, பூத்தொட்டி, மண்தொட்டிகள், எடைக்குப் போட வேண்டிய பழைய செய்தித் தாள்கள் இவற்றைத் தற்போதைக்கு அலமாரியில் அடுக்கினேன். அடுத்த மாதம் அலமாரித் தட்டுகளில் மண்தொட்டிகளில் பல வண்ணப் பூச்செடிகள் வளர்க்க எனக்கு எண்ணம் இருந்தது.

எப்போதும்போல் ஒருநாள் இடுப்பில் குழந்தை, தம்ளரில் பால் சகிதம் பால்கனிக்கு வந்தேன். திடீரெனப் பறந்துவந்த ஒரு புறா பால்கனி மதில்சுவர் கம்பியில் உட்கார்ந்தது. இன்னொரு புறாவும் பறந்துவந்து அதன் பக்கத்தில் அமர்ந்தது. இரண்டும் சிறிய கண்களை உருட்டி, கழுத்தை வளைத்து, தலையைத் திருப்பி எங்களை நோட்டம் விட்டன. நாங்கள் நின்ற இடத்திலிருந்து அசையவில்லை. என் மகளும் சத்தம் ஏதும் எழுப்பவில்லை. நாலைந்து நிமிடங்களில் புறாக்கள் பறந்து போய்விட்டன.

குழந்தை வேடிக்கை பார்த்துக் கொண்டே சீக்கிரம் பால் குடித்துவிட்டாள். தம்ளர் காலியானது. "புறா எப்போ வரும்?" என்று கேட்டாள். "நாளைக்கு" என்று சும்மா சொல்லி வைத்தேன்.

சிறுகதையை முழுமையாக கேட்க/படிக்க இணைப்பு முதல் பின்னூட்டத்தில்.

#சிறுகதை #தென்றல் #தமிழ்ஆன்லைன்

07/24/2024

சிறப்புப் பார்வை: படிக்கலாம் வாங்க!

வாசிக்க: http://www.tamilonline.com/thendral/article.aspx?aid=13760

கேட்க: http://www.tamilonline.com/thendral/playaudio.aspx?aid=13760

சிறப்புப் பார்வை:
படிக்கலாம் வாங்க!

“இந்த கோவிட் வந்தாலும் வந்தது, வீட்டிலேயே அடைந்து கிடக்கிறோம். வெளியில் போகவும் முடியவில்லை. யாருடனும் பேச முடியவில்லை. டி.வி. பார்க்கவும் பிடிக்கவில்லை. பாட்டுகள் கேட்டுக் கேட்டு அலுத்துவிட்டன. எவ்வளவு நேரம்தான் ஃபேஸ்புக், வாட்ஸப்பையே கட்டிக்கொண்டு அழுவது! வாழ்க்கையே ரொம்ப போர்” என்று அலுத்துக் கொள்பவர்களுக்கு வரமாகப் பல குறுஞ்செயலிகள் வந்துள்ளன. அவற்றைப் பற்றிப் பார்க்கலாமா?

‘பிஞ்ஜ்’ - bynge - இந்தச் செயலி மிகக்குறுகிய காலத்தில் மிகப்பெரிய வரவேற்பைப் பெற்றிருக்கிறது. காரணம், இந்தச் செயலி முழுக்க இலவசமாக வாசகர்களுக்குச் சுவையான நாவல், கட்டுரைகளை வாசிக்கத் தருகிறது.

புஸ்தகா - pustaka - தமிழ், தெலுங்கு, மலையாளம், கன்னடம், ஆங்கிலம் என தற்போது கிட்டத்தட்ட 400 எழுத்தாளர்களின் புத்தகங்கள் வாசிக்கக் கிடைக்கின்றன.

நாவல் ஜங்ஷன் - noveljunction - ராஜேஷ்குமாரின் பிரபலமான க்ரைம் நாவல்கள், பாக்கெட் நாவல்களை இங்கு வாசிக்கலாம். ஜீயே பப்ளிகேஷன்ஸின் வெளியீடுகளான க்ரைம் நாவல், ப்ரைம் நாவல், குடும்ப நாவல், சுபயோகம் இதழ்கள் போன்றவற்றையும் வாசிக்கலாம்.

முழுமையாக
வாசிக்க/கேட்க: கமெண்ட் பாக்ஸைப் பார்க்கவும்.

#சிறப்புப்_பார்வை #தென்றல் #தமிழ்ஆன்லைன்

07/20/2024

முன்னோடி:
தே.ப. பெருமாள்
- பா.சு. ரமணன்

தேசிக விநாயக பகவதிப் பெருமாள் எனும் தே.ப. பெருமாள், கவிஞர், நாடக ஆசிரியர், சிறார் இலக்கியவாதி, சுதந்திரப் போராட்ட வீரர். கன்னியாகுமரி மாவட்டம் அகஸ்தீஸ்வரத்தில் உள்ள கோட்டாறில், தேசியப்பப் பிள்ளை – நீலா இணையருக்கு 1916ம் ஆண்டு பிறந்தார். ஆறாம் வகுப்போடு பள்ளிக்கல்வி நிறைவுற்றது. தமிழ்மீது கொண்ட விருப்பத்தால் பண்டிதர் சாஸ்தாங்குட்டிப் பிள்ளையிடம் கல்வி கற்றார். ஹிந்தி, மலையாள மொழிகளிலும் தேர்ச்சி பெற்றார். காந்தியக் கருத்துக்களால் மிகவும் ஈர்க்கப்பட்ட பெருமாள், காங்கிரஸ் இயக்கத்தில் தன்னை இணைத்துக் கொண்டார். திருவிதாங்கூர் காங்கிரஸ், தமிழக காங்கிரஸ் இயக்கங்கள் நிகழ்த்திய பல போராட்டங்களில் கலந்துகொண்டார். கிராமந்தோறும் சென்று கதர் விற்பனை செய்தார். பல போராட்டங்களில் கலந்துகொண்டு சிறையிலடைக்கப்பட்டார். விடுதலையானதும் மீண்டும் தன் சுதந்திரப் போராட்டச் செயல்பாடுகளில் ஈடுபட்டார்.

தே.ப. பெருமாள் கடை ஒன்றில் பணியாளராகப் பணி செய்தார். மிகுந்த சமூக அக்கறை கொண்டிருந்த அவர், தனது நண்பர்களுடன் இணைந்து, ‘நாகர்கோவில் வர்த்தக குமாஸ்தாக்கள் சங்கம்’ என்ற அமைப்பை ஏற்படுத்தினார். அதன்மூலம் பல போராட்டங்களை நடத்தி, மாதம் ஒருநாள் மட்டுமே விடுமுறை என்பதை மாற்றி வாரம் ஒருநாள் விடுமுறை என்பதை நடைமுறைக்குக் கொண்டு வந்தார். கலைவாணர் என்.எஸ். கிருஷ்ணனின் உதவியாளராகச் சில ஆண்டுகள் பணியாற்றினார்.
***
தென்றல் இணைய தளத்தில் வாசிக்கலாம்/ ஒலி வடிவில் கேட்கலாம்.

வாசிக்க:
http://tamilonline.com/thendral/article.aspx?aid=15541

கேட்க:
http://tamilonline.com/thendral/playaudio.aspx?aid=15541

#முன்னோடி #தே_ப_பெருமாள் #பா_சு_ரமணன்‌ #தென்றல் #தமிழ்_ஆன்லைன்