Kello Media

03/07/2025

Kitaabni qondaala ABO Lammii Beenyaan barreeffame eebbifamuuf akka jiru ibsame.

Qondaala ABO kan ta'e Lammii Beenyaa waggootaaf mana hidhaa wayiita turetti kitaaba Asoosama Daayaa jedhu barreessee maxxansuun isaa nii yaadatama. Daayaan Dilbata dhufu eebbaaf akka qophaa'aa jiru barreessaan kitaabichaa Lammii Beenyaa beeksisee jira.

Qabsoo bilisummaa Oromoo keessatti jaala hedduu jaallatu dhabuun irra deddeebiin kan isa mudatu, akkasuma obboleessa quxusuu kan dhabe Lammii Beenyaa kitaabni isaa badhaasa Hog-barruu Gaaddisaa injifatee turuun nii yaadatama.

Dhaabbanni maqaa barreessaa jabaa Oromoo Gaaddisaa Birruun hundaa'e Hog-barruu Gaaddisaan kitaaba Lammii Beenyaan barreeffame Daayaa Asoosama bara kanaa taasisuun filachuusaa Keelloon kanaan dura gabaasuun nii yaadatama.

Lammii Beenyaa dararaa mana hidhaa keessatti waggoota dheeraa kan dabarse, yakka tokkoon alatti uummata isaaf sagalee waan ta'eef qofa manni murtii yeroo hedduu bilisa jedhus waggootaaf hiraarfamaa turee baatilee darban keessa hiikame.

Ta'us Lammii Beenyaa wayiita mana hidhaa jirutti obboleessa isaa Hundaa'ol Beenyaa jedhamu magaalaa Naqamtee keessatti waggoota dhiyoo as waraana PP'n rasaasaan ajjeefameera. Akkasuma jaala qabsoo inni baay'ee itti amanuuf itti dhiyaatu Battee Urgeessaas humnoota mootummaan ajjeefameera.

Kitaaba isaa Asoosama Daayaa jedhu kana obboleessa isaa akka ittiin yaadatu kana dura himeera.

03/06/2025

"Yuunivarsiitiileen keenya waan hundaa'aniif dagataniiru" jechuun Professor Birhaanuu Naggaa balaaleffatan

Minsteerri barnootaa Proofesera Birhaanuu Naggaa Yuuniversitii keessatti naannummaa dagagaa jira, kun kaayyoo Yuuniversitii dagachuudha jechuun balaaleffatan

Namni sirna baruuf barsiisuu waliin dhaheera jedhamu, akkasuma qormaata hammaataa barattoota rakkisu uumuun gadadoo maatii barattootaaf barattoota irratti hammeesse jedhamuun komatamu Professor Biraanuu Naggaa gara Wallaggaatti imaluun daawwannaa akka taasisan himame.

Tibbana daawwannaa hojiif gara Yuuniversitii Wallaggaa imalanii kan jiran Professor Biraanuu Naggaa, Naannummaa fi gandummaan Yuuniversitii keessatti Egeree dhalootaa irratti dhiibbaa akka qabu caqasan.

Ministeera Barnootaa Proofesera Birhaanuu Naggaa hawwaasa Yuuniversitii Wallaggaa fi qooda fudhattoota Waliin marii taasisan irratti kana jechuu isaanii himame. Yuuniversitiilee biyyattii keessa ilaalchi gandummaaf naannummaa akka babal'atu taasifamuu irra deddeebiin himama.

Kunis qooda mootummaan bahate gahee olaanaa akka qabu namooti itti walii galu. Mootummaan hogganaa Yuuniversitiilee dhalataa achii qofa taasisee muuduun haalli kun akka hidda gadi fageeffatuuf ulaa saaqera jedhamuun qeeqama.

Inumaa Oromiyaa keessatti ammoo godina Yuuniversitiin keessa jiru keessaa nama baheen ala hogganummaan qaama bakka biraa dhufeef hin laatamu. Kun ammoo mootaa Yuuniversitiilee keessatti xaxaa gandummaa akkaan babal'isuu isaatu himama.

Ministeerri Barnootaa Proofesera Birhaanuu Naggaa haasaa isaaniin Yunvarsitiwwaan keenya Gidduu galessa bekumsaa fi dhugaa tahuu qabu jedhaniiru.

Akkasumas Yunvarsitiwwan biyya keenyaa gandummaan hidhamuun kaayyoo dhaabbataniif dagatanii jiru jedhan.

Balaan akka malaamaltummaa, naamusa dhabuu fi aadaan beekumsa waljijjiruu hayyootaa laafuun Yunivarsitiin keenya madda beekumsa akka hintaanee tasisee jira jechuun qeeqan.

Adduunyaan har'aa baay'ee jijjiramaa jirti kan jedhan namni kun; gama siyaasaan, haala jijjirama qilleensaa fi teknoloojiin jijjiirama mudatan keessatti beekumsi furmaata olaanaa ta'uu kaasan.

Yunvarsitiiwwan keenya barnoota qulqullina qabuun dhaloota qaruu, qorannoo rakkoo hawaasaa furuuf jireenya hawaasaa foyyeessu irratti xiyyeefatanii hojeechu qabu jechuun ministerii barnoota Piroofesarra Birhanuu Naggaa himanii jiru.

Yuuniversitiin Wallaggaa yakka malaammaltummaa fi waliin dhahuu hamaa ta'een irra deddeebiin qeeqamaa tureera. Inumaa baajeta Yuuniversitii san miidhaksuuf bahe, baajeta daandii sirreessuuf gadhiifamu kallattii jijjiiratee boorsaa nama dhuunfaa galeera jedhamuun odeeffannoon amanamummaan isaa hin mirkanoofne yeroo hedduu miidiyaa hawwaasaan qoodamaa tureera. Qulqullina dhabuu mooraa Yuuniversitii Wallaggaa, bool'i fincaanii isaa hangam xuraawaa akka ta'e kan agarsiisan suuraalee hedduun kanaan dura qoodamaa turaniiru.

03/06/2025

Itoophiyaan rasaasa dhukaa'an of irra dabartee alatti erguuf hojjetaa akka jirtu Dr. Abiyyi himan
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

03/06/2025

Hayyu Dureen ABO obbo Daawud Ibsaa ganamaa galgala Makalaakiyaa waliin haasaa'aa jechuun himataman

Dhimmoota tibbana marii ABO fi KFO gidduutti adeemaa jiruu ilaalchisuun maaliif akka ajandaa san mormaniif deebii yoo kennanitti gorsaan ajajaa olaanaa ABO-WBO hoggana ABO himatan.

Yaada Kush Miidiyaa Network irratti kennaniin gorsaan ajajaa olaanaa ABO-WBO obbo Jireenyaa Guddataa, mootummaan dhimmicha akka qindeesse kaasan.

obbo Jireenyaan Qaama wal lole gidduu qaamni araaraaf taa'u qaama hin baabsine ta'uu qaba jechuun ibsu

Akka gorsaa olaanaan ABO-WBO Obbo Jireenyaa Guddataa jedhanitti mootummaan qabsaa'ota gidduutti jeequmsa uumuuf hojjeta. Kanas wayiita ibsan Mootummaan Keessoo keenyatti walitti bu'iinsa uumuu barbaada jedhaniiru.

Araara amma adeemame kana mootummaan akka jaarsaatti of dhiyeesse kan jedhan namni siyaasaa kun haalli kun ammoo miidhaa akka qabu uummataaf caasaa keenyaa ibsuun barbaachisaadha jedhaniiru

Dhimmoota mariin ABO fi KFO maaliif isin biratti fudhatama dhabe isinisoo marii mootummaa waliin taasisaa turtaniittuu gaaffii jedhuuf ajajaan WBO kun deebii laataniiru. "Nuti wayiita mariif Zaanzibaar deemne hunda isaaniif himneerra jedhan. Isaan garuu dhoksaadhaan marii gaggeessan jedhu obbo Jireenyaan

Akka obbo Jireenyaan jedhanitti mariif Taanzaaniyaa deemuu dursanii gama ABO tiin Batteetti akka himan eeru. Wayiita sana Dhimma deemnuuf itti himnee wal quba qabaanna jennee deemne jedhu.

Inni kun garuu dhokatee ta'e jedhu. Icciitiidhan ta'ame kan jedhan namni kun; kun shakkii akka itti uume himaniiru. Dhoksaan marii gaggeessuu yaalanii booda gaafa icciitiin bahu ammoo, bakka jijjiirachuunuu dhufe jedhu.

Dhimma namootni kun gameeyyii siyaasaati jedhamuurrattis deebii laataniiru. Siyaasa keessa waggaa 50 turuun gaariidha jedhu obbo Jireenyaan, ta'us waan waggaa 50 duraaf har'aa tokko miti jedhan.

Waan waggaa shantama duraa kasaaraan akka tures eeru. Asitti obbo Jireenyaan laalaa bara 1991 yaadachiisan. Bara sana Oromoon waraana gahaa osoo qabuu, uummata dammaksee qabsootti galchu osoo qabuu humna bicuu taateen dhiibame waggaa 27 rakkoon akka ture kaasan.

Dhimma waraanaaf humna tikaa waliin walga'ii taasisan jedhamu kanarratti cimsee Habtaamuun gama KFO irra Piroofeesar Mararaan waraanni walga'ii sana keessa hin turre jedhan isin ammoo jira jettu ragaa qabduu? jedhee gaafateef deebii laataniin obbo Jireenyaan "Professor Mararaan boodarra itti affeeraman. Waan kana kan gangalchaa ture obbo Daawud Ibsaati. Ammallee ganamaa galgala Makalaakiyaa waliin haasaa'aa jira raagaa itti qabna" jedhu

Piroofeesar Mararaa Guddinaa of dura qabuun waan barbaachiseef qaba ta'aa kan jedhan obbo Jireenyaan, waan Finfinnee keessatti adeemaa jiru kana hunda Mararaan quba akka hin qabnetti ibsame.

Dhimmi biraan marii kanaan ifa ba'e, ijoollee Sanyii Nagaasaa fudhatee gale namni 135 Shaashamannee mana hidhaa keessa jiru jedhan obbo Jireenyaan. Akkasuma lolatti bobbaasanii kaan ajjeefameera, kaan ammoo booji'ameera jedhu.

Isaan marii adeemsisan keessa qaamni waraana keessa harka naqacha jiru jira kan jedhan obbo Jireenyaan, Professor Mararaa ta'uu yoo baatellee kanneen WBO'n harkakoo jira nan galcha jedhan akka jiran himu.

ABO fi KfO himata obbo Jireenyaa Guddataa mootummaatu walga'ii qindeesseef jedhan kana mormaniiru. Akkasuma jaarmiyaan Waldaa Maccaaf Tuulamaa kan hogganan obbo Dirribii Damusee walga'iin kun qaama mootummaatiin adeemsifame yaada jedhu mormaniiru. Mootummaan walga'ii kana keessaa qoodaa hin fudhanne jedhan.

Akkasuma Professor Asfaawu Bayyanee yaada ABO-WBO'n kennu kana falleessuun gama OMN irratti tibbana yaada kennaniiru.

03/05/2025

የኦሮሚያው ግጭት የወባ በሽታን ክፉኛ አባብሶታል
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

03/05/2025

Hogganaan Poolisii ajjeechaa Battee Urgeessaa waliin dhahuu keessaa gahee qabu hidhame
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

03/04/2025

ኦፌኮ እና ኦነግ “ውይይት” ለምን አወዛገበ?
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

03/03/2025

72ኛው የቦረና ጋዳ የባሊ የርክክብ ስነ ስርዓት ከነገ ጀምሮ ይካሄዳል
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

03/03/2025

Jaawar Mohaammad dhimma marii ABO fi KFO yaada laate
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

03/03/2025

Mootummaan muddamee ABO fi KFO'f maallaqa ramadee waltajjii kaa'e jechuun Jaawar ibse.

Marii ABO fi KFO'n yeroo darbe adeemsisan ilaalchisuun namni siyaasaa Jaawar Mohaammad fuula miidiyaa dhuunfaa isaa Facebook irratti yaada kennee jira.

Barreeffama isaan "Marii KFO fi ABOn dhiheenya taasisaniifi yaada furmaata dhiheessan irratti atakaaroo gamaa-gamanaa dhihaachaa ture yeroo fudhadhee ilaaleera." Kan jedhe Jaawar Hoggansa dhaabbilee lamaanifi hayyoota waltajjicharratti hirmaatan, akkasuma qaamota mootummaa irraahis odeeffannoo sassaabuu yaalera. Kanarraa ka’uun wantin hubadhe; Yaadni rakkoo Oromiyaa mariidhaan fixuu ejjannoo yerooo ABOfi KFO ta’us, marii amma godhameef ka’uumsa kan ta’e mootummaadha, adda dureenis Muummicha Ministeeraati." Jedhee jira.

Akkaataa mariin kun adeemsifame irratti yaada kenneen "Lafa jalaan jaarsummaa gara paartileetti erguun jalqabe. Itti aansee qondaalonni mootummaa olaanoon dubbisan. Dhumarratti ofumaaf kallattiidhaan hoggantoota mormitootaa qaamaan dubbisuutti deeme. Dhumarrattis haalota waltajjiichaaf barbaachisanis irra jireessaan isumatu mijeesse" jechuun abbummaa waltajjichaa mootummaaf laateera.

Akka barreeffama kanaatti paartileen lamaan yaada Abiyyi kanaaf ayyamamoo kan ta'aniif; Rakkoo siyaasaa Oromiyaatiifis ta’ee Itoophiyaaf furmaanni kan dhufu lolaan osoo hin taane mariidhaani ejjannoo jedhu yeroo dheeraaf tarkaanfachiisaa waan turaniif, gaafa mootummaan “koottaa ni mari’annaa” jedhu diduun sirna miti jedha.

Abiyyi Ahemad marii kana gaafa muddamu qabatee as bahe kan jedhe Jaawar; Yeroo dheeraaf waamichaafi waywaannaa marii nagaa paartileen kun dhiheessaa turaniif deebiin Abiy tuffiin ilaaluufi waamicha gatii dhabsiisuu ture. Har’a ofumaaf kadhachutti seenuun isaa muddamsuu hammamii keessa akka jiru kan akeekuudha. Angoon isaa guyyaarraa guyyatti sunturaa deemaa akka jirtu waan argeef tooftaa ittiin balaa kana jalaa miliqu barbaachutti seenee jira jedheera.

Marii akkanaa paartilee lamaan kana teesisuun bu'aa Abiyyi argatus barreeffama isaa keessatti xuqeera.

Kanaanis: kan jalqabaa mooraa qabsoo Oromoo keessatti qoqqoodama uumuu. Keessattuu WBO wajjiin marii marsaa 3ffaa akka geggeeffamuuf dhiibbaa gama dippilomaatotaan isarratti godhamu jalaa miliquudhaaf, akkasumas paartilee siyaasaa waan ofitti hawwate fakkeessuun WBO moggeessuu barbaada jedheera.

Dhimma marii ABO fi KFO tibbanaa irratti bu'aa mootummaan nii argata jedhee katabe keessaa yaada ajajaa olaanaa ABO-WBO Marroon wal fakkaatu dhiyeesse.

Kanaanis Akeekni marii kanaa jaarmayaalee siyaasaa Oromoo, humnoota siyaasaa saboota biroo waliin atakaaroo keessa galchuun ‘diinota’ isaa qoqqoodee wal nyaachisuu umrii isaa dheereffachuudha jedheera. Ajajaa olaanaan ABO-WBO Marroo Dirribaa tibbana haasaa karaa Arrataa taasiseen akkanumatti dhiyeesse.

Dhimmoonni falmisiisoo ta’an akka as babahanis kan godhamef qoqqooddaa uumee nagaa argachuufi jedha Jaawar. Hoggansifi dhaabbileen Oromoo akka waan sirnichaaf guuza bahanitti fudhatamanii ija shakkiin akka ilaalaman fedha. Tooftaan ‘qoqqoodanii dhiituu’ kun haaraa osoo hin taane kan leenjistoota isaa jara Wayyaanee irraa dhaaleedha jedha barreeffamni Jaawar.

Yaada furmaata dhiyeesse keessatti ammoo Walwaraansa naannolee biyyattii hedduu unkuraa jiru hunda saffisaan dhaabsisuufi lolli haaraan akka hin eegalle ittisuu, Biyyatti gara deemsa cehuumsaa haaraatti seensisuudhaan araara dhugaa fiduun sirna bulchiinsa mootummaa diigame deebisanii ijaaruufi diinagdee laamsha’e bayyanachiisuu jedha barreeffamni nama kanaa.

Akkasuma Waliigaltee biyyoolessaa haaraya uumachuudhaan, saniirratti hundaayuun sirna walqixummaa ummatoota biyyattii eegsisu ijaaruu barbaachisa jedha Jaawar

03/01/2025

አስገራሚው የትራምፕ ወርቅ ቪዛ ካርድ ምንድን? ዋጋውስ?
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

03/01/2025

Oromiyaatti nagaan bu'uu malaa?
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

02/28/2025

ጠ/ሚ ዐቢይ ሶማሊያን ሲጎበኙ የተፈጸመው ጥቃት
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

02/28/2025

Haleellaan moortaaraa kaleessa MM Itiyoophiyaa Abiyyi Ahemad irratti yaalame
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

02/26/2025

ኢትዮጵያ 2,500 ወታደሮችን በሶማሊያ እንድታሰማራ ከስምምነት ላይ መደረሱ ተገለጸ
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

02/26/2025

ABO fi KFO marii tibbanaa ilaalchisee yaada dabalataa kennan
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

02/25/2025

የኦነግ እና ኦፌኮ ስምምነት በOLA ውድቅ ተደረገ
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...

02/25/2025

Daangaa irratti Itoophiyaa fi Keeniyaa wal waraanaan
👇👇👇

#ኢትዮጵያ #ዜና #ትግራይ #አማራ #ኦሮሚያ #ፋኖ #ፖለቲካ #ኢትዮፎረም #...