Khmer Business and Wellness

12/20/2024

ទៅប្រជុំនៅឡាសស្វេហ្គាស (Las Vegas) ឆ្លៀតនាំម្ដាយនិងក្មួយទៅជាមួយ សណ្ឋាគារមួយៗមានការតុបតែងចម្លែកៗដើម្បីទាក់ទាញភ្ញៀវ គេផ្លាស់ប្ដូររៀងរាល់ឆ្នាំ ជួនកាលគេផ្លាស់ប្ដូររហូតទៅដល់ 4 ដងក្នុងមួយឆ្នាំ

12/19/2024

ពេលនៅផ្ទះស្បូវផ្ទាល់និងដី ចិត្តពោរពេញទៅដោយក្តីសង្ឃឹម ដល់បាននៅផ្ទះស្អាតដូចឋានសួគ៌ បែរជាល្ហហេវនៅក្នុងចិត្ត ទីបំផុតស្វែងរកចិត្តខ្លួនឯងឃើញគឺរស់នៅបែបសាមញ្ញជាមួយនឹងធម្មជាតិ

មេរៀនដែលបានរៀន
1. សេចក្តីផ្ដាជ្ញាចិត្តនិងព្យាយាមគង់បានសម្រេច
2. អ្វីដែលល្អមិនប្រាកដថាជាអ្វីដែលយើងចង់បានដ៏ពិតប្រាកដ
3. ស្វែងយល់ពីខ្លួនឯងឱ្យច្បាស់គឺមានសារៈសំខាន់នៅក្នុងជីវិត

12/18/2024

នាំម្ដាយជិះសាឡាងទៅលេងសួនផ្កាឡាវិនដឺ សួនផ្កានេះចូលមើលអត់អស់លុយទេ សួនផ្កាមួយៗមានហាងលក់ដូរនៅនឹងកន្លែង ចំណូលបានមកពីការលក់ផ្កាឡាវិនដឺនិងរបស់ផ្សេងៗដូចជារបស់អនុស្សាវរីយ៍ ផ្កាឡាវិនដឺអាចធ្វើជាម្ហូប ជាតែ ជួយឲ្យគេងលក់ស្រួល ហើយនិងធ្វើឲ្យខ្លួនប្រាណនិងខួរក្បាលសម្រាកបានស្រួល នៅស្រុកខ្មែរអាចបង្កើតមុខរបរស្រដៀងនេះបាន

12/18/2024

នាំម្ដាយទៅលេងសួនផ្កាជិតផ្ទះ $37 ថ្លៃចូលក្នុងមួយនាក់ នៅស្រុកខ្មែរបើអាចបង្កើតសួនផ្កាឱ្យបានច្រើន គឺល្អទាំងបរិស្ថាន សម្រាប់មនុស្សចាស់ ហើយក៏បានចំណូលខ្លះ

12/17/2024

សុខភាពផ្លូវចិត្តរបស់មនុស្សចាស់មានសារៈសំខាន់ជាពិសេសនៅពេលដែលពួកគាត់ឈឺ នាំពួកគាត់ទៅកន្លែងដែលមានខ្យល់អាកាសបរិសុទ្ធ និងអាចជួយពួកគាត់បានមួយផ្នែក

12/14/2024

ទេសភាពស្រុកស្រែនៅសហរដ្ឋអាមេរិក
នៅជនបទ ភូមិដែលខ្ញុំរស់នៅ ខេត្តវ៉ាស៊ីនតោន

12/12/2024

សូមអរគុណ តាព្រហ្ម13 ដែលបានជួយគាំទ្រ

12/09/2024

ឃើញថាថ្មីៗនេះមានអ្នកស្គាល់និងសាច់ញាតិបានចាកចេញពីផែនដីនេះជាបន្តបន្ទាប់ ដូច្នេះចង់សរសេរជាការរំលឹក

ក្នុងនាមជាអ្នកធ្លាប់ឆ្លងភព តែត្រូវត្រឡប់មកវិញដោយសារពេលវេលាមិនទាន់ដល់ (កម្មមិនទាន់បានសង មេរៀនជីវិតដែលត្រូវរៀនមិនទាន់បានរៀន ហើយនិងបេសកកម្មដែលត្រូវធ្វើមិនទាន់បានធ្វើហើយ) មនុស្សម្នាក់ៗបានជ្រើសរើសពេលវេលានិងរបៀបចាកចេញពីផែនដីនេះរួចទៅហើយមុននឹងមកកើត ដូច្នេះគួរតែរស់ថ្ងៃហ្នឹងដោយល្អនិងសប្បាយចិត្តពីព្រោះថ្ងៃស្អែកយើងមិនដឹងថាជាថ្ងៃដែលយើងត្រូវចាកចេញទេ កុំជំពាក់កម្មគេច្រើនពីព្រោះកម្មខ្លះត្រូវយកមួយជីវិតមកសង បើធ្វើកម្ម 100 ដងអាចត្រូវមកកើត 100 ជាតិដើម្បីសង ទោះធ្វើបុណ្យ 100 វត្តក៏មិនអាចជៀសវាងកម្មនោះបានដែរ លើកលែងតែម្ចាស់កម្មអនុគ្រោះឲ្យ កុំប្រព្រឹត្តកម្មដើម្បីកូនឬសាច់ញាតិ ដូចជាកេងប្រវាញ់ឬធ្វើបាបគេដើម្បីប្រយោជន៍ទុកឱ្យកូន ពួកគេមានកម្មរៀងៗខ្លួនដោយគ្មានអ្នកណាអាចជួយបាន កូនខ្លះគឺជាម្ចាស់កម្មរបស់ឪពុកម្ដាយ បើកម្មនៅតែបន្តធ្វើចំពោះអ្នកដទៃ នោះនឹងត្រូវវិលចុះវិលឡើងគ្រប់ជាតិដើម្បីមកសងកម្មទាំងនោះ

សម្រាប់មនុស្សចាស់ដែលគាត់ចាកចេញដោយទុំជ្រោះ កូនចៅត្រូវសង្កេតមើលសញ្ញាទាំងនេះ ក្នុងមួយអាទិត្យប៉ុន្តែភាគច្រើនតែបីថ្ងៃទេមុននឹងគាត់ចាកចេញ ផ្ដាំកូនចៅឲ្យមកលេងគាត់ឱ្យហើយមុននឹងដង្ហើមចុងក្រោយ
- ធ្វើអ្វីដែលគាត់ចង់ធ្វើ ដូចជាទៅធ្វើបុណ្យ ទៅលេងសាច់ញាតិ
- បន្ថយអាហារមិនសូវឃ្លាន ធ្វើឲ្យខ្លួនស្រាលមុននឹងចាកចេញ
- ស្រមើលស្រមៃ និយាយប្លែកៗ ដូចជាឃើញសាច់ញាតិឬអ្នកធ្លាប់ស្គាល់មកលេងឬមកទទួល និយាយអំពីកន្លែងប្លែកៗពីព្រោះនោះជាភពផ្សេងមួយទៀត ឬកន្លែងដែលគាត់ត្រូវទៅ
- ប្រសិនបើគាត់មិនមានរោគាអ្វីទេគាត់នឹងមុជទឹកជម្រះខ្លួនយ៉ាងស្អាតខុសពីធម្មតា គាត់នឹងចាកចេញក្នុងពេលសម្រាន្តលក់

12/09/2024

ឆ្នាំដំបូងនៅទីក្រុងម៉ុងរ៉េអាល់ ប្រទេសកាណាដា បន្ទាប់ពីបានចាកចេញពីជំរុំជនភៀសខ្លួន ថតជាមួយប្អូនជីដូនមួយ ភ្លេចភ្លេចខ្លួនជិត 40 ឆ្នាំទៅហើយដែលបានមកជាន់ទឹកដីលោកខាងលិច ពេលវេលាពិតជាដើរលឿនមែន

12/07/2024

ខណៈដែលខ្ញុំមានមោទនភាពយ៉ាងខ្លាំងចំពោះសម្រស់ធម្មជាតិរបស់ប្រទេសខ្មែរ ក្នុងចិត្តក៏ឈឺខ្លាំងណាស់ដែរ សេចក្តីលោភលន់ អាត្មានិយម អំនួត និងអំណាចរបស់មនុស្សលោក បានបំផ្លិចបំផ្លាញទឹកដីដ៏បវរមួយនេះ ទោះបីខ្ញុំដឹងថាច្បាប់កម្មផលនិងមិនលើកលែងឲ្យទេ ប៉ុន្តែការបាត់បង់ប្រហែលជាមិនអាចស្រោចស្រង់បានមកវិញទេ

ABC's Bob Woodruff joins the government rangers and international special forces who protect one of the last intact national parks, tackling illegal logging,...

11/24/2024

សូមគោរព ពុក ម៉ែ បងប្អូន ខ្មែរទាំងអស់គ្នា។
នាងខ្ញុំជាកូនខ្មែរនៅសហរដ្ឋអាមេរិក ពិតជាមានសេចក្តីសោមនស្សក្នុងការនាំយកផលិតផលខ្មែរមកាន់ទីផ្សារសហរដ្ឋអាមេរិក។ ផលិតផលទាំងនេះត្រូវបានដាក់លក់នៅលើទីផ្សារយោធាសហរដ្ឋអាមេរិក និងហាងផ្សេងៗទៀតរួចមកហើយ។
ថ្មីៗនេះខ្ញុំបាននែនាំ ស្ករត្នោតខ្មែរសរីរាង្គ និងផ្កាអំបិលកំពត ទៅកាន់ផ្សារ Costco។ អ្នកបញ្ជារទិញប្រាប់ថានិងពិចារណា ប្រសិនបើមានការស្នើរសុំពីសមាជិកច្រើន ដូច្នេះនាងខ្ញុំសូមការគាំទ្ររបស់ពុកម៉ែ បងប្អូន ខ្មែរទាំងអស់គ្នា ក្នុងការចូលរួមយុទ្ធនាការនេះ ហើយវាក៏ជាការចូលរួមចំនែកជួយដល់កសិករ និងសិប្បករក្នុងប្រទេសកម្ពុជារបស់យើង។
សូមចូលរួមជាមួយពួកយើងក្នុងការស្នើសុំ ស្ករត្នោតខ្មែរសរីរាង្គ និងផ្កាអំបិលកំពត ទៅកាន់ Costco Customer Service ឬ online request link: https://customerservice.costco.com/.../a_id/1218/loc/en_US
ការចូលរួមរបស់ ពុកម៉ែ បងប្អូន ទាំងអស់គ្នា ពិតជាមានសារសំខាន់ណាស់ដល់ភាពជោគជ័យរបស់យុទ្ធនាការនេះ ហើយក៏​ធ្វើ​ឲ្យ​ផលិតផល​ខ្មែរ​ល្បី​លើ​ទីផ្សារ​អាមេរិក ដើម្បីកូនខ្មែរជំនាន់ក្រោយ។
ប្រសិនបើពុកម៉ែ បងប្អូនមិនមានសមាជិកភាព Costco ទេ សូមជួយចែករំលែកបន្តផង។
សូមអរគុណ

09/14/2024

ផ្កាអំបិលកំពតមានជីវជាតិរ៉ែច្រើន ល្អសម្រាប់សុខភាព
ខ្ញុំនឹងនិយាយអំពីអត្ថប្រយោជន៍របស់ផលិតផលមួយនេះនាពេលឆាប់ៗនេះ