DOLCE

01/01/2025

“ 2024 An Plen Tan

Menmjan avèm pou anpil moun ane 2024 la se yon ane apwantisaj ,dènye jou a rezime sa nou te viv chak jou nan jou avan yo ,gen moun ki di fòk yo enjoy pou yo voye problèm ale ( yo bwè,yo sou,yo fimen ,yo fè lanmou ,yo flannen ,yo gaspiye lajan ,yo santi yap byen mennen) gen lòt ki di sim ka wè dènye jou nan ane a se gras bondye yo pase sware a nan vèy denwi ap bay bondye glwa,gen lòt ki pa chwazi fè anyen ki konsidere jou a menmjan ak tout lòt jou ki pase yo,gen sa ki gen mwayen ki pa chwazi fete ,gen lòt ki anvi fete men yo pa gen mwayen ,gen nan yo kap viv jou a lopital ou nan prizon ,gen bagay nou viv nan ane a ki pa gen rapò ak ane a ,yo gen rapò ak konpòtmanw ,ak moun wap frekante ,ak fason ou jere tèt ou .

Rezime pam pou ane 2024 la pa gen bon gou
✅mwen envesti mwen fè defisi
✅novanb 2024 mwen fè aksidan machin mwen kraze
✅zanmi mwen te fè konfyans mwen dekouvri ki pa renmenm vwe
✅plizyè projè mwen te vle reyalize echwe.

Mwen te santim gen tout rezon poum wè 2024 kòm yon vye ane ,yon gran frèm dim non se pa grav se yon ane apwantisaj ,sa ki pi enpòtan se jwenn sante pou kontinye goumen.

Mwen apwann de tèt mwen
mwen apwann de lòt moun
Sa vin fèm konpwann yon moun ki bon moun paka moun tout moun lèzòm trò san prensip e yon moun ki gen prensip ap difisil jwenn moun dil bon moun.

Se an 2024 m konpwann Enjoy pa rezoud problèm ,bwè ,fimen tande mizik ,ale nan club ,fè sèks ,yo diminye stresss men yo pa rezoud problèm siw gen yon problèm olye ou jete tèt ou nan distraksyon pou voye Stress ale chèche rezoud problèm nan pito✍🏿

Se an 2024 mwen konpwann gen moun ki detwi tèt yo ak pròp konpòtman yo ,oubyen mòd refleksyon yo men sa pa anpeche yo toujou jwenn yon moun pou yo bay pote chaj la (se entèl ki fè maji ,se entèl ki bare’m ,se entèl ki pa’t ede’m)

Si an 2024 ou santiw te yon viktim de move lavi bon konba 2025,si an 2024 ou te santiw fè progrè mwen swetew yon 2025 ak siksè kontinye goumen💬

DOLCE

12/31/2024

12/29/2024

. Menaj Ou Pa Diw Sa

Menaj ou pa diw si chak fwa ou imilyel se mwen ki la pou li ,ou anpechel gen zanmi poutan ou pajanm gentan pou li ,li pa diw si lèw pa pale avèl se mwen ki konsole’l li pa diw sil toujou ap mandem konsèy ,se mwen ki seche dlo nan zye’l lèw fèl kriye .

Li pa diw sim konsidere’l tankou se moun mwen ,m protejel plis ke ou paske wap mal fè travay ou ,li pa diw se avèm li ekri plis se mwen ki pi bon zanmil ,li pa diw konbyen fwa se mesaj mwen ki fèl dòmi ,se pawòl mwen ki jwe wòl ou ,li pa diw se mwen ki fèl poko abandonew tèlman li santil pa konfòtab ,li renmenw men ou fèl tròp mal ,li paka diw konbyen vid ou kreye ,ou pa kwè nan dyalòg ou renmen fache ,ou se yon moun ki ògèye saw di se yo ki pou pase .

DOLCE

12/29/2024

. Apwantisaj

Tout sa ki pa detwiw apwann ou ,se yon fòmil lavi ki pèmèt moun grandi mantalman pou vin admèt echèk pa defèt ,se rezistans ki mete valè sou egzistans ,poukiw te lite gen rapò ak misyonw gen pou reyalize ,nonw pwal site de jenerasyon an jenerasyon pou di men sa ou te mouri kite pandanw te egziste ,prezans ou nan absans ou pwal fèw refè sifas .

Kiyès ou ye ?
Ki kotew soti?
Kisaw konn fè?

Lè wap defini oubyen dekri tèt ou pa rezime mizèw ,siw pa wè enterè ki ka soulajew nan milye wap pibliye istwaw la,oubyen siw pa gen yon group wap apwann afronte lavi.

Kotew soti a pap defini moun ou ye a men siw mennen tèt ou dwat wap reprezante kotew soti a ,ou gen obligasyon pou kontinye ak tout rèv pozitif ou yo.

Pa janm di pèsòn moun ou pa konn fè anyen paske menmsi ou pa apwann anyen lanati ap baw yon kapasite anplis nan yon domèn ke yon pakèt lòt moun ,menmsi sa wap di a paka itil ou nan moman wap dil la ,dil pou mete aksan sou moun ou ye a siw fyè de tèt ou avan moun fyè de ou fyète ap swiv ou,tout sa ki paka itil ou pa dwe zanmiw .

Kisaw dwe fè?

Respekte moun
Fè sa kap bon pou ou sanw pa deranje lòt moun ,si siksèw oubyen byen pasew baw ènmi moun sa yo se anbisyon yo kap sèvi yo maladi ,ou pap janm fin konnen pa neglije apwann de lòt
moun ,modifye ,transfòme,chanje.

Si an 2024 ou santiw pat reprezante anyen ,bon konba 2025💬✍🏿

DOLCE

12/23/2024

“ Pouse Rasin

“Ou ka pèdi tout sa w posede nan yon jou ,se sa ki fè ou dwe ede lòt moun lè se ou ki nan plas pou ede pou si yon jou ou tonbe pou repouse gras rasin ou te genyen ou pa bezwen di lèzòm engra tout moun paka menm ,ou pa bezwen ap chèche glwa pou toujou an premye ,ou pa bezwen pè pou moun pa depasew ,pa bare moun m konseyew pouse Rasin”

12/16/2024

. IsTwa Sa Poko Rakonte

Yo di se mwen ki fèw mal ,yo di se mwen ki pa’t sou bagay serye ,yo di se mwen ki vwayaje ki bliyew ,yo dim engra mwen pa rekonesan anvè moun ki fèm byen ,yo di se jwi sèlman m te vin jwi konnya bagay yo bon pou mwen m chanje💬

Vrè istwa potko rakonte ,yo pa konnen konbyen fwa ou banm imilyasyon m pa t merite ,yo pa konnen si relasyon an kraze lontan se fòse nou tap fòse ,yo pa konnen konbyen fwa ou tronpe ,yo pa konnen siw te bay zanmi plis valè pasem ,yo pa konnen konbyen fwa ou dim betiz ki blese nanm mwen,yo pa konnen konbyen fwa ou fèm soufri pou prezans ou pandan ou anfas mwen😌

Non!! Non!! Istwa sa poko rakonte✍🏿

Next…

DOLCE

12/16/2024

Klike pou Abòne avèm sou Clapper 💬

DOLCE has created a short video on Clapper | Bat pou konpwann moun ki nan viw la

12/16/2024

“ Se ou menm ki fèm konpwann lanmou pa gen rapò ak promès kap fèt yo ,lanmou pa gen rapò ak envitasyon yo ,lanmou pa gen rapò ak kado kap bay yo lanmou se jis yon koneksyon kè ak kè ,lespwi ak lespwi ,sansiblite ak sansiblite,lanmou pa rekonèt trayizon ,m ka rayi saw fèm men m pap janm rayi’w”

Klike sou lyen sa pou abòne avèm sou nouvo app sa si tout fwa ou vle viv tèt mwen yo an videyo pa bliye abòne avèm👉🏿https://clapper.vip/DOLCE07 https://clapper.vip/DOLCE07

12/08/2024

…. Tantativ Echwe

"Gen kote kè’w mennenw se pròp santimanw ki trayiw ,lannwit kon lajounen se jalouzi se nan kriye ou pase tanw ,sanw pa fè anyen se nan mande padon ou pase tanw ,pandan se ou ki gen rezon se nan flate moun ou pase tanw ,problèm yo anpil se nan stress ou pase tanw ,dèfwa ou menm peye pou lanmou ou renmen pou li a"

Se konnya mwen apwann bèl pawòl,bèl promès ,bèl otè,bèl gròsè,bèl fòm ,byen kanpe ,pa gen rapò ak bon moun ,se konnya mwen apwann lèw renmen yon moun sa pa yon rezon pou di moun sa renmenw tou ,se konnya mwen Apwann tout moun ka pansew byen kotew ye a pandanw nan posesis destriksyon😞

DOLCE

12/04/2024

. Ou pibèl ke yè

Chak jou ou gen yon aparans diferan
Menmsi ou abiye e kwafe menmjan
Ou tankou yon moun ki gen plizyè vizaj
Botew diferan nan chak kwazman
pandan ou pa janm pèdi resanblans zanj ou an
Se menm ou menm nan
Chak jou ki prezante yon vèsyon diferan.

Botew retire stresss
salitasyonw geri maladi
Tan’w ka elimine grangou
Vwaw beni moun
Ou pase ale
Konnya wap retounen
Sanw pa chanje anyen
Tout moun idantifyew Diferan

Se ou ki pi bèl nanm mwen kwaze
Se avèw kòm pi bèl fanm mwen pale
Se ou ki fèm ka di lanmou gen kò fizik
Mwen resi kwaze yon moun Ki san kritik

Tout moun akseptew bèl
Ou pibèl ke yè♥️
Se tout moun ki renmen wèw
Ou pi bèl ke yè🩷
PrezanS ou sou latè se yon mèvèy
Ou pi bèl ke yè💓
Chak fwa ou pase la ou vibrem
Ou pibèl ke yè❤️

Wi!!!!! Ou pibèl ke yè‼️

12/02/2024

11/29/2024

" Pouki m pa't gentan kwazew

M toujou ap di zanmim yo ou se yon referans fanm m renmen ,se premye fwa yon fanm fè kèm bat fò konsa Yon koneksyon dirèk san kontak ,m konn ap poze tèt mwen kesyon kiyès ou ye ,ki kotew soti ,ak kiyès wap viv ,ki kotew frekante pi souvan ,selon ankèt mwen mennen yo dim ou deja angaje😌

Poukim pa't gentan Kwazew ,avan nèg kap boulvèse laviw la te jwenn ou😪?

poukim pa't gentan kwazew avan stress ,ak dlo kap koule nan zyew chak jou a te jwenn plas😪?

Poukim pa't gentan kwazew avan nèg kap diw betiz ki pa konn valèw la te nonm ou😔?

Pouki'm pa't gentan kwazew lè tout idew te sou renmen lèw potko pèdi gou lanmou😢?

Pouki'm pa't gentan kwazew lèw te kwè lanmou pifò ke tout bagay,lèw te wè viv nan lanmou se yon vi espesyal😔?

Poukim pa't gentan kwazew avanw te kòmanse plenyen di lanmou pa fèt pou ou ,avanw te kòmanse mande lanmou padon ,avanw te marye😔?

Poukim pat gentan kwazew avan nèg kap berew nan lari a kap imilyew nan kay la ,avan nèg ki fè menmsi wap ri kèw pat janm kontan te jwenn ou😞?

🕹Omaj ak tout fanm kap fini nan yon relasyon men ki gen yon rezon ki koz yo poko ka kite🫂

DOLCE

11/24/2024

Kòman nou ye???