Godzilla Media ဂေါ်ဇီလာ မီဒီယာ

Godzilla Media ဂေါ်ဇီလာ မီဒီယာ Godzilla Media မှ နိုင်ငံတကာနှင့် မြန်မာ့သတင?

မျက်မမြင်ကျောင်းမှ ကွန်ပျူတာ◾မိတ်ဆွေ တစ်ယောက်က ကြည့်မြင်တိုင် မျက်မမြင်ကျောင်း သွားစရရှိလို့လိုက်ခဲ့ပါဆို‌လို့ လိုက်သွား...
06/02/2022

မျက်မမြင်ကျောင်းမှ ကွန်ပျူတာ

◾မိတ်ဆွေ တစ်ယောက်က ကြည့်မြင်တိုင် မျက်မမြင်ကျောင်း သွားစရရှိလို့လိုက်ခဲ့ပါဆို‌လို့ လိုက်သွားတယ်၊ ကျောင်းရောက်တော့ ကျောင်းအုပ်ဆရာမကြီးနဲ့ မိတ်ဆက်ပေးလို့ သိခွင့်ရပြီး ကျောင်းသားတွေ ကွန်ပျူတာ သင်ပေးတဲ့ အကြောင်းရောက်သွားတယ်။

◾မျက်မမြင်တွေကို ကွန်ပျူတာ ရတာကို ကျနော် မယုံချင်သလိုဖြစ်နေတာကို ဆရာမကြီးက ရိပ်မိဟန်တူတယ်၊ ကျနော်က ဂျာနယ်ထဲမှာ ထည့်ရေးချင်တယ်၊ လက်တွေ့ ကြည့်ချင်လို့ပါဆိုတော့ ဒုကျောင်းအုပ်ကို ခေါ်လိုက်တယ်၊ ဒုကျောင်းအုပ်က မျက်မမြင် တုတ်တစ်ချောင်း ‌နဲ့စမ်းတန်း၊ စမ်းတန်းရောက်လာတယ်။

◾ဆရာမကြီးက ကျောင်းသားတစ်ယောက်ခေါ်ပြီး ကွန်ပျူတာ ရိုက်တာတွေ၊ နိပ်တာတွေလိုက်ပြပေးလိုက်ပါဆိုတော့၊ ကျနော် မျက်မမြင် ဆရာနောက်ကလိုက်ရတယ်၊ ကျောင်းအပေါ်ထပ်ကို လက်တန်းလေးကိုင်ပြီး ဆရာက တက်သွားတယ်၊ သုံးထပ်ရောက်တော့ အခန်းတစ်ခုထဲ ကွေ့၀င်လိုက်တယ်၊ သူတပည့်တစ်ယောက်ကို သွားခေါ်တယ်၊ သော့တွဲလေးကိုင် တုတ်‌လေး တစ်ချောင်းနဲ့ပဲ သူ့တပည့်လေး ထွက်လာတယ်။

◾ဘာမျှ မမြင်ရပဲ စမ်းတန်း၊ စမ်းတန်း သွားနေရသူတွေက ကွန်ပျူတာကို ကျွမ်းကျွမ်းကျင်ကျင် နိပ်နိုင်တာဟာဟုတ်ပါ့မလားလို့ သံသယ၀င်နေတယ်၊ ရှေ့မှာ ကွန်ပျူ တာခန်းလို့ ရေးထားတယ်၊ တံခါးသော့ခတ်ထားတယ်၊ တပည့်ဖြစ်သူက စမ်းတန်း၊ စမ်းတန်း စမ်းရင်းက သော့ ခလောက်ကို ကိုင်မိတော့ ပါလာနဲ့သော့တန်းနဲ့ သော့ ပေါက်ကို ထိုးဖွင့်လိုက်တာ တန်းနေတာပဲ။

◾ကွန်ပျူတာ အခန်းထဲရောက်တော့ ကွန်ပျူတာ တစ်လုံးပဲတွေ့ရတယ်၊ ကျောင်းသားက နံရံတွေကို စမ်းနေရင်းက မီးခလုတ်ကို စမ်းမိတယ်၊ ကွန်ပျူတာ System ပုံးကို သွားတဲ့ မီးခလုတ်ဖြစ်မယ်၊ ဖန်ချောင်းမီးပါ ဖွင့်လိုက်တယ်၊ ပြီးတော့ ကွန်ပျူတာဆီရောက်လာတယ်၊ ပါဝါမီးခလုတ်က အောက်နားမှာ ညာဘက် ခြေမနဲ့ လိုက်စမ်းနေတယ်၊ မာတဲ့နေရာတွေ့တော့ နောက်တနေရာ စမ်းရင်က ပါဝါခလုတ်ကို ညာဖက်ခြေမနဲ့ စမ်းမိတယ်၊ ပါဝါမီး ပွင့်လာတယ်၊ ခဏနေတော့ Window တက်လာတဲ့ အသံ "တီ " ဆိုကြားရတာနဲ့ Keyboard ရှေ့က ထိုင်ခုံမှာထိုင်၊ ကီးဘုတ်ပေါ် လက်နှစ်ဖက်တင်ထားတယ်၊ လက်ဆယ်ချောင်း တင်ထားတာက စနစ်ကျတယ်၊ ကျနော်တို့ မျက်မြင်တဲ့သူတွေ ကွန်ပျူတာ စသင်ရသလို လက်ချောင်း ဆယ်ချောင်းကို တင်ထားတယ်။

◾ခဏနေတော့ Window က အကုန်အပြည့်တက်ပြီးတာနဲ့ မိန်းမလို အင်္ဂလိပ်အသံတွေထွက်လာတယ်၊ စာရိုက်ရမဲ့ Icon ကို Mouse နဲ့ Monitor ပေါ်လိုက်ရွှေ့တယ်၊ Pointer လေးက Icon တခုပေါ်ရောက်ရင် အသံထွက်တယ်၊ ဘာ Icon ဆိုပြီးပြောတယ်၊ စမ်းရင်း ရွှေ့ရင်းက စာရိုက်ရမဲ့ Software Icon ကိုတွေ့သွားတယ်။

◾ Mouse နဲ့ Left Click နှစ်ချက်နိပ်လိုက်တယ်၊ ကျနော် အံ့အော်နေတယ်၊ စာရိုက်ရမဲ့ ၀င်းဒိုးတက်လာတော့
စရိုက်ပါတော့တယ်၊ "မင်္ဂလာပါ ဆရာ"တဲ့၊ "ကျနော်တို့ ကျောင်း အကြောင်း စာရေးပေးဖို့ ရောက်လာတာ ကျေးဇူးတင်ပါတယ်" တဲ့။ စာရိုက်တဲ့ Speed ကလည်း တအားမြန်တယ်၊ Keyboard က လက်ကွက် A ကို ထိတာနဲ့ Speaker က "အေ " လို့ အသံထွက်ပေးတယ်။

◾သူ့ဆရာက မင်း အကြောင်း အင်္ဂလိပ်လို အက်ဆေး ရေးပြလိုက်အုံးဆိုတော့ မြန်မာကနေ အင်္ဂလိပ်လိုကို Keyboard ကနေပြောင်းလိုက်တယ်၊ " My name is ..." " My Father is ..." ကျနော် ဟာခနဲ ဖြစ်နေရတော့တယ်၊ Typing Scale က ကျနော်ထက်တောင်မြန်နေတယ်၊ ရေးတာတွေက အများကြီးပဲ အင်္ဂလိပ်လို စာလုံးပေါင်းရော ဝါကျဆက်တာတွေလည်း အကုန်မှန်နေတယ်၊ ၊ကွန်ပျူ တာ Skill ကလည်းမြန်၊ အချိန်တွေ အများကြီးယူ လေ့ ကျင့်ထားပုံရတယ်။ ကျနော်လည်း မျက်မြင်ကိုယ် တွေ့ တွေ့လိုက်ရတော့ ယုံသွားတယ်။

◾ကွန်ပျူတာ ပိတ်တာတွေ၊ မီးပိတ်တာတွေ ကျောင်း သားလေးပဲ လုပ်တယ်၊ သော့ပြန်ခတ်တော့ပဲသူပဲ၊ ကျနော်က Keyboard ခလုတ်တွေထိရင် အသံထွက်တဲ့ Software ကို ဘာသုံးလဲလို့ ဆရာကို မေးတော့ " Jaw" Software တဲ့၊ ကျနော် မကြားဖူးဘူးဆိုတော့ ဂျပန်ကနေ လှူထားတာ၊ မျက်မမြင်တွေ အတွက် သီးသန့်ထုတ်ထားတဲ့ Software ပါတဲ့။ အော် ဒါကြောင့် မျက်လုံး မမြင်ပေမဲ့လည်း အကြားအာရုံခံပြီး ကွန်ပျူတာကို ကျွမ်းကျွမ်း ကျင်ကျင် ရိုက်တတ်နိုင်တာကိုး။

မျိုးပိုင်
၂၀၂၂ ဇျွန် ၂

ညဥ့်နက်ရင် ရထား သံလမ်းပေါ် သရဲ စီးလား◾ညဉ့်နက်ရင် ရထားသံလမ်းပေါ် သရဲစီးတတ်လား၊ မစီးတတ်ဘူးလားဆိုတာကို မီးရထားက ကွယ်လွန်သွာ...
06/01/2022

ညဥ့်နက်ရင် ရထား သံလမ်းပေါ် သရဲ စီးလား

◾ညဉ့်နက်ရင် ရထားသံလမ်းပေါ် သရဲစီးတတ်လား၊ မစီးတတ်ဘူးလားဆိုတာကို မီးရထားက ကွယ်လွန်သွားတဲ့ သူငယ်ချင်း ရထား စက်ခေါင်းမောင်း စက်ဗိုလ်ကြီး ကိုအောင်ကိုကိုလှိုင် ကိုယ်တွေ့ ပြောခဲ့တာလေး ပြန်ပြောပါရစေ။

◾"ကျနော် ရန်ကုန်ကနေ ရထားမောင်းထွက်လာတာ
ပဲခူး နားက ဘူတာငယ်လေးရောက်တော့ သံလမ်းရှေ့တည့်တည့်မှာ လူတစ်ယောက် လှုပ်ရှားနေတာကို ဘွားခနဲ မြင်လိုက်ရတယ်၊ ရထားကလည်း လိုင်းကလီးယား (ရထားဖြတ်သန်းခွင့်) ရထားတာမို့ အရှိန်မလျော့တော့ပဲ တစ်နာရီ သုံးဆယ့်ငါးမိုင်နှုန်း မောင်းလာတယ်"

◾" ကျနော် စက်ခေါင်းကနေ ဟွန်းတီးနေတယ်၊ အဲ့လူက မထဘူး၊ လှုပ်ရှားနေတာတွေ့ရတယ်၊ ရထားဆိုတာ ကားလို ချက်ချင်း အရှိန်‌လျော့ ရပ်မရဘူးဗျ၊ ကားလိုရပ်လိုက်ရင် နောက်ကပါတဲ့ ခရီးသည်တွေ ရထားမှောက်သေရမှာ၊ ကျနော် မျက်လုံး ဇုန်မှိတ်လိုက်တယ်၊ ဒုတ်ဒုတ်ဆိုတဲ့ အသံကြားလိုက်ရပြီ၊ သွားပြီး ငါ တော့ လူတိုက်မိပြီပေါ့"

◾"ရှေ့က ရပ်ရမဲ့ဘူတာရောက်တော့ တာ၀န်ကျ ရုံပိုင်ကို ကျနော်တို့က ရထားတိုက်မူ ဖြစ်စဉ်ကို ချက်ချင်းသတင်း ပို့ရတယ်၊ နောက်တစ်ပတ်တော့ သတင်း ပြန်ကြား ရတော့တာပဲ၊ ကျနော်တို့ တိုက်ခဲ့သူက မီးရထားက လမ်းခွဲကိုင် (ဂျမဒါ)၊ ဆွမ်းသွတ်တဲ့နေ့က သူမိန်းမကို ၀င်စီးပြောတယ်၊ သူက ရထားကို လမ်းရှင်းပေးအပြီး အပြန်မှာ ဘူတာရှေ့ရောက်တော့ မည်းမည်းနဲ့ လူထွားကြီး လိုက်လာပြီး သူ့ကို နပန်း ၀င်လုံးပြီး သံလမ်းပေါ်မှာ သူ့ကိုယ်လုံးကြီးနဲ့ ဖိထားတယ်တဲ့၊ အင်းအားချင်း မမျှတော့ မရုန်းနိုင်ဘူးတဲ့၊ လက်တစ်ဖက်သာ လှုပ်နိုင်လို့ ခြေတောက်က ဖိနပ် တစ်ဖက်နဲ့ တာ၀န်ကျ ဘူတာရုံပိုင် ရုံခန်းကို ဖိနပ်နဲ့ လှမ်းပစ် အကူညီတောင်းတယ်တယ်တဲ့၊ ရုံပိုင်လေးက မကြားလို့ ထွက်မလာတော့ ခုလို ရထားအတိုက်ခံ သေရတာပါတဲ့"

◾" သူ အဲ့လို ၀င်းစီးပြောတော့ ရုံပိုင်လေးက ဘူတာ‌ရှေ့နား သွားကြည့်မှ တကယ်ပင် သူ့ဖိနပ်လေး တစ်ဖက်တွေ့ရတယ်၊ ရုံပိုင်လေးလည်း ခြောက်ခြားသွားတယ်၊ တောဘူတာဆိုတာ ရုံပိုင်လေးနဲ လမ်းခွဲကိုင်သာ ရှိတတ်တာမျိုးလေ"

◾ ည သန်းခေါင်းကျော် မည်းမည်းနဲ့ လူထွားကြီးဆိုတာ သရဲဟု ခေါ်မလား၊ ကံကုန်သွားလို့ ယမမင်းက အသက်နုတ်ဖို့ လွတ်လိုက်သူလား စဉ်းစားစရာပင်။ ရထားလမ်း ပေါ် အိပ်ကြလို့ ရထားအတိုက်ခံ သေရတာတွေ အများကြီးကြားဖူးတယ်၊ ညဉ့်နက်မှာ အတိုက်ခံရတာတွေများတယ်၊ ဘယ်လို အတိုက်ခံရလဲဆိုတာတော့ မသိ၊ စက်ဗိုလ်ကြီး ပြောသွားသလို လူတိုင်း ၀င်စီးခံရသလားဆိုတာလည်း စဉ်းစားစရာပါ။

◾နေ့ခင်ပိုင်း မူးလို့ရူးလို့ ရထားတိုက်ခံရတာရှိ၊ ညပိုင်း မူးလို့ အတိုက်ခံရတာရှိ၊ ည ဘက် ပူလို့ သံလမ်းရှေ့ထွက်အိပ်လို့ အတိုက်ခံရတာလည်းရှိ၊ ရထားစက်ခေါင်းမောင်းတွေ အဆိုရတော့ ညဉ့်နက်ပိုင်းတွေ ရထားတိုက်ခံရတာ များတယ်ဟု ဆိုကြတယ်။

မျိုးပိုင်
၂၀၂၂ ဇျွန် ၁
ဓါတ်ပုံ - ခရစ်တစ်

အင်္ဂလန်က မြန်မာ ပါမောက္ခနဲ့ HND အကြောင်း◾ရန်ကုန်၊ ဆူးလေဘုရားလမ်းနဲ့ ဗိုလ်ချုပ်လမ်းထောင့်က အရင် Trader ဟိုတယ်၊ အခု ရှန်...
06/01/2022

အင်္ဂလန်က မြန်မာ ပါမောက္ခနဲ့ HND အကြောင်း

◾ရန်ကုန်၊ ဆူးလေဘုရားလမ်းနဲ့ ဗိုလ်ချုပ်လမ်းထောင့်က အရင် Trader ဟိုတယ်၊ အခု ရှန်ဂရီလာဟိုတယ် မှာ ပညာရေးအကြောင်း ဆွေးနွေးပွဲ ( Seminar) တစ်ခု ရှိလို့ သွားတက်ခဲ့တယ်။

◾အင်္ဂလန် ဗစ်တိုရီးယား တက္ကသိုလ် ကောလိပ်မှာ ပါမောက္ခ လုပ်နေတဲ့ ဒေါက်တာနေဝင်းနိုင် က HND အကြောင်း မိတ်ဆက်ပြောတာ စိတ်ဝင်စားသွားပြီး ဆရာနဲ့ အင်တာဗျူး လုပ်ချင်တယ်ဆိုတော့ သူဆီလာခဲ့ဖို့ ချိန်းလိုက်တယ်။

◾အင်္ဂလန်က ပါမောက္ခကြီးဖြစ်ပေမဲ့ ဆရာက မာန်မာနမရှိ၊ မျက်နာပြုံးချိုနေတယ်။ သူ့သားအရွယ် ကျနော်ကိုလည်း ဆရာနဲ့ကျနော် ဆိုပြီး တလေးတစား ဆက်ဆံတယ်၊ အင်္ဂလန်တက္ကသိုလ်က ပါမောက္ခကြီးကို ဗျူး ရမှာဆိုတော့ ကိုယ့်အကြောင်းကိုယ် အရင်မိတ်ဆက်လိုက် တယ်။

◾"ကျနော်က သာမာန် ဘွဲ့လေး ရထားသူပါ။ အင်္ဂလန်ပညာရေး အကြောင်းဘာမှ မသိဘူးဆရာ။ ကျနော် အပါဝင် စာဖတ် သူတွေသိရအောင် ဆရာကို လာမေးတာပါ" ဆိုတော့ ဆရာက သဘောကျသွားတယ်။

◾"ဟုတ်တယ်ဗျ၊ ဘာမှ မသိရင် မသိဘူးလို့ ဝင်ခံထား‌ တော့ ပြောလို့ ကောင်းတာ‌ပေါ့ဗျာ၊ ဟိုတနေ့ကဗျာ ကျနော့်ဆီကို ပိုက်ဆံအရမ်းချမ်းသာတဲ့ အမျိုးသမီးတစ်ဦး ရောက်လာတယ်ဗျာ၊ အင်္ဂလန်မှာ သူ့သားကို ကျောင်းထားပြီး အင်္ဂလန်မှာ ပိုက်ဆံ အများဆုံးရတဲ့ အလုပ်ကိုလည်း တခါတည်း ရှာပေးပါတဲ့"

◾"ကျနော်က အမျိုးသမီးကိုကြည့်ပြီးပြုံးမိလိုက်တယ်၊ အင်္ဂလန်မှာ ပိုက်ဆံ အများဆုံးရတဲ့အလုပ်က မိလ္လာပိုက်ဆက် ပိုက်ပြင်တဲ့ အလုပ်ဗျ၊ ကျနော်တို့လို ပါမောက္ခတစ်ယောက်က တစ်ပတ်ဝင်ငွေ ပေါင်နှစ်ထောင်လောက်ပဲရတာဗျာ၊ မိလ္လာ ပိုက်ပြင်တဲ့သူတွေက တစ်ပတ် ပေါင် တစ်သောင်းလောက် အနည်းဆုံး ဝင်တယ်ဗျာ"

◾" အင်္ဂလိပ် လူမျိုးဆိုတာ ဆရာသိတဲ့အတိုင်းပဲအောက်တန်းကျတဲ့ အလုပ်မျိုး ဘယ်တော့မှ မလုပ်ချင်ကြဘူး၊ ပိုက်ဆံ ဒီလောက်အများကြီး ဝင်ငွေရှိတဲ့သူကို ဘာပါတီပွဲမှ မဖိတ်ကြဘူး၊ မိလ္လာ ပိုက်ပြင်တာက ဘာပညာရေးမှ မလိုဘူး၊ ပိုက်ပြင်တဲ့အလုပ် လုပ်တဲ့သူကရှားတော့ ရက်ချိန်း အကြာကြီး စောင့်ရတယ်၊ တစ်ခါ တလေ တစ်လလောက် စောင့်ရတာ"

◾"ဆရာက ပညာရေးအကြောင်း သိချင်တယ်ပြောလို့ ပြောရအုံးမယ်၊ အင်္ဂလန်မှာက HND ခေတ်စားနေတယ်။ HND ဆိုတာ Higher National Diploma ဗျ၊ အင်္ဂလန်မှာ ၁၉၂၀ လောက်ကတည်းကရှိတာ၊ နှစ်နှစ်တက်ရတယ်။ နှစ်နှစ်ပြီးလို့ တက္ကသိုလ် ဆက်တက်ချင်တယ်ဆိုရင် တက္ကသိုလ် တတိယနှစ်က စပြီး ပြန်တက် လို့ရတယ်၊ အင်္ဂလန်ပညာရေးက ကျောင်းသား ဗဟိုပြု ပညာရေး ( Student base )ဗျ၊ မြန်မာမှာလို ဒါသင်၊ ဒါကျက်၊ ဒါရေး၊ ဒါဖြေ စတဲ့ ပညာရေး ကို အခြေခံတဲ့ပုံစံ
( Eduction base ) မဟုတ်ဘူးဗျ"

◾"HND ဆိုတာ မြန်မာမာဆို GTC နဲ့ နည်းနည်း ဆင်တူတယ်၊ အင်္ဂလန်မှာက HND ကို တက်ပြီးဆိုတာနဲ့ စာတွေ့ရော လုပ်ငန်းခွင်ထဲရော ချက်ချင်း ဆင်းရတာ၊ ဆရာဝန်လုပ်ချင်၊ ဆေးလိုင်း ဝါသနာပါတယ်ဆို ဆေးလိုင်းနဲ့ ပတ်သက်တဲ့ ဘိုင်အိုတို့ ဘာတို့ကို အရင် အင်တာဗျူး ဝင်ရတာ၊ မြန်မာမှာလို ဆယ်တန်း အမှတ်နဲ့ သွားရသလို မဟုတ်ဘူး၊ မြန်မာ ဆယ်တန်းအောင်တာနဲ့ အင်္ဂလန်မှာ HND လျှောက်လို့ရတယ်၊ HND မှာ ဘာသာရပ်တွေက အများကြီးရယ်၊ ဆေးလိုင်း၊ အင်ဂျင်နီယာလိုင်း၊အိုင်တီ၊ စီးပွားရေးလိုင်း အစုံရှိတယ်"

◾HND တက်နေတုန်း အချိန်ပိုင်းအလုပ် ဝင်လုပ်လို့ ရတယ်။ တစ်နာရီ ပေါင်နှစ်ဆယ်လောက် စပြီးရမယ်၊ အင်္ဂလန် လုပ်ငန်းရှင်တွေကလည်း HND သမားကို ဦးစားပေး အလုပ်ခန့်တယ်၊HND မှာ လစဉ်ကျောင်းသား တွေရဲ့ Role တွေ ကြေငြာပေးထားတယ်။ လုပ်ငန်းရှင်တွေက HND ကျောင်းကို လာပြီး ကျောင်းသား တွေကို လာခေါ်ရတာ၊ Role မြင့်တဲ့သူတွေကို အပြိုင် အဆိုင် ပေါင်များများ ပေးခေါ်ကြတယ်"

◾"အဲ့လိုဆိုတော့ ကျောင်းသားတွေက HND ကို အရွေးများ လာတာပေါ့၊ တက္ကသိုလ် ဆက်တက်တဲ့ သူတွေလည်း ရှိပါတယ်၊ ပါမောက္ခ ဂုဏ်ရဖို့ ပရေဖက်ဆာလို့ အသိအမှတ်ပြုခံရဖို့ နိုင်ငံရေး နယ်ပယ်မှာ ဂုဏ်ဒြပ်‌၊ ရာထူးကြီးနဲ့ ဝင်ဆံ့ချင်ဖို့ဆိုရင် တက္ကသိုလ်ဆက်တက်ပေါ့ဗျာ"

◾" နောက်တစ်ခုက အင်္ဂလန်မှာက တော်ဝင်မိသားစုတွေက ညစာ စားပွဲဖိတ်ရင် ပညာတတ် အလွှာ‌တွေကိုပဲ ဦးစားပေး ရွေးဖိတ်တာ။ မိလ္လာ ပိုက်ဆက်ပြီး မာစီဒီးကားအကောင်းစားစီး ကျိကျိတက် ချမ်းသာနေလည်း မဖိတ်ဘူးဗျ၊ အင်္ဂလန်မှာက တော်ဝင် မိသားစုနဲ့ဝင်ဆံရတာကိုက ဂုဏ်တစ်ခုဗျ"

◾အင်္ဂလန်မှာက ကလေးတွေကို မရိုက်ရဖူးဗျ၊ ကလေးတွေကို ငေါက်မိရင်တောင် ကလေးက သွားတိုင်ရင် တရားစွဲ ခံရမယ်၊ အင်္ဂလန်မှာ သူတောင်းစားမရှိဘူး၊ အလှူခံမယ်ဆိုရင် မြူနီစပယ်မှာ လျှောက်လွှာ သွားတင်ရတယ်၊ ဘာကြောင့် အလှူခံရတယ်၊ ဘယ်နေရာ၊ ဘယ်အချိန်က ဘယ်ချိန်အထိ အလှူခံပါ့မယ်ဆိုပြီး လက်မှတ် ထိုးရတယ်၊ အချိန်ပြည့်လို့ အလှူခံတာ မရပ်သေးရင် ရဲက လာဖမ်းမယ်"

◾"မြန်မာမှာလည်း HND ဝင်ခွင့်ရဖို့ ကျနော် လုပ်ပေးနေပါ တယ်။ နောက်ပြီး မြန်မာမှာ ပထဆုံး HND ကျောင်း ကျနော် စဖွင့်မယ်"

◾ဆရာနဲ့ တစ်နာရီနီးပါး စကားပြောရတာ ဗဟုသုတ တော်တော် ရခဲ့တယ်။ အခုတော့ ဆရာလည်း မရှိတော့ပါ။ ကောင်းရာဘုံဘဝ ရောက်နေပါစေ။ ဗိုလ်အောင်ကျော်နဲ့ အနော်ရထားလမ်းထောင့်အနီး ဆရာ့ကျောင်း ရှေ့ရောက်တိုင်း ဆရာနဲ့ တွေ့ဆုံခဲ့တာကို အမှတ်ရ နေမိတော့တယ်။

မျိုးပိုင်
၂၀၂၂ ဇွန် ၁

လှည်းတန်းလို ဂျပန်◾ရန်ကုန် လှည်းတန်း ဈေးတန်းလို ဂျပန်မှာလည်းရှိတယ်။ လှည်တန်းနဲ့ အကွာကြီး ကွာတာတော့ လှည်းတန်က မီးသွေးမီး...
05/31/2022

လှည်းတန်းလို ဂျပန်

◾ရန်ကုန် လှည်းတန်း ဈေးတန်းလို ဂျပန်မှာလည်းရှိတယ်။ လှည်တန်းနဲ့ အကွာကြီး ကွာတာတော့ လှည်းတန်က မီးသွေးမီးဖိုလေးတွေ သုံးတယ်၊ ဂျပန်က ဂတ်စ်မီးဖိုတွေသုံးတယ်။

◾ဂျပန်တွေက အလုပ်ကြိုးစားတယ်၊ အလုပ်လုပ်ရင် အမြန် အမြန်လုပ်တတ်တယ်၊ ညနေပိုင်း ညဈေးတန်းထွက်ဖို့ တွန်းလှဲကို ကိုယ်တိုင် တစ်ယောက်တည်း ဆွဲထွက်လာတယ်။

◾ဆိုင်ခင်းမဲ့နေရာ ရောက်တော့ တွန်းလှည်းကို ဂျိုက် ထောက်၊ ဆိုင်ပုံစံသေးသေးးလေးဖြစ်အောင် တံခါးတွေ ထိုင်ခုံတွေ တပ်ရတယ်။ ဆိုင်မှာရတဲ့ အစားအစာတွေကို ဆိုင်ပတ်လည်မှာရေးပြီးချိတ်၊ ဆိုင်ခင်းနေတုန်း ရေနွေးကျိုထားရ၊ ဟင်းရည်ကျိုထားရ၊ အသားပြုတ်ထားရ အဆင်သင့်ဖြစ်အောင် လုပ်ထားရတယ်။

◾ဂျပန်တွေက ဆိုင်းခင်းနေတုန်း မလာကြ၊ ဆိုင်ခင်းပြီးလောက်မှ တဖွဲဖွဲလာကြတော့တယ်၊ ကြော်၊ ချက် ၊ ပြုတ်လုပ်သူကလည်း အင်မတန် ကျွမ်းကျင်တယ်၊ မှာလိုက်တဲ့ဟာကို မိနစ်အနည်းငယ်တွင်း ရအောင်လုပ်ပေးတယ်။

◾အသားစိမ်းတွေကို လှီးပြီးမှ ဂတ်စ်နဲ့ အပူပေးတယ်၊ ခေါက်ဆွဲကြော်ဆိုလည်း မြန်မှမြန်၊ ဒယ်အိုးပြားနှစ်ခုပဲ သုံးတယ်၊မွှေတော့ ဇွန်းမသုံး၊ တူနဲ့‌ မွှေလိုက် ဒယ်ပြားကို လက်ကိုင်က ကိုင်ပြီး အပေါ်မြောက်လိုက် အောက်ချလိုက်လုပ်တာ။

◾ရန်ကုန် လှည်းတန်းက ဈေးရောင်သူတွေနဲ့ ကွာတာက
လှည်းတန်းက ဈေးရောင်းတဲ့တွန်းလှည်းတွေက ဆိုင်ပုံစံ မဟုတ်၊ ဈေးတွန်းလှည်းတွေက တဆက်တည်း ကပ်နေကြတာ၊ ဂျပန်က တစ်ဆိုင်နဲ့တစ်ဆိုင်ကွာတယ်၊ လှည်းတန်းက လူကြတာများရင် စောင့်ရတာကြာတယ်၊ ဂျပန်တွေက အလုပ်လုပ်တာ အရမ်းမြန်တယ်၊ အရမ်းလည်း ကျွမ်းကျင်တယ်။ လူကြလာလည်း သိပ်မစောင့်ရ။

◾ဂတ်စ်အိုးတွေ သယ်လာပြီး ဂတ်စ် ပိုက်လိုင်းတွေနဲ့ချိတ်လိုက်တယ်၊ ရေနွေးအိုးကို လွတ်တဲ့ ဂတ်စ်က တမျိုး၊ ထမင်းပေါင်အိုးကို လွတ်တာ တမျိုး၊ အသားကင်တာက တမျိုးနဲ့ မျိုးစုံလုပ်ထားတယ်၊ မြန်မာမှာတော့ မတွေ့ဖူးသေးပါ။ လှည်တန်းမှာတော့ မီးသွေးမီးဖိုလေး ယပ်ခပ်ပြီး လုပ်နေရတာ။

◾အသီးအရွက်တွေက မြန်မာပြည်မှာလို လတ်လတ် ဆတ်ဆတ် ရနိုင်တဲ့ ဂေါ်ဘီထုပ်၊ ငရုတ်ပွသီး၊ ပဲသီး၊ကြက်သွန်နီ၊ ကြက်သွန်မိတ် အစုံပါတယ်၊ ဂျပန်က ကြက်ဥကြော်ကို အသီးအရွက်၊ မဆလာ တွေထည့်‌ မွှေကြော်တယ်၊ မြန်မာ ထမင်းပေါင်းလိုမျိုးကို အလယ် ကြက်ဥ အစိမ်းလိုက်ဖောက်ထည့်ပေးတယ်၊ ဂျပန်တွေက ကြက်ဥ အစိမ်းရည်လေးကို သောက်လိုက် ထမင်းပေါင်းထဲက အသီးအရွက်ကြော်လေး စားလိုက်လုပ်ကြတယ်။

◾ဂျပန်တွေက အစားအသောက်ချက်ပြုတ်၊ ကြော်ရာမှာ ခရင်း ညှစ်ဘူးသုံးတာ၊ ဆီကိုတောင် ကော်ဘူးထဲထည့်ပြီး ညှစ်ထည့်လိုက်တာ၊ မြန်မာက ငါးကျပ်သား၊ တဆယ်သားခွက်လေးနဲ့ မှန်းထည့်ကြတာ၊ ထည့်ရမဲ့ အချိုးအစားကို ဘူးကို ချိန်ဆပြီး ညစ်ထည့်ကြတာ တွေ့ရတယ်။ ဂျပန်ခေါက်ဆွဲကြော်က တရုတ်ခေါက်ဆွဲကြော်လိုမျိုး မဟုတ် ရန်ကုန်က ပန်းသေး ခေါက်ဆွဲကြော်မျိုး၊ အသီးအရွက်တွေနဲ ခရမ်းချည်သီးလှီးထည့် မဆလာ
ထည့်ပြီး ကြော်လိုက်တာပါပဲ။

မျိုးပိုင်
၂၀၂၂ မေ ၃၁

နှင်းပုလဲ ထမင်း စားဖူးကြလား◾နှင်းပုလဲဆိုတာ ဘီးလင်းမြို့နယ်ထဲက မီးရထားဘူတာရှိတဲ့ နေရာလေး၊ ရန်ကုန်-မော်လမြိုင် ရထားလမ်းပေါ...
05/30/2022

နှင်းပုလဲ ထမင်း စားဖူးကြလား

◾နှင်းပုလဲဆိုတာ ဘီးလင်းမြို့နယ်ထဲက မီးရထားဘူတာရှိတဲ့ နေရာလေး၊ ရန်ကုန်-မော်လမြိုင် ရထားလမ်းပေါ်ကနေရာလေး၊ ရန်ကုန်ကနေ မနက်ရထားထွက်တာနဲ့ နေ့လယ် ထမင်းစားချိန်လောက်ရောက်တဲ့ ဘူတာလေး။

◾ရန်ကုန်-မော်လမြိုင် ရထားနဲ့ စုန်ချီ၊ ဆန်ချီ ကုန်ကူးသန်း သွားနေကြသူတွေဆိုရင် နှင်းပုလဲရောက်မှ ထမင်း၀ယ်စားကြတယ်။ လမ်းမှာ ရထားပျက်ရင်တောင် ဘယ်လောက်ဆာဆာ အောင့်အီးနေကြတာ၊ ရထားပြန်ကောင်းလို့ထွက်မှ နှင်းပုလဲရောက်မှ ထမင်းစားကြတာ။

◾ရထားနဲ့ လိုက်ပါလာတဲ့ တာ၀န်ကျ မီးရထား၀န်ထမ်းတွေလည်း နှင်းပုလဲဘူတာရောက်မှ ဆင်း၀ယ်စားတယ်၊ခရီးသည်တွေလည်း ဆင်း၀ယ်စားကြနဲ့ နှင်းပုလဲဘူတာကို ထမင်း၀ယ်စားသူများလွန်းသဖြင့် ရထားပင် ကြာကြာရပ်ပေးထားရတယ်၊ ပုံမှန် သုံးမိနစ်သာ ရပ်ပေးသော ရထားက ငါးမိနစ်လောက် ရပ်ပေးရတယ်။

◾ထမင်းရောင်းသူတွေက အများကြီးပေမဲ့ ဘယ်ဆိုင် ၀ယ်၀ယ် လက်ရာတွေက အတူတူပင်၊ ဆိုင်တိုင်းကလည်း ရောင်းချတာ တူတယ်၊ ငှက်ပျောဖက်နဲ့ ထုပ်ရောင်းတယ်။ ဘာဟင်း ဖြစ်ဖြစ် အရသာရှိတယ်၊ ဟင်းရည် ကြိုက်သလောက်ဆမ်းခိုင်း ဆမ်းပေးတယ်၊ ဟင်းအပြင် ငပိကြော်၊ သခွားသီး၊ အချည် အစုံထည့်ပေးတယ်၊ အစားကြီးသူဆို နှစ်ထုပ်၀ယ်စားကြရတယ်။
ကြက်သားဟင်းနဲ့ ရောင်းကောင်းဆုံး၊ ထမင်းတစ်ထုပ် ကြက်ပေါင်တစ်ချောင်း သို့ဟုတ် ရင်အုပ်တစ်ခု။

◾နှင်းပုလဲ ဘူတာ ရောက်ခါနီးပြီးဆိုတာနဲ့ ဗိုက်ဆာနေကြပြီ၊ ကြက်သားဆိုရင် ဗမာကြက်၊ နူးအိဖက်နေတာ၊ ဇွန်းနဲ့ အသာဖဲ့စားလို့ရတယ်၊ ဟင်းနှစ်ကလည်းမွှေး ငပိကြော်ကလည်း မစပ်တစပ်နဲ့ သခွားသီးလေးကိုက်စားရတာ အရမ်းအရသာရှိမှရှိ။ ချည်ပေါင်ကြော်လေးကပါသေး။ အောက်က ဌက်‌ပျောဖက် အနံ့လေးကလည်းသင်းနေတော့ စားရတာ ၀တယ်မရှိ၊ စားပြီးရင် စားချင်ပါပဲ။

◾ရထားနဲ့ ခရီးသွားဖူးတဲ့သူတွေဆို သိပါလိမ့်မယ်၊ ဌက်ပျော်ဖက်နဲ့ ရောင်းတာဆိုလို့ ရန်ကုန်-မန်းလေး လမ်းပိုင်းက ကျောက်ဆည် ဘူတာ၊ မန်းလေး-မြစ်ကြီးနား လမ်းပိုင်းက ၀က်လက်ဘူတာနဲ့ ရန်ကုန်-မော်လမြိုင် လမ်းပိုင်းက နှင်းပုလဲဘူတာနဲ့ ဌက်ပျောဖက်နဲ့ မဟုတ်ပေမဲ့ စားကောင်းတဲ့ ဘူတာတစ်ခုရှိသေးတယ်၊ သာစည်-ရွှေညောင် လမ်းပိုင်းက ခွေးရုပ်ဘူတာလေး။

◾နှင်းပုလဲ ဘူတာက ရောင်းတာ အကောင်းဆုံးဟု ဆိုရမယ်၊ ဆန်ကလည်းကောင်း၊ ဟင်းချက်လည်းကောင်း၊ ဒုတိယ အကောင်းဆုံးက ၀က်လက်ဘူတာ၊ ရွှေဘို မရောက်ခင် ၀က်လက်ဘူတာ၊ ၀က်လက်ကလည်း ဟင်းချက်လက်ရာ ကောင်းတယ်၊ စေတနာပါတယ်၊ ၀က်လက်က နှင်းပုလဲလိုမဟုတ် အရံဟင်း တစ်ခုမှမပါ။ ကျောက်ဆည်လည်း ကောင်းတော့ ကောင်းပါတယ် ဟင်းရံမပါ။ ခွေးရုပ်ကတော့ ရထားလွန်ထိုးတွေ လုပ်နေတုန်း လူတွေက တောင်ပေါ်ကနေ ခြေလျင်ပြေးဆင်းပြီး ဆိုင်ထိုင်စားရလို့လားမသိ တမျိုးကောင်းပြန်၏။

◾နှင်းပုလဲ ထမင်းစားမိရင်တော့ မိန်းမလက်ရာ မေ့လောက်တဲ့ အပြင် မိန်းမပါမေ့သွားတယ်၊ အချို့ ရန်ကုန်က သူတွေက နှင်းပုလဲထမင်းကို လူကြုံ မှာစားတတ်တယ်၊ ဈေးကလည်းချို အရသာကလည်းရှိ၊ သန့်လည်း သန့်ဆိုတော့ နှင်းပုလဲကို ပိုစွဲရတာပေါ့။

မျိုးပိုင်
၂၀၂၂ မေ ၃၀
ဓါတ်ပုံ - ခရစ်တစ်
#မျိုးပိုင်

ကမ္ဘာအေး မဟာပါသာဏ လိုဏ်ဂူတော် လပေါင်းများစွာ အချိန်ယူ၍ ပြင်ဆင်နေရန်ကုန်၊ မေ ၃၀ရန်ကုန်မြို့၊ မရမ်းကုန်းမြို့နယ်၊ ကမ္ဘာအေး...
05/30/2022

ကမ္ဘာအေး မဟာပါသာဏ လိုဏ်ဂူတော်
လပေါင်းများစွာ အချိန်ယူ၍ ပြင်ဆင်နေ

ရန်ကုန်၊ မေ ၃၀

ရန်ကုန်မြို့၊ မရမ်းကုန်းမြို့နယ်၊ ကမ္ဘာအေးကုန်းမြေရှိ မဟာပါသာဏ လိုဏ်ဂူတော်ပြင်ဆင်မှုကို လုပ်ဆောင်နေလျက်ရှိရာ လာမည့် အောက်တိုဘာလ၌ အပြီးလုပ်ဆောင်နေကြကြောင်း ဂေါပကအဖွဲ့မှ သိရသည်။

အဆိုပါ မဟာပါသာဏ လိုဏ်ဂူတော်ကို လွန်ခဲ့သော ၂၀၂၁ ခုနှစ်၊ အောက်တိုဘာလမှစတင်ကာ အကြီးစားပြုပြင်မှုများ လုပ်ဆောင်နေခြင်းဖြစ်ပြီး အပိုင်းနှစ်ပိုင်းခွဲ၍ ပြင်ဆင်နေကြောင်း၊ လက်ရှိကာလတွင် လေးပုံသုံးပုံလောက် ပြင်ဆင် ပြီးစီးနေပြီး လာမည့်အောက်တိုဘာလ ၌အပြီးမျှော်မှန်းထားခြင်းဖြစ်ကြောင်း၊ လက်ရှိတွင် ဒုတိယထပ်နှင့် တတိယထပ် တို့ရှိ ကြမ်းခင်းများ အက်ကွဲနေမှုကို အက်ကွဲကြောင်းများရှိရာသို့ ရေလုံသောနည်းပညာဖြစ်သည့် Mapeband ဖြင့် လုပ်ဆောင် နေကြခြင်းလည်းဖြစ်သည်။

အဆိုပါ ကမ္ဘာအေး မဟာပါသာဏလိုဏ်ဂူတော်ကြီးမှာ မြန်မာနိုင်ငံတွင် ဆဋ္ဌသင်္ဂါယနာတင်ပြုလုပ်ခဲ့ရာ အဆောက်အအုံ ကြီးလည်း ဖြစ်ပြီး ၁၉၅၄ ခုနှစ်၊ မေလ ၁၀ ရက်က တည်ဆောက်ပြီးစီးခဲ့ရာ လက်ရှိတွင် နှစ်ပေါင်း ၇၀ နီးပါးသက်တမ်းရှိလာ ခဲ့ကြောင်း၊ ယင်းပြုပြင်မှုလုပ်ငန်းများ ပြီးစီးပါက ကမ္ဘာအေးကုန်းမြေ အတွင်းရှိ ရွှေဟင်္သာကျောင်း ခြောက်ဆောင်သို့ သွားသော လမ်းကိုလည်း အရှည် ၈၅၀ ပေ၊ အကျယ် ၂၄ ပေ၊ ထု ၇ ပေ ရှိသည့် ကွန်ကရစ်လမ်းအဖြစ် လမ်းခင်းကျင်းရန် စီစဉ်ထားကြောင်း၊ လက်ရှိတွင် လမ်းနှင့်ပတ်သက်၍ ဆောက်လုပ်ရေးဝန်ကြီးဌာန၊ လမ်းဦးစီးဌာနက ဒီဇိုင်းပြုလုပ်ကာ မြေပြင်အခြေအနေတိုင်းတာမှုများကို လုပ်ဆောင်နေကြောင်း သိရသည်။

ထိုလိုဏ်ဂူတော်ကြီးတွင် ထေရဝါဒ ဗုဒ္ဓဘာသာ နိုင်ငံပေါင်း ငါးနိုင်ငံမှ သံဃာတော် အပါး ၂၅၀၀ ဖြင့် ဆဋ္ဌသင်္ဂါယနာတင်ခြင်းကိုလည်း ငါးရက်ကြာအောင် ထူးခြားစွာပြုလုပ်ကျင်းပခဲ့ဖူးကြောင်း သိရသည်။

သုတ
၂၀၂၂ မေ ၃၀

အဆာမပြေတဲ့ အညာ ရေ◾နံပါတ်တစ် အရေးအကြီးဆုံးက အာဟာရလို့ မြတ်စွာ ဘုရားဟောတော်မူ၏။ အာဟာရထဲမှာ ရေမပါလို့ မဖြစ်၊ ထမင်း အသက် ခုန...
05/30/2022

အဆာမပြေတဲ့ အညာ ရေ

◾နံပါတ်တစ် အရေးအကြီးဆုံးက အာဟာရလို့ မြတ်စွာ ဘုရားဟောတော်မူ၏။ အာဟာရထဲမှာ ရေမပါလို့ မဖြစ်၊ ထမင်း အသက် ခုနှစ်ရက်၊ ရေအသက် တစ်မနက်ဟု ဆိုရိုးစကားလည်းရှိတယ်၊ အသက်ရှင်ရပ်တည်ဖို့အတွက် သောက်သုံးရေ ရနေဖို့လို၏။

◾မိုးခေါင် ရေရှား အညာလိုဒေသမှာက လူအတွက်သာ မက ကျွဲနွားတိရိစ္ဆာတွေ တိုက်ဖို့ ရေကိုလိုက်ရှာရတယ်။ရှေးက သူကြီး သူမများ အမျော်အမြင်ရှိမူကြောင့် ရွာထိပ်မှာ မိုးရေကန်ကြီးတူး ပတ်လည်မှာ အရိပ်သစ်ပင်ကြီးတွေစိုက်ခဲ့တော့ ကျွဲနွားသောက်ဖို့ရေသာမက သုံးရေကိုရခဲ့တယ်။

◾အညာမှာက ရေဟာ အသက်ပဲ။ နေရာအများအပြား ရေတွင်း တူးမရ၊ တစ်ရွာမှာ ရေတွင်းတစ်ခုသာ ရှိသလို ရေမထွက်တဲ့ရွာတွေလည်းရှိတယ်။ ရေထွက်တဲ့နေရာကို နွားလှည်းနဲ့ ရေတိုက်ထွက်ရတယ်။ အလှူရှင်ရှိလို့ ရေကားလာရင် သောက်ရေအတွက် ပုံးလေးတွေနဲ့ တန်းစီထွက်လာကြတယ်။ မြို့ပေါ်ကလာလှူတဲ့ ရေချိုကို အရမ်းမက်ကြတယ်၊ စားစရာထက် ရေချိုကို ပိုမက်တယ်။

◾လူသောက်ဖို့၊ သုံးဖို့ရေ အပြင် စိုက်ပျိုးရေအတွက် မိုးကိုမျော်ရပြန်တယ်၊ မိုးခေါင်တဲ့နှစ်တွေဆို စိုက်ပျိုးမဖြစ်၊ တောင်ယာမလုပ်ရ၍ မြို့တက်ရရာ အလုပ်ရှာလုပ်ရပြန်တယ်၊ လက်သမား၊ ပန်းရံ၊ အုတ်ဖုတ်၊ မီးသွေးဖုတ်၊ ဆံပင်ရှင်း စတဲ့အလုပ်တွေလုပ်ရတယ်။

◾ကန်တို့ ဆည်တို့ နားနီးတဲ့ရွာတွေက စိုက်ပျိုးရေရပေမဲ့ သောက်ရေအတွက် ခက်နေပြန်တယ်။ မြို့ပေါ်က သောက်ရေကားကိုလှမ်းမှာသောက်ရအောင်လည်း မြို့ပေါ်ရေကားတွေက မြို့ပေါ်ကလူတွေကိုတောင် အလျှင်မှီအောင်မပေးနိုင်။

◾မီးလာမှ ရေစက်တွေက ရေတင်ရောင်းလို့ရ၊ မီးစက်နဲ့ ရေတင်ရောင်းပြန်ရင်လည်း ၀ယ်သုံးသူအတွက် မကိုက်၊ ဓါတ်ဆီဈေးမြင့်လာတာကြောင့် ရေကားတွေက ဈေးတက်ယူရပြန်တယ်၊ ဂါလံ ငါးဆယ်ဆန့် ရေ တစ်စည် သုံးရာကစခဲ့တာ ခုဆို ခုနှစ်ရာ၊ ပိုက်ဆံရှိတိုင်း ကြိုက်သလောက် ၀ယ်မရ၊ ရေရောင်းသူတွေက အိမ်အများရအောင် မျှရောင်းရတယ်။ ရေတစ်စည်ရဖို့ သုံးရက်လောက်စောင့်ရတယ်။

◾သုံးရေ အတွက်က စည်ပင်ရေကိုမျော်ရတဲ့ ဒုက္ခကလည်းရှိပြန်၊ ရေလှူတဲ့လူတွေရှိလို့ သောက်ရေလေးရဖို့ သွားခပ်ရလို့တော်ပါသေး။ ရေလှူသူကလည်း အိမ်ရှေ့ မှာ ရေ နှစ်စည်ခွဲလောက်ဆန့်တဲ့ ကျောက်စည်ပိုင်းလေးချပြီး ရေထည့်ပေးထား၊ များများစားစား ယူမရ၊ တနိုင်တပိုင်းပုံနဲ့ လာယူ၊ ရေချိုးမရ၊ အ၀တ်လျှော်မရ စတဲ့စည်းကမ်းချက်တွေနဲ့ လှူရတယ်။

◾ပိုက်ဆံနည်းနည်း တတ်နိုင်သူတွေက ရေသန့်ဘူး ၀ယ်သောက်ကြ၊ နှစ်ဆယ်လီတာ၀င် ရေသန့်ဘူးကြီးကို အရင် လေးရာ၊ ခုတော့ ခြောက်ရာ၊ တအိမ်နှစ်ဘူးနှန်းသာ ရောင်းပေးတယ်၊ ဖောက်သည်ဆိုရင် သုံးဘူးနှုံးလောက်ရတယ်။

◾နွေခေါင်ခေါင် ပူလွန်းလို့ ရေခဲရေသောက်ချင်ရင် ရေခဲသေတ္တာရှိသူတွေက ရေခဲရေရောင်းတဲ့ အိမ်ကို သွား ၀ယ်သောက်ရတယ်၊ ရိုးရိုးရေနဲ့ခဲထားတဲ့ရေ တစ်လီတာဘူးကို အရင်က ငါးဆယ် ခုကတစ်ရာ၊ ရေသန့်ပါကင်ပိတ်ဆို အရင်သုံးရာ ခုက ငါးရာ။

◾အညာမှာ ရေနဲ့လုပ်စားတဲ့လူတွေ သူဌေးဖြစ်မြန်တယ်၊ ရေချည်းသက်သက်ရောင်းနေရင်ကို တွက်ချေကိုက်တယ်၊ ရေကားထောင် ‌သူများရောင်းတဲ့ရေ သွားထည့်လိုက်ပို့တဲ့သူတွေ တစ်ရက်နှစ်သောင်း အနည်းဆုံး ကျန်တယ်။ ရေရောင်းသူက ရေတစ်စည်‌ လေးရာရောင်း၊ တနေ့ တနေ့စည်နှစ်ဆယ်ရောင်းရရင်ကို အိမ်စားဖို့ဖူလှုံနေပြီ၊ ကျန်တာ စုနေရုံပင်၊ ပိုက်ဆံတတ်နိုင်သူတွေ တစ်နေ့ စည်ငါးဆယ် တစ်ရာရောင်းရအောင် ကျွင်းပေါင်းများစွာတူး ရေလှောင်ကန်ကြီးတွေထောင်ထားကြတယ်။ နည်းနည်းပဲ တတ်နိုင်သူတွေက တစ်နေ့ စည်သုံးဆယ်စာလောက် ကန်ထဲရေတင် ရောင်းရတယ်။

◾မြို့ပေါ်ဆိုတာလည်း နေရာတိုင်း ရေမထွက်၊ အချို့အရဲ့စွန့်တူးကြတယ်၊ ပေလေးရာကျော်သွားတယ်မထွက်၊ လက်လျှော့ကြ၊ အချို့လည်းသုံးရာကျော်လောက်မှာ ထွက်သော်လည်း ရေကမချို၊ ရေငံတွေဖြစ်နေပြန်၊ ရေချိုထွက်တဲ့အိမ်က ရွှေတွင်းတွေ့တာထက် ပိုပျော်ရတယ်၊ တစ်သက်လုံး ဆွေစဉ်မျိုးဆက်ထိုင်စားပေတော့။

မျိုးပိုင်
၂၀၂၂ မေ ၃၀
#မျိုးပိုင်

ကြေကွဲဖွယ် လှုပ်ရှားနေတဲ့ အချစ် ရုပ်ထု နှစ်ခု◾ဂျော်ဂျီယာနိုင်ငံ ဘာတူမီမြို့က ထူးဆန်းစွာ ထုလုပ်ထားတဲ့ ရွေ့လျား အရုပ်ကြီးန...
05/29/2022

ကြေကွဲဖွယ် လှုပ်ရှားနေတဲ့ အချစ် ရုပ်ထု နှစ်ခု

◾ဂျော်ဂျီယာနိုင်ငံ ဘာတူမီမြို့က ထူးဆန်းစွာ ထုလုပ်ထားတဲ့ ရွေ့လျား အရုပ်ကြီးနှစ်ခုက စိတ်ဝင် စားစရာ၊ ကြေကွယ်ဖွယ်လည်းကောင်း၏။

◾ည စဉ် ၇ နာရီတိုင်း အရုပ် နှစ်ရုပ်က စတင် ရွေ့လျားလာ တယ်၊ ၁၀ မိနစ်လောက် တဖြည်းဖြည့်ရွေ့လာပြီးရင်
ပွေ့ကြ၊ နမ်းကြပြီး ပြန်ခွာသွားကြတယ်။

◾အရုပ်တွေ ဒီလိုလုပ်ပြထားရတဲ့ ရည်ရွယ်ချက်က သမိုင်းရှိခဲ့လို့ပင်။ သမိုင်းကလည်း အင်မတန် ကြေကွဲစရာပင်။

◾၁၉၃၇ ခုနှစ်လောက်က အဇာဘိုင်ဂျန်နိုင်ငံရဲ့ နိုင်ငံ ကျော် စာရေးဆရာ ကူဗန်ဆပ်( Kurban Said)က ဂျော်ဂျီယာရောက်တုန်းအရုပ်တွေကို သွားလာလှုပ်ရှားပုံကို ကြည့်ပြီး စိတ်၀င်စားသွားတယ်၊ သမိုင်းနောက်ခံကို လိုက်ရှာမေးမြန်းတယ်။

◾အရုပ်တွေ နောက်ကြောင်း သမိုင်းကို နောက်ခံထားပြီး စာရေးဆရာ ကူဗန်ဆပ်က "အလီနဲ့ နီနို " ( Ali and Nino) ဆိုပြီး ၀တ္တုတစ်ပုဒ် ရေးခဲ့တယ်။ ဘာသာစကားပေါင်း ၃၀ လောက်နဲ့ ဘာသာပြန်ရေးကြတဲ့အထိ အရမ်း ကျော်ကြား လူကြိုက်များခဲ့တယ်။

◾ရုပ်ထုတွေရဲ့ အကြောင်း နိုင်ငံအတော်များများ သိလာကြတယ်။ ‌နိုင်ငံခြားသား အများအပြားလည်း ဂျော်ဂျီယာကို လာရောက်ပြီး ကြည့်ကြတယ်။

◾ရုပ်ထု နှစ်ခုက ၂၆ ပေမြင့်ပြီး စတီးတွေနဲ့ ပုံသွင်းထုလုပ်ထားတယ်။ တစ်ခုက မိန်းမရုပ်။ တစ်ခုက ယောက်ကျားရုပ်။

◾ရုပ်ထုတွေကို အချစ်ရုပ်ထု " Statue of Love " လို့ နာမည်ပေးထားတယ်။ အချို့က လည်း တားမြစ်ခံ အချစ် " forbidden love " လို့လည်း ဆိုပြန်တယ်။

◾You Tube မှာ " statue of love in Burtumi, Georgia " လို့ရိုက်ရှာလိုက်ရင် ရုပ်ထုတွေ ရွေ့လျားနေတဲ့ ဗွီဒီယိုကို ကြေကွယ်ဖွယ် ခံစားကြည့်ရှု့ရမှာပါ။

◾အဇာဘိုင်ကျန်သား စာရေးဆရာ ပြောပုံအရ ယောက်ကျားလေး နာမည်က အလီ။ မိန်းကလေး နာမည်က နီနိုအလီက အဇာဘိုင်ဂျန်နိင်ငံသား၊ မူဆလင် လူမျိူး၊ နီနိုက ဂျော့ဂျီယာသူ ဘုရင့် သမီးတော်၊ ခရစ်ယာန် ဘာသာဝင်၊ အလီနဲ့ နီနိုတို့ လူငယ်သဘာ၀ ချစ်ကြိုက်ကြတယ်။
ဘ၀ချင်းကလည်းခြား၊ ဂုဏ်အလွှာချင်းလည်းခြား၊ ဘာသာအယူလည်းခြား၊ အခြားကြီး ခြားနေကြပေမဲ့လည်း အချစ်ကြီး ချစ်မိခဲ့ကြတယ်။

◾အလီက ဘုရင့်အမူတော်ထမ်း၊ နီနိုက ဘုရင့်သမီးတော်၊ မိုးနဲ့မြေ အလွှာခြားပေမဲ့ အလီက နီနိုကို မြင်ပါများတော့ ချစ်စိတ်တွေ ယိုဖိတ်လာကစ ချစ်ကြိက်မိတဲ့ အဆင့်ထိ ရောက်လာကြတော့ ခုနှစ်နာရီထိုးတိုင်း ချစ်သူ နှစ်ဦးခိုးတွေ့ကြတယ်၊ ခိုးတွေ့တိုင်းလည်း တစ်ယောက်နဲ့ တစ်ယောက် ပွေ့ကြ၊ နမ်းကြနဲ့ မိုးမမြင်လေမမြင် အချစ် ကြီးချစ်ခဲ့ကြတယ်။

◾တနေ့မှာ နီနိုရဲ့အဖေ ဘုရင်ကြီးသိသွားပြီး သူတို့ချစ်ခြင်းကို ခွဲလိုက်တယ်။ တားမြစ်ထားတဲ့ ကြားကပင် ည ခုနှစ်နာရီတိုင်း ရအောင်ခိုးတွေ့ကြတယ်။ ဘုရင်ကြီးက ရအောင်စောင့်ဖမ်းတော့ အလီကို ဖမ်းမိသွားတယ်။

◾အလီကို ဖမ်းမိတာနဲ့ ဘုရင်ကြီးက သမီးတော်ရှေ့မှာပင် အလီကို လှံနဲ့ ထိုးသတ်လိုက်တယ်။ လှံတန်းလန်းနဲ့ မသေ မရှင်ဖြစ်နေသော အလီကိုကြည့်ပြီး နီနိုခများအော်ဟစ် ငိုကြွေးရင် အသက်ပါထွက်သွားတော့တယ်။

◾ရိုမီယိုနဲ့ ဂျူးလိယက်လို၊ မြန်မာက ချစ်မွေးနွန်နဲ့
မင်းနန္ဒာတိုလို အချစ်ကြီး ချစ်ခဲ့ပြီးမှ အကွဲကြီးကွဲခဲ့ရ
တယ်။ ဇတ်လမ်းက ချစ်သူနှစ်ဦး သေသွားရုံနဲ့မပြီး၊ ည ခုနှစ်ဆို မဲမဲလိုလို ဖြူဖြူလိုလို အရိပ်ယောင်တွေပြကြတယ်။ ချစ်သူနှစ်ဦး ချိန်းတွေ့တဲ့ နေရာလေးမှာပေါ့။ တနန်းတော်လုံးလည်း ကြောက်ရမဲ့အစား ပိုပြီးဆို့နင့် ကြေကွဲနေကြရတယ်။

◾ဘုရင်ကြီးလည်း အရမ်းချစ်လှတဲ့ တစ်ဦးတည်းသောသမီးတော်လေး သေသွားတာကို ယူကျုံးမရဖြစ်ပြီး သမီးလေး ရောက်ရာဘ၀ စိတ်ချမ်းသာအောင် အရုပ်ကြီးနှစ်ရုပ် လုပ်ပေးခဲ့တယ်။ အရုပ်တွေကို ညခုနှစ်နာရီတိုင်း ပွေ့ဖက်ရအောင် စက်ယန္တားယားတွေတပ်ပေးထားပါတယ်။

မျိုးပိုင်
Ref: Statue of Love in Burtumi, Georgia _ YouTube and Internet.
၂၀၂၂ မေ ၂၉

"ရုရှားငွေစက္ကူကို ဒစ်ဂျစ်တယ်သို့ အသွင်ပြောင်းလဲ"အနောက်နိုင်ငံများ၏ စီးပွားရေးပိတ်ဆို့မှုမှ ရှောင်လွှဲရန် ရုရှားနိုင်ငံ ...
05/29/2022

"ရုရှားငွေစက္ကူကို ဒစ်ဂျစ်တယ်သို့ အသွင်ပြောင်းလဲ"

အနောက်နိုင်ငံများ၏ စီးပွားရေးပိတ်ဆို့မှုမှ ရှောင်လွှဲရန် ရုရှားနိုင်ငံ ဗဟိုဘဏ် Central Bank of Russia (CBR) မှ ရူဘယ် Ruble ‌ ငွေစက္ကူကို ဒစ်ဂျစ်တယ် ငွေကြေး Digital Currency အဖြစ် ပြောင်းလဲရေးကိစ္စကို အစွမ်းကုန် လျင်မြန်စွာ ကြိုးစားလက်ရှိသည်။

ရုရှားအာဏာပိုင်အဖွဲ့မှ မူလစီစဉ်ထားသည့် ၂၀၂၄ ခုနှစ်အစား ၂၀၂၃ခုနှစ်တွင် ရုရှား၏ နိုင်ငံတော်အာမခံ ငွေကြေး (National Fiat)ကို ပုံစံအသစ် ဒစ်ဂျစ်တယ်ငွေကြေး အဖြစ်စတင်လဲလှယ်နိုင်ရန် ရည်ရွယ်ထားသည်။

"မော်စကိုမှ ယူကရိန်းအား ကျူးကျော်မှုများအပေါ် ဒဏ်ခတ်ပိတ်ဆို့မှုများကြောင့် ယခုလို ရူဘယ်ရဲ့ ဒစ်ဂျစ်တယ်ဗားရှင်း ပြောင်းလဲမှုကို အရှိန်မြှင့်ဖို့ တွန်းအားပေးခဲ့တယ်"လို့ CBR ရဲ့ ပထမဒုတိယဥက္ကဌ Olga Skorobogatova ဖော်ပြပါတယ်။

ရုရှားထိပ်တန်းအရာရှိများက ဒစ်ဂျစ်တယ်ရူဘယ်ကို ရုရှားဗဟိုဘဏ်မှ ၂၀၂၃ ဧပြီလတွင် စတင်ရန် ဆုံးဖြစ်ထားကြောင်း၊ ဒစ်ဂျစ်တယ်ရူဘယ်ယဏ္ဍယား၏ အဓိကကျသော စမတ်ကွန်းထရက် (smart contracts) များပါ တချိန်တည်း စတင်ရန်ဆုံးဖြတ်ထားသည်။

ယခုနှစ်အစောပိုင်းတွင် ဒစ်ဂျစ်တယ်ရူဘယ် အစမ်းပုံစံများကို တချို့ကုန်သွယ်မှုဘဏ်များနှင့် စမ်းသပ်ခဲ့ပြီး၊ ဖေဖော်ဝါရီလတွင် တစ်ဦးချင်း ဒစ်ဂျစ်တယ်ပိုက်ဆံအိတ် (Digital Wallet)များအကြား လွှဲပြောင်းမှုများ စမ်းသပ်အောင်မြင်ခဲ့၏။

အသုံးပြုသူများသည် ရူဘယ်ဒစ်ဂျစ်တယ်ပိုက်ဆံအိတ်ကို မိုဘိုင်းအက်ပ် (mobile app)‌ မှရနိုင်ပြီး၊ မူလရူဘယ်‌‌ ငွေကြေးကို ဘဏ်များတွင် ဒစ်ဂျစ်တယ်ရူဘယ် အဖြစ်ပြောင်းလဲနိုင်ပြီးနောက် ဒစ်ဂျစ်တယ်ရူဘယ်ကိုသာလျှင် ဆက်လက်လွှဲပြောင်းသုံးဆွဲနိုင်မည်။

Skorobogatova က ဒစ်ဂျစ်တယ်ငွေကြေးလွှဲပြောင်းမှုများသည် ရုရှားနိုင်ငံအတွင်းတွင် နိုင်ငံသားအားလုံးအတွက် အခမဲ့ဖြစ်‌ကြောင်းအာမခံခဲ့သည်။

ဤသို့ ဒစ်ဂျစ်တယ်ရူဘယ် ပေါ်ပေါက်လာခြင်းသည် နိုင်ငံ၏ ဘဏ္ဍာရေးတည်ငြိမ်မှုနှင့် နိုင်ငံသားများ၏ စီးပွား‌ရေးတည်ငြိမ်မှုအတွက် အန္တရာယ်များစေပြီး၊ ဘဏ်စနစ်အတွင်း အပ်ငွေများမှ ပြန်လည်ထုတ်ယူမှု၊ ငွေကြေးဈေးကွက်တွင် ပြိုင်ဆိုင်မှု မြင့်တက်လာခြင်းနှင့် အတိုးနှုန်းများ မြင့်တက်လာခြင်းတို့ကို ဦးတည်စေနိုင်သည်။

လင်းသက်နိုင်
May 29, 2022
Reference: Bitcoin News

#လင်းသက်နိုင်

ရွှေဆိုင်း‌ပေါင်း ၁၅၀၀၀ ရွှေတိဂုံ၌ တင်ဒါခေါ်ယူ၂၀၂၂၊ မေ ၂၉ရန်ကုန်မြို့ရှိ ရွှေတိဂုံစေတီတော်ကြီးတွင် ဘုရားဆင်းတုတော်များကိ...
05/29/2022

ရွှေဆိုင်း‌ပေါင်း ၁၅၀၀၀ ရွှေတိဂုံ၌ တင်ဒါခေါ်ယူ

၂၀၂၂၊ မေ ၂၉

ရန်ကုန်မြို့ရှိ ရွှေတိဂုံစေတီတော်ကြီးတွင် ဘုရားဆင်းတုတော်များကို ရွှေချရန်အသုံးပြုသည့် ရွှေဆိုင်းပေါင်း ၁၅၀၀၀ ကို ဂေါပကအဖွဲ့က တင်ဒါ ခေါ်ယူထားကြောင်း ယင်းစေတီတော်အနီးရောင်းဝယ်ဖောက်ကားလုပ်ကိုင်နေသူများထံမှ သိရသည်။

“ယတြာချေဖို့ ရွှေချတာတွေအပါအဝင် ဘုရားရွှေချတဲ့နေရာမှာ သုံးစွဲတဲ့ မျက်ပါးရွှေဆိုင်တွေအတွက် တင်ဒါခေါ်ယူနေတာ တွေ့ရပါတယ်”ဟုလည်း စေတီတော်အနီးစျေးရောင်းချသူတစ်ဦးက ပြောပြသည်။

ထိုသို့သောရွှေဆိုင်းများကို တင်ဒါသွင်းရောင်းချလိုသူများမှာ ဂေါပကအဖွဲ့ရုံးတွင် ငွေကျပ် ၁၀၀၀၀ နှုန်းဖြင့် တင်ဒါလျှောက်လွှာ ဝယ်ယူ၍ ဇွန်လ ၁ ရက်မှ ၆ ရက်အတွင်း တင်ဒါသွင်းလျှောက်ထားနိုင်ကြောင်း၊ ယင်းလျှောက်ထား လာသော လျှောက်လွှာများအနက်မှ စျေးနှုန်းပိုင်းဆိုင်ရာနှင့် အရည်အသွေးပိုင်းဆိုင်ရာတို့အပေါ်အကဲဖြတ်ကာ ဇွန်လ ၁၇ ရက်၊ မွန်းလွဲပိုင်းတွင် ဂေါပကအဖွဲ့ရုံးအနီး စေတီတော်ရင်ပြင်ရှိ ရှေးဟောင်းဗုဒ္ဓရုပ်ပွားတော်များ တန်ဆောင်း၌ ရွေးချယ် သွားမည်ဟုလည်း သိရသည်။

ထိုမျက်ပါးရွှေဆိုင်းများအနက်တွင် ရိုးရာလက်မှုရွှေဆိုင်းများမှာ ၅၀၀၀ သာ ပါဝင်ပြီး စက်မှုထည်ရွှေဆိုင်းမှာ ၁၀၀၀၀ လောက် တင်ဒါခေါ်ယူထားခြင်းဖြစ်ကြောင်း သိရသည်။ ထိုစေတီတော်ကြီးသို့လာရောက်သည့် ဘုရားဖူးများမှာ အဆိုပါ နှစ်လက်မ ပတ်လည်ရွှေဆိုင်းများကို ဂေါပကအဖွဲ့ထံမှ တစ်ဆင့်ပြန်လည်ဝယ်ယူ၍ စေတီတော်ရင်ပြင် စောင်းတန်းကြီးများရှိ ဘုရားဆင်းတုတော်များတွင် ရွှေချကာသင်္ကန်းကပ်လှူလေ့ရှိကြောင်း သိရသည်။

သုတ
၂၀၂၂ မေ ၂၉

05/28/2022

Wisdom "အမြော်အမြင်ပညာ"

နည်းပညာဖွံံ့ဖြိုး ထွန်းကားပြီး သူငါအပြိုင် တီထွင်ကြံဆနေကြသော ယနေ့ Wisdom Age "ပညာခေတ်" တွင် Wisdom လို့ခေါ်တဲ့ အမြော်အမြင်ပညာကို လေ့လာသင်ယူဆည်းပူးရန် အောက်ပါ "E" သုံးခုဖြင့် ဖော်ပြလိုပါတယ်။

၁။ Education "ပညာရေး"

သာမန်အားဖြင့် Wisdom ဆိုတဲ့ ပညာနှင့် Education ဆိုတဲ့ ပညာ ဝေါဟာရချင်း တူသလိုလိုနှင့် တကယ့်တော့ အဓိပ္ပါယ်အများကြီး ကွဲပြားလှတယ်။ အင်္ဂလိပ် အဘိဓာန်အရ Education ဆိုသည်မှာ the act or process ပြုမူဆောင်ရွက်ခြင်း သို့မဟုတ် လုပ်ငန်းစဉ်များ of imparting or acquiring မျှဝေခြင်း သို့မဟုတ် ဆည်းပူးခြင်း general knowledge အထွေထွေဗဟုသုတများကို၎င်း၊ developing the powers of reasoning and judgment အမှားအမှန် စဉ်းစားဆင်ခြင်တုံ့တရားနှင့် တရားမျှတသည့် အတွေးခေါ် စွမ်းအားများကို ဖွံ့ဖြိုးစေခြင်းငှာ၎င်း၊ and generally of preparing oneself or others intellectually for mature life မိမိကိုယ်ကို ဖြစ်စေ၊ အခြားသူတဦးတစ်ယောက်ကိုဖြစ်စေ ဉာဏ်ပညာအရာတွင် ယေဘုယျအားဖြင့် ရင့်ကျက်စေရန် ပြင်ဆင်ပေးခြင်းဖြစ်သည်။

Education ဆိုတဲ့ ပညာရေးမှာ သူငယ်တန်းမှ အထက်တန်း/တက္ကသိုလ်တန်းအထိ သင်ကြားလေ့ကျင့် မှတ်သားစေခဲ့သော ဗဟုတုတများ the bank of Knowledge, အချက်အလက်များ facts, ဥပဒေ၊ လုပ်ထုံးများနှင့် စည်းကမ်းများ laws, regulations & principles များသည် လူသားများအတွက် "wisdom" အမြော်အမြင်ပညာကိုရရှိရန် အခြေခံအုတ်မြစ် ဖြစ်သည်။

Education တွင် imparting ဆိုတဲ့ ဖြန့်ဝေလက်ဆင့်ကမ်းခြင်း၊ acquiring ဆိုတဲ့ ဆည်းပူးခြင်း တနည်းအားဖြင့် Learning လေ့လာသင်ယူခြင်းများ အရေးကြီးသည်။ Education သည် transmission လက်ဆင့်ကမ်းခြင်း of cultural heritage ယဉ်ကျေးမှုအမွေအနှစ်, knowledge အသိပညာ, skills အတတ်ပညာကျွမ်းကျင်မှုများ, values တန်ဖိုးများ, morals ကိုယ်ကျင့်တရားများ, beliefs ခံယူချက်, habits အလေ့အထများ, personal development ပုဂ္ဂိုလ်ရေးဖွံ့ဖြိုးတိုးတက်မှုများ ကို from one generation to the next မျိုးဆက်တစ်ခုမှ နောက်တစ်ခုသို့ လက်ဆင့်ကမ်းခြင်းဖြစ်သည်။

ဤသို့ လက်ဆင့်ကမ်းရာတွင် Literature စာပေဆိုတဲ့ ကြားခံအရာလိုအပ်ပေသည်။ စာပေ Literature မရှိလျှင် Education အတွက်လက်ဆင့်ကမ်းရာ လွန်စွာခက်ခဲမည်။

ဥပမာ၊ ဦး‌ဏှောက်ဆဲလ်ပမာဏ သိပ်မကွာသော ချင်ပန်ဇီမျောက်(chimpanzee) နှင့် လူသားတို့တွင် အဆိုပါ Education နှင့် Literature များမရှိခြင်းကြောင့် creatablity တီတွင်ကြံဆစွမ်းနိုင်ခြင်း များစွာ ကွာဟသွား‌ပေသည်။

၂။ Experience "အ‌တွေ့အကြုံ"

ရရှိသည့် Education အပေါ်မှာ နောက်ထပ် "E"တစ်လုံးဖြစ်သည့် Experience အ‌တွေ့အကြုံ ဆို့သည့် လက်တွေ့လုပ်ဆောင် အသုံးချခြင်းလိုအပ်ပါတယ်။ နေ့စဉ်လုပ်ဆောင်တိုင်းမှာ အတွေ့ကြုံ Experience ဖြစ်ဖို့ consciously သတိရှိစွာ observation စောင့်ကြည့်ခြင်း၊ encountering ကြုံတွေ့ခြင်း၊ undergoing ဆောင်ရွက်နေခြင်း များလိုအပ်ပြီး ရရှိသော practical knowledge လက်တွေ့အသိများကို perceive, understand, remember လက်ခံနားလည်မှတ်မိဖို့လိုတယ်။
"Experience is the best teacher"ဆိုတဲ့အင်္ဂလိပ် စကားပုံအရ အတွေ့အကြုံဟာ အကောင်းဆုံး ဆရာဖြစ်ပါတယ်။

သတိပြုသင့်တာက မှားယွင်းသော အတွေ့အကြုံ wrong experience မဖြစ်စေဖို့ မှန်ကန်တဲ့ Education ရှိဖို့လိုပါတယ်။

Experience ကို ရယူရာတွင် Learn from own's experience ဆိုတဲ့ ကိုယ်တိုင်အတွေ့အကြုံမှ သင်ခန်းစာယူခြင်း နှင့် Learn from others' experience အခြားသူများ၏ အတွေ့ကြုံမှ သင်ခန်းစာယူနိုင်ပါတယ်။ Education နှင့် Experience များမှ တဆင့် (၃)ခုမြောက် 'E' ဖြစ်တဲ့ Enlightenment ကို ရရှိမှာဖြစ်ပါတယ်။

၃။ Enlightenment "ဉာဏ်အလင်း"

Education နှင့် Experience များပေါင်းစပ်ခြင်းဖြင့် ဉာဏ်အလင်း ကိုရရှိစေမည်။ Enlightening ဆိုသည်မှာ giving intellectual impart knowledge ဉာဏပညာ မျှဝေပေးခြင်း ဖြစ်ပြီး Enlightenment ဆိုတာကတော့ the state of being Enlightening အတိုင်း ဉာဏပညာကို ပြန်လည်မျှဝေပေးနိုင်သော ‌အခြေအနေဖြစ်တယ်။

ဥပမာဆိုရလျှင် မျက်မမြင်တဦး၏ ရှေ့တည့်တည့်မှာ ကုလားထိုင် တစ်လုံးရှိတယ်။ သူ့ကိုပြောတယ် ရှေ့မှာ ကုလားထိုင်ရှိတယ် inform လုပ်လိုက်တယ်၊ Educate လုပ်လိုက်တယ်(အဲဒါ Education)ပေါ့။ သူက ဒီကုလားထိုင်ရှိတယ်ဆိုတဲ့ Education ကိုသိတယ်၊ သူရှေ့တည့်တည့်သွားတယ် ကုလားထိုင်နဲ့ တိုက်တယ် (အဲဒါ Experience) ပေါ့။ နောက်တခေါက်မှာ သူက ကုလားထိုင်ရှိတဲ့နေရာကို ရှောင်သွားတယ်။ မရှောင်ရင် ထပ်တိုက်ဦးမှာလေ၊ ဒီလိုရှောင်ရမှာကိုသိခြင်းက Intuition အမှန်တကယ်သိခြင်း၊ ဒီလိုသိခြင်းက သူ Enlightenment ဉာဏ်အလင်း ရသွားပြီဖြစ်သည်။

Education, Experience, Enlightenment (3E) အားလုံးပေါင်းစုံပြီး ရတဲ့ ရလာဒ်ကတော့ သူဟာ wisdom အမြော်အမြင်ပညာရရှိသွားပါတယ်။

Wisdom ဆိုတာ State of being wise ပညာရှိဖြစ်ခြင်း နှင့် မှန်ကန်သော အသိပညာနှင့် ယှဉ်တွဲ၍ သိက္ခာရှိမှု (Sagacity), ပိုင်းခြားသိမြင်မှု (discernment), ထိုးထွင်းသိမြင်မှု (insight) များပါဝင်သော မှန်ကန်သောဉာဏ်ဖြင့် ဆုံးဖြတ်နိုင်ခြင်းဖြစ်သည်။

အကယ်၍ ဖော်ပြပါ မျက်မမြင်သည် ကုလားထိုင်ကို ရှိမှန်းသိရက်လျှက် ဆက်တိုက်နေလျှင် Education ရှိပြီး၊ ရပ်တန့်နေသော လူများကဲ့သို့ Experience လက်တွေ့အသုံးချ လေ့လာခံယူမှုမရှိပဲ၊ Intuition အမှန်သိခြင်း၊ Enlightenment ဉာဏ်အလင်းရမည် မဟုတ်ပေ။

Education ပေါ်မူတည်၍ လက်တွေ့ Experience များကြောင့် ရရှိသည့် ဉာဏ်အလင်း Enlightenment များပေါင်းစပ်ပြီး Wisdom ဆိုသည့် ပညာဖြင့် ယနေ့ ပညာခေတ် widsom age ကို အောင်မြင်စွာ ဖြတ်သန်းကြနိုင်မည်ဖြစ်သည်။

ဆရာကျော်မင်းစံ (လင်းရောင်ခြည်)
May 28, 2022

ဓါတ်ဆီ လွမ်းချင်း◾လွန်ခဲ့တဲ့ နှစ်နှစ်လောက်က အညာဘက်မှာ ဓါတ်ဆီ တစ်ထောင်ဖိုးဆို ၁.၈ လီတာလောက်ရခဲ့ဖူးတယ်။ အနိမ့်ဆုံး ၁.၆ လီတ...
05/28/2022

ဓါတ်ဆီ လွမ်းချင်း

◾လွန်ခဲ့တဲ့ နှစ်နှစ်လောက်က အညာဘက်မှာ ဓါတ်ဆီ တစ်ထောင်ဖိုးဆို ၁.၈ လီတာလောက်ရခဲ့ဖူးတယ်။ အနိမ့်ဆုံး ၁.၆ လီတာထိရတော့ ဆိုင်ကယ်နဲ့ မြန်မာပြည် ပတ်နေလို့ရတယ်။

◾ဆိုင်ကယ်ထဲ ဆီအပြည့်ထည့် မိုင် တစ်ရာ ခရီးကို အသာလေးသွားလို့ရတယ်၊ ဆိုင်ကယ် အသေးထဲကို ဓါတ်ဆီ အများဆုံး တစ်ဂါလံသာ ဆန့်တယ်။ တစ်ဂါလံဆိုတာ တစ်လီတာ ရေသန့်ဘူး လေးဘူး၊ တစ်ထောင်ဖိုး နှစ်လီတာနီးပါးရတော့ နှစ်ထောင်ဖိုးဆို တစ်ဂါလံနီးပါးရတယ်။

◾ပိုက်ဆံ လေးထောင်ရှိရင် မိုင်တစ်ရာ ခရီးကို အသွား အပြန် ခရီးသွားရတယ်၊ မိတ္ထီလာကနေ မြင်းခြံ၊ မန်းလေး၊ ညောင်ဦး၊ ပုပ္ပါး ၊ နေပြည်တော်၊ နတ်မောက်ကြိုက်တဲ့နေရာသွား ဓါတ်ဆီ တစ်ဂါလံ နှစ်ထောင်ဖိုးထည့် သွားနေလို့ရတယ်။ အသွားအပြန် လေးထောင်နဲ့ရတယ်။

◾ခုလည်း ဓါတ်ဆီ တစ်ဂါလံနဲ့ ရောက်ပေမဲ့ ပိုက်ဆံလေးထောင်နဲ့တော့ မရောက်တော့။ တစ်လီတာကို နှစ်ထောင်အောက် ပြန်မဆင်းတော့၊ တစ်ဂါလံဆို ရှစ်ထောင် အထက်မှာရှိတယ်။ မိုင် တစ်ရာ ခရီးအသွားအပြန်လုပ်မယ်ဆို အိပ်ကပ်ထဲ ပိုက်ဆံ အနည်းဆုံး သောင်းခြောက် ထောင် ပါမှဖြစ်တော့မဲ့ သဘော၊ အရင်တုန်းကထက် လေးဆ မြင့်တက်သွားတဲ့ သဘော။

◾မြို့တွင်း အနီးအနားသွားဖို့ ဓါတ်ဆီ ငါးရာဖိုးထည့်ရင် နှစ်မိုင် ပတ်လည်လောက်ရှိတဲ့ မြို့‌လေးထဲ တစ်ပတ် အေးဆေးပတ်နေလို့ရတယ်။ ခုတော့ ငါးရာဖိုးပင် မရောင်းတော့၊ ရောင်းရင်လည်း ရေသန့်ဘူး ဖင်ကပ်လောက်ပဲရတော့မယ်။ နှစ်ထောင်ဖိုးကိုပင် တစ်လီတာ အပြည့်မရ၊ မြို့ထဲ အရင်လို သွားဖို့ဆိုရင် ငါးရာနဲ့မရ
နှစ်ထောင် ရှိမှ ရမဲ့သဘော။

◾ကိုယ့်နိုင်ငံ တစ်ခုတည်းမှ မဟုတ် တစ်ကမ္ဘာလုံးရှိ နိုင်ငံအများအပြားမှာ လောင်စာဆီ ပြဿနာရှိနေတယ်၊ သီရိလင်္ကာမှာဆို အစိုးရက ဓါတ်ဆီကိုပင် နိုင်ငံတွင်း ၀ယ်မသွင်းနိုင်တော့လို့ ရှိတဲ့လက်ကျန်ဆီကို ခွဲတန်းနဲ့ရောင်းရတဲ့ အခြေအနေ၊ ကျောင်းတွေပိတ်ထားရတယ်။မသွားမဖြစ်သွားရတဲ့ ၀န်ထမ်းတွေသာ ရုံးတက်ဖို့ အမိန့်ထုတ်ထားရတယ်။

◾ရုရှားဆီက ရေနံမ၀ယ်တော့တဲ့ ဥရောပနိုင်ငံတွေက ရေနံထွက်တဲ့ အခြား နိုင်ငံ‌တွေဆီ ပြေးကပ်ကြတော့ ၀ယ်လိုအားနဲ့ ရောင်းလိုအား မမျှတော့၊ ၀ယ်လိုအားက ကြီးသွားတယ်၊ ၀ယ်လိုအားကြီးတော့ ဈေးကတက်လာတာဟာ စီးပွားရေး သီအိုရီသဘော။

◾ဥရောပနိုင်ငံတွေက ချမ်းသာတော့ ၀ယ်သုံးနိုင်တယ်၊ သီရိလင်္ကာတို့လို နိုင်ငံခြားကြွေးမြီတအားတင်နေသော နိုင်ငံအဖို့က ၀ယ်ပင် မသုံးနိုင်တော့တဲ့ အခြေအနေ။

◾"မလွယ်တာရှိရင် ပိုခက်တဲ့ တခြား ဘ၀တွေကို ငဲ့ကြည့်ပါအုံး" လို့ နေ့တိုင်း စိုင်းထီးဆိုင် သီးချင်းလေးဆိုကာ အရင်တုန်းက ဓါတ်ဆီဈေးကို လွမ်း၍သာ မျော်နေရတော့တယ်။

မျိုးပိုင်
၂၀၂၂ မေ ၂၈
#မျိုးပိုင်

Address

San Francisco, CA
94544

Website

Alerts

Be the first to know and let us send you an email when Godzilla Media ဂေါ်ဇီလာ မီဒီယာ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Godzilla Media ဂေါ်ဇီလာ မီဒီယာ:

Videos

ခေတ်သစ် သီအိုရီ ◾ညမထွက်ရ အမိန့်တွေထုတ်ထားတာကို ကျေးဇူးတင်ရမလိုပင်။ ◾နေ့စဉ် ရက်စက် မိုးလင်းကမိုးချုပ် အော်လံတပ်ဈေးသယ်တွေ နားမခံသာတော့။ ◾မနက်မိုးလင်းတာနဲ့ ဟင်းရွက်သယ်၊ ငါးစိမ်းသယ်၊ ပဲပြုတ်သယ်၊ အချည်ပေါင်း၊ ရေခဲမုန့်၊ ပဲချည်ဟင်း ငပိကြော်၊ ထီသယ်၊ ဖျာသယ်၊ ထိုင်ခုံ စတဲ့ အမယ်မျိုး အစုံစုံတို့က အော်လံတွေ တက်လာကြတယ်။ ◾သူတို့အော်လံတွေ တက်လာတာ အရေးမကြီး အိမ်ရှေ့မှာ အော်လံဟွန်းဆူညံသံတွေတပ်၊ အော်လံတွေ မပိတ်ပဲ ဘာယူအုံးမလဲလို့ အသံသေး အသံကြောင်နဲ့ ကုန်အော်ကြ၊ ဘယ်သူက ဒီယဉ်ကျေးမူကို စလိုက်တယ်မသိ၊ ကိုယ်တွေက စာရေးနေရင် အနှောက်ယှက်ရှိရင် ရေးမရ၊ တစ်ခါတလေ မဟုတ်၊ တနေကုန်ဆိုတော့ စာလုံး၀ရေးမရ၊ စာမရေးရတော့ ပိုက်ဆံမ၀င်၊ ပိုက်ဆံမ၀င်တော့ စားစရာမရှိ၊ တားဆီပေးမဲ့သူလည်းမရှိ၊ ကိုယ့်နည်းကိုယ်ဟန်နဲ့သာ အော်လံဈေးသယ်တွေကို ကိုယ့်လမ

ကဗျာ စပြီး ရေးတတ်ချင်သူများအတွက် ရသလမ်းဆုံ စာဖတ်ဝိုင်းမှ ကဗျာဆရာများနှင့် ဆွေးနွေးခန်း

" အနိုင်ကျင့်သူ‌တွေရဲ့ ဘ၀နိဂုံး " ဟု အမည် ပေးထားပြီး နာမည်ကြီးနေသည့် (၁၃ ) မိနစ်စာ ဖြတ်ပြီး ပူဇော်သည့်တရားတော်၏ မူရင်း အပြည့်အစုံ အမှန်မှာ -

သာစည်မြို့ ငါးဆူရိပ်သာကျောင်း ဆရာတော် အန္တိမစျာပန၊ တတိယနေ့၊ ရေစက်ချ အခမ်းအနား တေးဆို ဂုဏ်ပြု ပူဇော်သူ သာစည်ခိုင် မိသားစုနှင့် ဆိုင်းအဖွဲ၊ (၁၀ ရက် ၄ လ ၂၀၂၂ ခုနှစ်)

သာစည်မြို့ ငါးဆူရိပ်သာကျောင်း ဆရာတော် အန္တိမစျာပန ဧယဉ်ကျူး (ဒုတိယနေ့) ကျောက်ပန်းတောင်း နီနီအောင် (၉ ရက်၊ ၄ လ ၊ ၂၀၂၂ ခုနှစ်)

သာစည်မြို့၊ ငါးဆူရိပ်သာကျောင်း ဆရာတော်ကြီး အန္တိမ စျာပန (ပထမနေ့ ) (၈ ရက် ၊ ၄လ ၊ ၂၀၂၂ခုနှစ်)

Shortcuts

Share

Category