Tơlơi Pơhiăp Ơi Adai

Tơlơi Pơhiăp Ơi Adai Amen "Hêbơrơ 11:6"

-Rơngiao kơ tơlơi đaŏ gơñu anŭn ƀu dưi amŭt amăng adeh čar pơtao kơ Ơi Adai ôh.

-Ơi Adai lăi: Hlơi pô nao pơ Ơi Adai gơñu anŭn khŏm đaŏ kơnang kơ Ơi Adai, laih anŭn Ñu či brơi tơlơi bơni kơ hlơi pô hơduah kơ sem Ñu.

01/13/2025

“Ơ Khua Yang Ơi Adai gơmơi,
Ih lăp mă tŭ tơlơi guh kơang, tơlơi pơpŭ, laih anŭn tơlơi dưi mơyang,
Yua kơ Ih hmâo hrih laih abih bang mơnơ̆ng,
Laih anŭn yua mơ̆ng tơlơi Ih kiăng abih mơnơ̆ng dưi hrih pơjing laih anŭn hmâo rai.”
Tơlơi Bơrơđah 4:11

01/13/2025

8Pă mơnơ̆ng hơdip anŭn, rĭm drơi hmâo năm pŏk čăng, jum dar laih anŭn amăng lăm ñu bă hăng khul mơta; hrơi mlam gơñu adoh ƀu pơdơi ôh:

“Rơgoh hiam, rơgoh hiam, rơgoh hiam,
Khua Yang jing Ơi Adai Dưi Kơtang,
Pô Hmâo Laih, Hlăk Hmâo, laih anŭn Hlăk Rai!” Tơlơi Bơrơđah 4:8

01/03/2025

Hiăp Kơkuh Tơña

Yakơ, sa čô ding kơna kơ Ơi Adai laih anŭn kơ Khua Yang Yêsu Krist, čih mơit kơ pluh dua kơnŭng djuai bra hyu tar ƀar lŏn tơnah. Kơkuh kơ ƀing gih. Yakơ 1:1

01/03/2025

Pôl ding kơna kơ Ơi Adai laih anŭn khua ding kơna kơ Yêsu Krist, kiăng ba ƀing mơnuih Ơi Adai hmâo ruah laih kơ tơlơi đaŏ laih anŭn kơ tơlơi thâo hluh kơ tơlơi sĭt, jing tơlơi gal djơ̆ hăng pran jua thâo pơpŭ kơ Ơi Adai,

amăng tơlơi čang rơmang kơ tơlơi hơdip hlŏng lar, jing tơlơi hơdip Ơi Adai hmâo ƀuăn laih mơ̆ng lu rơnŭk hlâo adih, Ñu ƀu pơhiăp ƀlor ôh.

Djơ̆ amăng rơnŭk Ơi Adai hmâo pơkă laih, Ñu hmâo pơrơđah boh pơhiăp Ñu găn mơ̆ng bruă pơtô pơblang hmâo jao brơi laih kơ kâo tui hăng Ơi Adai, Pô Pơklaih ƀing ta, hmâo pơtă laih. Tit 1:1-3

4Čih mơit kơ Tit, jing ană kâo sĭt amăng tơlơi đaŏ hrŏm hơbĭt: Rơkâo kơ Ơi Adai jing Ama, laih anŭn Krist Yêsu Pô Pơklaih ƀing ta pha brơi kơ ih tơlơi pap laih anŭn tơlơi rơnŭk rơnua.

01/03/2025

Tơlơi Čang Rơmang Hơdip

Hơơč bơni kơ Ơi Adai, Ama Khua Yang ƀing ta Yêsu Krist! Yua mơ̆ng tơlơi pap drap prŏng prin Ñu, ƀing ta dưi hmâo tơkeng dơ̆ng kơphrâo, kiăng kơ hmâo sa tơlơi čang rơmang hơdip, yua mơ̆ng tơlơi Khua Yang Yêsu Krist hơdip glaĭ mơ̆ng tơlơi djai.

Laih anŭn Ñu brơi ƀing ta mă tŭ kong ngăn ƀu thâo răm rai, ƀu thâo hơƀak drak, ƀu thâo gliu, hmâo pioh laih kơ ƀing gih amăng adai,

jing ƀing yua mơ̆ng tơlơi đaŏ, Ơi Adai hmâo wai lăng hăng tơlơi dưi mơyang Ñu, kiăng kơ mă tŭ tơlơi pơklaih jing tơlơi hmâo prăp pre či pơrơđah amăng rơnŭk hnal tuč.

Brơi ƀing gih hơ̆k mơak bĕ kơ tơlơi anŭn, wơ̆t dah ră anai ƀing gih ăt dŏ tŭ tơlơi rơngot hơning amăng ƀiă hrơi yua mơ̆ng lu tơlơi lông lăng;

kiăng kơ tơlơi đaŏ tơpă sĭt ƀing gih giơ̆ng kơ tŭ tơlơi pơlông lăng či jing yom hloh kơ mah — wơ̆t dah mah tŭ laih tơlơi pơlông lăng hăng apui, samơ̆ ăt thâo răm rai mơ̆n — dưi hmâo tơlơi bơni hơơč, tơlơi guh kơang, laih anŭn tơlơi pơpŭ ƀơi hrơi Yêsu Krist pơrơđah rai.

Wơ̆t dah ƀing gih aka ƀuh Ñu ôh, ƀing gih ăt khăp kơ Ñu. Wơ̆t dah ƀing gih aka bưp Ñu ôh ră anai, ƀing gih ăt đaŏ kơ Ñu, laih anŭn hơ̆k mơak hăng tơlơi mơak guh kơang, ƀu thâo pơblang ôh;

yua kơ ƀing gih hmâo mă tŭ laih boh than kơ tơlơi đaŏ ƀing gih, jing tơlơi pơklaih bơngăt ƀing gih.

Kơ tơlơi pơklaih anŭn, ƀing pô laĭ lui hlâo hmâo hơduah, kơsem pơklă, laih anŭn hmâo laĭ lui hlâo kơ tơlơi pap hmâo prăp pioh brơi laih kơ ƀing gih.

Gơñu hmâo hơduah kơsem kiăng thâo hơbin rơnŭk anŭn či truh laih anŭn hyư̆m Ñu či truh tui hăng Yang Bơngăt Hiam Yang Krist amăng gơñu hmâo pơrơđah brơi, gơñu laĭ lui hlâo kơ tơlơi tơnap tap Yang Krist laih anŭn tơlơi guh kơang tui klon.

Ơi Adai hmâo pơrơđah laih kơ ƀing pô laĭ lui hlâo anŭn thâo gơñu ƀu buih bruă kơ gơñu pô ôh, samơ̆ gơñu buih bruă kơ ƀing gih, kơ khul tơlơi anŭn ră anai hmâo pơthâo laih kơ ƀing gih mơ̆ng ƀing mơnuih hăng Yang Bơngăt Hiam jing Pô Ơi Adai hmâo pơkiaŏ rai laih mơ̆ng adai, pơtô Tơlơi Phrâo Hiam kơ ƀing gih. Wơ̆t ƀing ling jang ăt čang kiăng dưi lăng ƀuh khul tơlơi anŭn mơ̆n. 1 pêtrôs 1:3-12

01/01/2025

Yêhôwa wai lăng ană plei Ñu
Tơlơi adoh đĭ tui nanao
Kâo angak đĭ mơta pơ čư̆:
Mơ̆ng pơpă kâo či hmâo tơlơi djru?
Tơlơi djru kâo rai mơ̆ng Yêhôwa
Jing pô hmâo pơjing laih adai hăng lŏn tơnah.
Tơlơi Adoh Hơđăp 121:1-2

01/01/2025

Tui anŭn, tơdah hlơi pô dŏ amăng Krist, ñu anŭn jing mơnuih hrih kơphrâo yơh, abih tơlơi so rơgao hĭ laih, anai nê, abih bang tơlơi leng kơ jing kơphrâo soh sel. II Kôrantô 5:17

12/26/2024

Arăng Pơanăn Yêsu

Luk2:21Sapăn hrơi mơ̆ng hrơi arăng tơkeng kơ Ñu, jing hrơi arăng khŏm khăt klĭ ană nge anŭn, arăng pơanăn Ñu jing Yêsu, tui hăng anăn ling jang hiam hmâo pơanăn hlâo kơ amĭ Ñu pi kian.

12/26/2024

Tơlơi Tơkeng Kơ Yêsu

(Mat 1:18-25)

1Rơnŭk anŭn Sêsar Ôgust pơtrŭn asăp brơi abih bang mơnuih amăng lŏn tơnah čih anăn amăng hơdrôm hră yap ană plei pla. 2Anai jing tơlơi yap akŏ mơnuih tal blŭng hlâo, tơdang Kirinius jing khua wai lăng čar Siri. 3Rĭm čô khŏm glaĭ pơ plei phŭn gơñu pô kiăng brơi arăng čih pơmŭt anăn gơñu.

4Yôsep ăt kar kaĭ mơ̆n, mơ̆ng čar Galilê plei Nasaret, ñu đĭ nao pơ čar Yuđa plei Đawit, arăng pơanăn dơ̆ng jing plei Betlêhem, yua kơ ñu jing kơnŭng djuai laih anŭn ană tơčo Đawit, 5kiăng brơi arăng čih pơmŭt anăn ñu hrŏm hơbĭt hăng HʼMari, pô hmâo djă kong laih hăng ñu. Hlăk anŭn HʼMari dŏ pi kian. 6Tơdang gơñu dŏ pơ anŭn, hrơi HʼMari đih apui truh. 7Ñu tơkeng sa čô ană kơčoa đah rơkơi. Ñu sŏm ană ñu hăng khăn laih anŭn pơđih gơ̆ amăng atŏng rơ̆k, yua kơ ƀu hmâo anih ôh kơ gơñu dŏ amăng sang jưh. Luk 2:1-7

12/26/2024

Tơlơi Tơkeng Kơ Yêsu Krist
(Luk 2:1-7)
18Tui anai, tơlơi arăng tơkeng kơ Yêsu Krist. Amĭ Ñu HʼMari hmâo djă kong laih hăng Yôsep, hlâo kơ gơñu dŏ hrŏm hơbĭt, HʼMari thâo ñu pô pi kian laih hăng Yang Bơngăt Hiam. 19Yôsep, rơkơi ñu jing sa čô mơnuih tơpă, ƀu kiăng ngă pơmlâo ñu ôh, tui anŭn ñu pơmĭn kiăng lui hăng tơlơi hơgơ̆m. 20Samơ̆ tơdang ñu pơmĭn tui anŭn, anai nê hmâo sa čô ling jang hiam Khua Yang pơrơđah kơ ñu amăng tơlơi rơpơi hăng laĭ tui anai: “Ơ Yôsep, ană tơčo Đawit, anăm hwĭ ôh mă bĕ HʼMari jing bơnai ih, yua kơ ñu pi kian ană anŭn hăng Yang Bơngăt Hiam. 21Ñu či tơkeng sa čô ană đah rơkơi, laih anŭn brơi ih pơanăn Ñu jing Yêsu, yua kơ Ñu či pơklaih ƀing plei pla Ñu mơ̆ng tơlơi soh gơñu.”
22Abih bang tơlơi anŭn truh kiăng pơsĭt tơlơi Khua Yang hmâo pơhiăp laih mơ̆ng amăng bah pô laĭ lui hlâo:

23“Anai nê, sa čô dra hmŭm či pi kian laih anŭn ñu či tơkeng sa čô ană đah rơkơi,

Laih anŭn arăng či pơanăn ñu Êmanuel,”

kiăng laĭ: “Ơi Adai dŏ hrŏm hơbĭt hăng ƀing ta.” 24Tơ Yôsep mơdưh mơ̆ng pĭt, ñu ngă djơ̆ tui hăng tơlơi ling jang Khua Yang hmâo pơtă laih kơ ñu, ñu mă HʼMari jing hĭ bơnai ñu, 25samơ̆ ñu ƀu hmâo đih pĭt hrŏm hơbĭt hăng HʼMari ôh tơl HʼMari tơkeng rai sa čô ană đah rơkơi, laih anŭn pơanăn ñu jing Yêsu.

12/11/2024

Tơlơi Adoh Hơđăp 145
Bơni hơơč kơ tơlơi khăp laih anŭn tơlơi dưi mơyang Yêhôwa

12/06/2024

Yua kơ anŭn yơh, Khua Yang či pha brơi ƀing gih sa gru kơnăl: Anai nê, sa čô dra hmŭm či pi kian, tơkeng rai sa čô ană đah rơkơi laih anŭn pơanăn ñu jing Êmanuel. Êsai 7:14

12/06/2024

Ƀing ơi adon laih anŭn tơlơi tơkeng kơ Khua Yang Yêsu (Mathiơ 1:1 – 2:23)

11/29/2024

HRĂ BƠRƠĐAH
YÔHAN ČIH
Tơlơi pơthâo brơi
Hră Bơrơđah Yôhan Čih hmâo čih rai amăng rơnŭk hmâo tơlơi arăng ngă sat kơtang biă mă kơ ƀing đaŏ kơ Khua Yang Yêsu jing Pô Pơklaih ƀing gơñu. Tơlơi kơñăm phŭn kơ pô čih hră anai jing kiăng pơđĭ ai laih anŭn ba rai tơlơi pơtô kơ tơlơi čang rơmang brơi kơ ƀing djru đaŏ, laih anŭn ăt kiăng pơtrŭt pơđur ƀing gơñu djă kơjăp tơlơi đaŏ amăng hrơi mông gơñu tŭ tơlơi tơnap tap, ruă nuă.

Hmâo lu črăn amăng hơdrôm hră anai čih pioh glaĭ lu tơlơi bơrơđah laih anŭn gru pơƀuh dưi ruai glaĭ hăng tơlơi boh pơhiăp rup pơhmu, năng ai rơnŭk anŭn ƀing đaŏ tañ thâo hluh, samơ̆ ñu jing tơlơi hơgơ̆m brơi kơ ƀing pơkŏn. Kar hăng akŏ prŏng kơ sa mrô ayŭ arăng pĕ, khul akŏ prŏng amăng hră Bơrơđah hmâo mơñă glaĭ nao rai amăng lu wơ̆t phara phara găn mơ̆ng lu rup pơƀuh phara phara. Wơ̆t dah hmâo lu tơlơi pơmĭn phara kơ tơlơi pơblang kơ tơlơi pơƀuh amăng hră Bơrơđah, samơ̆ akŏ prŏng phŭn ñu rơđah rơđong biă mă yơh: Khua Yang Yêsu Krist jing Pô Pơklaih kơ abih bang mơnuih, ƀơi hnal tuč Ñu či pơrai hĭ abih bang ƀing ayăt, wơ̆t hăng satan mơ̆n, laih anŭn či brơi tơlơi bơni kơ ƀing mơnuih tŏng ten hrŏm hơbĭt hăng tơlơi mơyun hiam laih anŭn tơlơi drưh kơang amăng adai phrâo lŏn phrâo.

11/29/2024

Samơ̆ Khua Yang Yêsu jing hĭ khua ngă yang hăng tơlơi ƀuăn rơ̆ng, yua kơ Ơi Adai hmâo laĭ kơ Ñu tui anai:
“Khua Yang hmâo ƀuăn rơ̆ng laih, laih anŭn Ñu ƀu či pơplih ôh,
‘Ih či jing khua ngă yang hlŏng lar.’” Hêbrơ 7:21

11/29/2024

Tui anŭn ƀing gih ƀu či rơmơ̆n rơbưi ôh, samơ̆ brơi hla tui ƀing mơnuih hmâo tŭ mă tơlơi ƀuăn yua mơ̆ng tơlơi đaŏ laih anŭn pran jua gir tŭ. Hêbrơ 6:12

11/29/2024

Hnŭn yơh, brơi ƀing ta lui hĭ khul mơta tơlơi hrăm amuñ đêl kơ Krist, kơtưn nao bĕ kơ tơlơi klă tum, anăm wơ̆t glaĭ kơ khul tơlơi phŭn atur dơ̆ng ôh, kar hăng: tơlơi kơhmal kơ khul bruă djai, tơlơi đaŏ kơ Ơi Adai, Hêbơrơ 6:1

11/24/2024

Tơlơi Pơtă Hnal Tuč

Ơ ƀing adơi ayŏng, kâo kơwưh kơ ƀing gih, răng bĕ kơ ƀing pơkah pơpha phung laih anŭn ngă tơhnač arăng, pơkơdơ̆ng glaĭ hăng tơlơi pơtô ƀing gih hmâo hrăm laih, weh ataih mơ̆ng ƀing gơñu bĕ.

Yua kơ ƀing mơnuih kar hăng anŭn ƀu mă bruă kơ Krist Khua Yang ƀing ta ôh, samơ̆ mă bruă kơ hlŭng gơñu pô đôč, laih anŭn hăng tơlơi pơhiăp mơmih, hăng tơlơi plư pơhlô̆ gơñu mă pran jua ƀing mơnuih rơgoh hiam.

Yua kơ abih bang mơnuih leng kơ thâo laih kơ tơlơi ƀing gih thâo gưt hiăp, yua kơ anŭn yơh kâo hmâo tơlơi hơ̆k mơak kơ ƀing gih, kâo kiăng kơ ƀing gih rơgơi kơhnâo amăng tơlơi hiam, laih anŭn jơngeh ƀơhač kơ tơlơi sat ƀai.

Ơi Adai tơlơi rơnŭk rơnua či tañ juă Satan gah yŭ tơkai ƀing gih. Rơkâo tơlơi pap Khua Yang ƀing ta Yêsu Krist dŏ hrŏm hơbĭt hăng ƀing gih.

Timôthê, pô mă bruă hrŏm hơbĭt hăng kâo, kơkuh kơ ƀing gih. Lusius, Jason, laih anŭn Sôsipater, ƀing phung wang kâo, kơkuh kơ ƀing gih kar kaĭ mơ̆n.

Kâo jing Tertius, pô čih hră anai, kơkuh kơ ƀing gih amăng Khua Yang.

Gaius, pô tŭ jum kâo laih anŭn pô tŭ jum abih bang Phung Sang Ơi Adai amăng sang ñu, kơkuh kơ ƀing gih. Êrast, khua djă prăk plei prŏng, laih anŭn Kartus, adơi ayŏng ƀing ta, kơkuh kơ ƀing gih.

Rơkâo tơlơi pap Khua Yang ƀing ta Yêsu Krist dŏ hrŏm hơbĭt hăng abih bang ƀing gih. Amen.

Pơpŭ bơni kơ Pô dưi pơkơjăp ƀing gih tui hăng Tơlơi Phrâo Hiam kâo laih anŭn tơlơi Yêsu Krist pơtô, tui hăng tơlơi pơrơđah tơlơi yom hơgơ̆m Ơi Adai hmâo pơdŏp laih mơ̆ng đưm adih,

samơ̆ ră anai hmâo pơrơđah laih mơ̆ng hră ƀing pô laĭ lui hlâo čih brơi laih kơ abih bang djuai mơnuih thâo, tui hăng tơlơi pơđar mơ̆ng Ơi Adai Pô hơdip hlŏng lar, kiăng ba abih bang djuai mơnuih kơ tơlơi đaŏ laih anŭn gưt.

Kơ Ơi Adai, kơnơ̆ng hơjăn Ñu đôč jing Pô kơhnâo, hmâo tơlơi ư-ang amăng abih bang rơnŭk amăng Yêsu Krist hlŏng lar! Amen.
Rôm 16:17-27

Address

New York, NY

Website

Alerts

Be the first to know and let us send you an email when Tơlơi Pơhiăp Ơi Adai posts news and promotions. Your email address will not be used for any other purpose, and you can unsubscribe at any time.

Videos

Shortcuts

Share

Category