RADIO TELE Ekilib - RTVE

08/08/2024

https://www.facebook.com/share/p/Y45zByMEFXSZxKiQ/?mibextid=xfxF2i

Nan yon entèvansyon li fè nan dat 30 jiyè pase a nan mikro Carlos Augustin, korespondan radyo Vision 2000, Vis-delege Awondisman Senmak la ING. Walter Montas...

03/05/2024

Ayiti | Kriz_Politik |

Lidè pati pilitik Pitit Desalin nan, Moise Jean Charles siyen yon ako, jodi 5 mas 2024 la kote li dako pou gouvenans peyi Dayiti jere pa yon konsey 3 manb ki gen ladann : Guy Philippe, M. Durin Junior Duret et Francoise Saint-Vil Villier.

Nap soulinye malgre plizye strateji gouvenman ap fe, PM Ariel Henry pako janm ka rantre nan peyi a. E dapre plizye medya an Repiblik Dominiken, PM Ariel ta nan yon avyon ki oblije kase tet tounen paske otorite dominiken yo pa otorizel ateri. Pou kounya PM Ariel trouvel San Juan, Potoriko.

RADIO TELE Ekilib - RTVE

Call now to connect with business.

03/05/2024

Ayiti | Kriz Politik

Nan difikilte pou antre aprè ke li sot siyen akò ki pou ta pèmèt peyi Kenya voye polisye vin batay ak gang, Premye Minis Ariel Henry mande gouvenman Biden pou yo ta metel nan yon avyon militè ameriken pou yo mennenl Ayiti jodi 4 mas 2024 la.

Selon jounal MiamiHerald, responsab ameriken yo ta refize demand PM Ariel la e tou raplel ke solda yo pap rantre an Ayiti men se yon fos LONI yap apiye ki pou vin mete lapè.

Pou kounya Mesye Airel bloke nan USA paske okenn avyon pa deside rantre an Ayiti akoz neg ak zam ki ap kontinye pran kontrol e mete dife nan komisarya ak plizye bwat Leta pandan ke gen anpil gro biznis kap piye.

03/04/2024

Haiti|Port-au-Prince| Etat d'Urgence

Dans un communiqué , le Gouvernement de la République, se référant à l’arrêté du 3 mars 2024 déclarant l’Etat d’urgence sur toute l’étendue du département de l’Ouest pour une période de soixante-douze heures renouvelable, et afin de rétablir l’ordre et de prendre les mesures appropriées aux fins de reprendre le contrôle de la situation, décrète un couvre-feu sur tout ce territoire entre six heures du soir et cinq heures du matin les lundi 4, mardi 5, mercredi 6 et ce dimanche 3 mars 2024 de huit heures du soir à cinq heures du matin.

Cette mesure ne s’applique pas aux agents de la force publique en service, aux pompiers, ambulanciers, aux personnels de santé et journalistes dûment identifiés.

En conséquence, les forces de l’ordre ont reçu l’ordre d’user de tous les moyens légaux à leur disposition en vue de faire respecter le couvre-feu et d’appréhender tous les contrevenants.

RTVE

07/19/2023

San komantè!

07/14/2023

| Ri Kapwa |
Plizyè klyan ap proteste anndan yon sikisal Sogebank pou lajan yo bank la paka bayo.

07/11/2023

Jistis | Monwi | Ayiti
Ajan enterimè komin Monwi an, Blaise Elysée alias Apôtres, arete e plase nan gadavi nan Tribinal Premye Enstans nan Senmak la jodi 11 jiyè sila, aprè ke jij enstriksyon Francisco Marckendy Beauplan te fin tande li nan kad dosye asasina mèt André Charleus.

Nap raple ke nèg ak zam te bare Mèt André Charléus sou wout nasyonal #1 kote yo bal plizyè bal, trennen kadav la e mete difi sou li nan aprè midi 12 avril 2023 a.
****
Profite abone ak RADIO TELE Ekilib - RTVE

07/10/2023

Ayiti | Foutbòl

20 milyon goud, se kantite lajan sa Leta ayisyen bay kòm sibvansyon ak ekip nasyonal gason yo kitap patisipe nan Goal Cup la nan peyi Etazini e pou ekip medam yo ki pral patisipe nan mondyal nan peyi Ostrali ak Nouvèl Zeland pral òganize nan mwa jiyè sila.

Se ansyen depite Kwadèboukè a, Jean Tholbert Alexis ki se aktyel direktè kabinè minis spò a, madam Raymond Rival, ki remèt chek sila ak komite kap jere foubòl la nan peyi Dayiti e ki te reprezante pa Patrick Massenat, jodi lendi 10 jiyè 2023.
****
Profite abòne ak RADIO TELE Ekilib - RTVE

07/10/2023

Priere-Midi Avec Mackendzy Vil

07/06/2023

Mèt Newton Saint Juste swete rive kòm Prezidan KEP ki ta gen pou misyon òganizasyon divès eleksyon ki ta dwe fèt nan peyi Dayiti.

Nan sans sa, li kontinye ap mete gason sou li, mande pasaj ak proteksyon Ginen yo.
****
Profite abòne ak RADIO TELE Ekilib - RTVE

07/06/2023

Ayiti | Senmak | Ensekirite

2 moun kidnape, yon lòt mouri brile ak tout machin li aprè atak bandi fè maten an sou wout nasyonal #1 nan zòn Kafou Pèy maten 6 jiyè 2023.

Selon sa pataje, se ta nèg ki soti nan lokalite Savyen nan komin Tirivyè Latibonit ki ta komèt zak sila vè 5h30 nan maten e rantre nan baz yo ak moun yo kidnape yo.

Nap raple, malgre gen yon komisarya ki tou pre a ( Patchwal) bandi souvan pase zòn Kafoupèy swa pou fè demonstrasyon fòs yo, swa pou yo boule, tiye ou byen kidnape moun ou machandiz kap pase sou wout nasyonal sila.
****
Profite abòne ak RADIO TELE Ekilib - RTVE

07/04/2023

Jovenel Moise | Asasina | Komemorasyon

7 jiyè 2023 deklare jounen "Dèy Nasyonal" nan okazyon 2ème ane komemorasyon lanmò prezidan Jovenel Moïse, selon yon nòt Sekretarya Primati fè soti jodi madi 4 jiyè e ki pote siyati Jude Charles FAUSTIN.

Nap raple prezidan Jovenel Moïse asasinen lakay li nan Peleren 5, jou ki te 7 jiyè 2021.
****
Profite abòne ak RADIO TELE Ekilib - RTVE

06/23/2023

Senmak | Ensekirite
Lapolis nan Senmak arete, nan lannwit 17 jen 2023, Ulysse Estenio ki gen ti non jwèt li Kaporal ak Aniel Ronaldo kòm moun ki ta fè pati yon group ki abitye vouye machin, vòlè moto sou wout nasyonal #1 nan zòn Fresino.
****
Profite abòne ak RADIO TELE Ekilib - RTVE

06/23/2023

Senmak | ULCC | CRLDI |Koripsyon

Plizyè òganizasyon nan rejyon Latibonit la depoze yon plent nan biwo "Inite kap batay kont Koripsyon (ULCC)" kont divès responsab "Sant kap resevwa e bay dokiman (CRLDI)" nan Senmak jou kite 21 jen 2023.

Selon sa ki ekri nan plent sila, reprezantan òganizasyon sa yo reproche anplwaye Leta sa yo kòm group moun ki ta fè plizyè paspò ak fo Tenb, kap mande gro lajan pou fè paspò, ki ògmante frè dosye yo dèyè do prensip administratif yo e rive fè kontribyab yo peye jiska 5000 goud pou yon "fòmilè demand paspò."

Nan sans sa, OCENH, KONDA, USCTAH ak SSCTNH mande ULCC poul mennen ankèt sou Washny BIEN-AIMÉ, Castel ESTILUS, Wilguens (Taïbi), Nervio, Dieunel ak Wesnel Julien paske, selon òganizasyon sa yo, mesye sa yo komèt plizyè zak ki lye ak koripsyon e malvèsasyon.

Nap soulinye plizyè vwa nan kominote Senmak la abitye denonse fonktyonman biwo sila, ke jeneralman yo rele "imigrasyon", pou move tretman kontribyab yo ap resevwa nan men responsab sant sa, kote yo rive menm bourade jiska frape moun, pafwa anba je kèk otorite nan vil la; san konte plizyè dosye ki devan Lajistis kont plizyè nan anplwaye sa yo.
****

Profite abòne ak RADIO TELE Ekilib - RTVE

06/18/2023

Natcom | koripsyon
Parnel Raphaël, kise responsab Natcom nan Senmak, akize kòm moun kita nan "asosyasyon malfektè, fè e itilize fo dokiman" kont plizyè anplwaye biwo sila prensipalman Jean Philippe PHILIPPE ak Jean Ernst JEAN-BAPTISTE daprè yon manda mare mennen vini ak tout yon entèdiksyon poul kite peyi a ke jij enstriksyon Ricard ARISTIDE siyen nan dat 12 avril 2023.

Selon sa yonn nan moun ki pote plent yo rakonte bay RTE, mesye Parnel ta mete ansanm ak Lovely Reina FEUILLÉ, kise yon dantis pou ta vin fè lajan sou do anplwaye atravè kontra asirans yo ta siyen kit yo te konsilte ou non.

Nan enfòmasyon ki rive jwenn redaksyon RTE, doktè Lovely ta ranpli plizyè dokiman voye bay yon konpayi asirans sou non plizyè anplwaye kòm kwa yon te pran swen bouch nan 2ème semès 2021 an. Pa ekzanp yonn nan plenyan yo, mesye Jean Philippe prezante bay jij kap mennen dosye a, yon dokiman dantis la ( Lovely Reina FEUILLÉ) voye bay INNASA kote li fè konnen li konsilte pasyan sa 4 fwa. Poutan, selon deklarasyon Philippe, li pako janm rankontre doktè a yon fwa nan lavil alèwè poul ta siyen yon kelkonk dokiman... Men dokiman sila yo konplè e ki gen bon jan enfòmasyon pèsonel li ak siyati ki sanble tèt koupe ak jan li konn abitye siyen.

Yon lòt kote, RTE pale ak plizyè anplwaye nan kad dosye sila e kote yo rive menm deklare yo pa konprann koman doktè Lovely Reina jwenn tout enfòmasyon pèsonel sa yo pandan ke yo pa janm ranpli e siyen okenn dokiman bay dantis la. Yap poze tèt yo keksyon koman li fè jwenn lèt atestasyon travay yo pandan ke yo pat fè demach pou sa. E se yonn nan bagay ki enkyete anplwaye plenyan Jean Philippe PHILIPPE lè li tal verifye nan biwo Santral nan Pòtoprens lè li wè lèt sa te nan dosye a ak tout syatil.

Anplis, aprè plizyè diskisyon ke anplwaye yo ap fè sou jan yo pral peye yon kob asirans pou granmesi, nou gen enfòmasyon ke doktè Lovely tap eseye mete anplwaye Natcom/Senmak yo an konfyans lè li ta fè yo konnen ke lap kontinye ak konsiltasyon eke yo pa bezwen enkyete yo pou fòmilè yo paske li te oblije ranpli dokiman yo voye bay INNASA avan ane fiskal la fini san li pa di ki kote li jwenn fòmilè sa yo tou siyen.

Kontakte sou dosye sila, responsab biwo Natcom Senmak la, mesye Parnel Raphaël rekonèt ke li te fè koòdinasyon pou doktè Lovely te rantre pou konsiltasyon yo men malerezman se pat tout anplwaye yo ki te arive pran sèvis la atan. E li fè konnen staff lap dirije a te montre yo apresye inisyativ la nan epok la; pandan li raple ke doktè a ak ekip li te fè tout posib yo pou yo te retounen vin kontinye bay sèvis la men plizyè faktè te anpeche sa fèt. Responsab la soulinye ke li menm tou li pat siyen okenn dokiman, men sa pat anpeche li onore dèt pal la, paske li menm ak fanmil te konsilte. Men san tout fwa explike koman sa rive fèt nan yon antrepriz tankou Natcom.

Mesye Panel fè konnen, etan natif Senmak e jan lap travay nan konpayi Natcom pandan lap administre biwo sila pandan 6 zan e pou gro tranzaksyon lap fè, li patap janm desann li nan nivo poul fè kob sou anplwaye yo. Li fè konprann ke sakap pase a, plis sanble ak yon konplo pou sal imaj li sitou gen yonn nan moun ki pote plent yo ( Ernst JEAN-BAPTISTE) ki te jwenn revokasyon depi mwa Dawout 2022. E fè konnen mesye sa yo pa gen trò bon renome nan fonktyonman yo non plis.

Kisa responsab Natcom yo fè nan dosye sila?

Selon sa RTE jwenn kòm enfòmasyon, responsab ki byen plase nan konpayi sila plede pou ta gen yon antant ant plenyan yo e mesye Parnel, san tout fwa fixe responsabilite yo e pran desizyon ki nesesè. Sa ki efektivman fèt kote responsab biwo a antann li ak yonn nan plenyan yo, ki se Jean Philippe e gentan depoze sou yon kont bankè mwatye nan 600,000 goud li gen poul bay nan dat 20 me pase e li gen poul ta depoze rès la bay madi 20 jen kap vini la... An menm tan tou, ta gen presyon kap fèt sou jij enstriksyon an poul ta eseye kase fèy kouvri sa, kote moun ki byen plase nan Natcom ta rele jij Ricard poul privilejye yon antann ant pati yo olye yon pouswit jidisyè. Paske, selon sa RTE jwenn kòm enfo, gen moun ki nan depatman Resouzimèn Natcom ki ta nan konfyolo nan pataje enfòmasyon pèsonel anplwaye yo e menm rive bay lèt atestasyon travay san ke anplwaye sa yo pa fè okenn demach pou sa.

Anfèt, anpil moun mal konprann koman fè nan yon skandal konsa, responsab Natcom yo pa montre yo gen sousi pou yo proteje imaj konpayi an nan chache etabli verite e trase yon ekzanp ki montre yap konbat koripsyon? Si nap konsidere plizyè denonsyasyon ki fèt deja sou fason konpayi sa ap ap jere, ak lot skandal tankou dosye semans ki atire rat kote anpil plantè nan Depatman Latibonit viktim, eske sa ta vle di reyèlman konpayi sa se yon bèf ak lèt pou anpil otorite, ak plizyè anplwaye byen plase?

Nap raple Natcom atache ak Viettel ki se yon konpayi kominakasyon nan peyi Vietnam. Li komanse fonktyone ofisyelman nan peyi Dayiti nan dat 7 septanm 2010 e Leta ayisyen gen selman 40% nan aksyon, Vietel 60%.

RTE ap fè remake, malgre plizyè tantativ, nou pa rive jwenn doktè Lovely Reina FEUILLÉ
****
Profite abòne ak RADIO TELE Ekilib - RTVE

06/11/2023

Aprè pasaj bandi yo yèswa, men koman anndan kay ansyen prezidan sena Carl Murat Cantave nan Taba 70.
****
Profite abòne ak RADIO TELE Ekilib - RTVE

06/11/2023

Ayiti | Ensekirite
"Mwen wè lanmò an fas..."
Se deklarasyon sa ansyen senatè Latibonit la, Carl Murat Cantave, fè aprè ke bandi te fin atake kay li nan Taba 70 nan lannwit 10 jen sila, kote bandi yo pran tout sa yo bezwen, mete dife e pati ak 2 machin.
Se gras ak yon machin blende lapolis ke ansyen senatè di li chape pol.

Sous:

06/06/2023

Ayiti |Tranbleman tè
4 moun mouri ak plizyè lòt blese nan Jeremi aprè yon tranbleman tè 5.7 ki frape Sid peyi Dayiti maten an. Plizyè lòt komin nan depatman nan difikilte e anpil blese kontinye rive nan diferan sant lopital pou jwenn swen.
****
Profite abòne ak RADIO TELE Ekilib - RTVE

06/05/2023

Dosye asasina Jovenel |
Jodi lendi 5 jen 2023, ansyen senatè depatman Lwès la, Antonio Cheramy, ki gen non jwèt li Don Kato, tal reponn keksyon jij enstriksyon Walter Wesser Voltaire sou sa li konnen nan dosye asasina ansyen prezidan Jovenel Moïse.

Nan deklarasyon li fè pandan li soti nan kare jij la, ansyen senatè fè konprann li prefere fason dosye a ap trete kounya olye se sou rezo yo jijman moun afèt. E li fè konnen li disponib poul reponn envitasyon yo fèl nan sousi poul kontribye ranfòse enstitisyon yo pandan li fè remake ke li mache selman ak avoka li e san okenn bann rara.

Nap raple ke ansyen prezidan Jovenel Moïse asasinen lakay li 7 jiyè 2021 nan Peleren 5 e jiska kounya se sel Rodolphe Jaar ke Lajistis peyi Etazini kondane nan kad dosye sila pou pase tout rès vil nan prizon
****
Profite abòne ak RADIO TELE Ekilib - RTVE

06/05/2023

06/04/2023

Ayiti | Lewogàn | Bilan

"14 moun mouri, 6 mil fanmi sinistre, 7 mil 700 kay anba dlo epi gen 2 mil 500 bèt dlo pote ale..." Se bilan provizwa ke Ajan egzekitif enterimè Lewogàn nan, Ernson Henry, prezante sou dega inondasyon an fè ayè samdi 03 Jen an sou komín lap dirije a.

Kredi: Lunie Joseph
****
Profite abòne ak RADIO TELE Ekilib - RTVE

06/04/2023

Ayiti | Inondasyon

Moun Leogàn nan gro difikilte akoz lapli ki tap tonbe jodi 03 jen 2023 e ki lakoz gro dega nan komin sila.
****
Profite abòne ak RADIO TELE Ekilib - RTVE

06/03/2023

Ayiti | Move tan...

03/06/23 ==> Port-de-Paix
****
Profite abòne ak RADIO TELE Ekilib - RTVE

06/03/2023

Ayiti | Move tan

Zòn dèyè simityè Potoprens, 03/06/23
San komantè!
****
Profite abòne ak RADIO TELE Ekilib - RTVE