Chin Bridge of Hope

12/31/2024

The Government of Chinland tangin Chinram humhimnak ṭuanvo ngeitu hna nih Rithai sii an tlaihmi vialte cu December 31 | 2024 - Victoria Base(Chinlung City) ah mizapi hmuh dingin Mei in khangh tiah theih asi.

Hihi ahhin Farkawn VCP zong nih a telpi hna i, Media cheukhat zong sawm an si hna i, video zukcawl zong tam an biachimnak le cawlcanghnak zong langhter asi te lai.

Mah Rithai sii hi Chin hriamtlai Unau aa timi hna nih phurhtlunh le zuartermi hna sin in tlaihmi asi tiah upa pakhat nih a chimchap.

12/26/2024

Salai Kep Cin Thang(CDF TT VP) cu 2024 Christmas cu Ralram ummi hna sin ah a va hmang i, Thawngṭha zong a chimh hna:

12/22/2024

12/22/2024

Breaking News : Emergency Combat Supporter tawlrelnak in Meithal zun 43 le 0.5 kuan zei maw zat c**k asi i, December 21 | 2024 ah Chin Miphun Ralkap hmunpi Victoria Base ah a phan cang.

Emergency Combat Supporter hna hi minung 30 leng hawikom a funtommi hna an si i, online ah biapuam chim thiam le lar duh in Tuuphaw aih hmangmi an si hna lo. Miphun le Ram caah khu loin a chungin a rak linsa taktakmi hna group an si ti khawh asi.

Hi Emergency Combat Supporter hna nihhin Chin Miphun Ralkap hna caah October 3 | 2024 lio ah US dollar thongsawm thum leng k*t an rak samh cang i, Tutan hi Chinland Clud hna he bawmchan in meithal mah zat tiang an van tawlrel ṭhanmi asi. Cu lawng si rih loin Khuasik caan asi caah CNA ralram kalmi hna caah tiin Angki lum zun 100 zong an c**k piak chap rih hna tiah theih asi. Mah vialte chawva hi midang sin ah halmi si loin an mah zalchung tein an chuah ciomi asi.

Hi Emergency Combat Supporter Group hna nih CNA caah aa timhmi tampi a um caah tel a duhmi nan um asi ahcun pehtlaih khawh asi.

Pakhatnak: (904) 662-1753
Pahninhnak : (904) 360 9150
Pathumnak: (331) 645-2638

12/17/2024

CNDF minung pahninh nih CDF Hualngo min an zuar nain an theih ṭhan hna caah thong ah an thlak hna tiah theih asi.

Hi hna pahninh nihhin zuu rit buin motorcycle an i cit i, khuachung mi an pah hna i, nawlnak le biachawnhnak ngei loin an zam tak hna caah mizapi humhim ṭuanvo ngeitu palik nih an tlaih hna i, CDF Hualngo kan si tiin i hrocernak in bialehnak an tuah hna nain CDF Hualngo upa hna nih an va zoh hna tikah CDF Hualngo siloin CNDF tu an rak si.

12/16/2024

Breaking News : Lainu USA khua sa nih Lai Dawr ah che(ထီ)$50 man a c**k i, One Million(US $Ting10)a poh tiah theih asi. December 14| 2024 ah kan a poh i, December 16 |2024 ni ah tlamtling tein kan hlam khawh cang tiah apoh tu Nu nih Chin Bridge of Hope sin ah a chim.

US dollar in One million(tinghra) ka pohmi hi, Chinmi nih dohtlennak kan tuahnak ah Pathian nih chawva in i tel kho ve dingin caanṭha a pek ve mi asi caah US dollar in Thonghra in Thongkul kar cu ka pek hrimhrim lai tiah biapeh ah chim chap.

tu hna nih

12/10/2024

December 9 |2024 zanlei suimilam 2:00pm ah Chinland Ralkap nih Rungtlang ah a rami Helicopter cu a tum lai ah kan kah i tum loin a kir ṭhan tiah CDF Hakha Supporting page ah an langhter. Hi kan kahmi Helicopter cu Kalay ah a va tum ṭhan i zeitluk a rawh tu kan thei kho rih lo tiah an langhter chap.

12/10/2024

December 10|2024(2:00am) ah SAC ralhrang nih Bom a thlak nak

12/10/2024

December 10 | 2024 Deilei suimilam 2:00 ah Hakha peng Chuncung Khua ah SAC ralhrang nih Vanlong in bomb voi(2) a thlak caah Minung (4) nunnak a liam i, Minung (10) hliam an tuar tiah CDF Hakha Supporting upa pakhat sin in kan theih.

Min Aung Hliang hi a nun lamthluan ah sungh le zatlak lawngte nih a zulh cang caah thawh hmawt in Mizapi umnak ah bomb thlak le hrawh lawng hi asi cang.

12/10/2024

Timit hmunkhuar SAC ralhrang hna Chinland Ralkap nih an phomh lio hna:

God Bless Chinland Army

12/08/2024

December 8 | 2024 ah Chinland Ralkap hna nih
Auto tlang le a kiangkap hmunkhuar SAC ralhrang hna cu an thio dih cang hna tiah kan theih. Auto tlang hi July 20 | 2024 ah Chinland Ralkap hna nih rak lak cangmi asi nain caan karlak thil sining remre lo ruangah hnukir tak chung a rak si caah atu bantuk in Chinland Ralkap hna nih athar an van in lak thannak asi.

Mizapi hna Thlacamnak le Chawva in dirkamhnak thawngin kan Biak Pathian nih Teinak lam ah a kan hruai ko.Timit in Thantlang karlak cu SAC ralhrang an thiang hirhiar cang tinak asi i, Chinland Ralkap hi 700-1500 thazang hrawng an si lai tiah theih chap zong asi.

12/06/2024

December 6 | 2024 zinglei suimilam 9:15 in Hakha kiangkap ah kahdohnak thok asi i, zanlei suimilam 3:00 tiang peh zulh in meithel a puak. Chinland Ralkap hna nih SAC ralhrang sin in meithel MA1-1 MA2-1 MA3-1 le kuan zeimaw zat zong an lak khawh tiah theih asi.

Hakha in SAC ralhrang nih minung 200 thazang hmangin hmun kip ah namnak a tuah nain tutiang cu Bawipa vel thawngin le mizapi hna Thlacamnak thawngin an kham khawh rih hna tiah kan theih chap.

12/05/2024

Hakha le Thantlang kar Ralhau

12/05/2024

A voi(2)nak ICCYC cu Lawngtlai Khualipi ah an tuah i, Youth Conference anti nain Ramdang Mino K*m 18-40 kar tlungmi nak in k*m 45-60 kar a tlungmi an tam deuh ti si.

Praise & Worship lam ahcun a thiam kho taktak. Mizoram khuasa hi cu lam cu kan rak tluk lo hrimhrim hna si.

Avoi(2)nak ICCYC Lawngtlai tuahmi ah Lamthiam bakmi si.

12/05/2024

Hakha le Thantlang kar Timit hlei le Tiṭa hlei cu Chinland Ralkap nih Ralhau caah an hman chung tiah theih asi.

Hi hlei pahninh Ralhau ah an hman chung a sinak cu SAC ralhrang nih Hakha le Thantlang kar Operation kalpi dingin တပ်မ(၇၇) tam ngai te Chinram Khualipi Hakha ah a van chiah hna caah mahtin Ralhau caah tiin an tuahnak asi tiah theih asi.

Hakha le Thantlang kar hmunkhuar SAC ralhrang hi Chinland Ralkap nih an ṭhio dih ngawt cang i July 28 | 2024 ah rak lak cia mi Auto tlang(Vankham tlang) timi lawng kha a tang cang tiah theih asi.

12/04/2024

Thantlang le Hakha kar hmunkhuar SAC ralhrang hna cu an lutaw hngal loin an zam caah December 4| 2024 ah Chinland Ralkap hna nih meithal zunkhat te zong puah hau loin hriam ceilak te an va lak tiah theih asi. Meithal zun2 khi a tharpahlik te asi tiah hriam lak ah a um ve mi sin in theih asi.

12/03/2024

December 3| 2024 zinglei suimilam 11 hrawngah Hakha in Timit lei ah Y12 vanlong cu azuang.

11/27/2024

November 26| 2024 ah SAC ralhrang nih Falam Peng Lungte Khua ah Vanlawng in Bomb a thlak caah khuami 6 an thi i, Inn 6 a rawk tiah theih asi.