https://youtube.com/channel/UCFKVZWp-hIXQgzNrGZh4Jng

Kanpetlet Time News, 10521 SE 216th, Kent, WA (2025)

12/22/2024

ကန်ပက်လက်မြို့ကို သေနတ်မဖောက်ဘဲ ချင်းညီနောင် သိမ်းပိုက်နိုင်
Kanpetlet Time News
(ကန်ပက်လက်)၊ ဒီဇင်ဘာ ၂၂ ရက်

ချင်းပြည်နယ်၊ ကန်ပက်လက်မြို့တွင် တပ်စွဲထားသော စစ်ကောင်စီတပ်ဖွဲ့ဝင်များနှင့် ၎င်းတို့၏ လက်အောက်ခံရဲတပ်ဖွဲ့ဝင်များသည် ယမန်နေ့၊ ဒီဇင်ဘာလ ၂၁ ရက်နေ့၊ ည ၁၂ နာရီခန့်တွင် မြို့ထဲမှ အကုန်စွန့်ခွာခဲ့ပြီး ကန်ပက်လက်မြို့ကို သေနတ်မဖောက်ဘဲ ချင်းညီနောင်က သိမ်းပိုက်နိုင်ခဲ့ပြီဖြစ်ကြောင်းသိရသည်။

12/22/2024

ကန်ပက်လက်မြို့သိမ်းတိုက်ပွဲ ဒီနေ့ စတင်ပြီလို့ ချင်းညီနောင်အဖွဲ့ ကြေညာ
Kanpetlet Time News
ဒီဇင်ဘာလ ၂၂ ရက်။

ချင်းညီနောင် စစ်ဆင်ရေး (Operation CB) အဖြစ် ကန်ပက်လက်မြို့သိမ်း စစ်ဆင်ရေးကို ဒီဇင်ဘာလ ၂၂ ရက်နေ့မှာ စတင်ပြီဖြစ်တဲ့အကြောင်း ပြည်သူလူထုကို အသိပေးတယ်လို့ ချင်းညီနောင်အဖွဲ့က ဒီကနေ့ ဒီဇင်ဘာလ ၂၂ ရက်နေ့မှာ သတင်းထုတ်ပြန်ပါတယ်။

ချင်းညီနောင်စစ်ဆင်ရေး (Operation CB) အဖြစ် နိုဝင်ဘာလ ၉ ရက်နေ့ကစလို့ ဖလမ်းမြို့၊ မင်းတပ်မြို့တို့ကို မဟာမိတ်တပ်ဖွဲ့တွေနဲ့ ပူးပေါင်းပြီး ထိုးစစ်ဆင်တိုက်ခိုက်ခဲ့ပါတယ်။

ဖလမ်းမြို့သိမ်းတိုက်ပွဲမှာ လက်ရှိမှာစစ်ကောင်စီတပ်ဖွဲ့တွေ တပ်စွဲထားတဲ့ ဖလမ်းခရိုင်ရဲတပ်ဖွဲ့ရုံး၊ ဖလမ်းမြို့မရဲတပ်ဖွဲ့ရုံး၊ ဆောက်လုပ်ရေးရုံး၊ အထွေထွေအုပ်ချုပ်ရေးရုံးနဲ့ ဆေးရုံကုန်း နေရာတွေကို တိုက်ခိုက်သိမ်းပိုက်ထားသလို စစ်ကောင်စီလက်အောက်ခံ ရဲတပ်ဖွဲ့ဝင် ၄၅ ဦးလည်း လက်နက်ခဲယမ်းတွေနဲ့ အတူ လက်နက်ချခဲ့တယ်လို့ ချင်းညီနောင်အဖွဲ့က ဒီဇင်ဘာလ ၂၀ ရက်နေ့က ထုတ်ပြန်ထားပါတယ်။

မင်းတပ်မြို့သိမ်းတိုက်ပွဲမှာလည်း စစ်ကောင်စီတပ်စခန်းတွေဖြစ်တဲ့ စံမင်းသီရိစေတီကုန်း၊ ဝန်ထမ်းအိမ်ရာလိုင်းခန်း (စံပြရပ်ကွက်)၊ ခရိုင်ဆောက်လုပ်ရေးဝင်း၊ တာဝါတိုင်ကုန်း၊ ဟိုတယ် (မင်းတပ်)၊ မြလေးပွင့်စေတီကုန်း ၄ မိုင်ကုန်းတို့ကို သိမ်းပို်က်ခဲ့ပြီး စစ်ကောင်စီတပ်ဖွဲ့နဲ့ရဲတပ်ဖွဲ့ဝင် (၁၂၃) ဦး ၄င်းတို့မိသားစုဝင်တွေနဲ့အတူအလင်းဝင်ခဲ့တယ်လို့ ဒီဇင်ဘာလ ၂၀ ရက်နေ့က ထုတ်ပြန်ခဲ့ပါတယ်။

12/20/2024

နပခ (အမ်း) ဒုတိုင်းမှူး ဗိုလ်မှူးချုပ် သောင်းထွန်းနဲ့ တိုင်းဦးစီးချုပ် ဗိုလ်မှူးချုပ် ကျော်ကျော်သန်းတို့အား အာရက္ခတပ်တော်မှ အရှင်လက်ရဖမ်းဆီးရမိတဲ့ ဓာတ်ပုံ AA ထုတ်ပြန်

Kanpetlet Time News
ဒီဇင်ဘာ ၂၀/ ၂၀၂၄

အာရက္ခဒေသ၊ နပခ (အမ်း) ဒုတိုင်းမှူး ဗိုလ်မှူးချုပ် သောင်းထွန်းနဲ့ တိုင်းဦးစီးချုပ် ဗိုလ်မှူးချုပ် ကျော်ကျော်သန်းတို့အား အာရက္ခတပ်တော်မှ အရှင်လက်ရဖမ်းဆီးရမိတဲ့ဓာတ်ပုံ အာရက္ခတပ်တော် (AA)က ယနေ့ ဒီဇင်ဘာ ၂၀ ရက်နေ့မှာ ထုတ်ပြန်လာပါတယ်။

ဓာတ်ပုံထဲမှာ ဗိုလ်ကြီးအောင်စစ်နိုင် (ဆက်သွယ်ရေးအရာရှိ)၊ ဗိုလ်မှူးချုပ် ကျော်ကျော်သန်း( တိုင်းဦးစီးချုပ်)၊ နပခ ဒုတိုင်းမှူး ဗိုလ်မှူးချုပ်သောင်းထွန်းနဲ့ အရာခံဗိုလ်အေးသိန်း (ရုံးအုပ်ချုပ်ရေး)တို့ကို ဖမ်းဆီးထားတာကို တွေ့မြင်နိုင်ပါတယ်။

12/20/2024

ချင်းညီနောင်စစ်ဆင်ရေး (Operation CB)အဖြစ် ဖော်ဆောင်လျက်ရှိသော မင်းတပ်မြို့နှင့် ဖလမ်းမြို့သိမ်းစစ်ဆင်ရေးနှင့် စပ်လျဉ်း၍ သတင်းထုတ်ပြန်ချက်
Kanpetlet Time News

12/15/2024

အာဏာသိမ်းဖို့ အမိန့်ထုတ်ခဲ့တဲ့ တောင်ကိုရီးယား သမ္မတ ပြုတ်ပြီ

Kanpetlet Time News

တောင်ကိုရီးယားလွှတ်တော်မှာ သမ္မတ ယွန်းဆက်ယိုးရဲ့ ဒီမိုကရေစီ ခြိမ်းခြောက်မှုအဖြစ် ၆ နာရီကြာ မာရှယ်လော ထုတ်ပြန်ခဲ့မှုနဲ့ပတ်သက်လို့ သမ္မတအပေါ် မလျှော်ကန်တဲ့ လုပ်ရပ် အဖြစ် အရေးယူနိုင်ဖို့ မဲပေးရာမှာ လုံလောက်တဲ့ မဲအရေအတွက်ရရှိသွားလို့ ယွန်းဆက်ယိုးကို သမ္မတ တာဝန်က ဆိုင်းငံဖယ်ရှားလိုက်နိုင်ပြီ ဖြစ်ပါတယ်။

ပထမတစ်ကြိမ် မဲပေးမှုမှာ ယွန်းဆက်ယိုးရဲ့ ပါတီက ကန့်ကွက်လို့ လိုအပ်တဲ့ မဲ ၃ ပုံ ၂ ပုံ ပြည့်လုနီးသာရခဲ့လို့ အထမမြောက်ခဲ့တဲ့အတွက် ဒီကနေ့မှာ ထပ်မံ မဲပေးဆုံးဖြတ်ရာမှာတော့ ယွန်းဆက်ယိုးရဲ့ ပါတီက အမတ်တချို့ ကိုယ်တိုင်က ထောက်ခံမဲပေးလို့ ထောက်ခံမဲ ၂၀၄ မဲ၊ ကန့်ကွက်မဲ ၈၅ မဲနဲ့ အောင်မြင်သွားတာကြောင့် ၁၁ ရက် ကြာ နိုင်ငံရေးအုံကြွမှု အဆုံးသတ်ခဲ့သလို သမ္မတရာထူးတာဝန်ကို ဝန်ကြီးချုပ် ဟန်ဒက်ဆိုးက ယာယီတာဝန် လွှဲပြောင်းရယူသွားနိုင်ခဲ့ပြီဖြစ်ပါတယ်။

ဒီအရေးယူမှု ရက် ၁၈၀ ပြည့်တာနဲ့ တောင်ကိုရီးယားမှာ သမ္မတသစ်ကို ရွေးကောက်ပွဲ ထပ်မံကျင်းပရွေးချယ် သွားမှာဖြစ်ပြီး လွှတ်တော်ရှေ့မှာ သမ္မတကို ရာထူးက ထုတ်ပယ်ဖို့ ဆန္ဒပြတောင်းဆိုနေသူတွေအကြား ကျေနပ် အားရအောင်ပွဲခံပြီး တချို့က အစားအသောက်၊ ကော်ဖီတွေ ဝယ်တိုက်အောင်ပွဲခံမှုတွေလည်း လုပ်ဆောင်နေခဲ့ ကြပါတယ်။

ဒီဇင်ဘာ ၃ ရက်နေ့က သမ္မတ ယွန်းဆက်ယိုးဟာ သူ့အဆိုတွေကို အတိုက်အခံပါတီ အမတ်တွေက အမြဲ ကန့်ကွက်နေလို့ မြောက်ကိုရီးယား လက်ပါးစေတွေရန်က လွတ်အောင် နိုင်ငံကို အရေးပေါ် စစ်အုပ်ချုပ်ရေး ဥပဒေပြဌာန်းကြောင်း ကြေညာလိုက်တဲ့အတွက် လွှတ်တော်ထဲ စစ်သားတွေဟာ အတင်းအကြမ်း ဝင်လာခဲ့ ကြပြီး ရဟတ်ယာဉ်တွေပါ အသုံးပြုလို့ အာဏာသိမ်းဖို့ ကြံခဲ့ကြပါတယ်။

ဒါကို လွှတ်တော်အမတ်တွေနဲ့ လုံခြုံ ရေးတွေက ကာကွယ်ပြီး မာရှယ်လောဥပဒေဖျက်သိမ်းဖို့ အချိန်မီ လုပ်ဆောင်နိုင်ခဲ့လို့ ဒီမိုကရေစီနိုင်ငံအဖြစ် ကနေ စစ်အာဏာရှင်နိုင်ငံဘ၀ ပြန်မရောက်သွားခဲ့တာဖြစ်ပါတယ်။

လက်ရှိမှာ တောင်ကိုရီးယား အထူးရဲတပ်ဖွဲ့ ဟာ ကာကွယ်ရေးဝန်ကြီးနဲ့ ပြည်ထဲရေးဌာနက အကြီးအကဲတွေကို အာဏာသိမ်းဖို့ စီစဉ်မှုနဲ့ ဖမ်းဆီး ထိန်းသိမ်း ထားပါတယ်။
Kanpetlet Time News

12/15/2024

မြန်မာနိုင်ငံရဲ့ ပထမဦးဆုံး UFC Fighter
ချင်း ဖိုက်တာ မှ
သရုပ်ဆောင် #မိုးဟေကို" အား သဘောကျကြောင်းအင်တာဗျူး တစ်ခုမှာပြော
Kanpetlet Time News

05/26/2024

ပညာရေးဘုတ်အဖွဲ့ ကံစမ်းမဲလက်မှတ်ရောင်းချခြင်း

ကန်ပက်လက်မြို့နယ်ပညာရေးဘုတ်အဖွဲ့မှ လာမည့်
ပညာသင်နှစ်တွင် ပညာရေးကဏ္ဍ၌ လိုအပ်သည့်နေရာ
များတွင် အသုံးပြုနိုင်ရန် ရည်ရွယ်၍ ၃၁-၇-၂၀၂၄ ရက်နေ့အထိ မဲလက်မှတ်များရောင်းချသွားမည်ဖြစ်ပါသည်။

ဆုမဲများအနေဖြင့်
ပထမဆု- 1,300,000 MMK တန်ဖိုးရှိသည့် ကွန်ပျူတာ
ဒုတိယဆု-1,000,000 MMK တန်ဖိုးရှိသည့် Tablet
တတိယဆု-700,000 MMK တန်ဖိုးရှိသည့် Phone
စတုတ္ထဆု-ရိုးရာထည်နှင့် အခြားဆုမဲပေါင်းများစွာ
ပါဝင်ပြီး

၃၁-၇-၂၀၂၄ ရက်နေ့အထိ ရောင်းချသွားမည်ဖြစ်ပါ၍
ပြည်တွင်း/ ပြည်ပမှ တဆင့်ရောင်းချပေးလိုသည့်
ကိုယ်စားလှယ်များအနေဖြင့် ကန်ပက်လက်မြို့နယ်ပညာရေးဘုတ်အဖွဲ့ထံ ဆက်သွယ်၍ ရောင်းချပေးနိုင်
ကြောင်းနှင့် ပြည်တွင်း/ ပြည်ပမှ အလှူရှင်များအနေဖြင့်
တစ်စောင်လျှင် 5000 MMK နှုန်းဖြင့် ဝယ်ယူအားပေးကြပါရန် တိုက်တွန်းနှိုးဆော်အပ်ပါသည်။

Kanpetlet Time News မှတဆင့် ဝယ်ယူအားပေးနိုင်ပါသည်။

05/13/2024

ကျင်ဒွေးမြို့သိမ်းတိုက်ပွဲနှင့် စစ်ဆင်ရေးအတွင်း
ကျဆုံးသွားသည့် စစ်သည်တော်များ

CDF-Kanpetlet

05/10/2024

မိဘပြည်သူများထံ အကူအညီတောင်းခံခြင်း

ကျင်ဒွေးမြို့သိမ်းတိုက်ပွဲအား မိမိတို့ CDF-Kanpetlet နှင့် မဟာမိတ်တပ်ပေါင်းစုများစုစည်း၍ ၂၀၂၃ ဒီဇင်ဘာ (၂၂)ရက်နေ့တွင် စတင်တိုက်ခိုက်ခဲ့ကြပါသည်။

သို့ရာတွင် စစ်ကောင်စီ၏ ကျင်ဒွေးမြို့မကျစေရေးစီမံချက်နှင့်အတူ လေကြောင်း၊စစ်ကူအင်အားအဆမတန်ဖြည့်တင်းမှု၊ လက်နက်ကြီးပစ်ခတ်မှု၊ အမြောက်အမြားဖြင့်အပြင်းအထန်ခုခံကာကွယ်မှုများကြောင့် မိမိတို့ဖက်မှလည်း စစ်ဆင်ရေးကိုအရှိန်အဟုန်မြှင့်သည့်အနေဖြင့်၂၀၂၄ ခုနှစ် မတ်လ (၇) ရက်နေ့မှစ၍ မိမိတို့၏ စစ်ဆင်ရေးကို ချင်းညီနောင်စစ်ဆင်ရေးအဖြစ်ပြောင်းလဲပြီး "အာရက္ခတပ်တော်"၏ စစ်ရေးဦးဆောင်မှုဖြင့် စုပေါင်း၍ဆက်လက်တိုက်ခိုက်ခဲ့ကြရာ ၂၀၂၄ ခုနှစ်၊ ဧပြီလ (၂၉) ရက်နေ့တွင် ကျင်ဒွေးမြို့ စစ်ကောင်စီ တပ်စခန်းအား အပြီးတိုင် တိုက်ခိုက်သိမ်းပိုက်နိုင်ခဲ့ပါသည်။

လက်ရှိတွင် ကျင်ဒွေးမြို့၊ စစ်ကောင်စီစခန်းမှထွက်ပြေးလွတ်မြောက်နေကြသည့် စစ်ခွေးနှင့် ပျူအင်အား ၅၀၀ ခန့် ကျန်ရှိနေပါသဖြင့် မိမိတို့ တော်လှန်ရေးတပ်ပေါင်းစုများအနေဖြင့် စစ်ကောင်စီတပ်ဖွဲ့ဝင်များကို ယနေ့ထိ အပြင်းအထန် လိုက်လံတိုက်ထုတ်နေရဆဲဖြစ်ပါသည်။

ကျင်ဒွေးမြို့သိမ်းတိုက်ပွဲဖြစ်သောချင်းညီနောင်စစ်ဆင်ရေးအတွင်း လက်နက်ခဲယမ်း၊ စားနပ်ရိက္ခာ၊ ဆေးနှင့် ဆေးပစ္စည်းများအတွက် ကုန်ကျစရိတ်များစွာရှိခဲ့ပြီး မိမိတို့ CDF-Kanpetlet အနေဖြင့် လက်ရှိတွင် စစ်အသုံးစရိတ် သိန်း(၁)ထောင်ကျော်ခန့် ( မြန်မာကျပ်ငွေ) ပေးဆပ်ရန်ကျန်ရှိနေသေးပါသည်။ ထို့အပြင် နေ့စဉ်နှင့်အမျှ ကုန်ကျနေသည့် စစ်အသုံးအဆောင်ပစ္စည်း၊ လက်နက်ခဲယမ်း၊ စားနပ်ရိက္ခာနှင့် ဒဏ်ရာရလူနာများကိုအချိန်မီဆေးကုသနိုင်ရေးများအတွက် မိမိပြည်သူလူထုများ၏ ချွေးနဲစာများထဲမှ ထည့်ဝင်လှူဒါန်းအပ်သော အလှူငွေများ ထပ်မံ လိုအပ်လျက်ရှိနေသေးပါသည်။

သို့ဖြစ်ပါ၍ တိုက်ပွဲများအတွင်း ကုန်ကျခဲ့သော စစ်အသုံးစရိတ်များကိုပြန်လည်ဖြည့်တင်းနိုင်ရန် နှင့် ဆက်လက်ပြီး ရန်သူစစ်ကောင်စီတပ်အား ချင်းပြည်နယ် ကန်ပက်လက်မြို့နယ်အတွင်းမှအပြီးတိုင် တိုက်ထုတ်နိုင်ရေးအတွက် မိမိတို့ CDF-Kanpetlet အား အထူးဦးစားပေးထောက်ပို့ပေးနိုင်ကြပါရန် ပြည်တွင်းပြည်ပမှ မိမိတို့တော်လှန်ရေးကို အစမှယနေ့အထိ ပံ့ပိုးလှူဒါန်းပေးနေကြသောမိဘပြည်သူများထံသို့ အားကိုးစွာဖြင့် အကူအညီတောင်းခံအပ်ပါသည်။

Chin Defense Force
Kanpetlet

#ကျင်ဒွေး
#မြို့သိမ်းတိုက်ပွဲ
#ထောက်ပို့
#အရေးတော်ပုံအောင်ရမည်

05/09/2024

မိဘပြည်သူများသို့ အားကိုးစွာဖြင့်အကူအညီတောင်းခံခြင်း

ကျင်ဒွေးမြို့သိမ်းတိုက်ပွဲအား မိမိတို့ CDF-Kanpetlet နှင့် မဟာမိတ်တပ်ပေါင်းစုများစုစည်း၍ ၂၀၂၃ ဒီဇင်ဘာ (၂၂)ရက်နေ့တွင် စတင်တိုက်ခိုက်ခဲ့ကြပါသည်။

သို့ရာတွင် စစ်ကောင်စီ၏ ကျင်ဒွေးမြို့မကျစေရေးစီမံချက်နှင့်အတူ လေကြောင်း၊စစ်ကူအင်အားအဆမတန်ဖြည့်တင်းမှု၊ လက်နက်ကြီးပစ်ခတ်မှု၊ အမြောက်အမြားဖြင့်အပြင်းအထန်ခုခံကာကွယ်မှုများကြောင့် မိမိတို့ဖက်မှလည်း စစ်ဆင်ရေးကိုအရှိန်အဟုန်မြှင့်သည့်အနေဖြင့်၂၀၂၄ ခုနှစ် မတ်လ (၇) ရက်နေ့မှစ၍ မိမိတို့၏ စစ်ဆင်ရေးကို ချင်းညီနောင်စစ်ဆင်ရေးအဖြစ်ပြောင်းလဲပြီး "အာရက္ခတပ်တော်"၏ စစ်ရေးဦးဆောင်မှုဖြင့် စုပေါင်း၍ဆက်လက်တိုက်ခိုက်ခဲ့ကြရာ ၂၀၂၄ ခုနှစ်၊ ဧပြီလ (၂၉) ရက်နေ့တွင် ကျင်ဒွေးမြို့ စစ်ကောင်စီ တပ်စခန်းအား အပြီးတိုင် တိုက်ခိုက်သိမ်းပိုက်နိုင်ခဲ့ပါသည်။

လက်ရှိတွင် ကျင်ဒွေးမြို့၊ စစ်ကောင်စီစခန်းမှထွက်ပြေးလွတ်မြောက်နေကြသည့် စစ်ခွေးနှင့် ပျူအင်အား ၅၀၀ ခန့် ကျန်ရှိနေပါသဖြင့် မိမိတို့ တော်လှန်ရေးတပ်ပေါင်းစုများအနေဖြင့် စစ်ကောင်စီတပ်ဖွဲ့ဝင်များကို ယနေ့ထိ အပြင်းအထန် လိုက်လံတိုက်ထုတ်နေရဆဲဖြစ်ပါသည်။

ကျင်ဒွေးမြို့သိမ်းတိုက်ပွဲဖြစ်သောချင်းညီနောင်စစ်ဆင်ရေးအတွင်း လက်နက်ခဲယမ်း၊ စားနပ်ရိက္ခာ၊ ဆေးနှင့် ဆေးပစ္စည်းများအတွက် ကုန်ကျစရိတ်များစွာရှိခဲ့ပြီး မိမိတို့ CDF-Kanpetlet အနေဖြင့် လက်ရှိတွင် စစ်အသုံးစရိတ် သိန်း(၁)ထောင်ကျော်ခန့် ( မြန်မာကျပ်ငွေ) ပေးဆပ်ရန်ကျန်ရှိနေသေးပါသည်။ ထို့အပြင် နေ့စဉ်နှင့်အမျှ ကုန်ကျနေသည့် စစ်အသုံးအဆောင်ပစ္စည်း၊ လက်နက်ခဲယမ်း၊ စားနပ်ရိက္ခာနှင့် ဒဏ်ရာရလူနာများကိုအချိန်မီဆေးကုသနိုင်ရေးများအတွက် မိမိပြည်သူလူထုများ၏ ချွေးနဲစာများထဲမှ ထည့်ဝင်လှူဒါန်းအပ်သော အလှူငွေများ ထပ်မံ လိုအပ်လျက်ရှိနေသေးပါသည်။

သို့ဖြစ်ပါ၍ တိုက်ပွဲများအတွင်း ကုန်ကျခဲ့သော စစ်အသုံးစရိတ်များကိုပြန်လည်ဖြည့်တင်းနိုင်ရန် နှင့် ဆက်လက်ပြီး ရန်သူစစ်ကောင်စီတပ်အား ချင်းပြည်နယ် ကန်ပက်လက်မြို့နယ်အတွင်းမှအပြီးတိုင် တိုက်ထုတ်နိုင်ရေးအတွက် မိမိတို့ CDF-Kanpetlet အား အထူးဦးစားပေးထောက်ပို့ပေးနိုင်ကြပါရန် ပြည်တွင်းပြည်ပမှ မိမိတို့တော်လှန်ရေးကို အစမှယနေ့အထိ ပံ့ပိုးလှူဒါန်းပေးနေကြသောမိဘပြည်သူများထံသို့ အားကိုးစွာဖြင့် အကူအညီတောင်းခံအပ်ပါသည်။

Chin Defense Force
Kanpetlet

#ကျင်ဒွေး
#မြို့သိမ်းတိုက်ပွဲ
#ထောက်ပို့
#အရေးတော်ပုံအောင်ရမည်

05/01/2024

ကန်ပက်လက်မြို့နယ် ကျင်ဒွေး မြို့ကို ‘ချင်းညီနောင်’ ပူးပေါင်းတပ်က ထိန်းချုပ်လိုက်ပြီ

Kanpetlet Time News
၁ မေ၊ ၂၀၂၄

‘ချင်းညီနောင်’ စစ်ဆင်ရေးအမည်နဲ့ ဖော်ဆောင်နေတဲ့ ကန်ပက်လက်မြို့နယ်၊ ကျင်ဒွေးမြို့ကို ထိန်းချုပ်လိုက်ပြီလို့ ‘ချင်းညီနောင်’ က ဒီနေ့ တရားဝင် သတင်းထုတ်ပြန်လိုက်ပါတယ်။

၂၀၂၃ ဒီဇင်ဘာလမှာ CDF နဲ့ PDF ပူးပေါင်းတပ်တို့က ကျင်ဒွေးမြို့ကို စတင်တို၊က်ခိုက်တာဖြစ်ပြီး ၂၀၂၄ မတ်လ ၇ ရက်နေ့မှာ ‘ချင်းညီနောင်’ စစ်ဆင်ရေးအဖြစ် စတင်ဖော်ဆောင်ခဲ့တာပါ။

အဘက်ဘက်က အချက်အခြာကျတဲ့ ချင်း - မကွေးနယ်စပ် ကျင်ဒွေးကို စစ်ကောင်စီက လက်မလွှတ်ရေး အင်အားရာချီ စစ်ကူပို့ထားသလို လေကြောင်းပစ်ကူသုံးနေတာ လချီရှိခဲ့ပါတယ်။

ကျင်ဒွေးမြို့သိမ်းတို၊က်ပွဲမှာ အာရက္ခတပ်တော် (AA)၊ PDF၊ YDF၊ LPDF တို့က စစ်ဆင်ရေးမှာ ပူးပေါင်းတို၊က်ပွဲဝင်တယ်လို့ ‘ချင်းညီနောင်’ က ထုတ်ပြန်ချက်မှာ ဖော်ပြပါတယ်။

ကျင်ဒွေး မြို့ကို ‘ချင်းညီနောင်’ ပူးပေါင်းတပ်ဘက်က ထိခိုက်ကျဆုံးမှုတွေ များစွာရှိနေတဲ့ကြား ၄ လကျော်တို၊က်ယူခဲ့ပြီး အခုလို ထိန်းချုပ်နိုင်တာလည်း ဖြစ်ပါတယ်။
-----
ပုံစာ - ‘ချင်းညီနောင်’ ၏ ၂၀၂၄
#ကျင်ဒွေး

04/29/2024

#ဝမ္မသူးဆေးရုံပြန်လည်ထူထောင်ရေးအတွက်
#ပံ့ပိုးကူညီရန်တိုက်တွန်းနှိုးဆော်ခြင်း

၂၀၂၄ ခုနှစ်၊ ဧပြီလ ၂၉ ရက်

ဝမ္မသူးဆေးရုံဟာ CDM ဝန်ထမ်းကောင်းများစွာရဲ့
ကိုယ်ကျိုးမဖက်တဲ့ လုပ်အားဒါနများမှတဆင့် နွေဦး
တော်လှန်ရေးကာလအတွင်း ကန်ပက်လက်မြို့နယ်မှ
ပြည်သူများစွာရဲ့ အသက်ကိုသာမကဘဲ ဒေသတွင်းရှိ
ပြည်သူများစွာရဲ့ အသက်ကိုပါကယ်တင်ခဲ့တဲ့ ဆေးရုံဖြစ်
သည့်အတွက် ဝမ္မသူးဆေးရုံပြန်လည်ထူထောင်ရေးဟာ
ပြည်သူများအားလုံးရဲ့ ထမ်းဆောင်ရမဲ့ တာဝန်ဖြစ်ပါတယ်။

သို့ဖြစ်၍ မင်းတပ်မြို့နယ်ရှိ ဝမ္မသူးဆေးရုံ ပြန်လည်
ထူထောင်နိုင်ရေးအတွက် ကန်ပက်လက်မြို့နယ်၊ ပြည်
သူများကိုယ်စား ကန်ပက်လက်မြို့နယ်ပြည်သူ့အုပ်ချုပ်
ရေးအဖွဲ့မှ တတ်စွမ်းသမျှ ပါဝင်ခဲ့ပါတယ်။ မိမိတို့နှင့်
အတူကန်ပက်လက်မြို့နယ်၊ ဒေသခံပြည်သူများနှင့်
ပြည်တွင်းပြည်ပမှ အလှူရှင်များ၊ အဖွဲ့အစည်းများမှလည်းဝမ္မသူးဆေးရုံ ပြန်လည်ထူထောင်၍ တော်လှန်ရေး
ကာလအတွင်း ကုသရေးလုပ်ငန်းစဥ်များကို ထမ်းဆောင်
နိုင်ရေးအတွက် တတ်နိုင်သည့် ပမာဏဖြင့် ပံ့ပိုးကူညီပေး
ကြပါရန် အထူး တိုက်တွန်းနှိုးဆော်အပ်ပါတယ်။

ကန်ပက်လက်မြို့နယ်ကောင်စီ
ကန်ပက်လက်မြို့နယ်ပြည်သူ့အုပ်ချုပ်ရေးအဖွဲ့
CDF-Kanpetlet

04/28/2024

ချင်းပြည်နယ်၊ ကန်ပက်လက်မြို့နယ်၊ လွန်ဒုံကျေးရွာကို ၂၀၂၄ ခုနှစ်၊ ဧပြီလ ၂၈ ရက်နေ့ နေ့လယ် ၁:၃၀ အချိန်ခန့်က စစ်ကောင်စီမှ ဂျက်ဖိုက်တာအသုံးပြု၍ လေကြောင်းတိုက်ခိုက်မှု ၂ ကြိမ် ပြုလုပ်ခဲ့တယ်လို့ သိရပါတယ်။ အဆိုပါ တိုက်ခိုက်မှုကြောင့် ကျေးရွာအတွင်းရှိ ဆေးပေးခန်းတစ်ခု၊ နေအိမ် ၄ လုံးပျက်စီးခဲ့ပြီး အမျိုးသားတစ်ဦးနှင့် အမျိုးသမီးတစ်ဦး ပြင်းထန် ဒဏ်ရာရရှိထားပြီး အသက် ၁၈ နှစ်အရွယ်ရှိ အမျိုးသမီးတစ်ဦး မစိုးရိမ်ရသည့် ဒဏ်ရာရရှိ ထားသည်ဟု သိရပါသည်။ (လက်ရှိတွင် ဒဏ်ရာရသည့်အမျိုးသားတစ်ဦး
ဆုံးပါးသွားသည်ဟု သိရပါသည်။)

လွန်ဒုံကျေးရွာမှာ အိမ်ခြေနည်းပါးသည့် ကျေးရွာငယ်လေးဖြစ်ပြီး ဆေးရုံဆေးပေးခန်း လည်ပတ်နိုင်ခြင်းမရှိသည့်‌ ကျေးရွာဖြစ်ပါသည်။ ထိုကဲ့သို့ လွန်ဒုံကျေးရွာကဲ့သို့ ရွာငယ်များ ကို ပစ်မှတ်ထားခြင်းသည် ကန်ပက်လက်မြို့နယ်ပြည်သူ့အုပ်ချုပ်ရေးအဖွဲ့နှင့် CDF-Kanpetlet ကို ထောက်ပို့အင်အားချိနဲ့စေရန်၊ စစ်ရေးတွင် အာရုံစိုက်မှု နည်းပါးစေရန်၊ ပြည်သူများကို ဝေဝါးစေရန် ဆောင်ရွက်ခြင်းဖြစ်သည့်အတွက် မိဘပြည်သူများမှလည်း စစ်ကောင်စီ၏ လှည့်ကွက်များကို သတိထား၍ လေကြောင်းကာကွယ်ရေးအစီအမံကို ကြိုတင်ဆောင်ရွက်ထားရန်လိုအပ်ကြောင်း တိုက်တွန်းနှိုးဆော်လိုပါသည်။

ကန်ပက်လက်မြို့နယ်ပြည်သူ့အုပ်ချုပ်ရေးအဖွဲ့၊ သတင်းထုတ်ပြန်ရေးအဖွဲ့၏ ထုတ်ပြန်ချက်အရ ၂၀၂၄ ခုနှစ်၊ ဧပြီလအတွင်း၌ ဒါးရင်ဒူးဒေသအုပ်ချုပ်ရေးနယ်မြေအတွင်းရှိ ဖျန်ချောင်းရွာ၊ အုံရွာ၊ လွီးစုံရွာ၊ ကောက်ဆောင်းရွာ၊ လွန်ဒုံရွာများကို စစ်ကောင်စီမှ ရည်ရွယ်ချက်ရှိရှိပစ်မှတ်ထား၍ လေကြောင်းတိုက်ခိုက်မှုများပြုလုပ်ခဲ့သည့်အပြင် စာသင်ကျောင်းနှင့် ဆေးရုံများကို ဦးတည်၍ ထပ်မံ၍ လေကြောင်းတိုက်ခိုက်မှုများပြုလုပ်မည်ဟု ကြားသိရပါသဖြင့် မိဘပြည်သူများမှ စကစ၏ လေကြောင်းအန္တာရယ်ကို ကြိုတင်ပြင်ဆင်‌နိုင်ရန် နှိုးဆော်တိုက်တွန်းပါသည်။

ဓါတ်ပုံ-လွန်ဒုံရွာမှ ကန်ပက်လက်မြို့သို့ မြင်ရသည့်ပုံ

04/16/2024

မြို့တ်မြို့ အခြေစိုက် ခလရ ၁၀၃ တပ်မှ တပ်ရင်းမှူး ဒုတိယဗိုလ်မှူးကြီး အောင်ဟိန်း အပါအဝင် စစ်ကောင်စီတပ်ဖွဲ့ဝင် ၅၈ ဦးက လက်နက် ၆၈ လက်၊ ခဲယမ်းများနှင့်အတူ KNU ထံတွင် လက်နက်ချ အလင်းဝင်

■ လက်နက်ချ အလင်းဝင်သူ ဒုဗိုလ်မှူးကြီး အောင်ဟိန်း အပါအဝင် တပ်ဖွဲ့ဝင်များ၏ ဇနီးများကို စစ်တပ်က ဖမ်းဆီး

Kanpetlet Time News

တနင်္သာရီတိုင်း၊ မြိတ်မြို့နယ်၊ ကမ်းရိုးတန်းတိုင်းဒေသ စစ်ဌာနချုပ်(ကရခ) လက် အောက်ခံ ခလရ ၁၀၃ တပ်မှ တပ်ရင်းမှူး ဒုတိယဗိုလ်မှူးကြီး အောင်ဟိန်း အပါအဝင် စစ်ကောင်စီတပ်ဖွဲ့ဝင် ၅၈ ဦးက လက်နက် ၆၈ လက်နှင့်အတူ လက် နက်ချ အလင်းဝင်လာကြောင်း KNUသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဧပြီလ ၁၅ ရက်နေ့ စစ်ကောင်စီ ခလရ တပ်ရင်း ၁၀၃ မှ တပ်ရင်းမှူး ဒုတိယဗိုလ်မှူးကြီး အောင်ဟိန်း ဦးဆောင်သော တပ်ဖွဲ့၀င် ၅၈ ဦးက KNU တပ်မဟာ ၄ ထံ လက်နက် ကြီးငယ် ၆၈လက်နှင့်အတူ လက်နက်ချခဲ့ကြောင်း၊ KNU တပ် မဟာ ၄ ထိန်းချုပ်ဒေသ ဘောဆော်လော်နှင့် ထီးထာကျားတွင် လက်နက်ချခဲ့ခြင်း ဖြစ်ကြောင်း သိရှိရသည်။

ဧပြီလ ၁၅ ရက်နေ့ နေ့လယ်ပိုင်းနှင့် ညနေပိုင်းတွင် KNU ထံ လက်နက်ချ အလင်းဝင် အညံ့ခံသော ဒုတိယဗိုလ် မှူးကြီး အောင်ဟိန်းနှင့် စစ်သည်များ၏ ဇနီးမယားများကို စစ်ကောင်စီက ဖမ်းဆီးလိုက်ကြောင်း သိရှိရသည်။

"လက်နက်ချ အညံ့ခံတဲ့ စစ်သားတွေရဲ့ ဇနီးတွေကို စစ်တပ်က အကုန်ဖမ်းသွားတယ်။ တပ်ရင်းမှူးမိန်းမကို နေ့ လယ်ကတည်းက စရဖကခေါ်သွားတယ်" ဟု ရန်ကုန်ခေတ်သစ်၏ သတင်းရင်းမြစ်က ပြောဆိုသည်။

04/15/2024

ယမန်နေ့ညပိုင်း ရှော့တိုက်ဒုံး အလုံး ၃၀ ထက်မနည်းဖြင့် တိုက်ခိုက်ခံရသော ပြင်ဦးလွင်တွင် အကြမ်းဖက်စစ်ခေါင်းဆောင် မင်းအောင်လှိုင် မရှိတော့

■ စစ်တက္ကသိုလ်အတွင်း ရှော့တိုက်ဒုံးကျရောက်ပေါက်ကွဲမှု သေဆုံးထိခိုက်မှုများရှိပြီး အရပ်သားတချို့နှင့် သံဃာတချို့လည်း ထိခိုက်သေဆုံးမှုရှိ

Kanpetlet Time News ဧပြီ ၁၅

ယမန်နေ့ညပိုင်း ရှော့တိုက်ဒုံး အလုံး ၃၀ ထက်မနည်းဖြင့် တိုက်ခိုက်ခံရသော ပြင်ဦးလွင်မြို့တွင် အကြမ်းဖက် စစ်ခေါင်းဆောင် မင်းအောင်လှိုင် မရှိတော့ဘဲ ထွက်ခွာသွားကြောင်း စစ်ဘက်သတင်းရင်းမြစ်က ပြောဆိုသည်။

ယမန်နေ့ ည ၉ နာရီ ၁၇ မိနစ်အချိန်မှစတင်၍ ပြင်ဦးလွင်မြို့ရှိ စစ်တက္ကသိုလ်၊ ကန်တော်ကြီးအနီးရှိ စစ်ကောင်စီရုံးများ၊ စစ်တပ်နည်းပညာတက္ကသိုလ်တို့ကို ရှော့တိုက်ဒုံးများဖြင့် ဆက်တိုက်ပစ်ခတ်မှုဖြစ်ပွားခဲ့ကြောင်း၊ ယင်းသို့ ဖြစ်ပွားပြီးနောက် အကြမ်းဖက်စစ်ခေါင်းဆောင် မင်းအောင်လှိုင်မှာ ပြင်ဦးလွင်မှ ထွက်ခွာသွားကြောင်း သိရှိရသည်။

"ပြင်ဦးလွင်မှာတော့ တပ်ချုပ်မရှိတော့ဘူး။ ရှော့တိုက်ဒုံးမပစ်ခင်က ထွက်တာလား၊ ပစ်ပြီးမှ ထွက်တာလားတော့ အဲဒါတော့ မသေချာဘူး။ ရှော့တိုက်ဒုံးတွေ ပစ်ပြီးမှ စစ်ယာဉ်တန်းတစ်ခု အရေးပေါ်ထွက်လာပြီး ရဟတ်ယာဉ် ပျံသန်းတာတွေလည်း ကြားရတော့ အပစ်ခံရပြီးမှ ထွက်သွားတယ်လို့ ယူဆရတယ်။ သေချာတာက တပ်ချုပ်က ပြင်ဦးလွင်မှာ မရှိတော့ဘူး" ဟု စစ်ဘက်သတင်းရင်းမြစ်က ဆိုသည်။

ပြင်ဦးလွင်မှ ဌာနဆိုင်ရာ သတင်းရင်းမြစ်တချို့ကမူ ဧပြီလ ၁၅ ရက်နေ့ သင်္ကြန်အကြတ်နေ့တွင် အကြမ်းဖက်မင်းအောင်လှိုင်က စစ်တက္ကသိုလ် သင်္ကြန်မဏ္ဍပ်နှင့် အခြားသော ဌာနဆိုင်ရာ သင်္ကြန်မဏ္ဍပ်များသို့ လာရောက်ရန်အစီအစဉ်ရှိခဲ့သော်လည်း ရှော့တိုက်ဒုံးဖြင့် အပစ်ခံရသဖြင့် အစီအစဉ် ပျက်သွားသည့်သဘောဖြစ်ကြောင်း ပြောဆိုကြသည်။

ယမန်နေ့ ညပိုင်း စစ်တက္ကသိုလ်အတွင်း ရှော့တိုက်ဒုံး ကျရောက်ပေါက်ကွဲမှုတွင် စစ်တပ်ဘက်မှ သေဆုံးထိခိုက်မှုရှိပြီး လက်ရှိ ရရှိထားသော သတင်းများအရ အနည်းဆုံး ဗိုလ်လောင်း ၂ ဦးထက်မနည်း သေဆုံးကြောင်း၊ ဒဏ်ရာရရှိသူများလည်းရှိကြောင်း သိရှိရသည်။

"ပြင်ဦးလွင် စစ်တက္ကသိုလ်ထဲကိုတော့ လူနာတင်ကားတွေ ဝင်သွားတယ်။ စစ်ဆေးရုံကို ခေါ်တင်သွားတာဆိုတော့ ဘယ်လောက်သေလဲမသိရသေးဘူး။ ကြားတာကတော့ ၁ ဦးလို့လည်း ပြောတယ်၊ ၂ ဦးလို့လည်း ပြောတယ်။ ဗိုလ်လောင်းတွေလို့ ပြောတယ်။ ဒဏ်ရာရတာလည်းရှိတယ်လို့ သိရပါတယ်" ဟု စစ်တပ်နှင့်နီးစပ်သော သတင်းရင်းမြစ်က ဆိုသည်။

ထို့ပြင် ပြင်ဦးလွင် အောင်မြေဇေယျာ စာသင်တိုက်သို့လည်း ကျရောက်ကြီး သံဃာ ၂ ပါး နှင့် လူ ၁ ဦး သေဆုံးခဲ့ကြောင်း သိရှိရသည်။

"အောင်မြေဇေယျာကျောင်းတိုက်ထဲကျတာက သံဃာ ၂ ပါးနဲ့ လူ ၁ ဦး သေဆုံးပါတယ်။ သံဃာကလည်း သင်္ကြန်အတွင်း ခဏ ဘုန်းကြီးဝတ်သူတွေလို့သိရတယ်" ဟု ပြင်ဦးလွင်မြို့မှ ပရဟိတသမားတစ်ဦးက ဆိုသည်။

အလားတူ ပြင်ဦးလွင်ဆေးရုံ၊ အရိုးခွဲစိတ်ကုသဆောင်သို့လည်း ရှော့တိုက်ဒုံးကျ ရောက်ပြီး အနည်းဆုံး ၁ ဦးသေဆုံးကာ ၆ ဦးထိခိုက်ဒဏ်ရာရရှိကြောင်း သိရှိရသည်။

04/05/2024

#နေအိမ်မီးရှို့ဖျက်ဆီးခြင်း
#အရပ်သားပြည်သူတစ်ဦးအသတ်ခံရခြင်း

5 April, 2024

ချင်းပြည်နယ်၊ ကန်ပက်လက်မြို့နယ်၊ ဖျန်ချောင်းကျေးရွာတွင် ၃-၄-၂၀၂၄ ရက်နေ့က စစ်ကောင်စီတပ်သားများ ဝင်ရောက်လာမှုကြောင့် ထိတွေ့တိုက်ပွဲများ ဖြစ်ပွားခဲ့ရာကျေးရွာနေပြည်သူ ၁၅၀ ခန့်မှာ ဘေးလွတ်ရာ နေရာသို့ ထွက်ပြေး တိမ်းရှောင်ခဲ့ရပြီး စစ်ကောင်စီမှ အသက် ၆၅ နှစ် အရွယ် အမျိုးသားတစ်ဦးကို ပစ်သတ်ခဲ့သည်ဟု ကနဦး သိရပါသည်။ အသတ်ခံရသည် ပြည်သူတစ်ဦးအပြင် အခြားသက်ကြီးရွယ်အို ပြည်သူ ၂ ဦးမှာလည်း ပျောက်ဆုံးနေဆဲဖြစ်သည်ဟု သိရပါသည်။

တိုက်ပွဲအတွင်း စစ်ကောင်စီတပ်မှ လေကြောင်းစစ်ကူများ သုံးခြင်း၊ နေအိမ်မီးရှို့ခြင်းတို့ကြောင့် ဖျန်ချောင်းကျေးရွာ အတွင်းရှိ လူနေအိမ်တချို့ မီးလောင်ပျက်စီးခဲ့ရပါသည်။ စစ်ကောင်စီမှ ဖျန်ချောင်းကျေးရွာအတွင်း ဆက်လက် တပ်စွဲထားသည့်အတွက် ပြည်သူများ ကျေးရွာတွင်းသို့ ပြန်လည် ဝင်ရောက်နိုင်ခြင်းမရှိသေးပါ။ ပြည်သူများအနေဖြင့် အရေးပေါ် တိမ်းရှောင်ရသည့်အတွက် စားနပ်ရိက္ခာ၊ အဝတ်အထည်နှင့် အခြားအကူအညီများ လိုအပ်နေသည်ဟုသိရပါသည်။

ကန်ပက်လက်မြို့နယ်ပြည်သူ့အုပ်ချုပ်ရေးအဖွဲ့မှ အရေးပေါ်တိမ်းရှောင်ရသည့် ပြည်သူများအတွက် လိုအပ်သည့် ပံ့ပိုးကူညီမှုများ ဆောင်ရွက်ပေးနေကြောင်းနှင့် မိဘပြည်သူများကိုလည်း တတ်စွမ်းသမျှ ပံ့ပိုး ကူညီပေးနိုင်ပါရန် နှိုးဆော်ထားသည်ကိုတွေ့ရပါသည်။

03/23/2024

Congratulations LeLen

03/23/2024

Congratulations Nway Oo @ Zohmingchhuangi

Kanpetlet Time News

12/22/2024

12/22/2024

12/20/2024

12/20/2024

12/15/2024

12/15/2024

05/26/2024

05/13/2024

05/10/2024

05/09/2024

05/01/2024

04/29/2024

04/28/2024

04/16/2024

04/15/2024

04/05/2024

03/23/2024

03/23/2024

Address

Website

Alerts

Contact The Business

Videos

Shortcuts

Share

Category