MG Cinema

11/10/2024

Swathi Mutthina male haniye

අයියේ, මේක බලන්නකෝ... පුදුම ලස්සනයි ඒ කථාව. ඔයාට අවසානෙදි ජීවිතාවබෝධය ලැබුනා වගේ හැගීමක් දැනෙයි..

හරි මම බලන්නම්...

Sathya නංගි දීපු recommendation නිසා ඔන්න අද මේක බලන්න හිතුනා.

----

මැරෙන්න හේතු දාහක් තියාගෙන එකම එක පුංචි හේතුවක් නිසා ජීවත්වෙන මිනිස්සු කොච්‍චර නම් මේ ලෝකේ ඉන්නවද ?

මැරෙන මොහොතෙදි අපිට පුළුවන් නම් අපි අල්ලගෙන හිටපු හැමදේම අතෑරලා දාලා මනුස්සයෙක් විදිහට විතරක් මැරෙන්න, ඒක තමයි අපි මනුස්සයෙක් විදිහට මේ ජීවතේ ලබපු ලොකුම ජයග්‍රහණය වෙන්නේ.

මිනිස්සු මැරෙනවා. එක එක හේතු නිසා මිනිස්සු මැරෙනවා. සමහරු ලෙඩ රෝග නිසා ශාරිරිකව දුර්වල වෙලා මැරෙනවා. සමහරු වයසට මැරෙනවා. තවත් සමහරු හිත් රිදීම් නිසා ජීවත්ව ඉද්දිම මැරි මැරී ජීවත් වෙනවා.

කොයි විදිහට අපේ ඉරණම ඇතුළේ මරණය ලියවිලා තිබුනත්, අපිට පුළුවන් නම් ඒ මරණය යථාර්ථවාදීව දැකලා ඒ ගැන කලකිරෙන්නේ නැතුව මැරෙන්න එතනයි අපි ලබන ලොකුම සතුට තියෙන්නේ.

මැරෙන්න කලින් මේ ෆිල්ම් එක අනිවාර්යයෙන් බලන්න. ජීවත යථාර්ථය ගැන ඔබට අවබෝධයක් ලැබේවී.

10/ 10

One of the best movies I have seen in recent times. Highlights

10/18/2024

10/17/2024

ඉශාන් මල්ලී - අයියේ... මේ පාරත් වැඩක් තියෙනවා.. දවස් තුනෙන් ගහලා දාමු ඔයා එන්න ඔයාට ෆ්‍රී වුණ වෙලාවට..

මම - මොකක්ද මේ පාර කරන්න ලෑස්ති වෙන්නේ ?

ඉශාන් මල්ලී - අංගුලිමාල කතාව කරන්නේ අයියේ. මේ පාර ඔයාට මහන්සියක් නැතුව වැඩේ ගොඩ දාන්න ඔක්කොම මම හදලා තියෙන්නේ.

මම - හරි වැඩේ කරමුකෝ. මට එන්න ඕනේ වෙලාව කියපංකෝ..

ඔන්න ඔහොමයි මේ වැඩේට මම මේ පාරත් Motion Capture Artist විදිහට සම්බන්ධ වෙන්නේ.

ජීවතේ මම ලබපු වාසනාවන්තම අවස්ථාවන් වලින් එකක් මේක.

කල්‍යාණමිත්‍රයෙක්ගෙන්, ජීවතේ මනුස්සයෙක්ට අහන්න පුළුවන් ලස්සනම වචන ටික අහලා නිවන් යන්න පුළුවන් වුණු මහා පින්වන්තයෙකුගේ Animation කතාවක් වෙනුවෙන් මගේ දායකත්වය ලබාදෙන්න පුළුවන් වුණ එක ගැන මට තියෙන්නේ පුදුම් සතුටක්.

Ishan Bandara ඉශාන් ගැන කියන්නම ඕනේ. මොන ප්‍රශ්ණ තිබුණත් වැඩේ ඇතුලෙදි මාරම professional මනුස්සයෙක් වගේම පුදුම විදිහේ උනන්දුවක් කැපවීමක් තියෙන කොල්ලෙක්. තාම පොඩි වයසක වුණාට තනියම මේ වැඩේ ගොඩ දැම්මේ ඉශාන්. ( ඇහැරෙන්න පොඩ්ඩක් පරක්කු වෙනවා ඒක වෙනම කතාවක් 😂 ) මේ වැඩේ ඇතුළේ 1000% credit එක යන්න ඕනේ ඉශාන්ට. හැම shot එකකටම කලින් සිද්ධිය ගැන පැහැදිලි කරලා හොද direction part එකක් කරපු නිසයි මට මේ වැඩේ motion ටික ලස්සනට ගොඩ දාන්න පුළුවන් වුණේ. උඹට මම අද එකක් කියන්නම්. උඹ ලංකාවේ සහ ජාත්‍යන්තරව සම්මාන දිනන Animation Artist කෙනෙක් වෙනවා. ඒක ඉර හද වගේ sure. ඒ වෙනුවෙන් වැඩ කරපං මොන ප්‍රශ්ණ තිබ්බත්.
උඹට හරියන්නම ඕනේ. මොකද උඹ සිරා වැඩ්ඩෙක්.

Waruna Pathirana අයියේ... ඔයාටත් ගොඩක් ස්තූතියි.. වැඩේ ඇතුලේ මට දීපු සප් එකට. ඔයා කිසිම වෙලාවක අපේ වැඩ වලට දෙන්න ඕනේ credit එක නොදී ඉදලා නෑ. හැම දේම appreciate කරනවා. ඒකට Thank You වේවා... 🙏

Uvindu Abhishek මගේ ජිම් partner. සද්ද නැතුව තමන්ගේ පාඩුවේ වැඩේ 1000% උඹ ගොඩ දානවා මම මගේ ඇස් දෙකට දැකලා තියෙනවා. ඊළග එක උඹගෙන් ඕනේ. අනිවාර්යයෙන්.
Danushka Sampath අයියේ.. ඔයාටත් Thank you වැඩේට දීපු සප් එකට.

Tiresha Perera ඔයා ගැන අමුතුවෙන් කියන්න දෙයක් නෑනේ. ඔයා වැඩ්ඩෙක්. වොයිස් එක මරු නංගී. ජයම වේවා..

මේ මහන්සිය අනිවාර්යයෙන් මිලියන ගාණක් මිනිස්සු බලන්න ඕනේ.

" පිංවත් අංගුලිමාල, මම නැවතිලා ඉන්නේ.. ඔබ නවතින්න..
මේ..

ශ්‍රමණයෝ බොරු කියන්නේ නෑ. නුඹ නැවතිලා ඉන්න මට නවතින්න කියනවා.. වඩින නුඹ නැවතිලයි කියනවා. මොකක්ද මේ කතාවේ තේරුම ? "

මට මේකෙදි කියන්නම ඕනේ දෙයක් තමයි.. බුදුරජාණන් වහන්සේ අංගුලිමාල දමනය කරන කොටසට මට motion එක capture කරන්නම බැරිවුණා ටික වෙලාවක් යනකං. ඇස් වලට කදුලු ඇවිල්ලා පපුව නතර කරනවා වගේ දැනෙන්න වුණා. මට එවෙලේ තමයි තේරුණේ මගේ බුදුරජාණන් වහන්සේගේ ගුණ කොයිතරම් අසීමාන්තිකද කියලා.. අංගුලිමාල මහරහතන් වහන්සේ කොයි තරම් බලසම්පන්න අසීමිත ගුණයකින් හෙබි කෙනෙක්ද කියලා. මට ඒ මොහොතට මගේ මුහුණේ motion එක දෙන්න පුළුවන් වුණේම ඒ මහාගුණ බලයෙන්මයි. ඒ තරම් ආනුභාවයක් ඒ වචන වල තියෙනවා.

ඒ ආනුභාවය සැබැවින්ම අත්විදින්න නම් මේක අනිවාර්යයෙන් බලන්න. වැඩේ මුල ඉදන් දැකපු මමත් 10 සැරේකට වඩා මේක බැලුවා එක එක devices වලින්.මගේ view count එකම ඇති 10 කට වඩා.. බලලා අනිවාර්යයෙන් හොද නරක කියන්න. ඒක මේ වැඩේ කරපු මගේ සහෝදරයින්ට ලොකු හයියක් වෙයි.



STV Animation Studio Subscribe කරන්න. 🔔 icon එකත් click කරලා Share කරන්න..

Youtube channel link 👉🏼 https://youtube.com/?si=uBWqOUSXuI2oIIzF

...

08/04/2024

Coming soon on theaters

07/05/2024

Paradise ( 2024 )

මගේ වයසේ අනිත් කොල්ලන්ට කෙල්ලන්ට සාපේක්ෂව මට ජීවිතේ යථාර්තනය සම්බන්ධයෙන් තිබෙන අත්දැකීම් හරිම අඩුයි. එකක් ඒ මම තනිව හැදුනු විදිහ සහ මාව හදපු විදිහ නිසා. ඒක නිසාම මම ජීවිතේ හොයාගන්නේ Films වලින්. ඒ නිසාමයි සිනමා රසිකයින් බොහෝ දෙනෙක් ප්‍රිය කරන, ආදරය කරන Fantasy යට වඩා, Reality යට මම ආස කරන්නේ. Reality ය ඉතාම සියුම් ලෙස ප්‍රේක්ෂකයින්ට දනවන්න පුළුවන් ලාංකේය සිනමා අධ්‍යක්ෂවරුන් අතරින් මගේ ලිස්ට් එකේ නම් උඩින්ම ඉන්න කෙනෙක් තමයි ප්‍රසන්න විතානගේ කියලා කියන්නේ.
ප්‍රසන්න සර් ගේ හැම චිත්‍රපයටක්ම මම 3 න් සැරේකට වඩා නම් අනිවාර්යෙන්ම බලලා ඇති.

තියෙන වැඩත් එක්ක ප්‍රසන්න සර් ගේ අලුත්ම ෆිල්ම් එක ‘‘ Paradise ’’ බලන්න යන්න ලොකු උවමනාවක් තිබුනත් යන්න වෙලාවක් වුණේ නෑ. අද කොහොම හරි යනවා කියලා හිතාගෙන, මහරගම ඇමිටි ලයිට් සිනමා ශාලාවේ රාත්‍රී 8.30 දර්ශණ වාරය බලන්න මම ගියා.

ඇත්තටම මම මේක බලන්න යන්න ප්‍රධානම හේතුව ප්‍රසන්න සර් ගේ ෆිල්ම් එකක් වීමම නෙමෙයි. මම හිතන්නේ මම ඇතුළුව මේ ෆිල්ම් එක බලපු සමස්තයට පොඩ්ඩක් අඩුවෙන් අනිවාර්යෙන්ම ෆිල්ම් එක බලන්න යන්න ප්‍රධානම හේතුව වුණේ රොෂාන් මැතිව් සහ දර්ශනා.

ඒක මාරම Combination එකක්. Acting ගැන ඉතිං ආයේ අමුතුවෙන් කථා කරන්න දෙයක් නෑ. මලයාලම් සිනමාව facebook ගෲප් එක පැත්තට ගිහින් රොෂාන් මැතිව් සහ දර්ශණාගේ රඟපෑම කොහොමද කියලා පොඩි post එකක් දාලා බලන්නකෝ. බයිබලයක් වගේ රචනා ශෛලියෙන් දෙන්නගේ රඟපෑමේ විශිෂ්ඨත්වය කියලා දේවී.

අනිත් කාරණය කථාව, මේක අවසානයේදී ඔලුව හිරිවැටිලා යන ජාතියේ අවසනායක් තියෙන වැඩක්. ලංකාවේ මිනිස්සුගේ නියම විදිහ, දේශපානය, අහිංසක මිනිස්සු කොයි වගේ පීඩන වලට ලක්වෙලා ඉන්නවද , හිටියද කියන කාරණය ගැන ඉතාම සරලව, හැබැයි වදින්න ඔ්නේ හොඳම විදිහට ගහලා කියලා දීපු පිටපතක් මේක. ප්‍රසන්න විතානගේගේ සිනමාව සහ ඔහුගේ සමාජ කියවීම කොයි වගේ තැනක තියෙනවද කියලා අයෙත් ඔප්පු කරන සුපිරිම ජාතියේ සාධකයක් මේ පිටපත.

මීට වඩා කියන්න ගියොත් වැ‌ඩේ spoile වෙනවා. හැබැයි මේ ටික කියන්නම ඔ්නේ. ලංකාවේ දැනට ඉන්න රංගන පාසලක් වගේ චරිතයක් තමයි මහේන්ද්‍ර පෙරේරා කියලා කියන්නේ. ඒ වගේම පෞද්ගලිකව මම වැඩිපුරම ආසකරන අතිදක්ෂ රංගන ශිල්පියෙක් තමයි ශ්‍යාම් ප්‍රනාන්දු කියන්නේ. Shyam Fernando අයියේ මේක මරු. වැඩක් නෑ කියලා. සු පි රි.

මේක බලන්න ආපු ප්‍රේක්ෂකාගාරයත් හරිම නිශ්ෂබ්ද වගේම හරිම සංයමයකින් චිත්‍රපයට බලාගෙන හිටපු නියම ප්‍රේක්ෂකාගාරයක්. පසුගිය කාලේ පුරාවටම ආපු මෙලෝ වැඩකට නැති මඟුල් ෆිල්ම් නිසා සිංහල ෆිල්ම් බලන එක මම අතෑරලා හිටියේ. හැබැයි අද මේක බලන්න පුළුවන් වුණ එක ගැනත්, ඒ වගේ වටින ප්‍රේක්ෂකාගාරයක, මමත් ප්‍රේක්ෂකයෙක් වීම ගැනත් මට තියෙන්නේ පුදුම සතුටක්.
අවසානයේ කියන්න තියෙන්නේ , පිරිමි හරි ඉක්මණින් දේවල් අතහරිනවා. නමුත් ගැහැණු හරි ඉක්මණින් දේවල් අල්ලගන්නවා සහ ඒවා රසවිඳිනවා. හැබැයි ගැහැණු දේවල් අතහරින දවසට ලොකු විනාශයකුත් එක්ක තමයි දේවල් අතහරින්නේ. ඒ් නිසා අතහැරිය යුතු දේවල් අතහැරලා අල්ලගෙන ලඟතියාගන්න ඔ්නේ දේවල් ලඟ තියාගන්න හරි පරිස්සමෙන්.

මේක අනිවාර්යෙන්ම ගිහින් බලන්න. වෙනම රහක්. වචන වලින් කියලා ඉවර කරන්න බැරි යථාර්තයක් ඇස් දෙකෙන් බලාගන්න පුළුවන් වෙයි‍.

සටහන - දුතික ගයාශාන්

01/24/2024

The Conjuring: Last Rites will be the last in the series.😱😱😱

01/10/2024

Three Of Us

හිමි කරගන්න බැරි වුණු ආදර කථා කොච්චර නම් අදටත් මේ ලෝකේ තියෙනවද ? පුදුමේ කියන්නේ හිමි කරගන්න බෑ කියලා දැන දැනත් හිතින් තව තවත් ආදරය කරන්න පෙළඹෙන එකනේ. හිමි කරගන්න බැරි කෙනාව ඇස් දෙකෙන් දැක දැක විඳවන එක තරම් දුකක් තවත් නැතිව ඇති කියලා ඒ අත්දැකීම විඳපු අයට හිතෙනවා ඇති.

මතකයන්ට පුළුවන් මිනිස්සුන්ව ජීවත් කරවන්න හුස්ම දෙන්න. ඒ වගේම මතකයන්ට පුළුවන් ජීවත් වෙලා ඉන්න මිනිස්සුන්ව පණ පිටින් මරලා වළදාන්න. ඒක නිසා මතකයන් එක්ක ගනුදෙනු කරද්දි පරිස්සම් වෙන්න.
විවාහය ඇතුලේ තියෙන පුංචි පුංචි නොගැලපීම් එකතු වෙලා එකතු වෙලා, වෙලාවක් එනවා මේක දැන් ඇති නවත්තලා දාමු කියලා හිතෙන තැනකට.

එතනදි හිතෙනවා හිත ඉල්ලපු option එක ලැබුණා නම් මේ තත්ත්වය උදාවෙන එකක් නැතිවෙයි කියලා. හැබැයි කොහොමද ඒක ගැන garrent කරන්නේ? හැමදේම වෙනස් වෙනවා නම් මේක වෙනස් නොවී තියෙයි කියලා හිතන්න පුළුවන්ද ?

මේක අමුතුම රසක් තියෙන කථාවක්. බලන්නම වටින කථාවක්. මම පෞද්ගලිකව මේක බලන්න පෙළඹුනේම Shefali Shah සහ Jaideep Ahlawat මෙහි ප්‍රධානම චරිත දෙක රඟපාන නිසා. මම මෑතක දැකපු සුපිරිම නළු නිළි දෙපළක්. රඟපානවා කියලා දශමෙකින්වත් හිතෙන්නේ නැති විදිහේ විශිෂ්ඨ රඟපෑමක් මේක නම්.

Frame එක compose කරලා නම් තියෙනවා .... හැම frame එකකම කියවගන්න මොකක් හරි තියෙන මට්ටමටම.

මේක අනිවාර්යෙන් බලන්න. Andhadhun , O My Darling, Monica films වල makers එකතු වෙලා තමයි මේ සුපිරිය හදලා තියෙන්නේ. ආයේ අහන්න දෙයක් නෑනේ ඉතිං. ඉන්දියාවේ හැදිච්ච හොඳම වැඩ ගොඩක වැඩ කරපු avinash arun dhaware කියන අධ්‍යක්ෂවරයා තමයි මේකේ director.

Slow Rhythm එකක යන අමුතුම වැඩක් හැබැයි මේක ඇතුලේ තනි තනියෙන් තමන්ගේ ජීවිතේට Relate වෙන කොහේ හරි තැනක් හොයාගන්න පුළුවන් වෙයි.

සටහන - දුතික ගයාශාන් ( MG Cinema )