Lungmili Post

Home
United States
Boise, ID
Lungmili Post

This is an official page of Lungmili Post.

01/06/2025

CDF-Zotung Ralkap Pakhat Cu Kalfah Zawtnak In A Zawt Ruang Ah Zualral In Bawmhchanh A Herh
=========
Lungmili Post | Tangkhawng 6 | 2024

Chinram, Zotung hmunram ah hrambunh mi CDF-Zotung Battalion 2 ah ralkap ṭuan lio mi Salai Win Myint cu kalfah zawtnak in a zawt ruang ah thlopbul cuahmah lio a si i pehzulh in aa thlopbul khawh nakhnga zualral in bawmhchanh a herh kong, Chinland Defense Force-Zotung nih nihin January 6 ah nawlnak an tuah.

"Kan ralkap a si mi CDF-Zotung Battalion 2 ah ralkap ṭuan lio mi Salai Win Myint cu a kalfah ruang ah thlopbul cuahmah lio a si i pehzulh in aa thlopbul khawh nakhnga zualral in bawmhchanh a herh caah ramchung, ramleng i a um mi mizapi nih nan k*t nan samh cio naklai kan in nawl hna," tiah Chinland Defense Force-Zotung nih an langhter.

:
Global Zotung Fundraising Malaysia
Global Zotung Fundraising USA
Global Zotung Fundraising Au+NZ
Chinland Defense Force-Zotung Cdf-Zotung
Contact ☎️📞📱
+91 92331 36436 (India Phone)
09 45258 2758 (Myanmar)

01/06/2025

Chinram Telh In Myanmar Ram Hmunkip Ah Thla Khat Chung Ah SAC Le An Kuttang Palik 28 Cu Mizapi Sin Ah An I Fonh
=========
Lungmili Post | Tangkhawng 6 | 2024

Chinram telh in Myanmar ram hmunkip ah 2024, December thla khat chung lawng ah SAC ralhrang le an k*ttang palik 28 cu mizapi sin ah an i fonh kong, NUG cozah runvennak vuanci zung nih nihin January 6 ah an thanh.

"Mizapi sin i aa fonh hna lak ah Deputy Police Chief pakhat zong aa tel. Atu bantuk in mizapi sin i aa fonh mi SAC ralhrang le an k*ttang palik pawl sin in meithal zuum13 le hriamnam dang zong laak chih a si i hriamnam he a rak i fonh mi hna cu NUG cozah runvennak zung nih ri a khiah mi ning in laksawng pek an si."

"A taang rih mi SAC ralhrang le an k*ttang palik pawl zong nanmah he nan i naih biknak cio i PDF, Pah-Kah-Phah le tlangcung hriamtlai phu hna sin ah pehtlaihnak tuah in mizapi sin ah i fonh khawh a si," tiah NUG cozah runvennak zung nih an langhter.

Chinram, Tedim khuapi in SAC ralhrang chungtel 5 zong a luancia December thla chung ah CDF/CDM - Siyin le Gangaw peng hrambunh dohthlennak hriamtlai phu hna sin ah an i fonh.

A liamcia 2024, k*m khat chung lawng ah SAC ralhrang 425 le an k*ttang palik 142 tiin an dihlak minung 567 cu mizapi sin ah an i fonh, tiah NUG cozah runvennak vuanci zung nih an thanh mi ah an langhter chih.

01/06/2025

SAC Nih Letpanchaung Khua Ah Hriamngan An Kah I Tualchung Mi Nu 1 Nunnak Liam
=========
Lungmili Post | Tangkhawng 6 | 2025

Sagaing ramṭhen, Kalay peng, Letpanchaung khua cu SAC ralhrang nih a ruang um lo in hriamngan an kah ruang ah tualchung mi nu 1 nunnak liam i minung 2 nih hliamhma an tuar kong, tualchung mi nih an chim.

Nizan January 5, zing suimilam 8:00 tluk ah SAC ralhrang nih duh paoh in hriamngan an kah mi ruang ah Pi Zaang Bawi Sung (K*m 47) a nunnak liam i tualchung mi 2 nih hliamhma an tuar, tiah theih a si.

"Minung 3 nih hliamhma an tuar. Cu chung ah Pi Zaang Bawi Sung cu a lu ah a khen i an thlopbul cuahmah lio nizan January 5, zing suimilam 10:00 hrawng ah a hliamhma tuar kho ti lo in a nunnak a liam hi a si," tiah Letpanchaung khua tualchung mi pakhat nih a chim.

Nunnak liam mi Pi Zaang Bawi Sung nih a fale 4 a liamtak hna. A luancia January 4, zanlei suimilam 3:30 tluk zong ah SAC ralhrang nih a ruang um lo in Letpanchaung khua ah hriamngan voi 3 tiang an kah i khuasaknak inn zeimawzat a rawk, tiah theih a si.

01/06/2025

India-Myanmar Ramri Um Moreh Khuapi Ah Ralhrial Hna Umnak Inn Telh In Khuasaknak Inn 4 A Kaang
=========
Lungmili Post | Tangkhawng 6 | 2024

India-Myanmar ramri um Moreh khuapi ah January 4, zan suimilam 10:00 tluk ah khan Electric meihri in inn kanghnak a chuak i ralhrial chungkhar hna umnak inn telh in khuasaknak inn 4 a kaang, tiah tualchung mi nih an chim.

Zan an i hngilh kar ah mei khanghnak a chuah hi a si i aa hngilh mi ngakchia 4 zong hmunhimnak ah a chuah pitu hna an pa cu hliamfaak ngai a tuar caah Lamka siizung ah an kalpi colh. An nu le an fale 4 zong Moreh siizung ah an thlopbul hna, tiah tualchung mi hna sin in theih a si.

"Mei a kangh caan cu suimilam pakhat chung hrawng a rau. Moreh khuapi meithat motor tlamtling lo ruang ah Tamu lei meithat motor an auh tiin an chim. Meithat motor a phak hnu lawng ah mei daih hram aa thawk. Mah lo cun an sang dihlak in a ciam kho men," tiah Moreh khuapi um ralhrial mi pakhat nih a chim.

Cu meikangh ruang ah cun a liamcia k*m 20 leng lio i More khuapi ah a rak i ṭhial mi Nay Oo Thang inn zong a ciam dih. Nay Oo Thang te chungkhar cu khual an tlawn kar ah atu bantuk in an inn a kangh ve hi a si, tiah ralhrial mi cheukhat nih an chim.

Hmanthlak__Zalen

01/06/2025

Launglon Peng, Kyauknimaw Khua Kahdohnak Ah Battalion Commander Telh In SAC 40 leng An Thi, PDF 2 Nunnak Liam
=========
Lungmili Post | Tangkhawng 6 | 2025

Tanintharyi ramṭhen, Launglon peng, Kyauknimaw khua i SAC ralhrang nih umhmun an khuarnak Khah-Mah-Yah 405 Battalion sakhan cu luhhnawh in an kah i Battalion Commander telh in SAC ralhrang le Pyusawhti 40 leng an thih kong, Dawei pengkomh dohthlennak hriamtlai phu in ṭuanvo ngeitu pakhat nih a chim.

2024, December 23 ni thawk in Launglon peng, Kyauknimaw khua i a um mi SAC ralhrang sakhan cu dohthlennak hriamtlai phu hna nih luhhnawh in an kah. Cu kahdohnak caan chung ah Khah-Mah-Yah 405 Battalion Commander telh in SAC ralhrang le an k*ttang Pyusawhti 40 leng an thi i a dang tam ngai nih hliam an tuar, tiah theih a si.

"An sakhan chung tiang kan lut kho nain kan humhak kho lo. Ti cung in ralbawmtu an rak thlah mi hna cu kan kham kho hna lo. SAC ralhrang nih cunglei le tanglei in an kah bawmh hna caah hnulei kan kir ṭhan. Hriamnam zeimawzat lawng kan laak manh," tiah Dawei pengkomh dohthlennak hriamtlai phu in ṭuanvo ngeitu pakhat nih cun a chim.

Cu kahdohnak caan chung ah cun Dawei pengkomh dohthlennak hriamtlai ṭangṭi phu in ralkap 2 nih ram le miphun ca ah an nunnak an pek i minung zeimawzat nih hliamfak tuk lo an tuar. Sakhan an laak hnu 2024, December 27 ni ah SAC ralhrang nih tanglei le cunglei in an kahbawmh hna pin ah ralkap thazaang an chap i dohthlennak hriamtlai phu hna cu hnulei an pil ṭhan, tiah theih a si.

01/06/2025

Sagaing Peng Ah SAC Nih Vanlawng In Bomb Lung 40 An Thlak I Tualchung Mi 3 Nunnak Liam, Inn 20 Hrawng Rawk
=========
Lungmili Post | Tangkhawng 6 | 2024

Sagaing ramṭhen, Sagaing peng, Myinse khua cu SAC ralhrang nih cunglei in bomb lung 40 an thlak i tualchung mi 3 an nunnak a liam pin ah khuasaknak inn 20 hrawng zong a rawk kong, tualchung mi nih an chim.

2025, January 3, zan suimilam 10:15 tluk ah Myinse khua cu SAC ralhrang nih Jet fighter, Y-12, parasut pawl in bomb lung 40 an thlak, tiah theih a si.

Cu bomb thlak mi ruang ah cun tualchung mi 3 nunnak a liam i minung 7 nih hliamhma an tuar. Cu pin ah innzuat saṭil caw 10 hrawng zong an thi i khuasaknak inn 20 le phungki sianginn pakhat zong a rawk, tiah theih a si.

01/06/2025

KNLA Nih SAC Ca Ah Facang Tun 2850 Le Riahcaw Dang Phortu Tilawng An Tlaih
=========
Lungmili Post | Tangkhawng 6 | 2025

Tanintharyi ramṭhen, Tanintharyi peng ah SAC ralhrang ca ah facang tun 2800 leng le riahcaw dang a phortu tilawng cu Karen National Liberation Army (KNLA) nih an tlaih kong, tualchung thawng laaknak hrampi Kwe Ka Lu News nih a langhter.

A luancia January 2 ah Tanintharyi ramṭhen, Tanintharyi peng chung i rili kam hmunhma pakhat ah SAC ralhrang ca ah facang tun 1850 le riahcaw dang a phortu Myat Thiri Aung tilawng cu Karen National Liberation Army (KNLA) Brigade-4 in Battalion 11 nih an tlaih, tiah theih a si.

SAC ralhrang ca ah facang tun pawl le riahcaw dang phortu Myat Thiri Aung tilawng hi Tanintharyi peng, Shwegenyo khua ah a um mi Pyusawhti hruaitu Shein Nywon he pehtlaihnak an ngei, tiah tualchung thawng laaknak hrampi Kwe Ka Lu News nih cun a langhter chih.

01/06/2025

Tedim Khuapi Ah Leiphum Mi Bomb Puahkehnak In Ngakchia 3 Hliamhma An Tuar
=========
Lungmili Post | Tangkhawng 6 | 2025

Chinram, Tedim khuapi, Myoma sang ah lente aa celh mi ngakchia 3 nih a puak rih lo mi leiphum mi bomb pakhat cu lung in an cheh i puakehnak a chuah caah hliamhma an tuar kong, Tedim khuapi tualchung mi nih an chim.

Nizan January 5, chun suimilam 2:00 tluk ah k*m 7 ngakchia, k*m 9 ngakchia le k*m 12 hrawng a si mi ngakchia 3 nih leiphum mi bomb pakhat cu lung in an cheh caah puahkehnak a chuak i an dihlak in hliamhma an tuar, tiah theih a si.

Tualchung mi pakhat nih cun, "Thawpat kung i, a um mi kinglang tlaih ding in lung in an cheh i leiphum mi bomb a puak rih lo mi a va tlak caah atu bantuk in puahkehnak a chuah hi a si. An dihlak in an khup in a tang lei ah hliamhma an tuar," tiah a chim.

Hliamhma tuar mi ngakchia 3 cu siizungpi ah an kalpi hna. Hliamhma tuar mi 3 lak ah minung pakhat hi a hliamhma faak ngai, tiah theih a si.

Hmanthlak__Google

01/06/2025

Yangon-Mandalay No. Lamṭhing Um Koebin EPC Zung Ah Umhmun Khuar Mi SAC Luhhnawh In An Kah Hna I Minung 6 An Thi
=========
Lungmili Post | Tangkhawng 6 | 2024

Magway ramṭhen, Yangon-Mandalay No.2 lamṭhing ah a um mi Koebin EPC zung ah umhmun khuar mi SAC ralhrang pawl cu tualchung hriamtlai ṭangṭi phu hna nih luhhnawh in an kah hna i minung 6 an thih kong, PDF-Punnawady nih January 5 zan ah an thanh.

2025, January 4, zan suimilam 10:00 tluk ah Yangon-Mandalay No.2 lamṭhing, Yangon-Taungdwingyi lampi ah a um mi Sinbaungwe peng, Koebin EPC zung ah umhmun khuar in khualtlawng motor pawl tangka a khawltu hna SAC ralhrang 10 hrawng cu dohthlennak hriamtlai phu nih luhhnawh in an kah hna, tiah theih a si.

Cu kahdohnak caan chung ah cun SAC ralhrang 6 an thi i hliam pu mi zong an tam ngai, tiah PDF-Punnawady nih an langhter chih.

01/06/2025

Wetlet Peng, Okehnanboke Khua Luhhnawhtu SAC An Kah Hna I Minung 20 Leng An Thi, 3 An Tlaih Hna
=========
Lungmili Post | Tangkhawng 6 | 2025

Sagaing ramṭhen, Wetlet peng, Okehnanboke khua luhhnawhtu SAC ralhrang pawl an kah hna i SAC ralhrang lei in 20 leng an thi, cu pin ah minung 3 zong hriamnam he an tlaih hna kong, Shwebo pengkomh Battalion 18 in ṭuanvo ngeitu pakhat nih a chim.

Nizan January 5 ah Sagaing khuapi hrambunh Division 33 in a chuak mi SAC ralhrang 70 hrawng nih Wetlet peng, Okehnanboke khua an luhhnawh i tualchung mi hna thilri an firpiak hna caah tualchung hriamtlai phu hna nih luhhnawh in an kahdoh hna i suimilam 5 tluk chung kaphnih kar kahdohnak a chuak. Cu kahdohnak ah SAC ralhrang 20 leng an thi i hriamnam he minung 3 an tlaih hna, tiah theih a si.

"January 4, zanlei sang ah SAC ralhrang pawl nih Okehnanboke khua an luhhnawh i tualchung mi an zaam dih. An thilri pawl an firpiak hna caah January 5 zing ah kan kah hna i SAC ralhrang pawl cu ramlak an zaam. Atu hi SAC ralhrang pawl cu kan hren hna," tiah Shwebo pengkomh Battalion 18 in ṭuanvo ngeitu pakhat nih cun a chim.

Cu pin ah SAC ralhrang pawl sin in MA1 meithal zuun 5, k*tcheh bomb lung 2, hmanh mi bomb lung 4, Drone hrawhnak seh 1, 60mm bomb kuan lung 3 le hriamnam dang zeimawzat zong an laak chih, tiah theih a si.

Cu ahdohnak ah cun, Shwebo pengkomh Battalion 18, Battalion 23 le a dang phu 8 hna i fonh in an ṭangṭi i kahdohnak caan chung ah SAC ralhrang nih raltuknak vanlawng 4 in voi 20 leng kahdohnak an tuah chih, tiah Shwebo pengkomh Battalion 18 in ṭuanvo ngeitu pakhat nih a chim chap.

01/06/2025

Falam Peng Ah SAC Nih Bomb Thlak I SAC An Tlaih Mi Hna 8 An Thi, CNO/CNDF Ralkap 1 Nunnak Liam Ve
=========
Lungmili Post | Tangkhawng 6 | 2024

Chinram, Falam peng, Khuanglung khua cu Dalan nih thawng an pek ruang ah SAC ralhrang nih January 4 zan ah cunglei in bomb an thlak i CNO/CNDF nih Falam khuapi kahdohnak i an tlaih mi hna SAC ralhrang k*ttang palik 8 an thih phin ah CNO/CNDF ralkap 1 nunnak liam i minung 2 nih hliamhma an tuar kong, ral lei thawng laaknak hrampi nih an chim.

A luancia January 4, zan suimilam 11:00 tluk ah Khuanglung khua cu SAC ralhrang nih cunglei in bomb voi hnih an thlak i atu bantuk in SAC ralhrang lei an tlaih mi pawl an hrennak hmun i cunglei in bomb an thlak mi cu Dalan nih thawng an pek hna ruang ah a si, tiah ral lei thawng laaknak hrampi sin in theih a si.

"Tada-U vanlawngbual in SAC ralhrang nih MIG – 29 Jet Fighter in voi hnih tiang bomb an thlak i Falam khuapi in aa ap mi SAC ralhrang k*ttang palik 8 an thi. CNO/CNDF lei in a hngaktu palik 1 nunnak liam ve. Cu pin ah hliamhma faak tuar mi 1 le hliam faak tuk lo tuar mi 1 zong an um. Cuka hmun ah cun SAC ralhrang an tlaih mi hna an chiah hi SAC ralhrang nih an theih khawh nakding sullam a um lo. Dalan nih thawng an pek hna ruang ah a si," tiah ral lei thawng laaknak hrampi nih an chim.

Cu bantuk ṭhiam in January 4, zan suimilam 9:52 tluk ah Falam peng, Cerhmun khua zong SAC ralhrang nih cunglei in bomb an thlak i kahdohnak an tuah nain tualchung mi nunnak liam mi le hliamhma tuar mi an um hraw lo, tiah theih a si.

Falam khuapi laak kahdohnak cu CB le ṭangṭi phu hna nih a liamcia 2024, November 9 in an thawk i SAC ralhrang nih umhmun an khuarnak tamdeuh cu an laak khawh cang hna. Atu hi Falam khuapi ah a hnu bik taang mi Khah-Lah-Yiah 268 sakhanpi zong laak ding in kahdohnak an pehzulh lio, tiah theih a si.

01/06/2025

Tangkhawng[January] 6, 2025, Zinglei Thawngchimnak
- Chinram Ah K*m 4 Chung SAC Nih Cunglei Kahdohnak An Tuah Mi Ruang Ah Tualchung Mi 115 Leng An Nunnak Liam I Minung 240 Leng Hliam An Tuar

- CDF-Thantlang Bual Area Ca Ah Tiin Benjamin Nih Kyats Sing 10 Bawmhnak Pek

- CDF-Lautu Sakhan Pakhat Cu MDF Nih Luhhnawh In An Kah

- Falam Khuapi Kahdohnak In A Zaam Mi SAC 3 Le SAC Ah A Lut Thar Mi Minung 1 An Tlaih Hna

- Kanpetlet Khuapi In A Zam Mi SAC An Kah Hna I Minung 3 An Thi, Minung 2 Hriamnam He An Tlaih Hna

- Chinram Telh In Myanmar Ram Hmunkip Ah Dohthlennak Hriamtlai Phu Nih Peng 144 An Uk Cang, Peng 48 Tlamtling Tein An Laak Cang

- Thlanglei Ral Hmunram Zarh Khat Chung Kahdohnak Ah SAC 70 Leng An Thi

- Kalay Khuapi Thonginn In Minung 23 Cu SAC Nih An Thlah Hna, Myanmar Ram Hmunkip Ah Thongtla Minung 5864 An Thlah Ṭhan Hna

- Myanmar Lemcangthiam Thinzar Wint Kyaw Cu Thonginn In A Chuak Cang

- Mahlaing Peng, Khuate Pahnih Ah Umhmun Khuar Mi SAC Luhhnawh In An Kah Hna I 6 An Thi, Pakhat An Tlaih

- Myanmar Ram In Malaysia Ah A Lut Mi Rohingya Minung 190 Leng An Tlaih Hna

- Tuluk Ram Ah I Chawnh A Fawi Ngai Mi Zawtnak Hrik (Virus) Thar A Karh

01/05/2025

Ngape Peng Ah SAC Nih Cunglei In Bomb An Thlak I Chinmi 2 An Nunnak Liam
=========
Lungmili Post | Tangkhawng 5 | 2025

Magway ramṭhen, Ngape peng, Sarpauktaung khua ah SAC ralhrang nih cunglei in kahdohnak an tuah ruang ah Chinmi 2 an nunnak liam i minung 4 nih hliamhma an tuar kong, tualchung mi nih an chim.

"Nunnak liam mi Chinmi 2 cu k*m 40 leng a si mi nu pakhat le k*m 30 leng a si mi pa pakhat an si. Nuva an si i tualchung mi 4 zong nih hliamhma an tuar. Sarpauktaung khua ah kaphnih kar kahdohnak a um lo nain December 30, zinglei suimilam 10:00 tluk ah SAC ralhrang nih bomb an thlak hi a si. Voi hnih tiang bomb an thlak pin ah khua chung ah seh meithal zong in kahdohnak an tuah," tiah tualchung mi cheukhat nih an chim.

Hliamhma a tuar mi tualchung mi 4 cu an faak ngai i sii-aii in an thlopbul hna lio a si. Cu pin ah khuasaknak inn 5 zong a rawk, tiah theih a si.

Ngape peng, Sarpauktaung khua cu inn 15 hrawng a umnak khua a si i Chin miphun hna an umnak khua zong a si.

01/05/2025

CDF-Asho Nih SAC 11 An Tlaih Ṭhan Hna, Meithal Zuun 9 Le Hriamthil Zeimawzat Zong An Laak
=========
Lungmili Post | Tangkhawng 5 | 2025

Magway ramṭhen, Ngape peng ah hrambunh mi CDF-Asho le ṭangṭi phu hna nih motor 2 in rallam sial mi SAC ralhrang 50 hrawng cu 2025, January 3 zing ah an kah hna i SAC ralhrang 1 a thih pin ah minung 6 nih hliam an tuar. Cu pin ah Ann peng in a zaam mi SAC ralhrang 11 zong an tlaih ṭhan hna kong, Chinland Defence Force - Asho nih nihin January 5 ah an thanh.

"Ngape peng um No.14 Defense Factory in Sidoktaya peng, Padan - Ngape - Sidoktaya lampi zawh in a chuak mi SAC ralhrang 50 hrawng nih an i cit mi motor 2 cu Ngape peng, Nyaungkaing khua pawng ah Minbu pengkomh Battalion 8 le Ngape peng Pah-Kah-Pah ṭangṭi phu hna nih 2025, January 3, zing suimilam 7:30 tluk ah kan kah hna i minute 20 chung hrawng kaphnih kar kahdohnak a chuak. Cu kahdohnak ah SAC ralhrang 1 a thi i minung 6 nih hliam an tuar."

"Cu pin ah Rakhine ramkulh, Ann peng in a rak zaam mi SAC ralhrang pawl cu kan kham hna i 2025, January 3 in 4 tiang, ni hnih chung ah Ann peng, Sinkontaing khua le Taungjout khua pawng um SAC ralhrang sakhan in a zaam mi minung 11 zong kan tlaih hna. Kan tlaih mi hna SAC ralhrang pawl sin in meithal zuun 9 le hriamnam dang zeimawzat zong kan laak chih," tiah Chinland Defence Force - Asho nih cathanh an chuah mi ah an langhter chih.

01/04/2025

Kalay Khuapi Thonginn In Minung 23 Cu SAC Nih An Thlah Hna, Myanmar Ram Hmunkip Ah Thongtla Minung 5864 An Thlah Ṭhan Hna
=========
Lungmili Post | Tangkhawng 4 | 2024

Nihin 2025, January 4 Independence Day ah hramhram in nawlngeihnak a latu SAC ralhrang nih Sagaing ramṭhen, Kalay khuapi um thonginn in thongtla mi minung 23 cu an thlah ṭhan hna i cu chung ah ramkhel thongtla mi minung 5 lawng an i tel kong, Kalay khuapi tualchung mi nih an chim.

Kalay khuapi tualchung mi pakhat nih cun, "Nihin i an thlah mi hna cu pa 19 le nu 4 tiin an dihlak minung 23 an si. Cu chung ah 505-A in ramkhel thongtla mi nu 1 le pa 4 an i tel," tiah a chim.

SAC ralhrang chimnak nawlngei a si mi Major General Zaw Min Tun zong nih, "Penal Code-505(A) in tlaih a tong mi thongtla minung 600 tluk cu nihin ah kan thlah ṭhan hna," tiah a chim ve.

Nihin 2025, January 4, a voi 77nak Independence Day ah Myanmar ram hmunkip ah thongtla mi minung 5,864 cu kan thlah ṭhan hna, tiah SAC ralhrang nih an thanh ve.

01/04/2025

Chinram Ah K*m 4 Chung SAC Nih Cunglei Kahdohnak An Tuah Mi Ruang Ah Tualchung Mi 115 Leng An Nunnak Liam I Minung 240 Leng Hliam An Tuar
=========
Lungmili Post | Tangkhawng 4 | 2024

Chinram ah 2021 k*m in 2024 k*m tiang k*m 4 deng chung SAC ralhrang nih cunglei kahdohnak an tuah mi ruang ah tualchung mi Chin miphun minung 116 an nunnak a liam i minung 242 nih hliamhma an tuar kong, Chin Human Rights Organization (CHRO) nih nizan January 3 ah an thanh.

"Hi k*m 4 deng chung i SAC ralhrang nih cunglei in kahdohnak an tuah mi ruang ah Biaknak lei inn 25, sianginn 22, ngandamnak lei inn 8 le phungki sianginn 7 telh in inn 412 a rawk."

"Chinram ah tualchung mi hna an umnak cu timh ciammam tein SAC ralhrang nih k*m 4 deng chung cunglei in voi 860 leng kahdohnak an tuah. 2022, 2023 k*m nakin 2024 k*m chung ah cunglei kahdohnak voi tamdeuh an tuah i voi 582 tiang cunglei kahdohnak an tuah," tiah Chin Human Rights Organization (CHRO) nih an langhter.

Chinram chung i peng 9 chung ah Chin Brotherhood nih an laak mi Mindat peng chung ah SAC ralhrang nih cunglei kahdohnak voi tam bik an tuah, tiah theih a si.

2024, December 10, zing suimilam 2:00 tluk zong ah SAC ralhrang nih raltuknak vanlawng in kaphnih kar kahdohnak a um lo nain Hakha khuapi pawng um Chuncung khua ah bomb an thlak i ngakchia telh in chungkhar khat minung 4 an nunnak liam i minung 10 leng nih hliamhma an tuar. Cu pin ah khuasaknak inn 15 zong a rawk, tiah kan theih.

01/04/2025

Thlanglei Ral Hmunram Zarh Khat Chung Kahdohnak Ah SAC 70 Leng An Thi
=========
Lungmili Post | Tangkhawng 4 | 2024

National Unity Government (NUG) cozah, thlanglei ral hmunram chung i zarhkhat chung kahdohnak ah SAC ralhrang 73 an thi i minung 75nak tlawm lo nih hliam an tuar pin ah hriamnam zeimawzat zong an laak chih kong, thlanglei ral hmunram nih nihin January 4 ah an thanh.

A liamcia 2024, December 28 in 2025 January 3 tiang, zarh khat chung tualchung hriamtlai ṭangṭi phu hna le SAC ralhrang kar ah kahdohnak voi 14 tiang a chuak i cu kahdohnak caan chung ah dohthlennak hriamtlai phu lei in ralkap 3 an nunnak liam i minung 15 nih hliamhma an tuar, tiah thlanglei ral hmunram nih an langhter.

Karen ramkulh, Myawaddy-Kawkareik kar Asian lampi humhak ṭhan ding in aa tim mi SAC ralhrang Aung Zeya Column le People’s Defence Army (PDF) Byuha 32, General Dabaw hruai mi Karen National Liberation Army (KNLA) Battalion 28 ṭangṭi phu hna kar ah nifatin nawn in kahdohnak a chuak i atu bantuk in SAC ralhrang lei thi mi le hliampu mi an tam hi a si, tiah NUG cozah i thlanglei ral hmunram nih an thanh mi ah an langhter.

01/04/2025

Kanpetlet Khuapi In A Zam Mi SAC An Kah Hna I Minung 3 An Thi, Minung 2 Hriamnam He An Tlaih Hna
=========
Lungmili Post | Tangkhawng 4 | 2025

Chinram, Kanpetlet khuapi in a zam mi SAC ralhrang pawl cu Kanpetlet peng le Saw peng karlak hmunhma pakhat ah dohthlennak hriamtlai phu nih an kah hna i minung 3 an thi. Cu pin ah minung 2 zong hriamnam he an tlaih hna kong, Laungse peng Pah-Kah-Phah in ṭuanvo ngeitu pakhat nih a chim.

2024, December 30 ah Kanpetlet khuapi um SAC ralhrang sakhan chuahtak in a zaam mi SAC ralhrang le an k*ttang palik fonh thazaang 54 hrawng cu Saw khuapi in Laungse SAC ralhrang sakhan ah an i fonh i Kanpetlet peng le Saw peng hmunhma pakhat an phak ah Gangaw pengkomh Battalion 6, No.3 Battalion le Laungse peng Pah-Kah-Phah ṭangṭi phu hna nih an kah hna. Cu kahdohnak ah SAC ralhrang pakhat a thi i minung pakhat cu a hliamhma he an tlaih pin ah a dang minung 3 zong hliamfaak tuar bu in an zaam, tiah theih a si.

Cu bantuk ṭhiam in 2024, December 31 zong ah a zam mi SAC ralhrang pawl cu dawi in an kah hna i minung 2 an thih pin ah midang pakhat hliamhma he an tlaih ṭhan, tiah theih a si.

"Kahdohnak caan ni hnih chung ah SAC ralhrang sin in G3 meithal zuun 1, MA2 meithal zuun 2, MA3 meithal zuun 1 le hriamnam dang zong an laak i dohthlennak hriamtlai ṭangṭi phu lei in nunnak liam mi le hliamhma tuar mi an um hraw lo. Cu kahdohnak cu Gangaw pengkomh Battalion 6, Battalion 3, Battalion 5, Laungse peng Pah-Kah-Phah, Magway ramṭhen Drone phu hna le ṭangṭi phu nih an kalpi mi a si," tiah Laungse peng Pah-Kah-Phah in ṭuanvo ngeitu pakhat nih cun a chim chap.

Address

Boise, ID
83709

Telephone

+14696305174

Website

http://www.lungmili.com/

Alerts

Be the first to know and let us send you an email when Lungmili Post posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lungmili Post:

Videos

Tangkhawng[January] 6, 2025, Zinglei Thawngchimnak - Chinram Ah Kum 4 Chung SAC Nih Cunglei Kahdohnak An Tuah Mi Ruang Ah Tualchung Mi 115 Leng An Nunnak Liam I Minung 240 Leng Hliam An Tuar - CDF-Thantlang Bual Area Ca Ah Tiin Benjamin Nih Kyats Sing 10 Bawmhnak Pek - CDF-Lautu Sakhan Pakhat Cu MDF Nih Luhhnawh In An Kah - Falam Khuapi Kahdohnak In A Zaam Mi SAC 3 Le SAC Ah A Lut Thar Mi Minung 1 An Tlaih Hna - Kanpetlet Khuapi In A Zam Mi SAC An Kah Hna I Minung 3 An Thi, Minung 2 Hriamnam He An Tlaih Hna - Chinram Telh In Myanmar Ram Hmunkip Ah Dohthlennak Hriamtlai Phu Nih Peng 144 An Uk Cang, Peng 48 Tlamtling Tein An Laak Cang - Thlanglei Ral Hmunram Zarh Khat Chung Kahdohnak Ah SAC 70 Leng An Thi - Kalay Khuapi Thonginn In Minung 23 Cu SAC Nih An Thlah Hna, Myanmar Ram Hmunkip Ah Thongtla Minung 5864 An Thlah Ṭhan Hna - Myanmar Lemcangthiam Thinzar Wint Kyaw Cu Thonginn In A Chuak Cang - Mahlaing Peng, Khuate Pahnih Ah Umhmun Khuar Mi SAC Luhhnawh In An Kah Hna I 6 An Thi, Pakhat An Tlaih - Myanmar Ram In Malaysia Ah A Lut Mi Rohingya Minung 190 Leng An Tlaih Hna - Tuluk Ram Ah I Chawnh A Fawi Ngai Mi Zawtnak Hrik (Virus) Thar A Karh

Tangkhawng[January] 4, 2025, Zinglei Thawngchimnak

Dipa[December] 23, 2024 , Zinglei Thawngchimnak

ACDF Nih Motor In Rallam Sial Mi SAC An Kah Hna I Minung 14 An Thi ========= Lungmili Post | Dipa 22 | 2024 Magway ramṭhen, Ngape khuapi in a chuak mi SAC ralhrang motor pawl cu ACDF nih an kah hna caah minute 30 chung hrawng kaphnih kar kahdohnak a chuak i SAC ralhrang 14 an thih kong, Asho Chin Defence Force - ACDF nih nizan December 21 zan ah an thanh. "December 20, zing suimilam 9:00 tluk ah Ngape khuapi in Rakhine ramkulh, Ann khuapi le ah Captain pakhat hruainak in thazaang chap ding in a kal mi SAC ralhrang motor cu ACDF nih kan kah hna caah minute 30 chung hrawng kaphnih kar kahdohnak a chuak. Cu kahdohnak ah Yanmayaung phungki sianginn in SAC ralhrang nih 60mm hriamngan in an kah bawmh hna pin ah motor 4 in ral bawmtu an rat caah ACDF cu hnulei ah kan pil ṭhan." "Kaphnih kar kahdohnak ah cun SAC ralhrang 14 an thi i hliampu mi zong an tam ngai. ACDF in ralkap pahnih nih hliamhma faak tuk lo an tuar ve," tiah Asho Chin Defence Force - ACDF nih an thanh mi ah an langhter chih. A luancia November thla chung zong ah Ann khuapi laak kahdohnak in a zaam mi SAC ralhrang Captain pakhat telh in minung 12 cu an hriamnam zeimawzat he ACDF nih an tlaih hna kong, Asho Chin Defence Force - ACDF nih December 4 ah an thanh.

Dipa[December] 21, 2024, Zinglei Thawngchimnak

Dipa[December] 20, 2024, Zinglei Thawngchimnak

Dipa[December] 19, 2024, Zinglei Thawngchimnak

Kanpetlet Peng In AA Chuak Dih Ding In Tualchung Mi Nih An Duhnak An Langhter ========= Lungmili Post | Dipa 18 | 2024 Chinram, Kanpetlet peng chung in Rakhine ralkap AA pawl cu a rannak in chuak dih ding in tualchung mi nih an duhnak an langhter. Kanpetlet peng, No.5 hmunram i tualchung mi nih a luancia December 16 ni ah khan, "Kanpetlet peng ah AA kan herh hna lo, Kanpetlet khuapi laak kahdohnak zong ah AA aa tel kan duh lo, Kanpetlet peng in AA pawl cu a rannak in chuak dih ding in le Kanpetlet peng chung ah hramhram uknak vialte kan herh lo," tiah an duhnak an langhter hi a si. Atu bantuk in an duhnak an langhter hnu December 17 ah Kanpetlet Council chungtel minung pahnih cu Chin Brotherhood ralkap lei nih biahal ding kan in ngaih hna an ti hna i an kalpi hna nain nihin December 18 zing ah an thlah ṭhan hna, tiah theih a si. Video:VOC

Dipa[December] 18, 2024 , Zinglei Thawngchimnak - Hakha Khuapi Ah A Tlau Mi Paletwa Tualchung Mi Pakhat Cu An Hmuh Ṭhan Cang - Tlaih A Tong Mi CNDF Ralkap Pahnih Cu CDF-Hualngoram Nih An Thlah Ṭhan Cang Hna - Hakha-Thantlang Kar Kahdohnak Ah CDF - Zotung Ralkap Pakhat A Nunnak Liam - Mindat Peng Chung Ah Puai Tuah Lo Ding In Zatlang Ukhruaitu Phu Nih An Thanh - KNU Headquarters Hlun Manerplaw Um SAC Sakhan An Laak, SAC Thi Mi An Tam I Hriamnam Tam Ngai Zong An Laak - Bhamo Kahdohnak Zarh Hnih Chung Ah Ngakchia 10 Telh In Tualchung Mi 30 An Nunnak Liam - Dawei Khuapi Hrambunh Khah-Mah-Yiah 25 Battalion In SAC Pakhat Cu Hriamnam He DNLA Sin Ah Aa Fonh - Kani Peng Um Khuate 2 Ah SAC Nih Bomb Thlak I Ngakchia 2 Telh In Tualchung Mi 5 Nunnak Liam - Yangon Palik Battalion 5 In Palik Pakhat Cu Hriamnam He PDF Sin Ah Aa Fonh - Pauk Peng Ah SAC Nih Tualchung Mi 5 An Thah Hna I Minung 60 Leng An Tlaih Hna - Pakkuko Khuapi Ah Division 101 In Tualchung Mi Motor He A Rak Chuak Mi SAC An Kah Hna I (4) An Thi - Russia Nuclear Runvennak Hruaitu Pakhat Cu Bomb Puahhnak In A Thi

Dipa[December] 17, 2024 , Zinglei Thawngchimnak

Dipa[December] 16, 2024 , Zinglei Thawngchimnak

Dipa[December] 14, 2024 , Zinglei Thawngchimnak - Chinram Cozah Ralkap Chekgate Cu ZRA Nih An Kah, Hmunram Zohfelnak Tuah Mi Chinram Cozah Ralkap Le PDF-Zoland Kar Ah I Alnak A Chuak - Hakha Khuapi Ah Paletwa Tualchung Mi Pa Pakhat A Tlau zong an tuah. - Mindat—Saw Lampi Cu Caan Karlak Chung An Kham, Mindat Ah Pehtlai In Kahdohnak A Faak - CBCUSA Le CBANA Nih Dirh Mi CPRI Tawlrelnak In Mizoram CM Pu Lalduhawma Le Chin Hriamtlai Phuphnih Hna Cu Zanriah An Duumṭi Hna - Pakokku Peng Um Pyusawhti Sakhan Laak Kahdohnak Ah SAC 6 An Thi I Minung 7 An Tlaih Hna, Hriamnam Le Tangka Tam Ngai An Laak - Tamu Peng Ah SAC Pahnih Cu Anmah Hmanh Mi Bomb Lamhsualnak In An Thi - Sagaing Ramṭhen Ah Kum Khat Leng Chung Ah Tualchung Mi 900 Leng An Nunnak Liam I Minung 1,000 Leng Hliamhma An Tuar - Launglon Peng Ah SAC Anmah Le Mah An I Kapsual I Minung Pakhat Thi, Pahnih Hliam An Tuar - KIO/KIA Nih An Humhak Mi Hmunram Chung Um Tuluk-Myanmar Ramri Gate Dihlak An On Ṭhan Hna - Nattalin Peng Kahdohnak Kong - A Ralai Mi January Thla Thawk In Thailand Kalnak E-Visa Cu Online In Sok Khawh Si Cang Lai - Madaya Peng Ah SAC Hriamngan Khennak In Tualchung Mi 4 Nunnak Liam

Lungmili Post

01/06/2025

01/06/2025

01/06/2025

01/06/2025

01/06/2025

01/06/2025

01/06/2025

01/06/2025

01/06/2025

01/06/2025

01/06/2025

01/06/2025

01/05/2025

01/05/2025

01/04/2025

01/04/2025

01/04/2025

01/04/2025

Address

Telephone

Website

Alerts

Contact The Business

Videos

Shortcuts

Share

Category