Voice Of Westland

Home
United States
Bakersfield, CA
Voice Of Westland

Contact information, map and directions, contact form, opening hours, services, ratings, photos, videos and announcements from Voice Of Westland, News & Media Website, 8707 Lighthouse Drive, Bakersfield, CA.
(1)

07/01/2024

မောင်တောတွင် ICRC သိုလှောင်ရုံမှ အရေးပေါ်အသုံးအဆောင်ပစ္စည်းတွေကို စစ်ကောင်စီတပ်သားများ ခိုးထုတ်ရောင်းချနေဟုဆို

VOW| ဇူလိုင် ၁၊ ၂၀၂၄

ရခိုင်၊ မောင်တောမြို့ပေါ် ကညင်တန်းရပ်ကွက်မှာရှိတဲ့ အပြည်ပြည်ဆိုင်ရာ ကြက်ခြေနီကော်မတီ( International Committee of the Red Cross )ရုံးရဲ့ ကုန်ပစ္စည်းသိုလှောင်ရုံထဲကနေ အရေးပေါ် အသုံးအဆောင် ပစ္စည်းတွေကို စစ်ကောင်စီတပ်ဖွဲ့ဝင်တွေနဲ့ နယ်ခြားစောင့်ရဲတွေက ထုတ်ယူ ရောင်းချနေတယ်လို့ မောင်တောသတင်းအရင်းအမြစ်က ပေးပို့ချက်အရ သိရပါတယ် ။

ဈေးများအတွင်း ICRC သိုလှောင်ရုံ ပစ္စည်းတွေထဲက ဓါတ်မီး ၊ ခေါက်ဖျာ ၊ တာပေါ်လင် ၊ ခြင်ထောင် ၊ဓါတ်ခဲ နဲ့ ငါးသတ္တာဗူး တွေ အပြင် အခြား ပစ္စည်းတွေလည်း ရောင်းချနေတာတွေ့ရပြီး စစ်ကောင်စီတပ်သားတွေက လာရောက်ရောင်းချနေတာဖြစ်တယ်လို့ ဒေသခံတွေက ဆိုကြပါတယ်။

မောင်တောဒေသခံတစ်ဦးက “ မြင်နေပေမယ့် မပြောရဲကြဘူး ၊ အချို့ဆို အိမ်ထဲကို ဝင်ပြီး အတင်းရောင်းတာတွေရှိပါတယ် “ လို့ ၎င်းက ဆိုပါတယ် ။

အဲဒီသိုလှောင်ရုံမှာ နိုင်ငံတကာမှ လူသားချင်းစာနာထောက်ထားမှုအကူညီပေးရေး ပစ္စည်းတွေဖြစ်တဲ့ ဆေးဝါးပစ္စည်းတွေအပြင် အမျိုးသမီးနဲ့ ကလေးသူများအတွက် အာဟာရပစ္စည်းတွေ၊ လူသုံးကုန်ပစ္စည်းတွေအများအပြားရှိခဲ့တယ်လို့ အဲဒီ(ICRC)အဖွဲ့အစည်းနဲ့ နီးစပ်သူတွေက ဆိုကြပါတယ်။

အခုလို နိုင်ငံတကာကူညီကယ်ဆယ်ရေး အဖွဲ့အစည်းတွေရဲ့ အထောက်အကူပြု ပစ္စည်းတွေကို ခိုးထုတ်တာဟာ စီးပွါးရေးသက်သက်မဟုတ်ဘဲ ရခိုင်ပြည်သူတရပ်လုံးထောက်ခံနေတဲ့ ULA/AA ရဲ့ ပုံရိပ်ကိုနာမည်ဖျက်ချင်တဲ့အတွက် ထင်ယောင်ထင်မှားဖြစ်အောင်လုပ်နေတာ ဖြစ်တယ်လို့လည်း မောင်တောမြို့ဒေသခံတွေက သုံးသပ်ပြောဆိုနေကြပါတယ်။

ဒါ့အပြင် စစ်ကောင်စီဟာဇွန်လ ၂၂ ရက်နေ့ကလည်း မောင်တော ( WFP) ရုံးက ဆန်အိတ် ၂ဝဝဝ ကျော်ကို ယူဆောင်ခဲ့ကြောင်း စစ်ကောင်စီရဲ့ သတင်းနဲ့ ပြန်ကြားရေးတာဝန်ခံ ဗိုလ်ချုပ်ဇော်မင်းထွန်းကိုယ်တိုင် ဝန်ခံပြောဆိုခဲ့တာကိုလည်း တွေ့ရပါတယ်။

အဲဒီဆန်အိတ်တွေကို AA လက်ထဲကိုမရောက်ရအောင် ပြောင်းရွှေ့ခဲ့တာဖြစ်ကြောင်း ဗိုလ်ချုပ်ဇော်မင်းထွန်းက အကြောင်းပြပြောဆိုထားပြန်ပါတယ်။

မောင်တောမြို့နယ်က တပ်စခန်းအများအပြားကို ထိမ်းသိမ်းထားတဲ့ အာရက္ခတပ်တော်(ULA/AA) ကို စစ်ရေးအရရှုံးနှိမ့်နေတဲ့ စစ်ကောင်စီဟာ ဒေသခံပြည်သူတွေကို ဆေးဝါးနှင့် စားနပ်ရိက္ခာပြတ်တောက်အောင်ရည်ရွယ်ချက်ရှိရှိ ပြုလုပ်နေတာတွေ ရှိနေတယ်လို့ ဝေဖန်မှုတွေရှိနေကြပါတယ်။

06/30/2024

စစ်တွေမြို့မွတ်ဆလင်ကျေးရွာများတွင်
စစ်ကောင်စီမွတ်ဆလင်တပ်သားများပါဝင်သည့်တပ်သားများက ဂိတ်ချ၍ ကျေးရွာသားများကို
ငွေညစ်၊ ရိုက်နှက်မှုများလုပ်ဆောင်နေဟုဆို

VOW| ဇွန် ၃၀ ၊၂၀၂၄

ရခိုင်ပြည် ၊ စစ်တွေမြို့နယ် သက္ကေပြင်ကျေးရွာ ရထားလမ်း ၊ မှန်စီခွဆုံရှိ စစ်ကောင်စီတပ်နဲ့ မွတ်ဆလင်တပ်သားတွေဟာ လမ်းသွားလမ်းလာ
ဆိုင်ကယ်စီးလာတဲ့ ပြည်သူတွေကို စစ်ဆေးပြီး ရိုက်နှက်ကာ ငွေကြေးတောင်းခံနေတယ်လို့ ဒေသခံတွေက ဆိုပါတယ်။

မွတ်ဆလင်အရေးလှုပ်ရှားနေသူ စစ်တွေဒေသခံတစ်ဦးက “ သဲချောင်းက အာယူဆိုတဲ့လူကို ဇွန်လ ၂၉ ရက်ည ၉ နာရီကျော်က ဖုန်းအားဖြည့်ဖို့သွားတဲ့လမ်းအပြန်မှာ ဆိုင်ကယ်ရပ်ပြီး စစ်ဆေးပါတယ်။ သွေးတွေနဲ့ပြန်ရောက်လာပါတယ်။ ရိုက်လွှတ်လိုက်ကြတာပါ။ သူတို့ကဆိုင်ကယ်တွေကို ရပ်ပြီး ဖုန်းတွေလည်းစစ်ပါတယ်။ “ လို့ VOW ကို ပြောပါတယ် ။

နောက်ပြီး မွတ်ဆလင်စစ်သားများနဲ့ အဲဒီ စစ်ကောင်စီတပ်သားတွေဟာ လမ်းသွားလမ်းလာ မွတ်ဆလင်အရပ်သားတွေရဲ့ ဖုန်းများကို စစ်ဆေးပြီး ဆိုင်ကယ်တစ်စီးကို ငွေကျပ်သုံးသောင်းစီတောင်းခံနေတယ်လို့ နောက်ထပ် ဒေသခံတစ်ဦးက ထပ်ပြောပါတယ်။

“ ဆိုင်ကယ်လိုင်စင်စစ်တာပါ ၊ လိုင်စင်မပါတဲ့သူတွေကို ကျပ် သုံးသောင်းအထိ ငွေတောင်းနေပါတယ် ၊ မပေးနိုင်ရင်တော့ ဆိုင်ကယ်သိမ်းလိုက်ပါတယ်။ သူတို့သိမ်းထားတဲ့ ဆိုင်ကယ် ၁၅စီးလောက်တွေ့ပါတယ်။ ကိုယ့်မွတ်ဆလင်တပ်သားတွေလည်း ပါပါတယ်" လို့ အဲဒီမွတ်ဆလင်ကျေးရွာသားတစ်ယောက်က ဆိုပါတယ်။

စစ်ကောင်စီဟာ သဲချောင်း၊ မှန်စီ၊ သက္ကေပြင်၊ အုန်းတောကြီး၊ အုန်တောချေစတဲ့ မွတ်ဆလင်ကျေးရွာတွေမှာ စစ်မှုထမ်းဖို့ လူသစ်စုဆောင်းတာတွေလုပ်ဆောင်နေရုံသာမကဘဲ အရပ်သားတွေအပေါ်မှာ အကြောက်တရားရအောင်လုပ်ဆောင်နေတယ်လို့ ဒေသခံတွေက ဆိုကြပါတယ်။

ရခိုင်မှာ စစ်ကောင်စီနဲ့ အာရက္ခတပ်တော်(AA) တို့ တိုက်ပွဲပြင်းထန်လာပြီးနောက်ပြီး စစ်တွေမြို့နယ်အပါအဝင် မြို့နယ်တချို့ မွတ်ဆလင်အရပ်သားတွေကို စစ်မှုထမ်းဖို့ အတင်းအဓမ္မစေခိုင်းမှုတွေ ရှိနေပြီး ဒေသခံများအပေါ် ရိုက်နှက်တာတွေ၊ ငွေကြေးတောင်းခံတာတွေ လုပ်ဆောင်နေတယ်လို့ မွတ်ဆလင်အသိုင်းအဝိုင်းက ဆိုကြပါတယ်။

06/12/2024

ULA/AA ထံ ခိုလှုံမယ်ဆိုရင် ကာလတခုအထိ ထိန်းသိမ်းခံရမယ်ဆိုတဲ့ သတင်းကြောင့် ရခိုင်မှာ စစ်ကောင်စီဝန်ထမ်းတွေ နှုတ်မထွက်ရဲကြဘဲ
ပိတ်မိနေ

VOW/ ဇွန် ၁၂ / ၂၀၂၄

စစ်ကောင်စီလက်အောက်မှာ တာဝန်ထမ်းဆောင်နေရတဲ့ ရဲ ၊ ထွေအုပ် ဝန်ထမ်းတွေအနေနဲ့ နှုတ်ထွက်မယ်ဆိုရင် အာရက္ခတပ်တော်ထဲမှာ အချိန်အတိုင်းအတိုင်းအတာတခုအထိ ထိန်းသိမ်းခံရမယ် ဆိုတဲ့ သတင်းကြောင့် ထွက်မလာရဲကြဘဲ ရခိုင်ပြည်ထဲမှာ ပိတ်မိနေကြတယ်လို့ စုံစမ်းသိရှိရပါတယ် ။

လက်ရှိတိုက်ပွဲ အနေအထားအရ စစ်ကောင်စီထိန်းသိမ်းထားတဲ့ နယ်မြေတွေက ဂိတ်တွေကို ကျော်ဖြတ်နိုင်ရင်တောင် ULA/AA ဂိတ်တွေမှာ ထိန်းသိမ်းခံရနိုင်ခြေရှိတဲ့ အတွက် မစွန့်စားရဲကြတဲ့ ဝန်ထမ်းတွေ အများကြီးရှိနေတယ်လို့ အမည်မဖော်လိုသူ ဝန်ထမ်းတဦးက VOW ကိုပြောပါတယ် ။

“ ဝန်ထန်းအကုန်လုံးက စစ်ကောင်စီလက်အောက်မှာ တာဝန်ထမ်းဆောင်ချင်ကြတာမဟုတ်ပါဘူး ၊ စစ်အာဏာသိမ်းကတည်းက ရခိုင်မှာ CDM လုပ်ချင်တဲ့ ဝန်ထမ်းတွေအများကြီးရှိတယ် ၊ အဲ့ဒီအချိန်က ULA/AA က CDM မလုပ်ဖို့ ကြေငြာချက်တစောင်ထုတ်ပြန်ခဲ့တာရှိတယ် ၊ ဒါကြောင့် တော်တော်များများ CDM မလုပ်ခဲ့ကြဘူး ၊ အခုချိန်မှာတော့ တိုက်ပွဲတွေပြင်ထန်လာတဲ့အတွက် အေးအေးဆေးဆေး လွှတ်ပေးစေချင်ကြတာပါ “ လို့ အဆိုပါ ဝန်ထမ်းက မိမိတို့ သတင်းဌာနကိုပြောပါတယ် ။

လက်ရှိ မြေပြင်တိုက်ပွဲ အခြေအနေအရ လွှတ်မြောက်နယ်မြေကို ခိုလှုံဖို့ ကိုယ့်နည်းကိုယ့်ဟန်နဲ့ ထွက်သွားကြတဲ့ ဝန်ထမ်းတွေဟာ AA စစ်သားတွေရဲ့ ဖမ်းဆီးခြင်းကို ခံနေရပြီး လပိုင်းကနေ နှစ်ပိုင်းအထိ ထိန်းသိမ်း စစ်ဆေးခံနေရတာတွေ ရှိတယ်လို့ သိရပါတယ် ။

ULA/AA ရဲ့ ပြောရေးဆိုခွင့်ရှိသူ ဦးခိုင်သုခကတော့ စစ်ကောင်စီလက်အောက်ကနေ ထွက်လာတဲ့ ဘယ်သူ့ကိုမဆို ကောင်းကောင်းမွန်မွန် လက်ခံကြိုဆိုမှာ ဖြစ်ပြီး မိမိတို့ ဆီမှာ တာဝန်ထမ်းဆောင်ချင်တယ်ဆိုလည်း ကြိုဆိုမှာ ဖြစ်သလို ၊ မိဘအိမ်ကို ပြန်မယ်ဆိုရင်လည်း ပြန်ပို့ပေးမှာ ဖြစ်ပြီး ၊ တိုက်ပွဲကာလတွေမှာ ဖမ်းမိတဲ့ စစ်သုံ့ပန်းတွေကိုတောင် သတင်းမထုတ်ပြန်ဘဲ ပြန်လွှတ်ပေးခဲ့တာတွေ ရှိတယ်လို့ ဇွန်လ ၈ ရက်နေ့ ကပြုလုပ်တဲ့ ULA/AA ရဲ့ သတင်းစာရှင်းလင်းပွဲမှာ ပြောကြားသွားပါတယ် ။

06/11/2024

လေကြောင်းသုံးပြီး အရပ်သားပြည်သူများအားစစ်ကောင်စီ ဦးတည်တိုက်ခိုက်နေ

VOW| ဇွန် ၊ ၁၁ ၊ ၂၀၂၄

ရခိုင်ဒေသအတွင်း အာရက္ခတပ်‌တော် (AA) ထိန်းချုပ်ထားတဲ့ မြို့၊ ရပ်ရွာတွေအပါအဝင် လက်ရှိတိုက်ပွဲပြင်းထန်နေတဲ့ မောင်တော၊ သံတွဲ၊ အမ်း အစရှိတဲ့ ဒေသတွေမှာ စစ်ကောင်စီဟာ
ဒရုန်းတွေသုံးပြီး အရပ်သားပြည်သူတွေကို ပစ်မှတ်ထား တိုက်ခိုက်မှုတွေ ဆက်တိုက်ပြုလုပ်လာနေတယ်လို့ AA ဘက်က ဆိုပါတယ်။

"အရပ်သားပြည်သူလူထုနေထိုင်ရာ မြို့၊ ရပ်ရွာ များ၊ ဆေးရုံဆေးခန်း၊ စျေး၊ စာသင်ကျောင်း၊ ဘုန်းကြီးကျောင်းနှင့် အရပ်သားပြည်သူ သွားလာလှုပ်ရှားရာ နေရာများအား ပစ်မှတ်ထားပြီး ရေကြောင်း၊ လက်နက်ကြီး၊ လေကြောင်းပစ်ခတ်တိုက်ခိုက်မှုများကို တစ်နေ့ ထက်တစ်နေ့ တိုးတိုးပြီး ပြုလုပ်လာနေတယ်" လို့ အာရက္ခတပ်‌တော် (AA)က ဆိုပါတယ်။

နောက်ပြီး ဇွန်လ (၄/၅) ရက်တွေမှာလည်း အရပ်သားပြည်သူနေထိုင်တဲ့ သံတွဲမြို့နယ်၊ ဆင်ခေါင်း ကျေးရွာကို စစ်ကောင်စီက လေကြောင်းနဲ့ ဗုံးကြဲတိုက်ခိုက်မှုတွေ ပြုလုပ်ခဲ့တဲ့အတွက် အပြစ်မဲ့ အရပ်သား ပြည်သူများစွာ ထိခိုက်ဒဏ်ရာရ၊ သေဆုံးခဲ့ပြီး ရွာလုံးကျွတ်နီးပါး ပျက်စီးဆုံးရှုံးခဲ့တယ်လို့ ဆိုပါတယ်။

ဇွန်လ (၁၁) ရက်၊ မနက် ၉ နာရီ ၉ နာရီ ၃၅ မိနစ် ဝန်းကျင်မှာ စစ်ကောင်စီရဲ့ Y12 လေယာဉ်ဟာ ပေါက်တောမြို့နယ်၊ မြို့ပေါ်ရပ်ကွက် (၁)၊ သဝင်ချောင်းကျေးရွာ ဘုန်းကြီးကျောင်းအနီးဝန်းကျင်၊ မနော်သီရိကျေးရွာနဲ့ လက်ပံပြားကျေးရွာတွေကို လေကြောင်းက ဗုံးကြဲ တိုက်ခိုက်မှု (၄) ကြိမ်ပြုလုပ်ခဲ့သလို ဒရုန်းနဲ့လည်း ဗုံးကြဲတိုက်ခိုက်ခဲ့တယ်လို့ဆိုပါတယ်။

စစ်ကောင်စီကြဲချတဲ့ ဒရော့ဗုံး ကျရောက်ပေါက်ကွဲခဲ့တဲ့အတွက် အပြစ်မဲ့အရပ်သားပြည်သူ အမျိုးသမီး (၆) ယောက်နဲ့ အမျိုးသား (၄) ယောက်တို့မှာ အကြီးစား၊ အ‌လတ်စား၊ အသေးစား ထိခိုက်ဒဏ်ရာရရှိခဲ့ပြီး နေအိမ်အချို့လည်း ပျက်စီးဆုံးရှုံးခဲ့တယ်လို့ဆိုပါတယ်။

•ဇွန် (၄) ရက်နေ့က စစ်ကောင်စီလေကြောင်းသုံး
တိုက်ခိုက်ခဲ့သည့် သံတွဲမြို့နယ် ဆင်ခေါင်းကျေးရွာ

06/10/2024

အရပ်သားမွတ်ဆလင်တွေ စီးနင်းလာတဲ့ မော်တော်ဘုတ်ကို စစ်ကောင်စီနေဗီက
ဝင်တိုက်၍ လူဦးရေ ၄၀ ခန့်သေဆုံး

VOW/ဇွန် ၁၀ / ၂၀၂၄

၂၀၂၄ ခုနှစ် ၊ ဇွန်လ ၉ ရက်နေ့ ည ၁၀နာရီခန့်မှာ မောင်တောမြို့နယ် ၊ မောင်နီပြင်ကျေးရွာ ကနေ ထွက်လာတဲ့ လူဦးရေ ၄၀ကျော်စီးနင်းလိုက်ပါလာတဲ့ မော်တော်ဘုတ်တစီးကို မောင်နီပြင်ကျေးရွာနဲ့ ၂မိုင်အကွာမှာရှိတဲ့ စစ်ကောင်စီ နေဗီတစီးက ဝင်တိုက်ခဲ့တယ်လို့ သိရပါတယ် ။

“ရွာကနေ ၂မိုင်လောက်အကွာလောက်မှာ စစ်တပ်နေဗီက တမင်နစ်မြုပ်အောင်တိုက်သွားတာပါ ၊ စစ်လှေထဲမှာပါလာတဲ့ လူတွေထဲက အမျိုးသမီး တဦးနဲ့ အမျိုးသားနှစ်ဦး အသက်ရှင်ပြီး ကျန်တဲ့သူတွေကတော့ သေသွားပါပြီ “ လို့ ကူညီကယ်ဆယ်ရေးမှာ ဆောင်ရွက်ပေးတဲ့ ဒေသခံတဦးက ပြောပါတယ် ။

အသက်ရှင်ကျန်ရစ်သူ ၃ဦးဟာ လက်ရှိအချိန်မှာ မောင်တော ဆေးရုံကိုရောက်ရှိနေကြပြီး ဆေးကုသမှု ခံယူနေတယ်လို့ အဆိုပါ ဒေသခံကပြောပါတယ် ။

စက်လှေနဲ့လိုက်ပါလာသူ အားလုံးနီးပါးဟာ ဘူးသီးတောင်မြို့နယ်က ဒေသခံမွတ်ဆလင်တွေ ဖြစ်ကာ စစ်ဒဏ်ကြောင့် ဒဏ်ရာရှိထားသူတွေဖြစ်ပြီး မောင်နီပြင်ကျေးရွာကနေတဆင့် ဘင်္ဂလားဒေ့ရှ်နိုင်ငံဘက်ကို ဆေးကုသမှုခံယူဖို့အတွက် လှေနဲ့ခိုးထွက်ကြသူတွေဖြစ်တယ်လို့ သိရပါတယ် ။

အသက်ရှင်လွတ်မြောက်လာသူ ၃ဦးရဲ့ ပြောကြားချက်အရ အနည်းဆုံး လူ ၄၀-ကျော်သေဆုံးပြီး နတ်မြစ်ထဲမှာ ရုပ်အလောင်းတွေ မျှောနေတယ်လို့ ဆိုပါတယ် ။

06/07/2024

ရခိုင်အမျိုးသားပါတီ ANP
လူငယ်ခေါင်းဆောင် ကိုဂမ်ဘာရီကို
၅၀ ည ဖြင့် တရားစွဲ

VOW| ဇွန် ၊ ၇ ၊ ၂၀၂၄

ရခိုင်အမျိုးသားပါတီ ANP ရဲ့ ပါတီလူငယ်ခေါင်းဆောင်ဖြစ်သူ ကိုဂမ်ဘာရီ (ခ)
ခင်ဝင်းမောင်ကို ဒီကနေ့ ၂၀၂၄ ခုနှစ် ၊
ဇွန်လ ၇ ရက်နေ့မှာ အကြမ်းဖက်မှုများ
အတွက် ငွေကြေးထောက်ပံ့မှု ဥပဒေပုဒ်မ
၅၀ ည နဲ့ ရန်ကုန်တိုင်းဒေသကြီး
အလုံမြို့နယ် တရားရုံးက
တရားစွဲဆိုလိုက်တယ်လို့သိရပါတယ် ။

“ ဒီကနေ့ မှာ စပြီး ရုံးထုတ်တာပါ ၊ တရားစွဲတာကတော့ ၅၀ ည နဲ့ ပါ ၊ ထိုင်းဘတ်ငွေ ၄၀၀၀၊ မြန်မာငွေကျပ် သိန်းတရာကျော် ဖမ်းမိတာပါ ၊
ဒီကိစ္စအတွက် သူ့အနေနဲ့ ခိုင်လုံတဲ့ အကြောင်းပြချက်ပေးနိုင်ရင်တော့ အမှုက လွတ်နိုင်ခြေရှိပါတယ် “ လို့ တရားရုံးကို လိုက်ပါဆောင်ရွက်ခဲ့သူ တဦးက VOWကို ပြောပါတယ် ။

ရခိုင်အမျိုးသားပါတီ ANP လူငယ်ခေါင်းဆောင်
ကိုဂမ်ဘာရီ (ခ) ကိုခင်ဝင်းမောင် ကို မေလ ၃၁ ရက်နေ့ ညက ရန်ကုန်မြို့ နေအိမ်ကနေ
ဖမ်းဆီးခေါ်ဆောင်သွားခဲ့တာ ဖြစ်ပါတယ် ။

မေလ ၃၁ ရက်နေ့ညက ဂမ်ဘာရီနဲ့ အတူ
ဖမ်းဆီးခေါ်ဆောင်သွားတဲ့ နောက်ထပ်လူငယ် (၃) ဦး ကိုတော့ စစ်ကြောရေးမှာ စစ်ဆေးနေတုန်း
ဖြစ်ပြီး ရုံးထုတ်ဖို့ အခြေအနေ မရှိသေးဘူးလို့ စုံစမ်းသိရှိရပါတယ် ။

06/07/2024

စစ်ကောင်စီ‌၏ လေကြောင်းနဲ့တိုက်ခိုက်မှု
ကျောက်တော်မြို့နယ်ရှိ အရပ်သားပြည်သူ
နှစ်ယောက်ထိခိုက်

VOW | ဇွန်လ၊ ၇ ၊၂၀၂၄

ရခိုင်ပြည်၊ ကျောက်တော်မြို့နယ်
ရှောက်ချောင်း ကျေးရွာအား စစ်ကောင်စီ လေကြောင်းတိုက်ခိုက်မှုကြောင့် ၎င်းရှောက်ချောင်းကျေးရွာမှ အပြစ်မဲ့ ကလေးငယ်တစ်ဦး အမျိုးသမီးတစ်ဦး ထိခိုက်ဒဏ်ရာရသွားခဲ့တယ်လို့ သိရပါတယ်။

ဇွန်လ (၆) ရက် နေ့လည် ၁ နာရီခွဲနှင့်
ညနေ ၅ နာရီလောက်မှာ စစ်ကောင်စီက လေကြောင်းနဲ့လာရောက်ပြီး ဗုံးကြဲတိုက်ခိုက်တဲ့အတွက် ကလေးငယ်တစ်ဦးနှင့် အမျိုးသမီးတစ်ဦး ဒဏ်ရသွားတယ်လို့ ဒေသခံတွေက ပြောပါတယ်။

"စစ်ကောင်စီက ရှောက်ချောင်းကျေးရွာနားကို လေယျာဉ်နဲ့ဗုံးလာချသွားတာပါ။ ကလေးတစ်ယောက် အမျိုးသမီးတစ်ယောက် ထိခိုက်သွားပါတယ်။ အသေးစိပ်တော့ မသိရသေးဘူး" လို့ အမည်မဖော်လိုသူ ဒေသခံတဦးက ပြောပါတယ်။

ကျောက်တော်မြို့နယ်ဟာ ရက္ခိုင့်တပ်‌တော် AA
စစ်ကောင်စီလက်ထဲကနေ အပြီးသတ်သိမ်းပိုက်ပြီးမြို့နယ်ထဲက နယ်မြေတစ်ခုလည်း
ဖြစ်ပါတယ်။

06/05/2024

စောမြရာဇာလင်း ဦးဆောင်သည့် ALP အဖွဲ့
စစ်ကောင်စီနှင့် ပူးပေါင်းနေမည်ဆိုပါက
ရခိုင်အမျိုးသားရေးလမ်းကြောင်းနှင့်
သွေဖီသွားမည်ဖြစ်ကြောင်း AASYC သတိပေး

VOW| ဇွန်လ/ ၃ / ၂၀၂၄

စစ်တွေမြို့နယ် ၊ ဆပ်ရိုးကျရပ်ကွက် (ဗျိုုင်းဖြူကျေးရွာ) မှာ ကျေးရွာသားတွေကို မတရားဖမ်းဆီးသတ်ဖြတ်တဲ့ကိစ္စနဲ့ ပတ်သက်ပြီး စစ်ကောင်စီတပ်နဲ့ စောမြရာဇာလင်းဦးဆောင်တဲ့ ရခိုင်ပြည်လွတ်မြောက်ရေးပါတီ (ALP) အဖွဲ့ဝင်တွေဟာ ရခိုင်ပြည်အနှံအပြားမှာ စစ်ကောင်စီနဲ့ပေါင်းပြီး စစ်ရာဇဝတ်မှုတွေ ကျူးလွန်နေတဲ့ သတင်းကို အကြိမ်ဖန်များစွာ ကြားနေရတယ်လို့ ရခိုင်ပြည်လုံးဆိုင်ရာ ကျောင်းသားနှင့် လူငယ်များအစည်းအရုံး (AASYC) က ၂၀၂၄ ခုနှစ် ၊ ဇွန်လ ၄ရက်နေ့မှာ ထုတ်ပြန်လိုက်ပါတယ် ။

၂၀၂၄ ခုနှစ် ၊ မေလ ၂၉ရက်နေ့ ၊ နေ့လည် ၁၂နာရီလောက်မှာ စစ်တွေမြို့ ၊ ဆပ်ရိုးကျရပ်ကွက် (ဗျိုင်းဖြူရွာ) ကို စစ်ကောင်စီတပ် ဒကစ(စစ်တွေ) ရဲ့ လက်အောက်ခံ တပ်ရင်းတပ်ဖွဲ့ အင်အားအလုံးအရင်းနဲ့ ဝင်ရောက်ခဲ့ပြီး ကျေးရွာအတွင်းက အမျိုးသားတွေရဲ့ မျက်နှာကို အသင့်ယူဆောင်လာတဲ့ ပိတ်စတွေနဲ့စည်းနှောင်ကာ ရွာရဲ့ အရှေ့ဘက် ရေကန်ဘေးကနေတဆင့် သင်္ချိုင်းနားကို ခေါ်သွားပြီး ပစ်သတ်ခဲ့တယ်လို့ AASYC ကြေငြာချက်မှာ ဖော်ပြထားပါတယ် ။

ရခိုင်ပြည်သူတွေအပေါ်မှာ စစ်ရာဇဝတ်မှုတွေ ကျူးလွန်နေတဲ့ စစ်ကောင်စီကို အပြစ်ပေး အရေးယူနိုင်ရေးအတွက် ကုလသမဂ္ဂ အပါအဝင် ပြည်တွင်းပြည်ပ အင်အားစုတွေအားလုံးနဲ့ ပူးပေါင်းဆောင်ရွက်သွားမှာ ဖြစ်ပြီး ကျူးလွန်ခံရတဲ့ မိသားစုတွေအတွက် စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ ကူညီပံ့ပိုးမှုတွေကို တတ်စွမ်းသမျှပံ့ပိုးပေးမယ်လို့ AASYC ကြေငြာချက်မှာ ဖော်ပြထားပါတယ် ။

စစ်ကောင်စီရဲ့ ပြောရေးဆိုခွင့်ရှိသူ ဗိုလ်ချုပ် ဇော်မင်းထွန်းက အခုလိုပြောဆိုတဲ့ ကိစ္စတွေဟာ AA ရဲ့တဖက်သတ်စွပ်စွဲချက်သာ ဖြစ်ပြီး ဗျိုင်းဖြူကျေးရွာမှာ AA တပ်ဖွဲ့ဝင်တွေရှိတယ်ဆိုတဲ့ သတင်းအရ မသင်္ကာတဲ့သူတွေကို သွားရောက်စစ်ဆေးရာမှာ သေနတ်လုတဲ့ အတွက်ကြောင့် ပစ်ခတ်ရာမှာ ၃ ဦးသေဆုံးခဲ့တာဖြစ်တယ်လို့ MRTV4 ရုပ်သံကနေတဆင့် ပြောကြားခဲ့ပါတယ် ။

ဗျိုင်းဖြူရွာသားတွေအပေါ် အခုလို စစ်ရာဇဝတ်မှုတွေ ကျူးလွန်ခဲ့တဲ့ ကျူးလွန်သူ ၊ ပူးပေါင်းပါဝင်ခဲ့သူ နဲ့ ညွန်ကြားခဲ့သူတွေကို လက်စားချေတုန့်ပြန်သွားမယ်လို့ ULA/AA က ဇွန်လ ၂ ရက်နေ့မှာ ကြေငြာချက် ထုတ်ပြန်ခဲ့ပေမယ့် စောမြရာဇာလင်း ဦးဆောင်တဲ့ ရခိုင်ပြည်လွတ်မြောက်ရေးပါတီ ALP ရဲ့ ပါတီစည်းရုံးရေးတာဝန်ခံ ခိုင်အောင်ဇံက ရခိုင်ပြည်သူတို့နဲ့ ALP အပေါ် ပြသနာဖြစ်အောင် ဖန်တီးထားတဲ့ လှုံဆော်မှုတွေဖြစ်ကြောင်း ငြင်းဆိုထားပါတယ် ။

06/03/2024

ဗျိုင်းဖြူကျေးရွာက အပြစ်မဲ့အရပ်သားတွေကို စစ်ကောင်စီက အစုလိုက်အပုံလိုက် သတ်ပြတ်မှုကို AA က ကန့်ကွက်ရှုံ့ချ သတိပေးကြောင်းထုတ်ပြန်

ဇွန်လ/ ၃/ ၂၀၂၄

ရခိုင်ပြည်၊ ဗျိုင်းဖြူကျေးရွာက အပြစ်မဲ့အရပ်သားပြည်သူတွေကို ပြည်သူလူထုတို့ကို ဖမ်းဆီး၊ သတ်ဖြတ်၊ နှိပ်စက်ညှဉ်းပန်းခဲ့ကြပြီး စစ်ရာဇဝတ်မှုကျူးလွန်ရုံမက လူသားမျိုးနွယ်အပေါ် ပြစ်မှုတွေကို လက်ရဲဇက်ရဲ ဆက်တိုက်ကျူးလွန်ခဲ့တဲ့ စစ်ကောင်စီကို ကန့်ကွက်ရှုတ်ချကြောင်းနဲ့ သတိပေးကြောင်း AA က ဇွန်လ ၂ ရက်နေ့စွဲနဲ့ ထုတ်ပြန်ပါတယ်။

06/01/2024

စစ်ကောင်စီ ဗုံးကြဲတိုက်ခိုက်မှု
အရပ်သားများ သေဆုံး၊ ဒဏ်ရာရ

ဇွန်လ / ၁/ ၂၀၂၄

ရခိုင်ပြည်အတွင်း စစ်ရှုံးစစ်ကောင်စီက ပုဏ္ဏားကျွန်းမြို့နယ်နဲ့ ပေါက်တောမြို့နယ်က ကျေးရွာသုံးခုကို Y - 12 လေယာဉ်နဲ့ ဗုံးကြဲတိုက်ခိုက်ခဲ့တဲ့အတွက် ဒေသခံပြည်သူတွေ ထိခိုက်ဒဏ်ရာရပြီး သေဆုံးသူတွေရှိတယ်လို့ သတင်းရရှိပါတယ်။

"စစ်ရှုံးနေတဲ့ စစ်‌ကောင်စီတပ်က လေယာဉ်နဲ့ လာပစ်ပါတယ်။ အသက် ၇ နှစ်လောက်ရှိတဲ့ကလေးပါဆိုရင် ၈ ယောက်လောက် သေသွားပါတယ်" လို့ ယိုးတရုတ် ဒေသခံတစ်ယောက်က ပြောပါတယ်။

ဒီကိစ္စနဲ့ပတ်သတ်လို့ AAIn fo Desk က အခုလို ထုတ်ပြန်ထားတာကို တွေ့ရပါတယ်။

၂၀၂၄ ခုနှစ်၊ ဇွန်လ (၁) ရက်နေ့၊ နံနက် (၉) နာရီ နှင့် (၉) နာရီ (၄၅) မိနစ်ကြားတွင် ရက္ခိုင်ပြည်၊ ပေါက်တောမြို့နယ်၊ သဲခုံကျေးရွာနှင့် ကြိမ်ခွေမော်‌‌ကျေးရွာအားလည်းကောင်း၊ နံနက် (၁၀) နာရီ (၂၄) မိနစ်အချိန်၌ ပုဏ္ဏားကျွန်းမြို့နယ်၊ ယိုးတရုတ်ကျေးရွာအားလည်းကောင်း ဖက်ဆစ် အကြမ်းဖက် စစ်ကောင်စီသည် Y-12 လေယာဉ်များ၊ ဒရုန်းများဖြင့် ဗုံးကြဲတိုက်ခိုက်မှုများ ပြုလုပ်ခဲ့သည်။

အခုလို စစ်ကောင်စီက အရပ်သားပြည်သူတွေနေထိုင်တဲ့ ကျေးရွာတွေကို လေကြောင်းနဲ့ ဗုံးကြဲ တိုက်ခိုက်ခဲတဲ့အတွက် အရပ်သားပြည်သူအချို့မှာ သေဆုံးသူတွေနဲ့ အသေးစား၊ အလတ်စား၊ အပြင်းစား ထိခိုက်ဒဏ်ရာရတာတွေရှိတယ်လို့ ဆိုထားပါတယ်။

ရခိုင်ပြည်အတွင်းက ဒေသခံပြည်သူတွေ နေရထိုင်ရအခက်အခဲ့ဖြစ်နေကြသလို စာဝတ်နေရေးအတွက်လည်း အခက်အခဲ့ကြုံနေကြတယ်လို့ ဆိုပါတယ်။

05/18/2024

၂၀၂၄ ခုနှစ်၊ မေလ (၁၄) ရက်နေ့တွင် အကြမ်းဖက်စစ်ကောင်စီ၏ ဘူးသီးတောင်အခြေစိုက် ခမရ (၃၅၃) တပ်ရင်းအား အာရက္ခတပ်တော်မှ သိမ်းပိုက်ရှင်းလင်းစဉ် အကြမ်းဖက်စစ်ကောင်စီမှ (၃) ရက်ကြာ ဖမ်းဆီးပိတ်လှောင်ထားသော ခရုချောင်း မူဆလင်ကျေးရွာမှ ကလေးငယ်များအပါဝင် မူဆလင် အမျိုးသား အမျိုးသမီးစုစုပေါင်း (၃၅) ဦးအား အာရက္ခတပ်တော်မှ
ကယ်ထုတ်နိုင်ခဲ့သော ရုပ်သံမှတ်တမ်း....

VOW| မေလ ၁၈၊ ၂၀၂၄

05/06/2024

ဘူးသီးတောင်က စစ်ကောင်စီတပ်မ စကခ ၁၅ တပ်ရင်းဌာနချုပ်တစ်ခုလုံး AA ထံ လက်နက်ချအဖမ်းခံ

VOW - မတ်/ ၆/ ၂၀၂၄

အာရက္ခတပ်တော်က ကာလအတန်ကြာဝိုင်းရံပိတ်ဆို့ဖြတ်တောက်ထားတဲ့ ဘူးသီးတောင်အခြေစိုက် စစ်ကောင်စီ စကခ (၁၅) တပ်မဌာနချုပ်တစ်ခုလုံး AA ထံ လက်နက်ချအညံ့ခံထားတဲ့ ရုပ်သံဖိုင်ကို AA က မှတ်တမ်းတင်ရိုက်ကူးထားတာဖြစ်ပါတယ်။

အာရက္ခတပ်တော်က ထိုးစစ်ဆင်တိုက်ခိုက်မှုအပြီးမှာ အပြတ်အသတ်ရှုံးနိမ့်ပြီး လုံးဝမလွတ်မြောက်နိုင်တဲ့ အခြေအနေမှာ လက်နက်ချအညံ့ခံခဲ့လို့ အသက်ချမ်းသာရာရခဲ့တဲ့ ဘူးသီးတောင် စကခ (၁၅) တပ်မဌာနချုပ်က ဒုတပ်မမှူးအပါအဝင် စစ်ကောင်စီတပ်ဖွဲ့ဝင်တွေနဲ့ တပ်မိသားစုဝင်တွေကို ၂၀၂၄ ခုနှစ်၊ မေလ (၄) ရက်နေ့မှာ တွေ့ရတဲ့ ရုပ်သံမှတ်တမ်းဖြစ်တယ်လို့ အာရက္ခတပ်တော်က ဆိုထားပါတယ်။

04/26/2024

ရခိုင့်တပ်တော် AA မှ
ညမထွက်ရအမိန့်ထုတ်ပြန်..

AA INFO DESK မှ ကူးယူဖော်ပြပါသည်။

04/25/2024

ဘူးသီးတောင်မြို့အား အကြမ်းဖက်အုပ်စုများမှ
မီးရှို့ဖျက်ဆီးသည့် ရုပ်သံအား ရခိုင့်တပ်တော်
ထုတ်ပြန်။

VOW| ဧပြီ ၂၅, ၂၀၂၄

ရခိုင်၊ဘူးသီးတောင်မြို့ မီးရှို့ဖျက်ဆီးခံရသည့်
ဗီဒီယိုဖိုင်တခုကို ဒီနေ့ ဧပြီ ၂၅ ရက်နေ့ ၂၀၂၄ မှာ
ရခိုင့်တပ်တော် AA ဘက်က ထုတ်ပြန်လိုက်ပါတယ်။

မီးရှို့ခံထားရတဲ့ ဗီဒီယိုနှင့်အတူ
ထုတ်ပြန်ရေးသားထားတာကတော့
အကြမ်းဖက် စစ်ကောင်စီနှင့် သူ့၏
လက်အောက်ခံဘင်္ဂလီမူဆလင်အကြမ်းဖက်အဖွဲ့များဖြစ်သည့် ARSA, ARA, RSO နှင့်မကြာခင်က စစ်ကောင်စီသင်တန်းပေးခဲ့သည့် မူဆလင်လက်နက်ကိုင်များ၏ မီးရှို့ဖျက်စီးမှုဖြစ်ကြောင်း
ရေးသားဖေါ်ပြ ထုတ်ပြန်ထားတာကိုတွေ့ရပါတယ်။

ဗီဒီယို /AAinfodesk

04/18/2024

အာဏာသိမ်းစစ်ကောင်စီနှင့် မူဆလင်သောင်းကျန်းသူများ ပူးပေါင်းပြီး
ဘူးသီးတောင်မြို့ကို မီးရှို့ဖျက်ဆီးနေ

VOW - ဧပြီ- ၁၈/ ၂၀၂၄

ရခိုင်ပြည်၊ ဘူးသီးတောင်မြို့ကို စစ်ကောင်စီနှင့် သောင်းကျန်းသူ မူဆလင်တို့ပူးပေါင်းပြီး မီးရှို့ဖျက်စီးနေတယ်လို့ ဒေသခံတွေက ပြောပါတယ်။

စစ်ကောင်စီနှင့် ရိုဟင်ဂျာအမည်ခံ သောင်းကျန်းသူမူဆလင်တို့ပူးပေါင်းပြီး
ဘူးသီးတောင်မြို့ကို မီးရှို့ဖျက်စီနေတာ
တစ်ပတ်လောက်ရှိနေပြီလို့ မြို့ခံတစ်ယောက်က ပြောပါတယ်။

"စစ်သားဝင်လုပ်နေတဲ့ မူဆလင်တွေက စစ်ကောင်စီတွေနဲ့ပူးပေါင်းပြီး မြို့ကိုမီးရှို့နေကြတာပါ။ အဓိက ရခိုင်တွေကို ဦးတည်ပြီးလုပ်နေကြတာပါ" လို့ ဆိုပါတယ်။

ဒီလိုဖြစ်နေတာကို မြို့က မူဆလင်လူကြီးတွေက ဝင်တားပေမဲ့ တားလို့မရဘူးလို့လည်း သူကဆိုပါတယ်။

"ဒီလိုဖြစ်ပျက်နေတာဟာ မူဆလင်တွေနဲ့ ရခိုင်တွေကို စစ်ကောင်စီက ရည်ရွယ်ချက်ရှိရှိနဲ့ ရန်တိုက်ပေးနေသလိုဖြစ်နေပါတယ်။ အခုလူတွေက အားလုံးကို စိုးရိမ်နေပြီ။ AA ကို တိုက်ချင်တယ်ဆိုရင် သွားတိုက်ပါ။ ဒီလိုတော့ မဖြစ်စေချင်ဘူး" လို့ နောက်ထပ် မြို့ခံ တစ်ယောက်က ဆိုပါတယ်။

စစ်ကောင်စီနှင့် ရက္ခိုင်တပ်တော် AA တို့ အခုတစ်ကျော့ပြန်ဖြစ်နေတဲ့တိုက်ပွဲကာလမှာ စစ်ကောင်စီဖက်က မူဆလင်လူငယ်တွေကို စစ်တပ်ထဲဝင်ခိုင်းပြီးနောက် အခုလိုဖြစ်လာတာဖြစ်တယ်လို့ ဆိုကြပါတယ်။

မီးရှို့ပျက်ဆီးခံရတဲ့ အရေအတွက်ကို အတိအကျမသိပေမဲ့ ဘူးသီးတောင်မြို့ တစ်ဝက်လောက်ပျက်စီးသွားပြီလို့ ဆိုကြပါတယ်။

04/13/2024

မောင်တော၊ ကြိမ်ချောင်း ဗျူဟာစခန်းကြီးကို AA က အပြီးသတ်သိမ်းပိုက်

VOW - ဧပြီ/ ၁၃/ ၂၀၂၄

ရက္ခိုင်ပြည်၊ မောင်တောမြို့ စစ်ကောင်စီ၏ ကြိမ်ချောင်း ဗျူဟာစခန်းကြီးကို အာရက္ခတပ်တော် AA က မနေ့က ဧပြီလ (၁၂) ရက်နေ့မှာ အပြီးသတ်သိမ်းပိုက်ရယူနိုင်ခဲ့ကြောင်း AA က ထုတ်ပြန်ပါတယ်။

ဒီကြိမ်ချောင်း ဗျူဟာကုန်းဟာ နခခ (၇) ဖြစ်ပြီး စစ်ကောင်စီတပ်ဖွဲ့ဝင် (၁၀၀) ကျော်၊ နယ်ခြားစောင့်တပ်ဖွဲ့ဝင် (၄၀၀) လောက်နဲ့အတူ သူတို့ရဲ့ မိသားစုဝင်
(၁၅၀) လောက်ရှိတဲ့ စခန်းကြီးတစ်ခုဖြစ်တယ်လို့ ဆိုပါတယ်။

ဗျူဟာမှူး ဒု-ဗိုလ်မှူးကြီး မင်းစိုးနဲ့ ဒုဗိုလ်မှူးကြီး ရဲမှူးကြီး ဝင်းမြင့်အောင်တို့ ဦးဆောင်ပြီး AA ရဲ့ထိုးစစ်ကို အသည်းအသန် ခုခံနေတဲ့ ဗျူဟာစခန်းကြီးတစ်ခုဖြစ်လည်းဖြစ်တယ်လို့ ဆိုထားပါတယ်။

ကြိမ်ချောင်းဗျူဟာ စခန်းသိမ်းတိုက်ပွဲအတွင်း ရန်သူ့အလောင်းအမြောက်အမြား၊ သုံ့ပန်းတချို့နဲ့ သူတို့ရဲ့ မိသားစုဝင်တချို့ကို ဖမ်းဆီးရမိခဲ့သလို လက်နက်ခဲယမ်းတွေကိုလည်း သိမ်းဆည်းရမိခဲ့တယ်လို့ ဆိုပါတယ်။

04/05/2024

ခမရ (၅၆၄) တပ်ရင်းဌာနချုပ်အား AA အပြီးသတ်သိမ်းပိုက်၊ စစ်ကောင်စီ
စစ်ရာဇဝတ်မှုဆက်လက်ကျူးလွန်ဆဲ

VOW| ဧပြီ ၅.၂၀၂၄

ရခိုင်၊ ဘူးသီးတောင်အခြေစိုက် ခမရ (၅၆၄) တပ်ရင်းဌာနချုပ်အား ၂၀၂၄ ဧပြီလ (၅)နံနက်
(၈) နာရီခန့်မှာ အပြီးသတ် သိမ်းပိုက်လိုက်ပြီဖြစ်ကြောင်း ရက္ခိုင့်တပ်တော်မှ ထုတ်ပြန်ထားတာတွေ့ရပါတယ်။

၎င်း ခမရ (၅၆၄) တပ်ရင်းကို ဧပြီလ (၁) ရက်နေ့မှာ စတင်ထိုးစစ်ဆင်တိုက်ခိုက်ခဲ့ပြီး ဧပြီ (၅) နေ့မှာ
အပြီးသတ် သိမ်းပိုက်နိုင်ခဲ့တယ်လို့ ဖေါ်ပြထားပါတယ်။ တိုက်ပွဲအတွင်း စစ်ကောင်စီတပ်သား (၈၀) ကျော်ကို ရှင်းလင်းနိုင်ခဲ့ပြီး လက်နက်နှင့်စစ်အသုံးအဆောင် အမြောက်အများကိုလည်း
သိမ်းဆည်းရမိခဲ့တယ်လို့ ထုတ်ပြန်ချက်ထဲ
ဖေါ်ပြထားတာတွေ့ရပါတယ်။

ဆက်လက်ပြီး မောင်တောမြိ့နယ်ရှိ ကြိမ်ချောင်းစခန်းနှင့် စစ်ကောင်စီရဲ့ တခြားအရေးပါတဲ့စခန်းတွေကို ထိုးစစ်ဆင်တိုက်ခိုက်လျက်ရှိကြောင်းဆိုပါတယ်။

စစ်ရေးအရေ အရေးနိမ့်နေတဲ့စစ်ကောင်စီဟာ
လူနေကျေးရွာတွေ၊ ဆေးရုံဆေးခန်း၊ ဈေးစတာတွေနှင့် စစ်ဘေးရှောင်ပြည်သူတွေရှိရာ နေရာတွေကို ပစ်မှတ်ထားတိုက်ခိုက်ပြီး စစ်ရာဇဝတ်မှုကို
ကျူးလွန်နေတယ်လို့ ထည့်သွင်းဖေါ်ပြထားတာ
တွေ့ရပါတယ်။

ဓါတ်ပုံ / AA info Desk

04/02/2024

စစ်သားမလုပ်ချင်လို့ စစ်တွေမြို့နယ်အတွင်းက ကျေးရွာရပ်ကွက်ပေါင်း ၃၃ ခုက လူငယ်တွေ ထွက်ပြေးနေ

VOW - ဧပြီ- ၂/ ၂၀၂၄

ရခိုင်ပြည်၊ စစ်တွေမြို့နယ်အတွင်းကလူငယ်‌တွေ
စစ်ကောင်စီတပ်သား လုပ်ဖို့ အမိန့်တွေထွက်တဲ့
အတွက် စစ်တွေမြို့နယ်အတွင်းက ကျေးရွာရပ်ကွက်ပေါင်း ၃၃ ခုက လူငယ်တွေ ထွက်ပြေးတိမ်းရှောင်နေရတယ် သတင်းရရှိပါတယ်။

ကျေးရွာရပ်ကွက် ၃၃ ခုအတွင်းက အသက် ၂၄ နှစ်နဲ့ ၃၀ နှစ် အတွင်းရှိတဲ့ လူငယ်တွေကို စစ်ကောင်စီက မှတ်ပုံတင်နဲ့တကွ နာမည်စရင်းတွေကို ရပ်ကွက်ထဲ စာရွက်လာကပ်တယ်လို့
မတ်လ ၂၆ ရက်နေ့က စစ်တွေမြို့နယ်က ထွက်ပြေးတိမ်းရှောင်နေလာတဲ့ အသက်
၂၈ နှစ်ရွယ် လူငယ် တစ်ယောက်က အခုလိုပြောဆိုပါတယ်။

"လ.ဝ.က.ရုံးက အိမ်ထောင်စုရင်းကိုကြည့်ပြီး
လာကပ်တာဖြစ်နိုင်ပါတယ်။ နာမည်၊ နေရပ်လိပ်စာ၊ မှတ်ပုံတင်နံပတ်အပြည့်အစုံနဲ့ စစ်သားလုပ်ရမယ်ဆိုတဲ့ စာကပ်တာပါ။ ကျနော်တို့က စစ်သားမလုပ်ချင်လို့ ထွက်ပြေးကြတာပါ" လို့
သူကဆိုပါတယ်။

သူထွက်ပြေးလို့ ၃ ရက်လောက်အကြာမှာ
ရွာထဲကို စစ်ကောင်စီတပ်သားအပါအဝင်
လဝကနဲ့ ထွေအုပ်တွေပါတဲ့အဖွဲ့တစ်ခုက ရွာထဲကိုရောက်လာပြီး လူရှာသွားတဲ့အကြောင်းကို ရွာမှာကျန်ခဲ့တဲ့လူတွေက ဖုန်းဆက်အကြောင်းကြားတယ်လို့ဆိုပါတယ်။

အခုလို ရွာကလူငယ်တွေကို အတင်းအဓမ္မစစ်သားစုဆောင်းတဲ့အပေါ် အသက် ၃၀ အရွယ်ရှိတဲ့ နောက်ထပ်ထွက်ပြေးတိမ်းရှောင်နေရသူတစ်ယောက်က အခုလို့ပြောပါတယ်။

"ကျနော်တို့က သူတို့ဆီမှာ စစ်သားလုပ်မဲ့အစား ရက္ခိုင့်တပ်တော်ထဲကိုသာ ဝင်လုပ်မယ်။ သူတို့တပ်ထဲဝင်ပြီး အသက်တော့ အသေမခံဘူး" လို့ ဆိုပါတယ်။

စစ်ကောင်စီဟာ ရခိုင်ပြည်အတွင်းက မူဆလင်လူမျိုးတွေကို အတင်းအဓမ္မတပ်ထဲဝင်ခိုင်းပြီး
AA နဲ့ တိုက်တဲ့တိုက်ပွဲ‌တွေမှာ လူသားဒိုင်းကာအဖြစ် အသုံးချနေတဲ့အတွက် မူဆလင်လူမျိုးတွေဟာ တိုက်ပွဲအတွင်း မသေသင့်ဘဲ သေပွဲဝင်နေရတယ်လို့ မူဆလင်တစ်ယောက်က ပြောပါတယ်။

ရက္ခိုင်ပြည်အတွင်းမှာ စစ်ကောင်စီနှင့်
AA တို့အကြား တိုက်ပြွဲဖစ်ပွားနေပြီး AA ဘက်ကတော့ မြို့အများအပြားကို သိမ်းဆည်းထားနိုင်ပြီလို့ ရက္ခိုင်လူထုတွေက ပြောဆိုပါတယ်။

03/29/2024

ဘူးသီးတောင်၊ တောင်ဘဇာစခန်းကို AA သိမ်းပိုက်၊ ကြိမ်ချောင်းနယ်ခြားစောင့်တပ်စခန်းကို အပြီးသတ် သိမ်းပိုက်ရယူနိုင်ရေး ထိုးစစ်အရှိန် မြှင့်နေ

VOW - မတ်လ- ၂၉/ ၂၀၂၄

ရခိုင်ပြည်၊ ဘူးသီးတောင်မြို့နယ်အတွင်းက တောင်ဘဇာစခန်းကို ရက္ခိုင့်တပ်တော် AAက သိမ်းပိုက်ပြီး မောင်တောကြိမ်ချောင်းနယ်ခြားစောင့်တပ်စခန်းကိုလည်း အပြီးသတ် သိမ်းပိုက်ရယူနိုင်ဖို့အတွက် ထိုးစစ်အရှိန် မြှင့်နေတယ်လို့ မတ်လ ၂၅ ရက်ကနေ ၂၈ ရက်နေ့အထိ ထုတ်ပြန်ချက်မှာ AA က ဆိုပါတယ်။

ဘူးသီးတောင်မြို့နယ်၊ တောင်ဘဇာစခန်းကို အခုမတ်လ ၂၅ ရက်နေ့က အပြီးသတ်သိမ်းပိုက်ရရှိခဲ့တယ်လို့ AA က ထုတ်ပြန်ပါတယ်။

နောက်ပြီးတော့ မောင်တောမြို့၊ ကြိမ်ချောင်းနယ်ခြားစောင့်တပ်စခန်းကို အပြီးသတ် သိမ်းပိုက်ရယူနိုင်ဖို့အတွက် ထိုးစစ်အရှိန်ကို တစ်ဆင့်ပြီးတစ်ဆင့်မြှင့်ပြီး တိုက်ခိုက်နေတယ်လို့ ဆိုထားပါတယ်။

ဘူးသီးတောင်မြို့နယ်၊ ကျောက်ဖြူတောင်ရွာတောင်ဘက် မောင်တောကျော်လမ်းမှာ စစ်ကောင်စီ အင်အား ၅၀ လောက်ရှိတဲ့ စစ်ကြောင်းတစ်ခုနဲ့ AA တို့တိုက်ပွဲဖြစ်ပွားမှုကြောင့် စစ်တကာင်စီဘက်က ၈ ယောက်သေဆုံးသွားတယ်လို့ ဆိုပါတယ်။

အနောက်ပိုင်းတိုင်းစစ်ဌာနချုပ် တည်ရှိတဲ့ ရခိုင်ပြည်၊ အမ်းမြို့နယ်က လုံးကျေးရွာအနောက်ဘက်မှာ မတ်လ ၂၆ ရက်နေ့က တိုက်ပွဲဖြစ်ဖြစ်ပွားခဲ့ပြီး စစ်ကောင်စီ ၁၅ ယောက်သေဆုံးပြီး ၁၅ ယောက်လောက် ဒဏ်ရာရှိခဲ့သလို AA ဘက်ကလည်း ၂ ယောက်သေဆုံးသွားတယ်လို့ ဆိုပါတယ်။

မတ်လ (၂၈) ရက်မနက် ၉ နာရီလောက်မှာလည်း မကွေးတိုင်း၊ ငဖဲမြို့နယ်၊ ချောင်းဖျားရွာ တောင်ဘက် တောင်ကြောမှာ စစ်ကောင်စီအင်အားအယောက် ၅၀ နဲ့ AA တို့ တိုက်ပွဲဖြစ်ပွားမှုကြောင် စစ်ကောင်စီဘက်က ၆ ယောက်သေဆုံးပြီး ဒဏ်ရာရရှိသူ ၁၀ ယောက်ရှိအထိရှိတယ်လို့ ဆိုထားပါတယ်။

နောက်ပြီးတော့ မတ်လ ၂၆ ရက် မနက်ပိုင်းက မကွေးတိုင်း၊ ငဖဲမြို့နယ်၊ တုံးကြီးကျေးရွာ အရှေ့မြောက်ဘက်မှာလည်း စစ်ကောင်စီ အင်အား ၄၀ လောက်နဲ့ နာရီခွဲလောက်တိုက်ပွဲဖြစ်ပွားခဲ့တဲ့အတွက် စစ်ကောင်စီဘက်က ၄ ယောက် ကျဆုံးခဲ့ပြီး ၈ ယောက်ဒဏ်ရာရရှိသွားတယ်လို့ အဲဒီထုတ်ပြန်ချက်က ဆိုပါတယ်။

03/27/2024

ရက္ခိုင့်တပ်တော် AA ဘူးသီးတောင်နဲ့ မောင်တောမြို့နယ်မှ စစ်ကောင်စီစခန်း ၂ ခုကိုသိမ်းပိုက်

VOW- မတ်လ- ၂၇/ ၂၀၂၄

ရက္ခိုင့်တပ်တော် AA မှရခိုင်ပြည်၊ ဘူးသီးတောင်နဲ့ မောင်တောမြို့နယ်ရှိစစ်ကောင်စီတပ်စခန်း ၂ ခုကိုသိမ်းပိုက်လိုက်ပြီလို့ မတ်လ ၂၆ ရက်နေ့က ထုတ်ပြန်ပါတယ်။

လက်ကျန်စခန်းတစ်ခုဖြစ်တဲ့ ဘူသီးတောင်အခြေစိုက် စကခ (၁၅) လက်အောက်ခံ၊ ခမရ (၅၅၂) တပ်ရင်းကို မတ်လ ၂၅ နေ့လယ် ၁၂ နာရီအချိန်မှာ အပြီးသတ်သိမ်းပိုက်နိုင်ခဲ့သလို မောင်တောမြို့နယ်က တမန်းသား ရဲကင်းစခန်းကို ထိုးစစ်ဆင်တိုက်ခိုက်ခဲ့ပြီးနောက် မတ်လ ၂၅ ရက်နေ့မှာပင်တွင် အဲဒီစခန်းက အင်အား ၁၀၀ လောက်ရှိတဲ့တပ်ဖွဲ့ဝင်တွေဟာ AA ရဲ့ ထိုးစစ်ဆင်တိုက်ခိုက်မှုကို အလူးအလဲခံခဲ့ရပြီးနောက် လက်နက်ချခဲ့တာဖြစ်တယ်လို့ ဆိုပါတယ်။

ထို့အတူ ရက္ခိုင့်တပ်တော်က တစ်လနီးပါး ဝိုင်းရံပိတ်ဆိုထားနိုင်ခဲ့ပြီးနောက် အတိုင်းအတာတစ်ခုထိ သိမ်းပိုက်ရယူထားပြီဖြစ်တဲ့ ရက္ခိုင်ပြည်၊ မောင်တောမြို့နယ်မှာရှိတဲ့ ကြိမ်ချောင်းနယ်ခြားစောင့်စခန်းကိုလည်း အပြီးသတ်ရယူနိုင်ရေးအတွက် ထိုးစစ်ကို အရှိန်အဟုန်မြှင့်လျက်နေတယ်လို့ ဆိုပါတယ်။

တစ်ပြိုင်နက်တည်းမှာ စစ်ကောင်စီရဲ့ အခြားသောစခန်းတွေကိုလည်း ရက္ခိုင့်တပ်တော် AA က ထိုးစစ်ဆင်တိုက်ခိုက်နေသလို ရက္ခိုင်ဒေသတွင်းက ရန်သူ့လက်ကျန်စစ်စခန်းတွေကိုလည်း တစ်ရက်မှ မရပ်နားဘဲ တစ်ခုပြီးတစ်ခု ထိုးစစ်ဆင်တိုက်ခိုက်နေတယ်လို့ ဆိုပါတယ်။

03/19/2024

မင်းပြားမြို့နယ်ကို စစ်ကောင်စီက ဂျက်တိုက်လေယာဉ်နဲ့ ဗုံးကြဲ စစ်ရှောင် ၁၂ ယောက်အပါအဝင် ပြည်သူ ၂၂ ယောက်သေ ၁၉ ယောက်ဒဏ်ရာရ

VOW - မတ်လ ၁၉/ ၂၀၂၄

ရခိုင်ပြည်၊ မင်းပြားမြို့နယ်၊ သာဒ(မူဆလင်)ရွာကို စစ်ကောင်စီက အကြောင်းမဲ့ ဗုံးကြဲတိုက်ခိုက်တဲ့အတွက် အပြစ်မဲ့ပြည်သူ ၂၂ ယောက်သေဆုံးပြီး ၁၉ ယောက် ဒဏ်ရာရသွားတယ်လို့ ရက္ခိုင့်တပ်တော် AA က မတ်လ ၁၉ ရက် ည ၁၁ နာရီအချိန်က သတင်းထုတ်ပြန်ပါတယ်။

သေဆုံးသွားသူတွေထဲမှာ သာဒါ (မူဆလင်) ရွာက ၁၀ ယောက်နဲ့ အဲဒီရွာမှာ စစ်ဘေးရှောင်နေတဲ့ ဆင်ကြီးပြင် (မူဆလင်) ရွာက ၁၂ တို့ဖြစ်တယ်လို့ ဆိုထားပါတယ်။

မတ်လ ၁၈ ရက်နေ့မနက် ၁ နာရီ ၃၂ မိနစ်အချိန်မှာ စစ်ကောင်စီက ဂျက်တိုက်လေယာဉ် (၁) စီးနဲ့ လာရောက် ဗုံးကြဲတိုက်ခိုက်မှုကြောင့် အခုလို သေဆုံးဒဏ်ရာရှိသွားကြတာလို့ အဲဒီသတင်းမှာ ဖော်ပြပါတယ်။

ဒဏ်ရာရရှိသွားတဲ့ အပြစ်မဲ့ပြည်သူတွေကို ULA/AA ဆေးတပ်ဖွဲ့ဝင်တွေက ဆေးကုသပေးနေတယ်လို့ ပုံနဲ့တကွဖော်ပြထားပါတယ်။

နောက်ပြီးတော့ အဲဒီ လေကြောင်းတိုက်ခိုက်မှုကြောင့် သာဒါရွာက လူနေအိမ် (၆) လုံးမှာလည်း ပျက်စီးသွားခဲ့သလို နွားတစ်ကောင်လည်းသေဆုံးသွားတယ်လို့ ဆိုပါတယ်။

03/15/2024

စစ်ကောင်စီက ဖမ်းဆီးခေါ်ဆောင်သွားတဲ့ ဓါးစာခံတွေကို AA ကယ်တင်နိုင်ခဲ့

VOW - မတ်လ/ ၁၅/ ၂၀၂၄

ရခိုင်ပြည်၊ မင်းပြားမြို့နယ်၊ တိုင်းဗဟို (၉)လေ့ကျင့်ရေးသင်တန်းကျောင်းမှ စစ်ကောင်စီတပ်ဖွဲ့ဝင်တွေ ထွက်ပြေးကြပါတယ်။

အဲဒီထွက်ပြေးနေတဲ့ စစ်ကောင်စီတပ်ဖွဲ့ဝင်တွေထဲမှာ အပြစ်မဲ့ပြည်သူတွေကို ဓါးစာခံအဖြစ် ဖမ်းဆီးခေါ်ဆောင်နေတာ‌တွေရှိနေပါတယ်။

အဲဒီထဲမှ ဓါးစာခံ တချို့ကို ရက္ခိုင့်တပ်တော် AA မှကယ်တင်နိုင်ခဲ့ပါတယ်။

ကယ်တင်နိုင်ခဲ့တဲ့ မင်းပြားမြို့နယ်၊ မင်းကုလားအုပ်စု'တောင်ပေါက်ကျေးရွာမှဦးမောင်လှဝင်းအတွေ့အကြုံတွေကိုAA မှ ဖော်ပြလာပါတယ်။

03/15/2024

မြောက်ဦးမှာ လက်နက်ကြီးကျရောက်ပေါက်ကွဲ အမျိုးသမီးငယ်တစ်ယောက်သေ၊ ကလေးတစ်ယောက်ဒဏ်ရာရ

VOW - မတ်လ ၁၅/ ၂၀၂၄

ရခိုင်ပြည်၊ မြောက်ဦးနယ်ကို စစ်ကောင်စီက လက်နက်ကြီးနဲ့ လှမ်းပစ်တဲ့အတွက် ဘုရားအုပ်ကျေးရွာ အမျိုးသမီးငယ်တစ်ယောက် လက်နက်ကြီးထိမှန်ပြီးသေဆုံးသွားသလို ကလေးတစ်ယောက် ဒဏ်ရာရသွားတယ်လို့ သတင်းရရှိပါတယ်။

စစ်ကောင်စီက ကုလားတန်မြစ်ကြောင်းမှာရှိတဲ့ နေဗီကနေ ဒီနေ့မနက် ၉ နာရီ ၄၅ မိနက်အချိန်လောက်က လက်နက်ကြီးနဲ့ လှမ်းပစ်တဲ့အတွက် ဘုရားအုပ်ကျေးရွာနဲ့ ရွာဟောင်းတောကျေးရွာတို့မှာ ကျရောက်ပေါက်ကွဲတဲ့အတွက် အမျိုးသမီးငယ်တစ်ယောက် လက်နက်ကြီးကျည်ထိမှန်ပြီး သေးဆုံးသွားသလို ကလေးငယ်တစ်ယောက်မှာလည်း ဒဏ်ရာရသွားတယ်လို့ ကနဦးသတင်းအရ သိရပါတယ်။ ။

" ဘုရားအုပ်ရွာက ၁၇ နှစ် ၁၈ နှစ်လောက်ရှိမယ်ထင်ပါတယ်။ လက်နက်ကြီးမှန်ပြီးသေသွားတာပါ။ နောက်ထပ်ကလေးငယ်တစ်ယောက်မှာကိုမှန်တယ်။ သူကမသေးဘူး" လို့ အမည်မဖော်လိုတဲ့ အမျိုးသမီးတစ်ယောက်က ပြောပါတယ်။

မြောက်ဦးမြို့နဲ့အနီးအနားကရွာတွေကို စစ်ကောင်စီက စစ်ရဟတ်ယာဉ်တွေပျံဝဲပြီး ပစ်ခတ်‌နေတဲ့အတွက် အဲဒီလက်နက်ကြီးတွေဟာလည်း ‌စစ်ရဟတ်တွေက ပစ်ချခဲတာဖြစ်နိုင်ကြောင်း ပြောဆိုနေကြတာရှိတယ်လို့ ဒေသခံအမျိုးသားတစ်ယောက်က ပြောပါတယ်။

"လက်နက်ကြီးသက တော်တော်ကြောက်ဖို့ကောင်းပါတယ်။ ဒလက်သံဆိုလား အဲဒီအသံက ခေါင်းပေါ်က။ မြည်သွားတာပါ။ တချို့ကတော့ လေယာဉ်ကပစ်တာလို့ထင်နေကြပါတယ်။ လေယာဉ်ကလည်း လာပစ်နေပါတယ်" လို့ အဲဒီအမျိုးသားက ပြောပါတယ်။

မြောက်ဦးမြို့ကို ရက္ခိုင့်တပ်တော် AA က အပြီးပိုင် သိမ်းပိုက်ပြီးထိန်းချုပ်ထားပေမဲ့လည်း စစ်ကောင်စီဖက်ကတော့ မကြားခဏဆိုသလို လေယာဉ်တွေနဲ့ လက်နက်ကြီး‌တွေပစ်သလို လက်နက်ကြီးတွေနဲ့ လှမ်းပစ်နေတယ်လို့ မြို့ခံတစ်ယောက်က ပြောပါတယ်။

သတင်းနဲ့ပတ်သက်ပြီး အသေးစိပ်ကတော့ VOW က လေ့လာစုံစမ်းနေဆဲဖြစ်ပါတယ်။

03/12/2024

ရမ်းဗြဲကို AA မှသိမ်းပိုက်အပြီး ထွက်ပြေးနေတဲ့
စစ်ကောင်စီစစ်ကြောင်းနှင့် AA တို့ ပစ်ခတ်မှုပွဲဖြစ်၊ ဓားစာခံတစ်ယောက်သေဆုံး

VOW- မတ်လ ၁၂/ ၂၀၂၄

ရမ်းဗြဲကို ရက္ခိုင့်တပ်တော် AA က
သိမ်းပိုက်ပြီးနောက် ထွက်ပြေးနေတဲ့
စစ်ကောင်စီစစ်ကြောင်းတခုနှင့် ရက္ခိုင့်တပ်တော် AA တို့ဟာ ရမ်းဗြဲမြို့ရဲ့ အနောက်တောင်ဘက် လေးမိုင်ခန့်အကွာ ခြုံညို ကျေးရွာအနီး တိုက်ပွဲဖြစ်ပြီး ဓါးစာခံတစ်ယောက်သေဆုံးသွားတယ်လို့
ဆိုပါတယ်။

"ခြုံညိုကျေးရွာနားမှာ မနေ့က ညနေဘက် ၆ နာရီခွဲလောက်မှာ တိုက်ပွဲဖြစ်ခဲ့တယ်။ ရမ်းဗြဲဒေသခံဓါးစာခံ တစ်‌ယောက် ရင်ဝကိုကျည်ထိမှန်ပြီး သေဆုံးသွားတယ်လို့သိရတယ်" လို့ ဒေသခံတစ်ယောက်က ဆိုပါတယ်။

ရက္ခိုင့်တပ်တော် AA ဘက်ကလည်း ကစဉ့်ကလျား ထွက်ပြေးနေတဲ့ စစ်ကောင်စီတပ်ဖွဲ့ဝင်တွေကို လိုက်လံဖမ်းဆီးနေတယ်လို့ ဆိုထားပါတယ်။

ရမ်းဗြဲမြို့ကို မတ်လ (၁၁) ရက်၊ နေ့လယ် (၁) နာရီ (၁၅) မိနစ်အချိန်မှာ ရက္ိုင့်တပ်တော် AA က အပြီးသတ်သိမ်းယူလိုက်တာဖြစ်ပါတယ်။

ဒါကြောင့် ရမ်းဗြဲမြို့ခံတွေအနေနဲ့ မိမိတို့အိမ်ကို ချက်ချင်းဝင်ရောက်မှု မပြုလုပ်ဖို့ AA က အခုလိုပန်ကြားထားပါတယ်။

"သုံးလနီးပါးတိုက်ပွဲအပြင် စစ်ကောင်စီက ထောင်ထားတဲ့ စွန့်လွှတ်မိုင်း၊ နင်းမိုင်း၊ တိုက်မိုင်းအန္တရာယ်ကင်းစေရေးအတွက် မိုင်းရှင်းလင်းရေး အစီအစဉ်ကို ပြုလုပ်ရမှာဖြစ်တဲ့အတွက် အခုလို မေတ္တာရပ်ခံပန်ကြားရတာဖြစ်တယ်" လို့ AA က ဆိုပါတယ်။

03/10/2024

ရခိုင်က ပြည်သူတွေ နေ့၊ ည အချိန်တိုင်း
သတိထား သွားလာကြဖို့ AA သတိပေး

VOW - မတ်လ၊ ၁၀/ ၂၀၂၄

ရခိုင်ပြည်က မိဘပြည်သူတွေအနေနဲ့ နေ့၊ ည သွားလာတဲ့အချိန်တွေမှာ သတိထားသွားလာကြဖို့နဲ့ လုံခြုံရေးသတိထားကြဖို့ကို ရက္ခိုင်တပ်တော် AA က မတ်လ ၉ ရက်နေ့စွဲနဲ့ အသိပေးထုတ်ပြန်ပါတယ်။

ထွက်ပြေးနေကြတဲ့ စစ်ကောင်စီတပ်ဖွဲ့ဝင်တွေဟာ တောတောင်တွေထဲမှာ အုပ်စုငယ်တွေ၊ တစ်ဦးချင်းတွေအနေနဲ့ ရှိနေနိုင်ဆဲဖြစ်တယ်လို့ ဆိုထားပါတယ်။

ကျောက်တော်၊ တပ်မဌာနချုပ်နဲ့ မင်းပြားမြို့၊ ကမ်းနီရွာနာက အမှတ် (၉) တိုင်းဗဟို လေ့ကျင့်ရေးသင်တန်းကျောင်း (အမှတ် (၉) တပ်မတော်တန်းမြင့်လေ့ကျင့်ရေးကျောင်း) အပါအဝင် တခြားနေရာတွေက ထွက်ပြေးလွတ်မြောက်ဖို့ကြိုးစားနေကြသူတွေထဲကအချို့ကို နေ့စဉ်နဲ့အမျှ ဖမ်းဆီးရမိနေတယ်လို့ ဆိုထားပါတယ်။

တိုင်းဗဟို (၉) က ထွက်ပြေးနေကြတဲ့ စစ်ကောင်စီ တပ်ဖွဲ့ဝင်တွေဟာ လမ်းတစ်လျှောက်ကျေးရွာတွေက အပြစ်မဲ့ပြည်သူ (၂၀) ကျော်ကို ဓားစာခံအဖြစ် ဖမ်းဆီးခေါ်ဆောင်သွားခဲ့တယ်လို့ သိရပြီးနောက် အဲဒီဓါးစာခံတွေကို ရက္ခိုင့်တပ်တော်မှ ကယ်တင်နိုင်ခဲ့တယ်လို့ ဆိုပါတယ်။

အဲဒီကိစ္စနဲ့ပတ်သက်လို့ အသေးစိတ်အချက်အလက်တွေ သိရှိရပါက သီးသန့်သတင်းအဖြစ် တင်ဆက်ပေးသွားမယ်လို့ AA က ဆိုပါတယ်။

ဓါးစာခံတွေကို ဦးဆောင်တဲ့ တိုင်းဗဟို (၉) အုပ်ချုပ်ရေးဌာနမှူးဖြစ်တဲ့ ကြည်း/၃၁၀၄၆ ဒုတိယဗိုလ်မှူးကြီး ရဲထွဋ်ဝင်းနဲ့ အခြား စစ်ကောင်စီတပ်ဖွဲ့ဝင်တို့ကို မတ်လ (၈) ရက်၊ မနက် (၆) နာရီ (၃၀) မိနစ်လောက်မှာ အသေဖမ်းဆီးရမိခဲ့တယ်လို့ ဆိုပါတယ်။

03/07/2024

ရသေ့တောင်၊ ဘူးသီးတောင်နဲ့ မောင်တောမြို့က လက်ကျန် စစ်ကောင်စီစခန်း ရက္ခိုင့်တပ်တော်က ဆက်လက်ထိုးစစ်ဆင်တိုက်ခိုက်နေ

VOW - မတ်လ/ ၈/ ၂၀၂၄

ရက္ခိုင်ပြည်၊ ရသေ့တောင်၊ ဘူးသီးတောင်နဲ့ မောင်တောမြို့က လက်ကျန် စစ်ကောင်စီစခန်းအချို့ကို ရက္ခိုင့်တပ်တော် AA က ဆက်လက်ထိုးစစ်ဆင်တိုက်ခိုက်နေဆဲဖြစ်တယ်လို့ AA က မတ်လ ၇ ရက်နေ့က ထုတ်ပြန်ပါတယ်။

ရသေ့တောင်မြို့အခြေစိုက်တပ်ရင်းတွေဖြစ်တဲ့ “ခမရ (၅၃၆)၊ (၅၃၇) နှင့် (၅၃၈)” တို့ကို ကြည်း၊ ရေ၊ လေပစ်ကူအမြောက်အမြားနဲ့ စစ်ကောင်စီဘက်က အပြင်းအထန်ခုခံနေပေမဲ့လည်း အပြီးသတ်သိမ်းပိုက်နိုင်ဖို့အတွက် ရက္ခိုင့်တပ်တော်က ဆက်လက်ကြိုးပမ်းနေတယ်လို့ ဆိုပါတယ်။

နောက်ပြီးတော့ ရမ်းဗြဲမြို့ တိုက်ပွဲအတွင်း လက်ကျန်စစ်ကောင်စီ အင်အားနဲ့ စစ်ကူအင်အားတွေကိုလည်း ဆက်လက်ချေမှုန်းနေသလို ကစဉ့်ကလျား ထွက်ပြေးနေကြသူ‌တွေကိုလည်း ဆက်လက်ချေမှုန်း တိုက်ခိုက်နေတယ်လို့ ဆိုပါတယ်။

ရက္ခိုင်ဒေသစစ်ဆင်ရေး (၁၁၆) ရက်အတွင်း ရက္ခိုင့်တပ်တော်အနေနဲ့ သတ်မှတ်ထားတဲ့ စစ်ရေးပစ်မှတ်တွေကို သိမ်းပိုက်ရယူထားပြီးဖြစ်သလို နောက်ထပ်ကျန်ရှိနေတဲ့ စစ်ကောင်စီစခန်းတွေကို ထပ်ပြီးသိမ်းပိုက်ရယူနိုင်ဖို့အတွက်လည်း ဆက်လက်ကြိုးပမ်းဆောင်ရွက်နေဆဲဖြစ်တယ်လို့ ဆိုပါတယ်။

03/05/2024

ဖမ်းစီးရမိတဲ့ စစ်ကောင်စီနဲ့ မိသားစုဝင်တွေကို AA က စောင့်ရှောက်ထားဟုပြော

VOW - မတ်လ ၅/ ၂၀၂၄

ရက္ခိုင်ဒေသတိုက်ပွဲကာလအတွင်း ရက္ခိုင့်တပ်တော်က ဖမ်းဆီးရမိတဲ့ စစ်ကောင်စီတပ်ဖွဲ့ဝင်တွေနဲ့ တပ်မိသားစုဝင်တွေကို ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော်နဲ့ ရခိုင်ပြည်သူလူထုက စစ်ကောင်စီဘက်က ကြည်း၊ ရေ၊ လေအစုံနဲ့ ပစ်ခတ်တိုက်နေတဲ့ အခက်အခဲအမျိုးမျိုးကြားထဲကနေ ရှိတဲ့ ဆေးဝါး၊ ရိက္ခာတွေနဲ့ အကောင်းဆုံး ကျွေးမွေးစောင့်ရှောက်ထားရှိတယ်လို့ ရက္ခိုင့်တပ်တော် AA က ဓာတ်ပုံနဲ့တကွ ထုတ်ပြန်ပါတယ်။

ဖော်ပြထားတဲ့ ဓာတ်ပုံထဲက လူတွေဟာ စစ်ကောင်စီဖက်က ဇက်သင်္ဘော‌တွေ ရေနစ်နေတဲ့အချိန် ကယ်တင်ခဲ့ကြသူတွေဖြစ်တယ်လို့ ဆိုပါတယ်။

သူတို့တွေဟာ လက်နက်ချအညံ့သောသူတွေ၊ တိုက်ပွဲအတွင်း လက်ရဖမ်းဆီးမိတဲ့ စစ်သုံ့ပန်း‌တွေနဲ့ စစ်ကောင်စီက တပ်မိသားစုဝင်တွေဖြစ်တယ်လို့ ဆိုပါတယ်။

Address

8707 Lighthouse Drive
Bakersfield, CA
93312

Website

http://www.voiceofwestland.com/

Alerts

Be the first to know and let us send you an email when Voice Of Westland posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Voice Of Westland:

Videos

စကစမှ မူဆလင်များအား ဖမ်းဆီလှောင်ပိတ်ထား...

၂၀၂၄ ခုနှစ်၊ မေလ (၁၄) ရက်နေ့တွင် အကြမ်းဖက်စစ်ကောင်စီ၏ ဘူးသီးတောင်အခြေစိုက် ခမရ (၃၅၃) တပ်ရင်းအား အာရက္ခတပ်တော်မှ သိမ်းပိုက်ရှင်းလင်းစဉ် အကြမ်းဖက်စစ်ကောင်စီမှ (၃) ရက်ကြာ ဖမ်းဆီးပိတ်လှောင်ထားသော ခရုချောင်း မူဆလင်ကျေးရွာမှ ကလေးငယ်များအပါဝင် မူဆလင် အမျိုးသား အမျိုးသမီးစုစုပေါင်း (၃၅) ဦးအား အာရက္ခတပ်တော်မှ ကယ်ထုတ်နိုင်ခဲ့သော ရုပ်သံမှတ်တမ်း.... VOW| မေလ ၁၈၊ ၂၀၂၄

06/05/2024

ဘူးသီးတောင်က စစ်ကောင်စီတပ်မ စကခ ၁၅ တပ်ရင်းဌာနချုပ်တစ်ခုလုံး AA ထံ လက်နက်ချအဖမ်းခံ VOW - မတ်/ ၆/ ၂၀၂၄ အာရက္ခတပ်တော်က ကာလအတန်ကြာဝိုင်းရံပိတ်ဆို့ဖြတ်တောက်ထားတဲ့ ဘူးသီးတောင်အခြေစိုက် စစ်ကောင်စီ စကခ (၁၅) တပ်မဌာနချုပ်တစ်ခုလုံး AA ထံ လက်နက်ချအညံ့ခံထားတဲ့ ရုပ်သံဖိုင်ကို AA က မှတ်တမ်းတင်ရိုက်ကူးထားတာဖြစ်ပါတယ်။ အာရက္ခတပ်တော်က ထိုးစစ်ဆင်တိုက်ခိုက်မှုအပြီးမှာ အပြတ်အသတ်ရှုံးနိမ့်ပြီး လုံးဝမလွတ်မြောက်နိုင်တဲ့ အခြေအနေမှာ လက်နက်ချအညံ့ခံခဲ့လို့ အသက်ချမ်းသာရာရခဲ့တဲ့ ဘူးသီးတောင် စကခ (၁၅) တပ်မဌာနချုပ်က ဒုတပ်မမှူးအပါအဝင် စစ်ကောင်စီတပ်ဖွဲ့ဝင်တွေနဲ့ တပ်မိသားစုဝင်တွေကို ၂၀၂၄ ခုနှစ်၊ မေလ (၄) ရက်နေ့မှာ တွေ့ရတဲ့ ရုပ်သံမှတ်တမ်းဖြစ်တယ်လို့ အာရက္ခတပ်တော်က ဆိုထားပါတယ်။

ဘူးသီးတောင်မြို့အား အကြမ်းဖက်အုပ်စုများမှ မီးရှို့ဖျက်ဆီးသည့် ရုပ်သံအား ရခိုင့်တပ်တော် ထုတ်ပြန်။ VOW| ဧပြီ ၂၅, ၂၀၂၄ ရခိုင်၊ဘူးသီးတောင်မြို့ မီးရှို့ဖျက်ဆီးခံရသည့် ဗီဒီယိုဖိုင်တခုကို ဒီနေ့ ဧပြီ ၂၅ ရက်နေ့ ၂၀၂၄ မှာ ရခိုင့်တပ်တော် AA ဘက်က ထုတ်ပြန်လိုက်ပါတယ်။ မီးရှို့ခံထားရတဲ့ ဗီဒီယိုနှင့်အတူ ထုတ်ပြန်ရေးသားထားတာကတော့ အကြမ်းဖက် စစ်ကောင်စီနှင့် သူ့၏ လက်အောက်ခံဘင်္ဂလီမူဆလင်အကြမ်းဖက်အဖွဲ့များဖြစ်သည့် ARSA, ARA, RSO နှင့်မကြာခင်က စစ်ကောင်စီသင်တန်းပေးခဲ့သည့် မူဆလင်လက်နက်ကိုင်များ၏ မီးရှို့ဖျက်စီးမှုဖြစ်ကြောင်း ရေးသားဖေါ်ပြ ထုတ်ပြန်ထားတာကိုတွေ့ရပါတယ်။ ဗီဒီယို /AAinfodesk

၀၃/၁၅/၂၀၁၄

စစ်ကောင်စီက ဖမ်းဆီးခေါ်ဆောင်သွားတဲ့ ဓါးစာခံတွေကို AA ကယ်တင်နိုင်ခဲ့ VOW - မတ်လ/ ၁၅/ ၂၀၂၄ ရခိုင်ပြည်၊ မင်းပြားမြို့နယ်၊ တိုင်းဗဟို (၉)လေ့ကျင့်ရေးသင်တန်းကျောင်းမှ စစ်ကောင်စီတပ်ဖွဲ့ဝင်တွေ ထွက်ပြေးကြပါတယ်။ အဲဒီထွက်ပြေးနေတဲ့ စစ်ကောင်စီတပ်ဖွဲ့ဝင်တွေထဲမှာ အပြစ်မဲ့ပြည်သူတွေကို ဓါးစာခံအဖြစ် ဖမ်းဆီးခေါ်ဆောင်နေတာ‌တွေရှိနေပါတယ်။ အဲဒီထဲမှ ဓါးစာခံ တချို့ကို ရက္ခိုင့်တပ်တော် AA မှကယ်တင်နိုင်ခဲ့ပါတယ်။ ကယ်တင်နိုင်ခဲ့တဲ့ မင်းပြားမြို့နယ်၊ မင်းကုလားအုပ်စု'တောင်ပေါက်ကျေးရွာမှဦးမောင်လှဝင်းအတွေ့အကြုံတွေကိုAA မှ ဖော်ပြလာပါတယ်။

ရမ်းဗြဲမြို့ထဲတိုက်ပွဲပြင်းထန်နေ VOW| ဖေဗျူဝါရီ ၁၃၊ ၂၀၂၄ ရခိုင်ပြည် ရမ်းဗြဲမြို့ထဲမှာ ရခိုင့်တပ်တော် AA နှင့် စစ်ကောင်စီတို့ ဒီကနေ့ ဖေဗျူဝါရီ (၁၃) ရက်နေ့မှာ နှစ်ဘက်တိုက်ပွဲ ပြင်းထန်နေတယ်လို့ သိရပါတယ်။ "တိုက်ပွဲက မနက်ငါးနာရီကတည်းကဖြစ်နေတာပါ။ ခုထိဖြစ်နေတုန်းပါ။ ဂျက်တိုက်လေယာဉ်တွေ ရဟတ်ယာဉ်တွေသုံးပြီး ပြင်းပြင်းထန်ထန်ကို တိုက်နေတာတွေ့ရပါတယ်" လို့ တိုက်ပွဲနှင့်ပါတ်သက်ပြီး မြို့ခံတယောက်ရဲ့ပြောပြချက်အရသိရပါတယ်။ နှစ်ဘက်အကျအဆုံးနှင့်ပါတ်သက်ပြီး အသေးစိတ်အချက်အလက်ကိုတော့ တိုက်ပွဲပြင်းထန်နေဆဲဖြစ်တဲ့အတွက် မသိရသေးပါဘူး။

ရမ်းဗြဲမြို့ ဗုံးကြဲတိုက်မှုဆက်တိုက်ရှိနေ VOW| Jan 27,2024 ရခိုင်ပြည်၊ ရမ်းဗြဲမြို့ပေါ်သို့ စစ်ကောင်စီမှ ဂျက်တိုက်လေယာဉ်အပါအဝင် ရဟတ်ယာဉ်များသုံးပြီး တရစပ်တိုက်ခိုက်နေတယ်လို့ မြို့ခံတွေရဲ့ ပြောဆိုချက်အရ သိရပါတယ်။ "ဒီနေ့ ဇန်နဝါရီ (၂၇) ရက် ၁၀ နာရီကျော်ဝန်းကျင်မှာ တိုက်ခိုက်နေတာပါ။ ဂျက်တိုက်လေယာဉ်တွေရော ရဟတ်ယာဉ်တွေပါသုံးပြီး တရစပ်တိုက်နေပါတယ်" လို့ မြို့ခံတဦးကဆိုပါတယ်။ စစ်ကောင်စီဟာ ရခိုင်မြောက်ဘက်မှာ အရှုံးနှင့်ရင်ဆိုင်နေရတဲ့အတွက် ရခိုင်တောင်ပိုင်းက ရမ်းဗြဲမြို့ကို အငြိုးတကြီးနဲ့ ရည်ရွယ်ချက်ရှိရှိ ဖျက်ဆီးနေတယ်လို့ ရက္ခိုင့်တပ်တော်ဘက်က ထုတ်ပြန်ပြောဆိုထားတာလည်း တွေ့ရပါတယ်။ ရခိုင်မြောက်ဘက်ပိုင်းမှာ စစ်ရေးအရ အရှူံးပေါ်နေတဲ့စစ်ကောင်စီဟာ ရခိုင်တောင်ဘက်ပိုင်းကို စစ်အင်အားပိုဖြည့်တင်းပြင်ဆင်နေတာတွေရှိတယ်

မြောက်ဦးမြို့ နေရာတချို့ကို စစ်ကောင်စီ မီးရှို့ VOW - ဇန်နဝါရီ ၁၆/ ၂၀၂၄ ရခိုင်ပြည်၊ မြောက်ဦးမြို့မှာ ရက္ခိုင်တပ်တော် AA နှင့် စစ်ကောင်စီတပ်တို့အကြား တိုက်ပွဲပြင်းနေပါတယ်။ စစ်ကောင်စီ လေကြောင်းပစ်ကူနဲ့ လက်နက်ကြီးပစ်ကူပေးပြီးနောက် တိုက်ပွဲအခြေအနေ ငြိမ်သွားချိန်မှာ လူနေအိမ်တွေကို မီးရှို့ဖျက်ဆီးတာဖြစ်တယ်လို့ သိရပါတယ်။ ဒေသခံတွေကတော့ မြောက်ဦးမြို့၊ အောင်တပ်အုပ်စု၊ အောင်မင်္ဂလာရပ်ကွက်မှာ မီးလောင်နေတာဖြစ်တယ်လို့ ဆိုပါတယ်။

၀၁/၁၃/၂၀၂၄

မြောက်ဦးမှာ တိုက်ပွဲပြင်းထန် စစ်ကောင်စီက ‌လေကြောင်းပစ်ကူတွေ ဆက်တိုက်ပေးနေ VOW - ဇန်နဝါရီ ၁၃/ ၂၀၂၄ ရခိုင်ပြည်၊ မြောက်ဦးမြို့မှာ ရက္ခိုင်တပ်တော် AA နဲ့ စစ်ကောင်စီတပ်တို့အကြား တိုက်ပွဲပြင်းနေပါတယ်။ အဲဒီတိုက်ပွဲမှာ စစ်ကောင်စီဘက်က လေကြောင်းတိုက်ခိုက်မှုတွေ လက်နက်ကြီးပစ်ခတ်မှုတွေ ပြုလုပ်နေတာကို ရိုက်ကူးတင်ဆက်လိုက်ပါတယ်။ ‌မြောက်ဦးတိုက်ပွဲမှာ စစ်ကောင်စီဘက်က ဂျက်တိုက်လေယာဉ်အပါအဝင် လေကြောင်းပစ်ကူပေးနေတာ အခုဆိုရင် ၃ ရက်အထိရှိနေပြီလည်းဖြစ်ပါတယ်။

ဇန်နဝါရီလ ၂ ရက်နေ့ ၂၀၂၄ ခုနှစ် စစ်ကောင်စီ၏ ဗုံးကြဲတိုက်ခိုက်မှုကြောင့် ရခိုင်၊ ရမ်းဗြဲမြို့ ကင်းတဲရပ်ကွက် မီးလောင်နေပုံ VOW — ဇန်နဝါရီ ၃, ၂၀၂၄

ပေါက်တောတိုက်ပွဲ AA ထုတ်ပြန်လိုက်တဲ့ ရုပ်သံကို VOW အနေနဲ့ အများပြည်သူသို့ ထပ်ဆင့်ဖေါ်ပြပေးလိုက်ပါတယ်။ ပေါက်တောမြို့ထဲ ပိတ်မိနေပြီး လူသားဒိုင်းကာအဖြစ် ဖမ်းဆီးခံထားရတဲ့ ပေါက်တောမြို့သူမြို့သားတွေကို ရက္ခိုင့်တပ်တော်မှ ဆက်လက် ကယ်ထုတ်နေတဲ့ရုပ်သံဖြစ်ပါတယ်။ တိုက်ပွဲဖြစ်နေစဉ်အတွင်း စစ်ကောင်စီဘက်က ပေါက်တော မြို့မဈေးကိုလည်း မီးရှို့ဖျက်ဆီးသွားကြောင်း ရုပ်သံထဲ ပြောကြားထားတာတွေ့ရပါတယ်။ VOW နိုဝင်ဘာ ၁၉, ၂၀၂၃

11.16.2023

ေပါက္ေတာၿမိဳ႕ လက္ရွိအေျခ အေနနဲ ပတ္သတ္ၿပီး ပိတ္မိေနတဲ့ၿမိဳခံတစ္ေယာက္ကို VOW ကဆက္သြယ္ေမးျမန္းထားပါတယ္

ေက်ာက္ေတာ္ၿမိဳ့နယ္၊ အေပါက္ဝေက်းရြာရွိရဲတပ္စခန္းမွ ရဲတပ္သားမ်ား ရကၡိဳင့္တပ္ေတာ္ AA ဆီမွာ အညံ့ခံထားတဲ့ ဗြီဒီဖိုင္ျဖစ္ပါတယ္။

၁၁.၀၇.၂၀၂၃

ရခိုင်ပြည်နယ် အတွင်းမှာ ငွေကျပ်သန်းပေါင်းများစွာ ကုန်ကျခံပြီးဆောက်လုပ်ထားတဲ့ ဆည် တွေဟာဒေသအတွက် အကျိုး ပြု၊ အကျိုးဖြစ်ထွန်းမှု ရှိမရှိ ဆိုတာကို ကျောက်တော်မှ လူမှုရေး လုပ်ဆောင် နေသူတဦးနှင့် မေးမြန်းတင်ဆက်ထားပါတယ်။

၁၀.၃၁.၂၀၂၃

ရခိုင္အေျခစိုက္ သတင္းဌာန တစ္ခု ျဖစ္တဲ့ Development Media Group ရံုးကို ေအာက္တိုဘာ ၂၉ ရက္ေန႔ စစ္ေကာင္စီက ဝင္ေရာက္ စီးနင္းခံရၿပီး DMG သတင္းႏွင့္ျပန္ၾကားေရးတာဝန္ခံ ကိုေဇာ္ေဇာ္နဲVOW ကေတြစံုေမးျမန္းထားပါတယ္

10.23.23

ရခိုင္ျပည္နယ္မွာ ေငြေၾကးေဖာင္းပြမႈ ေတြေၾကာင္း ေက်ာင္းသား ေက်ာင္းသူ မ်ားအခက္ အခဲျဖစ္ေန

မိုခါမုန္းတိုင္းေၾကာင္း ပ်က္စီးလားေရ ေက်ာက္ေတာ္ေတာင္ေစတီစိန္ဖူးေတာ္ႏွင့္ ဘုရားေဇာင္းတန္းတိျပဳျပင္ႏိုင္ျခင္းမရွိသိမ့္

၉၉ ပေါက်ကျောင်းလို့ လူသိများတဲ့ မဟာကုသလကျောင်းတိုက်မှာရှိတဲ့ ရှေးဟောင်းသမိုင်းဝင် ဘုရားတွေကို ထိန်းသိမ်းစောင့်ရှောက်ပေးဖို့ အရေးတကြီးလိုအပ်နေတဲ့အကြောင်း

စာပေဗဟုသုတတွေနဲ့ ရင်တွင်းဖြစ်ကဗျာတွေကို ကိုယ်တိုင်ရွတ်ဖတ်ခွင့်ရပြီး လူငယ်တွေရဲ့ လွတ်လပ်ခွင့်ကို ချပြခွင့်ရတဲ့ ကဗျာဝိုင်းတစ်ခု ရခိုင်၊ စစ်တွေမြို့မှာ ရှိနေပါပြီ။

မြန်မာပြည် တစ်ပြည်လုံးရဲ့ စီးပွားရေးအခြေအနေအပေါ်မှာ မှီတည်နေရတဲ့ ရခိုင်ပြည်ရဲ့ စီးပွားရေး အခြေအနေဟာ လောလောဆယ်မှာ ဘယ်လိုမှ ကောင်းနိုင်တဲ့ အလားအလာမှာ မရှိဘူး။ စီးပွားရေးလုပ်ငန်းရှင် ဦးခင်မောင်ကြီးနဲ့ တွေ့ဆုံခြင်း https://youtu.be/MjWKq2sM-sg?si=Hawo6L8iCRsM6PLV

ဘဝမှာ ဘယ်လိုအခက်အခဲနဲ့ပဲကြုံကြုံ အရှုံးမပေး ဇွဲမလျော့ဘဲ ကြံကြံခံနိုင်တဲ့ စိတ်ထားတွေမွေးကြဖို့လိုပါတယ်ဆိုတဲ့ မသန်ပေမဲ့စွမ်းနေတဲ့ ကျောင်ဆရာ ဦးအောင်မြင့်တယောက် အသန်စွမ်းတဲ့ အခြေအနေနဲ့ ဘဝကိုဘယ်လိုရင်ဆိုင်ပြီး သူ့ဒေသကပညာရေးကွက်လပ်ကို ဘယ်လိုဖြည့်ပေးနေလဲ။ https://www.youtube.com/@voiceofwestland4613