https://www.facebook.com/1534564696851045/

Urlabarinews.com

Home
United States
Appleton, ME
Urlabarinews.com

Urlabarinews.com समाचारको सारथि

01/16/2025

उर्लाबारी न्युज्का शुभेच्छुक रोसन खड्का र रोजिना न्यौपानेलाई वैवाहिक बन्धनमा बाँधिएकामा हार्दिक बधाई! तपाईंहरूको वैवाहिक जीवन प्रेम, विश्वास, र खुसीले भरिएको रहोस् भन्ने शुभकामना। नवयुगल जोडीको सुखद भविष्यको लागि उत्तरोत्तर प्रगतिको कामना!

उर्लाबारी न्युज परिवार

01/16/2025

लौ अचम्म भो !
उर्लाबारी-८, अम्बारी बजारका सुशील कुमार दासले पालेको बाख्राले ५ बच्चा जन्माएपछि गाउँले चकित भएका छन। तीन बोका र दुई पाठीको जन्म एकैपटक भएको यो घटना असाधारण भन्दै स्थानीय अचम्मित भएका हुन ।
तस्बिर: प्रदिप धिमाल

01/16/2025

नो ह्याङ दयाहाङ !
तेजन खड्का
उर्लाबारी । दयाहाङ राई, नेपाली फिल्म उद्योगका एक प्रमुख अभिनेता, जसले आफ्नो अभिनयकला र प्रस्तुतिको गहिराइबाट नेपाली सिनेमा प्रेमीहरूको मन जितेका छन्। आलोचकहरूले बारम्बार उनीमाथि एउटै शैली र लवजमा सीमित रहेको आरोप लगाउँछन्, तर यी आरोप केवल सतही छन्। दयाहाङको अभिनयले पात्रहरूलाई केवल संवाद र शारीरिक हाउभाउको माध्यमबाट होइन, तिनको भावनात्मक र सांस्कृतिक यात्रा समेट्दै जीवन्त बनाउँछ। उनी पात्रको हाँसो, आँसु, र सपना बन्न सक्छन्—र यही विशेषता नै उनलाई अरू कलाकारभन्दा अलग राख्छ।

हुन त उनी राई हुन, तर राई, लिम्बु, तामाङ, गुरुङ सबै कल्चरमा मन छुने जिबन्त अभिनय गर्या छन। नेपाली फिल्म र दयाहाङ पर्चाबाची भएको छ।

दयाहाङले आफ्नो अभिनय यात्राको थालनी थिएटरबाट गरेका हुन्। रंगमञ्चको अनुभवले उनको अभिनयमा गहिरो प्रभाव पारेको छ, जसको झल्को उनका फिल्मीय भूमिकाहरूमा पनि देखिन्छ। थिएटरको आधारभूत कलाले उनीभित्र पात्रको मनोदशालाई पर्दामा सजीव बनाउने क्षमता विकास गर्‍यो। यसैले दयाहाङको अभिनयलाई केवल दृश्यात्मक मनोरञ्जनको रूपमा हेर्नु गलत हुनेछ। उनका अभिनय हरेक पटक पात्रको मनोविज्ञानको सूक्ष्म अध्ययन हो।

‘कबड्डी’ फिल्ममा उनले थकाली समुदायको पात्रलाई सहजता र हास्यरससँगै प्रस्तुत गरे। प्रेम र विडम्बनाको कथा भोग्दा, दयाहाङले त्यसलाई अत्यन्तै यथार्थपूर्ण बनाएका छन्। यस पात्रको सादगी र भावुकता दयाहाङको अभिनयको गहिराइलाई दर्शाउँछ। यो फिल्मले उनलाई नेपाली सिनेमा क्षेत्रमा हास्य शैलीका पात्रको प्रतिनिधि बनायो, तर उनी यस भूमिकामा मात्र सीमित रहेनन्।

‘कार्साङ’ मा उनले हिमाली शेर्पा पात्रको जीवनलाई पर्दामा जिवन्त बनाए। हिमाली भूगोलको कठोरता र त्यहाँको जीवनका चुनौतीहरूको कथामा, उनले पात्रको संघर्ष र साहसलाई हृदयस्पर्शी ढंगले प्रस्तुत गरे। हिमालको जोखिमपूर्ण यात्रामा बाँच्ने र आफ्नो सपना पछ्याउने पात्रको भावना, आँखाको भाव र गहिरो मौनतामा व्यक्त हुँदा, दर्शक दयाहाङको प्रतिभा अनुभूत गर्छन्।

यसैगरी, ‘निरफूल’ मा उनले महाभूकम्पको कारण आफ्नो परिवार गुमाएको तामाङ समुदायको दुःखलाई आत्मीयता र संवेदनशीलतासँग प्रस्तुत गरे। फिल्मले तामाङ परिवारको पुनर्निर्माणको कथा भन्छ, जहाँ दयाहाङको अभिनयले पीडाको गहिराइलाई यथार्थपरक ढंगले उजागर गर्यो। उनका हाउभाउ र मौन क्षणहरूले दुःखलाई केवल दृश्यमा होइन, पात्रको आत्मा मा देखाउँछन्।

दयाहाङ राईका पात्रहरूले नेपाली समाजको विविधता झल्काउँछन्। चाहे ‘लुट’ मा सामूहिक विद्रोहको पात्र होस्, चाहे ‘टलकजंग भर्सेस टुल्के’ मा राजनीतिक अन्यायको शिकार पात्र, वा ‘दुई नम्बरी’ को रमाइलो पात्र—दयाहाङले प्रत्येक भूमिका फरक दृष्टिकोण र शैलीमा बाँचेका छन्। उनी केवल मनोरञ्जनका लागि अभिनय गर्दैनन्, उनी जीवनको कथा प्रस्तुत गर्छन्।

उनका आलोचकहरू भन्छन्, दयाहाङ बारम्बार एउटै प्रकारको संवाद शैली प्रयोग गर्छन्। तर अभिनय भनेको संवादको मात्र साधन होइन, संवेदनाको अभिव्यक्ति हो। दयाहाङको अभिनयले समाजको वास्तविकताका कथालाई पर्दामा प्रस्तुत गर्दा, उनले हरेक पटक फरक व्यक्तित्व र गहिराइलाई प्रस्तुत गरेका छन्। यसैले, नो ह्याङ दयाहाङ—उनले अभिनयलाई जीवनको कथा बनाएका छन्। नेपाली सिनेमा उद्योगको यो यात्रा उनीसँग अझै टाढासम्म जान बाँकी छ।

01/16/2025

बलिउड अभिनेता सैफ अली खानमाथि बिहीबार बिहान २ बजे अज्ञात व्यक्तिले धा'रिलो ह'तिया'रले आ'क्रमण गरेको छ। घटनापछि उनलाई तुरुन्तै अस्पतालमा भर्ना गरिएको छ।प्रहरीले छानबिन सुरु गरे पनि दोषीको पहिचान हुन बाँकी छ। अस्पतालले सैफको स्वास्थ्य अवस्थाबारे कुनै जानकारी दिएको छैन।

01/16/2025

सहयोगी हात, सामाजिक कार्यमा साथ
हस्त बहादुर राई (आठपहरिया) को स्मृतिमा निर्माण भइरहेको खेलमैदानका लागि उर्लाबारी-९, बाेडरलाइन निवासी लालबहादुर राई ज्युले नगद ५ हजार सहयोग प्रदान गर्नुभएकोमा, हामी सम्पूर्ण परिवार, खेलप्रेमी युवा, र स्थानीय समुदायको तर्फबाट हार्दिक आभार व्यक्त गर्दछौँ।

यो सहयोगले खेलमैदान निर्माणको अभियानमा महत्वपूर्ण योगदान पुर्याउनेछ र स्थानीय खेलकुद क्षेत्रको विकासमा टेवा पु¥याउने विश्वास लिएका छौँ। साथै, भविष्यमा पनि यस्तै सकारात्मक सहभागिताले हाम्रो समाजलाई एकताबद्ध र प्रगतिशील बनाउन मद्दत गर्नेछ। स्मृति खेलमैदान निर्माण अभियानलाई निरन्तर साथ र समर्थन प्रदान गरिरहनुहुने सबैमा पुनः धन्यवाद।

01/16/2025

नेपाल खेलकुद महासंघ उर्लाबारीद्वारा खेलाडीलाई खेल सामाग्री वितरण

उर्लाबारी, माघ २ —
नेपाल खेलकुद महासंघ उर्लाबारी नगर कमिटीले उर्लाबारी नगरपालिका–७ का भलिबल खेलाडीहरूलाई खेल सामाग्री प्रदान गरेको छ। यो कार्यक्रम २०८१ माघ २ गते, बुधबार सम्पन्न भएको थियो।

कार्यक्रममा खेलकुद सामाग्री हस्तान्तरण गर्दै महासंघका प्रतिनिधिहरूले खेल क्षेत्रको विकासमा यस्ता सहयोगहरू महत्वपूर्ण हुने बताए। कार्यक्रममा उपस्थित नेपाल खेलकुद महासंघ केन्द्रीय सचिवालय सदस्य योगेश बस्नेतले खेलाडीहरूको उत्साहवर्धन गर्दै आगामी दिनमा थप सहयोग गर्ने प्रतिबद्धता जनाए।

महासंघले खेलकुदमा संलग्न युवाहरूलाई प्रोत्साहन गर्दै उनीहरूको उज्ज्वल भविष्य निर्माणका लागि प्रयास गरिरहेको उल्लेख गर्‍यो।
यस अवसरमा खेलाडीहरूले प्राप्त सहयोगका लागि हर्ष व्यक्त गर्दै खेलकुद क्षेत्रको विकासमा लागिपर्ने प्रतिबद्धता जनाएका छन्।

उर्लाबारी नगर खेलकुद महासंघका अध्यक्ष र अन्य पदाधिकारीहरूको उपस्थिति रहेको सो कार्यक्रममा खेलकुद सामाग्री वितरण पछि सामूहिक प्रशिक्षणको पनि आयोजना गरिएको थियो।

शुभकामना र धन्यवाद

उज्ज्वल खेल भविष्यको कामना गर्दै महासंघले खेलाडीहरूलाई निरन्तर मेहनत गर्न प्रोत्साहित गरेको छ। साथै, खेल सामाग्री प्रदान गर्ने महत्त्वपूर्ण सहयोगका लागि योगेश बस्नेतलाई विशेष धन्यवाद ज्ञापन गरिएको छ।

01/15/2025

सिर्जनाको डेब्यु नयाँ फिल्म डालस टेक्सासमा: Nepali movie Karsang, is set to release across the USA on January 17. ❤️

01/15/2025

राम्रो सपोट पाकोछु कर्म फल भनौ न: कार्साङ नायिका सिर्जना निङ्लेकु

01/15/2025

सबैको मन जित्दै कार्साङ ।

01/15/2025

स्वर्गीय धनबहादुर एभेङको स्मृतिमा नमूना बाल गृहका नानीहरूलाई खाना खुवाइयो
उर्लाबारी, मोरङ – समाजसेवा र परोपकारलाई सम्मान गर्दै स्वर्गीय धनबहादुर एभेङको स्मृतिमा मोरङको उर्लाबारी–७ स्थित नमूना बाल गृहमा रहेका बालबालिकाहरूलाई विशेष भोजन कार्यक्रमको आयोजना गरियो।

यस अवसरमा स्वर्गीय एभेङको परिवारका सदस्यहरूको सक्रिय सहभागिता थियो। उहाँकी धर्मपत्नी सन्चरानी एभेङ, छोराहरू राम र लक्ष्मण, बुहारी सुनिता, साथै स्थानीय समाजसेवी डम्बर राई र पत्रकार तेजन खड्का कार्यक्रमको प्रमुख उपस्थितिमा थिए।

कार्यक्रमले बालबालिकाको दैनिक जीवनमा खुसीको माहोल सिर्जना गर्न सहयोग पुर्याएको छ। बाल गृहकी अध्यक्ष मिनादेवी बरालले स्वर्गीय एभेङको सम्झनामा गरिएको यस महान कार्यका लागि परिवारप्रति आभार प्रकट गर्दै यस्ता परोपकारी क्रियाकलापहरूले बालबालिकाको मनोबल वृद्धि गर्ने र उनीहरूको उज्ज्वल भविष्य निर्माणमा टेवा पुग्ने बताउनुभयो।

परिवारका सदस्यहरूले बाल गृहका नानीहरूसँग समय बिताउँदै स्वर्गीय एभेङको स्मृतिलाई सम्मानजनक रूपमा जीवित राख्न पाएकोमा सन्तोष व्यक्त गरे। राम एभेङले भन्नुभयो, “बुबाको स्मृतिमा बालबालिकासँग यो विशेष समय बिताउनु हाम्रो परिवारका लागि भावुक र प्रेरणादायी क्षण हो। भविष्यमा पनि हामी यस्ता सेवामूलक कार्यमा संलग्न रहन्छौं।”

यस प्रकारका कार्यक्रमले समुदायमा सेवा र सहयोगको भावना जागृत गर्ने विश्वास गरिएको छ।

01/15/2025

विष्णु तामाङको जन्मदिनमा नमूना बाल गृहलाई सामूहिक सहयोग
उर्लाबारी, मोरङ – समाजमा सकारात्मक परिवर्तनको प्रेरणादायी उदाहरण प्रस्तुत गर्दै सामाजिक व्यक्तित्व विष्णु तामाङले आफ्नो जन्मदिनको अवसरमा मोरङको उर्लाबारी–७ मा रहेको नमूना बाल गृहमा परिवारसहित सहयोग गरेका छन्।

तामाङले पाँच बोरा चामल र विभिन्न तरकारीहरू बाल गृहलाई प्रदान गरेका छन्। परिवारको सक्रिय सहभागितासहित उनकी छोरी लक्ष्मी तामाङ र ज्वाई अमित भट्टराईले बालबालिकाका लागि ६८ जोडी जुत्ता, मोजा, लुगा धुने साबुन १० काटुन, नुहाउने साबुन १४४ पिस, खसीको मासु २ केजी र कुखुराको मासु १५ केजी हस्तान्तरण गरे। यस्तै, निर्मला श्रेष्ठ र पप्पु श्रेष्ठले पनि ५ बोरा चामल सहयोग गरे। अष्ट्रेलियाबाट अञ्जु तामाङले थप ५ बोरा चामल पठाएर सहयोगको शृंखलालाई सशक्त बनाइन्।

बाल गृहकी अध्यक्ष मिनादेवी बरालले बाल गृहको सफल सञ्चालनमा यस्ता सहयोगहरूको विशेष महत्त्व रहेको बताइन्। उनले सहयोगी हातहरूको धन्यवाद ज्ञापन गर्दै निरन्तर साथ र सहयोगकै कारण बालबालिकाको भविष्य निर्माण सम्भव भएको उल्लेख गरिन्।

सहयोगका मुख्य संयोजक अमित भट्टराईले भने, “बाल गृहलाई पहिले नै सहयोग गर्ने इच्छा थियो, जुन आज पूरा गर्न पाउँदा हर्षित छु। यस्ता कामले केवल व्यक्तिगत सन्तोष मात्र होइन, समाजको उत्तरदायित्व पूरा गर्न प्रेरणा पनि दिन्छ।”

यस किसिमको परोपकारी कार्यले स्थानीय समुदायमा सामाजिक उत्तरदायित्व र सेवाभावलाई प्रोत्साहन गर्ने विश्वास गरिएको छ। विष्णु तामाङको यो योगदानले कठिन परिस्थितिमा रहेका बालबालिकाहरूको जीवनमा थप सहजता र खुसी ल्याउने अपेक्षा गरिएको छ।

01/15/2025

उर्लाबारी न्युजका शुभेच्छुक आदरणीय जीवन चिमरियालाई जन्मदिनको शुभकामना ।

01/15/2025

उर्लाबारी न्यूज परिवारको तर्फबाट आदरणीय गितकार दिदी लिना राईज्यूप्रति गहिरो समवेदना व्यक्त गर्दछौं। उहाँको प्रिय दिदीकी छोरीको इसा राईको असामयिक निधनको खबरले हामी अत्यन्त मर्माहित भएका छौं। यो दुःखद घडीमा सम्पूर्ण शोकाकुल परिवारलाई धैर्य, सहनशीलता, र साहस प्रदान गर्न परमेश्वरसँग प्रार्थना गर्दछौं। दिवंगत आत्माको चिरशान्तिको कामना गर्दै, यस क्षणमा हाम्रो साथ र सहानुभूति सधैं रहनेछ।

01/14/2025

हाम्रोतिरको अहिलेको अवस्था
चिसो र अत्यधिक हुस्सु ले गर्दा तपाईंको यात्रा असहज हुन सक्छ । सचेत र सतर्क रहनुहोला ।
उर्लाबारी न्युजडटकम

01/14/2025

शुभ प्रभात 🙏 आज बुधबार ! काल भैरवको आशिर्वादले तपाईंको दिन शुभ रहोस् !❤️🙏

01/14/2025

माइमेला

01/14/2025

माघे संक्रान्तिको अवसरमा लिम्बू समुदायद्वारा येले तङ्बे ५०८५ भव्य रूपमा मनाइयो

प्रदिप धिमाल
मोरङको उर्लाबारी–३ मंगलबारेस्थित सालबारी सामुदायिक वन क्षेत्रको तेनेबा माङथान मा लिम्बू समुदायले आफ्नो परम्परागत नयाँ वर्ष पर्व, येले तङ्बे ५०८५, उत्साहपूर्वक मनाए। माघ १ गतेलाई कुसुङ तङ्वे (नयाँ वर्ष) को रूपमा मनाउने लिम्बू समुदायले यस पर्वलाई आफ्नो संस्कृतिसँग गहिरो सम्बन्ध राख्दै धूमधामका साथ मनाउँछन्।

यस विशेष अवसरमा परम्परागत बाजा, झ्याम्टा, धाङ्ग्रो, र सेक्रुवा बजाउँदै लिम्बू समुदायका कलाकारहरूले सांस्कृतिक नृत्य प्रदर्शन गरे। उनीहरूको आकर्षक पोशाक र नृत्यले दर्शकलाई मोहित तुल्यायो। कार्यक्रमका दौरान परम्परागत परिकारहरू पनि प्रस्तुत गरिए, जसमा सिवा, फाखाप्पा, साम्सा, र अन्य परिकारहरूको स्वाद लिन पाइयो।

पूर्वी नेपालमा सघन बसोबास गर्ने लिम्बूहरूले यस पर्वलाई कक्फेवा तङ्नाम (कक्फेक्वा तङ्नाम) पनि भन्छन्। "कक्फेक्‍वा" लिम्बू भाषामा चापको फूललाई जनाउँछ, जसले चिसो मौसममा वसन्तको आगमनको संकेत गर्दछ। ऐतिहासिक रूपमा माघ महिनामा चाप फुल्ने भएकाले यस पर्वलाई प्राकृतिक चक्र र जीवनको पुनरुत्थानको प्रतीकको रूपमा मानिन्छ।

आजैको दिनबाट लिम्बू समुदायले पुरानो बर्ष ५०८४ लाई बिदाई गरी नयाँ बर्ष ५०८५ लाई स्वागत गरेको छ। यो पर्वले न केवल नयाँ वर्षको शुभारम्भ गर्ने उद्देश्य राख्छ, तर सामाजिक एकता, सांस्कृतिक संरक्षण, र परम्परागत सम्पदाको जगेर्नामा पनि विशेष महत्व राख्छ।

सांस्कृतिक जीवनको उजागर
लिम्बू समुदायको नृत्य, गीत र परम्परागत वाद्ययन्त्रहरूको संगमले सांस्कृतिक धरोहरलाई उजागर गर्‍यो। कलाकारहरूले पहिरिएको र लिम्बू संस्कृति झल्काउने परिधानहरू, जस्तै साङबेन, सेसम फुली, याक्थुङ तोङबाहाङ्ग, तथा रिङ्गामा नृत्य शैली, दर्शकहरूको लागि प्रमुख आकर्षण बने।

यस पर्वको आयोजना र सहभागीहरूले लिम्बू जातीयता, पहिचान र सांस्कृतिक विविधतालाई जीवित राख्दै भविष्यका पुस्तालाई गर्व गर्न लायक सम्पदा हस्तान्तरण गर्ने प्रेरणा प्रदान गरेका छन्।

Address

Urlabari Morang
Appleton, ME
00977

Telephone

9800912546

Website

facebook.com

Alerts

Be the first to know and let us send you an email when Urlabarinews.com posts news and promotions. Your email address will not be used for any other purpose, and you can unsubscribe at any time.

Videos

राम्रो सपोट पाकोछु कर्म फल भनौ न: कार्साङ नायिका सिर्जना निङ्लेकु

भोलि पहिलो सो ११:४५ मा कार्साङ टिम दमक आउदै नमस्कार 🙏 हामि पुर्ब को सिनेमा घर मा तपाइ लाइ भेट्न आउदैछौ है । भोलि माघ २ गते हामि सङ्गै ' कार्साङ ' हेरौ है त । दमक को Dmax 11:45 धरान को Friends cinema 2:30 इटहरी को Elight , Birtamode, Biratnagar 🎬😇

मनकारी बिष्णु तामाङ, जस्ले गरे जन्मदिनमा यति धेरै सहयोग

हामीलाई सम्झिनुहोस

अब उर्लाबारीमै CT स्क्यान मदन भण्डारी अस्पताल तथा ट्रमा सेन्टर उर्लाबारी -३ मंगलबारे मोरङ

रतुवामाई ९, भौडाहा, मोरङका नारद प्रसाद निरौला आफ्नो ७८ वर्षको उमेरमा पनि जोशिलो जीवन बिताइरहनुभएको छ। तीन वर्षअघि इपिसी मिलिजुली मौरी पालन व्यवसायमा हात हालेपछि उहाँले आफ्नो जीवनमा नयाँ अनुभव लिने मौका पाउनु भयो। उहाँको जीवन यात्रा केवल व्यक्तिगत उपलब्धिमा सीमित छैन; यो समाजका लागि एक प्रेरणाको स्रोत बनेको छ। पुरा भिडियो : https://youtu.be/GlNgaMDUwIM?si=LPBEhlfPSHBUey1D

अमेरिकाको क्यालिफोर्निया राज्यको लस एन्जलसमा भएको आगलागीबाट दर्जनौं मानिसको मृत्यु भएको छ भने हजारौं घरहरू जलेर ध्वस्त भएको छ ।

सबैको मन जितेकी नायिका सिर्जना अपिल ।

सामुदायिक एकतामा खेलमैदान निर्माणको अभियान हस्त बहादुर राई (आठपहरिया) को स्मृतिमा निर्माण भइरहेको खेलमैदानका लागि व्यापक तयारी तीव्र गतिमा अघि बढिरहेको छ। निर्माण समितिका अध्यक्ष अमृत थक्लुङको नेतृत्वमा यो आयोजना उर्लाबारी–९ मा समुदायको एकता र सक्रिय सहकार्यको प्रतीक बनेको छ। वडा अध्यक्ष नरबहादुर मोक्तानको निर्णायक भूमिका र वडा सदस्य गणेश किम्दाङ राईको थप सक्रियताले निर्माण कार्यलाई सफलतातर्फ अघि बढाउन उल्लेखनीय योगदान गरेको छ। खेलमैदान निर्माणमा स्थानीय बासिन्दाको उत्साहजनक सहभागिता देखिनु सकारात्मक संकेत हो। यो खेलमैदानले भविष्यका खेलाडीहरूलाई अनुशासन, प्रतिस्पर्धा, र एकता सिकाउन महत्वपूर्ण भूमिका खेल्नेछ। निर्माण कार्यलाई पूर्णता दिनका लागि अझै थप सामुदायिक सहयोग आवश्यक रहेको छ, जसले स्मृतिको सम्मानसँगै खेलकुदको विकासमा ठोस

करोडौं खानेलाई ६५ लाख थोरै भएछ।

कार्साङको नायिकाको अपिल

Urlabarinews.com

01/16/2025

01/16/2025

01/16/2025

01/16/2025

01/16/2025

01/16/2025

01/15/2025

01/15/2025

01/15/2025

01/15/2025

01/15/2025

01/15/2025

01/15/2025

01/15/2025

01/14/2025

01/14/2025

01/14/2025

01/14/2025

Address

Telephone

Website

Alerts

Videos

Shortcuts

Share

Category