Wizara ya Biashara na Maendeleo ya Viwanda

16/12/2024

Mkurugenzi Idara ya Biashara na Ukuzaji Masoko
- Wizara ya Biashara na Maendeleo ya Viwanda ndugu Khamis A. Shauri katika Kipindi cha Dira leo saa 7.00 Mchana live.

11/12/2024

Waziri wa Biashara na Maendeleo ya Viwanda Mhe. Omar Said Shaaban akisalimiana na kumuonesha Mpango Kazi (Master Plan) wa Mradi wa Dunga Industrial Park na Ramani ya Mradi wa Ujenzi wa eneo la Ukumbi wa Mikutano ya Kimataifa na maeneo mengine (DIMICE Complex) Mkuu wa Idara ya Miradi na Miundombinu ya ALN Kenya Bw. Amyn M***a baada ya kukutana na kufanya mazungumzo kuhusu furza zilizopo Zanzibar kwa wawekezaji.

Aidha, mazungumzo hayo yamefanyika katika Ofisi za Wizara Kinazini ambapo Mhe Omar amefanua kuwa Serikali ya Zanzibar inampango kuifungua Pemba kiuchumi, hivyo uwepo wa viwanda kutasaidia kupunguza ongezeko la uingizaji wa Bidhaa kutoka nje ya nchi.

09/12/2024

Uongozi na wafanyakazi wa Wizara ya Biashara na Maendeleo ya Viwanda, inawatakia Watanzania wote, katika Maadhimisho ya Miaka 63 ya Uhuru wa Tanganyika.

06/12/2024

Waziri wa Biashara na Maendeleo ya Viwanda Mhe. Omar Said Shaaban akizungumza katika kilele cha Maadhimisho ya siku ya Ushindani Duniani (World Competition Day) iliyoambatana na Mdahalo Maalumu, hafla iliyofanyika katika viwanja vya Maonesho Dimani Fumba.

27/11/2024

Waziri wa Biashara na Maendeleo ya Viwanda Mhe. Omar Said Shaaban wakiomba dua ya pamoja na Wanaushirika wa Mtule Amcos LTD, katika Kijiji cha Paje Mkoa wa Kusini Unguja, wanaojishughulisha na kilimo na utengenezaji wa Tomato wakati Mhe. Waziri alipo watembelea kwa lengo la kusikiliza changamoto zinazowakabili za upatikanaji wa Soko la bidhaa zao.

Aidha katika ziara hiyo, Mhe. Omar aliambatana na watendaji mbali mbali akiwemo Mkurugenzi Idara ya Biashara na Masoko wa Wizara ya Biashara, Maafisa kutoka Wakala wa Uwezeshaji Wananchi Kiuchumi (ZEEA) na Maafisi kutoka wizara ya Biashara.

22/11/2024

Karibu katika Maonesho ya 11 ya Biashara ya Kimataifa

18/11/2024

Kwa niaba ya Wizara ya Biashara na Maendeleo ya Viwanda, Mhe. Omar Said Shaaban anawapa pole Wafanyabiashara na Wananchi walioathirika na kuporomoka kwa jengo Kariakoo.
Tunawaombea shifaa walionusurika na tunawapa pole ndugu na familia za waliofariki dunia. Mungu awalaze pema.

08/11/2024

Katibu Mkuu wa Wizara ya Biashara na Maendeleo ya Viwanda – Zanzibar, Bi Fatma Mabrouk Khamis (Katikati) akiwa na Katibu Mkuu Wizara ya Fedha na Mipango – Hazina Bi Jenifa Christian Omolo (wa kwanza kulia) pamoja na Mkurugenzi Idara ya Biashara Uwekezaji na Sekta za Uzalishaji Wizara ya Mambo ya Nje na Ushirikiano wa Afrika Mashariki Bw. Benjamini Mwesiga alishiriki na kuchangia mapendekezo ya Tanzania katika Mkutano wa 19 wa Kamati ya Makatibu Wakuu wa Eneo Huru la Biashara la Afrika (STOs) Novemba 07, 2024, uliofanyika jijini Addis Ababa, Ethiopia.

Mkutano ulipokea na kujadili taarifa kutoka kwa Kamati ya Biashara Mtandao, Uwekezaji, Biashara ya Bidhaa, Wanawake na Vijana katika AfCFTA, Haki Bunifu na Biashara ya Huduma ili waziwasilishe katika Mkutano wa Baraza la Mawaziri wa Biashara Afrika utakaofanyika tarehe 9 - 10 Novemba 2024.

Tanzania ni Mwenyekiti wa mikutano ya AfCFTA kwa mwaka 2024 kuanzia Januari hadi Disemba 2024

08/11/2024

Kamati ya Utalii, Biashara na Kilimo ya Baraza la Wawakilishi chini ya Mwenyekiti wao, Mhe. Mtumwa Peya Yussuf wameridhishwa na kasi ya utekelezaji wa Ujenzi wa miundombinu katika maeneo tengefu ya Viwanda (Industrial Parks) ikijumuisha Ujenzi wa barabara yenye urefu wa 7.8 km, ujenzi wa tangi la maji la ujazo wa lita milioni moja (1,000,000), uchimbaji wa visima vitatu (3) vya maji na usambazaji wa bomba katika eneo la Dunga wakati wakipokea taarifa ya utekelezaji ya Wizara ya Biashara iliyowasilishwa na Mhe. Omar Said Shaaban katika kikao kilichofanyika Dunga Zuze.

Aidha, uwasilishaji huo umeambatana na ziara ya ukaguzi wa Mradi wa maeneo tengefu ya viwanda iliyoongozwa na Mhe. Shaaban na Watendaji wa Wizara akiwemo Katibu Mkuu Ndugu Fatma M. Khamis, Naibu Katibu Mkuu Dkt. Said S. Mzee, Wakurugenzi na Maafisa ambapo Mhe. Waziri amesema utekelezaji wa mradi huo umezalisha mafanikio kadhaa ikiwa ni pamoja na kupatikana kwa ajira za muda kwa vijana wanaoishi karibu na eneo hilo na kuongezeka kwa maombi ya uwekezaji ambapo hadi kufikia Oktoba 2024, jumla ya wawekezaji (10) wameleta maombi yao na wanne (4) kati yao wamepatiwa hati ya umiliki wa ardhi (Sub Lease).

Aidha, Mhe. Omar amesema kwa mwaka wa fedha 2024/2025 Wizara imeidhinishiwa jumla ya bilioni 40.32 kwa shuguli za utekelezaji wa kuyaendeleza maeneo tengefu ya Viwanda Dunga, Chamanangwe na Pangatupu.

07/11/2024

Wizara ya Biashara na Maendeleo ya Viwanda imewasilisha taarifa ya bajeti ya utekelezaji wa Wizara kwa mwaka wa fedha 2024/2025 kwa kipindi cha robo mwaka kuanzia Julai hadi Septemba 2024/2025 kwa Kamati ya Bajeti ya Baraza la Wawakilishi iliyoongozwa na Mwenyekiti wa Kamati Mhe. Mwanaasha Khamis Juma.

Akiwasilisha utekelezaji wa mradi wa maeneo tengefu ya viwanda (industrial parks) yaliyopo Dunga, Chamanangwe na Pangatupu, Mhe. Omar Said Shaaban amesema kwa mwaka wa fedha 2024/2025 shughuli zilizopangwa kutekelezwa na Wizara ni ujenzi wa majengo ya viwanda (industrial sheds) Dunga na Chamanangwe, pamoja na ujenzi wa barabara, miundombinu ya umeme, ukuta na tangi la maji, ujenzi wa ukuta kwa eneo la Dunga na Chamanangwe, na uandaaji wa mpango mkuu wa matumizi ya ardhi (masterplan) Pangatupu.

Aidha, amefafanua katika utekelezaji wa mradi wa Kituo cha Maonesho ya Biashara Dimani, Wizara imekusudia kuendeleza ujenzi wa jengo la utawala na Uimarishaji wa ukumbi wa Mikutano.

Kikao hicho kimehudhuriwa na Katibu Mkuu Ndugu Fatma M. Khamis, Naibu Katibu Mkuu Dkt. Said S. Mzee, Wakurugenzi na Maafisa wa Wizara katika ukumbi wa Taasisi ya Viwango Zanzibar (ZBS) Maruhubi.

31/10/2024

Waziri wa Biashara na Maendeleo ya Viwanda Zanzibar Mhe. Omar Said Shaaban na Naibu Katibu Mkuu Dkt. Said Seif Mzee wameshiriki katika warsha ya Utafiti wa kila mwaka ya Taasisi ya Utafiti na Kupunguza Umaskini (REPOA) iliofanyika jijini Arusha, Tanzania. Warsha hio ililenga kuweka mikakati maalum ya kuweka mazingira endelevu pamoja na kupanuwa wigo wa biashara.

Mh. Shaaban amesema Serikali zote mbili za Jamhuri ya Muungano wa Tanzania (SMT) na Serikali ya Mapinduzi ya Zanzibar (SMZ) zimekuwa zikitumia taarifa za utafiti kutengeneza Sera, Sheria pamoja na mipango mbalimbali ya maendeleo na kutambua juhudi za tafiti zilizofanywa na Taasisi hiyo katika kuhakikisha Sera zetu ziko rafiki na zinakidhi kwa mujibu ya mahitaji ya kuweka mazingira endelevu ya biashara.

The Minister of Trade and Industrial Development of Zanzibar, Hon. Omar Said Shaaban, and the Deputy Permanent Secretary, Dr. Said Seif Mzee participated in the annual research workshop of the Research on Poverty Alleviation (REPOA) Institute held in Arusha, Tanzania. This workshop aimed to establish specific strategies for creating sustainable environments and the expansion of Trade.

Hon. Shaaban, Minister highlighted that both governments of the United Republic of Tanzania (URT) and the Revolutionary Government of Zanzibar (SMZ) have been using research data to formulate policies, laws, and various development plans. He recognized REPOA's research efforts in ensuring that our policies are conducive and align with the requirements for sustainable trade environments.

30/10/2024

Wizara ya Biashara na Maendeleo ya Viwanda ilikutana na uongozi wa LTS Consultoria kutoka nchini Brazil katika ofisi za Shirika la Biashara la Taifa (ZSTC) kwa lengo la kuelezea vipaombele vya Wizara na kujadili namna ya kushirikiana kwenye utekelezaji wa vipaombele hivyo vikiwemo urasimishaji wa sekta isiyo rasmi, kuengeza thamani kwenye uzalishaji wa mafuta ya viungo pamoja na kuwajengea uwezo wafanyabiashara wadogo wadogo na wa kati.

The Ministry of Trade and Industrial Development met with the leadership of LTS Consultoria from Brazil at the offices of the Zanzibar State Trading Corporation (ZSTC) with the aim of discussing the Ministry's priorities and exploring areas of collaboration. These areas included the formalization of the informal sector, value addition to the production of essential oils as well as capacity building for small and medium businesses.

29/10/2024

Mkutano wa 8 wa Kamati ya Biashara ya Kidijitali unafanyika jijini Addis Ababa, nchini Ethiopia, kuanzia tarehe 28 Oktoba hadi tarehe 1 Novemba 2024. Mkutano huo unajadili Rasimu za Nyongeza za Itifaki ya Biashara ya Kidijitali chini ya AfCFTA. Nyongeza hizi ni muhimu katika kuunda mustakabali wa mazingira ya biashara ya kidijitali barani Afrika.

Tanzania ikiwa ni Mwenyekiti, Mkurugenzi wetu wa Idara ya Biashara na Masoko, Khamis Shauri, anaendesha kikao kwa ngazi ya wataalam wa nchi wanachama

The 8th Meeting of the Committee on Digital Trade is taking place in Addis Ababa, Ethiopia, from 28 October to 1 November 2024, discussing the draft Annexes to the Protocol on Digital Trade under the AfCFTA. These annexes are instrumental in shaping the future of Africa's digital trade landscape.

Tanzania as Chair, our Director of Trade and Marketing, Khamis Shauri, is chairing the session of the Member States Senior Trade Officials

26/10/2024

Waziri wa Biashara na Maendeleo ya Viwanda Mhe. Omar Said Shaaban amekutana na kufanya mazungumzo na Balozi wa Italia nchini Tanzania bwana Giuseppe Sean Coppola akiambatana na,ujumbe kutoka Ubalozi wa Italia ambapo wamekutana kwa lengo la kuimarisha uhusiano wa muda mrefu kati ya Italia na Tanzania.

Kwa upande wa Zanzibar, Mhe Omar amewaeleza vipao mbele vya Serikali ya Mapinduzi ya Zanzibar kwenye kuendeleza sekta ya biashara ikiwemo kuengeza thamani za Bidhaa na kuwasilisha fursa za uzalishaji wa karafuu, kuwekeza kwenye maeneo tengefu ya viwanda, zao la mwani pamoja na upatikanaji wa vipodozi na amewashajihisha waanzishe Tamasha maalum la Italia (Italia Trade Fair) katika eneo la Maonesho Dimani Fumba.

Kwa upande wa Ubalozi wa Italia wamesema kuwa wapo tayari kushirikiana na Zanzibar, pia, wamewaalika Wizara kwa ujumla kushiriki katika Kongamalo la Biashara litakalo fanyika jijini Dar es Salaam Februari, 2025

24/10/2024

Waziri wa Biashara na Maendeleo ya Viwanda Mhe. Omar Said Shaaban amefanya ziara ya kukagua Mtambo wa kuzalishia vifungashio Mtaa wa Saateni Wilaya ya Mjini na amewaagiza Uongozi wa Shirika la Bishara la Taifa Zanzibar (ZSTC), kuhakikisha wanakamilisha kwa haraka kazi hiyo, ili mtambo huo uanze kufanya kazi ambapo utatatua changamoto za vifungashio vya Bidhaa hapa Zanzibar.

14/10/2024

Uongozi na Wafanya kazi wa Wizara ya Biashara na Maendeleo ya Viwanda wanaungana na Watanzania wote, katika siku ya kumbukizi ya Baba wa Taifa Mwalim Julius K. Nyerere.

12/10/2024