BOMBA FM RADIO 104.1 Mhz MBEYA

BOMBA FM RADIO 104.1 Mhz MBEYA BOMBA FM RADIO broadcasting live from MBEYA CITY - TANZANIA.(Iringa,Mbeya,Rukwa,Njombe & Ruvuma). Tus

MANYARA - Waziri Mkuu wa Tanzania Kassim Majaliwa leo Desemba 20, 2024 amezindua na kukabidhi nyumba 109 kwa waathirika ...
20/12/2024

MANYARA - Waziri Mkuu wa Tanzania Kassim Majaliwa leo Desemba 20, 2024 amezindua na kukabidhi nyumba 109 kwa waathirika wa maafa ya maporomoko ya tope yaliyotokea Desemba 03, 2023 wilayani Hanang, mkoani Manyara.

Nyumba hizo zimejengwa na Serikali kwa kushirikiana na Shirika la Msalaba Mwekundu na Jumuiya ya Umoja wa Wanawake wa Chama Cha Mapinduzi (UWT).

Nyumba zote zinapatikana katika Kijiji cha Wareti, Wilaya ya Hanang mkoani humo.

Tunis - TUNISIA. Miili ya watu tisa wanaoaminika kuwa ya wahamiaji imekutwa kwenye pwani ya mashariki ya Tunisia kufuati...
13/12/2024

Tunis - TUNISIA. Miili ya watu tisa wanaoaminika kuwa ya wahamiaji imekutwa kwenye pwani ya mashariki ya Tunisia kufuatia ajali ya meli.

Farid Ben Jha, msemaji wa ofisi ya mashtaka ya majimbo ya Monastir na Mahdia, amesema watu walionusurika wamewaambia maafisa kwamba boti yao ilizama baada ya kuanza safari usiku wa Jumanne katika mji wa Sfax.

Mji huo ni kituo kikuu cha wahamiaji wanaoelekea Italia. Ben Jha amesema abiria wote 42 waliokuwemo ndani ya boti hiyo wanatokea kwenye nchi za Afrika Kusini mwa Jangwa la Sahara.

Watu sita bado hawajulikani walipo, na watu 27 wameokolewa. Tunisia na nchi jirani ya Libya, zimekuwa vituo muhimu vya kuondokea wahamiaji, mara nyingi kutoka nchi nyingine za Kiafrika, wanaohatarisha maisha yao kwa kuvuka Bahari ya Mediterania kwa matumaini ya kufika Ulaya kutafuta maisha bora.

Chanzo: Dw Swahili

Gaza - PALESTINA. Maafisa wa afya wa Palestina wamesema takribani watu 28 wameuawa kwenye mashambulizi ya Israel katika ...
13/12/2024

Gaza - PALESTINA. Maafisa wa afya wa Palestina wamesema takribani watu 28 wameuawa kwenye mashambulizi ya Israel katika Ukanda wa Gaza, wakiwemo watoto saba na mwanamke mmoja.

Moja ya mashambulizi hayo yametokea katika kambi ya wakimbizi ya Nuseirat.

Mashambulizi mengine mawili yamesababisha vifo vya wanaume 15, ambao walikuwa sehemu ya walinzi wanaolinda misafara ya malori ya misaada.

Mauaji hayo yamefanyika saa chache baada ya Baraza Kuu la Umoja wa Mataifa kuidhinisha azimio la kutaka kusitishwa mara moja na bila masharti mapigano katika Ukanda wa Gaza.

Wakati huo huo, kundi la wanamgambo la Kipalestina la Hamas limesema limepongeza hatua ya Baraza Kuu la Umoja wa Mataifa kupiga kura ya kusitisha mapigano Gaza.

Hamas imesema hatua hiyo itawawezesha raia wa Gaza kupata mara moja huduma muhimu na misaada ya kiutu.

Chanzo: Dw Swahili

Ankara - UTURUKI. Waziri wa mambo ya nje wa Marekani Antony Blinken, amemwambia Rais wa Uturuki Recep Tayyip Erdogan kwa...
13/12/2024

Ankara - UTURUKI. Waziri wa mambo ya nje wa Marekani Antony Blinken, amemwambia Rais wa Uturuki Recep Tayyip Erdogan kwamba raia wa Syria wanahitaji kulindwa baada ya waasi kuipindua serikali ya Rais Bashar al-Assad.

Blinken ameyasema hayo baada ya kukutana na Rais Erdogan kwenye eneo la mapumziko katika uwanja wa ndege wa mji mkuu Ankara, muda mfupi baada ya kiongozi huyo wa Uturuki kumsindikiza waziri mkuu wa Hungary, Viktor Orban aliyekuwa anaondoka nchini humo baada ya ziara yake.

Katika taarifa yake, msemaji wa wizara ya mambo ya nje ya Marekani Matthew Miller, amesema Blinken amesisitiza kuhusu umuhimu wa wadau wote nchini Syria kuheshimu haki za binadamu, kuzingatia sheria ya kimataifa ya kibinadamu, na kuchukua hatua zote zinazowezekana kuwalinda raia, pamoja na watu kutoka kwa makundi ya walio wachache.

Kwa upande wake, Rais Erdogan amemwambia Blinken kwamba Uturuki itachukua hatua za kinga nchini Syria kwa usalama wake wa kitaifa dhidi ya makundi yote yanayochukuliwa kuwa ya kigaidi, na kuongeza kuwa Uturuki haitaruhusu udhaifu wowote katika mapambano yake dhidi ya kundi linalojiita dola la kiislamu IS.

Chanzo: Dw Swahili

Makamu Mwenyekiti wa Chama cha Demokrasia na Maendeleo (CHADEMA)  Bara Tundu Lissu  ametangaza nia ya kugombea uenyekiti...
13/12/2024

Makamu Mwenyekiti wa Chama cha Demokrasia na Maendeleo (CHADEMA)  Bara Tundu Lissu  ametangaza nia ya kugombea uenyekiti wa CHADEMA Taifa, nafasi ambayo kwa sasa inashikiliwa na Freeman Mbowe.

Lissu ametoa rasmi tamko hilo, wakati akizungumza na waandishi wa Habari Desemba 12, 2024 jijini Dar es Salaam.

Mkurugenzi Mtendaji wa Hospitali ya Taifa Muhimbili na Mshauri wa Rais masuala ya Afya na Tiba, Prof. Mohamed Janabi, am...
13/12/2024

Mkurugenzi Mtendaji wa Hospitali ya Taifa Muhimbili na Mshauri wa Rais masuala ya Afya na Tiba, Prof. Mohamed Janabi, ametoa wito kwa Wananchi kuzingatia njia za kujikinga na magonjwa yasiyoambukiza, akisisitiza magonjwa hayo kwa sasa ni changamoto kubwa kutokana na gharama na usumbufu wa kuyatibu.

Akizungumza na waandishi wa habari Desemba 12, 2024 alipokuwa akitoa salamu za Krismasi, Prof. Janabi ameeleza kuwa, amekuwa mstari wa mbele kutoa elimu kuhusu madhara ya magonjwa yasiyoambukiza kwa lengo la kuimarisha afya ya jamii.

Katika mazungumzo hayo, Prof. Janabi ameeleza mtazamo wake kuhusu ulazima wa kunywa chai asubuhi.

"Kunywa chai asubuhi sio lazima, Najua mtasema Profesa Janabi amekataza watu kunywa chai, lakini naomba niweke wazi: neno breakfast maana yake ni kuvunja funga. Mimi binafsi huanza kula saa sita mchana na kisha nakula tena saa mbili usiku."

Ameendelea kufafanua kuwa hospitalini hawajawahi kukutana na mgonjwa aliyelazwa kwa sababu ya kutokunywa chai:

"Hatujawahi kumlaza mtu hapa Muhimbili kwa sababu tu hajanywa chai, wala mtu hajawahi kufariki kwa sababu hiyo."

pia ameeleza jinsi anavyopangilia ratiba yake ya chakula akisema:

"Kuna siku nakula matunda saa sita mchana kisha nakuja kula tena saa kumi na mbili jioni. Siku nyingine, chakula cha kwanza ninaingiza mdomoni saa nane mchana na baadaye kula tena saa kumi na mbili jioni. Halafu mara moja kwa mwezi huwa nakula mara moja tu kwa siku."

Hata hivyo Prof. Janabi amesisitiza kuwa ratiba ya kula inapaswa kuzingatia mahitaji ya mwili, badala ya kufuata mazoea yasiyo ya lazima huku akihimiza jamii kufikiria afya zao kwa kuzingatia lishe bora, mazoezi, na mbinu za kujikinga dhidi ya magonjwa yasiyoambukiza.

Waziri wa Mambo ya Ndani ya nchi, Innocent Bashungwa ameiagiza menejimenti ya wizara hiyo, kuhakikisha inasimamia kiteng...
13/12/2024

Waziri wa Mambo ya Ndani ya nchi, Innocent Bashungwa ameiagiza menejimenti ya wizara hiyo, kuhakikisha inasimamia kitengo kinachoshughulikia malalamiko yanayotolewa na Wananchi kuhusu wizara hiyo, taasisi na vyombo vya usalama sambamba na kufanyiwa kazi na kutoa mrejesho wa utatuzi kwa wananchi.

Bashungwa ameyasema mesema hayo wakati akizungumza na wakuu wa idara na vitengo wa wizara hiyo jijini Dodoma.

UWEPO WA KIMBUNGA “CHIDO” KATIKA BAHARI YA HINDI KASKAZINI MWA MADAGASCARMamlaka ya Hali ya Hewa Tanzania (TMA) inatoa t...
13/12/2024

UWEPO WA KIMBUNGA “CHIDO” KATIKA BAHARI YA HINDI KASKAZINI MWA MADAGASCAR

Mamlaka ya Hali ya Hewa Tanzania (TMA) inatoa taarifa ya uwepo wa kimbunga “CHIDO” katika Bahari ya Hindi kaskazini mwa kisiwa cha Madagascar.

Mifumo ya hali ya hewa inaonesha kuwa kimbunga hicho kinatarajiwa kuelekea maeneo ya kaskazini mwa Msumbiji katika kipindi cha siku nne zijazo (tarehe 13 hadi 16 ya mwezi Disemba, 2024).

Aidha, kwa sasa, kimbunga hicho hakiashirii uwezekano wa kusababisha athari za moja kwa moja hapa nchini. Hata hivyo, kutokana na ukaribu wa maeneo ambayo kimbunga “CHIDO” kinatarajiwa kupita (kaskazini mwa Msumbiji) na maeneo ya kusini mwa nchi yetu, upo uwezekano mdogo wa matukio ya vipindi vifupi vya mvua kubwa itakayoambatana na upepo mkali na mawimbi makubwa ya bahari kwa maeneo ya Mtwara na maeneo jirani hususan kati ya tarehe 14 na 16 ya Disemba 2024.

USHAURI: Watumiaji wa bahari na wananchi kwa ujumla wanashauriwa kuendelea kufuatilia na kuzingatia taarifa za utabiri kutoka Mamlaka ya Hali ya Hewa Tanzania
pamoja na kupata ushauri na miongozo ya wataalam wa kisekta.

Mamlaka ya Hali ya Hewa Tanzania (TMA) inaendelea kufuatilia mwenendo wa kimbunga hicho na athari zake kwa mifumo ya hali ya hewa hapa nchini na itaendelea kutoa taarifa kila inapobidi.

Klabu ya Yanga imemtambulisha beki Israel Mwenda akiwa usajili wa kwanza wa timu hiyo kwa dirisha dogo.Mwenda ametua Yan...
11/12/2024

Klabu ya Yanga imemtambulisha beki Israel Mwenda akiwa usajili wa kwanza wa timu hiyo kwa dirisha dogo.

Mwenda ametua Yanga akitokea Singida Big Stars ambayo alijiunga nayo akitokea Simba.

Beki huyo anatarajiwa kuongeza ushindani kwa Kouassi Attohoula Yao ambaye ndio amekuwa chaguo la kwanza kwa beki wa kulia wa timu hiyo pamoja na Kibwana Shomari ambaye amekuwa akianzia benchi.

Huu ni usajili wa kwanza kwenye dirisha hili la usajili ambalo linatarajiwa kufunguliwa Desemba 15.
✍️

Mwenyekiti wa Chama cha Demokrasia na Maendeleo (Chadema) Taifa, Freeman Mbowe amevunja ukimya kuhusu nafasi yake hiyo, ...
10/12/2024

Mwenyekiti wa Chama cha Demokrasia na Maendeleo (Chadema) Taifa, Freeman Mbowe amevunja ukimya kuhusu nafasi yake hiyo, akisema wanachama na viongozi wa chama hicho ndiyo watakaoamua agombee au asigombee tena na kueleza kwamba muda ndiyo utakaoamua.

Mbowe ameyasema hayo leo Desemba 10, 2024 wakati akisoma maazimio 10 ya Kamati Kuu ya chama hicho kuhusu mwenendo wa uchaguzi wa serikali za mitaa, vijiji na vitongoji uliofanyika Novemba 27, 2024.

Kauli ya Mbowe imekuja siku chache baada ya kuwepo kwa uvumi unaomuhusisha Makamu Mwenyekiti wa chama hicho (Tanzania Bara), Tundu Lissu kutaka kuwania uenyekiti wa CHADEMA hatua ambayo inatajwa kuwagawa wanachama ambapo wapo wanaomuunga mkono yeye na wanaomuunga Mbowe.

Rais wa Tanzania Dr Samia Suluhu Hassan amemtaka Pro. Janabi ambaye ni mshauri wa Rais masuala ya Afya na Tiba na Mkurug...
10/12/2024

Rais wa Tanzania Dr Samia Suluhu Hassan amemtaka Pro. Janabi ambaye ni mshauri wa Rais masuala ya Afya na Tiba na Mkurugenzi mtendaji wa Hospitali ya Muhimbili kugombea nafasi ya Mkurugenzi Mkuu wa shirika la Afya Duniani kanda ya Afrika iliyoachwa na Dr. Faustine Ndugulile aliyefariki dunia.

Dr. Samia ameyasema hayo leo Desemba 10,2024 wakati akiwaapisha viongozi mbalimbali aliowateua wakiwemo mawaziri Ikulu ndogo ya Tunguu visiwani Zanzibar.

MIAKA 63 YA UHURU WA TANGANYIKA IMEKUWA YA FURAHA KWA WANAJELA, hii ni baada ya Rais wa Tanzania Dr. Samia Suluhu Hassan...
09/12/2024

MIAKA 63 YA UHURU WA TANGANYIKA IMEKUWA YA FURAHA KWA WANAJELA, hii ni baada ya Rais wa Tanzania Dr. Samia Suluhu Hassan kutoa msahama kwa wafungwa 1,548 ambapo 22 kati yao wanaachiliwa huru leo.

Wafungwa wengine 1,526 watabaki gerezani kumalizia sehemu ya kifungo kilichobaki baada ya kupewa msamaha huo.

Taarifa iliyotolewa na Wizara ya Mambo ya Ndani ya Nchi na kusainiwa na Naibu Waziri, Daniel Sillo, matarajio ya Serikali ni kuwa wafungwa hao watarejea katika jamii kushirikiana na wananchi wenzao katika ujenzi wa Taifa na kwatajiepusha kutenda makosa ili wasirejee tena gerezani.

Rais Samia ametoa msamaha huo kwa mamlaka aliyopewa chini ya Ibara ya 45(1) (a) - (d) ya Katiba ya Jamhuri ya Muungano wa Tanzania kutoa msamaha kwa wafungwa.

Imeandaliwa na Mhariri

Raia wa Syria wamemiminika katika uwanja mkuu kwenye jiji la Damascus hii leo Jumatatu kuashiria mapambazuko yaliyokuwa ...
09/12/2024

Raia wa Syria wamemiminika katika uwanja mkuu kwenye jiji la Damascus hii leo Jumatatu kuashiria mapambazuko yaliyokuwa yanasubiriwa kwa muda mrefu ya kuanguka kwa utawala wa Rais Bashar al-Assad.

Assad alikimbilia Urusi jana Jumapili baada ya mashambulizi yaliyoongozwa na waasi walioudhibiti mji mkuu huo na hatimae kufungua ukurasa mpya katika historia ya Syria baada ya miongo mitano ya utawala wa ukoo wa Assad.  

Bashar al-Assad amepewa hifadhi nchini Urusi kutokana na kilichoelezwa kuwa sababu za kibinaadamu. Rais wa Marekani Joe Biden amesema ni lazima Assad awajibishwe kwa vitendo vya mauaji na mateso ya maelfu ya Wasyria.

Wakati huo huo, Baraza la Usalama la Umoja wa Mataifa linatarajiwa kufanya mkutano wa dharura na wa faragha ili kuijadili hali inayoendelea nchini Syria.

Chanzo: Dw Swahili

Katika eneo lako tuambie kuna mabadiliko gani ya kimaendeleo wakati tukiadhimisha miaka 63 ya Uhuru......
09/12/2024

Katika eneo lako tuambie kuna mabadiliko gani ya kimaendeleo wakati tukiadhimisha miaka 63 ya Uhuru......

Katika kuadhimisha miaka 63 ya uhuru wa Tanzania, mkuu wa mkoa wa Arusha pamoja na Viongozi wa dini wameitumia siku hii...
09/12/2024

Katika kuadhimisha miaka 63 ya uhuru wa Tanzania, mkuu wa mkoa wa Arusha pamoja na Viongozi wa dini wameitumia siku hii kufanya maombezi ya kuliombea taifa pamoja na mkoa wa Arusha, wananchi wamejitokeza kwa wingi.
✍️

Wawakilishi wa Tanzania katika michuano ya kombe la shirikisho barani Afrika Simba Sc wamekubali kichapo cha mabao 2 - 1...
08/12/2024

Wawakilishi wa Tanzania katika michuano ya kombe la shirikisho barani Afrika Simba Sc wamekubali kichapo cha mabao 2 - 1 dhidi ya CS Constantine ya Algeria mchezo uliopigwa katika dimba la Mohamed Hamlaoui.

Simba Sc ndio walikuwa wa kwanza kupachika bao mnamo dakika ya 24 kupitia kwa nahodha wake Mohamed Hussein Zimbwe Jr bao ambalo lilidumu hadi kipindi cha kwanza kinatamatika.

Hata hivyo hali ilibadilika mapema kipindi cha pili baada ya Constantine kupeleka mashambulizi ya haraka ambapo beki wa Simba Abdulrazack Hamza alijifunga mnamo dakika ya 47 na baadae dakika 50 mchezaji Brahim alipachika bao la pili na la ushindi kwa CS Constantine.

Kwa matokeo hayo Simba inabaki nafasi ya pili ikiwa na alama tatu nyuma ya CS Constantine wanaoongoza kundi A kwa alama sita.

MSIMAMO WA KUNDI A

CS CONSTANTINE ------- 6
SIMBA SC -------------------- 3
FC BRAVOS ------------------ 3
CS SFAXIEN ----------------- 0

UTEUZI: Rais wa Tanzania Dr Samia Suluhu Hassan amemteua Prof. Mohamed Janabi kuwa mshauri wa Rais masuala ya Afya na Ti...
08/12/2024

UTEUZI: Rais wa Tanzania Dr Samia Suluhu Hassan amemteua Prof. Mohamed Janabi kuwa mshauri wa Rais masuala ya Afya na Tiba.

Prof. Janabi ataendelea kuwa Mkurugenzi mtendaji wa Hospitali ya Taifa Muhimbili.

UTEUZI: Rais wa Tanzania Dr Samia Suluhu Hassan amemteua Gerson Msigwa kuwa msemaji Mkuu wa serikali.Msigwa pia ameteuli...
08/12/2024

UTEUZI: Rais wa Tanzania Dr Samia Suluhu Hassan amemteua Gerson Msigwa kuwa msemaji Mkuu wa serikali.

Msigwa pia ameteuliwa kuwa Katibu Mkuu wa wizara ya Habari, Utamaduni, Sanaa na Michezo.

Address

P O Box 579
Mbeya
255

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 08:00 - 00:30

Telephone

+255753451045

Website

Alerts

Be the first to know and let us send you an email when BOMBA FM RADIO 104.1 Mhz MBEYA posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BOMBA FM RADIO 104.1 Mhz MBEYA:

Shortcuts

Share

Category