Busokelo Tv

23/12/2024

SERIKALI YA RAIS SAMIA YATUMIA SH. BIL.67.4 UJENZI,UKARABATI VIVUKO 13 NCHINI



Ndani ya miaka mitatu ya Uongozi wa Rais Dkt. Samia Suluhu Hassan, TEMESA imewezeshwa ujenzi wa Vivuko vipya sita, Vivuko saba vya ukarabati na ujenzi wa miundombinu ya vivuko ambayo ni maegesho na majengo ya abiria katika Ziwa Victoria na Bahari ya Hindi, ambavyo gharama yake ni jumla ya Shilingi Bilioni 67.4.

Mradi huu wa Vivuko umefanikiwa kutokana na jitihada za Rais Samia, ambapo Serikali yake imetoa kiasi hicho kikubwa cha fedha kwa ajili ya maendeleo ya Taifa.

Waziri wa Ujenzi, Abdallah Ulega, ameongea hayo Jijini Dodoma, wakati wa mkutano wake na Wakala huyo ambapo amesema kuwa, kati ya fedha hizo Shilingi Bilioni 37 zimetumika kujenga vivuko sita.

Hizi fedha zote kuanzia vivuko sita vipya, vivuko saba vya ukarabati na maeneo ya maegesho, tumepata kutoka Serikali ya Rais Dkt. Samia, ndani ya miaka mitatu jumla Shilingi Bilioni 67.4.

“Tunamshukuru Mhe. Rais Dkt. Samia kwa kutuwezesha kufankkisha Mradi huo, na tayari zimepatikana fedha kwa ajili ya vivuko vingine saba, ambavyo jumla ya Shilingi Bilioni 20.5 ambazo zimewekezwa katika mradi huo, hili ni jambo kubwa sana,” amesema Ulega.

Waziri huyo aliutumia mkutano huo kupongeza ukarabati wa karakana za matengenezo ya magari unaoendelea kufanyika kote nchini na kusisitiza ukarabati huo uendane na mabadiliko ya kimtazamo, utaalamu na mabadiliko ya Sayansi na Teknolojia ili kuleta tija na ufanisi katika majukumu yao.

Waziri Ulega pia ameupongeza Wakala wa Ufundi na Umeme nchini TEMESA kutoka Mikoa yote nchini, kwa kazi nzuri wanayoifanya ya kuwataka waongeze jitihada zaidi katika kazi zao.

* *

22/12/2024

SERIKALI YA RAIS SAMIA YATAKA ABIRIA KUJALI USALAMA WAO SAFARINI, YATAKA WAPAWE TIKETI ZA KIELEKRONIKI

●Lengo ni kurahisisha ufuatiliaji wa Bima za fidia za dharula safarini.



Serikali ya Jamhuri ya Muungano wa Tanzania, chini ya Rais Dkt. Samia Suluhu Hassan, kupitia Mamlaka ya Udhibiti Usafiri Ardhini (LATRA), imewaasa abiria kuhakikisha wanapatiwa tiketi za kielektroni zenye taarifa zao sahihi pindi wanaposafiri na mabasi ya masafa marefu, kwani Mfumo huo umeunganishwa na LATRA na Mamlaka ya Mapato Tanzania (TRA) na hivyo kurahisisha ufuatiliaji wa Bima kwa ajili ya fidia wawapo safarini.

Agizo hilo limetolewa kufuatia Serikali ya Awamu ya Sita, kufanya jitihada katika kuhakikisha usalama wa Watanzania na haki zao, unazingatiwa wakati wakati wa safari zao.

Mkurugenzi Mkuu wa Mamlaka ya Udhibiti Usafiri Ardhini (LATRA), CPA Habiba Suluo, amebainisha hayo baada ya ukaguzi wa kushtukiza uliofanywa na LATRA kwa kushirikiana na Jeshi la Polisi Kikosi cha Usalama Barabarani, katika Kituo cha Mabasi Magufuli Jijini Dar es Salaam Disemba 21, 2024.

Lengo likiwa ni kuangalia hali ya usafiri na kuimarisha usalama wa vyombo vya usafiri kipindi cha Sikukuu za mwisho wa mwaka, pamoja na kuangazia utekelezaji wa masharti ya leseni ikiwemo matumizi sahihi ya Kitufe cha Utambuzi wa Dereva (i- Button), matumizi sahihi ya Tiketi mtandao pamoja na Jeshi la Polisi kupima kiwango cha ulevi kwa madereva wa mabasi ya masafa marefu.

“Ni jukumu letu kuhakikisha mabasi yapo na abiria wanasafiri kwa nauli tuliyopanga, na tumebaini kuwa hali ni nzuri na abiria wote wamesafiri usiku na asubuhi ya leo tumekagua nakuona tiketi zimetolewa lakini kuna tatizo dogo kwa abiria wanaoshuka njiani, mfano abiria wanaopanda magari yanayokwenda Musoma na kushuka Morogoro hawapewi tiketi na hii ni hatari kwa usalama wao,”amesema CPA Suluo.

Amewasihi abiria kutumia Mfumo wa P*S unaopatikana kwa anwani ya https://pis.latra.go.tz/ ili kufahamu mwendokasi wa basi na endapo watabaini mwendo hatarishi wa dereva, wapige simu bila malipo kwa LATRA kupitia namba 0800110019 au 0800110020 saa 24 siku zote.

21/12/2024

SERIKALI MBIONI KUKAMILISHA MRADI WA BWAWA LA
NYERERE

*●Utekelezaji wake kwa Ujumla wafikia asilimia 99.55*



Serikali ya Rais Dkt. Samia Suluhu Hassan kupitia Uongozi wa Shirika la Umeme Tanzania ( TANESCO) hivi karibuni umetembelea Mradi wa Kufua umeme wa Bwawa la Julius Nyerere kujionea kasi ya maendeleo ya ujenzi unavyoendelea na kuweka mkazo kwa wasimamizi kuhakikisha usimikaji wa mashine nne zilizobakia unafanyika ipasavyo ili umeme utakapozalishwa uingizwe kwenye Gridi ya Taifa kwa mafanikio yatakayoleta tija inayotarajiwa kwa watumiaji wa umeme.

Akizungumza wakati wa Ziara hiyo Mkurugenzi Mtendaji wa Shirika hilo Mha. Gissima Nyamo-Hanga amesema kwa sasa jumla ya mashine tano (05) zimekamilika kwa asilimia 100 yaani mashine namba 9, 8, 7, 6 na 5 na tayari zimeanza uzalishaji wa umeme.

" Tumetembelea mradi huu kujionea shughuli zinazoendelea na kuweka msisitizo wa usimamizi bora kwa maeneo ambayo bado hayajakamilika ambapo utekelezaji kwa ujumla umefikia asilimia 99.55 huku shughuli za uzalishaji wa umeme zikiwa zimeanza na wastani wa megawati 1175 zinazozalishwa kutoka mashine tano za mradi huu zimeingizwa kwenye grid ya Taifa " ameeleza Mha. Gissima.

Amebainisha kuwa utekelezaji wa usimikaji wa mashine namba 4 umefikia asilimia 100 ambapo kwa sasa mashine hiyo ipo kwenye majaribio huku mashine namba 3 ikiwa kwenye asilimia zaidi ya 87 za usimikwaji, asilimia ambazo zinadhihirisha kuwa kiwango cha utendaji kazi ni kizuri .

Amewahimiza wasimamizi wa mradi kuhakikisha wanaendeleza bidii kusimamia maeneo ambayo bado hayajakamilika kuhakikisha kazi inafanyika kwa viwango vilivyoainishwa wakati wa usanifu wa mradi huo.

" Niwaombe msimamie vizuri kuhakikisha ufanyaji kazi wa mashine unakuwa ni mzuri ili umeme unaoendelea kuzalishwa unapoungwa kwenye Gridi ya Taifa usilete changamoto yoyote " amesisitiza Mha. Gissima.

Katika hatua nyingine, Mha. Gissima ameishukuru , Serikali ya awamu ya sita inayoongozwa na Rais wa Jamhuri ya Muungano wa Tanzania Rais Dkt. Samia Suluhu Hassan pamoja na Wizara ya Nishati na viongozi wake wote kwa namna ambavyo mara zote imeunga mkono kwa kutoa fedha na ushirikiano katika kusimamia utekelezaji

21/12/2024

JITIHADA ZA RAIS SAMIA SEKTA YA UTALII ZASAIDIA ONGEZEKO LA MAPATO YA SH.BILIONI 3.4



Serikali ya Jamhuri ya Muungano wa Tanzania, chini ya Uongozi mahiri wa Rais Dkt. Samia Suluhu Hassan, umefanya juhudi za dhati na maono ya mbali katika kuendeleza Sekta ya Maliasili na Utalii na hivyo kusaidia kuongezeka kwa mapato yatokanayo na Utalii wa Kimataifa kwa asilimia 68.2 kutoka Dola za Marekani Bilioni 2.0 kwa mwaka 2021 hadi Shilingi Bilioni 3.4 mwaka 2023.

Pamoja na kuongezeka kwa pato la Taifa, pia jitihada hizo za Rais Samia, zimewezesha kuongezeka kwa idadi ya Watalii wa Kimataifa kwa asilimia 96 kutoka Watalii 922,692 kwa mwaka 2021 hadi Watalii 1,808,205 mwaka 2023.

Waziri Mkuu Kassim Majaliwa, ameyasema hayo Disemba 20, 2024 wakati akizindua Tuzo za Uhifadhi na Utalii Jijini Arusha ambapo amesema, jitihada za Rais Samia zimesaidia kuinua Sekta hiyo na kukuza Uchumi wa Taifa.

Amesema kuwa, Serikali itaendelea kubuni mikakati ya kuimarisha Sekta ya Maliasili na Utalii kwa kuwa sekta hiyo ni nguzo muhimu kwa uchumi wa Taifa.

Waziri Majaliwa ameiagiza Wizara ya Maliasili na Utalii kuhakikisha inaweka vigezo vya wazi na vinavyojulikana vya uteuzi na upokeaji wa tuzo za uhifadhi na Utalii.

Vigezo hivyo, pamoja na mambo mengine viwe vinavyozingatia ubora katika uhifadhi wa mazingira, huduma za utalii, usimamizi wa hifadhi za Wanyama na uendelezaji wa maeneo ya utalii.

Tuzo hizo zinalengo la kuchochea ushindani kati ya wadau wa Sekta ya Maliasili na Utalii nchini na kwamba, Sekta ya Maliasili na Utalii ni chanzo kikubwa cha mapato ya Taifa kwa kuwa inahusisha shughuli nyingi za kiuchumi.

“Sekta hii peke yake inachangia asilimia 21.5 katika pato ghafi la Taifa ambapo asilimia 17.2 ni utalii, asilimia 4.3 ni misitu na nyuki”. amesema Majaliwa.

Amesema kuwa, Sekta hiyo inachangia asilimia 30.9 ya mapato ya fedha za kigeni ambapo asilimia 25 yanatokana na utalii na asilimia 5.9 ni misitu na nyuki.

Naye, Waziri wa Maliasili na Utalii Balozi Dkt. Pindi Chana amempongeza Rais Dkt. Samia kwa namna mnavyojitoa katika kuhakikisha Sekta ya Maliasili na Utalii inaendelea kukuwa kwa kasi.

* *

21/12/2024

UWT TAIFA YAMPONGEZA RAIS SAMIA KWA MABORESHO BANDARI YA TANGA



Jumuiya ya Umoja wa Wanawake wa Chama Cha Mapinduzi (UWT) imepongeza utekelezaji wa miradi unaofanywa na Serikali ya Rais Dkt. Samia Suluhu Hassan ikiwemo ya kimkakati, inayochochea maendeleo ya wananchi na taifa kwa ujumla.

Pongezi hizo zimetolewa wiki hii wakati wajumbe wa kikao cha Jumuiya hiyo walipoitembelea bandari ya Tanga na kujionea maboresho yaliyofanywa na Serikali ya awamu ya sita chini ya Rais Dkt.Samia kwa gharama ya Shilingi bilioni 429, hali iliyotengeneza ajira zaidi ya 19,000.

Mwenyekiti wa UWT Taifa, Mary Chatanda, ameongoza wajumbe wa UWT kutoka mikoa mbalimbali nchini, kutembelea bandari hiyo.

Amesema Jumuiya hiyo itaendelea kuhamasisha na kueneza taarifa kuhusu jitihada zinazofanywa na Serikali katika maeneo mbalimbali, lengo likiwa ni kuwajulisha wananchi kuhusu ufanisi wa mikakati inayolenga kukuza uchumi wa watu na Taifa kwa ujumla.

Naye Mkuu wa Mkoa wa Tanga, Balozi Dk Batilda Burian, amesema maboresho ya bandari hiyo yameleta tija ikiwemo uamuzi wa Wizara ya Kilimo kuiidhinisha itumike kusafirisha mazao k**a mkonge, korosho na kahawa.

Pia amesema maboresho ya bandari hiyo yameongeza ufanisi na kurahisisha upakiaji na upakuaji wa mizigo kwa kupunguza muda wa kushusha mizigo bandarini.

“Ushushaji wa mizigo sasa unafanyika kwa muda wa siku tatu hadi tano, kutokana na kuwa na mawakala wanaohitajika kukamilisha zoezi la ushushaji wanapatikana kwenye jengo moja," amesema Balozi Dkt Batilda.

Kwa upande wake, Makamu Mwenyekiti wa UWT, Zainab Khamis Shomari, amethibitisha uwepo wa mabadiliko ya maendeleo mkoani Tanga, tofauti na miaka iliyopita.

Amesema mabadiliko hayo yamechangiwa na miradi ya kimkakati ikiwemo bandari ambayo sasa inatajwa kuwa ya pili kwa ukusanyaji wa mapato nchini, ikitanguliwa na Dar es Salaam.

* *

19/12/2024

MAFANIKIO YA RAIS SAMIA KATIKA UWEKEZAJI WA DP WORLD YAONEKANA.

*●Serikali yakusanya Sh.Bilioni 325 ndani ya miezi mitano*



Serikali ya Jamhuri ya Muungano wa Tanzania, chini ya Rais Dkt. Samia Suluhu Hassan kupitia Msemaji Mkuu wa Serikali, Gerson Msigwa imesifu Uwekezaji mkubwa uliofanywa na DP World katika Bandari ya Dar es Salaam, ikiwa ni moja kati ya Uwekezaji mkubwa uliozaa matunda hapa nchini, kutokana na jitihada za uongozi wa miaka mitatu ya Rais Samia.

Msigwa amesema kuwa, matunda ya Uwekezaji wa DP World katika Bandari ya Dar es Salaam yameanza kuonekana ambapo katika kipindi cha miezi mitano tangu ianze kuendesha Bandari hiyo, Serikali ya Tanzania imekusanya Shilingi. Bilioni 325.

Akiongea Jijini Dar es Salaam Disemba 19,2024, Msigwa amesema, Serikali imeanza kuona matunda matamu ya DP World ndani ya kipindi kifupi sana, tangu kampuni ya DP World Dar es Salaam ianze uendeshaji katika Bandari ya Dar es Salaam mwezi April 2024, tumepata mafanikio makubwa.

Ameyataja mafanikio hayo kwa mujibu wa mkataba kampuni ya DP World ambayo kwetu Tanzania inakuwa DP World Dar es Salaam inapaswa kuwekeza Dola za Marekani Milioni 250 sawa na Shilingi Bilioni 675 katika kipindi cha miaka mitano, na kwamba katika kipindi cha miezi mitano tu tayari kampuni hii imeshawekeza Shilingi Bilioni 214.425 na hii ni sawa na 31% ya uwekezaji tuliotarajia katika kipindi cha miaka mitano.

“Maana yake huko nyuma kulikuwa na maneno tumeweka Wasanii sijui nini watakuja sasa hapa kwa lugha ya Kikinga 'we mean ' business na tutasimamia mkataba huu kuhakikisha maslahi ya Watanzania yanalindwa” amesema Msigwa.

Ameongeza kuwa, ukarabati wa mitambo iliyokuwa ya TPA imefanyika na usimikaji wa mifumo ya TEHAMA ya uendeshaji wa Bandari umefanyika, sasa manufaa mengine ambayo wakati ule yalikuwa yakiimbwa sana na kuitwa Wasanii na mambo mengine mengi.

“Wastani wa muda wa meli kusubiri wakati ule meli zetu zilikuwa zinasubiri siku 46 nyingine hadi siku 70 lakini sasa hivi meli zinasubiri kwa siku 7 maana yake tunapunguza gharama ambazo Serikali kupitia TPA imekuwa ikiwalipa wenye meli kutokana na meli zao kusubiri muda mrefu kushusha mizigo, na hiyo ni wastani lakini zipo

19/12/2024

SERIKALI YA AWAMU YA SITA NA MAFANIKIO KATIKA SEKTA YA HABARI NCHINI



Miongoni mwa mafanikio yaliyopatikana katika Sekta ya Habari katika kipindi cha mitatu ya Uongozi wa Rais Dkt. Samia Suluhu Hassan, yametajwa kuwa ni pamoja na marekebisho ya Sheria ya Huduma za Habari Sura ya 229, ya kuwaondolea wamiliki wa mitambo ya uchapishaji katika masuala ya kashfa na uchochezi kwa kuwa hawana uwezo wa kuingilia maudhui.

Akizungumzia mafanikio hayo wakati wa Mkutano wake wa kwanza na Waandishi wa Habari, Disemba 18, 2024 Jijini Dar es Salaam, tangu alipoteuliwa na Rais wa Jamhuri ya Muungano wa Tanzania, Dkt. Samia, kushika nafasi hiyo, Waziri wa Sheria na Katiba, Prof. Palamagamba Kabudi amesema kuwa, Serikali ilikutana na wadau na kufanya marekebisho hayo.

Amesema, mabadiliko haya yamesaidia kuwaongezea uhuru Wanahabari na kuwafanya kutokuwa na hofu za kijinai kwa makosa ya kashfa na kwamba, hayo ni mafanikio makubwa katika Sekta ya Habari.

Katika mkutano huo, wadau mbalimbali waliweza kupata nafasi za kuelezea kwa ufupi changamoto katika Sekta ya Habari, ambapo wametaja kuwa ni pamoja na kuyumba kwa uchumi wa Vyombo vya Habari, Waandishi wa Habari kukosa mikataba ya ajira, Sera ya habari kuhusu uwekezaji, mafao ya uzeeni na kukua kwa Teknolojia ya Habari na Mawasiliano ni miongoni mwa mambo ambayo Profesa Palamagamba Kabudi ameahidi kuyashughulikia.

Awali akizungumza katika mkutano huo, Katibu Mtendaji wa Baraza la Habari Tanzania (MCT), Ernest Sungura amesema, licha ya mafanikio yaliyopatikana, bado kuna mapendekezo 12 waliyopeleka ya kuboresha Sheria ya Huduma za Habari hayakufanyiwa kazi.

“Mwaka jana maboresho 21 tuliyoyaomba, tisa yalikubalika yakapitishwa na Bunge, lakini 12 yalitolewa maelezo kwamba yaende kwenye Sera ya Habari ya 2003, kwa hiyo tunaamini chini ya uongozi huu mpya mapitio hayo yataharakishwa,” amesema Sungura.

Amesema, ni matumaini kwa Wanahabari kuwa, kwa kumpata Waziri Prof. Kabudi, mapendekezo hayo yatafanyiwakazi kwa haraka zaidi.

* *

19/12/2024

SERIKALI YA DKT. SAMIA YATOA MIEZI MIWILI KWA NIDA KUSAMBAZA VITAMBULISHO KWA WANANCHI



Serikali ya Jamhuri ya Muungano wa Tanzania, inayoongozwa na Rais. Dkt. Samia Suluhu Hassan, imetoa miezi miwili kwa Mamlaka ya Vitambulisho vya Taifa (NIDA) kuhakikisha vitambulisho 1,200,000 (Milioni moja na laki mbili) ambavyo tayari vimeshatengenezwa, vinasambazwa na kuwafikia Wananchi.

Agizo hilo ni moja ya mikakati ya Rais wa Awamu ya Sita, Dkt. Samia Suluhu Hassan, katika kuhakikisha kila Mtanzania aliyefikia umri wa kupata kitambulisho ya Utaifa, anapatiwa, sambamba na kufanyika kwa marekebisho kwa vitambulisho vya awali vyenye karoso ikiwemo kufutika maandishi.

Waziri wa Mambo ya Ndani ya Nchi, Innocent Bashungwa, ametoa agizo hilo Disemba 17, 2024 Jijini Dar es Salaam katika ziara ya kikazi ya kutembelea na kujionea utendaji kazi wa Mamlaka hiyo.

“Niwajibu wenu (NIDA) kuhakikisha kadi hizi mnazifutilia na zinawafikia walengwa ndani ya miezi miwili kuanzia sasa", nitakapo rudi na kuomba taarifa ya kadi hizi zilizozalishwa nataka ziwe zimewafikia Walengwa,” amesisiza Bashungwa.

Waziri Bashungwa ameiagiza NIDA kuhakikisha inatengeneza vitambulisho vipya bila gharama yoyote wala usumbufu kwa baadhi ya Watanzania ambao Vitambulisho vyao vilifutika maandishi kutoka na tatizo lililotokea katika Uzalishaji.

Aidha, ameitaka NIDA kuboresha utoaji wa huduma kwa Wananchi na kuondokana na tabia ya urasimu ambapo ameiagiza Menejimenti kuanza kuwachukuliwa hatua baadhi ya Watumishi wazembe ambao hawatoi huduma nzuri kwa Watanzania.

* *

16/12/2024

Makala fupi

MIAKA MITATU YA RAIS SAMIA NA MAFANIKIO YA WIZARA YA AFYA KATIKA UTOAJI HUDUMA



Katika kipindi cha Miaka mitatu ya Uongozi wa Rais Dkt Samia Suluhu Hassan, Rais wa Jamhuri ya Muungano wa Tanzania, Sekta ya afya imepatiwa kiasi cha Shilingi Trilion 6.722 kwa ajili ya kutekeleza vipaumbele mbalimbali ili kuimarisha huduma za afya nchini ambapo Wizara ya Afya imetekeleza kwa mafanikio makubwa majukumu yake, ikijikita katika maeneo Makuu mbalimbali.

Utekelezaji wa majukumu haya unatokana na jitihada zinazofanywa na Rais Samia, kutokana na maono yake, utu na mapenzi mema ya kutaka kuona wananchi wake wanakuwa na Afya njema.

Kwa mujibu wa tovuti ya Wizara ya Afya imeeleza kuwa, kutolewa kwa kiasi hicho cha fedha, Wizara ya Afya imeweza kutekeleza Miradi kadhaa katika kipindi cha miaka mitatu ya uongozi wa Rais Samia ambayo ni pamoja na Miundombinu ya kutolea Huduma za Afya nchini, kuimarisha upatikanaji wa dawa na bidhaa nyingine za afya.

Upatikanaji wa huduma za Ubingwa na Ubingwa Bobezi nchini, kuimarisha huduma za Uchunguzi wa magonjwa ikiwemo huduma za Mionzi na kuimarisha Huduma za Afya ya Uzazi.

Huduma nyingine zilizoimarishwa ni huduma ya Mama na Mtoto, kudhibiti maambukizi ya Ukimwi, Kifua Kikuu, Malaria na Magonjwa ya mlipuko, Ajira kwa Watumishi na Ufadhili wa Wanafunzi katika ngazi na fani mbalimbali pamoja na kupitishwa kwa Sheria ya Bima ya Afya kwa wote.

*Kuimarisha huduma za dharura na ajali*

Mbali na mafanikio hayo ya Sekta ya Afya katika Uongozi wa Rais Dkt. Samia, pia utekelezaji wa miradi hiyo uliwezesha kuongeza majengo ya Huduma za Dharura (EMD) kwa kukamilisha ujenzi wa majengo 23 ya kutoa huduma za dharura (EMD) katika Hospitali Maalumu za Kanda na Mikoa na kuziwekea vifaa na vifaa tiba.

Aidha kwa upande wa ngazi ya msingi, ujenzi wa majengo ya dharura (EMD) majengo 82 katika ngazi
za Halmashauri unaendelea, ambapo EMD 66 zimekamilika na zinatoa huduma.

Jitihada za Rais Samia, zimewezesha kupatikana kwa huduma za kipimo cha CT Scan zimeweza kupatikana katika Hospitali 27 kati ya Hospitali 28 za Rufaa za Mikoa nchini ambapo kwa mwaka 2023, jumla ya wagonjwa 15,386 walipatiwa huduma za kipimo cha CT Scan

15/12/2024

SERIKALI YA RAIS SAMIA YABORESHEA WANANCHI BUSTANI YA UTALII TABORA



Kila Mtanzania anayo haki ya kufurahia rasilimali za nchi yake na katika kulifanikisha hilo Serikali ya Rais Dkt. Samia Suluhu Hassan imetoa zaidi ya shilingi Millioni 220 kwa Mamlaka ya Usimamizi wa Wanyamapori Tanzania (TAWA) kwa ajili ya kuboresho miundombinu ya utalii ndani ya bustani ya wanyamapori hai iliyopo mkoani Tabora.

Miundombinu iliyoboreshwa ndani ya bustani hiyo ni jengo la wananchi kupata taarifa za vivutio vya utalii vinavyopatikana katika bustani hiyo na Kanda ya Magharibi Kwa ujumla (Visitors Information Centre - VIC), vyoo vya kisasa kwa ajili ya wageni na mabanda ya wanyamapori walao nyama (Simba, Chui, Duma)

Maboresho hayo pia yameongeza tija katika makusanyo ya mapato, ambapo kabla ya maboresho TAWA ilikuwa inakusanya Tsh Millioni 1 kwa mwaka, lakini baada ya maboresho sasa wanakusanya kiasi kisichopungua Tsh Millioni 50 kwa Mwaka.

* *

14/12/2024

MNADA WA VITO MIRERANI, KUIINGIZIA SERIKALI BIL 3.1



Serikali ya Jamhuri ya Muungano wa Tanzania, chini ya Uongozi wa Rais Dkt. Samia Suluhu Hassan, inatarajia kuuza gramu 184.06 za madini mbalimbali ya vito yenye thamani inayokadiriwa kufikia Shilingi Bilioni 3.1 kupitia mnada, katika mji mdogo wa Mirerani Wilayani Simanjiro, Mkoa wa Manyara.

Utaratibu huo wa uuzaji madini kwa njia ya Mnada, ni mkakati wa Serikali ya Awamu ya Sita ya Rais Samia, katika kuhakikisha Sekta ya Madini inakuwa sambamba na kudhibiti utoroshwaji wa madini nje ya nchi.

Mnada huo wa kwanza wa ndani wa madini ya vito, unaendeshwa kwa njia ya Kidijitali, ambayo imetoa nafasi kwa wafanyabiashara wa Madini kutoka maeneo mbalimbali nchini kushiriki kwa njia ya mtandao.

Waziri wa Madini, Anthony Mavunde amekuwa mgeni rasmi kwenye mnada huo wa Madini ya vito, mnada ambao ulisimama kwa muda na hatimae kuzinduliwa Disemba 14, 2024, katika Mji mdogo wa Mirerani.

Mavunde amesema, utaratibu wa kufanya mnada huo ni jitihada za Serikali za kudhibiti utoroshwaji wa madini hayo nje ya nchi na pia kuwasaidia wachimbaji kuuza madini yao kwa bei ya ushindani inayoendana na Soko la Dunia.

“Serikali imedhamiria kudhibiti utoroshwaji wa Madini, lakini pia kuuza kwa njia ya mnada itasadia kuyaongezea thamani ambapo madini yanafanyiwa mnada k**a mkakati wa kuyatangaza na kuyaongezea thamani Kimataifa, amesema Waziri Mavunde.

Awali alipotoa taarifa ya mnada huo, Waziri Mavunde ameeleza kuwa, mnada huo utashirikisha wanunuzi kutoka ndani na nje ya nchi na atakayenunua madini hayo katika mnada ni atakayeshinda bei iliyowekwa.

Mnada huu utaendeshwa kwa usalama mkubwa kwa kuwa madini hayo hususan Tanzanite yana thamani kubwa. Serikali imeimarisha ulinzi ili kujihadhari na watu wasio waaminifu,”amesema Waziri Mavunde.

Aidha, amesema mnada huo utaiwezesha Serikali kupata mrabaha stahiki na kodi kwa uwazi ili kuchangia pato la Taifa na kuimarisha ulinzi na usalama kwa wauzaji, wanunuzi na mali zao.

Minada k**a hiyo pia hufanyika kwa nchi za Afrika zenye madini ya vito k**a vile Zambia (emerald), Zimbabwe (almasi) na Afrika Kusini (almasi).

* *

13/12/2024

SERIKALI YA SAMIA YAIMARISHA THAMANI YA SHILINGI MBELE YA DOLA YA MAREKANI



Serikali ya Rais Dkt. Samia Suluhu Hassan imeendelea kufanya mambo makubwa, ambapo sasa imeweza kuongeza uwezo wa kuuza bidhaa zake nje ya nchi hatua inayotajwa kusaidia kuongeza fedha za kigeni na kuimarisha thamani ya shilingi mbele ya dola ya Marekani.

Katika kipindi cha miezi mitatu iliyopita, thamani ya Dola ya Marekani imepungua katika soko la fedha la kimataifa kiasi cha kuzua mjadala miongoni mwa wataalam wa masuala ya uchumi na fedha, huku baadhi wakitaja kuongezeka kwa mauzo ya bidhaa nje ya nchi k**a kichocheo cha kuimarika kwa shilingi ya Tanzania.

Utafiti unaonyesha bidhaa za kilimo k**a korosho na parachichi, pamoja na mauzo ya dhahabu, vimechangia kwa kiasi kikubwa kuongeza mapato ya fedha za kigeni.

Ripoti kutoka Benki Kuu ya Tanzania (BoT) zinaonyesha kuwa katika mwaka ulioishia Julai 2024, Tanzania ilikusanya shilingi trilioni 34 kutoka kwa mauzo ya bidhaa na huduma nje ya nchi, ongezeko ambalo limeimarisha uthabiti wa shilingi dhidi ya dola ya Marekani.

Pia inaonyesha sekta ya utalii, ambayo ni mojawapo ya nguzo kuu za uchumi wa Tanzania, nayo imeonyesha ukuaji wa kasi.

“Kwa mujibu wa Kituo cha Uwekezaji Tanzania (TIC), katika robo ya kwanza ya mwaka wa fedha 2024 pekee, Tanzania ilivutia uwekezaji wa moja kwa moja kutoka nje (FDI) wenye thamani ya dola bilioni moja za Marekani ikiwa ni ongezeko la asilimia 53 ukilinganisha na kipindi k**a hicho mwaka jana.”

Sababu nyingine zilizochangia hatua hiyo ni mikakati thabiti ya kifedha inayotekelezwa na Benki Kuu ya Tanzania (BoT) imesaidia kudhibiti mfumuko wa bei, ambao umekuwa katika kiwango cha asilimia 3-5, kiwango kinachokubalika kimataifa kwa uchumi imara.

“Kupitia usimamizi makini wa mzunguko wa fedha, BoT imehakikisha kuwa Tanzania inaendelea kuwa na mazingira mazuri ya kiuchumi kwa wawekezaji wa ndani na nje. Hii imesaidia kuongeza imani ya wawekezaji na kuimarisha zaidi thamani ya shilingi.

* *

12/12/2024

'KWA SASA HAKUNA MBADALA WA DKT. SAMIA'



Mwanasiasa nguli na mwenye hoja nzito ambae ana uzoefu wa siasa za upinzani kwa miaka mingi, Mchungaji Peter Msigwa, ameweka wazi kuwa hamwoni mwanasiasa yeyote kutoka chama kingine anaeweza kuwa mbadala wa CCM na Rais Dkt. Samia Suluhu Hassan.

Msigwa ameandika kwenye ukurasa wake wa mitandao ya kijamii, kuwa: Nimechunguza,nimetafiti,nimetafakari,nimelinganisha, nimetofautisha,nimejiridhisha na kutoka na hitimisho kuwa Tanzania iko salama mikononi mwa CCM chini ya uongozi wa Dr SSH.

Kwa sasa hakuna chama kingine cha siasa kinaweza kuwa mbadala wa CCM. Amehitimisha andiko lake hilo na kisha kuweka picha ya Rais Dkt. Samia.

* *

11/12/2024

10/12/2024

Na hii mnaitajee huko

09/12/2024

Mnaitaje kwenu hukoo

08/12/2024

UVCCM MKOA WA KAGERA YAZINDUA NA KUKABIDHI NYUMBA YA MAMA ASIMWE.

📍Izigo_Muleba

Mwenyekiti wa UVCCM Mkoa wa Kagera Comrade Faris Buruhani, ameongoza uzinduzi na makabidhiano ya nyumba ya Mama Asimwe sambamba na chumba kimoja cha biashara. Tukio hilo limefanyika leo tarehe 07/12/2024 katika kata ya Izigo, wilaya ya Muleba.

Makabidhiano hayo yamekuja baada ya ukamilishaji wa ahadi ya Umoja wa Vijana wa CCM mkoa wa Kagera kwa Mama Asimwe, ya kumboreshea mazingira yake ya kuishi kwa kumjengea nyumba ya kuishi na chumba kimoja cha biashara.

Ni miezi 6 sasa imepita tangu tukio la ajabu na la kikatili la Mauaji ya Mtoto asiye na hatia Asimwe Novat, aliyekuwa na ulemavu wa ngozi (Albino) litokee na kuacha simanzi kubwa kwa mwana dada Judith Richard (Mama Asimwe) na jamii nzima ya watanzania.

03/12/2024

Shirika Lisilo la Kiserikali la CBIDO limefanya Maadhimisho ya Siku ya watu wenye Ulemavu katika kata ya Kamagambo wilayani Karagwe. Maadhimisho hayo yamefanyika huku watu wenye Ulemavu wakipatiwa Matibabu na Vipimo mbalimbali sambamba na elimu ya kuwatunza watu Wenye Ulemavu.