https://www.facebook.com/108421264289435/

Busokelo Tv

Home
Tanzania
Mbeya
Busokelo Tv

Karibu katika ukurasa huu maalumu katika kutoa taarifa na habari mbalimbali ambazo huzipati mahala p

08/09/2024

Mnaitajee huko

30/08/2024

Mmeona nini wadau wa Busokelo Tv

30/08/2024

Na hii mnaitaje huko kwenu

30/08/2024

Mnaitajee hukoo?.

29/08/2024

MWENGE WA UHURU WAWEKA JIWE LA MSINGI DARAJA LA NTABA-ILAMBA

Mwenge wa Uhuru Umetembelea na Kukagua Ujenzi wa Daraja la Ilamba-Ntaba linalogharimu Milioni 500 za Kitanzania.

Kiongozi wa Mbio za Mwenge wa Uhuru Kitaifa Godfrey Mzava amesema kuwa Daraja hilo ni mkombozi kwa wananchi na lengo la serikali ni kurahisisha mawasiliano hivyo mkandarasi ahakikishe muda wa kumaliza kazi kusiwe na sababu nyingine.

Mbunge wa Busokelo Atupele Mwakibete,amemshukuru Rais wa Jamhuri ya Muungano wa Tanzania kwa Kusikia kilio cha wananchi hatimae Daraja hilo limejengwa na kufungua mawasiliano Kata ya Ntaba na Kata zingine.

28/08/2024

Kyela

Mwenge wa Uhuru umetembelea na Kukagua Maendeleo ya Mradi wa Zahanati ya Ndandalo ambao Ulizinduliwa na Mwenge Mwaka Jana.

Mradi huo uliogharimu Shilingi 141,243,360 Za Kitanzania umekua mkombozi kwa wananchi wa kata zaidi ya Nne zilizopo Mjini ambao walikua wakipata Matibabu Hospitali ya Wilaya ya Kyela.

Baada ya Kupata Taarifa ya Maendeleo na Kufanya Ukaguzi,Kiongozi wa Mbio za Mwenge wa Uhuru Kitaifa Godfrey Mzava,amesema kuwa Ameridhishwa na Mradi ambao umelenga dhana ya uendelezwaji pindi unapozinduliwa na Mwenge wa Uhuru.

Mwenge wa Uhuru,unaendelea kukagua na Kutembelea miradi ya Maendeleo ndani ya Wilaya ya Kyela,Endelea Kufuatilia Busokelo Tv kwa Taarifa zaidi.

28/08/2024

Kyela

Mkuu wa Wilaya ya Kyela Bi.Josephine Manase amepokea Mwenge wa Uhuru Toka kwa Mkuu wa Wilaya ya Rungwe Jaffar Haniu,ambapo Mwenge wa Uhuru Wilayani Kyela Utakimbizwa Km 100.4na kukagua Miradi ya Maendeleo 7.

14/08/2024

Kada wa Chama Cha Mapinduzi Chikulupi Njelu Kasaka amechukua fomu ya kugombea ubunge wa bunge la Afrika Mashariki (EALA) leo tarehe 14.08.2024. Kada huyo amechukua fomu katika ofisi ya Chama Cha Mapinduzi iliyopo jijini Dodoma akisindikizwa na makada mbalimbali wa Chama Cha Mapinduzi

Chikulupi Njelu Kasaka ambae kitaaluma ni Mwanasheria na Wakili, ni mbobezi wa masuala ya siasa, utawala na diplomasia mwenye uzoefu wa zaidi ya miaka 12 katika mahusiano ya kimataifa na diplomasia.

Chikulupi amekitumikia Chama Cha Mapinduzi katika nyanja tofauti na pia ni mjumbe katika k**ati mbalimbali.

Baada ya kuchukua fomu hiyo Chikulupi Kasaka akiongea na waandishi wa habari ameishukuru serikali ya awamu ya sita chini ya Rais Dr Samia Suluhu Hassan kwa juhudi mbalimbali anazofanya katika kukuza umoja na uchumi katika jumuia ya Afrika mashariki. Chikulupi ameahidi kuindeleza kazi hiyo ili kuiwezesha nchi yetu kupiga hatua kiuchumi kwa kuimarisha uchumi na fursa kwa vijana na taifa kwa ujumla.

11/08/2024

Mkuu wa Mkoa wa Mbeya Cde:Juma Z. Homera ameongoza Harambee Kwa niaba ya Waziri Mkuu wa Jamhuri ya Muungano wa Tanzania Kassim Majaliwa katika Kanisa la Moravian Tanzania Jimbo la Kusini lililoko Wilayani Rungwe Mkoani Mbeya.

Katika Harambee hiyo zimepatikana kiasi Cha zaidi ya Shilingi Milioni 37 huku RC Homera mwenyewe akichangia Milioni Tano na Nusu na kusindikizwa na Viongozi wengine waliofika na ambao hawakufika.

Katika Hotuba yake ambayo ameisoma kwaniaba ya Waziri Mkuu RC Homera Amesema Tanzania inajali na kuthamini sana Kazi inayofanywa na Taasisi za Kidini ikiwemo Kanisa la Moravian katika kudumisha Amani na Upendo zaidi sana katika Malezi ya Kimwili na Kiroho kwa Watu wa Rika zote.

"Rais wetu Mpendwa ametuma Salamu kwenu na Yeye ndiye aliyenituma Kuja na kushirikiana nanyi katika jambo hili jema na lenye Baraka tele, Mh: Rais amenituma Niwambie kuwa Serikali Iko nanyi bega kwa bega itaendelea kuwasapoti na kuwathamini maana Mchango wenu kwenye hili Taifa ni Mkubwa Mnoo" Ameyasoma RC Homera.

09/08/2024

*MATUKIO KATIKA PICHA*

Spika wa Bunge la Jamhuri ya Muungano wa Tanzania ambaye pia ni Rais wa Umoja wa Mabunge Duniani (IPU) na Mbunge wa Mbeya Mjini, Mhe. Dkt. Tulia Ackson, tarehe 8 Agosti, 2024 akiwa na Wananchi na Wafanyabiashara wa soko la Igawilo Jijini Mbeya mara baada ya kufanya mazungumzo na Wafanyabiashara wa soko hilo kwa lengo la kusikiliza kero zao na kuzitafutia ufumbuzi. .ackson

08/08/2024

JKT TANZANIA YAIGALAGAZA KEN GOLD FC MICHUANO YA SAMIA MBEYA PRE-SEASON CUP.

Timu ya JKT Tanzania imeibuka Kidedea katika Michuano ya Samia Mbeya Pre-Season Super cup iliyoandaliwa na Mkuu wa Mkoa wa Mbeya Cde: Juma Z. Homera na hii ni Baada ya kuinyuka Timu ya Ken Gold magoli Mawili kwa Moja(2-1)katika Uwanja wa Kipija Arena Halmashauri ya Wilaya ya Kyela na kujitwalia Kombe na kiasi Cha Sh.Milioni Tano na Medali ya dhahabu

RC Juma Zuberi Homera amekabidhi zawadi hizo kwa Mshindi wa Kwanza wapili Watatu mapak Wanne Kisha akawausia kuongeza bidii na jitihada katika Mazeozi na kuendelea kujifunza mbinu za kimichezo ili kujiweka katika Nafasi Nzuri kwenye michuano mbalmbali.

Aidha Homera amezipongeza Timu zote zilizoshiriki na kuahidi k**a muaandaaji wa Michuano hii ataendelea kufanya Maboresho Kila Mwaka hasa katika Ubora wa zawadi na kuzishirikisha Timu kubwa zinazoshiriki michuano mikubwa nchini na Afrika kwa Ujumla.

Mbali na Timu ya JKT Tanzania kushika Nafasi ya Kwanza lakini ya Ken Gold Kutoka Chunya imeshika Nafasi ya Pili na kujitwalia kiasi Cha Sh. Milioni Tatu na Medali ya Fedha, Kasala FC ya Kyela imeshika Nafasi ya Tatu na kujinyakulia kiasi Cha Milioni Mbili na Medali ya Shaba na Timu ya Mbeya City Nafasi ya Nne na kujinyakulia kiasi Cha Sh. Laki Tano na timu shiriki katika Michuano hiyo zilikuwa Nane

07/08/2024

Rais Dkt. Samia Suluhu Hassan akizindua jengo Mtambuka la Mafunzo katika Chuo Kikuu cha Sokoine cha Kilimo (SUA) kwenye Kampasi ya Edward Moringe, Mkoani Morogoro tarehe 06 Agosti, 2024.

05/08/2024

Spika wa Bunge la Jamhuri ya Muungano wa Tanzania na Rais wa Umoja wa Mabunge Duniani (IPU), Mhe. Dkt. Tulia Ackson leo amtembelea na kumjulia hali mtoto Debora Saimon aliofanyiwa upasuaji wa kuondolewa uvimbe sehemu ya shingoni katika Hospitali ya Rufaa ya Kanda Mbeya.

Akizungumza mara baada ya kumtembelea na kumjulia hali mtoto Debora, Dkt. Tulia amepongeza watoa huduma wa Hospitali ya Rufaa ya Kanda Mbeya kwa jitihada walizozichukua kwa muda mfupi katika kutoa huduma nzuri, vilevile ameushukuru Uongozi wa Hospitali kwa ushirikiano mzuri anaoendelea kupata pindi kunapojitokeza changaoto za msaada wa kimatibabu kwa wananchi wa Mbeya.

Nae Dkt. Godlove Mbwanji Mkurugenzi Mtendaji wa Hospitali ya Rufaa ya Kanda Mbeya, amemshukuru Mheshimiwa Spika Tulia Ackson kwa kuitembelea Hospitali ya Rufaa ya Kanda Mbeya mara kwa mara na kuendelea kutoa ushirikiano mkubwa katika kuwahudumia wananchi wa Nyanda za Juu Kusini na kueleza kuwa uwekezaji mkubwa uliofanywa na Serikali ya awamu ya 6 chini ya Mhe. Dkt. Samia Suluh Hassan Rais wa Jamhuri ya Muungano wa Tanzania, umeiwezesha hospitali kutoa huduma za uhakika na za kibingwa na kupunguza rufaa za kupelekwa wagonjwa hospitali ta Taifa jijini Dar es Salaam

Hapo awali Mama mlezi wa Deborah Alen Mwakisombole alifika kwenye moja ya mikutano ya hadhara ya Mhe. Dkt. Tulia Ackson katika jimbo lake la Mbeya Mjini na kuomba kusaidiwa matibabu na ya mwanaye huo.

04/08/2024

Naibu Waziri wa Mifugo na Uvuvi Alexander Mnyeti atembelea maonyesho ya wakulima nanenane Morogoro

04/08/2024

Rais wa Jamhuri ya Muungano wa Tanzania Mhe. Samia Suluhu Hassan akifungua Barabara ya Kidatu-Ifakara yenye urefu wa kilomita 66.9 pamoja na Daraja la Mto Ruaha Mkuu lenye urefu wa mita 133 tarehe 4 Agosti, 2024.

Ikulu Mawasiliano Ikulu habari Zanzibar

03/08/2024

Dr. Stephen Isaac Mwakajumilo .stephenisaac founder and Chairman of the Ukombozi wa Fikra Afrika( Uwafia), recently he was in Nairobi for the invitation of Prof. PLO Lumumba , the Founder and Chairman of the PLO Lumumba Foundation for the tete a tete issues on Africans Mindset Liberation.

03/08/2024

Rais Samia SULUHU HASSAN azindua Bwawa la umwagiliaji na Awamu ya tatu ya upanuzi wa mashamba ya Kiwanda cha Sukari Mtibwa Mkoani Morogoro

03/08/2024

Rais SAMIA SULUHU HASSAN RAIS WA JAMHURI YA MUUNGANO WA TANZANIA AZINDUA RASMI DARAJA LA BEREGA KILOSA.

Rais wa Jamhuri ya Muungano wa Tanzania Mhe. Dkt. Samia Suluhu Hassan amezindua rasmi Daraja la Berega na kisha kuzungumza na Wananchi katika viwanja vya Berega, Wilayani Kilosa

Dkt Samia Suluhu Hassan ameanza rasmi ziara ya Kikazi Mkoani Morogoro tarehe 02 Agosti, 2024.

Taariza Zaidi Tutakujuza hivi punde.... Subscribe YouTube na Tufolllow kwenye Page zetu za Mitandao ya Kijamii Facebook, Instagram, Twitter na TikTok

29/07/2024

🔴TANZIA

▪️AFANDE MWANGUKU ATUTOKA

KAMISHNA Jenerali wa Jeshi la Magereza nchini,Mzee Ramadhani Nyamka anasikitika kutangaza kifo cha aliyekuwa Kamishna Mkuu wa Jeshi la Magereza Tanzania Bara kuanzia Mwaka 1983 hadi 1992(Pichani), Simon Amon Mwanguku kilichotokea Alfajiri tarehe 28 Julai, 2024 katika Hospitali Kuu ya Jeshi la Magereza, KMKGM Ukonga, jijini Dares Salaam.

Jeshi la Magereza kwa kushirikiana na Familia linaendelea kuratibu shughuli zote za mazishi ya Marehemu.

Msiba upo nyumbani kwa Marehemu Segerea, migombani, Jijini Dar es Saalam.
Aidha, ratiba ya mazishi itatolewa baada ya taratibu zote kukamilika.

BWANA ALITOA NA BWANA AMETWAA, JINA LAKE LIHIMIDIWE

26/07/2024

Mbunge wa jimbo la Busokelo Atupele Fredy Mwakibete amefika kata ya Lufilyo ikiwa ni mwaliko wa Halmashauri Kuu ya Chama cha Mapinduzi ya Kata ukiwa ni mwaliko maalum wa Kumpongeza kwa kazi nzuri ya maendeleo ndani ya Kata pamoja na ushiriki wake katika ujenzi wa Ofisi ya Chama Kata hiyo.

Awali Halmashauri Kuu ya CCM kata ya Lufilyo imemkaribisha Mheshimiwa Mwakibete eneo la Ujenzi wa Kituo cha Afya kata ya Lufilyo ili kujionea hali halisi ambapo wamempa taarifa pia juu ya Mchango uliotolewa na Mwenyekiti wa Chama cha Mapinduzi Mkoa wa Mbeya Ndugu Patrick Mwalunenge,shilingi Milioni Kumi ambayo imeendeleza kazi katika jengo la Wagonjwa wa Nje (OPD).

Katika eneo hilo,Diwani wa kata ya Lufilyo Mheshimiwa Lucas Mwamafupa ametoa taarifa ya Ujenzi kwa kifupi na kueleza kuwa hadi sasa fundi anawadai shilingi Milioni moja kwa ajili ya kazi hiyo.

Akiwa eneo la Kituo cha Afya,Mheshimiwa Mwakibete amewapongeza wanalufilyo kwa jitihada hizo na kuwaeleza kuwa jitihada hizo atahakikisha anapeleka ujumbe serikalini ili wananchi hao waungwe mkono katika ujenzi huo,pia ametoa shilingi Milioni Moja wanayodaiwa na fundi ili aendelee na kazi hiyo ya Ujenzi.

Pia Halmashauri Kuu ya CCM Kata ya lufilyo imempeleka Mheshimiwa mbunge eneo la Ujenzi wa ofisi ya kata ambapo Mbunge amefurahishwa na jitihada zao na kuwaomba wafanye tathimini ya eneo lililobaki ili awaunge mkono kwa kuwa kazi hiyo aliianzisha mwenyewe.

Mbali na kutembelea miradi hiyo,wajumbe wa Halmashauri kuu ya CCM Kata ya Lufilyo kwa kauli moja wamempongeza Mbunge kwa kazi njema ndani ya kata yao na jimbo kwa Ujumla ambapo wamesema ndilo lengo kuu la mwaliko wa mbunge katika kata hiyo.

26/07/2024

https://youtu.be/_NTjwHwFWSA?si=DA4lU5EuIVCRY5FB

26/07/2024

MAHAKAMA YAMRESHA MWABUKUSI KUGOMBEA URAIS TLS

Mahak**a Kuu ya Tanzania kanda ya Dar es Salaam leo, Ijumaa Julai 26.2024 imetoa hukumu ya kesi iliyokuwa imefunguliwa na Wakili wa kujitegemea Boniface Mwabukusi dhidi ya TLS (Chama cha Mawakili Tanganyika) ambapo Wakili Mwabukusi alikuwa anapinga maamuzi ya k**ati ya rufani kumuengua kugombea nafasi ya Rais wa chama hicho katika uchaguzi unaotarajiwa kufanyika mapema mwezi ujao

Baada ya kusikiliza hoja za pande zote mbili Mahak**a imeridhika na hoja zilizotolewa na upande wa Mwabukusi ambapo sasa rasmi imetengua maamuzi ya k**ati ya rufani ya TLS, hivyo kwa sasa Wakili Mwabukusi amerejeshwa kugombea nafasi ya Rais wa TLS,

Kwa Habari Zaidi Tembelea Channel ya Busokelo Tv kwa habari zaidi

17/07/2024

Makamu wa Pili wa Rais wa Zanzibar Mhe. Hemed Suleiman Abdulla amesema uwepo wa Maonesho ya Wiki ya elimu ya juu nchini yamekuwa yakiziweka pamoja Taasisi, vyuo na wadau wa elimu ya juu kwa lengo la kutangaza fursa mbali mbali kwa wanafunzi wanaosoma na wanaotarajia kujiunga na vyuo vikuu vya ndani na nje ya Nchi.

Ameyasema hayo wakati wa ufunguzi wa maonesho ya Tano(5) ya wiki ya elimu ya juu Zanzibar yaliyofanyika katika viwanja vya Maisara Mkoa wa Mjini Magharibi.

Mhe. Hemed amesema kupitia maonesho ya wiki ya elimu ya juu wanafunzi hupatiwa fursa mbali mbali za kimasomo ikiwemo upatikanaji wa mikopo, namna ya kujiunga na vyuo vya ndani na nje ya nchi na kutoa hamasa kwa wanafunzi kusoma kwa bidii na kujiendeleza katika ngazi ya elimu ya juu.

Amesema kuwa Serikali ya Mapinduzi ya Zanzibar kupitia ilani ya Chama Cha Mapinduzi ya mwaka 2020-2025, Sera na Dira ya Maendeleo ya mwaka 2050, Wizara ya Elimu na Mafunzo ya Amali Zanzibar imekuwa ikichukua hatua mbali mbali za uboreshaji wa elimu ikiwemo kuweka mageuzi makubwa kuanzia ngazi ya maandalizi hadi elimu ya juu kwa kuwawezesha wanafunzi kupata ujuzi na maarifa baada ya kumaliza masomo yao.

Aidha Serikali imeongeza Bajeti ya Bodi ya Mikopo ya elimu ya juu Zanzibar kutoka fedha za Kitanzania shilingi Bilioni 26.95 kwa mwaka wa fedha 2024 hadi kufikia Bilioni 30.5 kwa mwaka 2025 ambazo zitakwenda kuwanufaisha wanafunzi zaidi ya 7,367 ambapo kwa mara ya kwanza wanafuzi 1,000 wa ngazi ya Diploma watanufaika pia na mikopo hio.

Amefahamisha kuwa Serikali imeendelea kuimarisha huduma kwa wanafunzi wa vyuo vikuu ikiwemo kuwapatia Bima ya Afya pamoja na kuongeza fedha za kujikimu kwa wanafunzi wote wanaosoma Vyuo vya Zanzibar na vyuo vya Tanzania Bara.

Sambamba na hayo Makamu wa Pili wa Rais wa Zanzibar ametoa wito kwa wanafunzi na wananchi kwa ujumla kujitokeza na kuitumia vyema wiki ya maonesho kwa kujielimisha juu ya upatikanaji wa fursa mbali mbali za elimu ndani na nje ya nchi na kuwasisitiza wanafunzi kusoma kwa bidiii na kuzitumia vyema fursa wanazozipata pamoja na kuepuka kutumika kwa misingi yoyote ambayo itapelekea kuvuruga umoja na amani iliyopo nchini

17/07/2024

Ratiba ya Ligi ya Bashungwa Cup July 17

10/07/2024

Aliye Kuwa Katibu Mwenezi CCM Wilaya ya Rungwe Ambokile Osward Mwangumbe Amesema atakatia Rufaa maamuzi ya Halmashauli kuu kimvua uongozi wa nafasi hiyo.

10/07/2024

Mbunge wa Jimbo la Busokelo Atupele Mwakibete amefanya ziara Kata ya Mpata kwa kutembelea vijiji vyote ambapo alizungumza na wananchi juu ya utatuzi wa kero mbalimbali ikiwemo suala la Ukosefu wa Huduma za Mitandao ya simu,vitongoji vilivyokosa Umeme pamoja na Matengenezo ya Barabara zote zilizoharibiwa na mvua hivi karibuni.

Kwa Taarifa zaidi Usikose kutembelea Busokelo Tv.

08/07/2024

https://youtu.be/e8eQDdg1XfU

08/07/2024

Mbunge wa Jimbo la Busokelo Atupele Mwakibete leo ameendelea na ziara ya Kijiji kwa Kijiji ambapo leo ameanza Kata ya Kisegese Kijiji cha Ngeleka kwa kutoa mrejesho wa mambo mbalimbali ikiwemo miundombinu iliyoharibiwa na mbua na kusikiliza kero.

Mbunge ataendelea vijiji vingine vya kata ya Kisegese na Kumalizia Kijiji cha Ntapisi Kata ya Lupata,kwa taarifa zaidi tembelea youtube Busokelo Tv.

07/07/2024

Mbunge wa Jimbo la Busokelo Atupele Mwakibete leo tarehe 7/07/2024 ameendelea na Ziara jimboni ambapo ameanza Mkutano na Wananchi Kata ya Isange Kijiji cha Bumbigi.

Akiwa Eneo hilo Mbunge ametolea ufafanuzi kero za umeme ambapo nguzo zimefikishwa Lwangilo A,Lwangilo B na kititu ambapo mwisho wa wiki Wataalamu wameahidi kuanza kusimika nguzo na kuhusu Barabara zilizoharibiwa na Mvua Mbunge ameahidi kuzirekebisha kwa Jitihada Binafsi kwani si barabara zote zipo kwenye Bajeti ya TARURA kwenye Kijiji hicho.

Kwa Taarifa zaidi Usikose kutembelea Busokelo Tv.

Address

Mbambo
Mbeya
53525

Telephone

+255676506998

Website

facebook.com

Alerts

Be the first to know and let us send you an email when Busokelo Tv posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Busokelo Tv:

Videos

Kaa Tayari, Busokelo TV tutakujuza kila kitu kutoka Dodoma Kwenye Uchaguzi wa Rais wa Tanzania Law Society (TLS) Subscribe na Tu-Follow kwenye Mitandao ya Kijamii kwa Taarifa zaidi #busokelotv

Taarifa zaidi Tembelea Busokelo TV

📸📸📸

Wafanyabiashara wa soko la Sido Jijini Mbeya na Malalamiko ya Kodi

Urembo wa Kucha Kwa Vijana: Kutoka Picha za Instagram hadi kuwa biashara Urembo wa kucha umekuwa biashara inayokua haraka sana, na vijana wengi wanavutiwa kujifunza na kufanya kazi katika sekta hii. Kuanzia na picha za Instagram hadi kuanzisha biashara ya urembo wa kucha inahitaji jitihada, ujuzi, na kujitolea

Utunzaji wa Vyanzo vya Maji kwa Njia ya Kisasa Usimamizi Shirikishi wa Rasilimali za Maji wa kisasa nimchakato ambao unaendeleza uratibu wa matumizi ya maji, ardhi na rasilimili zinazo husiana na hizo. Usimamizi huu Unalenga kuleta manufaa ya hali ya juu zaidi ya kiuchumi na maendeleo ya kijamii kwa kuzingatia usawa bila kuleta athari katika uendelevu wamifumo ikolojia ya maji

Kilimo Cha Mpunga Kilivyo Geuka Fursa kwa Wakazi wa Mbarali Mbarali ni moja kati ya wilaya zilizopo katika Mkoa wa Mbeya nchini Tanzania. Wilaya hii ina mazingira mazuri ya kilimo kutokana na ardhi yenye rutuba na hali ya hewa inayofaa kwa kilimo. Hivyo, kilimo cha mpunga kimekuwa shughuli muhimu na kilichotoa fursa nyingi kwa wakazi wa Mbarali. Hapa kuna maelezo zaidi

Ujenzi wa Shule Shikizi Ulivyo Ongeza Ufaulu kwa Wanafunzi Chunya Ujenzi wa shule shikizi katika Chunya umesaidia kubadilisha mazingira ya elimu na kutoa fursa bora zaidi kwa wanafunzi kufanya vizuri na kufikia ufaulu mzuri. Kuwa na wanafunzi wenzao karibu na kujifunza pamoja huzalisha mazingira ya ushindani wa kielimu na kuhamasisha wanafunzi kufanya vizuri zaidi

Tanzama kijana wa ajabu Obasanjo Luchiano akila Panzi akiwa hai😱😱 Anakwambia anaweza kulala chochote kibichi, kuanzia nyama mbichi, minyoo ardhi (worms), Kaa, Nyoka nk nk Kaa jirani nasi tutakuletea maajabu yake hapa kila tukipata fursa hio Video 🎥 by Director Iamray More 👌 #busokelotv ##kijanawaajabu #iringa #iamraymore #director

Mradi wa BBT Ulivyo Geuka Fursa kwa Vijana

Ujenzi wa Vituo vya Afya Ulivyo Punguza vifo vya Mama Wajawazito Chunya Ujenzi wa vituo vya afya katika Chunya umesaidia kuboresha huduma za afya kwa mama wajawazito na kuchangia kwa kiasi kikubwa katika kupunguza vifo vya mama wajawazito katika eneo hilo Vituo vya afya vina uwezo wa kutoa huduma za dharura kwa mama wajawazito wakati wa matatizo ya kujifungua, na hivyo kuokoa maisha yao

Kifahamu Kilimo cha zao la Ngano Ngano inaweza kutoa mapato mazuri kwa wakulima. Bei za ngano zinaweza kuwa nzuri sokoni, na hii inaweza kusaidia wakulima kuongeza kipato chao. Ngano ni zao la chakula na inaweza kutumiwa kutengeneza mikate, unga, na vyakula vingine vya nafaka. Hii inaifanya kuwa chanzo cha chakula cha msingi kwa idadi kubwa ya watu nchini Tanzania.

Utupaji Taka Ovyo,Unavyo Hatarisha Vyanzo Vya Maji Kumekuwa na Ongezeko la wananchi wa jiji la Mbeya kuwa utupaji taka ovyo,kutokana na hali hiyo imepelekea wananchi kuanza kutupa taka taka kwenye vyanzo vya maji kama Nzovwe

Kilimo cha Michikich Kilivyo Geuka Fursa Kwa Wanannchi Wilayani Kyela Kilimo cha michikichi (palm oil) katika Wilaya ya Kyela, Tanzania, kimegeuka kuwa fursa muhimu kwa wakazi wa eneo hilo kwa njia kadhaa Kilimo cha michikichi kinaweza kutoa mapato mazuri kwa wakulima wa Kyela. Michikichi inatoa mafuta ambayo ni bidhaa muhimu katika tasnia ya chakula na viwanda vingine. Kupanua Uchumi: Kilimo cha michikichi kina uwezo wa kupanua uchumi wa eneo la Kyela kwa kutoa fursa za biashara na ajira katika sekta ya kilimo na usindikaji wa mazao ya michikichi. Uboreshaji wa Lishe: Mafuta ya michikichi yanaweza kutumiwa katika vyakula vya kila siku, kusaidia kuongeza lishe ya wakazi wa Kyela. Michikichi inaweza kutumika katika kutengeneza bidhaa za viwandani kama sabuni, mafuta ya kulainisha ngozi, na mengineyo. Hii inaweza kuwa na faida kwa viwanda vya ndani.

Ulanzi Ulivyogeuka Fursa Kwa Wananchi wa Wilaya ya Makete Ulanzi ni kinywaji kinachotokana na mmea wa muanzi unaotoa majimaji kama utomvu wa mpira lakini hiki ni kimiminika laini kama maji ya kunywa chenye ladha ya utamu. Maji haya yanakusanywa kutoka katika mti wa muanzi kwa kutumia kifaa maaalum kama chupa kinachoitwa mbeta. Ugemaji wake ni mara tatu kwa siku, asubuhi ambapo ulanzi unaondolewa kutoka kwenye mbeta na kuwekwa kwenye maplastiki ya ujazo wa lita 20 au ndoo ndogo ndogo. Mchana ni kugema au kupyatila kama inavyojulikana ambapo mmea huu unakatwa kidogo kwenye ncha ya juu pasipo kutoa ulanzi kutoka katika mbeta na hatimaye jioni mgemaji anatoa ulanzi kama zoezi la asubuhi.

Kuongezeka Ajali za Pikipiki: Je, Ni Wakati wa Kuchukua Hatua? Licha ya kutoa ajira kwa maelfu ya vijana wa Kitanzania na pia kupunguza tatizo la usafiri mijini litokanalo na foleni, usafiri wa pikipiki maarufu kama 'bodaboda' umeendelea kuua watu kimyakimya na kuwasababishia ulemavu wa kudumu maelfu ya manusura wa ajali za vyombo hivyo kila uchao. Uchunguzi uliofanywa umebaini kuwa mbali na vifo na ulemavu, bodaboda zimeathiri pia utoaji wa huduma katika hospitali zinazopokea majeruhi wa vyombo hivyo, na wahanaga wakubwa wa ajali hizo ni vijana wa kiume wenye umri wa miaka kati ya 20 na 40

Jiji la Mbeya Kuzongwa na Makanisa Wakati Mbeya inatajwa kuongoza kwa uwingi wa madhehebu ya dini, mkoa huo pia umekuwa na matukio mengi ya kikatili na kutisha ambayo yameacha kumbukumbu mbaya mbele ya jamii ya Watanzania. Jiji la Mbeya pekee linatajwa kuwa na madhehebu 450 ya dini za aina mbalimbali, lakini mkoa huo umegubikwa na imani za kishirikina, ukatili, uporaji na mauaji huku baadhi ya madhehebu yakitajwa kupandikiza imani kali zisizozingatia mwelekeo wa Kikristo au Kiislamu

Fahamu Faida ya Kilimo cha Pareto TANZANIA ni Moja ya Nchi ambayo imekua iking’ara katika soko la dunia kupitia zao la Pareto, zao ambalo baadhi ya wakulima wameligeuzia kisogo, licha ya zao hilo kuwa na mauzo mazuri kwa kilo, ukilinganisha na mazao mengine ambayo yamezoeleka mahitaji ya Pareto kwa sasa yameongezeka mara dufu, baada ya nchi za Kenya na Tasmani ambazo zilikuwa kikiongoza kwa uzalishaji wa zao hilo duniani kuanza kudolola, kutokana na soko la zao hilo kuyumba miaka ya 2004 na 2005 Sambamba na kuwepo kwa nchi kama, Kenya, Rwanda, Uganda, Tasmania na Papua New Guinea ambazo zinazalisha pareto duniani, bado mahitaji ya soko la Pareto duniani yanafikia tani 20,000 kwa mwaka, huku nchi zote hizo zikishindwa kufikisha hata tani 10,000 kwa mwaka

Mfumo wa Stakabadhi Gharani Ulivyo Wanufaisha Wakulima wa Kokoa Kutokana na kuongezeka kwa mahitaji na matumizi ya chokoleti duniani, wakulima wa kokoa katika wilaya za Kyela na Rungwe wameanza kufaidika na soko la zao hilo baada ya kuanzishwa kwa Mfumo stakabadhi gharani.ambao unatajwa kuleta neema kwa wakulima Serikali Ilianzisha Mfumo wa wakulima wa zao hilo kuuza kwa stakabadhi gharama ili kuweza kukomboa mkulima ambaye kwa muda mrefu alikuwa ananyonywa na walanguzi kwa kupangiwa bei ambazo zilikuwa hazimnufaishi mkulima.

Wanawake Wanavyo Zibeba Familia Kupitia Biashara ya Ndizi Tumezoea kuona familia nyingi za kitanzania,baba wa familia ndiyo nguzo ya utafutaji wa fedha kwa ajili ya kulea familia,kwa wilaya ya Rungwe mkoani Mbeya hii ni tofauti ambapo wanawake ndiyo wamekuwa nguzo ya katika malezi ya familia zao kwa kufanya biashara ya kuuza ndizi. Wanawake wengi katika wilaya ya Rungwe shughuli yao kubwa ya kujingizia kipato ni biashara ya kuuza ndizi kwenye vituo vya mabasi pamoja na masoko ya Tandale,Kiwila,Lufingo,Ikuti,Kyimo na Ushirika