Habari Za Nyarugusu CAMP, Nyarugusu, Makere (2024)

23/11/2023

🏆 # *KOMBE_LA_DUNIA𝟮𝟬𝟮𝟲* : MSIMAMO KATIKA KUNDI 9 ZA BARA LA AFRIKA! 🌍😍

⚽ Group A:
🇪🇬 Égypte : 6 pts
🇧🇫 Burkina Faso : 4 pts
🇬🇼 Guinée-Bissau : 4 pts
🇸🇱 Sierra Leone : 1 pt
🇪🇹 Éthiopie : 1 pt
🇩🇯 Djibouti : 0 pt

⚽ Group B:
🇸🇳 Sénégal : 4 pts
🇸🇩 Soudan : 4 pts
🇨🇩 RD Congo : 3 pts
🇹🇬 Togo : 2 pts
🇲🇷 Mauritanie : 1 pt
🇸🇸 Soudan du Sud : 1 pt

⚽ Group C:
🇷🇼 Rwanda : 4 pts
🇿🇦 Afrique du Sud : 3 pts
🇳🇬 Nigéria : 2 pts
🇱🇸 Lesotho : 2 pts
🇿🇼 Zimbabwe : 2 pts
🇧🇯 Bénin : 1 pt

⚽ Group D:
🇨🇲 Cameroun : 4 pts
🇱🇾 Libye : 4 pts
🇨🇻 Cap Vert : 4 pts
🇦🇴 Angola : 2 pts
🇲🇺 Ile Maurice : 1 pt
🇸🇿 Eswatini : 0 pt

⚽ Group E:
🇲🇦 Maroc : 3 pts
🇳🇪 Niger : 3 pts
🇹🇿 Tanzanie : 3 pts
🇿🇲 Zambie : 3 pts
🇨🇬 Congo : 0 pt

⚽ Group F:
🇨🇮 Côte d'Ivoire : 6 pts
🇬🇦 Gabon : 6 pts
🇰🇪 Kenya : 3 pts
🇧🇮 Burundi : 3 pts
🇬🇲 Gambie : 0 pt
🇸🇨 Seychelles : 0 pt

⚽ Group G:
🇩🇿 Algérie : 6 pts
🇲🇿 Mozambique : 3 pts
🇧🇼 Botswana : 3 pts
🇬🇳 Guinée : 3 pts
🇺🇬 Ouganda : 3 pts
🇸🇴 Somalie : 0 pt

⚽ Group H:
🇹🇳 Tunisie : 6 pts
🇬🇶 Guinée équatoriale : 6 pts
🇳🇦 Namibie : 3 pts
🇲🇼 Malawi : 3 pts
🇱🇷 Libéria : 0 pt
🇸🇹 Sao Tomé et Principe : 0 pt

⚽ Group I:
🇰🇲 Comores : 6 pts
🇲🇱 Mali : 4 pts
🇬🇭 Ghana : 3 pts
🇲🇬 Madagascar : 3 pts
🇨🇫 République Centrafricaine : 1 pt
🇹🇩 Tchad : 0 pt

📊 Ni nchi 7 pekee ndizo ambazo zimefikisha pointi 𝟲/𝟲: 🇨🇮 Côte d'Ivoire, 🇩🇿 Algérie, 🇹🇳 Tunisie, 🇬🇦 Gabon, 🇰🇲 Comores, 🇪🇬 Egypte, 🇬🇶 Guinée-Équatoriale ! 👏🏿🌍🥳

22/11/2023

: Hivi hii iliyofanyika kwa Kibu na Inonga inawezekana kufanyika kambini Nyarugusu ao ikifanyika ndo kuvunja vilabu?

Hili lililofanywa kwa wachezaji hawa imekuwa sehemu k**a ya kushikisha wachezaji adabu au? Soma hadi mwisho.

Kibu Denis na Henock Inonga wametozwa faini ya shilingi 500,000 (laki tano) kila mmoja kwa makosa tofauti waliyoyafanya kwenye mchezo wa NBC Premier League kati ya Simba dhidi ya Yanga SC.

Kibu Denis ametozwa faini hiyo kwa kosa la kushangilia bao lake mbele ya jukwaa la mashabiki wa Yanga huku akionyesha ishara ya kuwafunga midomo wakati Inonga yeye ametozwa faini hiyo kwa kosa la kushangilia bao mbele ya Maafisa wa Benchi la Ufundi la Yanga SC.

22/11/2023

: KIJANA ALIYESOMEA NYARUGUSU AGOMBEA UBUNGE WA TAIFA UVIRA

MALENGA EBUELA Crispus ALISOMA SHULE YA SEKONDARI KWENYE SHULE YA FRATERNITÉ (F1) AMBAKO ALIHITIMU KIDATO CHA 6 KATIKA FANI YA BIASHARA NA UTAWALA NA KUPATA DIPLOMA HAPO KAMBINI NYARUGUSU.

ANAITWA Crispus MALENGA EBUELA AMBAYE KWA SASA NI MGOMBEA NAMBA 201 BAADA YA KUFANYA KAZI KWENYE MASHIRIKA MBALIMBALI BAADA YA KUMALIZA CHUO KIKUU NCHINI DRC.

MALENGA EBUELA Crispus no. 201 ANAFAHAMIKA NA WENGI KUWA KIJANA ASIYEKUWA NA MAJIVUNO AO MAJITAPO PALE ANAPOFANYA KAZI YAKE KWA FAIDA YA JAMII INAYOMZUNGUKA.

KUTOKANA NA UADILIFU WAKE KAZINI, WATU WENGI WALIMPENDEKEZA MALENGA EBUELA no. 201 KUWA MGOMBEA NAYE HAKUPINGA PENDEKEZO HILO.

KWAKE, ANAAHIDI KUFANYA KAZI YA KUTETEA RAIA KILA ITAKAPOKUWA INABIDI KULINGANA NA HALI NA MAZINGIRA YALIVYO KATIKA JAMII.

HIVYO, AMEOMBA RAIA WA UVIRA KUWEZA KUMCHAGUA YEYE NAMBA 201 K**A ISHARA NA NJIA YA KUMTUMA KWA KAZI YA KWENDA KUTETEA UMMA.

22/11/2023

😲 : Refa Valentin aandika barua ya kufungua mashtaka dhidi ya Baraza la nidhamu kwenye shirikisho iliyoweka wazi uchunguzi wao kwamba walibaini mwamuzi huyo wa kambi alipewa rushwa

Tuambie maoni yako kuhusiana na barua hii ya Valentin aliyoandika akilishtaki Baraza la nidhamu baada ya baraza hilo kumtumia refari huyo barua mbili mfululizo ndani ya masaa yasiyozidi 48.

22/11/2023

😭😭
========•••••=======
Jamaa ya Bashim'muma inayo masikitiko na majonzi makubwa ya kutangaza kifo cha Mwami IBWE KILOZO aliyefariki dunia alfajiri mida ya saa kumi na moja ya Jumatano hii novemba 22, 2023 akiwa nyumbani kwake kwenye kijiji cha Malinde, Sekta ya Mutambala tarafani Fizi.

Kwa mujibu wa watu wa karibu na Mwami Ibwe - wa Bashim'muma wa Kusini, marehemu amefariki kutokana na ugonjwa wa muda mrefu ambapo inasemekana kuwa alikuwa akisumbuliwa na ugonjwa wa moyo na mifupa kuuma pamoja na presha, tatizo ambalo familia yake ililishughulikia kwa njia zote ikawa bila mafanikio yoyote hatimaye Mungu akaamua kumpumzisha.

Msiba wa Mwami Ibwe KILICHO umewekwa pale nyumbani kwake Malinde ambapo mwanaye wa k**e ndiye anashikilia nafasi hiyo ya baba yale baada ya kijana wa marehemu kujiingiza katika siasa na kuwania ubunge tarafani Fizi. Kwa kambini Nyarugusu, haijajulikana mahali ambako msiba wa Kiongozi huyo utawekwa pamoja na kujulikana kwamba mtoto wake wa k**e anaishi katika kijiji cha E3, zone ya 7 akiwa ameolewa na mtu ambaye hujigamba kuwa ataenda kuwa raïsi wa DRCongo miaka ijayo.

Timu ya Ukurasa huu inatoa pole kwa jamaa ya Bashim'muma waliopatwa na msiba huo mzito wa kumpoteza Mwami wao, Mungu awape nguvu na kuleta faraja popote walipo na kuilaza roho ya marehemu mahali pema peponi, Amina.

22/11/2023

: Baada ya DRC kukiona cha moto dhidi ya Sudan, Taifa Stars nao washangazwa na Morocco kwenye michezo ya kuwania kufuzu kuombe la dunia 2026

FULL_TIME
🇹🇿 0️⃣-2️⃣ 🇲🇦 Morocco

Dakika 90 za mchezo wa kuwania kufuzu kombe la dunia 2026 kati ya Taifa Stars dhidi ya Morocco zilimalizika kwa Morocco kuibuka na ushindi kwa kuitwanga Taifa Stars mabao 2-0.

Leopards ya DRC nao walishuhudia kichapo cha 1-0 walipocheza na Soudan hivi majuzi. Hawa Soudan hawana huruma, waliwayi tena kuitandika Leopards ya DRC mwaka 2022 mabao 2-1.

Hivi, unadhani ni kitu gani kiliwaangusha Stars na Leopards kwenye mechi zao?

22/11/2023

😭😭
==========••••=========
Jamii ya Wakongomani waishio Johannesburg wanasikitika kutangaza kifo cha kijana wao na mwanao aliyekuwa akijulikana kwa jina la Mteleshi Juma maarufu kwa jina la Baba Alenga ambaye alifariki kwa kupigwa risasi na watu wasiojulikana hiyo jana Jumanne novemba 21, 2023 huko nchini South Africa.

Taarifa hii ya kifo cha bwana Mteleshi Juma anayetajwa kuwa wa kabila la Babembe ilitolewa na Bi. Charline Lulacha ambaye alisema; "Ndugu Mteleshi Juma alipigwa masasi mida ya usiku na watu wasiojulikana na kufariki hapo hapo." Charline ameongeza kuwa; "... Hatujuwi sababu iliyotuma anapigwa masasi."

Hizo ndizo taarifa tulizopata kuhusiana na kifo cha bwana Mteleshi Juma ila hatuna taarifa za mahali ambako msiba umewekwa huko kambini Nyarugusu na kuhusu jinsi ilivyopangwa kwa ajili ya mazishi yake hapa kule Afrika Kusini.

Uongozi wa ukurasa huu unaomba samahani kwa kuchelewa kwa taarifa hiyo ila tunatoa pole kwa ndugu, jamaa na marafiki walipigwa pigo kubwa la kufiwa na mpendwa wao, Mungu awafariji na kuilaza roho ya marehemu mahali pema peponi; amina.

20/11/2023

😭😭
==========••••=========
Jamii ya Wakongomani waishio hapa Marekani wanasikitika kutangaza kifo cha binti wao na mwanao aliyekuwa akijulikana kwa jina la Bernadette Baloci wa jamaa ya Batombwe ambaye alifariki usiku wa kuamkia siku ya Jumamosi novemba 18, 2023 huko IOWA City katika mji wa IOWA, nchini hapa.

Taarifa hii ya kifo cha dada Bernadette imetufikia chelewa ambapo inasemekana kuwa binti huyo wa Batombwe ambaye ameacha zaidi ya mtoto mmoja alikuwa akisumbuliwa na ugonjwa wa Kansa.

Hizo ndizo taarifa tulizopata kuhusiana na kifo cha Bernadette ila hatuna taarifa za mahali ambako msiba umewekwa pale kambini Nyarugusu na kuhusu jinsi ilivyopangwa kwa ajili ya mazishi yake hapa Marekani.

Uongozi wa ukurasa huu unaomba samahani kwa kuchelewa kwa taarifa hiyo ila pia unatoa pole kwa ndugu, jamaa na marafiki walipigwa pigo kubwa la kufiwa na mpendwa wao, Mungu awafariji na kuilaza roho ya marehemu mahali pema peponi; amina.

20/11/2023

: Hali ya ki afya ya Mwigizaji Grace Mapunda yaendelea kudhorota siku hadi siku.

Taarifa tunazozisoma mitandaoni zinasema kuwa Mwigizaji huyo maarufu na Mkongwe Tanzania, anayeitwa Grace Mapunda "Tesa wa huba"; afya yake sio nzuri kufuatia kuugua ugonjwa ambao bado haujawekwa wazi.

Nini shida kwa huyu msanii wetu jamani?

20/11/2023

⚠️😳 : Mwanamke aibuka na kusema hawezi kumfulia mumewe nguo ao kumpa hela alizoangaikia

Mwanamama huyo kwa jina la Milly ambaye ana watoto 3 na ameolewa tangu 2008 ameibuka kusema kuwa kamwe yeye hawezi kumfulia mume nguo zake chafu na wala hawezi kuitoa pesa yake aliyoitolea jasho kwa kufanya kazi kisha kumpa mume.

Amesema hata kabla hajaolewa hakuwahi kumfulia nguo mwanaume sababu maisha yake sio kwa ajili ya kuwa mtumwa au kijakazi kwa mwanaume/mume wala hawezi kuvumilia kuishi kwa stress za kusababishwa na mume.

Amesema yeye pesa yake anayoitafuta kwa jasho lake itasaidia ndani hiki na kile ila sio kuitoa pesa yake halafu ampe mwanaume mkononi, amesema mawazo ya biashara atampa mume afanyeje ili afanikiwe ila sio kumpa pesa mkononi.

Amesema k**a ni kufua mume atapeleka nguo zake katika mashine afuliwe na siku za wikiend mume atafua mwenyewe ila sio yeye mke kufua kwani ana mambo mengine ya kufanya sio kutumikia mume/mwanaume.

Ameingia ndani zaidi kwa kusema unakuta mke anafanya kazi au biashara kisha pesa yake anaisalimisha kwa mume ilimradi aonekane mtifuu sana. amesema unakuta mume mwenyewe hana malengo pesa aliyopewa na mke imepotelea kusikojulikana hivyo mke anaanza kuyumba kikazi/kiuchumi, mke anajikuta hana jinsi anaanza kuwasiliana na ma ex wake ili wamsaidie kipesa na hapo amekazia kuwa ndio unakuta kuna wanawake wapo ndani ya ndoa ila wanadanga au kufanya umalaya sababu ya kuendekeza waume zao.

K**a mwanaume, ni yapi maoni yako kuhusiana na maelezo ya Milly?

20/11/2023

: PICHANI NI BARUA TOKA BARAZA YA NIDHAMU IKIHASHIRIA KUWA SHIRIKISHO YOTE INAHUSIKA NA ULAJI RUSHWA

YAFUATAYO NI MAONI NILIYOKUSANYA KUHUSU UTATUZI WA KESI KWENYE SHIRIKISHO NA BARAZA LAO LA NIDHAMU:

"K**A BA MINGI BALIKUWA HABAYU, SHIRIKISHO NA BARAZA LAKE LA NIZAMU NJO BANAHARIBISHA KABUMBU HAPA KAMBINI;" JUMA AMESEMA

MAKUBA KASEMA; "KISHERIA, KLABU YA CHIPUKIZI ILIYOPANA RUSHWA WANATAKIWA KUSHUSHWA DARAJA NA ALAMA ZAO KUPEWA TIMU YA AB3 ABEILLES AMBAO NAO WALITAKIWA KUFUATWA NA SHERIA KUTOKANA NA MAKOSA YAO."

"SOKA KAMBINI IMEHARIBIWA KWA KIWANGO CHA JUU NA MWENYEKITI WA SHIRIKISHO NA BARAZA LAKE LA NIDHAMU LINALOKURUPUKA KWENYE UTOAJI MAAMUZI K**A WATU WALIO NDOTONI;" BABA PENDO AMESEMA KWA MASIKITIKO.

SHABIKI WA AB3 KAWAKA KWA KUSEMA; "NASHANGALA KUSIKIA BATU BENYE HABANA AKILI BANASEMA KINOIS ANABORESHA MPIRA. HAMUJUWI K**A KINOIS ANAWEKA ILE FASI YAKE K**A WAVU WA SAMAKI? KUNA MWENYE WAVU ANAKOSAKA KUSUKA WAVU PALIPOPASUKA AO KUTOBOKA? KINOIS, KILA ANAPOFANYA MRADI FULANI JUU YA MPIRA MU KAMBI ANASAIDIWAKA SANA NA WATU WA MAREKANI ILA HASEMAKI, PESA ZENYE ANAKULAKA HAZINA HESABU."

"WAPI ULIONA BARAZA MOJA LIKATOA BARUA MBILI ZENYE MAELEZO TOFAUTI HUKU WAKITAKA KUILINDA NA KUITETEA TIMU AMBAYO INASEMEKANA IMEWAPA VIONGOZI HAO RUSHWA?", KASEMA MWANAK**ATI WA TIMU MOJA YA ZONE YA 5.

"USAJILI KWA KINOIS HAUNAGA MWISHO. YAANI YEYE ANAPOSEMA TUMEFUNGA DIRISHA LA USAJILI, JAMA ANA DIRISHA LINGINE ANALOFUNGUAGA KWAKE HADI KANISANI KWAO;" KOCHA MOJA WA ZONE YA 1 KASEMA.
.. MAONI YALIKUWA LUKUKI, ILA JAMBO LAZIMA LIWEKWE SAWA.

KUPITIA MAONI HAYO TULIYOKUSANYA, WIKIENDI HII NITAWAPA UWAZI KUHUSU MCHEZO UNAOFANYWA NA VIONGOZI WA SHIRIKISHO NA BARAZA LAO LA NIDHAMU PAMOJA NA KUNDI FULANI LA WAAMUZI WANAOJIITA WASIOJALI.

20/11/2023

😭😭
==========••••=========
Jamii ya wakimbizi na wakaaji wa kijiji cha E3, zone ya 7 inayo masikitiko ya kutangaza kifo cha kijana wao na mwanao aliyejulikana kwa jina la Espoir ambaye alifariki dunia mida ya mchana ya Jumatatu hii Novemba 20, 2023 kwenye hospitali kuu ya kambini Nyarugusu, mkoani Kigoma.

Kwa mujibu wa chanzo chetu, marehemu ambaye ni mdogo wake na Urbain aliyekuwa naibu katibu wa Young Boys; amefariki baada ya kuanzakuugua tangu Jumanne ya wiki iliyopita ambapo wanafamilia walimwangaikia ikawa bila mafanikio hatimaye Mungu akaamua kumpumzisha.

Kwa kambini Nyarugusu, haijajulikana mahali ambako msiba wa Espoir anayetajwa kuwa ni wa kabila la Bafuliru utakuwa umewekwa ila taarifa tunazo ni kwamba mazishi yake yatafanyika hiyo kesho siku ya Jumanne mida ya mchana.

Uongozi wa ukurasa huu unatoa pole sana kwa ndugu, jamaa na marafiki pamoja na wanakijiji cha E3 waliompeteza mpendwa wao, Mungu awafariji na kuilaza roho ya marehemu mahali pema peponi, Amina.

19/11/2023

UFARANSA ILIMALIZA GILBRALTAR

YAANI HAWA UFARANSA HAWANA HURUMA, SI WANGEOMBA TIMU PINZANI IONGEZE WACHEZAJI WENGINE 10 JAMANI?

19/11/2023

: FISTON MAYELE AMWANDIKIA MPENZIWE UJUMBE MZITO WA MAHABA MOTO MOTO KWENYE SIKU YAKE YA KUZALIWA

Mshambuliaji wa timu ya taifa ya DRC Fiston Kalala Mayele amemwandikia mpenzi wake Charlene MAYELE ujumbe wa kumtakia siku njema ya kuzaliwa.
Mayele ameandika hivi; "Happy birthday mpenzi wangu mshumaa huu mpya ukuletee baraka tele afya na maisha marefu na zaidi ya yote maisha marefu mama wa watoto wangu MMM🎂🫶".

18/11/2023

⚽ : Baraza la nidhamu lazitwanga faini Young Boys na AB3 huku marefa watukutu kwa upigaji firimbi zenye kunukia rushwa wakifungiwa kisoka

Baraza la nidhamu kwenye shirikisho la soka kambini Nyarugusu limeziandikia Jumamosi hii novemba 18, 2023 vilabu vya Young Boys na AB3 Abeilles pamoja na marefari watukutu kwenye upigaji firimbi wa kuhashiria kupewa hongo barua rasmi za julisho na maamuzi ya matokeo ya mechi zilizoisha kwa vurugu kambini hapo, mkoani Kigoma.

Young Boys wamepokea barua ya julisho la matokeo ya mchezo wa novemba 15, 2023 kati yao na Chipukizi ambamo mumewekwa vipengele vya faini ya shilingi 50,000 na kulipa laki 1 ya matunzo kwa refa aliyechapwa na mashabiki pamoja na kulipa firimbi na pea ya kadi iliyopotea.

Kwa upande wao, AB3 Abeilles walipokea barua ya kuadhibiwa kimichezo kutokana na vipondo walivyowapa marefa na kuvunja nyumba kwenye mchezo wao wa Julai 12. Klabu hiyo yenye utata wa kujigawa na kutaka kuzalisha vilabu viwili imepigwa faini ya shilingi laki 1 huku kifungo chao cha miezi 6 kikafutwa.

Nao Valentin na Msebya ambao wanatajwa magengeni kuwa wanaongoza kwa kupokea rushwa katika waamuzi kambini. Valentin amepigwa faini ya shilingi 30,000 na kufungiwa miezi 12 kimichezo huku mwenziye akafungiwa miezi 3 kutojihusisha na maswala ya soka kambini.

Kumekuwa na malalamiko toka viongozi wa klabu ya Young Boys kwamba wanashangazwa kupokea barua hiyo ya julisho la matokeo wakati mapema asubuhi ya hiyo Jumamosi waliitwa kwenye ofisi ya AFRN na kukutanishwa na pande zilizohathiriwa na vurugu mchezo kati yao na Chipukizi. Mmoja wa viongozi wa Y.B amesema; "Shirikisho ilituambia tutacheza dakika zilizokuwa zimesalia kwenye mchezo ila wamepindisha tena ...".

Uongozi wa shirikisho unalaumika sana kwa kuitetea Chipukizi kwa kile kinachotajwa kuwa Mwenyekiti wa shirikisho amehamia kwa Mwenyekiti wa Chipukizi na ndio maana anaitetea klabu hiyo ya zone ya 5.

Hivi, kisha kupitia barua hizo; unadhani kuna uonevu wowote kwenye maamuzi na faini zilizotolewa?

18/11/2023

🚨 : TIMU YA TAIFA YA DRC USO KWA USO NA SOUDAN KWENYE MICHUANO YA KUFUZU KUSHIRIKI KOMBE LA DUNIA MWAKA 2026

▫️𝙎𝙤𝙪𝙙𝙖𝙣 🇸🇩 𝑽𝒔 🇨🇩 𝗥𝗗 𝗖𝗼𝗻𝗴𝗼
🏆|𝐺𝑟𝑜𝑢𝑝 𝐵/Siku ya 2
📅 Jumapili Novemba 19, 2023
⏰ Muda : Saa 11 (17h°°) jioni majira ya Kinshasa sawa na saa moja usiku (19h°°) majira ya T1, kambini Nyarugusu.
🏟 Uwanja: Stade des Martyrs de Benina

Tudondoshee maoni yako kwenye mechi hii ambayo itachezwa siku ambayo kampeni za uchaguzi zitaanza kote nchini DRCongo, je DRC itatwanga mtu ao hawa wa miguu mirefu a.k.a Soudan wataua mnyama (Leopards)?

Nashuka na kifaransa kwa kusema; "...On ne change pas l'équipe qui gagne." 🙌

👉𝙊𝙋𝙀́𝙍𝘼𝙏𝙄𝙊𝙉 𝙏𝙍𝙊𝙄𝙎 𝙋𝙊𝙄𝙉𝙏𝙎 𝙏𝙊𝙐𝙅𝙊𝙐𝙍𝙎

18/11/2023

😭😭
==========••••=========
Jamii ya Wakongomani waishio hapa USA wanayo masikitiko na majonzi makubwa ya kutangaza kifo cha mama yao, shangazi yao na mtoto wao aliyekuwa akijulikana kwa jina la Salima Biangwa, mke wa Ebengo Nyange wa jamaa ya Bashimwenda ambaye amefariki saa sita usiku wa kuamkia Jumamosi hii Novemba 18, 2023 jijini Acron katika mji wa Ohio hapa nchini Marekani.

Taarifa za kifo cha Salima Biangwa ambaye ni wa jamaa ya Basangú na mkaaji wa klasta ya 6 katika kijiji cha G1, zone ya 3 kabla ya kuja USA zimetolewa na Mchungaji BIKABE ambaye ni Mwenyekiti wa Emo 'ya M'mbondo mjini Ohio.

Mch. BIKABE amesema; "Mama yetu hakuugua kabisa isipokuwa tu leo alienda kazini k**a kawaida na ulikuwa muda wa ziada kwao. Ilipofika muda wa saa tano baada ya kazi kutamatika akarudi nyumbani. Kwa mujibu wa wafanyakazi wenzake, ' _marehemu alikuwa tu sawa.'_ Dakika chache baada ya kufika nyumbani, hali ya Salima ikabadilika gafla. Baada ya hali yake kubafilika gafla, ikabidi waite gari ya wagonjwa mtu akapelekwa akiwa na hali mbaya zaidi. Mshangao ni ule wa kusikia kwamba dakika chache baada ya kufikishwa hospitalini, wauguzi wakaja kutangaza kuwa inaonekana kuwa mtu kafia nyumbani, yaani aliletwa akiwa maiti."

Hizo ndizo taarifa tulizopata kuhusiana na kifo cha Bi. Salima Biangwa ambaye ameacha zaidi ya watoto 5. Taarifa zingine kuhusu mahali ambako msiba umewekwa pale kambini Nyarugusu na kuhusu siku ya mazishi, mutajulishwa hapo baadaye.

Uongozi wa ukurasa huu unatoa pole kwa ndugu, jamaa na marafiki pamoja na wanakijiji cha G1 walipigwa pigo kubwa la kufiwa na mpendwa wao, Mungu azidi kuwafariji na kuilaza roho ya marehemu mahali pema peponi; amina.

17/11/2023

😭😭
========••••••========
Jamii ya Wakongomani waishio hapa Marekani wana masikitiko na majonzi makubwa ya kutangaza kifo cha Mzee wao Byúlengabya wa kabila la Wabembe aliyefariki Usiku wa kuamkia jana mjini Kentucky Lexington, nchini hapa.

Kifo cha Mzee Byúlengabya anayetajwa kuwa wa jamaa ya Basimwenda wa pale Lusenda tarafani Fizi na mchungaji wa kanisa la Fellowship kwenye kijiji cha D1, zone ya 1 kimetokana na magonjwa ya moyo, presha na maumivu ya mifupa aliyoyapata tangu akiwa kambini.

Kwa kambini, haijajulikana mahali ambapo msiba utakuwa umewekwa ila wanakijiji cha F2 walianza kujikusanya ili kupanga kukutana na jamaa la marehemu aliyekuwa mwenyekiti wa klasta ya 9 kijijini hapo na kujiandaa kwa maombolezo pamoja nao.

Mpango wa mazishi ya marehemu haujajulikana bado ila mutajulishwa hapo baadaye.

Uongozi wa Ukurasa huu unatoa pole kwa ndugu, jamaa, marafiki pamoja na wanakijiji cha F2, Mungu awafariji na kuilaza roho ya marehemu mahali pema peponi, amina.

15/11/2023

: DRC YAITWANGA MAURITANIA 2-0 KWENYE MICHUANO YA KUFUZU KUSHIRIKI KOMBE LA DUNIA

KWENYE MCHEZO HUO ULIOPIGWA HIYO JANA MJINI KINSHASA, NANI ULIMKUBALI?

HIVI, K**A MULIVYOONA MCHEZO WA DRC; UHAKIKA UPO WA KUTOBOA AU?

14/11/2023

: KUMEKUCHA JIJINI BARAKA NA SHOW YA KUKATA NA SHOKA AMBAYO SI YA KUKOSA

UVIRA, BARAKA, FIZI kwa ujumla hii kubwa kuliko.
Watoto wenu hao hapo watakaoselebuka kwa siku mbili mfufulizo yaani Desemba 2 - 3, 2023 kwenye UBEMBE SWAHILI FESTIVAL itakayofanyika kwenye shule mama la Mwenge wa Taifa, Baraka town.

Viingilio aina tatu (3) vimewekwa hapo, k**a utakaa kwa wauza sura ao kwa waokota makopo, chekecha mfuko wako.

Hii ni ndinga haijawai tokea, je utakosa kuwepo pale?

12/11/2023

🚨 : Orodha ya wachezaji waliochukuliwa kwenye kikosi cha wachezaji wa zamani nguli wa DRC watakaokabiliana na nguli wa zamani wa FC Barcelona Jumapili hii Novemba 12, 2023 kwenye uwanja wa Martyrs mjini Kinshasa

Paulin Tokala, Robert Kidiaba

Mungongo Fish, Hérita Ilunga, Gladys Bokese, Nkulukuta Miala, Joël Kimwaki, Kisombe Mundaba Bijoux, Dikilu Bageta

Matumona Roum, Distel Zola, Mbayo Kimbemba, Roger Hitoto, Apataki Kifu, Ilongo Ngasanya, Bedy Mbenza

Lualua Trésor, Biscotte Mbala, Mputu Trésor, Lelo Mbele, Shabani Nonda

: Florent Ibenge, Merikani Mpangi, Lulla Godel, Lokombe Jean-Papy

Orodha hiyo imeandaliwa kwa kuzingatia jeneresheni mbalimbali hususan wanamemba imara kwenye «Nguli wa zamani wa timu ya taifa ya DRC »

Tupe ubashiri wako kwenye mechi hiyo inayosubiriwa na wengi muda mchache ujao kuanzia sasa.

| | |

10/11/2023

😭😭 # TANGAZO_LA_KIFO
==========••••=========
Jamaa ya Bashim'muma - Bashimleya, nyumba ya Bashipombo inayo masikitiko ya kuwatangazia ndugu, jamaa na marafiki kifo cha binti wao na mke wa marehemu JEAN LUANGELA wa jamaa ya Balenga aliyekuwa akiitwa kwa majina ya AJILI ISAYA aliyefariki Alhamisi Novemba 09, 2023 kambini Nyarugusu, mkoani Kigoma.

Marehemu AJILI ISAYA ambaye inasemekana kuwa alikata roho mida ya saa nane za usikuni binti wa ISAYA MLELA.

Kambini nyarugusu, msiba umewekwa zone ya 11, nyumbani kwa marehemu, karibu na jengo la Kanisa la PEFA.

Mazishi yamepangwa kufanyika hii Ijumaa Novemba 10, 2023 ambapo mpango wa ibada utaanza mida ya saa saba mchana.

Tangazo hili limeletwa na SEMUNA AYEBA,
Mwenyekiti wa Bashimleya.

07/11/2023

: Mwombaji Baba JUMA atangaza majina yake mapya wakati timu yake ya Chipukizi ikijiandaa kukipigaam na S2 kwenye JRS Cup

Mwombaji maarufu kambini Nyarugusu, Baba JUMA aliyeanzia kazi yake kambini Lugufu ametangaza tangu hivi majuzi majina yake mapya Kambini hapo, mkoani Kigoma.

Baba JUMA ambaye timu yake ya Chipukizi inakipiga na S2 kwenye fainali ya JRS cup na ambaye jina lake kamili ni Abekya Mahinga amesema kuwa anaitwa Abekya Mahinga, Vunja vikwazo, F3 Bomoa Nyumba, Alliance kimbia bodi, S2 Nakutafuta kwa hamu. Mtumishi huyo wa Mungu aliweka wazi kwa nini alijiita S2 Nakutafuta kwa hamu ambapo alisema kuwa timu hiyo ya zone ya 4 ni timu ya watoto baada ya timu yake ya Chipukizi iliitwanga S2 mabao 2-1.

Wengi wanamfahamu Baba JUMA kwa ufundi wa kuboronga lugha ya Kiswahili ambapo, wakati akihojiwa na Mhariri; mtumishi huyo wa Mungu alipika Kiswahili kwa kusema mtananga badala ya mtanange huku maneno mengine yakiwa hayatoki sawa pindi alipokuwa akihojiwa.

Ni yapi maoni yako kuhusiana na Mtumishi huyo wa Mungu ambaye anajitangaza hazarani kuwa ndiye mtaalam wa chungu cha siri cha Chipukizi huku mvinyo wa pombe ukiwa ndiyo damu pekee inayomtembeza kisawa sawa?

01/11/2023

😭😭
==========••••=========
Jamii ya wakimbizi na wakaaji wa kijiji cha C3, zone ya 5 inayo masikitiko ya kutangaza kifo cha baba yao na mtoto wao aliyejulikana kwa jina la KAYOMBO SADI ambaye alifariki dunia usiku wa kuamkia Jumatano hii Novemba 1, 2023 kwenye hospitali kuu ya kambini Nyarugusu, mkoani Kigoma.

Kwa mujibu wa chanzo chetu, KAYOMBO SADI ambaye ni kaka yake na SHAGGY amefariki kutokana na ugonjwa wa moyo na pumzi kubana hali ambayo ilianza alipokuwa Mwanza ambako baba huyo wa zaidi ya watoto 2 alikuwa akitafutia riziki.

Uongozi wa ukurasa huu unatoa pole sana kwa ndugu, jamaa na marafiki waliopatwa na msiba huu, Mungu awafariji na kuilaza roho ya marehemu mahali pema peponi, Amina.

30/10/2023

: MWAMBA MESSI ATWAA LIMPIRA LINGINE LA DHAHABU

Alizaliwa Rosario , Argentina , Lionel Messi alianza kucheza mpira akiwa na umri wa miaka mitano pekee .

Akiwa na umri wa miaka 11 , Lionel Messi alipata tatizo la ukuaji na ilibidi apate matibabu ili apambane na tatizo hilo 🙌.

Ni hadithi tu za mateso kwa Lionel Messi ✊ .

Mabibi na Mabwana namleta kwenu mchezaji wa kwanza kwenye uso wa Dunia kushinda tuzo ya Mchezaji bora wa Dunia (Balon Dor) kwa mara 8 🙌

Na hii pia ni ruksa kuingia kwenye rekodi za Dunia 🔥

Sauti ya radi ya Baraka Mpenja inakwambia " haya ni maajabu " 😀 na sio kesi kapitieni sheria za FIFA muone k**a hii kitu inakubalika .

CHAMPION 🙏

30/10/2023

😭😭 : Mazishi ya mtoto wa Verka kufanyika leo

Mazishi ya Bora Mama Solange yanafanyika Jumatatu hii Oktoba 30, 2023 kambini Nyarugusu mkoani Kigoma.

Bora Mama Solange anayetarajiwa kupelekwa kwenye makao yake ya mwisho hapo baadaye alifariki dunia hiyo Jumamosi Oktoba 28, 2023 kwenye hospitali Kuu ya Maweni, mkoani Kigoma.

Ni msiba ambao emeleta simanzi sio tu kwa familia bali hata jamii ya Nyarugusu ambapo wengi wamevunja ukimya kwa kusema; "Ni ajabu na mshangao kuona mtu ambaye alikuwa ameshamaliza hatua ya mwisho kwa ajili ya safari ya kwenda Marekani kisha akate roho k**a utani hivi." Wengine wamelitupia shirika la IOM lawama wakisema; "Shirika la IOM inakosea watu ambao wanakuwa wameshamaliza michakato yote, haiwezekani watu wanakuwa wameshamaliza vipimo alafu wazidi kusalia kambini kwa zaidi ya miezi 6. Kuna wengi wangeponea Marekani ila ucheleweshaji wao unakuwa chanzo cha safari za wengine kubakilia kwenye makaburi ya I1."

Utakumbuka kuwa, Bora Mama Solange anayezikwa leo aliaga dunia akiwa kwenye hospitali ya Maweni baada ya kufanyiwa upasuaji hospitalini hapo alipokuwa amesafirishwa na shirika la IOM kwa rufaa kutokana na hali mbaya alikuwa nayo kiafya huku akiwa anasubiria safari ya kwenda Marekani ambayo sasa imebaki historia .

Uongozi wa ukurasa huu unazidi kutoa pole sana kwa familia na kijiji cha D1 kwa kumpoteza mpendwa wao, Mungu awafariji na kuilaza roho ya marehemu mahali pema peponi; Amina.

29/10/2023

😭😭
=========•••••========
Jumuia ya wakristo wa shirika la Mtakatifu Andrea la kanisa la Katoliki la Michigan hapa Marekani wanayo masikitiko na majonzi makubwa ya kutangaza kifo cha mshirika wao anayejulikana kwa jina la Jacqueline Nyirabajomba aliyefariki mida ya mchana ya hiyo Ijumaa Oktoba 27, 2023 huko Grand Rapids mjini Michigan hapa nchini Marekani.

Chanzo cha kifo cha Jacqueline Nyirabajomba anayetajwa kuwa mke wa Mwongozi mstaafu wa muhula uliopita huko Grand Rapids hakijajulikana ila wapo waumini wenza waliosema kuwa marehemu alikuwa akisumbuliwa na kisukari na ugonjwa wa moyo.

Ama hakika, hakuna waliofahamu kijiji ambamo marehemu Bi. Jacqueline Nyirabajomba alikuwa akiishi huko kambini Nyarugusu. Endapo utakuwa unafahamu kijiji ambamo marehemu alikuwa akiishi, usisite kutuandikia kwenye maoni kwa faida ya wengine kanaoweza kwenda kuomboleza pamoja na wafiwa.

Uongozi wa "HNC" unatoa pole kwa wafiwa, Mungu alete faraja kwao na kumlaza marehemu mahali pema peponi; Amina.

29/10/2023

😭😭
=========•••••=========
Jamii ya Wabembe waishio hapa Marekani wanayo masikitiko na majonzi makubwa ya kutangazia ndugu, jamaa na marafiki kifo cha mama yao na shangazi yao Mke wa mzee Lúlacha aliyefariki jioni ya Jumapili hii Oktoba 29, 2023 pale Arkansas mjini Missouri nchini hapa.

Chanzo cha taarifa hii kimetaja kuwa marehemu ambaye alikuwa mkaaji wa kijiji cha D3, zone ya 5 na mama mzazi wa yule bubu "Dedede" alikuwa akisumbuliwa na ugonjwa wa jicho kwa siku za kutosha, tatizo ambalo lilikua huku likitibiwa bila kupona.

Huko Nyarugusu, msiba huo wa mke wa Lúlacha haujajulikana mahali utakapowekwa ila wapo waliosema kuwa inawezekana ukawekwa katika kijiji cha D3, nyumbani kwa mtoto wa marehemu. Hata hivyo, mpango wa mazishi utatangazwa hapo baadaye.

Uongozi wa ukurasa huu unatanguliza mkono wa pole kwa wafiwa, Mungu alete faraja kwao na kumlaza marehemu mahali pema peponi; Amina.

29/10/2023

😭😭
========•••••=========
Jamii ya Wakimbizi na wakaaji wa kijiji cha D1, zone ya 1 inayo masikitiko na majonzi makubwa ya kutangazia kifo cha mwanao na dada yao aliyekuwa akijulikana kwa jina la Bora Mama Solange ambaye alifariki dunia hiyo Jumamosi Oktoba 28, 2023 kwenye hospitali Kuu ya Maweni, mkoani Kigoma.

Chanzo chetu cha ukweli na uhakika kimesema kuwa Bora ambaye ni mtoto wa Verka Color alifariki baada ya kufanyiwa upasuaji huko mjini Kigoma alikokuwa amesafirishwa na shirika la IOM kutokana na hali mbaya alikuwa nayo kiafya huku akiwa anasubiri safari ya kwenda Marekani.

Hivyo, pamoja na kwamba mpango wa mazishi ya Bora Mama Solange bado kujulikana ila msiba wake umewekwa nyumbani kwa babaye mzazi Verka Color katika kijiji cha D1, zone ya 1.

Bora atakumbukwa na wengi kijijini kwao kutokana na ukarimu wake na ucheshi aliokuwa nao hasa kwa wauza dagaa wenzake kwenye kijisoko cha A1 pindi alipokuwa akikaa nao mida ya mchana kutokana na biashara hiyo biashara ndogo ndogo.

Uongozi wa ukurasa huu unatoa pole sana kwa familia na kijiji cha D1 kwa kumpoteza mpendwa wao, Mungu awafariji na kuilaza roho ya marehemu mahali pema peponi; Amina.

27/10/2023

=========•••••••=========
Bwana Jérôme Abahenye anatangazia ndugu, jamaa na marafiki kuwa watoto wawili wa dada yake (angalia picha) walipotea yapata siku tano na hawajulikani walipo hapa kambini Nyarugusu, mkoani Kigoma.

Hivyo, yeyote atakayekuwa amemuona mmoja kati ya watoto hao ama kuwa na taarifa kuhusu mahali walipo asisite kuwasiliana na familia kupitia namba 0765725398, 0628446894 ao 0745445188 (namba ya Jérôme).

K**a utakuwa umefahamu mahali watoto hao walipo, kwa moyo wa huruma na upendo, unaweza kuwafikisha kwenye zone ya 11 katika kijiji cha L7 klasta ya 3 ploti ya 2.

Tangazo hili limeletwa na Jérôme Abahenye, mjomba wa watoto waliopotea. Asante sana, Mungu awabariki.

27/10/2023

😭😭
=======••••••===========
Jamii ya Wabembe waishio hapa Marekani wanayo masikitiko na majonzi makubwa ya kutangaza kifo cha Dada yao na mtoto wao aliyekuwa akijulikana kwa jina la Mama Apo aliyeaga dunia hiyo Alhamisi Oktoba 26, 2023 mida ya jioni huko jijini Carolina, hapa nchini Marekani.

Kwa mujibu wa watu waliotupa taarifa hii ni kwamba mama Apo ambaye alikuwa mkaaji wa kijiji cha C3, zone ya 5 na muuza Byambese maarufu kambini Nyarugusu alifariki baada ya kufanya ajali ya gari mida ya jioni.

Taarifa za ndani kuhusu mpango wa mazishi ya Mama APO aliyeacha zaidi ya watoto 4 na wajukuu na ambaye anatajwa kuwa alikuwa hajamaliza mwaka hapa nchini Marekani tangu atokee Afrika zitatolewa hapo baadaye.

Uongozi wa ukurasa huu unatoa pole kwa wote walioguswa na msiba huu na Mungu ailaze roho ya marehemu mahali pema peponi, Amina.

24/10/2023

😭
=======••••••=========
Jamii ya Wabembe waishio hapa Marekani wanayo masikitiko na majonzi makubwa ya kutangaza kifo cha mtoto wao aliyekuwa akijulikana kwa jina la Patrick Mukambilwa ambaye amefariki dunia usiku wa kuamkia leo Jumanne Oktoba 24, 2023 jijini Buffalo, nchini Marekani.

Taarifa za ndani kuhusiana na kifo cha Patrick Mukambilwa aliyekuwa mkaaji wa kijiji cha K2, zone ya 4 na mwimbaji wa sauti ya 3 katika kanisa la Katoliki huko Buffalo zimetolewa na mwimbaji mwenza ambaye hakutaja jina lake. Mwimbaji huyo mwenza wa marehemu amesema kuwa Patrick Mukambilwa amekutwa mapema alfajiri kitandani, nyumbani kwake akiwa ameshakata roho, tukio ambalo linaacha wengi na mshangao na masikitiko makubwa.

Kwa kambini Nyarugusu na huko Congo, mahali ambako msiba wa Patrick Mukambilwa utakuwa umewekwa bado kujulikana na familia haijatangaza kuhusu mpango wa mazishi ya mpendwa wao.

Hivyo, tutaomba wanafamilia kutupa taarifa za mahali ambako msiba wa Patrick utakuwa umewekwa pale kambini Nyarugusu na mpango wa mazishi kwa faida ya wengine wengi ambao watajumuika kwa kuomboleza pamoja nao.

Uongozi wa ukurasa huu unatoa pole kwa wote walioguswa na msiba huu na Mungu ailaze roho ya marehemu mahali pema peponi, Amina.

23/11/2023

22/11/2023

22/11/2023

22/11/2023

22/11/2023

22/11/2023

22/11/2023

20/11/2023

20/11/2023

20/11/2023

20/11/2023

20/11/2023

19/11/2023

19/11/2023

18/11/2023

18/11/2023

18/11/2023

17/11/2023

15/11/2023

14/11/2023

12/11/2023

10/11/2023

07/11/2023

01/11/2023

30/10/2023

30/10/2023

29/10/2023

29/10/2023

29/10/2023

27/10/2023

27/10/2023

24/10/2023

Address

Telephone

Website

Alerts

Videos

Shortcuts

Share

Category