Tanganyika Online Tv

12/06/2023

https://www.youtube.com/live/XQu_EeCpNMs?feature=share

Karibuni sana Tanganyika Online TVWASILIANA NASISIMU: 0762380376 au 0677 071 019S.L.P 1947 [email protected]

12/05/2023

https://youtu.be/buXk_yJXxc0

Karibuni sana Tanganyika Online TVWASILIANA NASISIMU: 0762380376 au 0677 071 019S.L.P 1947 [email protected]

28/04/2023

https://youtu.be/oH4CDAlrR8Y

05/04/2023

YANGA WATAPIGIWA GWARIDE SHABIKI ASEMA TAZAMA KUJUA YOTE

04/04/2023

JE UNAJUA NINI MAANA YA TALAKA TAZAMA HAPO

03/04/2023

Waziri wa Afya Mhe. Ummy Mwalimu leo Aprili 2,2023 amesaini hati ya makubaliano ya kushirikiana na Kampuni ya SCJohnson ya nchini Marekani katika kupambana na ugonjwa wa Malaria nchini.

Tukio hilo limehudhuriwa na Makamu wa Rais Mtendaji wa Shirika hilo Bw. Mark Martin, Balozi wa Umoja wa Viongozi wa nchi za Afrika dhidi ya Malaria (ALMA) Mhe. Anthony Okara pamoja na Mwenyekiti Mteule wa Baraza la Kutokomeza Malaria Tanzania Mhandisi Leodgar Tenga.

Tamko hilo limefikiwa kufuatia ziara ya Rais wa Jamhuri ya Muungano wa Tanzania Dkt.Samia Suluhu Hassan aliyoifanya kwenye makao makuu ya kampuni hiyo yaliyopo Racine, Winscosin nchini Marekani mwezi Mei, 2022.

30/03/2023

WAZIRI wa Ardhi, Nyumba na Maendeleo ya Makazi Dkt. Angelina Mabula amewaagiza Wakurugenzi
wote wa Mamlaka za Serikali za mitaa kupima, kulinda na kusimamia
maeneo yote ya umma na maeneo ya wazi ili kuondokana na mwenendo mbaya unaoendelea kukithiri wa kuvamia maeneo hayo.

Agizo hilo amelitoa Machi 29 jijini Dodoma kwenye mkutano Mkuu wa Nane wa mwaka wa Bodi ya Usajili wa Wataalamu wa Mipango Miji ambapo alisema kumejitokeza utaratibu mbaya na usiovumilika, wa kuvamia maeneo ya wazi, maeneo ya umma pamoja na maeneo hatarishi na kuyabadilisha kuwa ya matumizi mengine hasa makazi.

Amesema Maeneo hatari kimazingira pamoja na maeneo ya wazi, yakiwemo maeneo maalum kwa matumizi ya baadaye (land bank), yanapaswa kupimwa na kulindwa dhidi ya wavamizi.

Alisema ili tuwe na miji nadhifu na iliyopangwa vyema katika nchi yetu hakuna budi kuanza kusimamia upangaji wa miji midogo na vitovu
vya vijiji vyetu.

"Takwimu za Sensa ya Watu na Makazi 2022 inaonyesha kuwa miji
inakuwa kwa asilimia 4.8 na taarifa tulizonazo tuna jumla ya miji midogo
inayochipukia 4,310 nchini ambayo isiposimamiwa ipasavyo itakuwa miji
holela ya baadae," Alisema

"Kwa kutambua umuhimu wa miji hiyo na uwepo wa kasi ndogo ya upangaji wa vijiji nchini, Wizara imeandaa mwongozo wa upangaji na ujenzi wa nyumba bora vijijini ili kuwezesha jamii yetu kuanza kupanga maeneo yao kuanzia vijijini," alisema Waziri Mabula

Aidha alitoa maelekezo kwa Bodi ya Usajili Wataalam wa Mipango Miji na wanataaluma wote kuweka mkazo Zaidi katika namna ya kuzuia miji yetu midogo na vijiji kuwa makazi holela ya baadae kwa kusimamia na kuelimisha jamii matumizi ya mwongozo wa upangaji na ujenzi wa nyumba bora vijijini.

Pia alisema Serikali itaendelea na jukumu lake la kuimarisha
mahusiano ya kitaasisi ili kuimarisha maendeleo ya miji pamoja na kupata
fedha kwa ajili ya kupanga na kusimamia miji.

Hata hivyo aliekeza kuwa gharama za kuweza kumudu kupanga, kupima na kumilikisha maeneo yote nchini ni kubwa, Ninaelekeza Mamlaka za Upangaji nchini kutenga fedha kutokana na mapato ya ndani ya kila
mwaka, kwa ajili ya kazi ya kupanga, kupima, kumilikisha, kuendeleza
na kusimamia miji katika maeneo yao.

Akiongelea suala la Mabadiliko ya tabia nchi Waziri Mabula alisema suala la Mabadiliko ya tabia nchi ni suala muhimu sana kwa sasa katika sayansi ya usanifu wa miji duniani kote.

"Ili kukabiliana na mabadiliko ya tabia nchi katika miji yetu tunatarajia mchango mkubwa sana wa Wataalamu wa Mipango miji katika kuweka mifumo wezeshi kwa ajili ya
kukabiliana na majanga mbalimbali kuanzia katika usanifu wa mipango
kabambe ya Miji na mipango kina ya usimamizi wa uendelezaji wa Miji," alisema Waziri Mabula

Aliekeza katika suala la kuhimili janga la mafuriko mijini inahitajika, siyo tu
kuimarisha uwekaji wa miundombinu k**a mifereji ya maji ya mvua, bali pia
kuweka miundombinu ya kijani k**a vile maeneo chepechepe, maeneo ya
Bafa (Buffer zones), mabwawa ya kuzuiamaji ya mvua (detention ponds)
pamoja na maeneo ya kuwezesha maji kuzama ardhini (porous pavements)
ili kupunguza kasi na madhara ya mafuriko.

"Napenda nisisitize kuwa Maafisa Mipango miji mmepewa jukumu kubwa sana la kuongoza mwonekano wa miji yetu na vijiji kupitia taaluma mliyonayo. Ni matumaini yangu jukumu hilo mtalibeba kikamilifu na kuwa wabunifu katika utekelezaji wa majukumu yenu ya kila siku na kuzingatia kikamilifu matumizi ya takwimu mbalimbali za Sensa ya Watu na Makazi, Sensa ya majengo na takwimu nyingine kwa ajili ya kuwezesha utendaji kazi wenu kikamilifu," alisema

"Naelekeza bodi ya Usajili Wataalam wa Mipangomiji kuongeza kasi na kuboresha mifumo itakayowezesha upimaji wa utendaji kazi wa kampuni na wataalam katika kutekeleza majukumu yao ya kila siku," alisema Waziri Mabula

Watumishi na kampuni zitakazofanya
vizuri katika upangaji mwone namna ya kuwapatia motisha na kujenga
ushindani mzuri katika upangaji na usimamizi wa miji ili kuwa na miji salama, Jumuishi, stahimilivu na endelevu.

Pia Alisema Kwamba moja ya mahitaji makubwa katika upangaji wa miji endelevu na himilivu ni pamoja na upatikanajiwa takwimu sahihi zinazoendena na wakati. Ni wazi kwamba umuhimu wa takwimu hizi unajitokeza wakati wa kutoa maamuzi katika kipindi cha upangaji wa miji.

Ni muhimu kujua idadi ya watu katika eneo la upangaji ili kujua ni mahitaji gani ya kijamii yanahitajika katika eneo hilo, kwa mfano idadi ya shule za msingi, shule za awali, zahanati, vituo vya Afya, maeneo ya kuchezea watoto Kwa kuwa sensa ya watu na makazi imefanyika Agosti, 2022 ni vyema sasa takwimu hizo zitumike katika upangaji mipango ya uendelezaji miji.

Aidha, takwimu za umri, jinsi, idadi ya nyumba, idadi ya wakazi katika nyumba nk, zinatumiwa na wataalam wetu wa Mipangomiji katika kupanga mahitaji muhimu ya kijamii miongoni mwa rika mbalimbali, ikiwemo makazi ya wazee, mahitaji ya shule za awali, shule za Msingi, Sekondari, mahitaji ya wenye ulemavu Takwimu na taarifa hizo zote zinapatikana kutoka katika zoezi la Sensa ya Watu na Makazi.

"Miji ni eneo mojawapo katika kuleta maendeleo ya nchi kupitia uwekezaji wa aina mbalimbali, ingawaje inaendelea kukumbwa na changamoto mbalimbali ambazo zinasababisha miji yetu kutokutoa
mchango uliotegemewa katika kuimarisha uchumi, kuongeza uhimilivu, na kuwa endelevu," alisema

Na kuongeza "Mijiyetu inaukuaji wa mtawanyiko ambao unaongeza gharama za kuweka miundombinu k**a ya maji,umeme, barabara nk, pamoja na gharama zakufuata mahitaji muhimu. Kwa mujibu wa Sensa ya Watu na Makazi 2022 tuna jumla ya majengo 14,348.372kati ya hayo asilimia 0.5pekee ndio majengo ya ghorofa," alisema.

Alitoa rai kwa Wakurugenzi wa Mamlaka za Miji, Manispaa na Majijikupanga miji na kuifanya kuwa ya kiushindani kibiashara,kitalii, na kimazingiraili iweze kuhimili mabadiliko ya tabia nchi, na kuwamiji salama na mahali pazuri kwa kuishi na kufanya kazi.

Aidha, aliekeza wataalam wa mipangomiji nchini kusimamia kikamilifu utekelezwaji wa mipango kabambe iliyoandaliwa katika maeneo yenu na mipangokina ili kuwa na
uendelezaji wa mji unaozingatia mipangomiji.

" Ninyi wataalam wa mipangomiji mnapaswa kuwa na wivu na taaluma yenu na msiruhusu kuharibika kwa miji machoni mwenu," alisema waziri Mabula

28/03/2023

KAMATI YA MIUNDOMBINU YAITAKA SERIKALI KUWEKA MKAKATI WA KUTOA ELIMU YA TEHAMA

Wizara ya Habari, Mawasiliano na Teknolojia ya Habari imetakiwa kuhakikisha inatenga bajeti mahususi kwa ajili ya kutoa elimu ya TEHAMA nchini.

Rai hiyo imetolewa na Mhe Selemani Kakoso (Mb) ambaye ni Mwenyekiti wa K**ati ya Kudumu ya Bunge ya Miundombinu wakati wa kikao cha k**ati kilichohusisha Wizara ya habari, Mawasiliano na Teknolojia ya hanari kilichofanyika leo terehe 27 Machi 2023 katika Ukumbi wa Bunge, Jijini Dodoma.

Mhe Kakoso ameeleza kuwa ulimwengu wa utandawazi umesababisha kusambaa kwa matumizi ya Teknolojia ya Habari na Mawasiliano (TEHAMA), hususani matumizi ya kompyuta na viambata vyake na kuitaka Wizara hiyo kuhakikisha inatenga bajeti ya mwaka 2023/2024 kwa ajili ya kazi hiyo.

Amesema kuwa "Kuwe na mkakati wa maboresho na mpango wa kuhakikisha kuwa elimu ya TEHAMA inaenezwa nchini maana sote lazima tukubaliane kuwa TEHAMA ndio ulimwengu wa sasa.”

Mhe Kakoso amesema kuwa endapo mapato ya Serikali yatakuwa ni kidogo kuna kila sababu ya kutafuta fedha mahali popote ili kuhakikisha mapinduzi ya TEHAMA yanapatikana nchini.

"Mimi nawahakikishia kuwa bila kujenga vijana wenye teknolojia bora nchi yetu haitakuwa salama, TEHAMA ndio mwarobaini wa maendeleo ya nchi yetu na Dunia nzima imeelekea huko", amesisitiza Mhe Kakoso.

Kadhalika, Mhe Kakoso amepongeza kazi zinazofanywa na Mfuko wa Mawasiliano kwa Wote (UCSAF) kwa kufanya maboresho na usimamizi madhubuti wa miradi ya mawasiliano katika maeneo mengi nchini.

"Nawahakikishia kuwa k**a tungetegemea mfumo wa makampuni pekee kusingekuwa na mawasiliano ya kutosha. Minara mingi imezidiwa hivyo ni vizuri kuendelea kufanya maboresho ili kuondoa changamoto zozote za mawasiliano", ameeleza Mhe Kakoso.

Akijibu baadhi ya hoja za Wajumbe wa K**ati hiyo kuhusu changamoto za mawasiliano mipakani, Naibu Waziri wa Mawasiliano na Teknolojia ya Habari Mhe. Mhandisi Kundo Mathew (Mb) amesema kuwa lengo la Serikali ni kuimarisha huduma ya mawasiliano katika mipaka ya Tanzania kwa sababu mipaka hiyo inabeba taswira ya uchumi wa nchi na pia masuala ya usalama na kuwapatia fursa Watanzania kuona kile ambacho kinatokea ndani ya nchi yao.

Mhandisi Kundo amesema kuwa wananchi wanaoishi katika maeneo ya mipakani wamekuwa wakitumia gharama kubwa kupata huduma za mawasiliano kupitia huduma ya ‘roaming’ kutokana na mwingiliano wa mawasiliano na kupelekea kuchangia mapato ya nchi jirani kupitia huduma hiyo.

Ameeleza kuwa, Shirika la Utangazaji la Taifa (TBC) limeendelea kufanya jitihada mbalimbali za kuhakikisha kuwa Watanzania wanapata haki ya kupata habari kwa kufikisha usikivu wa redio zake nchi nzima.

Kuhusu mawasiliano, Naibu Waziri Kundo amesema kuwa Serikali ya Awamu ya Sita inayoongozwa na Mhe Rais Dkt. Samia Suluhu Hassan imeendelea kuwekeza katika Teknolojia ya Habari na Mawasiliano (TEHAMA) nchini kwa lengo la kutatua changamoto ya mawasiliano ikiwa ni pamoja na kuvutia uwekezaji na kurahisisha utoaji huduma kwa wananchi.

Amesema kuwa ni dhahiri kuwa huduma za mawasiliano ni za msingi katika maisha ya wananchi kwa vile zinagusa nyanja za kijamii, kiuchumi na kisiasa. Pia, mawasiliano yanawezesha na kuhimili sekta mbalimbali ikiwemo afya, elimu, kilimo, uwekezaji na biashara na kutoa mchango mkubwa katika uchumi wa moja kwa moja kupitia sekta hizo.

27/03/2023

WANAFUNZI (ASSA) WAFUNGUKA HAYA BAADA YA KUFUNDWA.

27/03/2023

Kocha wa Uganda MILUTIN SREDOJEVIĆ ‘Micho’ amesema kikosi chake kipo katika kipindi cha mpito ambapo wanatengeneza timu imara kutoka kwa wachezaji wazoefu na kuwaingiza wachezaji vijana hivyo kukutana na Tanzania yenye wachezaji kadhaa wanaocheza nje [Misri, Saudi Arabia, Ubelgiji] pamoja na wale wa Simba na Yanga kunafanya timu Taifa Stars kuwa timu imara.

24/03/2023

CHAMA ASUGUA BENCHI ZAMBIA VS LESOTHO. Mchezo ambao ulichezwa jana na zambia waikaibuka na ushindi wa gori 3 na lesotho wakapata gori 1 chamba ambae ni nyota wa kikosi cha simba sport club..katika timu yake ya taifa hajafanikiwa kupata namba. amesugua benchi

24/03/2023

WIZARA YA MALIASILI NA UTALII KUENDELEA KUIMARAISHA UWIANO WA KIJINSIA KATIKA UHIFADHI WA WANYAMAPORI

Wizara ya Maliasili na Utalii kupitia Mradi wa Kupambana na Ujangili na Biashara Haramu ya Nyara unaofadhiliwa UNDP imesema itaendelea kuchukua hatua za kuimarisha uwiano wa kijinsia katika shughuli za uhifadhi wa wanyamapori

Hayo yamesemwa leo Jijini Arusha na Mwakilishi wa Katibu Mkuu wa Maliasili na Utalii, Bi. Violeth Mlinga wakati akifungua Warsha ya Wadau kuhusu ushiriki wa Kijinsia katika kupambana na ujangili.

Hatua hii inakuja kufuatia shughuli za uhifadhi kwa kiasi kikubwa kutawaliwa na uwakilishi wa wanaume na kuwepo kwa mitazamo kuwa kazi za uhifadhi zinawafaa zaidi wanaume kuliko wanawake.

Ameongeza kuwa tathmini iliyofanyika wakati wa kuandaa Mradi huo ilibainika kutokuwepo kwa usawa wa kijinsia licha ya kuongezeka kwa idadi ya wanawake katika shughuli za uhifadhi

Amesema ili kuleta mapinduzi ya kifikra kuhusu suala hili, Wizara kwa kushirikiana na UNDP zimeendelea kutoa uzito unaostahiki katika mapambano ya ujangili na biashara haramu ya nyara.

Katika hatua nyingine, Bi. Mlinga amesema takwimu zinaonesha kuwa asilimia zaidi ya 90 ya majangili wanaok**atwa ni wanaume na kwamba suala hili limeendelea kuathiri familia nyingi pindi wanaume hao wanapok**atwa na hivyo jukumu la kulea familia linakuwa na wanawake

Kwa upande wa Mwakilishi wa Mkurugenzi wa Wanyamapori, Elisante Ombeni amesema suala la usawa wa kijinsia ni miongoni mwa masuala yanayotekelezwa kupitia kwenye Mradi huo ili kuhakikisha wanawake wanashiriki kwa wingi zaidi katika uhifadhi

Amefafanua kuwa ili kuhakikisha usawa wa kijinsia unafikia uwiano wake, Wizara imeweka malengo ya muda mfupi, ya kati na mrefu katika kubainisha majukumu ya wadau.

Naye, Mkurugenzi Mratibu wa Sera na Miradi wa UNDP, Amon Manyama, amesema ili kuleta matokeo chanya katika uhifadhi ni lazima kuboresha usawa wa kijinsia kwenye shughuli za kupambana na ujangili.

Amesema endapo Tanzania itafanikiwa kuleta usawa huo wa kijinsia itaweza kufikia lengo la 5 la Malengo ya Maendeleo Endelevu “2030 Agenda for Sustainable Development” linalohimiza kuwa usawa wa kijinsia ni muhimu kwa ulimwengu wenye amani, ustawi na uendelevu.

Warsha hiyo imehudhuriwa na Maafisa Waandamizi kutoka UNDP, Wawakilishi kutoka WWF, WCS, AWF, PAMS Foundation pamoja na Wawakilishi wa Makamishna wa Uhifadhi kutoka TANAPA, NCAA, TAWIRI, TAWA,

23/03/2023

THE FUTURE IS NOW

Udhamini wa kuendeleza soka la vijana

Udhamini wa Milioni 500

Udhamini wa miaka miwili

Tutazunguka nchi nzima kutafuta vijana wenye vipaji na kuwaleta Simba Sc

Vijana wateule tutawasomesha

Mo Dewji amekubali kuanzisha Academy na hivi karibuni tutaanza ujenzi

23/03/2023

Soka la vijana ni muhimu sana. Ili uwe na timu ya vijana iliyo bora lazima iwezeshwe. K**a ilivyo kwa wachezaji wengine k**a Mohamed Hussein kutoka kwa timu ya vijana.”- CEO Imani Kajula.

22/03/2023

CHAVITA yaipongeza eGA kwa huduma za Serikali Mtandao jumuishi kwa watu wenye ulemavu

Mwenyekiti wa Chama cha Viziwi Tanzania (CHAVITA) Wilaya ya Rufiji Mkoa wa Pwani Bw. Suleiman Zalala ameipongeza Mamlaka ya Serikali Mtandao (eGA) kwa huduma jumuishi za Utekelezaji wa Jitihada za Serikali Mtandao kwa watu wenye ulemavu

Mwenyekiti ametoa pongezi hizo wakati wa kilele cha kikao kazi cha tatu (3) cha Serikali Mtandao kilichofanyika hivi karibuni katika Ukumbi wa Kimataifa wa Mikutano wa Arusha (AICC) jijini Arusha.

Bw. Zalala ameishukuru Mamlaka kwa kuthamini na kuona mchango wa kundi maalumu la watu wenye uelemavu kushiriki katika mafunzo hayo ili kuboresha huduma jumuishi za Serikali Mtandao kwa watu wenye walemavu.

Mwenyekiti amesema CHAVITA imekuwa na ushirikiano wa muda mrefu na eGA katika programu mbalimbali za mafunzo zinazoandaliwa na Mamlaka kwa watu wenye ulemavu na kwamba mafunzo hayo yamekuwa yakiwajengea uwezo na uelewa mkubwa wa utekelezaji wa jitahada za Serikali Mtandao katika utoaji wa huduma mbalimbali kwa wananchi.

“Tumepata kujifunza na kupata uelewa juu ya mabadiliko mbalimbali ya teknolojia katika utoaji wa huduma na huduma mbalimbali zinazowezeshwa na eGA kwa wananchi k**a vile ununuzi wa Luku, bill za maji n.k”

Aidha, Mwenyekiti ameomba mafunzo hayo yawe chachu kwa Taasisi nyingine za Umma kuiga mfano wa kile kilichofanywa na Mamlaka kwa kuwashirikisha makundi maalum kwenye uandaaji wa mafunzo na programu mbalimbali zinazotekelezwa na taasisi zao .

Nae Mkurugenzi Mkuu wa Mamlaka ya Serikali Mtandao (e-GA) Eng. Benedict Ndomba amewashukuru wadau wote waliohudhuria kikao kazi hicho na kwa michango yao itakayosaidia kufanikisha na kuimarisha utekelezaji wa jitihada za Serikali Mtandao kwa ajili ya kuboresha utendaji kazi wa Taasisi za umma, pamoja na utoaji wa huduma kwa umma.

“Naimani kuwa, kikao hiki kimewajengea uwezo zaidi washiriki wote kuhusu Serikali Mtandao na kila mdau ametambua namna ambavyo anaweza kufanikisha jitihada za Serikali Mtandao kupitia sekta yake” Alisema Eng. Ndomba

Eng. Ndomba aliongeza kuwa washiriki zaidi ya 1624 wamehudhuria kikao hicho na mada 22 ziliwasilishwa na wadau kutoka katika taasisi mbalimbali za Umma zilizolenga kutathmini na kuimarisha nguzo kuu Nne (4) za Serikali Mtandao.

Mkurugenzi amesema katika kikao hicho wadau wamepata fursa ya kujadili masuala mbalimbali ya ushirikiano katika kutekeleza jitihada za Serikali Mtandao nchini pamoja na kutafuta ufumbuzi wa changamoto za serikali mtandao zilizopo nchini ili kuleta maendeleo ya kiuchumi na kijamii .

Vilevile washiriki wametoa maoni mbalimbali ya namna ya kukuza jitihada za Serikali Mtandao ikiwa ni pamoja na kushauri uboreshaji wa Mifumo mbalimbali inayotoa huduma kwa umma pamoja na kupanua wigo wa utoaji wa huduma za Serikali Mtandao katika maeneo mbalimbali nchini.

Mkurugenzi amesema Menejimenti ya Mamlaka imeyapokea maoni na ushauri uliotolewa na kwamba eGA ipo tayari kufanyia kazi maoni hayo yanayolenga kuboresha na kukuza jitihada za Serikali Mtandao nchini.

22/03/2023

Tuna idadi kubwa ya wachezaji walioitwa kwenye timu zao za taifa, wachezaji ambao wapo watarudi rasmi mazoezini kesho tayari kwa maandalizi ya mchezo wetu ujao na wa mwisho kwenye hatua ya makundi dhidi ya TP Mazembe ugenini na kambi rasmi ya mazoezi itaaanza tarehe 27 mwezi huu kwa ajili ya maandalizi ya mwisho kuelekea mchezo huo utaochezwa tarehe 2 mwezi ujao nchini Congo

22/03/2023

SERIKALI KUSHIRIKIANA NA WADAU KUDHIBITI UGONJWA WA KIFUA KIKUU (TB)

Na. WAF - Dodoma

Serikali imedhamiria kuendelea kushirikiana na wadau katika sekta zote ili kudhibiti na kuutokomeza ugonjwa wa Kifua Kikuu (TB) ifikapo mwaka 2030.

Hayo yamesemwa leo na Katibu Mkuu Ofisi ya Waziri Mkuu (Sera, Bunge na Uratibu) Dkt. Jim Yonazi kwenye kikao na Makatibu Wakuu wa Wizara kilichofanyika katika ofisi za Waziri Mkuu Jijini Dodoma.

“Ili kudhibiti ugonjwa huu wa Kifua Kikuu ni muhimu kushirikiana na wadau wengi k**a sekta ya afya, wadau sekta ya elimu, sekta ya usafirishaji na sekta nyingine mbalimbali.” amesema Dkt. Yonazi

Kwa upande wake Mtaalamu Mshauri kutoka Stop Tb Partnership (STP) Bw. Oscar Mukasa wakati akiwasilisha taarifa ya mpango kazi wa kudhibiti Kifua Kikuu amesema watu wenye hatari zaidi ya kupata Kifua Kikuu ni pamoja na watu wanaoishi kwenye makazi duni, Watoto, Wavuvi na Wanaoishi Bweni.

Pia, amesema Watu wenye VVU, watu wenye Utapiamlo, wachimbaji madini, wanaoishi na mgonjwa wa Kifua Kikuu, watoa huduma za afya na wanaotumia madawa ya kulevya kwa kujidunga sindano.

Mwisho, Bw. Mukasa amewashauri wanaoishi katika mazingira hayo kuchukua tadhari za kujikinga na ugonjwa wa Kifua Kikuu (TB).

21/03/2023

WATUMISHI WA e-GA WAHIMIZWA KUFANYA KAZI KWA KUZINGATIA MISINGI MIKUU SITA YA MAMLAKA

Mkurugenzi Mkuu wa Mamlaka ya Serikali Mtandao (e-GA), Mhandisi Benedict Ndomba, amewataka watumishi wa Mamlaka hiyo kufanya kazi kwa kuzingatia misingi mikuu sita ya Taasisi.

Ndomba alisema hayo wakati wa kikao cha Watumishi wa Mamlaka kilichofanyika kwa muda wa siku tatu katika ukumbi wa Karimjee jijini Dar es Salaam kwa lengo la kuwajengea uwezo watumishi hao katika masuala mbalimbali yanayohusu utumishi wa umma

“e-GA inaongozwa na misingi mikuu sita ambayo inaelekeza kuhusu tabia na mwenendo wa watumishi wake kwa ngazi zote na kufafanua utamaduni wa mahali pa kazi ili kuhakikisha watumishi wote na wateja wa Mamlaka, wanao uelewa wa pamoja wa jinsi wanavyotakiwa kuhudumiwa na nini kichotarajiwa kutoka kwao”, alisema Ndomba.

Aidha, Ndomba aliwakumbusha watumishi wote wa Mamlaka kuzingatia misingi hiyo ambayo ni uadilifu, ubunifu, kutathmini wateja, ushirikiano, kufanya kazi kwa pamoja na weledi katika utendaji kazi wao wa kila siku.

Alifafanua kuwa, Mamlaka imekuwa taasisi ya mfano inayofanya shughuli zake za kila siku kwa kasi na ari inayokubalika, kutokana na uadilifu mkubwa wa Menejimenti na watumishi waliodhamiria kuweka juhudi kubwa katika kuboresha utendaji wa Serikali na utoaji huduma bora kwa umma.

“Nawakumbusha watumishi wote kuimarisha uadilifu na kila mtumishi kutimiza wajibu wake kwa kufanya kazi kwa bidii, nidhamu na kwa weledi kwa kuzingatia misingi hiyo huku Mamlaka ikiendelea na jitihada mbalimbali za kuhakikisha kuwa watumishi wanafanya kazi katika mazingira bora na salama”, alisistiza Ndomba.

Katika kikao hicho mada mbalimbali zilizolenga kujenga uelewa na ufahamu kwa watumishi ziliwasilishwa ikiwemo Afya mahali pa kazi, Rushwa mahala pa kazi, Maadili ya utendaji, Haki na Wajibu, HIV/AIDS na magonjwa sugu yasiyoambukiza, mawasiliano mazuri kwa utendaji bora wa kazi, Namna ya kukabiliana na msongo wa mawazo na maisha kazini n.k

Aidha, Kikao hicho kilihitimishwa na Bonanza la Michezo lilifanyika katika viwanja vya gymkhana michezo mbalimbali ikiwemo kukimbiza kuku, kuvuta kamba, kutembea kwa kutumia magunia, kutembea na yai kwenye kijiko, mbio fupi n.k

17/03/2023

Winga wa Simba, PAPE SAKHO amejumuishwa kwenye kikosi cha wachezaji 24 walioitwa na kocha Aliou Cisse kuwakilisha Senegal 🇸🇳 kwenye mechi za kufuzu AFCON. Sakho ndo Mchezaji pekee kutoka Ligi ya Afrika kuitwa katika Timu ya Taifa ya Senegal.

17/03/2023

KAMATI YA BUNGE YAIMWAGIA SIFA SERIKALI UTEKELEZAJI WA JENGO LA MAMA NA MTOTO META.

Na WAF - MBEYA.

KAMATI ya kudumu ya Bunge ya afya na masuala ya UKIMWI imeimwagia sifa Serikali ya Rais Samia kwa kutekeleza mradi wa jengo la huduma ya afya ya mama na mtoto uliogharimu zaidi Bilioni 12 katika hospitali ya Rufaa ya kanda - Mbeya.

Akiongea kwa niaba ya k**ati hiyo leo Machi 16, 2023 Mwenyekiti wa k**ati Mhe. Stanslaus Nyongo amesema tumetembelea maeneo mengi hatujawai kuona jengo zuri lililojengwa kisasa k**a jengo hili la mama na mtoto lilojengwa na Serikali kupitia Wizara ya Afya.

"Tumeona maeneo mbalimbali ambayo yamejengwa kwa ustadi wa juu, pamoja na wodi za kisasa kabisa kwaajili ya viongozi na watu wenye uwezo fedha za kutosha, hivyo ujenzi huu umekidhi mahitaji makubwa na hii kwa sisi Tanzania tunajivunia kwakweli kwa ukanda wa Afrika tunaingia katika utoaji huduma katika kiwango cha juu." Amesema.

Aidha Mhe. Nyongo Aidha, ameishukuru Serikali ya Awamu ya Sita chini Mhe. Dkt Samia Suluhu Hassan, Rais wa Jamhuri ya Muungano wa Tanzania hasa katika kuelekea kipindi cha miaka miwili madarakani kwa jitihada zilizofanywa katika kufanikisha wa ujenzi wa mradi huo ambao ni wa ghorofa sita wenye uwezo wa kuchukua Takribani wagonjwa 200.

Nae, Dkt. Godlove Mbwanji, Mkurugenzi Mtendaji wa Hospitali ya Rufaa ya Kanda Mbeya amesema matarijio yao kufikia tarehe 30 aprili, 2023 huduma katika jengo hilo zitaanza kupatikana kwa 100 % japo kwasasa baadhi ya huduma zinaendelea kulingana na viendea kazi vilivyopo.

Mwisho.

16/03/2023

BODI YA BARABARA DODOMA YAPITISHA BAJETI YAKE KWA MWAKA 2023
Bodi ya Barabara Mkoa wa Dodoma, imekutana kwenye kikao chake cha kwanza kwa mwaka 2023 katika Ukumbi wa Ofisi ya Mkuu wa Mkoa Jijini Dodoma chini ya mwenyekiti wake Mhe. Rosemary Senyamule, Mkuu wa Mkoa wa Dodoma.

Lengo kuu la kikao hiki cha kwanza ni kujadili bajeti ya Barabara ya mwaka huu pamoja na kupitia utekelezaji wa bajeti iliyopita ambapo Wakala wa Barabara TANROADS Mkoa wa Dodoma umependekeza bajeti ya jumla ya shilingi Milioni 228,490.672 ikiwa ni bajeti halisi kwa ajili ya matengenezo ya Barabara yenye jumla ya Km 1,707.22 pamoja na madaraja 330 kwa barabara kuu na Mkoa.

Kwa upande wa Wakala wa Barabara Vijijini na Mijini TARURA, nao wamewasilisha bajeti ya utekelezaji wa miradi ya Barabara unaofikia jumla ya shilingi Bilioni 31.49 zimetengwa katika matengenezo na ukarabati wa miradi ikiwemo miradi mikubwa ya maendeleo (Development Projects).

Akizungumza baada ya mawasilisho ya bajeti hizo, Mwenyekiti wa kikao hicho Mhe. Senyamule, amesema kuwa amefurahishwa na utekelezaji wa miradi mbalimbali ya Barabara unaoendelea Mkoani hapa na kuwaasa wajumbe juu ya matumizi mazuri ya fedha za Serikali.

"Mhe. Rais Dkt. Samia Suluhu Hassan, ametoa fedha nyingi ambapo bajeti imepanda kwa asilimia kubwa ukilinganisha na kipindi kilichopita. Leo nimeshuhudia mapinduzi makubwa kwenye kikao cha Bodi ya Barabara yanayotokana na utashi wa kisiasa wa viongozi wetu. Niendelee kusisitiza ubora na umakini wa usimamizi wa miradi hii ya Barabara kwani ni fedha za Serikali zimetumika" Mhe. Senyamule

Kadhalika, Mwenyekiti wa Halmashauri ya Wilaya ya Mpwapwa Bw. George Fuime ameishukuru Serikali kwa kuiona na kuipa kipaumbele barabara ya Mpwapwa kwa kuanza utekelezaji wa ujenzi wake kwani ndio Wilaya pekee iliyobaki ambayo haijaunganishwa na barabara ya lami kwa miaka mingi licha ya Wilaya hiyo kuwa kongwe zaidi.

Kikao hiki kimemeazimia kuanza kwa ujenzi wa Barabara ya Arusha - Simanjiro - Kiteto - Kongwa, uanzie makutano ya Kongwa, Barabara ya Mpunguzi ijengwe kwa kiwango cha Lami, TANROADS na TARURA watoe kipaumbele maeneo korofi kwa mujibu wa ukomo wa bajeti na vipaumbele kutolewa

16/03/2023

WAKANDARASI WALIOGOMEA WITO WA DKT. MOLLEL WA KUFIKA ENEO LA KAZI WAELEKEZWA KUFIKA KWA MKUU WA MKOA.

Na WAF- SINGIDA

Naibu Waziri wa Afya Dkt. Godwin Mollel amewaagiza Wakandarasi kutoka kampuni ya Luba, MUST na Ardhi ambao waligomea wito wake wa kufika katika eneo la mradi wa ujenzi wa hospitali ya Rufaa ya Mkoa wa Singida kufika kwa Mkuu wa Mkoa huo ili kujieleza kwanini mradi huo haumaliziki ndani ya wakati licha ya kulipwa fedha zote na Serikali.

Dkt. Mollel ametoa maagizo hayo leo alipofanya ziara ya kukagua maendeleo ya ujenzi wa miradi ya hospitali ya Rufaa ya Mkoa wa Singida, pamoja na kukagua hali ya ubora wa huduma katika hospitali hiyo katika eneo la upatikanaji wa huduma za dawa.

Amesema, Wakandarasi kutoka Kampuni ya Luba, MUST na Ardhi wamegoma kuja katika eneo la ujenzi licha ya kutoa maelekezo wawepo katika eneo la ujenzi wa mradi ili kujadili kwa pamoja changamoto zinazowafanya kushindwa kutekeleza makubaliano ya kumaliza mradi ndani ya wakati licha ya kupewa fedha zote.

"Tumekubaliana na Mkuu wa Mkoa tutaenda nao hawa wawakilishi mpaka watapopatikana huyu muhusika wa Luba, pamoja na watu wa MUST na chuo cha Ardhi, waje Singida ili na wao wapate nafasi ya kusikilizwa, watuambie shida ni nini na kwanini kazi waliyopewa hawajaifanya kwa wakati."

Amesema kuwa, Mkandarasi kutoka Luba alitakiwa kumaliza mwezi Julai 2022, lakini hakutimiza makubaliano hayo licha ya kuongezewa muda mpaka Novemba 2022 wakati huo Serikali ikiwa imetimiza jukumu lake la kutoa kiasi chote cha fedha kwaajili ya mradi huo.

Aidha, Dkt. Mollel amesema wengine ambao hawajatimiza maelekezo ya kufika katika eneo la ujenzi wa mradi ni taasisi ya MUST pamoja na Chuo cha Ardhi, huku akisisitiza wote watachukuliwa hatua kwa mujibu wa Sheria na taratibu za Utumishi wa umma.

Sambamba na hilo, Dkt. Mollel ametembelea Hospitali ya Rufaa ya Mkoa wa Singida na kuwataka waongeze juhudi katika utoaji huduma licha ya kuwa moja kati ya hospitali zilizofanya vizuri katika eneo la utoaji huduma hasa eneo la vifo vya wajawazito.

Pia, amewaelekeza Wataalamu kutoka hospitali ya rufaa ya mkoa kuwajengea uwezo na kuwasimamia hospitali ya Wilaya ili zikasimamie vituo vya afya kuboresha huduma za afya kwa wananchi.

Mwisho.

15/03/2023

KAMBI YA MADAKTARI BINGWA YAANZA UPASUAJI-KITETE

Na. Catherine Sungura-Tabora

Kambi maalumu ya Madaktari Bingwa kutoka Hospitali za Rufaa za Mikoa ya Dar es Salaam, Pwani na Dodoma imeanza kufanya upasuaji kwa wagonjwa waliokutwa na uhitaji wa huduma hiyo katika hospitali ya Rufaa ya Mkoa wa Tabora-Kitete.

Hayo yamesemwa leo na Kiongozi wa Madakatri hao ambaye pia ni Mganga Mfawidhi wa Hospitali ya Rufaa ya Mkoa-Tumbi Dkt. Amani Malima ambapo zoezi hilo limeanza siku ya jumatatu na litadumu kwa siku tano.

Amesema kuwa kwa siku ya kwanza walianza kuwaona wagonjwa na kuweza kuwachambua na kwa wale waliohitaji upasuaji, wameanza huduma hiyo toka siku ya jumanne katika idara ya Mifupa, Masikio, Pua na Koo pamoja na matumbo.

“Jana tulifanya upasuaji kwa watoto wenye matatizo ya Masikio, Koo na Pua pamoja na matumbo, kwahiyo leo tunaendelea kwa upande wa idara Mifupa hususani kwa watoto wenye matatizo ya mifupa ambayo wamezaliwa nayo, pia kuna watu waliopata ajali lakini wamekuwa na ulemavu ambao unaweza kurekebishika hivyo tupo hapa kwa nia ya kuwasahihisha”. Aliongeza Dkt. Malima.

Aidha, Dkt. Malima amesema lengo kubwa la kambi hiyo ni kutoa huduma za matibabu ya kibingwa wa wananchi wa mkoa wa Tabora na kuwapunguzia gharama za kuzifuata huduma hizo nje ya mkoa kwani wananchi wengi wamekuwa wakifuata huduma Dar es salaam, Mwanza, Kilimanjaro na Dodoma.

“Serikali yetu kupitia kwa Rais Dkt. Samia Suluhu Hassan imekua ikifanya vizuri na mambo makubwa katika sekta ya afya, hivi sasa kuna maboresho ya miundombinu yakiwemo majengo na ununuzi wa vifaa tiba hivyo tumewaleta madaktari mabingwa hawa ili kuweza kutoa huduma hizi kwa fani mbalimbali.

“Sisi k**a wataalamu wa hospitali za rufaa za mikoa tumeona ni vyema kujiongeza licha ya kuwapunguzia gharama watanzania wa kuzifuata huduma hizi nje ya Tabora lakini tutawajengea pia uwezo wataalamu wa hospitali hii ili kuhakikisha wananchi wa hapa wanaendelea kupata huduma k**a hizi, hivyo tumeuda kikundi cha madaktari bingwa kutoka fani mbalimbali zaidi ya ishirini”.

Hata hivyo Dkt. Malima amesema kuwa kutokana na uwekezaji mkubwa katika sekta ya afya uliofanyika kuanzia ngazi ya Zahanati, Vituo vya Afya, hospitali za wilaya na hospitali za rufaa za mikoa, hivyo amewataka wananchi kuhakikisha wanafika kupata huduma za afya kwenye vituo vya kutolea huduma za afya na si kwingineko.

Dkt. Malima pia amewaomba wafanyabiashara, makampuni na watu wenye uwezo wajitokeze kusapoti huduma k**a hizo kwenye maeneo yao waliyozaliwa ili kuweza kuwasaidia wananchi katika huduma za afya.

Naye, Mkazi wa Uyui Bi.Christina Lukwiza ambaye amemleta mtoto wake anayesumbuliwa na tatizo la kupumua kwa miaka minne sasa amesema alifurahi mara baada ya kusikia kuna madaktari bingwa kwenye hospitali ya Kitete.

“Nimeshazunguka kwenye hospitali mbalimbali na kuambiwa mwanangu ana vinyama kwenye pua na tumekuwa tukipewa dawa na kuzitumia ila tatizo halijaisha na hivyo kusababisha mahudhurio hafifu shuleni na wakati mwingine tunashindwa kumpeleka hospitali nyingine kwani hatuna uwezo wa kifedha”amesema Bi. Christina

Ameongeza kuwa amekimbilia hospitalini hapa kwakuwa hakuna gharama za kumuona daktari bingwa pia hata huduma zingine ni kuchangia kidogo.

“Nimekimbilia hapa ili mwanangu aonane na madaktari bingwa, kwani nilikua nawaza sana lini mwanangu ataonana na madakari bingwa, kwakweli ujio wao umenifurahisha sana kwani najua watatusaidia hasa sisi wenye kipato kidogo”