Watetezitv

Watetezitv WATETEZI TV is a Not-For-Profit online Tv under the Tanzania Human Rights Defenders Coalition(THRDC). Watetezi Tv operates in lieu of all applicable laws.

It will not be responsible to any subscriber who will post anything contrary to the applicable laws

"Pepo lolote lenye dhana ya kututenganisha hatupaswi kulilea lishindwe kwa nguvu zote, ni kweli tutanyukana lakini tukis...
13/01/2025

"Pepo lolote lenye dhana ya kututenganisha hatupaswi kulilea lishindwe kwa nguvu zote, ni kweli tutanyukana lakini tukishanyukana tukimaliza kunyukana, tutaonana kwenye boksi tukimaliza boksi lazima tushikane mikono tutafute njia ya kufanya kazi kwa sababu tunahitajiana”

Watangulizi wenu walipendana, waliheshimiana, walijengana, walipendana, wakapatana wakafanya kazi pamoja, kwa tabia iliyoonyeshwa kwenye uchaguzi wa mwaka huu sio utamaduni wa CHADEMA, lazima mtambue kuwa kila mmoja wenu anamhitaji mwingine, mimi namhitji Lissu, Lissu ananihitaji Mbowe, mimi namuhitaji Pambalu, Pambalu anamhitaji Heche, yaani tunahitajiana wote katika umoja wetu k**a familia ya CHADEM"

Baadhi ya aliyozungumza Mwenyekiti wa CHADEMA Taifa na mgombea anayetetea kiti hicho Freeman Mbowe wakati akifungua mkutano mkuu wa BAVICHA Taifa unaoendelea sasa kwenye ukumbi wa Ubungo Plaza, jijini Dar es Salaam leo, Januari 13.2024

Kesi inayomkabili Mwanasiasa mkongwe hapa nchini Dkt. Wilbroad Slaa (76) imesogezwa mbele hadi Januari 17, 2025 licha ya...
13/01/2025

Kesi inayomkabili Mwanasiasa mkongwe hapa nchini Dkt. Wilbroad Slaa (76) imesogezwa mbele hadi Januari 17, 2025 licha ya mtuhumiwa ambaye yupo ndani, kutofikishwa katika Mahak**a ya Hakimu Mkazi Kisutu ambapo anatuhumiwa kwa madai ya kusambaza taarifa za uongo katika Mtandao wa X

Aidha, Wakili anayemuwakilisha Dkt. Slaa, Peter Madeleka ameiomba Mahak**a hiyo kuuwajibisha upande wa Jamhuri kwa kutomfikisha Mahak**ani Dkt. Slaa.

Wakili Peter Madeleka amedai Mahak**ani kuwa upande wa Jamhuri ndio uliowasilisha zuio la dhamana ya Dkt. Slaa kwa madai ya usalama wake. Amehoji "Ikiwa haonekani upo wapi uhakika wa usalama wake?".

Mratibu Kitaifa wa Mtandao wa Watetezi wa Haki za Binadamu Tanzania (THRDC), Wakili Onesmo Olengurumwa amesema mtandao...
12/01/2025

Mratibu Kitaifa wa Mtandao wa Watetezi wa Haki za Binadamu Tanzania (THRDC), Wakili Onesmo Olengurumwa amesema mtandao huo unafuatilia kwa ukaribu suala la utekwaji wa mwanaharakati Maria Sarungi ili kupata taarifa zaidi juu ya Tukio hilo na baadaye kutoa tamko.

Kupitia mtandao wa X Olengurumwa ameandika "Tunafuatilia kwa ukaribu Taarifa za Kutekwa kwa Mwanaharakati jioni hii huko Jijini Nairobi. Tunafuatilia kwa wenzetu wa human rights defenders Kenya kupata taarifa kamili. THRDC itatoa tamko baada ya kukamilisha kupata taarifa za msingi za awali. Kwa wenye tarifa zaidi tuwasiliane. "

Maria Ameripotiwa kutekwa leo January 12,2025, Jijini Nairobi nchini Kenya, ambapo Shirika la Kutetea Haki za Binadamu la Amnesty International nchini Kenya limeripoti kuwa Maria ametekwa na watu watatu wenye silaha wakiwa na gari aina ya Noah nyeusi leo majira ya saa tisa na robo Alasiri (3:15PM).

: Mwanaharakati wa Kutetea Haki za Binadamu Maria Sarungi Tsehai, adaiwa kutekwa na watu wasiojulikana akiwa Nairobi Nc...
12/01/2025

: Mwanaharakati wa Kutetea Haki za Binadamu Maria Sarungi Tsehai, adaiwa kutekwa na watu wasiojulikana akiwa Nairobi Nchini Kenya.

Godbless Lema ambaye ni Mwenyekiti Mstaafu wa Chama cha Demokrasia na Maendeleo kanda ya Kaskazini, ameandika kupitia ukurasa wake wa X kuwa inadaiwa waliomteka Maria walikuwa na silaha na kuondoka naye kwenda kusikojulikana.

Habari zaidi zitakujia kupitia watetezi Tv.

"Swali moja la msingi kwa WAJUMBE wa CHADEMA ni hili , ikiwa utapewa pesa, usafiri, pombe na chakula wkt huu lakini ukul...
11/01/2025

"Swali moja la msingi kwa WAJUMBE wa CHADEMA ni hili , ikiwa utapewa pesa, usafiri, pombe na chakula wkt huu lakini ukuletewa pesa wakati wa uchaguzi wa serikali za Mitaa, Kijiji na Vitongoji, je hizo pesa sasa zinatoka wapi? Na wanaotoa pesa wananunua kura kwa sababu gani kwa kazi isiyo hata na mshahara ? CHADEMA sio duka wala Bar.

Wajumbe sikilizeni, hiki CHAMA kina damu za rafiki zenu , maumivu makubwa na mateso kwa watu wengi, msilaani maisha yenu kwa starehe na rushwa. Sasa basi wakileta pesa kula , kunywa halafu waadhibu ktk boksi la kura. Nyie sio Blue Band wakubebwa k**a Maboksi.

Upinzani ni tabia njema na sio rangi za nguo. Msiue matumaini ya Taifa kwa kushindwa kutofautisha tabia zetu na CCM"

Godbless Lema, Aliyekuwa Mwenyekiti wa CHADEMA wa Kanda ya Kaskazini, Akitoa ujumbe kwenda kwa Wajumbe wa Mkutano Mkuu wa CHADEMA kuhusu sakata la rushwa katika uchaguzi wa chama hicho taifa utakaofanyika Januari 21, 2025.

Serikali ya Jamhuri ya Kidemokrasi ya Kongo imekifungia kituo cha televisheni cha Al Jazeera kutokana na kurusha mahojia...
10/01/2025

Serikali ya Jamhuri ya Kidemokrasi ya Kongo imekifungia kituo cha televisheni cha Al Jazeera kutokana na kurusha mahojiano na kiongozi wa kundi la waasi ambalo limechukua udhibiti kwenye baadhi ya eneo la mashariki mwa nchi hiyo hivi karibuni.

Msemaji wa serikali ya Kongo, Patrick Muyaya amesema mamlaka zimebatilisha kibali cha kurusha matangazo cha televisheni hiyo ya Qatar nchini Kongo, baada ya kurusha mahojiano na mkuu wa kundi la M23, Bertrand Bisimwa.

Muyaya amesema Al Jazeera ilirusha mahojiano hayo bila kupata kibali maalum.

Siku ya Jumatano, Al Jazeera ilirusha mahojiano ya Bisimwa, ambapo aliishutumu serikali ya Kongo kwa kukiuka makubaliano ya kusitisha mapigano ya mwezi Agosti.

Aidha, Waziri wa Sheria wa Kongo, Constant Mutamba amesema waandishi habari au mtu yeyote atakayeripoti kuhusu shughuli za jeshi la Rwanda na waasi wa M23, atashtakiwa na kuhukumiwa adhabu ya kifo.

Mwanasiasa Mkongwe Wilbroad Slaa (76) amefikishwa Mahak**a ya Hakimu Mkazi Kisutu, kujibu tuhuma ya kusambaza taarifa z...
10/01/2025

Mwanasiasa Mkongwe Wilbroad Slaa (76) amefikishwa Mahak**a ya Hakimu Mkazi Kisutu, kujibu tuhuma ya kusambaza taarifa za uongo katika mtandao wa X.

Dkt. Slaa amefikishwa mahak**ani hapo leo Januari 10,2025 na kusomewa kesi ya jinai namba 993 ya mwaka 2025 mbele ya Hakimu Mkazi Kisutu, Beda Nyaki.

Mapema leo K**anda Wa Kanda Maalumu ya Dar es salaam, Jumanne Muliro alithibitisha Dk Slaa kushikiliwa na polisi.

Watu wawili wa jinsia ya kiume wanaodhaniwa kuwa ni majambazi wameuawa eneo la Kabambo, Kata ya Kiseke, Tarafa ya Ilemel...
10/01/2025

Watu wawili wa jinsia ya kiume wanaodhaniwa kuwa ni majambazi wameuawa eneo la Kabambo, Kata ya Kiseke, Tarafa ya Ilemela mkoani Mwanza kwa kupigwa risasi na Askari polisi waliokuwa wakifanya doria eneo hilo baada ya kuvamia nyumbani kwa mfanyabiashara aitwaye Flora Sungura Abdallah (42) kwa lengo la kufanya uhalifu.

Taarifa iliyotolewa na Jeshi la Polisi mkoani Mwanza imesema watu hao ambao majina yao na anuani zao hazikuweza kufahamika, walikuwa wamevalia mavazi ya k**e ambayo ni gauni na vilemba kwa lengo la kuficha jinsia na muonekano wao, walifanikiwa kuingia ndani wakati mfanyabiashara huyo amefunguliwa geti wakati akitoka kwenye shughuli zake, ambapo walikuwa na bunduki aina ya shortgun moja iliyotengenezwa kienyeji ikiwa na risasi mbili na mapanga mawili.

Jeshi la Polisi limeeleza kuwa baada ya watu hao kuingia, wakazi wa eneo hilo walipiga kelele za kuomba msaada na ndipo taarifa hizo ziliwafikia polisi. Baada ya polisi kufika waliwataka watu hao kujisalimisha lakini walikaidi amri hiyo na kutaka kuwadhuru wakazi wa nyumba hiyo pamoja na askari.

“Askari wa Jeshi la Polisi walifyatua risasi na hivyo kusababisha watu wawili ambao mmoja alishika bunduki na mwingine akiwa na panga kujeruhiwa kwa risasi hizo, na kusababisha kupoteza maisha papo hapo. Miili ya watu hao ambayo hata hivyo haijatambuliwa imehifadhiwa katika hospitali ya rufaa Bugando ikisubiri utaratibu wa utambuzi na uchunguzi wa kitaalam (Post mortem) katika tukio hilo hakuna mali iliyoibiwa,” imesema taarifa.

Aidha, taarifa imeeleza kuwa katika tukio hilo watu wawili jinsia ya kiume ambao walikuwa ni washiriki katika tukio hilo walifanikiwa kutoroka kwa kutumia usafiri wa pikipiki, na kwamba msako mkali unaendelea ili waweze kuk**atwa na kuchukuliwa hatua za kisheria.

Baada ya kusambaa kwa taarifa ya kudaiwa kuk**atwa kwa Dkt. Wilbroad Silaa kupitia mitandao ya kijamii usiku wa kuamkia ...
10/01/2025

Baada ya kusambaa kwa taarifa ya kudaiwa kuk**atwa kwa Dkt. Wilbroad Silaa kupitia mitandao ya kijamii usiku wa kuamkia leo, K**anda wa Polisi Kanda Maalum ya Dar Es Salaam, SACP Muliro Jumanne Muliro amethibitisha kuwa jeshi la polisi linamshikilia Dkt.Silaa baada ya kumk**ata usiku wa kuamkia leo Januari 10, 2024.

Akizungumza kwenye kipindi cha Good morning cha Wasafi FM Muliro amesema “Daktari yupo tuko nae na tumekuwa na mahojiano naye kwa baadhi ya mambo na mahojiano yetu na yeye yanakwenda vizuri”

K**anda Muliro ameongeza kuwa wakati mahojiano yanaendelea wanaangalia taratibu za kisheria zinawaelekeza kufanya nini huku taarifa zaidi kutolewa baadae ”kwa hiyo tunaiangalia mifumo ya kisheria inatuambia nini cha kufanya na taarifa zaidi zitatolewa baadae” amesema Muliro.

"K**a tunazungumza mabadiliko yatakayokifanya chama chetu kiaminiwe, kipendwe, kifuatwe na kitegemewe tena na wananchi, ...
09/01/2025

"K**a tunazungumza mabadiliko yatakayokifanya chama chetu kiaminiwe, kipendwe, kifuatwe na kitegemewe tena na wananchi, basi tunahitaji uongozi mpya. Huwezi kutegemea kupata kitu kipya kwa kiongozi ambaye ameongoza kwa miaka 21, itakuwa ni "more of the same"

Tundu Antipas Lissu Makamu Mwenyekiti Bara wa Chama cha Demokrasia na maendeleo (CHADEMA) akihojiwa na BBC SWAHILI .

"Sasa hivi mwenyekiti akiitisha maandamano anajitokeza yeye na binti yake, tumewakosea imani wanachama na wafuasi wa CHA...
09/01/2025

"Sasa hivi mwenyekiti akiitisha maandamano anajitokeza yeye na binti yake, tumewakosea imani wanachama na wafuasi wa CHADEMA. Haya mapendano yasiyokuwa na mpango, mnasema huyu Rais ni mtu mzuri na mmempa tuzo ya maridhiano, na kwenye mkutano wa hadhara unasema na kuonesha huyu Rais hana shida yoyote, halafu wanachama wako wanatekwa nyara na kuuawa, na kwa sababu ushasema Rais hana shida yoyote, kuna mapendano na ni raha tupu, unamwambia mwananchi gani aandamame kwasababu Mzee Ali Kibao ameuawa kisha akufuate"

Tundu Antipas Lissu Makamu Mwenyekiti Bara wa Chama cha Demokrasia na maendeleo (CHADEMA) akihojiwa na BBC SWAHILI akielezea sababu ya chama hicho kupoteza imani ya wafuasi wake pamoja na wanachama wa chama hicho.

Mwenyekiti wa Baraza la Uongozi la CHADEMAKanda ya Serengeti Lucas Ngoto, amethibitisha kuhusu maamuzi ya kumvua uongozi...
09/01/2025

Mwenyekiti wa Baraza la Uongozi la CHADEMA
Kanda ya Serengeti Lucas Ngoto, amethibitisha kuhusu maamuzi ya kumvua uongozi Mwenyekiti wa CHADEMA Mkoa wa Shinyanga Emmanuel Ntobi ambapo kikao kiliamua kumvua Uenyekiti kutokana na utovu wa nidhamu na maadili ikiwemo kuchafua viongozi wa Chama chake kupitia mitandao ya kijamii.

Ntobi amekuwa akichapisha maandiko yake kupitia mtandao wa X na kutoa lugha za matusi na kumkashifu Makamu Mwenyekiti, Tundu Lissu ambaye ni mgombea Uenyekiti wa chama hicho ambaye anachuana vikali na Mwenyekiti wa sasa, Freeman Mbowe.

Mkuu wa Wilaya ya Songwe, Mkoani Songwe Solomon Itunda ameunda timu maalumu ya kuchunguza mgogoro unaotokana na baadhi y...
09/01/2025

Mkuu wa Wilaya ya Songwe, Mkoani Songwe Solomon Itunda ameunda timu maalumu ya kuchunguza mgogoro unaotokana na baadhi ya wananchi kuvamia hifadhi ya Msitu wa Kijiji cha Gua na kuanza shughuli za kilimo Cha Tumbaku katika Kata ya Gua Wilayani humo.

Uamuzi wa kuunda timu hiyo umekuja baada ya kutembelea baadhi ya maeneo ambayo yanalalamikiwa kuwa wananchi wamevamia na kuanza kulima tumbaku, maeneo ambayo ni ya hifadhi ya nyuki ya kijiji, maeneo ya
Mamlaka ya Usimamizi wa Wanyamapori Tanzania (Tawa) pamoja na TFS.

Katika ziara hiyo, Itunda aliambatana na K**ati ya Usalama pamoja na wataalamu kutoka Ofisi ya Mkurugenzi Mtendaji wa Halmashauri ya Wilaya ya Songwe huku Msingi wa ziara hiyo ni kujiridhisha na kutokana na taarifa zinazoonyesha kuwa wananchi wamefyeka miti na kuanza shughuli za kilimo katika maeneo hayo ya hifadhi ambapo ni kinyume na sheria.

Hata hivyo baada ya kufika katika maeneo hayo yanayolalamikiwa, Mkuu huyo wa Wilaya alifanya uamuzi wa kuunda timu hiyo maalumu kuchunguza mgogoro huo.

Mkuu huyo wa Wilaya ya Songwe Itunda amesema kuwa timu hiyo iliyoundwa imewahusisha maafisa kutoka vyombo vya usalama na wataalamu kutoka ofisi ya Mkurugenzi Mtendaji wa Halmashauri ya Songwe.

Amesema kuwa timu itafika katika maeneo yanayodaiwa kuvamiwa na itafanya kazi siku mbili, kisha itaandaa ripoti na kuiwasilisha kwake kwaajili ya hatua zaidi.

Hata hivyo, Itunda amewasihi wananchi na wakulima katika Kata ya Gua kuwa watulivu katika kipindi hiki ambacho suala hilo linafanyiwa kazi.

Mahak**a ya wilaya ya Sengerema mkoani Mwanza imemuhukumu kifungo cha miezi sita Rajabu Reli (22), mkazi wa Sengerema ba...
08/01/2025

Mahak**a ya wilaya ya Sengerema mkoani Mwanza imemuhukumu kifungo cha miezi sita Rajabu Reli (22), mkazi wa Sengerema baada ya kukutwa na hatia ya kuvaa sare za Jeshi la Wananchi wa Tanzania (JWTZ) bila ruhusa.

Hukumu hiyo imetolewa jana tarehe 07.01.2025 katika shauri la jinai namba 445 la mwaka 2025 na Hakimu Mfawidhi wa mahak**a hiyo Mhe. Evodius Kisoka mbele ya mwendesha mashtaka wa Serikali Nyamhanga Tissoro.

Kwa mujibu wa hati ya mashtaka iliyosomwa na mwendesha mashtaka wa Serikali Nyamhanga Tissoro mbele ya hakimu Evodius Kisoka, mshtakiwa alitenda kosa hilo Desemba 5, 2024 kijiji cha Kasisa, wilaya ya Sengerema na kufikishwa mahak**ani januari 07, 2025.

Baada ya kusikiliza pande zote za ushahidi hakimu Evodius Kisoka alijiridhisha kuwa ushahidi uliotolewa na upande wa Jamhuri ni mzito na haukuacha shaka lolote.

Hata hivyo, mshtakiwa alipopewa nafasi ya kujitetetea kwanini asipewe adhabu; aliomba mahak**a hiyo imuachie huru kwa kuwa ni mkosaji wa mara ya kwanza na alivaa ili akubaliwe na mchumba wake.

Hata hivyo, ombi hilo lilitupiliwa mbali na Hakimu Kisoka na kutoa hukumu hiyo ili iwe fundisho kwa watu wengine wenye tabia k**a ya Rajabu.

Waziri wa Maendeleo ya Jamii, Jinsia, Wanawake na Makundi Maalum, Dkt. Dorothy Gwajima amekemea ongezeko la maudhui yasi...
07/01/2025

Waziri wa Maendeleo ya Jamii, Jinsia, Wanawake na Makundi Maalum, Dkt. Dorothy Gwajima amekemea ongezeko la maudhui yasiyofaa yanayozalishwa na waandaji wa maudhui mtandaoni (content creators) na kuwataka kuzingatia weledi ili kuepuka uvunjifu wa maadili ya kijamii.

Dkt Gwajima amesema, hivi karibuni baadhi ya maudhui yasiyo na weledi na maadili ya Kitanzania yamesambazwa mtandaoni k**a vile, kuuza figo za mtoto, kuandaa vinywaji na vyakula vichafu na kujitapa kwamba anawauzia wananchi wa Kariakoo, kufanya mapenzi hadharani na mapenzi ya jinsia moja pia kutangaza kuhusu fursa za kujipatia fedha kwa njia zisizoeleweka.

“Jamii ya Watanzania inastahili kujipambanua kwa heshima na kuheshimu makundi ya rika zote yanayofanya shughuli mbalimbali za haki humo mitandaoni ambapo yanastahili heshima na staha,” amesema Dkt Gwajima.

Aidha, Dkt Gwajima ametoa wito kwa waandaaji ambao hawana elimu na ufahamu kuhusu uandaaji maudhui mtandaoni kuacha mara moja, na maudhui ambayo yamekwisha pakiwa mtandaoni yaondolewe mara moja na kwamba wanaokiuka watawajibishwa kisheria.

Jeshi la Polisi mkoani Mwanza linamshikilia Doto Maduhu Sita (32) mkazi wa Kishiri, Wilaya ya Nyamagana ambaye ni baba w...
07/01/2025

Jeshi la Polisi mkoani Mwanza linamshikilia Doto Maduhu Sita (32) mkazi wa Kishiri, Wilaya ya Nyamagana ambaye ni baba wa kambo wa mtoto mwenye umri wa mwaka mmoja na miezi kumi kwa tuhuma za kumbaka, kumlawiti na kumshambulia mtoto huyo.

Taarifa ya Jeshi la Polisi imesema mtoto huyo alikuwa akifanyiwa ukatili huo mara kwa mara na kupelekea hali yake ya kiafya kuwa dhaifu, hivyo kuwafanya raia wema kutoa taarifa kwa Jeshi la Polisi kupitia Dawati la Jinsia na Watoto.

“Kutokana na taarifa hizo, Polisi walifika eneo la tukio hilo na kumkuta mtuhumiwa huyo akishirikiana na mke wake aitwaye Aneth Mhano (23), wakiwa katika jitihada za kumpeleka mtoto huyo ili apate tiba,” imeeleza taarifa.

Aidha, Jeshi la Polisi limesema katika harakati za matibabu katika Zahanati ya Serikali, Igoma mkoani humo, mtoto huyo alifariki dunia.

Hata hivyo, Jeshi la Polisi limesema mbali na kumshikilia mwanaume huyo, pia limemk**ata mama mzazi wa mtoto huyo kwa kushindwa kutoa taarifa kwa Jeshi la Polisi au kwa majirani zake juu ya ukatili aliokuwa akifanyiwa mtoto ili hatua za kisheria ziweze kuchukuliwa na kuokoa maisha ya mtoto.

Mwili wa mtoto huyo umekabidhiwa kwa baba yake mzazi aitwaye Emmanuel Daud (28) mkazi wa Maaduka Tisa, Wilaya ya Ilemela kwa ajili ya mazishi baada ya kufanyiwa uchunguzi.

Vita vya mitandaoni vimeendelea kutokota kati ya Mkuu wa jeshi la Uganda Generali Muhoozi Kainerugaba na mwanasiasa mash...
07/01/2025

Vita vya mitandaoni vimeendelea kutokota kati ya Mkuu wa jeshi la Uganda Generali Muhoozi Kainerugaba na mwanasiasa mashuhuri wa Uganda Bobi Wine.
Hii ni baada ya mtoto wa Rais wa muda mrefu Yoweri Museveni, kusema kuwa anataka kumkata kichwa kiongozi mashuhuri wa upinzani nchini humo Bobi Wine.
Katika chapisho kwenye X Jumapili jioni, Kainerugaba alisema babake aliyeitawala Uganda tangu 1986, ndiye mtu pekee anayemlinda kiongozi wa upinzani Bobi Wine dhidi yake.

Bobi wine ambaye alishika nafasi ya pili katika uchaguzi wa urais 2021 ulioshindwa na Yoweri Museveni, amejibu vitisho vya mtoto wa rais akisema kuwa kauli hizo anazichukulia kwa uzito kutokana na vitisho vya kuuawa.

Naye Kainerugaba ambaye ni mtoto wa rais Museven akamjibu: “Nimekuamsha? Kabla nikumalize kwanza tulipe mkopo tuliokupa,” akionekana kudai kuwa serikali ilikuwa imelipa Bobi Wine apunguze joto la upinzani nchini humo.

Kwa mujibu wa BBC msemaji wa serikali ya Uganda pamoja na Kainerugaba hawakupatikana kuzungumzia kauli hizi za mitandaoni.

Naye msemaji wa wanajeshi nchini Uganda alikataa kuzungumzia mtafaruku uliopo.

Awali msemaji wa serikali alisema kauli za Kainerugaba mitandaoni zinapaswa kuchukuliwa k**a “stihizai” na hazipaswi kuchukuliwa kwa uzito au kupima sera za serikali ya Uganda.

Bobi Wine amepinga vikali madai kuwa alihongwa na serikali ya Uganda katika shughuli zake za kuwania urais mwaka 2021. “Iwapo walinifadhili kwanini wananifuata kila mahali na kuua wafuasi wangu?” Bobi Wine anasema.

Bobi wine ambaye jinalake halisi ni Robert Kyagulanyi alikuwa mwanamuziki na kugeukia siasa amekuwa kigogo wa kupinga utawala wa rais Yoweri Museveni.

Address

P. O Box 105926
Dar Es Salaam
00225

Telephone

+255659963417

Website

Alerts

Be the first to know and let us send you an email when Watetezitv posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Watetezitv:

Videos

Mratibu Kitaifa wa Mtandao wa Watetezi wa Haki za Binadamu Tanzania (THRDC), Wakili Onesmo Olengurumwa amepongeza ushirikiano wa mashirika mbalimbali ya kutetea haki za binadamu na wadau wa haki za binadamu kwa kupaza sauti ya pamoja kupinga tukio la utekaji wa mwanaharakati wa kutetea haki za binadamu hapa nchini, Maria Sarungi ambaye amepatikana akiwa salama ikiwa ni saa kadhaa tangu kutokea kwa tukio hilo. "Tunashukuru wenzetu wa Kenya Coalition Nairobi na wenzetu wa Kenya Law Society pamoja na Amnesty International, kwa ujumla ni kwamba tayari Mwanaharakati Maria Sarungi amepatikana na yupo salama nyumbani. Na taarifa za awali zinaonyesha kwamba alichukuliwa na watu waliokuwa na gari aina mbili, ambapo moja wapo ni Probox nyeupe na nyingine ni Noah walikuwa wkimfuatilia akiwa katika shughuli zake na aliyeshuhudia ni dereva wa Uber ambaye alikwenda kituo cha polisi, kwa ushirikiano na chama cha mawakili nchini Kenya kwenda kutoa taarifa kwenye vituo vya polisi jijini Nairobi." Amesema Olengurumwa Hapo awali Olengurumwa aliandika kupitia ukurasa wa kuwa mtandao wa watetezi unafuatilia kwa ukaribu ili kupata taarifa zaidi juu ya utekwaji wa Mwanaharakati Maria Sarungi, aliyetekwa leo Januari 12,2024 majira ya alasiri, jijini Nairobi, nchini Kenya.

Mwanaharakati na Mtetezi wa haki za binadamu hapa Nchini, Maria Sarungi, amepatikana akiwa salama baada ya tukio la utekaji lililotokea Leo majira ya saa tisa na robo alasiri katika jiji la Nairobi nchini Kenya. Akizungumza kupitia video, Maria amewashukuru wote walioshiriki kupaza sauti kuhusu tukio hilo ambapo amesema kesho atazungumza kwa Uzuri kuonyesha shukrani zake. Taarifa za tukio hilo la utekaji zilisambaa mitandaoni baada ya shirika la Amnesty international kutoa taarifa kuwa Mwanaharakati huyo ametekwa na watu watatu wenye silaha wkiwa kwenye gari aina ya Noah Nyeusi.

"Tumekuwa na wapambe wa wagombea ambao wamekosa nidhamu kwa chama (CHADEMA) na wagombea ambao hawawaungi mkono, sasa kwa mujibu wa mwongozo wa taratibu za kuendesha uchaguzi ndani ya chama toleo la mwaka 2012 kifungu cha 2 (3) kinasema 'itakuwa ni marufuku kwa mgombea ama wapambe wake kusambaza taarifa zenye lengo la kukashifu mgombea au kiongozi wa chama'. Sasa pamoja na zuio hilo, tumeshuhudia uwepo wa maneno makali, ya kashfa, matusi ambayo yamekuwa yakitolewa kwa pande zote ambazo zinashiriki katika huu uchaguzi, na isivyo bahati ni kwamba yapo maneno ambayo mengine hayana staha yametumika kwa viongozi wetu na hapa sizungumzii upande mmoja" Mwanaharakati wa haki za kijamii na kada wa Chama cha Demokrasia na Maendeleo (CHADEMA) Godlisten Malisa akizungumza katika mkutano na wanahabari uliofanyika mkoani Dar es Salaam leo Januari 12, 2025.

Mahakama ya hakimu mkazi kisutu imemnyima dhamana Mwanasiasa mkongwe hapa nchini Dkt. Wilbroad Silaa na kwa kile kinachoelezwa kuwa ni hofu juu ya usalama wake. Akizungumza baada ya kutoka mahakamani hapo Rais wa Chama cha Wanasheria Tanganyika, Wakili Boniface Mwabukusi amesema kuwa makosa yaliyofanya Dkt. Slaa kukamatwa ni kutoa taarifa za uongo kupitia mitandao ya kijamii "alizungumza kwenye mtandao wa X akieleza kuna mawasiliano kati ya Rais(Dkt. Samia Suluhu Hassan) na Mbowe na mawasiliano hayo ni ya kupeana msaada wa kifedha kwa hiyo Jamhuri inasema makosa hayo ni ya uongo na kinyume na kifungu cha 16 cha sheria cha makosa ya mtandao" Mwabukusi ameeleza kuwa baada ya walipofika mahakamani walikuta Jamhuri imewasilisha kiapo cha kupinga Dkt. Silaa asipewe dhamana kwa sababu ya usalama wake lakini mawakili wa upande wa utetezi hawakuwa wamepewa kiapo hicho hivyo kuhitaji muda wa kukifanyia kiapo ili kuandaa kiapo kinzani. Dkt. Slaa alikamatwa usiku wa kuamkia leo Januari 10, 2025.

Tume ya Ulinzi wa Taarifa Binafsi nchini (PDPC) imetoa onyo kali kwa taasisi binafsi na za umma ambazo bado hazijajisajili, licha ya agizo lililotolewa na Rais wa Jamhuri ya Muungano wa Tanzania, Dkt. Samia Suluhu Hassan wakati wa uzinduzi wa tume hiyo. Akizungumza na waandishi wa habari, Mkurugenzi Mkuu wa Tume hiyo, Dkt. Emmanuel Mkilia, amesema agizo hilo lilikuwa ni kuhakikisha taasisi zote za umma na binafsi zinasajiliwa kabla ya Desemba 31, 2024. Dkt. Mkilia amesisitiza kuwa kutokuzingatia matakwa hayo kunahatarisha juhudi za Serikali katika kusimamia usalama wa taarifa binafsi za wananchi. Aidha, amesema tume imebaini idadi kubwa ya taasisi ambazo hazijaanza kabisa zoezi la kujisajili, huku taasisi chache zikiwa bado hazijakamilisha usajili. Hata hivyo, tume hiyo imetangaza kuongeza muda wa mwisho wa usajili hadi tarehe 30 Aprili mwaka huu. Taasisi zitakazo shindwa kujisajili ndani ya muda huo zitachukuliwa hatua kali za kisheria.

"Tunaona watu ambao walishaondoka CHADEMA huko miaka ya nyuma kama akina Dkt Wilbroad Slaa ambao walikimbia CHADEMA wakaenda Chama cha Mapinduzi wakapewa na zawadi ya ubalozi, eti leo naye amekuwa ndiye mpiga debe mkubwa wa Makamu Mwenyekiti wangu kutaka awepe Mwenyekiti wa chama na kubeza na kutweza watu na wengine wa vyama vingine vya upinzani"- Freeman Mbowe, Mwenyekiti CHADEMA na mgombea wa nafasi hiyo 2025, akizungumza kupitia Clouds Tv.

Spika wa bunge la jamhuri ya muungano wa Tanzania na Rais wa Umoja wa Mabunge Duniani (IPU) Dkt Tulia Ackson amejitokea kumsomesha mpaka ukomo mtoto Yohana Japhet mweye umri wa miaka 14, mwanafuzi wa darasa la saba shule ya Msingi Nsongwe, kata ya Ilomba Jiji mbeya, baada ya kumkuta akiponda mawe ili kuweza kupata mahitaji yake huku akiishi katika mazingira magumu. Yohana anayeishi na Bibi yake Mlezi Katika Kata ya Ilomba ,Mtaa wa Ituha Mbeya Mjini, anasoma Darasa la Saba kweye shule ya msingi Msogwi hapo awali alikuwa akifanya Kazi ya Kuponda Kokoto Ili apate Fedha Kwaajili ya kununua Mahitaji Mbalimbali ya Shule na Chakula kwa ajili ya familia licha ya kuishi na bibi yake mlezi anayefaya shughuli za kilimo. Dkt. Tulia Ackson ambaye pia ni Mbunge wa Jimbo la Mbeya Mjini CCM amemtembelea Kijana huyo na Kuahidi Kumsomesha hadi atakapofikia ukomo wa Masomo huku akimsaidia Bibi yake Chakula (Mchele Kilo 40) na Mavazi (Nguo na Blanket).

Mwenyekiti wa Ngome ya Vijana Chama Cha ACT- Wazalendo, Abdul Nondo ametaka vyombo vya uchunguzi kufanya uchunguzi wa matukio ya utekaji kwa haraka na kutoa majibu ili kudhibiti vitendo hivyo katika jamii. Nondo amesema hayo leo Januari 09,2025 akizungumza mbele ya waandsishi wa habari kufuatia tukio la utekwaji alilofanyiwa mwishoni mwa mwaka 2024. Nondo amesema Jeshi la polisi lilichukua maelezo ya tukio hilo tangu akiwa hospitali lakini mpaka sasa hakuna taarifa ya yoyote juu ya uchunguzi huo, ikiwa ni pamoja na matukio mengine ya utekaji yaliyotokea 2024 ambapo baadhi ya waliotekwa hawajulikani walipo mpaka sasa akiwepo Deusdedith Soka na wenzake.

VIDEO: Kiongozi wa Ngome ya Vijana wa Chama cha ACT-Wazalendo Abudul Nondo, amesema bado ana hofu ya usalama wake baada ya tukio la kutekwa lilitokea mwishoni mwa mwaka 2024 kwani watekaji walimtishia kumuua endapo atazungumza kuhusu tukio hilo. Akizungumza na waandishi wa habari leo Januari 09,2025, Abdul Nondo ameelezea mkasa wa namna alivyotekwa ikiwa ni tukio la mara ya pili kwani aliwahi kutekwa mwaka 2018 akiwa Dar es salaam na kupatikana Mkoani Iringa. Nondo ameweka wazi kuwa ana hofu kubwa juu ya maisha yake kwani watekaji walimtishia kumuua, na changamoto kubwa anayoiona ni vyombo vya usalama kutokufuatilia kwa karibu masuala ya usalama wa raia hususani yanayohusu vitendo vya utekaji, kwani mpaka sasa baadhi ya matukio hayo hayajachukuliiwa hatua ikiwepo tukio la Ali Kibao na tukio la Edger Mwakabela (Sativa).

Jana Januari 3,2024 Jeshi la Polisi Tanzania lilitoa taarifa ya kuwa linamsaka Kijana mmoja ambaye amejirekodi video na kuisambaza mtandaoni akitangaza kuwa anamuuza Mtoto aliyembeba kwa shilingi milioni moja na laki sita. Taarifa iliyotolewa na Msemaji wa Jeshi la Polisi ilinukuliwa ikieleza yafuatayo “Jeshi la Polisi linamtafuta kwa kuendesha msako Nchi nzima Mtu ambaye anaonekana ametengeneza picha mjongeo (video clip) akitangaza kuwa anamuuza Mtoto aliyembeba kwa shilingi milioni moja na laki sita, msako huo utahakikisha anakamatwa ili hatua nyingine za kisheria ziweze kufuata” “Aidha, Jeshi la Polisi linalaani kitendo hicho cha kikatili na kilicho kinyume na sheria, pia linatoa wito kwa Wananchi kuendelea kufichua vitendo kama hivyo, kuvilaani na kuvikemea kwani vinaweza kusababisha madhara kwa Watoto ili hatua zichukuliwe kabla madhara hayajatokea” - imeeleza taarifa ya Polisi. Hata hivyo asubuhi ya leo Kijana huyo amechapisha video kwenye ukurasa wake wa Tiktok akisema nia yake haikuwa kumuuza Mtoto huyo bali alikua akitengeneza tu maudhui ya mtandaoni na ameamua asubuhi hii kwenda kituo cha polisi sengerema baada ya kupokea taarifa kuwa anatafutwa.

Mkuu wa Mkoa wa Mbeya Cde: Juma Z. Homera ametembelea Gereza la Ruanda lililoko Jijini Mbeya na Kuzungumza na wafungwa waliopo Kwenye Gereza hilo ikiwa ni Pamoja na kusikiliza changamoto zinazowakabili. Akizungumza na wafungwa hao, RC Homera amewaasa wafungwa kuhakikisha wanajifunza ujuzi mbalimbali wawapo hapo ili watakapopata ridhaa ya kurudi uraiani wautumie kuendesha maisha yao na kuwa walimu wa wengine. Awali Wakieleza Maombi yao kwa RC Homera wamemuomba awahimize Viongozi wa Serikali kufika gerezani hapo kuwatembelea kwakuwa kufika Kwao wao hupata faraja kuu na kuamini kuwa serikali iko pamoja nao. "Tunakushukuru sana kwa kuja Mkuu wa Mkoa Mimi nimefika hapa 2015 sijawahi kuona Kiongozi Mkubwa anakuja kututembelea, ujio wako tuna imani kuwa liko tumaini kubwa mbele yetu" amesema mmoja wa Wafungwa. Mbali na hayo wafungwa pia wamemuomba RC Homera kuwasaidia kumleta Dkt: Tulia Ackson spika wa bunge la Tanzania na mbunge wa Mbeya Mjini kadharika Mganga Mkuu wa Mkoa. "Mh: tusaidie kumuomba Rais wa mabunge Duniani na Spika Dkt: Tulia Ackson aje atutembelee maana yule ndio Mbunge wetu hata kama hatutokei hapa lakini tayari tuko kwenye Ardhi yake aje atuone" "Pia Mganga mkuu wa mkoa tunamuomba aje atuone maana tunayo mengi ya kuzungumza naye hasa kuhusu magonjwa mbalimbali yanayotusibu" Baada ya kusikiliza changamoto hizo Mkuu wa Mkoa ameahidi kuyatendea kazi kwa haraka hasa kuwaleta Viongozi wote sawasawa na maombi yao. Lakini pia ametoa Kiasi Cha Shilingi Milioni Moja kwaajili ya Kununua Chakula (nyama) Msaada ambao umeambatana na magodoro yaliyotolewa na Mwenyekiti UVCCM Mkoa wa Mbeya Yasin Ngonyani kwa Kushirikiana na mfanyabiashara Achimwene.

"Hoja kubwa ambayo imetolewa na wanaopinga ukomo wa madaraka ndani ya chama ni kwamba utaratibu huu haufai kwa vyama vya siasa, hasa vya upinzani, ambako uongozi wake hauna malipo na unahitaji kiwango cha hali ya juu cha kujitolea katika ujenzi wa chama. Hoja hii inatakiwa kuangaliwa kwa tahadhari kubwa. Kwanza, kama lengo la ukomo wa madaraka ni kudhibiti ving’ang’anizi wa madaraka na kuhakikisha utaratibu wa kuachiana madaraka kwa njia za kikatiba,ukomo wa madaraka unawahusu viongozi wote wa kisiasa bila kujali wanajitolea au wanalipwa mishahara.” Amezungumza Tundu Antipas Lissu, Makamu Mwenyekiti Wa Chama cha Demokrasia na Maendeleo (CHADEMA) bara, ambaye pia ni mgombea Nafasi ya uenyekiti wa chama hicho, akitoa salamu zake za Mwaka mpya leo Januari Mosi,2025.

Shortcuts

Share

Category