Wasafi FM

09/12/2024

SINGIDA WAOMBA MABORESHO YA
UWANJA WA NDEGE WAKISHEREHEKEA UHURU

Mkuu wa Mkoa wa Singida Halima Dendego Amesema Uwekezaji Mkubwa unafanywa na Serikali Katika Sekta Mbalimbali Hasa ya Afya katika Mkoa wa Singida Unasadifu Maendeleo Makubwa yanayotokana na Miaka 63 ya Uhuru wa Tanganyika.

Akizungumza katika Maadhimisho ya Miaka 63 ya Uhuru wa Tanganyika ambayo yamefanyika Kimkoa katika Hospitali ya Rufaa ya Mkoa wa Singida (Mandewa) RC Dendego Amesema Vifaa Tiba na Wataalamu Ambao wanaendelea Kutoa Huduma za Kitabibu kwa Wananchi Mkoa Singida ni Mafanikio Makubwa ambayo Kila Mwananchi Anapaswa Kujivunia Katika Maadhimisho Hayo.

Baadhi ya Viongozi walioshiriki katika Maadhimisho hayo wameiomba Serikali kuboresha Miundombinu ya Usafiri na Usafirishaji Hasa Uwanja wa Ndege ili kuchochea Maendeleo Mkoani Singida.

Cc

09/12/2024

MWALIMU NYERERE ALIPOKEA UJUMBE WA KWENDA UMOJA WA MATAIFA AKIWA MPANDA

Leo Desemba 09 ni Maadhimishi ya miaka 63 ya Uhuru wa Tanganyika, wazee mkoani Katavi wamesema kikao cha kwanza cha harakati za kupigania Uhuru kilifanyika Manispaa ya Mpanda mkoani Katavi.

Akizungumzia historia hiyo wazee hao wamesema baada ya kikao hicho kufanyika mwalimu Nyerere na timu yake walipanda miti k**a kumbukumbu ya kilichofanyika.

"Ilikufanya kumbukumbu ya mkutano wa kwanza walijenga hili boya na kumpanda hii miti miwili ya misufi, mwaka 1958-1959 Mwalimu Nyerere alikuja kutembelea Chama ndipo akatumiwa meseji telegram ikimtaka aende kwenye mkutano wa Umoja wa Mataifa,"

09/12/2024

WATANZANIA WAHIMIZWA KUFANYA MAZOEZI ILI KUWA NA TAIFA LENYE WATU WENYE AFYA NJEMA

Akizungumza Katibu tawala wa wilaya ya sumbawanga Gabriel Masinga kwenye maadhimisho ya miaka sitini na tatu ya uhuru( 63) wa Tanganyika yaliyofanyika katika wilaya ya sumbawanga vijijini amewahimiza wananchi kufanya mazoezi ili kujenga Taifa lenye afya na nguvu

Katika hatua nyingine masinga amewataka watanzania kuendelea kutunza mazingira ili kuondokana na majanga mbalimbali k**a kukosekana kwa mvua, ukame na majangwa.

Kwa upande wao wadau wa mazingira wakala wa misitu Tanzania (TFS ) wilaya ya sumbawanga wametoa miche elfu moja (1000) ili kuunga mkono juhudi za serikali.

09/12/2024

BIDEN: KUPINDULIWA KWA RAIS ASAD NI FURSA MUHIMU KWA KIZAZI CHA WATU WA SYRIA KUAMUA HATIMA YAO

🛑 Viongozi mbalimbali wa Dunia wameendelea kutoa hisia zao,baada ya waasi nchini Syria kutangaza kuuangusha utawala wa Bashar Al Assad na kumaliza miaka 50 ya utawala wa kiimla kutoka kwa familia ya kiongozi huyo.

🛑 Maelfu ya raia wa Korea Kusini wanaendelea kuandamana mbele ya Bunge la Seoul dhidi ya Rais Yoon Suk Yeol jana Jumapili siku moja baada ya rais huyo kukwepa kushtakiwa kwa tuhuma za sheria za kijeshi ambazo zimeikumba nchi hiyo.

🛑 Mtandao wa kundi la waokoaji wa kujitolea nchini Sudan umesema raia 28 wameuawa jana Jumapili wakati kituo cha mafuta kilichopo katika eneo la Khartoum chini ya udhibiti wa kundi la RSF kiliposhambuliwa kwa makombora.

Cc

09/12/2024

Hospitali ya Rufaa ya Kanda ya kati Benjamin Mkapa iliyopo Jijini Dodoma Kwa mwezi huhudumia watoto 250 mpaka 400 wengi wao wakiwa ni ambao wamezaliwa kabla ya wakati.

Hayo yameelezwa na Daktari Bigwa wa Magonjwa ya watoto Hospitali hiyo Dkt. Julieth Kabengula wakati akizungumza na Waandishi wa Habari baada ya uongozi wa Hospitali hiyo kutembelea wodi ya watoto hao ikiwa ni kuadhimisha miaka 63 ya uhuru wa Tanzania Bara

Awali akizungumza na Wazazi wa Watoto hao ambao wanaendelea kupatiwa Huduma Mkurugenzi Mtendaji wa Hospital hiyo ya BMH Prof. Abel Makubi ameitaka jamii kuachana na imani potofu ya kuwaficha watoto hao na kuwanyanyapaa Wazazi wanaojifungua watoto kabla ya wakati Kwa kuamini kuwa watoto hao ni mkosi

Mmoja ya Wazazi wanaendelea kupatiwa Huduma ya matibabu Cleopatra Wagira ameelezea namna ambavyo anapatiwa Huduma katika Hospitali hiyo lakini pia anavyojitahidi pia kumpatia joto Mtoto wake Kwa kukumbatia(kangaroo) ili aweze kukua Kwa haraka.

Cc:

09/12/2024

HUDUMA ZA AFYA ZIMEIMARIKA TANGU TUPATE UHURU

Mkoa wa Shinyanga umeendelea kushuhudia maendeleo makubwa katika sekta ya afya tangu Tanganyika ipate Uhuru mwaka 1961. Serikali, kwa kushirikiana na wadau mbalimbali, imefanikiwa kuboresha miundombinu ya afya, kuongeza vituo vya kutolea huduma, na kuimarisha upatikanaji wa dawa na wataalamu wa afya, hali ambayo imeongeza ubora wa huduma kwa wananchi.

Hayo yamebainishwa na wakazi wa Mkoa wa Shinyanga wakati wa maadhimisho ya siku ya uhuru wa Tanzania bara leo Disemba 09, 2024 yaliyofanyika kwenye kata ya Salawe halmashauri ya wilaya ya Shinyanga.

Wakizungumza na Wasafi Media wamesema kuwa hali ya upatikanaji wa huduma za afya kabla ya kupata uhuru ilikuwa si nzuri kutokana na ukosefu wa vituo vya afya na hospitali kwenye maeneo mengi hali iliyopelekea kutumia dawa za asili kwaajili ya matibabu huku wakina mama wajawazito wakipoteza maisha kwa kukosa huduma.

Akizungumza kwa niaba ya mkuu wa Mkoa wa Shinyanga, Mkuu wa wilaya ya Shinyanga Wakili Julius Mtatiro amesema serikali kwa kushirikiana na wadau mbalimbali wa afya imeendelea kuboresha huduma za afya tangu ilipopata uhuru.

"Kwa sasa huduma za afya kwenye mkoa wetu zimeboreshwa ambapo tuna Vituo vya afya 326, hospitali ngazi ya wilaya 9, zahanati 264 na kliniki 19, ukilinganisha na kabla ya kupata uhuru wa nchi yetu, zamani ili upate matibabu ni lazima uende kwa mganga wa kienyeji lakini kwa sasa huduma zote zinapatikana kila sehemu", amesema DC Mtatiro.

Cc:

09/12/2024

OMO: 2025 HAPANA KURA YA SIKU MBILI ZANZIBAR

Mwenyekiti wa ACT- Wazalendo Taifa, Mheshimiwa Othman Masoud Othman, amesema ACT Wazalendo haitakubali Zanzibar kufanyika kura ya siku mbili.

Mheshimiwa Othman, ambaye pia ni Makamu wa Kwanza wa Rais wa Zanzibar, ameyasema hayo leo Jumatatu Disemba 09 2024, aliposhiriki akiwa Mgeni Rasmi, wakati wa Ufunguzi wa Kongamano la Kitaifa la Vijana wa ACT-Wazalendo wa Mkoa wa Kati Kichama, huko katika Ukumbi wa Chama hicho, Dunga Mkoa wa Kusini Unguja.

"Wajibu wetu ni kuilinda Katiba ya Zanzbar; k**a ambavyo tuliahidi katika Kiapo, ili kupambania haki na kuwahudumia wananchi; hivyo tunaahidi 'Kura ya Mapema' haitojirudia Zanzibar".

Aidha Mheshimiwa Othman amesema Chama cha ACT Wazalendo siyo Wakala wa Ajira k**a wafanyavyo vyama vyengine, bali dhima yake kuu ni kupigania haki na maslahi ya watu wote, bila ya ubaguzi. Amewahimiza Vijana kuacha kughilibiwa na kudanganywa, kwa kivuli cha kupewa ajira, na badala yake wasimame imara kutekeleza dhamira ya kuitafuta Zanzibar yenye Mamlaka Kamili.

Wakitoa salamu zao, Katibu wa Taifa wa Vijana, na Mwenyekiti wa Ngome ya Vijana Mkoa wa Kichama wa Kati, wa Chama hicho, Ndugu Muhamed Khamis Busara, na Ndugu Suleiman Ali Seif, kwa nyakati tofauti wamesema kuwa, 2025 ni Mwaka wa Maamuzi na wa mabadiliko, ambapo vijana kwao ni wajibu kuwepo mstari wa mbele katika kulifanikisha hilo.

Kongamano hilo ni mwendelezo wa Makongamano ya Ngome ya Vijana yanayoendelea, na yanayotarajiwa kufanyika Nchini kote, likibeba Kaulimbiu ya "Nafasi ya Vijana kuelekea Uchaguzi 2025 na Ukombozi wa Zanzibar"

Cc:

09/12/2024

09/12/2024

ROYAL TOUR YAONGEZA IDADI YA WATALII HIFADHI YA MAZINGIRA ASILIA MAGAMBA || IDADI YA WATALII YAFIKA 5293 MWAKA 2024 KUTOKA 390 MWAKA 2021

Ikiwa imepita Miaka miwili ya Filamu ya Royal Tour iliyofanywa na Serikali ya Rais Dkt Samia Suluhu Hassan, Idadi ya Watalii katika Hifadhi ya Mazingira Asilia Magamba imeendelea Kuongezeka hadi kufika watalii 5,293 mwaka 2024 kutoka watalii 390 kwa mwaka 2021.

Akizungumza kwenye Maadhimisho ya Kutangaza Vivutio vya Utalii vilivyopo kwenye Hifadhi ya Mazingira Asilia Magamba iliyohusisha Watalii kutembea kwa Miguu pamoja na Mbio za Baiskeli, Mkuu wa wilaya ya Lushoto Zephania Sumaye amepongeza ubunifu huo kwani ambao unasaidia kuchochea ongezeko la Watalii na kutangaza Vivutio la Utalii.

Amesema Matembezi katika Hifadhi ya Mazingira Asilia Magamba yanasaidia kujiepusha na Magonjwa mbalimbali yasiyoambukiza, Kutengeneza furaha na wageni mbalimbali pamoja za zaidi wananchi kufahamu Utalii uliopo katika Hifadhi ya Mazingira Magamba

Kwa Upande wake Mhifadhi Mkuu wa Mazingira Asilia Magamba PCO. Christoganus Vyokuta amesema hifadhi hiyo inapatikana katika Wilaya za Lushoto na Korogwe yenye ukubwa wa Hekta 9283.9 na urefu wa mpaka wa KM 82 ambapo madhumuni ya kuanzishwa kwa hifadhi hiyo ni kutunza na kuendeleza Bionawai, kuendeleza udongo na uhifadhi wa vyanzo vya maji, kuendeleza utalii Ikolojia na kupunguza kasi ya matumizi hasi ya Rasilimali za Misitu

Cc

09/12/2024

MEATU WAADHIMISHA MIAKA 63 YA UHURU KWA USAFI NA KUPANDA MITI:

Mkuu wa Wilaya ya Meatu, Mhe. Fauzia Hamidu na Katibu tawala wilaya hiyo, Eliasa Kassim Mtarawanje wameongoza mamia ya wakazi wa wilaya ya Meatu kufanya usafi wa mazingira na kupanda katika kuadhimisha miaka 63 ya Uhuru wa Tanzania.

Katika zoezi hilo DC Fauzia amewataka wakazi wa Meatu na watanzania kuyaenzi mambo mema yaliyofanywa na muasisi wa taifa letu, Mwalimu Julius Kambarage Nyerere ikiwemo kutunza uoto wa Asili.

Naye Katibu Tawala wa Meatu, Eliasa Mtarawanje amemshukuru Rais Samia kwa kuhubiri umoja, amani na mshik**ano na kuzidi kuwaunganisha Watanzania katika nyanja zote.

Cc

09/12/2024

WATALII WALIOPATA AJALI ZANZIBAR WASAFIRISHWA KWA NDEGE MAALUM NA ZIC

Shirika la Bima la Zanzibar (ZIC) kupitia huduma mpya ya Bima ya Wageni limepokea ndege maalum iliyokuja kwa ajili ya kusafirisha majeruhi wa ajali ya barabarani iliyotokea mwezi uliopita, ambao walikuwa wakipatiwa matibabu katika Hospitali ya Rufaa ya Lumumba.

Ndege hiyo ya kampuni ya AOM Air Ambulance iliwasili katika Uwanja wa Ndege wa Kimataifa wa Abeid Amani Karume hapo juzi saa tano usiku, na kuondoka siku ya jana saa sita mchana ikiwa na wagonjwa hao wawili kuelekea nchini Hungary ambako wanakwenda kuungana na ndugu, jamaa na marafiki.

Aidha, gharama zote za kukodi ndege hiyo maalum pamoja na matibabu yote zimelipwa na bima ya lazima ya wageni wanaoingia Zanzibar ambayo wageni hao walikuwa nayo wakati wa ajali.

cc:

09/12/2024

MIAKA 63 YA UHURU: "TUMEPIGA HATUA KUBWA KIMAENDELEO, TUENDELEE KUWAENZI WAPIGANIA UHURU"

Katibu Mwenezi wa Chama Cha Mapinduzi Ndg. Jawadu Mohamed amesema kuwa Taifa limeendelea katika Nyanya mbalimbali ndani ya Kipindi Cha miaka 63 ya uhuru huku akiwaasa Wananchi kuendelea kudumisha amani na mshik**ano pamoja na kuwaenzi wapigania uhuru.

Jawadu ameyasema hayo leo Denver 9, 2024 wakati akihojiwa na Wasafi Media kuhusu miaka ya 63 ya Uhuru wa Tanzania Bara

Jawadu amesema kuwa pamoja na Changamoto zilizopo lakini angalau kiwango Cha Watanzania wanaomiliki mali Kiko juu ukilinganisha na miaka iliyopita

Ndg. Jawadu ameongeza Kwa kusema kuwa ujinga bado upo na haujaisha na Kuna vita kubwa ya kuangamiza ujinga lakini Serikali ya Chama Cha Mapinduzi inaendelea kuchukua hatua mbalimbali ya kuelimisha watu ili kuwaondoa katika ujinga

Aidha Ndg. Jawadu amesema kuwa Serikali imefanya mageuzi makubwa katika Huduma katika Sekta ya Afya Kwa kujenga majengo mbalimbali ya Huduma za Afya na ununuzi wa vifaa tiba

Cc:

09/12/2024

WATUMIENI WATAALAM WA FANI STAHIKI KWENYE MAKAMPUNI YENU - OSWALD URASSA

Bodi ya Usajili wa Wakandarasi (CRB) imewanoa makandarasi wazawa kuhusu usimamizi mzuri wa fedha kwenye utekelezaji wa miradi ya ujenzi katika mafunzo ya siku tatu yaliyofanyika mwishoni mwa wiki jijini Dodoma na kuwakutanisha washiriki kutoka mikoa mbalimbali.

Akitoa mafunzo hayo Mr. Oswald Urassa, Mkufunzi wa Mafunzo ya Usimamizi wa Fedha, 'Financial Management Skills' amewataka wakandari kusimamia vizuri fedha katika utekelezaji wa Miradi ya ujenzi.

Lengo la mafunzo hayo ni kuwasaidia wakandarasi wazawa jinsi ya kusimamia fedha kwa kuhakikisha fedha zote zinakwenda kwenye mradi k**a inavyotakiwa na kukamilika kwa muda uliopangwa kwa kuzingatia uandaaji wa mpango wa fedha ‘financial plan’ utakaowasaidia kujua namna ya watakavyozipata fedha na watakavyozitumia.

Pia wakandarasi wamejifunza kuhusiana na usimamizi na maamuzi katika matumizi ya fedha ‘financial control and decision’ kwa kuhakikisha fedha zinafika katika maeneo husika na kufanyiwa matumizi kwa usahihi.

Aidha, kutokana na miradi mingi kuwa na changamoto ya kutokukamilika kwa wakati kutokana na fedha kupelekwa kwenye miradi isiyokusudiwa, wakandarasi wameaswa kujipanga na kuwa na uhakika kuwa wana fedha za kutosha kwa ajili ya ukamilishaji wa miradi kwa wakati kwani kwa kufanya hivyo italeta faida na tija kwenye kazi zao za kila siku.

09/12/2024

MIAKA 63 YA UHURU UVCCM: KISHAPU WAFANYA MATENDO YA HURUMA

Umoja wa Vijana wa Chama cha Mapinduzi (UVCCM) wilayani Kishapu, mkoani Shinyanga, wameadhimisha miaka 63 ya uhuru wa Tanzania Bara kwa kufanya matendo ya huruma katika Kituo cha Afya Songwa.

Akizungumza wakati wa tukio hilo, Mwenyekiti wa UVCCM wilaya ya Kishapu, Jenipher Nangi, alisema lengo la msaada huo ni kuwafariji wagonjwa waliopo hospitalini na kusherehekea uhuru kwa mshik**ano wa pamoja, aliongeza kuwa maadhimisho hayo yanatoa nafasi kwa vijana kuthamini mchango wa viongozi waliopigania uhuru wa nchi.

Kwa upande wake, Katibu wa UVCCM wilayani humo alisisitiza kuwa vijana wanapaswa kuwa mstari wa mbele katika kuuenzi na kuutunza uhuru wa taifa. Pia alimpongeza Rais Samia kwa kuwa kiongozi mwenye maono ya kusogeza huduma za kijamii karibu na wananchi.

Akizungumza kwa niaba ya Mganga Mfawidhi wa Kituo cha Afya Songwa, Abel Nkilijiwa aliishukuru Chama cha Mapinduzi kupitia UVCCM kwa msaada wao, nakusema umeleta faraja kwa wagonjwa na wahudumu wa afya na kuipongeza serikali kwa kuamua kuadhimisha uhuru kwa njia inayogusa maisha ya wananchi moja kwa moja.

Maadhimisho ya miaka 63 ya uhuru wa Tanzania yanatarajia kuanza siku ya kesho Disemba 09 kwa kufanya shughuli mbalimbali za kijamii kote nchini.

Cc:

09/12/2024

LIJUALIKALI AWAFUNDA VIONGOZI WA SERIKALI ZA MITAA NA VIJIJI NKASI .

Mkuu wa Wilaya ya Nkasi Mhe.Peter Ambros Lijualikali ametoa wito kwa Viongozi wote waliochaguliwa ngazi ya Serikali za Mitaa Wilayani Nkasi wasikubali kushawishiwa na baadi ya watu kuuza Ardhi za vijiji kihoela au bila kufuata Utaratibu jambo linalosababisha migogoro kwenye Jamii,

DC Lijualikali amesema hayo kupitia Mkutano wa Hadhara katika kijiji cha Kirando uliondaliwa na Chama cha Mapinduzi ukiwa na Lengo la kuwapongeza Viongozi waliochaguliwa kupitia Uchagu wa Serikali za Mitaa uliofanyika Tarehe 27 Novemba, 2024.

Katika hatua nyingine Lijualikali amesisitiza Viongozi waliochaguliwa kuendelea kuongoza kwa kuzingatia Misingi ya Sheria,taratibu na kuacha kutumia nguvu ubabe katika kuota huduma kwa wananchi.

09/12/2024

MIAKA 63 YA UHURU, WATANZANIA WAASWA KUWA NA MIOYO YA KUJITOLEA KULIENDELEZA TAIFA

Katika maadhimisho ya miaka 63 ya uhuru wa Tanganyika, Watanzania wameaswa kuwa na mioyo ya kujitolea pamoja na uzalendo na kushiriki kikamilifu katika juhudi za kulijenga na kuliendeleza taifa.

Akihutubia Desemba 8, 2024 katika kongamano la miaka 63 ya Uhuru wa Tanzania Bara sherehe za uhuru lililofanyika katika ukumbi wa mikutano wa Chuo cha Ualimu Muhonda, Wilayani Mvomero, Katibu Tawala wa Wilaya hiyo Ndg. amewahimiza wananchi kuenzi uhuru walioupata kwa kujituma, kushirikiana, na kuchangia maendeleo ya nchi katika sekta zote.

"...utapewa unachopewa lakini lazima tutangulize moyo wa kujitolea ndiyo silaha ya maendeleo yetu..." amesisitiza Ndg. Nguya.

Akinukuu maneno ya Baba wa Taifa Mwl. Julius Kambarage Nyerere aliyoyatoa mwaka 1988 wakati akizungumza na wazee wa Mkoa wa Tabora, Mwl. Nyerere alisisitiza kuwa "k**a tunataka kupata maendeleo ya haraka ni lazima k**a nchi tujenge mioyo ya kujitolea".

Aidha, Katibu Tawala huyo amewataka vijana, ambao ni zaidi ya nusu ya idadi ya watu nchini, kutumia fursa zilizopo kujenga taifa lao kwa moyo wa kujitolea, ubunifu, na uzalendo, huku akisisitiza kuwa roho ya kujitolea ni urithi unaopaswa kudumu kwa vizazi vyote.

Sherehe za uhuru mwaka huu 2024 zinatawaliwa na kaulimbiu inayosema "Uongozi Madhubuti na Ushirikishwaji wa Wananchi ni Msingi wa Maendeleo yetu"

Cc:

09/12/2024

Katika kuadhimisha miaka 63 ya Uhuru leo Desemba 9, 2024 Rais wa Jamhuri ya Muungano wa Tanzania, ametumia Mamlaka aliyopewa chini ya Ibara ya 45(1)(a) - (d) ya Katiba ya Jamhuri ya Muungano wa Tanzania kutoa msamaha kwa wafungwa elfu moja mia tano na arobaini na nane (1548) ambapo Wafungwa ishirini na mbili (22) kati yao wanaachiliwa huru leo tarehe 9 Disemba, 2024 na elfu moja mia tano ishirini na sita (1526) wanabaki gerezani kumalizia sehemu ya kifungo kilichobaki baada ya kupewa msamaha huu.

"Ni matarajio ya Serikali kuwa wafungwa hao watarejea tena katika jamii kushirikiana na wananchi wenzao katika ujenzi wa Taifa letu na kwamba watajiepusha kutenda makosa ili wasirejee tena gerezani" - Imeeleza taarifa iliyotolewa na Wizara ya mambo ya ndani ya Nchi.

SWIPE LEFT Kusoma Zaidi ⏮️⏮️

09/12/2024

Rais wa Shirikisho la Mpira wa Miguu Zanzibar (ZFF), Dkt. Suleiman Mahmoud Jabil ambaye pia ni Makamu Mwenyekiti wa K**ati ya Kombe la Mapinduzi 2025 amesema kuwa michuano ya Kombe la Mapinduzi kwa 2025 itashirikisha timu za Taifa na sio vilabu K**a ilivyozoeleka.

Timu zitakazoshiriki ni Mwenyeji Zanzibar Heroes, mwenyeji pacha Kilimanjaro Stars, Kenya (Harambee Stars), Uganda (The Cranes), Burundi na Burkina Faso.

Akizungumza na waandishi wa habari leo Desemba 9, 2024 visiwani Zanzibar Dkt. Jabil amesema kuwa michuano hiyo itachezwa kwa mtindo wa makundi, nusu fainali na fainali na Bingwa atapata kitita cha Tsh. Milioni 100 na mechi zote zitapigwa katika uwanja wa Gombani Pemba.