Msumba News Blog

21/12/2024

HUDUMA ZA KIJAMII KUSOGEZWA KWENYE MAKAZI YA WAATHIRIKA WA MAPOROMOKO YA TOPE HANANG - Mhe. Majaliwa

Waziri Mkuu wa Jamhuri ya Muungano wa Tanzania Mhe. Kassim Majaliwa amesema Serikali itajenga shule, zahanati, sekondari na kituo cha afya ili kusogeza huduma za kijamii kwenye makazi mapya ya waathirika wa maporomoko ya tope Hanang mkoani Manyara.

Mhe. Kassim Majaliwa amesema hayo akiwa Wilayani Hanang, wakati akikabidhi nyumba 109 kwa waathirika wa maporomoko ya tope wilayani humo, ambazo zimejengwa na Serikali kwa kushirikiana na Shirika la Msalaba Mwekundu kwenye Kitogoji cha Waret kijiji cha Gidagamowd.

“Tunataka wananchi hawa wawe na mwingiliano na wengine,waendelee kuishi hapa na wapate huduma muhimu za kijamii na ndio maana tutajenga shule, zahanati, sekondari na kituo cha afya,” Mhe. Majaliwa amesisitiza.

Aidha, Mhe. Majaliwa amefafanua kuwa, kati ya nyumba hizo 109 alizozikabidhi kwa waathirika wa maporomoko ya tope, nyumba 73 zimegharamiwa na Serikali, nyumba 35 zimegharamiwa na Shirika la Msalaba Mwekundu Tanzania na nyumba moja imegharamiwa na Umoja wa Wanawake wa Tanzania (UWT).

Mhe. Majaliwa ameongeza kuwa, nyumba zote hizo zimejengwa kwa uratibu mzuri wa timu ya wataalam kutoka Ofisi ya Rais-TAMISEMI, Ofisi ya Waziri Mkuu, Wizara ya Fedha, Ofisi ya Mkuu wa Mkoa wa Manyara, Ofisi ya Mkuu wa Wilaya ya Hanang pamoja na Halmashauri ya Wilaya ya Hanang.

Sanjali na hilo, Mhe. Majaliwa ameipongeza na kuishukuru TARURA kwa ujenzi mzuri wa barabara kwenye eneo hilo ambalo zimejengwa nyumba 109 za waathirika wa maporomoko ya tope na kuongeza kuwa toka amefika na kuanza ukaguzi wa nyumba hajaona barabara iliyoteleza licha uwepo wa mvua iliyokuwa ikinyesha.

“Mhe. Waziri wa TAMISEMI na TARURA yako mmefanya kazi nzuri sana ya ujenzi wa barabara kwenye nyumba hizi 109, hivyo jukumu mlilobakia nalo ni kutuwekea lami hivyo jaribu kuangalia kwenye vifungu vyako vya bajeti ili barabara ziwekwe lami,” Mhe. Majaliwa ameeleza.

Maporomoko ya tope wilayani Hanang yaliyotokea Desemba 7, 2023 katika mji mdogo wa Katesh pamoja na vijiji jirani yalipelekea baadhi ya wakazi wa maeneo hayo kupoteza nyumba za kuishi, hivyo S

21/12/2024

IAA YAIBUKA MSHINDI WA JUMLA MASHINDANO YA SHIMIVUTA 2024

Chuo Cha Uhasibu Arusha IAA wameibuka mabingwa katika michezo mbalimbali ambayo wanafunzi wameshiriki katika mashindano yanayohusisha Vyuo vya Elimu ya juu (SHIMIVUTA) yaliyokuwa anafanyika katika uwanja wa Ushirika Moshi Mkoani Kilimanjaro.

Akifunga mashindano hayo Katibu Tawala wa Mkoa wa Kilimajaro Kiseo Yusuf Nzowa akimuwakilisha Mkuu wa Mkoa wa Kilimanjaro Nurdin Babu amesema michezo ni afya, michezo ni furaha lakini pia michezo huleta umoja na mshik**ano, hivyo ni vyema vijana wa vyuo na wengine wote waendelee kushiriki ili kujenga umoja huo na mshik**ano kwa taifa.

Kwa upande wake Meneja wa Kampasi ya Arusha IAA Dkt. Grace Temba amewapongeza wachezaji na wanafunzi wote wa IAA walioshiriki katika mashindano hayo na kusisitiza kuwa wameiheshimisha taasisi kwa kuibuka washindi wa jumla (overall winner) katika mashindano hayo.

Dkt. Grace amesisitiza Menejimenti ya IAA inayoongozwa na Prof. Eliamani Sedoyeka kwa ujumla wamekuwa na desturi ya kusapoti sekta ya michezo na watahakikisha wanaendelea kuweka nguvu katika kukuza vipaji vya wanafunzi kwa manufaa ya Chuo na taifa kwa ujumla.

Chuo Cha Uhasibu Arusha kupitia wachezaji wake kwenye michezo tofauti tofauti kimefanikiwa kuchukua makombe na medali mbalimbali k**a ifuatavyo; Bingwa wa jumla wa mashindanoBingwa mpira wa miguu kwa wanaume\n- Kocha bora wa mashindano mpira wa miguu kwa wanaume\n- Mlinzi bora wa mashindano mpira wa miguu \n- Mshindi wa kwanza mchezo wa kuvuta kamba wanaume na wanawake\n- Mshindi wa kwanza mbio za kijiti kwa wanaume na wanawake\n- Mshindi wa pili mchezo wa pool table\n- Mshindi wa kwanza riadha Mita 200 kwa wanawake\n- Mshindi wa pili riadha Mita 200 kwa wanaume\n- Mshindi wa pili riadha Mita 100 wanaume na wanawake\n- ⁠Mshindi wa kwanza mchezo wa rede kwa wanawake.

Mashindano hayo yaliyodumu kwa takribani wiki mbili yametamatika leo rasmi katika Uwanja wa Ushirika Stedium Moshi na jumla ya Vyuo ishirini vya Elimu ya juu Tanzania vimefanikiwa kushiriki

21/12/2024

KIPIMO CHA MRI SASA KUPATIKANA NKINGA

Na WAF - Nkinga, Tabora

Waziri wa Afya Mhe. Jenista Mhagama amezindua rasmi mashine ya MRI inayotoa huduma za uchunguzi wa magonjwa ya shinikizo la juu la damu, magonjwa ya moyo pamoja na majeraha makubwa ya mifupa na ubongo katika Hospitali ya Rufaa ya Nkinga, inayomilikiwa na kanisa la 'Free Pentecostal Church of Tanzania (FPCT).

Waziri Mhagama amezindua huduma hiyo leo Desemba 20, 2024 Mkoani Tabora, itakayowasaidia Watanzania wote hususani wanaoishi Kanda za Magharibi, Ziwa na Kati zinazojumuisha mikoa ya Tabora, Kigoma, Singida, Shinyanga na Simiyu.

"Tumezindua rasmi huduma za kipimo cha mashine ya MRI ambacho ni kipimo cha kibobezi kinachotoa huduma ya mionzi na sumaku kwa uchunguzi wa wagonjwa kwa wenye matatizo ya shinikizo la juu la damu, magonjwa ya moyo pamoja na waliopata majeraha makubwa ya mifupa na ubongo," amesema Waziri Mhagama.

Amesema, kipimo hicho kinawasadia madaktari kutoa matibabu sahihi na kwa wakati hivyo kuzuia madhara makubwa ambayo yangeweza kujitokeza ikiwemo kifo.

Aidha, Waziri Mhagama amesema Serikali ina wajibu wa kuhakikisha huduma hizi za kipimo cha MRI zinaingizwa katika utaratibu wa matibabu ya Bima ya Afya ya Taifa ili kuwawezesha wananchi wengi kupata huduma hizo kwa urahisi bila kikwazo cha fedha.

"Serikali kupitia Wizara imeanzisha utaratibu wa kuzipeleka huduma za kibingwa karibu zaidi na wananchi ambapo kambi za madaktari bingwa zijukanazo k**a "Madaktari bigwa wa Dkt. Samia" ambao walitoa huduma katika halmashauri zote 184 kwa fani Sita (6) yakiwemo magonjwa ya ndani, magonjwa ya wanawake na uzazi, watoto, upasuaji, kinywa na meno na mifupa," amesema Waziri Mhagama.

Ameongeza kuwa katika ngazi ya hospitali za kanda na mikoa, fani zaidi ya 17 za mabingwa na wabobezi walishiriki kuwahudumia wananchi kupitia kambi mbalimbali na hivyo kambi hizi zitaendelea kufanyika ili kuhakikisha wananchi wanapata huduma za kibingwa na kibobezi karibu na maeneo yao.

Pia, Waziri Mhagama ameahidi kutoa gari la dharura la kubebea wagonjwa (Ambulance) katika hospitali hiyo ikiwa ni hatua za kutatua changamoto inayoikumba hospitali hiyo ili kurahisisha huduma, hasa kwa akina mama wajawazito.

21/12/2024

BODI YA TFS YAHITIMISHA ZIARA YA SIKU TATU DODOMA NA MANYARA

Bodi ya Wakala wa Huduma za Misitu Tanzania (TFS) imekamilisha ziara ya siku tatu katika mikoa ya Dodoma na Manyara, ikilenga kukagua utekelezaji wa shughuli za uhifadhi na maendeleo ya utalii wa ikolojia.

Ziara hiyo ilianza Wilaya ya Kondoa, ambako bodi ilitembelea maeneo ya michoro ya watu wa kale, urithi wa kihistoria wenye mchango mkubwa katika kuvutia watalii na kuhifadhi utamaduni wa kale.

Baadaye, wajumbe wa bodi walitembelea Milima ya Hanang’, ambapo walikagua athari za utalii wa ikolojia katika uhifadhi wa misitu ya asili na ustawi wa jamii zinazozunguka eneo hilo.

Akizungumza wakati wa ziara, mjumbe wa bodi, Dkt. Siima Bakengesa, alieleza kuridhishwa na juhudi za TFS katika kuimarisha uhifadhi na kukuza utalii wa ikolojia. “Tumeona juhudi kubwa za TFS katika kuongeza idadi ya watalii na mapato kupitia utalii wa ikolojia.

Eneo la Hanang’ ni mfano wa mafanikio ya ulipiaji wa huduma za mfumo wa ikolojia, ambao unasaidia kuongeza kipato kwa wakulima na kuimarisha uhifadhi wa misitu,” alisema.

Dkt. Bakengesa pia alitoa wito kwa wawekezaji kuchangamkia fursa zilizopo katika maeneo yanayohifadhiwa na TFS ili kuchochea ukuaji wa utalii wa ikolojia na kufanikisha lengo la kufikia watalii milioni tano. Alisisitiza kuwa uboreshaji wa miundombinu ni hatua muhimu kwa maendeleo ya sekta hiyo.

Aidha, alibainisha kuwa TFS imechukua hatua madhubuti kuboresha huduma za watalii kwa kujenga njia maalum na ofisi za kupokea wageni, hatua zinazolenga kuongeza ubora wa huduma na kuvutia wageni wengi zaidi.

Ziara hiyo imebainisha juhudi za TFS katika kuhifadhi rasilimali za misitu na kukuza utalii wa ikolojia, ambao unachangia kwa kiasi kikubwa kuongeza mapato ya taifa na kuboresha maisha ya jamii zinazozunguka maeneo yaliyohifadhiwa.

Bodi hiyo imeahidi kuendelea kushirikiana na TFS katika kufanikisha malengo ya uhifadhi na maendeleo ya utalii endelevu.

21/12/2024

WAZIRI MKUU MAJALIWA AZINDUA RASMI TUZO ZA UTALII NA UHIFADHI

Waziri Mkuu Kassim Majaliwa amezindua rasmi tuzo za uhifadhi na utalii na kusisitiza kuwa Serikali itendelea kubuni mikakati ya kuimarisha sekta ya Maliasili na Utalii kwa kuwa sekta hiyo ni nguzo muhimu ya uchumi wa Taifa.

Amesema hayo leo Desemba 20, 2024 alipozindua Tuzo za Uhifadhi na Utalii katika Ukumbi wa Hoteli ya Mt. Meru jijini Arusha. Tuzo hizo zina lengo la kuchochea ushindani kati ya wadau wa sekta ya maliasili na utalii nchini.

Amesema kuwa Sekta ya maliasili na utalii ni chanzo kikubwa cha mapato ya taifa kwa kuwa inahusisha shughuli nyingi za kiuchumi.

“Sekta hii peke yake inachangia asilimia 21.5 katika pato ghafi la Taifa ambapo asilimia 17.2 ni utalii, asilimia 4.3 ni misitu na nyuki” amesema Mhe. Majaliwa.

Aidha, amefafanua kuwa Sekta hiyo inachangia asilimia 30.9 ya mapato ya fedha za kigeni ambapo asilimia 25 yanatokana na utalii, asilimia 5.9misitu na nyuki.

Katika hatua nyingine, Mheshimiwa Majaliwa amesema kuwa juhudi za dhati na maono makubwa ya Rais Dkt. Samia Suluhu Hassan katika kuiendeleza Sekta ya Maliasili na Utalii yamesaidia kuongeza idadi ya watalii wa kimataifa kwa asilimia 96 kutoka watalii 922,692 mwaka 2021 hadi watalii 1,808,205 mwaka 2023;

“Jitihada za Rais wetu Dkt. Samia zimesaidia pia kuongezeka kwa mapato yatokanayo na Utalii wa Kimataifa kwa asilimia 68.2 kutoka dola za Marekani bilioni 2.0 mwaka 2021 hadi bilioni 3.4 mwaka 2023”.

Kadhalika, Mheshimiwa Majaliwa ameiagiza Wizara ya Maliasili na Utalii kuhakikisha inaweka vigezo vya wazi na vinavyojulikana vya uteuzi na upokeaji wa tuzo.

“Vigezo hivyo, pamoja na mambo mengine viwe vinavyozingatia ubora katika uhifadhi wa mazingira, huduma za utalii, usimamizi wa hifadhi za wanyama, na uendelezaji wa maeneo ya utalii” amesisitiza Mhe. Majaliwa.

Naye, Waziri wa Maliasili na Utalii, Mhe.Balozi Dkt. Pindi Chana (Mb)amempongeza Rais Dkt. Samia kwa namna anavyojitoa katika kuhakikisha Sekta ya Maliasili na Utalii inaendelea kukua kwa kasi.

Ameongeza kuwa Wizara ya Maliasili na Utalii imekuwa na mikakati mbalimbali ya kuimarisha uhifadhi na kuendeleza utalii ikiwemo kutumia teknolojia mbalimbali pam

20/12/2024

SERIKALI YAKABIDHI NYUMBA 109 KWA WAATHIRIKA WA MAAFA HANANG

_Asema kitendo hicho ni ishara ya upendo na kujali kwa Rais Dkt. Samia_

_Asema Serikali ilitoa shilingi bilioni 1.38 kuweka huduma za kijamii_

WAZIRI MKUU Kassim Majaliwa leo (Ijumaa, Desemba 20, 2024) amekabidhi nyumba 109 kwa waathirika wa maafa ya maporomoko ya tope yaliyotokea Desemba, mwaka jana wilayani Hanang, mkoani Manyara.

Akizungumza mara baada ya kukabidhi na kuzindua nyumba hizo zilizojengwa katika kitongoji cha Waret, Wilaya ya Hanang, mkoani Manyara, Waziri Mkuu amesema kuwa Mheshimiwa Rais Dkt. Samia Suluhu Hassan anawapa pole waathirika wote na amesisitiza kuwa Serikali itawasaidia ili waendelee na maisha yao k**a ilivyokuwa awali.

Amesema kuwa ujenzi wa nyumba 73 kati ya 109 umegharamiwa na Serikali Kuu na kujengwa na Shirika la Uzalishaji Mali la Jeshi la Kujenga Taifa (SUMA-JKT); nyumba nyingine 35 zimejengwa na Shirika la Msalaba Mwekundu Tanzania, ilhali nyumba moja imejengwa na Umoja wa Wanawake wa Chama Cha Mapinduzi Taifa (UWT).

“Kufuatia maafa hayo, nyumba 109 zilihitaji kujengwa upya kwa haraka. Hivyo, kwa kuzingatia athari hizo, na kwa upendo wake, Mheshimiwa Rais Dkt. Samia alitoa maelekezo ya kujenga nyumba bora na za kudumu katika eneo salama kwa waathirika waliopoteza makazi yao. Ujenzi huu ni ishara ya kujali, upendo na dhamira ya Serikali ya kuendelea kuwa pamoja na wananchi wakati wa shida,” amesema.

Ameongeza kuwa, Rais Dkt. Samia alitoa kiasi cha shilingi bilioni 1.38 kwa ajili ya kuweka huduma za kijamii ikiwemo umeme, maji na barabara za uhakika; lengo likiwa ni kuhakikisha kuwa kila nyumba inafikiwa na huduma hizo.

Wakati huohuo, Waziri Mkuu amewaagiza viongozi wa Halmashauri ya Wilaya ya Hanang waratibu zoezi la ugawaji wa viwanja vya ziada vilivyopo katika eneo hilo ili kuendeleza eneo hilo. “Tunataka eneo hili lisitambuliwe k**a makazi ya waathirika, bali kijiji rasmi chenye huduma zote muhimu za kijamii na liwe kielelezo cha maboresho ya kiuchumi na kijamii kwa wananchi wote.”

Mapema, Waziri wa Nchi, Ofisi ya Waziri Mkuu (Sera, Bunge na Uratibu), William Lukuvi amemshukuru Rais Dkt. Samia kwa miongozo, maono na fikra thabiti ya namna ya kukabilia

20/12/2024

WANANCHI 96 KUTOKA ENEO LA HIFADHI YA NGORONGORO WAPOKELEWA NA KUKABIDHIWA MAKAZI YAO MSOMERA

Na mwandishi wetu,
Handeni, Tanga

Jumla ya kaya 22 zenye watu 96 na mifugo 196 zilizokubali kuhama kwa hiari kutoka ndani ya Eneo la Hifadhi ya Ngorongoro zimepokelewa rasmi katika Kijiji Msomera, Wilayani Handeni na kukabidhiwa makazi yao leo Disemba, 19 2024.

Akizungumza kwa niaba ya Mkuu wa Wilaya ya Handeni Albert Msando, Katibu tarafa wa tarafa ya Sindeni Bw. Baraka Nkatura alisema kwamba Serikali imejipanga vizuri kuhakikisha kwamba wananchi hao waliokubali kuhama kwa Hiyari wanapatiwa huduma bora k**a walivyoahidiwa.

“Baada ya kupokelewa nipende kuwahakikishia kuwa Serikali imejipanga vizuri na vitu ambavyo mliahidiwa kuwa matavikuta Msomera viko tayari. Mtapatiwa nyumba iliyojengwa kwenye eneo lenye ukubwa wa hekari 2.5, Shamba la Ekari 5, Pamoja na maeneo yaliyotengwa mahususi kwa ajili ya shughuli za ufugaji” Alisema Baraka

Baada ya kukabidhiwa nyumba, Bw. Samweli Koromo ambaye ni mmoja wa wananchi waliopokelewa Msomera Alisema kuwa wamefurahi sana baada ya kuona kwamba wana uwezo wa kumiliki nyumba za kisasa tofauti na ilivyokuwa huko Hifadhini ambako sheria za uhifadhi zilikuwa haziruhusu kufanya ujenzi wa makazi bora ya kudumu.

“Nimefurahi sana nimepata Nyumba nzuri kwani kule Ngorongoro tulikuwa hatuwezi kujenga wala kufanya shughuli za maendeleo, na pia tumefika msimu wa mvua hivyo nitaanza kufanya maandalizi kwa ajili ya kilimo” Alisema Samwel

Kwa upande wake Bi. Esther Naftal ambaye kwa sasa ni mkazi wa Msomera akitokea Ndani ya Hifadhi ya Ngorongoro takriban miaka mitatu iyopita, alisema kwamba wanafarijika kuona ndugu zao wanaendelea kupata mwitikio wa kujiandikisha na kuhama kwa hiari kuja Msomera.

“Sisi tuliokuja mwazoni tumeshaona mazuri ya Msomera kwa sasa tuna chakula cha kutosha baada ya kulima, tumeanzisha biashara, Watoto wetu wanasoma shule, kwa ujumla maisha yetu yamekuwa bora zaidi. Wito wangu kwa ndugu zetu waliobaki Ngorongoro wajiandikishe ili waweze kunufaika na furasa hii tuliyopewa na Serikali” Alisema Esther

Serikali kupitia Mamlaka ya Hifadhi ya Ngorongoro inaendelea na zoezi la utoaji Elimu, uandikishaji na uhami

20/12/2024

ULEGA AKEMEA UBABAISHAJI, RUSHWA ATAKA TEMESA YA KISASA

Waziri wa Ujenzi, Abdallah Ulega, amekemea vitendo vya ubabaishaji na rushwa miongoni mwa watumishi wa Wakala wa Ufundi na Umeme Tanzania (TEMESA) akisema vinaweza kufuta mazuri yote ambayo taasisi hiyo imeyafanyq na inaendelea kuyafanya.

Akizungumza na Menejimenti ya TEMESA na Mameneja wa Mikoa jijini Dodoma, Waziri Ulega ameeleza Serikali imedhamiria kuifanya TEMESA kuwa taasisi namba moja na kimbilio la wote katika utengenezaji wa magari ya Serikali na binafsi.

"Tunatakiwa kupiga vita sana vitendo vya ubabaishaji na rushwa. Huu ndiyo ugonjwa unaoharibu taasisi nyingi na kwa kweli tunahitaji kutumia uwezo wetu wote kupambana na jambo hili," alisema.

Huo ulikuwa ni mkutano wa kwanza baina ya Waziri Ulega na viongozi wa TEMESA tangu ateuliwe kuwa waziri wa wizara hiyo mwezi huu.

“Hongereni kwa kuanzisha mkakati wa mpya wa kufanya kazi utakaowawezesha kujiendesha kibiashara kwa kushirikiana na sekta binafsi pale inapobidi ili kuihudumia jamii kikamilifu. Sisi TEMESA ni lazima tuwaoneshe watu ukinilipa nitakufanyia kazi kwa wakati", amesema Ulega.

Amezipongeza Taasisi za BOT, EWURA, TANESCO na TRA kwa kulipa madeni yao kwa wakati na kupewa huduma kwa haraka na kuzitaka taasisi nyingine za Serikali kuweka mikataba ya huduma bora na za haraka na TEMESA ili kusaidia taasisi hiyo kuondokana na madeni.

Waziri Ulega ameeleza kuwa zaidi ya Shilingi Bilioni 67.4 zimetumika katika miaka mitatu ya Serikali ya Awamu ya Sita ya Dkt. Samia Suluhu Hassan kujenga vivuko vipya sita (6), ukarabati wa vivuko saba (7) na ujenzi wa miundombinu ya vivuko ambayo ni maegesho na majengo ya abiria katika Ziwa Victoria na Bahari ya Hindi.

Waziri huyo aliutumia mkutano huo kupongeza ukarabati wa karakana za matengenezo ya magari unaoendelea kufanyika kote nchini na kusisitiza ukarabati huo uendane na mabadiliko ya kimtazamo, utaalamu na mabadiliko ya Sayansi na Teknolojia ili kuleta tija na ufanisi katika majukumu yao.

Naye, Naibu Katibu Mkuu, Dkt. Charles Msonde, amezungumzia umuhimu wa taasisi za Wizara ya Ujenzi kushirikiana kwa kubadilishana uzoefu ili kuleta ufanisi unaotarajiwa kwa W

19/12/2024

Kuelekea uzinduzi wa tuzo za uhifadhi na utalii msanii wa kizazi kipya miondoko ya singeli amewahamasisha wananchi kuendelea kujitokeza kwa wingi kutalii katika hifadhi ya msitu ya ziwa .duluti katika kipindi hikincha sikukuu za Xmass na Mwaka mpya.

17/12/2024

ATAKAYEBADILI MATUMIZI YA FEDHA ZA KUNUNUA BIDHAA ZA AFYA KUCHUKULIWA HATUA

Na. James Mwanamyoto, OR-TAMISEMI

Naibu Katibu Mkuu, Ofisi ya Rais-TAMISEMI (Afya) Dkt. Grace Magembe amesema Serikali itachukua hatua dhidi ya viongozi wa Halmashauri watakaobainika kulipa posho za watumishi kwa kutumia fedha ambazo zimetengwa na Serikali kwa ajili ya kununua bidhaa za afya ili kuboresha utoaji huduma za afya msingi nchini.

Dkt. Magembe amesema hayo leo katika Ukumbi wa Ngome Saccos jijini Dar es Salaam, wakati akifungua kikao kazi cha wadau chenye lengo la kujadili uboreshaji wa huduma za UKIMWI, Kifua Kikuu na huduma muunganisho za Afya.

“Nimepita katika halmashauri zenu na kubaini vifungu ambavyo vilikuwa vinalipia bidhaa za afya vimelipia posho, hizo ni hoja za ukaguzi hivyo mtachukuliwa hatua na CAG, Ofisi ya Rais - TAMISEMI na Wizara ya Afya,” Dkt. Magembe amesisitiza.

Dkt. Magembe amewahimiza washiriki wa kikao kazi hicho kuzingatia miongozo ya matumizi sahihi ya fedha za bidhaa za afya na kuongeza kuwa, k**a kiongozi au mtumishi anaona kuna ulazima wa kubadili matumizi ya fedha za bidhaa za afya ni vema akasubiria muda wa kubadili matumizi ya fedha (reallocation) ufike ili mabadiliko yafanyike kwa mujibu wa taratibu.

“Wafamasia wa mikoa, wataalam wa maabara wa mikoa na waratibu wa afya wa mikoa mliopo hapa ni wazi kuwa zoezi la kubadili matumizi ya fedha iwapo kuna ulazima ni jukumu ambalo mnapaswa kulitekeleza wakati wa kipindi cha kubadili matumizi ya fedha (budget reallocation),” Dkt. Magembe amehimiza.

Sanjali na hilo, Dkt. Magembe amefafanua kuwa, kitendo cha kubadili matumizi ya fedha za afya bila kuzingatia utaratibu kinapekea kuibuka kwa migogoro isiyo ya lazima pindi unapofika wakati wa kulipia bidhaa hizo MSD au kwa msh*tiri kwani kifungu husika kinakuwa kimeshatumika kulipia posho au huduma nyingine ambazo haziusiani na bidhaa za afya.

Akizungumza kwa niaba ya washiriki wa kikao kazi hicho, Dkt. Kheri Kagya ambaye ni Mganga Mkuu wa Mkoa wa Lindi amemshukuru Naibu Katibu Mkuu Ofisi ya Rais-TAMISEMI (Afya) Dkt. Grace Magembe kwa kuwakumbusha kuzingatia matumizi sahihi ya fedha za bidhaa za afya kwa mujibu miongozo iliyopo na azm

16/12/2024

RIDHIWANI KIKWETE APOKEA WANACHAMA \nWAPYA WA CCM CHUO CHA TASUBA PWANI

Waziri wa Nchi Ofisi ya Waziri Mkuu kazi,Vijana Ajira na Watu wenye Ulemavu (MB) Ridhiwani Kikwete amewapokea Makada Wapya katika Chuo cha Tasuba- Bagamoyo Mkoa wa Pwani.

Mh Ridhiwani Kikwete Amewahasa Vijana wa Vyuo na Vyuo Vikuu Mkoa wa Pwani kuwa Wazalendo,Kuipenda Nchi yao na Kuendelea Kusoma kwa Bidii na wakiamini kuwa Vijana ndio nguvu Kazi ya Taifa.

Mwisho amewaomba Vijana wote Kuendelea Kukiamini Chama Cha Mapinduzi kinachoongozwa na Mwenyekiti wetu Ndg DR Samia Sulu Hassan kwani ndiyo chama Chenye Sera Bora na imara zinazoweza kumuinua kijana.

16/12/2024

15/12/2024

WATANZANIA WAHIMIZWA KUJENGA UTAMADUNI WA KUSOMA VITABU

Naibu Katibu Mkuu wa Wizara ya Elimu, Sayansi na Teknolojia anayeshughulikia Sayansi na Elimu ya Juu, Prof. Daniel Mushi, ametoa wito kwa Watanzania kujenga utamaduni wa kujisomea vitabu ili kuibua fursa za kimaendeleo na kuacha tabia ya kutumia vitabu k**a sehemu salama ya kuhifadhia fedha.

Akizungumza wakati wa uzinduzi wa vitabu viwili vilivyoandikwa na wataalamu kutoka Chuo Kikuu cha Sokoine cha Kilimo (SUA), Prof. Mushi amesema, vitabu hivyo ni nyenzo muhimu kwa maendeleo ya sekta ya kilimo na elimu nchini ambapo ameipongeza SUA na waandishi wa vitabu hivyo kwa jitihada zao za kuleta tija kwa jamii kwa kutoa suluhisho la changamoto mbalimbali.

“Wizara inatamani kuona wanataaluma nchini wanachukua jukumu la kuandika vitabu vinavyojikita katika tafiti na kuendana na mtaala mpya wa elimu unaolenga kukuza stadi za amali. Kwa kuandika vitabu, wanataaluma wanaweza kuhifadhi mawazo yao ya kibunifu na kusaidia jamii kutatua changamoto,” amesema Prof. Mushi.

Kwa upande wake, Rasi wa Ndaki ya Sayansi za Jamii na Insia, SUA, Prof. Samwel Kabote, amesisitiza kuwa vitabu hivyo vina uwezo wa kuboresha sekta ya kilimo na elimu nchini, na k**a mawazo yaliyoandikwa yakitekelezwa kwa vitendo, yatachangia kupunguza umasikini.

Josephine Ng’ang’a, Mkurugenzi wa RECODA (Research, Community and Organizational Development Associates), ameeleza kuwa mojawapo ya vitabu hivyo kinachotumia mfumo wa RIPAT, kinalenga kuwapa wakulima maarifa ya kutumia teknolojia zilizofanyiwa tafiti ili kuleta maendeleo. Alisema kuwa vitabu hivyo pia vinaweza kutumika na watafiti na wadau wa maendeleo vijijini katika kutekeleza miradi yenye tija kwa jamii.

Dkt. Onesmo Nyinondi, mmoja wa waandishi wa vitabu hivyo na Mhadhiri Mwandamizi wa SUA, alisema changamoto kubwa ya wanafunzi kuandika makala na majarida kwa umahiri ndiyo ilimhamasisha kuandika kitabu chake.

Aliongeza kuwa vitabu ni njia bora ya kutoa maarifa kwa wanafunzi na watafiti.
Uzinduzi wa vitabu hivyo, umeofanyika katika kampasi ya Edward Moringe SUA, mkoani Morogoro, umehudhuriwa na wadau mbalimbali wa sekta ya kilimo na elimu, wakiwemo viongozi wa SUA, watendaji wa serikali,

15/12/2024

MBUNGE BYABATO AWAFARIJI WATOTO YATIMA 200 KUPITIA TAMASHA LA BUKOBA MJINI MPYA FESTIVAL 2024

Mbunge wa Jimbo la Bukoba Mjini, Wakili Stephen Byabato, kwa kushirikiana na wadau mbalimbali, wamewakutanisha watoto yatima 200 wanaoishi katika vituo vya watoto yatima Manispaa ya Bukoba. Lengo kuu ikiwa ni kuwapa faraja kwa kuwapa mahitaji muhimu ya shule, vyakula na mahitaji binafsi ikiwa ni sadaka na shukrani kwa Mwenyezi Mungu kutoka kwa wadau hawa kuelekea mwisho wa mwaka 2024.

Tamasha hilo limefanyika tarehe 14/12/2024 kwa jitihada za wadau waliopo katika Kundi Songezi (WhatsApp Group) la Bukoba Mjini Mpya chini ya ulezi wa Mhe. Byabato na wadau nje ya kundi hilo.

Katika maandalizi ya tamasha hilo, zaidi ya Tsh 10 Milioni zilitolewa na wadau na leo wamekabidhi sadaka mbalimbali kwa watoto yatima zikiambatana na tuzo za utambuzi kwa waanzilishi na vyeti vya shukrani kwa wasimamizi wa vituo hivyo kwa kazi kubwa ya kuijenga Jamii bora ya Bukoba.

Pamoja na zawadi nyingi zilizotolewa (zikiwemo za sikukuu), vimetolewa vitabu vya dini (Biblia na Quran Takatifu) yametolewa madawati 50 kwa shule za msingi zenye uhitaji zaidi za Byabato, Bilele, Rwamishenye na Bunena.

Aidha katika kuunga jitihada za Mbunge Byabato, Mdau kutoka Afrika Kusini, Injinia Datusi, ametoa vitanda 20 kwa watoto yatima, huku wafanyabiashara wa Soko Kuu Bukoba na wadau wengine wakitoa zawadi mbalimbali kwa watoto hao, TRA Kagera wakakamilisha furaha kwa kuwalisha wahudhuriaji wote zaidi ya 500 chakula cha pamoja cha kiwango cha juu.

Mbunge Byabato kakamilisha Tamasha hili kwa kuwaalika wana Bukoba wote katika Tamasha kubwa la Mkoa wa Kagera chini ya uanzilishi na usimamizi wa Mhe. Mkuu wa Mkoa Bi. Hajjat Fatma A. Mwassa kuanzia jumatatu ya tarehe 16/12/2024.

Wadau mbalimbali wamepongeza ubunifu, mafanikio na majitoleo hayo yaliyoratibiwa vema na Kamati ya Maandalizi. Wameomba tamasha hili liwe endelevu kwa ajili ya kuwaleta pamoja watu wote.

15/12/2024

MAKAMU WA RAIS DKT. MPANGO AMEWASILI ARUSHA
Makamu wa Rais wa Jamhuri ya Muungano wa Tanzania Mhe. Dkt Philip Mpango akisalimiana na Mkuu wa Mkoa wa Arusha Mhe. Paul Makonda pamoja na viongozi mbalimbali wakati alipowasili mkoani Arusha leo tarehe 15 Desemba 2024. Makamu wa Rais anatarajiwa kuwa mgeni rasmi katika Mkutano Mkuu wa Mwaka wa Viongozi wa Taasisi ya Kuzuia na Kupambana na Rushwa (TAKUKURU) utakaofanyika kesho tarehe 16 Desemba 2024 mkoani Arusha.

15/12/2024

Wahitimu wa chuo cha uhasibu arusha  wapatao 5854, wamekumbushwa kutumia tafiti zao walizozifanya wakiwa chuo ili ziweze kusaidia jamii na taifa kwa ujumla. 

Akizungumza katika mahafali ya 26 ya mwaka 2024 Naibu waziri wa fedha (mb) Hamad Hssan Chande, amewataka kutumia changamoto  walizokutana nazo na kuzifanya njia ya kufikia mafanikio wanayoyatarajia

"Nawapongeza sana kwa hatua hii, lakini mkiaminiwa jiaminishe, mkawe na subira na kujifunza kuridhika, kuwa wavumilivu na kuacha tamaa ya kuharakia maisha, naamini mkizingatia haya mtafanikiwa na kutimiza ndoto zenu"

 " Sasa tanueni wigo wa taaluma zenu, k**a mlivyotembelea SADC, fungueni matawi huko nina imani mtakubaliwa, na hatua hii itaongeza kiwango cha wanafunzi ili kufikia lengo" amekumbusha Chande

Kwa upande wake mkuu wa chuo cha uhasibu arusha profesa Eliamani Sedoyeka, amewatakia wanafunzi wote waliohitimu kozi mbalimbali heri na fanaka tele katika maisha yao baada ya kumaliza masomo, ambapo jumla ya wahitimu 5854 kati yao wanaume ni 3601 na wanawake 2253 kwa ngazi ya astashahada, stashahada, shahada na shahada za uzamili katika fani mbalimbali. 

Hata hivyo amewaasa wahitimu kuendelea kujituma, kutochagua kazi na kushirikiana na kila mmoja katika jamii ili kuendelea kujifunza mambo muhimu ya kujijenga na kuzingatia nidhamu ya pesa na muda. 

Katika namna hiyo ameishukuru serikali kwa kuwapatia kiasi cha zaidi ya shilingi bilioni 40 kupitia mradi wa elimu ya juu kwa mageuzi ya kiuchumi(HEET), kwamba kupitia fedha hizo wanatarajia kujenga  songea, na baadhi ya majengo katika kampasi ya babati na arusha yakiwemo madarasa, maabara za kompyuta, jengo la utawala na kituo cha umahiri cha TEHAMA, ikiwa ni sehemu ya jitihada za kuendelea kuboresha na kuweka mazingira rafiki ya kujifunzia. 

"Tumefanikiwa kutoa wahitimu wa kwanza katika kozi tatu za shahada na kozi moja ya shahada ya uzamili, kozi hizo za shahada ni shahada ya usalama wa mtandao, Shahada ya Uanagenzi katika usimamizi wa utalii na ukarimu, na shahada katika menejimenti ya maktaba na taarifa, kozi hizi tatu za shahada zilianza rasmi mwaka wa masomo 2020/2021"    amefafanua profesa Sedoyeka. 

"Kipekee nimefurahi kuona  mmefikia hatua hii kubwa

13/12/2024

BASHUNGWA AKABIDHIWA OFISI NA MASAUNI, WIZARA YA MAMBO YA NDANI.

Waziri wa Mambo ya Ndani ya Nchi, Innocent Bashungwa amekabidhiwa ofisi na aliyekuwa Waziri wa Mambo ya Ndani ya Nchi, Mhandisi Hamad Masauni ambaye Sasa ni Waziri wa Nchi, Ofisi ya Makamu wa Rais (Muungano na Mazingira), leo tarehe 13 Disemba, 2024 jijini Dodoma.

Makabidhiano hayo yamefanyika ikiwa ni siku nne baada ya Rais wa Jamhuri ya Muungano wa Tanzania, Dkt. Samia Suluhu Hassan kuwaapisha Mawaziri hao tarehe 9, Disemba 2024, Tunguu Zanzibar.

Akizungumza baada ya makabidhiano hayo, Waziri Bashungwa amemshukuru mtangulizi wake kwa makabidhiano ambayo yatakuwa mwongozo wa kusimamia na kutekeleza majukumu yaliyo chini ya Wizara ya Mambo ya Ndani Nchi.

Sambamba na hilo, Waziri Bashungwa ameshukuru Rais. Dkt Samia ambapo amesema kuwa "Niendelee kumshukuru Rais wetu na nimuahakikishie k**a ambavyo alituelekeza wakati anatuapisha kwamba niendeleze pale ulipoishia Waziri Masauni”.

Aidha, Bashungwa amesisitiza suala la Watumishi wa Wizara na vyombo vyake vya usalama kufanya kazi kwa kushirikiana ili kwa pamoja kusimamia na kutekekeleza majukumu yao kikamilifu.

Kwa upande wake, Waziri wa Nchi, Ofisi ya Makamu wa Rais (Muungano na Mazingira), Mhandisi Hamadi Masauni amemueleza kuwa Waziri Bashungwa anaipokea Wizara ikiwa katika hali nzuri na hali hiyo inatokana na namna Mheshimiwa Rais Samia alivyoiwezesha kibajeti Wizara hiyo.

"Mheshimiwa Rais amefanya kazi kubwa sana miongoni mwa kazi aliyoifanya ni kuiwezesha Wizara kuwa na uwezo wa kutekeleza zaidi majukumu yake." amesema Waziri Masauni.

Waziri Masauni ameeleza kuwa Wizara inaendelea na utekelezaji wa maelezeko ya Tume ya Haki Jinai ikiwa ni pamoja na kuhakikisha Wananchi wanahudumiwa kwa haki, bila uonevu wala dhuluma.

Makabidhiano hayo yameshuhudiwa na Naibu Waziri wa Mambo ya Ndani ya Nchi, Daniel Sillo pamoja na Naibu Katibu Mkuu, Dkt. Maduhu Kazi.

13/12/2024

UJENZI WA KIVUKO CHA TRIPPI KUPUNGUZA UTORO KWA ASILIMIA 98 - MBULU

ya Rais yatekelezwa

Kukamilika kwa ujenzi wa kivuko cha mto Trippi kilichopo Kijiji cha Trippi Kata ya Gehandu Halmashauri ya Wilaya ya Mbulu umeweza kupunguza utoro kwa asilimia 98 na kuongeza ufaulu wa mtihani wa darasa la saba kwa asilimia 91 kwa wanafunzi wanaosoma Shule ya Msingi Trippi.

Hayo yameelezwa na Mwalimu Mkuu wa Shule ya Msingi Trippi Mwl. Adwee Hesiali ambapo amesema kabla ya kivuko hicho wanafunzi wanaoishi upande wa pili walikuwa wakikosa masomo kwa takriban miezi minne na kipindi cha masika ilifika hadi asilimia 51.

“Wananchi walijitahidi kujenga kivuko cha miti lakini kilisombwa na maji kwenye mto huu, lakini kukamilika kwake kimeweza kuongeza ufaulu kutoka asilimia 84 mwaka jana hadi kufikia asilimia 91 mwaka huu.

“Kwa kweli kitaaluma tumepanda na utoro umekwisha, hii ni kutokana na ujenzi wa kivuko hiki kwani imetuondolea adha kwa wanafunzi wetu”.

Mwl. Hesiali amesema kuwa wanaishukuru Serikali inayoongozwa na Rais Dkt. Samia Suluhu Hassan kwa kuwezesha kivuko hiko na kuongeza kusema kwamba kwa sasa wapo vizuri.

Naye, Diwani wa Kata ya Gehando Mhe. Alex Tango ameishukuru Serikali kupitia TARURA kwa kuwajengea kivuko katika mto Trippi “Kivuko hiki kimekuwa mkombozi kwa wanafunzi ambao walishindwa kuhudhuria masomo katika kipindi chote cha masika".

Amesema kivuko hicho imesaidia pia kuinua uchumi wa wananchi kwa upande wa pili kwani kuna wakulima wa mbaazi ambao walikuwa wanavusha mizigo kwa kichwa ila kwa sasa hawana shida tena na kusema msimu ujao wanatarajia kivuko hicho kitasaidia sana kuinua kipato cha wananchi wake.

Mhe. Tango alisema licha ya ujenzi wa kivuko hiko, TARURA hivi sasa kuna kazi ya ujenzi wa barabara ya Kainamu-Hasama- Tsawa yenye urefu wa Km. 10 ambapo ujenzi wake utagharimu shilingi milioni 700 ambapo kukamilika kwake kutasaidia wakazi zaidi ya 14,000.

“Kwakweli mimi k**a mwakilishi wa wananchi naipongeza sana Serikali kwa kazi kubwa hii wanayoifanya kilomita hizi za barabara zikikamilika wananchi watakuwa wamepata mawasiliano na hivyo kujenga imani na Serikali yetu”.

Amesema wameweka mkakati wa kutunza kivuko hicho kwa kuzungumza na