محمد رشاد - Mohamed Rashad

28/11/2024

جيتكم بالجديد بعد وقفة مع الوكيل الحصري ل Honor بالسودان Honor Sudan - MST .. اعلان هاتف X7C . بالتعاون مع نجوم تيك توك المميزين التش ، وبيا
فكرة وكلمات والحان محمد رشاد , تنفيذ موسيقي اسامة جامبو
مدير تصوير ومخرج الشاب المصري الجميل مصطفى نبيل
ومدير مشروع هشام المساعد.
اتمنى يعجبكم الاعلان.

08/10/2024

حكاوي الاعلانات (٧)
كان التحدي الكبير بالنسبة لينا كيف حنظهر 30 شخصية في زمن اقل من دقيقة، وغير كدة اختلاف مواقع التصوير مع ضيق الزمن ، وعشان تزبط وقت تصوير كل واحد، مع اجار اللوكيشن، والمكياج ، وظروفهم الخاصة حقيقي تحدي. لأنو الاعلان ولي كتير من الناس الما بعرفو الموضوع دا تكلفتو بتتحسب باليوم ما زي المسلسلات.
بس لما تشتغل مع شركة زي مياسم وسهام شريف Siham عارفين قيمة الاعلان والتأثير ما بتتعب، ودا الخلانا نصور في يومين لأنو كان مستحيل يتصور في يوم واحد، قدرنا وطبعا بمساندة الارت دايركتر الشاطرة شديد واللي لازم افرد ليها بوست براها تاني معين Maien ، لأنو صعب جدا انك تجهز قرابة ال15 لوكيشن في يومين، بس معين دايما اسم يعتمد عليه ، والصعب الموضوع اننا بنكون مؤجرين المكان باليوم ما ينفع نجهز قبل يوم التصوير بكتير ودا تحدي في حد زاتو، وكمان زي ما قلت زبطة المكياج واللبس مع ضيق الوقت، وعدد البنات اللي في الاعلان كان مجهود من خبيرات المكياج روان عطا المنان Rawan وهبة ، وشركة الانتاج الرهيبة بيانكا وصاحبها مصعب امام Musaab
مياسم كان تحدي لكل التيم، وبعد نجاح اعلانا الاول مع مياسم كان لازم نظهر بصورة أفضل وشكل أجمل وقد كان بحمد الله.
البعرف تلاتة من الكاست دا متابع جدا.
ادخلوا على الرابط وتابعوا الاعلان، واشتركوا في القناة، اشتركوا في القناة.
https://youtu.be/ksXi89YSNtA?si=fmq1v_RjixXxttIH

28/08/2024

قناة كرستيانو في خمسة يوم عملت 50 مليون متابع .. وانا في 5 سنوات يا دوب 50 الف واقل .. ما ممكن ود الزين ، القومة للسودان ، واغاني راب ، وحفاظة اخلاص.. الا ارقص ليكم في القناة بعد كدة .. خشو اشتركو ما ممكن ياخ .. اقلوا نجيب الدرع الفضي.
يلا يلا شير تكبييييس

https://youtube.com/?si=E5rggFbVW83Bzt1W

05/05/2024

لحظة كلنا نتمناها تحصل ، فرحتوني من قلبي يا لايف اوف زول ، ربنا يجمع

26/04/2024

شفت الصورة حركت جواي احاسيس عجيبة ، زمن مستحيل يرجع قاعد جوانا في حتة براها ، سرير هبابي في الحوش ، وقمر ضاوي وجو همبريب ، سماعتين في اضانك والشريط الفي مزاجك. وخياااااااال كتير شديد.. بالله شنو ذكرياتكم مع الايام دي ، وكنتو بتسمعو شنو ؟؟ ومنو جاء في بالك لما شفت الصورة؟

10/04/2024

كملوها انتو..
نشوف منو يكمل التلاتة عبارات، بدون ما يشوف التعليقات.

09/04/2024

العيد الحلو في حلتنا ، مشاركتنا ليكم في عيد الفطر المبارك ان شالله تعجبكم.

اعلان العيد بنك افريقيا والخليج

09/04/2024

يا سلام يا غادة ، شكرا على الرسمة الجميلة

30/03/2024

الدنيا دي صندوق كبير وكلنا داخلين فيهو وبندفع اجتهادنا ختتنا .. اي واحد فينا عندو صرفة ، فلما تجيك صرفتك امسك فيها قوي واستفيد منها قدر ما تقدر ، وخليها فرصة تعلي مقامك وتغير وضعك ، الصندوق لافي والصرفات بتتغير ، لو ضيعت صرفتك في الفارغة ولهتك الدنيا حتجي تندم بعد فوات الاوان، وعشان تلف وتجيك الا الصندوق الجاي ويا عالم يجي متين.

11/03/2024

صوت الجميل فريد النجار

11/03/2024

صوت الجميل فريد النجار

11/03/2024

البرش الكان مالنو ضيوف
ما فاهم ليه للان ملفوف !
جك الآبري في الرف محتار !
وين ناس البيت وين الافطار ؟
حيطتنا بتسأل بي الحاح
وين الجارات ما مدو ملاح ؟


رمضان كريم 🌙

10/03/2024

وان غاب المكان ، ما بغيب رمضان ..
كل سنة وانتو بخير

01/03/2024

منو بعرف ابو النوم؟

24/02/2024

اريام للانتاج الفني تسعد بتواجدها الان وبشكل رسمي في السوق السعودي ، نسعد بالتعاون المثمر مع الشركات والمؤسسات في كل مدن المملكة العربية السعودية.
ونسعد بتعاون الاخوة السودانيين في كل المجالات مع اريام السعودية
والتواصل معنا عبر ارقام الهواتف الموجودة بالصفحة.
أريام السعودية - Aryam Saudi

31/01/2024

واول بداياتنا الجديدة "موقعنا الالكتروني" ادخل على www.aryammedia.com
وتابعوا كل اعلاناتنا البتحبوها ، وخليكم اقرب لكل جديد أريام
وحنسعد اكتر بتواصلكم معانا عبر الموقع الالكتروني ، وفي منصاتنا المختلفة على السوشيال ميديا.

21/12/2023

قبل كم سنة كدة تابعت مسلسل بطولة شريف منير اسمو (برة الدنيا) .. المسلسل دا من اجمل المسلسلات الحضرتها .. المهم المسلسل دا بخليك جاري ورا حقيقة ومصدقها جدا وانو البطل هو العنده الحق وبخليك تتعاطف معاهو جدا ولغاية اخر حلقة انت منتظر انو البطل ياخد حقو ، لغاية ما بتجي تكتشف اخر حلقة انو البطل هو الظالم وانك طول الوقت دا كنت بتدعم في الباطل والمؤلف حب يقول لينا انو نحن كمشاهدين اللي (برة الدنيا) .
كتييير من المفاهيم في حياتنا بنشوف انو دي الحق وما بنرضى فيها نقاش ولا بنقبل كلمة لو زول قال لينا انتو مع الباطل وممكن نخسر اي انسان بقول كلمة عكسنا .. وللاسف مافي حلقة اخيرة ممكن تورينا الحقيقة .. عشان كدة اتعلم دايما تفتح مساحات في تفكيرك للاخر وتستوعب فهمو شنو وتحاول تتقبلو في حياتك ما بالضرورة تقتنع بكلامو بس ما تقفل مخك في رايك وبس.

15/12/2023

ليه ماف زول اخترع دولاب بتقلب لي شنطة .. بقينا ما عارفين نخت هدومنا في دواليب ولا شنط .. تختها في الشنط تصبك . تختها في دولاب تسافر.