http://tajerouine.centerblog.net/

Tajerouine la7nina, Kef, Tajerouine (2024)

07/06/2024

قبل كان في بالنا اللي الواحد عايش عيشة الكلاب ...

25/05/2024

واحد مشى خطب طفلة و كي لقى فيه بوها الصفات الباهية طلب منو مهر 1500 مي
قالو : « نحنا نحبو راجل وما يهمناش الفلوس »
فرح الصحيب و عمل في قلبو و عرس فيسع👰🤵، أما فما فازة ولى ديما يعملها على سبيل الفذلكة، كل ما يشري قازوزة يقول لمرتو : «أنتي والقازوزة نفس السوم الزوز ب1500مي»
والمرا مقهورة و ساكتة و مخليتها في قلبها، وهو ديما يناديها يا قازوزة🍾
أكاهو عاد فاض كاس الصبر، طلبت المرا تمشي تشوف دارهم و بدات تشكيلهم من راجلها وقالتهم : «رخصتم مهري ياخي رخص قدري»😢
تغشش البو 😡وقال لنسيبو كي جا بش يهز مرتو :« خليها اليوم عندنا و إيجا أنت وداركم غدوة نضيفوكم بحذانا☕🍝🥘🥗🍲🍛🥙»
فرح الراجل، اليوم الثاني جاء هو والعايلة، حطلهم البو دبوزة قازوز 🍾!!
استغربوا الجماعة أما الراجل بدا يفهم إنو الحكاية على تعليقاتو، جاب البو دبوزة ثانية🍾🍾 وثالثة🍾🍾🍾و حطهم قدام أهل الراجل وقاللهم: « خذيتو بنتنا بدبوزة قازوز يا سيدي هذوما 3 دبابز خذوهم و رجعولنا بنتنا »
بدا الراجل يبان عليه الإحراج،🥵😨 و عايلتو ما فهموا شيئ، فسرلهم بو المرا الموقف، تغششو الجماعة😡 على صاحبنا ههه وقالولو مستغربين: «هكا تجازي الي كرمك وسهلك كل شئ؟؟»
حلف البو بش ما تخرجش بنتو، من دارو كان ما ياخذ 50 ألف دينار💰💰💰💰💰 ووافقوه الجماعة الكل، حشم الراجل و عرف إلي هو يستاهل إلي جرالو، وعطاهم الفلوس 💸خاطر يحب مرتو ♥️
ودفع 50 ألف دينار، ورجع مرتو🧳
المهم دوب ما دخلت دارها قاللها : «نورتي دارك يا معمل القازوز🍾🍾🍾🍾🍾🏭» ههههههه
زايد مايحشمش 😂😜😁