الاتحاد الرياضي المنستيريnews ♦ USMonastir ♦
03/02/2025
ساعة أول حاجة نتفاهمو عليها الي أحنا كجمهور منحبو كان مصلحة جمعيتنا لاتقلي تابعين فلان ولا فلتان.. أحنا نمشيو مع الحاجة اللي تبع مصلحة جمعيتنا..
منجموش نراو الغلط ونسكتو ومحبيناش نتلكمو بعد ماتش الترجي وقلنا خسارة وتتعدا أما بصراحة كي نقيمو مردودنا في اخر مبارتين نجمو كان نقولو الي أحنا ماشين بتوالي ومناش نقدمو...
أول حاجة نتفاهمو فيها الناس الكل هو الأنترفيو اللي عملو المدرب في إفم... سامحني شمهزك لغادي؟ ولا قايم تفشي فالأشياء الداخلية للنادي وتعمل في العرك مع المستيري وهاو قوى الظلام هاو زمارة؟ فاش تعمل؟هاذي مش غلطتك معناها؟ فيبالي أحنا الإتحاد المنستيري عايلة وحدة وكي دارو عليك مالقيت كان الجمهور واقف معاك أما إنت خنتو والميديا إلى حطمتنا إنت مشيتلهم تجري بسقيك ووصلتهم لوين يحبو... تي كان جا عنا رئيس أقسم باالله لاتزيدها دقيقة بعد الأنترفيو والفضايح الي جبتهم أما خسارة معناش رئيس يتلاها بالحكايات هاذي...
ثاني حاجة مفهمتش بعد الماتش قايل سيطرنا طول وعرض فهمتش وين السيطرة؟ نجمت تخرج بتعادل ضد فريق يلعب بعشرة؟؟ تغييرات هاكم؟؟ بصراحة من بعد الشوط الأول متع بنزرت مستير عمال بالتوالي...
بصراحة سكتنا سكتنا أما فما حاجات مانجموش نسكتو عليهم... لازم الهيئة تراجع روحها وتعمل إجتماع طارئ مع المدرب ويشوفولنا حل للنقائص هاذي خاتر بصراحة لازم وقفة صحيحة ومازالت قرابت 13 جولة لازمنا نكملوهم بالباهي ونعطيو كل ماعندنا ...
ملاحظة : مانحبو كان مصلحة الجمعية وإسمها اللي فوقنا الكل واللي يقلل من شأنها رانا نتكلمو خاتر مفما حتى حد فوق الجمعية.
عاش الاتحاد الرياضي المنستيري
