مواجهة الإستيطان والنفوذ الأجنبي

13/09/2024

- الانتماء لتونس مهوش صفة مهوش ورثة و مهوش مصادفة او وضع قانوني مؤقت. الانتماء لتونس هوا إنخراط بالروح و هاذا يعني وحدة المصير.
- التونسة هيا التوحد في السراء و الضراء مع تونس. التونسة هيا قدسية و أولوية الانتماء لتونس على ما عداه من الانتمائات الأخرى جنسية، عمرية، فكرية، فئوية،قطاعية،محلية او دينية.
- قدام تونس العالم و الوجود يضمحل كينهم مفماش، قدام تونس لكلنا جنود في خدمتها حتا الموت قدام تونس انانيتنا تذوب و قلوبنا تتملا بالأحمر و الأبيض ، النجمة و الهلال.

13/09/2024

صباح الخير تونس ايتها المنيرة ايتها المشعة أيتها المقدسة. صباح الخير تونس يا ضوء العقول دفئ القلوب ونور الأرواح. صباح الخير تونس يا من اعزنا الله بك يا من شرفنا الله بحمل اسمك و انعم علينا بالانتماء اليك. صباح الخير تونس يا قدسنا و نور الله في وجودنا. صباح الخير تونس يا طريقنا و يا حقيقتنا. صباح الخير تونس يا حياتنا.

12/09/2024

*المرسوم 88 ،تونس،الخريطة و البوصلة النضالية*
- باش منضيعوش في العالم لازمنا خريطة و بوصلة. خريطة توضحلنا الاماكن، المواقع الطرق و البوصلة تورينا الاتجاهات.
- في السياسة نفس الشي لازم ديما عنا خريطة و بوصلة نعرفو منهم موقعنا منين الانطلاق، الهدف و الاتجاه الصحيح.
- في السياسة التونسية اليوم نقطة الانطلاق هيا الوطنية التونسية ،نقطة الوصول او الهدف هيا السيادة التونسية و البوصلة هيا خط المواجهة مع النفوذ الاجنبي.
- المسار واضح علخر و أوضح من الشمس في كبد السماء، التدخلات و الاستفزازات الأجنبية وَاضحة،منظومة التبعية للخارج واضحة علنية و قبيحة شكلا و اصلا و النازلة التونسية واضحة.
- النضال و الجهاد الحقيقيين في الوضع السياسي التونسي اليوم لازمهم يتوجهو حصريا ضد النفوذ و التداخلات الأجنبية و لازم السيادة التونسية تكون هيا العنوان،الشعار، الغاية و المبدأ.
- لهنا نخزرو للخريطة و نشوفو مدخل النفوذ الاجنبي منين نلقوه من المرسوم 88 لسنة 2011. لهنا البوصلة تورينا اتجاه ثنيتنا و هيا النضال ضد هاذا المرسوم المشوم.
- ثنية استكمال الاستقلال تحقيق السيادة و محو عار الانتقال الديمقراطي و إنقاذ تونس من الاستيطان محطتها الأولى هيا المرسوم 88 لسنة 2011.
- هاذا المرسوم المشوم لازم يتنحا و يتعوض بقانون جمعيات يفرض التونسة التامة للنشاط الجمعياتي و استقلالو على الخارج من كل النواحي و زادا اجلاء المنظمات و الجمعيات الأجنبية من تونس.

12/09/2024

- منجموش نعملو إصلاحات سياسية ادارية، مالية، اقتصادية، اجتماعية ثقافية و حتا رياضية في تونس وقتلي الدولة تعاني من النفوذ الاجنبي.
- متنجمش تصلح الدار او تعاود ترتب الاثاث او تبدل في الغرف او حتا تصلح بين أفراد العايلةوقتلي فما برانية ساكنين معاك و متداخلين في كل شي و يتحكمو في جزء من أفراد العايلة.
- مأساة و عقدة تخمامنا من قرون سلفت هيا الاعتقاد انو انجمو نحققو نهضة او تقدم بدون خوض معركة او حرب السيادة و تقديم كل التضحيات للانتصار فيها.
- معندو حتا معنى النقاش حول نظام الحكم او النظام السياسي او الإعلام او القضاء او التعليم او التشغيل او الي تحبو انتوما مدام فما قوى اجنبية فاعلة فكريا، نفسيا،ماليا و سياسيا في تونس.
- الاصلاح او التغيير يفترض وجوبا القدرة على الفعل و استقلالية القرار يعني انعدام التاثير و التدخل الأجنبي.
- بوجود تمويلات أجنبية للجمعيات،بوجود جمعيات اجنبية بوجود تأثير شبه مقدس للقيم السياسية-المجتمعية الأجنبية مستحيل يصير في تونس التحول المرغوب فيه.
- كيف تبدأ عندك جمعيات تستدعا سفراء اجانب للنقاش حول استقلال القضاء فهاذا يعني تدخل اجنبي في القضاء و هاذا يعني أنك متنجمش تصلحو الما تواجه التدخل الأجنبي .
- كيف تبدأ عندك جمعيات اجنبية تناقش السياسة التونسية و تعشبك مع جمعيات محلية ضد الدولة و ضد الشعب و ضد تونس فمستحيل تنجم تحسن ظروف عيش التوانسة الي وجودهم بيدو مهدد.
- كيف تبدأ عندك برامج اجنبية صريحة علنية لتمويل الجمعيات الي تنشط في كل المجالات من السياسة للاقتصاد للاعلام للثقافة للطفولة فهاذا يعني تحكم اجنبي في العمق المجتمعي-النفسي التونسي بما يعنيه من فشل اي سياسة اصلاحية تتعارض مع مصالح و نفوذ الأجانب في تونس.
- مصالح تونس تتناقض و تتصادم حتميا مع مصالح الأجانب في توتس، اي مصلحة اجنبية في تونس راي على حسابها و في مضرتها.
- القيم التونسية تتناقض و تتصادم حتميا مع القيم الأجنبية في تونس ،اي قيمة اجنبية بش تنتشر على حساب القيم التونسية و بش تفسخها و تلغيها.
- النفوذ الاجنبي=المصالح الاجنبية=القيم الأجنبية و لذا فهم يتعارض و يتناقض مع أي إصلاح او سياسة نافعة.
- الاصلاح، التغيير و التقدم الحقيقي في تونس يبدأ المواجهة مع النفوذ الاجنبي السياسي،المالي،الاقتصادي، الاجتماعي،اللغوي الاعلامي،الثقافي الرياضي و النفسي.
- السيادة التونسية هيا المعركة،السيادة التونسية هيا العنوان، السيادة التونسية هيا المبدأ.

12/09/2024

- ليون روش و ريتشارد وود كانو على التوالي القناصل بتع فرانسا و بريطانيا في تونس النصف الثاني من القرن 19.
- الزوز قناصل هاذم عملو كل شي. تواصلو مع البايات الوزراء، القياد، المسؤولين في الدولة و تحولو إلى قوة سياسية داخلها و طيبوها من الداخل.
- في النصف الثاني من القرن 19 القنصليات بتع فرانسا و بريطانيا تجاوزت دورها الدبلوماسي للتدخل في كل الشؤون التونسية و فرض التحول السياسي الي تسما زورا و بهتانا اصلاحي خصوصا القانون الكارثي متع عهد الأمان 1857.
- القنصليات الفرنسية و البريطانية ولاو مراكز نفوذ و شبه حكومات و طيبو تونس من الداخل لين حانت لحظة استعمارها و جا الجيش الفرنسي( البريطانيين معادش تهمهم تونس بعد 1878 كيف احتلو قبرص).
- في النصف الأول في القرن 21 و تحديدا بعد مرحلة الانتقال الديمقراطي نلقو 4 سفارات متداخلين في كل شي متاع امريكا، فرانسا،ألمانيا و الاتحاد الاوروبي.
- السفارات الأربعة هاذي يقابلو و يتواصلو و يتناقشو على الشؤون التونسية مع رؤساء الاحزاب، قادة نقابات،رؤساء جمعيات و ووسايل الاعلام.
- الأربعة سفارات هاذم عندهم برامج اختراق(يسموها دعم) موجهة للجمعيات، الاعلام، الشركات، النقابات الثقافة، الشباب،المراة،الطلبة، الأساتذة، التلامذة و الأطفال.
- الأربعة سفارات هاذم صريحين في تدخلاتهم و في موقفهم من التوجهات الوطنية-السيادية التونسية و مصرين انهم يشاركو الحكومة التونسية في القرارات بحجة الشراكة.
- الأربعة سفارات هاذم ينتهكو في سيادة تونس، يهينو في استقلالها و متورطين في مشروع توطين الأجانب فيها.
- الأربعة سفارات هاذم تحولو لمراكز نفوذ و لشبه حكومات موازية و فما شبهات كبيرة حول تورطهم و خاصة سفارة امريكا في المؤامرات على امن الدولة التونسية.
- نشاط السفرات الأجنبية في تونس و هامش تحركاتهم لازمو يتظبط بقانون. اتفاقية فيانا متكفيش و سيادة تونس اهم من اي معاهدة دولية.
- ملازمش تونس تخاف كيف تدافع على سيادتها و حتا كيف تحط العلاقة مع امريكا او فرانسا في الميزان و تهدد بقطعها او التخفيض في مستواها وقتلي سفارتها تتجاوز الحدود.
- مراجعة العلاقة مع النشاط الدبلوماسي الأجنبي في تونس و تاطيرو و اخضاعو لمبدأ السيادة التونسية مع الدفاع المستميت عليها و رفض التداهل الأجنبي في الحياة العامة التونسية لازمو يكون على قايمة أولويات و البرامج السياسة لأي توجه وطني-سيادي تونسي.

12/09/2024

دوب متفيق الصباح خمم في تونس صبح عليها و احمد ربي لانتمائك ليها و ادعيه بش يثبت قلبك معاها.
- دوب متفيق الصباح انوي انك تعدي نهارك تونسي و بش تسعى و تعمل جهدك باش تعز و تعظم تونس في نفسك، سلوكك و محيطك.
- دوب متفيق الصباح املا صدرك بالهواء، تنفس بارتياح و افتخر من عمق روحك بلي انتي تونسي.
- دوب متفيق و قبل متفيق و قبل مترقد ديما حط في بالك و ذكر روحك انك تونسي و تونس هيا روحك و حقيقتك.

11/09/2024

https://docs.google.com/forms/d/e/1FAIpQLSdKcYc6uRSY6cI1XlN6eOsdiC-Qj4iflYByEMnOsl00mQa0jQ/viewform?fbclid=IwZXh0bgNhZW0CMTEAAR23gUNhxAYZlXz5tDHZK6zkHCkEHzNRMaA_18DEw730nOUPz7aL5Yr8g0w_aem_ZmFrZWR1bW15MTZieXRlcw

بسم الله، إلى السيد رئيس الجمهورية. إلى رئاسة الحكومة التونسية. نحن الموقعون أسفله على هذه العريضة أصحاب السيادة المواطنون التونسيون، و نظرا لما تشهده بلادنا تونس م...

11/09/2024

- ملازمش الدولة التونسية تكون في وضع الامتحان و التحقيق قدام اي جهة اجنبية، مفما حتا جيهة اجنبية معندها الحق الطبيعي في محاكمة الدولة التونسية او طلب تقارير منها.
- لا الأمم المتحدة لا الاتحاد الافريقي لا محكمة العدل الدولية لا حتا جهة اجنبية حتا لو تتسما دولية ماعندهم الحق يحاسبو الدولة التونسية او يحاكموها او يطلبو منها خضوع لمعاييرهم و قيمهم.
- الاتفاقيات و المعاهدات الدولية الي صححتها الحكومات السابقة و تفرض على الدولة التونسية وضع التلميذ او المتهم او الخاضع لحكم، تقييم او توصيات اي هيئة خارجية تتناقض و تنفي اصلا مبدأ السيادة التونسية الى هوا المبدأ المقدس و المؤسس للدولة.
- مفماش حتا نظام او هيئة فوق الدولة التونسية و لا عندها معاها حساب. هاذا هوا شمعناها سيادة و تحققها يتطلب مراجعة كل أنواع الاتفاقيات و المعاهدات الدولية الي تفرض على تونس تقديم كشف حساب، تقارير او القيام بتغييرات قانونية او التعرض للمحاكمة.
- لوغة الشرعية الدولية، العدل الدولي و الحقوقيات راهم كذبات اخترعو لتبرير سيطرة و هيمنة الأمم القوية على الأمم الضعيفة و تونس ملازمهاش تكون ضعيفة او خاضعة لأي كان مهما كان اسمو او صيفتو او قوتو.
- القرن 19 صححت فيه تونس برشا اتفاقيات تنتهك سيادتها و تضعفها قدام الخارج تحت ظغط التهديد بالحرب و في لخر رصاتلها في الاستعمار. الخضوع للخارج عمرو مكان منقذ لحتا دولة.
- بعد الاستقلال و تحت ظغوط السياسة التسولية و السياحية و رغبة في ارضاء الغرب و تلميع صورة تونس صححت الدولة اتفاقيات و معاهدات تتناقض مع سيادتها و تفرض عليها تقديم تقارير و الخضوع للمحاسبة في مجالات متعددة و رجعنا لنفس مسلسل القرن 19 و لقينا انو تونس تواجه خطر الاستيطان.
- اي اتجاه وطني-سيادي لازم يحط بين اهدافو و في صلب برنامجو السياسي مراجعة كل أنواع الاتفاقيات و المعادلات الي امضيت مع الخارج دولا و منظمات بما فيهم الأمم المتحدة و الهيئات الدولية مراجعة شاملة تحت ضوء و معيار السادة التامة الشاملة و المطلقة.
- عقدة الخوف من الخارج و الرغبة في ارضاؤو و تلميع صورتنا عندو لازمنا نتحررو منها نفسيا و سياسيا و هاذا الي بش يكون الثورة التونسية الحقيقية و الانتقال التاريخي التونسي.

11/09/2024

**المرسوم 88 شنوة هوا في الحقيقة**
- شنوة هوا المرسوم 88 لسنة 2011 متاع الجمعيات بالظبط.
- قبل الثورة كان في تونس زوز قوانين ينظمو النشاط الجمعياتي في تونس لولاني هوا قانون الجمعيات 1959 و الثاني قانون المنظمات غير الحكومية 1993.
- الزوز قوانين هاذم كانو يفرضو رقابة صارمة و قبلية على التمويلات بنسبة للجمعيات التونسية و زادا يفرضو ترخيص رئاسة الجمهورية بنسبة لأي منظمة اجنبية.
- صارت الثورة و خوماضة الانتقال الديمقراطي و هبطو علينا الخبراء الأجانب بتع الحقوق و الحريات و منظومة التبعية للخارج ولات هيا تحكم و قالو القوانين بتع الجمعيات هاذي مستبدة و تقمع في الحريات و لازم نبدلوهم و بدلوهم ب:
- اولا إلغاء قانون الجمعيات و قانون المنظمات غير الحكومية القدم.
- ثانيا اباحة التمويل الأجنبي بدون ترخيص مسبق و من اي دولة عندها علاقات دبلوماسية مع تونس يعني من امريكا، كندا، دول الاتحاد الأوروبي و الخليج العريبي و معاهم تركيا اي عمليا كل الدول الي تحب تتداخل في شؤون تونس.
- ثالثا اباحة تأسيس الجمعيات و انتصاب المنظمات الأجنبية بدون ترخيص مسبق بالظبط كيما الجمعيات التونسية.
- يعني مرسوم الجمعيات عدد 88 لسنة 2011 جا بش يحل اللعب في التمويل و الانتصاب الأجنبي للجمعيات في تونس.
- كانو عنا قوانين يظبطو الوضع الجمعياتي لدرجة مقبولة و ياقفو سد قدام التداخل و التاثير الأجنبي نسبيا، جا المرسوم 88 لسنة 2011 الغاهم و حل الباب على وسعو للاجانب باش يعملو الي يحبو من بوابة النشاط الجمعياتي.
- المرسوم 88 لسنة 2011 في واقع الحال هوا مرسوم التاثير، الاختراق و التحكم الأجنبي في الجمعيات لنو الي يمول يحكم.
- زادا المرسوم 88 لسنة 2011 هوا باب للتجسس،التأثير، التآمر و الارهاب لنو اي جهار استعلامات اجنبي او اي تنظيم ارهابي ينجم يحل فرع في تونس تحت غطاء جمعية.
- المرسوم 88 لسنة 2011 مهوش ينظم في النشاط الجمعياتي و إنما يزيف فيه و يعملو تحويل وجهة نحو كل ماهو معادي لتونس دولة و شعبا و أبرز مثال هوا موضوع الاستيطان.
- المرسوم 88 لسنة 2011 هوا مرسوم شبه استعماري - شبه استيطاني وضع في غفلة من الشعب التونسي من طرف حكومة مؤقتة بدون شرعية بمشورة هيئة تمثل التبعية للخارج.
- يمثل المرسوم 88 لسنة 2011 إعادة صياغة لقانون عهد الأمان 1857 الي سمح بالتغلغل الاقتصادي الاوروبي في تونس و مهد للاستعمار الفرنسي عام 1881.
- هاذا المرسوم المشوم لازم يتنحا و يتعوض بقانون جمعيات يفرض التونسة التامة للنشاط الجمعياتي و استقلالو على الخارج من كل النواحي و زادا اجلاء المنظمات و الجمعيات الأجنبية من تونس.

10/09/2024

- اكبر كارثة فكرية-سياسية-اجتماعية و نفسية هيا تزويل و مسكنة التونسي.
- لوغة التونسي جيعان، التونسي عطشان، التونسي عريان، التونسي زوالي، التونسي مسكين هيا لوغة خطيرة علخر سياسيا-اجتماعيا و فكريا-نفسيا.
- اللوغة هاذي تضعف التونسي علخر و تسحب منو القدرة على الفعل و تعمل سقف واطي علخر للوعي و الروح بتاعو.
- اللوغة هاذي تكرس المطلبية من شيرة و تقتل الطموح من شيرة اخرا و تزيد عليه نسف الوعي الوطني خاطرها ترد التونسي يحتقر روحو و يستنقص من قيمة تونسيتو لاقترانها بالفقر، الجوع، العطش، المسكينة و الزول.
- اللوغة هاذي تكرس سياسة التسول عند النخب الحاكمة الي مغير متشعر تخمم ديما في طلب الدعم و المساعدة من الخارج و تعجز اصلا على التفكير في التعويل على الذات لنها في العمق زوالية،مسكينة، جيعانة، فقيرة، عطشان و محتاجة.
- اللوغة هاذي تكرس الاحتياج التونسي للخارج و الضعف تجاهو و العجز على المواجهة بل رفض المواجهة اصلا و الرضى بالدون مقابل المنح المساعدات و القروض.
- اللوغة هاذي تعلش التونسي اي تردو علوش محتاج للماكلة و ترد توتَنس بالتالي زريبة على ملك الامريكان، الفرانسيس، الاوروبيين او حتا القطريين كيف كيف لنو العلوش يهمو الحشيش و القرط مش ملكية الزريبة الي اينجم يزيدوها علاش اخرين او حتا معيز.
- في عهد الاستعمار فرانسا كانت مستعدة تناقش المشاكل الاجتماعية بتع الفقر و البطالة و ترفض نقاش المشاكل السياسية بتع الاستقلال و السيادة لنها كانت تحب تكرس دونية التونسي و عدم استحقاقو للاستقلال.
- اللوغة هاذي تحب تبعد التونسي على النوازل التونسية الحقيقية الوطنية الي تتعلق بالنفوذ الاجنبي و الضعف التونسي تجاهو.
- بحصران طموحاتي التونسي و تونس في مستوى الكرش يقع قتل اي روح وطنية حقيقية و اي مسعى سيادي تحرري و تقدمي في تونس و زادا اذلال النفسية العامة.
- تونس جيعانة صحيح اما جيعانة سيادة. تونس عطشانة صحيح اما عطشانة كرامة. تونس عريانة صحيح و لازمها تتغطى بالشرف. تونس فقيرة صحيح اما فقيرة قوة. تونس محتاجة صحيح اما محتاجة للاعتماد على ذاتها.
- النازلة التونسية الحقيقية مهيش اجتماعية و مهيش حقوقية. النازلة التونسية الحقيقية هيا وطنية-سيادية و تتعلق بالتحرر من النفوذ الاجنبي و من الاحتياج للخارج اصلا و بالطبيعة الإنقاذ من الاستيطان الاجنبي.

10/09/2024

كيف تتخلط عليك الثنايا و متعرفش وين تشب تذكر تونس و تذكر الي انتي تونسي و ادعي ربي يهديك ثنيتها وقتها تو تلقا ثنيتك و تعرف وين لازمك تمشي و ترتاح.
- في اي أزمة او مشكلة حاول تخمم من منطلق كونك تونسي قبل كل شي. قلبك كيف يستوحش او يقلق تذكر تونس و خمم فيها تو ترتاح و تتونس.
- تونس راهي ونيسة القلب، ضو المخ و شعلة الروح.

10/09/2024

فما نازلة واجبة الطرح و النقاش و هيا الاستغلال او التحيل الاقتصادي الأجنبي في تونس.
- الموضوع ميتعلقش بالثروات الباطنية و النشاط الاستخراج و إنما يتعلق بالأنشطة الخدماتية و التجارية الداخلية وين نلقو فيهم متداخلين اجانب يحققو في أرباح مهولة على حساب اقتصاد تونس و يخرجوها لبرة.
- مثلا شركة فرنسية بتع تساكر-المطاعم او شركة سويدية بتع خدمات التاكسي هاذم الزوز ماعندهم حتا إضافة اقتصادية و لا حتا قيمة مضافة و نشاطهم تنجم تعملو شركات تونسية و حتا كان متعملش مفماش مضرة.
- الشركات هاذي تحقق أرباح غير عادية بدون مجهود او تكاليف كبيرة و تخرجها لبرة بكل سهولة و هاذا قمة التحيل و الاستغلال الاقتصادي الأجنبي لتونس.
- الاستثمار الأجنبي تخيلتو الحكومات المتعاقبة حل سحري للنمو و التشغيل لكن في جانب كبير منو تحول إلى خساير للاقتصاد التونسي و تحويلات مالية للخارج.
- الوضع الطبيعي للاقتصاد التونسي انو الناشطين فيه أفراد او شركات يكونو توانسة بالكامل،الحضور الأجنبي في تونس لازمو يكون الاستثناء المعلل بالنقل التقني و القيمة المضافة و هاذا امر مش ثابت ابدا.
- قنون 1972، الشراكة مع الاتحاد الأوروبي و التسهيلات المقدمة للاجانب للاستثمار في تونس و معاهم زادا النيابات الي تعملها مؤسسات تونسية لمنتوجات اجنبية عادة استهلاكية كلهم لازم يتراجعو.
- لازمنا انحو من مخاخنا مرة و علطول فكرة انو المستثمر الاجنبي هوا الحل لمشاكلنا الاقتصادية كيف منحو فكرة انو القروض من الخارج هيا الحل لمشاكلنا المالية.
- تونس و التوانسة لازمهم ياخذو بزمام الأمور اقتصاديا و مبدأ التعويل على الذات لازم يترجم علخر في الاقتصاد.
- مراجعة الاستثمارات الأجنبية و الشراكات الاقتصادية مع الخارج على ضوء المصلحة التونسية لازمو يكون ضمن المخطط و البرنامج السياسي لأي شخصية ، حزب ،تيار او تحالف يقول على روحو وطني او سيادي.

09/09/2024

تونس ونيسة القلب و ام الروح و ضوء العقل. مغير تونس القلب يستوحش،الروح تتيتم و العقل يدهدس في الظلام.
- مغير تونس نضيعو بينات الثنايا و مستحيل نعرفو وين نشبو و تصطادنا الذيوبة و تحصلنا الثعالب و نعدو اعمارنا من كبة لكبة.
- اعرفو تونس و شدو ثنيتها و تو ربي يراكم و تو تولي عندكم قيمة و قدر و تو تولي عندكم حياة، مستقبل و دور تاريخي عظيم.
-تونس هيا كنز اعماركم و نور الله في حياتكم مغيرها انتم فقراء و عميان. ادعو ربي يهديكم سواء السبيل، ادعو لربي يهديكم سبيل تونس باش تشوفو الضو و تستغنو على العالم.

09/09/2024

- المرسوم 88 لسنة 2011.
- التمويل الأجنبي للجمعيات في تونس.
- الجمعيات الاجنبية في تونس.
-النفوذ الاجنبي في تونس.
-الاستيطان الاجنبي بتونس.
- هاي المواضيع الوطنية الحقيقية، هاي المسايل الحارقة و الملحة.هاي الأمور إلى بش تحدد مصير ووجود تونس اصلا.
- المواضيع هاذي الاهتمام بيها و الموقف منها هوا المحدد لوطنية الشخص،الحزب،التنظيم او التيار الفكري.

09/09/2024

. صباح الخير تونس ايتها المنيرة ايتها المشعة أيتها المقدسة. صباح الخير تونس يا ضوء العقول دفئ القلوب ونور الأرواح. صباح الخير تونس يا من اعزنا الله بك يا من شرفنا الله بحمل اسمك و انعم علينا بالانتماء اليك. صباح الخير تونس يا قدسنا و نور الله في وجودنا. صباح الخير تونس يا طريقنا و يا حقيقتنا. صباح الخير تونس يا حياتنا.

08/09/2024

التوانسة مهمش شركاء في الوطن، التوانسة اخوة في الوطن. الوطن مهوش شركة الوطن عايلة، ام، انتماء مقدس و أصول روحية.
- الشركاء في الوطن ينجمو يتفرقو كيف تخسر الشركة او يبيعو منابهم اما الأخوة في الوطن ميتفرقوش و علقد مشاكل الوطن علقد ميتوحدو ينصهرو،يتساندو و يقدمو التضحيات.
- تونس مهيش شركة عمرها مكانت شركة و عمرها ما بش تكون.
- تونس قطعة من القلب، المخ و الروح اصلا تونس هيا الروح و هيا الحقيقة و التوانسة يتوحدو فيها و يولو على قلب رجل واحد.
- الوطنية التونسية وقع تشويهها و تلويثها و محاربتها و مهمتنا إعادة تطهيرها، تنقيتها و إعادة بنائها و زرعها في أرواح التوانسة و خاصة الشباب و الاجيال الجديدة لنها هذيكا حقيقتنا و كيف نجهلوها نضيعو.
- كل مشاكل تونس في المصاب، الحاضر و المستقبل تبدأ من ضعف تشوه او انعدام الوازع الوطني و الوعي الوطني الحقيقي.
- خلقنا لنقدس توتس و نحيا لتعظيمها في أنفسنا و العالم. هاذا هوا الميثاق و الأساس الحقيقي للتونسة.

08/09/2024

قيم المجتمع المفتوح: الفردانية، الانحلالية التفكك تهدد العائلة التونسية.

🇹🇳

08/09/2024

-الوطنية-السيادية ضد ( النفوذ الاجنبي +منظومة التبعية للخارج)
- التونسة ضد ( الخارج و القوى الداخلية التابعة ليه).
- هاذي هيا المعركة الحقيقية. تونس اليوم رجعت ل12 ماي 1964 تاريخ تونسة اراضي المعمرين الي كان اخراجراء استقلالي.
- هاذي هيا الحرب الحقيقية : استكمال الاسنقلال،تحقيق السيادة و التونسة التامة للدولة،الاقتصاد،المجتمع،القيم،المرجعيات المعايير و كل ظروف الحياة.
- إلى مفهمش او محبش يفهم هاذا شيقعد جاهل من توا إلى أن يرث الله الأرض و ما عليها.

08/09/2024

*المرسوم 88 ،تونس و مفترق الطرق التاريخي*
- قدامنا مفترق فيه زوز اتجاهات واحد يهز لتونس وواحد يهز لنفوذ الغرب في تونس. هاذا المفارق اسمو المرسوم 88 لسنة 2011.
- اتجاه تونس فيه استكمال الاستقلال، تحقيق السيادة و إنقاذ الوجود التونسي.
- اتجاه النفوذ الغربي في تونس فيه تفكك الدولة المجتمع و العايلة،الانحطاط الروحي،التعفن السلوكي، انهيار المواليد، القواعد العسكري الأجنبية في تونس و توطين الأجانب فيها و من ثم نهاية وجودها.
- المرسوم 88 لسنة 2011 يمثل الفرق بين التوجهات الوطنية-السيادية التونسية و الاتجاهات التابعة للخارج الي تغطى عارها بالشعارات الحقوقجية.
- المعركة الحقيقية في تونس اليوم هيا بينات الوطنيين و الحقوقجيين الي يخلصو من امريكا فرانسا، الاتحاد الاوروبي،المانيا،بريطانيا، قطر و مؤسسة المجتمع المفتوح للعايلة السوروسية.
- الفصل في هاذا النزاع مرهون بالموقف من المرسوم 88 لسنة 2011 و منظومة التمويل الأجنبي للجمعيات و الجمعيات الأجنبية.
- المرسوم 88 لسنة 2011 يمثل حاجز قدام إنقاذ تونس من التوطين القسري للاجانب فيها و زادا حاجز قدام تحررها من ربقة الغرب.
- المرسوم 88 لسنة 2011 يمثل سلسلة تربط رقبة توتس بالغرب و بش تغرقها معاه و قبلو اصلا.
- المرسوم 88 لسنة 2011 يمثل عقدة حبل المنشتقة الي ربطها الغرب لتونس بتغطية الانتقال الديمقراطي.
- أولوية الأولويات و ضرورة الضرورات لاستقلال،سيادة ووجود تونس هيا إسقاط والغاء المرسوم 88 لسنة 2011.
- هاذا المرسوم المشوم لازم يتنحا و يتعوض بقانون جمعيات يفرض التونسة التامة للنشاط الجمعياتي و استقلالو على الخارج من كل النواحي و زادا اجلاء المنظمات و الجمعيات الأجنبية من تونس.

06/09/2024

*ما محل المرسوم 88 من الإعراب في تونس*
- تونس دولة مستقلة ذات سيادة.
-هاذم اهم خمس كلمات في تاريخ و حياة تونس. هاذم الخمس كلمات المقدسات،هاذم اساس قانون ووجود الدولة التونسية.
- في وسط الكلمات و المعاني الخالدات بتع تونس، الدولة،الاستقلال و السيادة شنوة محل المرسوم 88 لسنة 2011 من الإعراب.
- شنوة محل التمويل الأجنبي للجمعيات من الإعراب وسط تونس المستقلة السيدة على مصيرها و قرارها.
- شنوة محل الجمعيات الأجنبية من الإعراب وسط تونس المستقلة السيدة على مصيرها و قرارها.
- شنوة محل التداخل الأجنبي في النشاط الجمعياتي في تونس من الإعراب اذا كانت تونس مستقلة و سيدة على مصيرها و قرارها.
-شنوة محل التاثير الأجنبي في النشاط الجمعياتي من الإعراب اذا كانت تونس مستقلة و سيدة على مصيرها و قرارها.
- شنوة محل الاختراق الأجنبي للجمعيات المحلية من الإعراب اذا كانت تونس دولة مستقلة ذات سيادة.
- شنوة محل القيم الأجنبية الغربية-الغريبة من الإعراب في تونس المستقلة و السيدة على مصيرها و قرارها.
- شنوة محل التحكم الأجنبي في الحياة العامة عبر المرسوم 88 لسنة 2011 من الإعراب في تونس المستقلة و السيدة على مصيرها.
- شنوة محل المرسوم 88 لسنة 2011 من الإعراب في قوانين و تنظيمات تونس المستقلة ذات السيادة.
- شنوة محل المرسوم 88 لسنة 2011 من الإعراب في تاريخ تونس بعد انهار الدماء و التضحيات العملاقة الي اتقدمت لتونس باش تكون مستقلة ذات سيادة.
- شنوة محل المرسوم 88 لسنة 2011 من الإعراب وسط معركة بنزرت 1961،معركة رمادة 1958 و معركة واد سراط 1807.
- شنوة محل المرسوم 88 لسنة 2011 من الإعراب وسط اسامي كيما حنبعل، زيادة الله الاغلبي،ابو عمرو عثمان الحفصي، حمودة باشا الحسيني، عرفة الشابي، فرحات خشاد،مصباح الجربوع، محمد البجاوي، حبيبة جبابلية و غيرهم من القادة العظماء و الشهداء.
- شنوة محل المرسوم 88 لسنة 2011 في دولتنا،مجتمعنا،تاريخنا،تراثنا،قيمنا،هويتنا ،انتمائنا و تونسيتنا المقدسة.
- المرسوم 88 لسنة 2011 ليس له محل من الإعراب وسط الاستقلال، السيادة، التضحيات الاستشهاد و تونس قاطبة و لكن له محل من الإعراب وسط الخضوع، التبعية، الاستسلام، العار، الذل،الخيانة، التفكك، الانحلال و الاضمحلال.
- هاذا المرسوم المشوم لازم يتنحا و يتعوض بقانون جمعيات يفرض التونسة التامة للنشاط الجمعياتي و استقلالو على الخارج من كل النواحي و زادا اجلاء المنظمات و الجمعيات الأجنبية من تونس.

06/09/2024

ضعفنا،هزايمنا،انكساراتنا خسايرنا و خضوعنا للخارج يرجعو لسبب عميق روحيا و هوا ضعف او فقدان الإيمان بتونس.
- جهلنا بالطاقة العظيمة اللانهائية الي يعطيها الإيمان بتونس يخلينا عاجزين على التخمام الصحيح و منراوش رواحنا اقوياء،منتصرين و قادة و نكتفو بوضع الفرجة، التبعية و التقليد.
- تونس هيا مصدر طاقة و منبع قوة اذا جهلناها او ضعف إيمانا بيها نندحرو و تتكالب علينا الأمم لاستعمارنا و فسخ هويتنا و تحويلنا إلى اتباع او عبيد.

06/09/2024

قدسية تونس لازم تتقرا في المكاتب و الاجيال الجديدة لازمها تتربا عليها من الصغرة.

06/09/2024