Movimentu Juvenil Tahi O'opira

18/11/2023

https://fb.watch/oorbOXavGo/?mibextid=Nif5oz

21/01/2023

🤝✨✨

03/01/2023

HORU LEUL-LEUL'E
================

Keta haluha mai akompaña Programa Horu-Leul-Leule iha iha Suku Com, Postu Lautém, Munisipíu Lautém.

🤝💪💪

24/12/2022

Horu-Leul-Leule
Horupen-Ica-Rau-Rau
Hetu-Ica-Ica-rau-rau

Kultura Suku Com alim Lahu-Pai
✨💥😍💪

Coming soon...
Eventu Kulturál Horu Leu-Leul'e

Horu Leul-Leul’e mai husi lian Fataluku ne’ebé iha termu lian Tetum mak (HalimarHamutuk) ho sentidu luan-liu mak halibur malu hodi halimar hamutuk, tane no hametin relasaun entre ema ho ema, família ho família no halo belun, maluk ba maluk no mós relasaun entre ema ho natureza. Horu Leul-Leul’e iha tempu bei-ala sira nian, avó no bizavón sira iha parte Laútem (Liu-liu Com, Ira-onu no Ira-ara) utiliza baihira iha tempu sa’u batar no tesi hare, te’in tua, harii uma lulik, festeza ba ema mate, no tesi-ai hodi halo festa kulturál atu hametin liu-tan unidade entre família, belun, maluk no mós ho natureza.

Responsabilidade boot atu hamoris fila-fali eventu kultural ida ne'e, Juventude no Komunidade Suku Com, hamutuk ho banda Ulhamousic ne'ebé foti jeneru iha Gothik Metal ho Kombinasaun muzika kantigu tradisional (Leul'e, Vai-hoho, Sa'u, Nene-hapa) ba modernu (Gothik Metal) hodi organiza hamoris fila-fali eventu kultural Horu Leu-Leul'e ne'ebé komesa mihis ona iha tempu agora.

Eventu ne'e sei realiza iha entre Dezembru 2022 ida ne'e no Jeneiru 2023. Nain ba eventu ne'e mak Juventude Suku Com no Komunidade Suku, Postu Administrativu Lautém, Munisipíu Lautém. Finansiamentu ba eventu ne'e mai husi kontribuisaun Timor-oan hotu-hotu ne'ebé iha interesse, vontade no entusiazmu komunal, no komisaun sei nakloke ba kontribuisaun husi ita hotu ba eventu ne'e.

Pagina ida ne'e mak provisoriamente reprezenta komisaun hodi halo preparasaun tomak, to'o entrega eventu ba Juventude Suku Com no Komunidade Suku Com.

Obrigadu Barak, tau ita nia apoiu no kontribuisaun no marka ita nia ajenda ba Partisipa.

28/09/2022

Muakuru/Upukuru Lokaliza iha Suku Com, pertense ba Iraonu.
===============================================
Com, 29 Setembru 2022

Muakuru/Upukuru ne'e fatin ne'ebé estratéjiku no atraidu tebes dala barak vizitante sira ba hasa'i leteratu no haksolok tebes ho natureza furak ida ne'e.

Se mak seidauk ba vizita tenta esplora tempu hodi vizita.

Ida ne'e mak natureza furak Munisipiu Lautém ninian ne'ebé helik hela iha Aldeia Iraonu.

#
#
#
#

PG Copy Paste husi
-ray Art #

💥✨✨🇹🇱🇹🇱🇹🇱

27/09/2022

𝐊𝐎𝐍𝐒𝐔𝐋𝐓Ó𝐑 𝐀𝐏𝐑𝐄𝐙𝐄𝐍𝐓𝐀 𝐃𝐄𝐙𝐄Ñ𝐔 𝐄𝐒𝐓𝐑𝐀𝐃𝐀 𝐋𝐀𝐔𝐓É𝐌-𝐂𝐎𝐌 𝐍𝐎 𝐋𝐀𝐔𝐓É𝐌-𝐋𝐎𝐒𝐏𝐀𝐋𝐎𝐒 𝐁𝐀 𝐌𝐎𝐏

𝘿𝙞𝙡𝙞, 26 Setembru 2022: Konsultór dezeñu ba projetu estrada nasionál Lautém-Kom no Lautém-Lospalos ba Ministru Obras Públikas (MOP), Eng. Abel Pires da Silva, no Vise Ministru MOP. Eng. Nicolau Lino Freitas Belo, iha salaun enkontru Gabinete MOP, Kaikoli, Dili.

Iha aprezentasaun ne'e, Sr. Ministru orienta atu aselera dezeñu ba projetu Lot rua ne'e no kumpri mós rekomendasaun sira, bainhira dezeñu ne’e finaliza ona bele hahú ba prosesu tuir mai ba implementasaun projetu refere. Orienta mós tékniku sira atu aselera projetu estrada nasionál importante sira ne’ebé daudauk ne’e la’o hela.

Aprezentasaun ne'e partisipa husi Diretór Jerál Obras Públikas (DJOP), Eng. Rui Hernani Guterres, ho Unidade Manajementu Projetu (PMU, sígla Inglés) no tékniku sira, Diretór Nasionál Aprovizionamentu (DNA, Ministériu Obras Públikas nian, Sr. Dionisio B. da Silva Guterres, Banku Dezenvolvimentu Aziátiku (ADB, sígla Inglés) no tékniku sira.

Copy paste husi:

18/09/2022

Lagoa_COM_UMUN_IRA_LAUTÉM
======================
Com, 18 Setembru 2022

Lagoa-Umun-Ira, Kuñesidu iha munisípiu Lautém no dala barak atrai vizitante sira husi Munisípiu sira seluk atu kuñese fatin Lagoa_Umun_Ira.

Fatin ida ne'e orijinál tebes no paizajen sira ne'ebé natural no seguru tebes tamba wainhira ita vizita fatin refere ita senti natureza nia furak no nabilan ho ai-horis sira ne'ebé kor matak tebes. Tamba Area Suku Com pertense ba Parke Nasionál Nino Konis Santana. Entaun komunidade sira respeitu, kuidadu no hadomi ambiente sira ne'e no laiha intensaun seluk atu estraga fatin ida ne'e.

Tamba ne'e husu ba vizitór sira tenta atu esplora ita bo'ot sira nia tempu hodi vizita fatin Lagoa_Umun_Ira ne'e.

Com_Umun_Ira
Com_Lua_Ira
Com_Utchan_Ira

Mai ita konserva nafatin Turismu Natureza sira.

Ida ne'e mak ita nia Riku_Soin.

PG: Amadeu Gouveia

17/09/2022

Peskadór sira Kail ikan area Tasi Klaran suku Com, Jaco, Paitchau no Lore nian.
----------------------------------
Com, 18 Setembru 2022

Meramente, Suku Kuñesidu ho Peska ne'ebé kuantidade sufisiente biár hala'o atividade ho manual de'it maibé bele fornese ba kliente Suku Com no mos ba komunidade Lautém oan sira atu konsumu.

Normalmente peskadór sira wainhira tun ba tasi hodi ka'il ikan, maizumenus loron 3/4 iha tasi laran de'it mesmuke sira utiliza hela beró ki'ikoan maibé sira fila husi tasi ho rezultadu ne'ebé di'ak no konsegue transporta mai iha Kapital Dili.

Agradese tebes tamba ita bo'ot sira brani duni hodi hasoru dezafius oi-oin iha tasi klaran maibé tan de'it nesesidade ita tenki dezenraska hodi buka moris iha tasi, no tasi hanesan sira nia toos bo'ot ne'ebé sira loron-Kalan sempre hala'o atividade peska.

Liu husi video simples ida ne'e espera Governu Timor-Leste bele investe maka'as iha setor peska hodi tranaforma ba peska modernu hodi bele hasa'e kuantidade ikan iha Suku.

Bom traballu Maun alin sira.
Bom susesu Peskadór sira.
Abrasu joventude suku Com.

🤝💪💪👏

17/09/2022

Joven, inan no aman sira leba Tanke atu dada bee_Mos husi (PULURU).
==============================
Com, 17 Setembru 2022

Iha loron, Sexta-feira joven, inan no aman sira hahú hamos dalan husi area Salara_Ete-Hasa-Lepek to'o iha fatin bee-Matan ne'ebé lokaliza iha (PULURU).

Hafoin hare progressu projetu Turismu komunitariu kuaze hotu ona maibé falta bee_mos, entaun orseik no ohin inan, aman no joven sira halibur hodi leba Tanke ba fatin determinadu.

Ohin loron, sabadu setembru 2022, joven, inan no aman sira kontinua hala'o sira nia servisu hodi leba Tanki ba hatu'ur iha fatin nu'une iha tempu badak nia laran sei dada bee_mos ba komunidade Suku_Com.

Mesmuke ho distansia ne'ebé dok maibé sira kontinua hala'o atividade tamba ida ne'e responsabilidade no bele util ba jeresaun sira tuir mai.

PG: Tiu Edmundo Da Cruz😘

13/09/2022

Turismu Komunitariu lokaliza iha Suku Com, areia Salara-Ete-Hasa-Lepek.
-----------------------------------------------------------
Com, 13 setembru 2022

Tuirismu Komunitariu ne'ebé estabelese iha Suku Com, Parte Ete-Hasa-Lepek ne'e fatin ida ne'ebé estratéjiku tamba paizajen natural tebes. Obra ne'e rasik kuaze hatudu pregresu ne'ebé di'ak ita hotu espera iha tempu badak nia laran bele hadi'a di'ak liu tan infraestrutura hanesan, kanalizasaun bee mos ne'ebé tuir planu sei dada husi fatin (Puluru) no fasilidade sira seluk ne'ebé suporta hodi konklui obra refere.

Esperansa bo'ot ba iha parte Governu nian atu toma responsabilidade iha kurtu prazu nia laran bele fanaliza projetu refere tamba komunidade sira hein kleur ona maibé obra ladauk finaliza. Sedu ka tarde parte Governu sei finaliza obra refere.

Fatin furak ida ne'e ita observa direta, atraidu tebes no vizitante sira gosta tebes passa ferias iha ne'ebá tamba fatin refere seguru no laiha impedimentu ruma no ita senti natureza nia hakmatek.

Komunitariu #
#
😘😘😘
PG: Serzinha Lina Fernandes Xavier

12/09/2022

Antigo Uma-Mutin (Lee-Petin) lokaliza iha Suku Com, Aldeia Muapusso.
==============================
Com, 12 setembru 2022

konserva antigo Uma-Mutin tamba ne'e eransa husi tempu Kolonial Portugés no Estadu Timor_Leste presiza prezerva nafatin patrimoniu sira ne'ebé sei iha hodi transforma ba interese komun nian.

Antigo Patrimoniu ida ne'e importante tebes atu dezenvolve ba fatin turismu komunitariu sira iha futuru oin mai maibé depende ba inisiativa Estado Timor_Leste nian.

ProtejeAntiguUmaMutin
💪😍😍

Porto Grafia : Serjinha Fernandes Xavier

10/09/2022

Komunidade Suku Com maioria Vida Peskadór.
===============================
Com, 11 Setembru 2022

Dadersan nakukun, peskadór sira komesa hala'o ona atividade Peska iha tasi par atu sobrevive ekonomia uma-laran.

Peskadór sira nunka senti kole, kalan ka loron, malirin ka manas maibé sira sempre hatudu no hadomi nia missaun prefesionál hodi kontinua moris iha area peska biar ita hotu hatene katak iha suku Com desde uluk to'o agora sei uza nafatin materiál tradisionál, kuaze iha Teritoriu Timor_Leste laran tomak utiliza hela peska tradisionál.

Atu transforma peska tradisionál ba peska modernu hodi hasa'e kualidade peskadór sira nian hodi MAP presiza investe iha area setór edukasaun formal no edukasaun informal liu husi fó kapasitasaun, formasaun, treinamentu no sosializasaun hodi nu'une sira bele dezenvvolve di'ak liu tan atividade Peska iha Futuru no bele kaer ikan ho kuantidade ne'ebé bo'ot no garantidu.

Governu Timor_Leste presiza investe maka'as ho seriedade ba iha setór peska atu bele fó empregu ba timoroan sira liu-liu ba hirak ne'ebé vida Peskadór iha area rural sira.

🤝💪💪💪💪

10/09/2022

SUKU COM NU'UDAR FATIN POTÉNSIA TURISMU
__________________________________________________________
Com, 10 de setembro 2022

Anteriormente Suku Com nu'udar fatin poténsia turismu ho nia natureza panorama rasik hodi atrai tebes vizitante sira hodi mai hala'o atividade passa ferias iha area tasi-Ibun ne'ebé luan, Tasi mós no furak.

Komunidade Lautém oan no tantu husi Munisipiu sira seluk sempre ba vizita no gosta observa fatin turismu sira ne'ebé eziste. La'os ba vizita de'it maibé sira mós gosta hasa'i foto hodi espanda iha media sosial katak Lautém iha poténsia duni ba fatin turismu sira ho natural tebes espesifikamente iha suku Com.

Porto Com Hatudu imajen ne'ebé kualidade no atraidu tebes.

ne'ebé no furak los #
-henek mutin ne'ebé furak #
sira keta haluha ba fatin refere #

*Keta haluha Share no Comment*

06/09/2022

Portu Com/ Pelabuhan iha tinan 1987
===============================
Com, 06 de Setembro 2022

Iha Tempu Indonesia Portu Com sai fatin transferensia negosiu importa husi Indonésia hodi fornese ba komunidade Lautém no liu-liu ba Suku Com no la'os atividade ne'e de'it maibé iha mós atividade sira seluk ne'ebé kontribui ba nesesidade povu no nasaun nian. Iha tempu ne'ebá Entre Illa Kisar ho Komunidade Suku Com hala'o atividade negosiu husi populasaun Illa Kisar mai fa'an sira Produtu lokal ka troka produtu lokal Ida ba protudu lokal ida seluk entre emar husi Illa Kisar ho emar Suku Com sira.

Maibé infelismente hafoin Timor-Leste Restaura ninia Independénsia husi Invazaun Indonésia iha Loron 20 maiu 2002, Porto Com/pelabuhan Governu Timor-Leste nunka tau atensaun ka abadona até a data. Sé Portu Com refere mak reabilita ba portu industria maibé preferensia futuru Portu Turismu hodi benefisia ka fó vantajen ba komunidade Lautém, espesialmente Di'ak ba Rai Doben Timor-Leste.🇹🇱

Portu Com/Pelabuhan estratejia tebés no kuñesidu liu iha Munisipiu Lautém nia matan kada loron, kada fulan no kada tinan vizitante sira sempre mai passa ferias no kontenti tens ho nia familias, kolegas, seluk tan no senti duni panorama natureza suku Com nian ne'ebé istorikamente pertense ba Parte Nasionál Nino Konis Santana nian maibé to'o ohin loron kondisaun Portu ka pelabuhan grave tebes no la hetan atensaun seriu husi parte Governu hodi utiliza ba prosperidade nasaun no povu nian hodi bele fó retornu ba Estadu.

Iha imajén ne'e demostra kondisaun real ka infraestrutura bazika portu Com dadaun ne'e grave tebés no husu ba ministeriu relevante atu toma konsiderasaun hadi'a Portu Com refere.

Maibé Komunidade Suku Com Com Espera to'o tempu governu sei foti inisiativa hodi reabilita.

ó rai doben Suku Com,
ó Rai Munisipiu Lautém,
ó Rai Doben Timor-Leste,🇹🇱
Portu Turismu Com,
'a Infraestrutura Portu Com,
Kondisaun real Portu Com,
Suku Com,
ita rai Doben Timor-Leste,🇹🇱
kuandu responsabiliza mak sei fó rezultadu pozitivu ba Komunidade Lautém iha Futuru.

***************
🇹🇱🇹🇱🇹🇱🇹🇱🇹🇱
Photo Copy husi ID: Tiu da Cruz #

04/09/2022

Tuir kultura hamos be'e-matan ASSAMAI iha Aldeia Muapusso, Suco Com atu nu'une be'e-matan Bele fornese Di'ak liu tan ba komunidade sira no be'e refere aumenta barak iha tempu naruk nia laran hodi benefisia ba ema hotu-hotu.

-nia-Kultura
-nia-Identidade
-tuir-bei-ala-sira-nian
'e nafatin-Eziste-to'o-ita-nia jerasaun-sira-tuir-Mai.

(BE'E-MATAN-ASSAMAI)

Aldeia Muapusso-Suku Com

Com, 04 de Setembro 2022

31/08/2022

PORTO_COM

PG:Xavier Doy

31/08/2022

Golphin tourism halo imajen tasi furak liu tan.

-ita-Prezerva-Golphin-Tourism #
-Riku-Soin-Tasi-Timor #

30/08/2022

Estudantes Primaria EBC DE COM.
===========================
Parabens ba komemorasaun loron Konsulta Popular ba dala-🇹🇱30 Dr agusto de 1999 & 30 de agusto 2022.

Parabens ba Aswa'in sira hotu.
Parabens ba Povu Doben timor-Leste.
Parabens ba Povu Maubere no Buibere sira hotu.

Hakru'uk no tane aas ba ita boot sira nia Sakrifiu, luta no dedikasaun ba determinasaun destinu Povu no Rai Ida ne'e. 🇹🇱🙏

24/08/2022

#

22/08/2022

"Serimonia toma posse no assina kontratu entre MTCI ho Grupu Turismu Komunitariu no Jestór Sitiu Turistiku"

Parabens ba Sr. Lucas Monteiro Nu'udar Koodenadór ba " Planu Dezenvolvimentu Turismu Komunitariu iha Suku COM.

Bom traballu Espera bwt hotu sei la'o Ho Di'ak no susesu🤝💪

22-08-2022

20/08/2022

Loron 20 de agusto 2022
=====================

Naturalidade Paisagem Suco Com💪✨

# Timor Ha'u nia Rai
# konservaTurismu Natureza
# Esplora tempu hodi senti Paisagem nia Furak💪✨

#-A-latta-Com-Tutu #@
@@@@
PG BY INOCENCIO F. X

29/07/2022

Espesie sira enfoque ba Konservasaun tasi no balada fuik 🇹🇱🤝💪

28/05/2022

COM@ LAUTEM@TIMOR-LESTE🇹🇱

23/05/2022

23 de Maio de 2022.
===============!
Ohin dader Ekipa peskador juventude ba peska hetan rezultadu di'ak.

Forsa nafatin juventude Com no kumpri ita boot sira nia missaun.

A luta kontinua 🤝💪✊
====================
Ikan Gombong

01/05/2022

JUVENTUDE SUKU COM
-----------------------------------------------------------
Dili: Domingu, 01 de maiu de 2022, Juventude Suku Com liu husi nia mahon ka Organizaun MUSA no MJTO no mos akompanha ka partisipa masimu husi nia membru ho nia estrutura sira hodi ko'alia kona-ba programa anual tinan 2022 nian nebe sei implementa iha Suku Com. Liu husi diskusaun naruk ne'e hetan rezultadu konstrutivu ba ideias inovativu sira hodi kontribui tebes ba dezenvolvimentu suku Com nian. Nu'une husi diskusaun klean ida ne'e konsegue identifika problema sosial sira mak hanesan: 1. ( Jogos Desportivas , 2.Seminariu sientifiku, 3.Hari'i Haris fatin , 4.Rehabilita kampu futsal, 5. Lutu(tari) haleu kampu futeboll Kaukaurula).

wainhira define problema hirak ne'e Forum halo desizaun no aprova hodi klasifika ba programa prioridade hanesan : a. Jogos Desportivas , b. Seminario Sientifiku, c. Haris fatin.

Programa refere sei ba diskute iha kada movimentu ne'ebe iha suku laran hanesan ( MUSA no MJTO) hodi aprezenta rezultadu iha reuniaun tuir mai.

Reuniaun ohin loron nian hetan partisipasaun masimu husi membru ho nia estrutura sira. (MJTO no MUSA).

=========================
VIVA JUVENTUDE SUKU COM

JUVENTUDE HAMETIN UNIDADE IHA SUKU COM🤝💪

PHOTO : Laurentino Monteiro

24/04/2022

Late post
23-04-2022, juventude suku Com halo atividade peska iha Area ka zona husi Salara, Ira-Eten, Sapu-Uru no keer moko (parte Zona Mehara nian), husi atividade peska nian ne'ebé kuaze oras balun nia laran mak demonstra rezultadu pozitivu tebes.... Biar peska Ida ne'e ho material lokal ka tradisional sem suporta husi parte relevante maibe sira Tiru ikan ho Mão de Obra rasik🇹🇱💪🤝

Hatudu ona katak peskador iha suku Com hahú ona progresu no Ida ne'e duni mak realidade moris Peskador sira nian...

Biar Rezultadu sufisiente maibe orgullu nafatin tamba esforsu hotu ne'ebé sira halo sai hanesan espetativa ba Futuru 🇹🇱💪🤝

Proud of you
Viva juventude Peskador.

Viva juventudu suku Com 🇹🇱🤝💪
🐟🐟🐟🐠🐠🐠

24/04/2022

Suku Com-Postu Lautém maioria mak hala'o atividade peska nu'udar sira profisaun hodi sustenta nesesidade lor-Loron nian...

Income oituan ka Barak Ida ne'e mak esforsu no rezultadu husi sira nia kosar been rasik...

Maibe husi sorin seluk la'os inan aman no juventude sira de'it mak hatene hala'o peska maibe labarik sira minoridade mos iha inisiativa hodi peska tuir bwt nebe nia bele.

🇹🇱✊🤝