21/11/2024
Mudansa Klimátika Fo Impaktu Ba Balada-Fuik Sira Iha Jaco
SAPNews TL, Díli — Kauza husi mudansa klimátika, implika sobrevivênsia animal fuik no ai-horis sira ne'ebe pertense iha area Parke Nasionál Nino Konis Santana, Suku Bauro, Postu Administrativu Lautem, Municipiu Lautem
Xefe Suku, Bauru Florindo Miranda hateten, suku ne'ebe pertense ba problema mudansa klimátika, implika ba sobrevivénsia fauna no flora iha area protezida Parke Nasionál Nino Konis Santana liuliu iha iha Illa Jaco, banhira tempu bailoron naruk.
"Mudansa klimátika afeita tebes ba animal protejida sira iha ai-laran liliu ba Rusa fuik, Meda, Kakatua, Loriku, Lekirauk, sai afeitadu iha Parke Nasional ne'e." Dehan Xefi Suku Bauro Florindo Miranda, ba Jornalista sira iha Nia kna'ar fatin, Segunda, (18/11/2024)
Lideransa komunitariu ne’e fundmenta, Parke Nasionál Nino Konis Santana, lokaliza besik suku hitu ne'ebe pertense ba postu Lautem, maibé suku Bauro mak sai sentral ba area protezida refere.
"Suku pertense ba parke Nasional Nino Konis Santana(NKS) iha suku hitu maka Suku Bauro, Com, Mehara, Maupitine, Lore, Fuat, Iliomar II) Suku Bauro rasik iha kedan Parke Nasional nia klaran, entaun agora rusa fuik iha Illa Jaco kuaze aumenta maibé hahan ba rusa fuik menus no be’e mos susar tebes".
Xefi Suku ne'e salienta, iha loron hirak liu ba suku sira ne’ebe pertense ba Parke Nasional enkontru ho diresaun Floresta atu kaer rusa iha Jaco lori fali mai pertense ba Parke Nasional hodi nune'e bele proteze animal hirak ne’e.
"Agora sira esforsu hela, bainhira lori animal protejida husi Jaco mai fali iha ne’e, hanesan meius ida atu bele hatudu katak preverza duni animal protejida sira ne’e, atu nune'e komunidade sira bele iha konsiénsia, agora balun iha konsensia la kasa ilegal maibé balun nafatin kasa ilegal". Nia informa
Tuir nia, komunidade sira ne’ebe hela besik iha area protejida sira, koopera ho autoridade lokal no parte relevante sira, oinsa prezerva animal no ai-horis sira ne'ebe sai atrativu ba vizitante doméstika no estranjeiru sira.
"Komunidade sira ne'e serbisu hamutuk ho autoridade lokal, lori hela rusa fuik sira mai, sira mos asiste katak ida ne’e duni mak governu nia hakarak, tanba ne’e komunidade sira iha ne’e hatene liliu atu prezerva rikusoin rusa fuik sira". Nia dehan
Nia hatutan, animal sira ne’ebe eziste iha parke nasional mak rusa fuik, meda, lekirauk, loriku, kakatua, idenfika katutua uluk tres mil ital mak iha ne’e maibe agora hela deit 500 hanesan ne’e mak agora iha Parke nasional, kakutua 500 bele preverza nafatin atu la bele semo do’ok husi parke nasional.
Tamba ne'e, kasa ilegal sira iha parke nasional nafatin eziste tanba sensibilizasaun no sosializasaun husi guarda floresta seidauk perkore hotu, komunidade sira seidauk hatene didiak konaba Parke Nasional, tanba ne’e mak sira nafatin halo sosializasaun, guarda floresta minimu teb-tebes.
Enkuantu, Xefi Suku ne'e husu ba Governu liu-husi Ministeriu Floresta atu bele tau atensaun ba area protejida refere liu husi hasae númeru rekrutamentu ba pessoal Guarda Floresta, nune’e sira bele halo kontrolu ba area protezida ne’e.
"Ha’u husu atu rekruta tan guarda floresta sira, tanba parke nasional NKS luan tebes, ho guarda floreta sira iha, la to'o no prense iha fatin balun deit, nune'e ita nia komunidade sira nafatin kasa ilegal, tamba ita nia area parke nasional tuir ona kiteira maibé ai horis ho animal sira iha parke naisional seidauk prezerva didiak, atu bele tama iha parke internasional no nasional". Nia husu
Ligadu ho rekrutamentu ba guarda floresta hodi destaka iha Parke Nasionál Nino Konis Santana, SAPNews seidauk halo komfirmasaun ho parte Sekretária Estadu Floresta kona ba asuntu ne'e.
Entretantu, notisia ne’e média SAPNews rekolla, tamba Sekretáriu Estadu Comunicação Social (SECOMS) serbisu hamutuk ho Timor-Leste Press Union (TLPU) hodi hala’o atividade média Tour ba iha Munisípiu Lautem.
Jornalista : Dircia Baptista Belo
