Media Laos

Home
Media Laos

: ຂ່າວສານ ທົ່ວປະເທດ, ທັນເຫດການ ແລະ ເຊື່ອຖືໄດ້

: ຂ່າວສານ ທົ່ວປະເທດ, ທັນເຫດການ ແລະ ເຊື່ອຖືໄດ້

ແມ່ນ ໜ້າ page ຂອງ ນັກຂ່າວສື່ມວນຊົນ ໃນ ສປປ ລາວ ເພື່ອນຳສະເໜີຂ່າວ ວ່ອງໄວ ແລະ ເປັນຈີງ, ຄຸ້ມຄອງໂດຍກົມສື່ມວນຊົນ

ສະໜັບສະໜຸນດ້ານວິຊາການ ໂດຍ ອົງການຢູນິເຊັບ ປະຈຳ ສປປ ລາວ UNICEF Laos

10/12/2024

ຂ່າວ ຈັດຝຶກອົບຮົມຫຼັກສູດ ການຮັບມືຕໍ່ການປ່ຽນແປງສະພາບດິນຟ້າອາກາດ ແລະ ເຕັກນິກການຝຶກປະຕິບັດຕົວຈິງ

ໃນຕ້ອນເຊົ້າຂອງວັນທີ 9 ທັນວາ 2024 ນີ້ ເມືອງໃໝ່ຈັດກອງປະຊຸມຝຶກອົບຮົມຫຼັກສູດ ການຮັບມືຕໍ່ການປ່ຽນແປງສະພາບດິນຟ້າອາກາດ ແລະ ເຕັກນິກການຝຶກປະຕິບັດຕົວຈິງ ເຊິງກອງປະຊຸມດັ່ງກ່າວຈະໄດ້ຈັດຂື້ນ ແລະ ດຳເນີນເປັນເວລາ 5 ວັນໃນລະຫວ່າງວັນທີ: 09 – 13 ທັນວາ 2024 ທີ່ສະໂມສອນກອງບັນຊາການ ປກສ ເມືອງໃໝ່ ແຂວງຜົ້ງສາລີ ໂດຍພາຍໃຕ້ການເປັນປະທານຂອງ ທ່ານ ຄຳເລີດ ອິນແກ້ວ, ຄະນະປະຈຳພັກເມືອງ, ຮອງເຈົ້າເມືອງ ຜູ້ຊີ້ນຳຂົງເຂດເສດທດະກິດ ເປັນກຽດເຂົ້າຂອງ ທ່ານ ປອ. ບຸນທິບປະເສີດ ຊຸມພົນພັກດີ, ຫົວໜ້າໂຄງການ ພັດທະນາໂຄງລ່າງຊົນນະບົດ ໄລຍະທີ 4 ຜົ້ງສາລີ, ພ້ອມດ້ວຍຄູຟຶກ ແລະ ນັກສຳມະນາກອນ ເມືອງໃໝ່, ເມືອງຂວາ ເຂົ້າຮ່ວມທັງໝົດ 12 ທ່ານ.
____________9999999________________
ໃນນີ້ ທ່ານ ຄຳເລີດ ອິນແກ້ວ ໄດ້ຂື້ນມີຄຳເຫັນພ້ອມທັງກ່າວເປີດກອງປະຊຸມຢ່າງເປັນທາງການ ຈາກນັ້ນ ທ່ານ ຄຳລຸນ ຄະທຸມພົມ ຜູ້ບໍລິຫານຫຼັກສູດ ຂື້ນລາຍງານສະພາບລວມໂດຍຫຍໍ້ກ່ຽວກັບການຈັດຝຶກອົບຮົມຫຼັກສູດ ການຮັບມືຕໍ່ການປ່ຽນແປງສະພາບດິນຟ້າອາກາດ ແລະ ເຕັກນິກການຝຶກປະິບັດຕົວຈິງ, ໃນການຝຶກອົບຮົມໃນຄັ້ງນີ້ ແມ່ນແນ່ໃສ່ເຮັດໃຫ້ຜູ້ເຂົ້າຮ່ວມໄດ້ຮັບຮູ້ພື້ນຖານ ໃນການຕອບໂຕ້ຕໍ່ສິ່ງທ້າທາຍ, ວິທີການແກ້ໄຂ ແລະ ທາງເລືອກໃນການຮັບມືຕໍ່ການປ່ຽນແປງສະພາບດິນຟ້າອາກາດ, ບາດກ້າວໃນການກໍ່ສ້າງ-ສ້ອມແປງ ພ້ອມດ້ວຍເຕັກນິກການຝຶກປະຕິບັດຕົວຈິງ ເພື່ອນໍາໄປຈັດຕັ້ງປະຕິບັດ ຢ່າງເໝາະສົມ ໃຫ້ມີປະສິດທິພາບ ແລະ ປະສິດທິຜົນສູງ. ຈາກນັ້ນນັກສຳມະນາກອນໄດ້ຮັບຟັງການສະເໜີບັນດາຫົວຂໍ້ເອກະສານໃນຫຼັກສູດນີ້ ປະກອບມີ 06 ພາກຫຼັກ, M1 ສີ່ງທ້າທາຍ ແລະ ປະເດັນທີ່ພົ້ນເດັ່ນຕໍ່ການຮັບມື ການປ່ຽນແປງດິນຟ້າອາກາດ; M2 ການຕອບໂຕ້ຕໍ່ສີ່ງທ້າທ້າຍ ແລະ ວິທີແກ້ໄຂ, M3 ການປະເມີນຄວາມຕ້ອງການໃນການຮັບມື ແລະ ທາງເລືອກໃນການຮັບມື, M4 ຂໍ້ມູນທີ່ຕ້ອງການ ແລະ ນຳສະເໜີແບບຟອມການສຳຫຼວດ, ຄິດໄລ່, ທາງເລືອກທີ່ບໍ່ແມ່ນດ້ານວິສະວະກຳ, ການສຳຫຼວດ, ຈັດບຸລິມະສິດ ແລະ ອອກແບບ, M5 ບາດກ້າວຂອງການກໍ່ສ້າງ ແລະ ການສ້ອມແປງ, M6 - ເຕັກນິກການຝຶກປະຕິບັດວຽກຕົວຈິງ. ການຈັດຝຶກອົບຮົມຫຼັກສູດດັ່ງກ່າວນີ້ ໄດ້ຮັບການສະໜັບສະໜູນ ໂດຍນຳໃຊ້ງົບປະມານ ຂອງໂຄງການ ພັດທະນາໂຄງລ່າງຊົນນະບົດ ໄລຍະທີ 4 ຜົ້ງສາລີ (RDP4) ດ້ວຍທຶນຊ່ວຍເຫຼືອຈາກ ລັດຖະບານເຢຽລະມັນ - KfW.
ພ້ອມນັ້ນຜູ້ບໍລິຫານຫຼັກສູດ ຂື້ນສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງຕໍ່ ທ່ານ ຄຳເລີດ ປະທານພິທີຄັ້ງນີ້, ຂໍຂອບໃຈມາຍັງ ທ່ານ ປອ ບຸນທິບປະເສີດ ຫົວໜ້າໂຄງການ ພ້ອມດ້ວຍຊ່ຽວຊານທີ່ປຶກສາ ດ້ານການຝຶກອົບຮົມ, ຄູຝຶກ ແລະ ນັກສຳມະນາກອນທຸກທ່ານ ແລະ ຈົ່ງພ້ອມກັນເອົາໃສ່ນຳສະເໜີ ແລະ ເອົາໃສ່ຮັບຟັງ ບັນດາຫົວຂໍ້, ເນື້ອໃນເອກະສານ ເພື່ອເຮັດໃຫ້ການຝຶກອົບຮົມເປັນໄປຕາມຄາດໝາຍ, ປະສົບຜົນສຳເລັດຢ່າງຈົບງາມ ແລະ ໄດ້ຮັບຜົນສູງ.
(ພາບ ຂ່າວ: ວັນວິໄລ ຖວທ)

10/12/2024

#ເຊກອງ ສະເຫລີມສະຫລອງວັນສາກົນເພື່ອຕ້ານຄວາມຮຸນແຮງຕໍ່ແມ່ຍິງ 25 ພະຈິກ
----------

#ຢຸດຕິການໃຊ້ຄວາມຮຸນແຮງຕໍ່ແມ່ຍິງ
#ຂ່າວ:ພຸດທະສອນ
#ພາບ ສ ຍ ແຂວງເຊກອງ

09/12/2024

#9-12-2024ກອງປະຊຸມຜ່ານຜົນການປະເມີນຜົນກາງສະໄໝ ການຈັດຕັ້ງປະຕິບັດໂຄງການພັດທະນາຊົນນະບົດ
ແບບປະສົມປະສານ ຢູ່ 3 ແຂວງພາກໃຕ້, ຈັດຂືນໃນວັນທີ 9 ທັນວາ 2024 ທີ່ເມືອງປາກຊ່ອງ ແຂວງຈຳປາສັກ
laos sithisaykeo

09/12/2024

ຂ່າວ: ໜ່ວຍພັກຫ້ອງການອຸດສາຫະກຳ ແລະ ການຄ້າເມືອງ ແຂວງຜົ້ງສາລີ ໄດ້ຈັດພິທີ ມອບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2023.
______________9&&&&&&&9__________
ໃນຕອນເຊົ້າຂອງວັນທີ 9 ທັນວາ 2024 ໜ່ວຍພັກຫ້ອງການ ອຸດສາຫະກໍາ ແລະ ການຄ້າເມືອງ ໄດ້ຈັດພິທີ ມອບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023. ທີ່ຫ້ອງປະຊຸມການອຸດສະຫະກຳ-ການຄ້າເມືອງ ໂດຍເປັນປະທານ ຂອງສະຫາຍ ທອງຄູນ ໄຊຍະຄອນ ຮອງເລຂາພັກເມືອງ ຜູ້ຊິ້ນໍາຂົງເຂດຕຸລາການ, ມີສະຫາຍ ສົມແປ້ນ ວົງອິນປອນ ກໍາມະການພັກເມືອງເລຂາໜ່ວຍພັກຫ້ອງການ ອຸດສາຫະກຳ ແລະ ການຄ້າເມືອງ, ມີບັນດາສະຫາຍແຂກຕ່າງໜ້າຄະນະຈັດຕັ້ງເມືອງ, ຕ່າງໜ້າຄະນະກວດກາພັກເມືອງ ແລະ ສະມາຊິກພັກ, ເຂົ້າຮ່ວມ 11 ສະຫາຍ, ຍີງ 4 ສະຫາຍ.
ພິທີດັ່ງກ່າວໄດ້ຮັບຟັງ ສະຫາຍ ສົມແປ້ນ ວົງອິນປອນ ຂື້ນຜ່ານບົດສະຫຼຸບຕີລາຄາ ການຈັດປະຕິບັດຂອງໜ່ວຍພັກ ປະຈຳປີ 2023 ແລະ ທິດທາງແຜນການ ປີ 2024 ເຊິ່ງໄດ້ຍົກໃຫ້ເຫັນຜົນງານດີເດັ່ນຫຼາຍດ້ານ ເປັນຕົ້ນແມ່ນການຈັດຕັ້ງປະຕິບັດຂອງໜ່ວຍພັກຫ້ອງການ ອຸດສາຫະກຳ ແລະ ການຄ້າ ໃນ 1 ປີຜ່ານມາ ຈາກນັ້ນສະມາຊິກພັກ ແລະ ແຂກເຂົ້າຮ່ວມແຕ່ລະສະຫາຍໄດ້ປະກອບຄຳຄິດເຫັນຕໍ່ບົດສະຫຼຸບໃຫ້ມີເນື້ອໃນຄວາມໝາຍເລິກເຊິ່ງຂື້ນ, ຈາກນັ້ນຕ່າງໜ້າຄະນະຈັດຕັ້ງເມືອງ ຂື້ນຜ່ານມະຕິຕົກລົງມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງຄະນະປະຈຳພັກ, ວ່າດ້ວຍການຮັບຮອງເອົາໜ່ວຍພັກຫ້ອງການ ອຸດສາຫະກຳ ແລະ ການຄ້າເມືອງ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ໃຫ້ກຽດຂື້ນມອບ ໂດຍ ສະຫາຍ ທອງຄູນ ຮອງເລຂາພັກເມືອງ ຜູ້ຊິ້ນໍາຂົງເຂດຕຸລາການ ແລະ ຮັບໂດຍ ສະຫາຍ ສົມແປ້ນ ວົງອິນປອນ ກໍາມະການພັກເມືອງ ເລຂາໜ່ວຍພັກຫ້ອງການ ອຸດສາຫະກຳ ແລະ ການຄ້າເມືອງ.
ໃນໂອກາດທີ່ມີຄວາມໝາຍ ຄວາມສຳຄັນນີ້ ຍັງໄດ້ຮັບຟັງ ການໂອ້ລົມຂອງ ສະຫາຍ ທອງຄູນ ໄຊຍະຄອນຮອງເລຂາພັກເມືອງ ຜູ້ຊິ້ນໍາຂົງເຂດຕຸລາການ ເຊິ່ງທ່ານໄດ້ຍ້ອງຍໍຕິລາຄາສຸງ ຕໍ່ກັບການຈັດຕັ້ງປະຕິບັດໃນໄລຍະ 1 ປີຜ່ານມາ ທີ່ໜ່ວຍພັກຍາດມາໄດ້, ໃນນີ້ທ່ານໄດ້ໜັກແໜ້ນເຖິ່ງຜົນງານໃນການຈັດຕັ້ງປະຕີບັດວຽກງານພັກ, ການຊີ້ນຳ-ນຳພາຂອງຄະນະໜ່ວຍ, ຄຽງຄູ່ຜົນສໍາເລັດ ແລະ ຜົນງານທີ່ຍາດມາໄດ້ຢ່າງຫຼວງຫຼາຍແນວນັ້ນກໍຕາມ, ແຕ່ເມື່ອທຽບໃສ່ ຄວາມຮຽກຮ້ອງຕ້ອງການຂອງຫນ້າທີ່ການເມືອງແລ້ວ, ພວກເຮົາກໍເຫັນວ່າຍັງມີຫຼາຍດ້ານ ຊຶ່ງຕ້ອງໄດ້ ເອົາໃຈໃສ່ປັບປຸງແກ້ໄຂ ແລະ ບຸກບືນຂຶ້ນຕື່ມ ໃນຕໍ່ຫນ້ານີ້ສະພາບແວດລ້ອມສາກົນ ແລະ ພາກພື້ນຍັງ ຈະສືບຕໍ່ສັບສົນ ເຊິ່ງມີທັງກາລະໂອກາດ ແລະ ສິ່ງທ້າຍທາຍທົດສອບຕໍ່ການຊີ້ນໍາ - ນໍາພາ. ແຕ່ເຖິງ ຢ່າງໃດກໍດີໃນໂອກາດທີມີຄວາມໝາຍຄວາມສຳຄັນນີ້ໃຫ້ພ້ອມກັນເພີ່ມຕື່ມ ບາງບັນຫາດັ່ງນີ້:
1. ເອົາໃຈໃສ່ສືບຕໍ່ສຶກສາອົບຮົມການເມືອງແນວຄິດໃຫ້ສະມາຊິກພັກ, ພໍ່ແມ່ປະຊາຊົນພາຍໃຕ້ ຄວາມຮັບຜິດຊອບຂອງຕົນໃຫ້ມີແນວຄິດອຸ່ນອ່ຽນທຸ່ນທ່ຽງ, ມີຄວາມຮູ້ເຂົ້າໃຈຢ່າງເລິກເຊິ່ງຕໍ່ແນວທາງ ນະໂຍບາຍ-ລະບຽບຂອງພັກ, ກົດຫມາຍຂອງລັດ ແລະ ມີຄວາມເຊື່ອຫມັ້ນຕໍ່ການນໍາພາຂອງພັກ.
2. ເອົາໃຈໃສ່ຍົກສູງຄວາມຮັບຜິດຊອບການເມືອງທີ່ພັກ-ລັດມອບໝາຍໃຫ້ ໃນການກໍ່ສ້າງພັກ- ພະນັກງານ ໃຫ້ມີຄວາມຮູ້, ຄວາມສາມາດ, ມີຄຸນສົມບັດສິນທໍາປະຕິວັດ ສົມຄູ່ກັບຄວາມຮຽກຮ້ອງຕ້ອງການຂອງຫນ້າທີ່ການເມືອງໃນໄລຍະໃຫມ່.
3. ສືບຕໍ່ປັບປຸງແບບແຜນນໍາພາ ແລະວິທີເຮັດວຽກຂອງຄະນະພັກ ສະມາຊິກພັກ ໂດຍສະເພາະແມ່ນຄະນະຫນ່ວຍພັກປະຕິບັດຢ່າງເຂັ້ມງວດຕາມຫລັກການລວມສູນປະຊາທິປະໄຕ, ນໍາພາເປັນຫມູ່ຄະນະ, ແບ່ງບຸກຄົນຮັບຜິດຊອບ; ສຽງສ່ວນຫນ້ອຍຕ້ອງປະຕິບັດຕາມສຽງສ່ວນຫຼາຍ, ບຸກຄົນ ຕ້ອງຂຶ້ນກັບການຈັດຕັ້ງ.
4. ເອົາໃຈໃສ່ສູ້ຊົນຈັດຕັ້ງປະຕິບັດແຜນການກໍ່ສ້າງຫນ່ວຍພັກປອດໃສ, ເຂັ້ມແຂງ, ຫນັກແຫນ້ນໃຫ້ ບັນລຸຜົນສໍາເລັດຕາມແຜນທີ່ໄດ້ກໍານົດໄວ້.
5. ບັນຫາສໍາຄັນອັນຫນຶ່ງອີກແມ່ນໃຫ້ເອົາໃຈໃສ່ເພີ່ມທະວີຍົກສູງຄວາມສາມັກຄີພາຍໃນ ພາຍນອກ ໃຫ້ແຫນ້ນແຟ້ນຍິ່ງຂຶ້ນ ໂດຍຖືເອົາການດໍາເນີນຊີວິດການເມືອງປະຈໍາເດືອນ ເປັນການຕໍານິ ສົ່ງຂາວກໍ່ສ້າງຊ່ວຍ ເຫຼືອເຊິ່ງກັນ ແລະ ກັນດ້ວຍຄວາມຈິງໃຈ.
ຈາກນັ້ນ ສະຫາຍ ສົມແປ້ນ ວົງອິນປອນ ເລຂາໜ່ວຍພັກຫ້ອງການ ອຸດສາຫະກຳ ແລະ ການຄ້າເມືອງ ຂຶ້ນຮັບຄໍາໂອວາດ ໄດ້ສະແດງຄວາມຮູ້ບຸນຄຸນ ຕໍ່ກັບການໃຫ້ທິດເຍືອງທາງຂອງ ສະຫາຍ ທອງຄູນ ໄຊຍະຄອນ ຮອງເລຂາພັກເມືອງ ຜູ້ຊິ້ນໍາຂົງເຂດຕຸລາການ ເຊີ່ງທຸກໆຄໍາເວົ້າ ຂອງສະຫາຍລ້ວນແຕ່ມີຄວາມໝາຍ ຄວາມສໍາຄັນ ຈະນໍາເອົາໄປສຶກສາ ແລະ ນໍາພາສະມາຊິກໃຫ້ດີຂື້ນຢ່າງກ້າວໆ.
ຂ່າວໂດຍ : ດວງແກ້ວ

09/12/2024

ຂ່າວ:ພິທີຮັບໃບຢັ້ງຍືນເປັນໜ່ວຍພັກປອດໃສ , ເຂັ້ມແຂງ, ໜັກແໜ້ນຄັ້ງທີ່V ປະຈຳປີ2023ຂອງໜ່ວຍພັກ ມສ ເມືອງໃໝ່ ຄັ້ງວັນທີ9 ທັນວາ 2024
___________&&&&&&&____________
ຕອນເຊົ້າຂອງວັນພຸດ ວັນທີ9 ທັນວາ 2024ນີ້ທາງໂຮງຮຽນ ມສ ເມືອງໃໝ່ໄດ້ເປີດພິທີຮັບໃບຢັ້ງຢືນເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ຂຶ້ນພາຍໃຕ້ການເປັນປະທານຂອງທ່ານ ດຣ ພອນສະຫວັນ ມະນີວົງສີ ຄະນະພັກເມືອງຮອງເຈົ້າເມືອງ,ມີທ່ານທອງວັນ ໄຊທະຄຳ ຄະນະພັກຮາກຖານຫ້ອງການສຶກສາ ທິດານ ແລະ ກິລາເມືອງ, ເລຂາໜ່ວຍພັກໂຮງຮຽນ ມສ ເມືອງໃໝ່ ,ມີພະນັກງານຕາງໜ້າຫ້ອງການຈັດຕັັ້ງ ແລະ ກວດກາພັກລັດເມືອງພ້ອມດ້ວຍສະມາຊິກພັກເຂົ້າຮ່ວມຢ່າງພ້ອມພຽງ
ໃນທ່າມກາງບັນຍາກາດອັນອົບອຸ່ນນັ້ນ ທ່ານ ທອງວັນ ໄຊທະຄຳໄດ້ຂຶ້ນຜ່ານບົດສະຫຼຸບຂອງໜວຍພັກປະຈຳປີ2023-2024 ແລະ ວາງທິດທາງ2024-2025 ຈາກນັ້ນ;ຕາງໜ້າຄະນະຈັດຕັ້ງເມືອງ ກໍໄດ້ຂຶ້ນຜ່ານມະຕິຕົກລົງຂອງເຈົ້າເມືອງວ່າດ້ວຍການມອບຮັບໃບຢັ້ງຢືນຫ້ແກ່ໜ່ວຍພັກ ມສ ຕໍ່ມາທ່ານ ດຣ ພອນສະຫວັນ ມະນີວົງສີ ກໍໄດ້ຂຶ້ນກ່າວມອບໃບຢັ້ງຢືນໃຫ້ແກ່ໜ່ວຍພັກ ມສ ເມືອງໃໝ່ ແລະ ທ່ານ ທອງວັນ ໄຊທະຄຳ ກໍໄດ້ຂຶ້ນກ່າວຮັບເອົາໃບຢັ້ນຢຶນຢ່າງສົມກຽດ
ໃນຕອນທ້າຍພິທີຍັງໄດ້ຮັບຟັງການໂອ້ລົມຂອງ ທ່ານ ດຣ ພອນສະຫວັນ ມະນີວົງສີ ເຊິ່ງທຳອິດເພິ່ນກໍໄແ້ຍ້ອງຍໍຊົມເຊີຍຕໍ່ຜົນງານທີ່ໜວຍພັກ ມສ ເມືອງຍາດມາໄດ້ຕະຫຼອດໄລຍະ1ປີຜ່ານມາຈາກນັ້ນທ່ານກໍໄດ້ເນັ້ນໜັກບາງບັນຫາທີ່ສຳຄັນ 5 ດ້ານຂອງສະມາຊິກພັກຄື: ດ້ານແນວຄິດການເມືອງໃຫ້ເຂົ້າຮ່ວມເປັນປົດດະຕິ,ຫີ້ຼກລ້ຽງແນວຄິດພັກພວກຈຸ້ມເຈື້ ເຊື້ອສາຍ,,ດ້ານການປະຕິບັດວຽກງານວິຊາສະເພາະ ຂຶ້ນຫ້ອງລົງຫ້ອງປົກກະຕິ,ດ້ານແບບແຜນວິທີເຮັດວຽກນອກຈານຂຶ້ນຫ້ອງເປັນປົກກະຕິແລ້ວກໍຍັງມີວຽກງາມປ້ອງກັນຊາດປ້ອງກັນຄວາມສະຫງົບ,ປະກົດການຫຍູ້ທໍ້ອື່ນໆໃຫ້ເອົາໃຈໃສ່ຕື່ມ ຈາກນັ້ນ; ທ່ານທອງວັນ ໄຊທະຄຳ ຕາງໜ້າສະມາຊິກພັກຂຶ້ນຮັບຄຳໂອວາດ ແລະປະຕິຍານຕໍ່ພິທີວ່າຈະນຳເອົາຄຳເວົ້າຂອງທ່ານໄປປະຕິບັດໃຫ້ປະກົດຜົນເປັນຈິງ
ຂ່າວ ແກ່ນຈັນ ສັດສະດີ

09/12/2024

ທ່ານ ພອນທະວິ ໄຊມົນຕິ ກໍາມະການພັກແຂວງ ເລຂາພັກເມືອງ -ເຈົ້າເມືອງ ເມືອງໃໝ່ ລົງເຄື່ອນໄຫວພົບປະ, ຢຽມຢາມ, ເຮັດວຽກ ຢູ່ກຸ່ມບ້ານ ປາກແພ ເມືອງໃໝ່ ແຂວງຜົ້ງສາລີ
_______________&&&&&&&&&&_____________
ໃນລະຫວ່າງ ວັນທີ 6 - 7 / 12 / 2024
ອົງການຈັດຕັ້ງບ້ານແຕ່ລະບ້ານ ພ້ອມດ້ວຍ ອາດິດການນໍາ ຂັ້ນແຂວງ, ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການກ່ຽວຂ້ອງຂັ້ນເມືອງ, ເລຂາກຸ່ມບ້ານ, ຕາງໜ້າຈາກອົງການຈັດຂັ້ນບ້ານ ແລະ ພໍ່ແມ່ປະຊາຊົນ ເຂົ້າຮ່ວມຢ່າງພ້ອມພຽງ
ກຸ່ມບ້ານ ປາກແພ ເປັນກູ່ມບ້ານໜື່ງ ທີ່ຂືຶ້ນກັບອົງການປົກຄອງເມືອງ ທີ່ຫ້າງຈາກເທດ ສະບານເມືອງ ປະມານ 42 ກິໂລແມັດ, ປະກອບດ້ວຍ 317 ຫຼັງຄາ 373 ຄອບຄົວ, ມີພົນລະເມືອງ 1.748 ຍິງ 847 ຄົນ.
ການລົງພົບປະ, ຢຽມຢາມ ແລະ ເຮັດວຽກ ໃນຄັ້ງນີ້້ ເພື່ອເປັນການສະເໜີຕົວ ຂອງທ່ານເຈົ້າເມືອງ ຄົນໃໝ່ ເພື່ອສ້າງຄວາມເຂັ້ມແຂງວຽກງານຢູ່ຮາກຖານບ້ານ ເຮັດໃຫ້ວຽກງານມີປະສິດຕິພາບ, ປະສິດຕິຜົນສູງຂື້ນ, ພ້ອມນັ້ນ ທ່ານ ເລຂາກຸ່ມບ້ານ ພ້ອມດ້ວຍ ນາຍບ້ານ ແຕ່ລະບ້ານໄດ້ຜ່ານບົດສະຫຼຸບວຽກງານຮອບດ້ານຂອງກຸ່ມບ້ານ ແລະ ບ້ານ ໃນການຈັດຕັ້ງປະຕິບັດວຽກງານງານຮອບດ້ານປະຈໍາປີ 2024 ແລະ ແຜນການຈຸດສູມ ທິດທາງຕໍ່ໜ້າ ພ້ອມທັງຕິລາຄາ ດ້ານດີ, ດ້ານອ່ອນ ແລະ ຂໍ້ຄົງຄ້າງ ເພື່ອພ້ອມກັນແກ່ໄຂ ໃນຕໍ່ໜ້າໃຫ້ເປັນຮູບປະທໍາໄປຕາມແຕ່ລະບາດກ້າວ.
ໃນການລົງຢ້ຽມຢາມ, ພົບປະ ແລະ ເຮັດວຽກຄັ້ງນີ້້ ທ່ານ ຄໍາຈັນ ຄໍາວົງໃຈ ອາດິດການນໍາ ຂັ້ນແຂວງ ພ້ອມດ້ວຍຄົວຄົວ ໄດ້ປຸກລະດົມວັດຖຸປັດໃຈ ມາຊ່ວຍເຫຼືອ ໃຫ້ພໍ່ແມ່ປະຊາຊົນຈໍານວນສອງບ້ານຄື: ບ້ານ ຢາງໃຕ້ ແລະ ບ້ານ ສຸງລຸງ ເປັນຕົ້ນແມ່ນ: ຜ້າຮົ່ມ 130 ພື້ນ, ແປງນົ້ວ 130 ຖົງ, ບິກຂຽນ 100 ກ້ານ ແລະ ປື້ມຂຽນ 100 ຫົວ ລວມເປັນມູນຄ່າ 15.555.000 ກີບ ( ສິບຫ້າລ້ານ ຫ້າແສນ ຫາສິບຫ້າພັນກີບ)
ໃນຕອນທ້າຍກອງປະຊຸມ ທ່ານເຈົ້າເມືອງ ໄດ້ເນັ້ນໜັກ ໃຫ້ເລຂາກຸ່ມບ້ານ, ອົງການຈັດຕັ້ງຂັ້ນບ້ານ ຕໍ່ທັດສະນະລວມ ໃຫ້ສຶບຕໍ່ຮັກສາສະຖຽນລະພາບທາງດ້ານການເມືອງ ດ້ວຍການປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານ ເຮັດໃຫ້ສົງຄົມມີຄວາມເປັນລະບຽບຮຽບຮ້ອຍ, ປະຊົນປະຊົນຮັ່ງມີຜາສຸກ, ມີຄວາມຢູ່ດີກິນດີ ຕິດພັນກັບການສຶກສາອົບຮົມການເມືອງແນວຄິດ, ຮູ້ແນວທາງຂອງພັກ ແລະ ນະໂຍບາຍຂອງລັດ ເພື່ອຈັດຕັ້ງປະຕິບັດວຽກງານຮອບດ້ານຂອງກູ່ມບ້ານ ແລະ ແຜນພັດທະນາເສດຖະກິດຂອງບ້ານ ໃຫ້ບັນລຸຕາມຄາດໝາຍທີ່ໄດ້ວາງໄວ້ ດ້ວຍການປະສານສົມທົບກັບພາກສ່ວນກ່ຽວຂ້ອງ ລົງກວດກາ ແລະ ປະເມີນຜົນແຕ່ລະໜ້າວຽກ ພ້ອມທັງ ດຶງດູດນັກລົງທຶນ ທັງພາຍໃນ ແລະ ຕ່າງປະເທດເຂົ້າມາ ສົ່ງເສີມການປູກ-ການລ້ຽງ ແລະ ສ້າງອາຊີບຄົງທີໃຫ້ພໍ່ແມ່ປະຊາຊົນ ໃຫ້ກາຍເປັນກຸ່ມບ້ານພົ້ນທຸກ, ບ້ານພົ້ນທຸກ ແລະ ຄອບຄົວພົ້ນທຸກ ໄປເທື່ອລະກ້າວ.
ເພີ່ມທະວິ ປູກຈິດສໍານຶກ ໃຫ້ພໍ່ແມ່ປະຊາຊົນມີສ່ວນຮ່ວມ ໃນການປົກປັກຮັກສາ ແລະ ອະນາໄມ ເສັ້ນທາງຫຼວງແຫ່ງຊາດ, ເສັ້ນທາງຫຼວງທ້ອງຖິ່ນ, ເສັ້ນທາງລະຫວ່າງບ້ານຕໍ່ບ້ານ ແລະ ປຸກລະດົມສ້າງຂະບວນການຮັກສາອະນາໄມຕາມຄວາມຮັບຜິດຊອບພາຍໃນບ້ານຂອງຕົນ ຢ່າງໜ້ອຍອາທິດລ 1 ຄັ້ງ.
ເພີ່ມທະວິ ສຶກສາອົບຮົມ ໃຫ້ພໍ່ແມ່ປະຊາຊົນ ຮັບຮູ້ ແລະ ເຂົ້າໃຈ ຜົນຮ້າຍຂອງຢາເສບຕິດ ພ້ອມປະສານສົມທົບກັບພາກສ່ວນກ່ຽວຂ້ອງຂັ້ນເມືອງ ແລະ ບ້ານ ສ້າງເປົ້າໝາຍຕິດຕາມ, ກວດກາ ຜູ້ຜະລິດ, ຜູ້ເສບ ແລະ ຜູ້ຈໍາໜ່າຍ ຢາເສບຕິດ ຢ່າງເປັນປົກກະຕິ ແລະ ຕໍ່ເນື່ອງ ເພື່ຶອແກ້ໄຂໃຫ້ທັນເວລາ ພ້ອມກັນນັ້ນ ຕິດຕາມການເໜັ່ງຕິງ, ການຍົກຍ້າຍພົນລະເມືອງ, ການເຂົ້າເມືອງ ທີ່ບໍ່ຖືກຕ້ອງຕາມລະບຽບ ແລະ ກົດໝາຍ ດ້ວຍການມອບໃຫ້ ປກສ ກຸ່ມບ້ານ ສ້າງແບບຟອມ ໃຫ້ ປກສ ບ້ານເປັນຜູ້ຕິດຕາມ ແລະ ເກັບກໍາຊ່ວຍ ແລ້ວລາຍງານໃຫ້ຂັ້ນເທີງເປັນປະຈໍາ ແລະ ການເຊື້ອຖືສາສະໜາ ທີ່ໂຄສະນາບິດເບື່ອນ ແລະ ໂຈມຕິແນວທາງຂອງພັກ-ລັດ.
ສຶກສາອົບຮົມໃຫ້ພໍ່ແມ່ປະຊາຊົນ ຮັບຮູ້ ແລະ ເຂົ້າໃຈຕໍ່ການສຶກສາ ໃຫ້ມີສ່ວນຮ່ວມໃນການປະກອບສ່ວນ ປົກປັກຮັກສາ ແລະ ກໍ່ສ້າງໂຮງຮຽນ, ການສົ່ງລູກຫຼານໄປເຂົ້າໂຮງຮຽນຕາມເກນອາຍຸ, ຫຼຸດຜ່ອນການປະລະໂຮງຮຽນກາງປີ ຂອງນັກຮຽນ, ໃຫ້ເຂົ້າເຖີງການບໍລິການຕາໜ່າງສາທາລະນະສຸກ, ການເກິດລູກມີແພດຊ່ວຍ ແລະ ການບໍລິການອື່ນໆ ຢ່າງເປັນປົກກະຕິ ເພື່ອໃຫ້ບັນລຸຕາມຄາດໝາຍ ຕົວຊີວັດທີ່ວາງໄວ້.
ຂຽນຂ່າວໂດຍ ສຸລະສອນ ອິນທະວົງ ຫ້ອງວາການ

09/12/2024

#9-12-2024ຄະນະພຣະສົງວັດໂພສີວະນາຣາມ ບ້ານໜອງຈົວ ເມືອງເລົ່າງາມ ແຂວງສາລະວັນ ໄດ້ຈັດກິດຈະກໍາມອບເຄື່ອງຊ່ວຍເຫຼືອ ປະເພດເຄື່ອງດື່ມ ແລະ ເຂົ້າໜົມ ລວມມູນຄ່າທັງໝົດ 150,000,000 ກີບ ມອບໃຫ້ແກ່: ພຣະສົງ-ສາມະເນນ, ຄູອາຈານ ແລະ ນັກຮຽນ ໂຮງຮຽນ 7 ແຫ່ງ
sithisaykeo

09/12/2024

ປະກາດແຕ່ງຕັ້ງ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ ແລະ ຫົວໜ້າຫ້ອງການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງສະຫວັນນະເຂດ ຄົນໃໝ່.

***************************************************************************************

ພິທີປະກາດແຕ່ງຕັ້ງກໍາມະການ, ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ ແລະ ຫົວໜ້າຫ້ອງການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງສະຫວັນນະເຂດ ຄົນໃໝ່ຢ່າງເປັນທາງການ ໄດ້ຈັດຂື້ນໃນຕອນເຊົ້າຂອງວັນທີ 9 ທັນວາ 2024 ນີ້ ທີ່ຫ້ອງປະຊຸມຫ້ອງວ່າການປົກຄອງແຂວງ ໂດຍການເປັນປະທານຮ່ວມ ຂອງສະຫາຍ ພົນໂທ ກົງທອງ ພົງວິຈິດ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນຄວາມສະຫງົບ,ທ່ານ ບຸນໂຈມ ອຸບົນປະເສີດ ກໍາມະການສູນກາງພັກ,ເລຂາຄະນະບໍລິຫານງານພັກແຂວງ,ເຈົ້າແຂວງ,ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງສະຫວັນນະເຂດ,ເຂົ້າຮ່ວມມີ ບັນດາຄະນະກໍາມະການປ້ອງກັນຊາດ-ປ້ອງກັນຄວາມສະຫງົບຈາກສູນກາງ,ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງສະຫວັນນະເຂດ ແລະ ອົງການຈັດຕັ້ງທີ່ກ່ຽວຂ້ອງພາຍໃນແຂວງເຂົ້າຮ່ວມ.

ໃນພິທີເຈົ້າແຂວງສະຫວັນນະເຂດ,ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ ໄດ້ກ່າວມີຄໍາເຫັນສະແດງຄວາມຕ້ອນຮັບ ການມາເຮັດວຽກຂອງຄະນະກໍາມະການປ້ອງກັນຊາດ-ປ້ອງກັນຄວາມສະຫງົບສູນກາງ, ພ້ອມທັງລາຍງານໂດຍຫຍໍ້ກ່ຽວກັບ ທ່າແຮງ ແລະການ ພັດທະນາເສດຖະກິດ-ສັງຄົມ ຂອງແຂວງ.ເຊິ່ງແຂວງສະຫວັນນະເຂດ ເປັນແຂວງ ທີ່ຕັ້ງຢູ່ໃຈກາງຂອງປະເທດ ມີເສັ້ນທາງຍຸດທະສາດສໍາຄັນຜ່ານ ເປັນຕົ້ນ: ເສັ້ນທາງເລກທີ 13 ແລະ ເລກທີ 9 ເປັນແລວທາງເສດຖະກິດເຊື່ອມໂຍງພາກພື້ນ ເໜືອ-ໃຕ້,ຕາເວັນອອກແລະຕາເວັນຕົກ, ເປັນທ່າແຮງໃນການບໍລິການຂົນສົ່ງສິນຄ້າ-ບໍລິການທ່າບົກ, ດຶງດູດການຄ້າ-ການລົງທຶນ ລະຫວ່າງປະເທດ; ພາຍໃຕ້ການນໍາພາ-ຊີ້ນໍາຂອງພັກ, ຄະນະກໍາມະການ ປກຊ-ປກສ ແລະ ອົງການປົກຄອງແຂວງພວກເຮົາ ແມ່ນໄດ້ຕັ້ງໜ້ານໍາພາ ວຽກງານຮອບດ້ານ ໂດຍການຫັນລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ແກ້ໄຂຄວາມທຸກຍາກ ຕິດພັນກັບວຽກງານ 3 ສ້າງ; ໄດ້ຫັນເອົາພະນັກງານການນຳຫຼັກແຫຼ່ງຂອງແຂວງ, ເມືອງ-ນະຄອນ ແລະ ໜ່ວຍງານວິຊາສະເພາະລົງກໍ່ສ້າງຮາກຖານການເມືອງເປັນປະຈໍາປົກກະຕິ. ເອົາໃຈໃສ່ກວດກາ, ຄຸ້ມຄອງ, ແກ້ໄຂປະກົດການຫຍໍ້ທໍ້ຕ່າງໆ, ການສ້າງກໍາລັງກອງຫຼອນ, ປກສ ບ້ານໃຫ້ມີຄວາມເຂັ້ມແຂງ, ໜັກແໜ້ນ,ປຸກລະດົມພໍ່ແມ່ປະຊາຊົນບັນດາເຜົ່າ ໃຫ້ມີສ່ວນຮ່ວມເຂົ້າໃນວຽກງານປົກປັກຮັກສາ ແລະ ສ້າງສາພັດ ທະນາປະເທດຊາດ, ເຮັດໃຫ້ວຽກງານປ້ອງກັນຊາດ-ປ້ອງກັນຄວາມສະຫງົບ ເປັນໜ້າທີ່ຂອງທົ່ວປວງຊົນຮອບດ້ານ. ສາມາດຮັບປະກັນເຮັດໃຫ້ທົ່ວແຂວງມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍໂດຍພື້ນຖານ,.ຈາກນັ້ນ ສະຫາຍ ພົນຈັດຕະວາ ສີ ທະວີໄຊ ຄະນະປະຈໍາພັກແຂວງ ຮອງປະທານ,ຜູ້ປະຈໍາການຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ,ຫົວໜ້າການເມືອງກອງບັນຊາການທະຫານແຂວງ ໄດ້ຂື້ນລາຍງານການຈັດຕັ້ງປະຕິບັດວຽກງານ ປກຊ-ປກສ ໃນໄລຍະຜ່ານມາຂອງຄະນະກຳມະການ ປກຊ-ປກສ ແຂວງສະຫວັນນະເຂດ. ໂດຍຍົກໃຫ້ເຫັນການແກ້ໄຂສະພາບປະກົດການຫຍໍ້ທໍ້ໃນສັງຄົມ. ຕໍ່ມາ ສະຫາຍ ພົນຈັດຕະວາ ທອງບຸນ ຂຸນລະພິດ ຮອງຫົວໜ້າຫ້ອງການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບສູນກາງ ໄດ້ຂື້ນຜ່ານ ມະຕິຕົກລົງຂອງຄະນະເລຂາທິການສູນກາງພັກປະຊາຊົນປະຕິວັດລາວ ເລກທີ 294 / ຄລສພ, ວັນທີ 14/11/2024 ວ່າດ້ວຍການຕົກລົງແຕ່ງຕັ້ງ ສະຫາຍ ພັນເອກ ພັນວິໄລ ລາດສະຍົນ ເປັນກໍາມະການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ ແລະ ຜ່ານມະຕິຕົກລົງຂອງຄະນະກໍາມະການປ້ອງກັນຊາດ-ປ້ອງກັນຄວາມສະຫງົບສູນກາງ ເລກທີ70/ຄ.ປກຊ-ປກສ, ວັນທີ8/11/2024 ວ່າດ້ວຍການຕົກລົງແຕ່ງຕັ້ງ ສະຫາຍ ພັນໂທ ທອງວັນ ບຸດດາວົງ ຮອງຫົວໜ້າຫ້ອງເສນາທິການກອງບັນຊາການທະຫານແຂວງສະຫວັນນະເຂດ ເປັນຫົວໜ້າຫ້ອງການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງສະຫວັນນະເຂດ.ຄົນໃໝ່ຢ່າງເປັນທາງການ.

ໂອກາດດັ່ງກ່າວນີ້ ສະຫາຍ ພົນໂທ ກົງທອງ ພົງວິຈິດ ກໍາມະການສູນກາງພັກ, ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບສູນກາງ,ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ໃຫ້ທິດຊີ້ນໍາຕໍ່ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ ແລະ ຫົວໜ້າຫ້ອງການ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງສະຫວັນນະເຂດ ຄົນໃໝ່ ຈົ່ງພ້ອມກັນອຸທິດຕົນເຮັດໜ້າທີ່ໃຫ້ດີທີ່ສຸດຕາມຄວາມເຊື່ອໝັ້ນ ແລະ ໄວ້ວາງໃຈຂອງພັກ-ລັດ, ສືບຕໍ່ຊຸກຫຍູ້ວຽກງານ ປກຊ-ປກສ ຢູ່ຂັ້ນຮາກຖານເມືອງ,ຈຸດສຸມກຸ່ມບ້ານຕ່າງໆ ກໍ່ຄືໃນທົ່ວແຂວງໃຫ້ມີຄວາມເຂັ້ມແຂງ,ແຂງແຮງ ເພື່ອຮັບປະກັນເຮັດໃຫ້ສັງຄົມມີຄວາມສະຫງົບປອດໄພ,ເສດຖະກິດມີການພັດທະນາ ແລະ ຂະຍາຍຕົວຂື້ນເປັນກ້າວໆ.

ກວດແກ້ໂດຍ ບ.ກ ທະຫານແຂວງ:ພັນໂທ ພູວາ ບົວໄລພາ ຫົວໜ້າພະແນກໂຄສະນາ

ພາບ-ຂ່າວ:ຮ້ອຍໂທ ວິລະພົງ ເທບໂພ

09/12/2024

9.12.2025.ເປີດບໍລິການຢ່າງເປັນທາງການແລ້ວເດີ ຮ້ານ ກາເຟ ອາເມຊອນ Café Amazon ສີສົມບັດ ຢູ່ແຂວງ ອຸດົມໄຊ ມີສອງສາຂາດ້ວຍກັນ. ຂາສາ1 ຕັ້ງຢູ່ບ້ານ ນາຫວານນ້ອຍ ແລະ ສາຂາ2 ຕັ້ງຢູ່ ບ້ານ ຫ້ວຍຂຸມ ( ປ້ຳນ້ຳມັນ ປຕທ ) ptt station

09/12/2024

🎇ທະນາຄານ ເອຊີລີດາ ສືບຕໍ່ຈັດກິດຈະກຳພົບປະລູກຄ້າ ແຈກໂປຮໂມຊັ້ນທ້າຍປີ 2024

ໃນວັນທີ 15 ຕຸລາ 2024 ທະນາຄານ ເອຊີລີດາ ລາວ ຈຳກັດ ແລະ ບໍລິສັດ ປະກັນໄພ ພຣູເດັນໂຊລ໌ ສາຂາແຂວງສະຫວັນນະເຂດ “ປະຊາທະນາຄານທີ່ທ່ານໄວ້ວາງໃຈ” ສຶບຕໍ່ຈັດກິດຈະກຳພົບປະລູກຄ້າ, ແຈກໂປຣໂມຊັ້່ນ, ດ້ວຍການສົນທະນາກາເຟຟຟຣີໄປພ້ອມ ທີ່ພະແນກກະສິກຳ ແລະ ປາໄມ້ແຂວງສະຫວັນນະເຂດ. ເຂົ້າຮ່ວມກິດຈະກຳ ມີຄະນະນໍາ,ພະນັກງານ-ວິຊາການ ແລະ ຜູ້ມາພົວພັນວຽກງານພະແນກ.

ຈຸດປະສົງໃນການຈັດກິດຈະກຳຄັ້ງນີ້ ແມ່ນເພື່ອເປັນການສືບຕໍ່ ສ້າງຂະບວນການສ້າງຜົນງານຂ່ຳນັບຮັບຕ້ອນວັນສ້າງຕັ້ງ ທະນາຄານແຫ່ງ ສປປ ລາວ ຄົບຮອບ 56 ປີ ແລະ ວັນເປີດໃຫ້ບໍລິການ ທະນາຄານ ເອຊີລີດາ ລາວຈໍາກັດ ສາຂາສະຫວັນນະເຂດ ຄົບຮອບ16 ປີ ວັນທີ 16 ຕຸລາ 2008.

ກິດຈະກຳ ທີ່ທະນາຄານ ໄດ້ລົງມາເປີດບູດ ຫຼື ພົບປະລູກຄ້າ ຢູ່ທີ່ພະແນກກະສິກຳ ແລະ ປາໄມ້ແຂວງສະຫວັນນະເຂດໂດຍທະນາຄານໄດ້ນໍາເອົາຂໍ້ມູນຜະລິດຕະພັນຂອງທະນາຄານ ແລະ ບໍລິສັດປະກັນໄພຣູເດັນໂຊລ ພ້ອມດ້ວຍ ນັ່ງສົນທະນາສະພາກາເຟ ພະນັກງານໃນພະແນກໄດ້ນັ່ງດື່ມນັ່ງຊິມກາເຟ ພ້ອມໃຫ້ຄໍາແນະນຳຜະລິດຕະພັນ ແລະ ການບໍລິການຮູບແບບໃໝ່ ທີ່ໃສ່ໃຈຕໍ່ລູກຄ້າໂດຍລວມແລ້ວ ເຫັນໄດ້ວ່າ ໄດ້ໃຫ້ຄວາມສົນໃຈ ຕໍ່ຜະລິດຕະພັນຂອງທະນາຄານ ໄດ້ເປັນຢ່າງດີໂດຍສະເພາະແມ່ນຜະລິດຕະພັນ:

✅️ເປີດບັນຊີຟີຮັບໄປເລີຍຂອງແຖມ ຄັນຮົ່ມ, ຈອກແກ້ວ, ແລະ ຖົງຫີ້ວ ງາມໆ ເປັນລະລຶກ

✅️ການສະໜອງແຫລ່ງທຶນເງິນກູ້ ອັດຕາດອກເບ້ຍຕ່ຳຂະໜາດວົງເງິນ 100 ລ້ານກີບລົງມາແມ່ນ ອະນຸມັດໄວພຽງ 3 ວັນໄດ້ຮັບເງິນ

✅️ຜະລິດຕະພັນເງິນຝາກ ທີ່ມີອັດຕາດອກເບ້ຍສູງເຖິງ 10.35% ຕໍ່ປີ,

✅️ແອັບ ເອຊີລີດາ ໂມບາຍ ທີ່ສາມາດເຮັດທຸລະກຳ ທາງດ້ານການເງິນໄດ້ທຸກທີ່ທຸກເວລາ ໂອນຂ້າມທຸກທະນາຄານໃນລາວ ແລະ ສະແກນຄິວອາໂຂດຂ້າມປະເທດໄທ ແລະ ປະເທດກຳປູເຈ ໄດ້ແລ້ວ

✅️ການອອມເງິນແບບໃໝ່ ທີ່ມີປະກັນໄພຊີວິດຄຸ້ມຄອງ ຈົນຄົບກຳນົດສັນຍາ ແລະ ສາມາດຖອນຄືນໄດ້ເມື່ອຄົບກຳນົດໂດຍມີດອກເບ້ຍທີ່ໜ້າເພິ່ງພໍໃຈໃຫ້ກັບລູກຄ້າ ກັບປະກັນໄພ ພຮູເດັນໂຊລ໌

✅️ບັນຊີສະສົມບຳນານດອກເບ້ຍສູງ 5,7%ຕໍ່ປີ ຊຶ່ງເໝາະກັບຜູ້ທີ່ຕ້ອງການໂຮມເງິນ ເມືອຮອດອາຍຸກະສຽນບຳນານຈິງສາມາດຖອນເງິນໄດ້

ພິເສດ: ທະຄານມີຂອງແຈກແຖມຫລາຍໆຢ່າງເຊັ່ນທີ່ມອບຜົນປະໂຫຍດຄືນໃຫ້ລູກຄ້າເຊັ່ນ:

- ຮ້ານຄ້າເປີດຄິວອາຮັບໄປເລີຍ 20,000 ກີບ ຈະໝົດກຳນົດໃນເດືອນ ທັນວາ 2024 ນີ້

- ຮ້ານຄ້າທີ່ມີທຸລະກຳການຈ່າຍຜ່ານຫລາຍ ມີສິດຮັບເງິນຈາກທະນາຄານເຖິງ 1 ລ້ານກີບ

- ລູກຄ້າທົ່ວໄປທີ່ມີແອບເອຊີລີດາໂມບາຍ ໄປນຳໃຊ້ສະແກນຈ່າຍຄິວອາຕາມຮ້ານຄ້າ ກໍ່ມີສິດໄດ້ຮັບເງິນ ເຖິງ 150,000 ກີບ ແລະ ຈະໝົດກຳນົດໃນທ້າຍປີນີ້

- ນອກຈາກນີ້ ການໂອນເງິນຜ່ານແອບເອຊີລີດາໂມບາຍ ພາຍໃນ ຍອດໂອນ 1,5 ຕື້ ບໍ່ເສຍຄ່າທຳນຽມໂອນ

ຊຶ່ງກິດຈະກຳແບບນີ້ ຍັງຈະສືບຕໍ່ຈັດໄປເລື້ອຍໆ ຈົນຮອດທ້າຍປີ2024 ຕາມແຜນການ ໂດຍຈະລົງເຜີຍແຜ່ ຕາມອົງການຂອງລັດ ແລະ ເອກະຊົນ ເພື່ອເຜີຍແຜ່ ພະລິດຕະພັນຂອງ ທະນາຄານ ເອຊີລີດາ ລາວ ຈໍາກັດ ແລະ ບໍລິສັດ ປະກັນໄພ ພຣູເດັນໂຊລ.

09/12/2024

ເມືອງນອງ ສຳເລັດການຈັດງານບຸນຊ່ວງເຮືອປະເພນີປະຈໍາປີ ພສ 2567

ທີ່ແຄມເຊລະນອງຢ່າງມ່ວນຊື່ນ.

===00===

ໃນລະຫວ່າງ ວັນທີ6-7 ທັນວາ 2024 ນີ້ທີ່ແຄມເຊລະນອງ ເມືອງນອງ ແຂວງສະຫວັນນະເຂດ ໄດ້ຈັດງານບຸນຊ່ວງເຮືອປະເພນີປະຈໍາປີ ພສ 2567 ຂຶ້ນຢ່າງຄຶກຄື້ນມ່ວນຊື່ນ. ພິທີເປີດງານດັ່ງກ່າວແມ່ນໄດ້ຈັດຂຶ້ນ ໃນຕອນເຊົ້າຂອງວັນທີ 7 ທັນວາ 2024 ໂດຍການກ່າວເປີດພິທີ ຂອງທ່ານ ຈິນດາວັນ ບຸດລາສີ ເຈົ້າເມືອງໆນອງ, ມີບັນດາທ່ານການນຳຈາກພະແນກການອ້ອມຂ້າງແຂວງ, ຂັ້ນເມືອງ ແລະເມືອງອ້ອມຂ້າງ, ຕ່າງເມືອງ, ຕ່າງແຂວງ,ພິເສດ ຄະນະການນຳເທດສະບານ ລາວບາວ ເມືອງເຮືອງຮວ່າ ແຂວງກວາງຈິ ສສ ຫວຽດນາມ,ກໍ່ໃຫ້ກຽດເຂົ້າຮ່ວມ ຕະຫຼອດຮອດມວນຊົນຊວນຊາວເມືອງ ນອງ ພໍ່ຄ້າຊາວຂາຍ, ນັກທຸລະກິດ, ຜູ້ປະກອບການ, ບໍລິສັດຕ່າງໆ ກໍ່ເຂົ້າຮ່ວມຢ່າງຫຼວງຫຼາຍ.

ການຈັດງານບຸນຊ່ວງເຮືອຄັ້ງນີ້ ກໍ່ເພື່ອສືບສານຕໍານານປະເພນີອັນດີງາມຂອງຊາວລາວ ກໍ່ຄືຊາວເມືອງ ນອງ ອິກຢ່າງໜຶ່ງກໍ່ເພື່ອເປັນການສ້າງຄວາມສາມັກຄີ ໃນຂົງເຂດການຈັດຕັ້ງທຸກຂະແໜງການ ແລະບ້ານຕ່າງໆພາຍໃນເມືອງ ນອກຈາກນີ້ກໍ່ເພື່ອເປັນການສົ່ງເສີມການທ່ອງທ່ຽວພາຍໃນເມືອງໃຫ້ມີບັນຍາກາດອັນຄຶກຄື້ນ ມ່ວນຊື່ນຂຶ້ນກວ່າເກົ່າ ພ້ອມທັງເປັນການສ້າງລາຍໄດ້ໃຫ້ປະຊາຊົນລາວ ກໍ່ຄືແມ່ຄ້າຊາວຂາຍ ໂດຍສະເພາະແມ່ນຊາວເມືອງ ນອງ ທີ່ໄດ້ນໍາເອົາສິນຄ້າ ເຄື່ອງໃຊ້ສອຍ ເຄື່ອງອຸປະໂພກ-ບໍລິໂພກ ປະເພດຕ່າງໆມາວາງຂາຍໃນງານບຸນດັ່ງກ່າວ ເປັນຕົ້ນ : ເຂົ້າຫຼາມ, ປີ້ງໄກ່, ອາຫານພື້ນເມືອງ, ເຄື່ອງນຸ່ງຫົ່ມ ແລະເຄື່ອງໃຊ້ໃນຊິວິດປະຈໍາວັນອື່ນໆ ເຊິ່ງມັນໄດ້ສ້າງລາຍຮັບໃຫ້ປະຊາຊົນຊາວເມືອງ ນອງ ກໍ່ຄືແມ່ຄ້າຊາວຂາຍທີ່ມາຈາກຕ່າງເມືອງ-ເມືອງໃກ້ຄຽງ, ຕ່າງແຂວງເປັນຈໍານວນບໍ່ໜ້ອຍ .ໃນການຈັດງານຊ່ວງເຮືອປະຈໍາປີຄັ້ງນີ້ແມ່ນໄດ້ດຶງດູດ ມວນຊົນ ກໍ່ຄືພະນັກງານ-ລັດ ຖະກອນ, ທະຫານຕໍາຫຼວດ, ປະຊາຊົນຊາວເມືອງນອງ ລວມທັງມວນຊົນເມືອງໃກ້ຄຽງມາທ່ຽວຊົມ ຢ່າງຄັບຄາໜ້າແໜ້ນ . ສໍາລັບການແຂ່ງຂັ້ນກິລາເຮືອຊ່ວງປະເພນີ ແມ່ນປະເພດ12 ສີພາຍ ມີທີມກິລາເຮືອຊ່ວງ ຍິງ-ຊາຍເຂົ້າຮ່ວມທັງໝົດ 21 ທີມໃນນັ້ນ ທີມຍິງ 7

ທີມ, ຜົນການແຂ່ງຂັນເຫັນວ່າ: ເຮືອຊ່ວງທິມຊາຍ, ລາງວັນຊົມເຊີຍ ໄດ້ແກ່ທິມເຈົ້າພໍ່ສີບຸນເຮືອງ ຮັບເງິນລາງວັນ 2ລ້ານກີບ, ລາງວັນທີ 3 ໄດ້ແກ່ທິມຫ້ອງວ່າການເມືອງນອງຮັບເງິນລາງວັນ 4ລ້ານກີບ, ລາງວັນທີ 2 ໄດ້ແກ່ ເຈົ້າແມ່ບຸດສີ ເມືອງ ພິນ ຮັບເງິນລາງວັນ 6ລ້ານກີບ ແລະ ລາງວັນຊະນະເລີດ ໄດ້ແກ່ ທິມຫ້ອງການ ກະສິກຳ ເມືອງນອງ ຮັບຂັນລາງວັນພ້ອມເງິນສົດ 8 ລ້ານກີບ,ສ່ວນຜົນການແຂ່ງຂັນທິມເຮືອຊ່ວງຍິງ ລາງວັນຊົມເຊີຍໄດ້ແກ່ທິມ ສາທາລະນະສຸກ ເມືອງນອງ ຮັບເງິນລາງວັນ 1ລ້ານຫ້າແສນກີບ, ລາງວັນທີ3 ໄດ້ແກ່ທິມ ຊາວໜຸ່ມບ້ານນອງວິໄລ ຮັບເງິນລາງວັນ2ລ້ານ5ແສນກີບ, ລາງວັນທີ2 ໄດ້ແກ່ ທິມຫ້ອງການສຶກສາທິການ ແລະກິລາເມືອງ ຮັບເງິນລາງວັນ 4ລ້ານກີບ ແລະ ຊະນະເລີດແມ່ນທິມເຈົ້າພໍ່ສຸວັນນາວາ ເມືອງ ພິນ ຮັບຂັນລາງວັນພ້ອມເງິນສົດຄຳນວນ 6 ລ້ານກີບ.

09/12/2024

ພະນັກງານ ແລະ ນັກທຸລະກິດໜຸ່ມ ຈາກແຂວງຄຳມ່ວນ ມອບບານເຕະ ລວມມູນຄ່າ 2ລ້ານ 5ແສນກີບ ໃຫ້ສະໂມສອນບານເຕະ ສະຫວັນຢູນາຍເຕັດ ແຂວງສະຫວັນະເຂດ.
===00===
ໃນຕອນບ່າຍ ວັນທີ 7 ທັນວາ 2024 ທີ່ສະໜາມກິລາບານເຕະ ນ່ານ່າ ນະຄອນໄກສອນພົມວິຫານ ແຂວງສະຫວັນະເຂດ, ທ່ານ ເຕໂຊ ໝັ້ນມະນີ ແລະ ທ່ານ ວິໄລສອນ ທອງຄຳສີ ພະນັກງານພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຄຳມ່ວນ ພ້ອມດ້ວຍທ່ານ ສີພອນ ຄຳພັນທິລາດ ນັກທຸລະກີດໜຸ່ມ ເມືອງຍົມມະລາດ ແຂວງຄຳມ່ວນ ໄດ້ນຳເອົາບານເຕະ 10 ໜ່ວຍ ລວມມູນຄ່າ 2ລ້ານ 5ແສນກີບ ມາມອບໃຫ້ສະໂມສອນບານເຕະ ສະຫວັນຢູນາຍເຕັດ ແຂວງສະຫວັນະເຂດ, ໂດຍແມ່ນທ່ານ ອຸລະ ນ້ອຍວິໄລ ຫົວໜ້າຄູຝຶກນັກກິລາສະໂມສອນດັ່ງກ່າວ ພ້ອມດ້ວຍຄູຝຶກ, ຜູ້ປົກຄອງ ແລະ ນັກກິລາສະໂມສອນສະຫວັນຢູນາຍເຕັດ ເປັນຜູ້ຮັບ.
ທັງສາມທ່ານ ທີ່ນຳບານເຕະ ມາມອບໃນຄັ້ງນີ້ ແມ່ນເຄີຍເປັນນັກກິລາບານເຕະ ທີ່ໄດ້ຮັບການສິດສອນທັກສະການຫຼິ້ນຕ່າງໆ ຈາກອາຈານ ອຸລະ ນ້ອຍວິໄລ ຈົນກາຍເປັນນັກກິລາຂອງແຂວງ ກໍຄືຂອງປະເທດ ແລະກາຍເປັນພະນັກງານ ເພື່ອຮັບໃຊ້ພັກ-ລັດ, ດັ່ງນັ້ນ ເພື່ອສະແດງຄວາມຮູ້ບຸນຄຸນ ໃນເມື່ອປະສົບຜົນສຳເລັດໃນໜ້າທີ່ວຽກງານແລ້ວ ກໍໄດ້ນຳເອົາອຸປະກອນກິລາ ກໍຄືບານເຕະ ມາມອບໃຫ້ຮຸ່ນເຍົາວະຊົນ-ອະນຸຊົນ ທີ່ມີໃຈຮັກໃນກິລາບານເຕະ ເພື່ອເປັນການສົ່ງເສີມໃຫ້ພວກເຂົາ ມີອຸປະກອນທີ່ພ້ອມຫຼິ້ນກິລາ ກໍຄືການສົ່ງເສີມວົງການບານເຕະລາວ ໃຫ້ກ້າວໄກໃນອະນາຄົດ.

09/12/2024

ຫ້ອງການ ຖວທ 14 ເມືອງ1 ນະຄອນ ໄດ້ຮັບຍົກລະດັບ ກ່ຽວກັບການອະນຸຍາດດໍາເນີນທຸລະກິດການທ່ອງທ່ຽວຜ່ານລະບົບເອເລັກໂຕຣນິກແບບທັນສະໄໝ (ອອນລາຍ).
****
ໃນວັນທີ 09 ທັນວາ 2024 ນີ້ ທີ່ຫ້ອງປະຊຸມພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງສະຫວັນນະເຂດ ໄດ້ຈັດຊຸດຝຶກອົບຮົມການອະນຸຍາດດໍາເນີນທຸລະກິດການທ່ອງທ່ຽວຜ່ານລະບົບເອເລັກໂຕຣນິກແບບທັນສະໄໝ (ອອນລາຍ) ໂດຍການເຂົ້າຮ່ວມເປັນປະທານຂອງທ່ານ ພັອ ລໍາຄູນ ວໍລະວົງ ຫົວໜ້າພະແນກ ຖວທ ແຂວງ , ມີທ່ານ ສຸລິວັນ ວົງພະຈັນ ຮອງຫົວໜ້າພະແນກຄຸ້ມຄອງທຸລະກິດນໍາທ່ຽວ ກົມຄຸ້ມຄອງການທ່ອງທ່ຽວ ກະຊວງ ຖວທ ພ້ອມດ້ວຍຫ້ອງການ ຖວທ 14 ເມືອງ 01 ນະຄອນເຂົ້າຮ່ວມ.
ໂອກາດນີ້ ທ່ານ ພັອ ລໍາຄູນ ວໍລະວົງ ຫົວໜ້າພະແນກ ຖວທ ແຂວງສະຫວັນນະເຂດກໍໄດ້ກ່າວເປີດຊຸດຝຶກອົບຮົມວ່າ: ເພື່ອເປັນການຈັດຕັ້ງປະຕິບັດແນວທາງນະໂຍບາຍຂອງພັກ ແລະ ລັດຖະບານ ໃນການຊຸກຍູ້ ສົ່ງເສີມການລົງທຶນ ການດໍາເນີນທຸລະກິດ ແລະ ຄຸ້ມຄອງຫົວໜ່ວຍທຸລະກິດການທ່ອງທ່ຽວຢູ່ ສ ປ ປ ລາວ ໃນຂອບເຂດທົ່ວປະເທດເວົ້າລວມ ເວົ້າສະເພາະກໍ່ຄືແຂວງສະຫວັນນະເຂດ ໃຫ້ມີຄວາມສະ ດວກວ່ອງໄວ, ໂປ່ງໃສ, ສາມາດກວດສອບໄດ້ ແລະ ເປັນຖານຂໍ້ມູນສະຖິຕິ ກິດຈະການທ່ອງທ່ຽວທົ່ວແຂວງ ,ໂດຍລະບົບຈະເຊື່ອມຈອດກັນທາງດ້ານຂໍ້ມູນກ່ຽວກັບການຈົດທະບຽນວິສາຫະກິດ ແລະ ການອອກອະນຸຍາດການລົງທຶນ, ດັ່ງນັ້ນຈຶ່ງມີຄວາມໝາຍສໍາຄັນ ,ເປັນການຍົກລະດັບຄວາມຮູ້ຄວາມສາມາດ ແລະ ສາມາດ ຈັດຕັ້ງປະຕິບັດຕົວຈິງໄດ້ໃນການອອກອະນຸຍາດດໍາເນີນທຸລະກິດການທ່ອງທ່ຽວຜ່ານລະບົບ ເອເລັກ ໂຕຣນິກແບບທັນສະໄໝ ໃນການນໍາໃຊ້ກົນໄກ, ເງື່ອນໄຂ, ຂັ້ນຕອນ, ວິທີການໃຊ້ລະບົບໃຫ້ມີຄວາມສະດວກ ແລະ ມີຄວາມຄ່ອງຕົວ ສາມາດດຶງດູດການລົງທຶນພານໃນ ແລະ ຕ່າງປະເທດ ເຂົ້າໃນກິດຈະການທ່ອງທ່ຽວຢ່າງມີປະສິດຕິພາບ, ປະສິດທິຜົນສູງ ແລະ ມີຄວາມ ຍືນຍົງ.
ໃນການຝືກອົບຮົມວິທີນໍາໃຊ້ລະບົບອອກອະນຸຍາດດໍາເນີນທຸລະກິດໃນຂະແໜງທ່ອງທ່ຽວໃນຮູບແບບເອເລັກໂຕຣນິກທີ່ທັນສະໄໝມີຄື: ນໍາໃຊ້ User ເຂົ້າລະບົບ, ວິທີປ້ອນຂໍ້ມູນ, ວິທີການປ້ອນຂໍອະນຸຍາດດໍາເນີນທຸລະກິດ ແລະ ວິທີການປ້ອນຂໍ້ມູນອອກບັດນໍາທ່ຽວ.
ສໍາລັບຊຸດຝຶກອົບຮົມຄັ້ງນີ້ແມ່ນຈະໄດ້ດໍາເນີນເປັນເວລາ01 ວັນເຕັມ.

09/12/2024

ການນໍາເມືອງຊົນນະບູລີ ວາງກະຕ່າດອກໄມ້ ຕໍ່ໜ້າຮູບຫຼໍ່ ປະທານ ໄກສອນ ພົມວີຫານ ພ້ອມຈັດພິທີປາຖະກະຖາ 2 ວັນປະຫວັດສາດ.

===00===

ໃນວັນທີ 6 ທັນວາ 2024 ນີ້ ພະນັກງານຫຼັກແຫຼ່ງຂອງເມືອງຊົນນະບູລີ ເຊີ່ງນໍາໂດຍ ທ່ານ ວັນປະເສີດ ແກ້ວມະນີໄຊ ວ່າການເລຂາພັກເມືອງ ວ່າການເຈົ້າເມືອງ ພ້ອມດ້ວຍຄະນະ ແລະ ກໍາລັງ ກອງບັນຊາ ປກສ-ປກຊ, ຫົວໜ້າ-ຄະນະຫ້ອງການໄດ້ເຂົ້າວາງກະຕ່າດອກໄມ້ ເພື່ອລະນຶກເຖິງຜົນງານ,ຄຸນງາມ ແລະ ຄວາມດີ ຂອງທ່ານ ປະທານ ໄກສອນ ພົມວິຫານ ເນື່ອງໃນໂອກາດ ສະເຫີຼມສະຫຼອງ ວັນຊາດທີ 2 ທັນວາ ຄົບຮອບ 49 ປີ ແລະ ວັນຄ້າຍວັນເກີດຂອງທ່ານ ປະທານ ໄກສອນ ພົມວີຫານ ຄົບຮອບ 104 ປີ ຢູ່ທີ່ສະໂມສອນຂອງເມືອງ .

ທ່ານ ວັນປະເສີດ ແກ້ວມະນີໄຊ ວ່າການເຈົ້າເມືອງ ຊຶ່ງທ່ານໄດ້ຍົກໃຫ້ເຫັນສະພາບລວມຂອງປະເທດລາວ, ອານາຈັກລາວລ້ານຊ້າງໃນແຕ່ລະໄລຍະ ໂດຍສັງເຂບ, ໄລຍະທີ່ຮຸ່ງເຮືອງ, ໄລຍະເສົ້າໝອງ ຍ້ອນຖືກຮຸກຮານຈາກພວກສັກດີນາສະຫຍາມ ແລະ ພວກຈັກກະພັດຕ່າງດ້າວ ທັງແບບເກົ່າ ແລະ ແບບໃໝ່ .ໃນເວລານັ້ນປະຊາຊົນລາວບັນດາເຜົ່າ ຖືກກົດຂີ່ຂົ່ມເຫັງ ຢ່າງໂຫດຮ້າຍປ່າເຖື່ອນ, ບໍ່ມີອິດສະຫຼະພາບ, ຖືກເກນໄປເປັນຂ້ອຍຂ້າ, ເປັນຂ້າທາດຮັບໃຊ້ທຸກຮູບແບບ, ຍ້ອນທົນຕໍ່ການກົດຂີ່ຂົ່ມເຫັງບໍ່ໄດ້ ປະຊາຊົນລາວບັນດາເຜົ່າ ຈຶ່ງໄດ້ລຸກຮື້ຂຶ້ນຕ້ານການປົກຄອງຂອງພວກເຂົາ ຢູ່ຫຼາຍແຂວງ ຂອງປະເທດລາວ, ເຊິ່ງເລີ່ມຕົ້ນດ້ວຍ ຂະບວນການຕໍ່ສູ້ ຂອງພໍ່ກະດວດ, ອົງແສນ, ເຈົ້າຟ້າປັດໄຈ, ອົງແກ້ວ - ອົງກົມມະດໍາ, ນາຍຄູຄຳ ແລະ ຜູ້ອື່ນໆ, ແຕ່ກໍບໍ່ມີຂະບວນການຕໍ່ສູ້ໃດທີ່ສາມາດຍາດໄດ້ໄຊຊະນະຍ້ອນຫຼາຍສາເຫດ, ແຕ່ປັດໃຈສໍາຄັນຕົ້ນຕໍແມ່ນບໍ່ມີພັກນໍາພາ, ເຖິງວ່າຂະບວນການຕໍ່ສູ້ດັ່ງກ່າວບໍ່ໄດ້ຮັບໄຊຊະນະ ແຕ່ປະຊາຊົນລາວບັນດາເຜົ່າກໍບໍ່ໄດ້ທໍ້ຖອຍ ແລະ ບໍ່ຍອມຈໍານົນສັດຕູ, ຄວາມຄຽດແຄ້ນຍິ່ງເພີ່ມທະວີ, ຂະບວນການຕໍ່ສູ້ ກໍນັບມື້ນັບຍົກລະດັບຂຶ້ນກາຍເປັນຂະບວນການຕໍ່ສູ້ ຂອງມະຫາຊົນທີ່ຂະຫຍາຍກວ້າງອອກໄປທົ່ວປະເທດ ແລະ ກໍາລັງຕໍ່ສູ້ປະຕິວັດກໍນັບມື້ນັບເຕີບໃຫຍ່ຂະຫຍາຍຕົວ; ຍົກໃຫ້ເຫັນໄຊຊະນະອັນຍິ່ງໃຫຍ່ໃນໄລຍະທີ່ຜູ້ນໍາພັກ, ແນວລາວຮັກຊາດ ຮ່ວມກັບປະຊາຊົນລາວບັນດາເຜົ່າໃນພາລະກິດຕໍ່ສູ້ຕີສັດຕູ ແລະ ພວກລູກແຫຼ້ງຂອງຈັກກະພັດລ່າເມືອງຂຶ້ນແບບໃໝ່ ໂດຍການສະໜັບສະໜູນຂອງ ພັກ, ລັດ, ທະຫານ ແລະ ປະຊາຊົນຫວຽດນາມ ກໍໍຄືບັນດາປະເທດທີ່ຮັກຫອມສັນຕິພາບ ໃນເຄືອຂາຍລະບົບສັງຄົມນິຍົມ, ພາຍໃຕ້ຍຸດທະວິທີການນໍາໃຊ້ 3 ບາດຄ້ອນຍຸດທະສາດ ຈົນສາມາດປົດປ່ອຍປະເທດຊາດຢ່າງສົມບູນ, ປະກາດສ້າງຕັ້ງ ແລະ ສະຖາປານາເປັນສາທາລະນະລັດປະຊາທິປະໄຕປະຊາຊົນລາວຂຶ້ນໃນວັນທີ 2 ທັນວາ 1975 ຊຶ່ງແມ່ນວັນທີ່ມີຄວາມໝາຍສໍາຄັນ ຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ວັນແຫ່ງໄຊຊະນະອັນຍິ່ງໃຫຍ່ ໃນປະຫວັດສາດແຫ່ງການຕໍ່ສູ້ ຂອງຊາດລາວເຮົາ; ແມ່ນວັນທີ່ປະຊາຊົນລາວບັນດາເຜົ່າ ໄດ້ມີອິດສະຫຼະພາບ ແລະ ໄດ້ເປັນເຈົ້າ ຂອງປະເທດຊາດຢ່າງແທ້ຈິງ; ທັງເປັນວັນແຫ່ງການກ້າວສູ່ຍຸກສະໄໝໃໝ່ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອສ້າງປະເທດລາວ ສັນຕິພາບ, ເອກະລາດ, ປະຊາທິປະໄຕ, ເອກະພາບ, ວັດທະນະຖາວອນ. ເນື່ອງໃນໂອກາດວັນຄ້າຍວັນເກີດຂອງປະທານໄກສອນ ພົມວິຫານ ຄົບຮອບ 104 ປີ ທ່ານ ເຈົ້າເມືອງ ໄດ້ສະຫຼຸບສັງລວມຊີວິດ, ການເຄື່ອນໄຫວ ແລະ ຜົນງານທີ່ພົ້ນເດັ່ນຂອງເພິ່ນໂດຍຫຍໍ້, ປະທານ ໄກສອນ ພົມວິຫານ ເປັນຜູ້ນຳທີ່ແສນເຄົາລົບຮັກຂອງປະຊາຊົນລາວບັນດາເຜົ່າ, ທ່ານໄດ້ສ້າງມູນເຊື້ອການເຄື່ອນໄຫວປະຕິວັດຢ່າງອົງອາດກ້າຫານ, ຍອມເສຍສະຫລະທຸກສິ່ງຢ່າງເພື່ອຊາດ ແລະ ເພື່ອປະຊາຊົນ ຈົນກາຍມາເປັນນັກຮົບປະຕິວັດຜູ້ຍິ່ງໃຫຍ່ຂອງຊາດ, ເປັນວິລະບູລຸດ, ເປັນຜູ້ນໍາຂອງພັກ-ລັດ ທີ່ມີຄວາມສາມາດສະຫຼາດສ່ອງໃສ, ເປັນນັກປະຕິຮູບ, ເປັນນັກປຸກລະດົມຂົນຂວາຍ, ເປັນແກ່ນສານຂອງຄວາມສາມັກຄີພາຍໃນຊາດ, ເປັນຜູ້ທີ່ມີຄຸນສົມບັດສີນທໍາປະຕິວັດອັນສູງສົ່ງ, ມີທັດ ສະນະມະຫາຊົນກວ້າງຂວາງ, ເປັນນັກເຄື່ອນໄຫວສາກົນຜູ້ດີເດັ່ນ ແລະ ເປັນຜູ້ວາງແນວທາງການຕ່າງປະເທດຢ່າງຖືກຕ້ອງ ເຮັດໃຫ້ ປະເທດຊາດໄດ້ຮັບການພັດທະນາ, ຊີວິດການເປັນຢູ່ຂອງປະຊາ ຊົນໄດ້ຮັບການປັບປຸງຍົກລະດັບເປັນກ້າວໆມາ, ບົດບາດຂອງ ສປປ ລາວ ຢູ່ໃນເວທີພາກພື້ນ ແລະ ສາກົນ ນັບມື້ພົ້ນເດັ່ນຂຶ້ນ. ພາຍຫຼັງສໍາເລັດພິທີປາຖະກະຖາແລ້ວ ການນໍາຂອງເມືອງກໍ່ໄດ້ລົງເຄື່ອງໄຫວຢ້ຽມຍາມອະດິດພະນັກງານການນໍາຂອງເມືອງ ແລະຄົນເຈັບທີ່ໂຮງໝໍເມືອງຊົນນະບູລີ ເພື່ອມອບຂອງຂວັນ ແລະໃຫ້ກໍາລັງໃຈ.

09/12/2024

#ປະດັບຫຼຽນໄຊພັດທະນາຊັ້ນ III ໃຫ້ແກ່ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄຳ
ຕອນບ່າຍວັນທີ 6 ທັນວາ 2024 ນີ້ ຢູ່ທີ່ຫ້ອງປະຊຸມຊັ້ນ3 ໂຮງແຮມດາວດອກງິ້ວຄຳ. ແຂວງຫຼວງນ້ຳທາສົມທົບກັບສະພາບໍລິຫານເຂດເສດຖະກິດພິເສດສາມຫຼ່ຽມຄຳໄດ້ຈັດມີພິທີປະດັບຫຼຽນໄຊພັດທະນາຊັ້ນ III ໃຫ້ແກ່: ທ່ານ ຈ້າວ ເຫວີຍ ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄຳຢ່າງສົມກຽດ. ໃຫ້ກຽດເຂົ້າຮ່ວມພິທີຄັ້ງນີ້ມີ ທ່ານ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງ ແຂວງຫຼວງນ້ຳທາ, ທ່ານ ພົນຈັດຕະວາ ອິ່ນສົມ ທຳລະສິນ ກຳມະການພັກແຂວງ ຫົວໜ້າກອງບັນຊາການ ປກສ ແຂວງຫຼວງນ້ຳທາ, ທ່ານ ບຸນທອງ ແສງສີກອງ ກຳມະການພັກແຂວງ ຫົວໜ້າຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ພ້ອມດ້ວຍຄະນະສະພາເຂດ, ຄະນະຄຸ້ມຄອງເຂດ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ພົນຈັດຕະວາ ອິ່ນສົມ ທຳລະສິນ ກຳມະການພັກແຂວງ ເລຂາຄະນະພັກ, ຫົວໜ້າກອງບັນຊາການ ປກສ ແຂວງຫຼວງນ້ຳທາ ໄດ້ຂຶ້ນຜ່ານລັດຖະດຳລັດຂອງປະທານປະເທດແຫ່ງ ສປປ ລາວ ສະບັບເລກທີ 231/ປປທ ລົງວັນທີ 29 ຕຸລາ 2024 ວ່າດ້ວຍການມອບຫຼຽນໄຊພັດທະນາຊັ້ນ III ໃຫ້ແກ່ ທ່ານ ຈ້າວ ເຫວີຍ ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວທີ່ມີຜົນງານດີເດັ່ນໃນການປະກອບສ່ວນຊ່ວຍເຫຼືອດ້ານວັດຖຸ-ທຶນຮອນໃຫ້ກອງບັນຊາການ ປກສ ແຂວງຫຼວງນ້ຳທາ ລວມມູນຄ່າ 1,306,707,660 ກີບ ( ໜື່ງຕື້ສາມຮ້ອຍລ້ານກວ່າກີບ) ເພື່ອຮັບໃຊ້ເຂົ້າໃນວຽກງານປ້ອງກັນຄວາມສະຫງົບ ແລະ ເປັນການປະກອບສ່ວນທີ່ສຳຄັນໃຫ້ແກ່ການພັດທະນາປະເທດຊາດ. ເປັນກຽດຂຶ້ນມອບໂດຍ: ທ່ານ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງ ແຂວງຫຼວງນ້ຳທາ ພ້ອມນີ້ທ່ານຍັງໄດ້ສະແດງຄວາມຍ້ອງຍໍຊົມເຊີຍຕໍ່ທ່ານ ຈ້າວ ເຫວີຍ ປະທານສະພາບໍລິຫານເຂດເສດຖະກິດພິເສດ ສາມຫຼ່ຽມຄຳທີ່ໄດ້ປະດັບຫຼຽນໄຊພັດທະນາຊັ້ນ III ເຊີ່ງແມ່ນຫຼຽນໄຊທີ່ມີຄຸນຄ່າຂອງ ສປປ ລາວ ປະດັບໃຫ້ແກ່ທ່ານທີ່ມີຜົນງານ, ຄຸນງາມຄວາມດີໃນການປະກອບສ່ວນຊ່ວຍເຫຼືອທາງດ້ານວັດຖຸ, ທຶນຮອນ, ເງິນຄຳ ເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ.
ຈາກນີ້ ທ່ານ ຈ້າວ ເຫວີຍ ປະທານສະພາບໍລິຫານເຂດເສດຖະກິດພິເສດ ສາມຫຼ່ຽມຄຳກໍ່ໄດ້ສະແດງຄວາມຮູ້ສຶກດີໃຈຢ່າງລົ້ນເຫຼືອຕໍ່ພັກ ແລະ ລັດຖະບານກໍ່ຄືການນຳຂອງແຂວງຫຼວງນ້ຳທາ, ເຊີ່ງເວລາໃດກໍ່ໃຫ້ການຊີ້ນຳຢ່າງໃກ້ຊິດໃນການພັດທະນາດ້ານຕ່າງໆມາໂດຍຕະຫຼອດ, ຂ້າພະເຈົ້າສັນຍາວ່າຈະສືບຕໍ່ເອົາໃຈໃສ່ສົ່ງເສີມການພັດທະນາໃນທຸກດ້ານໃຫ້ມີຜົນສຳເລັດ ພ້ອມທັງຮຽກຮ້ອງໃຫ້ພະນັກງານທຸກຄົນຈົ່ງຮ່ຳຮຽນເອົາແບບຢ່າງທີ່ດີ ແລະ ກາຍເປັນຜູ້ສືບທອດໃນການພັດທະນາໃຫ້ມີຄວາມຍືນຍົງ ແລະ ກ້າວໜ້າ, ໃຫ້ສົມຄຳວ່າ: "ປະຊາຊົນລາວເອົາດິນຕອນໜື່ງໃຫ້ຂ້າພະເຈົ້າຢືມ ຂ້າພະເຈົ້າຈະຄືນໃຫ້ປະຊາຊົນລາວເປັນໜື່ງຕົວເມືອງໃໝ່ທີ່ທັນສະໄໝ"
#ເຂດເສດຖະກິດພິເສດສາມຫຼ່ຽມ

09/12/2024

ສະຫະພັນກຳມະບານແຂວງສະຫວັນນະເຂດ

ສຳເລັດການລົງຕິດຕາມ-ກວດກາ ວຽກງານກຳມະບານຮອບດ້ານ ປະຈຳປີ 2024.
.........................

ໃນຫວ່າງບໍ່ດົນມານີ້, ສະຫະພັນກໍາມະບານແຂວງສະຫວັນນະເຂດ ໄດ້ລົງຕິດຕາມ-ກວດກາ ວຽກງານກຳມະບານຮອບດ້ານ ປະຈຳປີ 2024 ທີ່ສະຫະພັນກໍາມະບານ 14 ເມືອງ 1 ນະຄອນ, ນຳໂດຍ ທ່ານ ນາງ ສີສະຫວັດ ໂຄດທະວົງສາ ກຳມະການພັກແຂວງ ປະທານຄະນະບໍລິຫານງານສະຫະພັນກຳມະບານແຂວງ, ມີ ທ່ານ ນາງ ບົວສອນ ວິໄລວົງ ຮອງປະທານຄະນະບໍລິຫານງານສະຫະພັນກຳມະບານແຂວງ ທັງເປັນປະທານກວດກາວຽກງານກຳມະບານຮອບດ້ານຂັ້ນແຂວງ, ພ້ອມດ້ວຍຄະນະປະທານສະຫະພັນກຳມະບານແຂວງ, ຄະນະກວດກາວຽກງານກຳມະບານ ແລະ ຂະແໜງການທີ່ກ່ຽວຂ້ອງກໍ່ໄດ້ເຂົ້າຮ່ວມຢ່າງພ້ອມພຽງ

ຈຸດປະສົງ ໃນການລົງເຄື່ອນໄຫວວຽກງານໃນຄັ້ງນີ້ ກໍ່ເພື່ອເປັນການຕິດຕາມ-ກວດກາ ວຽກງານກຳມະບານຮອບດ້ານ ປະຈຳປີ 2024 ແລະ ຊຸກຍູ້ໃຫ້ສະຫະພັນກຳມະບານ 14 ເມືອງ 1 ນະຄອນ, ໄດ້ມີການເຄື່ອນໄຫວວຽກງານໄປຕາມທິດທາງແຜນການ ທີ່ກຳນົດໄວ້ໃຫ້ເປັນປົກກະຕິ ເປັນຕົ້ນແມ່ນ: ວຽກງານໂຄສະນາສຶກສາອົບຮົມການເມືອງ-ແນວຄິດ, ວຽກງານປັບປຸງການຈັດຕັ້ງ, ວຽກງານປົກປ້ອງແຮງງານ, ວຽກງານ 5 ເປັນເຈົ້າ, ວຽກງານບໍລິຫານ, ວຽກງານກອງທຶນຊ່ວຍເຫຼືອເຊິ່ງກັນ ແລະ ກັນ ບົນພື້ນຖານໃຫ້ມີຄວາມຊື່ສັດ, ວ່ອງໄວ, ໂປ່ງໃສ ແລະ ກວດສອບໄດ້.

ພາບ/ຂ່າວ: ວັນນະເລດ ມະນີວົງ

ຜູ້ສື່ຂ່າວສະຫະພັນກຳມະບານແຂວງສະຫວັນນະເຂດ.

09/12/2024

ເມືອງໄຊພູທອງຕ້ອນຮັບຄະນະຄາລະວານລົດບິກໄບ໋

ກຸ່ມຄອນຈີນຽວ ຈາກປະເທດໄທມາທ່ອງທ່ຽວລາວ .

===000===

ທ້າຍອາທິດຜ່ານມາ, ຄະນະນໍາຂອງເມືອງໄຊພູທອງ ນໍາໂດຍທ່ານ ພົມມາ ສົງວິໄລ ຮອງເຈົ້າເມືອງ ຜູ້ຊີ້ນໍາວຽກງານວັດທະນະທໍາ-ສັງຄົມເມືອງ ,ຝ່າຍສົງມີຍາທ່ານ ບູນຕົ້ນ ແສນສົມບັດ ຮອງເຈົ້າຄະນະ(ອພສ) ເມືອງ,ພຣະອາຈານ ສອນເພັດ ໂງ່ນລາຊະສິງ ເຈົ້າອະທິການວັດພະທາດໂຜ່ນ ພ້ອມດ້ວຍຄະນະສົງ ແລະ ອອກຕົນຍາດໂຍມ ໄດ້ຮ່ວມກັນຕ້ອນຮັບຂະບວນຄາລະວານລົດບິກໄບ໋ ກຸ່ມຄອນຈີນຽວ ຈໍານວນ 70 ຄັນ ມີທິມງານ 90 ຄົນ ທີ່ມາຈາກລາຊະອານາຈັກໄທ ທີ່ມາຮ່ວມທໍາບຸນຖະຫວາຍຍອດຊໍ່ຟ້າ ແລະ ປັດໃຈຈໍານວນເງິນ 410,000 ບາດ ເປັນເງິນກີບ 261,580,000 ກີບ ເພື່ອສົບທົບທືນກໍ່ສ້າງສາລາໂຮງທໍາຫຼັງໃໝ່ທີ່ຍັງບໍ່ທັນສໍາເລັດ. ໃນພິທີ ທ່ານ ພົມມາ ສົງວິໄລ ຮອງເຈົ້າເມືອງໄຊພູທອງ ຮ່ວມ ກັບ ທ່ານ ປະລິນ ລອງວັງ ກຸ່ມຄາລະວານລົດບິກໄບ໋ ຄອນຈີນຽວກໍໄດ້ຂື້ນຈູດທຽນໄຊ ເພື່ອບູຊາພະສີລັດຕະນະໄຕ ພ້ອມນັ້ນກໍ່ໄດ້ຮັບຟັງເທດສະໜາໃຫ້ພອນຢາດນໍ້າ ແລະ ຮ່ວມພິທີຕັກບາດຖະຫວາຍແດ່ພະສົງຈໍານວນ 20 ອົງ ເພື່ອເປັນສິລິມຸງຄຸນ.ພາຍຫຼັງສໍາເລັດການໃສ່ບາດແລ້ວ ກໍ່ໄດ້ມີຂະບວນແຫ່ຍອດຊໍ່ຟ້າ,ຕົ້ນກາລະພຶກ ແລະ ວັດຖຸທານດັ່ງກ່າວອ້ອມຮອມກົມມະລຽນ ອົງພະທາດໂຜ່ນ 3ຮອບ, ຈາກນັ້ນ, ກໍ່ໄດ້ເຂົ້າສູ່ພິທີທາງສາສະໜາຖະຫວາຍຍອດຊໍ່ຟ້າຕົ້ນຜ້າກາລະພຶກ ແລະ ວັດຖຸທານດັ່ງກ່າວ ປະກອບທຶນຮອນສົມທົບສ້າງສາລາໂຮງທໍາຫລັງໃໝ່ ພ້ອມນັ້ນກໍເປັນການອະນຸລັກວັດທະນະທໍາ ຮີດຄອງປະເພນີອັນດີງາມຂອງຊາວພຸດ ອີກດ້ານໜຶ່ງເພື່ອເປັນການເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າ ຊາວບ້ານໂພນທາດ, ບ້ານອ້ອມຂ້າງ ຈາກຕ່າງເມືອງ ແລະ ຕ່າງແຂວງ ໄດ້ມີໂອກາດມາເຮັດບຸນເຮັດທານຮ່ວມກັນ ໂອກາດດຽວກັນນີ້ກໍ່ຍັງໄດ້ມີພິທີບາສີສູ່ຂວັນໃຫ້ແກ່ຂະບວນທິມງານລົດບິກໄບ໋ກູ່ມຄອນຈີນຽວ ທີ່ເຕັມໄປດ້ວຍບັນຍາກາດອັນເບີກບານມ່ວນຊື່ນ.

Address

Telephone

+85621212420

Website

http://www.medialaos.net/

Alerts

Be the first to know and let us send you an email when Media Laos posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Media Laos:

Videos

#ເຊກອງ ສະເຫລີມສະຫລອງວັນສາກົນເພື່ອຕ້ານຄວາມຮຸນແຮງຕໍ່ແມ່ຍິງ 25 ພະຈິກ ---------- #Medialaos #sekong #ຢຸດຕິການໃຊ້ຄວາມຮຸນແຮງຕໍ່ແມ່ຍິງ #ຂ່າວ:ພຸດທະສອນ #ພາບ ສ ຍ ແຂວງເຊກອງ

#9-12-2024ກອງປະຊຸມຜ່ານຜົນການປະເມີນຜົນກາງສະໄໝ ການຈັດຕັ້ງປະຕິບັດໂຄງການພັດທະນາຊົນນະບົດ ແບບປະສົມປະສານ ຢູ່ 3 ແຂວງພາກໃຕ້, ຈັດຂືນໃນວັນທີ 9 ທັນວາ 2024 ທີ່ເມືອງປາກຊ່ອງ ແຂວງຈຳປາສັກ #Media laos sithisaykeo

#ນໍ້າຕົກຕາດສົມພະມິດ( ຫຼີຜີ) #MEdia laos sithisaykeo

#7-12-2024 ເມືອງໂຂງແຂວງຈຳປາສັກ ເປີດພິທີແຂ່ງຂັນຊ່ວງເຮືອປະເພນີ ປະຈໍາປີ 2024 ໃນວັນທີ 7 ທັນວາ 2024 #Media laos sithisaykeo

ເຊີນຊວນບັນດາທ່ານເຂົ້າຮ່ວມ #ງານມະຫາກຳກິລາໂຍນໝາກຄອນ 3 ແຈປະເທດ ລາວ, ຫວຽດນາມ ແລະ ຈີນ ຄັ້ງທີ VIII ແລະ ງານເທສະການອາຫານເຜົ່າ ແລະ ດື່ມນໍ້າຊາ, ຕິດພັນກັບການສະເຫຼີມສະຫຼອງປີທ່ອງທ່ຽວລາວ 2024 ທີ່ແຂວງຜົ້ງສາລີ. #ງານມະຫາກຳກິລາໂຍນໝາກຄອນ 3 ແຈປະເທດ #ງານເທສະການອາຫານເຜົ່າ #ດື່ມນໍ້າຊາ #ສະເຫຼີມສະຫຼອງປີທ່ອງທ່ຽວລາວ 2024 ທີ່ແຂວງຜົ້ງສາລີ #MediaLaos #phongsaly