Media Laos

Home
Media Laos

: ຂ່າວສານ ທົ່ວປະເທດ, ທັນເຫດການ ແລະ ເຊື່ອຖືໄດ້

: ຂ່າວສານ ທົ່ວປະເທດ, ທັນເຫດການ ແລະ ເຊື່ອຖືໄດ້

ແມ່ນ ໜ້າ page ຂອງ ນັກຂ່າວສື່ມວນຊົນ ໃນ ສປປ ລາວ ເພື່ອນຳສະເໜີຂ່າວ ວ່ອງໄວ ແລະ ເປັນຈີງ, ຄຸ້ມຄອງໂດຍກົມສື່ມວນຊົນ

ສະໜັບສະໜຸນດ້ານວິຊາການ ໂດຍ ອົງການຢູນິເຊັບ ປະຈຳ ສປປ ລາວ UNICEF Laos

28/01/2025

#ທິວທັດທຳມະຊາດ ນໍ້າຕົກຕາດສຽງລື.............
#ພາບທີ 27 ມັງກອນ 2025 #ນໍ້າຕົກຕາດສຽງລື ເຂດປ່າສະຫງວນ ເມືອງບົວລະພາ ແຂວງຄໍາມ່ວນ ເຊິ່ງເປັນແຫລ່ງທ່ອງທ່ຽວໜື່ງທີ່ອຸດົມສົມບູນໄປດ້ວຍປ່າໄມ້, ອາກາດບໍລິສຸດ ເຢັນຊຸ່ມຊື່ນຕະຫລອດປີ. ສະນັ້ນ, ຜູ້ພັດທະນາໄດ້ເລີ່ມບຸກເບີກເສັ້ນທາງເຂົ້າເຖິງແຫລ່ງທ່ອງທ່ຽວ ແລະ ກຳລັງກໍ່ສ້າງສິ່ງອໍານວຍຄວາມສະດວກຫລາຍຢ່າງໃຫ້ແກ່ນັກທ່ອງທ່ຽວໄປຢ້ຽມຊົມ ໃນນັ້ນ ທີ່ສ້າງສຳເລັດແລ້ວມີຮ້ານອາຫານ,ເສັ້ນທາງຍ່າງປ່າຂື້ນຊົມນໍ້າຕົກ, ບ່ອນຕັ້ງແຄມ, ບ່ອນຈອດລົດ,ຫ້ອງນໍ້າ, ບ່ອນນັ່ງພັກຜ່ອນ ແລະ ອື່ນໆ ອີກຫລາຍຢ່າງ. ປັດຈຸບັນ, ຜູ້ປະກອບການໄດ້ເປີດບໍລິການໃຫ້ນັກທ່ອງທ່ຽວໄປຢ້ຽມຊົມແລ້ວ.

#ນໍ້າຕົກຕາດສຽງລື #ເມືອງບົວລະພາ #ຄໍາມ່ວນ

28/01/2025

28/1/2025 ຊາວນາຊາວກະສິກອນເມືອງຈຳພອນ ຍັງພົບບັນຫາທ້າທາຍຫຼາຍຢ່າງຕໍ່ການຜະລິດລະດູແລ້ງປີນີ້
------------------------------
#ເມືອງຈຳພອນ ກໍ່ເປັນອີກເມືອງໜຶ່ງທີ່ມີທ່າແຮງໃນການຜະລິດກະສິກຳເປັນສິນຄ້າ ໂດຍສະເພາະແມ່ນການຜະລິດເຂົ້າ #ນາປີ, #ນາແຊງ, #ການປູກພືດ, #ລ້ຽງສັດ ເພື່ອຄ້ຳປະກັນສະບຽງອາຫານທັງລະດູແລ້ງ ແລະ ລະດູຝົນ ເປັນເມືອງອູ່ເຂົ້າອູ່ປາຂອງແຂວງສະຫວັນນະເຂດ. ຈາກການລາຍງານຂອງທ່ານ ຄອນສະຫວັນ ດວງມາລາ ຫົວໜ້າຫ້ອງການກະສິກຳແລະປ່າໄມ້ເມືອງຈຳພອນ,ໃນຄັ້ງວັນທີ 27 ມັງກອນ 2025 ນີ້ວ່າ: ມາຮອດປັດຈຸບັນຊາວນາຊາວກະສິກອນເມືອງຈຳພອນແມ່ນກຳລັງຂຸ້ນຂ້ຽວປັກດຳເຂົ້ານາແຊງຢ່າງເປັນຂະບວນການຟົດຟື້ນ ສະເພາະປີນີ້ທົ່ວເມືອງມີແຜນຜະລິດເຂົ້ານາແຊງໃນເນື້ອທີ່13,200 ເຮັກຕາ,ໃນນັ້ນປະຊາຊົນສາມາດເຮັດນາດຳໄດ້ 4,620 ເຮັກຕາ,ນາຢອດແລະນາຫວ່ານ ໄດ້ 8,580 ເຮັກຕາ, ໃນລະດູແລ້ງປີນີ້ຫ້ອງການກະສິກຳ ແລະ ປ່າໄມ້ເມືອງໄດ້ສະໜອງແນວພັນໃຫ້ປະຊາຊົນຈຳນວນ 924 ໂຕນເປັນແນວພັນເຂົ້າປັບປຸງທັງໝົດ 100%, ຄາດຄະເນຜົນໄດ້ຮັບ 4,7ໂຕນ/ເຮັກຕາ,ຜົນຜະລິດລວມໃຫ້ໄດ້ 62,040 ໂຕນ. ນອກຈາກການສົ່ງເສີມໃນການປູກເຂົ້າແລ້ວທາງຫ້ອງການກະສິກຳ ແລະ ປ່າໄມ້ເມືອງຍັງໄດ້ສົ່ງເສີມການປູກພືດສຳຮອງໃນລະດູແລ້ງລວມເນື້ອທີ່1,856 ເຮັກຕາເຊິ່ງພືດທີ່ປູກມີ: ສາລີຫວານ,ໝາກເຜັດ,ໝາກແຕງ,ໝາກຖົ່ວ,ເຜືອກ-ມັນ,ຖົ່ວດິນ,ໝາກເຂືອ ແລະ ພືດຜັກຕ່າງໆ.
ຈາກການນຳພາປະຊາຊົນຈັດຕັ້ງປະຕິບັດຜະລິດຕົວຈິງເຫັນໄດ້ວ່າຍັງມີຂໍ້ຫຍຸ້ງຍາກຫຼາຍຢ່າງທີ່ຍັງເປັນສິ່ງທ້າທາຍໂດຍສະເພາະແມ່ນ: ບັນຫານ້ຳຫົດເນື້ອທີ່ປູກບໍ່ພຽງພໍຕໍ່ການຜະລິດ,ບັນຫາສັດຕູພືດ, ລາຄານ້ຳມັນເຊື້ອໄຟ ແລະ ຝຸ່ນວິທະຍາສາດ (ປຸ໋ຍ) ມີລາຄາສູງເກີນ ເມື່ອທຽບໃສ່ກັບລາຄາຜົນຜະລິດແມ່ນມີກຳໄລໜ້ອຍ, ມີບາງຄອບຄົວກໍ່ຂາດທຶນຍ້ອນສະພາບການຕະຫຼາດກໍ່ບໍ່ໝັ້ນຄົງ. ສະນັ້ນທ່ານ ຄອນສະຫວັນ ດວງມາລາ ຫົວໜ້າຫ້ອງການກະສິກຳແລະປ່າໄມ້ເມືອງຈຳພອນ ຈຶ່ງໄດ້ຮຽກຮ້ອງມາຍັງພາກສ່ວນກ່ຽວຂ້ອງກໍ່ຄືການນຳຂັ້ນສູງຂອງແຂວງ ໃຫ້ຊ່ວຍໃນການຊອກຫາຕະຫຼາດຈຳໜ່າຍຜົນຜະລິກະສິກຳຂອງປະຊາຊົນໃຫ້ໝັ້ນຄົງ, ຊ່ວຍຂະຫຍາຍຊົນລະປະທານໃຫ້ປະຊາຊົນຕື່ມເພາະມີບາງກຸ່ມແມ່ນອາໄສການປ້ານນ້ຳຫ້ວຍຮ່ອງເພື່ອກັກເກັບນ້ຳແຕ່ກໍ່ບໍ່ພຽງພໍຕໍ່ການຜະລິດ.

28/01/2025

#ແຂວງເຊກອງ ພັດທະນາພື້ນຖານໂຄງລ່າງເຊື່ອມໂຍງພາຍໃນ ພາກພື້ນ ແລະ ສາກົນ....
#ແຂວງເຊກອງ ໄດ້ສຸມໃສ່ພັດທະນາພື້ນຖານໂຄງລ່າງ ໂດຍສະເພາະແມ່ນເສັ້ນທາງຄົມມະນາຄົມ ທີ່ສາມາດເຊື່ອມຈອດ-ເຊື່ອມໂຍງພາຍໃນ, ພາກພື້ນ ແລະ ສາກົນ ເພື່ອເອື້ອອໍານວຍໃຫ້ແກ່ການຜະລິດ, ການຄ້າ, ການບໍລິການ, ການທ່ອງ ທ່ຽວ ແລະ ການລົງທຶນ ແນໃສ່ຍູ້ແຮງການພັດທະນາເສດຖະກິດ-ສັງຄົມ ຂອງແຂວງໃຫ້ຂະຫຍາຍຕົວດ້ວຍຈັ່ງຫວະໝັ້ນທ່ຽງ ແລະ ຍືນຍົງ ຕາມທິດການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່.
ທ່ານ ສາກົນ ພອນປະເສີດ ຫົວໜ້າ ພະແນກແຜນການ ແລະ ການລົງທຶນແຂວງ ລາຍງານໃນກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງເຊກອງ ຊຸດທີ II ເມື່ອບໍ່ດົນຜ່ານມາ ໃຫ້ຮູ້ວ່າ: ປັດຈຸບັນທົ່ວແຂວງ ມີເສັ້ນທາງທັງໝົດ 291 ເສັ້ນ, ລວງຍາວ 2,077.81 ກິໂລແມັດ. ໃນນີ້, ທາງເບຕົງ 4.2 ກິໂລແມັດ, ປູອັດສະຟານ 8.02 ກິໂລແມັດ, ປູຢາງ 346.98 ກິໂລແມັດ, ປູແຮ່ 1,072.26 ກິໂລແມັດ ແລະ ທາງດິນທຳມະຊາດ 646.35 ກິໂລແມັດ; ມີຂົວທັງໝົດ 34 ແຫ່ງ, ລວງຍາວທັງໝົດ 1,553.04 ແມັດ. ໃນນີ້, ຂົວເບຕົງ 18 ແຫ່ງ ລວງຍາວ 1,080 ແມັດ, ຂົວເບເລ 11 ແຫ່ງ ລວງຍາວ 324.04 ແມັດ, ຂົວໄມ້ 1 ແຫ່ງ ລວງຍາວ 24 ແມັດ, ຂົວປະສົມ 1 ແຫ່ງ ຍາວ 25 ແມັດ ແລະ ຂົວອູ່ 3 ແຫ່ງ ລວງຍາວ 100 ແມັດ; ມີບ້ານທີ່ມີເສັ້ນທາງເຂົ້າເຖິງແລ້ວ 201 ບ້ານ ກວມເອົາ 99.01%. ໃນນີ້, ສາມາດທຽວໄດ້ສອງລະດູ 160 ບ້ານ ກວມເອົາ 78.81% ແລະ ບ້ານບໍ່ມີເສັ້ນທາງເຂົ້າເຖິງ 2 ບ້ານ ກວມເອົາ 0.98% ( ບ້ານຈະເຕີ ແລະ ບ້ານຕະລຸຍ ເມືອງກະລຶມ).
ທ່ານ ສາກົນ ພອນປະເສີດ ໃຫ້ຮູ້ຕື່ມວ່າ: ໃນປີ 2025 ນີ້, ແຂວງສືບຕໍ່ຍົກລະດັບ ແລະ ພັດທະນາພື້ນຖານໂຄງລ່າງຄົມມະນາຄົມທາງບົກ ແລະ ທາງນໍ້າ ຢ່າງເປັນລະບົບໃຫ້ເຊື່ອມຈອດກັນ ແລະ ກົມກຽວ ກັບບັນດາເມືອງ, ແຂວງອ້ອມຂ້າງ, ກັບປະເທດອ້ອມຂ້າງ, ພາກພື້ນ ແລະ ສາກົນ ໃຫ້ມີຄວາມສະດວກ, ທັນສະໄໝ ແລະ ປອດໄພ, ພ້ອມທັງປັບປຸງຄຸນນະພາບ ແລະ ມາດຖານທາງດ້ານພື້ນຖານໂຄງລ່າງ ຕິດພັນກັບການບູລະນະຮັກສາສ້ອມແປງທາງທີ່ມີ ໃຫ້ຢູ່ໃນສະພາບທີ່ດີ ເພື່ອຕອບສະໜອງກັບຄວາມຮຽກຮ້ອງຕ້ອງການ ຂອງການພັດທະນາເສດຖະກິດ-ສັງຄົມ ຂອງແຂວງ, ພັດທະນາການຂົນສົ່ງທາງບົກ ໃຫ້ແຕ່ລະເມືອງມີການບໍລິການຂົນສົ່ງສີນຄ້າ ແລະ ໂດຍສານ, ປັບປຸງລະບົບການບໍລິການທາງຜ່ານ ແລະ ບໍລິການຂົນສົ່ງຜ່ານແດນ ໃຫ້ມີຄວາມສະດວກ ແລະ ວ່ອງໄວ ໂດຍການສ້າງລະບົບໂລຈີສຕິກຄົບຊຸດ, ຄຽງຄູ່ກັບການປັບປຸງລະບຽບການ ແລະ ກົນໄກປະສານງານ ລະຫວ່າງຂະແໜງການໂຍທາທິການ ແລະ ຂົນສົ່ງ ກັບຂະແໜງການທີ່ກ່ຽວຂ້ອງອື່ນໆ...
(ຂ່າວ-ພາບ: ສັນຍາ)
Laos

28/01/2025

28/01/2025
ປະກາດເລື່ອນຊັ້ນພັນຕີຂື້ນຊັ້ນພັນໂທ ໃຫ້ນາຍທະຫານກໍາລັງຫຼວງ ແລະ ກໍາລັງທ້ອງຖິ່ນ 6 ແຂວງພາກກາງ ແລະ ພາກໃຕ້ ຈໍານວນ 121 ສະຫາຍ

-------------------------------------

ພິທີປະກາດເລື່ອນຊັ້ນພັນຕີ ຂື້ນຊັ້ນພັນໂທ ໃຫ້ນາຍທະຫານກໍາລັງຫຼວງ ແລະ ກໍາລັງທ້ອງຖິ່ນ 6ແຂວງ ເຂດພາກກາງ ແລະ ພາກໃຕ້ ຈໍານວນ 121 ສະຫາຍ ໄດ້ຈັດຂຶ້ນທີ່ກອງບັນຊາການທະຫານແຂວງ ສະຫວັນນະເຂດເປັນເຈົ້າພາບ ໃນຕອນເຊົ້າຂອງວັນທີ 27 ມັງກອນ 2025 ນີ້ ພາຍໃຕ້ການເປັນປະທານຂອງສະຫາຍ ພົນຕີ ວົງສອນ ອິນປານພິມ ກໍາມະການຄະນະປະຈໍາພັກກະຊວງປ້ອງກັນປະເທດ,ຮອງລັດຖະມົນຕີກະຊວງປ້ອງກັນປະເທດ,ຫົວໜ້າກົມໃຫຍ່ການເມືອງກອງທັບ,ເຂົ້າຮ່ວມມີກົມພະນັກງານກົມໃຫຍ່ການເມືອງກອງທັບ,ສະຫາຍ ພັນເອກ ພັນວິໄລ ລາດສະຍົນ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ,ສະຫາຍ ພັນເອກ ສຸກສະໝອນ ສີພັນດອນ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງພ້ອມຄະນະ,ມີບັນດາຄະນະພັກ-ຄະນະບັນຊາ,ຕະຫຼອດຮອດນາຍທະຫານທີ່ໄດ້ຮັບຊັ້ນຈາກກົມກອງຕ່າງໆນັບທັງກໍາລັງຫຼວງ ແລະ ກໍາລັງທ້ອງຖິ່ນ6ແຂວງ ເຂດພາກກາງ ແລະ ພາກໃຕ້ເຂົ້າຮ່ວມ.

ໃນພິທີ ສະຫາຍ ພັນເອກ ສອນໄຊ ຈັນຍາລາດ ຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຂື້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການເລື່ອນຊັ້ນນາຍທະຫານ ພັນຕີ ຂື້ນຊັ້ນ ພັນໂທ ຂອງບັນດາກົມກອງເຂດພາກກາງ ແລະ ພາກໃຕ້.ໂດຍປະຕິບັດຕາມກົດໝາຍນາຍທະຫານກອງທັບປະຊາຊົນລາວ ວ່າດ້ວຍການເລື່ອນຊັ້ນນາຍທະຫານ ແລະ ອີງຕາມການຄົ້ນຄ້ວາ ແລະ ນໍາສະເໜີຂອງກົມໃຫຍ່ການເມືອງກອງທັບ. ດັ່ງນັ້ນກະຊວງປ້ອງກັນປະເທດ ຈຶ່ງອອກຂໍ້ຕົກລົງປະກາດເລື່ອນຊັ້ນ,ເລື່ອນທຽບຊັ້ນ ພັນຕີ ຂື້ນຊັ້ນພັນໂທ ທັງໝົດຈໍານວນ121ສະຫາຍຄື: ກອງບັນຊາການທະຫານແຂວງສະຫວັນນະເຂດ ຈໍານວນ 17 ສະຫາຍ,ກອງບັນຊາການທະຫານແຂວງຄໍາມ່ວນ ຈໍານວນ 11 ສະຫາຍ,ກອງບັນຊາການທະຫານແຂວງສາລະວັນ ຈໍານວນ 13 ສະຫາຍ,ກອງບັນຊາການທະຫານແຂວງ ຈໍາປາສັກ ຈໍານວນ 12 ສະຫາຍ,ກອງບັນຊາການທະຫານແຂວງເຊກອງ ຈໍານວນ 11 ສະຫາຍ,ກອງບັນຊາການທະຫານແຂວງອັດຕະປື ຈໍານວນ 11 ສະຫາຍ,ກອງພົນທະຫານຮາບທີ4 ຈໍານວນ 19 ສະຫາຍ,ກອງພົນທະຫານຮາບທີ 5 ຈໍານວນ 14 ສະຫາຍ,ກອງພັນໃຫຍ່ 611 ຈໍານວນ 4 ສະຫາຍ,ກອງພັນໃຫຍ່ 645 ຈໍານວນ 5 ສະຫາຍ ແລະ ໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ຈໍານວນ 4 ສະຫາຍ. ທັງນີ້ກໍ່ເພື່ອເປັນການຍ້ອງຍໍຜົນງານໃຫ້ກັບນາຍທະຫານຜູ້ທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານ ແລະ ທັງເປັນການປະຕິບັດນະໂຍບາຍ,ກົດໝາຍນາຍທະຫານທີ່ຮອດກຳນົດເວລາເລື່ອນຊັ້ນໃຫ້ຖືກຕ້ອງ ແລະ ສອດຄ່ອງອີກດ້ວຍ.

ຈາກນັ້ນ ສະຫາຍ ພົນຕີ ວົງສອນ ອິນປານພິມ ກໍາມະການຄະນະປະຈໍາພັກກະຊວງປ້ອງກັນປະເທດ,ຮອງລັດຖະມົນຕີກະຊວງປ້ອງກັນປະເທດ,ຫົວໜ້າກົມໃຫຍ່ການເມືອງກອງທັບ ໄດ້ໂອ້ລົມໃຫ້ທິດຊີ້ນໍາຕໍ່ນາຍທະຫານທີ່ໄດ້ຮັບຊັ້ນໃໝ່.ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍ,ພ້ອມດຽວກັນສະຫາຍກໍ່ໄດ້ເນັ້ນໜັກໃຫ້ນາຍທະຫານທຸກສະຫາຍຈົ່ງພ້ອມກັນເພີ່ມຄວາມຮັບຜິດຊອບໃນໜ້າທີ່ວຽກງານໃຫ້ໜັກແໜ້ນ,ເຂັ້ມແຂງ,ສືບຕໍ່ເພີ່ມທະວີຄວາມສາມັກຄີເປັນປືກແຜ່ນແໜ້ນໜາພາຍໃນ ໃຫ້ເປັນເອກະພາບ ບົນພື້ນຖານໜ້າທີ່ວຽກງານ ແລະ ແນວທາງຂອງພັກ,ຄວາມສາມັກຄີພາຍນອກໃຫ້ກົມກຽວ,ຕ້ານແນວຄິດຮີດເກົ່າຄອງເດີມ,ອາຍາສິດ,ເອກະຊົນ,ເອກະເທດ,ແນວຄິດພັກພວກ ຈຸ້ມເຈື້ອເຊື້ອສາຍ,ຕ້ານແນວຄິດທິດສະດີເວົ້າຫຼາຍ ແຕ່ປະພຶດປະຕິບັດໜ້ອຍ,ຖືເອົາຄວາມສາມັກຄີ,ເຮັດວຽກມີການລວມສູນປະຊາທິປະໄຕເປັນໝູ່ຄະນະ,ແບ່ງວຽກງານໃຫ້ບຸກຄົນຮັບຜິດຊອບຢ່າງມີແບບແຜນ ແລະ ຊຸກຫຍູ້ຕິດຕາມ ເພື່ອຮັບປະກັນໃຫ້ມີຜົນສໍາເລັດຕາມຈຸດປະສົງຄາດໝາຍ,ເປັນແບບຢ່າງໃນການຝືກຝົນຫຼໍ່ຫຼອມຕົນເອງຮອບດ້ານ,ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານສະມາຊິກພັກ-ນັກຮົບພາຍໃນກົມກອງໃຫ້ໜັກແໜ້ນ ແລະ ຖືເອົາຄວາມເປັນແບບຢ່າງທີ່ດີໃນການນໍາພາ-ບັນຊາ ເພື່ອສ້າງນາຍທະຫານຜູ້ສືບທອດປ່ຽນແທນທີ່ດີຂອງກອງທັບ ກໍ່ຄືກົມກອງ.

ພາບ-ຂ່າວ:ວິລະພົງ ເທບໂພ

28/01/2025

ຂ່າວ: ມອບ-ຮັບ ໜ້າທີ່ ລະຫວ່າງ ປະທານສະຫະພັນກຳມະບານເມືອງ ຍອດອູ ແຂວງຜົ້ງສາລີ ຜູ້ເກົ່າ ແລະ ຜູ້ໃໝ່.
___________9999999________________
ພິທີ ມອບ-ຮັບ ໜ້າທີ່ ລະຫວ່າງ ທ່ານນາງ ຫຸ່ງຊອນ ແສງລາວກຳມະການພັກເມືອງ, ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ (ຜູ້ເກົ່າ) ແລະ ທ່ານນາງ ກອງຈັນ ໂສລະທີ ຄະນະບໍລິຫານງານສະຫະພັນກຳມະບານເມືອງ, ປະທານສະຫະພັນກຳມະບານເມືອງ (ຜູ້ໃໝ່) ໄດ້ຈັດຂຶ້ນໃນຕອນບ່າຍຂອງວັນທີ 27 ມັງກອນ 2025 ນີ້, ໂດຍການເປັນປະທານ ຂອງທ່ານນາງ ຫຸ່ງຊອນ ແສງລາວ ກຳມະການພັກເມືອງຄະນະບໍລິຫານງານສະຫະພັນກຳມະບານແຂວງ, ປະທານສະຫະພັນກຳມະບານເມືອງ ແລະ ເປັນກຽດເຂົ້າຮ່ວມຂອງທ່ານ ມືກ່ຽງ ລາວທາງ ກຳມະການປະຈຳພັກເມືອງ, ຮອງເລຂາ, ຜູ້ຊີ້ນຳວຽກງານພັກ-ພະນັກງານ, ມີທ່ານນາງ ແສງລອດ ຈັນດາ ກຳມະການປະຈຳພັກເມືອງ, ປະທານແນວລາວສ້າງຊາດ, ຜູ້ຊີ້ນຳວຽກງານອົງການຈັດຕັ້ງມະຫາຊົນ, ມີບັນດາທ່ານຮອງປະທານ ພ້ອມດ້ວຍພາກສ່ວນທີ່ກ່ຽວຂ້ອງຂັ້ນເມືອງເຂົ້າຮ່ວມ.
ໃນພິທີທ່ານນາງ ຫຸ່ງຊອນ ແສງລາວ ກຳມະການພັກເມືອງ, ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ (ຜູ້ເກົ່າ) ໄດ້ຂື້ນຜ່ານບົດສະຫຼຸບການນຳພາວຽກງານຮອບດ້ານຂອງສະຫະພັນກຳມະບານເມືອງ ໃນໄລຍະທີ່ຜ່ານມາ ໄດ້ເປັນເຈົ້າການໃນການຊີ້ນຳໆພາວຽກງານກຳມະບານ ເອົາໃຈໃສ່ນໍາພາ-ຊີ້ນຳວຽກງານຕ່າງໆ ຕາມພາລະບົດບາດ, ໜ້າທີ່ຂອງຕົນ ແລະ ໄດ້ຍົກໃຫ້ເຫັນຜົນງານດ້ານຕັ້ງໜ້າ ຈຸດອ່ອນຂໍ້ຄົງຄ້າງບາງບົດຮຽນທີ່ຖອດຖອນໄດ້ ແລະ ແຜນວຽກທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດໃນຕໍ່ໜ້າ ເຊິ່ງສາມາດສ້າງໄດ້ຜົນງານຫຼາຍດ້ານ, ສະມາຊິກພັກ-ພະນັກງານ, ສະມາຊິກກໍາມະບານມີແນວຄິດການເມືອງໜັກແໜ້ນ, ເຊື່ອໝັ້ນຕໍ່ແນວທາງນະໂຍບາຍຂອງພັກ-ລັດ, ມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນ ບັນດາຜົນງານດັ່ງກ່າວ ຍ້ອນມີການນໍາພາຢ່າງໃກ້ຊິດ ຂອງອົງຄະນະພັກເມືອງກໍຄືຄະນະພັກແຕ່ລະຂັ້ນ ເຮັດໃຫ້ວຽກງານຂອງຫ້ອງການສະຫະພັນກຳມະບານມີຜົນສໍາເລັດ ແລະ ມີຜົນງານອັນໃຫຍ່ຫຼວງຕະຫຼອດມາ. ໃນພິທີ ກໍ່ໄດ້ເຊັນບົດບັນທຶກມອບ-ຮັບວຽກຮ່ວມກັນ ລະຫ່ວາງ ຜູ້ເກົ່າ ແລະ ຜູ້ໃໝ່ ໂດຍຊ່ອງໜ້າທ່ານ ມືກ່ຽງ ລາວທາງ ຮອງເລຂາພັກເມືອງ, ຜູ້ຊີ້ນຳວຽກງານພັກ-ພະນັກງານ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ ແລະ ທ່ານນາງ ກອງຈັນ ໂສລະທີ ຄະນະບໍລິຫານງານສະຫະພັນກຳມະບານເມືອງ, ປະທານສະຫະພັນກຳມະບານເມືອງ (ຜູ້ໃໝ່) ໄດ້ກ່າວວ່າ: ຈະໃຊ້ທຸກຄວາມຮູ້, ຄວາມສາມາດເຂົ້າໃນການຈັດຕັ້ງປະຕິບັດໜ້າທີ່ໃຫ້ດີທີ່ສຸດ ຕາມທິດຊີ້ນຳຂອງຂັ້ນເທິງໃຫ້ມີຜົນສໍາເລັດ ເພື່ອນໍາພາ-ຊີ້ນໍາວຽກງານຂອງສະຫະພັນກຳມະບານເມືອງ ໃຫ້ມີການພັດທະນາ ແລະ ເຕີບໃຫຍ່ຂະຫຍາຍຕົວຍິ່ງໆຂຶ້ນ.
ໂອກາດນີ້ທ່ານ ມືກ່ຽງ ລາວທາງ ກຳມະການປະຈຳພັກເມືອງ, ຮອງເລຂາ, ຜູ້ຊີ້ນຳວຽກງານພັກ-ພະນັກງານໄດ້ມີຄຳເຫັນໂອ້ລົມຕໍ່ພິທີ ເຊີ່ງທ່ານໄດ້ກ່າວວ່າ: ການຍົກຍ້າຍຊັບປ່ຽນໜ້າທີ່ວຽກງານແມ່ນເປັນວຽກປົກກະຕິ ແລະ ເປັນຄວາມຮຽກຮ້ອງຕ້ອງການຂອງໜ້າທີ່ວຽກງານໄລຍະໃໝ່ຂອງພັກ ແລະ ທ່ານຍັງໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຜົນງານກໍຄືຜົນສໍາເລັດທີ່ທາງປະທານສະຫະພັນກຳມະບານເມືອງຜູ້ເກົ່າ ນໍາພາ ແລະ ສ້າງໄດ້ໃນໄລຍະຜ່ານມາ ພ້ອມທັງ, ເນັ້ນໜັກບາງບັນຫາທີ່ສໍາຄັນໃຫ້ປະທານສະຫະພັນກຳມະບານເມືອງ ຜູ້ໃໝ່ ສືບຕໍ່ຍົກສູງຄວາມຮັບຜິດຊອບຕໍ່ໜ້າທີ່ການເມືອງ ໃນການນໍາພາ-ຊີ້ນໍາຂົງເຂດວຽກງານຂອງຕົນຕາມພາລະບົດບາດຂອງ ດ້ວຍຄວາມຮັບຜິດຊອບສູງ ທັງເອົາໃຈໃສ່ປັບປຸງກໍ່ສ້າງສຳນັກງານກົມກອງໃຫ້ມີຄວາມປອດໃສ ເຂັ້ມແຂງ ໜັກແໜ້ນ, ມີຄຸນນະພາບ ແລະ ມີໃບໜ້າອັນໃໝ່.
(ພາບ-ຂ່າວ: ໄລພອນ ຖວທ ເມືອງຍອດອູ.)

28/01/2025

28/012025
ກອງຮ້ອຍທະຫານຊາຍແດນ 324 ທະຫານແຂວງສະຫວັນນະເຂດ ສະຫຼຸບວຽກງານຮອບດ້ານປະຈຳປີ 2024 ແລະ ວາງທິດທາງແຜນການປະຈຳປີ 2025

*****************************************************

ໃນຕອນເຊົ້າວັນທີ 27 ມັງກອນ 2025 ນີ້ ກອງຮ້ອຍທະຫານຊາຍແດນ 324 ທີ່ຂື້ນກັບທະຫານແຂວງສະຫວັນນະເຂດ ໄດ້ເປີດກອງປະຊຸມສະຫຼຸບວຽກງານຮອບດ້ານປະຈຳປີ 2024 ແລະ ວາງທິດທາງແຜນການປະຈຳປີ 2025 ຂື້ນທີ່ສະໂມສອນກອງຮ້ອຍດັ່ງກ່າວ. ໂດຍການເຂົ້າຮ່ວມເປັນປະທານຂອງສະຫາຍ ພັນໂທ ບຸນໃສ ແກ້ວພິຈິດ ຮອງຫົວໜ້າຫ້ອງເສນາທິການທະຫານແຂວງສະຫວັນນະເຂດ,ມີຫົວໜ້າພະແນກທະຫານຊາຍແດນ,ຄະນະພັກ-ຄະນະບັນຊາກອງຮ້ອຍ,ຕະຫຼອດຮອດພະນັກງານ-ນັກຮົບພາຍໃນກອງຮ້ອຍ 324 ເຂົ້າຮ່ວມ. ໃນກອງປະຊຸມ ສະຫາຍ ຮ້ອຍເອກ ສຸດສະດາ ບຸນນະໄພ ຮອງຫົວໜ້າການທະຫານ ກອງຮ້ອຍ 324 ໄດ້ຜ່ານບົດສະຫຼຸບຕີລາຄາຄືນຜົນການຈັດຕັ້ງປະຕິບັດໜ້າທີ່ວຽກງານຮອບດ້ານໃນໄລຍະ ຜ່ານມາເຊິ່ງສາມາດຍາດໄດ້ຜົນງານຫຼາຍດ້ານ, ຜ່ານມາຄະນະພັກ-ຄະນະບັນຊາໄດ້ພ້ອມກັນສຸມໃສ່ຈັດຕັ້ງປະຕິບັດ 4 ໜ້າທີ່ໃຫ່ຍ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ,ໃນນັ້ນໄດ້ຖືເອົາວຽກງານການເມືອງນຳພາແນວຄິດເປັນວຽກທີ່ສຳຄັນໃນການຈັດຕັ້ງປະຕິບັດໜ້າທີ່ວຽກງານ,ເພື່ອໃຫ້ພະນັກງານ-ນັກຮົບມີແນວຄິດອຸ່ນອ່ຽນທຸ່ນທ່ຽງເຊື້ອໝັ້ນຕໍ່ການນຳພາຂອງພັກ ແລະ ໜ້າທີ່ຂອງກົມກອງໄດ້ເປັນຢ່າງດີ,ພ້ອມກັນນັ້ນກົມກອງຍັງໄດ້ປະຕິບັດຄຳສັ່ງກຽມພ້ອມສູ້ຮົບໃນແຕ່ລະພາວະຂອງກອງບັນຊາການທະຫານຊາຍແດນ,ກໍ່ຄືທິດຊີ້ນຳກອງບັນຊາການທະຫານແຂວງສະຫວັນະເຂດ,ໃນການເຮັດໜ້າທີ່ເຄື່ອນໄຫວປ້ອງກັນວັນສຳຄັນຂອງຊາດຂອງພັກສາມາດຮັບປະກັນໄດ້ຄວາມສະຫງົບປອດໄພ 100% ອັນພົ້ນເດັ່ນກົມກອງສາມາດສະກັດກັ້ນບັນດາປະກົດການຫຍໍ້ທໍ້ຕ່າງໆໄດ້ກັກຢຶດປືນແກັບ 2 ກະບອກ,ຢຶດພາຫະນະລົດໃຫ່ຍໄດ້ 2 ຄັນ,ຢຶດເຮືອລັກລອບຂ້າມຊາຍແດນຜິດກົດໝາຍໄດ້ 1 ຄັ້ງ,ກັກຕົວເປົ້າໝາຍຂົນຢາເສບຕິດ 1 ຄັ້ງ,ຈັບເປົ້າໝາຍໄດ້ 1 ຄົນ,ກັກຢຶດສິນຄ້າເຖື່ອນປະເພດຢາສູບຈຳນວນ 1 ແກັດ,ກັກເຮືອດູດແຮ່ຊາຍໄດ້ 3 ລຳ,ພ້ອມເປົ້າໝາຍ 5 ຄົນ,ຄົນໄທ 4 ຄົນ,ຄົນລາວ 1 ຄົນ,ສ່ວນວຽກງານພະລິດແກ້ໄຂຊິວິດການເປັນຢູ່ ແລະ ຊອກແຫຼ່ງລາຍຮັບເຂົ້າກົມກອງຄະນະພັກ-ຄະນະບັນຊາຍັງໄດ້ຊຸກຍູ້ພະນັກງານ-ນັກຮົບປະຕິບັດວຽກງານ 4 ປູກ 4 ລ້ຽງ,ປັດຈຸບັນກົມກອງປູກໄມ້ວິກໄດ້ແລ້ວຈຳນວນ 1000 ຕົ້ນ,ປູກຜັກສະໜອງເຂົ້າເຮືອຄົວລວມຈຳນວນ 1832 ກິໂລ,ມີງົວ 19 ໂຕ,ລ້ຽງປາຈຳນວນ 36100 ໂຕ, ໃນນັ້ນໄດ້ຂາຍເຂົ້າເຮືອຄົວລວມ ແລະ ຂາຍໃຫ້ພະນັກງານ-ນັກຮົບໃນກົມກອງຈຳນວນ 1495 ກິໂລກະລາມ,ເປັນເງິນ 39 ລ້ານກວ່າກີບ,ລ້ຽງກົບຈຳນວນ 2000 ໂຕ,ຂາຍເປັນເງິນ 3 ລ້ານກວ່າກີບ,ເຊິ່ງໃນທິດທາງແຜນການເຄື່ອນໄຫວໃນປີ 2025 ນີ້ ຄະນະພັກ-ຄະນະບັນຊາກອງຮ້ອຍ 324 ຈະພ້ອມກັນສຸມໃສ່ເຮັດໃຫ້ວຽກງານຕ່າງໆໄດ້ຮັບໝາກຜົນດີຂື້ນກວ່າເກົ່າ.ຈາກນັ້ນໃນກອງປະຊຸມຍັງໄດ້ຈັດພິທີມອບໃບຍ້ອງຍໍຂັ້ນກອງບັນຊາການທະຫານແຂວງໃຫ້ພະນັກງານ-ນັກຮົບຜູ້ທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານທີ່ໄດ້ຮັບມອບໝາຍມີຜົນສຳເລັດເປັນຢ່າງດີ.ຕອນທ້າຍ ກອງປະຊຸມຍັງໄດ້ຮັບຟັງການໂອ້ລົມຂອງສະຫາຍ ພັນໂທ ບຸນໃສ ແກ້ວພິຈິດ ຮອງຫົວໜ້າຫ້ອງເສນາທິການທະຫານແຂວງສະຫວັນະເຂດ ເຊິ່ງສະຫາຍໄດ້ຍ້ອງຍໍຊົມເຊີຍຕໍ່ຜົນງານທີ່ກົມກອງຍາດມາໄດ້ ພ້ອມຮຽກຮ້ອງໃຫ້ພາກັນສືບຕໍ່ປະຕິບັດໜ້າທີ່ວຽກງານຕາມຂອບເຂດກົມກອງຊາຍແດນທີ່ຕົນຮັບພິຊອບໃຫ້ມີຄວາມສະຫງົບປອດໄພ ແລະ ກາຍເປັນເສັ້ນຊາຍແດນແຫ່ງສັນຕິພາບ,ມິດຕະພາບ ແລະ ການພັດທະນາ.

ພາບ-ຂ່າວ ພານິດ ພິລາວົງ

28/01/2025

28/01/2025
ເມືອງນອງປະກາດການຈັດຕັ້ງພະນັກງານນຳພາ-ຄຸ້ມຄອງ

---------------------------------

ໃນຕອນບ່າຍວັນທີ 23 ມັງກອນ 2025 ຢູ່ທີ່ຫ້ອງປະຊຸມຊັ້ນ2 ຂອງຫ້ອງວ່າການເມືອງນອງ ແຂວງສະຫວັນນະເຂດ ໄດ້ຈັດພິທີປະກາດການຈັດຕັ້ງພະນັກງານນຳພາ-ຄຸ້ມຄອງຂຶ້ນ ໂດຍພາຍໃຕ້ການເປັນປະທານຂອງ ທ່ານ ຈິນດາວັນ ບຸດລາສີ ເຈົ້າເມືອງໆນອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຄະນະຫ້ອງການອ້ອມຂ້າງເມືອງເຂົ້າຮ່ວມ.

ພິທີດັ່ງກ່າວ ທ່ານ ແສງສຸລິເຍດ ສອນສິດທິເດດ ຫົວໜ້າຫ້ອງການແຜນການ ແລະ ການລົງທຶນ ໄດ້ຜ່ານບົດສະຫຼຸບການຈັດຕັ້ງປະຕິບັດການຊີ້ນຳ-ນຳພາຕະຫຼອດໄລຍະຜ່ານມາ ເຖິງດ້ານດີ, ດ້ານອ່ອນ, ຂໍ້ຄົງຄ້າງ, ຈາກນັ້ນ ທ່ານ ວຽງໄຊ ແກ້ວຄຳໃບ ຮອງຫົວໜ້າຄະນະຈັດຕັ້ງເມືອງ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງ ວ່າດ້ວຍການແຕ່ງຕັ້ງ ພະນັກງານນຳພາ-ຄຸ້ມຄອງພ້ອມທັງແຕ່ງຕັ້ງບົ່ງໂຕແຕ່ງຕັ້ງ ເລຂາໜ, ຮອງເລຂາ່ວຍພັກຄື: ແຕ່ງຕັ້ງ ທ່ານ ກົງໃຈ ກຽດຕະວົງ ຮອງຫົວໜ້າຫ້ອງການ ແຜນການ ແລະ ການລົງທຶນເມືອງ ເປັນເລຂາໜ່ວຍພັກທັງເປັນຫົວໜ້າ ຫ້ອງການ ແຜນການ ແລະ ການລົງທຶນ,ແຕ່ງຕັ້ງ ທ່ານ ນາງ ບຸນທະວີ ດວງມະນີສອນ ຮອງຫົວໜ້າຫ້ອງການແຜນການ ແລະ ການລົງທຶນ ເປັນ ຮອງເລຂາໜ່ວຍພັກ, ສ່ວນຫົວໜ້າຫ້ອງການແຜນການ ແລະ ການລົງທຶນຜູ້ເກົ່າ ແມ່ນລໍຖ້າອອກຮັບອຸດໜູນ-ບຳນານ, ແຕ່ງຕັ້ງ ທ່ານ ວົງໄຊ ໄຊຍະເດດ ຫົວໜ້າໜ່ວຍງານ ຈັດຕັ້ງ ແລະ ພະນັກງານ ຫ້ອງການສຶກສາທິການ ແລະ ກິລາເມືອງ ຂຶ້ນເປັນຮອງ ຫົວໜ້າຫ້ອງການສຶກສາທິການ ແລະ ກິລາເມືອງນອງ, ແຕ່ງຕັ້ງ ທ່ານ ເພັດສົມພອນ ອິນທະວົງ ຫົວໜ້າທະນາຄານນະໂຍບາຍໜ່ວຍບໍລິການເມືອງນອງ ເປັນເລຂາໜ່ວຍພັກ ທະນາຄານນະໂຍບາຍໜ່ວຍບໍລິການເມືອງນອງ ໂອກາດນີ້ກໍ່ໄດ້ມີການມີການເຊັນບົດບັນທຶກມອບ-ຮັບໜ້າທີ່ຢ່າງເປັນທາງການ

ໃນຕອນທ້າຍຂອງພິທີ ທ່ານ ຈິນດາວັນ ບຸດລາສີ ເລຂາພັກເມືອງ ເຈົ້າເມືອງໆນອງ ກໍ່ໄດ້ມີຄຳເຫັນໂອ້ລົມ, ພ້ອມທັງໄດ້ເນັ້ນໜັກໃຫ້ພະນັກງານພາຍໃນຫ້ອງການ ຕ້ອງເປັນເອກະພາບນຳການຈັດຕັ້ງຂັ້ນເທິງ ຕໍ່ການສັບປ່ຽນຕໍາແໜ່ງໃນຄັ້ງນີ້, ພ້ອມກັນນັ້ນໃຫ້ບັນດາທ່ານທີ່ໄດ້ຮັບການແຕ່ງຕັ້ງໃໝ່ຈົ່ງເອົາໃຈໃສ່ວຽກງານນໍາພາການເມືອງ-ແນວຄິດ ຂອງພະນັກງານ-ສະມາຊິກພັກ ໃຫ້ເຂົ້າໃຈ ແລະ ຮັບຮູ້ຢ່າງທົ່ວເຖິງ, ອັນໃດເປັນຜົນສຳເລັດ ກໍ່ໃຫ້ພ້ອມກັນປົກປັກຮັກສາ ແລະ ເສີມຂະຫຍາຍໃຫ້ດີຂຶ້ນເລື້ອຍໆ, ອັນໃດຍັງເຫັນວ່າເປັນຈຸດອ່ອນຄົງຄ້າງ, ປະຕິບັດບໍ່ທັນໄດ້ດີ ກໍ່ຕ້ອງໄດ້ພ້ອມກັນສືບຕໍ່ປັບປຸງແກ້ໄຂ ເຮັດໃຫ້ມີການຫັນປ່ຽນຢ່າງຕັ້ງໜ້າກວ່າເກົ່າ, ສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອຄວາມສາມັກຄີພາຍໃນພັກ,ພາຍໃນຫ້ອງການ ໃຫ້ມີຄວາມໜັກແໜ້ນ, ມີຄວາມເປັນເອກະພາບສູງ, ບັນດາພະນັກງານກໍ່ຕ້ອງໄດ້ຊ່ວຍເຫຼືອ, ໃຫ້ການຮ່ວມມື ແລະ ໃຫ້ການສະໜັບສະໜູນຫົວໜ້າຫ້ອງການຄົນໃໝ່ ໃນການເຮັດໜ້າທີ່ໃຫ້ມີຜົນສໍາເລັດໃນຕໍ່ໜ້າ.

28/01/2025

28/01/2025
ຫຼາຍພາກສ່ວນປາຖະກະຖາ ວັນສ້າງຕັ້ງສະຫະພັນກຳມະບານລາວ ຄົບຮອບ 69 ປີ ຢ່າງເປັນຂະບວນຟົດຟື້ນ
...................................................

ໃນວ່າງບໍ່ດົນມານີ້, ຫຼາຍພາກສ່ວນໄດ້ມີການຈັດພິທີ ປາຖະກະຖາເລົ່າຄືນມູນເຊື້ອ ວັນສ້າງຕັ້ງສະຫະພັນກຳມະບານລາວ ຄົບຮອບ 69 ປີ ຢ່າງເປັນຂະບວນຟົດຟື້ນ ເປັນຕົ້ນແມ່ນ: ວິທະຍາໄລ ເຕັກນິກ-ວິຊາຊີບ ແຂວງສະຫວັນນະເຂດ, ສະຖາບັນ ຍຸຕິທຳແຫ່ງຊາດ ສາຂາສະຫວັນນະເຂດ, ສາຂາທະນາຄານ ແຫ່ງ ສປປ ລາວ ພາກກາງແຂວງສະຫວັນນະເຂດ ແລະ ລັດວິສາຫະກິດ ໄຟຟ້າລາວ ສາຂາແຂວງສະຫວັນນະເຂດ ໂດຍການເຂົ້າຮ່ວມ ແລະ ໃຫ້ກຽດຂຶ້ນກ່າວປາຖະກະຖາຂອງທ່ານ ນາງ ບົວສອນ ວິໄລວົງ ແລະ ທ່ານ ຄຳພວຍ ວິໄລເດດວົງສາ ຮອງປະທານຄະນະບໍລິຫານງານສະຫະພັນກຳມະບານແຂວງ, ເຊິ່ງມີ ຮອງຫົວໜ້າລັດວິສາຫະກິດ, ຮອງຫົວໜ້າສາຂາທະນາຄານ, ຄະນະອຳນວຍການວິທະຍາໄລ, ຄະນະສະຖາບັນ, ຄະນະກຳມະບານຮາກຖານ ພ້ອມດ້ວຍສະມາຊິກກຳມະບານພາຍໃນຂອງຕົນກໍ່ໄດ້ເຂົ້າຮ່ວມ ຈຳນວນ 157 ທ່ານ, ຍິງ 73 ທ່ານ.

ພິທີດັ່ງກ່າວແມ່ນໄດ້ຮັບຟັງການເລົ່າຄືນມູນເຊື້ອ ຕົ້ນກຳເນີດ ແລະ ການເຕີບໃຫຍ່ຂະຫຍາຍຕົວ ຂອງສະຫະພັນກຳມະບານບລາວ ຕະຫຼອດໄລຍະທີ່ຜ່ານມາ, ເຊິ່ງໃນປີ 1893 ປະເທດລາວຕົກຢູ່ໃຕ້ການປົກຄອງຂອງພວກລ່າເມືອງຂຶ້ນຝຣັ່ງ ພວກເຂົາໄດ້ເຂັນຂ້າປະຊາຊົນຜູ້ອອກແຮງງານລາວບັນດາເຜົ່າຢ່າງໂຫດຮ້າຍທາລຸນ ໂດຍສະເພາະຫຼັງສົງຄາມໂລກຄັ້ງທີ I ພວກເຂົາໄດ້ທຸ້ມເທກຳລັງແຮງໃນການຂຸດຄົ້ນແຮ່ກົ່ວຢູ່ບໍ່ໂພນຕິ້ວ ແລະ ບໍ່ແໜ່ງແຂວງຄຳມ່ວນພາກກາງຂອງລາວ ໂດຍການບັງຄັບເອົາຊາວໄຮ່ນາໄປເປັນກຳມະກອນຮັບຈ້າງ, ເປັນກຸລີຮັບໃຊ້ຕາມລະດູການ, ຕໍ່ມາພວກເຂົາຈຶ່ງໄດ້ສ້າງໂຮງຈັກໄຟຟ້າຢູ່ບາງຕົວເມືອງ ແລະ ຕັ້ງບໍລິສັດຂົນສົ່ງທາງນ້ຳ, ສ້າງໂຮງເລື່ອຍໄມ້, ໂຮງສີເຂົ້າ...; ຈາກນັ້ນຈຶ່ງເກີດມີກຳມະກອນປະຈຳ ຫຼື ກຳມະກອນອາຊີບ ແລະ ເກີດມີຊົນຊັ້ນກຳມະກອນຂຶ້ນໃນປະເທດລາວເຮົານັບແຕ່ນັ້ນເປັນຕົ້ນມາ, ພາຍໃຕ້ການປົກຄອງຂອງພວກລ່າເມືອງຂຶ້ນຝຣັ່ງ ກຳມະກອນລາວແມ່ນຖືກກົດຂີ່ຂູດຮີດແຮງງານຢ່າງໜັກໜ່ວງ, ພວກເຂົາບັງຄັບກຳມະກອນລາວອອກແຮງງານ 14-16 ຊົ່ວໂມງຕໍ່ມື້, ອອກແຮງງານຫຼາຍແຕ່ໃຫ້ຄ່າຕອບແທນໜ້ອຍ, ຖືກຕັດເງິນເດືອນ, ໄລ່ອອກການໂດຍບໍ່ມີເຫດຜົນ, ຖືກທຸບຕີທໍລະມານຢ່າງແສນສາຫັດຈາກພວກນາຍທຶນ, ການອອກແຮງງານບໍ່ມີຄວາມປອດໄພ ຊີວິດການເປັນຢູ່ຂອງກຳມະກອນ, ຜູ້ອອກແຮງງານ ແລະ ປະຊາຊົນລາວບັນດາເຜົ່າພົບກັບຄວາມອຶດຢາກຂາດແຄນ, ບໍ່ໄດ້ຮັບຄວາມເປັນທຳ, ຂາດສິດເສລີພາບທາງດ້ານການເມືອງ ແລະ ກົດໝາຍ, ບໍ່ໄດ້ຮັບການດູແລທາງດ້ານສະຫວັດດີການສັງຄົມ, ປະຊາຊົນລາວບໍ່ໄດ້ຮັບການສຶກສາຮ່ຳຮຽນ ແລະ ອື່ນໆ; ຍ້ອນທົນຕໍ່ການກົດຂີ່ຂູດຮີດຂອງພວກລ່າເມືອງຂຶ້ນບໍ່ໄດ້ ບັນພະບູລຸດລາວກໍ່ຄືກຳມະກອນ, ຜູ້ອອກແຮງງານບັນດາເຜົ່າ ຈຶ່ງໄດ້ພາກັນລຸກຂຶ້ນຕໍ່ສູ້ຢ່າງອົງອາດກ້າຫານຫຼາຍໆຄັ້ງເປັນຕົ້ນແມ່ນ: ການຕໍ່ສູ້ຂອງກຳມະກອນຢູ່ບໍ່ກົ່ວໂພນຕິ້ວ, ກຳມະກອນໂຮງໄຟຟ້າວຽງຈັນ, ກຳມະກອນແລ່ນເຮືອຈັກຢູ່ຈຳປາສັກ, ຫຼວງພະບາງ, ກຳມະກອນທາງເລກ 9 ແລະ ພາກສ່ວນອື່ນໆ; ໂດຍພາຍໃຕ້ການຊີ້ນຳ -ນຳພາຂອງພັກປະຊາຊົນລາວ ມາຮອດວັນທີ 1 ກຸມພາ 1956 ສູນກາງພັກໄດ້ມີມະຕິຕົກລົງສ້າງຕັ້ງຫ້ອງການກຳມະບານຂຶ້ນຢ່າງເປັນທາງການ ຢູ່ເຂດທີ່ໝັ້ນແຂວງຫົວພັນ ແລະ ໄດ້ມອບໝາຍໃຫ້ ສະຫາຍ ສີສົມພອນ ລໍວັນໄຊ ເປັນຜູ້ຮັບຜິດຊອບ ເພື່ອສຶບຕໍ່ໂຄສະນາຂົນຂວາຍໃຫ້ກຳມະກອນຊາວຜູ້ອອກແຮງງານບັນດາເຜົ່າມີນ້ຳໃຈຮັກຊາດ, ມີຄວາມຕື່ນຕົວທາງດ້ານຊົນຊັ້ນກຳມະກອນຢ່າງແທ້ຈິງ ແລະ ເປັນຕົວແທນໃຫ້ແກ່ການປົກປ້ອງສິດ ແລະ ຜົນປະໂຫຍດອັນຊອບທຳຂອງກຳມະກອນ, ຊາວຜູ້ອອກແຮງງານບັນດາເຜົ່າ, ເປັນເຈົ້າການໃນການຕໍ່ສູ້ກູ້ຊາດ, ມາໃນປີ 1966 – 1975 ສູນກາງພັກໄດ້ຕົກລົງປັບປຸງການຈັດຕັ້ງກຳມະບານລາວຕື່ມອີກ ແລະ ມອບໝາຍໃຫ້ ສະຫາຍ ໜູຮັກ ພູມສະຫວັນ ເປັນຜູ້ຮັບຜິດຊອບ ໂດຍພາຍໃຕ້ການຊີ້ນຳຂອງສູນກາງພັກ ເພື່ອສຶບຕໍ່ໃນພາລະກິດປະຕິວັດ ແລະ ປົດປ່ອຍປະເທດຊາດຢ່າງສົມບູນ, ອົງການກຳມະບານໄດ້ຮັບການສ້າງຕັ້ງຂຶ້ນຢູ່ຕາມຫົວໜ່ວຍການຜະລິດ, ຕາມສຳນັກງານອົງການຂອງລັດ, ໂຮງຮຽນ, ໂຮງໝໍ, ໜ້າທີ່ຕົ້ນຕໍແມ່ນຖືເອົາການໂຄສະນາສຶກສາອົບຮົມການປະຕິບັດແນວທາງນະໂຍບາຍຂອງພັກແຕ່ລະໄລຍະ ເຮັດທຸກຢ່າງເພື່ອຮັບໃຊ້ແນວໜ້າ, ເຂົ້າຮ່ວມການກໍ່ສ້າງກຳລັງໃນກົມກອງທ້ອງຖິ່ນຕ່າງໆ ໂດຍຢຶດໝັ້ນແນວທາງນະໂຍບາຍຂອງພັກຕາມຄຳຂວັນ ( ສັນຕິພາບ, ເອກະລາດ, ປະຊາທິປະໄຕ, ເອກະພາບ) ແລະ ຍາດເອົາໄຊຊະນະມາໄດ້ຢ່າງສົມບູນໃນທົ່ວປະເທດ ປີ 1975.

ພາບ/ຂ່າວ: ວັນນະເລດ ມະນີວົງ

ຜູ້ສື່ຂ່າວ: ສະຫະພັນກຳມະບານແຂວງສະຫວັນນະເຂດ

28/01/2025

28/01/2025
ທ່າປາງທອງປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ

--------------------------------

ໃນວັນທີ 21 ມັງກອນ 2025 ນີ້, ຢູ່ທີ່ສະໂມສອນຂອງເມືອງທ່າປາງທອງ ແຂວງສະຫວັນນະເຂດ ໄດ້ຈັດປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ(20 ມັງກອນ 1949-20 ມັງກອນ 2025) ຂຶ້ນ. ໂດຍການເປັນປະທານ ແລະ ປາຖະກະຖາຂອງ ສະຫາຍ ອິນຕອງ ລືຄຳຫານ ວ່າການເລຂາພັກເມືອງ, ວ່າການເຈົ້າເມືອງ, ມີບັນດາສະຫາຍໃນຄະນະບໍລິຫານງານພັກເມືອງ, ຄະນະພັກ-ຄະນະບັນຊາກອງກອງບັນຊາການທະຫານເມືອງ ຫົວໜ້າ-ຮອງຫົວໜ້າຫ້ອງການ, ສະມາຊິກພັກ, ພະນັກງານ,ນາຍ ແລະ ພົນທະຫານ,ນາຍ ແລະ ພົນຕໍາຫຼວດ, ເຂົ້າຮ່ວມຢ່າງພ້ອມພຽງ.

ສະຫາຍ ອິນຕອງ ລືຄຳຫານ ວ່າການເລຂາພັກເມືອງ, ວ່າການເຈົ້າເມືອງ ໄດ້ນຳພາຫວນຄືນປະຫວັດມູນ ເຊື້ອແຫ່ງການກໍາເນີດເຕີບໃຫຍ່ ຂະຫຍາຍຕົວລວມທັງຜົນງານ ແລະ ໄຊຊະນະທີ່ກອງທັບປະຊາຊົນລາວຍາດມາໄດ້ຕະຫຼອດໄລຍະ 76 ປີຜ່ານມາ, ກອງທັບປະຊາຊົນລາວໄດ້ກຳເນີດຂຶ້ນ ໃນທ່າມກາງປະເທດຊາດຖືກພວກລ່າເມືອງຂຶ້ນຝຣັ່ງເຂົ້າມາຮຸກຮານ ແລະ ຄອບຄອງ ໂດຍພາຍໃຕ້ການນຳພາຂອງພັກ, ປະຊາຊົນລາວບັນດາເຜົ່າໄດ້ລຸກຮືຂຶ້ນ ຕໍ່ສູ້ຕ້ານການຮຸກຮານຢ່າງເປັນຂະບວນຟົດຟື້ນໃນທົ່ວປະເທດ, ໃນວັນທີ 20 ມັງກອນ 1949 ກອງທັບລາວອິດສະຫຼະໄດ້ຮັບ ການປະກາດສ້າງຕັ້ງຂຶ້ນ (ເຊິ່ງ ເປັນຕົ້ນກຳເນີດຂອງກອງທັບປະຊາຊົນລາວເຮົາໃນປັດຈຸບັນ) ຢູ່ເຂດລາວຮຸ່ງພຽງສາ ເມືອງ ຊຽງຄໍ້ ແຂວງຫົວພັນ ໂດຍແມ່ນ ປະທານ ໄກສອນ ພົມວິຫານ ເປັນຜູ້ປະກາດສ້າງຕັ້ງ ແລະ ຊີ້ນຳບັນຊາໂດຍກົງ ນັບແຕ່ກອງທັບໄດ້ ຮັບການສ້າງຕັ້ງຂຶ້ນ ກໍ່ໄດ້ຮັບພາລະອັນໜັກໜ່ວງຕໍ່ສູ້ຕ້ານກັບຈັກກະພັດຜູ້ຮຸກຮານທັງແບບເກົ່າ ແລະ ໃໝ່ທີ່ມີອາວຸດ, ພາຫະນະສົງຄາມ ແລະ ກຳລັງພົນທີ່ເໜືອກວ່າ, ແຕ່ເພື່ອປົກປັກຮັກສາປະເທດຊາດ ດ້ວຍນ້ຳໃຈຮັກຊາດ ອັນເດັດດ່ຽວໜຽວແໜ້ນ, ຕໍ່ສູ້ບໍ່ຍອມຈໍານົນກອງທັບໄດ້ຮ່ວມ ກັບປະຊາຊົນລາວບັນດາເຜົ່າສືບ ຕໍ່ດຳເນີນການຕໍ່ສູ້ຢ່າງອົງອາດກ້າຫານ ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງເຕີບໃຫຍ່ເຂັ້ມແຂງ ຈົນສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສ້າງຕັ້ງລະບອບໃໝ່ສາທາລະນະລັດປະ ຊາທິປະໄຕ ປະຊາຊົນລາວຂຶ້ນ ໃນວັນທີ 2 ທັນວາ 1975. ພາຍ ຫຼັງປະເທດຊາດໄດ້ຮັບການປົດປ່ອຍແລ້ວ ກອງທັບ ກໍໄດ້ປະຕິບັດສອງໜ້າທີ່ຍຸດທະສາດໄປ ພ້ອມໆກັນຄື: ປົກປັກຮັກສາ ແລະ ສ້າງສາພັດທະນາປະເທດຊາດ, ສືບຕໍ່ເສີມຂະຫຍາຍທາດແທ້ມູນເຊື້ອຂອງກອງທັບ, ປັບປຸງກໍ່ສ້າງກໍາລັງ, ອົບຮົບ-ຫັດແອບ, ປັບປຸງ ລະບຽບແບບແຜນວິທີເຮັດໃຫ້ ກອງທັບນັບມື້ເຕີບໃຫຍ່ເຂັ້ມແຂງ ແລະ ທັນສະໄໝຂຶ້ນເທື່ອລະກ້າວ. ທັງນີ້ກໍເພື່ອເຮັດໃຫ້ນາຍ ແລະ ພົນທະຫານຮຸ່ນສືບທອດ ໄດ້ຮັບ ຮູ້, ເຂົ້າໃຈ, ກໍາໄດ້ປະຫວັດສາດ ແຫ່ງການກໍາເນີດ, ສູ້ຮົບມີໄຊ ແລະ ການເຕີບໃຫຍ່ຂະຫຍາຍ ຕົວຂອງກອງທັບປະຊາຊົນລາວ ຕະຫຼອດໄລຍະ 76 ປີຜ່ານມາ.

ໃນພິທີການນຳຂອງເມືອງ ກໍ່ໄດ້ມອບກະຕ່າຂອງຂວັນ ແລະ ເຄື່ອນຕອ້ນຂອງຝາກຈາກອົງການຈັດຕັ້ງມະຫານຊົນຂອງເມືອງ ເນື່ອງໃນວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີໃຫ້ນະພັກ-ຄະນະບັນຊາກອງກອງບັນຊາການທະຫານເມືອງອີກດ້ວຍ.

28/01/2025

28/01/2025
ກຳມະບານຮາກຖານສະພາປະຊາຊົນແຂວງ ປາຖະກະຖາວັນສ້າງຕັ້ງສະຫະພັນກຳມະບານລາວ ຄົບຮອບ 69 ປີ

-----------------------------

ເພື່ອເປັນການລະນຶກເຖິງມູນເຊື້ອແຫ່ງການສ້າງຕັ້ງສະຫະພັນກຳມະບານລາວ ຄົບຮອບ 69 ປີ ຄືວັນທີ 1 ກຸມພາ 1956-1 ກຸມພາ 2025 ໃຫ້ເຕັມໄປດ້ວຍເນື້ອໃນແລະຜົນງາານອັນໃຫຍ່ຫລວງ .ດັ່ງນັ້ນມາໃນຕອນເຊົ້າວັນທີ 27 ມັງກອນ 2025 ນີ້ ກຳມະບານຮາກຖານສະພາປະຊາຊົນແຂວງສະຫວັນນະເຂດ ໄດ້ຈັດພິທີປາຖະກະຖາວັນສ້າງຕັ້ງສະຫະພັນກຳມະບານລາວ ໂດຍການເຂົ້າຮ່ວມ ແລະ ເປັນກຽດກ່າວປາຖະກະຖາຂອງທ່ານ ຄຳພວຍ ວິໄລເດດວົງສາ ຮອງປະທານສະຫະພັນກຳມະບານແຂວງ ໂດຍມີບັນດາທ່ານຄະນະປະຈຳສະາປະຊາຊົນແຂວງ, ປະທານ-ຮອງປະທານຄະນະກຳມະການ, ຄະນະເລຂາທິການ, ຄະນະກຳມະບານຮາກຖານ, ຕະຫຼອດຮອດສະມາຊິກກຳມະບານພາຍໃນຮາກຖານສະພາປະຊາຊົນແຂວງເຂົ້າຮ່ວມຮັບຟັງ.

ໃນພິທີປາຖະກະຖາຄັ້ງແມ່ນ ໄດ້ຍົກໃຫ້ເຫັນທາດແທ້ມູນເຊື້ອ ແຫ່ງການກຳເນີດ ແລະ ເຕີບໃຫຍ່ຂອງອົງການຈັດຕັ້ງສະຫະພັນກຳມະບານລາວ ພ້ອມນີ້, ທ່ານຄຳພວຍ ວິໄລເດດວົງສາ ກໍ່ໄດ້ຍົກໃຫ້ເຫັນເຖິງຜົນງານ ການເຄື່ອນໄຫວຈັດຕັ້ງປະຕິບັດວຽກງານຮອບດ້ານ ທີ່ທາງສະຫະພັນກຳມະບານແຂວງສະຫວັນນະເຂດ ຍາດມາໄດ້ໃນໄລຍະ01 ປີຜ່ານມາ ເຊິ່ງເຫັນໄດ້ວ່າມີຫລາຍຜົນງານທີ່ພົ້ນເດັ່ນ ເຊິ່ງເປັນຜົນງານອັນໃຫຍ່ຫລວງທີ່ຈະໄດ້ຂຳ່ນັບຮັບຕ້ອນກອງປະຊຸມໃຫຍ່ 03ຂັ້ນຂອງພັກ,ອົງຄະນະພັກແຂວງ ກໍ່ຄືຂອງສະຫະພັນກຳມະບານແຂວງທີ່ຈະໄດ້ມາເຖິງໃນມໍ່ໆນີ້ ແລະ ໃນໂອກາດສຸດຕອນທ້າຍ ທ່ານ ຈັນສະໝອນ ສອນພົງພັນ ປະທານກຳມະບານຮາກຖານສະພາປະຊາຊົນແຂວງ ກໍໄດ້ມອບກະຕ່າຂອງຂວັນ ໃຫ້ທ່ານ ທ່ານຄຳພວຍ ວິໄລເດດວົງສາ ອີກດ້ວຍ.

27/01/2025

ທາບທາມບຸກຄະລາກອນ ຜູ້ທີ່ຈະອອກສະໝັກເລືອກຕັ້ງ ຄະນະບໍລິຫານງານພັກເມືອງໃໝ່ ສະໄໝທີXV ຮອບ 2
ເມືອງໃໝ່ ແຂວງຜົ້ງສາລີ
ພາບຂ່າວໂດຍ ວັນວີໄລ ຫ້ອງການ ຖວທ

27/01/2025

ພະນັກງານຂະແໜງການເງິນ 8 ແຂວງພາກເໜືອ
ອົບຮົມທັກສະການເປັນຜູ້ນໍາຄອງໃຈຄົນຍຸກໃໝ່ຊຸດທີ II
------------------------------
ພິທີ ເປີດຊຸດອົບຮົມ ຜູ້ນຳຍຸກໃໝ່ນໍາພາຄອງໃຈ ແລະທັກສະການເວົ້າໃນກອງປະຊຸມ ໃນຍຸກໃໝ່( ຍຸກ 4.0 ) ຊຸດທີ IIໄດ້ຈັດຂຶ້ນ ວັນທີ 27 ມັງກອນ 2025 ທີ່ວິທະຍາໄລການເງິນພາກເໜືອ ແຂວງຫຼວງພະບາງ, ໂດຍເຂົ້າຮ່ວມເປີດຊຸດອົບຮົມມີທ່ານ ຄິນຄໍາ ເລັ່ງສະຫວັດ ຫົວໜ້າພະແນກການເງິນ ແຂວງຫຼວງພະບາງ, ທ່ານ ປະລິນຍາເອກ ນາງ ວົງພະຈັນ ວົງປະດິດ ອໍານວຍການ ວິທະຍາໄລການເງິນພາກເໜືອ ພ້ອມດ້ວຍຄະນະ,ມີຕາງໜ້າຈາກກະຊວງການເງິນ, ພະແນກການເງິນແຂວງ, ຄັງເງິນປະຈໍາແຂວງ, ພາສີປະຈໍາແຂວງ, ສ່ວຍສາອາກອນປະຈໍາແຂວງ,ວິທະຍາກອນ ຈາກຂັ້ນສູນກາງ ແລະສໍາມະນາກອນ ທີ່ມາຈາກແຂວງຫຼວງພະບາງ,ອຸດົມໄຊ,ໄຊຍະບູລີ,ບໍ່ແກ້ວ,ຫົວພັນ,ຫຼວງນໍ້າທາ,ຜົ້ງສາລີ ແລະແຂວງຊຽງຂວາງເຂົ້າຮ່ວມ.
ຊຸດອົບຮົມຄັ້ງນີ້ ຜູ້ເຂົ້າຮ່ວມຈະສາມາດເຂົ້າໃຈເຖິງຄວາມໝາຍຂອງຜູ້ນໍາ, ວິທີການສ້າງແຮງຈູງໃຈໃຫ້ພະນັກ ງານຮັກອົງກອນ, ວິທີນໍາໃຊ້ຈຸດແຂງພະນັກງານ ແລະວິທີການສ້າງຜູ້ສືບທອດທີ່ມີປະສິດທິພາບ, ການເອົາຊະນະຄວາມຢ້ານໃນການເວົ້າ, ການນໍາເໜີບົດໃນກອງປະຊຸມໄດ້ຢ່າງໝັ້ນໃຈ, ການເວົ້າໃຫ້ເຂົ້າໃຈງ່າຍ ແລະ ໜ້າສົນໃຈ, ການນຳພາກອງປະຊຸມໃຫ້ພະນັກງານກ້າເວົ້າ ແລະ ວິທີປະກອບຄຳເຫັນໃນກອງປະຊຸມຢ່າງໝັ້ນໃຈ.
ທ່ານ ຄິນຄໍາ ເລັ່ງສະຫວັດ ກ່າວເປີດຊຸດອົບຮົມຄັ້ງນີ້ວ່າ: ກະຊວງການເງິນ ໄດ້ເອົາໃຈໃສ່ 4 ຂອດຕົ້ນຕໍ ຄື: 1) ຂອດການຄຸ້ມຄອງພະນັກງານ ຖືເອົາການສ້າງແຜນກໍານົດພະນັກງານ ເປັນຂໍກຸນແຈສຳຄັນ; 2) ຂອດການກໍ່ສ້າງ-ບໍາລຸງພະນັກງານ - ໄດ້ຕັດສິນໃຈ ແລະມີຄວາມເອກະພາບສູງໃນການລົງທຶນ ກໍ່ສ້າງ ແລະ ບໍາລຸງພະນັກງານຂະແໜງການເງິນ ຢ່າງເປັນລະບົບ, ປົກກະຕິ ແລະ ຕໍ່ເນື່ອງມາ ເປັນຕົ້ນມາ ທາງດ້ານທິດສະດີ, ວິຊາສະເພາະ, ການບໍລິຫານຄຸ້ມຄອງລັດ; 3) ຂອດການຈັດວາງ ແລະ ສັບຊ້ອນພະນັກງານ ໄດ້ເຮັດການປະເມີນການປະຕິບັດໜ້າທີ່ຂອງພະນັກງານ ບວກກັບຜົນສໍາເລັດທີ່ມີຕົວຊີ້ວັດຊັດເຈນເພື່ອເປັນບ່ອນອີງ ໃຫ້ຄະນະພັກ ໃນການພິຈາລະນາ ຈັດວາງ ແລະ ສັບຊ້ອນພະນັກງານ, 4) ຂອດການຕິດຕາມ-ກວດກາ, ປະເມີນການປະຕິບັດໜ້າທີ່ ແລະ ການປະຕິບັດນະໂຍບາຍຕໍ່ພະນັກງານໃຫ້ມີຄວາມສະເໝີພາບ, ຍຸຕິທໍາ ແລະ ຖືກຕ້ອງຕາມກົດໝາຍ. ເພື່ອໃຫ້ບັນລຸ 4 ຂອດດັ່ງກ່າວ ກະຊວງການເງິນ ຈຶ່ງໄດ້ສືບຕໍ່ສຸມໃສ່ ປະຕິບັດຍຸດທະສາດພັດທະນາການຈັດຕັ້ງ ແລະບຸກຄະລາກອນ ດ້ວຍການຜັນຂະຫຍາຍມາເປັນແຜນການ, ແຜນງານ ແລະກິດຈະກໍາລະອຽດ ໂດຍສະເພາະວຽກງານຝຶກອົບຮົມຍົກລະດັບຂີດຄວາມສາມາດໃຫ້ພະນັກງານ ທາງດ້ານທິດສະດີ, ວິຊາສະເພາະ, ການບໍລິຫານຄຸ້ມຄອງລັດ ແລະຝຶກອົບຮົມການນຳຂັ້ນພະແນກ. ໃນນີ້ການຝຶກອົບຮົມຍົກລະດັບຂີດຄວາມສາມາດໃຫ້ພະນັກງານຂອງ 3 ຂະແໜງສາຍຕັ້ງ (ພາສີ, ສ່ວຍສາອາກອນ, ຄັງເງິນແຫ່ງຊາດ) ໃນຂອບເຂດທົ່ວປະເທດ ທີ່ໄດ້ມີຫຼັກສູດຢ່າງເປັນຮູບປະທໍາ ແລະດໍາເນີນການຝຶກອົບຮົມ ຢ່າງເປັນລະບົບ, ປົກກະຕິ ແລະ ຕໍ່ເນື່ອງ. ສໍາຫຼັບຈຸດປະສົງຫຼັກການອົບຮົມຄັ້ງນີ້ ເພື່ອແນໃສ່ເສີມສ້າງໃຫ້ ພະນັກງານປະເພດ 5,6 ມີຄວາມຮູ້ໃນການຄູ້ມຄອງ, ນໍາພາ,ເສີມສ້າງ ດ້ານຄວາມສາມາດຄູ້ມຄອງ, ການນໍາພາສໍາລັບຕໍາແໜ່ງຄວາມຕ້ອງການ ຂອງວຽກງານການນໍາຂັ້ນພະແນກ, ຫ້ອງການ ແລະ ທຽບເທົ່າຂອງທ້ອງຖີ່ນ; ເສີມສ້າງຄວາມຮູ້, ທັກສະທີ່ຈໍາເປັນ, ຄວາມຮູ້ດ້ານຈັນຍາບັນຈັນຍາທໍາຂອງພະນັກງານ; ປະກອບສ່ວນສ້າງລະດັບການເຮັດວຽກທີ່ເໝາະສົມຂອງການນໍາ. ການຝຶກອົບຮົມ ຄັ້ງນີ້ ໃຊ້ເວລາພຽງແຕ່ 05 ວັນລັດຖະການ.
ຂ່າວ: ເພັດສາຄອນ ສິມມະວົງ

27/01/2025

ຂ່າວ ປຶກສາຫາລືກ່ຽວກັບການສ້າງຕັ້ງ ຕາແສງ ຂອງເມືອງໃໝ່, ແຂວງຜົ້ງສາລີ
___________9999999_______________
ໃນຕອນບ່າຍຂອງວັນທີ 27 ມັງກອນ 2025 ນີ້ ເມືອງໃໝ່ໄດ້ຈັດກອງປະຊຸມການສ້າງຕັ້ງຕາແສງພາຍໃນເມືອງໃໝ່ ຂື້ນຢູ່ທີ່ສະໂມສອນເມືອງເມືອງໃໝ່, ແຂວງຜົ້ງສາລີ ໂດຍພາຍໃຕ້ການເປັນປະທານຂອງ ທ່ານ ພອນທະວີ ໄຊມົນຕີ ກຳມະການພັກແຂວງ ເລຂາພັກເມືອງ ເຈົ້າເມືອງໆໃໝ່ ມີບັນດາທ່ານ ຄະນະປະພັກເມືອງ, ກຳມະການພັກເມືອງ, ຫົວໜ້າຫ້ອງການ, ເລຂາພັກກຸ່ມ ແລະ ອາດີບການນຳ ພະນັກງານບຳນານ ເຂົ້າຮ່ວມ. ໃນກອງປະຊຸມດັ່ງກ່າວ ທ່ານ ພອນທະວີ ໄຊມົນຕີ ໄດ້ຂື້ນກ່າວຈຸດປະສົງ ແລະ ກ່າວເປີດກອງປະຊຸມຢ່າງເປັນທາງການ ພ້ອມທັງຊີ້ກອງປະຊຸມດັ່ງກ່າວ ຈາກນັ້ນ ທ່ານ ຄຳໄມ ວົງວິຈິດ ກຳມະການພັກເມືອງ ຫົວໜ້າຫ້ອງການພາຍໃນເມືອງ ຂື້ນນຳສະເໜີ ແບບຟອມເກັບກຳຂໍ້ມູນກະກຽມຄວາມພ້ອມໃນການສ້າງຕັ້ງຕາແສງຂອງເມືອງ ທ່ານໄດ້ໃຫ້ຮູ້ວ່າ: ໂດຍປະຕິບັດຕາມແຈ້ງການຂອງທ່ານລັດທະມົນຕີກະຊວງພາຍໃນ ສະບັບເລກທີ 08/ພນ, ລົງວັນທີ 21 ມັງກອນ 2025 ທິດທາງໃນການຄົ້ນຄົ້ວກະກຽມການສ້າງຕາແສງ ອິງຕາມການເກັບກໍາຂໍ້ມູນພາຍໃນເມືອງໃໝ່ ແມ່ນໄດ້ກຳນົດສ້າງຕັ້ງຕາແສງ ເຊິ່ງໄດ້ຄຳນຶງເຖິ່ງຄວາມຈຳເປັນ, ລັກສະນະຈຸດພິເສດ, ພູມສັນຖານ, ຄວາມສະດວນໃນການເດີນທາງ, ການເຂົ້າເຖິງບໍລິການ ຂອງລັດ ແລະ ອື່ນໆ; ພ້ອມນັ້ນບັນດາຜູ້ແທນກອງປະຊຸມ ໄດ້ພ້ອມກັນປະກອບຄໍາຄິດຄໍາເຫັນໃສ່ຮ່າງແບບຟອມເກັບກຳຂໍ້ມູນກະກຽມຄວາມພ້ອມໃນການສ້າງຕັ້ງຕາແສງດ້ວຍຄວາມເປັນເອກະພາບ ໂດຍສະເພາະແມ່ນການ ຕັ້ງຊື່ຕາແສງ ແລະ ສະຖານທີ່ຕັ້ງສໍານັກງານ ແລະ ໄດ້ເຫັນດີເປັນເອກະພາບ ກຳນົດສ້າງຕັ້ງ 5 ຕາແສງ ໃນທົ່ວເມືອງ ເຊິ່ງມີ ຕາແສງສົບຮຸນ ມີ 14 ບ້ານຂື້ນກັບ, ຕາແສງແສນເງິນ ມີ 12, ຕາແສງປາກແພ ມີ 16 ບ້ານຂື້ນກັບ,ຕາແສງໂພນໄຊ ມີ 12 ບ້ານຂື້ນກັບ ແລະ ຕາແສງຫົວເມິກ ມີ 13 ບ້ານຂື້ນກັບ ລວມທັງໝົດມີ 78 ບ້ານ ທີຂື້ນກັບຕາແສງ.
(ພາບ ຂ່າວ ວັນວິໄລ ຖວທ)

27/01/2025

ລັດຖະມົນຕີກະຊວງປ້ອງກັນປະເທດ ເຈົ້າແຂວງຈໍາປາສັກ ແລະ ເຈົ້າເມືອງມຸນລະປາໂມກ ເຄື່ອນໄຫວຢ້ຽມຢາມອວຍພອນ ນາຍແລະພົນທະຫານທີ່ເຮັດໜ້າທີ່ຢູ່ກົມກອງຮາກຖານ
-------------------------------------------
ວັນທີ 25 ມັງກອນ 2025 ນີ້,ສະຫາຍ ພົນໂທ ຄໍາລຽງ ອຸທະໄກສອນ ກຳມະການສູນກາງພັກ ລັດຖະ ມົນ ຕີກະຊວງປ້ອງກັນປະເທດ,ສະຫາຍ ປອ ອາລຸນໄຊ ສູນນະລາດ ກຳມະການສູນກາງພັກ ເລາຂາພັກແຂວງ ເຈົ້າແຂວງຈຳປາສັກ,ສະຫາຍ ພົນຈັດຕະວາ ວິລະຕູ່ ວໍລະຈິດ ເລຂາຄະນະພັກ ຫົວໜ້າການເມືອງ ກອງບັນຊາ ການທະຫານແຂວງຈໍາປາສັກ, ທ່ານ ວັນນະສັກ ຊາດຕະກູນ ກຳມະການພັກແຂວງ ເລຂາພັກເມືອງ ເຈົ້າເມືອງມຸນລະປາໂມກ,ມີຫ້ອງວ່າການແຂວງ,ຄະນະພັກ - ຄະນະບັນຊາຈາກກອງບັນຊາການທະຫານແຂວງ,ກອງພົນທີ 5, ກອງບັນຊາການປ້ອງກັນຄວາມສະຫງົບແຂວງ,ຄະນະນຳເມືອງມຸນລະປາໂມກ,ພະແນກການອ້ອມຂ້າງແຂວງ,ບໍລິສັດ-ຫ້າງຮ້ານ,ຜູ້ປະກອບການ, ສາມະຄົມນັກທຸລະກິດ,ລັດວິສະຫະກິດ,ສະຖາບັນການສືກສາ,ໂຮງແຮມທັງພາກລັດ-ເອກະຊົນ ອ້ອມຂ້າງແຂວງ ໄດ້ເຄື່ອນໄຫວຢ້ຽມຢາມອວຍພອນ ນາຍ ແລະ ພົນທະຫານ ທີ່ເຮັດໜ້າທີ່ຢູ່ກົມກອງ,ຮາກຖານ ເຂດເມືອງມຸນລະປາໂມກ ແຂວງຈຳປາສັກ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ.
ການເຄື່ອນໄຫວຢ້ຽມຢາມອວຍພອນ ບັນດາກົມກອງຮາກຖານໃນຄັ້ງນີ້: ສະຫາຍ ລັດຖະມົນຕີກະຊວງປ້ອງກັນປະເທດ ພ້ອມຄະນະ ໄດ້ຢ້ຽມຢາມ,ອວຍພອນ ກອງບັນຊາການທະຫານເມືອງມຸນລະປາໂມກ, ກອງພັນ 20, ກອງພັນ 24, ກອງພັນ 28, ກອງຮ້ອຍທະຫານຊາຍແດນ 520, 525, 528, 529, ເຊິ່ງໄດ້ຮັບການຕ້ອນຮັບ ຈາກຄະນະພັກ - ຄະນະບັນຊາ, ພ້ອມພະນັກງານ - ນັກຮົບ ໃນແຕ່ລະກົມກອງ, ໂອກາດດັ່ງກ່າວ ຢູ່ແຕ່ລະກົມກອງ ສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ ລັດຖະມົນຕີກະຊວງປ້ອງກັນປະເທດ ກໍ່ໄດ້ໃຫ້ການໂອ້ລົມ ຢ້ຽມຢາມຖາມຂ່າວ ເຖີງຊີວິດການເປັນຢູ່ຂອງອ້າຍ - ນ້ອງ ແລະ ການເຄື່ອນ ໄຫວຂອງແຕ່ລະກົມກອງດ້ວຍຄວາມເປັນຫວ່ງເປັນໃຍ ແລະ ຮັກແພງອັນອົບອຸ່ນ ພ້ອມທັງໄດ້ຕາງໜ້າໃຫ້ຄະນະ ກ່າວຄຳອວຍພອນໄຊອັນປະເສີດແດ່ນາຍ ແລະ ພົນທະຫານທຸກກົມກອງ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ ຈົ່ງມີສຸຂະພາບເຂັ້ມແຂງ,ແຂງແຮງ ສືບຕໍ່ເຮັດສຳເລັດທຸກພາລະໜ້າທີ່ອັນມີກຽດສະຫງ່າ ທີ່ພັກ-ລັດ ແລະ ປະຊາຊົນລາວມອບໝາຍໃຫ້ ແລະ ໄດ້ກ່າວມອບເຄື່ອງອຸປະໂພກ - ບໍລິໂພກ ພ້ອມດ້ວຍເງີນສົດຈຳນວນໜື່ງ. ເພື່ອເປັນຂັວນກໍາລັງໃຈໃຫ້ແຕ່ລະກົມກອງ, ສໍາລັບວັດຖຸປັດໃຈທີ່ນຳມາມອບໃນຄັ້ງນີ້ແມ່ນໄດ້ມາຈາກການປະກອບສ່ວນຂອງບັນດາພະແນກການ, ຫ້ອງການ, ບໍລິສັດ - ຫ້າງຮ້ານຜູ້ປະກອບການ,ສະມາຄົມນັກທຸລະກິດ, ສະຖາບັນການສືກສາ, ໂຮງແຮມ, ທັງພາກລັດ - ເອກະຊົນ ອ້ອມຂ້າງແຂວງ ແລະ 9 ຕົວເມືອງ 1 ນະຄອນ.

————————-
.

ຂ່າວ-ພາບ: ໜູລີ່ ຊາພັກດີ

27/01/2025

27/1/2025.
ຄອບຄົວຕົວແບບຜະລິດສິນຄ້າ ( ODOP ) ມອບເງີນຈຳນວນ 3 ລ້ານກີບໃຫ້ແກ່ເມືອງບາຈຽງຈະເລີນສຸກ
------***------
ບ່າຍວັນທີ 26 ມັງກອນ 2025 ທ່ານ ຄຳພູວັນ ສີຈັນທອນ ຄອບຄົວຕົວແບບຜະລິດສິນຄ້າໂອດັອບ(ODOP ) ມອບເງິນຈຳນວນ 3 ລ້ານກີບໃຫ້ແກ່ເມືອງບາຈຽງຈະເລີນສຸກ ແຂວງຈຳປາສັກ ເພື່ອເປັນການປະກອບສ່ວນກອງປະຊຸມໃຫຍ່ຄັ້ງທີ IX ຂອງຄະນະບໍລິຫານງານພັກເມືອງ ໃຫ້ກຽດຮັບໂດຍທ່ານ ບຸນທົງ ລັດຕະວົງ ກຳມະ
ການພັກເມືອງ ຫົວໜ້າຫ້ອງການອຸດສະຫະກຳ-ການຄ້າເມືອງພ້ອມຄະນະ,ທ່ານ ຄຳສອນ ສີດາວົງ ກຳມະການພັກເມືອງ ຫົວໜ້າຫ້ອງວ່າການເມືອງ,ພ້ອມນັ້ນຍັງໄດ້ມອບ ໃບຂອບໃຈໃຫ້ແກ່ ທ່ານ ຄຳພູວັນ ສີຈັນທອນ ອີກດ້ວຍ.

——————————

ສື່ມວນຊົນແຂວງຈຳປາສັກ
ຂ່າວ-ພາບ: ນາງ ວຽງອຳໄພ ນັກຂ່າວເມືອງ

27/01/2025

27/1/2025. ຄະນະຈັດຕັ້ງເມືອງປະທຸມພອນ ມອບເງິນສະມາຄົມສົງເຄາະໃຫ້ຄອບຄົວສະມາຊິກພັກເສຍຊີວິດ
----------------------------------
ໂດຍປະຕິບັດຕາມກົດລະບຽບ ຂອງຄັງສົງເຄາະເສຍຊີວິດສະມາຊິກພັກ (ສະບັບປັບປຸງ) ເລກທີ 211/ຄຈພມ, ລົງວັນທີ 24/12/2024 ເພື່ອເປັນການປະຕິບັດນະໂຍບາຍລວມຂອງພັກ-ລັດ ແລະ ເປັນການປະຕິ ບັດນະໂຍບາຍຕໍ່ຄອບຄົວສະມາຊິກພັກ ໃນເວລາເສຍຊີວິດ
ໃນຄັ້ງວັນທີ 26 ມັງກອນ 2025 ນີ້ ທາງຄະນະຈັດຕັ້ງເມືອງ ຕາງໜ້າຄະນະນຳຂອງເມືອງປະທຸມພອນ ນຳໂດຍ ສະຫາຍ ແຂກແກ້ວ ໄຊຍະວົງ ກຳມະການພັກເມືອງ ຫົວໜ້າຄະນະຈັດຕັ້ງເມືອງ ພ້ອມດ້ວຍອົງການຈັດຕັ້ງທີ່ກ່ຽວຂ້ອງ ໄດ້ເຂົ້າວາງພວງມາລາ ແລະ ມອບເງິນຄັງສະມະຄົມສົງເຄາະເສຍຊີວິດ ໃຫ້ຄອບຄົວ ສະຫາຍ ຄຳມອນ ສອນທະວີໄຊ ອາດີດສະມາຊິກພັກ ໜ່ວຍພັກບ້ານໝໍ້ພຸ ເມືອງປະທຸມພອນ ທີ່ໄດ້ເສຍຊີວິດ ລວມເປັນເງິນ 15.000.000 ກີບ
-------------------------------
.

# ເພຈ: ເມືອງປະທຸມພອນ
# ຂ່າວ-ພາບ: ດອກໄມ້ ລາສະອາດ

Address

Telephone

+85621212420

Website

http://www.medialaos.net/

Alerts

Be the first to know and let us send you an email when Media Laos posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Media Laos:

Videos

ທາບທາມບຸກຄະລາກອນ ຜູ້ທີ່ຈະອອກສະໝັກເລືອກຕັ້ງ ຄະນະບໍລິຫານງານພັກເມືອງໃໝ່ ສະໄໝທີXV ຮອບ 2 ເມືອງໃໝ່ ແຂວງຜົ້ງສາລີ ພາບຂ່າວໂດຍ ວັນວີໄລ ຫ້ອງການ ຖວທ

#27-1-2025ກອງປະຊຸມໃຫຍ່ ຄັ້ງທີ IX ຜູ້ແທນອົງຄະນະພັກເມືອງບາຈຽງຈະເລີນສຸກ ໄຂຂຶ້ນເປັນທາງການ ກອງປະຊຸມໃຫຍ່ ຄັ້ງທີ IXອົງຄະນະພັກເມືອງບາຈຽງຈະເລີນສຸກ ແຂວງ ຈຳປາສັກ ໄດ້ໄຂຂຶ້ນ ວັນທີ 27 ມັງກອນ 2025 #MediaLaos sithisaykeo ໂທລະພາບແຂວງຈຳປາສັກ

#ລະວັງ! ຢ່າຕົກເປັນເຫຍື່ອຂອງການໂຄສະນາອາຫານເສີມ, ຢາຫຼວງ, ຢາພື້ນເມືອງ ແລະ ເຄື່ອງສຳອາງ ເກີນຄວາມເປັນຈິງ ເພາະຈະຖືກຫຼອກລວງ. #Media #MediaLaos #massmedia #news #ຂ່າວລາວ #health

ສະຫຼຸບຂ່າວເດັ່ນປະຈຳອາທິດ ວັນທີ 19 - 25 ມັງກອນ 2025 #MediaLaos #massmedia #laonews #news

#ເທດສະການອາຫານລາວ ປະຈຳປີ 2025 ຄົບຮອບ 20 ປີ ທີ່ສວນເຈົ້າອານຸວົງ ຈັດຂຶ້ນລະຫວ່າງວັນທີ 22 - 26 ມັງກອນ 2025 #MediaLaos #massmedia #laos #food #laofood #culture

#ທ້າຍເດືອນມັງກອນ 2025 ໂຮງແຮມ ແລະຮ້ານອາຫານສາຍທອງ ເມືອງຈຳປາສັກຈະໃຫ້ບໍລິການເຮືອທ່ອງທ່ຽວຢ່າງເປັນທາງການ #MediaLaos sithisaykeo

#ສະຖານທີ່ທ່ອງທ່ຽວແລະພັກຜ່ອນທາງທຳມະຊາດພູອາສາ,ມາຊົມບຶງກຽດໂງ້ງແລະພັກຜ່ອນທີ່ຄິງຟິກເຊີ #MediaLaos sithisaykeo

#ໄລຍະ 5 ປີ ຂະແໜງ ຍທຂ ເມືອງປາກຊ່ອງ ມີຜົນງານຫຼາຍດ້ານ #MediaLaos sithisaykeo

70 ປີ ພັກປະຊາຊົນ ປະຕິວັດລາວ ໝັ້ນຍືນ

70 ປີ ພັກປະຊາຊົນ ປະຕິວັດລາວ ໝັ້ນຍືນ ---------------------------------------- #MediaLaos #massmedia #ຂ່າວພາຍໃນ

23.01.2025 #ຜົນສຳເລັດກອງປະຊຸມໃຫຍ່ ຄັ້ງທີ 8 #ອົງຄະນະພັກເມືອງວຽງທອງ #ໂທລະພາບ ຊ່ອງ 8 #Media Laos #ແຂວງບໍລິຄຳໄຊ #Bolikhamxay province

#ຊົມເຊີຍວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ ໝັ້ນຍືນ #MediaLaos #massmedia

#ເມືອງມູນລະປາໂມກ ມີຄວາມພ້ອມໃນການດໍາເນີນກອງປະຊຸມໃຫຍ່ ຄັ້ງທີ IX ຂອງອົງຄະນະພັກເມືອງ #MediaLaos sithisaykeo ສິດທິໄຊ ແກ້ວທ່ອນຈັນ ທະນົງໄຊ ຄັນທະວະດີ ມຸກດາວັນ ວໍລະເພັດ ແສງສະເດັດ ພົມມະສັກ

Shortcuts

Address
Telephone
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

28/01/2025

28/01/2025

28/01/2025

28/01/2025

28/01/2025

28/01/2025

28/01/2025

28/01/2025

28/01/2025

28/01/2025

27/01/2025

27/01/2025

27/01/2025

27/01/2025

27/01/2025

27/01/2025

Address

Telephone

Website

Alerts

Contact The Business

Videos

70 ປີ ພັກປະຊາຊົນ ປະຕິວັດລາວ ໝັ້ນຍືນ

Shortcuts

Share