Arakan News, Soi Eakchai 66 (2025)

26/12/2024

ရက္ခိုင်ပြည်၊ အမ်းမြိုနယ်၊ အကြမ်းဖက် ဖက်ဆစ် စစ်ကောင်စီ၏ အနောက်ပိုင်းတိုင်းစစ်ဌာနချုပ် (နပခ) အား အာရက္ခတပ်တော်မှ တိုက်ခိုက်သိမ်းပိုက်ခဲ့သည့် ရုပ်သံမှတ်တမ်း

30/10/2024

■ အမ်းတိုက်ပွဲ လေကြောင်းပစ်ကူပေးရန် စစ်ကောင်စီက မကွေးနှင့် ပုသိမ်လေဆိပ်ကို အသုံးပြုနေ
(လေဆိပ် လက်လွှတ်လိုက်ရ၍ စစ်ကူအင်အားကို ရဟတ်ယာဉ်ဖြင့်သာ ပို့ဆောင်နိုင်)
Western News| အောက်တိုဘာ ၃၀
တိုက်ပွဲပြင်းထန်နေသော အမ်းမြို့တွင် လေဆိပ်ကို AA နှင့် တော်လှန်ရေးတပ်ဖွဲ့များက ပိတ်ဆို့ ထိန်းချုပ်ထားသည့်အတွက် စစ်ကောင်စီမှာ မကွေးလေဆိပ်နှင့် ဧရာဝတီ ပုသိမ်လေဆိပ်ကို အဓိက အသုံးပြု တိုက်ခိုက်နေကြောင်း စစ်ရေးသတင်းရင်းမြစ်များက ပြောသည်။
စစ်ရေးသတင်းရင်းမြစ်တစ်ဦးက " စစ်ကောင်စီဟာ အမ်းလေဆိပ်ကို လုံးဝ အသုံးပြုလို့ မရတော့ဘူး။ လေဆိပ် ပတ်ပတ်လည်ကနေ AA က ပိတ်ဆို့ ပစ်ခတ်နေတယ်။ စစ်ကောင်စီ လေယာဉ်တွေ ဆင်းသက်လို့မရအောင် တောက်လျှောက် ပစ်ခတ်နေတာ။ အဲဒီတော့ စစ်ကောင်စီဟာ မကွေးလေဆိပ်နဲ့ ပုသိမ်လေဆိပ်ကို အဓိက အသုံးပြုပြီး ဗုံးကြဲတိုက်ခိုက်မှုကို ပစ်ကူပေးနေတယ်။ " ဟု ပြောသည်။
အမ်းမြို့တွင် စစ်ကောင်စီ၏ အနောက်ပိုင်းတိုင်း စစ်ဌာနချုပ်ရှိပြီး နပခ နှင့် အမ်းမြို့ မကျစေရေးအတွက် စစ်ကောင်စီသည် လေကြောင်းဗုံးကြဲတိုက်ခိုက်မှုကို အများအပြားပြုလုပ်နေသည်။
အမ်းဒေသခံ ကိုမျိုးလွင်က " တစ်ရက်မှာ အနည်ဆုံးတော့ ၃,၄ စီးလောက်ရှိမယ်။ လာလာ ဗုံးကြဲတိုက်ခိုက်နေတာ။ လေယာဉ်တွေက အမျိုးအစုံပါပဲ။ ဗုံးကြဲသံတွေက ဆူညံ့နေတာပဲ။ နှစ်ဖက်စလုံးက တော်တော်လေး အပြင်းအထန် တိုက်နေကြတာ။ စစ်ကောင်စီဟာ ကုန်းကြောင်း၊ ရေကြောင်းတွေ ပိတ်ဆို့ခံထားရတော့ လေဆိပ်လည်း အသုံးပြုမရတော့ ရဟတ်ယာဉ်လောက်နဲ့ပဲ စစ်အင်အား ပို့ပေးနိုင်တော့တယ်။ မြို့ထဲက ၃၇၁ တပ်ရင်းကို အဓိက ပို့ပေးနေတယ်။ အဲကတစ်ဆင့် ပြန်ခွဲပေးနေတယ်။ " ဟု ပြောသည်။
အမ်းမြို့ အရပ်လေးမျက်နှာ ထွက်ပေါက်ဖြစ်သော အမ်း-မအီကားလမ်း၊ အမ်း-တပ်တောင်လမ်း၊ အမ်း-စစ်တွေလမ်း၊ အမ်း-ပဒါန်းလမ်း တို့က ပိတ်ဆို့ပြီး AA နှင့် ပူးပေါင်းအဖွဲ့မှာ စစ်ကောင်စီတပ်ရင်းတပ်စခန်းများကို အရှိန်မြှင့် ထိုးစစ်ဆင်တိုက်ခိုက်နေခြင်းဖြစ်သည်။
စစ်ရေးသတင်းရင်းမြစ်များ၏ ပြောဆိုချက်အရ အမ်းမြို့ရှိ အနောက်ပိုင်းတိုင်းစစ်ဌာနချုပ် (နပခ) ကို ကာရံထားသော ခမရ ၃၇၂, ၃၇၃ တပ်ရင်း, တစ်မိုင်ကုန်းတပ်၊ ဆေးတပ်၊ ထောက်ပို့တပ်၊ မဲတောင်ဗျူဟာ၊ စွေ့ချောင်းဗျူဟာ၊ တောဟိန်းတောင်ဗျူဟာ တို့ကို AA က သိမ်းပိုက်ထားပြီဖြစ်ကြောင်း သိရသည်။
ဆက်လက်ပြီး အမြောက်တပ်၊ BE တပ်နှင့် နပခ ဌာနချုပ်စစ်စခန်းများကို ထိုးစစ်ဆင်တိုက်ခိုက်နေပြီး စစ်ကောင်စီတပ်ဖွဲ့ဝင်များမှာ ပြေးစရာမြေမရှိဖြစ်နေပြီဟု ဒေသခံ ကိုမျိုးလွင်က ဆိုသည်။
အရပ်လေးမျက်နှာက နေရာအနှံ့ကို AA နှင့် မဟာမိတ်တော်လှန်ရေးတပ်ဖွဲ့များက အမ်းမြို့နှင့် အနောက်ပိုင်းတိုင်းစစ်ဌာနချုပ်ကို ယခုလအတွင်း သိမ်းပိုက်နိုင်လိမ့်မည်ဟု စစ်ရေးသုံးသပ်သူများက ခန့်မှန်းပြောဆိုနေကြသည်။

30/10/2024

■ အာရက္ခတပ်တော် AA က အမ်း နပခ ကို အရပ်လေးမျက်နှာ ပိတ်ဆို့၍ တိုက်ခိုက်နေ
(စစ်ကောင်စီ တပ်သားများ ပြေးစရာမြေမရှိတော့ဟုဆို)
AID| အောက်တိုဘာ ၂၉
ရခိုင်ပြည် အမ်းမြို့သိမ်းတိုက်ပွဲတွင် အာရက္ခတပ်တော် AA ဖက်က အောင်မြင်မှုများနှင့်အတူ စစ်ရေးအသာစီးရနေပြီး စစ်ကောင်စီဖက်လည်း လေကြောင်းပစ်ကူပေး အပြင်းအထန် ခုခံနေကြောင်း စစ်ရေးသတင်းရင်းမြစ်များထံမှ သိရသည်။
အမ်းမြို့တွင် စစ်ကောင်စီ (မြန်မာစစ်တပ်) အနောက်ပိုင်းတိုင်းစစ်ဌာနချုပ် (နပခ) ရှိပြီး ဗျူဟာကုန်းများအပါအဝင် စစ်ကောင်စီတပ်ရင်း ၁၀ ကျော်ရှိသည်။
ထိုအထဲက နပခ ဌာနချုပ်၏ အဓိက အရေးပါသော တောဟိန်းတောင်ဗျူဟာကုန်း၊ စွေ့ချောင်းဗျူဟာကုန်း၊ မဲတောင်ဗျူဟာကုန်းများကို AA က သိမ်းပိုက်ထားပြီး အမ်းမြို့ထဲက ဆက်လက် ထိုးစစ်ဆင်တိုက်ရာ တပ်ရင်းတပ်စခန်း ၅ ခုထက်မနည်းကို သိမ်းပိုက်ထားကြောင်း ဒေသခံ ကိုမျိုးလွင်က ပြောသည်။
"အမ်းမြို့ ထွက်ပေါက် ၄ ခုက နပခကို ဝန်းရံထားတဲ့ စစ်ကောင်စီတပ်ရင်းတွေ၊ တပ်စခန်းတွေကို ထိုးစစ်ဆင်တိုက်ခိုက်နေပါတယ်။ အခု လောလောဆယ်တော့ ခမရ ၃၇၃၊ ဆေးတပ်၊ စရဖရုံး သိမ်းပိုက်ထားတယ်။
ခမရ ၃၇၂၊ ထောက်ပို့ ဆက်သွယ်ရေးတပ်ကိုလည်း သိမ်းလိုက်ပြီ။ တစ်မိုင်ကုန်းတပ်ကိုလည်း သိမ်းပိုက်ပြီ။ COC, အမြောက်တပ်နဲ့ BE တပ်ကို ထိုးစစ်ဆင် တိုက်ခိုက်နေတယ်။ အမ်းလေဆိပ်မှာ စစ်ကောင်စီ လေယာဉ်တွေ ဆင်းမရအောင်လည်း လက်နက်ကြီးတွေနဲ့ ပစ်ခတ်နေတယ်။ တပ်ရင်းတွေ သိမ်းတာက AA ထုတ်ပြန်မှ အတည်ပြုတာ ပိုကောင်းပါတယ်။ " ဟု ပြောသည်။
အမ်းမြို့ အရပ်လေးမျက်နှာမှ ထွက်ပေါက်ဖြစ်သော အမ်း-မအီကားလမ်း၊ အမ်း-တပ်တောင်လမ်း၊ အမ်း-စစ်တွေလမ်း၊ အမ်း-ပဒါန်းလမ်း တို့တွင် စစ်ကောင်စီတပ်ရင်းတပ်စခန်းများနှင့် အာရက္ခတပ်တော် AA ပူးပေါင်းတော်တပ်ဖွဲ့တို့မှာ တိုက်ပွဲပြင်းထန်နေကြခြင်းဖြစ်သည်။
AA က နောက်ဆုံးသိမ်းပိုက်ခဲ့သည့် မဲတောင်ဗျူဟာကုန်းပြီးနောက် အမ်းမြို့ နပခတွင် စစ်ကောင်စီ တပ်သား ၁,၂၀၀ ကျော်ခန့်သာ ရှိတော့ပြီး ၂၀၀ ခန့်က မတိုက်ခိုက်နိုင်၍ ယခုရက်ပိုင်းအတွင်း စစ်ကောင်စီမှာ အင်အား ရာနှင့်ချီ ဟိုက်စကီးဖြင့် ပို့ဆောင်လျှက်ရှိကြောင်း သိရသည်။
သို့သော်လည်း အမ်းက စစ်ကောင်စီတပ်များမှာ ရေလမ်း၊ ကုန်းလမ်းအားလုံးကို AA ပူးပေါင်းတပ်ဖွဲ့က ဝိုင်းရံပိတ်ဆို့ထားပြီဖြစ်၍ လေကြောင်းတစ်ခုသာ ထွက်ပေါက်ရှိကြောင်းနှင့် ပြေးစရာမြေမရှိဟု ကိုမျိုးလွင်က ဆက်ပြောသည်။
" AA ဟာ အမ်းမြို့ရဲ့ ထွက်ပေါက် အရပ်လေးမျက်နှာစလုံးကို ပိတ်ဆို့ထားပြီ။ အမ်းလေဆိပ်ကိုလည်း လက်နက်ကြီးတွေနဲ့ တောက်လျှေက်ပစ်ခတ်နေတယ်။ မကြာခင်သိမ်းလိုက်တဲ့ မဲတောင်ဗျူဟာကုန်းဆိုရင် အမ်းရဲ့ ဘယ်နေရာကိုမဆို လက်နက်ကြီးနဲ့ AA က ပစ်လို့ရသွားပြီ။ စစ်ကောင်စီတပ်သားတွေက ဂျောင်ပိတ်မိသွားပါပြီ။ AA ရဲ့ ထိုးစစ်ကိုလည်း ခံနိုင်မှာ မဟုတ်ဘူး။ ပြေစရာ မြေမရှိတော့ဘူး။ လေကြောင်းက ထွက်ပြေးမယ်ဆိုရင်လည်း အမ်းလေဆိပ်က တိုက်ခိုက်ခံနေရတော့ မလွယ်ကူနိုင်တော့ဘူး။ ဒါကြောင့် အလံဖြူထောင်မလား၊ အသေးခံမလားဆိုတာ ရွေးချယ်ရတော့မယ်။ " ဟု ပြောသည်။
ခမရ ၃၇၁ တပ်ရင်းက အမ်းမြို့ထဲမှာ ရှိနေ၍ ၁,၀၀၀ ကျော်ပိတ်မိနေသော အရပ်သား ဒေသခံပြည်သူများကို စစ်ကောင်စီတပ်ဖွဲ့ဝင်များက လူသားဒိုင်းကာပြုလုပ်နိုင်ကြောင်း ဒေသခံများက စိုးရိမ်နေကြသည်။
အရပ်လေးမျက်နှာက နေရာအနှံ့ကို AA နှင့် မဟာမိတ်တော်လှန်ရေးတပ်ဖွဲ့များက အမ်းမြို့နှင့် အနောက်ပိုင်းတိုင်းစစ်ဌာနချုပ်ကို ယခုလအတွင်း သိမ်းပိုက်နိုင်လိမ့်မည်ဟု စစ်ရေးသုံးသပ်သူများက ခန့်မှန်းပြောဆိုနေကြသည်။
ပုံစာ - ရခိုင်ပြည်အတွင်း မြို့သိမ်းတိုက်ပွဲများက စစ်ကောင်စီထံမှ AA သိမ်းဆည်းရမိသော လက်နက်ခဲယမ်းများ။ (ဓါတ်ပုံ - AA)

Ref: Western News

23/05/2024

နစကနှင့် AA ဆွေးနွေးပွဲ အဆင်မပြေမှု ဘာဆက်ဖြစ်လာနိုင်သလဲ

Arakan News

၂၀၂၄ ခုနှစ်၊ မေလ ၂၃

နစကနှင့် AA တို့ ဆွေးနွေးပွဲ အဆင်မပြေမှုနောက်ပိုင်း ဘာဆက်ဖြစ်လာနိုင်သလဲဆိုသည့်အပေါ် နိုင်ငံရေးနှင့် စစ်ရေးအကဲခတ်များအကြား စိုးရိမ်မှုများ ရှိနေကြသည်။

အာရက္ခတပ်တော် (AA) အနေဖြင့် ရခိုင်ပြည်နယ် လွတ်မြောက်ရေးနှင့် နွေဦးတော်လှန်ရေး လှုပ်ရှားမှု ဆက်လက် လှုပ်ရှားမည်ဆိုသည့် ဘဘောထားကို တွေ့ရှိကြောင်း၊ ထိုအခြေအနေများကြောင့် ဆွေးနွေးပွဲ ပျက်သွားခြင်းဖြစ် ကြောင်း မြန်မာ့နိုင်ငံရေးလေ့လာသုံးသပ်သူ ဦးသန်းစိုးနိုင်က CNI သတင်းဌာနသို့ ပြောသည်။

၎င်းက “ကျနော်တို့ သိထားတာကတော့ AA ကို စစ်ရပ်စဲဖို့ ငြိမ်းချမ်းရေးအတွက် တရုတ်ကနေပြီးတော့ တွန်း (နှိုး)ဆော်ပေးတယ်ဆိုတဲ့ သဘောထားတော့ သိရပါတယ်။ ဒါပေမဲ့ AA ကလည်း ပထမဆုံး ရခိုင်ပြည်နယ် လွတ်မြောက်ရေးနဲ့ နွေဦးတော်လှန်ရေး လှုပ်ရှားမှုတွေ ဆက်လုပ်မယ်ဆိုတဲ့ သဘောထားကို ဆုပ်ကိုင်ထားပါ တယ်။ အဲဒီအခြေအနေအောက်မှာ ဆွေးနွေးပွဲက အဆင်မပြေပဲ ပျက်သွားတယ်လို့ ကျနော်တို့ ကြားပါတယ်။ ရခိုင် တစ်ပြည်နယ်လုံးက AA ရဲ့ လက်ထဲမှာ ရောက်ရှိတော့မှာပါ၊ ဒါပေမဲ့ စစ်ကောင်စီကတော့ သူ့ရဲ့ စစ်တွေခံစစ်နဲ့ သူ့ရဲ့ အနောက်ပိုင်းတိုင်းစစ်ဌာနချုပ်ကို ဆက်လက်ပြီး ထိန်းသိမ်းထားတဲ့ အနေအထားရှိပါတယ်။ အဲဒီ အနေ အထား ကနေပြီးတော့ သူကတော့ ငြိမ်းချမ်းရေး စေ့စပ်ဆွေးနွေးပွဲအတွက် စစ်ရပ်ဆဲဖို့ တရုတ်ကနေတဆင့် သူက ကြိုးပမ်းနေတာပါ၊ တရုတ်က အဲဒီကိစ္စမှာလည်း ပါဝင်ကူညီဖို့ သဘောထားရှိပါတယ်။ ပြီးတော့မှ တဖြည်းဖြည်း အဲဒီကနေပြီးတော့ သူ့ရဲ့ စစ်အင်အားတွေ ပြန်လည်ဖြည့်တင်းပြီးတော့ ရခိုင်တစ်ပြည်လုံးကို သူက ပြန်ပြီး တိုက် ခိုက် သိမ်းပိုက်ဖို့ဆိုတဲ့ သူ့ရဲ့ စိတ်ကူးယဉ် စီမံကိန်းနဲ့ တရုတ်ကို ငြိမ်းချမ်းရေး အကောင်အထည်ဖော်ပေးဖို့ အကူ အညီ တောင်းနေတယ်လို့ ကျနော်တို့ကတော့ သဘောပေါက်ပါတယ်” ဟု ပြောသည်။

ပြီးခဲ့သည့် မေလ ၁၄ ရက်နှင့် ၁၅ ရက်မှာ တရုတ်နိုင်ငံ၊ ကူမင်းမြို့တွင် နစက၏ ငြိမ်းချမ်းရေး ကိုယ်စားလှယ်အဖွဲ့ နှင့် ညီနောင်မဟာမိတ်သုံးဖွဲ့ (AA-TNLA-MNDAA) တို့ ငြိမ်းချမ်းရေးတွေ့ဆုံ ဆွေးနွေးခဲ့ပြီး နစကနှင့် AA တို့ သီးသန့်တွေ့ဆုံမှု ပျက်သွားကြောင်း သတင်းမီဒီယာများတွင် ဖော်ပြသည်။

AA အနေဖြင့် ရခိုင်ပြည်နယ်တွင် မိမိတို့ လက်နက်ကိုင်အဖွဲ့အစည်းသာ ရှိရမည်၊ မြန်မာ့တပ်မတော်အနေဖြင့် ရခိုင် ပြည်နယ်မှ ထွက်ခွာရမည်ဟု ပြောဆိုခဲ့သလို နစကဖက်ကလည်း ၂၀၀၈ ဖွဲ့စည်းပုံအခြေခံဥပဒေအရ တို့တာဝန် အရေးသုံးပါးကို ဆွေးနွေးကြကြောင်း၊ ထို့နောက် ဆက်လက်ဆွေးနွေးနိုင်းခြင်း မရှိတော့ဘဲ ငြိမ်းချမ်းရေး ဆွေးနွေး မှု ပျက်သွားကြောင်း သိရသည်။

ရခိုင်ပြည်နယ်မှ မြန်မာ့တပ်မတော် ထွက်ခွာရန်မှာ မဖြစ်နိုင်ကြောင်း၊ ဆွေးနွေးမှု ပျက်သွားခြင်းကြောင့် သွေးထွက် သံယိုမှုဖြင့် အဆုံးသတ်နိုင်ကြောင်း နိုင်ငံရေးသမားတစ်ဦးက CNI သတင်းဌာနသို့ ပြောသည်။

၎င်းက “AA က နောက်မှပေါ်တဲ့ ရွှေကြာပင်ပဲ၊ စစ်တပ်ဆိုတာကတော့ မြန်မာတစ်နိုင်ငံလုံးရဲ့ အချုပ်အခြာအာဏာ ကို ကိုယ်စားပြုထားတဲ့ အဖွဲ့အစည်းကြီးလေ တရားတယ်ပြောပြော၊ မတရားတယ်ပြောပြော သူက ဒီလို လွယ်လွယ်နဲ့တော့ ဘယ်လျှော့မလဲ၊ လွယ်လွယ်နဲ့ မလျှော့ဘူး။ လျှော့စရာအကြောင်းလဲ မရှိဘူး။ သူ့ဖက်က ခေါင်းဆောင်မှု ညံ့ဖျင်းတာတို့ လွှဲမှားတာတို့ ဒါမျိုးတွေ ရှိကောင်းရှိမယ်လေ၊ အဲဒီတော့ တစ်ခုရှိတာက စစ်တပ်က ဖွဲ့စည်းပုံအခြေခံဥပဒေအရလည်း သူ့မှာ တာဝန်ရှိနေတယ်၊ နောက်တစ်ခုက သူက ဖွဲ့စည်းပုံအခြေခံ ဥပဒေအရပဲ စစ်တပ်က ဒါကို‌ဆွေးနွေးပိုင်ခွင့် မရှိဘူးလေ၊ ရခိုင်တောင်ပိုင်းဆိုတာကရော AA ကို အကုန်လက်ခံလားပေါ့၊ NLD နိုင်တဲ့နေရာတွေ အားလုံးက AA ကို လက်မခံဘူးပဲ ပြောကြပါစို့၊ ရှိတော့ ရှိမှာပေါ့ သူ့ကိုထောက်ခံတဲ့သူ သို့သော် အများစုမဟုတ်ဘူး။ ဒီအတွက်ကြောင့်မို့လို့ သူကလည်း မဖြစ်နိုင်တဲ့ဟာ တောင်းဆိုတယ်၊ စောဘဦးကြီးလို ရန်ကုန်တိုင်း၊ ပဲခူးတိုင်း၊ တနင်္သာရီ၊ ဧရာဝတီတိုင်းကို ကရင်ပြည်နယ် တောင်းသလိုပေါ့နော်၊ မဖြစ်နိုင်တာ သွားတောင်း နောက်ဆုံးတော့ ဒါက သွေးထွက်သံယိုနဲ့ပဲ အဆုံးသတ်မှာပေါ့နော်” ဟု ပြောသည်။

ငြိမ်းချမ်းရေးဆွေးနွေးပွဲအပြီး မေလ ၁၈ ရက်နေ့က ရခိုင်ပြည်နယ်၊ ဘူးသီးတောင်မြို့နယ်ရှိ မြန်မာ့တပ်မတော်၏ တပ်ရင်း၊ တပ်စခန်း၊ ဗျူဟာများအားလုံးကို AA က သိမ်းပိုက်လိုက်ခဲ့ကြောင်း သတင်းထုတ်ပြန်ခဲ့သည်။

လက်ရှိတွင် AA က ချင်းပြည်နယ် ပလက်ဝမြို့နယ် အပါအဝင် ရခိုင်ပြည်နယ်အတွင်းရှိ ပေါက်တော၊ မင်းပြား၊ ကျောက်တော်၊ မြောက်ဦး၊ မြေပုံ၊ ပုဏ္ဏားကျွန်း၊ ရသေ့တောင်၊ ရမ်းဗြဲနှင့် ဘူးသီးတောင်စသည့် မြို့နယ်များကို ထိန်း ထားသည်။

#မြန်မာ့တပ်မတော် #ရခိုင်ပြည်နယ် #ငြိမ်းချမ်းရေး #နိုင်ငံရေး

ပုံ - AA ခေါင်းဆောင် ၂ ဦးကိုတွေ့ရစဉ်

22/05/2024

ဘူးသီးတောင်မှ စစ်ကောင်စီတပ်စခန်းအားလုံးကို သိမ်းလိုက်ပြီဟု AA ကြေညာ
----------------
ရခိုင်ပြည်နယ်၊ ဘူးသီးတောင်မြို့နယ်ရှိ စစ်ကောင်စီ၏ တပ်စခန်းအားလုံးကို မေလ ၁၈ ရက်၊ မွန်းတည့် ၁၂ နာရီအချိန်ခန့်တွင် သိမ်းပိုက်နိုင်ခဲ့သည်ဟု အာရက္ခတပ်တော် AA က ကြေညာလိုက်သည်။

စစ်ကောင်စီ၏ နောက်ဆုံးလက်ကျန်စခန်းများဖြစ်သော ဘူးသီးတောင်ဗျူဟာဌာနချုပ်အပါအဝင် ဗျူဟာလက်အောက်ခံတပ်ရင်းများ၊ အမြောက်တပ်၊ ထောက်ပို့တပ်ရင်းနှင့် ဒကစ (စစ်တွေ) လက်အောက်ခံ ဘူးသီးတောင်အခြေစိုက်တပ်ရင်းတချို့အပါအဝင် စခန်းအားလုံးကို အာရက္ခတပ်တော် (Arakan Army) က ၂၀၂၄ ခုနှစ်၊ မေလ ၁၈ ရက်၊ မွန်းတည့် ၁၂ နာရီအချိန်ခန့်တွင် တစ်ခုမကျန်သိမ်းပိုက်နိုင်ခဲ့ခြင်းဖြစ်သည်ဟုလည်း AA ၏ထုတ်ပြန်ချက်တွင် ပါဝင်သည်။

ယနေ့နောက်ဆုံးသိမ်းပိုက်ခဲ့သောစခန်းများမှာ ဘူးသီးတောင်ဗျူဟာဌာနချုပ် အပါအဝင် အမတ (၃၇၈)၊ ခမရ (၂၃၄)၊ ခမရ (၃၄၅)၊ ခမရ (၃၅၂) တပ်ရင်းများ၊ အမြောက်တပ်၊ ထောက်ပို့တပ်ရင်းနှင့် GE တပ်ရင်းတို့ဖြစ်သည်ဟုလည်း ထုတ်ပြန်ချက်တွင်ပါဝင်သည်။

ထွက်ပြေးနေသည့် စစ်ကောင်စီတပ်ဖွဲ့ဝင်များကိုလည်း လိုက်လံရှာဖွေတိုက်ခိုက်နေသည်ဟု AA က ဆိုသည်။

ဘူးသီးတောင်မြို့ပတ်ဝန်းကျင်တွင် ပြင်းထန်သည့်တိုက်ပွဲများ ဆက်လက်ဖြစ်ပွားနေသဖြင့် မြို့ပတ်ဝန်းကျင်ရှိ ကျေးရွာများအနေဖြင့် စစ်ရေးသတိဖြင့် နေထိုင်ကြရန်လည်း AA က သတိပေးထားသည်။

"တိုက်ပွဲဇုန်ထဲမှာ ပါနေတဲ့ အန္တရာယ်ရှိတဲ့ရွာတွေကို အဲဒီရွာကို ရပ်မိရပ်ဖတွေကို ခေါ်ယူပြီးတော့မှ ဒီနေရာမှာ ဆက်နေလို့ရှိရင်တော့ အန္တရာယ်ရှိတယ်။ ဒါကြောင့်မလို့ လုံခြုံတဲ့နေရာတွေကို ပြောင်းရွေ့နေထိုင်ကြပါလို့ အကြံပြုတိုက်တွန်းထားတာတော့ရှိပါတယ်။ ဒါပေမဲ့ ဘယ်သူ့ကိုမှ အတင်းအကျပ်ရွေ့ပြောင်းတာမျိုးမရှိပါဘူး" ဟု AA ပြောခွင့်ရအရာရှိ ဦးခိုင်သုခက ပြောသည်။

#ဘူးသီးတောင်

14/05/2024

တာယာအဟောင်းတွေကို မအလ မှဈေးကောင်းပေးပြီးဝယ်ယူနေပါပြီနော် ....

Arakan News

13/05/2024

ဘင်္ဂလားဒေ့ရ်ှနိုင်ငံ ဘင်္ဂလီဒုက္ခသည်စခန်းမှ ဘင်္ဂလီအကြမ်းဖက်ARSA တပ်ဖွဲ့ဝင် ၁၀ ဦးကို ဘင်္ဂလာဒေရှ့်အာဏာပိုင်များဖမ်းစီးသွား

မေလ ၁၃ရက် ၊

ဘင်္ဂလာဒေ့ရှ့်နိုင်ငံ ၊ ကောက်စ်ဘာဇခရိုင် ၊ အိုက်ယားမြို့နယ် ၊ ဘင်္ဂလီဒုက္ခသည်စခန်း ၊ စခန်းအမှတ် ၁၅ မှ ဘင်္ဂလီအကြမ်းဖက်ARSA တပ်ဖွဲ့ဝင်၁၀ ဦးကို ဘင်္ဂလာဒေရ်ှအာဏာပိုင်ဖြစ်တဲ့ APBN ၊ ဘင်္ဂလာဒေရှ့်အထူးရပ်တပ်ဖွဲ့ RAB တို့က မေလ ၁၂ရက် ၊ ညအချိန်မှာ ဖမ်းဆီးခဲ့တယ်လို့ ဘဂ်လီဒုက္ခသည်တွေရဲ့ သတင်းပေးပို့ချက်အရ သိရပါတယ် ။

ဖမ်းစီးခံရသူများမှာ ရခိုင်ပြည်နယ်အတွင်းလူမျိူးရေး ဘာသာရေး အဓိကရုန်းဖြစ်အောင်သွေးထိုးလှုံဆော်နေတဲ့ အောင်တင့် ,ရွေမောင် , ရိုနေဆန်းလွင် , ထွန်းခင် ,တို့နှင့်ဆက်စပ်မှုရှိနေတယ်လိုသိရတယ်

ဖမ်းဆီးခဲ့သော ဘင်္ဂလီအစွမ်းရောက်အကြမ်းဖက် ARSA တပ်ဖွဲ့ဝင်အမည်များမှာ အာမိရ် အာဟာမတ် (ဘ) နိုရ်မိုဟာမတ် /ဘောလောက် D2 ၊ မော်နိရ် အာဟာမတ် (ဘ) ကာလာမီယ ၊ ဘောလောက် D2 ၊ မိုဟာမတ် အာယုပ် (ဘ) ဒေါလို ဟူဆံ ၊ ဘောလောက် D4 ၊ အာယာတ် အူလ္လါ (ဘ) အာပ်ဒူလ္လါ ၊ ဘောလောက် D9 ၊ မိုဟာမတ် ဇူဘိုင်ရ် (ဘ) မိုဟာမတ် ဟူဆံ ၊ ဘောလောက် E8 ၊ ကော်ရိမ် အူလ္လါ (ဘ) မိုဟာမတ် ကာဆိမ် ၊ ဘောလောက် E8 ၊ မိုဟာမတ် အီလီယာစ် (ဘ) အီမာမ် ရှော်ရိပ် ၊ ဘောလောက် E8၊ မိုဟာမတ် အီနုစ် (ဘ) အီမာမ် ရှော်ရိပ် ၊ ဘောလောက် E8 ဖြစ်သူတို့က ဒုက္ခသည်စခန်းအမှတ် ၁၅ မှာနေထိုင်ပြီး ARSAအတွက် လူသစ်စုဆောင်းပေးခြင်း အတင်းအားတမငွေကြေးတောင်းခံခြင်း ဘင်္ဂလီမိခလေးငယ်များကို မုဒိန်းကျင့်ကျူးလွန်နေသူများဖြစ်ပါတယ်။

ဘင်္ဂလီဒုက္ခသည်စခန်းတစ်ဝန်းလုံးမှာ ဘင်္ဂလီအကြမ်းဖက်ARSAအဖွဲ့အစည်းများရဲ့ အကြမ်းဖက်မှု ၊ ညှဉ်းပန်းနှိပ်စက်မှုကြောင့် လက်နက်ပြခြိမ်းခြောက် ငွေကြေးတောင်းခံမှုများကြောင့် သာမန်ဘဂ်လီဒုက္ခသည်တွေ ဒုက္ခခံနေရတယ်လို့ ဒုက္ခသည်တွေရဲ့ ပြောကြားချက်အရ သိရပါတယ် ။

13/05/2024

ဘူးသီးတောင်တွင် စစ်တပ်က ညအချိန် လေကြောင်းတိုက်ခိုက်မှုအပြင်းအထန်လုပ်ဆောင်ခဲ့ပြီး စစ်ကောင်စီတပ်ရင်း ၂ ခုကို AA က သိမ်းပိုက်ရရှိဟုဆို

မေ ၁၃

ရခိုင်ပြည်၊ ဘူးသီးတောင်မြို့အနီးပတ်ဝန်းကျင်ကို မေလ ၁၂ ရက်နေ့ ညပိုင်း စစ်တပ်က ညအချိန် လေကြောင်းတိုက်ခိုက်မှုအပြင်းအထန်လုပ်ဆောင်ခဲ့ပြီး စစ်ကောင်စီတပ်ရင်း ၂ ခုကို AA က သိမ်းပိုက်ရရှိသွားပြီဆိုသော သတင်းများ ထွက်ပေါ်လာကြောင်း ရခိုင်ဒေသမှ စစ်ရေး သတင်းရင်းမြစ်တချို့က ရန်ကုန်ခေတ်သစ်သတင်းဌာနထံသို့ ပြောဆိုကြသည်။

"ခမရ ၃၄၅ နဲ့ ၃၅၂ ကို AA က သိမ်းလိုက်ပြီလို့ သိရတယ်။ အဲဒါကြောင့် စစ်တပ်က တိုက်လေယာဉ်တွေနဲ့ ဗုံးတွေ ဆက်တိုက်ကျဲတယ်။ ဒုက္ခသည်တွေတွေလည်း အတော်များတယ်။ ပြေးနေရတာ။ ၁ သောင်းလောက် ထွက်ပြေးနေရတာ" ဟု ရခိုင်ဒေသမှ စစ်ရေး သတင်းရင်းမြစ်က ဆိုသည်။

မေလ ၁၂ ရက်နေ့ညပိုင်း မှော်ဘီလေတပ်၊ မကွေးလေတပ်နှင့် တံတားဦးလေတပ်တို့မှ တိုက်လေယာဉ်များ၊ Y12 လေယာဉ်များက ရခိုင်ပြည်နယ်၊ ဘူးသီးတောင်မြို့နယ်အတွင်းတွင် ဗုံးကျဲပစ်ခတ်မှုများ လုပ်ဆောင်ခဲ့ကြောင်း စစ်တပ်သတင်းရင်းမြစ်များထံမှ သိရှိရသည်။

ဘူးသီးတောင်မြို့နယ်ရှိ စစ်ကောင်စီ၏ တပ်ရင်းစခန်းဌာနချုပ် တပ်ရင်းနှင့်ဌာနချုပ် ၁၂ ခုအနက်မှ တပ်ရင်းတပ်ဖွဲ့ နှင့် ဌာနချုပ် ၅ ခကို မတ်လ ၂၅ ရက်နေ့မှ မေလ ၃ ရက်နေ့အတွင် သိမ်းပိုက်နိုင်ခဲ့ကြောင်း ၊ လက်ရှိတွင် ခမရ ၃၄၅ နှင့် ခမရ ၃၅၂ တို့ကို သိမ်းပိုက်လိုက်ရာ AA က သိမ်းပိုက်ထားသော တပ်ရင်းတပ်ဖွဲ့ ၇ ခုအထိ ရှိလာပြီဖြစ်ကြောင်း သိရှိရသည်။

ဘူးသီးတောင်တွင် “စကခ ၁၅ ဘူးသီးတောင်”လက်အောက်ရှိ တပ်ရင်းများ ဖြစ်ကြသော ခမရ ၃၄၅ ၊ ခမရ ၃၅၂ ၊ ခမရ ၃၅၃ ၊ ခမရ ၅၃၅ ၊ ခမရ ၅၅၁ ၊ ခမရ ၅၅၂ ၊ ခမရ ၅၆၄ ၊ ခမရ ၅၆၅ တပ်ရင်းများနှင့် “ဘူးသီးတောင် ဗျူ ဟာ” လက်အောက်ခံတပ်ရင်းများဖြစ်ကြသော ခလရ ၂၃၃ ၊ ခလရ ၂၃၄ ၊ ခလရ ၂၆၃ နှင့် အမတ ၃၇၈ အပါအဝင် တပ်ရင်းတပ်ဖွဲ့ ၁၂ ခုရှိကြောင်း သိရှိရသည်။

ဓာတ်ပုံ- ကျောက်ဖြူတွင် စစ်တပ်က ဒရုန်းဖြင့် တိုက်ခိုက်သဖြင့် နေအိမ်တချို့ မီးလောင်နေစဉ်။

Photo- APM

11/05/2024

■ သံတွဲတိုက်ပွဲ ပြင်းထန်နေဆဲ၊ မင်းအောင်လှိုင်ဇနီး ဒေါ်ကြူကြူလှရွာကို စစ်ကောင်စီ လက်နက်ကြီး ကျရောက်ပေါက်ကွဲ

မေ ၁၀ Arakan News

ရခိုင်ပြည် သံတွဲမြို့နယ်တွင် AA နှင့် စစ်ကောင်စီတို့ တိုက်ပွဲ ပြင်းထန်နေပြီး သံတွဲမြို့အဝင်ရှိ စစ်ကောင်စီတပ်ရင်းက ပစ်ခတ်သော လက်နက်ကြီးမှာ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ဇနီး ဒေါ်ကြူကြူလှ ကျေးရွာ ဇီးကျွန်းကျေးရွာသို့ ကျရောက်ပေါက်ကွဲခဲ့ကြောင်း မျက်မြင်ဒေသခံများက ပြောသည်။

ယမန်နေ့ မေလ ၉ ရက်နေ့ နေ့လယ် ၁ နာရီခန့်က စဖြစ်ပွားခဲ့သော လင်းသီရွာအနောက်ဘက်က တိုက်ပွဲမှာ ညနေ ၅ နာရီအချိန်ခန့်အထိ နှစ်ဖက်တိတွေ့တိုက်ပွဲ ပြင်းထန်ခဲ့ပြီး လင်းသီကျေးရွာသို့ လက်နက်ကြီး နှစ်လုံး ကျရောက်ခဲ့ကြောင်း သတင်းရင်းမြစ်တစ်ဦးက ပြောသည်။

" မနေ့က တိုက်ပွဲက အရမ်းပြင်းထန်တာ။ လင်းသီရွာနဲ့ အနောက်ဘက် တောင်ကြောတွေမှာ ဖြစ်ကြတာ။ မောင်ရွှေလေးရေတပ်၊ သံတွဲမြို့အဝင်က အမြောက်တပ်၊ ငပလီမြို့ချောင်လမ်းမှာရှိတဲ့ အမြောက်တပ်တွေက လက်နက်ကြီးနဲ့ လှမ်းပစ်ခဲ့တာ။ ဒီနေ့ နံနက် ၉ နာရီလောက်ကလည်း ရွှေလှေအနီးတစ်ဝိုက်မှာ တိုက်ပွဲ ဖြစ်ခဲ့တယ်။ တစ်နာရီလောက်ပေါ့နော်။ လက်နက်ကြီးကတော့ အခုထိ ပစ်ခတ်နေတုန်းပါပဲ" ဟု ပြောသည်။

ယမန်နေ့ တိုက်ပွဲတွင် သဗြုချိုင်ကျေးရွာကနေ လင်းသီကျေးရွာသို့ စက်ဘီးနှင့်လာသော ဒေသခံ အမျိုးသား ၂ ဦးမှာ လက်နက်ကြီးစထိမှန်ပြီး ထိခိုက်ဒဏ်ရာရသွားကြောင်း မျက်မြင်ဒေသခံတစ်ဦးက ပြောသည်။

ဧပြီလ ၂၂ ရက်နေ့က ဒေါ်မြနှင့် ပုရစ်ရေကောက်ရွာတို့အနီးက စတင်ခဲ့သော သံတွဲတိုက်ပွဲမှာ စစ်ကောင်စီတပ်စခန်းများသည် သူဌေးရေအားလျှပ်စစ်စီမံကိန်းနှင့် ရွှေလှေတံတား လင်းသီရွာသို့ ဆုတ်ခွာသွားခဲ့ရသည်။

အာရက္ခတပ်တော် AA သည် သူဌေးရေအားလျှပ်စစ်စီမံကိန်းဧရိယာနှင့် လင်းသီ၊ ရွှေလှေ၊ ရှင်စောပြင်ကျေးရွာတို့ အနီးတစ်ဝိုက်ကို ဝိုင်းရံပိတ်ဆို့ထားကြောင်း စစ်ရေးအခြေအနေသိသည့် ဒေသခံများက ပြောသည်။

ပြီးခဲ့သည့် နှစ်ရက်က လင်းသီ၊ ရွှေလှေရွာအနီး တိုက်ပွဲတွင် သံတွဲမြို့အဝင် ဘားဒန်းတောင်ပေါ်၌ တပ်စွဲထားသော စစ်ကောင်စီ အမြောက်စခန်းမှ ပစ်ခတ်သော လက်နက်ကြီးမှာ လင်းသီရွာအနီးတွင်ရှိ စစ်ခေါင်းဆောင် မင်းအောင်လှိုင်၏ ဇနီး ဒေါ်ကြူကြူလှကျေးရွာ ဇီးကျွန်းရွာသို့ လက်နက်ကြီး ၂ လုံးကျရောက် ပေါက်ကွဲခဲ့ကြောင်း မျက်မြင်ဒေသခံတစ်ဦးက ပြောသည်။

" ပြီးခဲ့တဲ့ နှစ်ရက်က ဖြစ်ပွားတဲ့ လင်းသီ၊ ရွှေလှေရွာအနီးက တိုက်ပွဲမှာ ဘားဒါန်းတောင်ပေါ်က ပစ်ခတ်တဲ့ စစ်ကောင်စီ နက်လက်ကြီးဟာ ဒေါ်ကြူကြူလှရွာက ဘုန်းကြီးကျောင်းနဲ့ ပေ ၂၀၀ အကွာ လယ်ကွင်းပြင်မှာ ကျရောက်ခဲ့တယ်။ လူတွေ မထိခိုက်ဘူးပေါ့နော်။ ရွာထဲကျရင်တော့ ထိခိုက်သေဆုံးကြမှာ" ဟု ပြောသည်။

စစ်ကောင်စီသည် လင်းသီ၊ ရွှေလှေ၊ ရှင်စောပြင်၊ ကွေ့ချောင်းနှင့် စီမံကိန်းဧရိယာအနီးသို့ တပ်ဖြန့်ထားသလို ဇီးကျွန်း၊ သဗြုချိုင်၊ မြင်းစိုင်းမော်၊ ပြင်ယောင်း စသည့် ကျေးရွာများဘက်သို့လည်း တပ်ဖြန့်ထားကြောင်း စစ်ရေးအခြေအနေ သိသူများက ပြောသည်။

လက်ရှိတွင် ရွှေလှေတံတားထိပ် လင်းသီကျေးရွာတွင် တပ်စွဲထားသော စစ်ကောင်စီတပ်စခန်းမှာ AA ၏ ပိတ်ဆို့မှုကို ခံထားရပြီး တပ်ကူနှင့် ရိက္ခာဖြတ်တောက်ခံထားရကြောင်း စုံစမ်းသိရသည်။

သံတွဲတိုက်ပွဲ AA ထိုးစစ်ကို စစ်ကောင်စီက ကြည်း၊ ရေ၊ လေ သုံးခုစလုံးဖြင့် ခုခံနေသော်လည်း အကျအဆုံးများကာ သံတွဲမြို့ဘက်သို့ တပ်ပြန်ဆုတ်နေရကြောင်းနှင့် အာရက္ခတပ်တော် AA က အသာစီးရနေကြောင်း သိရသည်။

သံတွဲမြို့နှင့် မိုင် ၂၀ ခန့်ဝေးသော သူဌေးရေအားလျှပ်စစ်စီမံကိန်းတွင် စစ်ကောင်စီသည် ရခိုင်မြောက်ပိုင်းတွင် တိုက်ပွဲပြင်းထန်နေချိန်ကတည်းက အမြောက်ကြီးများ ပါသော တပ်ရင်းတစ်ခု အခြေနေရာယူထားသည့်အတွက် AA က ယင်းတပ်စခန်းကို ဧပြီလ ၂၂ ရက်နေ့ကစ၍ ထိုးစစ်ဆင်တိုက်ခိုက်နေခြင်းဖြစ်သည်။

သံတွဲတိုက်ပွဲကြောင့် ကျေးရွာ ၁၅ ရွာထက်မနည်း ဒေသခံပြည်သူ ၁၅၀၀၀ ခန့်မှာ အိုးအိမ်စွန့်ခွာ ထွက်ပြေးတိမ်းရှောင်နေရပြီး အများစုမှာ သံတွဲမြို့ပေါ်၌ တိမ်းရှောင်နေကြကြောင်းနှင့် နေရာထိုင်ခင်း၊ စားနပ်ရိက္ခာ အရေးတကြီး လိုအပ်နေကြောင်း စစ်ဘေးဒုက္ခသည်ကူညီသူများထံမှ သိရသည်။

ပုံစာ - သံတွဲတိုက်ပွဲမြင်ကွင်း။

07/05/2024

ကရင်နီပြည်နယ်တွင် စစ်ကောင်စီ၏ သယ်ယူထောက်ပို့ရေး စစ်ရဟတ်ယာဉ် ပစ်ချခံရပြီး ၁၁ ဦးသေဆုံးခဲ့ဟုဆို

မေ ၇

ကရင်နီပြည်နယ်တွင် စစ်ကောင်စီ၏ သယ်ယူထောက်ပို့ရေး စစ်ရဟတ်ယာဉ် ပစ်ချခံရပြီး ၁၁ ဦးသေဆုံးခဲ့ကြောင်း လေတပ်သတင်းရင်းမြစ်က ပြောဆိုသည်။

ယမန်နေ့ မေလ ၆ ရက်နေ့ နံနက် ၁၀ နာရီကျော်ခန့်အချိန် ကရင်နီပြည်၊ ဖားဆောင်းမြို့နယ်သို့ လာရောက်သည့် အကြမ်းဖက် စစ်တပ်၏ ရဟတ်ယာဉ်တစ်စီးကို တော်လှန်ရေး တပ်ဖွဲ့များက ဘောလခဲမြို့နယ်အနီးတွင် ပစ်ချနိုင်ခဲ့ကြောင်း ကရင်နီတပ်မတော် (KA)၊ စစ်ရေးချုပ် ဗိုလ်မှူးကြီးဘုန်းနိုင်က ရန်ကုန်ခေတ်သစ်သတင်းဌာနထံသို့ အတည်ပြုပြောဆိုခဲ့ပြီး စစ်ကောင်စီ၏ လေတပ်သတင်းရင်းမြစ်ကမူ သယ်ယူပို့ဆောင်ရေး စစ်ရဟတ်ယာဉ်သည် ကရင်နီလက်နက်ကိုင်များ၏ ပစ်ခတ်မှုကြောင့် ဆင်းသက်ရန် ကြိုးပမ်းရင်း ပျက်ကျခဲ့သည်ဟု ပြောဆိုသည်။

"ပစ်ချခံရတာက သယ်ယူပို့ဆောင်ရေးရဟတ်ယာဉ်ဖြစ်တယ်။ ရဟတ်ယာဉ်ပေါ်မှာ ပါတဲ့ သူ ၁၁ ဦးသေဆုံးပါတယ်။ ဒဏ်ရာရသူလည်းရှိတယ်။ ရဟတ်ယာဉ်က တစ်ခါတည်းပျက်ကျသွားတာမျိုးမဟုတ်ဘဲနဲ့ ပစ်ခံရပြီး ဆင်းသက်ဖို့ ကြိုးစားရင်း ပျက်ကျတယ်လို့ သိရတယ်။ အပစ်ခံရတဲ့အချိန် ရဟတ်ယာဉ်ထဲမှာ စုစုပေါင်း ၁၈ ဦးရှိနေတယ်။ ကျနော်တို့ သိထားတာကတော့ အပစ်ခံရတာက Mi 17 ရဟတ်ယာဉ်အမျိုးအစားပါ" ဟု လေတပ်သတင်းရင်းမြစ်က ပြောဆိုသည်။

၂၀၂၁ ခုနှစ် စစ်အာဏာသိမ်းပြီးချိန်မှစတင်၍ စစ်ကောင်စီ၏ ရိက္ခာသယ်ယူပို့ဆောင်ရေး ရဟတ်ယာဉ်၊ တိုက်လေယာဉ်များ အပါအဝင် စုစုပေါင်း ၇ စီးကို တိုင်းရင်းသား တော်လှန်ရေးတပ်များနှင့် ပြည်သူ့ကာကွယ်ရေးတပ်များက ပစ်ချခဲ့ပြီးဖြစ်ရာ ယမန်နေ့ ပစ်ချခံရသည့် ရဟတ်ယာဉ်ပါဆိုလျှင် စုစုပေါင်း ပစ်ချနိုင်ခဲ့သော တိုက်လေယာဉ်နှင့် ရဟတ်ယာဉ် ၈ စီးရှိလာပြီဖြစ်သည်။

ဓာတ်ပုံ- ယမန်နေ့ ကရင်နီတပ်များက စစ်ရဟတ်ယာဉ်ကို ပစ်ခတ်နေသည့် မြင်ကွင်းနှင့် ပျက်ကျသွားသည့် စစ်ကောင်စီ၏ Mi17 အမျိုးအစား ရဟတ်ယာဉ် တစ်စီး။

06/05/2024

ဘူးသီးတောင် စကခ (၁၅) တပ် အာဏာသိမ်းစစ်တပ်အဖွဲ့ဝင်တွေ အညံ့ခံလာတဲ့ ရုပ်သံ

06/05/2024

စကခ (၁၅) တပ်မဌာနချုပ်က ဒုတပ်မမှူးအပါအဝင် အာဏာသိမ်းစစ်တပ်အဖွဲ့ဝင်တွေ အညံ့ခံလာတဲ့ ရုပ်သံမှတ်တမ်းကို AA ထုတ်ပြ

ဧပြီ ၂၉၊ >>> ArakanNews.com

05/05/2024

ဘူးသီးတောင် အမှတ် ၁၅ စစ်ဆင်ရေးကွပ်ကဲမှု တပ်မဌာနချုပ် အပါအဝင် တပ်ရင်း ၅ ခု ၊ မောင်တောမှ စစ်စခန်းဌာနချုပ် ၄ ခု အပါအဝင် စစ်ကောင်စီတပ်စခန်းကြီး ၉ ခုထက်မနည်းကို AA က တိုက်ခိုက်သိမ်းပိုက်ရရှိ

မေ ၅

ရခိုင်ပြည်နယ်၊ ဘူသီးတောင်မြို့နယ်ရှိ အမှတ် ၁၅ စစ်ဆင်ရေးကွပ်ကဲမှု ဌာနချုပ် အပါအဝင် တပ်ရင်းဌာနချုပ် ၅ ခု၊ မောင်တောမြို့နယ်မှ စစ်စခန်းဌာနချုပ် ၄ ခု အပါအဝင် စစ်ကောင်စီတပ်စခန်းကြီး ၉ ခုထက်မနည်းကို AA က တိုက်ခိုက်သိမ်းပိုက်ခဲ့ကြောင်း ယနေ့ နံနက်ပိုင်းတွင် AA က တရားဝင် သတင်းထုတ်ပြန်ကြေညာသည်။

ဘူးသီးတောင်မြို့နယ်ရှိ စစ်ကောင်စီ၏ တပ်ရင်းစခန်းဌာနချုပ် တပ်ရင်းနှင့်ဌာနချုပ် ၁၂ ခုအနက်မှ အမှတ် ၁၅ စစ်ဆင်ရေးကွပ်ကဲမှု ဌာနချုပ် (စကခ ၁၅ ) လက်အောက်ခံ တပ်ရင်းများနှင့် ဌာနချုပ်များဖြစ်ကြသည့်

(၁) ခမရ ၅၅၂ တပ်ရင်းကို မတ်လ ၂၅ ရက်နေ့တွင်လည်းကောင်း၊
(၂) ခမရ ၅၆၄ တပ်ရင်းကို ဧပြီလ ၅ ရက်နေ့တွင်လည်းကောင်း၊
(၃) ခမရ ၅၆၅ တပ်ရင်းအား ဧပြီလ ၂၄ ရက်နေ့တွင်လည်းကောင်း၊
(၄) စကခ ၁၅ ဘူးသီးတောင် တပ်မဌာနချုပ်ကို မေလ ၂ ရက်နေ့တွင်လည်းကောင်း၊
(၅) ခမရ ၅၅၁ တပ်ရင်းကို မေလ ၃ ရက်နေ့တွင်လည်းကောင်း အသီးသီးသိမ်းပိုက် ရရှိထားကြောင်း သိရှိရသည်။

ဘူးသီးတောင်တွင် "စကခ ၁၅ ဘူးသီးတောင်"လက်အောက်ရှိ တပ်ရင်းများ ဖြစ်ကြသော ခမရ ၃၄၅ ၊ ခမရ ၃၅၂ ၊ ခမရ
၃၅၃ ၊ ခမရ ၅၃၅ ၊ ခမရ ၅၅၁ ၊ ခမရ ၅၅၂ ၊ ခမရ ၅၆၄ ၊ ခမရ ၅၆၅ တပ်ရင်းများနှင့် "ဘူးသီးတောင် ဗျူ ဟာ" လက်အောက်ခံတပ်ရင်းများဖြစ်ကြသော ခလရ ၂၃၃ ၊ ခလရ ၂၃၄ ၊ ခလရ ၂၆၃ နှင့် အမတ ၃၇၈ တို့အနက်မှ ၅ ခုကို သိမ်းပိုက်ရရှိပြီဖြစ်ကြောင်း၊ ထို့အတူ မိမိတို့သိမ်းပိုက်ရယူရန်ကျန်ရှိနေသေးသော လက်ကျန်စခန်းများကိုလည်း တစ်ပြိုင်နက်တည်း ထိုးစစ် ဆင်တိုက်ခိုက်လျက်ရှိကြောင်း သိရှိရသည်။

စစ်ကောင်စီ၏ လက်နက်ခဲယမ်း၊ စစ်အသုံးအဆောင်ပစ္စည်းများ နှင့် လက်နက်ချ အညံ့ခံသော သုံပန်းများ ကို ဖမ်းဆီး ရမိထားကြောင်း၊ ဘူးသီးတောင် အမှတ် ၁၅ စစ်ဆင်ရေးကွပ်ကဲမှု ဌာနချုပ် (စကခ ၁၅ )ကို AA က ကာလအတန်ကြာ ဝိုင်းရံပိတ်ဆို့ထားခဲ့ပြီး ၂၀၂၄ ခုနှစ်၊ ဧပြီလ နောက်ဆုံးအပတ်မှ ထိုးစစ်အားအရှိန်မြှင့်ခဲ့ကာ ၁၂ ရက်ကြာ အပြင်းအထန် ထိုးစစ်ဆင်တိုက်ခိုက်ခဲ့ပြီးမှ ယခုကဲ့သို သိမ်းပိုက်ရယူနိုင်ခဲ့ခြင်းဖြစ်ကြောင်း သိရှိရသည်။

AA က သိမ်းပိုက်ရရှိထားသော ခမရ ၅၅၁ နှင့် စကခ ၁၅ တပ်မဌာနချုပ်မှ ထွက်ပြေးနေသော စစ်ကောင်စီတပ်ဖွဲ့ဝင်များကို လိုက်လံရှင်းလင်း တိုက်ခိုက်လျက်ရှိသောကြောင့် တိုက်ပွဲများ ဆက်လက်ပြင်းထန်နေခဲ့ကြောင်း၊ ထို့အတူ စခန်းစွန့်ခွာ ထွက်ပြေးလွတ်မြောက်နေသော စစ်သားများက ဘူးသီးတောင်မြိုနယ်၊ တန်းရှောက်ခံရွာအတွင်းမှ ခုခံကာကွယ်မှုများရှိခဲ့သော်လည်း AA က ချေမှုန်းတိုက်ခိုက်နိုင်ခဲ့၍ စစ်တပ်ဘက်မှ ထိခိုက်၊ သေဆုံးမှုများ များပြားခဲ့ကြောင်း သိရှိရသည်။

ထို့အတူ မောင်တော၊ အမ်း၊ ကျောက်ဖြူ၊ သံတွဲ မြိုများတွင်လည်း စစ်ကောင်စီနှင့် AA တို့ တိုက်ပွဲများ ဆက်လက်ရှိနေပြီး ဘူးသီးတောင်-မောင်တော ကားလမ်းတစ်လျှောက် စစ်ကောင်စီစခန်းများဖြစ်ကြသော တာဝါတိုင် စခန်းကုန်း၊ ၆ မိုင်စခန်းကုန်း တို့အပြင် နခခ-၁ (ကျီးကန်းပြင်)၊ နခခ-၁၀ (လှဖိုးခေါင်) စခန်းဌာနချုပ်များကိုလည်း သိမ်းပိုက်ရရှိကြောင်း သိရှိရသည်။

ထို့ပြင် အမ်းမြိုနယ်အတွင်းရှိ တောဟိန်းတောင်ဗျူဟာကိုလည်း AA က ဆက်လက်ထိုးစစ်ဆင်တိုက်ခိုက်လျက်ရှိကြောင်း သိရှိရသည်။

03/05/2024

BREAKING NEWS
■ မောင်တောမြို့ကို AA က သိမ်းပိုက်ထိန်းချုပ်လိုက်ပြီဟုဆို

(ကျီးကန်းပြင်ဌာနချုပ်က စစ်ကောင်စီတပ်ဖွဲ့ အင်အား ၅၀ ခန့် လက်နက်ချ)

မေ ၃ ArakanNews.com

ရခိုင်ပြည် မောင်တောမြို့ကို အာရက္ခတပ်တော် AA က ရာနှုန်းပြည့် သိမ်းပိုက်ထိန်းချုပ်လိုက်ပြီး ကျီးကန်းပြင်ဌာနချုပ်က စစ်ကောင်စီတပ်ဖွဲ့ဝင် အင်အား ၅၀ ခန့်လည်း လက်နက်ချအညံ့ခံခဲ့ကြောင်း ခိုင်လုံသော သတင်းရင်းမြစ်ထံမှ သိရသည်။

မောင်တောမြို့တွင် နောက်ဆုံးကျန်ရှိနေသော အမှတ် ၁ နယ်ခြားစောင့်စခန်း ကျီးကန်းပြင်ဌာနချုပ်ကို မေလ ၂ ရက်နေ့ နံနက် ၄ နာရီက သိမ်းပိုက်ရရှိပြီးနောက် မောင်တောမြို့ကို သိမ်းပိုက်ထိန်းချုပ်နိုင်ခဲ့ခြင်းဖြစ်သည်။

ခိုင်လုံသော သတင်းရင်းမြစ်က " မောင်တောကို AA က သိမ်းလိုက်ပါပြီ။ မနေ့က နံနက် အာရုဏ် ၄ နာရီလောက်မှာ သိမ်းပိုက်လိုက်တာပါ။ စစ်ကောင်စီဖက်က ကြည်း၊ ရေ၊ လေ သုံးခုစလုံးဖြင့် ခုခံခဲ့ပေမယ့် AA က သိမ်းပိုက်နိုင်ခဲ့ပါတယ်။ " ဟု ပြောသည်။

မောင်တောမြို့သိမ်းတိုက်ပွဲတွင် စစ်ကောင်စီတပ်ဖွဲ့ဝင် အင်အား ၅၀ ခန့်မှာ AA ထံ လက်နက်ချ အညံ့ခဲ့ပြီး မွတ်ဆလင်အကြမ်းဖက်အဖွဲ့ ARSA, ARA နှင့် RSO တို့က စစ်ကောင်စီဖက်မှ ပူးပေါင်းပါဝင် တိုက်ခိုက်ခဲ့ကြောင်း သတင်းရင်းမြစ်က ဆိုသည်။

စစ်ကောင်စီတပ်ဖွဲ့ဝင်အချို့မှာလည်း တစ်ဖက် ဘင်္ဂလားဒေ့ရှ်နိုင်ငံသို့ ထွက်ပြေးမှုရှိကြောင်းလည်း သိရသည်။

စစ်ကောင်စီဖက်က ယခုအချိန်အထိ မောင်တောမြို့နယ်၊ ဘူးသီးတောင်မြို့နယ်နှင့် ပေါက်တောမြို့နယ်တို့ကို လေယာဉ်ဖြင့် ဗုံးကြဲတိုက်ခိုက်နေကြောင်းနှင့် စစ်တွေမြို့ဖက်က လက်နက်ကြီးများဖြင့် ပစ်ခတ်နေကြောင်း သိရသည်။

ဘူးသီးတောင်မြို့ကိုလည်း သိမ်းပိုက်နိုင်ရန် အာရက္ခတပ်တော် AA သည် ထိုးစစ်အရှိန်ကို ယခင်ထက် ၄ ဆခန့် မြှင့်တင်ထားကြောင်း ဒေသခံများထံမှ သိရသည်။

ဘူးသီးတောင်မြို့က စစ်ကောင်စီ၏ အကြီးဆုံးစခန်းဖြစ်သော စကခ ၁၅ ဌာနချုပ်ကို ထိုးစစ်ဆင်တိုက်ခိုက်နေသည်မှာ ၃ လခန့်ကြာမြင့်နေပြီဖြစ်ပြီး ယင်းတပ် ဌာနချုပ်ကို သိမ်းပိုက်ရရှိပါက ဘူးသီးတောင်မြို့ကို AA က သိမ်းပိုက်နိုင်မည်ဖြစ်သည်။

နောက်ထပ် ခိုင်လုံသော သတင်းရင်းမြစ်က " ဘူးသီးတောင်မြို့ကို AA က ၇၀ ရာခိုင်နှုန်းကျော် သိမ်းပိုက်နိုင်ပါပြီ။ ကျန် ၂၅ ရာခိုင်နှုန်းကျော်ကို သိမ်းပိုက်ရရှိရင်တော့ ဘူးသီးတောင်မြို့ကိုလည်း မကြာခင်မှာ သိမ်းပိုက်နိုင်မှာဖြစ်ပါတယ်။ မွတ်ဆလင်အကြမ်းဖက်အဖွဲ့တွေ ပူးပေါင်းတိုက်ခိုက်နေတဲ့အတွက် တချို့ဟာတွေမှာ နည်းနည်း ခက်ခဲနေတာတွေရှိပါတယ်။ ဒါပေမယ့် ဘူးသီးတောင်မြို့ကို AA က မရ ရအောင် သိမ်းပိုက်မှာပါ။ " ဟု ပြောသည်။

ပြီးခဲ့သည့် ဧပြီလ ၂၇ ရက်နေ့ နံနက်ပိုင်းတွင်လည်း အနောက်ပိုင်းတိုင်း စစ်ဌာနချုပ်တည်ရှိရာ ရခိုင်ပြည်၊ အမ်းမြို့ အနီးရှိ စစ်ကောင်စီ တောဟိန်းတောင် ဗျူဟာကုန်းကို အာရက္ခတပ်တော် AA က သိမ်းပိုက်ခဲ့သည်။

အာရက္ခတပ်တော် AA က ရခိုင်ပြည်အတွင်းက ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ မြေပုံ၊ ပေါက်တော၊ ရသေ့တောင်၊ တောင်ပြို၊ ရမ်းဗြဲနှင့် ပလက်ဝတို့ သိမ်းပိုက်ထားပြီး အခြားမြို့နယ်များကို သိမ်းပိုက် ရရှိရေး ထိုးစစ်ဆင်းတိုက်ခိုက်နေသည်။

ဓါတ်ပုံ - ပုံဟောင်း

>>> ArakanNews.com

02/05/2024

စစ်ကောင်စီ၏ လက်နက်နှင့်ရိက္ခာသယ်လာသည့် ယာဉ်များကို AA တားဆီးထား

ArakanNews.com

စစ်ကောင်စီတပ်အတွက် လက်နက်နှင့်ရိက္ခာများ တင်ဆောင်ပြီး မကွေးတိုင်းမှ ရခိုင်ပြည်သို့ မောင်းနှင်လာသည့် ကုန်တင်ကား ၂၆ စီးကို အာရက္ခတပ်တော်က တားဆီးစစ်ဆေးနေကြောင်း သတင်းရရှိသည်။

စစ်လက်နက်နှင့် စားနပ်ရိက္ခာများ တင်ဆောင်လာသော ကုန်ကားများကို အမ်း-ပဒါန်း ကားလမ်းတစ်နေရာတွင် ယမန်နေ့ ဧပြီလ ၃၀ ရက် နံနက်ပိုင်းက စစ်ဆေးနေခြင်းဖြစ်ကြောင်း ခိုင်လုံသည့် သတင်းရင်းမြစ်ထံမှ သိရသည်။

“လက်နက်ကြီး၊ RPG၊ လက်နက်ငယ်တွေ ပါတယ်။ တခြားရိက္ခာတွေနဲ့ ရောယူလာတာ။ ကားမောင်းသူတွေထဲမှာ စစ်ကောင်စီတပ်ဖွဲ့ဝင်တချို့ပါတယ်။ ကားသမားတွေကလည်း သူတို့ကို စစ်ကောင်စီက အတင်းခေါ်လာတာလို့ ဖြေကြတယ်” ဟု ခိုင်လုံသည့် သတင်းရင်းမြစ်တစ်ဦးက ပြောသည်။

အမ်း - ပဒါန်းကားလမ်းသည် မကွေးတိုင်းနှင့် ရခိုင်ပြည်ကို ဆက်သွယ်ထားသောလမ်းဖြစ်ပြီး စစ်ကောင်စီက စစ်ရေးအရအသုံးချနေသဖြင့် ပြီးခဲ့သည့် ဧပြီလ ၂ ရက်မှစ၍ AA က အကန့်အသတ်မရှိ ပိတ်ပင်ထားသည်။

အဆိုပါကုန်ကားများမှာ တိုက်ပွဲပြင်းထန်နေသည့် နေရာများနှင့် အမ်းအခြေစိုက် အနောက်ပိုင်းတိုင်း စစ်ဌာနချုပ် (နပခ) သို့ ထောက်ပို့လာခြင်းဖြစ်သည်ဟု ခိုင်လုံသည့် သတင်းရင်းမြစ်များထံမှ သိရသည်။

ယမန်နေ့ ဧပြီလ ၃၀ ရက်နေ့ နံနက် ၈ နာရီခန့်က နပခနှင့် အမ်း - ပဒါန်းကားလမ်းရှိ AA စစ်ဆေးရေးဂိတ်ကြားတွင် နှစ်ဖက်တိုက်ပွဲများ ဖြစ်ပွားခဲ့သည်။

“ကားတွေက နပခကို ရိက္ခာတွေ လာပေးတာ။ ကားထဲမှာ လူအင်အားတော့ မပါဘူး။ ရိက္ခာတွေပဲ ပါတယ်။ အဲဒီကားတွေ အမ်းဘက်ကို ဝင်လာတဲ့အချိန်မှာ စစ်လေယာဉ်တွေ အပေါ်ကဝဲပြီး လိုက်လာတာရှိတယ်” ဟု အမ်းဒေသခံတစ်ဦးက ပြောသည်။

အမ်းမြို့နယ်အား သိမ်းပိုက်ရရှိရေးအတွက် AA က စစ်ကောင်စီအသုံးပြုသည့် လမ်းကြောင်းများအား ပိတ်ဆို့ကာ အပြင်းအထန် ထိုးစစ်ဆင်တိုက်ခိုက်နေချိန် စစ်ကောင်စီကလည်း နည်းမျိုးစုံဖြင့် ပစ်ကူ၊ ထောက်ပို့များ ပေးနေလိမ့်မည်ဟု ရခိုင်နိုင်ငံရေးသမားများက သုံးသပ်ကြသည်။

“ရှေ့တန်းမှာတိုက်ပွဲဝင်နေတဲ့ စစ်ကောင်စီတပ်ဖွဲ့ဝင်တွေအတွက် စားနပ်ရိက္ခာနဲ့ လက်နက်ခဲယမ်းက အရေးကြီးလာတယ်။ အဲဒါကြောင့် တပ်ဖွဲ့ဝင်တွေ စိတ်ဓာတ်မကျစေဖို့ ရတဲ့နည်းနဲ့စစ်ကူပေးနေတယ်လို့ မြင်တယ်။ အဲဒီလိုသာ မလုပ်ပေးခဲ့ရင် စစ်ကောင်စီတပ်ဖွဲ့ဝင်တွေ ငတ်ပြတ်ပြီးတော့ အလိုအလျောက် အလင်းဝင်သွားကြမယ့် အခြေအနေရှိတယ်” ဟု ရခိုင်နိုင်ငံရေးသမားတစ်ဦးက ပြောသည်။

အမ်းမြို့နယ်အတွင်း စစ်ကောင်စီ၏ ဗျူဟာကုန်း၊ တပ်စခန်းများထဲမှ စွေ့ချောင်းဗျူဟာကုန်းကို AA က အပြီးသတ် သိမ်းပိုက်ရရှိထားပြီး ကျန်စခန်းများကိုလည်း ဆက်လက်ထိုးစစ်ဆင်နေကာ စစ်ကောင်စီဘက်မှ လက်နက်ကြီးနှင့် လေကြောင်း ပစ်ကူများဖြင့် အပြင်းအထန် ခုခံလျက်ရှိသည်။

ပုံစာ - မင်းပြားတွင် AA က စစ်ကောင်စီထံမှ သိမ်းဆည်းရမိသော စစ်လက်နက်နှင့် စစ်အသုံးအဆောင်ပစ္စည်းများ။

02/05/2024

ဂျပန် နှင့် တရုတ် မှ အထူးမျက်စိကျနေသည့် ရခိုင်ပြည် ရသေ့တောင်မြို့နယ် အငူမော်ကျွန်းမှ အနက်ရောင်သဲ.. ArakanNews.com

တရုတ်နဲ့ ဂျပန်တွေစိတ်၀င်စားနေတဲ့ ရခိုင် မှအနက် ရောင်သဲများအကြောင်းသိကောင်းစရာ
*********************************

ဒီတလော သတင်းမှာ တွေ့နေရတာကရခိုင်ပြည်နယ် ရသေ့တောင်မြို့နယ် (အငူမော်)ကျွန်းက အနက်ရောင် သဲများကို
တရုတ်ပြည်က စိတ်၀င်စားပြီး လာရောက် စမ်းသပ်မှု တွေ
ပြုလုပ်နေတယ် ဆိုတာပါပဲ။

မြန်မာပြည်သူ အများစုကတော့ အဲဒီ အနက်ရောင်သဲတွေက ဘာလဲ၊ ဘယ်မှာ သွားသုံးမှာလဲ၊ ဘာတန်ဖိုးရှိလဲ ဆိုတာ သိကြအုံးမယ်လို့ မထင်ပါ

အဆိုပါ အနက်ရောင်သဲများ က အင်္ဂလိပ်လိုတော့ rare earth လို့ ခေါ်ပါတယ်။

တိုက်ရိုက်ပြန်ရင် ရှားပါးတဲ့မြေ ပေါ့၊ ဒါပေမဲ့ အဲဒီပစ္စည်းက ရှားလည်းမရှားပါး မြေကြီးလည်း မဟုတ်ပါဘူး။

rare earth ဆိုတာက
ဒြပ်စင်ပေါင်း ၁၇ မျိုး ပါ၀င်တဲ့ သတ္တုဒြပ် အမျိုးအစားတွေကို ခေါ်ပါတယ်။

အဲဒါတွေက scandium (Sc-21),
yttrium (Y-39),
lanthanum (La-57),
cerium (Ce-58),
praseodymium (Pr-59),
neodymium (Nd-60),
promethium (Pm-61),
samarium (Sm-62),
europium (Eu-63), gadolinium (Gd-64), terbium (Tb-65), dysprosium (Dy-66), holmium (Ho-67),
erbium (Er-68),
thulium (Tm-69),
ytterbium (Yb-70),
and luteium (Lu-71) တို့ ဖြစ်ပါတယ်။

အဲဒီ သတ္တုတွေကို တချို့က the silent heroes of
modern technolog လို့ တင်စားကြပါတယ်။

Rare earth ဟာ မရှားပါးပေမဲ့ အဲဒီ ဒြပ်စင်သတ္တုတွေက
တမျိုးတည်းသီးခြား တွေ့ရဖို့ မဖြစ်နိုင်ပါဘူး။

မရှားပါးပေမဲ့ အဲဒီရောစပ်နေတဲ့ rare earth ထဲမှာ ပါ၀င်နေတဲ့ ဒြပ်သတ္တု တစ်ခုချင်းကို သန့်စင်ခွဲထုတ်ဖို့က အန္တရာယ်များ၊ ခက်ခဲလွန်းပြီး စီးပွားဖြစ်ပမာဏရဖို့ မလွယ်ကူဖူးလို့ သိရပါတယ်။

နေ့စဉ်ထိတွေ့ သုံးစွဲနေတဲ့ အရာများစွာမှာ rare earth သတ္တုတမျိုးမျိုး သေချာပေါက်ပါ၀င်နေပါတယ်။

တီဗီ၊ ကွန်ပြူတာ၊ ရေနံတူးစက်၊ သေးငယ်တဲ့ အီလက်ထရွန်းနက် အစိတ်အပိုင်းများ၊ မော်တော်ကား၊ Hybrid ကား၊
အလင်းဖန်မျှင်ကြိုး၊ စစ်လက်နက် ကိရိယာများ၊ နုကလီယား ဓာတ်ပေါင်းဖို နဲ့ အာကာသယာဉ် ကိုယ်ထည်တွေမှာ
အဲဒီသတ္တု တမျိုးမဟုတ်တမျိုး ထည့်သွင်း အသုံးပြုထားပါတယ်။

Erbium သတ္တုကို နေကာမျက်မှန်၊ အလှဆင်ပန်းအိုး၊ လေဆာခွဲစိပ်မှု နဲ့ သတင်းအချက်အလက် လျင်မြန်စွာစီးဆင်းစေတဲ့ အလင်းဖန်မျှင်ကြိုးတွေမှာ မရှိမဖြစ် သုံးရပါတယ်။

Europium သတ္တုကို တီဗီဖန်သားပြင်၊LED မီးလုံး တွေ နဲ့ နျူကလီးယားဓာတ်ပေါင်းဖို မှာ အသုံးပြုပါတယ်။

Hybrid ကား (ဆီနဲ့ ဘက်ထရီ နှစ်မျိုးသုံး) မောင်းနေတဲ့
ကားပိုင်ရှင်တွေကိုယ်တိုင် rare earth ကို သူတို့နေ့စဉ် သုံးနေရတယ်ဆိုတာ မသိကြပါဘူး။

တိုယိုတာ Prius Hybrid ကားတိုင်းမှာ Lanthanum
၁၀ ပေါင် ထည့်သုံးထားပါတယ်။ ဟိုင်းဘရစ်ကားမှာပါတဲ့ဘက်ထရီအမျိုးအစား"nickel-metal hydride" က Lanthanum သတ်တုကို သုံးထားတာပါ။

အဲဒါနဲ့ အခြား ဟိုင်းဘရစ်ကားတွေရယ်၊တရုတ်ပြည်မှာ သုံးနေတဲ့ ဘက်ထရီကားငယ်လေးတွေ အားလုံးပေါင်းလိုက်ရင် လိုအပ်မယ့် Lanthanum က စျေးကွက်မှာလုံလောက်စွာမရှိပါဘူး" လို့ rare earth ကျွမ်းကျင်ပညာရှင် Jack Lifton က ဆိုပါတယ်။

ဒါ့အပြင် တိုယိုတာကားကုမ္ပဏီ က lanthanum တူးဖော်ထုတ်လုပ်ရေးမှာ ရင်းနှီးမြုပ်နှံနေတဲ့ တစ်ခုတည်းသော ကားကုမ္ပဏီဖြစ်ကြောင်းလည်း သိရပါတယ်။

အချက်အလက်များအရ ကမ္ဘာပေါ်မှာ တရုတ်ပြည် က rare earth ပမာဏ အများဆုံး ပိုင်ဆိုင်ထားပြီး ပြည်တွင်း
စက်မှု လုပ်ငန်း များမှာ အသုံးပြုဖို့ လုံလောက်အောင်ဆိုပြီး ၂၀၁၀ ခုနှစ်မှာ ပြည်ပသို့ တင်ပို့ရောင်းချမှုကို ကန့်သတ်လိုက်ပါတယ်။

အဲဒီ သတင်း ကြောင့် rare earth စျေးနှုံးများ ခုန်တက်သွားခဲ့ပါတယ်။ rare ရဲ့ စျေးနှုန်းကတော့ စျေးကွက်မှာရှိတဲ့ ပမာဏ နဲ့ ၀ယ်လို အားပေါ် မူတည်ပြီး ပြောင်းလဲနေတတ်ပါတယ်။

ဒီဇင်ဘာလ ၂၀ ရက်၊ ၂၀၁၂ ခုနှစ်HEFA ရဲ့ စျေးနှုန်းအရ
၁ ကီလိုဂရမ် စျေးကို ဖော်ပြထားပါတယ်။

Scandium metal -
အမေရိကန် ဒေါ်လာ ၁၅၀၀၀
(၁ ကီလိုစျေး)၊
Terbium metal - ၂၅၀၀၊
Neodymium metal - ၁၁၅၊
Lanthanum metal - ၂၈၊
Europium Oxide - ၂၁၅၀၊
Dysprosium Oxide - ၉၇၅၊
Erbium metal - ၂၇၅၊
Cerium metal - ၂၅ ဒေါ်လာ ....။

ဒါကြောင့် နိုင်ငံခြားမှလာရောက် ရင်းနှီးမြုပ်နှံသူတွေကို
ကြေးနီ၊ ရွှေ၊ ရေနံ၊ ဂက်စ် စတဲ့ သတ္တုတွင်းများမှာ တူးဖော်ခွင့် ပေးထားရာကအချောင်ရောပါသွားနိုင်တဲ့ (တနည်း) ခိုးထုတ်သွားမယ့် အဆိုပါ အနက်ရောင်သဲ ခေါ် rareearth အကြောင်းကို မြန်မာပြည်သူတွေ ဂရုစိုက် သိထားသင့်ကြောင်းမျှဝေလိုက်ပါတယ်...

မှ ဗဟုသုတအဖြစ် ပြန်လည် မျှဝေပါတယ်...

Arakan News

26/12/2024

30/10/2024

30/10/2024

23/05/2024

22/05/2024

14/05/2024

13/05/2024

13/05/2024

11/05/2024

07/05/2024

06/05/2024

06/05/2024

05/05/2024

03/05/2024

02/05/2024

02/05/2024

Address

Telephone

Website

Alerts

Contact The Business

Videos

အမ်းမြိုနယ်၊ အကြမ်းဖက် ဖက်ဆစ် စစ်ကောင်စီ၏ အနောက်ပိုင်းတိုင်းစစ်ဌာနချုပ်

ဘူးသီးတောင် စကခ (၁၅) တပ် အာဏာသိမ်းစစ်တပ်အဖွဲ့ဝင်တွေ အညံ့ခံလာတဲ့ ရုပ်သံ

Shortcuts

Share