13/12/2024
កម្រងរូបភាពក្នុងកម្មវិធី "អានហើយលូតលាស់" ដែលបានប្រារព្ធធ្វើឡើងនា ថ្ងៃអាទិត្យ ទី០១ ខែធ្នូ ឆ្នាំ២០២៤ នៅ សាលាបឋមសិក្សាបារគូ Bakou Primary School មានទីតាំងស្ថិតនៅក្នុង ភូមិត្បូងក្ដី ឃុំបារគូ ស្រុកកណ្ដាលស្ទឹង ខេត្តកណ្ដាល ។
ក្នុងគោលបំណង៖
- នាំយកសៀភៅសិក្សាចំនួន ៨៥១ ក្បាលសម្រាប់តម្កល់ក្នុងបណ្តាល័យ ដើម្បីទុកជាសិក្ខវត្ថុសម្រាប់ សិស្សានុសិស្សបានសិក្សារៀនសូត្រ
- ចូលរួមលើកកម្ពស់ក្នុងវិស័យអប់រំ និងជំរុញការអានសៀវភៅ ទៅដល់សិស្សានុសិស្ស
រៀបចំដោយ៖ ក្លឹបវិទ្យាសាស្រ្តអប់រំនិងអភិវឌ្ឍន៍យុវជន
សហការដោយ៖ កេសរ - KESOR
គាំទ្រដោយ៖ បណ្ណាគារ សាមគ្គីពុទ្ធិ
ដៃគូផ្សព្វផ្សាយ៖
- យុវជនដើម្បីកម្ពុជា
- One Film
ក្នុងនាមខ្ញុំជាប្រធានគម្រោង សូមគោរពថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ សមាជិករបស់ក្លឹប ក្រុមការងារស្ម័គ្រចិត្ត ក៏ដូចជា ព្រះតេជគុណគ្រប់អង្គ សប្បុរសជន យុវជន និងយុវនារី ទាំងអស់ដែលបានជួយជ្រុំជ្រែងទាំងកម្លាំងកាយចិត្ត ការលះបង់ ទាំងពេលវេលាដ៏មានតម្លៃចូលរួម ឧបត្ថម្ភជាថវិកា និងជាសៀវភៅ សម្រាប់កម្មវិធីមួយនេះបានដំណើរការប្រព្រឹត្តិទៅដោយរលូន។
ជាចុងក្រោយសូមប្រសិទ្ធិពរ ៤ ប្រការគឺ៖ អាយុ វណ្ណៈ សុខៈ ពលៈ កើតមានដល់អស់លោកអ្នកកុំបីឃ្លៀងឃ្លៀតឡើយ
