26/01/2025
မီးရထားဝန်ထမ်း မျောက်ကလေး "ဂျက်"
˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚
၁၈၈၀ ခုနှစ်များအတွင်း တောင်အာဖရိကနိုင်ငံ၊ ကိပ်တောင်းမြို့ (Cape Town) အနီး မီးရထားလမ်းပိုင်းတစ်ခုမှာ ထူးခြားတဲ့ ဝန်ထမ်းတစ်ဦး ရှိခဲ့ဖူးပါတယ်။
သူကတော့ လူသားတစ်ရောက် မဟုတ်ဘဲ ဂျက် (Jack) လို့ခေါ်တဲ့ (baboon) ဗာဘွန်းမျောက် တစ်ကောင်ပဲ ဖြစ်ပါတယ်။ "ဂျက်" ရဲ့ ဇာတ်လမ်းဟာ တိရိစ္ဆာန်တွေရဲ့ ဉာဏ်ရည်ဉာဏ်သွေးနဲ့ သစ္စာရှိမှုကို သက်သေပြနေတဲ့ ဖြစ်ရပ်လေး တစ်ခု ဖြစ်ပါတယ်။
ဇာတ်လမ်းလေးကဒီလိုပါ
˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚
ဂျိမ်းစ်ဝိုက်ဒ် (James Wide) လို့ခေါ်တဲ့ အမျိုးသားတစ်ဦးဟာ မီးရထားအချက်ပြ အော်ပရေတာ (railway signalman) တစ်ဦးဖြစ်ပြီး မတော်တဆမှုတစ်ခုကြောင့် ခြေထောက်နှစ်ဖက်လုံး ဆုံးရှုံးခဲ့ရပါတယ်။ ဒါကြောင့် သူ့ရဲ့အလုပ်ကို ဆက်လုပ်ဖို့ အခက်အခဲတွေ ရှိလာပါတယ်။ ဒီလိုနဲ့ သူဟာ "ဂျက်" (Jack) လို့ခေါ်တဲ့ ဗာဘွန်းမျောက်တစ်ကောင် ကို ဝယ်ယူခဲ့ပြီး သူ့ရဲ့လက်ထောက် အဖြစ် လေ့ကျင့်ပေးဖို့ ဆုံးဖြတ်ခဲ့ပါတော့တယ်။
"ဂျိမ်းစ်" ဟာ "ဂျက်" ကို အချက်ပြစနစ် တွေကို ဘယ်လိုသုံးရမယ်ဆိုတာ စိတ်ရှည်ရှည်နဲ့ သင်ကြားပေးခဲ့ပါတယ်။ ဘယ်အချိန်မှာ လီဗာကို ဆွဲရမယ်၊ ဘယ်လိုအချိန်မှာ အချက်ပြမီးတွေ ပြောင်းရမယ်ဆိုတာကို ရှင်းပြခဲ့ပါတယ်။ အံ့သြစရာကောင်းလောက်အောင်ပဲ "ဂျက်" ဟာ သင်ယူမှုအားကောင်းပြီး အရာရာကို မြန်မြန်ဆန်ဆန်နဲ့ ပဲတတ်မြောက်သွားခဲ့ပါတယ်။
သို့သော် ဂျက် (Jack) ကို ပထမဆုံး မြင်တွေ့ခဲ့ကြတဲ့သူတွေထဲက အချို့ဟာ မီးရထားလမ်းပေါ်မှာ မျောက်တစ်ကောင် လျှောက်သွားနေတာကို တွေ့ရှိခဲ့ကြပြီး စိုးရိမ်တ ကြီး နဲ့ တာဝန်ရှိသူတွေကို တိုင်ကြားခဲ့ကြပါတယ်။
သူတို့က မျောက်တစ်ကောင်ဟာ မီးရထားလမ်းပေါ်မှာ လျှောက်သွားနေတာဟာ အန္တရာယ်ရှိနိုင်တယ်လို့ ထင်ခဲ့ကြပါတယ်။ နောက်ပိုင်းမှာ မှ ဂျက် (Jack) ဟာ ဂျိမ်းစ်ဝိုက်ဒ် (James Wide) ရဲ့ လက်ထောက်ဖြစ်ပြီး အချက်ပြစနစ်တွေကို ကူညီလုပ်ကိုင်ပေးနေတာကို သိရှိသွားကြတဲ့အခါ အလွန်အံ့အားသင့်ခဲ့ကြရပါတယ်။
အစပိုင်း မှာ သံသယရှိခဲ့ကြပေမဲ့ ဂျက် (Jack) ရဲ့ စွမ်းဆောင်ရည်ကို မျက်မြင်တွေ့လိုက်ရတဲ့အခါမှာတော့ အားလုံးက သူ့ကို အသိအမှတ်ပြုလာခဲ့ကြပါတယ်။
မကြာခင်မှာပဲ ဂျက် (Jack) ဟာ သူ့ရဲ့အလုပ်ကို ကျွမ်းကျွမ်းကျင်ကျင် လုပ်ကိုင်လာနိုင်ခဲ့ပြီး ရထားတွေလာတဲ့အခါ မှန်ကန်တဲ့ အချက်ပြမှုတွေကို ပြောင်းပေးနိုင်ခဲ့ပါတယ်။
ဒီလိုနဲ့ "ဂျက်" ဟာ အဲ့ဒီအလုပ်မှာပဲ ၉ နှစ်တိုင်တိုင် အလုပ်လုပ်ခဲ့ပြီး တစ်ခါမှ အမှားအယွင်းမရှိခဲ့ပါဘူး။ သူ့ရဲ့ စွမ်းဆောင်ရည်ကြောင့် မီးရထားအာဏာပိုင်တွေရဲ့ အသိ အမှတ်ပြုမှုကိုလည်း ရရှိခဲ့ပါတယ်။ ဂျက် (Jack) ကို တရားဝင် ဝန်ထမ်းအဖြစ် မှတ်ပုံတင်ခဲ့ပြီး လစာလည်း ပေးခဲ့ပါတယ်။ Jack ရဲ့လုပ်အားခ ဟာ တစ်နေ့လျှင် ၂၀ဆင့် နှင့် တစ်ပတ်လျှင် ဘီယာ ပုလင်းတစ်ဝက် ခန့်ရရှိတယ်လို့ ဆိုပါတယ်။
ဒီ မီးရထားဝန်ထမ်း မျောက်ကလေး ဂျက် (Jack) ရဲ့ ဇာတ်လမ်းဟာ အဲ့ဒီအချိန်က လူတွေကြားမှာ အရမ်းရေပန်းစားခဲ့ပြီး သတင်းစာတွေမှာလည်း ဖော်ပြခြင်းခံခဲ့ရပါတယ်။ ဓာတ်ပုံတွေ နဲ့ မှတ်တမ်းတွေကလည်း ဂျက် (Jack) ဟာ တကယ်ရှိခဲ့တဲ့ မျောက်တစ်ကောင် ဖြစ် ကြောင်း သက်သေပြနေပြီး တောင်အာဖရိက မီးရထားဌာန ရဲ့ မှတ်တမ်းတွေမှာလည်း ဂျက်ရဲ့အကြောင်း ကို မှတ်တမ်းတင်ထားပါတယ်။
ဒီဇာတ်လမ်းကနေ ကျွန်တော်တို့ သင်ယူနိုင်တာကတော့ တိရိစ္ဆာန်တွေမှာလည်း ဉာဏ်ရည်ဉာဏ်သွေးနဲ့ သင်ယူနိုင်စွမ်းတွေ ရှိတယ်ဆိုတာပါပဲ။ "ဂျက်" (jack) ဟာ သစ္စာရှိမှု၊ ဝီရိယရှိမှု နဲ့ ထူးခြားတဲ့ စွမ်းရည်တွေပိုင်ဆိုင်ထားပြီး
သခင့်အပေါ်သိတက်တဲ့ မျောက်ကလေး တစ်ကောင်အဖြစ် ယနေ့တိုင် လူတွေရဲ့ကြားမှာ အမှတ်ရနေဆဲ ဖြစ်ပါတယ်။
#ကူးယူဖော်ပြခြင်းမပြုပါနဲ့ - ( လွတ်လပ်စွာ Share နိုင်ပါတယ်♥️)
