เว็บไซต์คืออะไร?

https://www.facebook.com/125464967325358/

Pajau Media Channel

ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Pajau Media Channel, บริษัทด้านสื่อ/ข่าวสาร, Mueang Chiang Rai, Chiang Rai.

ပါဂျောင်မီဒီယာသည် ကချင်ပြည်နယ်အရပ်ရပ်ရှိ သတင်းများနှင့် ကြားဖြတ်သတင်းများကို မိဘပြည်သူများထံသို့ အချိန်နှင့် တပြေးညီတင်ဆက်ပေးလျက်ရှိသည့် သတင်းမီဒီယာတစ်ရပ်ဖြစ်ပါသည်။

Stay updated with timely Kachin State news coverage on our news channel.

18/11/2024

စစ်ကောင်စီ၏ လေယာဥ်ဗုံးကျဲတိုက်ခိုက်မှုကြောင့် ပြည်သူ ၃ဦး သေဆုံးပြီး ၁၃ ဦး ဒဏ်ရာပြင်းထန်...

ပါဂျောင်မီဒီယာ။
၁၈ရက်၊နိုင်ဝင်ဘာ၊၂၀၂၄။

စစ်ကောင်စီတပ်က တိုက်ပွဲဖြစ်ပွားခြင်းမရှိသော်လည်း လေယာဥ်ဖြင့် ဗုံးကျဲမှုဆက်တိုက်လုပ်ဆောင်နေပြီး နိုဝင်ဘာ ၁၇ ရက် ညသန်းခေါင်ယံ ၁၁း ၄၅ နာရီတွင် ရှမ်းမြောက် ကွတ်ခိုင်ရပ်ကွက်(၄)တရုတ်ဘုရားကျောင်းအနီးသို့ လေယာဉ်ဖြင့်လာရောက်ဗုံးကျဲရာ ပြည်သူ ၃ သေဆုံးပြီး ၁၃ ဦး ဒဏ်ရာ ပြင်းထန်စွာ ရသွားကြောင်း ကွတ်ခိုင်ဒေသခံများထံမှသိရသည်။

“ ညသန်းခေါင်ယံ ဗုံးလာကျဲတာပေါ့ ကွက်ခိုင် ရပ်ကွက်၄ တရုတ်ဘုရားကျောင်းအနီး ကပြည်သူအိမ်၃ အိမ် တစ်စစီ ပျက်စီး သွားတယ်၊ တစ်နှစ်ခွဲအရွယ်ကလေး၊မိခင် နှင့်အသက်၆၀ အရွယ်အမျိုးသားတစ်ဦးအပါအဝင် ၃ဦးသေဆုံးခဲ့ပြီး ၁၃ ဦးပြင်းပြင်းထန်ထန် ဒဏ်ရာရတယ်ပြည်သူနေအိမ် ၅ လုံးလည်းရစရာမရှိပျက်စီးသွားတယ်” လို့ ဒေသခံတစ်ဦး က ပြောသည်။

ဗုံးပေါက်ကွဲမှု ပြင်းအားကြောင့် ကွတ်ခိုင် နှစ်ခြင်းဘုရားကျောင်း မှန်များကွဲသွား ကြောင်း၊ လေယာဥ် ဗုံးသတိထားရမည့် အခြေအနေ ဖြစ်သောကြောင့် လူစုလူဝေး မပြုလုပ်ကြရန်နှင့် လေကြောင်းကာကွယ်မှုနှင့် ပတ်သက်တဲ့ အသိပေးထုတ်ပြန်ချက်တွေကို လိုက်နာကြဖို နိုင်ဝင်လာ၁၈ မနက်ပိုင်းမှာ တအာင်းတပ်မတော် TNLA ထုတ်ပြန်ထားကြောင်းလည်းသိရသည်။

နိုင်ဝင်ဘာ ၁၅ ရက်ညနေ ၄း၀၀ နာရီ ခန့်အချိန်မှာလည်း စစ်ဘေးရှောင်နေသည့် ကချင်ပြည်နယ် မိုးမောက်၊ မြို့သစ်ကုန်းလောတွင် စစ်ကောင်စီ လေယာဥ် ဗုံးကျဲမှုကြောင့် ကလေး(၇) ဦးနှင့် အသက်၃၀ကျော်အရွယ် အမျိူးသားအမျိုးသမီး ၂ ဦး စုစုပေါင်း ၉ ဦး သေဆုံးခဲ့သည်။

အာဏာသိမ်းချိန်မှစ၍ ၂၀၂၄ ခုနှစ် နှစ်လယ်ပိုင်းအချိန်အထိ စစ်ကောင်စီတပ်၏ လေကြောင်းဗုံးကျဲတိုက်ခိုက်မှု အကြိမ်ရေ ၂၅၀၀ နီးပါးရှိခဲ့ပြီး ဘာသာရေးဆိုင်ရာ အဆောက်အအုံ ၂၀၄ ခု၊ ဆေးရုံဆေးခန်း ၅၇ ခုနှင့် စာသင်ကျောင်း ၂၀၇ ကျောင်း ဗုံးဒဏ်ကြောင့် ပျက်စီးခဲ့ကြောင်း အမျိုးသားညီညွှတ်ရေး အတိုင်ပင်ခံကောင်စီ က ထုတ်ပြန်ထားသည်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3188?single

Website Link; https://www.pajau.net

18/11/2024

မြစ်ကြီးနား-မိုးညှင်းလမ်းပိုင်းတွင် ငွေကြေးကောက်ခံသော စစ်ကောင်စီဂိတ် အလွန်များပြားလာကြောင်း ကားသမားများမှပြော...

ပါဂျောင်မီဒီယာ။
၁၈ရက်၊နိုဝင်ဘာ၊၂၀၂၄။

မြစ်ကြီးနား-မိုးညှင်းလမ်းပိုင်းတွင် စစ်ကောင်စီ၏ငွေကြေးကောက်ခံသည့် ဂိတ်များအလွန်များပြားသောကြောင့် ယာဉ်လိုင်းအသုံးပြုနေရသည့် ခရီးသွားပြည်သူများနှင့် ယာဉ်မောင်းများအတွက် အခက်အခဲ ဖြစ်နေကြောင်း ကားသမားများထံမှသိရသည်။

"မြစ်ကြီးနားကနေကားဘီးစလှိမ့်ပြီဆိုတာနဲ့ ဧရာဝဏ်ဆီဆိုင်နားကနေစပြီး တဂိတ်စပြီ၊ပိုက်ဆံတောင်းပြီ ၊ မြစ်ကြီးနားကထွက်တာနဲ့ နန်းကွေ့တံတားမှာတဂိတ်၊ မြစ်ကြီးနားတိုးဂိတ်မှာက ၆ဂိတ်၊အကျဲတောင်ထိပ်မှာ၁ဂိတ်၊၂၁မိုင်ဂိတ်မှာက၅ဂိတ်၊နမ္မတီးမှာ၂ဂိတ်၊မိုးကောင်းမှာ၆ဂိတ်၊ဆားမှော်၁ဂိတ်၊တောင်နီ၁ဂိတ်၊ ပင်းဘော၁ဂိတ်၊ နန်းခွင်၁ဂိတ်၊ ကြာကြီးကွင်း၁ဂိတ်၊ ဟိုပင်အဝင်တိုးဂိတ်၊စုစုပေါင်း၂၂နေရာ ဂိတ်ကြေးပေးရတယ် ၊မိုးညှင်းရောက်ဖို့၃၅၀၀၀လောက်ကုန်တယ်၊ဆီက ဈေးကြီးတာနဲ့ဆိုတော့ ကားပြင်ရရင် ပိုဆိုး ၊ နိုင်ငံ‌ရေးမကောင်းတော့လုပ်စားရတာ အဆင်ကိုမပြေဘူး"ဟု မြစ်ကြီးနား-မိုးညှင်းလမ်းပိုင်း ခရီးသည်တင်ယာဉ်မောင်းတစ်ဦးကပြောသည်။

မြစ်ကြီးနား-မိုးညှင်းလမ်းပိုင်းတွင်ငွေကြေးကောက်ခံနေကြသော ဂိတ်များသည် စစ်ကောင်စီလက်အောက်ခံ လက်နက်ကိုင်များဖြစ်ပြီး ခရီးသည်များအား မှတ်ပုံတင်စစ်ရာတွင် ကြမ်းတမ်းစွာ ပြောဆိုဆက်ဆံမှုများရှိကြောင်း ဒေသခံတစ်ဦးကပြောသည်။

"ကျွန်မက မြစ်ကြီးနားကနေ မိုးညှင်းက အမျိုးတွေဆီကို ခဏအလည်သွားတာ၊မိုးကောင်းအဝင်မှာ မှတ်ပုံတင်အစစ်ခံရတယ်၊သူတို့က စကားပြောတာရိုင်းစိုင်းတယ် ၊ သူတို့စကားပြောတဲ့ပုံစံက အမျိုးသမီးတွေကို မလေးမစားတဲ့ပုံစံနဲ့ ပြောတာ ၊အသက်ကအစလိုက်မေးတယ် ၊ကျောင်းမနေဘူးလားလဲမေးတယ် ၊မဆိုင်တာတွေလိုက်မေးနေတာ မိန်းကလေးဆိုရင်ကို ပြီတီတီရုပ်နဲ့ ကြည့်ပြီ၊ အခုဆိုရင် မြစ်ကြီးနား -မိုးညှင်း ၁၀၅မိုင်ဘဲဝေးတာကို ကားခက ၆သောင်းပေးပြီးစီးနေရတာမို့ တစ်ခါသွားဖို့တောင် ကားခနဲ့မလွယ်ဘူး"ဟု အသက်၂၈နှစ်အရွယ် ခရီးသွားအမျိူးသမီးက ပြောသည်။

ကုန်ကားနှင့်ဆီသယ်ယာဉ်များအား ကားတစ်စီးလျှင် ငွေကျပ်၃သောင်းမှ ၅သောင်းထိ ကောက်ခံပြီး မြို့အဝင် ဘီးခွံဂိတ်တွင် ဘီးခွံ ၅ထောင်ကျပ် ကောက်ခံနေကြောင်းလည်းသိရသည်။

ကချင်ပြည်သား

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3178?single

Website Link; https://www.pajau.net

18/11/2024

တိုက်ပွဲများ ပြန်လည်ဖြစ်ပွားလာသည့်အတွက် နန့်စီးအောင်ဂိတ်တွင် ကုန်ကား ၃ထောင်ကျော်ပိတ်မိနေ...

ပါဂျောင်မီဒီယာ။
၁၈ရက်၊နိုဝင်ဘာ၊၂၀၂၄။

ကချင်ပြည်နယ်နှင့် မိုးညင်းခရိုင် အင်းတော်ကြီးဒေသတွင် နိုဝင်ဘာလ(၁၂)ရက်နေ့မှစ၍ စစ်ကောင်စီလက်အောက်ခံ ရှမ်းနီပြည်သူ့စစ်များနဲ့ K-PDFတို့၏တကျော့ပြန်တိုက်ပွဲကြောင့် ကားလမ်းများပိတ်ကာ ကချင်-စစ်ကိုင်းအစပ် နန့်စီးအောင်ဂိတ်တွင် မော်တော်ယာဉ်အစီးရေ ၃ထောင်ကျော်ပိတ်မိနေကြောင်း ခရီးသွားပြည်သူတစ်ဦးကပြောသည်။

လက်ရှိ ကချင်-စစ်ကိုင်းအစပ် ကားလမ်းအခြေအနေကို ခရီးသွားပြည်သူအမျိုးသမီးတစ်ဦးက "ဆီကား၊၁၂ဘီးကား၊ ‌၆ဘီးကား၊သုံးဘီးဆိုင်ကယ်နဲ့ ကုန်သယ်တဲ့ ဆိုင်ကယ်တွေ အစီးရေ ၃ထောင်ကျော်လောက်ရှိတယ် ၊ပိတ်မိနေတာက လမ်းပေါ်မှာ ကားတန်းက သုံးတန်းပူးကြီးဆိုတော့ ဆိုင်ကယ်တောင် တလှိမ့်ခြင်း လှိမ့်ပြီးမောင်းလာရတာ၊ နေကပူ ဖုန်ကထူနဲ့ လူတွေ ဒုက္ခရောက်နေကြတာ၊ ထမင်းဆိုင်တွေလည်း ဘာမှရောင်းစရာမရှိတော့ဘူး၊ကျမဆို ထမင်းဆာလို့ဝယ်စားမလို့ကို ဘာမှ မရှိတော့ဘူးပြောလို့ မစားခဲ့ရဘူး “ ဟုဆိုသည်။

လမ်းပိုင်းတွင်စားသောက်ရေးမှအစ ခက်ခဲနေပြီး ရေသန့်တစ်ဘူးကို ၃ထောင်ကျပ် ပေးဝယ်ရကြောင်း အင်းတော်လမ်းပိုင်းက တကျော့ပြန်တိုက်ပွဲကြောင့် ဆီကားများကိုလည်း မိုးညှင်းဖက်မှအဝင်မခံဘဲ ပိတ်ထားသောကြောင့် ဆီကားသမားများမှာပြန်ချင်သော်လည်း ပြန်၍မရနေကြောင်း အင်းတော် -မြစ်ကြီးနား သို့ ခရီးသွားနေသူ အမျိုးသမီးကပြောသည်။

မန္တလေး-မြစ်ကြီးနားလမ်းတွင် တိုက်ပွဲများ ကြောင့် အင်းတော် လမ်းပိုင်းပိတ်ထားပြီး မိုးညှင်းမြိုတွင်ကုန်ဈေးနှုန်းများအဆမတန် မြင့်တက်နေပြီး ဆေးဝါးနဲ့ စားနပ်ရိက္ခာများလိုသလောက်မရရှိကြောင်း သိရသည်။

စစ်ကောင်စီလက်အောက်ခံ ရှမ်းနီပြည်သူ့စစ်များနှင့် K-PDFတို့၏ တကျော့ပြန်တိုက်ပွဲကြောင့် နေရပ်စွန့်ခွာထွက်ပြေး သော ဒေသခံအရေအတွက် များလာကြောင်းသိရသည်။

တကျော့ပြန်စစ်ပွဲကြောင့် နှစ်ဖက်လက်နက်ကိုင်များထိခိုက်ကျဆုံးမှုရှိခဲ့ပြီး ဆနွင်းကုန်းကျေးရွာမှ နေအိမ်(၅)လုံးကို ရှမ်းနီပြည်သူ့စစ်များက မီးရှို့ဖျက်ဆီးခဲ့ကြောင်း ဒေသခံများကပြောသည်။

"လူ‌နေအိမ်၅လုံးကို ရှမ်းနီပြည်သူ့စစ်တွေက မီးရှို့သွားတာ၊ အကုန်ပြာကျသွားတယ်၊ဘာတခုမရလိုက်ဘူး၊အခု အိမ်မီးရှို့ခံလိုက်ရတဲ့သူတွေကနေစရာမရှိတော့ဘူး။ မိုးညှင်းက အမျိုးတွေဆီ စစ်ရှောင်ဖို့ပြေးသွားတာကို နန့်မွန်းရှမ်းနီပြည်သူ့စစ်ဂိတ်က မထွက်ခိုင်းလို့ အင်းတော်ကြီးထဲ ပြန်ဝင်လာရတယ်၊ တခြားမြို့ တွေဖက်ကို ရှောင်သွားနိုင်တဲ့သူတွေကလည်း နေစရာနေရာမရှိလို့ဒုက္ခရောက် နေကြတယ်" ဟု ဆနွင်းကုန်းရွာသားတစ်ဦးမှပြောသည်။

အင်းတော်ကြီးဒေသကို စားနပ်ရိက္ခာနဲ့ဆေးဝါးတွေသယ်ယူခွင့် ပိတ်ထားတာကြောင့် ညောင်ပင်စစ်ရှောင်စခန်းမှ ပြည်သူများနှင့်နတ်မောက်ကန်ရွာဖက်ရှောင်တိမ်းနေရသည့် စစ်ရှောင်ပြည်သူတွေများမှာ ဆန်ပြုတ်သာသောက်နေရသည့် အခြေအနေဖြစ်နေကြောင်းစစ်ရှောင်တိမ်းနေရသော ပြည်သူများထံမှသိရသည်။

ကချင်ပြည်သား

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3175?single

Website Link; https://www.pajau.net

16/11/2024

အပတ်စဉ်သတင်းပေါင်းချုပ်

ပါဂျောင်မီဒီယာ
၁၆ရက် ၊နိုဝင်ဘာလ၊၂၀၂၄ခုနှစ်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Facebook Link;- https://t.me/pajaumediachannelgenuinenews2023/3173

Website Link; https://www.pajau.net

16/11/2024

ပူတာအိုဒေသတွင်ယခုနှစ် ကျောက်ဂျပိုးတစ်ပိသာလျှင်‌ကျပ်ဆယ်သိန်းအထိဈေးပေါက်နေပြီ

၁၆ နိုဝင်ဘာ၂၀၂၄

မြန်မာနိုင်ငံ၏မြောက်ဖျားပိုင်း၊ ပူတာအိုဒေသရဲ့ အအေးဒဏ်က မီးတောက်တောက်လောင်နေတဲ့ မီးဖိုကြီးနဲ့ မခွဲမခွာချင်လောက်အောင် အေးခဲစပြုနေပြီ။

နေ့ တနေ့ရဲ့ အလုပ်ပြီးချိန် ညနေစောင်း ၃ နာရီခန့် မှစကာ ကျေးလက်နေ တောင်သူများ ဓာတ်မီးတစ်လက်၊ ဆာလာအိတ်တစ်လုံး၊ ရေဗုံး ဖလားခွက်၊ ဇကာဖြင့်ပြုလုပ်ထားသည့် ရိုက်တံ နှင့်အမြဲကိုင်နေကျ ဓားကိုယ်စီလွယ်ပြီး ကျောက်ဂျပိုးရှာဖို့ ရွာဘေးက ချောင်းများဆီကို ဆင်းလာခဲ့ပါတယ်။

နှစ်စဉ် စက်တင်ဘာလကုန်ခန့်မှ ဒီဇင်ဘာလ အထိ လူငယ်၊လူလတ်၊ လူကြီးမရွေး ကျောက်ဂျပိုး များရှာထွက်လေ့ရှိကြပါတယ်။ ဒေသခံတွေ အနေနဲ့ ထိုကျောက်ဂျပိုးကို ငရုတ်သီးထောင်းစားခြင်း၊ မုန်ညှင်းနဲ့ ဟင်းရည်ချက်သောက်ခြင်း၊ လှော်စားခြင်း နဲ့ ဆီဖြင့်ကြော်စားတာတွေဒေသအစားအစာတစ်ခုအဖြင့် လုပ်စားကြပါသည်။

ထိုကျောက်ဂျပိုးအမျိုးအစားကိုမြန်မာနိုင်ငံမြောက်ဖျားပိုင်း၊ကချင်ပြည်နယ်အတွင်းအများဆုံးတွေ့ရှိရသည့်ရာသီပေါ်အသွင်ပြောင်းပိုးကောင်တစ်မျိုးဖြစ်သည်။

ယခင်က ကျောက်ဂျပိုးများကို ဒေသဟင်းခတ် အစားအစာ အဖြင့်သာသုံးဆောင်ခဲ့ကြသော်လည်း ယခုနှစ်များတွင် စျေးကောင်းရလာကာ စီးပွားအဖြစ် ရှာဖွေ၊ဖမ်းကြရသည့် ဓလေ့အဖြင့်သို့ပြောင်းလဲလာခဲ့ပြီဖြစ်သည်။

ဆောင်းရာသီနိုဝင်ဘာလ ဆန်း ဒီဇင်ဘာလ ဟာ တောင်ယာစပါးရိတ်သိမ်းပြီး အလုပ်ပါးချိန် တရုတ်ရဲ့ ကျောက်ဂျပိုးဝယ်လိုအားနှင့် မြို့ကြီးများမှ စီးပွားလုပ်ငန်းရှင်များ ဒေသတွင်းသို့ ကျောက်ဂျပိုးဝယ်ယူရန် ရောက်ရှိလာပါတော့တယ်။ဒေသခံတွေထဲကလည်းအဝယ်ဒိုင်လုပ်ကြဝယ်၊ရောင်းကြတဲ့စီးပွားရှင်တွေအများကြီးရှိလာခဲ့ပြီ။

ဒီလို တရုတ်စိတ်ဝင်စားတဲ့ ကျောက်ဂျပိုးဟာ
ညနေပိုင်း ၄ နာရီ ၆ နာရီကြား နှစ်နာရီခန့်အတွင်း၎င်းတို့ပြန်သန်းချိန် တွင်ရှာရတာဖြစ်တဲ့အတွက် ရှာနိုင်တဲ့သူက တစ်ညကို နို့ဆီခွက် ၂ခွက်၊၃ ခွက်ကျော်အထိအသီးသီးရကြပါ တယ်။

"အနည်းဆုံး ကတော့ ခွက်တစ်ဝက်ရကြတယ်၊ တစ်ခွက်ကို ၅၀၀၀၀ကျပ် မှ ၆သောင်းခွဲကျပ် အထိ စျေးပေါက်သည်ဖြစ်သည်။ကျောက်ဂျပိုးအကြီးမျိုး၊အသေးမျိုးဆိုပြီးနှစ်မျိုးခွဲကြတယ်၊အကြီးမျိုးကျတော့အသေးမျိုးလောက်ဈေးမကောင်းဘူးအသေးတစ်မျိုးသီးသန့်ဆိုရင်ဈေးကောင်းရကြတယ်။

ကျောက်ဂျပိုးဆိုတာ နွေရာသီနဲ့ မိုးရာသီ အတွင်းမှာတွင်တောထဲမှာသာနေကြပြီး ဆောင်းရာသီရောက်ရင်တော့ နေရဲ့အပူဓါတ်ကိုရဖို့ နေပူစာလှုံရန် ချောင်းကမ်းနံဘေးတွေဆီပျံသန်းလာကြပါတယ်။

သူတို့ဟာ ချောင်းနှံဘေးက ကျောက်ခဲ တွေရဲ့ အောက်မှာ နေကြပြီး ရေကြောက်တဲ့ အမဲရောင်နဲ့အညို‌‌ေရာင်ရှိတဲ့လက်သဲခွံအရွယ်အစားသာရှိပြီး၊ ပြင်းရှသည့်အနံ့တစ်မျိုးရှိတဲ့ ပျံတက်တဲ့ ပိုးကောင်တစ်မျိုးဖြစ်ပါတယ်။

ကျောက်ဂျပိုး ပျံသန်းချိန် ညနေဆည်းဆာ နေဝင်ချိန်အတွင်း ပလက်စတစ် ထောင်ပြီးဖမ်းသလို စကာဖြင့်ပြုလုပ်ထားသော ရိုက်တံများဖြင့်ရိုက်ချ ဖမ်းစီးခြင်းများ ပြုလုပ်ကြတယ်။နေ့ခင်းဘက်နှင့် ညအချိန်မှာတော့ ကျောက်ခဲ တွေကို လှန်ကာဖမ်းကြရပြီး သူတို့နေထိုင်တဲ့ ကျောက်ခဲကို ရေလောင်းပြီး ပျံထွက်လာတဲ့ ကျောက်ဂျပိုးကို ဖမ်းကြရပါတယ်။

ကျောက်ဂျပိုးဟာ ကျောက်ခဲ တုံးကြီးတွေ ကြားက ထွက်လာပြီး မြစ်၊ချောင်းများတစ်လျှောက် ရေစုန် သို့ ဦးတည်ချက် ထားကာည‌ေနဆည်းဆာအချိန်‌ပျံသန်းလေ့ရှိပြီး ကျောက်ဂျပိုးရှာသူ တွေက ၎င်းရေစုန်ဘက်မှာ တံတားအသေးလေးထိုးကာ ရေစုန်ဘက်ကျတဲ့ တံတားဘက်ခြမ်းကို
လူတွေတန်းစီစောင့်ဆိုင်းကြကာ ထောင်ခြောက်ဆင်၊ ဇကာပိုက် ရိုက်တံများဖြင့်ရိုက်ချ ဖမ်းစီးကြတာဖြစ်ပါတယ်။

၎င်းတို့ဟာ ရေစုန်ဘက်ကို အရှိန်နဲ့ ပျံသန်းလာချိန် ထို ထောင်ခြောက်များ ကို တိုက်မိပြီး အောက်သို့ကျတာကို ကောက်ယူရုံသာဖြစ်တယ်လို့ သူတို့ကဆိုပါတယ်။

"ရေစီးသန်တဲ့နေရာမှာ တံတားလေးသေးသေးလေးထိုးပြီး ပလက်စတစ် ထောင်ပြီးဖမ်းကြတယ်၊ရေစီးသန်တဲ့နေရက ဖမ်းဖို့ပိုလွယ်သလို ရလည်းပိုရတယ်၊အမြဲတမ်း ရေဗုံး၊ဖလားခွက်နဲ့ အဲဒီပလစတပ် ကိုရေပတ်ပေးရတယ်၊ စိုနေမှ အကောင်က အောက်ကိုကျတာ၊ မဟုတ်ရင် ပလက်စတစ်မှာကပ်နေတာ၊သူကရေပေါ်မှာဆို မပျံတော့ဘူးရေကြောက်တဲ့သဘောရှိတယ်" လို့ ၎င်းတို့ကရှင်းပြပါတယ်။

ကောက်ယူတဲ့ အချိန်သတိထားကောက်ယူရပြီး ကျောက်ဂျပိုးရဲ့ သေးရည်ဟာ မျက်လုံးကို အပန်းခံရပါက မျက်လုံး ကန်းနိုင်တယ်လို့ ဒေသခံတွေ ကဆိုကြပါတယ်။အစိပ်ပါသည့်အရည်တစ်မျိုးကိုထုတ်လွှတ်ပေးနိုင်တဲ့အကောင်တစ်မျိုးဟုဆိုကြသည်။

ကျောက်ဂျပိုးဟာ
အဓိက မလိခ မြစ်နဲ့၎င်းရဲ့မြစ်လက်တက်များဖြစ်ကြတဲ့ ချောင်းကြီး၊ ချောင်းငယ်များရဲ့ ကျောက်ခဲကြီးတွေ ရှိတဲ့ ချောင်းကမ်းနှဘေးတွေမှာ အဓိကတွေ့ရပါတယ်။

ရေခဲတောင်များမှမြစ်ဖျားခံလာသည့်မြစ်၊ချောင်းများတစ်လျှောက်ဆီမှဆောင်းဦးကာလတွင်စုန်ဆင်း၊ပျံသန်းလာကြသည်။မေခမြစ်ဖျားပိုင်းဖြစ်သည့်ခေါင်လန်ဖူးဒေသဘက်တွင်လည်းအပြားအပြားတွေ့ရလေ့ရှိ၏။

၎င်းကျောက်ဂျပိုးကို တရုတ်နိုင်ငံက အဓိကဝယ်ယူပြီး ပူတာအိုမြို့ကနေ မြစ်ကြီးနားမြို့၊ မန္တလေးမြို့ ကနေ တရုတ်ကို နို့ဆီဗူးတစ်ခွက်လျှင်၇သောင်းကျပ်အထိပေးဝယ်ကာကားနဲ့ အဓိကတင်ပို့ရတယ်လို့ ကျောက်ဂျပိုးဝယ်ယူနေသူ ဒေသခံတစ်ဦးကပြောပါတယ်။

ယခုနှစ်မှာတော့ ကျောက်ဂျပိုး တစ်ခွက်ကို ကျပ် ၆သောင်းကျပ်မှ ၆သောင်း ခွဲကျပ်အထိ ဈေးရပြီး တစ်ပိဿလျှင် ၁၀ သိန်းကျော်ရ နေ ပါတယ်။

ပူတာအိုဒေသက ကျောက်ဂျပိုးကို ရှာဖွေရောင်းချသည်မှာ ၂၀၁၉ ခုနှစ်ကစတင်ခဲ့တာဖြစ်ပြီး ၂၀၂၀ ခုနှစ်အတွင်း နို့ဆီခွက်တစ်ခွက်ကို ၆ထောင်သာရှိခဲ့တာဖြစ်ပါတယ်။ ပူတာအိုဒေသတွင် ကျောက်ဂျပိုးအမျိုးအစား အကြီးမျိုး၊ အသေးမျိုးဟူ ၍ရှိပြီး အသေးမျိုးသာ စျေးကောင်းရကြပါသည်။

၎င်းကျောက်ဂျပိုးကို တရုတ်က ဆေး နဲ့ ဟင်းချက်အမွှေးအကြိုင်ပြုလုပ် ကြသည့်အပြင် ဘီပိုး၊စီပိုးဆေးဖော်စပ်ရာတွင်လည်းအသုံးပြုကြကြောင်းသိရှိရသည်။

"နိုင်ငံရေးအခြေအနေ မကောင်းပေမယ့် ဒီနှစ်က ကျောက်ဂျပိုးဈေးကောင်းတယ်ဒါပေမယ့် ရွာနဲ့လှမ်းတဲ့ မြစ်၊ချောင်းဘက်တွေကို သွားရှာထွက်ဖို့အတွက်က နိုင်ငံရေးအခြေအနေကြောင့်အဆင်မပြဘူး" လို့ ဒေသခံများပြောသည်။

"ဒီနှစ်ထဲမှာတော့မလိခမြစ်ကြောင်းတစ်လျှောက်ကိုသွားရှာကြတဲ့သူတွေနည်းတယ်နိုင်ငံရေးမကောင်းတော့လုံချုံရေးအရသိပ်မ‌သွားရဲကြဘူးလေ၊အဓိကတော့ဒီနှစ်ထဲမှတောင်ပေါ်ကိုးရွာဖြစ်တဲ့ ဇီယာဒမ်း၊ခါးလန်စတဲ့ရေခဲတောင်ခြေရွာတွေဘက်ကိုအများဆုံးသွားရှာကြတယ်။တစ်ချို့ကျတော့နောင်မွန်၊ခေါင်လန်ဖူးနဲ့မချမ်းဘော့မြို့နယ်အရှေ့ပိုင်းတွေဆီသွားဖမ်းကြပါတယ်"ဟုဆိုသည်။

ဒီလို စျေးကောင်းရနေ ပေမယ့် ကျောက်ဂျပိုးဟာ နိုဝင်ဘာလနဲ့ ဒီဇင်ဘာလထိသာ ဖမ်းကြရပြီး အချိန်ပိုင်းအလုပ်သာဖြစ်တာရယ် ယခုနှစ်တွင်ယခင်နှစ်များထက်ကျောက်ဂျပိုးအလွန်ရှားပါလာတာ ကြောင့် ဒေသခံတွေ အတွက် မိသားစု စားဝတ်နေရေး လုံလောက်တဲ့ စီးပွားရေးမဟုတ်ဘူးလို့ လည်းဆိုပါတယ်။

ကျောက်ဂျပိုးဈေးကောင်းရလာသည်နှင့်အမျှတစ်နှစ်ထက်တစ်နှစ် ကျောက်ဂျပိုးကောင်အထွက်နှုန်းနည်းလာတယ်ဟုဆိုသည်။ ယခုနှစ်တွင်အောက်တိုဘာလအလယ်လောက်ကတည်းကကျောက်ဂျပိုးရှာ‌ေဖွသူများမြစ်၊‌ေချာင်းများတ‌စ် လျောက်တွင်နေရာယူထားပြီးရှာ‌ ဖွေနေကြသော်လည်း ယခင်နှစ်များထက်အထွက်နှုန်းထက်ဝက်မက လျှော့နည်းသွားပြီဟု ဇီယာဒမ်း၊ရေခဲတောင်ခြေတစ်လျှောက်တွင်သွားရောက်ရှာဖွေကြသောပူတာအိုဒေသခံများကဆိုတယ်။ "ဒီနှစ်ထဲမှာကျောက်ဂျပိုးလာရှာကြတဲ့သူတွေကချောင်းတစ်လျှောက်တွေမှာပွဲဈေးတန်းလိုလိုပဲတအားလည်းပေါ်စရာကောင်းတယ်၊ရွာခံတွေတော်တော်များများလည်းမိသားစုအလိုက်လာဖမ်းကြတာ"ဟုကြည်နူးစရာမြင်ကွင်းအကြာင်းရှင်းပြသည်။

သတင်းဆောင်းပါး- မလိခူး

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3169?single

Website Link; https://www.pajau.net

16/11/2024

ကချင်ပြည်နယ်ရှိ ပြည်သူ့စစ် ( P.T.Ts )ခေါင်းဆောင် ဦးလဆန်အောင်ဝါ နှလုံးသွေး‌‌ကြောပိတ် ရောဂါဖြင့်ကွယ်လွန်သွားကြောင်း လူမှုကွန်ရက်တွင် သတင်းများထွက်ပေါ်နေ....

ပါဂျောင်မီဒီယာ
၁၆ရက်၊နိုင်ဝင်ဘာလ၊၂၀၂၄။

-ဓာတ်ပုံသတင်း

15/11/2024

တရုတ် နယ်စပ်ဂိတ်များ ဆက်တိုက် ပိတ်ထားပါက ကြံစိုက်လုပ်ငန်းလုပ်ကိုင်သည့် ဒေသခံများ အရှုံးပေါ်မှာကိုစိုးရိမ်နေ

ပါဂျောင်မီဒီယာ
၁၅.၁၁.၂၀၂၄
တိုက်ပွဲများ ကြောင့် ကချင်နယ်စပ် ကုန်သွယ်ရေး ဂိတ်များကို ဆက်တိုက်ပိတ်ထားပါက ကချင်ဘက်ခြမ်းမှာ ကြံစိုက် လုပ်ငန်းလုပ်ကိုင်နေသည့် တောင်သူများ အရှုံးပေါ်မှာကို စိုးရိမ်နေကြကြောင်းသိရသည်။

ကချင်နယ်စပ် တစ်လျှောက် တိုက်ပွဲတွေ ဆက်တိုက် ဖြစ်ပွားသည့်နောက်ပိုင်း ကချင်လွတ်လပ်ရေး အဖွဲ KIO ထိန်းချုပ်ထားသည့် လွယ်ဂျယ်မြို့ မိုင်ဂျာယန်မြို့နှင့် တရုတ် နယ်စပ်ဂိတ် ကုန်သွယ်ရေးဂတ်များကို တရုတ်ဘက်က ပိတ်ထား သောကြောင့် ကြံစိုက်တောင်သူများ ကြံခုတ်ရန် မသေချာမရေရာ ဖြစ်နေကြကြောင်းသိရသည်။

ပုံမှန်အားဖြင့် ကြံကို ဒီဇင်ဘာလမှ မတ်လအတွင်း ခုတ်ကြပြီး တင်ပို့ကြရတာဖြစ်ပေမဲ့ တိုက်ပွဲကြောင့် နယ်စပ်ဂိတ်တွေ ပိတ်နေတာ‌ေတွအလုပ်သမား ရှားပါးသည့် ပြဿနာလည်းကြုံရတယ်လို့ ကြံစိုက် သည့် တောင်သူများ ကဆိုသည်။ နယ်စပ်ဂိတ်များ ဒီတိုင်းတာဆက်ပိတ်နေပါက ဒီနှစ်တော့ ကြံလုပ်ငန်းက အရှုံးပေါ်မည့် အခြေအနေနဲ့ တွေ့ကြုံရတယ်လို့လည်းဆို သည်။

ပြီးခဲ့သည့် စက်တင်ဘာလ ကုန်ပိုင်းမှ စ၍ ကချင်လွတ်လပ်ရေး တပ်မတော် KIA ပူးပေါင်းတပ်ဖွဲ့များ နှင့် ကချင်-တရုတ်နယ်စပ်ရှိ စစ်ကောင်စီတပ်၊ ပြည်သူ စစ်တပ်များနှင့် ဦးဇခုန်တိန့်ယိန့် ဦးဆောင်သည့် ကချင်နယ်ခြားစောင့်တပ်များကိုထိုးစစ်ဆင်တိုက်ခိုက်ရာ ကချင်အထူးဒေသ(၁) နယ်မြေ ကို တိုက်ခိုက်သိမ်းပိုက်ခဲ့ ပြီး ခေအိုင်အို အုပ်ချုပ်မှု စတင်လည်ပတ်နေပြီဖြစ် သည်။

လက်ရှိမှာ ကန်ပိုင်တည်မြို့သာကျန်ရှိ သေးတာဖြစ်ပါတယ်။ ကချင်ပြည်မှာ တရုတ်နယ်စပ်ဂိတ်များ ဖြစ်သည့် လွယ်ဂျယ်၊ မိုင်ဂျာယန်၊ လိုင်ဇာ၊ ကန်ပိုက်တီ၊ ဖီမော်၊ ပန်ဝါ၊ ခါရှန်၊ စဂျီ၊ ပါဂျောင်၊ မံဝိန်းကြီးနှင့် ကန်ဖန်ဟူ၍ ၁၁ ဂိတ်ခန့်ရှိပြီး လက်ရှိ နယ်စပ်ကုန်သွယ်ရေး အားလုပ် ရပ်ဆိုင်းနေတာဖြစ်ပါတယ်။
=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3165?single

Website Link; https://www.pajau.net

14/11/2024

ဗန်းမော်ခရိုင်အတွင်း ဒေသခံများ၏ တောင်ယာခင်းများ ကြွက်ဖျက်ဆီးခြင်း ဆိုးရွားစွာခံနေရ...

ပါဂျောင်မီဒီယာ။
၁၄ရက်၊နိုင်ဝင်ဘာ၊၂၀၂၄။

လက်ရှိအချိန်တွင် တောင်ယာစိုက်ပျိုးထားသည့်ဒေသခံများ အတွက် စပါးရိတ်သိမ်း ကောက်သစ်စားသည့်အချိန်အခါဖြစ်သော်လည်း ဗန်းမော်ခရိုင် မံစီမြို့နယ် အင်ဘာပါဒေသအတွင်းက ကျေးရွာ တော်တော်များများ မှာ ကြွက်ဘေးကြုံနေရသည့်အတွက် ရိတ်သိမ်းဖို့စပါးမရှိ တော့သည့်အခြေအနေနှင့်ကြုံနေရကြောင်းသိရသည်။

“ကြွက်တွေက စပါးနဲ့စိုက်ပျိုးထားသည့် အသီးအနှံအားလုံးတစ်ခုမကျန် စားပစ်လိုက်တာ ဆက်တိုက်ကြွက်တွေ ဖျက်ဆီးတာကြောင့် စပါးတွေ က ကောင်းကောင်းသီးဖို့ တောင် မကျန်ဘူး နဲနဲပါးပါးကျန်တာလေးတွေကို
ပဲ လာရိတ်ကြရတယ်။ ”လို့ဒေသခံများက ဆိုသည်။
တောင်ယာများ ကြွက်ဘေးကြုံတွေ့နေရသည့် နေရာများမှာ အင်ဘာပါ‌ဒေသ ထဲပါဝင်သည့် ဂေါင်ရီ လုံခတ်၊ မိုင်ကုန်၊ ခက်မှာ၊ ဘွမ်အောင်နန် ကျေးရွာများဖြစ်သည်။

ဒေသခံပြည်သူများမှာ တောင်ယာစပါးစိုက်ပျိုးပြီး အဓိက အသက်မွေးကြသည်ဖြစ်သော်လည်းယခုနှစ်တွင်ကြွက်ဘေးကြောင့် ရိတ်သိမ်းစရာစပါး မရှိတော့ကြောင်း၊ လက်ရှိ ကြွက်ဘေးကြုံနေရသည့် ကျေးရွာများတွင် နယ်ခံများသာမက မေလနှောင်းပိုင်းကထဲမှ ဗန်းမော် မိုးမောက် ဘက်က စစ်ဘေးရှောင် လာကြသည့် ပြည်သူများလည်း လာရောက်ခိုလုံနေကြတာကြောင့် ယခုနှစ်အတွင်း စားသောက်ရေး ပိုမို ခက်ခဲလာနိုင်ပြီး၊ အစာရေစာခေါင်းပါးမှုကြောင့် လူများသေဆုံးရသည့်အထိ ဖြစ်လာမှာကို စိုးရိမ်နေရကြောင်း ဒေသံများမှပြောသည်။

ပြီးခဲ့သည့် နှစ်တွင်လည်း မံစီဒေသအပါအဝင်၊ ဆွမ်ပရာဘွမ်၊ အင်ဂျန်းယန်မြို့နယ်များတွင် ကြွက်ဘေးဒဏ်ကျရောက်ခဲ့သောကြောင့် အစာရေစာခေါင်းပါးပြီး တောထဲမှ ပိန်းဥများတူးစားရသည် အထိဖြစ်ခဲ့ရသည်။

ယခုနှစ်မှာတော့မံစီမြို့နယ်အတွင်း စစ်ဘေးဒဏ်နဲ့ ကြွက်ဘေးဒဏ်များကြောင့် ဒေသခံပြည်သူများ ကောက်သစ်စား ကျေးဇူးတော်ချီးမွမ်းပွဲ မလုပ်နိုင်တော့ကြောင်းသိရသည်။

ယခုနှစ်တွင် ကချင်ပြည်နယ်အတွင်းက မံစီမြို့နယ်သာမက ပူတာအို အရှေ့ခြမ်းဒေသများမှာလည်း တောင်ယာ ကြွက်ဘေး ဒဏ်ကြောင့် စပါးအထွက်နှုန်းကျဆင်းသွားသည်လို့လည်း ဆိုသည်။ ကြွက်ဘေးဒဏ်ကြုံတွေ့ခဲ့ရသည့် အဆိုပါဒေသများကို ကချင်လွတ်လပ်ရေးတပ်မတော် KIO အစိုးရအနေနဲ့ တာဝန်ယူ ကွင်းဆင်းစစ်ဆေးကာ အထောက်ပံ့ပေးနိုင်ဖို့ ပြည်သူများက မျှော်လင့်နေကြကြောင်းလည်းသိရသည်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3153?single

Website Link; https://www.pajau.net

14/11/2024

မချမ်းဘောမြို့နယ်တွင် လယ်ယာမြေများ အထိရွှေတူးဖော်ရန် ပြင်ဆင်လာသောကြောင့် စိုက်ပျိုးမြေများ ဆုံးရှုံးမည်ကို ‌ဒေသခံများစိုးရိမ်နေ…

ပါဂျောင်မီဒီယာ။
၁၄ရက်၊နိုဝင်ဘာ၊၂၀၂၄။

ပူတာအိုဒေသ မချမ်းဘော့မြို့နယ်အတွင်းက ကျေးရွာများတွင် ၂၀၂၁ ခုနှစ် နောက်ပိုင်းကစပြီး ရွှေထူးဖော်မှုများ ကျယ်ကျယ်ပြန့်ပြန့်လုပ်ဆောင်လာပြီး လက်ရှိတွင် ဒေသခံများလုပ်ကိုင်စားသောက်နေသည့် လယ်ယာမြေများပါမကျန် ရွှေထူးဖော်ဖို့ ပြင်ဆင်လာသောကြောင့် စိုက်ပျိုးမြေများ ဆုံးရှုံးမှာ ကို စိုးရိမ်နေကြကြောင်း ဒေသခံများထံမှ သိရသည်။

ယခင်က ဒေသခံများသည် ရွာအနီးတစ်ဝိုက်တွင် ရွှေထူးဖော်ခြင်းကို လက်ဖြင့် တစ်ပိုင်တစ်နိုင် လုပ်ကိုင်နေကြသော်လည်း ၂၀၂၄ ခုနှစ် သြဂုတ်လမှ စတင်ကာ မချမ်းဘော့မြို့နယ် နမ်ဘူယန်ကျေးရွာအနီးတဝိုက်မှာ လုပ်ငန်းရှင်တစ်ချို့က စက်ယန္တယားကြီးများနှင့်တူးဖော်ရန် ပြင်ဆင်လာခြင်းများ ရှိကြောင်းလည်းသိရသည်။

ရွှေတူးဖော်ရန်ပြင်ဆင်နေသည့် နေရာများသည် ဒေသခံများ လုပ်ကိုင်စားသောက်နေသည့် လယ်ယာမြေများဖြစ်ကြောင်း၊ တစ်ချို့ဒေသခံများက လုပ်ငန်းရှင်များ နှင့်ညှိ့နှိုင်း ပြီး မြေယာ ရောင်းစားခြင်းများရှိသလို ကန့်ကွက်သည့် ဒေသခံများလည်း ရှိသည်။ ပူတာအိုဒေသခံများ သည် ဘိုးဘေးစဉ်ဆက် လယ်ယာလုပ်ငန်းကို အဓိကထား လုပ်ကိုင်စားသောက်ကြတာဖြစ်သည့်အတွက် စက်ယန္တယားကြီးများနဲ့ရွှေတူးဖော်လာလျှင်စိုက်ပျိုးမြေများ ပျက်ဆီးဆုံးရှုံးပြီး စားသောက်ရေး ခက်ခဲလာမည်ကို စိုးရိမ်နေကြသည်။

ထို့အတူ စစ်ကောင်စီထိန်းချုပ်မှု အောက်တွင်ရှိနေသေးသည့် ပူတာအို ကောင်းမှုလုံစေတီ တကြောတွင် ရွှေတူးဖော်ရေးစီမံကိန်းများကို စစ်ကောင်စီ၏ခွင့်ပြုချက်ဖြင့် လုပ်ဆောင်နေကြောင်း ဒေသခံများကဆိုသည်။ပူတာအိုဒေသတွင် စစ်တပ်အာဏာသိမ်းပြီးနောက်ပိုင်း နေရာအနှံ့ ‌ရွှေတူးဖော်မှုများ အလွန်အကျွံပြုလုပ်လာသော ကြောင့် မြစ်၊ချောင်း ရေစီးလမ်းကြောင်းများပျက်စီး သည်သာမက လယ်ယာမြေပျက်စီး ဆုံးရှုံးမှုတွေပါ များလာသည်ဟု ဒေသခံများထံမှ သိရသည်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3141?single

Website Link; https://www.pajau.net

13/11/2024

တရုတ်နယ်စပ်အပါအဝင် မိုးမောက်-စစ်ကိုင်း ကချင်ဒေသ အစပ်တွေမှာတိုက်ပွဲပြင်းထန်နေဆဲ ...

ပါဂျောင်မီဒီယာ။
၁၃ရက်၊နိုဝင်ဘာ၊၂၀၂၄။

ကချင်ပြည်နယ် အတွင်း KIA ပူပေါင်းတပ်ဖွဲ့ များနှင့် စစ်ကောင်စီတပ်တွေကြား တရုတ်နယ်စပ်တစ်လျှောက်အပါအဝင် မိုးမောက် စစ်ကိုင်းကချင်အစပ် အင်းတော် ဘက်မှာ နေ့စဉ်ရက်ဆက် ထိတွေ့တိုက်ပွဲများ ဖြစ်ပွားနေဆဲ ဖြစ်ကြောင်း သိရသည်။

KIAက အာဏာရှင် အုပ်ချုပ်ရေးစနစ်ကို အပြီးသတ် ချေမှုန်းရေးအတွက် ထိုးစစ်ဆင်တိုက်ပွဲ စတင်ခဲ့ပြီး လက်ရှိမှာ နယ်စပ်တစ်လျှောက် နေရာတော်တော်များများကို KIA ပူးပေါင်းတပ်ဖွဲ့များသိမ်းပိုက်ထားပြီးKIO အုပ်ချူပ်မှု ယန္တယား စတင်လည်ပတ်နေပြီဖြစ်သည်။

လက်ရှိတွင် စစ်ကိုင်းအစပ် အင်းတော် ဒေသမှာလည်း KIA, PDF,ABSDF ပူးပေါင်းတပ်ဖွဲ့နှင့် စစ်ကောင်စီ၏ တပ်မ ၇၇ လက်အောက်ခံတပ်တွေကြား သြဂုတ် ၁၆ရက်ကစပြီး တိုက်ပွဲဖြစ်ပွားခဲ့ရာ KIA ပူးပေါင်းတပ်ဖွဲ့မှ မြို့မရဲစခန်းနှင့် အထွေထွေ အုပ်ချုပ်ရေးရုံး ကို သိမ်းပိုက်ခဲ့ပြီးနောက် အောက်တိုဘာ လအတွင်း တိုက်ပွဲတွေငြိမ်နေသော်လည်း နိုဝင်ဘာလ ဆန်းပိုင်းမှစပြီး တိုက်ပွဲများပြန်လည်ပြင်းထန်လာခြင်းဖြစ်ကြောင်းသိရသည်။

ထို့အတူ မိုးမောက် ခ.မ.ရ ၄၃၇ အနီး အောင်မြေကျေးရွာ ဘက်တွင်လည်း နိုဝင်ဘာလဆန်းပိုင်းမှစပြီး နေ့စဉ်မပြတ် တိုက်ပွဲများ ပြန်လည်ပြင်းထန်လာကြောင်းသိရသည်။ စစ်ကောင်စီမှ လက်လွှတ်လိုက်သည့် ခ.မ.ရ ၄၃၇ တပ်ရင်းကို ပြန်လည်ရယူရေး အပြင်းအထန်ထိုးစစ်ဆငိနေပြီး တစ်ပတ်မှာ နှစ်ကြိမ်ခန့် တင့်ကားသ ၃-၄ စီးဖြင့် ဗန်းမော်ဘက်မှ စစ်အင်အားဖြည့်တင်းနေကြောင်းလည်းသိရသည်။

မိုးမောက်ဒေသတွင်စစ်ကောင်စီမှအင်အား ဖြည့်တင်းပြီးနောက် တိုက်ပွဲဖြစ်ပွားလာသည်မှာ ၃လနီးပါး ကြာမြင့်လာပြီး စစ်ကောင်စီ တပ်ဖွဲ့များ တပ်ဆုတ်ခွာခြင်းမရှိသ၍ တိုက်ပွဲများ ဆက်လက်ပြင်းထန်နေမည်ဖြစ်ကြောင်း KIA ဘက်က ပြောဆိုထားသည်။

KIA ပူးပေါင်းတပ်ဖွဲ့၏ ထိုးစစ်အတွင်း ကချင်ပြည်နယ်အတွင်းရှိ မြို့နယ်အများ အပြားတွင် တိုက်ပွဲများ ပြင်းထန်ခဲ့ပြီး စစ်ကောင်စီတပ်၏ ရာနှင့်ချီသည့် တပ်စခန်းပေါင်းများစွာနှင့် ဆွမ်ပရာဘွမ်၊ အင်ဂျန်းယန်၊ ဆဒုံး၊ မြို့လှ၊ ဆင်ဘိုမြို့၊ မိုးမောက်၊ဆော့လော်၊ ချီဖွေ၊ ပန်ဝါမြို့အပါအဝင် စစ်ကောင်စီတပ်စခန်းများကို သိမ်းယူခဲ့ပြီးနောက် ကချင်အထူးဒေသ-၁ အတွင်း၌ ကန်ပိုက်တည်နယ်စပ်မြို့ တစ်မြို့သာကျန်ရှိတော့ကြောင်းသိရသည်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3128?single

Website Link; https://www.pajau.net

13/11/2024

တရုတ်ဘက်မှ နယ်စပ်ဂိတ်အချို့ကို ပြန်လည်ဖွင့်လှစ်လိုသော်လည်း KIA ဘက်မှ ပြန်လည်ပိတ်ဆို့...

ပါဂျောင်မီဒီယာ။
၁၃ရက်၊နိုဝင်ဘာ၊၂၀၂၄။

တရုတ်နယ်စပ်တစ်လျှောက် တိုက်ပွဲများပြင်းထန်လာပြီးနောက် နယ်စပ်ဂိတ်များကို တရုတ်ဘက်က ပိတ်ဆို့လိုက်ပြီး လက်ရှိတွင် တရုတ်ဘက်မှ ပြန်လှည်ဖွင့်လှစ်လိုသော်လည်း KIA ဘက်မှ ယာယီဆိုင်းငံ့ထားကြောင်း ဒေသံများထံမှသိရသည်။

တရုတ်ဘက်မှ လိုင်ဇာဂိတ်အပါအဝင် လွယ်ကျယ်၊ ကန်ပိုင်တည် နယ်စပ်ဂိတ်များကို ပြန်လှည်ဖွင့်လှစ်နေချင်သော်လည်း KIA ဘက်မှ ဖွင့်လျှင်ဂိတ်များအားလုံးဖွင့်ရန်နှင့် မဖွင့်ပေးလျှင် မည်သည့်ဂိတ်မှ မဖွင့်ပေးနိုင်ဟုဆိုကာ ပိတ်ထားခြင်းဖြစ်ကြောင်းသိရသည်။

တရုတ်ဘက်မှ နယ်စပ်ဂိတ်များကို ပြန်လည် ဖွင့်လှစ်လိုက်ပြီဆိုသည့်အတွက် မြန်မာဘက်သို့ဝင်လာမည့် ကုန်ကားအများအပြား တန်းစီနေသည်ကို တွေ့ရကြောင်း လိုင်ဇာဒေသခံ များကပြောသည်။

ထို့အတူ ရှမ်းပြည်နယ်မြောက်ပိုင်း မူဆယ်မြိုမှာရှိတဲ့ မန့်ဝိန်း တရုတ်-မြန်မာ နယ်စပ်ဂိတ်ကိုလည်းတရုတ်နိုင်ငံဘက်မှ ဖွင့်ထားပေမယ့် မြန်မာဘက်အခြမ်းရှိ စစ်ကောင်စီအာဏာပိုင်များက ပိတ်ဆို့ထားသောကြောင့် နိုဝင်ဘာလ ၁၃ ရက် ဒီနေ့မနက်ပိုင်းအထိ ကားအစီးရေ ၃၀၀ထက်မနည်း ပိတ်မိနေကြောင်းသိရသည်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3117?single

Website Link; https://www.pajau.net

12/11/2024

ထွက်ပြေးတိမ်းရှောင်သွားသော
ခေါင်လန်ဖူးဒေသရှိ ပြည်သူ့စစ်တပ်ဖွဲ့ဝင်တစ်ချို့လက်နက်ချ အလင်းဝင်...

ပါဂျောင်မီဒီယာ။
၁၂ရက်၊နိုင်ဝင်ဘာ၊၂၀၂၄။

ကချင်ပြည်နယ်အတွင်း KIA ပူးပေါင်းတပ်ဖွဲ့များနှင့် စစ်ကောင်စီကြား တရုတ်နယ်စပ်တစ်လျှောက် တိုက်ပွဲများဖြစ်ပွားလျက်ရှိရာ နိုဝင်ဘာ (၁၀) ရက်နေ့ တွင် ခေါင်လန်ဖူး ပြည်သူ့စစ်များ စခန်းချ နေရာယူထားသည် လန်ဆယ်ကျေးရွာကို KIA ပူပေါင်းတပ်များဝင်ရောက်လာချိန် ထွက်ပြေးတိမ်းရှောင်သွားသည့် ပြည်သူ့စစ်တပ်သားတစ်ချို့ လက်နက်ချ အလင်းဝင်လာကြောင်း ရှေ့တန်းသတင်းအရင်းအမြစ်မှသိရသည်။

လက်နက်ချအလင်းဝင်လာသူများ ၁၀ဦးထက်မနည်းရှိပြီး အလင်းဝင်ရန် ဆက်သွယ်နေသည့် သူများလည်းရှိနေသေးကြောင်း Kagabu Peoples Force (KPF) မှထုတ်ပြန်ထားသည်။ လက်ရှိတွင် KIA ပူးပေါင်းတပ်ဖွဲ့များ သိမ်းပိုက်ထားပြီဖြစ်သည့် လန်ဆယ် ကျေးရွာအတွင်း နယ်မြေရှင်းလင်းရေးများဆက်လက် လုပ်ဆောင်နေကြောင်းသိရသည်။

KIA ပူးပေါင်းတပ်ဖွဲ့များက တရုတ်နယ်စပ်တစ်လျှောက် နေရာတော်တော်များများကို သိမ်းပိုက်ထားပြီ ဖြစ်ပြီး သိမ်းပိုက်ထားပြီဖြစ်သည့် နယ်မြေများတွင် KIO အုပ်ချုပ်ရေးယန္တယား စတင်လည်ပတ်နေပြီ ဖြစ်သည်။ နိုဝင်ဘာ ၄ ရက်နေ့မှာလည်း ချီဖွေမြို့နယ်အတွင်း က ကန်ဖန့် ကျေးရွာဘက်မှာ လှုပ်ရှားနေသည့် ပြည်သူ့စစ် တပ်သား ၁၀၀ ဝန်းကျင်ခန့်သည် လက်နက်ချ အလင်းဝင်လာသည့်အတွက် ကန်ဖန့်ကျေးရွာ ကို တိုက်စရာမလိုပဲသိမ်းပိုက် လိုက်နိုင်တာဖြစ်ကြောင်း သိရသည်။

အောက်တိုဘာ ၂၅ ရက်နေ့ တွင် ကျရောက်ခဲ့သည့် KIO အထိမ်းအမှတ် နှစ်ပတ်လည် နေ့တွင် KIO ဥက္ကဌ ဗိုလ်ချုပ်အင်ဘန်လ မှ ပြည်သူ့စစ်နှင့် နယ်ခြားစောင့်တပ်များ ကို လက်နက်ချပြီး အတူတကွ ပူးပေါင်းပါဝင်မှု များ လုပ်ဆောင်ရန်ထပ်မံ သတိပေးလိုက်ပြီးနောက် ပြည်သူ့စစ်နှင့် နယ်ခြားစောင့်တပ်ဖွဲ့များ အလင်းဝင်ပူးပေါင်းမှုများ ပိုမိုရှိလာကြောင်းသိရသည်။

စက်တင်လာလ နောက်ဆုံးအပတ်မှ စ၍ ကချင်အထူးဒေသ (၁) အပါအဝင် တရုတ်နယ်စပ်တစ်လျှောက်ကို KIA ပူးပေါင်းတပ်ဖွဲ့များထိုးစစ်ဆင်တိုက်ခိုက်ခဲ့ပြီး နေရာတော်တော်များများကို သိမ်းပိုက်ပြီးဖြစ်သည်။ လက်ရှိတွင် တရုတ်နယ်စပ်ကုန်သွယ်ရေးမြို့ဖြစ်သည့် ကံပိုင်တည်မြို့ တစ်မြို့သာ ကျန်ရှိနေတော့ကြောင်းလည်းသိရသည်။

=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;- https://t.me/pajaumediachannelgenuinenews2023/3087?single

Website Link; https://www.pajau.net

12/11/2024

ဖုန်ငိုင်ယာန် စစ်ရှောင်စခန်းတွင် စောင်နှင့်အနွေးထည်များအရေးပေါ် လိုအပ်နေ...

ပါဂျောင်မီဒီယာ။
၁၂ရက်၊ နိုဝင်ဘာ၊ ၂၀၂၄။

ဆောင်းရာသီရောက်ရှိလာသည်နှင့်အမျှ ဆွမ်ပရာဘွမ်မြို့ အနီးရှိ ဖုန်ငိုင်ယာန်စစ်ရှောင် စခန်းတွင် စောင်နှင့်အနွေးထည်များ အရေးပေါ် လိုအပ်နေဆဲ ဟု စစ်ရှောင်နေသူ များထံမှသိရသည်။

စစ်‌ရှောင်ပြည်သူများသည် စစ်ရှောင်လာချိန်တွင် ကိုယ်လွှတ်ရုန်းရှောင်လာရသောကြောင့် အဝတ်တစ်ထည် ကိုယ်တစ်ခုသာပါလာပြီး စစ်ရေးပိုမိုတင်းမာလာတာနှင့်အမျှ တချို့ယာခင်းများသို့ အသုံးအဆောင် ပစ္စည်း တချို့ပို့ထားသည်များကိုလည်း ပြန်လည်သွားရောက် မယူဆောင်နိုင်သောကြောင့် ဆောင်းတွင်းရောက်လာသော်လည်း စောင်အပါးတစ်ထည်စီလောက်သာနှင့် အအေးဒဏ်ကိုအံတုနေရကြောင်းသိရသည်။
“ကျွန်တော်တို့ဆို ဘာမှမယူလာနိုင်ဘူး အခုတောင်စောင်အပါး တစ်ထည်ပဲရှိတယ်၊ တစ်ချို့ ရှိတဲ့လူတွေတော့ ရှိတယ်၊ တော်တော်များများကတော့ စောင်မလုံလောက်ကြဘူး၊ စစ်ရှောင်စခန်းမှာ ရာသီဥတုအပြောင်းအလဲကြောင့် ကလေးလူကြီး ဖျားနာ သူတွေလည်းရှိတယ် ” ဟု စစ်ရှောင်တစ်ဦးမှပြောသည်။

ယခုနောက်ပိုင်း စစ်ရှောင်သူတွေ များပြားလာသည့်အပြင် အကူအညီတွေ ရှားပါးလာတာကြောင့် ပိုမိုခက်ခဲလာပြီး ဆွမ်ပီယန်ပြည်သူများမှာ ပူတာအိုကားလမ်းတစ်လျှောက်စစ်‌ရေးတင်းမာလာသောကြောင့် ဖုန်ငိုင်ယန်စစ်ရှောင်စခန်းမှာ နေထိုင်လာတာ ၆လကြာမြင့်လာသော်လည်း လက်ရှိအချိန်ထိ နေရပ်ပြန်ရေးနှင့် အလှမ်းဝေးနေဆဲဖြစ်ကြောင်း သိရသည်။

ဆွမ်ပီယန်ကျေးရွာ အတွင်းစစ်ကောင်စီတပ်ဖွဲ့များစခန်းချ နေထိုင်နေပြီး ရွာအနီးပတ်ဝန်းကျင်သို့ ရံဖန်ရံခါ လက်နက်ကြီးပစ်ခတ်မှုများ လုပ်ဆောင်နေသောကြောင့် ပြည်သူများမှာ ရွာပြန်ပြီး မိမိအိမ်ခြေအနေ သွားရောက်ကြည့်ရှုရန်ပင် ခက်ခဲနေလျှက်ရှိသည်။ စစ်ရှောင်လာသည့်အချိန်ကြာလာသည်နှင့်အမျှ အချို့အိမ်များ ပျက်စီးသွားပြီး၊ ပြည်သူများကျန်ခဲ့သည့် အိမ်မွေးတိရစ္ဆာန်များလည်း စစ်ကောင်စီမှ သတ်စား၍ ကုန်သလောက်ရှိပြီ ဟုဆိုသည်။

ဖုန်ငိုင်ယာန်စစ်ရှောင်စခန်းတွင် ပြီးခဲ့သည့် မေလ၁၁ရက် ကတည်းက ဆွမ်ပီယန်၊ ဝဒတ်၊ အင်စီးယန် ရွာသုံးရွာမှ စစ်ရှောင်ပြည်သူ တစ်ထောင်ကျော်နေထိုင်နေပြီး လက်ရှိမှာ ဆောင်းရာသီအတွက် အသုံးအဆောင် ပစ္စည်းအကူအညီများလိုအပ်နေ ကြောင်း စစ်ရှောင်ပြည်သူများထံမှ သိရသည်။

သတင်း - ဒွဲအောင်
=============================================================
လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။

Telegram Link;-
https://t.me/pajaumediachannelgenuinenews2023/3075?single

Website Link; https://www.pajau.net

ที่อยู่

Mueang Chiang Rai
Chiang Rai
57100

เว็บไซต์

facebook.com

แจ้งเตือน

รับทราบข่าวสารและโปรโมชั่นของ Pajau Media Channelผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง Pajau Media Channel:

ชื่อ:

ที่อยู่อีเมล์:

ข้อความ:

วิดีโอทั้งหมด

အပတ်စဉ်သတင်းပေါင်းချုပ် ပါဂျောင်မီဒီယာ ၁၆ရက် ၊နိုဝင်ဘာလ၊၂၀၂၄ခုနှစ်။ ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Facebook Link;- https://t.me/pajaumediachannelgenuinenews2023/3173 Website Link; https://www.pajau.net #pajaumediachannel #photo #crd

Weekly News Pajau Media 9, November 2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- https://t.me/pajaumediachannelgenuinenews2023/3047 Website Link; https://www.pajau.net #pajaumediachannel #photo #crd

Weekly News Pajau Media 2nd , November 2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- https://t.me/pajaumediachannelgenuinenews2023/2994 Website Link; https://www.pajau.net #pajaumediachannel #photo #crd

Weekly News Pajau Media 26th October,2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- https://t.me/pajaumediachannelgenuinenews2023/2937 Website Link; https://www.pajau.net #pajaumediachannel #photo #crd

Weekly News Pajau Media Channel 19, October 2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- https://t.me/pajaumediachannelgenuinenews2023/2847 Website Link; https://www.pajau.net #pajaumediachannel #photo #crd

Weekly News Pajau Media 12, October 2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- https://t.me/pajaumediachannelgenuinenews2023/2752 Website Link; https://www.pajau.net #pajaumediachannel #photo #crd

Weekly News Pajau Media 5th,October,2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- https://t.me/pajaumediachannelgenuinenews2023/2691 Website Link; https://www.pajau.net #pajaumediachannel #photo #crd

Monthly News PajauMedia 1/10/2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;https://t.me/pajaumediachannelgenuinenews2023/2664 Website Link; https://www.pajau.net #pajaumediachannel #photo #crd

အပတ်စဉ်သတင်းပေါင်းချုပ် ပါဂျောင်မီဒီယာ စက်တင်ဘာလ၊ ၂၈ရက်၊ ၂၀၂၄ ခုနှစ်။ ===================================================== လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;-https://t.me/pajaumediachannelgenuinenews2023/2631 Website Link; https://www.pajau.net #pajaumediachannel

Weekly News Pajau Media Channel 21, September 2024 ============================================================= လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- https://t.me/pajaumediachannelgenuinenews2023/2578 Website Link; https://www.pajau.net #pajaumediachannel #photo #crd

ပါဂျောင်မီဒီယာ စက်တင်ဘာ၊၂၀ရက်၊၂၀၂၄ခုနှစ်။ ရွှေကူမြို့ကနေ ဗန်းမော်မြို့ကို ဆန်တက်လာတဲ့ စစ်သင်္ဘောကို စက်တင်ဘာလ ၁၇ရက်နေ့မှာ KIA ပူးပေါင်းတပ်ဖွဲ့က တိုက်ခိုက်သိမ်းပိုက်ထားတဲ့ ရုပ်သံဖြစ်ပါတယ်။ စက်တင်ဘာလ၁၇ရက်နေ့မှာ စစ်သင်္ဘော(၇)စီးက ရွေကူမြို့ကနေ ဗန်းမော်မြို့ကို ဆန်တက်လာချိန် KIA ပူးပေါင်းတပ်က ကြားဖြတ်တိုက်ခိုက်ခဲ့ရာ ၄စီးကိုတော့ မြလယ်အနီးတွင် လက်နက်ထိမှန် မီးလောင်ပျက်စီးခဲ့ပြီး၊ နှစ်စီးက ရေထဲနှစ်မြုပ်သွားခဲ့ကာ၊ ဗန်းမော်ြမို့ကို စစ်သင်္ဘောတစ်စီးသာ ရောက်ရှိခဲ့တာဖြစ်ပါတယ်။ ===================================================== လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာ

အပတ်စဥ်သတင်းပေါင်းချုပ် ပါဂျောင်မီဒီယာ July .20 . 2024 ===================================================== လူကြီးမင်းတို့ရဲ့ အမြင်တွေ၊ သုံးသပ်ချက်တွေ၊ သတင်းဖြစ်စဉ်အကြောင်းအရာတွေနဲ့ ထူးခြားဖြစ်စဉ် ဆောင်းပါးတွေကို ပေးပို့ချင်တယ်ဆိုရင် Pajau Media Channel ဖေ့ဘုတ် မက်ဆင်ဂျာမှဖြစ်စေ၊ [email protected] မှဖြစ်စေ ပေးပို့နိုင်သလို၊ ပါဂျောင်မီဒီယာသတင်းဌာနမှ နေ့စဉ်တင်ဆက်သည့် သတင်းများကိုလည်း အောက်ပါလင့်များတွင် ဝင်ရောက်ဖတ်ရှု့ လေ့လာနိုင်ပါသည်။ Telegram Link;- Youtube Link;- #pajaumediachannel #Pajaumediachannel