ပါနီးပူရီကို လမ်းဘေးမှာ ကျွန်တော် ပထမဆုံးစရောင်းခဲ့တာ
မုန့်လုံးကြွပ်ကြွပ် ဖောင်းဖောင်းလေးကို ပဲ နဲ့ အချဉ်ရည် ထည့်စားရတဲ့ ပါနီးပူရီ
ဆိုင်ရှင်ဟာဆိုရင် ပါနီးပူရီကို လူသိမများခင် အချိန်တည်းက လမ်းဘေးမှာ စရောင်းခဲ့တာပါ။ ပါနီးပူရီအထဲမှာ ထည့်စားရတဲ့ ပဲက အခြားပဲတွေနဲ့မတူဘဲ အားရှိစေတယ်လို့ သိရပါတယ်။ ဒီလိုမုန့်လုံးလေးတွေကို အနယ်နယ်အရပ်ရပ်က မှာယူသူတွေဆီ ပို့ပေးရပြီး နိုင်ငံခြားကလည်း မှာယူတယ်လို့ ဆိုင်ရှင်ကဆိုပါတယ်။ ဆိုင်လိပ်စာကတော့ မင်္ဂလာတောင်ညွန့်မြို့နယ်၊ မြယာကုန်းလမ်းမကြီး၊ ၁၃၀ လမ်းနဲ့ ၁၀၁ လမ်းထောင့်မှာပါ။
#Duwun #DuwunLifestyle #ပါနီးပူရီ
"စလုပ်တဲ့အချိန်နဲ့ဆို အော်ဒါက ဆယ်ဆ ကွာသွားပြီ"
ကြာရှည်ခံဆေး၊ နုဆေးတွေမပါဘဲ သဘာဝအတိုင်း နူးညံ့အိစက်နေတဲ့ ဒိုးနက်တွေရောင်းတဲ့ "အိစက်"
"အိစက်" ကမုန့်တွေကို လူကြီးကလေးမရွေး စားလို့ရအောင် အရည်အသွေးကောင်းမွန်တဲ့ ပါဝင်ပစ္စည်းတွေပဲသုံးပြီး လုပ်ထားတာပါ။ ဆိုင်ရှင်ဟာဆိုရင် မိခင်တစ်ယောက်ရဲ့ စေတနာနဲ့ ကိုယ်တိုင် လုပ်ရောင်းတာဖြစ်လို့ မုန့်တွေက အာဟာရပြည့်ဝပြီး သန့်ရှင်းပါတယ်။ ဒိုးနတ်အပြင် မွေးနေ့ကိတ်၊ ပေါက်စီ၊ ပီဇာနဲ့ ပေါင်မုန့်တွေလည်း ရနိုင်ပြီး မှာယူချင်သူတွေအနေနဲ့ Ei Sat Bakery ဆိုတဲ့ page ကနေမှာယူနိုင်ပါတယ်။
#Duwun #DuwunLifestyle #EiSatBakery #အိစက် #ဒိုးနတ်
ဆိုင်ကြီးအရသာကို လမ်းဘေးဈေးနဲ့ရောင်းတဲ့ ကိုလာလူးတိုရှည်
လမ်းဘေးမှာရောင်းပေမယ့် သန့်သန့်ရှင်းရှင်းနဲ့ အရသာကောင်းအောင် လုပ်ရောင်းတဲ့ ကိုလာလူး
ဒီဆိုင်မှာ တိုရှည်၊ ပူရီနဲ့ ချာပါတီ ၃ မျိုးပဲ ရောင်းပြီးတော့ တစ်ပွဲကို ၁၅၀၀ ကျပ်ပါ။ ခရမ်းချဉ်သီးချဉ်စပ်၊ ကြက်သနီ နဲ့ ပဲအာလူးဟင်းဆိုတဲ့ ဟင်း ၃ မျိုးနဲ့ စားရတာဖြစ်ပြီး ဟင်းတွေကို လိုသလောက် ထပ်ထည့်စားခွင့် ပြုထားပါသေးတယ်။ နေ့တိုင်း ဟင်းတွေကို လတ်လတ်ဆတ်ဆတ်နဲ့ ပူပူနွေးနွေးဖြစ်နေအောင် မနက် ၂ နာရီဆို ဆိုင်ရှင်ကိုယ်တိုင် ဟင်းထချက်ပါပြီ။ ကိုလာလူးရဲ့ ဆိုင်လေးကတော့ သင်္ကန်းကျွန်းမြို့နယ်၊ သံသုမာလမ်းမပေါ်၊ ဝေဘူလမှတ်တိုင်အနီးမှာ ဖွင့်ထားပါတယ်။
#Duwun #DuwunLifestyle #ကိုလာလူး #တိုရှည် #ပူရီ #ချာပါတီ
ဘိန်းမုန့် လုပ်ရောင်းတာကလည်း ပညာရပ်တစ်ခုပါပဲ
ထောပတ်ဘိန်းမုန့်ကို အမျိုးအစား (၅) မျိုးရနိုင်တဲ့ "သူ့ထက်သာ" ရေကျော်ထောပတ်ဘိန်းမုန့်
ဒီဘိန်းမုန့်ဆိုင်ကို ၁၉၈၉ ခုနှစ်တည်းက ရေကျော်မှာ ဖွင့်ခဲ့တာဖြစ်ပြီး သားမက်ဖြစ်သူက လက်ဆင့်ကမ်းပြီး ဖွင့်လှစ်ထားတာပါ။ ခေတ်နဲ့အညီ စားသုံးသူအကြိုက် အရသာကို ပြောင်းလဲပြီး ဆိုင်ရှင်ကိုယ်တိုင်ပဲ မုန့်နှစ်စပ်တယ်လို့ သိရပါတယ်။ ထောပတ်ဘိန်းမုန့်ကို ရိုးရိုး၊ အုန်းသီး၊ သီးစုံ၊ ကြက်ဥ နဲ့ ငှက်ပျောသီးဆိုပြီး အရသာ (၅) မျိုးအပြင် ဆီးချိုသမားတွေအတွက် အချိုလုံးဝမပါတဲ့ ဘိန်းမုန့်လည်းရပါတယ်။ ဆိုင်လိပ်စာကတော့ ပုဇွန်တောင်မြို့နယ်၊ ဝတ်ကျောင်းလမ်းနဲ့ ရေကျော်လမ်းထောင့်မှာပါ။
#Duwun #DuwunLifestyle #ရေကျော်ထောပတ်ဘိန်းမုန့် #သူ့ထက်သာ
တရုတ်ပြည်စီချွမ် အရသာစစ်စစ်ကြောင့် နာမည်ကြီးတဲ့ ဝတုတ်ကြီး
"မာလာရှမ်းကော ကြိုက်ကြသူတွေအကြား နာမည်ကြီးတဲ့ ဝတုတ်ကြီး
ဒီဆိုင်ရဲ့ မာလာရှမ်းကောအရသာက ထူးကဲပြီး ဈေးလည်းတန်လို့ အခြားဆိုင်တွေထက် ပိုကြိုက်တယ်လို့ စားသုံးသူတွေက ဆိုကြပါတယ်။ မာလာရှမ်းကောတစ်ပွဲ (၉၅၀၀) ကျပ်ကစလို့ ပွဲအကြီးအသေးနဲ့ Set အစားစားရှိပြီး အသားလည်းများသလို အစုံပါတာမို့ အခုလို စားသုံးသူတွေက ပိုကြိုက်ကြတာပါ။ ဝတုတ်ကြီး မာလာရှမ်းကောဆိုင်ရဲ့ လိပ်စာကတော့ ဒဂုံစင်တာ (1) အရှေ့၊ Iceberry ဘေးလမ်းကြား၊ မြေနီကုန်းမှတ်တိုင်မှာပါ။
#Duwun #DuwunLifestyle #ဝတုတ်ကြီးမာလာရှမ်းကော"
စင်ကာပူနဲ့ ဂျပန်တို့အထိ ယူသွားကြတဲ့ ဖြူးသူရောင်းတဲ့ တောင်ငူဟင်းထုပ်
ရောင်းသူရှားတဲ့ တောင်ငူဒေသစာတွေရောင်းတဲ့ လွေး - Burmese Food
ဆိုင်ရှင်တို့ မိသားစုဟာဆိုရင် တောင်ငူဟင်းထုပ်ကို မိဘစဥ်ဆက် နှစ် ၃၀ လောက်ရောင်းလာတာပါ။ သက်သတ်လွတ် ဟင်းထုပ်တစ်ထုပ်ကို ၇၀၀ ကျပ်သာကျသင့်ပြီး အသားတွေနဲ့ဆိုရင် တစ်ထုပ်ကို ၁၀၀၀ ကျပ်ပဲ ကျသင့်တာပါ။ ဒီဆိုင်မှာ အရည်ကျဲကျဲချိုချိုလေးကို ဆန်လှော်မှုန့်ခတ်စားရတဲ့ တောင်ငူမုန့်ဟင်းခါးလည်း ရပါတယ်။ ဆိုင်လိပ်စာကတော့ ဗဟန်းမြို့နယ် တာမွေအဝိုင်းထိပ်မှတ်တိုင်အနီး၊ အရှေ့ရွှေဂုံတိုင်လမ်းမကြီးပေါ်မှာပါ။
#Duwun #DuwunLifestyle #လွေး #BurmeseFood #တောင်ငူဟင်းထုပ်
အသုပ်ရောင်းတဲ့ ၄ နှစ်အတွင်း သိန်း (၅၀၀) စုမိတယ်
"အသုပ်အမျိုးပေါင်း (၁၈) မျိုးလောက်ရောင်းတဲ့ မဖြူအသုပ်ဆိုင်
ဆိုင်ရှင်မဖြူကတော့ သန့်ရှင်းမှုကို ဦးစားပေးပြီး ကိုယ်တိုင်ပဲ အားလုံးချက်ရောင်းတာပါ။ အသုပ်စုံတွေအပြင် ကြာဇံချက်၊ ရခိုင်မုန့်တီနဲ့ ပုစွန်ခွက်ကြော်တွေလည်း ရနိုင်ပြီး တစ်ရက်ကို ၅ သိန်းဖိုးလောက် ရောင်းရတယ်လို့ သိရပါတယ်။ ရောင်းရငွေတွေကို စုထားရင်း ၄ နှစ်အတွင်းမှာ သိန်း (၅၀၀) လောက် စုမိတယ်လို့ ဆိုင်ရှင်ကဆိုပါတယ်။ မဖြူအသုပ်ဆိုင်ရဲ့ လိပ်စာကတော့ မင်္ဂလာတောင်ညွန့်မြို့နယ်၊ မြန်မာ့ဂုဏ်ရည်လမ်းမပေါ်၊ ၉၂ လမ်းထိပ်မှာပါ။
#Duwun #DuwunLifestyle #မဖြူအသုပ်ဆိုင်"
နွားနို့၊ ကျွဲနို့နဲ့ နို့ထွက်ပစ္စည်းတွေ ဈေးတန်တဲ့ အင်းစိန်နို့ဈေး
အင်းစိန်နို့ဈေးမှာတော့ အရည်အသွေးကောင်းပြီး အရောအနှောမပါတဲ့ နို့စစ်စစ်တွေကို တစ်နေရာတည်းမှာ အစုံရနိုင်ပါတယ်။
သက်တမ်းအားဖြင့် နှစ်ပေါင်း (၃၀) ကျော်ရှိနေပြီဖြစ်ပြီး ရန်ကုန်မြို့မှာဆိုရင် တာမွေနဲ့ အင်းစိန်ဆိုပြီး နေရာ (၂) ခုရှိပါတယ်။ ဒီနို့ဈေးတွေဟာဆိုရင် မြို့နယ်အသီးသီးက နို့ထွက်ပစ္စည်းရောင်းကြသူတွေ အားထားရတဲ့နေရာဆိုလည်း မမှားပါဘူး။ မနက် ၈ နာရီခွဲက နေ့လည် ၁ နာရီလောက်အထိ နို့အရောင်းအဝယ် လုပ်ကြလေ့ရှိပါတယ်။ အင်းစိန်နို့ဈေးရဲ့ လိပ်စာကတော့ ဗဟိုလမ်းမ၊ အနောက်ကြို့ကုန်းရပ်ကွက်မှာပါ။
#Duwun #DuwunLifestyle #အင်းစိန်နို့ဈေး
"၈၀၀" ကျပ်နဲ့ မြိတ်အရသာစစ်စစ် စားလို့ရမယ့်ဆိုင်
ကတ်ကြေးကိုက်ကို ၁၅၀၀ ကစရပြီး မြိတ်သူကိုယ်တိုင် ဖွင့်ထားတဲ့ဆိုင်လေးပါ။
ဒီဆိုင်မှာ ပုစွန်၊ ပြည်ကြီးငါး၊ ကြက်သား ဆိုတဲ့ ရွေးချယ်စရာ ၃ မျိုးနဲ့ ကတ်ကြေးကိုက်စားလို့ရပြီး စားရသူတိုင်း အဆင်ပြေစေမယ့် ဈေးနှုန်းနဲ့ရောင်းပေးပါတယ်။ သာခွေယိုင်၊ ငှက်ပျောပေါင်း၊ ကန်စွန်းဥသာကူ၊ အုန်းနို့သာကူ၊ နို့စမိုင်နဲ့ မြိတ်ဆီထမင်းတို့လို အချိုပွဲတွေကတော့ တစ်ပွဲ ၈၀၀ ကျပ်ပါ။ မြိတ်အရသာစစ်စစ်ကို စားချင်သူတွေအတွက် ဒီဆိုင်လေးရဲ့လိပ်စာကတော့ မင်္ဂလာတောင်ညွန့်မြို့နယ်၊ ၁၀၁ လမ်း၊ မြန်မာ့ဂုဏ်ရည်လမ်းထိပ်မှာ ရှိပါတယ်။
#Duwun #DuwunLifestyle #မြိတ်ကတ်ကြေးကိုက်
နိုင်ငံတကာ အသိအမှတ်ပြု JCI လက်မှတ် (၃) ကြိမ် ရရှိထားတဲ့ ပန်းလှိုင်
"ပန်းလှိုင်ဆေးရုံကတော နိုင်ငံတကာအသိအမှတ်ပြု JCI လက်မှတ်ကို မြန်မာနိုင်ငံမှာ ပထမဆုံး ရရှိထားတာပါ။
နိုင်ငံတကာအဆင့်မီ ကျန်းမာရေးစောင့်ရှောက်မှုတွေကို အစဉ်အမြဲပေးအပ်လျက်ရှိပြီး ဘေးကင်းလုံခြုံမှု စံချိန်စံနှုန်းတွေနဲ့အတူ JCI Accreditation ကို (၂၀၁၇) ခုနှစ်မှာ တစ်ကြိမ်၊ (၂၀၂၁) ခုနှစ်မှာ တစ်ကြိမ်၊ (၂၀၂၄) ခုနှစ်မှာ တစ်ကြိမ်အနေနဲ့ ၃ ကြိမ်တိုင်တိုင် ရရှိခဲ့ပါတယ်။ JCI လက်မှတ်ရရှိတဲ့ အထိမ်းအမှတ်အနေနဲ့ ကျင်းပပြုလုပ်ခဲ့တဲ့ ပွဲအခမ်းအနားပုံရိပ်တွေကို အခုလိုပဲ တင်ဆက်ပေးလိုက်ပါတယ်။
#Duwun #DuwunLifestyle #ပန်းလှိုင်ဆေးရုံ #PunHlaing #JCIAccreditation"
ကိုယ်တိုင်လုပ် ခေါက်ဆွဲကြောင့် နာမည်ကြီးနေတဲ့ ရွှေတောင်ခေါက်ဆွဲ
ခေါက်ဆွဲသားကောင်းပြီး နို့စိမ်းကောင်းကောင်းနဲ့ အရသာရှိရှိချက်တဲ့ ဦးအောင်မျိုး ရွှေတောင်ခေါက်ဆွဲ
ဒီဆိုင်မှာ ခေါက်ဆွဲကို ကိုယ်တိုင်လုပ်ထားတာဖြစ်လို့ ခေါက်ဆွဲမျှင်သေးပြီး အိအိလေးနဲ့ စားကောင်းပါတယ်။ သန့်ရှင်းပြီး အရည်အသွေးကောင်းတဲ့ ပါဝင်ပစ္စည်းတွေပဲ သုံးတာကြောင့် အခုလို နာမည်ကြီးလာတာပါ။ စားဖူးသူတွေက အလှူလုပ်တဲ့အခါ အော်ဒါမှာကြလေ့ရှိကြပြီး အချင်းချင်းလည်း ပြန်ညွှန်းပေးကြတယ်လို့ သိရပါတယ်။ ဦးအောင်မျိုး ရွှေတောင်ခေါက်ဆွဲဆိုင်ရဲ့ လိပ်စာကတော့ သာကေတမြို့နယ်၊ ရုပ်ရှင်ရုံမှတ်တိုင်အနီး၊ မြင်တော်သာလမ်းမမှာ ရှိပါတယ်။
#Duwun #DuwunLifestyle #ဦးအောင်မျိုးရွှေတောင်ခေါက်ဆွဲ
တရုတ်ပြည်က Street Food ပုံစံမျိုး ဖန်တီးထားတဲ့ တာကောလေး သံပြားကင်ဆိုင်
တရုတ်ပြည်မှာ ခေတ်စားတဲ့ အစားအစာ သံပြားကင်ကို ရန်ကုန်မှာရောင်းနေတဲ့ တာကောလေး
သံပြားကင်ဆိုတာကတော့ အသားတုတ်ထိုးတွေကို မာလာအနှစ်ဆမ်းပြီး သံပြားပေါ်မှာကင်ထားတာပါ။ မာလာအနှစ်နဲ့ အချဉ်ရည်တွေကို တရုတ် ယူနန်ပြည်နယ်က အရသာမျိုးအတိုင်း ကိုယ်တိုင်စပ်ထားတယ်လို့ သိရပါတယ်။ ဆိုင်ပုံစံကိုလည်း တရုတ်ပြည်က Street Food ဆိုင်တွေလိုမျိုး လုပ်ထားပြီး အကင်အချောင်းအစုံ၊ ခေါက်ဆွဲနဲ့ မာလာငါးကင်လည်း ရပါတယ်။ တာကောလေး သံပြားကင် BBQ ဆိုင်ရဲ့ လိပ်စာကတော့ စမ်းချောင်းမြို့နယ်၊ စမ်းချောင်းလမ်း၊ မြေနီကုန်းမှာပါ။
#Duwun #DuwunLifestyle #တာကောလေး #သံပြားကင်
ကြိတ်ကြိတ်တိုး စည်ကားတာကြောင့် တန်းစီတုံကင်စနစ်နဲ့ရောင်းရတဲ့ ကြက်ကြော်ဆိုင်
တစ်ရက်ကို အနည်းဆုံး ကြက်အကောင် ၇၀ ကျော်လောက်ရောင်းရတဲ့ ဘိုင်လေးကြက်ကြော်ဆိုင်
ဒီဆိုင်မှာ ကြက်ကြော်ကို ၅၀၀ ကျပ်ကစရပြီး အရသာလည်းကောင်းလို့ အခုလို လူတန်းစီမပြတ် စည်ကားနေတာပါ။ ဆိုင်သက်တမ်း ၁၀ နှစ်လောက် ရှိပြီဖြစ်ပြီး ကြက်အရေခွံ၊ အူကအစ ကြက်အသားအစုံ ရပါတယ်။ ဆိုင်စဖွင့်တဲ့အချိန်ဆို လူအရမ်းကျတာကြောင့် တုံကင်စနစ်နဲ့ ရောင်းပေးပြီး အွန်လိုင်းကလည်း မှာယူနိုင်ပါတယ်။ လိပ်စာကတော့ မြောက်ဒဂုံမြို့နယ်၊ ၃၆ ရပ်ကွက်၊ မန္တလေးလမ်းမကြီးပေါ်မှာပါ။
#Duwun #DuwunLifestyle #ဘိုင်လေးကြက်ကြော်
ကိုင်းဥပေါ်ချိန်ဆို အားလုံးက သတိရကြတဲ့ အန်တီနှင်းဆီ
ဆိုင်ရှင်ကတော့ ကိုင်းဥကင်ကို ၂၅ နှစ်လောက်ရောင်းလာတာမို့ အမြဲဝယ်စားတဲ့ ဖောက်သည်တွေ အခိုင်အမာရှိပါတယ်။ ကိုင်းဥက တစ်နှစ်မှာ ရက် ၄၀ လောက်ပဲပေါ်တာကြောင့် ကိုင်းဥပေါ်ချိန်ဆို ဖုန်းဆက်အကြောင်းကြားပေးဖို့ စားသုံးသူတွေက ကြိုမှာထားလေ့ရှိကြတယ်လို့ သိပါတယ်။ အန်တီနှင်းဆီရဲ့ ကိုင်းဥကင်ရောင်းတဲ့နေရာကတော့ ဗိုလ်ချုပ်အောင်ဆန်းကစားကွင်း၊ ယခင် City Mart ရှေ့မှာပါ။
#Duwun #DuwunLifestyle #ကိုင်းဥကင် #အန်တီနှင်းဆီ
အသက် ၆၀ ကျော်အထိ မုန့်ဟင်းခါး ချက်ရောင်းနေဆဲ ဦးပိန်လေး
၁၉၇၈ ခုနှစ်တည်းက ရုံးဝန်ထမ်းတွေနဲ့ အမြဲစည်ကားနေတဲ့ အလုံ (ဦးပိန်လေး) မုန့်ဟင်းခါး
ဦးပိန်လေးကတော့ မုန့်ဟင်းခါးတစ်ပွဲ ၃ မတ် ခေတ်တည်းက စရောင်းခဲ့တာဖြစ်ပြီး ယနေ့ထိတိုင် လက်ရာမပြောင်းသွားဘဲ ကိုယ်တိုင်ချက်ရောင်းနေဆဲပါ။ မုန့်ဟင်းခါးကို ငါးသလောက်ဥ၊ ငါးဖယ်၊ အကြော်စုံတွေနဲ့ ဈေးတန်တန်လေး ရောင်းပေးတာကြောင့် အရင်ခေတ်တုန်းက အရမ်းနာမည်ရခဲ့တယ်လို့ သိရပါတယ်။ အလုံ (ဦးပိန်လေး) မုန့်ဟင်းခါးကို စားဖူးသူတိုင်း ကြိုက်နှစ်သက်ကြပြီး မိတ်ဟောင်းစားသုံးသူတွေက တကူးတက လာစားလေ့ရှိကြပါတယ်။ ဆိုင်လိပ်စာကတော့ သာကေတမြို့နယ်၊ ရန်ပြေ ၁၈ လမ်းနဲ့ ၁၉ လမ်းထိပ်မှာပါ။
#Duwun #DuwunLifestyle #အလုံဦးပိန်လေးမုန့်ဟင်းခါး
