เว็บไซต์คืออะไร?

https://www.facebook.com/1661079854172915/

Democratic Press

"Your source for democracy, human rights, and breaking news – follow Democratic Press on Facebook."
(9)

The mission of Democratic Press is to provide accurate, detailed information on the challenging and evolving situation in Myanmar, where a military coup has led to widespread human rights violations across the country. Our primary objective is to promote an informed and empowered society that can understand and engage with democratic principles in the face of oppression. We are dedicated to produc

ing independent, unbiased journalism that brings attention to political, social, and human rights abuses impacting citizens nationwide. Through investigative reporting, advocacy for press freedom, and educational initiatives, we aim to strengthen public awareness and resilience amid the crisis. By empowering citizens with reliable information, Democratic Press aspires to be a steadfast voice for truth and a source of hope and support for positive change in Myanmar.

02/12/2024

ပွင့်ဖြူမြို့ အနောက်ခြမ်း ကျေးရွာတွေကို အကြမ်းဖက်စစ်ကြောင်းက မွှေနှောက်ဖျက်ဆီး

Democratic Press
ဒီဇင်ဘာ ၂ ၊ ၂၀၂၄

မကွေးတိုင်း ၊ ပွင့်ဖြူမြို့နယ် အနောက်ခြမ်းကျေးရွာတွေကို အကြမ်းဖက်စစ်တပ် နဲ့ လက်အောက်ခံ ပျူစောထီး တွေက နိုဝင်ဘာ လကုန်ပိုင်းမှာ စစ်ကြောင်းထိုး ပြီး ကျေးရွာတစ်ချို့ကို မီးရှို့ဖျက်ဆီး ခဲ့တယ်လို့ ဒေသခံတွေဆီက သိရပါတယ်။

ပွင့်ဖြူ နဲ့ ဆင်လူး ရွာပျူစောထီးပေါင်း အင်အား ၂၀၀ ကျော်ဟာ နိုဝင်ဘာ ၂၇ ရက်နေ့ မှာ ကျောက်ပုံ၊
ညောင်ကုန်း နဲ့ ခဲပစ်ရွာတွေကို လက်နက်ကြီး လက်နက်ငယ်တွေနဲ့ ပစ်ဝင်ဝင်လာပြီး နိုဝင်ဘာ ၂၈ ရက်နေ့ စစ်ကြောင်းပြန်မထွက်ခင်မှာ ကျောက်ပုံရွာက နေအိမ် ၁၁ လုံး၊ ညောင်ကုန်းရွာက နေအိမ် ၁၁ လုံးကို မီးရှို့ဖျက်ဆီး ခဲ့တယ်လို့ သိရပါတယ်။

ကျောက်ပုံရွာမှာ မပြေးနိုင်လို့ ကျန်ခဲ့တဲ့ အသက် ၆၅ နှစ် အရွယ် ဒေသခံ အမျိုးသမီး ဒေါ်တင်ပိုင်ကို လည်း အကြမ်းဖက်စစ်ကြောင်းက သေနတ်နဲ့ အနီးကပ် ပစ်ခတ်သတ်ဖြတ်ခဲ့တယ်လို့ မင်းဘူးခရိုင် တပ်ရင်း ၄ ဆီက သိရပါတယ်။

အကြမ်းဖက်စစ်ကြောင်းဟာ နိုဝင်ဘာ ၂၈ ရက်နေ့ မနက်ပိုင်းမှာ ကျောက်ပုံ၊ ညောင်ကုန်း ရွာ တွေက နေ စစ်ကြောင်းထွက်ပြီး နောက် ပုသိမ်-မုံရွာ လမ်းမပေါ်တက်ပြီး မဲဇလီရဲစခန်းက ပျူအင်အား ၁၀၀ ဝန်းကျင် နဲ့ ပူးပေါင်းပြီး လယ်မ ၊ ကျွဲခြံရွာ ဘက်ကို ဆက်ထိုးလာခဲ့တယ်လို့ သိရပါတယ်။

“ညနေ ၃နာရီခွဲ ၄ နာရီ ဝန်းကျင်မှာ လယ်မရွာနဲ့ ကျွဲခြံ ရွာကို လက်နက်ကြီးပစ်ကူတွေ ၈၁ တွေ ၊ ၆၀ တွေ ခန့်မှန်းခြေ အလုံး ၄၀ နဲ့ ၅၀ လောက် ပစ်ခတ်ပြီး အင်အား ၃၀၀ ကျော်လောက်နဲ့ ဝင်လာတာ”လို့
မင်းဘူးခရိုင် အမှတ် ၄ တပ်ရင်း တပ်ရေးဗိုလ်ကြီး အက်ဆစ်က Democratic Press ကိုပြောပြပါတယ်။

မင်းဘူးခရိုင် အမှတ် ၄ တပ်ရင်းရဲ့ တပ်ခွဲ တစ်ခွဲ နဲ့ ပွင့်ဖြူမြို့နယ် ပကဖ တို့ ပူးပေါင်းပြီး ကျောက်ပုံရွာ နဲ့ လယ်မ၊ ကျွဲခြံ ရွာတွေကို အကြမ်းဖက်စစ်ကြောင်း မဝင်ရောက်ခင် မှာ ခုခံတိုက်ခိုက်ခဲ့တာကြောင့် ဒီအကြမ်းဖက်စစ်ကြောင်းနဲ့ ထိတွေ့တိုက်ပွဲ နှစ်ကြိမ် ဖြစ်ခဲ့တယ်လို့ သိရပါတယ်။

“ ကျောက်ပုံ ၊ ညောင်ကုန်း ၊ ခဲပစ် ဆိုတဲ့ ရွာမှာ ၂၇ ရက်နေ့ ညနေပိုင်း ထိတွေ့ တိုက်ပွဲ တစ်ကြိမ် ဖြစ်သလို သူတို့ ကျွဲခြံ၊ လယ်မ ကိုဝင်တဲ့ ၃နာရီခွဲ ၄ နာရီမှာ ကျွန်တော်တို့ ကာကွယ်ရေးအဖွဲ့နဲ့ ထိတွေ့တိုက်ပွဲဖြစ်ပါတယ်ခင်ဗျ” လို့ ဗိုလ်ကြီး အက်ဆစ်က ထပ်ပြောပြပါတယ်။

အကြမ်းဖက်စစ်ကြောင်းဟာ လယ်မ နဲ့ ကျွဲခြံရွာကိုဝင်ရောက် ပြီးတဲ့ နောက်မှာ နိုဝင်ဘာ ၂၈ ရက်နေ့ ညနေမှာ နေအိမ် ၁၈၅ လုံးကို မီးရှို့ ဖျက်ဆီးပစ်ခဲ့တယ်လို့ သိရပါတယ်။

ဒါ့အပြင် ဒီအကြမ်းဖက်စစ်ကြောင်းဟာ စစ်ကြောင်းဝင်သမျှ ရွာတွေရဲ့ ပြည်သူနေအိမ်တွေဆီက ပစ္စည်း တွေ ခိုးယူ၊ တန်ဖိုးကြီး လက်ဝတ်ရတနာ တွေကို တစ်အိမ်တက်ဆင်းမွှေနှောက် ရှာဖွေ ယူဆောင်သွားပြီး ပြည်သူတွေရဲ့ အိမ်မွေးတိရိစ္ဆာန်တစ်ချို့ကို လည်း ပစ်သတ်သွားခဲ့တယ်လို့ သိရပါတယ်။

နိုဝင်ဘာ ၂၉ ရက်နေ့မှာ ဒေသခံကာကွယ်ရေးတပ်တွေက အကြမ်းဖက်စစ်ကြောင်း ဝင်ရောက်မွှေနှောက်
သွားတဲ့ ရွာတွေကို နယ်မြေရှင်းလင်း လုပ်ဆောင်ပေးခဲ့ပြီး သေဆုံးပြည်သူရုပ်အလောင်းကို သင်္ဂြိုလ်ပေး တာ၊ မီးမငြိမ်းသေးတဲ့ နေအိမ်တွေကို မီးငြိမ်းပေးတာတွေ လုပ်ဆောင်ပေးခဲ့တယ်လို့ မင်းဘူးခရိုင် အမှတ် ၄ တပ်ရင်းက ထုတ်ပြန်ထားပါတယ်။

#ပွင့်ဖြူ #ကျောက်ပုံ #လယ်မ

02/12/2024

စားနပ်ရိက္ခာတွေ လုယူခံနေရတဲ့ ကန့်ဘလူမြို့နယ်

Democratic Press
ဒီဇင်ဘာ ၂ ၊ ၂၀၂၄

မြန်ပြည်တခွင် Podcast အစီအစဉ်ကနေ ကြိုဆိုလိုက်ပါတယ်။

ဒီကနေ့မှာ တော့ သောတရှင်တွေကို ကန့်ဘလူမြို့နယ် ကျေးရွာတစ်ချို့ ကပြည်သူတွေ ရိတ်သိမ်းရာသီမှာ စု‌ဆောင်းထားတဲ့ စားနပ်ရိက္ခာတွေကို အကြမ်းဖက်စစ်တပ် လက်အောက်ခံ ပျူစောထီးတွေက လူယူသယ်ဆောင်နေကြတဲ့ အကြောင်းကို တင်ဆက်ပေးပါမယ် ခင်ဗျာ။

#ကန့်ဘလူ
#မြန်ပြည်တခွင်

02/12/2024

လွိုင်ကော်တိုက်ပွဲအတွင်း ဖမ်းမိတဲ့ စစ်သား၅ဦးကို KNDFဆေးကုပေး

Democratic Press
ဒီဇင်ဘာ၂၊ ၂၀၂၄

လွိုင်ကော်မြို့အနီးတိုက်ပွဲမှာ ဖမ်းဆီးရမိတဲ့ စစ်တပ်တပ်ဖွဲ့ဝင် ၅ဦးကို ဆေးကုပေးပြီး ကောင်းမွန်စွာ ထိန်းသိမ်းထားတယ်လို့ ကရင်နီအမျိုးသားများကာကွယ်ရေးတပ်(KNDF)က ဒီနေ့မှာ ထုတ်ပြန်ပါတယ်။။

လွိုင်ကော်မြို့အစပ်တစ်နေရာမှာ ပြီးခဲ့တဲ့ နိုဝင်ဘာ ၂၆ရက်နေ့က စစ်ကြောင်းထိုးလာတဲ့ စစ်တပ်ရဲ့ တပ်မ(၆၆)လက်အောက်ခံ ခလရ(၈၀)တပ်ရင်းကို KNDF၊ကလလတ၊Loikaw Local PDF နှင့် PNDF တို့ ပူးပေါင်းချေမှုန်းတိုက်ခိုက်ခဲ့ပြီးနောက် တိုက်ပွဲအတွင်း စစ်တပ်တပ်ဖွဲ့ဝင် အချို့ကို သုံ့ပန်းအဖြစ် ဖမ်းဆီးရမိခဲ့တယ်လို့ ဆိုပါတယ်။

ဆေးကုသမှုခံယူနေတဲ့ စစ်သုံ့ပန်း ခလရတပ်သား ဖိုးထူး၊ဇော်လင်းဖြိုး တပ်သားနှင့် မျိုးသက်မင်း တို့ သုံးဦးဖြစ်ပြီး သူတို့တွေဟာ စစ်မှုထမ်းအဖြစ် အတင်းအဓ္ဓမ စုဆောင်းခံခဲ့ရတာလို့ ထွက်ဆိုထားပါတယ်။

လွိုင်ကော်မြို့အနီး လင်းဖုံလေးရွာအနီးတိုက်ပွဲအတွင်း စစ်တပ်တပ်ဖွဲ့ဝင် ၁၆ ဦးထက်မနည်းသေဆုံးခဲ့ကာ အများအပြားဒဏ်ရာရပြီး စစ်အုပ်စု စစ်ကြောင်းမှာ ဖရိုဖရဲနဲ့ ဆုတ်ခွာခဲ့ရတယ်လို့ KNDFက အသိပေးထားပါတယ်။

ဒါ့အပြင် နယ်မြေရှင်းလင်းချိန်မှာ လက်နက် ၂၀ကျော်နဲ့ ခဲယမ်းတွေ သိမ်းဆည်းရမိခဲ့တယ်လို့ သိရပါတယ်။

#လွိုင်ကော်

02/12/2024

ယောတိုက်ပွဲအတွင်း စစ်တပ်တပ်ဖွဲ့ဝင် ၁၀ဦးထက်မနည်း သေဆုံး

Democratic Press
ဒီဇင်ဘာ ၂၊ ၂၀၂၄

မကွေးတိုင်း၊ ထီးလင်းနဲ့ ကျောက်ထုမြို့တို့မှာ နိုဝင်ဘာ ၂၀ ရက်နေ့ကနေ ၂၈ ရက်နေ့အထိ ဖြစ်ခဲ့တဲ့ တိုက်ပွဲတွေအတွင်း စစ်တပ်ဘက်က စစ်ကြောင်းမှူး တာဝန်ယူထားတဲ့ ဗိုလ်ကြီးတစ်ဦး အပါအဝင် ဆယ်ဦးထက်မနည်း သေဆုံးသွားတယ်လို့ ယောတပ်တော် (YA) က ဒီဇင်ဘာ ၁ ရက်နေ့မှာ ထုတ်ပြန်ပါတယ်။

အဲဒီတိုက်ပွဲတွေအတွင်း ယောတပ်တော် (YA) နဲ့ ပူးပေါင်းတပ်တွေဘက်ကလည်း တပ်ဖွဲ့ဝင် ၂ဦး ကျဆုံးပြီး ၂ဦး အပြင်းအထန် ဒဏ်ရာရခဲ့တယ်လို့ ဆိုပါတယ်။

ယောဒေသမှာ ပြည်သူ့ကာကွယ်ရေး‌တပ်ဖွဲ့ဝင်တွေရဲ့ နေရာတွေကို ထိုးစစ်ဆင်လာတာကြောင့် တိုက်ပွဲဖြစ်တာတွေရှိသလို စစ်တပ်ရဲ့ လှုပ်ရှားစစ်ကြောင်းတွေကို ကာကွယ်ရေးတပ်ဖွဲ့တွေက ကြားဖြတ်တိုက်ခိုက်တာကြောင့်လည်း တိုက်ပွဲတွေဖြစ်ပွားခဲ့တယ်လို့ သိရပါတယ်။

တိုက်ပွဲ လေးကြိမ်ဖြစ်ခဲ့ပြီး စစ်တပ်က မြေပြင်စစ်ကြောင်းတွေအပြင် Mi-35 တိုက်ခိုက်ရေး ရဟတ်ယာဥ်သုံးပြီး ပြင်းပြင်းထန်ထန် တိုက်ခိုက်ခဲ့တယ်လို့လည်း ဆိုပါတယ်။

ယောတပ်တော် (YA) အနေနဲ့ မဟာမိတ်ချင်းညီနောင် (CB) နဲ့ ယောကာကွယ်ရေးတပ် (YDF) တို့နဲ့ပူးပေါင်းပြီး ယောဒေသ စစ်ဆင်ရေးကို တိုးမြင့်ဖော်ဆောင်နေတယ်လို့သိရပါတယ်။

ယောဒေသဟာ လက်နက်ကိုင်တော်လှန်နေတဲ့ ကာကွယ်ရေးတပ်ဖွဲ့တွေ အားကောင်းတဲ့ဒေသဖြစ်ပြီး စစ်တပ်ဘက်ကလည်း စစ်ကြောင်းထိုးစီးနင်းတာနဲ့ လေကြောင်းတိုက်ခိုက်တာတွေ မကြာခဏဆိုသလို လုပ်ဆောင်နေတယ်လို့သိရပါတယ်။

ပုံစာ-မကွေးတိုင်း၊ ဂန့်ဂေါခရိုင် ယောဒေသ တိုက်ပွဲအတွင်း ဖမ်းဆီးရမိခဲ့တဲ့ စစ်သုံ့ပန်းနဲ့ လက်နက်ခဲယမ်းတွေကို ၂၀၂၄ ခုနှစ် ဒီဇင်ဘာလ ၁ ရက်နေ့ကတွေ့ရစဥ်။

#ယောဒေသ #တိုက်ပွဲများ #စစ်သုံ့ပန်း #သေဆုံး #စစ်ကောင်စီ

02/12/2024

အကြမ်းဖက် ပျူစစ်ကြောင်းက အသက် ၆၀ ကျော် ဒေသခံပြည်သူ အမျိုးသမီး တစ်ဦးကို ပစ်သတ်

Democratic Press
နိုဝင်ဘာ ၂ ၊ ၂၀၂၄

မကွေးတိုင်း ၊ ပွင့်ဖြူ မြို့နယ် ၊ ကျောက်ပုံရွာ ဒေသခံအမျိုးသမီး တစ်ဦးကို နိုဝင်ဘာ ၂၇ ရက်နေ့မှာ အကြမ်းဖက်ပျူစစ်ကြောင်းက ပစ်သတ်ခဲ့တယ် လို့ ဒေသခံတွေဆီက သိရပါတယ်။

အကြမ်းဖက် ပျူစောထီးစစ်ကြောင်း ဟာ ကျောက်ပုံရွာကို နိုဝင်ဘာ ၂၇ ရက်နေ့မှာ ပစ်ဝင်ဝင် ခဲ့ပြီး နောက် ရွာမှာကျန်ရစ်နေတဲ့ အသက် ၆၅ နှစ် အရွယ် ဒေါ်တင်ပိုင် ကို အနီးကပ် ပစ်သတ်ခဲ့တာ လို့ သိရပါတယ်။

“ရွာထဲက ပြည်သူတွေ အရေးပေါ်ပြေးကြလွှားကြတဲ့အချိန် မပြေးနိုင်တဲ့ အဘွား ကို ပစ်တာမှ ကျည်ရမ်းသမ်းပစ်တာ ၊ ကျည်မှန်တာ မဟုတ်ဘဲ သူတစ်ယောက်တည်း မပြေးဘဲ ကျန်ခဲ့ရမလား၊ မေးတာ မြန်းတာ မသိရမလားဆိုပြီး ရင်အုံကို ပစ်သတ်သွားတာ”လို့ အလောင်းကို စစ်ဆေးခဲ့သူ မင်းဘူးခရိုင် တပ်ရင်း ၄ တပ်ရေးဗိုလ်ကြီး ဗိုလ်အက်ဆစ် က ပြောပြပါတယ်။

အကြမ်းဖက်စစ်ကြောင်းက ပစ်သတ်သွားတဲ့ ဒေါ်တင်ပိုင် အသက် ၆၅ နှစ်ရဲ့ ရုပ် အလောင်းကို မင်းဘူး ခရိုင် အမှတ် ၄ တပ်ရင်းက နိုဝင်ဘာ ၂၉ ရက်နေ့မှာ သင်္ဂြိုလ်‌ပေးခဲ့တယ်လို့ သိရပါတယ်။

နိုဝင်ဘာ ၂၇ ရက်ညနေ ကျောက်ပုံကျေးရွာကို အကြမ်းဖက်စစ်ကြောင်း မဝင်ရောက်ခဲ့ခင်မှာ မင်းဘူးခရိုင် တပ်ရင်း ၄ ရဲ့ တပ်ခွဲတစ်ခွဲ ၊ ပွင့်ဖြူမြို့နယ်ပကဖ ပူပေါင်းတပ်တွေ နဲ့ ထိတွေ့မှု ဖြစ်ခဲ့တယ်လို့ သိရပါတယ်။

အကြမ်းဖက်ပျူစစ်ကြောင်း ဟာ ကျောက်ပုံရွာ နဲ့ ညောင်ကုန်းရွာ ပြည်သူနေအိမ်တွေ ဆီက ပစ္စည်းတွေ နဲ့ တန်ဖိုးကြီး လက်ဝတ်ရတနာတွေကို လည်း တစ်အိမ်တက်ဆင်း ရှာဖွေ ယူဆောင်သွားတယ်လို့ သိရပါတယ်။

နိုဝင်ဘာ ၂၈ မနက်ပိုင်းမှာ ကျောက်ပုံ၊ ညောင်ကုန်း ရွာတွေကနေ စစ်ကြောင်းပြန်ထွက်ပြီး မထွက်ခင်မှာ ကျောက်ပုံရွာက နေအိမ် ၅ လုံးနဲ့ ညောင်ကုန်းရွာက နေအိမ် ၁၁ လုံးကို လည်း မီးရှို့ ဖျက်ဆီး သွားတယ် လို့ ဗိုလ်အက်ဆစ် က ဆိုပါတယ်။

ဒီစစ်ကြောင်း ဟာ စေတုတ္တရာ ကပစ နဲ့ ဆင်လူး ပျူစောထီးတပ်ဖွဲ့ဝင်တွေ စုဖွဲ့ပြီး အင်အား ၂၀၀ ဝန်းကျင်နဲ့ စစ်ကြောင်းထိုးလာတာ ဖြစ်ပြီး ကျောက်ပုံ၊ ညောင်ကုန်း ခဲပစ်ရွာတွေကို မီးရှို့ပြီးနောက်မှာ ပုသိမ် - မုံရွာလမ်းမ ပေါ်ဆက်လက် စစ်ကြောင်းထိုးသွားတယ်လို့ သိရပါတယ်။

#ပွင့်ဖြူ #ကျောက်ပုံ #ပျုစောထီး

02/12/2024

ဒီကနေ့ ဒီဇင်ဘာလ ၂ ရက်နေ့မှာတော့

ထိုင်းငါးဖမ်းလှေတွေကို တိုက်ရင် မြန်မာစစ်တပ်ကို လက်တုန့်ပြန်မယ်လို့

ရန်ကုန်မှာ ဧည့်စာရင်းအကြောင်းပြပြီး လူငယ်တွေကို ထပ်ဖမ်းနေပြန်

သေဆုံးခဲ့တဲ့ စစ်သည်တွေအတွက် အောက်မေ့ပွဲ စစ်အုပ်စုအကြီးအကဲတွေ မတက်ရောက်နိုင် စတဲ့ သတင်းတွေကို တင်ဆက်သွားမှာ ဖြစ်ပါတယ်။

01/12/2024

ဟားခါးနဲ့ ထန်တလန်ကြားက စခန်း သုံးခုကိုသိမ်းပိုက် လက်နက် ၅၀ ကျော် သိမ်းဆည်းရမိ

Democratic Press
ဒီဇင်ဘာ၁၊၂၀၂၄

ချင်းပြည်နယ်၊ ဟားခါးမြို့နဲ့ ထန်တလန်မြို့ကြားမှာရှိတဲ့ စစ်ရေးအရ အရေးပါတဲ့ စစ်အုပ်စုရဲ့ စစ်စခန်း သုံးခုကို ချင်းပြည်နယ်အစိုးရ တပ်ဖွဲ့တွေက သိမ်းပိုက်လိုက်ပါတယ်။

နိုဝင်ဘာလ ၂၂ရက်နေ့ကစပြီး ထိုးစစ်ဆင်တိုက်ခိုက်ခဲ့ရာ နိုဝင်ဘာလ ၃၀ရက်နေ့မှာ စစ်စခန်း သုံးခုကိုသိမ်းပိုက်ခဲ့ပါတယ်။

ချင်းပြည်အစိုးရအဖွဲ့မှ ပြောရေးဆိုခွင့်ရှိသူဆလိုင်းထက်နီ က '' ဟားခါးနဲ့ ထန်တလန်။ထန်တလန် ကို စစ်ကူပို့တဲ့နေရာမှာ အဓိက မိန်းလမ်းမကြီးပေါ်က စခန်းတွေ စခန်း သုံးခုကို မနေ့က အထိ သိမ်းဆည်းခဲ့တာပေါ့နော် ''
လို့ Democratic Press ကို ပြောပါတယ်။

စခန်းသိမ်း တိုက်ပွဲတွေအတွင်း စစ်အုပ်စုထံမှ လက်နက် ၅၀ ကျော် သိမ်းဆည်းရမိပြီး၊ တပ်ဖွဲ့ဝင်ဝင် ၁၉ဦး ကို အရှင်ဖမ်းဆီးရမိခဲ့တယ်လို့ သူက ဆက်ပြောပါတယ်။

'' လက်နက် အလက်ပေါင်း ၅၀ ကျော် ရရှိတယ်။သူတို့ရဲ့ ဒရုန်းစက်တွေ စသဖြင့် ရရှိတယ်။တပ်ရင်းမှူး အပါအဝင် အရာရှိ အနည်းဆုံး ၄ဦးကတော့ တိုက်ပွဲမှာ ကျသွားတယ်။ တပ်ရင်းမှူး ကတော့ ဗိုလ်မှူး အဆင့်ပေါ့။ ၁၉ ဦး ကတော့ အရှင်ဖမ်းတယ် '' လို့ ဆိုပါတယ်။

ချင်းပြည်အစိုးရအဖွဲ့ ဘက်ကလည်း တပ်ဖွဲ့၃ဦးကျဆုံးပြီး၊ ၉ဦးထက် မနည်း ဒဏ်ရာရရှိတယ်လို့ သိရပါတယ်။

ထန်တလန်မြို့မှာတော့ စစ်အုပ်စုရဲ့ ခလရ -၂၆၉ တပ်စခန်းကုန်း အပါအဝင် မြို့တွင်း တပ်စွဲ ထားတဲ့ နေရာ အများစုကို သိမ်းပိုက်ထားပါတယ်။

လက်ရှိမှာတော့ နောက်ဆုံး ကျန်နေတဲ့ NLD ရုံး နဲ့ ရဲစခန်းမှာ တပ်စွဲထားတဲ့ စစ်အုပ်စုတပ် ဖွဲ့ဝင်တွေကို ဝိုင်းဝန်း ပိတ်ဆို့ ထားပါတယ်။

'' ရဲစခန်းနဲ့ NLD ရုံးမှာပဲ သူတို့ ရှိနေတော့လေ။ ကျန်တဲ့ သူတို့စခန်းတွေ တပ်စွဲထားတဲ့နေရာတွေကတော့ အားလုံး ကျွန်တော်တို့က သိမ်းပြီးပြီပေါ့။ အဲဒါကို ကျွန်တော်တို့က အပြီး မသိမ်းနိုင်သေးဘဲနဲ့ ဝိုင်းပြီး ပိတ်ဆို့ ထားတဲ့ အနေအထားပေါ့'' လို့ ဆလိုင်းထက်နီ ကပြောပါတယ်။

ထန်တလန်မြို့ကို မြေပြင် စစ်ကူတွေ မပို့နိုင်အောင် ချင်းပြည်အစိုရ တပ်ဖွဲ့တွေက ဟားခါးနဲ့ ထန်တလန် ကြားက စခန်းတွေကို သိမ်းပိုက်တာလို့ ဆိုပါတယ်။

'' စစ်ကူတွေ အမြန်ပို့ ချင်နေတာ ဆိုတော့ သူတို့ စစ်ကူတွေ မပို့နိုင်အောင် ပို့နိုင်တဲ့ လမ်းကြောင်းတွေထဲက ဟားခါးနဲ့ ထန်တလန် ကြား စခန်းတွေ ဝင်သိမ်းတာဖြစ်တယ် '' လို့ဆလိုင်းထက်နီ က ပြောပါတယ်။

လက်ရှိမှာလည်း ‌ဟားခါးနဲ့ ထန်တလန်ကြားမှာ တိုက်ပွဲတွေ ဆက်ဖြစ်နေပြီး၊ စစ်အုပ်စုဟာ မြေပြင် စစ်ကူမပို့နိုင်ရင် လေကြောင်းပစ်ကူနဲ့ လက်နက်ကြီး ပစ်ကူတွေကို သုံးပါတယ်။

'' သူတို့ဘက်က မြေပြင်ကနေ စစ်ကူမပို့နိုင်တော့ရင် ဂျက်ဖိုက်တာနဲ့ လက်နက်ကြီးတွေနဲ့ တရစပ် သူတို့က တစ်နေ့ကို သုံးလေးကြိမ်နေ့စဉ်ရက်ဆက် ထုနေတဲ့ အနေအထားပေါ့ ''လို့ ဆလိုင်းထက်နီ က ရှင်းပြပါတယ်။

တစ်ဖက်မှာလည်း ဖလမ်းမြို့နဲ့ မင်းတပ်မြို့တွေကို ချင်းညီနောင်ပူးပေါင်း တပ်ဖွဲ့တွေကမြို့သိမ်းတိုက်ပွဲ စစ်ဆင်ရေး ဆင်နွှဲနေပါတယ်။

လက်ရှိမှာတော့ ချင်းတော်လှန်ရေးတပ်ဖွဲ့တွေဟာ ကျခါး၊ တွန်းဇံ၊ ရိဒ်ခေါဒါရ်၊ ဝေဘူလ၊ နှာရိန်း၊ ဆူးရ်ခွါး၊ လိုင်လင်းပီ၊ ရေဇွာ၊ မကွီအိမ်နူး၊ ကျင်ဒွေး နဲ့ မတူပီ မြို့တွေကို သိမ်းပိုက် ထိန်းချုပ်ထားပါတယ်။

01/12/2024

ကျောက်မဲမြို့ကို စစ်အုပ်စု ဗုံးကြဲလို့ အရပ်သား ၁၀ဦး သေဆုံး

Democratic Press
ဒီဇင်ဘာ၁၊၂၀၂၄

ရှမ်းပြည်နယ်မြောက်ပိုင်းက ကျောက်မဲမြို့ကိုစစ်အုပ်စု က ဗုံးကြဲတိုက်ခိုက်တဲ့အတွက် အရပ်သား ၁၀ဦး သေဆုံးသွားတယ်လို့ TNLA က ထုတ်ပြန်ပါတယ်။

နိုဝင်ဘာလ ၃၀ရက်နေ့ ည ၆နာရီ ကျော်အချိန်မှာ ကျောက်မဲမြို့၊ အင်ကြင်းတောင် ရပ်ကွက်ကို ပေါင် ၅၀၀ ဗုံးနဲ့ ကြဲချတိုက်ခိုက်ခဲ့တာပါ။

အဲဒီ ဗုံးကြဲတိုက်ခိုက်မှုကြောင့် အရပ်သား ၁၀ဦးသေဆုံးပြီး၊ ၂၀‌ ဦးကျော်ဒဏ်ရာရရှိကာ နေ အိမ် ၉ လုံး ပျက်စီးသွားတယ်လို့ ပြောပါတယ်။

ဒဏ်ရာရရှိ သူတွေကို ဆေးရုံကို ပို့ဆောင်ကာဆေးဝါးကုသပေးနေပြီး၊ သေဆုံး ရုပ်အလောင်း‌တွေကို လက်လံ ရှာဖွေ ရှင်းလင်းနေတယ်လို့ ဆိုပါတယ်။

စစ်ရေးတင်းမာမှုတွေကို တွေ့ဆုံဆွေးဖို့ အသင့်ရှိ ကြောင်း ထုတ်ပြန်ပြီး ၅ရက်အကြာမှာTNLA ထိန်းချုပ်ထားတဲ့ ကျောက်မဲမြို့ကို စစ်အုပ်စု က ဗုံ ကြဲတိုက်ခိုက်ခဲ့တာပါ။

စစ်အုပ်စု နဲ့ တွေ့ဆုံဆွေးနွေးဖို့ ကမ်းလှမ်းကြောင်း ထုတ်ပြန်ချက်ကို TNLA က နိုဝင်ဘာလ ၂၅ရက်နေ့မှာ ထုတ်ပြန်ခဲ့ပါတယ်။

စစ်အုပ်စုရဲ့ လေကြောင်း စစ်ဆင်ရေး အပါအဝင် စစ်ဘေးဒဏ်ကို ဆိုးဝါးစွာ ခံနေရတဲ့ အရပ်သားတွေကို ငဲ့ညာ တဲ့ အတွက်ကြောင့်တွေ့ဆုံဆွေးနွေးဖို့ ကမ်းလှမ်းတာဖြစ်တယ်ဆိုတဲ့ အချက်ကိုလည်း TNLA ရဲ့ ထုတ်ပြန်
ချက်ထဲမှာ ဖေါ်ပြထားပါတယ်။

30/11/2024

ချပ်သင်းရွာ ပျူစောထီးတွေ ပြည်သူတစ်ဦး ပစ်သတ်

Democratic Press
နိုဝင်ဘာ ၃၀ ၊ ၂၀၂၄

စစ်ကိုင်းတိုင်း ၊ ကန့်ဘလူ မြို့နယ် ၊ ချပ်သင်း ကျေးရွာက ပျူစောထီး တွေက နိုဝင်ဘာ ၂၆ ရက်နေ့က က ပြည်သူ တစ်ဦးကို သေနတ်နဲ့ ပစ်သတ် ခဲ့ပြီး တစ်ဦးကို ဖမ်းဆီးခေါ်ဆောင်သွားတယ်လို့ ဒေသခံ တွေဆီက သိရပါတယ်။

နိုဝင်ဘာ ၂၆ ရက် နေ့လယ်ခင်း မှာ ချပ်သင်းရွာ ပျူစောထီးတွေက အင်အား ၄၀ ကျော်ဝန်းကျင်နဲ့ စစ်ကြောင်း ထွက်လာပြီး ပုဏ္ဏားကြီးကျေးရွာက ပြည်သူ တစ်ဦးကို သတ်သွားခဲ့တာလို့ သိရပါတယ်။

“ အဲ့စစ်ကြောင်းက ရိက္ခာထွက်ထွက်စုတာမျိုး၊ နောက်ပြီး ဘေးနားကျေးရွာတွေကို မကြာခဏ မီးထွက်ရှို့တတ်တယ်ဗျ ၊ ခုတခေါက်လည်းချပ်သင်းကျေးရွာမြောက်ဖက် ကျေးရွာတွေကို စစ်ကြောင်းထိုး လာရာ ကနေ နွားကျောင်းသားတစ်ဦးကိုပစ်သတ်သွားခဲ့တာပါ တစ်ဦးကိုတော့ဖမ်းဆီးခေါ်ဆောင်သွား တယ်လို့သိရတယ်ဗျ”လို့ ဒေသခံတစ်ဦးက Democratic Press ကိုပြောပြပါတယ်။

ဒီအကြမ်းဖက် ပျူစောထီးစစ်ကြောင်းဟာ ညနေခင်းလောက်မှာ ချပ်သင်းရွာ ပျူစောထီးအထိုင်စခန်းကို ပြန်ဝင်သွားတယ်လို့သိရပါတယ်။

အရင်တစ်ခါ စစ်ကြောင်းထွက်ခဲ့တုန်းကလည်း ချပ်သင်းရွာ ပျူစောထီးတွေ ဟာ ဦးကင်းကြည်ရွာက ပြည်သူနှစ်ဦးကို သတ်ဖြတ်ခဲ့ဖူးတယ်လို့ ဒေသခံတွေက ဆိုပါတယ်။

ချပ်သင်းရွာ ပြည်သူ့စစ်စခန်းဟာ ဒေသခံ ပကဖ တွေ၊ PDF တွေနဲ့ ထိတွေ့တိုက်ပွဲ တွေ မကြာခဏဆို သလို ဖြစ်လေ့ရှိပြီး PDF ၊ ပကဖ တွေရဲ့စခန်းသိမ်း တိုက်ပွဲအနေနဲ့ ရံဖန်ရံခါ ထိုးစစ်ဆင်တာကိုလည်း ခံရလေ့ ရှိတဲ့ စခန်းတစ်ခု ဖြစ်တယ်လို့သိရပါတယ်။

“ချပ်သင်းစခန်းက စစ်သားအစစ်တွေနည်းတယ် ပျူစောထီးသင်တန်းတက်ထားသူတွေ များတယ်ဗျ အင်အားကတော့အတိအကျမရှိပါဘူး”လို့ ဒေသခံတော်လှန်ရေးတပ်ဖွဲ့ဝင် တစ်ဦးက ပြောပြပါတယ်။

၂၀၂၄ ၊ ဖေဖော်ဝါရီ ၇ ရက်နေ့မှာဒေသခံကာကွယ်ရေးတပ်ဖွဲ့နဲ့ ပကဖ တွေ ပူးပေါင်းပြီး ချပ်သင်း ပျူစောထီး အထိုင်စခန်းကို စခန်းသိမ်းတိုက်ပွဲ ထိုးစစ်ဆင်တိုက်ခိုက်ခဲ့ပေမယ့် သိမ်းယူနိုင်ခြင်းတော့ မရှိခဲ့ပါဘူး။

#ကန့်ဘလူ #ချပ်သင်း

29/11/2024

ဗုံးဆံတွေကြားမှာ ရွာပျက်ဖြစ်ခဲ့ရတဲ့ မာထောရွာ

Democratic press
နိုဝင်ဘာ၂၉၊ ၂၀၂၄

မြန်ပြည်တခွင်Podcastအစီစဉ်ကနေပြန်လည်ကြိုဆိုလိုက်ပါတယ်။

ဒီကနေ့မှာတော့ သောတရှင်တွေကို စစ်ပွဲရဲ့ဒဏ်ချက်တွေကြောင့် တစ်ရွာလုံးပျက်စီးခဲ့ရတဲ့ မာထောရွာလေးအကြောင်းကို ပြောပြသွားပါိမယ်ရှင်။

#မာထော #ကရင် #မြန်ပြည်တခွင်

29/11/2024

ပဲခူးရိုးမပေါ်မှာ မိုင်းကွင်းထဲဝင်လာတဲ့ စစ်ကြောင်း မိုင်းဆွဲခံရလို့ အများအပြားသေဆုံး

Democratic Press
နိုဝင်ဘာ၂၉၊၂၀၂၄

ပဲခူးတိုင်း၊ မင်းလှမြို့မြို့နယ်အတွင်းရှိ ပဲခူးရိုးမပေါ်မှာ မိုင်းကွင်းထဲ ဝင်လာတဲ့ စစ်အုပ်စုစစ်ကြောင်း မိုင်းဆွဲခံရတဲ့အတွက် အများအပြား သေဆုံးသွားတယ်လို့ သာယာဝတီခရိုင် တပ်ရင်း ၃၈၀၂ တပ်ခွဲ ၅ ထံ က သိရပါတယ်။

နိုဝင်ဘာလ ၂၇ရက်နေ့ နံနက် ၆နာရီကျော် အချိန်မှာ မင်းလှမြို့နယ်အပိုင် ပဲခူးရိုးမ အတွင်းရှိ မြို့ချောင်း - စိန်ကန့်လန့် ရိုးမဖြတ်ကျော်လမ်း ခါချဉ်တောင်ပေါ်ကိုတက်လာတဲ့ အင် အား ၈၀ခန့်ပါ စစ်အုပ်စု စစ်ကြောင်းကို ဥတစ်လုံးတောင်အနီးမှာ သာယာဝတီခရိုင် တပ်ရင်း ၃၈၀၂ တပ်ခွဲ ၅ ဗျူဟာစစ်ကြောင်း က စောင့်ကြို မိုင်းဆွဲ တိုက်ခိုက်ခဲ့တာပါ။

သာယာဝတီခရိုင် တပ်ရင်း ၃၈၀၂ တပ်ခွဲ ၅ မှ တာဝန်ရှိသူ က '' အင်အား ၈၀လောက်နဲ့ ခြေ လျင်တက်လာပြီး မိုင်းရှာဖို့ လုပ်နေတဲ့ စခတွေ မိုင်းကွင်း ၃တန်းတွဲထဲ အကုန်ဝင်ရော မိုင်းဆွဲလိုက်တာပါ။ ၄၀က နေရာတင် လဲကျသေဆုံးပါတယ်။ ၁၅ယောက်ကျော်က ခြေပြတ် လက်ပြတ်တွေဖြစ်ကုန်တယ် '' လို့ Democratic Press ကို ပြောပါတယ်။

အပြန်အလှန် ပစ်ခတ်မှု နာရီဝက်ခန့်ကြာပြီးတော်လှန်ရေးတပ်ဖွဲ့ဘက်မှ ရဲဘော် ၁ဦး မစိုးရိမ်ရ ဒဏ်ရာရရှိခဲ့ပါတယ်။

တိုက်ပွဲဖြစ်ပွားတဲ့နေ့ နံနက် ၁၀ ခန့်မှာပဲ သေဆုံးသွားတဲ့ စစ်အုပ်စု တပ်ဖွဲ့ဝင်တွေရဲ့ အ လောင်းတွေကို ကား ၃စီးနဲ့ လာကောက်သွားတယ်လို့ သာယာဝတီခရိုင် တပ်ရင်း ၃၈၀၂ တပ်ခွဲ ၅ မှ တာဝန်ရှိသူက ဆက်ပြောပါတယ်။

'' အဲ့နေ့က မသာအလောင်းတွေ ကား ၃စီးနဲ့သယ်တာ မဆန့်ဘူးဖြစ်နေလို့ တချို့ အလောင်းတွေ ချောက်ထဲပစ်ချခဲ့တယ်လို့ သိရလို့ ခုနေ့ပဲ စခအလောင်းတွေရှာနေပါ
တယ် '' လို့ ဆိုပါတယ်။

ဆက်လက်ပြီး တိုက်ပွဲတွေ ဖြစ်ပွားလာနိုင်တဲ့အတွက် ပြည်သူတွေအနေနဲ့ စစ်အုပ်စုတပ်ဖွဲ့ဝင်တွေအနီး သွာလား နေထိုင်တာတွေ မပြုလုပ်ကြဖို့ကိုလည်း အသိပေးပါတယ်။

'' အရင်တိုက်ပွဲတွေမှာ စခ ယူနီဖောင်းဝတ်ပြီး ရှေ့က သွားခိုင်းတာတွေ ရှိပါတယ်။ ပြည်သူတွေကိုဖမ်းပြီး လူသားဒိုင်းလုပ်တာ။ ကျွန် တော်တို့ဘက်က ပြည်သူကို ငဲ့ပြီး မိုင်းဆွဲတာမလုပ်ဘဲ နေလိုက်ရတာတွေရှိတယ်။ အဲ့ဒါကြောင့် သတိပေးရတာပါ '' လို့ သာယာဝတီခရိုင် တပ်ရင်း ၃၈၀၂ တပ်ခွဲ ၅ မှ တာဝန်ရှိသူက ပြောပါတယ်။

#ပဲခူး #တိုက်ပွဲ #မိုင်း

29/11/2024

ပွင့်ဖြူ မှာ ပျူစောထီးစစ်ကြောင်းက ကျေးရွာတစ်ချို့ကို မီးရှို့ ဖျက်ဆီးနေ

Democratic Press
နိုဝင်ဘာ ၂၉ ၊ ၂၀၂၄

မကွေးတိုင်း၊ ပွင့်ဖြူမြို့နယ် ထဲ မှာ အကြမ်းဖက်စစ်တပ် လက်အောက်ခံ ပျူစောထီး တွေ စစ်ကြောင်းထိုးနေပြီး ကျေးရွာတွေကို မီးရှို့ ဖျက်ဆီး နေတယ်လို့ ဒေသခံတွေဆီက သိရပါတယ်။

ပွင့်ဖြူနဲ့ ရှင်လု နှစ်နေရာက ပေါင်းပြီး အင်အား ၂၀၀ ကျော်နဲ့ နိုဝင်ဘာ ၂၈ ရက်နေ့မနက်အစောပိုင်း မှာလယ်မ ၊ ကျွဲခြံ ရွာတွေဘက်ကို ဦးတည်ပြီး စစ်ကြောင်းထိုးလာတာလို့ သိရပါတယ်။

“ကျွဲခြံ၊ လယ်မ ဘက် ပျူ ၂၀၀ လောက်နဲ့ စစ်ကြောင်းတွေထိုးနေတာ ပြည်သူတွေ တိမ်းရှောင်နေ ရတာပေါ့” လို့ဒေသခံ တစ်ဦးက Democratic press ကိုပြောပါတယ်။

အကြမ်းဖက်ပျူစောထီး စစ်ကြောင်းဟာ တော်လှန်ရေးတပ်ဖွဲ့တွေ နဲ့ နာရီဝက် ဝန်းကျင် ထိတွေ့ တိုက်ပွဲ ဖြစ်ပြီးနောက်မှာ ကျေးရွာတစ်ချို့ ကို မီးရှို့ ဖျက်ဆီးနေတယ်လို့ သိရပါတယ်။

“လယ်မ ရွာကို မီးရှို့တယ်၊ ကျောက်ပုံရွာလည်း မီးရှို့တယ် ၊ ရေရင်ရွာလည်း မီးရှို့တယ် ခင်ဗျ” လို့ ဒေသခံတစ်ဦး ကပြောပြပါတယ်။

ရေပုတ်ကလေး ရွာ နဲ့ ကျောင်းကုန်းကြီး ရွာက ပြည်သူ့စစ်တွေကလည်း ရွာသွားတွေရဲ့ ကားတစ်စီးကို ချောဆွဲပြီးတော့ အကြမ်းဖက်ပျူစစ်ကြောင်းနဲ့ သွားပေါင်းစည်းတယ်လို့ သိရပါတယ်။

ဒေသခံ တော်လှန်ရေးတပ်တွေ တပ်ဆုတ်သွားပြီးတဲ့နောက်မှာ အကြမ်းဖက်ပျူစစ်ကြောင်းက လယ်မ နဲ့ ကျွဲခြံရွာ ကပြည်သူတွေကို အကြောင်းမဲ့ ပစ်သတ်လို့ ပြည်သူတွေ ဆယ်ချီပြီး သေဆုံးတာရှိ သလို စစ်ကြောင်းလာလို့ မုံးချောင်းကို လှေနဲ့ ဖြတ်ပြီး ပြေးတဲ့ ပြည်သူ ၂၀ ဝန်းကျင် လှေမှောက်လို့ သေဆုံးတာ ရှိတယ်လို့ ဒေသခံတွေ က ပြောပြပေမယ့် Democratic Press ကတော့ သီးခြား အတည်မပြုနိုင်သေး ပါဘူး ။

အကြမ်းဖက် ပျူစစ်ကြောင်းဟာ လက်ရှိအချိန်ထိ လယ်မ နဲ့ ကျွဲခြံ ရွာ အနီးနား တစ်ဝိုက်မှာ ပဲ ရှိနေသေးတယ်လို့ သိရပါတယ်။

#ပွင့်ဖြူ #ပျူစောထီး

ပုံ-စစ်ကိုင်းတိုင်းအတွင်းက ပျူစောထီးတပ်ဖွဲ့ဝင်များ

29/11/2024

တနင်္သာရီမှာအမျိုးသမီးတစ်ဦး မိုင်းနင်းမိပြီးဒဏ်ရာရ

Democratic Press
နိုဝင်ဘာ ၂၉ ၊ ၂၀၂၄

တနင်္သာရီတိုင်း ၊ တနင်္သာရီမြို့နယ် ၊ ဘန်းလမွတ်
ကျေးရွာမှ အမျိုးသမီးတစ်ဦး ဥယျာဉ်ခြံထဲကို ကွမ်းသီးကောက်သွားရာမှ မိုင်းနင်းမိပြီး ခြေဖဝါးပြတ်သွားတယ်လို့ တင်္နသာရီပကဖ ဇုန်၃ တနင်္သာရီရိုးမအဖွဲ့ထံမှ သိရပါတယ်။

ဒီနေ့မနက် ၇နာရီမှာ ဘန်းလမွတ်ကျေးရွာအုပ်စု ရမ်းဖိုကျေးရွာမှ မသန္တာဦးဟာ ဥယျာဉ်ခြံထဲကိုကွမ်းသီးကောက်သွားရာမှ အကြမ်းဖက်စစ်တပ်စစ်ကြောင်းက ထောင်ထားခဲ့တဲ့ ခြေနင်းမိုင်းနင်းမိပြီး ခြေဖဝါးပြတ်သွားတယ်လို့ သိရပါတယ်။

တနင်္သာရီမြို့နယ်ဟာ တနင်္သာရီတိုင်းအတွင်းမှာစစ်ရေးအတင်းမာဆုံးမြို့နယ်ဖြစ်ပြီး စစ်တပ်နဲ့တော်လှန်ရေးတပ်ဖွဲ့တွေအကြား မကြာခဏတိုက်ပွဲဖြစ်ပွါးလေ့ရှိတယ်လို့သိရပါတယ်။

အဲဒီတိုက်ပွဲတွေကြောင့် ဒေသခံပြည်သူတွေထိခိုက်ဒဏ်ရာရပြီး သေဆုံးတာတွေလည်းရှိတယ်လို့ သိရပါတယ်။

#တနင်္သာရီ #မိုင်းနင်းမိ

29/11/2024

မတ္တရာမှာဓမ္မာရုံဒရုန်းနဲ့တိုက်ခိုက်ခံရလို့ ကိုရင်တစ်ပါးနဲ့ အမျိုးသမီးနှစ်ဦးသေဆုံး

Democratic Press
နိုဝင်ဘာ၂၉၊ ၂၀၂၄

တိုက်ပွဲပြင်းထန်နေတဲ့ မန္တလေးတိုင်း၊ မတ္တရာမြို့နယ်မှာ ဒရုန်းနဲ့ ဗုံးသီးချ တိုက်ခိုက်ခံရပြီး ကိုရင်၁ပါးနဲ့ အမျိုးသမီးငယ်၂ဦးသေဆုံးသွားတယ်လို့ ပြည်သူ့ ကာကွယ်ရေးတပ်မတော် (MDY-PDF) က ထုတ်ပြန်ပါတယ်။

မြို့အရှေ့မြောက်ဖက် ၃ မိုင်ကျော်အကွာ လက္ကောင်းကြီးကျေးရွာက ဓမ္မာရုံကို နိုဝင်ဘာလ၂၇ရက်နေ့ မနက်ပိုင်းမှာ စစ်တပ်ကဒရုန်းနဲ့တိုက်ခိုက်ခဲ့လို့ ဓမ္မာရုံအတွင်းက အရပ်သား၃ဦး သေဆုံးခဲ့တာ ဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

နိုဝင်ဘာ၂၆ရက်နေ့ကလည်း အဲဒီမြို့နဲ့ ကပ်လျက်တည်ရှိတဲ့ ပုသိမ်ကြီးမြို့နယ်၊ မြကန်သာကျေးရွာကို အလားတူဗုံးချတိုက်ခိုက်ရာ အမျိုးသား၂ဦးဒဏ်ရာ ပြင်းထန်စွာရရှိခဲ့ပါတယ်။

မတ္တရာ မြို့နယ်ရဲ့ အနောက်ခြမ်းကို စစ်တပ်က ကြည်းရေလေတပ်တွေသုံးပြီး နိုဝင်ဘာ ၁၇ ရက်မှစပြီး အင်အားအလုံးအရင်းနဲ့ထိုးစစ်တိုက်ခိုက်နေတာပါ။

လက်ရှိမှာ မတ္တရာမြို့နယ် ၊ သပိတ်ကျင်းမြို့နယ်နဲ့ နောင်ချိုမြိုနယ်တို့မှာ ပြည်သူ့ကာကွယ်ရေး တပ်မတော် (မန္တလေး) နဲ့ အကြမ်းဖက် စစ်တပ်တို့အကြား တိုက်ပွဲတွေဖြစ်ပွားလျက်ရှိပါတယ်။

အကြမ်းဖက်စစ်တပ်ဟာ သူတို့လက်လွှတ်ဆုံးရှုံးခဲ့ရတဲ့ တပ်စခန်းတွေနဲ့ နယ်မြေတွေကို ပြန်လည်ရရှိဖို့ ကြိုးစားနေပေမဲ့ပြည်သူ့ကာကွယ်ရေးတပ်မတော်(မန္တလေး)အနေနဲ့ ထိန်းချုပ်ထားဆဲဖြစ်တယ်လို့ ဆိုပါတယ်။

အခုလို မတ္တရာမှာ ပြင်းထန်လာတဲ့ တိုက်ပွဲတွေကြောင့် ဒေသခံအများအပြား တိမ်း ရှောင်ခဲ့ကြရပြီး အများစုမှာ နီးစပ်ရာ ကျေးရွာတွေ တောင်ယာတွေနဲ့ စစ်ရှောင်စခန်းတွေမှာ ခိုလှုံ နေကြရပါတယ်။

#မတ္တရာ

29/11/2024

တောင်ကုတ်မြို့ကို AA ထိန်းချုပ်

Democratic Press
နိုဝင်ဘာ၂၉၊၂၀၂၄

ရခိုင်ပြည်နယ်၊ တောင်ကုတ်မြို့ကို အလုံးစုံ ထိန်းချုပ် လိုက်ပြီလို့ အာက္ခရတပ်တော် (AA) က အသိပေးထုတ်ပြန်ပါတယ်။

မြို့ပြင်မှာရှိတဲ့ တပ်စခန်း ၁၀ခု ကို နှစ်ပတ်ကျော်ကြာထိုးစစ်ဆင်တိုက်ခိုက် သိမ်းပိုက်ပြီးနောက် နိုဝင်ဘာလ ၂၄ ရက်နေ့ မှာ မြို့ကို အလုံးစုံ ထိန်းချုပ်လိုက်တာလို့ ပြောပါတယ်။

မြို့နယ် တစ်ခုလုံးကို သိမ်းပိုက်ထိန်းချုပ်ဖို့အတွက် စကခ (၅) တပ်မဌာနချုပ်နဲ့ လက် အောက်ခံ တပ်ရင်းတွေ ဖြစ်တဲ့ ခမရ (၃၄၆)၊ ခမရ (၅၄၄) တို့ကို ဆက်လက် ထိုးစစ်ဆင်တိုက်ခိုက်နေပါတယ်။

မြို့တွင်းရှိ အရပ်သား‌တွေကို ဘေးလွတ်ရာရွေ့ပြောင်းပေးပြီး၊ စစ်ရှောင်မြို့ခံတွေရဲ့ နေ အိမ်တွေကို ဖေါက်ထွင်းနေတဲ့ သူခိုးတွေကို လည်း ရှင်းလင်း ဖမ်းဆီးနေတယ်လို့ ဆို
ပါတယ်။

ဒါ့အပြင် အမ်းမြို့နယ်နဲ့ ဂွမြို့နယ် တို့ရှိ တပ်စခန်းတွေကို ထိုးစစ်ဆင်တိုက်ခိုက်နေသလို မောင်တောမြို့ရှိ နောက်ဆုံး လက်ကျန် နခခ(၅) ကို အပြီးသတ် သိမ်းယူနိုင်ရေးအတွက် လည်း ဆက်လက် ထိုးစစ်ဆင် တိုက်ခိုက်နေတယ်လို့ ထုတ်ပြန်ချက်မှာ အသိပေးထားပါတယ်။

#တောင်ကုတ် #ရခိုင်

29/11/2024

အမ်းက တပ်ဆုတ်လာတဲ့ စစ်ကြောင်းကို ပိတ်ဆို့ တိုက်ခိုက် တစ်ဒါဇင်ကျော်အရှင်မိပြီး၊ လက်နက်ငယ် ၂ လက် သိမ်းဆည်းရမိ

Democratic Press
နိုဝင်ဘာ၂၉၊၂၀၂၄

ရခိုင်ပြည်နယ်၊ အမ်းမြို့နယ် အခြေစိုက် အနောက်ပိုင်းစစ်ဌာနချုပ် (နပခ) က ဆုတ်ခွာလာတဲ့ စစ်ကြောင်းကို ပိတ်ဆို့ တိုက်ခိုက်ခဲ့ရာ စစ်အုပ်စု တပ်ဖွဲ့ဝင် တစ်ဒါဇင်ကျော်ကို စစ်သုံ့ပန်း အဖြစ် ရှင်ဖမ်းမိပြီး၊ လက်နက်ငယ် ၂ လက် သိမ်းဆည်းရမိတယ်လို့ ကျောင်းသားလက်ရုံးတပ်တော် (SAF) က ထုတ်ပြန်ပါတယ်။

နိုဝင်ဘာလ ၂၃ ရက်နေ့က နပခ - အမ်း ကွပ်ကဲမှု လက်အောက်ရှိ တစ်မိုင်ကုန်းစခန်းမှ ဆုတ်ခွာလာတဲ့ ဗိုလ်မှူးဇော်ထက်နောင် ဦးစီးတဲ့ စစ်ကြောင်းကို တော်လှန်ရေးပူးပေါင်း တပ်ဖွဲ့တွေက အမ်း - ပဒါန်း လမ်း တစ်နေရာမှာ စောင့်ကြို ပိတ်ဆို့ တိုက်ခိုက်ခဲ့တာပါ။

တိုက်ပွဲအတွင်း စစ်အုပ်စု တပ်ဖွဲ့ဝင် ၂ဦးသေဆုံးပြီး၊ စစ်သုံ့ပန်း ၁၄ ဦး အရှင်ဖမ်းမိကာ လက်နက်ငယ် ၂ လက် သိမ်းဆည်ရမိတယ်လို့ ပြောပါတယ်။

စစ်ကြောင်းဟာ တိုက်ပွဲအတွင်း ဖွဲ့စည်းပုံပျက်ကာ တကွဲတပြားစီ ထွက်ပြေးနေတာကြောင့် နယ်မြေ ရှင်လင်းနေတယ်လို့ ဆိုပါတယ်။

အမ်းက တပ်ဆုတ်လာတဲ့ စစ်ကြောင်းကို SAF နဲ့ အတူ အရှိုချင်းကာကွယ်ရေးတပ်ဖွဲ့ (ACDF)၊ မင်းဘူးခရိုင် အမှတ် (၂) တပ်ရင်း တို့က ပူးပေါင်းပါဝင် တိုက်ခိုက်ခဲ့တာလို့ ထုတ်ပြန်ချက်မှာ ဖေါ်ပြထားပါတယ်။

စစ်အုပ်စုဟာ အမ်း - ပဒါန်း လမ်းပိုင်းကို အ သုံးပြုပြီး အမ်း နပခ ကို စစ်ကူတွေ ပို့ဆောင်နေသလို တော်လှန်ရေးတပ်ဖွဲ့တွေကလည်း ကြားဖြတ်တိုက်ခိုက်တဲ့ အတွက် လမ်းပိုင်း မှာ စစ်ရေးအခြေအနေ တင်းမာနေပါတယ်။

#အမ်း #ရခိုင် #နပခ

28/11/2024

ကချင် အထူးဒေသ (၁) ကို ဖျက်သိမ်းကြောင်း KIO ကြေညာ

Democratic Press
နိုဝင်ဘာ၂၈၊၂၀၂၄

ကချင် အထူးဒေသ (၁) ကို ဖျက်သိမ်း လိုက်
ပြီးလို့ ဒီကနေ့ နိုဝင်ဘာလ ၂၈ရက်နေ့မှာ
KIA က အသိပေးထုတ်ပြန်လိုက်ပါတယ်။

စစ်အုပ်စု လက်အောက်ခံ ဇခုန်တန့်ယိန်း
ထိန်းချုပ်ထားတဲ့ ကချင် အထူးဒေသ (၁) ကို
အလုံးစုံ သိမ်းပိုက်ပြီးတဲ့ နောက်မှာ အခုလို
ထုတ်ပြန်ကြေညာလိုက်တာပါ။

ယခင် နဝတ/နအဖ စစ်အစိုးရ လက်ထက်က
ကချင် အထူးဒေသ (၁) ကို သတ်မှတ်ခဲ့ပြီး
စစ်အုပ်စု လက်အောက်ခံ ဇခုန်တိန့်ယိန်း က
သူ့ရဲ့ ပြည်သူ့စစ်တပ်ဖွဲ့ (NDAK) နဲ့ အတူ
နှစ်ပေါင်း ၃၀ နီးပါး ထိန်းချုပ်ခဲ့ပါတယ်။

အခုအခါမှာ KIA ရဲ့ ထိုးစစ်ဆင် တိုက်ခိုက်မှု
ကြောင့် ဇခုန်တိန့်ယိန်း လည်း ထွက်ပြေးခဲ့ရ
ပြီး၊ ဒေသ တစ်ခုလုံးကိုလည်း KIA က အလုံစုံ သိမ်းပိုက် ထိန်းချုပ်လိုက်ပါတယ်။

#ကချင်

28/11/2024

ပြည်သူတွေကို လူသားဒိုင်းလုပ်ပြီး စစ်တပ်က ဖယ်ခုံကိုပြန်လည်ထိန်းချုပ်

Democratic Press
နိုဝင်ဘာ ၂၈ ၊ ၂၀၂၄

မြန်ပြည်တခွင်podcastအစီအစဉ်ကနေ ပြန်လည်ကြိုဆိုလိုက်ပါတယ်။
ဒီကနေ့မှာတော့ သောတရှင်တွေကို ဖယ်ခုံမြို့ဒေသခံပြည်သူတွေဟာ တိုက်ပွဲတွင်းမှာ အကြမ်းဖက်စစ်တပ်ရဲ့ဘယ်လိုအသုံးချမှုတွေကို ခံခဲ့ရတယ် ဆိုတာကို တင်ဆက်ပေးသွားပါမယ်ရှင် ။

#ဖယ်ခုံ #ကရင်နီ

ที่อยู่

Chiang Mai
50160

เบอร์โทรศัพท์

09428022332

เว็บไซต์

facebook.com

แจ้งเตือน

รับทราบข่าวสารและโปรโมชั่นของ Democratic Pressผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง Democratic Press:

ชื่อ:

ที่อยู่อีเมล์:

ข้อความ:

วิดีโอทั้งหมด

စားနပ်ရိက္ခာတွေ လုယူခံနေရတဲ့ ကန့်ဘလူမြို့နယ် Democratic Press ဒီဇင်ဘာ ၂ ၊ ၂၀၂၄ မြန်ပြည်တခွင် Podcast အစီအစဉ်ကနေ ကြိုဆိုလိုက်ပါတယ်။ ဒီကနေ့မှာ တော့ သောတရှင်တွေကို ကန့်ဘလူမြို့နယ် ကျေးရွာတစ်ချို့ ကပြည်သူတွေ ရိတ်သိမ်းရာသီမှာ စု‌ဆောင်းထားတဲ့ စားနပ်ရိက္ခာတွေကို အကြမ်းဖက်စစ်တပ် လက်အောက်ခံ ပျူစောထီးတွေက လူယူသယ်ဆောင်နေကြတဲ့ အကြောင်းကို တင်ဆက်ပေးပါမယ် ခင်ဗျာ။ #democraticpress #ကန့်ဘလူ #insightmyanmar #မြန်ပြည်တခွင်

ဒီဇင်ဘာလ ၂ ရက်နေ့ နံနက်ခင်းသတင်းအစီအစဉ်

ဒီကနေ့ ဒီဇင်ဘာလ ၂ ရက်နေ့မှာတော့ ထိုင်းငါးဖမ်းလှေတွေကို တိုက်ရင် မြန်မာစစ်တပ်ကို လက်တုန့်ပြန်မယ်လို့ ရန်ကုန်မှာ ဧည့်စာရင်းအကြောင်းပြပြီး လူငယ်တွေကို ထပ်ဖမ်းနေပြန် သေဆုံးခဲ့တဲ့ စစ်သည်တွေအတွက် အောက်မေ့ပွဲ စစ်အုပ်စုအကြီးအကဲတွေ မတက်ရောက်နိုင် စတဲ့ သတင်းတွေကို တင်ဆက်သွားမှာ ဖြစ်ပါတယ်။

ဗုံးဆံတွေကြားမှာ ရွာပျက်ဖြစ်ခဲ့ရတဲ့ မာထောရွာ Democratic press နိုဝင်ဘာ၂၉၊ ၂၀၂၄ မြန်ပြည်တခွင်Podcastအစီစဉ်ကနေပြန်လည်ကြိုဆိုလိုက်ပါတယ်။ ဒီကနေ့မှာတော့ သောတရှင်တွေကို စစ်ပွဲရဲ့ဒဏ်ချက်တွေကြောင့် တစ်ရွာလုံးပျက်စီးခဲ့ရတဲ့ မာထောရွာလေးအကြောင်းကို ပြောပြသွားပါိမယ်ရှင်။ #democraticpress #မာထော #ကရင် #insightmyanmar #မြန်ပြည်တခွင်

ပြည်သူတွေကို လူသားဒိုင်းလုပ်ပြီး စစ်တပ်က ဖယ်ခုံကိုပြန်လည်ထိန်းချုပ် Democratic Press နိုဝင်ဘာ ၂၈ ၊ ၂၀၂၄ မြန်ပြည်တခွင်podcastအစီအစဉ်ကနေ ပြန်လည်ကြိုဆိုလိုက်ပါတယ်။ ဒီကနေ့မှာတော့ သောတရှင်တွေကို ဖယ်ခုံမြို့ဒေသခံပြည်သူတွေဟာ တိုက်ပွဲတွင်းမှာ အကြမ်းဖက်စစ်တပ်ရဲ့ဘယ်လိုအသုံးချမှုတွေကို ခံခဲ့ရတယ် ဆိုတာကို တင်ဆက်ပေးသွားပါမယ်ရှင် ။ #ဖယ်ခုံ #ကရင်နီ #insightmyanmar #democraticpress

မင်းအောင်လှိုင်ကို ဖမ်းဝရမ်းထုတ်တော့မယ်

မင်းအောင်လှိုင်ကို နိုင်ငံတကာ ရာဇဝတ်ခုံရုံးကနေ ဖမ်းဝရမ်းထုတ်တော့မယ် ဇင်တီ 27 December 2024 အာဏာသိမ်း စစ်ခေါင်းဆောင် မင်းအောင်လှိုင်ကို နိုင်ငံတကာ ရာဇဝတ်ခုံရုံး ICC က နေ ဖမ်းဝရမ်းထုတ်တော့မယ်လို့ သိရပါတယ်။ ၂၀၁၆ -၁၇ မှာ ဖြစ်ပွားခဲ့တဲ့ ရိုဟင်ဂျာ အရေးနဲ့ ပတ်သက်ပြီး မင်းအောင်လှိုင်ကို ဖမ်းဝရမ်းထုတ်ဖို့အတွက် နိုင်ငံတကာရာဇဝတ်ခုံရုံး (ICC)ရှေ့နေချုပ်က ဒီနေ့မှာ တရားရုံးကို လျှောက်ထားလိုက်ပါတယ်။ ICC အမှုလိုက်ရှေ့နေရုံးက မြန်မာအစိုးရ ထိပ်တန်းအရာရှိတစ်ဦးကို ဖမ်းဝရမ်းထုတ်ဖို့ ပထမဆုံးအကြိမ် လျှောက်ထားတာဖြစ်ပြီး ထပ်မံ လျှောက်ထားတာတွေ လာဦးမယ်လို့ ပြောထားပါတယ်။ ၂၀၁၆ ခုနှစ်မှာ ရခိုင်ပြည်နယ်က ရိုဟင်ဂျာတွေ သိ န်းနဲ့ချီပြီး ဘင်္ဂလားဒေ့ရှ်နိုင်ငံကို ဒုက္ခသည်အဖြစ် နေရပ်စွန့်ခွာထွက်ပြေးခဲ့ရတာဖြစ်ပါတယ်။ အဲဒီကိစ္စအတွက် မြန်မာစစ်တပ်မှာ

တိုက်ပွဲတွေကြားက ဖလမ်းမြို့ Democratic Press နိုဝင်ဘာ ၂၇၊ ၂၀၂၄ မြန်ပြည်တခွင် Podcast အစီအစဉ်ကနေ ပြန်လည်ကြိုဆိုလိုက်ပါတယ်။ ဒီကနေ့မှာတော့ သောတရှင်တွေကို တိုက်ပွဲတွေပြင်းထန်နေတဲ့ ဖလမ်းမြို့မှာ ဒေသခံပြည်သူတွေ ဘယ်လို အခက်အခဲ တွေနဲ့ ဖြတ်သန်းနေရလဲ ဆိုတာကို ပြောပြပေးသွားပါမယ် ခင်ဗျာ။ #democraticpress #ဖလမ်း #insightmyanmar #မြန်ပြည်တခွင် Now

အာဏာသိမ်းစစ်တပ်က မတ္တရာကို အင်အားအလုံးရင်းနဲ့ထိုးစစ်ဆင် Democratic Press နိုဝင်ဘာ ၂၇၊ ၂၀၂၄ တော်လှန်ရေးတပ်ဖွဲ့တွေသိမ်းထားတဲ့ မန္တလေးတိုင်း၊ မတ္တရာမြို့ကို ပြန်ရဖို့ အာဏာသိမ်းစစ်တပ်က အင်အားအလုံးရင်းနဲ့ ထိုးစစ်ဆင်တိုက်ခိုက်နေတယ်လို့ ဒေသခံကာကွယ်ရေးတပ်ဖွဲ့တွေက ဆိုပါတယ်။ မတ္တရာမြို့ဟာ စစ်ရေးအရာအချက်ချာကျတဲ့နေရာဖြစ်တာကြောင့် အာဏာသိမ်းစစ်တပ်က ပြန်ရဖို့ အပြင်းထန်ထိုးစစ်ဆင်နေတာလို့ တော်လှန်ရေးအင်အားစုတွေကသုံးသပ်နေကြပါတယ်။ #မတ္တရာ #democraticpress

ပျူတွေရဲ့မွှေနှောက်ဖျက်ဆီးတာခံနေရတဲ့ မြင်းခြံ Democratic Press နိုဝင်ဘာ၂၆၊ ၂၀၂၄ မြန်ပြည်တခွင်Podcastအစီစဉ်ကနေ ပြန်လည်ကြိုဆိုလိုက်ပါတယ်။ ဒီကနေ့မှာတော့ သောတရှင်တွေကို တော်လှန်ရေးတပ်တွေနောက်ဆုတ်ပေးလိုက်ရတဲ့ မြင်းခြံမြို့နယ် မှာ ပျူစောထီးအဖွဲ့တွေက ဘာတွေမွှေနှောက်ဖျက်ဆီးနေလဲဆိုတာကို ပြောပြသွားပါမယ်ရှင်။ #democraticpress #ပျူစောထီး #မြင်းခြံ #MDY #insightmyanmar

စစ်အုပ်စုရဲ့ ရွေးကောက်ပွဲကို ကမ္ဘောဒီးယားက လေ့လာမယ်

စစ်အုပ်စုရဲ့ ရွေးကောက်ပွဲကို ကမ္ဘောဒီးယားက လေ့လာမယ် Democratic Press နိုဝင်ဘာ၂၅၊၂၀၂၄ ၂၀၂၅နိုဝင်ဘာမှာလုပ်မယ့် အာဏာသိမ်းစစ်တပ်ရဲ့ ရွေးကောက်ပွဲလုပ်ငန်းစဉ်ကို လာလေ့လာဖို့ ကမ္ဘောဒီးယားကပြည်သူ့ပါတီ(CPP)ကကိုယ်စားလှယ်အဖွဲ့ စေလွှတ်မယ်လို့ Khmer Timesသတင်းက ဖော်ပြပါတယ်။ CPP ပါတီဟာ ကမ္ဘောဒီးယားနိုင်ငံကို ၁၉၇၉ ခုနှစ်က စပြီး အုပ်ချုပ်လာတဲ့ အာဏာရှင်ပါတီဖြစ်သလို အတိုက်အခံ ပါတီတွေကိုလည်း ဖိအားပေးတင်းကျပ်မှုတွေ လုပ်ထားပါတယ်။ အခုနှစ် မေလဆန်းပိုင်းကလည်း စစ်ခေါင်းဆောင် မင်းအောင်လှိုင်ဟာ မြန်မာနိုင်ငံမှာ ရွေးကောက်ပွဲကျင်းပမဲ့ အစီအစဉ်ကို ကမ္ဘောဒီးယား ဝန်ကြီးချုပ်ဟောင်း ဟွန်ဆန်နဲ့ ဆွေးနွေးခဲ့ပါတယ်။ #democraticpress #ရွေးကောက်ပွဲ #စစ်တပ် #Myanmar #cambodia

စစ်တပ်ရဲ့ ရမ်းကားမှုဒဏ်ကို ခါးစည်းခံနေရတဲ့ မတ္တရာ

စစ်တပ်ရဲ့ ရမ်းကားမှုဒဏ်ကို ခါးစည်းခံနေရတဲ့ မတ္တရာ Democratic Press နိုဝင်ဘာ ၂၅ ၊ ၂၀၂၄ မြန်ပြည်တခွင်Podcastအစီစဉ်ကနေပြန်လည်ကြိုဆိုလိုက်ပါတယ်။ ဒီကနေ့မှာတော့ မန္တလေးတိုင်း မတ္တရာမြို့နယ်ထဲက ကျေးရွာတွေမှာ ဘယ်လိုအဖြစ်အပျက်တွေ နဲ့ ကြုံနေရလဲဆိုတာ သောတရှင်တွေကို တင်ဆက်ပေးသွားပါမယ်ရှင်။ မြန်ပြည်တစ်ခွင် podcastအစီအစဥ်ရဲ့ တင်ဆက်မှုတွေကိုစောင့်မျှော်နားထောင်ပေးတဲ့အတွက် ကျေးဇူး တင်ပါတယ်။ နောက်တစ်နေ့ ဒီလိုအချိန်မှာလည်း မြန်မာနိုင်ငံအတွင်းက ဘယ်မြို့တွေမှာ ဘာတွေဖြစ်နေလဲဆိုတာကို မျှဝေပေးမှာမို့ စောင့်မျှော် နားထောင်ပေးကြပါဦးရှင်။

ပဋိပက္ခတွေကြားက ကျွန်းလှမြို့ကပြည်သူတွေ Democratic Press နိုဝင်ဘာ၂၃၊ ၂၀၂၄ မြန်ပြည်တခွင်Podcastအစီစဉ်ကနေပြန်လည်ကြိုဆိုလိုက်ပါတယ်။ ဒီကနေ့မှာတော့ စစ်ကိုင်းတိုင်း ကျွန်းလှမြို့နယ်ထဲ က ရွာတစ်ချို့ ဘယ်လိုအဖြစ်အပျက်တွေ ကြုံနေရလဲဆိုတာ သောတရှင်တွေကို တင်ဆက်သွားပါမယ်ခင်ဗျာ။ #democraticpress #စစ်ကိုင်း #ကျွန်းလှ #insightmyanmar #podcast