27/12/2020
👉ឆ្នាំថ្មី គោលដៅថ្មី សកម្មភាពថ្មី!
ពេលវេលាសុទ្ធតែមានចំណុចចាប់ផ្ដើម ហើយមនុស្សម្នាក់តែងមានចំណុចពេលវេលាសម្រាប់ចាប់ផ្ដើមរៀងៗខ្លួន។ ពេលវេលាថ្មី វាប្រៀបដូចជាឱកាសថ្មី ដែលផ្ដល់ឲ្យអ្នកម្ដងទៀតអ៊ីចឹង។ អ្នកបរាជ័យ មិនមែនមានន័យថា អ្នកគ្មានឱកាសក្នុងចាប់ផ្ដើមជាថ្មីទេ ពេលវេលា ពេលវេលា មែនហើយ គឺពេលវេលា ជាអ្នកផ្ដល់ឲ្យអ្នកនូវឱកាសថ្មីក្នុងការចាប់ផ្ដើមជាថ្មី។ អ្នកខ្លះ កំណត់យកថ្ងៃកំណើតរបស់ខ្លួនជាចំណុចដែលត្រូវចាប់ផ្ដើមធ្វើផែនការថ្មី អ្នកខ្លះកំណត់យកថ្ងៃចូលឆ្នាំថ្មីជាថ្ងៃដែលត្រូវសារើរឿងចាស់ៗមកផ្លាស់ថ្មី និងដាក់គោលដៅថ្មីសម្រាប់ជំហានបន្ទាប់។ ការកំណត់គោលដៅ វាសំខាន់ណាស់ ព្រោះវានឹងមិនធ្វើឲ្យអ្នកតែលតោល វង្វេងវង្វាន់ ក្នុងពិភពដ៏ស្រពេចស្រពិលមួយនេះ។
ខាងក្រោមជាគន្លឹះមួយចំនួនដែលអ្នកអាចយកទៅប្រើដើម្បីកំណត់គោលដៅថ្មី សម្រាប់ឆ្នាំថ្មី៖
១. គោលដៅត្រូវតែច្បាស់ និងជាក់លាក់
សួរខ្លួនឯងថា តើអ្នកចង់សម្រេចអ្វី? បើអ្នកគ្រាន់តែនិយាយថា ខ្ញុំចង់រកចំណូលឲ្យបាន ៣០,០០០ដុល្លារក្នុងឆ្នាំ២០២១ នោះវាមិនទាន់មានភាពជាក់លាក់ទេ។ អ្នកត្រូវគិតថា តើអ្នកនឹងត្រូវធ្វើបែបណាខ្លះដើម្បីសម្រេចវា? រៀបចំផែនការ និងសកម្មភាព ឲ្យហើយស្រេច កុំបានតែមាត់!
អ្នកគួរសួរសំនួរខ្លួនឯងថា តើនរណាខ្លះដែលពាក់ព័ន្ធនឹងគោលដៅរបស់អ្នក? តើអ្វីដែលអ្នកចង់ព្យាយាមសម្រេចវា? ហេតុអ្វីអ្នកចង់សម្រេចវា?
២. ធ្វើឲ្យគោលដៅរបស់អ្នកអាចវាស់វែងបាន
ដើម្បីអាចកាន់តែជាក់លាក់ អ្នកត្រូវធ្វើឲ្យគោលដៅរបស់អ្នកអាចវាស់បាន និងវាយតម្លៃបាន។ ប្រសិនបើអ្នក ចង់រំដោះបំណុល ៣៦,០០០ ដុល្លារក្នុង២ឆ្នាំ នោះអ្នកត្រូវបង់ប្រហែល១,៥០០ដុល្លារក្នុង១ខែ ឬប្រហែលជា៣៧៥ ដុល្លារក្នុង១អាទិត្យ។ ការផ្ដល់នូវគោលដៅ និងចំនួនជាក់លាក់ដែលអ្នកចង់សម្រេចបាន នោះវានឹងជួយឲ្យអ្នកកាន់តែមោះមុតក្នុងការដើរឆ្ពោះទៅរកគោលដៅ មួយហើយ មួយទៀត។
អ្នកគួរសួរខ្លួនឯងថា តើត្រូវប្រើពេលប៉ុន្មានដែលអ្នកអាចសម្រេចគោលដៅនោះ? ហើយតើអ្នកដឹងដោយរបៀបណា ថាពេលណាវាសម្រេច ឬជោគជ័យ?
៣. ដាក់កម្រិតពេលវេលាលើគោលដៅរបស់អ្នក
អ្នកគួរតែដាក់គោលដៅរបស់អ្នកឲ្យមានកាលកំណត់ច្បាស់លាស់ ថាពេលណាអ្នកបញ្ចប់បេសកម្មនោះ។ វាជារឿងដែលល្អ ប្រសិនបើអ្នកបានសិក្សាលើពេលវេលាច្បាស់ ព្រោះគោលដៅខ្លះតម្រូវឲ្យអ្នករត់ប្រណាំងជាមួយពេលវេលា។ អ្នកអាចបំបែកគោលដៅនោះជាសកម្មភាពតូចៗ សម្រាប់ធ្វើប្រចាំថ្ងៃ ក្នុងរយៈកាលជាក់លាក់មួយ ដើម្បីសម្រេចបានគោលដៅធំមួយ។ ឧទាហរណ៍ថា អ្នកចង់សម្រកទម្ងន់២០Kg ក្នុងរយៈពេលកន្លះឆ្នាំ នោះអ្នកត្រូវគណនាមើលថា តើអ្នកនឹងត្រូវហាត់ប្រាណរយៈពេលប៉ុន្មានក្នុងមួយថ្ងៃ? ទទួលទានអាហាមានកាឡូរីប៉ុន្មានក្នុងមួយថ្ងៃ ដើម្បីសម្រកបាន ២០Kg ក្នុងរយៈពេល៦ខែ។
អ្នកគួរសួរខ្លួនឯងថា តើអ្នកចង់កំណត់ពេលវេលាលើគោលដៅរបស់អ្នកឬទេ? នៅពេលណា
