09/12/2024
◼️ပုသိမ်တွင် ရှေ့တန်းသို့ ပို့ဆောင်တော့မည့် စကစ စစ်မှုထမ်းအပတ်စဉ်(၆)မှ တပ်သား ၄၀ ဦးထွက်ပြေးမှုဖြစ်ပွါး
ဧရာဝတီတိုင်း၊ ပုသိမ်မြိုနယ်၊ ရွှေမြင်တင်ကျေးရွာရှိ အမှတ်(၆)စစ်အခြေခံလေ့ကျင့်ရေး တပ်မှ သင်တန်းသား ၄၀ ဦးထွက်ပြေးခဲ့ရာ ၂၄ ဦး လွတ်မြောက်ခဲ့ပြီး ၁၆ ဦး ပြန်လည်ဖမ်းဆီးခံခဲ့ရကြောင်း သတင်းရင်းမြစ်က သိရသည်။
ဒီဇင်ဘာလ ၇ ရက် ည ၁၁ နာရီခွဲခန့်တွင် အမှတ်(၆)စစ်အခြေခံလေ့ကျင့်ရေးတပ်မှ စစ်မှုထမ်းဥပဒေဖြင့် စစ်သားစုဆောင်းခံထားရသည့် သင်တန်းသား ၄၀ ဦး ထွက်ပြေးခဲ့ခြင်း ဖြစ်ပြီး ထွက်ပြေးသူများအနက် ၂၄ ဦး လွတ်မြောက်ခဲ့သော်လည်း ၁၆ ဦးမှာ အနောက်တောင်တိုင်းစစ်ဌာနချုပ်အနီးရှိ ဇင်ပြွန်းကုန်းကျေးရွာအုပ်စု၊ တောင်ယာကုန်း ကျေးရွာအတွင်းသို့ ထွက်ပြေးခဲ့ရာတွင် စစ်တပ်ထောက်ခံသူတဦး၏ တိုင်ကြားမှုကြောင့် ပြန်လည်ဖမ်းဆီးခံခဲ့ရသည်ဟု စစ်ကောင်စီနှင့် နီးစပ်သူက ပြောသည်။
ထွက်ပြေးသည့် သင်တန်းသားများအား တွေ့ရှိသည့် စစ်တပ်ထောက်ခံသူတဦးက အုပ်ချုပ်ရေးမှူးအား သတင်းပေးတိုင်ကြားခဲ့ပြီးနောက် ပုသိမ်မြို့မှ ထွေအုပ်ဝန်ထမ်းများနှင့် ရဲများရောက်ရှိလာပြီး ပြန်လည် ဖမ်းဆီးခဲ့ခြင်းဖြစ်ကြောင်း ၎င်းကဆိုသည်။
ထွက်ပြေးလာသူများမှာ စစ်မှုထမ်းအပတ်စဥ်(၆) သင်တန်းဆင်းထားပြီးသူများဖြစ်ပြီး မကြာမီ ရှေ့တန်း ထွက်ရမည့်သူများဖြစ်ကြောင်းနှင့် စစ်ကောင်စီတပ်ကပေးသည့်လစာ စတင်ရရှိနေသူများဖြစ်ကြောင်း၊ လက်ရှိတွင် ဖမ်းဆီးခံခဲ့ရသည့် ၁၆ ဦးအား မည်ကဲ့သို ပြစ်ဒဏ်များပေးကာ စစ်ဆေးနေသည်ကို မသိရကြောင်းနှင့် ၂၄ ဦးမှာ လွတ်မြောက် နေဆဲဖြစ်ကြောင်း စစ်ကောင်စီတပ်
နှင့်နီးစပ်သူက ပြောသည်။
မြန်မာနိုင်ငံရှိ အရွယ်ရောက်ပြီးသူ အမျိုးသား၊ အမျိုးသမီးတိုင်း စစ်မှုထမ်းရမည့် ပြည်သူ့စစ်မှုထမ်းဥပဒေကို ပြီးခဲ့သည့် ဖေဖော်ဝါရီလ ၁၀ ရက်တွင် စစ်ကောင်စီက ထုတ်ပြန်ခဲ့သည်။
စစ်မှုထမ်းသင်တန်းသားခေါ်ယူမှုကို ၂၀၂၄ ခုနှစ်၊ ဧပြီလတွင် စတင်ဆောင်ရွက်ခဲ့ပြီး သင်တန်းအပတ်စဉ် တခုလျှင် အင်အား ၅,၀၀၀ နှုန်းဖြင့် တနှစ်လျှင် အင်အား ၆၀,၀၀၀ နှုန်း ခေါ်ယူရန် စီစဉ်ထားကြောင်း စစ်ကောင်စီက ထုတ်ပြန်ထားသည်။
စစ်မှုထမ်းဥပဒေထွက်လာပြီးနောက် လူငယ်များမှာ စစ်ကောင်စီလက်မှလွတ်မြောက်ရန် နည်းလမ်းမျိုးစုံဖြင့် ထွက်ပြေးကြပြီး တော်လှန်ရေးတပ်ဖွဲများသို့ ဝင်ရောက်သည့်လူငယ် များလည်း ရှိသလို၊ ပြည်ပသို့ ထွက်ပြေးတိမ်းရှောင်သည့် လူငယ်များလည်း ရှိနေသည်။
လက်ရှိတွင် ဧရာဝတီတိုင်းမှ အသက် ၁၈ မှ ၃၅ နှစ်အတွင်း အမျိုးသားဦးရေ ထောင်ချီသည် စစ်ကောင်စီ ၏ စစ်မှုထမ်းဥပဒေဖြင့် စစ်သားစုဆောင်းခံရပြီး စစ်သင်တန်းတက်ခြင်းများ၊ ရှေ့တန်းထွက်ခြင်းများ ပြုလုပ်နေကြရသည်ဟု တော်လှန်ရေးအဖွဲ့များ၏ ဖော်ပြချက်များ အရ သိရသည်။
ဒီဇင်ဘာလ (၉)ရက်၊ ၂၀၂၄
အချိန်နှင့်တပြေးညီ သတင်းများအသေးစိတ်ပိုမိုဖတ်ရှုရန် တယ်လီဂရမ် Channel ကို Join ထားပါ။
🔔 https://t.me/ayarevolutionnews
တော်လှန်ရေးဆောင်းပါး၊ကဗျာ များဖတ်ရှုရန် -
🔔 ARNs Website - https://arnsnews.com
===========================
သတင်းပေးပို့ရန် -
📩 Page Messenger (သို့)
📩 https://t.m
