Thai HtoutPoh youths, sridan1/6alley, Bangkok (2024)

11/02/2024

ခရီးသွားနေတာတှေ ရပ်လိုက်ပါ..
နယ်တွေ မြို့တွေမှာ ပြင်ပအသွားအလာ ဂရုစိုက်ပါ ..

စစ်မှုထမ်းရန် ဆင့်ခေါ်စာ ၊ အတည်ပြုစာထဲမှာပါတဲ့
ပြည်နယ် ၊ ခရိုင် ၊ မြို့ စုဆောင်းရေး ဆိုတာ စာထဲမှာပဲ ရှိတာ ၊
ကြားကောင်းအောင် ရေးထားရုံသက်သက်ပဲ ..

တကယ်က ဒီလိုဖြစ်လာမယ်..

ရပ်ထဲ ရွာထဲ ကို စစ်ကား ထိုးဆိုက်လာမယ်
တစ်အိမ်မှာ စစ်မှုထမ်းနိုင်တဲ့အရွယ် နှစ်ယောက်ရှိရင်
တစ်ယောက် ကို ခေါ်မယ်.. ဘာမှမမေးမြန်းပဲ
ကားပေါ်တင်မယ်.. တပ်ထဲရောက်မှ အမည် ၊
အသက် ၊ မိဘ ၊ နေရပ်လိပ်စာ ၊ ပညာအရည်အချင်း
မေးမယ် .. ပြီးရင် အခြေခံစစ်သင်တန်း ကို ပို့မယ် ..
သစ်သား ကို သေနတ်လုပ်ပြီးကျင့်ခိုင်းမယ် ..

လိပ်ခေါင်းရှိတာတွေ ၊ ဘောကြီးတာတွေ ၊
ခြေဖဝါးကြီးတာတွေ မသိဘူး ၊ လက်ညိုးကွေးတတ်ပြီ
ဆိုပြီး လက်ဗလာနဲ့ ရှေ့တန်းပို့်မယ် ။
အခြေခံစစ်သင်တန်းမှာ အလွန်ဆုံး ကြာရင်
နှစ်ပတ် သုံးပတ် ဝန်းကျင်ပဲ ။ ဘယ် ကို ခေါ်သွားတယ်
ဘယ်ရှေ့တန်း ပို့လိုက်ပြီ မိဘ နဲ့ မိသားစုတွေကို
ပေးမသိဘူး

နှစ်ချို့ စစ်သားကြီးတွေရဲ့ ဘ၀ကို ကြားခဲ့ဖူးတယ်..
လူငယ်သဘာ၀ ညဘက် သီချင်းထွက်ဆိုရင်း
၅ယောက်ထပ် ပိုတဲ့ စုဖွဲ့မှုနဲ့ အဖမ်းခံရတယ်..
တချို့တွေ သေးထိုင်ပေါက်ရင်း
မှောင်ရိပ်ခို ပါတယ်ဆိုပြီး ဖမ်းခံရတယ်..
တချို့တွေကျ ကွမ်းတံတွေးထွေးမိလို့ စသဖြင့်
ရမယ်ရှာနည်း ပေါင်းစုံ နဲ့ ဖမ်းတယ် ..

စစ်ထဲ အဓမ္မ အသွင်းခံရပြီး ေ၀းလံခေါင်ဖျားတဲ့
နယ်မြေ ကို ပို့ပစ်တယ် .. မိသားစုကို ဘာမှ မှာမရ ၊
မိသားစုက သေလားရှင်လားလဲမသိ ၊ ဘာသတင်းမှမရ
၆နှစ် ၇ နှစ်ကြာပြီး တော့ တပ်ထဲမှာ အိမ်ထောင်ကျ ၊
ကလေးတွေ မွေး ၊ ကလေးတွေလဲ အသက်တွေ ကြီး ၊
ဒီတော့မှ တပ်က နေရပ် ပြန်ခွင့်ပြုတာ မိသားစု နဲ့
ပြန်ဆက်သွယ်ခွင့်ရတာ .. တချိန်တုန်းက ဒီလိုတွေရှိခဲ့တယ်..

(ပြီးခဲ့တဲ့ လတွေမှာ ရန်ကုန်မှာ ပျောက်သွားတဲ့
လူငယ်တွေ ဒီလို ဖြစ်သွားတယ်လို့ ထင်တယ်)

ဒါက စစ်တပ်ရဲ့ လုပ်ရိုးလုပ်စဉ်ပဲ ..
အရင်ကလဲ ဒီလိုပဲ လုပ်ခဲ့တယ်

စစ်မှုထမ်းဥပဒေထဲကလို စုဆောင်းရေးဗဟို ၊
ဆင့်ခေါ်စာ ပို့တယ် ဘာညာဆိုတာ ဒရမ်မာဆန်လွန်းတယ် ..
စကစမှာ ဒီလိုလုပ်နိုင်ဖို့ အင်အားစုဖွဲ့မှု နဲ့
အချိန်ရော ရှိရဲ့လားဆိုတာ သံသယရှိတယ်

ဆင့်ခေါ်စာ အိမ်ရောက်လာတယ်ဆိုတာ အပြသဘော
ရန်ကုန် ၊ နေပြည်တော်လို မြို့ကြီးတွေမှာပဲ ဖြစ်နိုင်တယ်
ဒါတောင် မသေချာ ။

လက်ရှိ စကစ ရပ်တည်ပုံနဲ့ အဖြစ်နိုင်ဆုံးက

1) ခရီးသွား ကားတွေပေါ်က စစ်တိုက်နိုင်သူ
အရွယ်ကောင်းတွေကို ဆွဲချမယ်

2) စစ်ဆေးရေးဂိတ်တွေမှာ အရွယ်ကောင်းတွေ့ရင်
ပြန်မလွှတ်ဘူး

3) ညဘက် အပြင်ထွက်သူတွေကို လှည့်ကင်းနဲ့
ဆွဲစိမယ်

4) ရပ်ထဲရွာထဲ စစ်ကားတွေဆိုက်လာပြီး အတင်း
ကားပေါ်တက်ခိုင်းမယ်

5) မြို့ထဲရွာထဲ လူစည်ကားရာ လမ်းလည်ခေါင်မှာ
အရွယ်ကောင်းတွေကို လိုက်ဆွဲမယ်

6) ဆင်ခြေဖုံးရပ်ကွက်က အဆောင်တွေမှာ
လူလိုက်ဆွဲမယ်

ဒီအချက်တွေ ဖြစ်လာပြီဆိုရင် အခြေအနေ
အတော်ဆိုးရွားနေပြီလို့ သုံးသပ်ရပါမယ် ။

မဖြစ်မနေ တစ်ခုခုကို ရွေးရမယ်လို့
အခြေအနေ အချိန်အခါက ခေါင်းလောင်းထိုးလိမ့်မယ်
လို့ထင်ပါတယ်

ဒီအချိန်မှာ ခင်ဗျားတို့ မဆိုင်သလို နေလို့မရတော့ပါ

08/02/2024

ခါးသီးလွန်းလှတဲ့အမှန်တရား
~~~~~~~~~~~~~~~~~~~
စစ်တပ်အာဏာစသိမ်းကတည်းက ဒီနေ့လိုအခြေနေရောက်လာလိမ့်မယ်ဆိုတာ သိပြီးသားဖြစ်မှာပါ စစ်အာဏာရှင်စနစ်ကိုမကြိုက်လို့ ပြည်သူစစ်စစ်တယောက်ကနေ တော်လှန်ရေးတပ်သားအဖြစ် စစ်အာဏာရှင်ကို တော်လှန်ခဲ့ကြတယ် ဒီနေ့မှာတော့ အများသူငါတို့ ငြိမ်းချမ်းနေပါတယ်လို့ထင်တဲ့ မြင်တဲ့ မြို့ငယ်လေး ဆီဆိုင်မြို့ကို စစ်ကျူးကျော်ဝင်ရောက်လာလို့ ပြည်သူတွေ အသက်အိုးအိမ်ဆုံးရှူံးခဲ့ရတယ်။

တကယ်တော့ ကျနော်တို့ မြို့ငယ်လေး ငြိမ်းချမ်းနေခဲ့တာမဟုတ်ဘူးဗျ စစ်အာဏာရှင်စနစ်အောက်မှာ ရပ်ကွက်သူကြီးတွေကအစ ကြောက်နေရလို့ ကျနော်တို့တွေ နုတ်ဆိတ်နေခဲ့တာပါ စစ်အာဏာရှင်စနစ်အောက်မှာ ကိုယ်လုပ်သမျှအကျိုးခံစားခွင့်မရခဲ့တာတွေ/ငွေကြေးဖောင်းပွမှုတွေ/မြေယာသိမ်းခံရမှုတွေအတွက် ဘယ်အဖွဲ့စည်းကများ ကျနော်တို့ ပြည်သူတွေအတွက် ရပ်တည်ပေးခဲ့လို့လဲ? အဲ့ဒီ ခေတ်ပျက်ကြီးထဲမှာ ငွေရှာလို့ကောင်းတဲ့ကောင်တွေအတွက်တော့ ကျနော်တို့မြို့ငယ်လေး ငြိမ်းချမ်းနေပါတယ်ဆိုတဲ့ အတွေးမျိုး ရိုက်ထည့်ပေးခဲ့တာပေါ့ဗျာ

စစ်အာဏာရှင်စနစ်ကိုမကြိုက်လို့ တော်လှန်ခဲ့ကြတာပါ ကျနော်တို့ တမြို့ထဲကိုပဲ ကွက်ကြားပြီး ရွာတဲ့မိုးမဟုတ်ဘူး တနိုင်ငံလုံး အတိုင်းတာနဲ့ ဖြစ်နေတာပါ ဒါကို အားလုံး နားလည်သဘောပေါက်ထားဖို့ လိုအပ်ပါတယ်

သေနတ်သံမကြားရရုံ အသက်အိုးအိမ်မပျက်စီးရရုံနဲ့ ငြိမ်းချမ်းနေတာမဟုတ်ဘူးဗျ စစ်အာဏာရှင်စနစ်အောက်မှာ မင်းတို့ ငါတို့တွေဖိနှိုပ်ချုပ်ချယ်ခံရတဲ့ဘဝတွေ/လိုချင်တာကိုတောင်းဆိုဖို့နေနေသာသာ စစ်ဖိနပ်အောက်မှာ စေလိုရာ နေနေရတဲ့ဘဝတွေ ကြုံဖူးကြမှာပါ ဆီဆိုင်မြို့မှာ ယခုအချိန်ကမှ စစ်ဘေးဒုက္ခခံခဲ့ရတာမဟုတ်ပါဘူး ယခု လိုင်းပေါ်မှာတက်လာတဲ့ အရှင်လတ်လတ်မီးရှို့ခံရတယ်ဆိုတာက ပမွားလေးပါ

ဆီဆိုင်မြို့ တောင်ရှေ့ကျေးစုအုပ်စုမှာဆိုရင် လွန်ခဲ့တဲ့ ဆယ်နှစ်ကျော်လောက်တုန်းက လက်နက်ကိုင် စကစတွေလက်ချက်နဲ့ ပအိုဝ်းပြည်သူတွေ ညင်းပန်းနိပ်စက် ခံခဲ့ရတာ စကားလုံးတွေနဲ့တောင်ဖော်ပြစရာမရှိလောက်အောင်ပါ ကျနော်တို့တွေ ကိုယ်ချင်းစာဖို့ မေ့နေခဲ့တယ်/
ကိုယ်စိုက်ပျိုးခဲ့တဲ့သီးနှံတွေ ဈေးကောင်းရဖို့နေနေသာသာ လမ်းဘေးတွေမှာ စုပုံအောင်စွန့်ပစ်ခဲ့ရတာတွေ မင်းတို့တွေ ကိုယ်ချင်းမစာခဲ့ဘူး အခုကျမှ ဆီဆိုင်မြို့ တမြို့နယ်လုံးဆိုင်ရာ စစ်ဘေးဒုက္ခခံစားနေရတာတောင် နှစ်ပေါင်း၇၀ကျော်ကြာ နှိပ်စက်လာခဲ့တဲ့ အကြမ်းဖက်စကစကို အပြစ်မမြင်ပဲ စစ်အာဏာရှင်စနစ်ကိုတော်လှန်နေတဲ့ တော်လှန်ရေးသမားကိုမှ ဆဲဆိုနေကြတာ မြင်မကောင်းဘူး တဖက်သက်ဆန်လွန်းလှပါတယ်။

စစ်အာဏာရှင်စနစ်အောက်မှာ ဆယ်နှစ်ကျော်ကြာ စုဆောင်းခဲ့ပြီး တည်ဆောက်ခဲ့ရတဲ့ အိုးအိမ်ပျက်စီးမှု တွေအတွက် စနစ်သစ်သာအောင်မြင်ခဲ့ရင် ၅နှစ်တာအတွင်းနဲ့ပြန်လည်တည်ဆောက်လို့ရတယ်
စစ်အာဏာရှင်သာဆက်လက်အုပ်ချုပ်နေရင်တော့ ငါတို့တွေရဲ့ဘဝက ပင်ပင်ပန်းပန်းကြိုးစားရှာဖွေခဲ့သမျှ လူတစ်စုကောင်းစားဖို့အတွက်လောက်ပဲအသုံးဝင်မှာပါ

မင်းတို့တွေ အထင်ကြီးအားကိုးနေတဲ့ PNOဆိုတာက
စကစရဲ့အိမ်မွေးခွေးသာသာလောက်ပဲရှိပါတယ် အားလုံးသိထားဖို့ကPNOဆိုတာ ပအိုဝ်းပြည်သူတွေအတွက်တော့မဟုတ်ဘူး စကစအတွက်ဆိုရင် သူတို့က ပြည်သူတွေကိုတောင် ချကျွေးမှာ ယခု မျက်မြင်ကိုယ်တွေ့ပဲ ယခု ဆီဆိုင်မြို့တိုက်ပွဲမှာ မဟာမိတ်တပ်ဖွဲ့က ဆီဆိုင်မြို့ကို အလွယ်တကူ သိမ်းပိုက်ထားပြီးသား စကစနဲ့ပသစတွေက ပြန်လည်တိုက်ယူတဲ့သဘောမျိုးပါ
ပြည်သူတွေကိုတောင်စစ်လက်နက်တွေထုတ်ပေးပြီး စစ်မြေပြင်ပို့ဖို့တောင်ပြင်ဆင်နေကြပြီ

စစ်မဖြစ်ခင် မြို့တောင်ဖက်ကပုံလောင်း စစ်ဆေးရေးဂိတ်တွေတောင် ပြည်သူ့လုံခြုံရေး အတွက်ဆိုပြီး စောင့်နေကြတာ ကားသမားတွေဆီက အခွန်ကောက်ခံနေပြီးတော့မှ ဘယ်ချိန်ထွက်ပြေးမှန်းတောင်မသိလိုက်ရဘူး/အဲ့ကင်းစောင့်သမားတွေ ငါတို့မြို့သူ/သားကိုထားခဲ့ပြီးထွက်ပြေးကြတာပဲမလား?
ဒါ အားလုံးရဲ့မျက်မြင်ကိုယ်တွေ့ပဲ

နောက်တခုပြောရပါအုံးမယ် PNLOအဖွဲ့နဲ့မဟာမိတ်တွေဝင်လာလို့သာ ဆီဆိုင်မြို့ပျက်စီးခဲ့ရတာဆိုတဲ့ ခပ်တုံးတုံးအတွေးတွေ
မြို့ထဲဝင်မလာခင် ကြိုတင်တားဆီးလို့ရတဲ့အနေအထားမှာ ဘာကြောင့် စကစ&ပသစအဖွဲ့တွေ ထွက်ပြေးလိုက်ရတာလဲ
မြို့ထဲမှာစစ်ဖြစ်မှ အိုးအိမ်တွေပျက်စီးမှပဲ PNLOနဲ့မဟာမိတ်တပ်ဖွဲ့တွေကို လူမုန်းကြမှာမို့လား? ဒါကလည်း သူတို့ရဲ့ စစ်ဗျူဟာတစိတ်တပိုင်းပဲလား?ဆိုတာကတော့ ပြုသူအသိပါ......
အမှားအမှန်ဝေဖန်ပိုင်းခြားနိုင်ကြပါစေ
စာရှည်သွားလို့ခွင့်လွတ်ပါ ကျနော်တို့နိုင်ငံမှာ ဘယ်သူဘယ်ဝါကမှ
စာအရှည်ကြီးဖတ်ရတာတွေမကြိုက်ကြပါဘူး ဟုတ်တယ်ဟုတ်

KMK(မြတ်သောတိုင်းပြည် Crd

06/02/2024

တောင်ကြားမှာ တွင်းတူးနေရတဲ့ ရခိုင်စစ်ဘေးဒုက္ခသည်များ
~~~
ရခိုင်ပြည်နယ်၊ ကျောက်တော်မြို့နယ် အလယ်ကျွန်းရွာက စစ်ဘေးဒုက္ခသည်တွေဟာ တောင်ကြားတွေမှာ တွင်းတူးပြီး နေထိုင်နေကြရပါတယ်။

လူဦးရေ တစ်ထောင်ကျော်ရှိတဲ့ အဲဒီရွာကို ဇန်နဝါရီလ ၃ ရက်နေ့မှာ စစ်ကောင်စီတပ်က လေကြောင်းတိုက်ခိုက်မှု လုပ်ခဲ့ပြီးနောက် နီးစပ်ရာ ရွာတွေကို ထွက်ပြေးကြသူတွေရှိသလို တောထဲမှာ အခုလို တွင်းတူးပြီး နေထိုင်သူတွေ ရှိနေတာပါ။
ဝ
စစ်ကောင်စီတပ်နဲ့ ရက္ခိုင့်တပ်တော် (AA) တို့ရဲ့ တိုက်ပွဲ သုံးလနီးပါးအတွင်းမှာ စစ်ဘေးဒုက္ခသည် သုံးသိန်းကျော် ရှိနေပြီလို့ စစ်ဘေးဒုက္ခသည်အရေး ကူညီနေသူတွေက ပြောပါတယ်။
_________

တောင်ကြားတွင် တွင်းတူးနေထိုင်နေရသည့် ရခိုင်ပြည်နယ်၊ ကျောက်တော်မြို့နယ်၊ အလယ်ကျွန်းရွာမှ စစ်ဘေးဒုက္ခသည်များကို ၂၀၂၄ ခုနှစ် ဖေဖော်ဝါရီလ ၅ ရက်နေ့က တွေ့ရစဉ်။ (Photo: Khine Murn Chun)

06/02/2024

ဆီဆိုင်မြို့နယ်
လွယ်ပွတ်အခြေအနေဆိုးဝါးလျက်ရှိ ပြည်သူများအကူအညီ
လိုအပ်နေ❗❗❗

06/02/2024

ဆီဆိုင်လွယ်ပွတ်အုပ်စုယနေ့အခြေအနေ။မနက်၇ခွဲခန့်မဟာမိတ်တပ်များစတင်ရောက်ရှိလာပြီး လွယ်ပွတ်တောင်အနီးတဝိုက် သေနတ်သံနစ်ချက်ကြား
။၈နာရီခွဲခန့် ကင်းလှည့်Drone ဝဲပြီးတစ်ပြိုင်နက် ဆိုက်ခေါင်ကနေ လက်နက်ကြီးဖြင့်စတင်ပစ်ခတ်ပြီးပြည်သူများပြေးနေရ။၁၀ခွဲထိထိလက်နက်ကြီးသံကြားဆဲ။

02/02/2024

ဆီဆိုင်မှာ တိုက်ပွဲဆက်လက်ပြင်းထန်နေပြီး ဒေသခံ တစ်ရာကျော်ပိတ်မိနေ
~~~
ရှမ်းပြည်တောင်ပိုင်း၊ ဆီဆိုင်မြို့မှာ ဖေဖော်ဝါရီလ ၂ ရက် ဒီနေ့မနက်ပိုင်းက ပအိုဝ်းအမျိုးသား လွတ်မြောက်ရေး တပ်မတော် PNLA မဟာမိတ်ပူးပေါင်းအဖွဲ့နဲ့ စစ်ကောင်စီ၊ ပအိုဝ်း ပြည်သူ့စစ်တပ်ဖွဲ့ PNO ပူးပေါင်းအဖွဲ့တွေအကြား တိုက်ပွဲတွေ ပြန်လည်ပြင်းထန်နေတယ်လို့ ဆီဆိုင်မြို့ခံတစ်ဦးပြောပါတယ်။

ဆီဆိုင်မြို့အထွက်နဲ့ မြို့အတွင်းပိုင်း ရပ်ကွက်တွေမှာ ပစ်ခတ်မှုတွေရှိနေပြီး ဒေသခံတစ်ရာကျော် တိုက်ပွဲအတွင်း ပိတ်မိနေတယ်လို့ ဆီဆိုင်မြို့ခံတစ်ဦးက RFA ကိုပြောပါတယ်။

တိုက်ပွဲက နေ့တိုင်းလိုလိုတော့ဖြစ်တယ်။ ဒီမနက်က ပိုပြင်းထန်တယ်ဗျ။ ဆိုက်ခေါင်ရွာဘက်ကနေလည်း ဆီဆိုင်မြို့ကို လက်နက်ကြီးနဲ့ ပစ်ပေးနေတာရှိတယ်။ ဆီဆိုင်မြို့နေရာ တော်တော်များများမှာပဲ ဖြစ်နေတာ။ အခုမြို့ခံတွေ ကျန်တဲ့သူတွေ မထွက်နိုင်တဲ့သူတွေရှိတယ်။ ပိတ်မိနေတာ တစ်ရာကျော်ရှိတယ်။ ငွေကြေး အဆင်မပြေတဲ့လူတွေက မရှောင်နိုင်ဘူး။ အဲဒီလိုလူတွေ ပိတ်မိနေတာများတယ်

ဆီဆိုင်မြို့ မြောက်ဘက်အခြမ်းမှာ စစ်ကောင်စီတပ်နဲ့ (PNO) ပြည်သူ့စစ်တပ်ဖွဲ့တွေရှိနေပြီး မြို့တောင်ဘက်အခြမ်းမှာတော့ (PNLA) နဲ့မဟာမိတ် ပူးပေါင်းအဖွဲ့တွေက ဆက်လက်ထိန်းချုပ်ထားတယ်လို့ ဒေသခံကပြောပါတယ်။

ပအိုဝ်း ပြည်သူ့စစ်တပ်ဖွဲ့ (PNO) ပြောခွင့်ရ ဦးခွန်ထွန်းရွှေကတော့ ဆီဆိုင်မြို့မှာ ဒီနေ့မနက်အထိ တိုက်ပွဲတွေဆက်ဖြစ်နေတာ မှန်တယ်လို့ပြောပါတယ်။ သူတို့တပ်ဖွဲ့တွေအနေနဲ့ မြို့တောင်ဘက်ခြမ်းအထိ ထိုးစစ်ဆင်တိုက်ခိုက်နေတယ်လို့လည်း သူကပြောပါတယ်။

တိုက်ပွဲနောက်ဆုံးအခြေအနေနဲ့ပတ်သက်ပြီး ပအိုဝ်း အမျိုးသားလွတ်မြောက်ရေး တပ်မတော် (PNLA) ပြောခွင့်ရသူတွေကို RFA က ဖုန်းနဲ့ဆက်သွယ်မေးမြန်းခဲ့ပေမယ့် ဆက်သွယ်လို့မရပါဘူး။

ပအိုဝ်း အမျိုးသားလွတ်မြောက်ရေး တပ်မတော် (PNLA) တပ်ဖွဲ့ရဲ့မြေပြင်တိုက်ပွဲမှာ ပါဝင်သူတစ်ဦးကတော့ ဆီဆိုင်မြို့နယ်အတွင်း တိုက်ပွဲတွေဆက်ဖြစ်နေပြီး စစ်ကောင်စီဘက်က လေကြောင်းကနေ မကြာခဏဆိုသလို ဗုံးကြဲတိုက်ခိုက်နေတယ်လို့ပြောပါတယ်။

ဟိုပုံးမြို့နယ် နောင်စံဖူးကျေးရွာမှာ ဇန်နဝါရီ ၂၁ ရက်နေ့က ပအိုဝ်း ပြည်သူ့စစ်တပ်ဖွဲ့ (PNO) က ပအိုဝ်း အမျိုးသားလွတ်မြောက်ရေး တပ်မတော် (PNLA) ရဲ့ကားတွေကို လက်နက်သယ်တယ်ဆိုပြီး စစ်ဆေးရာကနေ နှစ်ဖက်အပြန်အလှန် ပစ်ခတ်မှုဖြစ်ခဲ့ပြီး တိုက်ပွဲတွေစတင်ခဲ့ပါတယ်။

အဲဒီနောက်ပိုင်း ဆီဆိုင်မြို့ကို (PNLA) နဲ့ မဟာမိတ်တွေက ထိန်းချုပ်လိုက်ပြီး ဒီနေ့အထိ စစ်ကောင်စီ၊ ပအိုဝ်းပြည်သူ့စစ် (PNO) ပူးပေါင်းဖွဲ့တွေနဲ့ တိုက်ပွဲတွေ နေ့စဉ်လိုလိုဖြစ်နေတာပါ။ တိုက်ပွဲအတွင်းမှာ စစ်ကောင်စီက လေကြောင်းကနေ မကြာခဏ လာရောက်ပစ်ကူပေးခဲ့တယ်လို့ ဒေသခံတွေကပြောပါတယ်။

တိုက်ပွဲကာလအတွင်း အမျိုးသမီးတစ်ဦး၊ အမျိုးသားနှစ်ဦး၊ စုစုပေါင်း သုံးဦးသေဆုံးခဲ့ရပြီး ဒဏ်ရာရသူတွေလည်းရှိတယ်လို့ ဒေသခံတွေကပြောပါတယ်။ နေအိမ်တစ်ရာနီးပါးလည်း ပျက်စီခဲ့တယ်လို့ ဒေသခံကပြောပါတယ်။

ဆီဆိုင်မြို့နယ်မှာ မြို့ပေါ်ရပ်ကွက် ခြောက်ခုနဲ့ ကျေးရွာအုပ်စု ၁၃ စုရှိပြီး လူဦးရေ တစ်သိန်းခြောက်သောင်းကျော် နေထိုင်ပါတယ်။ ဒါ့အပြင် အခြားဒေသကနေ လာရောက်နေတဲ့ စစ်ဘေးဒုက္ခသည်တွေ သုံးသောင်းခန့်လည်း မြို့ပေါ်မှာခိုလှုံနေပါတယ်။

မူလက ဆီဆိုင်မြို့ပေါ်မှာပဲ တိုက်ပွဲတွေရှိနေရာကနေ လက်ရှိမှာ ကျေးရွာတွေအထိ စစ်ဘောင်ကျယ်လာတဲ့အတွက် တခြားဒေသကနေ လာရောက်ခိုလှုံနေသူတွေပါ ဆီဆိုင်ကနေ ဘေးလွတ်ရာ ဟိုပုံး၊ တောင်ကြီး၊ ရပ်စောက်၊ အောင်ပန်း၊ ပင်လောင်းစတဲ့မြို့နယ်တွေကို ထပ်မံ တိမ်းရှောင်နေရတယ်လို့ ဒုက္ခသည်အရေး ကူညီပေးနေသူတွေကပြောပါတယ်။
____
တိုက်ပွဲကြောင့် ထွက်ပြေးနေရသည့် ဆီဆိုင်မြို့ခံများအား ၂၀၂၄ ခုနှစ်၊ ဇန်နဝါရီလ ၃၁ ရက်နေ့က တွေ့ရစဥ်။ (Photo: Citizen Journalist)

02/02/2024

PNO အဖွဲ့အစည်းဆိုတာ စစ်တပ်ရဲ့လက်အောက်ခံ ပြည်သူ့စစ်အဖွဲ့ပါ။ ပအိုဝ်းတပ်မတော်မဟုတ်ပါဘူး။ အာဏာသိမ်းဖို့ကြိုးစားတဲ့ ၂၀၂၁ ကစပြီးတော့ PNO ဟာ စစ်တပ်ဖက်ကိုပဲ တောက်လျှောက်ရပ်တည်ပေးခဲ့တယ်။ PNO ကြောင့်မို့ ကိုယ်ပိုင်အုပ်ချုပ်ခွင့်ရဒေသက ပအိုဝ်းတွေဟာ အသုံးချခံဘဝရောက်နေရတယ်။ ဂုဏ်သိက္ခာ မရှိ ရပ်တည်နေရတယ်။ PNO ဟာ အမျိုးသားအကျိုးစီးပွါးထက် အဖွဲ့အစည်းအကျိုးစီးပွါးကိုပဲ ဦးစားပေးခဲ့တယ်။ ၂၀၂၁ မတိုင်ခင်လဲ ဒီလိုပဲ။ သို့ပေမဲ့ ၂၀၂၁ နောင်းပိုင်းတွေမှာ PNO ရဲ့ရပ်တည်ချက်ဟာ ပိုလို့မှ အရှက်ရစရာကောင်းလာပါတယ်။ ညီအစ်ကို မောင်နှမဖြစ်တဲ့ ကရင်နီတပ်တွေကိုလဲ တိုက်တယ်။ အခုလဲ PNLO PNLA ကိုလဲ စစ်တပ်အလိုကျ တိုက်ပြန်တယ်။ ရှက်စရာပါပဲ။

PNLO ကတော့ NCA လမ်းကြောင်းကနေ ရပ်တည်လာခဲ့တာ ခုတော့ တော်လှန်ရေးအင်အားစုတွေနဲ့ ပေါင်းမိနေပြီ။ အခုဆို ပအိုဝ်းဒေသမှာ ညီနောင်မဟာမိတ်တွေနဲ့ စစ်တပ်ကင်းမဲ့ဇုန် ဖော်ဆောင်နေပါပြီ။ ဘဝတူ ညီနောင်တွေနဲ့ လက်တွဲလို့ စစ်အာဏာ ရှင်ကို တိုက်ထုတ်နေပြီ။ ဆီဆိုင် ဆိုက်ခေါင်တွေကိုလဲ ဝိုင်းထားနေပါပြီ။ စံကားမှာလဲ မဟာမိတ်တွေရှိတယ်၊ အင်းလေးဘက်မှာလဲ ဖော်ဆောင်ဖို့ ရှိသလို၊ ဓနုဘက်မှာလဲ လာပါမယ်၊ တောင်ကြီးမြှောက်ဘက်လဲ ဝင်လာဖို့ရှိပါတယ်။

ဒီအခြေအနေမှာ
ပအိုဝ်းတမျိုးသားလုံး ကောင်းစေဖို့
စစ်အာဏာရှင်ပြုတ်ကျစေဖို့
PNO အတွက် အရှက်ရခဲ့တာတွေ အဖတ်ဆယ်ဖို့ စစ်တပ်လက်အောက်ခံ ဘဝကနေ ပအိုဝ်းအမျိုးသားတပ်မတော် ဖြစ်လာစေဖို့
စတာတွေအတွက် လုပ်စရာ၊ ရွေးချယ်စရာ တခုရှိပါတယ်။

အဲတာက စစ်တပ်လောင်းရိပ်ကနေ ထွက်ပြီး PNLO နဲ့ မဟာမိတ်တွေနဲ့ ပူးပေါင်းဖို့ပါပဲ။

အဲလိုတာဆို ပအိုဝ်းတွေရဲ့ မညီညွတ်ခဲ့တဲ့သမိုင်းကြောင်းတွေကိုလဲ အတိတ်မှာ ထားခဲ့လို့ရမှာဖြစ်သလို၊ တနိုင်လုံးက ရွံရှာနေတဲ့ စစ်တပ်ကိုလဲ တိုက်ထုတ်ရာရောက်ပြီး၊ ပအိုဝ်းဒေသကလဲ စစ်တပ်ကင်းစင်မြေဖြစ်လာမယ်။ ကိုယ့်ကံကြမ္မာကို ကိုယ်ဖန်တီးလာနိုင်မယ်။

PNO ဘာကြောင့် ဒီလိုလုပ်သင့်လဲ။
- ပအိုဝ်းလူမျိုးအတွက်
- PNA ဟာ စစ်ဘီလူးလက်အောက်ကနေ လွတ်မယ်
- စစ်မှန်တဲ့ လူထုထောက်ခံမှုရလာမယ်
- သမိုင်းသစ်ရေးနိုင်မယ်
- တခြားတိုင်းရင်းသားညီနှောင်တွေနဲ့ ရင်ဘောင််တန်း ရပ်တည်နိုင်မယ်
- ဂုဏ်သိက္ခာရှိမယ်

PNO ဒါကိုဘာကြောင့် မလုပ်နိုင်သလဲ
- အဖွဲ့အစည်း အကျိုးစီးပွါးထိခိုက်မယ် (စကစနဲ့ပူးပေါင်းလုပ်ထားတဲ့ လုပ်ငန်းတွေ ရှိတာကိုး)
- အဖွဲ့အစည်းတွင်းက လူတွေရဲ့ အကျိုးစီးပွါးထိခိုက်မယ်

PNO ဟာ လုပ်သင့်လား မလုပ်သင့်လား ဆုံးဖြတ်ရမယ့်အချိန်ရောက်လာပါပြီ။ စကစ လောင်းရိပ်ကနေ PNO ရုန်းထွက်မယ်ဆိုရင်.
လက်ခုပ်ဩသာတီးပြီး ကြိုဆိုပါ့မယ်။

စိုင်းခွန် Crd

01/02/2024

အာဏာသိမ်းသုံးနှစ်ပြည့် ရန်ကုန်မြို့ နံနက်ခင်း
~~~
စစ်အာဏာသိမ်းမှု သုံးနှစ်ပြည့်ပြီဖြစ်တဲ့ ဖေဖော်ဝါရီလ ၁ ရက်နေ့ ရန်ကုန်မြို့ရဲ့ နံနက်ခင်းမြင်ကွင်းတွေ ဖြစ်ပါတယ်။

ဒီနေ့ မနက် ၁၀ နာရီကနေ ညနေ ၄ နာရီအတွင်း လမ်းမတွေနဲ့ အများပြည်သူဆိုင်ရာ နေရာတွေကိုမသွားလာဘဲ အသံတိတ်သပိတ် ဆင်နွှဲကြဖို့ကို သပိတ်အင်အားစုတွေက နှိုးဆော်ထားပါတယ်။
________

31/01/2024

ကော့ကရိတ်တစ်မြို့လုံးနီးပါး ပျက်ဆီးသွားပြီ

ယမန်နေ့ညပိုင်းမှစတင်ပြီးကော့ကရိတ်မြို့နေရာအနှံတွင်မီးလောင်ကျွမ်းလျှက်ရှိသည်။

တံတားဦး ၊ချောင်တောင်တွင် နေအိမ် အပါအဝင်အဆောက်အအုံအားလုံးမီးလောင်ကျွမ်းသွားပြီ
လို့ ဒေသခံများကဆိုသည်။

အကြမ်းဖက်စစ်ကောင်စီက ကော့ကရိတ်
မြို့ပေါ်ကို တစ်ညတည်း လေယာဥ်နဲ့ ဗုံး
အလုံးရေ ၁၅၀ ကျော်ထက်မနည်း ကြဲချ
ဖျက်ဆီးနေတာပါ။

PDF များထိန်းချုပ်ထားသည့် ကော့ကရိတ်နေရာများသို့လည်း စစ်တပ်မှလက်နက်ကြီးနှင့် ဆက်
တိုက်ပ-စ်ခတ်ရာမှ ခုလိုတစ်မြို့လုံးနီးပါးမီးလောင်
ပျက်ဆီးသွားရတာလို့ ဒေသခံတွေဆီကနေ
တဆင့်သိရပါသည်။

29/01/2024

ဆီဆိုင်မှာစစ်မီးစကူးတော့ ပေါ်တာဆွဲတယ်ဆိုတဲ့ကောလဟလထွက်တယ်၊ ခုတစ်ခါကျတော့ ကောလဟလမဟုတ်ပဲ တစ်ရွာ၅ယောက်မဲနိက်ပြီးမသွားမနေရနဲ့ အမိန့်ထုတ်လိုက်ပြီ ။PNOကတော့ ပေးတဲ့လက်ကိုင်ကလည်း ပစ်ရင်ပူ ပူရင်အဝမှာတင့်တဲ့လက်ကိုင်တွေနဲ့၊ ရှေ့တန်းမှာ ကို့ပြည်သူကိုကျေးဇူးဆပ်မို့ထင်တယ်။ဟိုပုန်းအနီးတဝိုက်မိတ်ဆွေများလည်း ဒီသတင်းမှန်မမှန်confirmပေးကြပါဦး။စစ်မီးကြီးအမြန်ငြိမ်းပါစေ။
#ဆီဆိုင်မြို့နယ်

27/01/2024

❗❗❗ လွိုင်ကော်မြို့
အကြမ်းဖက်စစ်တပ်ရဲ့
လုပ်ရပ်ကြောင့် လက်ရှိမြင်တွေ့ရသော
လွိုင်ကော်မြို့❗
27.1.2024

27/01/2024

27. 2024.
ဆီဆိုင်မြို့နယ် တွင်မြင်တွေ့ရသော
စစ်ဘေးရှောင်ပြည်သူများ
မွေးကင်းစကလေးပါဝင်နေ❗

27/01/2024

ရှမ်းတောင် စစ်မျက်နှာသစ်

၂၀၂၄ ခုနှစ်၊ ဇန်နဝါဝါရီလ ၂၁ မှ ၂၄ ရက်များအတွင်း ပအိုဝ်းဒေသဖြစ်သည့် ဆီဆိုင်‌နှင့် ဆက်စပ်ဒေသများတွင် စစ်မျက်နှာအသစ်တခု ပေါ်ပေါက်လာသည်ကို တွေ့ရ၏။ ထိုစစ်မျက်နှာသည် ရုတ်ချည်းပေါ်လာသည်တော့ မဟုတ်ပေ။ ဇန်နဝါရီ ၂၁ ရက်‌နေ့က ဟိုပုံးမြို့နယ် မြောက်ဘက် မဲနယ်တောင်ရှိရာ စကားဒေသ၊ စံဖူးရွာတွင် ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) တပ်ဖွဲ့ဝင်များ၏ ကား ငါးစီးပါ ယာဉ်တန်းအား စစ်ကောင်စီနှင့် ဦးအောင်ခမ်းထီ လက်အောက်ခံ ပအိုဝ်းအမျိုးသားအဖွဲ့ချုပ် / ပအိုဝ်းအမျိုးသားတပ်မတော် (PNO/PNA) ပူးပေါင်းတပ်ဖွဲ့က ပိတ်ဆို့တားဆီးခဲ့ရာမှ စတင်ကာ နှစ်ဖက် ထိတွေ့ပစ်ခတ်မှုများ ဖြစ်ပွားခဲ့ခြင်း ဖြစ်သည်။

ထိုယာဉ်တန်းသည် PNLO တပ်ဖွဲ့၏ လက်နက်များ သယ်ဆောင်လာခြင်းဖြစ်ပြီး စစ်ကောင်စီဘက်က တားဆီးပိတ်ဆို့ကာ လက်နက်များအပ်ရန် ဖိအားပေးခဲ့သည့်အတွက် ပစ်ခတ်မှု ဖြစ်ပွားခဲ့ခြင်းဖြစ်ပြီး လက်နက်ပစ္စည်းများအား မီးရှို့ဖျက်ဆီးခဲ့ကြောင်းလည်း PNLO တပ်ဖွဲ့ဝင်တဦးက ဆိုသည်။

ထိုလက်နက်များသည် မြောက်ပိုင်းမှ ရှမ်းပြည်တိုးတက်ရေးပါတီ (SSPP) ထိန်းချုပ်နယ်မြေကိုဖြတ်ပြီး PNLO တို့က ကရင်နီအမျိုးသားကာကွယ်ရေးတပ်ဖွဲ့ (KNDF) အတွက် သယ်ပေးသော လက်နက်များဖြစ်သည်ဟု စစ်တပ်ထောက်ခံသူများက ဆိုကြ၏။

ဤအကြိမ်ပါဆိုလျှင် ထိုနယ်မြေတွင် လက်နက်ခဲယမ်း ဖမ်းဆီးမှုသည် တတိယကြိမ်မြောက်ဖြစ်ပြီး တကြိမ်လျှင် လက်နက် ၅၀၀ ခန့်ဖြင့် လက်နက် ၁,၅၀၀ ခန့် ရှိပြီဖြစ်၏။ တတိယအကြိမ်သာ မီးရှို့ဖျက်ဆီးနိုင်ခဲ့ပြီး ပထမနှင့် ဒုတိယအကြိမ်တွင် စစ်တပ်က သိမ်းဆည်းရမိသွားသည်။

ဆီဆိုင်၊ နောင်ထော်၊ မဲနယ်တောင်ဒေသသည် မူလက ရှမ်းပြည်လူမျိုးပေါင်းစုံ လွတ်မြောက်ရေးအဖွဲ့ (ရလလဖ) ထိန်းချုပ်ရာဒေသ ဖြစ်၏။ ရလလဖ သည် မူလ ပအိုဝ်းအဖွဲ့ဖြစ်ပြီး ပအိုဝ်းနီဟုလည်း သိကြသည်။ ၁၉၉၄ ခုနှစ် ငြိမ်းချမ်းရေးယူစဉ်ကာလထိ ပအိုဝ်းဖြူထက်ပို၍ အားကောင်းသည်။ ၁၉၉၁ ခုနှစ်၊ ဧပြီလတွင် ငြိမ်းချမ်းရေးယူစဉ်က ဦးအောင်ခမ်းထီ ဦးစီးသည့် ပအိုဝ်းဖြူ – PNO အဖွဲ့မှာ အင်အား ၁,၄၀၀ ခန့်ရှိပြီး ၁၉၉၄ ခုနှစ်၊ အောက်တိုဘာလတွင် ငြိမ်းချမ်းရေးယူသည့် ဦးတာကလယ် ဦးစီးသည့် ရလလဖ – ပအိုဝ်းနီမှာ အင်အား ၃,၁၄၈ ဦးရှိ၏။

ရလလဖ ဌာနချုပ် အခြေချရာဒေသသည် နောင်ထော်ဒေသ ဖြစ်သည်။ ရလလဖသည် ထိုစဉ်က ဗကပ၊ SSPP တို့နှင့် မဟာမိတ်ဖြစ်ပြီး မြောက်ဘက်ရှိ ဗကပ အခြေခံဒေသဖြစ်သည့် သံလွင်အရှေ့ခြမ်းရှိ ဝ နယ်၊ သံလွင်အနောက်ခြမ်းရှိ SSPP ထိန်းချုပ်ရာဒေသနှင့် ရလလဖ ထိန်းချုပ်ရာ နောင်ထော်ဒေသတို့သည် တဆက်တစပ်တည်းဖြစ်သကဲ့သို့ ဗကပ၊ SSPP, ရလလဖ တို့နှင့် မဟာမိတ်ဖြစ်သည့် ကယန်းပြည်သစ်ပါတီ၊ ကရင်နီပြည် လူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ) စသည့် ကရင်နီအင်အားစုများ လှုပ်ရှားထိန်းချုပ်ရာ တောင်ဘက်ရှိ ကရင်နီဒေသများနှင့်လည်း တဆက်တစပ်တည်းဖြစ်၏။

၁၉၉၄ ခုနှစ် ငြိမ်းချမ်းရေးယူပြီးနောက် ယခင် အင်အားကောင်းခဲ့သော ရလလဖသည် အဖွဲ့အစည်းကို မထိန်းသိမ်းနိုင်ခဲ့ပေ။ ၂၀၀၆ ခုနှစ်တွင် ရလလဖ အဖွဲ့ကြီးကို တလျှောက်လုံး ခေါင်းဆောင်လာခဲ့သည့် ဦးတာကလယ် နာယက အဖြစ် ပြောင်းလဲခံယူလိုက်ရချိန်တွင် ရလလဖ၏ ဥက္ကဋ္ဌမှာ ဗိုလ်မှူး ချစ်မောင် ဖြစ်လာခဲ့ပြီးနောက် ရလလဖ (ပအိုဝ်းနီ) အတွင်း၌ သဘောထား ကွဲလွဲမှုများ ပေါ်ပေါက်လာခဲ့၏။ ဗိုလ်မှူးကြီး ခွန်ထိဆောင်နှင့် ခွန်သူရိန် ခေါင်းဆောင်သည့် အဖွဲ့သည် ရလလဖမှ ခွဲထွက်သွားပြီး PNLO အမည်နှင့် မောက်မယ်ဒေသတွင် ရပ်တည်ခဲ့သည်။

ရလလဖ ဥက္ကဋ္ဌ ဗိုလ်မှူး ချစ်မောင် ဦးဆောင်သည့်အစုအဖွဲ့သည် ၂၀၀၇ ခုနှစ်၊ ဇူလိုင်လထဲတွင် နအဖထံ အပြီးအပိုင် လက်နက်ချသွားခဲ့၏။ ရလလဖ ဌာနချုပ်စခန်း နောင်ထော်တွင် ဥက္ကဋ္ဌဟောင်း ဦးတာကလယ်နှင့် နာယကအဖွဲ့က ဆက်လက် ကျန်ရစ်ခဲ့ပြီ ရလလဖ အဖွဲ့အား ပြန်လည် ထူထောင်ရန် ကြိုးစားသော်လည်း အောင်မြင်မှု မရတော့ပေ။

ထို့နောက်တွင် ရလလဖ ဌာနချုပ်ဖြစ်ခဲ့သည့် နောင်ထော်တွင် ရလလဖ ရဲဘော်ဟောင်းများ ဆက်လက် နေထိုင်ကြသော်လည်း နောင်ထော်၊ မဲနယ်တောင်ဒေသကို စစ်တပ်နှင့် PNO ပြည်သူ့စစ်များက ထိန်းချုပ်လာခဲ့၏။

နောင်ထော်သည် ဆီဆိုင်၏ အနောက်တောင်ဘက်၊ မိုင်းပွန်၏တောင်ဘက် နန်ပွန်ချောင်းဖျားတွင်ရှိပြီး နောင်ထော်၏ တောင်ဘက် လွိုင်လင်လေးဒေသသည် ကရင်နီအင်အားစုများ၊ ရှမ်းတောင် PDF များ လှုပ်ရှားရာဒေသ ဖြစ်သည်။ နောင်ထော်၏ မြောက်ဘက် မိုင်းပွန်အနီးတွင် SSPP နှင့် ဝ ပြည် သွေးစည်းညီညွတ်ရေး တပ်မ‌တော် (UWSA) တပ်ဖွဲ့များရှိသည်။ ၂၀၂၁၊ ၂၀၂၂ ခုနှစ်အတွင်း SSPP နှင့် UWSA တပ်များက RCSS အား တိုက်ထုတ်ပြီး ဝင်ရောက်နေရာယူထားခြင်း ဖြစ်၏။

၂၀၂၂ ခုနှစ်အတွင်း စစ်တပ်က ရာဇသံပေး ကန့်ကွက်ခဲ့သော်လည်း SSPP နှင့် UWSA တပ်များက လုံးဝ ဆုတ်မပေးသဖြင့် စစ်မျက်နှာသစ် မဖွင့်နိုင်သည့် စစ်တပ် လေသံလျှော့ပေးလိုက်ရသည့် ဒေသဖြစ်သည်။

ကရင်နီဒေသနှင့် SSPP, UWSA ထိန်းချုပ်ရာ မိုင်းပွန်ဒေသကြားတွင် ယခင် ရလလဖ ထိန်းချုပ်သည့် နောင်ထော်နှင့် မဲနယ်တောင်ဒေသသည် အရေးပါနေသည့် ဆက်စပ်ဒေသဖြစ်၏။ မြောက်ပိုင်းရှိ မဟာမိတ်အင်အားစုများနှင့် ကရင်နီအင်အားစုများသည် မဟာမိတ်များဖြစ်ကြပြီး မြောက်ပိုင်းမှ ကရင်နီအင်အားစုများအား လက်နက်ခဲယမ်း ထောက်ပံ့နေသည်မှာ အားလုံးသိသည့် လျှို့ဝှက်ချက်ဖြစ်၏။

ထိုလမ်းကြောင်းတွင် စစ်တပ်နှင့် PNO ပြည်သူ့စစ် (ပသစ) တို့၏ လက်နက်ခဲယမ်း ဖမ်းဆီးမှုများကြောင့် တတိယအကြိမ်တွင် ထိပ်တိုက်တွေ့လာ၏။ ဤအကြိမ်တွင် တော်လှန်ရေးအင်အားစုများက ယခင်နှစ်ကြိမ်ကဲ့သို့ ငြိမ်မနေတော့ဘဲ ထိုဒေသအား ထိန်းချုပ်ရန် တုန့်ပြန်သည့် စစ်ရေးလှုပ်ရှားမှုပါ ပေါ်ပေါက်လာတော့သည်။

ဇန်နဝါရီ ၂၁ ရက်နေ့ စံဖူးရွာအတွင်း ပစ်ခတ်မှုဖြစ်ပွားပြီး လက်နက်ခဲယမ်းတင် ကားများ မီးရှို့ဖျက်ဆီးခဲ့ရသည်။

ဇန်နဝါရီ ၂၁ ရက်နေ့ နေ့လည်အချိန်က တောင်ကြီးမြို့ ကန်ကြီးရပ်ကွက်ရှိ PNLO ဆက်ဆံရေးရုံး တာဝန်ခံ ဗိုလ်မှူးခွန်မင်းသိမ်း၊ ဗိုလ်ကြီးခွန်သိဒ္ဓိနှင့် ဗိုလ်ခွန်လှဝင်းတို့ကို စရဖ ကလာရောက် ဖမ်းဆီးခဲ့ပြီး ယခုထိ ပြန်လည်လွှတ်မြှောက်ခြင်းမရှိသေးကြောင်း PNLO တာဝန်ရှိသူ တစ်ဦးထံမှသိရသည်။ "ဆက်ဆံရေးရုံးတာဝန်ခံဆိုတာ အပြန်အလှန်ဆက်သွယ်ဆောင်ရွက်ဖို့ ခန့်အပ်တဲ့ ငြိမ်းချမ်းရေးသံတမန်တွေဖြစ်ပြီး ဘယ်လိုအခြေအနေမှာမှ ဖမ်းဆီးခွင့်မရှိပါဘူး"

ဇန်နဝါရီ ၂၂ ရက်နေ့ နောင်ထော်ဒေသတွင် တိုက်ပွဲဖြစ်ပွားခြင်း မရှိဘဲ စစ်ကောင်စီက လေယာဉ်ဖြင့် ဗုံးကြဲတိုက်ခိုက်ခဲ့၏။

၂၂ရက်နေ့မှာပင် ဆီဆိုင်အခြေစိုက် ခမရ ၄၂၃ နှင့် ၄၂၄ မှ တပ်မိသားစုဝင်များ တောင်ကြီးသို့ အမြန် ပြောင်းရွှေ့သွားကြ၏။

ဇန်နဝါရီ ၂၃ ရက်နေ့ နောင်ထော်ရှိ စစ်တပ်နှင့် PNO စခန်း‌ လေးခုအား PNLO က တိုက်ခိုက်သိမ်းပိုက်ခဲ့ပြီး

ဇန်နဝါရီ ၂၄ ရက်နေ့ ဆီဆိုင်ရဲစခန်း၊ ဆီဆိုင် စုပေါင်းဂိတ်တို့အား တော်လှန်ရေးအင်အားစုများက ဝင်ရောက် တိုက်ခိုက်ပြီး စစ်တပ်၊ PNO ပူပေါင်းအင်အားများနှင့် တိုက်ပွဲများ ဖြစ်ပွားခဲ့သည်။

ဆီဆိုင်တွင် စကခ ၇ ဖယ်ခုံ လက်အောက်ခံ ခမရ ၄၂၃ နှင့် ၄၂၄ အခြေစိုက်သည်။ ထိုတပ်များသည် ရှမ်းမြောက်တွင် စစ်ဆင်ရေးထွက်ပြီး နမ့်ခမ်းတွင် တအာင်းအမျိုးသား လွတ်မြောက်ရေး တပ်မတော် (TNLA) နှင့် တိုက်ခိုက်ပြီးနောက် အထိနာနေသည်။ ထို့ပြင် ဇန်နဝါရီလဆန်းပိုင်းတွင် ရှမ်းပြည်မြောက်ပိုင်း၊ မန်ဝိန်းကြီးတွင် ကချင်လွတ်မြောက်‌ရေး တပ်မ‌တော် (KIA) ၏ တိုက်ခိုက်မှုကြောင့် ခမရ ၄၂၄ မှ တပ်ရင်းမှူး သို့မဟုတ် ဒု တပ်ရင်းမှူး အပါအဝင် အများအပြား သုံးပမ်းအဖြစ် အဖမ်းခံရ၊ ချေမှုန်းခံထားရသည်။ ဆီဆိုင် နောက်တန်းဌာနချုပ်တွင် အင်အားများများစားစား ရှိပုံမရပေ။

လက်ရှိအချိန်တွင် ဆီဆိုင်၊ နောင်ထော်၊ မဲနယ်တောင်ဒေသသည် မြောက်ပိုင်းနှင့် ကရင်နီဒေသ အပါအဝင် တောင်ပိုင်းရှိ တော်လှန်ရေးအင်အားစုများနှင့် ဆက်သွယ်ရေးတွင် အရေးပါသောဒေသဖြစ်ရာ ထိုဒေသကို ထိန်းချုပ်ရန် တော်လှန်ရေးအင်အားစုများက စစ်မျက်နှာဖွင့်လိုက်ပြီ ဖြစ်သည်။

လက်ရှိ ဆီဆိုင်၊ နောင်ထော်ဒေသအား ဝင်ရောက်ထိန်းချုပ် စစ်မျက်နှာဖွင့်သည့် တပ်များနှင့် ပတ်သက်၍ လောလောဆယ် သတင်းများအရ PNLO, KNDF, PDF များအပြင် SSPP/SSA တပ်များ ပါဝင်တိုက်ခိုက်နေသည်ဟု သျှမ်းသံတော်ဆင့်တွင် ဖော်ပြထားသည်ကို တွေ့ရ၏။

သို့သော် နီးနီးကပ်ကပ်ရှိနေသည့် နောက်ကွယ်မှအင်အားမှာ SSPP အပြင် UWSA ဖြစ်သည်။ ထိုတပ်ဖွဲ့များသည် လက်ရှိအချိန်တွင် ဗြောင်အတိအလင်း ရပ်ခံခြင်း မရှိသေးသော်လည်း နောက်ကွယ်မှ အတိအလင်း ပါနေသည်ကို စစ်တပ်ကလည်း သိနေသည်။

ထိုလက်နက်ခဲယမ်းများသည် ကရင်နီသို့ SSPP မှတဆင့် သယ်လာသည်မှာ အားလုံးသိသည့် လျှို့ဝှက်ချက် ဖြစ်၏။ စစ်တပ်ပြဿနာမှာ UWSA နှင့် SSPP ကို စစ်မျက်နှာ အတိအလင်း ဖွင့်မည်လော၊ အတိအလင်း မကြေညာဘဲ ရှေ့ထွက်များနှင့်သာ တိုက်မည်လောဆိုသည့် အကျပ်အတည်း ကြုံနေပြီဖြစ်၏

ပြဿနာမှာ စစ်အင်အားအကျပ်အတည်း ဖြစ်သည်။ ဆီဆိုင်၊ နောင်ထော်ဒေသသည် အရှေ့ပိုင်းတိုင်းစစ်ဌာနချုပ် (ရပခ) ဒေသဖြစ်သော်လည်း ရပခ တိုင်းတပ်အများစုမှာ ကရင်နီစစ်မျက်နှာတွင် နစ်နေကြ၏။ ဆက်စပ်နေသည့် ခိုလမ်အခြေစိုက် အရှေ့အလယ်ပိုင်းတိုင်း စစ်ဌာနချုပ် (ရလခ) တိုင်းတပ်များမှာလည်း အရှေ့မြောက်တိုင်း စစ်ဌာနချုပ် (ရမခ) လားရှိုးကို ကူနေရသည်။

ဆီဆိုင်၊ နောင်ထော်ဒေသတွင် ရင်ဆိုင်စရာ လုံလောက်သည့်တပ် မရှိပေ။ နေပြည်တော်မှလည်း စစ်ကူထပ်ဖြည့်ပေးစရာ တပ်မရှိပေ။ ဗြောင်အတိအလင်း ထွက်လာသည့် စစ်အင်အားများအပြင် နောက်ကွယ်က UWSA စစ်အင်အားများလည်းရှိရာ ရှမ်းတောင် စစ်မျက်နှာသည် စစ်ကောင်စီတပ်အတွက် ဆုပ်လည်းစူး စားလည်းရူး အခြေအနေ ဖြစ်၏။

ရှမ်းပြည်တောင်ပိုင်း ဆီဆိုင်၊ နောင်ထော်၊ မဲနယ်တောင်ဒေသတွင် ပေါ်ပေါက်လာသည့် စစ်မျက်နှာအသစ်သည် မြောက်ပိုင်းနှင့် တောင်ပိုင်း အင်အားစုများကို ဆက်သွယ်ပေးသည့် ဗျူဟာမြောက်သော စစ်မျက်နှာဖြစ်၏။ ဤသည်ကို စစ်တပ်လည်း ကောင်းစွာသိသည်။ သို့သော် ဤဗျူဟာမြောက် စစ်မျက်နှာကို ရင်ဆိုင်ရန် စစ်တပ်တွင် လုံလောက်သည့်အင်အား မရှိတော့သည့်အပြင် ဘက်စုံက အကျပ်အတည်းများ တိုး၍လာနေပေပြီ။

SSPP အနေနှင့် အတိအလင်း ပါဝင်လာပါက ရှမ်းပြည်တောင်ပိုင်း စစ်မျက်နှာသည် တဖြည်းဖြည်း ကြီးထွားလာပြီး ရှမ်းပြည်တောင်ပိုင်းတခုလုံးအား ပျံ့နှံ့သွားရန် အချိန်မဝေးတော့ပေ။ စစ်တပ်သည် ဝမ်ဟိုင်းကို ဗုံးကြဲသည်မှအပ အခြား လုပ်နိုင်ဖွယ်ရာ မရှိပေ။ မေမြို့-လားရှိုး ကားလမ်းနှင့် တောင်ကြီး-ကျိုင်းတုံ ကားလမ်းကြား ရှမ်းတောင်ဒေသအား SSPP ထိန်းချုပ်သွား‌ရန် အချိန်မဝေးတော့ပြီ။

By မိုးစက်ငြိမ်းချမ်း
25 January 2024

26/01/2024

ဆီဆိုင်မြို့မှာဘာတွေဆက်ဖြစ်နေလဲ

ပအိုဝ်းဒေသတွင်းရှိ ဆီဆိုင်မြို့နဲ့ ကျေးရွာ ၄ ရွာကို ဇန်နဝါရီလ ၂၅ ရက် မှာ စစ်ကောင်စီ က ဂျက်ဖိုက်တာအပါအဝင် Y 12 လေယာဥ်တွေနဲ့အကြိမ် ၂၀ နီးပါး တိုက်ခိုက်ခဲ့တယ်လို့ ပအိုဝ်းအမျိုးသားလွတ်မြောက်ရေးတပ်မတော်(PNLA) က ဒီကနေ့ ဇန်နဝါရီ ၂၆ ရက်မှာ သတင်းထုတ်ပြန်ပါတယ်။

လက်ရှိမှာ ဆီဆိုင်မြို့နယ်အတွင်း တယ်လီဖုန်းဆက်သွယ်ရခက်ခဲနေပြီး အဆက်အသွယ်တွေဖြတ်တောက်ခံထားရတယ်လို့သိရပါတယ်။ ဒီကနေ့မှာ စစ်တပ်နဲ့ PNO ပြည်သူ့စစ်ပူးပေါင်းတပ်က ဆီဆိုင်မြို့ကို ပြန်လည်ရရှိရေးထိုးစစ်ဆင်တာတွေလုပ်နေတယ်လို့လည်း အဆက်အသွယ်ရတဲ့ ဒေသခံအချို့ကပြောပါတယ်။

ရှမ်းပြည်တောင်ပိုင်းထဲက ဆီဆိုင်မြို့မှာ PNLA၊ KNDF နဲ့ PDF ပူးပေါင်းအဖွဲ့တွေနဲ့ စစ်ကောင်စီတပ်ကြား ပြီးခဲ့တဲ့ ၄ ရက်အတွင်းတိုက်ပွဲပြင်းထန်နေတာလို့ ဒေသခံအချို့ကပြောပါတယ်။

တိုက်ပွဲတွေကြောင့်ဆီဆိုင်၊ ဆိုက်ခေါင်၊ ဘန်းယဉ်အပါအဝင် အနီးအနားရှိ ကျေးရွာတွေက ရွာသားတွေအကုန်လုံးနီးပါး တောင်ကြီး၊ ဟိုပုံးဘက်ကို တိမ်းရှောင်ခဲ့ကြတာဖြစ်ပါတယ်။ ဒီကနေ့ ဇန်နဝါရီ ၂၆ ရက်မှာ ဆိုက်ခေါင်က ဒေသခံတွေလည်း တောင်ကြီးနဲ့ ညောင်ရွှေဘက်ကိုဆက်ပြီး စစ်ရှောင်ခဲ့ကြတယ်လို့ ဆိုပါတယ်။

26/01/2024

ဆီဆိုင်သို့ စစ်ရှောင်လာသည့် ကရင်နီပြည်သူများ ထပ်မံပြောင်းရွှေ့ရ

By.သျှမ်းသံတော်ဆင့်၊ ၂၀၂၄ ဇန်နဝါရီ ၂၆

ဆီဆိုင်မြို့နယ်သို့ လာရောက်စစ်ဘေးရှောင်နေသော ကရင်နီစစ်ရှောင်များသည် ဆီဆိုင်တိုက်ပွဲကြောင့် ထပ်ပြီး စစ်ဘေးရှောင်နေရကြောင်း ကရင်နီစစ်ရှောင်များထံ သတင်းသိရသည်။

သျှမ်းပြည်နယ်တောင်ပိုင်း၊ ဆီဆိုင်မြို့နယ်မှာ ပအိုဝ်းအမျိုးသားလွတ်မြောက်ရေး တပ်မတော် ( PNLO/PNLA) ၊ KNDF၊ PDF ပူးပေါင်းတပ်ဖွဲ့နှင့် PNO ၊ စစ်ကောင်စီ ပူးပေါင်တပ်ဖွဲ့များသည် ဇန်နဝါရီလ ၂၄ ရက်တွင် တိုက်ပွဲ ပြင်းထန်စွာဖြစ်ပွားခဲ့ပြီး မြို့ခံအပါအဝင် ကရင်နီစစ်ရှောင်များ ထပ်မံ ထွက်ပြေးတိမ်းရှောင်နေရသည်။

ကရင်နီစစ်ရှောင်များသည် စစ်ဘေးဒဏ်ကို ထပ်ဆင့်ခံစားရ၍ နောက်ထပ်စစ်ရှောင်ရလျှင် နေစရာ အခက်အခဲများစွာ ရှိနိုင်ကြောင်း စစ်ရှောင် တစ်ဦးက သျှမ်းသံတော်ဆင့်ကို ပြောသည်။

" လွိုင်ကော်ကနေ ဆီဆိုင်ကို စစ်ရှောင်ရတယ်။ အခုလည်း ထပ်ပြီး ပြေးရပြန်ပြီ။နေဖို့နေရာလဲ မကျန်တော့ဘူး။ စိတ်တွေလည်း မခိုင်တော့ဘူး။ ဘယ်တောမှ ဒီလိုပြေးနေရတာလွတ်မလည်း မသိဘူး။"ဟု ကရင်နီ စစ်ရှောင်တစ်ဦးကဆိုသည်။

စစ်ရှောင်နေရသဖြင့် ဝင်ငွေမရှိဘဲ အလှူရှင်များနှင့်သာ ရပ်တည်နေရ၍ နေထိုင်စားသောက်ရေး အတွက်ပါ ရှေ့ဆက်စိုးရိမ်နေရကြောင်း သိရှိရပါသည်။

" လာလှူကြာတာနဲ့ပဲ စားရတာပေါ့။ ဝင်ငွေကလဲမရှိဘူးလေ။ နိုင်ငံရေးခြေနေက မတည်မငြိမ်နဲ့ဆိုတော့ အလှူရှင်တွေလဲ နဲလာတယ်။ ကိုယ့်ဒေသမဟုတ်တော့ ဘာမှလုပ်ကိုင်မစားတတ်ဘူး။ ဘာတွေဆက်ဖြစ်လာမလဲမသိဘူး။ သေမလား အသက်ရှင်မလားပဲ။"ဟု စစ်ရှောင်အမျိုးသမီးက ပြောပါသည်။

ဆီဆိုင်မြို့မရဲစခန်းကို ဇန်နဝါရီ ၂၄ ရက် ညနေပိုင်းတွင် PNLA နှင့်မဟာမိတ်ပူးပေါင်းအဖွဲ့တွေက တိုက်ခိုက်သိမ်းပိုက်ခဲ့ပြီး ညအချိန်တွင် စစ်ကောင်စီတပ်တွေက လေယာဉ်ဖြင့် ဗုံးကြဲသဖြင့် နေအိမ်များပျက်စီးပြီး ပြည်သူများ ထိခိုက်ဒဏ်ရာ ရရှိခဲ့ကြောင်း သိရသည်။

#သျှမ်းသံတော်ဆင့်

#ဆီဆိုင်မြို့နယ် #စစ်ကောင်စီ #ကရင်နီစစ်ရှောင်

25/01/2024

❗Breaking New
ယခုအချိန်ထိ
ဆီဆိုင်မြို့နယ်တစ်ဝိုက်
တိုက်ပွဲများအခြေအနေကြောင့်
ပြည်သူများ တောထဲတွင် စစ်ရှောင်နေပုံ
ဘေးရန်ကင်းပါစေ ပြည်သူပြည်သားများ

25/01/2024

Breaking New❗

ဘန်းယဥ်မြို့ရှိ
ပြန်သူပြည်သားများ
သတိဝီရိယနဲ့သွားလာနေထိုင်ရန်❗

25/01/2024

ရှမ်းပြည်နယ်တောင်ပိုင်းမှာ မြို့တော် တောင်ကြီးအထိ စစ်တပ်ကင်းစင်တဲ့ မြို့သိမ်းတိုက်ပွဲတွေ လာတော့မှာလား

By ရန်ကုန်ခေတ်သစ်

အကြမ်းဖက်စစ်ကောင်စီက ရှမ်းပြည်နယ်မြောက်ပိုင်းမှာ မြို့ပေါင်း ၁၇ ခုနဲ့ စခန်းပေါင်း ၅၀၀ နီးပါး လက်လွှတ်လိုက်ရပြီးတဲ့နောက် ရှမ်းပြည်နယ် တောင်ပိုင်း မှာပါ စစ်မီးမွှေးတာတွေကို ရည်ရွယ်ချက်ရှိရှိ လုပ်ဆောင်လာ ပါတယ်။

တစ်နိုင်ငံလုံးအပစ်အခတ်ရပ်စဲရေး လက်မှတ်ရေးထိုးထားတဲ့ PNLO/PNLA တပ်တွေကို ဇန်နဝါရီလ ၂၀ ရက်နေ့ ဟိုပုံးမြို့နယ်၊ စံဖူး ကျေးရွာမှာ အကြမ်း ဖက် စစ်တပ်၊ လက်အောက်ခံ PNO ပူးပေါင်း အဖွဲ့တွေက စတင်တိုက်ခိုက်ခဲ့ပါတယ်။

အကြောင်းပြချက်ကတော့ လက်နက်တွေသယ်ယူလာတယ်ဆိုတာကို အကြောင်းပြပါတယ်။ အဲဒီနောက် တောင်ကြီး PNLA ဆက်ဆံရေးရုံးကို ဝင်စီးတာ၊ PNLA အရာရှိတချို့ကို ဖမ်းဆီး စစ်ဆေးပြီး ပြန်လွှတ်တာတွေ လုပ်ဆောင်ပါတယ်။

အဲဒီနောက်မှာတော့ စစ်ကောင်စီနဲ့ PNO ပြည်သူ့စစ်တွေက ဆီဆိုင်၊ ဟိုပုံး အပါအဝင် ရှမ်းတောင်ပိုင်းမှာ စစ်ရေးပြင်ဆင်မှုတွေနဲ့ စစ်ရေးပြမှုတွေ တောက်လျှောက်လုပ်လာခဲ့ပါတယ်။ အဓိကကတော့ တိုက်ပွဲ ဖြစ်ပွားမှု မရှိသေးဘဲ ဆီဆိုင်မြို့နယ်ကို စစ်ကောင်စီက တိုက်လေယာဉ်နဲ့ ဗုံးကျဲ ချတာပါပဲ။

ဇန်နဝါရီလ ၂၂ ရက်နေ့ ညပိုင်းမှာ ဆီဆိုင်မြို့နယ်၊ နောင်ထော်ကျေးရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းကနေ ဗုံးကျဲ တိုက်ခိုက်လိုက်ပါတယ်။ အဲဒီနောက်မှာတော့ ဇန်နဝါရီလ ၂၃ ရက်နေ့မှာ နောင်ထော်ရွာ အရှေ့ဘက်ရှိ အကြမ်းဖက် စစ်တပ် စခန်း၊ နောင်ထော်ရွာ တောင်ဘက်ရှိ စစ်တပ်နှင့် လက်အောက်ခံPNO ပြည်သူ့စစ်စခန်းတို့ကို PNLA နဲ့ မဟာမိတ်တွေက တန်ပြန်သိမ်းယူလိုက်ပါတယ်။

ဇန်နဝါရီလ ၂၄ ရက်နေ့မှာတော့ စစ်ရေးတင်းမာမှု အမြင့်ဆုံးရောက်ရှိပြီး ဆီဆိုင်မြို့နယ်မှာ တိုက်ပွဲတွေ စဖြစ်ပါတယ်။ ဆီဆိုင်မြို့နယ်ထဲမှာရှိတဲ့ ရဲစခန်းကို PNLA နဲ့ မဟာမိတ်တပ်တွေက သိမ်းယူလိုက်ပါတယ်။

စစ်ကောင်စီကတော့ ထုံးစံအတိုင်း ဇန်နဝါရီလ ၂၄ ရက်နေ့ညပိုင်းမှာ ဆီဆိုင် မြို့ ၊ ရပ်ကွက်တွေပေါ်ကို တိုက်လေယာဉ်နဲ့ ဗုံးကျဲချပြန်ပါတယ်။ ဒီတစ်ချီ မှာတော့ မြကန်သာမှာနေထိုင်တဲ့ ပအိုဝ်းပြည်သူ ၂ ဦး အသက်သေဆုံး ခဲ့ရ ပါတယ်။

စစ်ကောင်စီရဲ့ လုပ်ရပ်တွေကို ပြန်လည်လေ့လာကြည့်ရင် မြန်မာစစ်တပ်ဟာ သွေးဆာနေတဲ့ စစ်ဘီလူးတစ်ကောင်လို ပြုမူနေပါတယ်။ ရှမ်းတောင်ပိုင်းမှာ အာဏာသိမ်းချိန်ကစလို့ ဘာပြဿနာမှ မရှိခဲ့ပေမယ့်လည်း စစ်ကောင်စီက စစ်မဖြစ်ရင် မနေနိုင်ဆိုသလို NCA လက်မှတ်ထိုးထားတဲ့ အဖွဲ့ကိုတောင် ရန်စပါတယ်။

စစ်ကောင်စီရဲ့ လုပ်ရပ်က ရှမ်းမြောက်မှာ သူကြုံရတဲ့ အရှုံးကို ရှမ်းတောင်ပိုင်း မှာ တိုက်ပွဲ ပြန်ဖော်ပြီး ဂုဏ်သိက္ခာဆယ်ဖို့လားလို့ တောင် မေးခွန်းထုတ်ရမှာပါ။

ဘယ်လိုပဲဖြစ်ဖြစ် လက်ရှိမှာတော့ ဆီဆိုင်မြို့နယ်ထဲမှာ PNLA နဲ့မဟာမိတ် တွေက တစ်ဖက်၊ စစ်ကောင်စီနဲ့ PNO ပြည်သူ့စစ်တွေက တစ်ဖက် စစ်ဆိုင်နေ ကြပြီး စစ်မီးက ဆီဆိုင်ကစလို့ အခြားနေရာတွေ အထူးသဖြင့် ရှမ်းပြည်နယ် တောင်ပိုင်း တောင်ကြီးအထိ စစ်မီးကူးစက်နိုင်မယ့် အခြေအနေရှိပါတယ်။

အားနည်းချိနဲ့နေတာတောင် စစ်သွေးဆာနေတဲ့ မင်းအောင်လှိုင်စစ်တပ်ကို အခုအချိန်မှာ ထိုးစစ်ဆင်နိုင်ရင် မြို့သိမ်းတိုက်ပွဲတွေ အထိ အောင်ပွဲရနိုင်တယ် ဆိုတာကို လုံး၀ လွတ်မြောက်သွားပြီဖြစ်တဲ့ ရှမ်းမြောက်ဒေသ ၁၇ မြို့နယ်က သက်သေပြခဲ့ပြီးဖြစ်ပါတယ်။

ဒီနေရာမှာ စစ်ကောင်စီဘက်က မရပ်တည်သင့်တော့ဘဲ ကိုယ့်လူမျိုး ကိုယ့် ပြည် နယ်အတွက် ပူးပေါင်းစစ်ဆင်ရေး လုပ်သင့်တယ်လို့ တိုက်တွန်း သင့်တဲ့အဖွဲ့ကတော့ PNO ပအိုဝ်း ပြည်သူ့စစ်အဖွဲ့ပါပဲ။ စစ်ကောင်စီဟာ မကြာခင်မှာ ပြိုလဲတော့မယ်ဆိုတာ လက်ရှိ စစ်ရေးအခြေအနေတွေအရ မြင်သာနေတာမို့ PNO အနေနဲ့ ဒီမိုကရေစီဘက်တော်သား မဟာမိတ် တပ်ဖွဲ့ တွေနဲ့ ပူးပေါင်း ပြီး စစ်တပ်ကို တော်လှန်ရမယ့် အချိန်ကျရောက် လာပြီ လည်းဖြစ်ပါတယ်။

တကယ်တော့ ရှမ်းပြည်တောင်ပိုင်းဟာ စစ်ကောင်စီ၊ အကြမ်းဖက် စစ်တပ် ကင်းစင်သင့်တဲ့ နယ်မြေတစ်ခုဖြစ်သင့်နေပါပြီ။ နှစ်ပေါင်းများစွာ လူမျိုးကြီး ဝါဒနဲ့ ဗိုလ်ကျ ခြယ်လှယ်ခဲ့တဲ့ အကြမ်းဖက်စစ်တပ်ကို ဖယ်ရှားတွန်းလှန်ရင်း ကိုယ့်လူမျိုး ကိုယ့်ပြည်နယ် ရဲ့ ကိုယ်ပိုင် အခြေခံ ဥပဒေ၊ မူနဲ့ အုပ်ချုပ်တဲ့ ဖက်ဒရယ် ဒီမိုကရေစီ နယ်မြေသစ်တွေ ရရှိဖို့ အခွင့်အရေးက လက်တစ်ကမ်း မှာ ရှိနေပြီဖြစ်ပါတယ်။

ရှမ်းပြည်နယ်တောင်ပိုင်းမှာ တောင်ကြီးမြို့အထိ ဖြစ်ပေါ်လာနိုင်တဲ့ မြို့သိမ်း တိုက်ပွဲတွေနဲ့ အကြမ်းဖက် ဖက်ဆစ် စစ်တပ် ကင်းစင်တဲ့ စစ်မှန်တဲ့ ကိုယ်ပိုင် အုပ်ချုပ်ခွင့်ရ နယ်မြေဒေသ မကြာခင် မြင်ရတော့မှာလားဆိုတာကိုတော့ ဆက်လက် စောင့်ကြည့်ရမှာ ဖြစ်ပါတယ်။

ဒီအချိန်ဟာ လယ်တီဆရာတော်ရေးသားတဲ့ "ခွင့်သာခိုက်မှ မလိုက်ချင်လျှင်" တေးထပ်ကဗျာက နှစ်ပေါင်းများစွာ လွတ်မြောက်ရေး တိုက်ပွဲဝင်နေတဲ့ တိုင်းရင်းသားလက်နက်ကိုင်တွေအတွက် အချက်ထိုး ခေါင်းလောင်း သံတစ်ခုဖြစ်လာနေပါတယ်။

"အခွင့်သာခိုက်ကမှ မလိုက်ချင်လျှင်
အမိုက်နင့်ပြင် ရှိသေးလေလိမ့်လား။

ခွင့်သာဆဲမှ မခဲချင်လျှင်
အလွဲနင့်ပြင် ရှိသေးလေလိမ့်လား။

ခွင့်သာတုန်းမှ မရုန်းချင်လျှင်
အရှုံးနင့်ပြင် ရှိသေးလေလိမ့်လား။" Crd.

25/01/2024

Breaking New❗
လက်ရှိဆီဆိုင်မြို့အနီး
တိုက်ပွဲများပြင်းထန်
အကြမ်းဖက် စစ်ကောင်စီများ
လေယာဥ်ဖြင့် ဗုံးကျဲတိုက်ခိုက်
ထိခိုက်ဒက်ရာရသူများ မသိရသေး❗❗❗
25.2024 thu.

25/01/2024

အရေးပေါ် ရှောင်ရမယ့် ပြည်သူများခင်ဗျာ။❗❗❗

စိတ်တည်တည်ငြိမ်ငြိမ်ထားပြီး
အရေးကြီး စာရွက်စာတမ်းတွေ၊
အရေးကြီးပစ္စည်းတွေ
သောက်နေကြ ဆေးဝါးတွေ ယူဖို့မမေ့ကြပါနဲ့။

ဆီဆိုင် မြောက်ဖက်က လမ်းပွင့်ပါတယ်။
နေ့ခင်းဖက်ဆိုရင် ထွက်လို့ရပါတယ်။

ပြည်သူတွေမရှိတဲ့အခါ သူခိုးတွေရှိလာနိုင်တယ်။
ဒါကြောင့် ရပ်ကွက်အလိုက် ရဲတဲ့ ယောကျာ်းလေးတွေ တိုက်ပွဲအခြေအနေကြည့်ပြီး ရပ်ကွက်အလိုက် ကျန်ခဲ့ရင် ပိုကောင်းနိုင်ပါတယ်။

မြို့ထဲနေရစ်တဲ့အခါ အကာအကွယ် ကောင်းအောင် စီမံထားဖို့လိုပါတယ်။
အိမ်အထပ်အမြင့်မှာမနေကြဘဲ ၊မြေညီထပ် မှာ အကာအကွယ်လုပ်ပြီးနေကြပါ။

အချိန်မီရင် ရင်ဘတ်လောက် မြေကျင်းတူး ၊ဗုံးခိုကျင်း ပြုလုပ်ထားရင် အနည်းငယ် အန္တရာယ်ကင်းနိုင်ပါတယ်။
ကလေးငယ်တွေနဲ့ သက်ကြီးတွေကိုတော့ ဘေးလွတ်ရာကို ရှောင်စေချင်ပါတယ်။

အားလုံး အန္တရာယ်ကင်းကြပါစေဗျာ

Thai HtoutPoh youths

11/02/2024

08/02/2024

06/02/2024

06/02/2024

06/02/2024

02/02/2024

02/02/2024

01/02/2024

31/01/2024

29/01/2024

27/01/2024

27/01/2024

27/01/2024

26/01/2024

26/01/2024

25/01/2024

25/01/2024

25/01/2024

25/01/2024

25/01/2024

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

วิดีโอทั้งหมด

ทางลัด

แชร์

ประเภท

สื่อ อื่นๆใน Bangkok

คุณอาจจะชอบ