ဘဝခွန်အားတိုစာပေ နှင့် ဗဟုသုတများ Myanmar Motivation, Myanmar Reel, History Of Myanmar, Knowledge Myanmar များတင်ဆက်ပေးပါသည်။
23/02/2025
အသက်အရွယ်ရလာတော့
ကိုယ့်ကိုမလိုအပ်တဲ့လူတွေတွေ့ရင်
ဝမ်းမနည်းမိတော့ဘူး
သူတို့လိုအပ်တဲ့လူတွေ သူတို့နားမှာ
တည်မြဲနေပါစေပဲ ဆုတောင်းတယ်..
ကိုယ့်ကိုမကြိုက်တဲ့လူတွေ တွေ့ရင်လည်း
သူတို့ကျေနပ်အောင်
လိုက်မနေပေးတော့ဘူး
သူတို့ကြိုက်တဲ့လူတွေနဲ့သူတို့
ဆက်နေပါစေလို့သာ ဆုတောင်းတယ်..
ကိုယ့်ကိုမကောင်းပြောတာ ပြန်ကြားရင်
အစကတော့ဒေါသဖြစ်မိတယ်
ဒါပေမယ့် ပုထုဇဉ်လူတွေဆိုတာ
ဘုရားကိုတောင်သတ်ဖို့
ကြိုးစားခဲ့ကြသေးတာပဲ ဆိုပြီး
ဖြေသိမ့်နေလိုက်မိတယ်..
လူတွေအပေါ်သိပ်ဂရုစိုက်လွန်းတာကို
လျှော့လိုက်ပါ
နေရတာပေါ့ပါးသွားမယ်..
သူတို့ကကိုယ့်တစ်ယောက်ထဲကို
လိုက်ကြည့်နေတာမဟုတ်သလို
ကိုယ့်ကိုမတွေ့လည်း နောက်လူတွေကို
ဆက်ကြည့်နေမှာဖြစ်တယ်
ကိုယ့်အကြောင်းပြောစရာမတွေ့လည်း
နောက်တစ်ယောက်အကြောင်းကို
ထပ်ပြောနေမှာဖြစ်တယ်..
သူတို့အကြိုက်လိုက်နေပေးစဉ်
သင်ကကောင်းနေမှာဖြစ်ပြီး
သူတို့စိတ်ထဲမတွေ့တော့ရင်
သူတို့စိတ်ကြိုက်နေမပေးရင်
သင်ဟာ သူတို့ရန်သူဖြစ်သွားမှာပါ..
သူတို့ပါးစပ်ထဲမှာပဲ သင်က
ကောင်းလိုက် မကောင်းလိုက်
သူတို့အမြင်မှာ သင်က
ခင်ဖို့ကောင်းလိုက် မုန်းဖို့ကောင်းလိုက်
သူတို့အတွေးမှာ သင်က
သူရဲကောင်းဖြစ်လိုက် သစ္စာဖေါက်ဖြစ်လိုက်
အနိမ့်အမြင့် မျိုးစုံနဲ့ သူတို့စိတ်ထဲမှာ
တစ်နေ့တစ်မျိုးမရိုးရအောင်
သင်က ကပြနေရတာပါ..
တကယ်တော့
လူတွေကိုသိပ်ဖက်တွယ်လွန်းရင်
သိပ်အာရုံထဲထည့်ထားရင်
အာရုံနောက်ရမှာက သင်ပဲဖြစ်တယ်။
သူတို့ကတော့ သူတို့အလုပ်ဖြစ်တဲ့
ပြောမယ် ဆိုမယ် ဝေဖန်မယ် ကဲ့ရဲ့မယ်
ချီးမွမ်းမယ်ဆိုတာတွေကို
ဆက်လက်လုပ်နေမှာဖြစ်တယ်..
ဒါ့ကြောင့်
လူတချို့သင့်ကိုမလိုဘူးဆိုရင်
မနှစ်သက်ဘူးဆိုရင်
မကောင်းပြောနေတယ်ဆိုရင်
ဘာမှ ခံစားမနေဘဲ
ကိုယ်လုပ်စရာရှိတာ ဆက်သာလုပ်ပါ
နေတတ်သလိုဆက်သာနေပါ..
သင့်တစ်နေ့တာအတွက်
စိတ်ကြည်နေဖို့ အမှိုက်လိုလူတွေရဲ့
ပုပ်နေတဲ့စကားတွေ
လောက်တက်နေတဲ့ အပြုအမူတွေကို
ဘာလို့ ဆက်ပြီးခံစားနေမှာလဲ..
ကိုယ့်ခန္ဓာကိုယ်မှာရှိတဲ့
လက်ချောင်းခြေချောင်းတွေတောင်
အတိုအရှည်မတူညီကြတာပဲ..
သူ့ဘဝ ကိုယ့်ဘဝ
သူယုံကြည်ရာ ကိုယ်ယုံကြည်ရာ
သူ့လမ်း ကိုယ့်လမ်း
သူအခြေအနေ ကိုယ့်အခြေအနေ
တူညီနိုင်မှာမှမဟုတ်တာဘဲလို့
သိမှတ်နေလိုက်ပါ...။
#မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည် #စာပေဥယျာဉ်
