17/08/2024
ကျည်တောက်ထိုးဟင်း .... ကရင် တာလပေါ့ဟင်း 🍲
ငယ်ငယ်က တောင်ငူ ဟိုဖက်က ကရင် ရွာလေးတွေ နား နေခဲ့တော့ အဲ့ဒီဟင်းက အသဲစွဲ ပဲ .... ဒီဟင်းနာမည်နဲ့ ဘာလို့အဲ့လိုခေါ်တာလဲ အမေ့ မေးတော့ ... အဲ့ရွာနားက တောင်ပေါ် ကရင်ရွာလေးတွေမှာ အိမ်ကို တောင်နံရံမှာ ဝါးတွေ သစ်တွေကန် ဆောက်ကြတယ် ... ငြုပ်ကျည်ပွေ့ မသုံးကြဘူး တောတိုးခူးလာကြတဲ့ဟင်းရွက်တွေ စုပြုတ်ပြီးရင် ဝါးကျည်တောက်ထဲ ထည့် ထိုးချေကြတယ် ... ပြီးမှ ငပိရည် တဇွန်းခပ်ပြီး ပြန်ဆူအောင်တည် အရသာ ထည့်ကြတယ်တဲ့ ... အရမ်းအရသာရှိပြီး ချိုတာ 😋😋😋😋
အဓိက ပါတာ ဒီဟင်းမှာ ရွှေဖရုံညွှန့် နဲ့ ခရမ်းကဆော့သီး ... တခြားဟာ အစားထိုးရင် အဲ့ဒီ ဟင်း အရသာ မတူတော့ဘူး ... 🌱🌱
ရွှေဖရုံညွှန့် .... ခရမ်းကဆော့သီး .... မျှစ်ဆိမ့် ....( ငြုပ်သီးစိမ်း သူတို့ကြ များများထည့်ကြတယ် စပ်ပြဲလန်ပေါ့ ... ကိုယ်တွေတော့ တအားအစပ်မစားနိုင်လို့ နဲနဲပဲ) .... ပဲတောင့်ရှည် .... ပင်စိမ်း ဆားအနည်းငယ် အားလုံးရောပြုတ် ... ဟင်းရွက်တွေ နွမ်းရင် အအေးခံ ငြုပ်ဆုံနဲ့ ထောင်း ... ပြီးရင် ထောင်းထားတဲ့ အရွက်တွေကို ဟင်းရွက် ပြုတ်ရည်ထဲ ပြန်ထည့် ရေနဲနဲ ထပ်ထည့် တည် .... အဲ့မှာ ပုစွန်ငံပြာရည်နဲ့ ငပိရည်တဇွန်း ခပ် လိုက်ရတယ် .... ဆူလာရင် မွှေးပြီး ပူရှိန်းရှိန်းနဲ့ အရသာ အရမ်းချို တဲ့ ကျည်တောက်ထိုးဟင်း ရပါပြီရှင် 🤗🤗
ထမင်းမိန်စေတဲ့ ဟင်းတခွက်ပါ ... ချက်ပြုတ်ရလဲ လွယ်ကူတာ ... ပူပူလေးမှာ ထမင်းမှာဆမ်းစားရတယ် ... တခါစားဖူးပြီးရင် ခဏခဏ ပြန်စားချင်မိတယ် ...
ဘားအံဖက်သွားရင်လဲ ထမင်းဆိုင်တချို့မှာ ဒီဟင်း ရောင်းကြတယ် ... ပုံမှန်တော့ အိမ်မှာပဲ ချက်စားမှ စားရတဲ့ဟင်းလေးပါ ... စမ်းချက်ကြည့်ကြနော် တအားကြိုက်မှာ
🍲🍲🍲🍲
May Myat Kyaw
