Myaelatt Athan Broadcasting

Myaelatt Athan Broadcasting To provide the right information to people
(1)

Myaelatt Athan Broadcasting Page ဟာ မြေလတ်အသံသတင်းဌာနရဲ့ ရုပ်သံသတင်းတွေ၊ ရုပ်သံဆောင်းပါးတွေနဲ့ Podcast အစီအစဥ်တွေကို တင်ဆက်ပေးသွားမယ့် တရားဝင် စာမျက်နှာခွဲ တခုဖြစ်ပါတယ်။


Myaelatt Athan Broadcasting Page is an official sub-page of Myaelatt Athan Media that has been producing daily video programs for news, articles, and podcasts.

အာဏာရှိတဲ့ဘယ်သူမဆို လူ့အခွင့်အရေးချိုးဖောက်နေရင် တိုင်ကြားဖို့ ဟောပြောအရာတော်၊ ဒီဇင်ဘာ ၉၊ ၂၀၂၄။စစ်ကိုင်းတိုင်းဒေသကြီး၊ အ...
09/12/2024

အာဏာရှိတဲ့ဘယ်သူမဆို လူ့အခွင့်အရေးချိုးဖောက်နေရင် တိုင်ကြားဖို့ ဟောပြော

အရာတော်၊ ဒီဇင်ဘာ ၉၊ ၂၀၂၄။

စစ်ကိုင်းတိုင်းဒေသကြီး၊ အရာတော်မြို့နယ်ရှိ လူထုအခြေပြုစာသင်ကျောင်းတခုမှာ အပြည်ပြည်ဆိုင်ရာလူ့အခွင့်အရေးနေ့အခမ်းအနားကို ဒီဇင်ဘာ ၉ ရက် ဒီနေ့မှာ ကျင်းပခဲ့ပါတယ်။

လူ့အခွင့်အရေးအယူအဆ အခြေခံသဘောတရားနဲ့ စစ်ကောင်စီတပ်က ကျူးလွန်နေတဲ့ လူ့အခွင့်အရေးချိုး‌ဖောက်မှုတွေအကြောင်းကို ဆွေးနွေးဟောပြောခဲ့တယ်လို့ အရာတော်မြို့နယ် လူ့အခွင့်အရေးတာဝန်ခံက ဆိုပါတယ်။

"ဒီလှုပ်ရှားမှုကိုတော့ ကျောင်းသူ/ကျောင်းသားတွေနဲ့ ဒေသခံတွေနဲ့အတူ ပြုလုပ်ခဲ့ပါတယ်။ လူ့အခွင့်အရေးစံနှုန်းတွေကို ဒီလိုမျိုး ပြည်သူတွေဆီ တိုက်ရိုက်အသိပညာပေးနိုင်ဖို့ ကျမတို့ ကြိုးစားနေပါတယ်။" လို့ အရာတော်မြို့နယ် လူ့အခွင့်အရေးတာဝန်ခံက ဆိုပါတယ်။

အပြည်ပြည်ဆိုင်ရာ လူအခွင့်အရေးနေ့အခမ်းအနားကို ဖိတ်ကြားထားတဲ့အဖွဲ့အစည်းတွေက တက်ရောက်လာတဲ့တာဝန်ရှိသူတွေက အမှတ်တရစကားပြောကြားခြင်း၊ လူ့အခွင့်အရေးကြေညာစာတမ်း သရုပ်ဖော်စာအုပ်များ ပေးဝေခြင်း၊ အမှတ်တရစာသားများ ရေးသားခြင်းနဲ့ ဧည့်ခံကျွေးမွေးခြင်းအစီအစဥ်များ ပြုလုပ်ခဲ့ပါတယ် ။

လက်နက်ကိုင်ပဋိပက္ခတွေကြားမှာ အာဏာရှိတဲ့ မည်သူတဦးတယောက်ကမဆို လူ့အခွင့်အရေးချိုးဖောက်မှုကို ကျူးလွန်နေရင် ငုံ့ခံနေစရာမလိုဘဲ တိုင်ကြားနိုင်ဖို့အချက်အလက်တွေကို မျှဝေခဲ့ပါတယ်လို့ အရာတော်မြို့နယ် လူ့အခွင့်အရေးတာဝန်ခံက ပြောပါတယ်။

သတင်း - ငြိမ်းချမ်းမေ၊ စာတည်း - JCG

#မြေလတ်အသံ
#အရာတော် #အပြည်ပြည်ဆိုင်ရာလူအခွင့်အရေးနေ့ #လူ့အခွင့်အရေး #ဟောပြောပွဲ

Myaelatt Athan Broadcasting Page ကို React, Comment , Share လုပ်ပေးခြင်းဖြင့် မြေလတ်အသံ ရေရှည်ရပ်တည်နိုင်ရေးအတွက် ဝိုင်းဝန်းကူညီနိုင်ပါတယ်။

သဲကုန်းမှာ ရာအိမ်မှူး ၁ ဦး သေနတ်ပစ်ခံရပြီး သေဆုံးသဲကုန်း၊ ဒီဇင်ဘာ ၉၊ ၂၀၂၄။ပဲခူးတိုင်းအနောက်ခြမ်း၊ သဲကုန်းမြို့နယ်က စစ်ကေ...
09/12/2024

သဲကုန်းမှာ ရာအိမ်မှူး ၁ ဦး သေနတ်ပစ်ခံရပြီး သေဆုံး

သဲကုန်း၊ ဒီဇင်ဘာ ၉၊ ၂၀၂၄။

ပဲခူးတိုင်းအနောက်ခြမ်း၊ သဲကုန်းမြို့နယ်က စစ်ကောင်စီလက်အောက် ကျေးရွာရာအိမ်မှူး ၁ ဦးကို သေနတ်နဲ့ပစ်သတ်ခဲ့တယ်လို့ သဲကုန်းမြို့နယ်ပကဖ က သတင်းထုတ်ပြန်ထားပါတယ်။

အသတ်ခံရသူမှာ သဲကုန်းမြို့နယ်၊ ကွေ့တက်အုပ်စု၊ နွယ်ကောက်ရွာက အသက် ၆၀ နှစ်အရွယ် ရာအိမ်မှူး ကိုအေးထွန်း ဖြစ်ပြီး ၎င်းယာခင်းတဲမှာရှိချိန် ဒီဇင်ဘာ ၈ မနက်အစောပိုင်း ၁ နာရီခွဲကျော်မှာ ဝင်ရောက်ပစ်ခတ်ခဲ့တာလို့ ဆိုပါတယ်။

“ မဖြစ်သာလို့ ရှင်းလိုက်ရတာပါ။ သူနေ‌တဲ့ယာတဲမှာပဲ သေနတ်နဲ့ ၃ ချက် ပစ်သတ်ခဲ့တာပါ။ ပွဲချင်းပြီးသေပါတယ်။ ပကဖအနေနဲ့ အမြဲသတိပေးနေတဲ့ကြားက ဇွတ်တိုးလုပ်နေတဲ့သူတွေက ရှိနေတုန်းပါပဲ။“ လို့ သဲကုန်းမြို့နယ်ပကဖတာဝန်ရှိသူတဦးက မြေလတ်အသံကို ပြောပါတယ်။

ကိုအေးထွန်းဟာ စစ်မှုထမ်းကိစ္စမှာငွေကောက်တာ၊ စစ်မှုမထမ်းလိုသူတွေဆီက ငွေညှစ်တာ၊ အသက် ၁၈ နှစ်နဲ့ ၃၅ နှစ်ကြားရှိတဲ့ အိမ်ထောင်စုတွေကို ၎င်းဆန္ဒနဲ့ ချန်လှပ်ထားတာတွေလုပ်တဲ့အပြင် ၎င်းကြောင့် PDF ရဲဘော် ၂ ဦး ဖမ်းဆီးခံထားရပြီး တပ်ဖွဲ့ဝင်ရဲဘော်အချို့နေအိမ်တွေ စောင့်ကြည့်ခံနေရသလို ကျောင်းနေအရွယ် ကလေးတချို့ပါ မိသားစုနဲ့အတူရှောင်တိမ်းနေရတာတွေလည်းရှိတယ်လို့ သူကဆက်ပြောပါတယ်။

ကိုအေးထွန်းဟာ စစ်ကောင်စီတပ်နဲ့ပေါင်းကာ ပြည်သူကို နည်းမျိုးစုံနဲ့ မတရားမှုတွေပြုလုပ်နေကြောင်း သတင်းပေးတိုင်ကြားတာတွေရှိလို့ အချိန်ယူစောင့်ကြည့်ပြီး ရပ်တန့်ဖို့သတိပေးခဲ့ပေမယ့် လိုက်နာခြင်းမရှိလို့ ရှင်းလင်းခဲ့တာလို့ ထုတ်ပြန်ချက်မှာလည်း ဖော်ပြထားပါတယ်။

အုပ်ချုပ်ရေးမှူးတွေ၊ ပျူစောထီးဒလန်တွေအနေနဲ့ မတရားစစ်မှုထမ်းစု‌ဆောင်းတာ၊ ငွေကောက်ခံတာနဲ့ စစ်ကောင်စီနဲ့ပေါင်းပြီး ပြည်သူကို မည်သည့်နည်းလမ်းနဲ့မဆို ဒုက္ခပေးတာတွေလုံးဝမလုပ်ဖို့လည်း သတိပေးရေးသားထားပါသေးတယ်။‌

ဒီဇင်ဘာ ၁ ရက်ကလည်း ဖခင်ဖြစ်သူ ဓါးသွေးကျောက်ကျေးရွာအုပ်စု အုပ်ချုပ်ရေးမှူး ကိုစိုးကြီးကို သတ်သွားတဲ့ PDF ကို လက်စားချေမယ်ဆိုတဲ့ အသက် ၂၀ နှစ်ကျော်အရွယ် ပျူစောထီးညီအကို မျိုးကိုကိုနဲ့ ထက်ကိုကိုတို့ ၂ ဦးလည်း သေနတ်နဲ့ပစ်သတ်ခံခဲ့ရပါသေးတယ်။

ပုံစာ - သေဆုံးသူ ရာအိမ်မှူး ကိုအေးထွန်း။

သတင်း - ခန့်အောင်၊ စာတည်း - ဟိန်းစံ

#မြေလတ်အသံ
#ပဲခူး #သဲကုန်း #ရာအိမ်မှူး #ပစ်ခတ် #သေဆုံး

Myaelatt Athan Broadcasting Page ကို React, Comment , Share လုပ်ပေးခြင်းဖြင့် မြေလတ်အသံ ရေရှည်ရပ်တည်နိုင်ရေးအတွက် ဝိုင်းဝန်းကူညီနိုင်ပါတယ်။

09/12/2024

ဖိနပ်အဟောင်းတွေကို ပြန်ချုပ်ပြီး အသုံးပြုနေရတဲ့ မန္တလေးခရိုင်တပ်ရင်း ၅ (ရုပ်/သံ)

မန္တလေး၊ ဒီဇင်ဘာ ၉၊ ၂၀၂၄။

မန္တလေးတိုင်း၊ မန္တလေးခရိုင်တပ်ရင်း ၅ မှာရှိတဲ့ ရဲဘော်တွေက စစ်သုံးဖိနပ်တွေ လိုအပ်နေပြီး အသစ်ဝယ်ယူဖို့ ငွေကြေးခက်ခဲနေတဲ့အတွက် ဖိနပ်အဟောင်းတွေကိုသာ ပြန်ချုပ်ပြီး ဝတ်နေရတယ်လို့ အဲ့ဒီတပ်ရင်းဆီက သိရပါတယ်။

အဲ့ဒီတပ်ရင်းမှာ ရှေ့တန်းထွက်နေတဲ့ ရဲဘော်တွေအတွက် စစ်ဖိနပ်အရံ ၁၀၀ ကျော်လိုအပ်နေသလို နောက်တန်းမှာလေ့ကျင့်နေကြတဲ့ သင်တန်းသား ရဲဘော်ရဲမေတွေအတွက်လည်း ဖိနပ်အရံ ၅၀ ကျော် လိုအပ်နေတာပါ။

မန္တလေးခရိုင်တပ်ရင်း ၅ မှာ အခြေခံစစ်ပညာသင်တန်းအပတ်စဥ် ၅ ကို သင်ကြားပေးနေပြီးသင်တန်းသား ရဲဘော်ရဲမေတွေ လေ့ကျင့်ရာမှာ စစ်ဖိနပ်မပါဘဲ လေ့ကျင့်နေကြရတယ်လို့ ရဲမေ မိဇူး ကပြောပါတယ်။

သင်တန်းသားရဲဘော်တွေအတွက် ပေါက်ပြဲနေတဲ့ စစ်ဖိနပ်တွေကို ပြန်ချုပ်ကာဝတ်ဆင်နေရပြီး ဖိနပ်အသစ်တွေကို ရှေ့တန်းမှာ တိုက်ပွဲဝင်နေတဲ့ PDF ရဲဘော်တွေကိုဦးစားပေး ထောက်ပံ့ဖို့လိုအပ်နေတယ်လို့ သိရပါတယ်။

တရုတ်နိုင်ငံထုတ်စစ်သုံးဖိနပ် ၁ ရံကို ၃၅,၀၀၀ ကျပ်ခန့် စျေးနှုန်းရှိကာ တပ်ရင်းအတွက်လိုအပ်နေတဲ့ စစ်သုံးဖိနပ်တွေ အချိန်မီဝယ်ယူနိုင်ဖို့အတွက် ပြည်တွင်းပြည်ပမှာရှိတဲ့ ပြည်သူတွေအနေနဲ့ ထောက်ပံ့ပေးဖို့ ရဲမေ မိဇူးက အကူအညီတောင်းခံထားပါတယ်။

မန္တလေးခရိုင်တပ်ရင်း ၅ က ရဲဘော်တွေဟာ စစ်ကောင်စီကို တော်လှန်တိုက်ခိုက်ရာမှာ တပ်ရင်းတခုတည်းသာမက မဟာမိတ်တပ်ဖွဲ့ဝင်တွေနဲ့လည်း စခန်းသိမ်း မြို့သိမ်းတိုက်ပွဲတွေမှာ ပါဝင်တိုက်ခိုက်နေတဲ့ တပ်ရင်းတခုဖြစ်တယ်လို့ သိရပါတယ်။

သတင်း - စောကျော်ငြိမ်း၊ တည်းဖြတ် - HP

#မြေလတ်အသံ
#မန္တလေး #ရဲဘော် #စစ်သုံးဖိနပ် #လိုအပ်

Myaelatt Athan Broadcasting Page ကို React, Comment , Share လုပ်ပေးခြင်းဖြင့် မြေလတ်အသံ ရေရှည်ရပ်တည်နိုင်ရေးအတွက် ဝိုင်းဝန်းကူညီနိုင်ပါတယ်။

09/12/2024

စစ်ကြောင်းနဲ့ထိပ်တိုက်တိုးပြီး ဖမ်းဆီးပစ်သတ်ခံရတဲ့ PDF ရဲဘော် နာရေး (ရုပ်/သံ)

ကြို့ပင်ကောက်၊ ဒီဇင်ဘာ ၉၊ ၂၀၂၄။

စစ်ကောင်စီစစ်ကြောင်းနဲ့တိုးပြီး ဖမ်းဆီးသတ်ဖြတ်ခံလိုက်ရတဲ့ ကင်းထောက် PDF ရဲဘော်ရဲ့နာရေးကို ဒီဇင်ဘာ ၇ရက် နေ့လယ်ပိုင်းက ပဲခူးရိုးမအစပ်တနေရာမှာ မြေမြုပ်သင်္ဂြိုဟ်ခဲ့ကြပါတယ်။

Hero ပြောက်ကျားတပ်ဖွဲ့ရဲ့ ကင်းထောက်တာဝန်ယူထားသူ အသက် ၅၂ နှစ်အရွယ် ရဲဘော်မွန်ကြီး (ခ) ဦးဇေယျာဝင်းဟာ ဒီဇင်ဘာ ၄ရက် ညနေပိုင်းမှာ အုတ်ဖိုမြို့နယ်၊ ဗျူဟာလမ်း၊ မအူချောင်းရွာအနီးမှာ အင်အား ၁၀၀ ဝန်းကျင်ပါ စစ်ကောင်စီစစ်ကြောင်းနဲ့ ထိပ်တိုက်တိုးကာ ဖမ်းဆီးရိုက်နှက် ပစ်သတ်ခံရတယ်လို့ သာယာဝတီခရိုင် တပ်ရင်း ၃၈၀၁၊ တပ်ခွဲ ၅ Hero၊ ပြောက်ကျားတပ်ဖွဲ့ တပ်ခွဲမှူး ဗိုလ်မိုးကြိုးက ပြောပါတယ်။

ကျဆုံးရဲဘော် ဦးဇေယျာဝင်းဟာ Hero ပြောက်ကျားတပ်ဖွဲ့ကို ၂၀၂၂ ဖေဖေါ်ဝါရီ ၃ ရက်က စတင်ဝင်ရောက်ကာ ကျဆုံးချိန်ထိ ၂ နှစ်နဲ့ ၁၀ လ တာဝန်ထမ်းခဲ့တာဖြစ်ပြီး တပ်ဖွဲ့ကို စတင်ဝင်ရောက်ချိန်ကတည်းက မိသားစုကို အဆက်အသွယ်ဖြတ်တောက်ခဲ့တာလို့လည်း ပြောပါတယ်။

ရဲဘော်မွန်ကြီး (ခ) ဦးဇေယျာဝင်းဟာ တပ်ဖွဲ့မှာ ဒုတိယမြောက်ကျဆုံးသူဖြစ်ကာ အခုနှစ် ဇွန်လ ၁၃ ရက်ကလည်း အုတ်ဖိုမြို့နယ် ဂမုန်းဆည်တိုက်ပွဲမှာ စစ်ကောင်စီတပ်က ပစ်တဲ့ လက်နက်ကြီး ကျည်စ ဦးခေါင်းထိမှန်ကာ ရဲဘော်အောင်နိုင်ကျဆုံးခဲ့ရပါတယ်။

သတင်း - ခန့်အောင်၊ တည်းဖြတ် - ငြိမ်းဇော်

#မြေလတ်အသံ
#ကြို့ပင်ကောက် #စစ်ကောင်စီ #ဖမ်းဆီးပစ်သတ် #နာရေး

Myaelatt Athan Broadcasting Page ကို React, Comment , Share လုပ်ပေးခြင်းဖြင့် မြေလတ်အသံ ရေရှည်ရပ်တည်နိုင်ရေးအတွက် ဝိုင်းဝန်းကူညီနိုင်ပါတယ်။

09/12/2024

စီပါရွာအပါအဝင် စစ်ရှောင်ပြည်သူ ၅၀၀ နီးပါးကို အအေးဒဏ်ခံနိုင်ဖို့ စောင်နဲ့အနွေးထည်လှူဒါန်း (ရုပ်/သံ)

ဘုတလင်၊ ဒီဇင်ဘာ ၉၊ ၂၀၂၄။

ဘုတလင်မြို့နယ်၊ မီးဘေးသင့်စစ်ရှာင်ရွာ ၉ ရွာက ပြည်သူ ၅၀၀ ခန့်ကို သံဃမေတ္တာ - ပြည်သူ့စောင့်ရှောက်ရေးအဖွဲ့က ဒီဇင်ဘာ ၆ ရက်က စောင်တွေသွားရောက်လှူဒါန်းခဲ့တယ်လို့ အဲဒီအဖွဲ့ဆီကသိရပါတယ်။

ဘုတလင်မြို့နယ်၊ စီပါရွာအပါအဝင် ကျေးရွာပေါင်း ၉ ရွာကို အခုနှစ်နိုဝင်ဘာ ၁၇ မှာ စစ်ကောင်စီက စစ်ကြောင်းထိုး မီးရှို့ဖျက်ဆီးခဲ့တာကြောင့် စစ်ရှောင်နေရတဲ့ စစ်ဘေးရှောင် ၄၉၂ ဦးကို စောင်နဲ့အနွေးထည်တွေ လှူဒါန်းခဲ့တာလို့ သံဃမေတ္တာ မြေပြင်တာဝန်ခံက ပြောပါတယ်။

ဒါ့အပြင် စစ်ရှောင်ကလေးငယ်တွေ ပညာသင်နိုင်ဖို့အတွက် စာသင်ကျောင်းဖွင့်လှစ်ဖို့ကိုလည်း ကူညီဆောင်ရွက်ပေးသွားမယ်လို့လည်းဆိုပါတယ်။

သံဃမေတ္တာ - ပြည်သူ့စောင့်ရှောက်ရေးအဖွဲ့ဟာ စစ်ကိုင်းတိုင်းနဲ့ မကွေးတိုင်းက မြို့နယ် ၂၁ မြို့နယ်ကျော်ရှိ စစ်ရှောင်တွေကို စာနပ်ရိက္ခာတွေလှူဒါန်းတာတွေကို လုပ်ဆောင်ပေးနေတဲ့အပြင် အခု စောင်လှူဒါန်းတာကလည်းပထမဆုံးဖြစ်ပြီး "အညာဆောင်းအေး၊ စောင်ကူပေး" အစီအစဉ်နဲ့ အလှူရှင်တွေဆီကတဆင့် ပြန်လည်လှူဒါန်းပေးနေတာ ဖြစ်ပါတယ်။

သတင်း - အောင်ကောင်းလင်း၊ တည်းဖြတ် - HP

#မြေလတ်အသံ
#ဘုတလင် #စစ်ရှောင် #စောင် #လှူဒါန်း

Myaelatt Athan Broadcasting Page ကို React, Comment , Share လုပ်ပေးခြင်းဖြင့် မြေလတ်အသံ ရေရှည်ရပ်တည်နိုင်ရေးအတွက် ဝိုင်းဝန်းကူညီနိုင်ပါတယ်။

မြိုင်မြို့နယ်က NUG စာသင်ကျောင်း ၁ ခုမှာ လိင်အကြမ်းဖက်မှုပပျောက်ရေး ဟောပြောပွဲကျင်းပမြိုင်၊ ဒီဇင်ဘာ ၈၊ ၂၀၂၄။မကွေးတိုင်း၊...
08/12/2024

မြိုင်မြို့နယ်က NUG စာသင်ကျောင်း ၁ ခုမှာ လိင်အကြမ်းဖက်မှုပပျောက်ရေး ဟောပြောပွဲကျင်းပ

မြိုင်၊ ဒီဇင်ဘာ ၈၊ ၂၀၂၄။

မကွေးတိုင်း၊ မြိုင်မြို့နယ်မှာ အမျိုးသားညီညွတ်ရေးအစိုးရ(NUG)လက်အောက်ခံ စာသင်ကျောင်း ၁ ကျောင်းမှာ အမျိုးသမီးနဲ့ မိန်းကလေးတွေအပေါ် လိင်ပိုင်းဆိုင်ရာ အကြမ်းဖက်မှုပပျောက်ရေး ပညာပေးဟောပြောပွဲ ၁ ခုပြု လုပ်ပေးခဲ့တယ်လို့ သိရပါတယ်။

အဲဒီပညာပေးဟောပြောပွဲကို ဒီဇင်ဘာ ၅ ရက်မှာ Women Empowerment Alliance (WEA) အဖွဲ့က ဦးစီး ကျင်းပခဲ့တာဖြစ်တယ်လို့ မြိုင်မြို့နယ်ပညာရေးတာဝန်ခံ(၂)က ပြောပါတယ်။

“ဝန်ကြီးဌာနက ချိတ်ဆက်ပေးထားတဲ့ အဖွဲ့ ၁ ခုပေါ့။ နောက်ထပ်ကျောင်းတွေကိုလည်း ထပ်မံပြုလုပ်ပေးဖို့ ရည်ရွယ်နေပါတယ်။” လို့ သူက ဆက်ပြောပါတယ်။

မြိုင်မြို့နယ်ပညာရေးမှ ဆရာ/ဆရာမ ၂ ဦးကို WEA က သင်တန်းပို့ချပေးပြီး ဆရာမတွေကတဆင့် ကျောင်းသူ ကျောင်းသားတွေကို ပြန်လည်ဟောပြောပညာပေးတဲ့ ပုံစံမျိုးနဲ့ ပြုလုပ်ပေးခဲ့တာဖြစ်တယ်လို့ သိရပါတယ်။

“အမျိုးသမီးတွေနဲ့ မိန်းကလေးတွေအပေါ် လိင်အကြမ်းဖက်ခြင်းရန်မှ ကာကွယ်ရန် ရည်ရွယ်ပြီး လုပ်ဆောင်နေတာ” လို့ ဟောပြောပေးတဲ့ ဆရာမတဦးက ပြောပါတယ်။

မြိုင်မြို့နယ်အတွင်း လိင်ပိုင်းဆိုင်ရာအကြမ်းဖက်ခံရမှုတွေ မရှိပေမယ့် ဖြစ်လာတဲ့အခါ ကာကွယ်နိုင်ဖို့ ရည်ရွယ်ပြီး လုပ်ပေးတာဖြစ်တယ်လို့ ဆိုပါတယ်။

ဟောပြောသွားတဲ့အကြောင်းအရာတွေကတော့ ကျောင်းသူ ကျောင်းသားတွေအနေနဲ့ မိမိကိုယ်ကိုကာကွယ် တတ်ရန်၊ လိင်အကြမ်းဖက်ခံရမှုနဲ့ ကြုံလာပါကလည်း ဘယ်လိုလုပ်ဆောင်ရမလဲဆိုတာတွေ ဟောပြောသွားတာဖြစ်တယ်လို့ သိရပါတယ်။

“ကျောင်းတွေမှာ လုပ်ရတာကတော့ ကျောင်းသူ၊ ကျောင်းသားလေးတွေ သူတို့ရဲ့ ခန္ဓာကိုယ်ပေါ်က တပါးသူ မထိရမယ့်အစိတ်အပိုင်းလေးတွေကို သိစေချင်တယ်။ ဖြစ်လာခဲ့ရင်လည်း ဘယ်လိုလုပ်ရမယ်၊ ဘယ်သူ့ကို တိုင်ပင်ရမယ် စသဖြင့်အကြောင်းအရာလေးတွေကို သိစေချင်လို့ လုပ်ပေးဖြစ်တာပါ။” လို့ ဟောပြောသွားတဲ့ ဆရာမက ဆိုပါတယ်။

သတင်း - ဟယ်သာ၊ စာတည်း - JCG

#မြေလတ်အသံ
#မကွေးတိုင်း #မြိုင်မြို့ #အမျိုးသမီး #လိင်အကြမ်းဖက်မှုပပျောက်ရေး

ခန္တီးမှာ အမျိုးသား ၂၀ ကျော် စစ်မှုထမ်းဖို့ ဖမ်းဆီးခံထားရခန္တီး၊ ဒီဇင်ဘာ ၈၊ ၂၀၂၄။ စစ်ကိုင်းတိုင်း၊ ခန္တီးမြို့မှာ အမျိုး...
08/12/2024

ခန္တီးမှာ အမျိုးသား ၂၀ ကျော် စစ်မှုထမ်းဖို့ ဖမ်းဆီးခံထားရ

ခန္တီး၊ ဒီဇင်ဘာ ၈၊ ၂၀၂၄။

စစ်ကိုင်းတိုင်း၊ ခန္တီးမြို့မှာ အမျိုးသား ၂၀ ကျော် စစ်မှုထမ်းဖို့ဖမ်းဆီးခံထားရတယ်လို့ မြို့ပေါ်ဌာနဆိုင်ရာတွေနဲ့ နီးစပ်တဲ့ဒေသခံတဦးက ပြောပါတယ်။

ဒီဇင်ဘာ ၂ ရက်စတင်ကာ ဒီဇင်ဘာ ၈ ရက် ဒီမနက်ပိုင်းအထိ ခန္တီးခရိုင် အထွေထွေအုပ်ချုပ်ရေးမှူး ဦးစီးကာ ရဲတပ်ဖွဲ့ဝင်တွေက မြို့ဝင်မြို့ထွက်နေရာတွေ၊ မြို့နဲ့ ၂ မိုင်၊ ၃ မိုင်ခန့်အကွာက နေရာတွေမှာ နေ့စဉ်ပိတ်ဆို့စစ်ဆေးပြီး ဖမ်းဆီးနေတာလို့ ဆိုပါတယ်။

"သူတို့နိုင်မယ်ထင်တဲ့သူ ဖမ်းတာ။ နောက်ခံ ဘက်ဂရောင်းမရှိဘူး၊ လုပ်ငန်းလုပ်လာသူလို့ ထင်တဲ့ သူတွေကိုဖမ်းတာ။ နေ့တိုင်းကို ချတာ။ ဖမ်းတာက ကျန်တဲ့အကြောင်းမဟုတ်ဘူးနော်။ ခရိုင် DC ကိုယ်တိုင်ဖမ်းတာဆိုတော့ ဘယ်သူမှ အထွန့်မတက်ရဲဘူး။ စစ်မှုထမ်းဖို့ဖမ်းတာ။"လို့ ဌာနဆိုင်ရာတွေနဲ့ နီးစပ်တဲ့ဒေသခံတဦးက ပြောပါတယ်။

ဖမ်းဆီးခံရသူတွေက အသက် ၂၀ ကနေ ၄၀ နှစ်ကြားဖြစ်ပြီး မြို့ပေါ်ရပ်ကွက်နေသူတွေ၊ ကျေးရွာဘက်ကလာသူတွေ၊ မှော်ထဲကျောက်တူးသွားသူတွေ၊ နာဂတိုင်းရင်းသားတွေပါဝင်ပြီး မြို့ပေါ်ရပ်ကွက်နေသူတွေထဲကတော့ အဖမ်းခံရသူနည်းတယ်လို့ ဆိုပါတယ်။

ဖမ်းဆီးခံရတဲ့ အမျိုးသားတွေကို စစ်ဆေးစရာရှိတယ်ဆိုပြီး ရဲစခန်းကိုခေါ်ဆောင် စစ်ဆေးပြီးနောက် ဆေးအောင်သူတွေကို ခလရ ၃၄၇ နဲ့ ခန္တီးဗျူဟာတို့ကို ပို့ဆောင်ထားတယ်လို့ သိရပါတယ်။

"ဒါကြီး တမြို့လုံးအတိုင်းတာနဲ့ အကုန်သိတယ်။ ခုက ခိုးကြောင်ခိုးဝှက်နဲ့ ညဘက်ဖမ်းတာမဟုတ်ဘူး။ နေ့ခင်းပိုင်းမှာကို ပေါ်တင်ဖမ်းနေတာ။ "လို့ အထက်ပါဒေသခံက ဆက်ပြောပါတယ်။

ဖမ်းဆီးခံရသူတွေထဲမှာ ငွေကြေးတတ်နိုင်သူ၊ ဌာနဆိုင်ရာတွေနဲ့ အသိရှိသူတွေကိုတော့ ပြန်လွှတ်ပေးတယ်လို့ အထက်ပါဒေသခံက ပြောပါတယ်။

လာမယ့် စစ်မှုထမ်းအပတ်စဥ် ၈ အတွက် ခန္တီးမြို့နယ်အတွင်းကနေ စစ်မှုထမ်း ၅၀ ပေးရမှာဖြစ်လို့ အရေအတွက်ပြည့်အောင် ဖမ်းဆီးသွားဖို့ရှိနေတာလို့ ဆိုပါတယ်။

ခန္တီးမြို့ပေါ်မှာ ယခင်ကစစ်မှုထမ်းခေါ်ဆောင်တာ တိတ်တဆိတ်လုပ်ဆောင်နေတာမျိုးရှိခဲ့ကာ ယခု အသစ်ပြောင်းလာတာ ၂ လခန့်သာရှိသေးတဲ့ ခရိုင်အုပ်ချုပ်ရေးမှူးလက်ထက်မှာ စစ်မှုထမ်းအတွက် ပေါ်တင်ဖမ်းဆီးလာတာဖြစ်ပြီး ခုလိုဖမ်းဆီးနေတာကြောင့် မြို့ပေါ်မှာလည်း လူသွားလူလာ မရှိသလောက် နည်းပါးနေတယ်လို့ သိရပါတယ်။

ပုံစာ - ခန္တီးမြို့အတွင်းတွေ့ရသည့် စကစလက်အောက် ရဲနှင့် ထွေအုပ်ဝန်ထမ်းအချို့။ (ပုံဟောင်း)

သတင်း - ကျော်ကြီး၊ စာတည်း - လင်း

#မြေလတ်အသံ
#စစ်ကိုင်း #ခန္တီး #စစ်မှုထမ်း #လူငယ်ဖမ်းဆီး

UFC အဆင့်သတ်မှတ်ချက်ထဲက ဖိုက်တာကိုအနိုင်ထိုးပြီး TOP 10 ထဲက ဖိုက်တာတွေကို စိန်ခေါ်လိုက်တဲ့ ဗန် (အားကစားသတင်း)မြေလတ်အသံ၊ ...
08/12/2024

UFC အဆင့်သတ်မှတ်ချက်ထဲက ဖိုက်တာကိုအနိုင်ထိုးပြီး TOP 10 ထဲက ဖိုက်တာတွေကို စိန်ခေါ်လိုက်တဲ့ ဗန် (အားကစားသတင်း)

မြေလတ်အသံ၊ ဒီဇင်ဘာ ၈၊ ၂၀၂၄။

ဒီဇင်ဘာ ၈ ရက် ဒီနေ့မနက်အစောပိုင်းမှာကျင်းပတဲ့ UFC 310 ပြိုင်ပွဲမှာ ဗန်ဟာ ပြိုင်ဘက်ဖြစ်သူ UFC Flyweight အဆင့် ၁၄ ရှိ ကိုဒီဒါဒန်ကို အသာစီးရယူထိုးသတ်ပြီး အမှတ်နဲ့အနိုင်ရသွားပါတယ်။

ဗန်ဟာ လူစားဝင်ကစားသမားအဖြစ် ခဏခဏဝင်ကစားရတာကြောင့် ပွဲကြိုတင်ပြင်ဆင်မှုအားနည်းတာကို ထောက်ပြခံရလေ့ရှိပေမယ့် ဒီနေ့ပွဲမှာ အချိန်ရရင်အိမ်စာကြေညက်ကြောင်း ကောင်းကောင်းပြသသွားနိုင်ပါတယ်။

ပထမအချီအစမှာ ကိုဒီဒါဒန်ဟာ သူ့ရဲ့အားသာချက်ဖြစ်တဲ့ ဘယ်ထောက် ညာဝိုက်လက်သီးချက်တွေနဲ့ စခဲ့ပြီး အမြင့်ကန်ချက်ကိုလည်း အသုံးချခဲ့ပါတယ်။ ဗန်ဟာ အရင်ပွဲတွေကထက်သတိပိုကပ်လာပြီး ဘယ်ထောက်လက်သီးတွေ ထိရောက်အောင်အသုံးချခဲ့ကာ လက်တံအားသာတဲ့ကိုဒီကတော့ ပွဲစပြီးခဏသာ ဆိုင်ထိုးခဲ့ကာ လူချင်းလုံးပြီးမြေပေါ်လှဲချဖို့ကြိုးစားခဲ့ပေမယ့် ဗန်ဟာ ကောင်းကောင်းတုံ့ပြန်သွားတာကိုတွေ့ရပါတယ်။

ဒုတိယအချီမှာတော့ ဗန်ရဲ့ထောက်လက်သီးတွေ၊ ပင့်လက်သီးတွေ ဆက်တိုက်ထိခဲ့တာကြောင့် ကိုဒီဟာ သူ့ရဲ့ကစားပုံကိုပြောင်းလဲကစားခဲ့ရကာ လူလည်းယိုင်နဲ့သွားတာကို တွေ့ရပါတယ်။ ကိုဒီဟာ သူအားသာတဲ့ ညာလက်သီးအသုံးပြုဖို့ကြိုးစားခဲ့ပေမယ့် အိမ်စာကြေတဲ့ဗန်တစ်ယောက် ကောင်းကောင်းကိုင်တွယ်သွားနိုင်ပါတယ်။

တတိယအချီအရောက်မှာ ကိုဒီဒါဒန်ဟာသတိထားထိုးသတ်ခဲ့ပြီး ဗန်ရဲ့တိုက်စစ်ကိုသာ ခုခံဖို့ကြိုးစားနေရကာ ဗန်ကတော့ အောက်ခြေကန်ချက်တွေ၊ သူ့ရဲ့လက်နက်ဖြစ်တဲ့ ဘယ်ညာလက်သီးတွဲလုံးတွေနဲ့ ကိုဒီကိုကောင်းကောင်းဖြိုပါတယ်။ ကိုဒီဟာ ဗန်ရဲ့ထိုးချက်တွေကြောင့် မြေပေါ်လှဲချအနားယူခဲ့တဲ့အထိ မောဟိုက်နေတာကိုတွေ့ရသလို သူ့ရဲ့အံကတ်ပါပြုတ်ကျခဲ့ပါတယ်။

တတိယအချီအပြီးမှာတော့ အသာစီးယူထိုးသတ်ခဲ့တဲ့ဗန်ဟာ အမှတ်နဲ့အနိုင်ရခဲ့ပြီး UFC ရဲ့ထိပ်တန်းသတ်မှတ်ချက်စာရင်းဝင် ဖိုက်တာတယောက်အဖြစ် သက်သေပြခဲ့သလို နောက်ပွဲမှာ Top 10 ကနေ Top 5 အတွင်း ဘယ်သူ့ကိုဖြစ်ဖြစ် ထိုးသတ်သွားမယ်လို့ စိန်ခေါ်သွားကာ မြန်မာအလံပုံပြုလုပ်ထားတဲ့ သူ့ရဲ့အံကတ်ကို ပြသသွားပြီး နောက်ပွဲတွေမှာ မြန်မာအလံယူဖို့ပါ တောင်းဆိုသွားခဲ့ပါတယ်။

Photo - ss from UFC Live.

#မြေလတ်အသံ
#အားကစား -310 #ကိုဒီဒါဒန် #ဗန်

မင်းတုန်းမြို့နယ်က ရွာသစ်ရွာကို စစ်တပ်ကမီးရှို့လို့ နေအိမ် ၁၅၀ ကျော်ပျက်စီး မင်းတုန်း၊ ဒီဇင်ဘာ ၇၊ ၂၀၂၄။ မကွေးတိုင်း၊ မင်...
07/12/2024

မင်းတုန်းမြို့နယ်က ရွာသစ်ရွာကို စစ်တပ်ကမီးရှို့လို့ နေအိမ် ၁၅၀ ကျော်ပျက်စီး

မင်းတုန်း၊ ဒီဇင်ဘာ ၇၊ ၂၀၂၄။

မကွေးတိုင်း၊ မင်းတုန်းမြို့နယ်၊ ရွာသစ်ရွာကို စစ်ကောင်စီတပ်သားတွေက မီးရှို့ဖျက်ဆီးခဲ့တာကြောင့် နေအိမ် ၁၅၀ ကျော်ပျက်စီးခဲ့တယ်လို့ ဒေသခံတွေဆီက သိရပါတယ်။

ဒီဇင်ဘာ ၆ ရက် ညနေ ၄ နာရီကျော်မှာ အင်အား ၇၀ ကျော်ပါ စစ်ကောင်စီစစ်ကြောင်းက ငါးမိုင်ကျေးရွာဘက်ကနေ ရွာသစ်ရွာကိုရောက်လာပြီး မီးရှို့ခဲ့တယ်လို့ ဆိုပါတယ်။

"ရွာကတော့ ၃ ပုံ ၂ ပုံလောက် မီးလောင်သွားတယ်ဆိုတော့ ၁၅၀ လောက်ကုန်သွားတယ်။ ရွာအနောက်ပိုင်းကနေ စရှို့တာ။ အဲ့ဘက်ခြမ်းက အိမ်ကြီးအိမ်ကောင်းတွေများတယ်။"လို့ ဒေသခံတဦးက ပြောပါတယ်။

ပြီးခဲ့တဲ့ နိုဝင်ဘာလနောက်ဆုံးပတ်မှာ ကြိုးဝရွာကိုဝင်လာတဲ့ စစ်ကောင်စီတပ်သားတွေနဲ့ ဒေသခံကာကွယ်ရေးတပ်တို့ ရွာသစ်နဲ့ ကြိုးဝရွာကြားမှာတိုက်ပွဲဖြစ်ချိန် စစ်ကောင်စီဘက်က ထိခိုက်သေဆုံးသူများခဲ့တာကြောင့် အင်အားပြန်ဖြည့်ပြီး ရွာကိုမီးပြန်ရှို့တာဖြစ်နိုင်တယ်လို့ သူကခန့်မှန်းပါတယ်။

နိုဝင်ဘာ ၂၆ ရက် မနက် ၅ နာရီလောက်မှာ ကပစ ၁၂၊ တမခ ၈၈၊ ခလရ ၄၄ က တပ်သားတွေပါဝင်တဲ့ အင်အား ၁၀၀ ပါစစ်ကြောင်းကို တိုက်ခိုက်ခဲ့ရာ စစ်ကောင်စီတပ်သား ၂၀ ကျော်သေဆုံးပြီး လက်နက်ခဲယမ်းတွေလည်း သိမ်းဆည်းနိုင်ခဲ့တယ်လို့ မြေပြင်တိုက်ခိုက်ရေးမှာပါဝင်တဲ့ ဒေသခံကာကွယ်ရေးတပ်ဖွဲ့ဝင်တွေက မြေလတ်အသံကို ဖြေဆိုခဲ့ပါတယ်။

ရွာသစ်ရွာကိုမီးရှို့ပြီးနောက် စစ်ကောင်စီစစ်ကြောင်းဟာ ဒီဇင်ဘာ ၇ ရက် ဒီမနက်ပိုင်းအထိ ရွာသစ်နဲ့ ကြိုးဝရွာကြားမှာပဲ ရှိနေတယ်လို့ ဆိုပါတယ်။

ရွာသစ်ကျေးရွာမှာ အိမ်ခြေ ၂၀၀ ခန့်နဲ့ လူဦးရေ ၇၀၀ ကျော်ရှိပြီး ၂၀၂၃ မတ်လလောက်ကတည်းက ရွာအနီးဝန်းကျင်ကို စစ်ကောင်စီက မကြာခဏစစ်ကြောင်းထိုးလေ့ရှိတဲ့အတွက် ဒေသခံအများစုကတော့ နေရပ်ကတိမ်းရှောင်နေခဲ့ကြတာလို့ ဆိုပါတယ်။

အဲ့ဒီအချိန်ကတည်းက ဒေသခံ ၁၀၀ လောက်သာ ရွာမှာနေထိုင်နေကြပြီး မနေ့ကမီးရှို့ချိန်မှာ အားလုံး ရွာကတိမ်းရှောင်နေကြရပြီလို့ အထက်ပါဒေသခံက ဆက်ပြောပါတယ်။

အလားတူ မြောက်ပြင်၊ ကြိုးဝ၊ ကမ်မနိုင် စတဲ့ကျေးရွာတွေကဒေသခံတွေလည်း ရွာကတိမ်းရှောင်နေကြပြီး ရွာထဲကို လိုအပ်တဲ့ပစ္စည်းတွေပြန်ယူသူနဲ့ နေအိမ်သန့်ရှင်းရေးပြန်လုပ်သူတချို့သာ ယာယီ ပြန်နေထိုင်တာတွေရှိတယ်လို့ ဒေသခံတွေဆီက သိရပါတယ်။

သတင်း - ကျော်ကြီး၊ စာတည်း - လင်း

#မြေလတ်အသံ
#မင်းတုန်း #ရွာသစ် #စစ်ကောင်စီ #မီးရှို့ #နေအိမ်

စပါးစိုက်ပျိုးပြီး တပ်ရင်းမိသားစုတွေကို PDF က ရိက္ခာထောက်ပံ့ဂန့်ဂေါ၊ ဒီဇင်ဘာ ၇၊ ၂၀၂၄။စိုက်ပျိုးထားတဲ့စပါးတွေကို ရိတ်သိမ်...
07/12/2024

စပါးစိုက်ပျိုးပြီး တပ်ရင်းမိသားစုတွေကို PDF က ရိက္ခာထောက်ပံ့

ဂန့်ဂေါ၊ ဒီဇင်ဘာ ၇၊ ၂၀၂၄။

စိုက်ပျိုးထားတဲ့စပါးတွေကို ရိတ်သိမ်းပြီးနောက် တပ်ရင်းရဲဘော်တွေရဲ့ မိသားစုဝင်တွေကို ရိက္ခာထောက်ပံ့မှုတွေ လုပ်ပေးနေတယ်လို့ မကွေးတိုင်း၊ ဂန့်ဂေါခရိုင်အမှတ် ၁ တပ်ရင်းထံမှ သိရပါတယ်။

တပ်ရင်းအနေနဲ့ လယ် ၁၀ ဧက စပါးစိုက်ပျိုးခဲ့ရာမှာ စပါးတင်း ၅၀၀ ထွက်ရှိပြီး အဆိုပါစပါးထဲက ၃ ပုံ ၁ ပုံကို ကျေးရွာအတွက် ဘုံထားကာ ကျန်ရှိတဲ့စပါးတွေကို တပ်ရင်းက ရဲဘော်တွေရဲ့ မိသားစုဝင်တွေအတွက် ရိက္ခာထောက်ပံ့ပေးခဲ့တာ ဖြစ်တယ်လို့ ဂန့်ဂေါခရိုင် အမှတ် ၁ တပ်ရင်း ထောက်ပို့ဌာနမှာ စာရင်းကိုင်အနေနဲ့ တာဝန်ထမ်းဆောင်နေတဲ့ ရဲဘော် မသက်က ပြောပါတယ်။

စပါးစိုက်ပျိုးမှုကို အခုနှစ် မေလထဲက စနစ်တကျရေမြောင်းသွင်း စိုက်ပျိုးခဲ့တာဖြစ်ပြီး ဒီဇင်ဘာလထဲမှာ ရိတ်သိမ်းခဲ့တာ ဖြစ်ပါတယ်။

တပ်ရင်းအတွက် ရိက္ခာဖူလုံတာကြောင့် အသက်အရွယ်ကြီးသူ၊ အလုပ်အကိုင်မရှိသူ၊ လက်လုပ်လက်စားနဲ့ စားဝတ်နေရေး ကျပ်တည်းစွာနေထိုင်ရသူ စတဲ့ တပ်ရင်းရဲဘော်မိသားစုဝင်တွေကို ထောက်ပံ့ပေးတာဖြစ် တယ်လို့ ဆိုပါတယ်။

တပ်ရင်းရဲဘော်တွေဟာ ငွေမရှာနိုင်တဲ့အခြေအနေမှာ ရှေ့တန်းမှာ နောက်ဆံတင်းရတာမျိုးမဖြစ်ရလေအောင် မိသားစုဝင်တွေရဲ့ စားဝတ်နေရေးကို တဖက်တလမ်းက ဖြေရှင်းပေးတာဖြစ်တယ်လို့ ဆိုပါတယ်။

ဂန့်ဂေါခရိုင် အမှတ် ၁ တပ်ရင်းအနေနဲ့ တတ်နိုင်သလောက် တလကို ဆန် ၁ တင်းနဲ့ ဆီ ၁ ပိဿာ ထောက်ပံ့ပေးပြီး ဆီကို ပုံမှန်မထောက်ပံ့နိုင်ပေမယ့် ရိက္ခာဆန်ကိုတော့ ရပ်ရွာပြည်သူတွေရဲ့ ပံ့ပိုးမှုနဲ့ တလတကြိမ်ထောက်ပံ့နိုင်တယ်လို့ ရဲဘော် မသက်က ဆိုပါတယ်။

တချို့သော မိသားစုဝင်တွေကို ဂန့်ဂေါခရိုင်အမှတ် ၁ တပ်ရင်းက မထောက်ပံ့နိုင်တဲ့အခါ ရဲဘော်တွေကို ရက်ရှည်ခွင့်ပေးပြီး မိသားစုရဲ့ စားဝတ်နေရေးအတွက် အလုပ်ထွက်လုပ်ခွင့်ပေးရတာမျိုးလည်းရှိတယ်လို့ သိရပါတယ်။

“သူတို့က လုံးဝကို ခက်ခဲပါတယ်ဆိုရင် ၁ လလောက် အဲ့လိုမျိုးပေးရတဲ့အခါမျိုးဆိုရင် ရဲဘော်အင်အားက နည်းသွားတဲ့အချိန်မှာ ရှေ့တန်းစစ်ရေးနဲ့ နောက်တန်းစခန်းလည်ပတ်မှုဟာ လုံးဝကို အဆင်မပြေဖြစ်ရတယ်။ ဒါကြောင့်မလို့ သူတို့ရဲ့ အခက်အခဲကိုလည်း ကူညီနိုင်အောင်လို့ အဲ့လိုမျိုးထောက်ပံ့တာဖြစ်တယ်။” လို့ ရဲဘော် မသက်က ပြောပါတယ်။

အခုလိုထောက်ပံ့ပေးနေတာဟာ တပ်ရင်းမှာရှိတဲ့ ရဲဘော်၊ ရဲမေ ၇၀ နီးပါးရဲ့ မိသားစုဝင်တွေကို ထောက်ပံ့ပေးနေတာဖြစ်တယ်လို့ သိရပါတယ်။

ပုံစာ - ဂန့်ဂေါခရိုင် အမှတ် ၁ တပ်ရင်းမှ ဆောင်းရာသီစပါးများကို စတင်ရုတ်သိမ်းစဉ်။ (ဓါတ်ပုံ - ဂန့်ဂေါခရိုင် အမှတ် ၁ တပ်ရင်း)

သတင်း - မြတ်သော်တာ၊ စာတည်း - JCG

#မြေလတ်အသံ
#စိုက်ပျိုးရေး #စပါး #တပ်ရင်း #ရဲဘော် #ရိက္ခာ #မကွေးတိုင်း #ဂန့်ဂေါ

UFC အဆင့်သတ်မှတ်ချက်ထဲဝင်အောင် ထိုးသတ်နိုင်မလား စောင့်ကြည့်ရမယ့် ဗန် (အားကစားသတင်း)မြေလတ်အသံ၊ ဒီဇင်ဘာ ၇၊ ၂၀၂၄။ ဒီဇင်ဘာ ၈...
07/12/2024

UFC အဆင့်သတ်မှတ်ချက်ထဲဝင်အောင် ထိုးသတ်နိုင်မလား စောင့်ကြည့်ရမယ့် ဗန် (အားကစားသတင်း)

မြေလတ်အသံ၊ ဒီဇင်ဘာ ၇၊ ၂၀၂၄။

ဒီဇင်ဘာ ၈ ရက် မနက်အစောပိုင်း အမေရိကန်နိုင်ငံ၊ လပ်ဗီးဂက်စ်မြို့မှာ ကျင်းပသွားမယ့် UFC 310 ပြိုင်ပွဲမှာ ဂျော့ရှုဝါဗန်ဟာ ပြိုင်ဘက် ကိုဒီဒါဒန်နဲ့ ယှဉ်ပြိုင်ထိုးသတ်သွားမှာ ဖြစ်ပါတယ်။

ဗန်ဟာ ၂၀၂၄ ခုနှစ်အတွင်း UFC ရဲ့အဆင့်သတ်မှတ်ချက်အတွင်းဝင်အောင် ထိုးသတ်ဖို့အားခဲထားပြီး ပြီးခဲ့တဲ့ UFC 306 မှာ အက်ဂါချိုင်းရက်ဇ်ကို အမှတ်နဲ့အနိုင်ယူထားသလို ဒီပွဲဟာ သူ့အတွက် ၂၀၂၄ ခုနှစ်အတွင်း ၄ ပွဲမြောက်ထိုးသတ်ရမယ့်ပွဲဖြစ်ကာ သူ့ဆန္ဒဖြစ်တဲ့ အဆင့်သတ်မှတ်ချက်ထဲက ဖိုက်တာတယောက်နဲ့ ထိုးသတ်ရမှာလည်း ဖြစ်ပါတယ်။

ပြိုင်ဘက် ကိုဒီဒါဒန်ကတော့ ဗန်ထက် ၁၀ နှစ်လောက်ကြီးပြီး UFC အဆင့်သတ်မှတ်ချက်စာရင်းဝင် ဝါရင့်ဖိုက်တာတဦး ဖြစ်တာနဲ့အညီ ထိုးသတ်ပုံကောင်းမွန်သလို ဘယ်ထောက်လက်သီးနဲ့ အားပါပြင်းထန်တဲ့ ညာလက်သီးချက်တို့ကို ပိုင်ဆိုင်ထားသူ ဖြစ်ပါတယ်။

အသဲမာတဲ့ကစားသမားတဦးဖြစ်ပြီး ပွဲစကတည်းက ပြိုင်ဘက်ကိုဆက်တိုက်ဖိအားပေး ဆိုင်ထိုးရတာကိုနှစ်သက်တဲ့ ကစားသမားဖြစ်ကာ ထိုးသတ်ပုံစုံလင်သလို ဗန်ရှုံးထားတဲ့ ဂျွန်ဆင်ကို အနိုင်ယူထားဖူးပါတယ်။

ပြိုင်ပွဲမစတင်ခင်ကတည်းက ဗန်နဲ့အပြန်အလှန်စိန်ခေါ်မှုတွေရှိခဲ့ပြီး ဗန်ကိုအလဲထိုးသွားမယ်လို့ ကြုံးဝါးထားပါတယ်။ ကိုဒီဒါဒန်ရဲ့အားနည်းချက်ကတော့ သက်လုံမချွေဘဲ ပြိုင်ဘက်ကို ဆက်တိုက်လိုက်ပြီးဖွင့်ထိုးတာကြောင့် ဒုတိယအချီပြီးခါနီးမှာ သက်လုံကျသွားတတ်ပါတယ်။ အတင်းဝင်အတင်းလုံးတဲ့ ကစားသမား ဖြစ်တာနဲ့အညီ ပြိုင်ဘက်ရဲ့ထောက်လက်သီးဒဏ်ကိုလည်းခံရတတ်တာကိုတွေ့ရပါတယ်။

ဗန်ကတော့ ပြိုင်ဘက်ကိုဆက်တိုက်ဖိအားပေးထိုးသတ်တတ်ပေမယ့် ဖွင့်ထိုးတာမျိုးထက် အခွင့်ကောင်းကိုစောင့်ပြီး ပြိုင်ဘက်အားနည်းချက်တွေကိုကြည့်ကာ အသာစီးရအောင်ကစားတတ်သူဖြစ်ပါတယ်။ သူ့ရဲ့လက်သီးချက်တွေကတော့ MMA ဝေဖန်သူတွေကြားမှာတောင် အသိအမှတ်ပြုပြောဆိုရတဲ့အထိ အဆင့်တခုရှိနေကာ ချုပ်ကွက်ကိုတုံ့ပြန်ရာမှာလည်း သေသပ်တာကိုတွေ့ရပါတယ်။

ဗန်ရဲ့အားနည်းချက်ကတော့ ဖွင့်ထိုးတဲ့ဖိုက်တာတွေနဲ့ဆိုရင် အနည်းငယ်ပြာသွားလေ့ရှိပြီး ဂျွန်ဆင်နဲ့ပွဲစဉ်တုန်းက ဂျွန်ဆင်ဖွင့်ထိုးချိန်မှာ အလဲထိုးခံခဲ့ရဖူးပါတယ်။

အပြန်အလှန်စိန်ခေါ်မှုတွေ၊ အလဲထိုးမယ်ဆိုတဲ့ကြုံးဝါးမှုတွေရှိနေတဲ့ ကိုဒီဒါဒန်နဲ့ ဗန်တို့ကတော့ UFC 310 ပြိုင်ပွဲမှာ ထိုးသတ်သွားတော့မှာဖြစ်တာကြောင့် ကိုဒီဒါဒန်ကပဲသူ့ရဲ့အဆင့်သတ်မှတ်ချက်ကိုထိန်းသိမ်းသွားမလား၊ ဗန်ကပဲ သူ့ရည်မှန်းချက်ကိုရောက်အောင်သွားနိုင်မလား ကြည့်ရပါတော့မယ်။

Photo - MMA Ju**ie

#မြေလတ်အသံ
#အားကစား #ကိုဒီဒါဒန် #ဗန်

ပျူစောထီးမင်းမင်းကို သတ်ဖြတ်ခဲ့တဲ့လုပ်ရပ်ဟာ နိုင်ငံတကာဥပဒေတွေနဲ့ငြိလို့ ကျူးလွန်တဲ့ ရဲဘော် ၄ ဦးကို ထောင် ၁ နှစ်စီချနေပြည...
06/12/2024

ပျူစောထီးမင်းမင်းကို သတ်ဖြတ်ခဲ့တဲ့လုပ်ရပ်ဟာ နိုင်ငံတကာဥပဒေတွေနဲ့ငြိလို့ ကျူးလွန်တဲ့ ရဲဘော် ၄ ဦးကို ထောင် ၁ နှစ်စီချ

နေပြည်တော်၊ ဒီဇင်ဘာ ၆၊ ၂၀၂၄။

စစ်တပ်လော်ဘီ ပျူစောထီးမင်းမင်းကို ရှင်းလင်းခဲ့တဲ့ ရဲဘော် ၄ ဦးရဲ့လုပ်ရပ်ဟာ International Humanitarian Law and International Human Rights Lawနဲ့ ငြိစွန်းတဲ့အတွက် ထောင်ဒဏ် ၁ နှစ်စီ ချမှတ်လိုက်တယ်လို့ ဗိဿနိုးပြည်သူ့ကာကွယ်ရေးတပ်မတော်က ထုတ်ပြန်ထားပါတယ်။

ပြီးခဲ့တဲ့ နိုဝင်ဘာ ၂၉ ရက်က နေပြည်တော် -တောင်ညိုလမ်းပိုင်းတနေရာက ကြက်ဝိုင်းမှာရှိနေတဲ့ စစ်တပ်လော်ဘီ မင်းမင်းနဲ့ အဖွဲ့ ဝင် ၂ ဦးကို သတ်ဖြတ်ခဲ့တဲ့ ‌ရဲဘော်၄ ဦးကို ဗိဿနိုးပြည်သူ့ကာကွယ်ရေးတပ်မတော် ခုံရုံးစစ်ဆေးရေးအဖွဲ့က စစ်ဆေးခဲ့ပါတယ် ။

စစ်ဆေးချက်အရ ရဲဘော် ၄ ဦးရဲ့လုပ်ရပ်တွေဟာ IHL- IHR (အပြည်ပြည်ဆိုင်ရာ လူသားချင်းစာနာထောက်ထားမှုဥပဒေနှင့် နိုင်ငံတကာလူ့အခွင့်အရေးဥပဒေ)တို့နဲ့ ငြိစွန်းတဲ့အတွက် ထောင်ဒဏ် ၁ နှစ်စီ ချမှတ်လိုက်တယ်လို့ ဗိဿနိုးပြည်သူ့ကာကွယ်ရေးတပ်မှ ဥက္ကဌ ကိုကျီးကန်းက ပြောပါတယ်။

"လူတယောက်ကိုသက်တာ သေသွားရင် ရပါပြီ။ သို့သော်လည်းပဲ ခန္ဓာကိုယ်အစိတ်ပိုင်းကိုဖြတ်တောက်ပြီး မီဒီယာမှာ သူတို့ကိုယ်ပိုင်အကောင့်တွေကနေ အဆင်ခြင်မဲ့ တင်တဲ့အတွက်ကြောင့်ပါ။ ဒါဟာကျွန်တော်တို့ကခွင့်ပြုမထားပါဘူးခင်ဗျာ။" လို့ ဥက္ကဌ ကိုကျီးကန်းက ဆက်ပြောပါတယ်။

စစ်တပ်လော်ဘီ မင်းမင်းကို ရဲဘော် ၄ ဦးက သေနတ်နဲ့ပစ်သတ်အပြီးမှာ ဦးခေါင်းကိုဖြတ်ပြီး ခြေထောက်နဲ့နင်းကာ လှောင်ပြောင်ပြောဆိုထားတာတွေကို ဗီဒီယိုမှတ်တမ်းရိုက်ကူးခဲ့ကြတာပါ။

"ဖမ်းတယ်ဆိုတာထက် သူတို့ကိုယ်တိုင်က အပြစ်ရှိကြောင်းဝန်ခံပါတယ်။ နောက်နောင်သူတို့လိုစိတ်လိုက်မာန်ပါ မလုပ်ဖို့ စံပြအဖြစ် ပထမဆုံးအရေးယူမှုကို ကြည်ဖြူစွာလက်ခံပါတယ်။ ရှေ့ဆက်ပြီး အာဏာရှင် စနစ်ရှိနေသမျှ ဆက်လက်ပြီးတိုက်ပွဲဝင်သွားမဲ့သူတွေပါ။" လို့ ပြောပါတယ်။

အခုလို စစ်တပ်လော်ဘီကိုမင်းမင်းကို သတ်ဖြတ်ရခြင်းဟာ ပြီးခဲ့တဲ့ နိုဝင်ဘာ ၂၄ ရက်က ကြိုးကြာနီတပ်ရင်း BD - 7 တပ်ရင်းမှူး အောင်ဟိန်းဖြိုး (ခ) ရဲဘော်ဇိုးကြီး တိုက်ပွဲကျ‌သွားတဲ့အတွက် ပူဆွေးမှုတွေကြောင့် လက်လွတ်စပယ်လုပ်ခဲ့တာဖြစ်တယ်လို့ ဥက္ကဌ ကိုကျီးကန်းက တဆင့်ပြန်လည်ပြောဆိုပါတယ်။

"အဲဒီမတိုင်ခင် ကြိုးကြာနီရဲ့ရင်မှူးဖြစ်တဲ့ သူတို့ရဲ့ခေါင်းဆောင်ဟာ ရိုးမတစ်နေရာမှာ ခေါင်းဆောင်ပီသစွာ ကျရှုံးခဲ့တဲ့အတွက် ဝမ်းနည်းပူဆွေးမှု၊ နာကြည်းမှုတွေကြောင့် ဒီလိုမျိုး လက်လွတ်စပယ်လုပ်ကိုင်ခဲ့တာလို့လည်း ပြောကြပါတယ်။" လို့ ဆိုပါတယ်။

ကိုမင်းမင်းဟာ လူမှုကွန်ယက်စာမျက်နှာတွေကတဆင့် တော်လှန်ရေးအဖွဲ့ဝင်တွေကို အပုပ်ချပြောဆိုတိုက်ခိုက်တာ၊ စစ်တပ်အတွက် ထောက်ခံပြောဆိုတာအပြင် လက်နက်ကိုင် ပျူစောထီး အဖွဲ့ဝင် ၁ ဦးဖြစ်ပြီး နေပြည်တော်အနီးတဝိုက်နဲ့ မကွေးတိုင်းအတွင်း တော်လှန်ရေးအဖွဲ့ဝင်တွေရဲ့ သတင်းကိုစုံစမ်းပြီး စစ်တပ်ထံ သတင်းပေးနေသူလည်း ဖြစ်ပါတယ်။

သတင်း - နန်းခမ်း၊ စာတည်း - ဈာန်မြင့်

#မြေလတ်အသံ
#ပျူစောထီး #မင်းမင်း #နိုင်ငံတကာဥပဒေ #သတ်ဖြတ်မှု #ထောင်ဒဏ်

ကလေးမြို့မှာ နေ့ခင်းပိုင်း တနေကုန် မီးဖြတ်ကလေး၊ ဒီဇင်ဘာ ၆၊ ၂၀၂၄။စစ်ကိုင်းတိုင်း၊ ကလေးမြို့ပေါ်မှာ လျှပ်စစ်မီးကို နေ့ခင်း...
06/12/2024

ကလေးမြို့မှာ နေ့ခင်းပိုင်း တနေကုန် မီးဖြတ်

ကလေး၊ ဒီဇင်ဘာ ၆၊ ၂၀၂၄။

စစ်ကိုင်းတိုင်း၊ ကလေးမြို့ပေါ်မှာ လျှပ်စစ်မီးကို နေ့ခင်းပိုင်း ၂ နာရီကြာပေးနေရာက အခုအခါမှာ တနေကုန် လျှပ်စစ်မီးဖြတ်တောက်လိုက်ပြီး ညပိုင်းမှသာ မီးပေးတာတယ်လို့ ကလေးမြို့ခံတွေထံက သိရပါတယ်။

ဒီဇင်ဘာ ၃ ရက်က ကလေးမြို့ လျှပ်စစ်ရုံးတာဝန်ရှိသူတဦးရဲ့ လူမှုကွန်ယက်ဖေ့ဘွတ်စာမျက်နှာမှာ အသိပေး ထုတ်ပြန်ချက်ထွက်ပေါ်လာပြီးတဲ့နောက်မှာ အခုလိုမီးဖြတ်တောက်လိုက်တာဖြစ်တယ်လို့ ဆိုပါတယ်။

၎င်းက သူ့ရဲ့ ဖေ့ဘွတ်လူမှုကွန်ယက်မှာ “ကလေးမြို့တမြို့လုံး ၂၄ နာရီအသုံးအတွက် လျှပ်စစ်မီးက ၄၀ မဂ္ဂါဝပ်ပဲ ရတော့တာဖြစ်ပြီး ကလေးမြို့ရဲ့ တမြို့လုံး ပုံမှန်အသုံးက ၁၂ မဂ္ဂါဝပ်ရှိတာ။ တခါတရံ အသုံးများရင် ၁၈ မဂ္ဂါဝပ် အထိရှိတယ်။ တရက်လုံးမှ မီးကတမြို့လုံးခွဲဝေပေးဖို့ဆိုရင် ၂ နာရီကျော်ကျော်ပဲရတော့လို့ နေ့ခင်းတွေ မီးမပေးနိုင်တော့ကြောင်း” လို့ ရေးသားခဲ့တာပါ။

ကလေးမြို့မှာ လျှပ်စစ်မီးကို ပုံမှန်တရက်ကို နေ့ခင်းပိုင်း ၂ နာရီစီပေးပြီး ညပိုင်းကို တညလုံး ရပ်ကွက်အလိုက် အလှည့်ကျပေးနေရာက အခုလို နေ့ခင်းပိုင်းက ဖြတ်တောက်လိုက်တာဖြစ်ပါတယ်။

"နေ့ခင်းတနေ့လုံး မီးမရတော့ဘူးဟေ့ဆိုရင်လည်း အကုန်လုံးက ခက်ခဲကြမှာပဲ။ ဒါပေမဲ့လည်းလေ ခက်ခဲရင်လည်း သိတယ်မလား။ အခုဒီလိုအခြေအနေကြီးမှာ ဘယ်သူက ဘယ်လောက်ပဲ ခက်ခဲ ခက်ခဲ တောင့်ခံရုံပဲရှိတော့‌တာပေါ့။" လို့ ကလေးမြို့ခံအမျိုးသမီးတဦးက မြေလတ်အသံကို ပြောပါတယ်။

နေ့ခင်းပိုင်းမှာ လျှပ်စစ်မီးမရရှိနိုင်တော့တဲ့အတွက် မြို့ခံတွေအနေနဲ့ ထမင်းဟင်းချက်ပြုတ်ဖို့ရာ ထင်း၊ မီးသွေးတွေ ဝယ်ချက်ရမှာဖြစ်တဲ့အတွက် ငွေကြေးကုန်ကျမှုတွေရှိလာနိုင်မှာကို စိုးရိမ်နေကြပါတယ်။

ကလေးမြို့နယ်မှာ လူဦးရေ ၃၄၀,၀၀၀ ကျော်ရှိပြီး မြို့ပေါ်လူဦးရေမှာ ၁၂၀,၀၀၀ ကျော်ရှိတယ်လို့ ၂၀၁၉ ခုနှစ် ကောက်ခံထားတဲ့ လူဦးရေစာရင်းအရ သိပါတယ်။

သတင်း - သက်ဝေ၊ စာတည်း - JCG

#မြေလတ်အသံ
#စစ်ကိုင်းတိုင်း #ကလေးမြို့ #လျှပ်စစ်မီး #မီးဖြတ်

ဖိုလ်ဝင်တောင်နဲ့ ရွှေဘတောင်က မျောက်တွေ အစာရေစာရှားပါးလို့ လူနေအိမ်တွေအထိဝင်ရောက်ဆားလင်းကြီး၊ ဒီဇင်ဘာ ၅၊ ၂၀၂၄။ စစ်ကိုင်းတ...
05/12/2024

ဖိုလ်ဝင်တောင်နဲ့ ရွှေဘတောင်က မျောက်တွေ အစာရေစာရှားပါးလို့ လူနေအိမ်တွေအထိဝင်ရောက်

ဆားလင်းကြီး၊ ဒီဇင်ဘာ ၅၊ ၂၀၂၄။

စစ်ကိုင်းတိုင်း၊ ယင်းမာပင်ခရိုင်အတွင်းက သမိုင်းဝင် ဖိုလ်ဝင်တောင်နဲ့ ရွှေဘတောင်က မျောက်တွေဟာ အစာရေစာရှားပါးပြီး လူနေအိမ်တွေအထိဝင်ရောက်ကာ အစာရှာနေကြတယ်လို့ ဒေသခံတွေက ပြောပါတယ်။

ဖိုလ်ဝင်တောင်၊ ရွှေဘတောင်မှာ နေထိုင်ကြတဲ့ မျောက်တွေဟာ ဘုရားဖူးခရီးသွားဧည့်သည်တွေ မလာကြ တော့တဲ့ ၂၀၁၉ ကိုဗစ်ကာလမှ အာဏာသိမ်းခဲ့တဲ့နောက်ပိုင်း ဒီနေ့အထိ အစာရေစာရှားပါးမှုနဲ့ ကြုံတွေ့နေရတယ်လို့ ဖိုလ်ဝင်တောင်မှာ ခေတ်အဆက်ဆက် မျောက်စာရောင်းချသူ အမျိုးသမီးတဦးက ပြောပါတယ်။

"ပုံမှန်ချိန်ဆို မသိသာပေမယ့် ကိုဗစ်ကာလနဲ့ အာဏာသိမ်းကာလအတွင်း အစားအသောက်ရှားပါးလာတော့ တောင်အောက် ရင်ပြင်မှာ လာစုဝေးတယ်။ မျောက်စာကျွေးသူတချို့ရှိပေမယ့် မလုံလောက်ဘူး" လို့ သူက မြေလတ်အသံကို ပြောပါတယ်။

အာဏာမသိမ်းခင်ကာလ ဘုရားဖူးခရီးသွားတွေပေါများချိန်မှာ တောင်ပေါ် ဘုရားအသီးသီးမှာ အစာရှာစားနေတဲ့ မျောက်တွေဟာ အခုလို ဘုရားဖူးဧည့်သည်တွေ ရှားပါးတဲ့ချိန်မှာတော့ အနီးအနားက ကျေးရွာတွေထဲ ဝင်ရောက် အစာရှာတာမျိုးတွေ လုပ်လာကြတယ်လို့ သိရပါတယ်။

“အိမ်တွေမှာ လုံခြုံအောင်သိမ်းနိုင်ပေမယ့် ဆိုင်တွေမှာတော့ ထိုင်စောင့်ပြီး ရောင်းနေရတဲ့အခြေအနေရှိတယ်။ လေးခွ၊ တုတ်နဲ့ စောင့်ရတယ်။ လစ်တာနဲ့ အစားအသောက်တွေ ဝင်လုတာတွေလုပ်တယ်။” လို့ ဖိုလ်ဝင်တောင်အနီးနေထိုင်သူတဦးက ပြောပါတယ်။

ရွှေဘတောင်နဲ့ ဖိုလ်ဝင်တောင်မှာ နေထိုင်ကျက်စားနေတဲ့ မျောက်ကောင်ရေဟာ ၃,၀၀၀ ကျော်ရှိတယ်လို့ သိရပါတယ်။

မျောက်စာကုသိုလ်ရှင်တွေဟာ ရွှေဘတောင်နဲ့ ဖိုလ်ဝင်တောင်မှာရှိတဲ့ မျောက်တွေကို လာရောက် အစာကျွေးတဲ့အခါ ကုလားပဲ၊ ပြောင်းဖူး ၁ တင်းကျော်လောက် ကျွေးရတယ်လို့ သိရပါတယ်။

အရင် ဘုရားဖူးခရီးသည်တွေ လာရောက်ကြတဲ့အချိန်တုန်းက မျောက်တွေဟာ အစားအသောက်ရွေးချယ်ကြပေမယ့် အခုကာလမှာတော့ ကျွေးတဲ့အစားအသောက်တိုင်းကို စားသောက်နေကြတယ်လို့ ဒေသခံတွေက ဆိုပါတယ်။

ဖိုလ်ဝင်တောင်နဲ့ ရွှေဘတောင်ကို နှစ်စဉ် သီတင်းကျွတ်လပြည့်ကနေ တခူးလအထိ ဘုရားဖူးတွေ လာရောက် လည်ပတ်လေ့ရှိခဲ့ပေမယ့် စစ်တပ်အာဏာသိမ်းပြီးနောက်ပိုင်းမှာတော့ လုံခြုံရေးစိုးရိမ်ပူပန်မှုတွေကြောင့် ခရီးသွားပြည်သူတွေ ဘုရားဖူးလာရောက်ခြင်းမရှိတော့တာ ဖြစ်ပါတယ်။

မျောက်တွေမှီခိုရာ ဖိုလ်ဝင်တောင်နဲ့ ရွှေဘတောင်ဟာ ဘေးချင်းကပ်လျက် နယ်မြေချင်းထိစပ်နေပြီး ရွှေဘတောင်ဟာ ဆားလင်းကြီးမြို့နယ်အတွင်းမှာရှိကာ ဖိုလ်ဝင်တောင်ကတော့ ယင်းမာပင်မြို့နယ် အတွင်းမှာရှိနေတာ ဖြစ်ပါတယ်။

သတင်း - သိုက်ထွန်း၊ စာတည်း - JCG

#မြေလတ်အသံ
#စစ်ကိုင်းတိုင်း #ယင်းမာပင် #သမိုင်းဝင် #ဖိုလ်ဝင်တောင် #ရွှေဘတောင် #မျောက်

စစ်ရေးပြင်းထန်လာမှာဖြစ်လို့ ထီးလင်းမြို့ပေါ်ကအရပ်သားများ အမြန်ဆုံးထွက်လာကြဖို့ ပအဖ နောက်ဆုံးအကြိမ်သတိပေးထီးလင်း၊ ဒီဇင်ဘာ...
05/12/2024

စစ်ရေးပြင်းထန်လာမှာဖြစ်လို့ ထီးလင်းမြို့ပေါ်ကအရပ်သားများ အမြန်ဆုံးထွက်လာကြဖို့ ပအဖ နောက်ဆုံးအကြိမ်သတိပေး

ထီးလင်း၊ ဒီဇင်ဘာ ၅၊ ၂၀၂၄။

စစ်ဆင်ရေးတွေ ပိုပြင်းထန်လာမှာဖြစ်လို့ ထီးလင်းမြို့ပေါ်က အရပ်သားပြည်သူတွေအပါအဝင် စစ်အုပ်စုဘက်က လက်နက်ကိုင်အဖွဲ့တွေ ထီးလင်းမြို့ကို အမြန်ဆုံးစွန့်ခွာလာကြဖို့ ထီးလင်းမြို့နယ် ပအဖ ၂ ဖွဲ့က ပူးပေါင်းသတိပေးထုတ်ပြန်ထားပါတယ်။

ဂန့်ဂေါခရိုင်၊ ထီးလင်းမြို့ပေါ် အရပ်သားတွေအပြင် အဓိကအားဖြင့် စစ်ကောင်စီလက်အောက်က စစ်သား၊ ရဲနဲ့ ပျူစောထီးအဖွဲ့ဝင်တွေကို စစ်ကောင်စီအခြေစိုက်ရာ ထီးလင်းမြို့ကိုစွန့်ခွာပြီး NUG ရဲ့ စိုးမိုးနယ်မြေတွေကို ထွက်လာကြဖို့ သတိပေးထားတာပါ။

" အဆုံးအစွန်ထိဆိုရင် မြို့သိမ်းတိုက်ပွဲတွေ ဆင်နွှဲလာတဲ့ အနေအထားအထိ ရှိနိုင်တယ်။ မြို့သိမ်းတိုက်ပွဲတွေကြုံတဲ့အခါမှာ ပြည်သူတွေက ဘေးကြပ်နံကြပ်တွေဖြစ်မှာစိုးလို့ ကြိုတင်ပြီးတော့မှ ကျနော်တို့ဆီလာရောက်ဖို့ကမ်းလှမ်းတာဖြစ်တယ်။"လို့ ထီးလင်းမြို့နယ်အနောက်ခြမ်း ပအဖတာဝန်ခံ ကိုသန့်က ပြောပါတယ်။

အရပ်သားပြည်သူတွေအပြင် စစ်ကောင်စီလက်အောက်မှာ မနေလိုတဲ့ စစ်ကောင်စီတပ်ဖွဲ့ဝင်တွေ ပျူစောထီးတွေ လက်နက်ကိုင်အဖွဲ့တွေလည်း ချိတ်ဆက်ပြီး အလင်းဝင်စေချင်တယ်လို့ ကိုသန့်က ဆက်ပြောပါတယ်။

"အရင်ကလည်း ထွက်လာသူတွေရှိတယ်။ ကျနော်တို့ကနေ အချိန်ကာလတခုအထိ ခေါ်ယူစောင့်ရှောက်ပေးထားတယ် ထောက်ပံ့ပေးထားတယ်။ နောက်ပိုင်းမှာ သူတို့သွားလိုတဲ့နေရာကို သွားလို့ရတယ်။"လို့ ကိုသန့်က ပြောပါတယ်။

၂၀၂၄ ဒီဇင်ဘာ ၃၁ ရက်အထိ ထွက်ခွာလာဖို့အချိန်ပေးထားပြီး သတ်မှတ်ကာလကျော်လွန်ပြီး စစ်ရေးအရမြို့ကို ဝင်ရောက်တဲ့အခါမှာ ထိခိုက်နိုင်တဲ့အတွက် ဂရုစိုက်နိုင်မယ့် အနေအထားမရှိတော့ဘူးလို့ ဆိုပါတယ်။

" လုံခြုံရေးအရ ထီးလင်းမြို့ပေါ်က ပြည်သူတွေ ထွက်ခဲ့ဖို့ခေါ်တာ အကြိမ်ကြိမ်ဖိတ်ခေါ်တဲ့ အနေအထားရှိတယ်။ ဒါဟာ ခုချိန်ကတော့ နောက်ဆုံးဖိတ်ခေါ်ခြင်းဖြစ်တယ်။" လို့ ထီးလင်းမြို့နယ်အနောက်ခြမ်း ပအဖတာဝန်ခံ ကိုသန့်က ပြောပါတယ်။

အခုထုတ်ပြန်ချက်ဟာ ပအဖကပဲ ထုတ်ပြန်တာမျိုး မဟုတ်ဘဲ တပ်ရင်းတပ်ဖွဲ့များနဲ့လည်း ပူးပေါင်းတိုင်ပင်ကာ ထုတ်ပြန်ခဲ့တာဖြစ်တယ်လို့ ဆိုပါတယ်။

ပြီးခဲ့တဲ့ နိုဝင်ဘာ ၂၈ ရက်က ထီးလင်းမြို့ရဲ့အရှေ့တောင်ဘက် ၁ မိုင်ခန့်သာကွာတဲ့ စခန်းကြီးဇရပ်အနားမှာ စစ်ကောင်စီစစ်ကြောင်းနဲ့ တော်လှန်ရေးပူးပေါင်းတပ်တို့ တိုက်ပွဲဖြစ်ခဲ့ကြပြီး စစ်ကောင်စီဘက်က ဗိုလ်ကြီး၁ ဦးအပါအဝင် အလောင်း ၈ လောင်း၊ သုံ့ပန်း ၁ ဦးနဲ့ လက်နက်ငယ် ၃ လက် သိမ်းဆည်းရရှိခဲ့တယ်လို့ သိရပါတယ်။

သတင်း - Razor၊ စာတည်း - JCG

#မြေလတ်အသံ
#ထီးလင်း #မြို့သိမ်းတိုက်ပွဲ #စွန့်ခွာ #သတိပေး #ပအဖ

နွားထိုးကြီးမှာ စစ်တပ်ကဗုံးထပ်ကြဲလို့ ကလေး ၂ ဦးအပါ ဒေသခံ ၄ ဦးသေဆုံး ■ ၄ ရက်အတွင်း သေဆုံးသူ ၈ ဦးအထိရှိလာ နွားထိုးကြီး၊ ဒီ...
05/12/2024

နွားထိုးကြီးမှာ စစ်တပ်ကဗုံးထပ်ကြဲလို့ ကလေး ၂ ဦးအပါ ဒေသခံ ၄ ဦးသေဆုံး

■ ၄ ရက်အတွင်း သေဆုံးသူ ၈ ဦးအထိရှိလာ

နွားထိုးကြီး၊ ဒီဇင်ဘာ ၅၊ ၂၀၂၄။

မန္တလေးတိုင်း၊ နွားထိုးကြီးမြို့နယ်အတွင်းက ကျေးရွာတွေကို ဒီဇင်ဘာ ၄ ရက်နဲ့ ဒီဇင်ဘာ ၅ ရက်အတွင်းမှာ စစ်ကောင်စီက လေကြောင်းကနေ ဗုံးထပ်ကြဲတိုက်ခိုက်ခဲ့တာကြောင့် ကလေး ၂ ဦးအပါအဝင် ၄ ဦးသေဆုံးခဲ့တယ်လို့ ဒေသခံတွေနဲ့ နွားထိုးကြီးမြို့နယ် ပြည်သူ့ကာကွယ်ရေးအဖွဲ့ တာဝန်ခံဆီက သိရပါတယ်။

အောင်သာရွာနဲ့ အောင်ပန်းကုန်းရွာအကြားကို ဒီဇင်ဘာ ၅ ရက်ဒီမနက် ၅ နာရီကျော်မှာ စစ်ကောင်စီရဲ့ Y 12 လေယာဥ် ၁ စီးက နာရီဝက်ခန့် ဗုံးကြဲချ တိုက်ခိုက်ခဲ့တာကြောင့် အသက် ၄၈ နှစ်အရွယ် ဦးကျော်သူမိုး၊ ဇနီးဖြစ်သူ ၄၆ နှစ်အရွယ် ဒေါ်ခင်အေးကျင်နဲ့ သားဖြစ်သူ အသက် ၁၃ နှစ်အရွယ် မောင်အောင်ပြည့်လျှံတို့ နေရာတင် သေဆုံးခဲ့တာပါ။

“အောင်ပန်းကုန်းရွာက တောထဲနေတဲ့သူပေါ့ဗျာ။ မိသားစု ၃ ယောက်ကတော့ အိပ်နေရင်းတန်းလန်း တခါတည်းသေသွားတယ်။ နွား ၅ ကောင်သေတယ်။ ဝက် ၁ ကောင်သေတယ်။ တခြားထိခိုက် ဒဏ်ရာရတဲ့သူတွေတော့ မရှိဘူး။“ လို့ နွားထိုးကြီးဒေသခံတဦးက ပြောပါတယ်။

အောင်ပန်းကုန်းရွာကို စစ်ကောင်စီက ဗုံးကြဲတိုက်ခိုက်ဖူးတဲ့အတွက် ဦးကျော်သူမိုးတို့အပါအဝင် ဒေသခံတချို့က ရွာထဲမဝင်ရဲဘဲ ရွာအပြင်မှာပဲနေထိုင်နေကြတာလို့ သိရပါတယ်။

သူတို့မိသားစုထဲက သမီးဖြစ်သူ မရွှေဇင်ဖြိုးကတော့ ထိခိုက်မှုမရှိခဲ့ဘဲ သေဆုံးသူတွေကိုတော့ အောင်ပန်းကုန်းရွာ သင်္ချိုင်းမှာစျာပနပြင်ဆင်ထားတယ်လို့ နွားထိုးကြီးမြို့နယ် ပြည်သူ့ ကာကွယ်ရေးတပ်ဖွဲ့ တာဝန်ခံက ပြောပါတယ်။

ဒီဇင်ဘာ ၄ ရက် နေ့လယ် ၁ နာရီလောက်မှာလည်း တံတားဦးလေတပ်ဘက်က တက်လာတဲ့ ဂျက်ဖိုက်တာ ၁ စီးက လုံးတောရွာနဲ့ သမန်းတောရွာကြားက ဘုန်းကြီးကျောင်းနဲ့ ကန်နှောင်းရွာအနီးကို ဗုံးကြဲတိုက်ခိုက်ခဲ့တယ်လို့ နွားထိုးကြီး ဒေသခံတဦးက ပြောပါတယ်။

ဒီတိုက်ခိုက်မှုကြောင့် လုံးတောရွာက ကလေး ၁ ဦးသေဆုံး၊ သံဃာ ၁ ပါးထိခိုက်ပြီး ဘုန်းကြီးကျောင်း အတွင်း ဆွမ်းစားဆောင်ပျက်စီးခဲ့တယ်လို့ ဆိုပါတယ်။

“အဲဒါက ဝန်ကြီးဉာဏ်ထွန်းအောင်၊ သူတို့ စစ်တပ်ဘက်က ဗိုလ်ပေါ့လေ၊ သူတည်ထားတဲ့ ဘုန်းကြီး ကျောင်းကို ကြဲသွားတယ်။ ဘုန်းကြီးကျောင်းထဲမှာက ဘိလပ်မြေအုတ်ရိုက်နေတဲ့ ကလေး ၁ ယောက် ကတော့ တခါတည်းတန်းပြီးတော့ သေသွားတယ်။ ဘုန်းကြီး ၁ ပါးကတော့ ခြေထောက်ထိသွားတယ်၊ ဆွမ်းစာဆောင်ကတော့ တဆောင်လုံးရစရာ ဘာမှမရှိအောင်ပြိုကျသွားတာ။” လို့ သေဆုံးသူကို သယ်ယူခဲ့တဲ့ နွားထိုးကြီးဒေသခံတဦးက ပြောပါတယ်။

လက်ရှိမှာတော့ လုံးတောရွာက ဒေသခံတချို့တာရှောင်တိမ်းကြပြီး အများစုကတော့ ကျေးရွာထဲမှာသာ ဆက်လက်နေထိုင်ဆဲဖြစ်တယ်လို့ ဆိုပါတယ်။

လုံးတောရွာဘုန်းကြီးကျောင်းကို ပစ်ခတ်ပြီးတဆက်တည်းမှာပဲ မိုင်ဝက်လောက်ဝေးတဲ့ ကန်နှောင်းရွာ အနီးကို ထပ်မံဗုံးကြဲတိုက်ခိုက်ခဲ့ပေမယ့် ထိခိုက်မှုမရှိခဲ့ပါဘူး။

ဒါပေမယ့် အဲ့ဒီအချိန်အတွင်းမှာ စစ်ကောင်စီရဲ့ ခမရ ၁၅ တပ်က ဟောင်ဝစ်ဇာလက်နက်ကြီးတွေနဲ့ ပစ်ခတ်လို့ ကန်နှောင်းရွာ အနီးဇရပ်တခုမှာ နားနေတဲ့ ဒေသခံ ၈ ဦးကတော့ဒဏ်ရာရခဲ့ပြီး ထိခိုက်ဒဏ်ရာရတဲ့သူတွေကိုတော့ နီးစပ်ရာဆေးရုံတွေကို ပို့ဆောင်ပေးခဲ့တယ်လို့ အထက်ပါဒေသခံက ပြောပါတယ်။

သေဆုံးဒဏ်ရာရသူတွေနဲ့ ပတ်သက်တဲ့အချက်အလက်တွေကိုတော့ သီးခြားအတည်မပြုနိုင်သေးပါဘူး။

ဒီဇင်ဘာ ၂ ရက်ကနေ ၅ ရက်အထိ နွားထိုးကြီးမြို့နယ်အတွင်းကကျေးရွာတွေမှာ စစ်ကောင်စီရဲ့ လေကြောင်းတိုက်ခိုက်မှုကြောင့် သေဆုံးသူ ၈ ဦးအထိရှိခဲ့တယ်လို့ မြေလတ်အသံကတင်ပြခဲ့တဲ့ သတင်းအချက်အလက်တွေအရ သိရပါတယ်။

ဒါ့အပြင် လေကြောင်းတိုက်ခိုက်ခံရတဲ့ ကျေးရွာတွေအပါအဝင် အနည်းဆုံးကျေးရွာ ၅ ရွာက ဒေသခံ ၁ ထောင်ကျော်လည်း နေရပ်စွန့်ခွာထွက်ပြေးနေကြရတယ်လို့ နွားထိုးကြီးပြည်သူ့ကာကွယ်ရေးတပ်ဖွဲ့တာဝန်ခံက ပြောပါတယ်။

ဒီဇင်ဘာ ၂ ရက် ညနေ ၄ နာရီလောက်မှာ တံတားဦးလေတပ်ဘက်က တက်လာတဲ့ ဂျက်ဖိုက်တာ ၁ စီးဟာ နဘဲမြစ်ကျေးရွာလမ်းမကြီးဘေးမှာရှိတဲ့ ကိုရီးယားစာသင်တဲ့ကျောင်းကို ပေါင် ၂၅၀ ဗုံးသီး ၂ လုံးနဲ့ ကြဲချတိုက်ခိုက်ခဲ့တာကြောင့် ကျောင်းသား ၂ ဦးသေဆုံးပြီး ၆ နှစ်ကနေ ၈ နှစ်အရွယ်ကလေး ၃ ဦးအပါ ၆ ဦးဒဏ်ရာရကာ စာသင်ဆောင်တွေလည်း ပျက်စီးခဲ့ပါတယ်။

ဒါ့အပြင် ဒီဇင်ဘာ ၃ ရက် ည ၁၀ နာရီကျော်ကလည်း မိတ္ထီလာ ရှမ်းတဲလေတပ်ဘက်က တက်လာတဲ့ Y 12 ၁ စီးဟာ နွားထိုးကြီးမြို့နယ်အနောက်ဘက်ရှိ ကွမ်းအုံရွာထဲကိုပစ်ခတ်စဉ် တိမ်းရှောင်နေတဲ့ ဒေါ်ခင်ပို ၆၆ နှစ်၊ မြေးဖြစ်သူ မန်းရှိုင်းခေတ် ၁၁ နှစ် တို့ထိမှန်သေဆုံးပြီး အသက် ၅၀ အရွယ် အမျိုးသား ၄ ဦး နဲ့ ၆ နှစ်အရွယ် ကလေး ၁ ဦးတို့ ထိမှန်ဒဏ်ရာရရှိခဲ့တယ်လို့ နွားထိုးကြီး ဒေသခံတဦးက ပြောပါတယ်။

စစ်အာဏာသိမ်းချိန်ကနေ ၂၀၂၄ ဒီဇင်ဘာ ၄ ရက်အတွင်း စစ်ကောင်စီနဲ့ ၎င်းရဲ့လက်အောက်ခံ အဖွဲ့အစည်းတွေကြောင့် သေဆုံးခဲ့တဲ့ပြည်သူစုစုပေါင်း ၆၀၁၇ ဦးရှိပြီလို့ နိုင်ငံရေးအကျဥ်းသားများ ကူညီစောင့်ရှောက်ရေးအသင်း - AAPP က ထုတ်ပြန်ထားပါတယ်။

သတင်း - အောင်ကောင်းလင်း၊ နန်းခမ်း၊ စာတည်း - လင်း

#မြေလတ်အသံ
#မန္တလေး #နွားထိုးကြီး #လေကြောင်းတိုက်ခိုက် #သေဆုံး

ที่อยู่

Bangkok

เว็บไซต์

แจ้งเตือน

รับทราบข่าวสารและโปรโมชั่นของ Myaelatt Athan Broadcastingผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

วิดีโอทั้งหมด

ဖိနပ်အဟောင်းတွေကို ပြန်ချုပ်ပြီး အသုံးပြုနေရတဲ့ မန္တလေးခရိုင်တပ်ရင်း ၅
ဖိနပ်အဟောင်းတွေကို ပြန်ချုပ်ပြီး အသုံးပြုနေရတဲ့ မန္တလေးခရိုင်တပ်ရင်း ၅

ဖိနပ်အဟောင်းတွေကို ပြန်ချုပ်ပြီး အသုံးပြုနေရတဲ့ မန္တလေးခရိုင်တပ်ရင်း ၅ (ရုပ်/သံ) မန္တလေး၊ ဒီဇင်ဘာ ၉၊ ၂၀၂၄။ မန္တလေးတိုင်း၊ မန္တလေးခရိုင်တပ်ရင်း ၅ မှာရှိတဲ့ ရဲဘော်တွေက စစ်သုံးဖိနပ်တွေ လိုအပ်နေပြီး အသစ်ဝယ်ယူဖို့ ငွေကြေးခက်ခဲနေတဲ့အတွက် ဖိနပ်အဟောင်းတွေကိုသာ ပြန်ချုပ်ပြီး ဝတ်နေရတယ်လို့ အဲ့ဒီတပ်ရင်းဆီက သိရပါတယ်။ အဲ့ဒီတပ်ရင်းမှာ ရှေ့တန်းထွက်နေတဲ့ ရဲဘော်တွေအတွက် စစ်ဖိနပ်အရံ ၁၀၀ ကျော်လိုအပ်နေသလို နောက်တန်းမှာလေ့ကျင့်နေကြတဲ့ သင်တန်းသား ရဲဘော်ရဲမေတွေအတွက်လည်း ဖိနပ်အရံ ၅၀ ကျော် လိုအပ်နေတာပါ။ မန္တလေးခရိုင်တပ်ရင်း ၅ မှာ အခြေခံစစ်ပညာသင်တန်းအပတ်စဥ် ၅ ကို သင်ကြားပေးနေပြီးသင်တန်းသား ရဲဘော်ရဲမေတွေ လေ့ကျင့်ရာမှာ စစ်ဖိနပ်မပါဘဲ လေ့ကျင့်နေကြရတယ်လို့ ရဲမေ မိဇူး ကပြောပါတယ်။ သင်တန်းသားရဲဘော်တွေအတွက် ပေါက်ပြဲနေတဲ့ စစ်ဖိန

စစ်ကြောင်းနဲ့ထိပ်တိုက်တိုးပြီ ဖမ်းဆီးပစ်သတ်ခံရတဲ့ PDF ရဲဘော် နာရေး
စစ်ကြောင်းနဲ့ထိပ်တိုက်တိုးပြီ ဖမ်းဆီးပစ်သတ်ခံရတဲ့ PDF ရဲဘော် နာရေး

စစ်ကြောင်းနဲ့ထိပ်တိုက်တိုးပြီး ဖမ်းဆီးပစ်သတ်ခံရတဲ့ PDF ရဲဘော် နာရေး (ရုပ်/သံ) ကြို့ပင်ကောက်၊ ဒီဇင်ဘာ ၉၊ ၂၀၂၄။ စစ်ကောင်စီစစ်ကြောင်းနဲ့တိုးပြီး ဖမ်းဆီးသတ်ဖြတ်ခံလိုက်ရတဲ့ ကင်းထောက် PDF ရဲဘော်ရဲ့နာရေးကို ဒီဇင်ဘာ ၇ရက် နေ့လယ်ပိုင်းက ပဲခူးရိုးမအစပ်တနေရာမှာ မြေမြုပ်သင်္ဂြိုဟ်ခဲ့ကြပါတယ်။ Hero ပြောက်ကျားတပ်ဖွဲ့ရဲ့ ကင်းထောက်တာဝန်ယူထားသူ အသက် ၅၂ နှစ်အရွယ် ရဲဘော်မွန်ကြီး (ခ) ဦးဇေယျာဝင်းဟာ ဒီဇင်ဘာ ၄ရက် ညနေပိုင်းမှာ အုတ်ဖိုမြို့နယ်၊ ဗျူဟာလမ်း၊ မအူချောင်းရွာအနီးမှာ အင်အား ၁၀၀ ဝန်းကျင်ပါ စစ်ကောင်စီစစ်ကြောင်းနဲ့ ထိပ်တိုက်တိုးကာ ဖမ်းဆီးရိုက်နှက် ပစ်သတ်ခံရတယ်လို့ သာယာဝတီခရိုင် တပ်ရင်း ၃၈၀၁၊ တပ်ခွဲ ၅ Hero၊ ပြောက်ကျားတပ်ဖွဲ့ တပ်ခွဲမှူး ဗိုလ်မိုးကြိုးက ပြောပါတယ်။ ကျဆုံးရဲဘော် ဦးဇေယျာဝင်းဟာ Hero ပြောက်ကျားတပ်ဖွဲ့ကို ၂၀၂၂ ဖေဖေါ်ဝါရီ ၃

စီပါရွာအပါအဝင် စစ်ရှောင်ပြည်သူ ၅၀၀ နီးပါးကို အအေးဒဏ်ခံနိုင်ဖို့ စောင်နဲ့အနွေးထည်လှူဒါန်း
စီပါရွာအပါအဝင် စစ်ရှောင်ပြည်သူ ၅၀၀ နီးပါးကို အအေးဒဏ်ခံနိုင်ဖို့ စောင်နဲ့အနွေးထည်လှူဒါန်း

စီပါရွာအပါအဝင် စစ်ရှောင်ပြည်သူ ၅၀၀ နီးပါးကို အအေးဒဏ်ခံနိုင်ဖို့ စောင်နဲ့အနွေးထည်လှူဒါန်း (ရုပ်/သံ) ဘုတလင်၊ ဒီဇင်ဘာ ၉၊ ၂၀၂၄။ ဘုတလင်မြို့နယ်၊ မီးဘေးသင့်စစ်ရှာင်ရွာ ၉ ရွာက ပြည်သူ ၅၀၀ ခန့်ကို သံဃမေတ္တာ - ပြည်သူ့စောင့်ရှောက်ရေးအဖွဲ့က ဒီဇင်ဘာ ၆ ရက်က စောင်တွေသွားရောက်လှူဒါန်းခဲ့တယ်လို့ အဲဒီအဖွဲ့ဆီကသိရပါတယ်။ ဘုတလင်မြို့နယ်၊ စီပါရွာအပါအဝင် ကျေးရွာပေါင်း ၉ ရွာကို အခုနှစ်နိုဝင်ဘာ ၁၇ မှာ စစ်ကောင်စီက စစ်ကြောင်းထိုး မီးရှို့ဖျက်ဆီးခဲ့တာကြောင့် စစ်ရှောင်နေရတဲ့ စစ်ဘေးရှောင် ၄၉၂ ဦးကို စောင်နဲ့အနွေးထည်တွေ လှူဒါန်းခဲ့တာလို့ သံဃမေတ္တာ မြေပြင်တာဝန်ခံက ပြောပါတယ်။ ဒါ့အပြင် စစ်ရှောင်ကလေးငယ်တွေ ပညာသင်နိုင်ဖို့အတွက် စာသင်ကျောင်းဖွင့်လှစ်ဖို့ကိုလည်း ကူညီဆောင်ရွက်ပေးသွားမယ်လို့လည်းဆိုပါတယ်။ သံဃမေတ္တာ - ပြည်သူ့စောင့်ရှောက်

မိစ္ဆာခွေးမောင်း ကျည်တစ်သောင်း ကံစမ်းမဲဖွင့်ပွဲ
မိစ္ဆာခွေးမောင်း ကျည်တစ်သောင်း ကံစမ်းမဲဖွင့်ပွဲ

မိစ္ဆာခွေးမောင်း ကျည်တစ်သောင်း ကံစမ်းမဲဖွင့်ပွဲ ဂန့်ဂေါခရိုင်အမှတ်(၆)တပ်ရင်း နှင့် Global Yaw Funding အဖွဲ့မှ ကျင်းပပြုလုပ်သော မိစ္ဆာခွေးမောင်း ကျည်တစ်သောင်း ကံစမ်းမဲဖွင့်ပွဲ အခမ်းအနားဖြစ်ပါတယ်။ အားလုံးဘဲ ထောက်ပို့ရင်း ကံထူးကြပါစေ 🍀

SKY HUNTER PROJECT အောင်မြင်ရေး စကားဝိုင်း
SKY HUNTER PROJECT အောင်မြင်ရေး စကားဝိုင်း

SKY HUNTER PROJECT အောင်မြင်ရေး စကားဝိုင်း ဂန့်ဂေါခရိုင်ဒ.ရုန်းတပ်ဖွဲ့တွင် ပျက်စီးဆုံးရှုံးခဲ့သော တိုက်ပွဲဝင်ဒ.ရုန်းများ ပြန်လည်ပြုပြင်တည်ဆောက်ရန်နှင့် ဒရုန်းအင်အားဖြည့်တင်းရန်အတွက် ပါဝင်ထောက်ကူပေးကြပါခင်ဗျာ နိုင်ငံတကာမှ ပါဝင်ထောက်ပို့ရန် ➡️ https://www.facebook.com/share/p/gPXy2NEGzib3bJUD/ #SkyHunterProject #ကျပ်သိန်း_2000 #ဂန့်ဂေါခရိုင်ဒရုန်းတပ်ဖွဲ့ #ယောဒေသ

မိစ္ဆာခွေးမောင်းကျည် တစ်သောင်း ကမ်ပိန်း
မိစ္ဆာခွေးမောင်းကျည် တစ်သောင်း ကမ်ပိန်း

မိစ္ဆာခွေးမောင်းကျည် တစ်သောင်း ကမ်ပိန်းအောင်မြင်ရေး စကားဝိုင်းအနုပညာဖြင့်ဖျော်ဖြေတင်ဆက်မှုများကိုခံစားရင်း ကမ်ပိန်းလေးမှာပါဝင်ပေးကြပါအုံး… ကမ်ပိန်းတွင်ပါဝင်ရန်👇Global Yaw Fundinghttps://www.facebook.com/yaungnicomingYaw Family Malaysia 🇲🇾https://www.facebook.com/profile.php?id=100076351719521Yaw Funding Japan 🇯🇵https://www.facebook.com/profile.php?id=100075556701170Yaw Funding Korea 🇰🇷https://www.facebook.com/yawfundingkoreaYaw Funding Thailand 🇹🇭https://www.facebook.com/profile.php?id=100086789904586Yaw Gone Yi- ယောဂုဏ်ရည်(စင်္ကာပူ) 🇸🇬https://www.facebook.com/yawgoney

“အကြမ်းဖက်စစ်အုပ်စုရဲ့ အတုအယောင်ရွေးကောက်ပွဲ ဘာလဲ၊ ဘယ်လဲ”
“အကြမ်းဖက်စစ်အုပ်စုရဲ့ အတုအယောင်ရွေးကောက်ပွဲ ဘာလဲ၊ ဘယ်လဲ”

“အကြမ်းဖက်စစ်အုပ်စုရဲ့ အတုအယောင်ရွေးကောက်ပွဲ ဘာလဲ၊ ဘယ်လဲ” အာဏာရှင်စစ်အုပ်စု အဆက်ဆက်က နိုင်ငံရေးထွက်ပေါက်ရဖို့အတွက် သူ့ဖဲသူချိုး၊ သူ့လူသူထိုးထည့်ပြီး လုပ်တဲ့ အတုအယောင်ရွေးကောက်ပွဲများဟာ တိုင်းပြည်ရဲ့ အစဉ်အလာတခုနှယ် ဖြစ်နေခဲ့တာပါ။ အခုတခါမှာလည်း အာဏာရှင်လက်သစ် အကြမ်းဖက်စစ်အုပ်စုခေါင်းဆောင်များဟာ ခေတ်သစ် အတုအယောင်ရွေးကောက်ပွဲတခုကို တဆင့်ချင်း ပုံဖော်နေကြပါတယ်။ အိမ်နီးချင်းနိုင်ငံများနဲ့ အာဆီယံအဖွဲ့ကြီးဟာလည်း ဒီအတုအယောင်ရွေးကောက်ပွဲနဲ့ပတ်သက်ပြီး ချဉ်းကပ်ပုံအမျိုးမျိုးရှိနေကြတာကို တွေ့ရပါတယ်။ ဒီလိုအခြေအနေတွေကြားမှာ အကြမ်းဖက်စစ်အုပ်စုရဲ့ အတုအယောင်ရွေးကောက်ပွဲက ဘာလဲ၊ ဘယ်ကိုဦးတည်နေလဲ၊ ဘယ်လိုပုံစံနဲ့ဖြစ်လာမလဲဆိုတာတွေအပြင် ဗမာမဟုတ်တဲ့ တိုင်းရင်းသား တော်လှန်ရေးအင်အားစုများရဲ့ အမြင်တွေကိုပါ ဒီစ

ဆားလင်းကြီးက ဘုန်းကြီးကျောင်း ၂ ခုမှာတပ်စွဲနေတဲ့ စစ်အုပ်စုတွေ တပြိုင်တည်းတိုက်ခိုက်ခံရ
ဆားလင်းကြီးက ဘုန်းကြီးကျောင်း ၂ ခုမှာတပ်စွဲနေတဲ့ စစ်အုပ်စုတွေ တပြိုင်တည်းတိုက်ခိုက်ခံရ

ဆားလင်းကြီးက ဘုန်းကြီးကျောင်း ၂ ခုမှာတပ်စွဲနေတဲ့ စစ်အုပ်စုတွေ တပြိုင်တည်းတိုက်ခိုက်ခံရလို့ ၉ ဦးသေဆုံး (ရုပ်/သံ) ဆားလင်းကြီး၊ နိုဝင်ဘာ ၂၃၊ ၂၀၂၄။ စစ်ကိုင်းတိုင်းဒေသကြီး၊ ဆားလင်းကြီးမြို့၊ ညောင်ဂျစ်ပင်ရပ်ကွက်နဲ့ မြို့မစျေးအနီး ဘုန်းကြီးကျောင်းတွေမှာ တပ်စွဲထားတဲ့ စစ်ကောင်စီနေရာ ၂ ခု တိုက်ခိုက်ခံရပြီး ၉ ဦးသေဆုံးတယ်လို့ ဒေါင်းတမန် GZ ပြောက်ကျားတပ်ဖွဲ့ထံက သိရပါတယ်။ နိုဝင်ဘာ ၂၁ ရက် နေ့လယ် ၂ နာရီမှာ ညောင်ဂျစ်ပင်ရပ်ကွက်က ကံဆယ်ဘုန်းကြီးကျောင်းနဲ့ မြို့မစျေးနားက ကံဦးဘုန်းကြီးကျောင်းတို့မှာ တပ်စွဲထားတဲ့ စစ်အုပ်စုကို တပြိုင်တည်းတိုက်ခိုက်ခဲ့ကြတာလို့ ဒေါင်းတမန် GZ ပြောက်ကျားတပ်ဖွဲ့ တာဝန်ခံ ကိုရွှေမန်းက ပြောပါတယ်။ ကံဆယ်ဘုန်းကြီးကျောင်းက ဆားလင်းကြီးရဲစခန်းနဲ့ ကိုက် ၁၅၀ လောက်အကွာမှာရှိပြီး အင်အား ၂၀ ကျော်ရှိကာ ကံဦးဘ

"Meeting"
"Meeting"

ခေါင်းစဉ်- “ဖက်ဒရယ်၊ လူနည်းစုသာတူညီမျှမှုနှင့် တော်လှန်ရေးအလားအလာ” Panelists - 📍Naw Htike (Architect, Travel blogger, Activist) 📍Tin Maung Htwe (Research Fellow, Chiang Mai University, Thailand / Myanmar) 📍Ko Tun Kyi (နိုင်/ကျဉ်း) Moderator – Zaw Hein (Coordinator – AFU) အချိန်- ညနေ (၇) နာရီ (Myanmar Time) နေ့ရက် - ၂၂.၁၁.၂၀၂၄ (သောကြာနေ့) နေရာ - Live Streaming #RevolutionInMyanmar #EndDictatorship #SelfAutonomy #StandWithMyanmar AFU #StandWithMyanamr

SKY HUNTER PROJECT မှာ ပါဝင်ကူညီပေးကြပါလို့ မေတ္တာ ရပ်ခံပါရစေ
SKY HUNTER PROJECT မှာ ပါဝင်ကူညီပေးကြပါလို့ မေတ္တာ ရပ်ခံပါရစေ

ဂန့်ဂေါခရိုင်ဒ-ရုန်းတပ်ဖွဲ့ရဲ့ ဒ-ရုန်းစ-စ်ဆင်ရေးတွေမှာ ဒ-ရုန်းအင်အားအလုံအလောက်နှင့် တိုက်-ပွဲဝင်နိုင်ဖို့ SKY HUNTER PROJECT မှာ ပါဝင်ကူညီပေးကြပါလို့ မေတ္တာ ရပ်ခံပါရစေခင်ဗျ။ ကမ်ပိန်းတွင် ပါဝင်ကူညီရန် ➡️ https://www.facebook.com/share/p/gPXy2NEGzib3bJUD/ ကမ်ပိန်းပေ့ချ် link👇 https://www.facebook.com/yawregiondroneforce?mibextid=LQQJ4d #SkyHunterProject #ကျပ်သိန်း_2000 #ဂန့်ဂေါခရိုင်ဒရုန်းတပ်ဖွဲ့ #ယောဒေသ

SKY HUNTER PROJECT မှာ ပါဝင်ထောက်ပို့ပေးကြပါဦး
SKY HUNTER PROJECT မှာ ပါဝင်ထောက်ပို့ပေးကြပါဦး

ရဲဘော်တွေရဲ့ ရင်တွင်းစကားတွေ နားထောင်ရင်း SKY HUNTER PROJECT မှာ ပါဝင်ထောက်ပို့ပေးကြပါဦးခင်ဗျာ။ နိုင်ငံတကာမှ ပါဝင်ထောက်ပို့ရန် ➡️ https://www.facebook.com/share/p/gPXy2NEGzib3bJUD/

ทางลัด

แชร์

ประเภท

ตำแหน่งใกล้เคียง บริษัท สื่อ

เว็บไซต์ข่าวและสื่อ อื่นๆใน Bangkok

แสดงผลทั้งหมด