เว็บไซต์คืออะไร?

https://www.facebook.com/109257794315297/

ကျွန်တော် ဖတ်ဖို့

หน้าหลัก
ประเทศไทย
Bangkok
ကျွန်တော် ဖတ်ဖို့

ဘဝအတွက်စာဖတ်ပါ

12/12/2024

မိန်းမတစ်ယောက်က စိတ်ကုန်သွားပြီဆိုရင်
အဲ့ယောကျာ်းက ဘာကြီးဘဲ ဖြစ်နေဖြစ်နေ လှည့်မကြည့်တတ်တော့ဘူး။

ရန်ဖြစ်လိုက် ပြန်တည့်လိုက် ပြန်တည့်လိုက် ရန်ဖြစ်လိုက်ဒီလိုဘဲ သွားနေပေမယ့်...

ညီလေး မသိလိုက်တာက
မိန်းမတွေက မှတ်ထားတတ်တယ် ဆိုတာဘဲ
မိန်းမတွေက ဘယ်နေ့ဘယ်အချိန်က ဖြစ်တဲ့
အကြောင်းရာဘဲဖြစ်ဖြစ်
အကုန်လုံးကို မှတ်ထားတတ်တယ်....။

အဲ့အချက်တွေကို စုပြီး ညီလေးကို တဖြည်းဖြည်း
စိတ်နာလာလိမ့်မယ်
သို့သော် သူမပြောသေးဘူး ....

ချစ်လွန်းလို့ အချိုးပြောင်းမလား
သည်းခံ စောင့်ကြည့်နေလိမ့်မယ်....
အချိုးတွေ မပြောင်းတဲ့အခါ
သူ စိတ်ကုန်လာလိမ့်မယ် ညီလေး....

စိတ်ကုန်သွားတဲ့ မိန်းမတစ်ယောက်ကို
ပြန်လာဖို့ ဘာနည်းလမ်းမှ မသုံးပါနဲ့...
သူပြန်လာမှာ မဟုတ်ပါဘူး။

သူ စိတ်ကုန်သွားမယ် ပြန်လှည့်မကြည့်လောက်တော့ဘူးလို့ ဘယ်လို သိနိင်မလဲ ဆိုရင်....
ညီလေး နဲ့ သူ ရန်ဖြစ်တဲ့အခါ
သူပြောတဲ့ စကားလေးတွေကို သတိထားကြည့်ပါ။

-ငါအရင်က သူမဟုတ္ဘူး နင်ပြောသမျှကို ခံစားပြီးငိုနေမဲ့သူမဟုတ်ဘူး။ အဲ့လိုမျိုးလေးပေါ့....

နောက်တစ်ခု သူသေချာ ညီလေးကို မေးပါလိမ့်မယ်
နင့်ဘက် ကပြတ်ပြီ ဆိုတာ သေချာလား...

အဲ့ဒီ သေချာလား ကို သူ ခနခန မေးလိမ့်မယ်...
အဲ့အချိန်မှာ ညီလေးက ဥပေက္ခာ ပြုပြီး Reply မပြန်တော့ဘဲ ထားလိုက်ရင် ညီလေး မင်းကောင်မလေး မင်းနဲ့ သေချာပေါက်ပြတ်ဆဲသွားကျပြီ။

နောင်တ က နောင်မှ ရတာ ညီလေးရေ
ကိုယ့်အပေါ်ကောင်းတဲ့သူကို မဆုံးရှုံး ပါစေနဲ့....
တကယ်မချစ်တဲ့ သူတစ်ယောက်က သူ့ထမင်းသူစားပြီး ညီလေး စကားလုံးတွေအောက်မှာ မျက်ရည်ပေါက်ကြီးငယ် ကျနေမှာမဟုတ်ဘူး။

တန်ဖိုး ထားပါ ညီလေးရေ

မူရင်းရေးသားသူအားလေးစားစွာဖြင့်Creditပေးပါသည်
မေတ္တာဖြင့်ပြန်လည်မျှဝေသည်

👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

11/12/2024

ကောင်းမွန်တဲ့ လူတွေကို ဘယ်တော့မှ နှစ်ခါ ပြန်မရနိုင်ဘူးတဲ့။

အသစ်အသစ်သော သူတွေနဲ့ ဆုံရင် ဆုံနိုင်တယ်။
ကိုယ့်အပေါ် ကောင်းမွန်တဲ့ လူတွေကိုတော့ အစားထိုး ပြန်မရတော့ဘူး။

ဒီစကားကို အသက်ကြီးမှ နားလည်လာတယ်။ ငယ်ရွယ်တုန်း အချိန်တွေမှာတော့ ခွဲခွါမှုတွေအပေါ်ပေါ့ပေါ့တန်တန်ပဲ သဘောထားခဲ့မိတယ်။ လူတစ်ယောက်ကို ဆုံးရှုံးလိုက်ရခြင်းအပေါ်လည်း သိပ်ပြီး ခံစားပူဆွေးမနေတတ်ဘဲ တစ်ယောက်ထွက်သွားရင် တစ်ယောက် ဝင်လာမှာပေါ့လို့ တွေးခဲ့တာ။

တကယ်တော့ မဟုတ်ဘူး။
ကိုယ်ဆုံးရှုံးလိုက်ရတဲ့သူဟာ ကိုယ့်အတွက် သိပ်ကို ကောင်းတဲ့ လူတစ်ယောက် ဖြစ်နေတတ်တယ်။ သူ့ကို ဆုံးရှုံးပြီးနောက်ပိုင်းမှာ လူတွေအများကြီးနဲ့ ထပ်တွေ့နိုင်တယ်။ ကိုယ့်အပေါ်လည်း ကောင်းချင်ကောင်းနိုင်တယ်။ ဒါပေမဲ့လို့ မတူတော့ဘူး။

လူလည်းမတူတော့သလို၊ ခံစားချက်တွေလည်း မတူတော့ဘူး။
ကိုယ်ဘာပဲ လုပ်လုပ် အမြဲ ပြုံးပြီး ကြည့်နေတတ်သူ၊ ကိုယ်လိုအပ်ချိန်တိုင်းမှာ အမြဲ အနားမှာ ရှိနေပေးတဲ့သူ၊ ကိုယ့်ရဲ့ စိတ်အတက်အကျတိုင်းမှာ မညည်းမညူ ရှိနေပေးတတ်သူ၊ ပြိုလဲချိန်တိုင်းမှာ ဆွဲထူပေးတဲ့သူ... ဒီလိုမျိုး လူတွေဟာ နှစ်ခါပြန်ပြီး မရနိုင်တော့ဘူး။

အစားထိုးလို့လည်း မရဘူး။
ဘာကြောင့်လည်းဆိုတော့ သူတို့ရဲ့ ဖြစ်တည်မှုလေးကိုက သူများနဲ့ မတူလို့ပဲ။

နောင်တတွေဆိုတာ နောင်မှ ရတာဆိုတဲ့ စကားကလည်း အမှန်ပဲ။ အဲဒါကြောင့် ကိုယ့်ဘဝမှာ ကောင်းတဲ့ လူတွေနဲ့ ဆုံစည်းရတဲ့အခါ တန်ဖိုးထားပါ။
ရှိနေတုန်းမှာ ချစ်ခင်ကြပါ။
လူကောင်းတွေဟာ နှစ်ခါပြန်မရဘူး မဟုတ်လား။

မူရင်းရေးသားသူအား လေးစားစွာ ခရက်ဒစ်ပေးပါသည်။
#စာပေ #ဗဟုသုတ #ဘဝ #ပညာပေး #စိတ်ခွန်အား

11/12/2024

ပြတ် သား တတ် သွား တဲ့ မိန်း မ တစ် ယောက်

အရင်ကဆိုလေ … အဲ့ဒီမိန်းမက သိပ်အတာ ။ ခွင့်လွှတ်ပေးလိုက်ရင် တချိန်ကျ အမှားတွေသိလာမှာပါဆိုပြီး အဲ့ဒီ ဖြစ်မလာတော့တဲ့ နေ့တွေကို ထိုင်နေရတွက်နေတတ်တာလေ ။ နားလည်မှုမပေးရင် မပျော်ပဲနေမှာဆိုပြီး ကိုယ်အဆင်မပြေတဲ့အရာတွေကို သူအဆင်ပြေပါစေဆိုတဲ့အတွေးနဲ့ နားလည်မှုတွေပေးခဲ့တာ ။ ဘယ်သူ့ကိုမဆို သိပ်တွယ်တာတတ်ပြီး ဘယ်နေရာမှာမဆို ငါရှိနေမှ ဖြစ်မှာဆိုပြီး ကိုယ့်ကိုကိုယ်ကျမေ့ထားပြီး တစ်လောကလုံး သိပ်စိတ်ပူပေးတတ်တဲ့ မိန်းမပေါ့ ။ အဲ့ဒီမိန်းကလေးက ဘာကြောင့်ပြတ်သားတတ်သွားတာလဲလို့မေးရင် နာတတ်သွားလို့လို့ ဖြေရမှာပေါ့ ။

မျက်ရည်တွေကျနေရုံနဲ့ … ရှင့်ကို မချစ်ချင်တော့ဘူးဆိုပြီး ရေရွှတ်တတ်တဲ့ မိန်းကလေးမဟုတ်ဘူးလေ … နာကျင်စေခဲ့တဲ့ ရက်တွေမှာတောင် ရှင့်ကို ချစ်ပါတယ်ဆိုတဲ့စကားကိုပဲ ထပ်ခါထပ်ခါ ပြောနေမိတာ ။ ရှင်မှ မကြင်နာရင်ဆိုပြီး မတွေးရဲပဲ တစ်ချိန်လုံး နေခဲ့တာ ။ ဘယ်သူမှမလိုပါဘူးဆိုတဲ့အတွေးနဲ့ ကျွန်မသိပ်ချစ်တဲ့ ရှင့်တစ်ယောက်တည်းရဲ့ မျက်နှာကိုပဲ ကြည့်နေခဲ့မိတာ ။ ဒါပေမယ့် မေတ္တာတွေပေးပြီး ပြန်ရလာတဲ့ ဒဏ်ရာတွေက များလာတဲ့အခါ မနာချင်ပါပဲနဲ့ စိတ်တွေက နာတတ်သွားတယ် ထင်ပါတယ် ။

အရင်ကဆိုလေ … တစ်ခုခုဆို ကျွန်မက ရှင်အဆင်ပြေရဲ့လားဆိုတာလောက်ပဲ တွေးပူနေတတ်တာ … ကျွန်မကို အဆင်ပြေရဲ့လားဆိုပြီး မေးဖို့ မေ့နေတဲ့နေ့တွေမှာတောင် အလုပ်များနေတာဖြစ်မှာပါဆိုပြီး ကိုယ့်အတွေးနဲ့ ကိုယ် ရှင့်ကို ကာဗာပေးနေမိတာ ကျွန်မကိုယ်ကျွန်မ ညာနေမိတာလေ ။ ဖုန်းဆက်မလာရင် မျှော်ရတယ် ဒါပေမယ့် ရှင်က မျှော်မှ မမျှော်ခဲ့ဖူးပဲလေ အမြဲတစေကျွန်မက အသင့်ရှိနေခဲ့တာကိုး ညတွေ ရှင်က အိပ်မက်လှလှမက်နေတဲ့အချိန်မှာတောင် ဖုန်းတကြည့်ကြည့်နဲ့ ငုတ်တုတ်ထိုင်နေမိတာကိုး ။

ဒီနှစ်တွေမှာ ငါဘာတွေလုပ်နေမိလဲဆိုတာမတွေးမိခင်အထိတော့ ရှင့်ကို တစ်စိုက်မတ်မတ်ချစ်ခဲ့ပါတယ် ။ ဒါပေမယ့် နေ့တိုင်းရက်တိုင်း မျက်ရည်နဲ့ ဖြတ်သန်းလာရတဲ့အခါ ကျွန်မဘ၀ကို ကျွန်မမုန်းလာမိတယ် ကျွန်မကို ကျွန်မ ဘာလို့လဲဆိုပြီး စိတ်တွေကုန်လာတတ်တယ် ။ အဲ့ဒီနေ့တွေမှာ ရှင်သာရှိနေရင် ကျွန်မ တစ်ယောက်တည်းနေဖို့ ခက်ခဲနေဦးမှာ တစ်ခုခုဆို ကျွန်မ အစအဆုံးရှင့်ကို ပြောပြနေမိဦးမှာ ။ ကျွန်မ တကယ်ပဲ လမ်းတွေပျောက်နေတဲ့ရက်တွေမှာတောင် အဆင်ပြေရဲ့လားဆိုတဲ့ မေးခွန်းလေးတစ်ခုတောင် ရမလာခဲ့ဘူး ။ ကျွန်မ မေတ္တာ ဘယ်လောက်ပဲပေးပေး ပြန်ရလာတဲ့ ဥပေက္ခာတွေက သိပ်ကို အထီးကျန်စရာကောင်းလွန်းတယ် ။ ငါ ဘယ်သူ့ကို ပြောပြရမလဲဆိုပြီး ငေးကြည့်မိတော့ တစ်လောကလုံးမှာ ရှင်တစ်ယောက်တည်း ရှိသလိုမျိုး ရူးမိုက်ခဲ့ခြင်းတွေကြောင့် ကျွန်မနား ဘယ်သူမှ ရှိမနေခဲ့တော့ဘူးလေ ။ အဲ့ဒီရက်တွေမှာ ကျွန်မသာ ကိုယ့်စိတ်နဲ့ ကိုယ်သာဆိုရင် ဘာဖြစ်သွားမလဲ တကယ် မသေချာဘူး ။

မျက်ရည်တွေကျရလို့ စိတ်ပျက်တတ်သွားတာမဟုတ်ဘူးနော် ရှင်ရဲ့ … ကျနေမိတဲ့မျက်ရည်တွေ အများကြီးကို နည်းနည်းလေးမှ ဂရုစိုက်မခံရတဲ့ရက်တွေမှာ ငါငိုနေလဲ ဘာထူးမှာလဲဆိုပြီး တွေးတတ်လာတာ ။ ငါပြောပြနေလဲ နားလည်ပေးတာမှ မဟုတ်တာဆိုတဲ့ အတွေးတွေဝင်လာတဲ့အခါ စကားတွေကျဲသွားခဲ့တာ ။ ထင်မှာပေါ့ … အရင်လိုဟုတ်မနေတော့ဘူးဆိုပြီး ထင်လိမ့်မယ် အရင်လိုမဟုတ်တော့အောင် ရှင်ကိုယ်တိုင်ပဲ သင်ပေးခဲ့တာပါ ။ အရင်လိုပဲ ရပ်နေရင်း အရင်အတိုင်းပဲ နာကျင်နေရတဲ့ဘ၀မှာ နေရမှာပေါ့ မဟုတ်ဘူးလား …

ချစ်ခြင်းမေတ္တာဆိုတာ တစ်ခါတစ်လေတော့ အပြန်အလှန်ရှိဖို့ သင့်ပါရဲ့ ။ ကိုယ်ကပဲချစ် ကိုယ်ကပဲ နားလည် ကိုယ်ကပဲ ရပ်စောင့်နေရင်း ကိုယ်ပဲ ကျန်ရစ်နေရမယ့်အဖြစ်တွေကို တွေးကြည့်တိုင်း စိတ်ကုန်နေခဲ့မိတာ ။ စိတ်ကုန်နေမိတဲ့အချိန်တောင် ချစ်တဲ့စိတ်ကလေးနဲ့ ရပ်စောင့်နေခဲ့သေးတယ်နော် ဒါပေမယ့် အဲ့ဒီရက်တွေမှာ ကျွန်မတစ်ယောက်တည်း ရှင်သန်ခဲ့ရတာလေ ။ တစ်ယောက်တည်း ရှင်သန်တတ်သွားတဲ့ မိန်းမတစ်ယောက်ရဲ့ ဘ၀မှာ ဘာလို့ တခြားတစ်ယောက်ထပ်လိုတော့မှာလဲ ဘာလို့ ဒဏ်ရာတွေကို မျက်ရည်တွေန့ ရင်းပြီး ဝယ်နေတော့မှာလဲ အများကြီး ငိုပြီးသွားတဲ့အခါ မျက်ရည်တွေကြားက ပြုံးတတ်လာခဲ့ပြီဖြစ်သလို ကျွန်မလဲ ပြတ်သားတတ်လာပါပြီ ။

#ကျေးကို.
゚ #သျှင်ယွန်း

10/12/2024

မိဘဆိုတာ ဘာမှ မလုပ်နိုင် မကိုင်နိုင်
မလှုပ်ရှားနိုင်တော့ရင်တောင်မှ

အိမ်ဦးခန်းမှာ
ငုတ်တုတ်လေး ရှိနေရုံနဲ့
အိမ်ကို ကျက်သရေ ရှိစေသလို..

သား/သမီးတွေကိုလဲ
စိတ်လုံခြုံမှု ပေးစွမ်းနိုင်လောက်အောင်
အစွမ်းရှိသူတွေပါ။

ဒီလို တန်ဖိုးကြီးတဲ့သူတွေကို
ကိုယ့်ဘေးမှာ ရှိနေတဲ့အချိန်
တန်ဖိုးထားရကောင်းမှန်း မသိပဲ..

ပျောက်ကွယ်သွားတော့မှ
အစားထိုးလို့ မရမှန်း
သား သမီးတွေ အနေနဲ့
နားလည်သွားကြပါတယ်။

ဒါကြောင့်
မိတ်ဆွေလဲ
တန်ဖိုးကြီးတဲ့ မိဘတွေ
ကိုယ့်ရဲ့ဘေးမှာ ရှိနေတုန်း
တန်ဖိုးထားဂရုစိုက်နိုင်ပါစေ..

#အဖေ #ပြန်လည်မျှဝေသည် #အမေ #မိဘ #ကောင်းမှုတစ်ခုနေ့စဉ်ပြုပါ #ဘဝစာပေ #တရားတော်

09/12/2024

🤦‍♀️" လိုသုံး တွေနဲ့ ဝေးဝေးနေပါ ညီမလေး" 🤷‍♀️

တချို့မျိုးသမီး လေးတွေ တစ်စုံတစ်ယောက်ကို
ထပ် ချစ်ရမှာ ကြောက်သွား တာမဟုတ်ဘူး

အပြောင်းအလဲမြန်တဲ့ လူတွေနဲ့ မပတ်သက်ချင်လို့
ဝေးဝေး နေဖို့ ဆုံးဖြတ် လိုက်တာပါ ။

ဘယ်သူ့ကိုမှ မချစ်တတ်တော့ တာ မဟုတ်ဘူး"
ကိုယ့်ကိုယ်ကိုယ် ပိုချစ်တတ် တန်ဖိုးထား တတ်လာတာ"

တစ်ယောက်တည်း အထီးကျန်နေတာ မဟုတ်ဘူး"
အမှီမရှိလည်း တစ်ပွင့်တည်းနဲ့ လှလှပပ ဖူးပွင့် နေတာ"

လူမှုဆက်ဆံရေး ညံ့လို့ အပေါင်းအသင်း မရှိတာ မဟုတ်ဘူး
စိတ်တူ ကိုယ်တူ မဟုတ်လို့ ခတ်ကင်းကင်း နေလိုက်တာ"

တချို့ အမျိုး သမီး တွေက ~
မာန ကြီးပြီး အောက်ခြေ လွှတ်နေတာ မဟုတ်ပါဘူး
မတန်တဲ့ သူ အတွက် ခံစားရတဲ့ ခံစားချက်တွေ အားလုံးကို
အဝေးတစ်နေရာကို စိတ်မာမာနဲ့ လွှင့်ထုတ်ပစ် လိုက်တာ"

လူ တွေကို ရှောင်ဖယ် ရှောင်ဖယ် လုပ်နေတာ မဟုတ်ဘူး"
အတတ်နိုင်ဆုံး နာကျင် စေတဲ့သူတွေကို ရှောင်နေလိုက်တာ"

လူတချို့အပေါ် လေးနက်မှု မရှိတော့တာ မဟုတ်ဘူး"
ပျော်ရွှင်မှု ကလွဲရင် တခြား အကြောင်းအရာ တွေကို
ခေါင်း ထဲ သိပ့် မထည့် ချင်တော့ တာပါ။

မိန်းကလေး အများစုက သူတို့ စိတ်ကုန် သွားပြီဆိုရင်
သွေးအေးအေးနဲ့ သိပ့်ကြောက်ဖို့ ကောင်းတယ်.... "

တချို့က ငိုနေရင်း ငိုနေရင်း နဲ့တောင် အသည်းတွေ
မာလာတယ် "ပြတ်သား ဖို့သတ္တိတွေ ပိုရှိလာတယ် "

တချိန်တည်းမှာပဲ ရှေ့ဆက် ဘာလုပ်သင့်လဲဆိုတာ
တွေဝေ မနေဘဲ ဆုံးဖြတ်ချက် ချနိုင်လာတယ် "

လိုသုံး တွေနဲ့ ဝေးဝေး နေပြလိုက်တယ်"
တန်ဖိုးမသိတဲ့ သူတွေနဲ့ ကင်းအောင် နေပြလိုက်တယ်"
သစ္စာ မဲ့တဲ့ ဆက်ဆံရေးတွေကို ဖြတ်တောက်ပြလိုက်တယ်"

ဒဏ်ရာတွေ ရခဲ့လည်း သန်သန်မာမာပဲ နေပြလိုက်တယ်"
ဘယ်သူ့ အကူအညီ မှ မယူပဲ ၊ လောကဓံကို ရင်ဆိုင်တယ်"

နှစ်သိမ့်မှု တွေ အားပေး လက်ခုတ်သံတွေ မရှိလည်း"
ကိုယ့် ကိုယ်ကိုယ် ယုံကြည်မှုနဲ့ တောက်ပ ပြလိုက်တယ်"

ဒါဟာ.....လိုသုံးတွေနဲ့ ဝေးဝေး နေနိုင်ခြင်းက နေ
ဖြစ်တည်လာတဲ့ ကိုယ်ရည် ကိုယ်သွေး ယုံကြည်မှုကြောင့်ပါ။

ဒါကြောင့်.....မို့ ဒီနေ့က စပြီး~~~
လိုသုံးတွေနဲ့ ဝေးဝေးနေပြလိုက်ပါ ညီမလေး 😘"

🌻 ခိုင်(အညာမြေ) 💙
🌻

09/12/2024

မိခင်တစ်ယောက်ရဲ့ ကံကြမ္မာဆိုတာ သားသမီးတွေကို အမြဲစောင့်မျှော်နေရတာမျိုးပါ။

ကိုယ်ဝန်ရှိတဲ့အခါ သူတို့ အပြင်ရောက်လာဘို့စောင့်မျှော်ရတယ်။

ကျောင်းနေအရွယ်ရောက်လာတော့ အချိန်လေးရောက်လာတာနဲ့ သူတို့အိမ်ပြန်ချိန်ကို စောင့်ရတယ်။

ညဘက် အပေါင်းအသင်းတွေနဲ့ အပြင်ထွက်လည်ရင်လည်း သူတို့အိမ်ပြန်အလာကို စောင့်ရတယ်။

အရွယ် ရောက်လို့ သူတို့ အသက်မွေးဝမ်းကြောင်းလုပ်ငန်း စတင်တဲ့အခါလည်း သူတို့ကို စောင့်ရတယ်။

အလုပ်က အိမ်ပြန်ချိန်ရောက်တဲ့အခါ လည်း အိမ်ပြန်အလာကို မျှော်ရတယ်။ သူတို့ ညစာစားဖို့ စောင့်ရတယ်။

သူတို့ကို ချစ်တဲ့စိတ်နဲ့ စောင့်နေရတယ်၊ တခါတရံမှာ သူတို့ရုတ်တရက်ပျောက်သွားရင် ဒေါသတွေနဲ့ စောင့်ရတယ်။ သူတို့ကို ပြန်တွေ့တဲ့အခါ မျက်ရည်တွေနဲ့ ထွေးပွေ့ရတယ်။

ကဲတော်လောက်ပါပြီ...

သင့်အမေအိုကြီးကို ဒီထက်ပိုပြီး မစောင့်ခိုင်းပါနဲ့တော့။

သူမဆီကို သွားလည်ပါ၊ သူမကို ချစ်ပါ၊သူမကို နွေးနွေးထွေးထွေးဆက်ဆံပါ။

ဘယ်သူမှမချစ်နိူင်တဲ့အချစ်မျိုးနဲ့သင့်ကို ချစ်ခဲ့တာပါ။

သင်လာမှာကို သူမျှော်နေတယ်။

သင့်အမေအိုကြီးကို ထပ်ပြီး မစောင့်ခိုင်းပါနဲ့တော့။

အရွယ်က အိုလာပေမယ့် သင့်မိခင်ရဲ့ အချစ်တွေဟာ ဘယ်တော့မှ မအိုပါဘူး။

သူ့ကို တတ်နိုင်သလောက် ပြန်ချစ်ပါ။

ဒီကမ္ဘာမှာ ဒီအမျိုးသမီးကြီးလို မင်းကိုချစ်မယ့်လူတယောက်မှ မရှိပါဘူး။

မူရင်းရေးသားပူဇော်သူကိုလည်းဂါရဝပြုပါသည်🙏🌿💜

08/12/2024

စဉ်းစား

✅မိဘက ကိုယ့်ကို
ထမင်း ဘယ်နှနပ်ကျွေးခဲ့ဖူးသလဲ

✅ကိုယ်ကရော မိဘကို
ထမင်း ဘယ်နှနပ် ပြန်ကျွေးခဲ့ပြီးပြီလဲ

✅မိဘက ကိုယ့်ကို
အင်္ကျီ၊လုံချည် ဘယ်နှစ်ထည်ဆင်ခဲ့ဖူးသလဲ

✅ကိုယ်ကရော မိဘကို
အင်္ကျီ၊ လုံချည် ဘယ်နှထည်ဝယ်ပေးပြီးပြီလဲ ?

✅‘ပြန်တွေးကြည့်ရင် ရှက်စရာ” ဆိုတဲ့စကားမျိုး ဘယ်တော့မှပြောစရာမလိုအောင် အစွမ်းကုန် ဖြည့်ဆည်းပေးလိုက်စမ်းပါ။ မိဘမရှိတဲ့ခါမှ “ကျေးဇူးမဆပ်လိုက်ရလေခြင်း” လို့ အရှက်မရှိ အော်ငိုမနေပါနဲ့။

အရှင်ဆန္ဒာဓိက (ရွှေပါရမီ)

#ခွန်အားဖြစ်စေသောစာများ #ဘဝစာပေ #လူငယ်များအတွက်ဗဟုသုတစာပေများ #ကောင်းမှုတစ်ခုနေ့စဉ်ပြုပါ #တရားတော် ゚viralシfypシ゚viralシalシ #အမေ #အဖေ #မိဘ

06/12/2024

"အဖေ ဆိုတာ
သူ့ရဲ့ အသိုက်အမြုံ၊ သူ့ရဲ့ မိသားစုကို
သူကိုယ်တိုင်ပဲ
ရှာဖွေ ကျွေးမွေးချင်တဲ့ သူပါ။

အသက်ကြီးပြီး အိုမင်းသွားခဲ့လို့သာ
ဒီသား၊ ဒီသမီးတွေရဲ့ ချွေးနှဲစာကို
မှီခိုနေခဲ့ရပေမဲ့

ဒီသား၊ ဒီသမီးက မကြည်ဖြူရင်
အဖေတစ်ယောက်ရဲ့ ရင်ဘတ်ထဲမှာတော့
ဒဏ်ရာ "ရ"သွားခဲ့တာပါပဲ။

သား၊ သမီးက မကြည်ဖြူရင်
ဘယ်မိဘကမှ စိတ်မချမ်းသာပါဘူး။

သား သမီးတွေ ကြည်ဖြူမှ
မိဘဆိုတာ စိတ်ချမ်းသာ "ရ"တာပါ။

#မေတ္တာဖြင့် #မေတ္တာဖြင့်ပြန်လည်မျှဝေပါသည် #မိဘ #အဖေ #အမေ

06/12/2024

လောကမှာပိုက်ဆံရှိမှ ပိုအဆင်ပြေနိုင်ပါတယ်…။မိသားစုထဲမှာကြည့်ပါ။ပိုက်ဆံရှာနိုင်တဲ့သူကပိုအရေးပါအရာရောက်ပါတယ်…။အပေါင်းအသင်းတွေကြားထဲကြည့်ပါ။ပိုက်ဆံရှိတဲ့သူက ပိုလူရာဝင်ပါတယ်..။လူမှုအဖွဲ့အစည်းတစ်ခုခုကိုကြည့်ပါ။ပိုက်ဆံပိုရှိတဲ့သူက ပိုအရာရောက်ပါတယ်…။

05/12/2024

''အိမ်ထောင်ရေးဆိုတာ အိမ်ဆောက်တာနဲ့တူတယ်''

◼ ခိုင်ခံ့သော အိမ်ထောင်ရေးတည်ဆောက်ခြင်းသည် ခိုင်ခံ့သောအိမ်တစ်လုံးဆောက်ခြင်းနှင့်တူသည်။ ဖောင်ဒေးရှင်း အားနည်းတဲ့ အိမ်တစ်လုံးသည် ဖိအားအောက်တွင် ပြိုကျနိုင်တယ်။ အလားတူ တန်ဖိုးထားမှုများနှင့် အပြန်အလှန်လေးစားမှုမရှိသော အိမ်ထောင်ရေးတွင် ရုန်းကန်မှုများစွာကို ရင်ဆိုင်ရပြီး အိမ်ထောင်ရေးပြိုကွဲနိုင်ပါတယ်။

◼ အရည်အသွေး နိမ့်သောပစ္စည်းများကို အသုံးပြုတဲ့ အိမ်တစ်လုံးဟာ ရေရှည်အတွက် အာမခံချက်မရှိဘူး။ ထိုနည်းအတူပင်၊ လိုက်ဖက်ညီမှုမရှိဘဲ အပေါ်ယံဆွဲဆောင်မှုဖြင့် တည်ဆောက်ထားသော အိမ်ထောင်ရေးသည် ကြာရှည်ခံမှာ မဟုတ်ဘူး။

◼ အိမ်တစ်အိမ်မှာ ပျက်စီးတဲ့ အရာတွေ့လျှင်
အိမ်ကို မစွန့်ပစ်ဘဲ ပျက်စီးသွားတဲ့အရာတွေကိုပဲ အရင် ဖြေရှင်းကြတယ်။ အိမ်ထောင်ရေးမှာလည်း အထူးသဖြင့် ခက်ခဲသောကာလများတွင် အမြဲတစေ ကြိုးစားအားထုတ်မှု၊ ကတိကဝတ်များနှင့် စိတ်ရှည်မှုတို့ လိုအပ်ပါတယ်။
သင့်ဘဝသည် သင့်အိမ်တွင် ထင်ဟပ်နေသကဲ့သို့ သင့်အိမ်ထောင်ရေးသည် သင်မည်သူဖြစ်သည်ကို ထင်ဟပ်စေပါတယ်ဆိုတာ မမေ့ပါနဲ့။

◼ အိမ်ဆောက်နေစဉ်အတွင်း အုတ်မြစ် သို့မဟုတ် ပစ္စည်းများ ချို့ယွင်းချက်ရှိတာ သတိပြုမိရင် ၎င်းတို့ကို လျစ်လျူရှုမည့်အစား ချက်ချင်း ကိုင်သွယ်
ဖြေရှင်းသင့်ပါတယ်။ ချို့ယွင်းချက်တွေနဲ့ ရှေ့ကို အပြေးအလွှားသွားခြင်းက နောက်ပိုင်းမှာ ပိုကြီးတဲ့ ပြဿနာတွေကို ဖြစ်ပေါ်စေပါလိမ့်မယ်။

◼ အိမ်ထောင်ရေး မတည်ဆောက်ခင် အရေးကြီးတဲ့ အချက်က....

1.◼ ခိုင်မာသော ဖောင်ဒေးရှင်းဖြင့် စတင်ပါ။

◼ အိမ်အပြင်ဘက်ကနေ ဘယ်လိုကြည့်ရမလဲဆိုတာကိုပဲ အာရုံစိုက်မနေပါနဲ့။ အခြေခံအုတ်မြစ်မခိုင်မာရင် လှပတဲ့ဒီဇိုင်းက အရေးမကြီးပါဘူး။
ဒါကြောင့် ရုပ်ရည်လှပပြီး ဆွဲဆောင်မှုရှိသော၊ ချမ်းသာသော၊ သို့မဟုတ် စမတ်ကျသောကြောင့်သာ လက်တွဲဖော်ကို မရွေးချယ်ပါနဲ့။ မင်းရဲ့တန်ဖိုးတွေ၊ ပန်းတိုင်တွေ၊ ယုံကြည်ချက်တွေကို မျှဝေပေးမယ့်သူ၊ မင်းရဲ့ဘဝနဲ့ကိုက်ညီတဲ့သူတစ်ယောက်ကို ရွှေးချယ်ပါ။

2.◼ လိုက်ဖက်ညီမှု ရှိမရှိ စစ်ဆေးပါ။

လူတစ်ဦးစီသည် ထူးခြားသောပတ်ဝန်းကျင်တွင် ရှင်သန်ကြသည်။ ကမ်းခြေအိမ်က တောင်တွေပေါ်မှာဆောက်ထားတဲ့ အိမ်နဲ့ မသက်ဆိုင်ဘူး။
ဒါကြောင့် မှန်ကန်သော လက်တွဲဖော်ကို မည်သည့်နေရာတွင် တွေ့ဆုံရမည်ကို နားလည်ရန် လိုအပ်ပါတယ်။ ဥပမာ၊ နိုက်ကလပ်တစ်ခုတွင် လက်တွဲဖော် တွေ့ဆုံရန် မျှော်လင့်ခြင်းသည် သင့်ပန်းတိုင်များနှင့် မကိုက်ညီပါ။

3.◼ သင့်တန်ဖိုးများကို သိပါ။

သင့်ကိုယ်ပိုင်တန်ဖိုးများနှင့်ပတ်သက်၍ မရှင်းလင်းပါက သင့်ဘဝအတွက် မှန်ကန်သောဒီဇိုင်းကို ရွေးချယ်ရန် ခက်ခဲပါလိမ့်မည်။ သင့်အတွက် အရေးကြီးဆုံးအရာကို ရှာဖွေရန် အချိန်ယူပါ၊ ထို့နောက် ထိုတန်ဖိုးများကို ဖြည့်ဆည်းပေးမည့် လက်တွဲဖော်ကို ရှာပါ။

4.◼ လမ်းညွှန်မှုရယူပါ။

ခိုင်ခံ့သောအိမ်တစ်လုံးကို ဒီဇိုင်းဆွဲရန် ဗိသုကာပညာရှင်တစ်ဦးနှင့် တိုင်ပင်သကဲ့သို့၊ အိမ်ထောင်ရေးစတင်တော့မယ်ဆိုရင် အတွေ့အကြုံရှိ စုံတွဲများ၊ ပေါင်းသင်းဆက်ဆံရေး နည်းပြများ သို့မဟုတ် လမ်းညွှန်ပေးသူများထံမှ အကြံဉာဏ်ရယူပါ။ အရေးအကြီးဆုံးကတော့ ဘုရားသခင်ထံမှ လမ်းညွှန်မှုကို ရယူပြီး အချိန်၏စမ်းသပ်မှုကို ခံနိုင်ရည်ရှိသော အိမ်ထောင်တစ်ခုကို တည်ဆောက်ပါ။

5.◼ အခမ်းအနားသာမကဘဲ အဆောက်အဦးကိုအာရုံစိုက်ပါ။

လူများစွာသည် မင်္ဂလာပွဲ (တစ်ရက်တာပွဲ) အတွက် ပြင်ဆင်ကြသော်လည်း အိမ်ထောင်ရေး (တစ်သက်တာခရီး) အတွက် ပြင်ဆင်ရန် မေ့လျော့နေကြသည်။ အိမ်တွင်းရေးကိစ္စက အစပဲရှိသေးတယ်။ စစ်မှန်သောစိန်ခေါ်မှုမှာ နှစ်အတော်ကြာအောင် ပျော်ရွှင်စွာနေထိုင်နိုင်မည့် အိမ်တစ်လုံးကို ဖန်တီးခြင်းဖြစ်သည်။

◼ အိမ်ဆောက်ဖို့ အလျင်စလိုမလုပ်ပါနဲ့။ ဤမေးခွန်းများကို မေးပါ-

◼ သူတို့ရဲ့ မိသားစုနောက်ခံက ဘယ်လိုလဲ။
◼ သူတို့ရဲ့တန်ဖိုးတွေက ဘာတွေလဲ။
◼ သူတို့ရဲ့ ယုံကြည်မူတွေက ဘာတွေလဲ။
◼ သူတို့ရဲ့ စရိုက်က ဘယ်လိုလဲ။
◼ ဝိညာဉ်ရေး/ဘာသာရေးအရ သဟဇာတဖြစ်ပါသလား။
◼ သူတို့က မင်းကိုချစ်ပြီး မင်းလိုပဲ လက်ခံသလား။

◼ အိမ်ထောင်ရေး အဆင်မပြေသူများအတွက် သိထားရမှာက...

အိမ်ထောင်ရေး အဆင်မပြေရင် လက်မလျှော့ပါနဲ့။ အိမ်တစ်လုံးကဲ့သို့ ပြုပြင်ပါ။ လမ်းညွှန်မှုကိုရှာပါ၊ အတူတကွလုပ်ဆောင်ပါ၊ သင်၏ဆက်ဆံရေးကို ပြန်လည်တည်ဆောက်ရန် နားလည်မူကို တည်ဆောက်ပါ။

◼ ခိုင်ခံ့သောအိမ်ထောင်ရေးသည် ပြီးပြည့်စုံမှုကိုရှာဖွေရန်မဟုတ်ပါ။ အချိန်ကြာလာတာနဲ့အမျှ ခွန်အား၊ ယုံကြည်မှုနဲ့ ချစ်ခြင်းမေတ္တာကို တည်ဆောက်ခြင်းအကြောင်းပါ။
အိမ်ထောင်ရေးဆိုတာ အိမ်တစ်လုံးကဲ့သို့ပဲ ဂရုတစိုက် စီစဉ်မှု၊ အားထုတ်မှုနှင့် ဆက်လက်ထိန်းသိမ်းမှု လိုအပ်ပါတယ်။ မင်းရဲ့အခြေခံအုတ်မြစ်ကို ခိုင်မာအောင် တည်ဆောက်လိုက်ပါ။ မင်းရဲ့အိမ်ထောင်ရေးဟာ ဘဝမုန်တိုင်းတွေကြားမှာ ခိုင်ခံ့နေလိမ့်မယ်။

04/12/2024

မောင်နှမ😍
***
မောင်နှမဆိုတာ ကမ္ဘာမြေကြီးကပေးလိုက်တဲ့
အခိုင်မာဆုံး သံယောဇဉ်ကြိုးတစ်ချောင်းပါ။

တစ်ခါတစ်လေ မိဘကိုတူတူဆိုးကြတာရှိမယ်
တစ်ခါတစ်လေ တူတူလိမ္မာကြတာလဲရှိပါတယ်

အကိုကြီးအဖရာ၊အမကြီးအမိရာ ဆိုသလို
မုန့်လေးဘာလေးစားရရင် ငါ့ညီ၊ငါ့ညီမအတွက်
ထားထားကြတာရှိလိမ့်မယ်။

အငယ်တွေကလဲ
ကိုယ့်အကိုကြီး၊အမကြီးတွေကို
အားကိုးကြပါတယ်။
ပြဿနာတစ်ခုခုဖြစ်ခဲ့ရင် အရင်တိုင်ပင်တာ
ကိုယ့် အကို၊အမတွေကိုပါ။

တစ်ခါတလေ အငယ်တွေကပြန်ပြီး
ဦးဆောင်ကြတာရှိတယ်။
ဒါပေမယ့် သူတိုအကိုကြီး၊
အမကြီးတွေကိုမမေ့ပါဘူး။

တစ်ခါတစ်လေရန်ဖြစ်ကြမယ်။
ပြီးရင် ပြန်ချစ်ကြမယ်။

အကြီးတွေကလည်း
အငယ်တွေကိုလမ်းပြပေးသလို
အငယ်တွေကလည်း
ရင်ဖွင့်စရာရှိရင်ရင်ဖွင့်ကြတယ်။

ကိုယ်က ဘာကြီးပဲဖြစ်နေပါစေ
ကိုယ့်အကိုအမရှေ့ရောက်ရင် ကလေးလေးပါပဲ။

တစ်ခါတလေ ကိုယ့်အတွက်
သူတိုက ရှေ့ဆုံးကနေ ဂုဏ်ယူတတ်ကြတယ်။
တစ်ခါတလေ ကိုယ်ကသူတိုအတွက်
ရှေ့ဆုံးကနေ ဂုဏ်ယူနေရတယ်။

မိဘတွေမရှိတော့တဲ့အခါ
ကိုယ်ဒုက္ခရောက်လို
မရှိ၊ရှိတာလေးနဲ့ ကူညီပေးတာ
မောင်နှမဆိုတဲ့သံယောဇဉ်ကြိုးလေးကြောင့်ပါ။

ကိုယ့်ကိုယ်ကို ပြန်မေးကြည့်ပါ။
အဖေ၊အမေပြီးရင်
ဘယ်သူ့ကိုအချစ်ဆုံးလဲလို။
ပါးစပ်ကနေထုတ်မပြောရင်တောင်
စိတ်ထဲကနေကိုယ်မသိပဲ ချစ်မိနေပါလိမ့်မယ်။

ဘာလိုဆို လောကကြီးက
သံယောဇဉ်ဆိုတဲ့ကြိုးလေးတစ်ချောင်းကို
မွေးလာကတည်းက ချည်နှောင်ထားလိုပေါ့

လောကမှာရှိတဲ့မောင်နှမတိုင်းချစ်နိုင်ကြပါစေ.....

💕🙏💕

03/12/2024

အမေမရှိရင် ဒါမှမဟုတ်
အဖေမရှိတော့ရင် ဆုံးရှုံးလိုက်ရတဲ့လူက
အရာရာပြောင်းလဲသွားပါတယ်

အထူးသဖြင့်
သိမ်ငယ်တဲ့စိတ်ဖြစ်သွားတာ
နွေးထွေးမူကအစ အရာရာပြောင်းလဲသွားတာပါ

ဒါကို ဆုံးရှုံးဖူးတဲ့သူတွေပဲသိလိမ့်မယ်
နားလည်ပေးနိုင်လိမ့်မယ်
ထပ်တူခံစားရတယ်ဆိုတာ အလကားပါ

အဖေမရှိတော့ရင်ပိုက်ဆံရှာပေးဖို့
လက်တစ်ဖက်ပြတ်သွားသလိုပဲ
အမေမရှိတော့ရင်တော့ တောင်ကြီးတစ်လုံးပြိုသွားသလို
ကိုယ့်ရှေ့မှာ မားမားမတ်မတ်ရပ်တည်ပေးပြီး
နွေးထွေးမူအရှိဆုံးနဲ့ နားအလည်ပေးဆုံးမေတ္တာက
အမေတွေဆီကပဲရတာများတယ်

ဒါပေမဲ့ဘယ်သူပဲမရှိရှိ
ခံစားရတာချင်းကအတူတူပါပဲ
အနည်းနဲ့အများပဲကွာတယ်
ဒီလိုလူတွေမှာ ဘာDayညာDayဆိုလည်းငိုရပြန်ပီ
ဝမ်းနည်းရပြန်ပီ
အဖေနဲ့အမေနဲ့ပက်သတ်တဲ့ videoလေးတွေတွေ့ရင်လည်း
ငိုရပြန်ပီ သူများမိသားစုကိုတွေ့ရင်လဲအားကျပြီး
ဘယ်သူမှမတွေ့အောင်ငိုရပြန်ပီ
လိုချင်တာက နွေးထွေးတဲ့မေတ္တာလေ
ဒီခံစားမူက ဘယ်လောက်ထိပြင်းထန်လဲဆိုတာ
ဆုံးရှုံးဖူးတဲ့သူတွေပဲ သိလိမ့်မယ် ။

#မူရင်းရေးသားပူဇော်သူအားဂါဝရပြုကူးယူမျှဝေပူဇော်ပါသည်

02/12/2024

🌹အသက် ၄၀ ကျော်လာရင်တော့
ဒါတွေ ထားခဲ့သင့်ပါပြီ ...🌹

တစ်ဦးတစ်ယောက်အတွက်
အချိန်တိုင်း လွမ်းဆွတ်တသနေရမယ့်
အရွယ် မဟုတ်တော့ဘူး။

ပြန်မရနိုင်တော့တဲ့အရာတွေ
တမ်းတရင်း ၀မ်း နည်း နေရမယ့်
အရွယ် မဟုတ်တော့ဘူး။

တစ်စုံတယောက်ကို နာကျည်းပြီး
မုန်းတီးနေရမယ့် အရွယ်မဟုတ်တော့ဘူး။

အရွယ်လေးရလာတော့
တွေးတွေးဆဆနဲ့ပေါ့
ချစ်တာတွေ မုန်းတာတွေ ဘေးဖယ်
အလိုက်သင့် နေရမယ့် အရွယ်ဖြစ်နေပြီ။

အဆင်ပြေတာ မပြေတာ အပထား
ရင်ဘတ်ကြီးနဲ့ လိုက် မခံစားပဲ
ဘ၀ကို ပေါ့ပေါ့ပါးပါးဖြတ်သန်းရမယ့်
အရွယ်ပါ။

ဒီလူက ကိုယ့်ကို မချစ်ဘူး
မခင်တွယ်ဘူး မဟုတ်လား
ထားခဲ့လိုက်တော့။

ဒီလူက ကိုယ့်ကို သံယောဇဉ်မရှိဘူး
မဟုတ်လား
သူ့အတွက် အချိန်တွေ အကုန်ခံ မနေပါနဲ့။

ကိုယ့်အပေါ်မှာ နားမလည်နိုင်တဲ့လူ
ကိုယ်ချင်းစာ မပေးနိုင်တဲ့လူ
မခင်တွယ်နိုင်တဲ့သူ
မကြင်နာနိုင်တဲ့သူ
သတိမရတဲ့သူ
သူ့အကြောင်းတွေ မတွေးနဲ့တော့
လွှတ်ချထားခဲ့။

ဘာလို့လည်း သိလား
အချိန်တွေ သိပ်မရှိတော့ဘူး
အရွယ်တွေ ရလာပြီ။

အရည်မရ အဖတ်မရနဲ့
အလကားနေရင်း တခြားလူကို
တဖက်သတ်တွေ လိုက်ပြီး တွယ်ကပ်နေရင်
စိတ်တိုင်းမကျတော့
အရွယ် မြန်မြန်ကျတယ်။

ဒီအသက်အရွယ်ထိ
အသည်းတွေ ကွဲနေရတုန်းဆို
သိပ်အဆင်မပြေဘူး။

ကိုယ့်အပေါ် ချစ်ခင်သောသူများနဲ့
ဘဝကို ပျော်ရွှင်စွာဖြတ်သန်းနိုင်မှ
စိတ်ကျန်းမာမယ့် အရွယ်။

စိတ်ကျန်းမာရေးကို ဂရုစိုက်ရမယ့် အရွယ်။

ကိုယ့်အပေါ်
မချစ်မနှစ်သက်တဲ့သူတွေအကြောင်း
ရင်ဘတ်ထဲ သိမ်းထားပြီး၊
ခေါင်းထဲပြန်ထည့် သွားလေရာ သယ်ဆောင်
သွားရမယ့် အရွယ်မဟုတ်တော့ဘူး။

အချစ်နဲ့ ပတ်သက်လာရင်
နားလိုက နား ၊ သွားလိုက သွား
သစ်တစ်ပင်လို အဖြစ်မျိုးနဲ့
ရပ်တည်ရမယ့် အရွယ်။

အသက်တွေကြီးလာပြီမို့
အချိန်တွေ မဖြုန်းနဲ့တော့။

ငိုဖို့ထက် ရယ်နိုင်အောင် ကြိုးစား ၊
အချိန်တွေက ငယ်ရွယ်သူတွေလို
မပိုလျှံတော့ဘူး။

သက်တမ်းအရ
ကိုယ်ကအရင် သွားကြရမှာမို့
တစ်ပါးသူကို ချစ်ဖို့ထက်
ကိုယ့်ကိုကိုယ် ချစ်ရမယ့် အရွယ်ပါလို့
ပြောပြချင်တာပါ ။

ရင့်ကျက် တည်ငြိမ်စွာနဲ့
ဘဝကို ကောင်းမွန်စွာ
ဖြတ်သန်းနိုင်ကြပါစေ...

Credit

ချစ်သောမိတ်ဆွေသူငယ်ချင်းများရှင့်
အိုဘယ့်တင်သောပိုစ်များကိုလွပ်လပ်စွာပြန်လည်မျှဝေခြင်းShare ခြင်းများပြု
လုပ်နိုင်ပါတယ်ရှင့်

မေတ္တာဖြင့်
အိုဘယ့်ခရီးသည်
၁၆.၇.၂၀၂၄

01/12/2024

I've just reached 410K followers! Thank you for continuing support. I could never have made it without each one of you. 🙏🤗🎉

23/11/2024

" မေတ္တာရေစက်"

◾️အချစ်ဆိုတာ လူတစ်ယောက်နဲ့တစ်ယောက်ကြားမှာ အခုမြင်၊ အခုတွေ့ပြီး ရုတ်တရက် ဖြစ်ပေါ်လာတာ မဟုတ်ပါဘူး။ အတိတ်က ရေစက်တွေ၊ ယခင်ဘဝတွေက ဆက်နွယ်မှုတွေကြောင့် ဒီဘဝမှာ တွေ့ဆုံပြီး ချစ်ခင်မိကြတာ ဖြစ်ပါတယ်။

အတိတ်က ရင်းနှီးကျွမ်းဝင်ခဲ့ဖူးခြင်း၊ ပေါင်းသင်းဆက်ဆံခဲ့ဖူးခြင်း၊ အတူတူ ရှိခဲ့ကြဖူးခြင်းဟာ လူနှစ်ယောက်ကြား ဆက်ဆံရေးမှာ အရေးပါတဲ့ အခန်းကဏ္ဍက ပါဝင်နေပါတယ်။ ဒါကိုပဲ ပဋ္ဌာန်းပါဠိတော်မှာ "ရှေးရှေးက ကုသိုလ်၊ အကုသိုလ်လ်တရားများက နောက်နောက် ကုသိုလ်၊ အကုသိုလ်တရားများအပေါ် အာသေဝနပစ္စည်းနဲ့ လွှမ်းမိုးမှုရှိတယ်" လို့ ဟောကြားထားတာ ဖြစ်ပါတယ်။ အဲဒီကုသိုလ်၊ အကုသိုလ်တွေထဲမှာ အချစ်ဆိုတာလည်း အပါအဝင်ပေါ့။

📌"ဘဝပေါင်းများစွာက စုဆောင်းလာခဲ့တဲ့ မေတ္တာတရား"

◾️ပထမဆုံးအကြိမ် သူနဲ့ တွေ့ဆုံဖူးတာနဲ့ ရင်ထဲမှာ တုန်လှုပ်သွားတာ၊ ကြည်နူးသွားတာ၊ ဒီလူနဲ့ ပတ်သက်ပြီး စိတ်ဝင်စားမိတာတွေဟာ အတိတ်က ရေစက်ကြောင့်ပါပဲ။ စတွေ့တွေ့ချင်း အများကြီးရင်းနှီးနေသလို ခံစားရတာ။ တစ်ယောက်နဲ့ တစ်ယောက်က သိပ်ခင်မင်သွားကြတာမျိုး ဖြစ်တတ်ပါတယ်။ တချို့ဆို ပထမဆုံးအကြိမ် တွေ့ဆုံရုံနဲ့ ရင်ထဲမှာ သိပ်ချစ်မိတယ်လို့တောင် ခံစားရတတ်ပါတယ်။ ဘယ်လိုမှ မရှင်းပြနိုင်တဲ့ ဆွဲဆောင်မှုတစ်ခုကို ခံစားရတာဟာ အရင်ဘဝတွေက ချစ်ခင်မှုတွေကြောင့် ဖြစ်နိုင်ပါတယ်။

ယခုမျက်မှောက်ဘဝမှာ ချစ်သူနှစ်ဦးကြားက ချစ်ခြင်းတွေဟာလည်း အတိတ်ဘဝတွေကတည်းက စုဆောင်းလာခဲ့တဲ့ မေတ္တာတရားတွေပါ။ ဒီဘဝမှာ သူတို့နှစ်ဦး ထပ်မံတွေ့ဆုံပြီး အချစ်တရားတွေ ပိုမိုခိုင်မာလာတဲ့အခါ နောင်ဘဝတွေမှာလည်း ပိုကောင်းတဲ့ ရေစက်အဖြစ် ပြန်လည်ဆုံတွေ့ကြဦးမှာ ဖြစ်ပါတယ်။

📌"ရေစက်ဆိုတာ အကောင်းချည်းသာ မဟုတ်"

◾လူတစ်ယောက်နဲ့ တစ်ယောက် တွေ့ဆုံပြီး အဆင်ပြေတာ၊ မပြေတာဟာ အတိတ်က အကောင်းအဆိုး ကံကြမ္မာတွေပေါ် မူတည်နေတတ်ပါတယ်။ တချို့လူတွေနဲ့ဆို ဘာကြောင့်မှန်းမသိဘဲ အဆင်မပြေတာမျိုး၊ နေရင်းထိုင်ရင်း ကြည့်မရဖြစ်တာမျိုးတွေ ရှိတတ်ပါတယ်။ တချို့လူတွေနဲ့ကျတော့ ဘာမှ မပြောခင်ကတည်းက နားလည်နေပြီးသားလို ခံစားရတတ်ပါတယ်။

သို့ပေမယ့် အတိတ်က ရေစက်ဆိုတာ အကောင်းချည်းသာ မဟုတ်ပါဘူး။ အဆိုးလည်း ပါဝင်နိုင်ပါတယ်။ အတိတ်က ရန်သူတွေဟာ ဒီဘဝမှာလည်း ရန်သူအဖြစ် ပြန်တွေ့ဆုံနိုင်သလို၊ အတိတ်က မေတ္တာရေစက် ရှိခဲ့သူတွေဟာ ဒီဘဝမှာလည်း ချစ်ခင်ရသူတွေ ဖြစ်လာတတ်ပါတယ်။

တချို့ချစ်သူတွေမှာ အတိတ်က ပေးဆပ်မှုတွေ၊ စွန့်လွှတ်မှုတွေ၊ သစ္စာရှိမှုတွေ အားကောင်းခဲ့လို့ ဒီဘဝမှာ တွေ့တွေ့ချင်း သိပ်ချစ်တယ်လို့ ခံစားရတာမျိုး ဖြစ်တတ်ပါတယ်။ တချို့မှာတော့ အတိတ်က ကတိပျက်မှုတွေ၊ သစ္စာဖောက်မှုတွေကြောင့် ဒီဘဝမှာ ချစ်သူအဖြစ်နဲ့ တွေ့ဆုံပေမယ့် အဆင်မပြေတာမျိုး ဖြစ်တတ်ပါတယ်။

📌 အရေးကြီးတာက လက်ရှိပြုမူဆက်ဆံပုံ

◾ပဋ္ဌာန်းကျမ်းကြီးမှာ ဖော်ပြထားတဲ့ အာသေဝနပစ္စယောဟာ ဆက်ဆံရေးနဲ့ ပတ်သက်ရင် သိပ်အရေးကြီးတဲ့ အချက်တစ်ချက် ဖြစ်ပါတယ်။ လူတစ်ယောက်နဲ့ တစ်ယောက် အတူနေ၊ အတူစား၊ အတူသွား အတူလာ ဖြစ်လေလေ ပိုပြီး ရင်းနှီးလာလေလေ ဖြစ်ပါတယ်။ အတိတ်က ရေစက်ကြောင့် ယခုဘဝမှာ ပြန်ဆုံတွေ့ရပြီး၊ ပစ္စုပ္ပန်မှာ ထပ်မံပြီး အတူတကွ နေထိုင်ဆက်ဆံခြင်းက နောင်ဘဝတွေအထိ ဆက်နွယ်မှု ရှိစေပါတယ်။

ဒီလို အတိတ်ရေစက်တွေဟာ လက်ရှိ ဆက်ဆံရေးတွေအပေါ် လွှမ်းမိုးမှု ရှိနေပေမယ့် အခုလက်ရှိ ပြုမူဆက်ဆံပုံက ပိုအရေးကြီးပါတယ်။ အတိတ်က ရေစက်ကောင်းရှိခဲ့ပေမယ့် ပစ္စုပ္ပန်မှာ မကောင်းတဲ့ အပြုအမူတွေကြောင့် ဆက်ဆံရေး ပျက်စီးသွားတာမျိုးလည်း ရှိတတ်ပါတယ်။ အတိတ်က ရန်သူဖြစ်ခဲ့ပေမယ့် ပစ္စုပ္ပန်မှာ ကောင်းမွန်တဲ့ ဆက်ဆံရေး တည်ဆောက်နိုင်တာမျိုးလည်း ရှိပါတယ်။ ဘာတွေပဲဖြစ်ခဲ့ပါစေ အရေးကြီးတာက လက်ရှိ ပြုမူဆက်ဆံပုံပါပဲ။

ဒါ့ကြောင့် အတိတ်က ရေစက်ကြောင့် တွေ့ဆုံရတဲ့သူတွေနဲ့ ဆက်ဆံရေးကို ကောင်းမွန်အောင် ထိန်းသိမ်းဖို့ အရေးကြီးပါတယ်။ ကောင်းမွန်တဲ့ ဆက်ဆံရေးတွေကနေ ပိုကောင်းတဲ့ အနာဂတ်ဆီ ဦးတည်နိုင်ပြီး၊ မကောင်းတဲ့ ဆက်ဆံရေးတွေကနေ ပိုဆိုးတဲ့အနာဂတ်ဆီ ဦးတည်သွားနိုင်ပါတယ်။

🙏 ပဋ္ဌာန်းပါဠိတော်ကြီးထဲက အာသေဝနပစ္စည်းကို မြတ်စွာဘုရားက ဒီလို ဟောကြားထားပါတယ် -

"ပုရိမာ ပုရိမာ ကုသလာ ဓမ္မာ ပစ္ဆိမာနံ ပစ္ဆိမာနံ ကုသလာနံ ဓမ္မာနံ အာသေဝနပစ္စယေန ပစ္စယော"

(ရှေးရှေးသော ကုသိုလ်တရားတို့သည် နောက်နောက်သော ကုသိုလ်တရားတို့အား အာသေဝနပစ္စယသတ္တိဖြင့် ကျေးဇူးပြု၏။)

◾️ပဋ္ဌာန်းပါဠိတော်မှာ ဖော်ပြထားသလို "ရှေးရှေးသော ကုသိုလ်တရားတို့သည် နောက်နောက်သော ကုသိုလ်တရားတို့အား အာသေဝနပစ္စယသတ္တိဖြင့် ကျေးဇူးပြု၏" ဆိုတာဟာ အချစ်ရေးမှာလည်း အတိအကျ မှန်ကန်နေပါတယ်။ ဒါ့ကြောင့် အတိတ်က ရေစက်ကို အကြောင်းပြုပြီး ဖြစ်ပေါ်လာတဲ့ လက်ရှိ ချစ်ခြင်းမေတ္တာကို ပိုမိုခိုင်မြဲအောင် ထိန်းသိမ်းဖို့ လိုအပ်ပါတယ်။

ဘဝတိုင်းမှာ ချစ်ခင်စွာ ပြန်လည်ဆုံတွေ့နိုင်ဖို့အတွက် ယခုဘဝမှာ ကောင်းမွန်တဲ့အကြောင်းတရားတွေကို ဖန်တီးကြရမှာ ဖြစ်ပါတယ်။ အချစ်ဆိုတာ တစ်ဘဝတည်းနဲ့ ပြီးဆုံးသွားတာ မဟုတ်ပါဘူး။ တစ်ဘဝပြီး တစ်ဘဝ၊ သံသရာအဆုံးတိုင် ဆက်စပ်နေတဲ့ မေတ္တာရေစက်တွေပဲ ဖြစ်ပါတယ်။

#ဉာဏ

November 20, 2024

23/11/2024

ချစ်ရတဲ့သူကို သတိရတဲ့အခါ မေတ္တာပို့ပေးပါ

ချစ်တဲ့သူကို သတိရတဲ့အခါ ဘာလုပ်ရမလဲ လို့ မိတ်ဆွေတစ်ယောက်က မေးပါတယ် ။ ဒီတော့ မေတ္တာပို့ပါလို့ ဖြေပေးလိုက်ပါတယ် ။ ကိုယ်ချစ်တဲ့သူတစ်ယောက် အေးချမ်းပါစေ ၊ ဘေးအန္တရာယ်တွေက ဝေးပါစေ ။ စိတ်မဆင်းရဲပါရစေနဲ့ ။ ခန္ဓာ့ဆင်းရဲကို မခံစားရပါစေနဲ့ ။ လုပ်ငန်းတွေ အောင်မြင်ပါစေ ။ ကြံစည်တိုင်းဖြစ်ထွန်းပါစေ ။ လူမိုက်တွေရန်က ဝေးပါစေ ။ သူတော်ကောင်းတွေနဲ့သာ ဆုံတွေ့ပါစေ စတဲ့ မေတ္တာတွေ ပေးပို့လိုက်ပါ ။

ကမ္ဘာပေါ်မှာ အမြန်ဆုံးယာဉ်ဟာ စိတ်ဖြစ်သလို ခွန်အားအကြီးဆုံးကလည်း စိတ်စွမ်းအင်ပဲဖြစ်ပါတယ် ။ ဒီလိုအမြန်ဆုံးနဲ့ စွမ်းအားအကြီးဆုံးစိတ်ကို အသုံးချပြီးမေတ္တာပို့တဲ့အခါ မေတ္တာတရားရဲ့အကျိုးကို တကယ်ပင်ရရှိပါတယ် ။

ငါ့အတွက်ဆိုတဲ့ အလိုလောဘတွေနဲ့ တည်ဆောက်မိတဲ့အခါ ပျော်ရွှင်ခြင်းထက်ပူလောင်မှုကို ခံစားရပါတယ် ။ ဒီတော့ချစ်ခြင်းမှာ မေတ္တာတရားကို ပေါင်းထည့်လိုက်တဲ့အခါ သတိရတိုင်းမေတ္တာပို့ ၊ လွမ်းတိုင်း မေတ္တာပို့ ၊ သူ့နာမည်လေးရွတ်မိတိုင်း မေတ္တာပို့ပေးလိုက်ပါ ။ မေတ္တာတရားဆိုတာအပြန်အလှန်အကျိုးပြုတဲ့ သတ္တိရှိတာကြောင့် မေတ္တာပို့သူကိုယ်တိုင် အေးချမ်းခြင်းကို ခံစားရပြီး မေတ္တာရရှိသူလည်း အေးချမ်းရပါတယ် ။

မေတ္တာတရားပြည့်ဝနေသူရဲ့ ရုပ်သွင်ဟာ အေးချမ်းတယ် ။ အေးချမ်းတော့ မျက်နှာထားကြည်လင်တယ် ။ မြင်ရတာအေးချမ်းပြီး အသံကြားရတာလည်း အေးချမ်းစေတယ် ။ မေတ္တာစိတ်အမြဲထားတဲ့သူရဲ့ အသားအရေဟာ ကြည်နေတယ် ။ အသားအရေကြည်တော့ အလှတိုးတယ် ။ မေတ္တာတရားအချိန်ပြည့်ရှိနေတော့ ဒေါသမထွက်ဘူး ။

ဒေါသမရှိ‌တော့ စိတ်ကြည်ပြီး အလုပ်အကိုင်တွေ ဆောင်ရွက်ရာမှာ အမှားမရှိဘဲ ဆုံးဖြတ်လုပ်ကိုင်လာနိုင်တယ် ။ ဒါဆိုအောင်မြင်မှုပိုရမယ် ။ အောင်မြင်တဲ့ မိန်းမတစ်ယောက် ၊ ယောင်္ကျားတစ်ယောက်ကို ဘယ်ချစ်သူကမှ စွန့်ခွာမသွားတော့ဘူး ။

ဒါကြောင့်ချစ်ရတဲ့သူကို သတိရတဲ့အခါ မေတ္တာပို့ပါ ။

credit to original with respect
#သုတ ရသ စာစုလေးများ
#သျှင်ယွန်း #ကျေးကို

22/11/2024

မိဘကိုလုပ်ကျွေးတဲ့သူက
ရှာရဖွေရ ပိုလွယ်တယ်။

မိဘကိုဖြည့်ဆည်းပေးတတ်တဲ့သူက
ပိုပြည့်စုံလာတတ်တယ်။

မိဘကိုပြန်ကြည့်တတ်တဲ့သူက
ပိုအဆင်ပြေလာမယ်။

မိဘစကားနားထောင်တဲ့သူက
အမြဲစိတ်ချမ်းသာရတယ်။

ဒါကြောင့်
ရှိနေတုန်းမှာ သိတတ်ပါ
အသ-က်ကြီးမှ ပြန်ကြည့်မယ်လို့မတွေးပါနဲ့
ကိုယ်ပြန်ကြည့်နိုင်တဲ့အချိန်
သူတို့ရှိချင်မှရှိတော့မှာပါ။

မချမ်းသာလို့ မပြည့်စုံသေးလို့ဆိုတဲ့
ဆင်ခြေတွေအစား ကိုယ်တတ်နိုင်သလောက်
အဖေအမေကြိုက်တတ်တဲ့ မုန့်ကလေးတထုတ်
အနွေးထည်လေးတထည် ဖိနပ်လေးတရံလောက်နဲ့တင် ကန်တော့တာမျိုးက
သူ့တို့ကို စိတ်ချမ်းသာစေတယ်
စိတ်ထဲမှာပြည့်စုံစေတယ်။

စကားတခွန်းရှိတယ်။
မိဘအတွက်ကုန်သွားတဲ့ငွေက
အမြဲဆယ်ဆပြန်လာတယ်တဲ့

ကိုယ့်ဆီက နဲနဲရပီး များများ
ပြန်ပေးချင်သူကမိဘတွေအပြင်မရှိပါဘူး

လက်ရှိ အောင်မြင်နေတဲ့သူတွေကို
ကြည့်ရင် မိဘကို သိတတ်သူတွေ

ချမ်းသာနေတဲ့သူတွေကိုကြည့်လိုက်ရင်
မိဘကိုဘယ်တုန်းကမှမငြိုငြင်တတ်သူတွေ

မယုံမရှိနဲ့ ... သူတို့ကြောင့်
မိဘအဆင်ပြေတာမဟုတ်ပဲ
မိဘကြောင့် သူတို့အဆင်ပြေနေတာပါမိတ်ဆွေ။

22/11/2024

ခင်ပွန်းဖြစ်သူက မိန်း-မထက် အပိုရှိသင့်တဲ့ အရာ ၃ ခု

(၁) အရွယ်
(၂) အတတ်ပညာ
(၃) ငွေကြေး

ဇနီးဖြစ်သူက မိမိခင်ပွန်းသည်ထက်အပိုရှိသင့်တဲ့ အရာ ၅ ခု

(၁) သည်းခံပေးမှု
(၂) ချစ်ခင်မှု
(၃) ရေရှည် တွေးခေါ်တတ်မှု
(၄) သန့်သန့်ပြန့်ပြန်နေထိုင်မှု
(၅) အိမ်မှုကိစ္စမှာ ကျွမ်းကျင်မှု

ဇနီမောင်နံ နှစ်ယောက်စုံလုံးမှာ
ရှိသင့်တဲ့ အရာ

(၁) တစ်ယောက်ကို တစ်ယောက်
နားလည်ပေးမှု ၊

(၂) တစ်ယောက်ကို တစ်ယောက်
လေးစားမှု ၊

(၃) တစ်ယောက်ကို တစ်ယောက်
အယုံကြည်ပေးမှု ။

ဒါတွေက အိမ်ထောင်ရေး တခု
တည်တံ့ရေးအတွက် အရေးပါတဲ့
အချက်တွေပါ ။
❤
Credit
Via -

ที่อยู่

1 Soi Kasikornthai, Ratburana Road
Bangkok
101409

เว็บไซต์

facebook.com

แจ้งเตือน

รับทราบข่าวสารและโปรโมชั่นของ ကျွန်တော် ဖတ်ဖို့ผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

วิดีโอทั้งหมด

Than for all☺️

#အဖိုးတန်တဲ့မိန်းမ #motivation #oneday #ForYou #ကျေးကို #အနာဂတ်အမေဖြစ်လာမယ့်

#ထိုက်တန်ရင်ရောက်လာမှာပါ ညီမလေး

ကိုယ်နဲ့ မတန်တဲ့ ဆက်ဆံရေးတွေမှာအချိန်မကုန်နဲ့။ ကိုယ်ဆွဲမှ မြဲမယ့်လက်တွေကိုအပင်းပန်းခံပြီးဆွဲမနေပါနဲ့တော့ လွှတ်ချသင့်တာလွှတ်ချပြီး လွတ်လပ်စွာပျံသန်းပါ။ လေးစားစွာဖြင့် #MayHsu #မေဆုအတွေးရသစာစုလေးများ #MayHsuThoughts #MayHsuyarmanyamyae

ခဏခန ပြတ်မယ်ပြောပြီး ခနခဏပြန်တွဲ နေရရင်ဂုဏ်ယူလိုက်ပါ သူက သင့်ကို လက်လွှတ် ဆုံးရှံးမခံနိုင်လိုပါ အဲ့လိုလူမျိုးရှားသွားပြီမင်းမှမင်းပဲ ဆိုတဲ့လူတွေအခြားတယောက်ကို ပြောင်းကြိုက်သွားကြတာတွေ တပုံကြီး ပဲနော် :'စိတ်ဆိုးတုန်း နားလည်မှု လွှတုန်းခနခဏပြတ်မယ်ပြောပြီးတကယ်မနေနိုင်တဲ့အခါစိတ်ရင်းနဲ့ပဲပြန်ခေါ်ပြီး အရင်လို ပြန်တွဲတာဟာအရမ်းကံကောင်းတယ်အဲ့လို ချစ်သူမျိုးရထားတာသင် အရမ်းကို ကံကောင်းပါတယ်တကယ်ပြတ်မယ်ပြောပြီးလှည့်မကြည့်တဲ့ လူတွေ တပုံကြီးနော် တကယ်မပြတ်နိုင်တဲ့အခါရှုးတာတွေ မြတ်တာတွေနားမလည်ဘူး ချစ်နေသေးတာပဲသူ့ဘက်ကပဲ စခေါ်မယ် ဆိုတဲ့ချစ်သူမျိုး ရထားတာ သင် အရမ်းကံကောင်းပါတယ် ပြန်တွဲတဲ့အခါစိတ်မညစ်ရဘူးမင်းကို အရင် ကထက် ပိုချစ်လိမ့်မယ်တချို နှစ်တွေ အကြာကြီးတွဲလာတဲ့အတွဲတွေ ပိုသိတယ် :သူ့ကိုချစ်ရတာ ပင်ပန်း

ကျေးဇူးတင်လိုက်ပါ """""""""""""""""""""""""""""""""" နာကျင်စေခဲ့သူတွေကိုလည်း ကျေးဇူးတင်တယ်...... သူတို့ကြောင့် ကိုယ်ပိုပြီး သန်မာလာလို့။ အသုံးမကျဘူးလို့ ထင်ကြေးပေးပြီး နှိမ်ခဲ့သူတွေကိုလည်း ကျေးဇူးတင်တယ်..... သူတို့ကြောင့် ကိုယ်ပိုပြီး အသုံးကျဖို့ ကြိုးစားတတ်လာလို့။ မဟုတ်တာမှန်းသိရက်နဲ့ စွပ်စွဲတတ်တဲ့သူတွေကိုလည်း ကျေးဇူးတင်တယ်...... သူတို့ကြောင့် ကိုယ်ပိုပြီး အကျင့်သိက္ခာပိုစောင့်ထိန်းတတ်လာလို့။ မျက်နှာမွဲမို့ ဖိနှိပ်ခဲ့သူတွေကိုလည်း ကျေးဇူးတင်တယ်...... သူတို့ကြောင့် ကိုယ့်ဘ၀ပိုမြင့်မားလာဖို့ ကြိုးစားတတ်လာလို့။ စိတ်ပုပ်မွေးပြီး ကိုယ့်အပေါ်ယုတ်မာခဲ့သူတွေကိုလည်း ကျေးဇူးတင်တယ်.... သူတို့ကြောင့် အချိန်တန် စိတ်ထားတဲ့အတိုင်း အကျိုးပေးတယ်ဆိုတာ သံဝေဂရလာစေလို့။ ကောင်းသောအကြောင်းကြောင့်ပဲဖြစ်ဖြစ် ဆိုးသောအကြောင်းကြောင့်ပဲဖြစ်ဖြစ် အချ

မဖြစ်နိုင်လို့ လမ်းခွဲကြတဲ့အခါ...😢

ทางลัด

แชร์

ประเภท

ครีเอเตอร์วิดีโอ