เว็บไซต์คืออะไร?

Than Lwin Times - Mon Edition

Our core value is protect for "Freedom of Expression" and serving the people "The Right to Know".

01/01/2025

ပရေၚ်ပယျဵုဂှ် သဳကၠဳဒၟံၚ်ကဵုကံၚ်ဇြဳပၞာန် ကေုာံ AA တံဏောၚ် ဗေန်ဂလာန်ဒေတ် ဟီု

တာကာ၊ ဂျာန္နဝါရဳ ၁

စပ်ကဵုပရေၚ်ကြံၚ်မ္ၚိုဟ်ပယျဵုဂှ်တုဲ ဆက်စၠောံသဳကၠဳဒၟံၚ် ဂကောံလ္ပာ်ဍုၚ်ဗၟာ သီုကံၚ်ဇြဳပၞာန်၊ သီုဒပ်ပၞာန်ရခေၚ် AA သီုၜါဂကောံဂှ်ရောၚ် အလဵုအသဳယာယဳဗေန်ဂလာဒေတ် သၟဝ်သ္ကိုပ်သ္ကပါမောက္ခ မိုဝ်ဟာမက် ယူနာသ် ဟီုကၠုၚ် ပ္ဍဲဂိတုဒဳဇြေမ်ဗာ ၃၀ တေံရ။

အပ္ဍဲလၟေၚ်တရဴ ဒုဗိုလ်ဇၞော် အလာန်ချံၚ်ဟူရဳ ညးကဵုကသပ်ဌာနဝန်ဇၞော်ကာအပ္ဍဲဍုၚ် ဗေန်ဂလာဒေတ် မအာစိုပ်လဝ် တက္ခနပ် ဒေသအဂၞဲမဆက်စပ်ဒၟံၚ် ဍုၚ်ဗၟာဂှ် ဟီုလဝ်ကဵု အ္စာပရိုၚ်ဂမၠိုၚ် ဒဒှ်ရအခိၚ်လၟုဟ် ဒပ်ပၞာန်ရခေၚ် AA ထိၚ်ဒက်ဂွံလဝ် မွဲဒမြိပ်ပယျဵု မၞုံဇမၠိၚ် ၂၇၁ ကဳလောမဳတာဂှ်ကီု၊ မွဲလ္ပာ်ဂှ်ပၠန်လေဝ် ကံၚ်ဇြဳပၞာန်ဂှ် အုပ်ဓုပ်ဒၟံၚ်ကၟိန်ဍုၚ် မဒှ်ရ။

ဟိုတ်ဂှ်ရ နကဵုဗေန်ဂလာဒေတ် စပ်ကဵုအကာဲအရာပယျဵုတုဲ ဆက်စၠောံသဳကၠဳဒၟံၚ် သီုၜါဂကောံဂှ် သၞာဲဒဴကဵုကသပ်ကာအပ္ဍဲဍုၚ်ဂှ် ဟီုရ။

ဒပ်ဂီုကၠီုဗေန်ဂလာဒေတ်ဂှ်ဝွံ စွံသတိတုဲ ယိုက်ဂၠေၚ်ဒၟံၚ်တာလျိုၚ်ညးတံ ပ္ဍဲပယျဵုဂှ်တုဲ မုပြဒ္ဒညာမွဲမှ ဟွံဒးဆေၚ်မုက်ဏီပုဟ်ဂှ် သၞာဲဒဴ ချံၚ်ဟူရဳဂှ် ဟီုရ။

ဒပ်မၚ်ပယျဵုဗေန်ဂလာန်ဒေတ် BGB ကီု၊ ကောန်ဒပ်ဂီုကၠီုသီုဖအိုတ် စွံသတိတုဲ ကေတ်ဒၟံၚ်တာလျိုၚ်ညးတံတုဲ ညံၚ်သၞောဝ်ဥပဒေ ဂွံအုပ်ဓလီုဒၟံၚ်လၟိုန် ပ္တိတ်ဒၟံၚ်ဇြဟတ်အဓိကရောၚ် ညးဟီုဗပေၚ်စုတ်လဝ်ရ။

ဆ္ဂး ပ္ဍဲပယျဵုဂှ်တှ်ေ လဆောဝ်လဆောဝ် ပန်ဒၟံၚ်ကဵုသေနာတ်မဝ်တာ၊ ပန်ဒၟံၚ်ကဵုလွဟ်တၞဟ်ဟ်တံ နွံဒၟံၚ်ရောၚ် ညးကဵုလဝ်သမ္တီရ။

ဟိုတ်ဂှ်ရ ဂွံပါမ်က ပ္ဍဲၜဳနာတ်ဂှ် ပြဟ်ဟ်ဏံ ဟွံဗၠးဘဲဏီပုဟ်ဂးတုဲ ယဝ်ရအကာဲအရာကဵုကၠုၚ်မ္ဂး စပ်ကဵုကိစ္စဏံတုဲ အလဵုအသဳ ကဵုအာသ္ဂုတ်သွာတ်ဏောၚ်ဂှ် ဟီုရ။

AA ဂှ်တှ်ေ ဗ္တိုက်ပ္တိတ် ကောန်ဒပ်ကံၚ်ဇြဳပၞာန်တံဂှ်တုဲ အခိၚ်သီအာအလုံဍုၚ်ရခေၚ်မွဲဂှ် ပ္ဍဲပယျဵုဂှ် ဗေန်ဂလာဒေတ် ဗပေၚ်လဝ်ဇြဟတ်ဂီုကၠီုရောၚ် ပရိုၚ်တိတ်ဒၟံၚ်တုဲ ဂလာန်သၞာဲဒဴ ချံၚ်ဟူရဳ မံက်တိတ်ကၠုၚ်လဝ်သာ်ဏံရ။

Ref: PTI
https://mon.thanlwintimes.com/?p=20966

01/01/2025

မူဟိုတ်ကံၚ်ဇြဳပၞာန် ဂွံရပ်စပ်ဒၟံၚ် ဗျူဟာဆဵုဂဗသဳကၠဳဂှ်ရော

နေဗျဳဒဝ်၊ ဂျာန္နဝါရဳ ၁

အပ္ဍဲပေါဲဗ္တိုက်ထပိုတ်ရိုဟ်ကၞက်သၞောတ်တၠအဝဵုပၞာန် ဝၚ်ဒပ်ပၞာန်ဗၟာ မဒှ်အာအပြံၚ်အလှာဲဂှ် ဒဒှ်ရပံက်လဝ်တြၚ်ပရေၚ်ၜိုဟ်လလမ်လၟိုန်ဂှ် ကံၚ်ဇြဳပၞာန် ကော်ဘိက်ကၠုၚ်ဒၟံၚ် ဟွံပိုတ်သ္ကုတ်ရ။

ကံၚ်ဇြဳပၞာန် ဒးဆေၚ်ဒၟံၚ်မုက်ကဵုပရေၚ်ကျဗြံဂှ် ပေါဲရုဲမာဲ မဒှ်ပၞော်တိတ်ဂှ် သွက်ဂွံကၠောန်ဗဒှ်မာန် ပ္တိတ်ဇြဟတ်တုဲ ပွမဂၠါဲသွဟ် နကဵုဆဵုဂဗသဳကၠဳ နကဵုနဲကဲပရေၚ်ဍုၚ်ကွာန်ဂှ်ရဟေၚ် အံၚ်ဇၞးမာန်ဏောၚ်ဂှ် လေပ်ဟီုကၠုၚ် မွဲဏှမွဲဏှရ။

ဗွဲတၟေၚ် ကြဴနူဒးဗလးကၠုၚ်တဲ ဌာန်ဂအုပ်ပၞာန်ရးဨသာန် မၞုံကၠုၚ်ကဵုဝၚ်မဇၞော် ကိုပ်ကၠာအိုတ်တုဲဂှ် ဂကောံရပ်လွဟ်ကောန်ဍုၚ်အရေၚ်တံကဵု ဂကောံ PDF တံ သွက်ဂွံသောၚ်ကလး နကဵုနဲကဲပရေၚ်ဍုၚ်ကွာန်ဂှ် ပ္ဍဲသၞာံ ၂၀၂၄ ဂိတုသေပ်တေမ်ဗာ ၂၆ ဂှ် စကော်ဘိက်လဝ်ရ။

ကြဴနူဂှ်တုဲ ပ္ဍဲကဵုတ္ၚဲကၠောံသၞာံ လိက်ကသုက်ဒေါအ်ပန်ပှော်အလုံဍုၚ်မွဲ NCA ၊ ပ္ဍဲကဵုတ္ၚဲစၟတ်သမ္တီကောန်ဍုၚ်အရေၚ်တံ ကေုာံ ပ္ဍဲကဵုကောံဓရီုတံဂှ် သွက်ဂွံဆဵုဂဗသဳကၠဳ နကဵုနဲကဲပရေၚ်ဍုၚ်ကွာန်တံဂှ် က္ဍိုပ်သ္ကိုပ်ပၞာန် ဟီုပ္တိတ်ကၠုၚ် မွဲဏှမွဲဏှရ။

ဥူတာန်သဵုနာၚ် ညးလ္ၚတ်သ္ၚဳဂၠိပ်ပရေၚ်ဍုၚ်ကွာန်ဂှ် ဂွံဂွံထံက်ဂလာန်ကြုက်ဂှ် ကံၚ်ဇြဳပၞာန်ဟီုပ္တိတ်မအရေဝ်ပရေၚ်ၜိုဟ်လလမ်တုဲ ပပၞကၠောန်ထ္ၜးဒၟံၚ် ပရေၚ်ဆဵုဂဗသဳကၠဳပရေၚ်ဍုၚ်ကွာန်တံဂှ်ရောၚ် သ္ၚဳဂၠိပ်လဝ်ရ။

“သၟဝ်ကြုက်ဖ္တိုက်ဖ္အောဝ်ကၠုၚ် ကၠောန်ပရေၚ်ၜိုဟ်လလမ်ညိ ကၠောန်ပေါဲရုဲမာဲညိဂှ် ဍေံတံ (စကစ) ကၠောန်ဒၟံၚ်။ ဆ္ဂး အရာတံဏံဂှ် ကလောန်ပပၞ၊ ဍာံဍာံဂှ် ပရေၚ်ပကီုပရာပ်တံဂှ် ဆက်ကၠောန်ဒၟံၚ်ဟွံလီု။ ဒဵုတ္ၚဲဏံ ပၞာန်ထ္ပက်ကဵုက္ၜၚ်ကျာတံ ပန်ကဵုအမၠံက်တံဂှ် ပန်ဒၟံၚ်ဟွံပိုတ်သ္ကုတ်။ တုဲပၠန် ဂွံကလေၚ်သီဗ္ဒိုပ်ညးတံ မ္ဒးဆောံလေၚ်အာဂှ်လေဝ် ပ္တိတ်ဒၟံၚ်ဇြဟတ်နာနာသာ်ရ။ အေ ဂှ်တှ်ေ အရေဝ်ၜိုဟ်လလမ်ဟီုဂှ် ညံၚ်ကြုက်ဂွံဒးဂၞပ် နကဵုညးတံ ဟီုထ္ၜးဒၟံၚ်ရ။ သဘဴမိက်ဂွံဂွံၜိုဟ်လလမ် ဗွဲမဍာံဇေတ်ဂှ် ဟွံမွဲလးလးရ” သာ်ဝွံ သ္ဂးရ။

နကဵုဍုၚ်ကြုက် သ္ပဟိုတ်ကဵုဒတုဲမြမောဝ်ကိုန်စဳမာန်ပရေၚ်ဓလိုက်တမ်ရိုဟ် နွံအပ္ဍဲဍုၚ်တံဂှ်တုဲ ညံၚ်ဒေသပယျဵုဂွံညိၚ်ဝတ်ဂှ် စပ်ကဵုအကြေပ်အဂြပ်ဍုၚ်ဗၟာတုဲ လုပ်စိုပ်ပ္ညဳပ္ညပ်ဒၟံၚ်အကြာတံ ကၠောန်ကၠုၚ်ရ။

အတိုၚ်တၚ်နၚ် ဂကောံသုတေသနဗၠးၜး ISP-Myanmar ဂှ်မ္ဂး ကိုန်စဳမာန်ပရေၚ်ဓလိုက်တမ်ရိုဟ်ကြုက် ပ္ဍဲဒေသရခေၚ်၊ ပ္ဍဲကဵုသ္ကုတ်လဒေါဝ်ဍုၚ်ဗၟာ ကေုာံ သီုကဵုရးသေံသ္ကုတ်သၟဝ်ကျာ နွံ ၂၃ ဂှ် ဂကောံရပ်လွဟ်ကောန်ဍုၚ်အရၚ်တံ သီဂွံလဝ်ပေၚ်ၚ်ရ။

ဟိုတ်ဂှ်ရ ပ္ဍဲကဵုအကာဲအရာ ကံၚ်ဇြဳပၞာန် မ္ဒးဗလးအာကြပ်အလုံရးသေံသ္ကုတ်သၟဝ်ကျာမွဲဂှ် ကြုက်ကဵုကၠုၚ်ဇြဟတ်ဂရိုဟ် ကုဂကောံကဝ်က MNDAA ကေုာံ ဂကောံတအာၚ်တံဂှ်တုဲ သွက်ဂွံဒေါအ်ပန်ပှော်၊ သွက်ဂွံသဳကၠဳပရေၚ်ဍုၚ်ကွာန်ဂှ် ဒှ်ကၠုၚ်ရ။

ဒပ်ပၞာန်ရခေၚ် AA ဂှ်တှ်ေ သီုကဵုပေါဲအံၚ်ဇၞး ကလိဂွံကၠုၚ်အပ္ဍဲရးရခေၚ်ဂှ် ဂွံဆက်သီဗ္တိုက်အာ သှ်ေဒၟံၚ်ပိပွိုၚ်ဍုၚ်ဓဝ်ဂှ် ပ္ဍဲဂိတုဒဳဇြေမ်ဗာ ၂၉ တေံ လလောၚ်တြးကၠုၚ်လစွံစိုတ် သွက်သ္ဂောံသောၚ်ကလးနကဵုနဲကဲပရေၚ်ဍုၚ်ကွာန် ဒှ်ဒၟံၚ်ဒတုဲလၟိုန်ရောၚ် မဒှ်ရ။

လ္ပာ်ကံၚ်ဇြဳပၞာန်ဂှ်လေဝ် ဒှ်ကၠုၚ်ဒၟံၚ်အကာဲအရာ ကြပ်ဒးဗလးဒၟံၚ် အလုံတွဵုရးရခေၚ်မွဲဂှ် သွက်ဂွံကၠုၚ်စိုပ်သဳကၠဳ လ္တူဝိုၚ်ခုၚ်တက်ကျာ သွက်ပရေၚ်ၜိုဟ်လလမ်ဂှ် က္ဍိုပ်သ္ကိုပ်ပၞာန် ဟီုကၠုၚ်လဝ် အပ္ဍဲဂိတုဒဳဇြေမ်ဗာဏံ ဟွံအောန်နူကဵုပန်ဝါရ။

ကိုဝ်ကံၚ်တူဝေန် မသ္ပလဝ်ဇြဳဒဳအာမ် ကဆံၚ်ဗိုလ်ဇၞော်ဂှ်တှ်ေ ညံၚ်ဂကောံကောဒေံပိဂကောံ မဂွံဇၞးဒၟံၚ်ပ္ဍဲပရေၚ်ပၞာန်တံ ညံၚ်ဟွံဂွံဆက်ကၠုၚ်လ္ပာ်ၝောံဍုၚ် ညံၚ်ရီုဗၚ်ထံက်ပၚ်ကဵု ဂကောံပၠန်ဂတးတၞဟ်ဟ်တံ ဟွံဂွံမွဲဂှ် ဟီုဒၟံၚ်အရေဝ်ၜိုဟ်လလမ်ရောၚ် သ္ၚဳဂၠိပ်လဝ်ရ။

“ကံၚ်ဇြဳပၞာန်ဂှ်တှ်ေ တိဍာ်ညးတံဒးဆောံလေၚ်အာတံဂှ် ဟွံမိက်ကေတ်ပုဟ်ဟာဟီုတှ်ေ မိက်ဂွံဂွံဒၟံၚ်ဏောၚ်။ ဟိုတ်နူကျပၞာန်တုဲ ဒးစိုပ်အာသၟဝ်ဂှ်ရ ဒှ်ကၠုၚ်အကာဲအရာဟီုကၠုၚ်အရေဝ်ပရေၚ်ၜိုဟ်လလမ်။ မွဲပၠန်ဂှ် ပ္ဍဲကဵုညးတံဂှ်လေဝ် အရာမဂွိၚ်ဒၟံၚ်တံ နွံ။ ဂကောံမဟာမိတ်သၟဝ်ကျာပိဂကောံ AA ဂှ်တှ်ေ ပံၚ်တောဲကဵုဂကောံပၠန်ဂတးအပ္ဍဲဍုၚ်တံ ဟွံသေၚ်မ္ဂး ပ္ဍဲဒၞါဲထ္ပက်ပၞာန်တံဂှ် ရီုဗၚ်ကဵု ဟွံသေၚ်မ္ဂး ရီုဗၚ်ထံက်ပၚ်ကဵု လွဟ်လက်နက်မကမ်တံဏောၚ်ဟီုမ္ဂး ကံၚ်ဇြဳပၞာန် သာတုဲဒးဂိကၠုၚ်မာန်ဏောၚ်။ ဟိုတ်ဂှ်ရ ဂကောံတံဏံ ညံၚ်ဟွံဂွံဆက်အာဂှ်လေဝ် ပါလုပ်ဒၟံၚ်ပ္ဍဲတၚ်နွံပၟိက်ဍေံတံမွဲကီုရ” သာ်ဝွံ သ္ဂးရ။

ကံၚ်ဇြဳပၞာန် ကော်ဘိက်ကၠုၚ်သ္ဂောံသဳကၠဳဂှ်ဝွံ ကဵုဂကောံရပ်လွဟ်ကောန်ဍုၚ်အရၚ်တံ ကဵုဂကောံဒပ်စဵုဒၞါညးဍုၚ်ကွာန် PDF တံ ထောံကၠေံလွဟ်တုဲ နူကဵုဂၠံၚ်တရဴပေါဲရုဲမာဲ ပရေၚ်ဍုၚ်ကွာန်ဗော်တံဂှ် သွက်ဂွံကဵုဂၠါဲသွဟ်ပြဒ္ဒညာပရေၚ်ဍုၚ်ကွာန် မဒှ်ရ။

ပၞာန်ထ္ပက်အလုံဍုၚ်မွဲ မက္တဵုဒှ်ဒၟံၚ်လၟုဟ်ဂှ်ဝွံ ဒှ်ပေါဲဗ္တိုက်သရိုဟ်သၞောတ်တၠအဝဵုပၞာန်ဏောၚ်တုဲ သွက်ကၟိန်ဍုၚ်ပံၚ်ကောံဖေဝ်ဒရာအနာဂတ်ဂှ် ပ္တဝ်ဒၟံၚ်က္ဍိုပ်ကဵု ပၠန်ဂတးပြံၚ်လှာဲသၞောတ်ဏောၚ် က္ဍိုပ်သ္ကိုပ်ပၠန်ဂတးတံ သ္ဂးရ။

အတိုၚ်တၚ်နၚ် BNI – Myanmar Peace Monitor ဂှ်မ္ဂး အပ္ဍဲပရေၚ်သီအဝဵုဏံ ဂကောံရပ်လွဟ်ကောန်ဍုၚ်အရၚ်တံကဵု ဂကောံဇြဟတ်ပၠန်ဂတးတံ သီထိၚ်ဂွံလဝ် ၈၉ ဍုၚ်ရောၚ် ဂွံတီကေတ်ရ။

အပ္ဍဲသၞာံဏံမွဲသၞာံဓဝ်ဂှ် ပ္ဍဲကဵုတိဍာ်ကံၚ်ဇြဳပၞာန်အုပ်ဓလီုလဝ် ပ္ဍဲကချေၚ်၊ ချေၚ်၊ ရးသေံသၟဝ်ကျာ၊ ရခေၚ်၊ သက်ကိုၚ် ကေုာံ ပ္ဍဲမာန္တလေဝ်တံဂှ် ကံၚ်ဇြဳပၞာန် ဒးဗလးလဝ်တဲ စဵုကဵု ၆၀ ဍုၚ်တုဲ ပ္ဍဲကဵုဏံ ဌာန်ဂအုပ်ပၞာန်ရးၜါဂှ်လေဝ် ဒးပြဟ်လလုဲအာလဝ်ရ။

တၠအဝဵုပၞာန်ခေတ်အဆက်က်တံဂှ်တှ်ေ ပ္ဍဲပၞာန်အပ္ဍဲဍုၚ်ဂှ် ဇၟာပ်မ္ဒးဂဗကၠုၚ်ကဵုအကြေပ်အဂြတ် သွက်ဂွံသောၚ်ကလး ပြဒ္ဒညာပရေၚ်ဍုၚ်ကွာန် နကဵုနဲကဲပရေၚ်ဍုၚ်ကွာန်ဂှ် ကော်ဘိက်ကၠုၚ်ဒၟံၚ်လၟိုန်အခါရောၚ် ညးခါတ်အကာဲပရေၚ်ပၞာန်ဂမၠိုၚ် ထံက်ထ္ၜးလဝ်ရ။

က္ဍိုပ်သ္ကိုပ်ပၞာန်ဂှ်တှ်ေ ညံၚ်ပဋိပက္ခရပ်လွဟ်တံ ဂွံအိုတ်အးအာ ညံၚ်ဂွံသောၚ်ကလးပြဒ္ဒညာပရေၚ်ဍုၚ်ကွာန် နကဵုနဲကဲပရေၚ်ဍုၚ်ကွာန်ဂှ် ကော်ဘိက်လဝ်ကီုလေဝ် ဂကောံရပ်လွဟ်ကောန်ဍုၚ်အရၚ်လ္ၚဵုတံဂှ်တှ်ေ သ္ပလဝ်မၛ္ဇဟ်ရောၚ် ဟီုကရောတ်လဝ်ဏီရ။

ဆ္ဂး ဒဒှ်ရကော်ဘိက်ဒုၚ်တၠုၚ် ပရေၚ်ဆဵုဂဗသဳကၠဳ သွက်ပရေၚ်ၜိုဟ်လလမ်ဂှ်ကီု၊ လစွံစိုတ် မကလိဂွံ နူကဵုပရေၚ်သဳကၠဳတံဂှ် သွက်ဂွံသ္ပဒတန်သဳကၠဳအာ ပ္ဍဲကၠတ်ထဝ်ဂတဏံမာန်ဂှ် စၟတ်သမ္တီလဝ်ရောၚ် သ္ဂးရ။

ဒံက်တာသဳရိမန်ဆာန် သ္ကိုပ်ဒပ်ဒပ်စဵုဒၞါဍုၚ်မန် MSDF ဂှ်တှ်ေ အလဵုအသဳ ဒပ်ပၞာန်အုပ်ဓလီုလဝ်၊ ကံၚ်ဇြဳလဵုမွဲမှ ညံၚ်ဂွံအံၚ်ဇၞး သောၚ်ကလးအာ ပြဒ္ဒညာပရေၚ်ဍုၚ်ကွာန်မာန်ဟွံသေၚ်ပုဟ်ဂှ် သ္ၚဳဂၠိပ်လဝ်ရ။

“ ဒဵုအခိၚ်လၟုဟ် ပြဒ္ဒညာပရေၚ်ဍုၚ်ကွာန်လဵုမွဲမှ သောၚ်ကလးကဵု နနဲပရေၚ်ဍုၚ်ကွာန် ဟွံမာန်ဏီပုဟ်။ ညအ်ဂှ် အလဵုအသဳ၊ ကံၚ်ဇြဳပၞာန် နူကဵုဒပ်ပၞာန်မအုပ်ဓလီုလဝ်တံ မိက်ဂွံသောၚ်ကလးပြဒ္ဒညာပရေၚ်ဍုၚ်ကွာန် နကဵုလစွံစိုတ်မယျေလ္ဂူတပ်တးဟွံသေၚ်တုဲ ညံၚ်ဂွံတတ်ၜက်အခက်အခုဲပရေၚ်ပၞာန်၊ ပရေၚ်ဍုၚ်ကွာန်မာန်ဂှ် ဒှ်ကၠုၚ်ဆၜိုတ်ပြယာဲရတုဲ ဟွံအံၚ်ဇၞးလဝ်ရ။ ကဵုအလဵုအသဳ ဒပ်ပၞာန်အုပ်ဓလီုလဝ် ကဵုကံၚ်ဇြဳပၞာန်လဵုမွဲဟွံဟီု ပရေၚ်သဳကၠဳပရေၚ်ဍုၚ်ကွာန်သာ်ဏံတံဂှ် အံၚ်ဇၞးအာ ဟွံသေၚ်ပုဟ်” သာ်ဝွံ သ္ဂးရ။

ကံၚ်ဇြဳပၞာန် စဒၟံၚ်လၟေၚ်ကမၠောန်ပေါဲရုဲမာဲတံယျဂှ်တုဲ ညးဍုၚ်ကွာန်ဂမၠိုၚ် ဂွံကဵုဆန္ဒမာဲ ဗွဲမဗၠးၜးမာန်ဂှ် ပရေၚ်ဂီုကၠီု ကေုာံ ပရေၚ်ၜိုဟ်လလမ်ဂှ်ဝွံ ပၟိက်ဇၞော်ဂှ်ရ ဂွံသဳကၠဳပရေၚ်ဍုၚ်ကွာန်ဂှ် ပ္တိတ်ဒၟံၚ်ဇြဟတ်ရောၚ် ထ္ၜးလဝ်ဟိုတ်ရ။

ဆ္ဂး ဍုၚ်မ္ဒးဗလးလဝ်တဲ သီုပေါဲဗ္တိုက်ဒှ်လဝ်ဟွံမွဲတံဂှ်ကီု၊ ဗ္ဒိုပ်ပါဲဒဴဘဲပၞာန်၊ ဖျာ၊ ရုၚ်ဂဥုဲ၊ သ္ၚိမၞိဟ်ဒၟံၚ်၊ စမြိုၚ်ဘာသာ ဒၞါဲတံဏံဂှ် ပ္တဝ်က္ဍိုပ်တုဲ ကံၚ်ဇြဳပၞာန် ကၠောန်ကၠုၚ်ဒၟံၚ်ပရေၚ်ဗ္တိုက်ပၞာန်ကျာတံ အဆက်က်ရ။

ဥက္ကဌဗော်သွးကောန်ဂကူကရေၚ် KNU ပဒိုဝ်သဝ်ဂွါထူဝေန်ဂှ် နကဵုတၠအဝဵုဂမၠိုၚ် ယဝ်ရသောၚ်ကလးကဵုပြဒ္ဒညာပရေၚ်ဍုၚ်ကွာန် နကဵုနဲကဲပရေၚ်ဍုၚ်ကွာန် ဗွဲမတပ်တးဟွံမာန်ပုဟ်ဟီုမ္ဂး ပရေၚ်ၜိုဟ်လလမ်အပ္ဍဲဍုၚ် မဍာံပြမွဲ ဒှ်ကၠုၚ်ဟွံသေၚ်ပုဟ်ဂှ် ဟီုဏာလဝ်ဂလာန် ပ္ဍဲတ္ၚဲကၠောံသၞာံတၟိကရေၚ်ဂှ်ရ။

ပရိုၚ်−သြၚ်လောန်တိုၚ်(မ်)
ဗီု−MOI
https://mon.thanlwintimes.com/?p=20963

01/01/2025

ပ္ဍဲတွဵုရးဍုၚ်မန် ကံၚ်ဇြဳပၞာန် ရပ်အာတ်ဒၟံၚ်လှုဲ လ္တူယာန်ဟွံမွဲကဵုလာၚ်ဇြေန်

မတ်မလီု၊ ဂျာန္နဝါရဳ ၁

ပ္ဍဲတွဵုရးဍုၚ်မန် ယာန်လာၚ်ဇြေန်ဟွံမွဲတံဂှ် ဂကောံပံၚ်ကောံကံၚ်ဇြဳပၞာန်တံ ရပ်ဒက်ကၠုၚ် နကဵုကိုန်စဳမာန်မွဲတုဲ ဘပဠအာတ်ဒၟံၚ်သြန်တံသၟးဟွံက သီုပံက်ကၠုၚ်ဂဗုတ်ကေတ်ကၠုၚ်အရေဝ် ကုမၞိဟ်တံ နွံဒၟံၚ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ဂကောံပံၚ်ကောံကံၚ်ဇြဳပၞာန်တံဝွံ ပပ္တံနူဂိတုဒဳဇြေမ်ဗာ သတ္တာဟတတိယဂှ်တုဲ ပ္ဍဲကဵုပွိုၚ်ဍုၚ်ညးတံ မထိၚ်ဒက်လဝ်တံဂှ် ရပ်ကၠုၚ်ဒၟံၚ်ယာန်ဟွံမွဲကဵုလာၚ်ဇြေန်တံ နကဵုကိုန်အစဳဇန်ရ။

ဒၞါဲရပ်ဂှ်တှ်ေ မ္ၚးနူကဵုကွဳစက်လာၚ်ဇြေန်ဟွံမွဲဂှ် ရပ်ဒၟံၚ်သီုကဵုကွဳလိုန်ဓာတ်ဟၟဲကဵုလာၚ်ဇြေန်တံဂှ်တုဲ အာတ်ကၠုၚ်ဒၟံၚ်သြန် ဂၠိုၚ်ကဵုစှော်ကိုဋ်တုဲ ကလေၚ်ဗလးကဵုလဝ်နွံတုဲ ပ္ဍဲလၟေၚ်ဒဒှ်လ္ၚဵုတံဂှ်တှ်ေ ရပ်ကၠုၚ်သီုကဵုမၞိဟ်တံ နွံဂှ် ညးဒေသတံ ဟီုရ။

ညးဒေသရေဝ် ဟွံမိက်ထ္မံက်ယၟုမွဲတၠဂှ်တှ်ေ ပ္ဍဲအရာရပ်ဒက်ယာန်ကွဳစက် ဟွံမွဲကဵုလာၚ်ဇြေန်တံဂှ် တန်တဴကဵုဂကူကွဳလိုန်ဓာတ်တုဲ ဗွဲတွဵုမအောန် နူ ၅ ကိုဋ်ဒ္ကေဝ် စဵုကဵု ၃၀ ကိုဋ်ဒ္ကေဝ် အာတ်မိက်ဒၟံၚ်တံ နွံဒၟံၚ်ရောၚ် ဟီုရ။

“ကွဳလိုန်ဓာတ်ဂှ်တှ်ေ အဏံဍေံတံရပ်ဒၟံၚ် ကဵုကိုန်စဳဇန်။ ကိုန်စဳဇန်ဟီုဂှ် ရပ်ဒၟံၚ်ကဵုဂကောံစုၚ်လေဝ် နွံ။ တန်တဴကဵုလ္တူကွဳလိုန်ဓာတ်တုဲ ဒးကဵုဒၟံၚ် နူ ၅ ကိုဋ် စဵုကဵု ၃၀ ကိုဋ်။ ကွဳလိုန်ဓာတ်တဲခိုဟ်တှ်ေ ဗီုခိုဟ်ဂှ် ဒးကဵု။ အခိၚ်လၟုဟ် ကိစ္စယိုက်လျိုၚ်ပၞာန်တံဂှ်လေဝ် ဍေံတံဒးကေတ်ဒၟံၚ်မၞိဟ်သေၚ်ဟာ။ အရာဏံဂှ်လေဝ် ဍေံတံရပ်ကၠုၚ်ဒၟံၚ်နွံဏောၚ်။ လ္ၚဵုတံဂှ်တှ်ေ ကော်ကေတ်လဝ် သီုကွဳ သီုမၞိဟ်ဂှ်နွံ” သာ်ဝွံ သ္ဂးရ။

ဂကောံပံၚ်ကောံကံၚ်ဇြဳပၞာန်တံဝွံ ထ္ၜးဟိုတ်နာနာသာ်တုဲ ရပ်ဒက်ဒၟံၚ် ယာန်ကွဳစက်ညးဒေသ မဟၟဲကဵုလာၚ်ဇြေန်တံနွံကီုလေဝ် ရဲမစုက်ကဵုညးတံ ယဝ်ဍိုက်ကၠုၚ်ယာန် လာၚ်ဇြေန်ဟွံမွဲတံဂှ်မ္ဂး ရပ်ဒက်ကၠုၚ်ဟွံမွဲပုဟ်ဂှ် ညးဆက်ဟီုရ။

ညးဒေသသဓီု ဟွံမိက်ထ္မံက်ယၟုမွဲတၠဂှ်လေဝ် ပါဲနူကဵုကွဳစက်၊ ကွဳလိုန်ဓာတ် လာၚ်ဇြေန်ဟွံမွဲတံဂှ် သီုကဵုသၠာပိတံဂှ် ပ္ဍဲကဵုဒၞါဲလုပ်တိတ်ဍုၚ် ပ္ဍဲသၞေဟ်ကၚ်စၟဳတ်ကံၚ်ဇြဳပၞာန်တံဂှ် မၚ်ရပ်ဒၟံၚ်တံ နွံဒၟံၚ်ရောၚ် ဟီုရ။

“ ရပ်ဂှ်ရပ်ဒၟံၚ်ရ။ ရပ်ဒၟံၚ်ကွဳစက်လာၚ်ဇြေန်ဟွံမွဲတံ၊ ရပ်ဒၟံၚ်ကွဳလိုန်ဓာတ်တံ။ ရပ်ဒၟံၚ်ကွဳလှာပိတံ ပ္ဍဲကဵုသၞေဟ်ကၚ်တံဂှ်ရ။ ကွဳလှာပိတံဂှ်တှ်ေ တိုန်လ္တူဂၠံၚ်ဇၞော်တှ်ေ ရပ်ဏောၚ်။ ဒှ်ဒၟံၚ်သာ်ဏံတုဲ ဍေံတံဂှ်တှ်ေ ဗီုဒးစိုတ်ဂှ် လုပ်ရပ်ဒၟံၚ်ရ” သာ်ဝွံ သ္ဂးရ။

ယာန်ကွဳစက် လာၚ်ဇြေန်ဟွံမွဲ အပ္ဍဲကဵုတွဵုရး ဗွဲမဂၠိုၚ်ဂှ်ဝွံ နူကဵုပယျဵုတံဂှ်မွဲကဆံၚ် ကဵုလှုဲကုသၞေဟ်ကၚ်စၟဳတ်ကံၚ်ဇြဳပၞာန်တံဂှ်တုဲမှ လုပ်စိုပ်ကၠုၚ်လဝ်ရ။

အပ္ဍဲကာလပၞာန်သီအဝဵုဏံ စနူကဵုဇၞော်သ္ကိုပ်ဒပ်ဗၠာဲသၟိၚ်တံကဵု ဒပ်ကံၚ်ဇြဳပၞာန်တံဂှ် က္ဍိုက်ပ်ပၠောပ်ပ္တိုန်နၚ် ယာန်ကွဳစက်လာၚ်ဇြေန်ဟွံမွဲတံ နွံဒၟံၚ်ရောၚ် ဂွံတီကေတ် အတိုၚ်ဂလာန်သၞာဲဒဴကံၚ်ဇြဳပၞာန် ဟွံမိက်ထ္မံက်ယၟုတံဂှ်ရ။

ပရိုၚ်−သြၚ်လောန်တိုၚ်(မ်)
ဗီု−CJ
https://mon.thanlwintimes.com/?p=20960

01/01/2025

အပ္ဍဲထံၚ်စာတ်ဂမၠိုၚ် အပ္ဍဲပွိုၚ်မွဲသၞာံ ကောန်ထံၚ်ပရေၚ်ဍုၚ်ကွာန် ၃၁ တၠ ဒးဒုၚ်ဂစိုတ်

မတ်မလီု၊ ဒဳဇြေမ်ဗာ ၃၁

ပ္ဍဲကဵုထံၚ်စာတ်အလုံဍုၚ်မွဲဂှ် ဟိုတ်နူကံၚ်ဇြဳပၞာန် ဂစိုတ်ဂယိုၚ်ကၠုၚ်ဒၟံၚ် ဟွံမွဲကဵုသၞောဝ်၊ ဟိုတ်နူဟွံဂွံပရေၚ်လွဳလွတ်ဂဥုဲ ဗွဲမရုမ်ဂပ်ဂှ်တုဲ ကောန်ထံၚ်ပရေၚ်ဍုၚ်ကွာန် သီုတြုံတြုံ၊ သီုဗြဴဗြဴဂှ် အပံၚ်ဖအိုတ် ၃၁ တၠ ချိုတ်အာလဝ်ရောၚ် ဂွံတီကေတ် ဇရေၚ်ဇာဇၞိက်ကောန်ထံၚ်ပရေၚ်ဍုၚ်ကွာန် အလုံဍုၚ်မွဲ PPNM ရ။

နူသၞာံ ၂၀၂၄ ဂိတုဂျာန္နဝါရဳ ၁ စဵုကဵုဂိတုဒဳဇြေမ်ဗာ ၃၁ အပ္ဍဲပွိုၚ်မွဲသၞာံဂှ် ဟိုတ်နူဒပ်ကံၚ်ဇြဳပၞာန်သီအဝဵုတံ၊ သ္ဇိုၚ်ဝန်ထံၚ်တံ ဖံက်ပ္ကဝ်အခေါၚ်အရာမၞိဟ် အပ္ဍဲထံၚ်တံဂှ်တုဲ ကောန်ထံၚ်ဂမၠိုၚ် ဒးချိုတ်အာလဝ်ရ။

အတိုၚ်တၚ်လလောၚ်တြး PPNM ဂှ်မ္ဂး ပ္ဍဲကဵုထံၚ်စာတ်တံဂှ် ဒၟါနူဟွံဂွံပရေၚ်မၚ်မွဲရံၚ်စံၚ်ဂဥုဲဇဗတံ ဗွဲမရုမ်ဂပ်တုဲ ညးဗြဴကောန်ထံၚ်ပရေၚ်ဍုၚ်ကွာန် ၃ တၠ၊ ကောန်ထံၚ်ပရေၚ်ဍုၚ်ကွာန် တြုံတြုံ ၁၈ တၠ ကေုာံ ကောန်ထံၚ်ပရေၚ်ဍုၚ်ကွာန် LGBT မွဲတၠ၊ အပံၚ်ဖအိုတ် ၂၂ တၠ ချိုတ်အာလဝ်ရောၚ် ထ္မံက်ထ္ၜးလဝ်ရ။

ကြဴနူဒးဒုၚ်ရပ် ဟွံဗဗွဲကဵုသၞောဝ်တုဲဂှ် အပ္ဍဲထံၚ်ကီု၊ မ္ၚးထံၚ်ကီုဂှ် ဒးဒုၚ်ပြိုက်ဂစိုတ်ဒၟံၚ်တုဲ ကောန်ထံၚ်ပရေၚ်ဍုၚ်ကွာန် တြုံတြုံ ၈ တၠ၊ ဗြဴဗြဴ ၁ တၠ ချိုတ်အာလဝ်ရ။

မွဲလ္ပာ်ဂှ်ပၠန် နူကဵုကောန်ထံၚ်ရာဇဝတ် မဒှ်လေံဒုက်သ္ဇိုၚ်ဝန်ထံၚ်တံ ဟိုတ်နူၜုၚ်တက်ပျဲပျာံကၠုၚ် ဟွံမွဲကဵုသၞောဝ်ဂှ်တုဲ ကောန်ထံၚ်ပရေၚ်ဍုၚ်ကွာန် သီုတြုံတြုံ၊ သီုဗြဴဗြဴ ဗွဲတွဵုမအောန် ၁၄၈ တၠ ဒးဒုၚ်ၜုၚ်တက်လဝ်ရ။

သ္အာၚ်နူဂှ်ပၠန် ပ္ဍဲထံၚ်စာတ်တံဂှ် ဟိုတ်နူအာတ်မိက်အခေါၚ်အရာကောန်ထံၚ်တံတုဲ ကောန်ထံၚ်ပရေၚ်ဍုၚ်ကွာန် ဒးဒုၚ်ဆုဲပြံၚ်ထံၚ်တံဂှ် ၃၀၅၄ တၠ နွံလဝ်ရောၚ် PPNM သ္ဂးရ။

အတိုၚ်တၚ်နၚ် ဂကောံမၚ်မွဲရီုဗၚ်ကောန်ထံၚ်ပရေၚ်ဍုၚ်ကွာန် AAPP ဂှ်မ္ဂး အပ္ဍဲကာလသီအဝဵုပွိုၚ်ပန်သၞာံပြၚ်ဏံ အလုံဍုၚ်မွဲ ညးဒးဒုၚ်ရပ်လဝ် နွံကၠုၚ် စဵုကဵု ၂၈၀၀၀ ပြၚ်တုဲ ပ္ဍဲကဵုဏံ ၂၀၀၀၀ ပြၚ် ဆက်ဒးဒုၚ်ရပ်လဝ်ရ။

ပရိုၚ်−သြၚ်လောန်တိုၚ်(မ်)
ဗီု− Social Media
https://mon.thanlwintimes.com/?p=20957

01/01/2025

ပ္ဍဲခရိုၚ်သဓီု ကွာန်ခတှ်ပၟတ်သှ်ေဒၟံၚ်တံဂှ် ကံၚ်ဇြဳပၞာန် ထပ်ကဵုကၠုၚ်ဇြဟတ်ဂရိုဟ်

သဓီု၊ ဂျာန္နဝါရဳ ၁

တွဵုရးဍုၚ်မန် အပ္ဍဲခရိုၚ်သဓီု ကွာန်သှ်ေဒၟံၚ်သ္ဂောံကဵုခတှ်ပၟတ်တံဂှ် အပ္ဍဲပွိုၚ်ပိဂိတု သွက်ဂွံကဵုကၠုၚ် မွဲကဝူတုဲမွဲကဝူဂှ်ကီု ယဝ်ဟွံကဵုမ္ဂး ထပိုတ်ပၟတ်ဏောၚ်ဂှ် ကံၚ်ဇြဳပၞာန် ထပ်ဘပဠကၠုၚ်ရ။

ကမ္မတဳဍေန်ပၟတ် အပ္ဍဲခရိုၚ်သဓီု သှ်ေဒၟံၚ်သ္ဂောံကဵုခတှ်တံဂှ် အပ္ဍဲပွိုၚ်ပိဂိတု နူဂိတုဒဳဇြေမ်ဗာ စဵုကဵုဂိတုဖေဖတ်ဝါရဳကၠုၚ်စိုပ်ဏံဂှ် ပါ်ပိကဝူတုဲ သွက်ဂွံကဵုၚုဟ်ပၟတ်မဳတာတံဂှ် ကံၚ်ဇြဳပၞာန် ကဵုကၠုၚ်ဇြဟတ်ဂရိုဟ်ရ။

ဒဒှ်ရကဵုအာၚုဟ်ပၟတ်မဳတာသှ်ေဒၟံၚ်တံဂှ်ဏောၚ်၊ သွက်ယူနေတ်မဳတာ မရပ်စပ်အာလက္ကရဴတံဂှ် ညံၚ်ဟွံဂွံဒှ်ခတှ် သွက်ဂွံရေၚ်တၠုၚ်အာဂှ် ကဵုကမ္မတဳဍေန်ပၟတ်တံ ထ္ပက်ဒၟံၚ်စၟတ်တဲဒုၚ်ဝန်ရ။

ညးတာလျိုၚ်မွဲတၠ နူကဵုကမ္မတဳဍေန်ပၟတ် ဟွံမိက်ထ္မံက်ယၟုမွဲတၠဂှ်တှ်ေ ဟိုတ်နူကံၚ်ဇြဳပၞာန် ကဵုဇြဟတ်ဂရိုဟ်တုဲ ဒးဗက်ဒၟံၚ်သြန်တံကီုလေဝ် ဒးဂွိၚ်ဒၟံၚ်ကဵုအန္တရာယ်လမျီုဏောၚ်ဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

မွဲလ္ပာ်ဂှ်ပၠန် ကံၚ်ဇြဳပၞာန်ဝွံ သ္ၚိသ္ဂောံကဵုၚုဟ်ပၟတ် သှ်ေဒၟံၚ်လ္တူပိကိုဋ်တံဂှ် ထပိုတ်လဝ်ပၟတ်ကီု၊ သ္ၚိသှ်ေဒၟံၚ် လ္တူမသုန်ကိုဋ်တံဂှ် ပလှ်ဏာသီုကဠာမဳတာတံ ကၠောန်ၜိုတ်ဒၟံၚ်ရ။

ပွိုၚ်ဍုၚ် နူကဵုခရိုၚ်သဓီု တွဵုရးဍုၚ်မန်တံဂှ် ဒှ်ဒၟံၚ်ခတှ်ၚုဟ်ပၟတ်ဂၠိုၚ်အိုတ်တုဲ သွက်သ္ဂောံထပိုတ်ပၟတ် ကုသ္ၚိခတှ်သှ်ေဒၟံ်ၚတံဂှ် သ္ကိုပ်စၞောန်ပ္ညုၚ်ဓာတ်လလဳတွဵုရး ကဵုကဵုဒၟံၚ်ဇြဟတ်ဂရိုဟ်တုဲ ရဲကၠောန်ဟွံမာန် ဂွံတိတ်နူကလောန် စဵုကဵုလက်ဒေါန်ဒၟံၚ်တံ နွံဒၟံၚ်ရောၚ် ဂွံတီကေတ် နူညးယိုက်ဝန်တံရ။

ပရိုၚ်−သြၚ်လောန်တိုၚ်(မ်)
ဗီု−CJ
https://mon.thanlwintimes.com/?p=20954

31/12/2024

TLT Tv || - တၚ်လလောၚ်တြး AA ဂှ် ဂွံအဓိပ္ပာယ်သာ်လဵုရော

တၚ်လလောၚ်တြး ဒပ်ပၞာန်ရခေၚ် AA မလလောၚ်ပ္တိတ်လဝ် ဒဒှ်ရဒှ်ဒၟံၚ်ဒတုဲ သွက်သ္ဂောံသောၚ်ကလး နကဵုပရေၚ်ဍုၚ်ကွာန်၊ ဒဒှ်ရမိက်ဂွံပံၚ်တောဲကၠောန်အာ ကိုန်စဳမာန်ပရေၚ်ဓလိုက်တမ်ရိုဟ်ဍုၚ်သ္အာၚ် အပ္ဍဲဒေသတံဂှ်ဝွံ စှ်ေကဵုနတဲရောၚ် ညးခါတ်အကာဲပရေၚ်ဍုၚ်ကွာန်တံ ဟီုရ။

ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။

ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။

https://youtu.be/ZTihbYKPMWI

တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။

IOS Version – https://apps.apple.com/us/app/tlt-news/id1642061603
Android Version – https://play.google.com/store/apps/details?id=com.thanlwintimes

Website Link
https://thanlwintimes.com/
https://burmese.thanlwintimes.com/
https://mon.thanlwintimes.com/
Facebook Link
https://facebook.com/thanlwintimes9
https://facebook.com/tltmonedition/
https://facebook.com/tltenglishedition

Instagram Link
https://www.instagram.com/thanlwintimes/

Twitter Link
https://twitter.com/ThanLwinTimes

Telegram Link
https://t.me/thanlwintimes

Youtube Link
https://www.youtube.com/

#နိုင်ငံရေး #ပြည်တွင်းသတင်း #သံလွင်တိုင်းမ် #သြၚ်လေန်တိုၚ်(မ်)

31/12/2024

TLT Tv || - ပ္ဍဲတွဵုရးဍုၚ်မန် အခိၚ်ဗ္တံ သၟတ်တံ ဒးဒုၚ်ရပ်ဆက်ကၠုၚ်

ပ္ဍဲတွဵုရးဍုၚ်မန်ဂှ် အပ္ဍဲဂိတုဏံ ကံၚ်ဇြဳပၞာန် ထ္ၜးဟိုတ်နာနာသာ်တုဲ အခိၚ်ဗ္တံ ရပ်ဒက်ကၠုၚ်သၟတ်တံ ဆက်ကၠုၚ်ဒၟံၚ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။

ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။

https://youtu.be/WFZu3k8cv6I

တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။

IOS Version – https://apps.apple.com/us/app/tlt-news/id1642061603
Android Version – https://play.google.com/store/apps/details?id=com.thanlwintimes

Website Link
https://thanlwintimes.com/
https://burmese.thanlwintimes.com/
https://mon.thanlwintimes.com/
Facebook Link
https://facebook.com/thanlwintimes9
https://facebook.com/tltmonedition/
https://facebook.com/tltenglishedition

Instagram Link
https://www.instagram.com/thanlwintimes/

Twitter Link
https://twitter.com/ThanLwinTimes

Telegram Link
https://t.me/thanlwintimes

Youtube Link
https://www.youtube.com/

#နိုင်ငံရေး #ပြည်တွင်းသတင်း #သံလွင်တိုင်းမ် #သြၚ်လေန်တိုၚ်(မ်)

31/12/2024

TLT Tv || - ပြဒ္ဒညာပရေၚ်ဍုၚ်ကွာန်ဂှ် သွက်ဂွံသောၚ်ကလး နကဵုနဲကဲပရေၚ်ဍုၚ်ကွာန် ဗွဲမတပ်တးဂှ် ဥက္ကဌ KNU ဟီု

နကဵုတၠအဝဵုမဟာဝါဒဂကူတံ ပြဒ္ဒညာပရေၚ်ဍုၚ်ကွာန်ဂှ် ယဝ်ရသောၚ်ကလးရေၚ်တၠုၚ်ကဵု နကဵုနဲကဲပရေၚ်ဍုၚ်ကွာန် ဗွဲမတပ်တးဟွံမာန်မ္ဂး ပရေၚ်ၜိုဟ်လလမ်အပ္ဍဲဍုၚ်မဍာံဇေတ်မွဲ ဒှ်ကၠုၚ်ဟွံသေၚ်ပုဟ်ဂှ် ဥက္ကဌဗော်သွးကောန်ဂကူကရေၚ် KNU ပဒိုဝ်သဝ်ဂွါထူဝေန် ဟီုရ။

ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။

ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။

https://youtu.be/BWuilZX-XYw

တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။

IOS Version – https://apps.apple.com/us/app/tlt-news/id1642061603
Android Version – https://play.google.com/store/apps/details?id=com.thanlwintimes

Website Link
https://thanlwintimes.com/
https://burmese.thanlwintimes.com/
https://mon.thanlwintimes.com/
Facebook Link
https://facebook.com/thanlwintimes9
https://facebook.com/tltmonedition/
https://facebook.com/tltenglishedition

Instagram Link
https://www.instagram.com/thanlwintimes/

Twitter Link
https://twitter.com/ThanLwinTimes

Telegram Link
https://t.me/thanlwintimes

Youtube Link
https://www.youtube.com/

#နိုင်ငံရေး #ပြည်တွင်းသတင်း #သံလွင်တိုင်းမ် #သြၚ်လေန်တိုၚ်(မ်)

31/12/2024

TLT Tv || - ပ္ဍဲကျာ်ထဝ် ကောန်ဒပ်ကံၚ်ဇြဳပၞာန် ဒှ်ပန်ပှော်ညးသ္ကအ်တုဲ ပိတၠ ချိုတ်အာ

ပ္ဍဲတွဵုရးဍုၚ်မန် ပွိုၚ်ဍုၚ်ကျာ်ထဝ် ပ္ဍဲကဵုကွာန်(အၚ်္ဂဘို) ကောန်ဒပ်ကံၚ်ဇြဳပၞာန် မမၚ်ဒၟံၚ်တိုၚ်တာဝါတံ ဒှ်ပန်ပှော်ညးသ္ကအ်တုဲ ပိတၠ ချိုတ်အာလဝ်ရောၚ် ညးမစုက်လုက်ကဵု ဒပ်ကံၚ်ဇြဳပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။

ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။

https://youtu.be/_ZYJFJstKYg

တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။

IOS Version – https://apps.apple.com/us/app/tlt-news/id1642061603
Android Version – https://play.google.com/store/apps/details?id=com.thanlwintimes

Website Link
https://thanlwintimes.com/
https://burmese.thanlwintimes.com/
https://mon.thanlwintimes.com/
Facebook Link
https://facebook.com/thanlwintimes9
https://facebook.com/tltmonedition/
https://facebook.com/tltenglishedition

Instagram Link
https://www.instagram.com/thanlwintimes/

Twitter Link
https://twitter.com/ThanLwinTimes

Telegram Link
https://t.me/thanlwintimes

Youtube Link
https://www.youtube.com/

#နိုင်ငံရေး #ပြည်တွင်းသတင်း #သံလွင်တိုင်းမ် #သြၚ်လေန်တိုၚ်(မ်)

31/12/2024

စပ်ကဵုပန်ဖျေံလဝ် က္ၜၚ်ကျာညးအာတရဴတံဂှ်တုဲ သမ္မတအဇြာဗိုၚ် ဟီုကဵု ရုယှာ သွက်သ္ဂောံဒုၚ်ဝန်

ဘာကူ၊ ဒဳဇြေမ်ဗာ ၃၁

က္ၜၚ်ကျာညးအာတရဴအဇြာဗိုၚ် လီုစှ်ေတုဲ မၞိဟ်မဂၠိုၚ်ဂၠေၚ် မဒးပြဟ်လလုဲအာလဝ်ဂှ် ဟိုတ်တမ်ရိုဟ်ဍေံဂှ် ကိုပ်ကၠာဏံ ရုယှာဂ္စါန်ကၟာတ်လဒဵုလဝ်ရောၚ် သမ္မတအဇြာဗိုၚ် အဳဟာမ် အလဳယပ် စောဲစပ်လဝ်တုဲ နကဵုမဝ်သကိုဝ် သွက်ဂွံဒုၚ်ဝန် ဒဒှ်ရညးတံပန်ဖျေံလဝ်ဂှ် ပ္ဍဲဂိတုဒဳဇြေမ်ဗာ ၂၉ ဂှ် ဟီုလဝ်ရ။

က္ၜၚ်ကျာ AZAL Embraer 190 ဝွံ လီုစှ်ေအာလဝ် ပ္ဍဲဍုၚ်ကာဇြက်သတာန်တုဲ ပ္ဍဲကဵုမၞိဟ်မပါကၠုၚ်လ္တူက္ၜၚ်ကျာ ၆၇ တၠဂှ် ၃၈ တၠ ဒးချိုတ်အာလဝ်ရ။

က္ၜၚ်ကျာလီုစှ်ေတုဲ ဂွံပန်တ္ၚဲ အပ္ဍဲကဵုအေန်တာဗျူ မသ္ပလဝ်ကုဌာန်ပရိုၚ်ကၟိန်ဍုၚ်ပိုၚ် ပ္ဍဲသၞေဟ်က္ၜၚ်ကျာ ဍုၚ်ဘာကူဂှ် သမ္မတ အလဳယပ် စောတ်စောဲကၠုၚ်လဝ်သာ်ဏံရ။

သၞာဲဒဴအဇြာဗိုၚ်တံဂှ်တှ်ေ အခိၚ်က္ၜၚ်ကျာဏံ ဂ္စါန်စှ်ေပ္ဍဲဍုၚ်ဇၞော် ဂရိုဝ်သနဳ ကၟိန်ဍုၚ်ရုယှာဂှ် နူကဵုသၞောတ်စဵုဒၞါဘဲပၞာန်ကျာရုယှာတံ ပန်ဖျေံလဝ်က္ၜၚ်ကျာဏံရောၚ် သာ်ဝွံ သ္ဂးရ။

ဌာနဝန်ဇၞော်ပရေၚ်ပလံၚ်ဗစိုပ် နွံပ္ဍဲဍုၚ်ကာဇြက်သတာန်ဂှ်တှ်ေ ဂွံလ္ၚတ်စၟဳတ်အာ Black Box က္ၜၚ်ကျာဏံဂှ် ဒဒှ်ရပလံၚ်ဗစိုပ်ဏာ ဇရေၚ်ဍုၚ်ဗရာဇြဳ ဍုၚ်မကၠောန်ပ္တိတ်လဝ်က္ၜၚ်ကျာ Embraer ဏံဂှ်ဏောၚ်ဂှ် ပ္ဍဲဂိတုဒဳဇြေမ်ဗာ ၂၉ တေံ ဟီုလဝ်ရ။

သမ္မတအဇြာဗိုၚ် အလဳယပ်ဂှ် ဆက်စၠောံသဳကၠဳလဝ် ကုသမ္မတရုယှာ ဗလာဒဳမာပူတေန် နကဵုဖုၚ်တုဲ ဂွံမွဲတ္ၚဲတုဲဂှ် ဟွံကေၚ်ကၠောန်မွဲလှ်ေ စောဲစပ်ကၠုၚ််လဝ် ရုယှာ မဟာမိတ်ဍုၚ်ညးတံဂှ်ရ။

အပ္ဍဲကဵုတက်ကျာဟီုဂးလဝ်ဂှ် လက္ချန်ဟီုဂးလဝ် ဒဒှ်ရသမ္မတပူတေန် တာလျိုၚ်နွံ သွက်ပရေၚ်က္ၜၚ်ကျာ မဒတုံပြဟ်အာဂှ် ဟွံဂွံဆဵုကေတ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြး နန်ကရေမ္မလေန်ဂှ်ရ။

က္ၜၚ်ကျာအဇြာဗိုၚ် က္ၜၚ်ကျာကောန်အရာပ်ဂှ်ဝွံ လီုစှ်ေအာ မ္ၚးတွဵုဒၞက်တိဍာ်ရုယှာ ဗ္ဒါဲဍုၚ်ဂရိုဝ်သနဳဂှ်တုဲ ထိၚ်ဟွံဂွံတုဲ ဒှ်အာလဝ်ရောၚ် အလဳယပ် ဟီုဂးလဝ် ကုထဳဝဳကၟိန်ဍုၚ်ပိုၚ်ရ။

ဟိုတ်နူပန်နၚ် နူဗလးတိဂှ်တုဲ ဍုတ်က္ၜၚ်ကျာဂှ် လီုစှ်ေအာတုဲ မွဲအခိၚ်ဓဝ် သၞောတ်အဳလက်ထရောန်နေတ်က္ၜၚ်ကျာဂှ် ထိၚ်ဟွံမာန်တုဲ ဒှ်အာလဝ်ရောၚ် သမ္မအဇြာဗိုၚ်ဂျာန် ဟီုရ။

တ္ၚဲက္ၜၚ်ကျာဏံ လီုစှ်ေဂှ် ယူကရုၚ် ဗ္တိုက်လဝ်ဍုၚ်ဂရိုဝ်သနဳ နကဵုဒရုၚ်ရောၚ် သၞာဲဒဴရုယှာဂမၠိုၚ် ဟီုလဝ်ရ။

ရုယှာဂှ်တှ်ေ ဂ္စါန်ကၟာတ်လဒဵုဒၟံၚ် ဟိုတ်ပရူပရာ က္ၜၚ်ကျာမဒးလီုစှ်ေလဝ်ဂှ်ရောၚ် သမ္မတ အလဳယပ် ဂးရ။

တုဲကၠုၚ်ၜါတ္ၚဲတေံရ နကဵုရုယှာ ဂွံကလေၚ်အာတ်ဒုၚ်ဂုန် ဂတညးဂမၠိုၚ်ဂှ် လ္ပာ်အဇြာဗိုၚ် အာတ်မိက်လဝ်တုဲယျဂှ် သမ္မတ သ္ဂးရ။

ကိုပ်ကၠာအိုတ် ရုယှာ ဒးအာတ်ဒုၚ်ဂုန် အဇြာဗိုၚ်ဏောၚ်တုဲ ဒဒှ်ရညးတံ မၞုံကဵုဒုဟ်ဂှ် ဒးသ္ပစၟတ်သမ္တီဏောၚ်တုဲ တတိယဂှ်တှ်ေ ဒးကဵုအာဒုဟ်ဒဏ် ကုညးတာလျိုၚ်နွံတံဏောၚ်ဂှ် သမ္မတ အလဳယပ် ဟီုလဝ်ရ။

အပ္ဍဲကဵုသမ္မတၜါတၠ တက်ကျာကဵုဖုၚ်ဂှ် စပ်ကဵုပရေၚ်က္ၜၚ်ကျာလီုစှ်ေအာဂှ်တုဲ သမ္မတပူတေန် ဒုၚ်လဝ်ဂုန်ရောၚ် ဂးကီုလေဝ် လ္ပာ်ရုယှာ ပန်ဖျေံတုဲ ဒဒှ်ရလီုစှ်ေအာလဝ်ဂှ်တှ်ေ ဒုၚ်လဝ်ဝန်ဟွံမွဲဂှ် ဂွံတီကေတ်ရ။

Ref: AFP
https://mon.thanlwintimes.com/?p=20948

31/12/2024

တၚ်လလောၚ်တြး AA ဂှ် ဂွံအဓိပ္ပာယ်သာ်လဵုရော

မတ်မလီု၊ ဒဳဇြေမ်ဗာ ၃၁

တၚ်လလောၚ်တြး ဒပ်ပၞာန်ရခေၚ် AA မလလောၚ်ပ္တိတ်လဝ် ဒဒှ်ရဒှ်ဒၟံၚ်ဒတုဲ သွက်သ္ဂောံသောၚ်ကလး နကဵုပရေၚ်ဍုၚ်ကွာန်၊ ဒဒှ်ရမိက်ဂွံပံၚ်တောဲကၠောန်အာ ကိုန်စဳမာန်ပရေၚ်ဓလိုက်တမ်ရိုဟ်ဍုၚ်သ္အာၚ် အပ္ဍဲဒေသတံဂှ်ဝွံ စှ်ေကဵုနတဲရောၚ် ညးခါတ်အကာဲပရေၚ်ဍုၚ်ကွာန်တံ ဟီုရ။

သၞာံတုဲကၠုၚ် ပ္ဍဲဂိတုနဝ်ဝေမ်ဗာတေံ ပၞာန်ထ္ပက်တွဵုရးရခေၚ် မစကၠုၚ်လဝ်ဂှ်ဝွံ အခိၚ်လၟုဟ် AA သီဂွံလဝ် ၁၄ ပွိုၚ်ဍုၚ် ဒၞါဲဌာန်ဂအုပ်ပၞာန်ရးပလိုတ်တံနွံ သီုကဵုဗ္ဒိုပ်ဒပ် ကေုာံ ရုၚ်အုပ်ဓုပ်တံ နွံဂှ်တုဲ ပ္ဍဲဂိတုဒဳဇြေမ်ဗာ ၂၉ ဂှ် ကဵုကၠုၚ်သမ္တီ တၚ်ဒတူလိုၚ်မွဲရ။

ဒပ်ပၞာန်ရခေၚ် ULA/AA ဂှ်ဝွံ သီုပရေၚ်ထံက်ဂလာန် အလုံညးဍုၚ်ကွာန်ရခေၚ်မွဲဂှ် ညံၚ်ပရေၚ်ကဆံၚ်တုပ်သၟဟ် ကောန်ဂကူမတန်တဴအပ္ဍဲဒေသတံ၊ ညံၚ်အလုံဒေသမွဲ ဂွံဗၠးၜဂှ် ဒှ်ဂကောံပရေၚ်ဍုၚ်ကွာန် မလုပ်ဒၟံၚ်ပၠန်ဂတးရပ်လွဟ်မွဲရောၚ် သ္ဂးရ။

ပ္ဍဲပရေၚ်ပၞာန် ၁၀၂၇ သ္ကုတ်ပထမဂှ် ဟိုတ်နူကြုက်လုပ်ပ္ညဳပ္ညပ်ကဵုအကြာတုဲ ပ္ဍဲပရေၚ်ဗ္တိုက်သရိုဟ်ကျာဖျ သီုကဵုပရေၚ်ညိၚ်ဝတ်ပယျဵု ကြုက်−ဗၟာဂှ် စဵုကဵုသ္ဂောံဂွံတၚ်တုပ်စိုတ်ဟိုၚ်ဂေန် AA ပါလုပ်ကၠုၚ်လဝ် မွဲဟာန်ကေုာံကရောံကဝ်က၊ တအာၚ်တံဂှ်ရ။

အခါလၟုဟ်ဂှ်လေဝ် အကာဲအရာအပ္ဍဲဍုၚ်လၟုဟ်ကဵု ပရေၚ်ပရူဒဒှ်ဂမၠိုၚ်ဂှ် စၞးဒသောၚ်နကဵုပရေၚ်ပၞာန် သွက်ဂွံသောၚ်ကလး နကဵုနဲကဲပရေၚ်ဍုၚ်ကွာန်ဂှ် ဒှ်ဒၟံၚ်ဒတုဲလၟိုန်ရောၚ် AA ကဵုလဝ်သမ္တီ ပ္ဍဲတၚ်လလောၚ်တြးဂှ်ရ။

ဥူတာန်သဵုနာၚ် ညးလ္ၚတ်သ္ၚဳဂၠိပ်ပရေၚ်ဍုၚ်ကွာန်ဂှ် နကဵု AA အပ္ဍဲဒေသ ညံၚ်ကံၚ်ဇြဳပၞာန်ဂွံအိုတ်အးသၟးဟွံက စပ်ကဵုကြုက်ကဵုဒၟံၚ်ဇြဟတ်ဂရိုဟ်ဍုၚ်ဗၟာ နကဵုပရေၚ်ဍုၚ်ကွာန်တံဂှ်တုဲ ကဵုကၠုၚ်လဝ်ဒမြိပ်အရေဝ်ရောၚ် သ္ၚဳဂၠိပ်လဝ်ရ။

“အလုံရးရခေၚ်မွဲ ပရေၚ်ချဳဒရာၚ်ညံၚ်ကံၚ်ဇြဳပၞာန်ဂွံအိုတ်အး ဂွံတုဲဒှ်ဂှ် ဒှ်ဒၟံၚ်ၜိုတ် ၉၀ တၟံကၠံရတုဲ နကဵုဒပ်ပၞာန်ရခေၚ် ကၠောန်ဒၟံၚ်ညံၚ်ကံၚ်ဇြဳပၞာန် ဂွံအိုတ်သၟးဟွံဂွံပုဟ်။ နကဵုပရေၚ်ဍုၚ်ကွာန်ဂှ်လေဝ် ဒးကၠောန်ပေါဲသဳကၠဳဆဵုဂဗဂှ် ပလေတ်ပလေတ်လဝ်ဏောၚ်ဟီုဂှ် ဗွဲတၟေၚ် ညံၚ်ဍုၚ်ကြုက် မကဵုဒၟံၚ်ဇြဟတ်ဂရိုဟ် ကုဍုၚ်ဗၟာ ဂွံတီဂှ် ကဵုဏာလဝ်ဒမြိပ်အရေဝ်ရ။ အေ ဂှ်တှ်ေ လၟေၚ်ကမၠောန်တံဂှ် နကဵုဒပ်ပၞာန် AA ဆက်ထ္မံက်အာရုပ်ရဴဏောၚ် ထ္မံက်ထ္ၜးကၠုၚ်လဝ်သာ်ဏံရ” သာ်ဝွံ သ္ဂးရ။

အခိၚ်လၟုဟ် နကဵု AA သွက်ဂွံသီအာ ဍုၚ်သေတ်တွိုဲ ဒၞါဲရုၚ်ကံၚ်ဇြဳပၞာန်တွဵုရး မဖျေံသ္ဇိုၚ်ဂှ်ကီု ဍုၚ်ကျံက်ဖျူ ကိုန်စဳမာန်ပရေၚ်ဓလိုက်တမ်ရိဟ်ဍုၚ်သ္အာၚ်တံ နွံဒၟံၚ်မဂၠိုၚ်ဂၠေၚ်ဂှ်ကဵု ပွိုၚ်ဍုၚ်မာန်အံၚ် နွံဒၟံၚ်နဒဒှ်တ္ကအ်တံဓဝ်ရ သှ်ေဒၟံၚ်ရ။

ဒှ်ဖဵုသွက်ဒေသရခေၚ်တုဲ ပရေၚ်ဓလိုက်တမ်ရိုဟ်ဍုၚ်သ္အာၚ် မဒှ်တဴအထံက်အပၚ် ပရေၚ်ဒေသဖောအ်ဗြေဝ်လဵုမွဲဟွံဟီု သ္ပစၟတ်သမ္တီဒုၚ်တၠုၚ်တုဲ သွက်ပရေၚ်ၜိုဟ်လလမ်ဂှ်လေဝ် နကဵု AA သ္ပဂရုစဵုဒၞါအာ ဗွဲတၟေၚ်ဏောၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။

သ္အာၚ်နူဂှ်ပၠန် ညံၚ်ကိုန်စဳမာန်ပရေၚ်ဓလိုက်တမ်ရိုဟ်ဍုၚ်သ္အာၚ် ဂွံဆက်ဂေတ်ဂြိပ်မာန် ဂွံပံၚ်တောဲရေၚ်တၠုၚ်အာတုပ်ပ်ဂှ်လေဝ် ဒဒှ်ရနွံပၟိက်ဂှ် AA မဒုၚ်ဂိုၚ်ကေတ်လဝ် အလဵုအသဳပၠန်ဂတးညးဍုၚ်ကွာန်ရခေၚ်ဂှ် သ္ဂးရ။

ဒံက်တာသာၚ်ကျဳဇြေန်သဵု ညးလ္ၚတ်သ္ၚဳဂၠိပ်ပရေၚ်ဍုၚ်ဗၟာဂှ် ဒုၚ်သ္ဇိုၚ်ကဵုပရေၚ်အံၚ်ဇၞး မကလိဂွံကၠုၚ် သွက်ဗၠးၜးဍုၚ်ရခေၚ်ဂှ်တုဲ ပ္တဝ်အာဒၟံၚ်က္ဍိုပ် သွက်ဒတုဲဖဵုညးဍုၚ်ကွာန်တံကဵု ပရေၚ်ဍုၚ်ကွာန် မတောတက်ကၠုၚ်ဒၟံၚ်ဂှ်ရောၚ် သ္ၚဳဂၠိပ်လဝ်ရ။

“ဒေသညးတံဂှ်တှ်ေ ထိၚ်ဒက်ဂွံအာဏောၚ်။ တုဲတှ်ေ ပရေၚ်အုပ်ဓုပ် ကေုာံ ပရေၚ်ဒေသဖောအ်ဗြေဝ်၊ ပရေၚ်ဖောအ်ဗြေဝ် မဆက်စပ်ကဵုပရေၚ်ပိုန်ဒြပ်တံ ကိစ္စတံဏံဂှ် ညးတံဂွံဆက်ကၠောန်အာဂှ် ပ္တဝ်လဝ်က္ဍိုပ်ရ။ ကိစ္စသီုဖအိုတ်ဂွံဗၠးၜးဟီုဂှ် မွဲဂကောံဓဝ် ဟွံတုဲဒှ်ပုဟ်ဟီုဂှ် နကဵုညးတံ ချပ်ဒၟံၚ်ညံၚ်ဂွံစှ်ေကဵုနတဲ သာ်ဏံနွံဂှ် ပိုယ်တံ ဂွံညာတ်ကေတ်ရ။ အေ ဂှ်တှ်ေ နူတမ်ဝါဒိတေံ ဒေသညးတံ မစွံကၠုၚ်လဝ် နဒဒှ်တၚ်ပ္တဝ်က္ဍိုပ်ပၠန်ဂတးဂှ် ဂွံကၠုၚ်အံၚ်ဇၞး ဒဵုကဵုဗၞတ်ဗ္ၜတ်မွဲမွဲရ။ ဒုၚ်သ္ဇိုၚ်ကဵုလ္တူဏံတုဲ သွက်ပရေၚ်ဍုၚ်ကွာန် မတောတက်ကၠုၚ်ဂှ်ကဵု သွက်ပရေၚ်ဖောအ်ဗြေဝ်ဒေသတံဂှ် ဆက်တုဲရေၚ်တၠုၚ်အာ ချပ်ဂၞန်အာဏောၚ်ဂှ် ပိုယ်တံ ကၠိုဟ်ကေတ်လဝ်ရ” သာ်ဝွံ သ္ဂးရ။

အတိုၚ်တၚ်နၚ် ဂကောံသုတေသနဗၠးၜး ISP-Myanmar ဂှ်မ္ဂး အပ္ဍဲပရေၚ်ပၞာန်သီအဝဵုဏံ နူတွဵုရးရခေၚ်ဂှ် ဒပ်ပၞာန်ရခေၚ် AA ထိၚ်ဂွံလဝ် ကိုန်စဳမာန်ပရေၚ်ဓလိုက်တမ်ရိုဟ်ကြုက် ၁၀ တုဲ ပ္ဍဲကဵုဏံ ကိုန်စဳမာန်ဇြဟတ်ဓာတ်ကျာ နွံပ္ဍဲဍုၚ်(သံတွဲ) ကဵု ဍုၚ်အာမ်ဂှ် ထိၚ်ဂွံလဝ်ပေၚ်ၚ်ရ။

မွဲလ္ပာ်ဂှ်ပၠန် အလဵုအသဳကြုက်ဝွံ သွက်ဒတုဲဖဵုကိုန်စဳမာန်တံဂှ် လုပ်စိုပ်ပ္ညဳပ္ညပ်ကဵုကၠုၚ်ဇြဟတ်ဂရိုဟ် စပ်ကဵုပရေၚ်ဍုၚ်ဗၟာတံနွံကၠုၚ်ဂှ်တုဲ မဟာမိတ် AA ဂမၠိုၚ် တအာၚ် ကေုာံ ကဝ်ကတံ သဳကၠဳကၠုၚ်ပရေၚ်ဍုၚ်ကွာန် ကုကံၚ်ဇြဳပၞာန် နွံကၠုၚ်လဝ်ရ။

ဆ္ဂး သွဟ်ခိုဟ်မွဲ ညံၚ်ပြဒ္ဒညာဂွံပြေလာဲအာဂှ် ဟွံကလိဂွံလဝ်တုဲ AA ကေုာံ ကံၚ်ဇြဳပၞာန်တံ ဆဵုဂဗသဳကၠဳကၠုၚ် နကဵုပရေၚ်ဍုၚ်ကွာန်ဂှ်မ္ဂးလေဝ် လၟေၚ်ဒဒှ်ဂမၠိုၚ် ထ္ၜးဒၟံၚ်သက်သဳဂှ်တုဲ သ္ဇက်ဂွံအံၚ်ဇၞး ဟွံမွဲပုဟ်ဂှ် ညးခါတ်အကာဲပရေၚ်ဍုၚ်ကွာန်လ္ၚဵုတံ ထံက်ထ္ၜးလဝ်ရ။

နကဵုကံၚ်ဇြဳပၞာန် အခိၚ်သၞာံဏံကြပ်အိုတ်ဂှ် ဒးဗလးကၠုၚ်တိဍာ် ဂၠိုၚ်ကၠုၚ်တုဲ ဂွံဆဵုဂဗသဳကၠဳဂှ် ပံက်လဝ်တြၚ်လၟိုန်တုဲ သွက်ပရေၚ်ၜိုဟ်လလမ်ဂှ် ပ္တိတ်အာဇြဟတ်ဏောၚ် က္ဍိုပ်သ္ကိုပ်ပၞာန် သ္ကိုပ်ပၞာန်ဇၞော် မေန်အံၚ်လှာၚ် ဟီုကြီုလဝ်ရ။

AA ဂှ်တှ်ေ သွက်သ္ဂောံဂွံတၚ်စၟဳပရေၚ်ဍုၚ်ကွာန် အလုံညးဍုၚ်ကွာန်ဍုၚ်ဗၟာ မဒးဒုၚ်ဍဵုဍိုက်ဒၟံၚ်တံ မနွံပၟိက်ဂှ် ဒတူလိုၚ်အာ ပိုတ်တ်သ္ကုတ်တ်ဏောၚ်တုဲ နဒဒှ်မိဿဟာဲကောဒေံ ကောန်ဍုၚ်အရၚ်ခိုဟ်အိုတ်မွဲဂှ်လေဝ် ဒတူလိုၚ်အာဏောၚ်ဂှ် လလောၚ်တြးလဝ်ရ။

ပရိုၚ်−သြၚ်လောန်တိုၚ်(မ်)
ဗီု−AA
https://mon.thanlwintimes.com/?p=20945

31/12/2024

ပ္ဍဲတွဵုရးဍုၚ်မန် အခိၚ်ဗ္တံ သၟတ်တံ ဒးဒုၚ်ရပ်ဆက်ကၠုၚ်

မတ်မလီု၊ ဒဳဇြေမ်ဗာ ၃၁

ပ္ဍဲတွဵုရးဍုၚ်မန်ဂှ် အပ္ဍဲဂိတုဏံ ကံၚ်ဇြဳပၞာန် ထ္ၜးဟိုတ်နာနာသာ်တုဲ အခိၚ်ဗ္တံ ရပ်ဒက်ကၠုၚ်သၟတ်တံ ဆက်ကၠုၚ်ဒၟံၚ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ပ္ဍဲကဵုပရေၚ်ရပ်ဒက်ဂှ် ညးမကလိလောန် ဖံက်ပ္ကဝ်အမိၚ်ဒေသန္တရ၊ ညးတိတ်မ္ၚးအာကၠုၚ်အခိၚ်ဗ္တံတံသၟးဟွံက ထ္ၜးဟိုတ်ကဵုစရၚ်ကၟုဲတုဲ လုပ်စိုပ်ရပ်ဒက်ကၠုၚ် စဵုကဵုအပ္ဍဲသ္ၚိတံ နွံကၠုၚ်ရ။

အတိုၚ်သြၚ်လောန်တိုၚ်(မ်) ဂၠိုက်ဂၠါဲစၟဳတ်ဂွံဂှ်မ္ဂး ရပ်ဒက်ကၠုၚ်သာ်ဏံဂှ်ဝွံ က္တဵုဒှ်ဒၟံၚ် ပ္ဍဲတွဵုရးဍုၚ်မန် သီု ၁၀ ပွိုၚ်ဍုၚ်ဂှ်ဏောၚ်တုဲ ပ္ဍဲကဵုဏံ ပ္ဍဲကဵုခရိုၚ်သဓီု ပန်ပွိုၚ်ဍုၚ်ဂှ် ဒးဒုၚ်ရပ်လဝ်ဂၠိုၚ်အိုတ်ရ။

ညးဒေသသဓီုမွဲတၠဂှ်တှ်ေ ကၠာတေံ နူကဵုရပ်ဒက်ကၠုၚ် ရဲတိတ်မ္ၚးအခိၚ်ဗ္တံတံသၟးဂှ် ဗွဲကြဴဏံ နကဵုဟိုတ်စရၚ်ကၟုဲဂှ် လုပ်စိုပ်ရပ်ဒက်ဒၟံၚ် စဵုကဵုအပ္ဍဲသ္ၚိတံ နွံဒၟံၚ်ရောၚ် ဟီုရ။

“ကၠာတေံဂှ်တှ်ေ တိတ်ဗ္တံတုဲ ရပ်ကၠုၚ်ဒၟံၚ်ရ။ လက္ကရဴဏံဂှ် ဗီုဏံဟွံသေၚ်ရပုဟ်။ စၟဳတ်စရၚ်ကၟုဲဏောၚ်ဂးတုဲ လုပ်စၟဳတ်။ ပ္ဍဲသ္ၚိစၟဳတ်စရၚ်ကၟုဲဂှ် သၟတ်ညးမလုပ်အဝေါၚ် ပ္ဍဲသၞောဝ်ယိုက်လျိုၚ်ပၞာန်ဏံ နွံတှ်ေ ကော်ဏာလဝ် မွဲတဲဓဝ်” သာ်ဝွံ သ္ဂးရ။

သၟတ်ဒးဒုၚ်ရပ်ဗွဲမဂၠိုၚ်ဂှ် လ္ပာ်ကံၚ်ဇြဳပၞာန် ကလေၚ်ဗလးကဵုလဝ်ဂှ်ဟွံမွဲ၊ ရပ်ဒက်ပကောံပကၠုၚ်ကောန်ပၞာန်တံဂှ် နွံဒၟံၚ်တုဲ ရဲကဵုလှုဲမာန်တံဂှ်တှ်ေ ကဵုလှုဲတုဲ ကလေၚ်ဗၠးကၠုၚ်ဂှ် ညးဒေသတံ ဟီုရ။

မိမမွဲတၠ နူပွိုၚ်ဍုၚ်ပံၚ် မကဵုကၠုၚ်ပရိုၚ်ဇရေၚ်သြၚ်လောန်တိုၚ်(မ်) ဂှ်တှ်ေ ကောန်ဗၠာဲညး အခိၚ်အာပေါဲဂှ် ဒးဒုၚ်ရပ်လဝ်ဗွဲအဓမ္မတုဲ လအ်ကၠုၚ်စဵုကဵုပွိုၚ် ၁၀ တ္ၚဲကီုလေဝ် ဟွံဂွံအဆက်ဏီပုဟ်ဂှ် ဟီုရ။

ညးဒေသမုဟ်ဍုၚ်မွဲတၠဂှ်လေဝ် အခိၚ်ဗ္တံ လ္ပာ်ကံၚ်ဇြဳပၞာန်တံ ရပ်ဒက်ဗွဲအဓမ္မ တံၚ်ရပ်ပဝ်တာ ပကောံဒၟံၚ်ကောန်ပၞာန်ဂှ်တုဲ အခိၚ်ဗ္တံ မၞိဟ်တိတ်မ္ၚးအာကၠုၚ်တံ စဵုကဵုဟွံမွဲ အောန်အာယျဂှ် ဟီုရ။

“ ဒှ်ဒၟံၚ် ပ္ဍဲအရာပ်လ္တူဍုၚ်မုဟ်ဍုၚ်ပိုယ်တံ။ ဒၞါဲမၞိဟ်ပိုတ်ဂှ် သ္ပအဓိက မၚ်ရပ်ဒၟံၚ်။ တ္ၚဲတုဲကၠုၚ်တေံဂှ် သၟတ် ၜိုတ် မသုန်တြဴတၠ ဒးဒုၚ်ရပ်လဝ်။ လက္ကရဴဏံ အခိၚ်ဗ္တံတှ်ေ ညးမွဲမှ ဟွံဂံၚ်တိတ်မ္ၚးရပုဟ်” သာ်ဝွံ သ္ဂးရ။

အခိၚ်ဗ္တံ သၟတ်တံ ဒးဒုၚ်ရပ်ပပဝ်တာ ဒးဒုၚ်ရပ်ဒၟံၚ်ကီုလေဝ် ညးမၞုံအခေါၚ်ဟီုဂး ကံၚ်ဇြဳပၞာန် သ္ကိုပ်ဗိုလ်ဇြဝ်မေန်ထောန်ဂှ်တှ်ေ ပ္ဍဲကဵုပရေၚ်ပရူက္တဵုဒှ်သာ်ဏံ ၁၀ ဂှ် ၜိုတ် ၉ ဂှ်တှ်ေ ဟွံဍာံပြပုဟ်ဂှ် တုဲကၠုၚ်ဟွံလအ်ဂှ် ခၠေဝ်ပလန်ကၠုၚ်လဝ်ရ။

ဆ္ဂး အတိုၚ်ဂလာန်ညးမစုက်လုက်ကဵုကံၚ်ဇြဳပၞာန်တံဂှ်မ္ဂး လ္ပာ်ကံၚ်ဇြဳပၞာန် ဂွံပံက်ကၠုၚ်တန်ဗ္တောန်ကွတ်ပၞာန် ဇၟာပ်ဂိတုမာန်ဂှ် ရဲဝးပ္ကဝ်အမိၚ်ဒေသန္တရတံကဵု ရဲယၟုပါလဝ်သ္ဂောံယိုက်လျိုၚ်ပၞာန်တံဂှ် သွက်ဂွံရပ်ဒက် ပကောံအာကောန်ပၞာန်တံဂှ် စၞောန်ပ္ညုၚ်လဝ်ရ။

ညးဒေသၜဳကလေၚ်မွဲတၠဂှ်လေဝ် လ္ပာ်ကံၚ်ဇြဳပၞာန်ဂှ် မ္ၚးနူကဵုရဲတိတ်မ္ၚးအခိၚ်ဗ္တံတံဂှ် သီုရပ်ဒက်တံၚ်ရပ်လဝ်ပဝ်တာတံ နွံကၠုၚ်တုဲ အပ္ဍဲဒေသ ပရေၚ်ဒှ်ဓဝိၚ်တံ သၠုၚ်တိုန်ကၠုၚ်ရောၚ် ဟီုရ။

“ကောန်ၚာ်တက်ဝိုၚ်သုၚ်စ အခိၚ်ဗ္တံတံ ဗ္တံ ၜိုတ် ၁၀ နာဍဳ ၁၁ နာဍဳ ကောန်ၚာ်နွံမံၚ်မ္ၚးတံဂှ် ဆဵုတှ်ေ ကော်ဏာဟဂှ်ရ။ တုဲပၠန် ရပ်ကၠုၚ် ညံၚ်ကဵုရပ်ပပဝ်တာဂှ်လေဝ် နွံ။ ညးဒေသတံဂှ်တှ်ေ ဒးဂွိၚ်ဒၟံၚ်ကဵု အကာဲအရာတိုန်ကေတ်သ္ၚိ ဗွဲအနိၚ်အပိုၚ်တုဲ တံၚ်ရပ်တံဂှ်ရဏောၚ်” သာ်ဝွံ သ္ဂးရ။

ကံၚ်ဇြဳပၞာန် ရပ်ဒက်ကၠုၚ်ဒၟံၚ် ညးသၟတ်အပ္ဍဲဒေသတံ သာ်ဏံဂှ်တုဲ အကြာညးဍုၚ်ကွာန်တံ ဒးဂွိၚ်ဒၟံၚ်နွံဒၟံၚ်တုဲ အာဂၠံၚ်တှ်ေ ဒးဒှ်ဒၟံၚ်အကာဲအရာ ဂီုကၠီုဟွံမွဲတံရဂှ် ညးဒေသတံ ဟီုရ။

ပ္ဍဲတွဵုရးဍုၚ်မန်ဂှ် နူတန်ဗ္တောန်ကွတ်ပၞာန် လၟေၚ် ၁ စဵုကဵု လၟေၚ် ၈ ဂှ် သၟတ်ဟွံအောန်နူကဵု ၁၇၀၀ ကံၚ်ဇြဳပၞာန်တံ ရပ်ပကောံပလဝ်ကောန်ပၞာန်ရ။

ပရိုၚ်−သြၚ်လောန်တိုၚ်(မ်)
ဗီု−CJ
https://mon.thanlwintimes.com/?p=20942

31/12/2024

ပြဒ္ဒညာပရေၚ်ဍုၚ်ကွာန်ဂှ် သွက်ဂွံသောၚ်ကလး နကဵုနဲကဲပရေၚ်ဍုၚ်ကွာန် ဗွဲမတပ်တးဂှ် ဥက္ကဌ KNU ဟီု

ဘာအၚ်၊ ဒဳဇြေမ်ဗာ ၃၁

နကဵုတၠအဝဵုမဟာဝါဒဂကူတံ ပြဒ္ဒညာပရေၚ်ဍုၚ်ကွာန်ဂှ် ယဝ်ရသောၚ်ကလးရေၚ်တၠုၚ်ကဵု နကဵုနဲကဲပရေၚ်ဍုၚ်ကွာန် ဗွဲမတပ်တးဟွံမာန်မ္ဂး ပရေၚ်ၜိုဟ်လလမ်အပ္ဍဲဍုၚ်မဍာံဇေတ်မွဲ ဒှ်ကၠုၚ်ဟွံသေၚ်ပုဟ်ဂှ် ဥက္ကဌဗော်သွးကောန်ဂကူကရေၚ် KNU ပဒိုဝ်သဝ်ဂွါထူဝေန် ဟီုရ။

ဥက္ကဌဗော်သွးကောန်ဂကူကရေၚ် KNU ပဒိုဝ်သဝ်ဂွါထူဝေန် ဟီုလဝ်ဂလာန် တ္ၚဲကၠောံသၞာံကရေၚ် သၞာံ ၂၇၆၄ ပ္ဍဲဂိတုဒဳဇြေမ်ဗာ ၃၀ ဂှ်ရ။

ညးမအုပ်ဓုပ်ကၠုၚ်ကၟိန်ဍုၚ်ခေတ်အဆက်က်တံဂှ် ဟွံသ္ပစၟတ်သမ္တီ ကုပရေၚ်ကဆံၚ်တုပ်သၟဟ်ကောန်ဂကူတံဂှ်မွဲသာ် ဍဵုဍိုက်တုဲအုပ်ဓုပ်ကၠုၚ်၊ ဟွံမွဲကဵုဗဗွဲဓဝ်တံဂှ်တုဲ အကြာဂကူမွဲကုမွဲ၊ အကြာညးဍုၚ်ကွာန် ကဵု အလဵုအသဳမအုပ်ဓုပ်တံဂှ် ပဋိပက္ခ၊ အဓိကိုရ်ဂမၠိုၚ် မ္ဒးက္တဵုဒှ်လဝ်ရောၚ် ညးသ္ဂးရ။

ညးအုပ်ဓုပ်ကၠုၚ်ကၟိန်ဍုၚ်တံဂှ်တှ်ေ ပဋိပက္ခတံဂှ် ဟွံသောၚ်ကလး နကဵုနဲကဲမဗဗွဲဓဝ်တံဂှ်သၟးဟွံက ဍဵုဍိုက်လၞိန်ဗပိန်ကၠုၚ် ညးဇြဟတ်အောန်တံ နကဵုလွဟ်တံဂှ်တုဲ ပွချဳဒရာၚ်ပရေၚ်ကောန်ဂကူကရေၚ်တံဂှ်ဝွံ ပြံၚ်လှာဲကၠုၚ် နဒဒှ်ဗီုပြၚ်ပၠန်ဂတးရပ်လွဟ်တံဂှ်တှ်ေ နူသၞာံ ၁၉၄၉ စဵုကဵုတ္ၚဲဏံရဂှ် ဥက္ကဌ KNU သ္ဂးရ။

ပဋိပက္ခအပ္ဍဲဍုၚ် ကေုာံ ပြဒ္ဒညာပရေၚ်ကောန်ဂကူတံဂှ် ဒဒှ်မသောၚ်ကလးကၠုၚ်ဒၟံၚ် နကဵုနဲကဲရပ်လွဟ်ဂှ် ဒေါအ်ကၠေံတုဲ နကဵုပရေၚ်ဆဵုဂဗသဳကၠဳ သွက်ဂွံဂၠါဲသွဟ်ပ္ညဳပ္ညပ်အာဂှ် မွဲဒမြိပ်ပၠန်ဂတးဏံ ဗော်သွးကောန်ဂကူကရေၚ် KNU ပ္တိုန်ထ္ၜးအာတ်မိက်ကၠုၚ်လဝ် လၟိုန်ရောၚ် ပဒိုဝ်သဝ်ဂွါထူဝေန် ဟီုစုတ်လဝ်ရ။

ဆ္ဂး ညးမအုပ်ဓုပ်ဂမၠိုၚ် တၠအဝဵုမဟာဝါဒဂကူတံဂှ်တှ်ေ ဂွံသောၚ်ကလး ပြဒ္ဒညာပရေၚ်ဍုၚ်ကွာန် နကဵုနဲကဲပရေၚ်ဍုၚ်ကွာန်ဂှ် ဆန္ဒဟွံမွဲကၠုၚ်လဝ်ပုဟ်ဂှ် ပဒိုဝ်သဝ်ဂွါထူဝေန် ဟီုရ။

သွက်သၞောတ်တၠအဝဵုပၞာန်အခိၚ်အခါတ္ၚဲဏံ ဂွံအိုတ်အးအာသၟးဟွံက မဟာဝါဒဂကူအပ္ဍဲဍုၚ်ကီု သၞောတ်တၠအဝဵု နဗီုပြၚ်နာနာ ညံၚ်ဂွံအိုတ်အးရိုဟ်ကၞက်ဂွံပိုတ်အာဂှ် နကဵု KNU သ္ဂောံဗ္တိုက်သရိုဟ်အာဂှ် စၟဳစလဝ်တုဲ ဂွံလုပ်ပေါဲဗ္တိုက် မွဲကရောံမွဲစွံ ပ္ဍဲပရေၚ်ချဳဒရာၚ်ပၠန်ဂတးတံဂှ် ဖ္တိုက်ဖ္အောဝ်လဝ်ရ။

ပ္ဍဲကဵုလိက်သဝဏ် က္ဍိုပ်သ္ကိုပ်ပၞာန်သီအဝဵု သ္ကိုပ်ပၞာန်ဇၞော် မေန်အံၚ်လှာၚ် မပလံၚ်ဗစိုပ်လဝ် သွက်တ္ၚဲကၠောံသၞာံကရေၚ်ဂှ် သွက်ပရေၚ်ဆဵုဂဗသဳကၠဳတံဂှ် ပံက်လဝ်တြၚ် ကော်ဘိက်လဝ် ဂကောံရပ်လွဟ်ကောန်ဍုၚ်အရၚ်တံ လၟိုန်တုဲ အာဂတဏံလေဝ် သွက်ပရေၚ်ၜိုဟ်လလမ်ဂှ် ပ္တိတ်အာဇြဟတ်ရေၚ်တၠုၚ်အာဏောၚ်ဂှ် ဟီုစုတ်လဝ်ရ။

ပရိုၚ်−သြၚ်လောန်တိုၚ်(မ်)
ဗီု−CJ
https://mon.thanlwintimes.com/?p=20939

ที่อยู่

Bangkok

เว็บไซต์

https://mon.thanlwintimes.com/

แจ้งเตือน

รับทราบข่าวสารและโปรโมชั่นของ Than Lwin Times - Mon Editionผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

วิดีโอทั้งหมด

TLT Tv || - တၚ်လလောၚ်တြး AA ဂှ် ဂွံအဓိပ္ပာယ်သာ်လဵုရော

TLT Tv || - တၚ်လလောၚ်တြး AA ဂှ် ဂွံအဓိပ္ပာယ်သာ်လဵုရော တၚ်လလောၚ်တြး ဒပ်ပၞာန်ရခေၚ် AA မလလောၚ်ပ္တိတ်လဝ် ဒဒှ်ရဒှ်ဒၟံၚ်ဒတုဲ သွက်သ္ဂောံသောၚ်ကလး နကဵုပရေၚ်ဍုၚ်ကွာန်၊ ဒဒှ်ရမိက်ဂွံပံၚ်တောဲကၠောန်အာ ကိုန်စဳမာန်ပရေၚ်ဓလိုက်တမ်ရိုဟ်ဍုၚ်သ္အာၚ် အပ္ဍဲဒေသတံဂှ်ဝွံ စှ်ေကဵုနတဲရောၚ် ညးခါတ်အကာဲပရေၚ်ဍုၚ်ကွာန်တံ ဟီုရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/ZTihbYKPMWI တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagram.com/thanlwintimes/ Twitter Link https://twitter.com/ThanLwinTimes Telegram Link https://t.me/thanlwintim

TLT Tv || - ပြဒ္ဒညာပရေၚ်ဍုၚ်ကွာန်ဂှ် သွက်ဂွံသောၚ်ကလး နကဵုနဲကဲပရေၚ်ဍုၚ်ကွာန် ဗွဲမတပ်တးဂှ် ဥက္ကဌ KNU

TLT Tv || - ပြဒ္ဒညာပရေၚ်ဍုၚ်ကွာန်ဂှ် သွက်ဂွံသောၚ်ကလး နကဵုနဲကဲပရေၚ်ဍုၚ်ကွာန် ဗွဲမတပ်တးဂှ် ဥက္ကဌ KNU ဟီု နကဵုတၠအဝဵုမဟာဝါဒဂကူတံ ပြဒ္ဒညာပရေၚ်ဍုၚ်ကွာန်ဂှ် ယဝ်ရသောၚ်ကလးရေၚ်တၠုၚ်ကဵု နကဵုနဲကဲပရေၚ်ဍုၚ်ကွာန် ဗွဲမတပ်တးဟွံမာန်မ္ဂး ပရေၚ်ၜိုဟ်လလမ်အပ္ဍဲဍုၚ်မဍာံဇေတ်မွဲ ဒှ်ကၠုၚ်ဟွံသေၚ်ပုဟ်ဂှ် ဥက္ကဌဗော်သွးကောန်ဂကူကရေၚ် KNU ပဒိုဝ်သဝ်ဂွါထူဝေန် ဟီုရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/BWuilZX-XYw တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagra

TLT Tv || - ပ္ဍဲတွဵုရးဍုၚ်မန် အခိၚ်ဗ္တံ သၟတ်တံ ဒးဒုၚ်ရပ်ဆက်ကၠုၚ်

TLT Tv || - ပ္ဍဲတွဵုရးဍုၚ်မန် အခိၚ်ဗ္တံ သၟတ်တံ ဒးဒုၚ်ရပ်ဆက်ကၠုၚ် ပ္ဍဲတွဵုရးဍုၚ်မန်ဂှ် အပ္ဍဲဂိတုဏံ ကံၚ်ဇြဳပၞာန် ထ္ၜးဟိုတ်နာနာသာ်တုဲ အခိၚ်ဗ္တံ ရပ်ဒက်ကၠုၚ်သၟတ်တံ ဆက်ကၠုၚ်ဒၟံၚ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/WFZu3k8cv6I တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagram.com/thanlwintimes/ Twitter Link https://twitter.com/ThanLwinTimes Telegram Link https://t.me/thanlwintimes Youtube Link https://www.youtube.com/@ThanLwinTimes9 #myanmar #local #public #PDF #KNU #နိုင်ငံရေး #Myanmar #dailynews #MyanmarMilitary #TLT #ပြည်တွင်းသ

TLT Tv || - ပ္ဍဲကျာ်ထဝ် ကောန်ဒပ်ကံၚ်ဇြဳပၞာန် ဒှ်ပန်ပှော်ညးသ္ကအ်တုဲ ပိတၠ ချိုတ်အာ

TLT Tv || - ပ္ဍဲကျာ်ထဝ် ကောန်ဒပ်ကံၚ်ဇြဳပၞာန် ဒှ်ပန်ပှော်ညးသ္ကအ်တုဲ ပိတၠ ချိုတ်အာ ပ္ဍဲတွဵုရးဍုၚ်မန် ပွိုၚ်ဍုၚ်ကျာ်ထဝ် ပ္ဍဲကဵုကွာန်(အၚ်္ဂဘို) ကောန်ဒပ်ကံၚ်ဇြဳပၞာန် မမၚ်ဒၟံၚ်တိုၚ်တာဝါတံ ဒှ်ပန်ပှော်ညးသ္ကအ်တုဲ ပိတၠ ချိုတ်အာလဝ်ရောၚ် ညးမစုက်လုက်ကဵု ဒပ်ကံၚ်ဇြဳပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/_ZYJFJstKYg တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagram.com/thanlwintimes/ Twitter Link https://twitter.com/ThanLwinTimes Telegram Link https://t.me/t

TLT Tv || - တၠအဝဵုပၞာန်ဏံ ဗ္တိုက်သရိုဟ်မာန်မှ အခေါၚ်မန်ဍုၚ်မန်ဂွံဏောၚ် က္ဍိုပ်သ္ကိုပ် AD ဟီု

TLT Tv || - တၠအဝဵုပၞာန်ဏံ ဗ္တိုက်သရိုဟ်မာန်မှ အခေါၚ်မန်ဍုၚ်မန်ဂွံဏောၚ် က္ဍိုပ်သ္ကိုပ် AD ဟီု အခေါၚ်မန်ဂှ် အာနဲကဲတက်ကျာဟွံဂွံ၊ ဒးဗ္တိုက်ကေတ်ရောၚ်တုဲ တၠအဝဵုပၞာန်ဏံ ဗ္တိုက်သရိုဟ်မာန်မှ အခေါၚ်မန် ဍုၚ်မန်ဂွံဏောၚ် သာ်ဝွံ က္ဍိုပ်သ္ကိုပ် ဗော်ဍုၚ်မန်တၟိ ဗ္တိုက်သရိုဟ်တၠအဝဵုပၞာန် NMSP AD ဟီုရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/TnmqRTawK6c တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagram.com/thanlwintimes/ Twitter Link https://twitter.com/ThanLwinTimes Telegram Link https://t.me/thanlwintimes Youtube Link https://www.youtube.com/@Th

TLT Tv || - အကြာပေါဲဗ္တိုက်သီဍုၚ်ဂမၠိုၚ်ဂှ် တၚ်စၟဳပရေၚ်ပၞာန်တွဵုရးဍုၚ်မန် သွက်သၞာံဂတဏံ

TLT Tv || - အကြာပေါဲဗ္တိုက်သီဍုၚ်ဂမၠိုၚ်ဂှ် တၚ်စၟဳပရေၚ်ပၞာန်တွဵုရးဍုၚ်မန် သွက်သၞာံဂတဏံ အခိၚ်ကာလသၞာံဏံ ကြပ်အိုတ်ကၠုၚ်ဂှ် ဒပ်ကံၚ်ဇြဳပၞာန် မသရိုဟ်စှ်ေဆုတ်ယုတ်ကၠုၚ်ဂှ်လေဝ် အကာဲအရာပရေံစှ်ေကၠုၚ်ဒၟံၚ်တုဲ သၞာံတၟိဏံ အပ္ဍဲတွဵုရးဍုၚ်မန် ဂွံညာတ်ကေတ်အပြံၚ်အလှာဲပရေၚ်ပၞာန်တံမာန်ဂှ် ညးဂမၠိုၚ် မၚ်စၟဳဒၟံၚ်အိုတ်ရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/o6qVyoSevqA တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagram.com/thanlwintimes/ Twitter Link https://twitter.com/ThanLwinTimes Telegram Link

TLT Tv || - ဟိုတ်နူပြံၚ်လှာဲကံက်ကၠုၚ်အခေါန် လ္တူဗၞိက်ပၠောပ်၊ ဗၞိက်ပလံၚ်ပ္တိုန်တံဂှ်တုဲ ၚုဟ်ဗၞိက

TLT Tv || - ဟိုတ်နူပြံၚ်လှာဲကံက်ကၠုၚ်အခေါန် လ္တူဗၞိက်ပၠောပ်၊ ဗၞိက်ပလံၚ်ပ္တိုန်တံဂှ်တုဲ ၚုဟ်ဗၞိက်ထပ်တိုန်ကၠုၚ်မာန် ဌာနက္ဍိုက်ပ်အကံက်အခေါန်ကံၚ်ဇြဳပၞာန် ဟိုတ်နူပြံၚ်လှာဲကံက်ကၠုၚ်အခေါန် လ္တူဗၞိက်ပၠောပ်၊ ဗၞိက်ပ္တိုန်တံဂှ်တုဲ ၚုဟ်ကပေါတ်ဗၞိက်တံ ထပ်သၠုၚ်တိုန်ကၠုၚ်မာန်ဂှ် တၠကမၠောန်ပရေၚ်ပိုန်ဒြပ်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/b7kmeBrYrKc တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.i

TLT Tv || - ဒပ် KTLA ကၟာတ်လဝ်အခေါၚ်အာကၠုၚ် လ္ပာ်ဂၠံၚ်ပယျဵု မေတ္တာ−ထဳခဳ

TLT Tv || - ဒပ် KTLA ကၟာတ်လဝ်အခေါၚ်အာကၠုၚ် လ္ပာ်ဂၠံၚ်ပယျဵု မေတ္တာ−ထဳခဳ ဂၠံၚ်ပယျဵု မေတ္တာ−ထဳခဳ ပွိုၚ်ဍုၚ်ထဝါဲ ရးတၞၚ်သဳ ဒှ်ဂၠံၚ်သွံရာန်ဗၞိက်ပယျဵု သေံ−ဗၟာဂှ် လ္ပာ်ဒပ်ပၞာန်ကဝ်တူလေဝ် KTLA ပပ္တံနူဂိတုဒဳဇြေမ်ဗာ ၂၇ တုဲ ကၟာတ်လဒဵုကၠုၚ်အခေါၚ်အာကၠုၚ်ဂၠံၚ်ဏံ ဟွံတီကဵုတ္ၚဲကလေၚ်ပံက်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/9IqwC9ldGvU တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagram.com/thanlwintimes/ Twitter Link https://twitter.com/Tha

ELTv||- သံလွင်တိုင်းမ် သတင်းဌာနရဲ့ မွန်ဘာသာ ရုပ်သံအစီအစဉ်

ELTv||- သံလွင်တိုင်းမ် သတင်းဌာနရဲ့ မွန်ဘာသာ ရုပ်သံအစီအစဉ် - မွန်ပြည်နယ်မှာ စစ်မှုထမ်းစုဆောင်းခံရသူ ၁,၇၀၀ ယောက် ထက်မနည်း ရှိလာပါတယ်။ - ပ္ဍဲတွဵုရးဍုၚ်မန် မၞိဟ်ဒးဒုၚ်ပကောံပကောန်ပၞာန် နွံကၠုၚ် ဟွံအောန်နူကဵု ၁၇၀၀ ရ။ - သံဖြူဇရပ် - ရေး လမ်းပိုင်း ပြန်လည်ထိန်းချုပ်နိုင်ဖို့ စစ်ကောင်စီက ကြိုးပမ်းလာတယ်လို့ ဒေသခံတွေနဲ့ တော်လှန်ရေးအဖွဲ့တွေက ပြောပါတယ်။ - ကံၚ်ဇြဳပၞာန် ပ္တိတ်ကၠုၚ်ဇြဟတ် သွက်ဂွံကလေၚ်ထိၚ်ဒက် သ္ကုတ်ဂၠံၚ်ဇြပ်ဗု−ရေဝ်ရောင် ဂကောံပၠန်ဂတးတံကဵု ညးဒေသတံ ဟီုရ။ - ရခိုင်တစ်ပြည်လုံး လွတ်မြောက်တော့မယ့် အောင်ပွဲအတွက် မွန်နဲ့ပအိုဝ်းအဖွဲ့တွေ ဂုဏ်ပြုသဝဏ်လွှာပေးပို့ကြပါတယ်။ - သွက်ပေါဲအံၚ်ဇၞး ဍုၚ်ရခေၚ် မညောန်ကဵုပရေၚ်ဗၠးၜးဂှ် ဂကောံမန် ကေုာံ ဂကောံပအိုဝ် ပ္တိုန်စရာဲပလံၚ်ဗစိုပ်လဝ် လိက်သဝဏ်တံအိုတ်ရ။ မွန်ပြည်နယ်အတွင်း ဖြစ်ပျက်နေ

သောၚ်က္လးပရေၚ်နာနာ ရုၚ်ဟံၚ်ပြာ် ဍုၚ်မလေဝ်ယှာ

ဝိုင်တက်ကျာ "သၟတ်မန် ဇြဟတ်မန်"

ရမျှာင်ကမြေဲ တ္ၚဲသၟတ်မန် မရနုက်ကဵု (၁၃) ဝါ သၞာံဏအ်ဂှ် ကဵုလဝ် "သၟတ်မန် ဇြဟတ်မန်” ရ၊ ဆက်စပ်ကုရမျှာင်ကမြေဲဂှ်တုဲ ရမျှာင်နူသၟတ်မန် မပါလုပ်ဒၟံင် အပ္ဍဲပၠန်ဂတးတအ် မုညးတအ်ဟီုရော၊ ပရေင်ပါလုပ် ကေုာံ ပရေင်အာက္ဍိုပ်သၟတ် ပ္ဍဲအခိင်ကာလပၠန်ဂတးတ္ၚဲဏအ် ဗီုလဵုနွံမံင်ရော၊ ဆဂှ်သၟးဟွံက နူကဵုပၠန်ဂတးဂကူကောန်ဍုင်အရင်တၞဟ် မပ္တံကဵုရခေင်၊ ကရေင်ဍာဲ၊ ကချေင်၊ ချေင်တအ်ဂှ် မုဒးကေတ်ခန်လ္ၚတ်ထေက်နွံတုဲ ပၠန်ဂတးမန် ဂွံအံင်ဇၞး အာစိုပ်တရဴပြဟ်ဟ်မာန် မုသ္ဒးဆက်ကၠောန်သ္ပအာထေက်တအ်ဂှ် ပ္ဍဲတ္ၚဲသၟတ်မန် ဂိတုဒဳဇြေမ်ဗါ ၂၈ အခိင် (၇) နာဍဳဗ္တံဏံ ကၠောန်ဗဒှ်အစဳအဇန် ဝိုင်တက်ကျာမွဲတုဲ ဗလးကဵုဏာ နူမုက်လိက်ပိုယ်တံဏံမဒှ်ရ။

TLT Tv || - အပ္ဍဲပေါဲဗ္တိုက် လံၚ်လုၚ်၊ ကျံက်နဳမဝ်ဂှ် သ္ၚိ ၂၀ ပြၚ် ပၟတ်တူလီုလာ်အာ

TLT Tv || - အပ္ဍဲပေါဲဗ္တိုက် လံၚ်လုၚ်၊ ကျံက်နဳမဝ်ဂှ် သ္ၚိ ၂၀ ပြၚ် ပၟတ်တူလီုလာ်အာ အပ္ဍဲပေါဲဗ္တိုက် မက္တဵုဒှ်လဝ် ပ္ဍဲကွာန်ကျံက်နဳမဝ် ပွိုၚ်ဍုၚ်လံၚ်လုၚ် ရးတၞၚ်သဳ ပန်တ္ၚဲအဆက်က်ဂှ် သ္ၚိညးဍုၚ်ကွာန်ကောန်အရာပ် ၂၀ ပြၚ် ပၟတ်တူလီုလာ်အာလဝ်ရောၚ် ဂွံတီကေတ် ဇရေၚ်ညးဒေသတံကဵု ဂကောံဒပ်ပၠန်ဂတးတံရ။ ပရိုၚ်ပေၚ်ၚ်ဂှ် လုပ်ဗဵုကလၚ် ပ္ဍဲဝဳဒဳယောတေံမာန် ရအဴ။ ပ္ဍဲကဵု Youtube Channel တေံဂှ်လေဝ် လုပ်စိုပ်ကျောဝ်ဗဵု ကလၚ်သောတမာန်အိုတ်ရအဴ။ https://youtu.be/r_zKnr3wfs0 တံၚ်ဂြဲကေတ် TLT News Application တုဲ မွဲဒမြိပ်အခိၚ် ဗှ်ကေတ်ပရိုၚ် နကဵုဘာသာမန်၊ ဘာသာဗၟာ၊ ဘာသာအေန်ဂဠိက်တံမာန်ရအဴ။ IOS Version – https://apps.apple.com/us/app/tlt-news/id1642061603 Android Version – https://play.google.com/store/apps/details?id=com.thanlwintimes Website Link https://thanlwintimes.com/ https://burmese.thanlwintimes.com/ https://mon.thanlwintimes.com/ Facebook Link https://facebook.com/thanlwintimes9 https://facebook.com/tltmonedition/ https://facebook.com/tltenglishedition Instagram Link https://www.instagram.com/thanlwintimes/ Twitter Link https://twitter.com/ThanLwinTimes Telegram Link https://t.me/thanlwintimes Youtube Link https://www.youtube.com/@T

ทางลัด

แชร์

ประเภท

เว็บไซต์ข่าวและสื่อ