Love Story

09/12/2024

ဖီးဆင့်စက်ဘီးဆိုတာ ...
မဆလခေတ်၊ နဝတခေတ်မှာကြီးပြင်းခဲ့ရတဲ့ ကျနော်တို့မျိုးဆက်အတွက် သူဌေးတွေသာတတ်နိုင်သော ဇိမ်ခံပစ္စည်းတမျိုးပဲ ဖြစ်ပါတယ်။

ငယ်ငယ်က ကျောင်းကို ဖီးဆင့်စက်ဘီးနဲ့ တက်နိုင်သူတွေဟာ သူဌေးသူကြွယ်သားသမီးတွေပဲ ဖြစ်ကြကာ လက်ချိုး ရေနိုင်ပါတယ်။

သူ့နောက်မှာ မိကျောင်းဘီးက နည်းနည်းပေါ်ပြူလာဖြစ်မယ် ထင်ပါတယ်။

နောက် အိန္ဒိယထုတ် ဟီးရိုးဘီးနဲ့ တရုတ်ပြည်ထုတ် ဆိတ်ငါးကောင်ဘီးတွေက လူစီးများကြပါတယ်။

မြန်မာပြည် ကစလထုတ် မောင်ဗမာစက်ဘီးကတော့ လူလတ်တန်းစား၊ ဝန်ထမ်းမိသားစုတွေပဲ စီးကြပါတယ်။

ကျနော်ကတော့ အိမ်မှာ ဘာစက်ဘီးမှ မရှိလို့ ဖိနပ်စီးပြီး ကျောင်းတက်ခဲ့ရပါတယ်။

စက်ဘီးစီးတတ်ဖို့ရာ စက်ဘီးရှိတဲ့ဆွေမျိုးအိမ်တွေက စက်ဘီးနဲ့သွားရတဲ့ခရီးကိုခိုင်းရင် အင်မတန်ပျော်ပါတယ်။

သင်ရော ဖီးဆင့်စကါဘီးနဲ့ ကျောင်းတက်ခဲ့ရဖူးပါသလား?

photo - credit
Francis Zin
#ဖီးဆင့်
#စက်ဘီး

04/12/2024

04/12/2024

ကျွန်တော်တို့နိုင်ငံမှာ သိပ်မသုံးပေမယ့်
နိုင်ငံခြားရုပ်ရှင်တွေထဲမှာ အမြဲတမ်းပါ တဲ့
စကားလုံးရှိတယ် Date ကြမလား တဲ့..

Date တယ်ဆိုတာ တစ်ကယ်တော့
ချိန်းတွေ့တာပါပဲ... ဒါပေမယ့် Physical Relationship မျိုး မဟုတ်ပဲ ဒီတိုင်း
အသားချင်းမထိပဲ ချိန်းတွေ့တာမျိုးပါ...ပြောရရင်
စကားပြောဖို့ တစ်ယောက်နဲ့တစ်ယောက်
လေ့လာဖို့ သက်သက်ပဲ...

ကျွန်တော်တို့ဆီမှာက ရည်းစားဖြစ်မှ ချိန်းတွေ့
ကြပေမယ့် နိုင်ငံခြားမှာက ချိန်းတွေ့ပြီးမှ
ချစ်သူဖြစ်ကြတာများတယ်...

ဒီတော့ ချစ်သူမဖြစ်ခင် Coffee Date ,
Movie Date လေးတွေလုပ်ကြည့်သင့်တယ်
လို့ထင်တယ်... တစ်ယောက်နဲ့တစ်ယောက်
သဘောကျတယ်ဆို Coffee Date
လုပ်မလားလို့ စမေးတာ အကောင်းဆုံးပဲ ...

ကော်ဖီဆိုင်မှာ မျက်နှာချင်းဆိုင်ခုံမှာထိုင်ပြီး
ကော်ဖီလေးတစ်ခွက်သောက်ရင်း သူ့အကြောင်း
ကိုယ့်အကြောင်းလေးတွေမေးကြမယ်...

ဘာတွေကြိုက်တတ်တယ် ဘာတွေမကြိုက်တတ်
ဘူးဆိုတာမျိုးလေးတွေ... အရင်ထားခဲ့ဖူးတဲ့
Relationship အကြောင်းလေးတွေ...
သူ့ဝါသနာ ကိုယ့်ဝါသနာ တွေပြောကြမယ်...
ပြောနေရင်း ကိုယ်နဲ့အဆင်ပြေလောက်လား
သဘောကျလားလို့ ဆုံးဖြတ်လို့ရတယ်...

Movie Date လည်း အတူတူပဲ ရုပ်ရှင်ကြည့်
မယ် အပြန်မုန့်စားမယ် အိမ်လိုက်ပို့ပေးမယ်
ဒီလောက်ပဲ... တစ်ယောက်နဲ့တစ်ယောက်
Date ရင်းတစ်ယောက်အကြောင်းတစ်ယောက်
သိလာမှ တွဲတာ ပိုအဆင်ပြေတာပေါ့...

တစ်ကယ်လို့ ကိုယ်ကြိုက်တဲ့ Type မဟုတ်ဘူး
ဆိုလည်း First Date မှာတည်းက ငြင်းလို့
လည်း ရတာပဲ.. ဒါမှမဟုတ် တစ်ပတ် တစ်လ
စောင့်ကြည့်ပြီး Date ရင်း တစ်ယောက်နဲ့
တစ်ယောက် ချစ်မိသွားတာပိုပြီး ကောင်းတာပေါ့

တွဲပြီးမှ သူက ဒီလိုပါလား ဆ်ိုတာတွေ သိရမှဆို
ပြတ်လိုက် တွဲလိုက်နဲ့ အချိန်ကုန်တယ်
လူရော စိတ်ရောပင်ပန်းတာပေါ့...

ဒီတော့ နှစ်ယောက်တည်း Date ကြည့်ပါ...
Coffee ဆိုင်မှာ Date တာ ဖြစ်ဖြစ် 😁😁

Let’s Date❤️

🇹🇭

02/12/2024

ပညာတတ်နဲ့ ဘွဲ့ရ မတူပါဘူး မြန်မာနိုင်ငံမှာ ဘွဲ့မလိုချင်လို့ မယူဘူးဆိုတာ အဓိပွါယ်ရှိပါတယ်... (အဆိုတော် L လွန်းဝါ)

မြန်မာနိုင်ငံမှာ ဘွဲ့မလိုချင်လို့ မယူဘူးဆိုတာ အဓိပွါယ်ရှိပါတယ်။ တခြားဘွဲ့တော့ မသိဘူး ဆရာဝန်ဘွဲ့ကိုပဲ ပြောပြမယ်နော်။ အဲ့တာလည်း ကိုယ်ကိုတိုင် အသည်းအသန် တက်ပြီး ရအောင်ယူထားတာမို့ပါ။ မယူပဲနေလည်းရတယ် ပြောလို့ရတယ်။ ဒါပေမယ့် သူများကို ကူညီတဲ့ မွန်မြတ်တဲ့ အလုပ်ကို ချစ်လို့ နောက်ပြီး အလုပ်တခုကို ပြီးအောင်လုပ်တဲ့သဘောပေါ့။ အိုကေ ပြန်ဆက်မယ်နော်။
အရင်တုန်းကပေါ့ ဟောက်ဆာဂျင်တုန်းက လခရတာက ရီစရာကြီးပေါ့။ ကားငှါးသွားပြီး ပြန်လာရင် တက်ဆီကားခနဲ့ကုန်ရော ဆေးရုံမှာ အလုပ်ဝင်ခါစ ဆရာဝန်ပေါက်စ တယောက်က သာမန်ကုပ္မဏီဝန်ထမ်းလစာ ထက်မပိုဘူး။ ရှက်စရာနော် နှိမ်ထားတာ အပြင်ဆေးရုံမှာ အလုပ်လုပ်ရင် နည်းနည်းပိုရတယ်ပေါ့နော်။ ဒါလည်း တော်တော်ခက်ခဲပါတယ်။ အာ့ကြောင့် အဆင်ပြေရာ NGO တွေ ဆေးကုပ္မဏီတွေဝင်လုပ်ရတာပါပဲ။ သနားဖို့တော်တော်ကောင်း ပညာတတ်တွေ ပိုက်ဆံမရတာကတမျိုး အထင်ကြီးမခံရတာတမျိုးပေါ့။
ပြောချင်တာ ကျနော်တို့ မြန်မာနိုင်ငံကလွဲလို့ အပြင်ထွက်သွားတာနဲ့ ဆရာဝန်လခက သူတို့ပေးဆပ်ထားရတဲ့ အချိန်နဲ့ ကြိုးစားအားထုတ်မှုနဲ့ တန်တဲ့ Reward ရကြတာပါပဲ။ မြန်မာနိုင်ငံတခုပဲ ပညာတတ်တွေကို မလေးစားအောင် လုပ်ထားတာ။ မယုံရင် မြန်မာနိုင်ငံ အပြင်ကို ထွက်လည်တဲ့အခါ သဘာဝအလှအပတွေ တိုးတက်မှုတွေပဲ မကြည့်ပါနဲ့။ သူတို့တွေ သဘာဝအလှအပတွေ ဘယ်လိုထိန်းသိမ်းလဲ တိုးတက်အောင် ဘယ်လိုလုပ်နေကြသလဲ လေ့လာသင့်တယ်။
ဘိလပ်မြေဖျော်ပြီး ပြန်ကပ်တာ ထိန်းသိမ်းတာ မဟုတ်ဘူးနော် လူတိုင်းဆောက်တတ်တယ်။ ဘယ်နနှစ်ခံအောင် ဘယ်လိုထိန်းသိမ်းမယ်ဆိုတာက ပညာပါ။ မြေဩဇာထည့်ပြီး ပေါင်းသင်တာက ပညာမဟုတ်ဘူးနော် ဘယ်အပင်စိုက်ပြီး ရာသီဥတုထိန်းဖို့ မြေဆီလွှာ၊ ရှားပါးအပင်တွေထိန်းဖို့က ပညာပါ။ ပိုက်ဆံဝင်အောင် ရှိတာထုတ်ရောင်းတာ ပညာ မဟုတ်ဘူးနော် သူများနိုင်ငံတွေ ရင်းနှီးမြုပ်နှံလာအောင် စီးပွါးရေးဖန်တီးနိုင်တာကမှ ပညာပေါ့။
နောက်ဆုံးပြောချင်တာကတော့ သူများနိုင်ငံက အောင်မြင်ပြီးသား သီချင်းကို မြန်မာလိုစာသားထည့်ဆိုတာ ပညာမဟုတ်ဘူးနော်။ ကိုယ်ပိုင်ဖန်တီးမှုကို အားပေးတာကမှ ပညာရှင်ကို မြေတောင်မြှောက်ပေးတာပါ။ မယုံရင် တိုးတက်နေတဲ့ နိုင်ငံတွေ သွားလည်တဲ့အခါ အဲ့တာတွေကို သေချာ လေ့လာကြည့်ပါ ကိုယ်တိုင်သွားပါ။ မသွားနိုင်ရင် သတင်းတွေ နားထောင်ပါ စာတွေလေ့လာပါ။ ကိုယ့်သားသမီးအနာဂါတ်ကို ပညာတတ်တွေ ဦးဆောင်စေချင်ရင် ကိုယ့်အိမ်ကစလို့ ကိုယ့်ကလေးတွေ ပညာတတ်တွေ ဖြစ်လာအောင် မြေတောင်မြှောက်ပေးကြပါ။
L လွန်းဝါ (အဆိုတော်)
#ပညာ
#ဘွဲ့


🇹🇭

25/11/2024

ခင်ဗျားတို့သိလား

ဆန်ကောင်းရင်
တအိတ် ၁၆၀၀၀၀ ကျော်
အညံ့စားဆန်တောင်
တအိတ် ၈၀၀၀၀ အထက်ပဲ

စားဆီက တပိဿာ ၁၄၀၀၀
ပဲဆီက တပိဿာ ၁၈၀၀၀

ကြက်သား တပိဿာ ၂၂၀၀၀
ဝက်သား တပိဿာ ၃၈၀၀၀
စလားဗီးယားငါးက ၁၆၀၀၀
ကြက်ဥ တလုံး ၅၀၀
ငုံးဥတလုံး ၁၀၀
ခရမ်းချဥ်သီးတပိဿာ ၁၀၀၀၀
အားလူးက ၁၀၀၀၀
ကြက်သွန်နီက ၆၀၀၀
ကြက်သွန်ဖြူက ၂၀၀၀၀
ချဥ်ပေါင်ရွက်တစည်းက ၈၀၀
ကန်စွန်းရွက်က ၈၀၀
ဂေါ်ဖီထုပ်က ၃၀၀၀
နံနံပင်က တစည်း ၃၀၀
ခရမ်းသီး တပိဿာ ၃၀၀၀
ကိုက်လန်က တစည်း ၁၀၀၀

အခြေခံလူတန်းစားမိသားစု
အသားမပါနဲ့ဦး
ဟင်းသီးဟင်းရွက်နဲ့တင်
ထမင်းတနပ်စားဖို့ တော်တော်လေး
ခဲယဥ်းလာပြီ ခက်ခဲနေကြပြီ

ဘာသဘောမှတော့မဟုတ်ပါဘူး
မသိကြမှာစိုးလို့
မေ့နေကြမှာစိုးလို့
စိတ်ဆင်းရဲအောင်
တမင်တကူးတက လာပြောပြတာ

Credit
Resharing
🇹🇭

18/11/2024

Teamwork လို့ခေါ်တဲ့ စုပေါင်းပြီး
အလုပ်လုပ်နေကြတဲ့ အဖွဲ့အစည်းတွေအတွက်
လူတစ်ယောက် ပြောဖူးတဲ့ စကားတစ်ခွန်း ရှိတယ်။

သူ ဘာပြောသလဲဆိုရင်
တကယ့် Teamwork ဆိုတာ
ကျောချင်းကပ်ပြီး သိုင်းချတာပဲ တဲ့။

အဲဒီစကား သွေးထွက်အောင်မှန်တယ်။
ဆိုလိုတာ ကိုယ့်အားနည်းချက်ကို
တစ်ဖက်လူက ကာကွယ်ပေးပြီးတော့
တစ်ဖက်လူရဲ့ အားနည်းချက်ကို
ကိုယ်က ကာကွယ် ဖေးမပေးရတာ။

Teamwork နဲ့ အလုပ်လုပ်တဲ့အခါ
ကိုယ့်လုပ်ဖော်ကိုင်ဖက်အချင်းချင်း
တစ်ယောက်အကြောင်း တစ်ယောက်
သိဖို့ အရေးကြီးပါတယ်။

သူက ဘာအားသာလဲ၊
သူက ဘာအားနည်းနေလဲ၊
အဲလိုသိနေမှ လာသမျှ အန္တရာယ်ကို
ကိုယ်သန်ရာကနေ ကာကွယ်နိုင်တာ။

အဲလို Teamwork မိဖို့ဆိုရင်
အလိုအပ်ဆုံးက Trust ပဲ။
အပြန်အလှန်ယုံကြည်နေဖို့ လိုတယ်။
အယုံကြည်မရှိရင် သွားပြီပဲ။
တစ်ယောက်နဲ့တစ်ယောက်
ဘယ်လောက်ပဲ ပုံစံမတူပါစေ၊
သွားတဲ့လမ်းကြောင်း
ရောက်မယ့်ပန်းတိုင်က တူသင့်တယ်။

#သင့်ဖုန်းထဲကဒီဂျစ်တယ်စာကြည့်တိုက်



🇹🇭

18/11/2024

ဒီကနေ့ ကိုယ့်ယောက်ျား
ပိုက်ဆံ ဘယ်လောက်နဲ့
အိမ်ပြန်လာတယ်ဆိုတာကိုပဲ
စိတ် မဝင်စားပါနဲ့ ..
ကိုယ့်ယောက်ျား ဘေးအသီရန်မခပဲ
ကောင်းမွန်စွာ အိမ်ပြန်ရောက်လာ
နိုင်တာကိုလည်း ကျေးဇူးတင်
ဝမ်းသာတတ်ပါစေ..
************
အိမ်ကမိန်းမဟာ အရင်တုန်းကလို
နုနယ် ပျိုမျစ်ခြင်းတွေ မရှိတော့တာကို
အပြစ်မြင် စိတ်မကုန်ပါနဲ့ ..
သူမ ခေတ် သူမ အခါတုန်းက
ယောက်ျားအများရဲ့စိတ်ဝင်စားမှုကို
သင် တစ်ယောက်နဲ့ လဲလှယ်ခဲ့တဲ့
ကျေးဇူးကို မမေ့လိုက်ပါနဲ့ ..
*************
သူများယောက်ျားနဲ့
ကိုယ့်ယောက်ျားကို နှိုင်းယှဉ်ပြီး
အပြစ် မမြင်မိပါစေနဲ့..
မိမိဘုန်းကံရှိသလောက်သာ
စံစားရတတ်တယ်ဆိုတာ
လက်ခံတတ်ပါစေ ..
*************
မိမိအမျိုးသမီးကို အိမ်တွင်းပုန်းစေ
အိမ်အလုပ်တွေ လုပ်ခိုင်းထားပြီး
သူများတွေလို ငွေမရှာတတ်တာ
ခေတ်မမီ မဝင်ဆန့်တော့တာကို
အပြစ်မမြင်မိပါစေနဲ့..
သူမ ရှိနေလို့သာ ဒီအိမ် ဒီမိသားစု
အတိုင်းအတာ တခုထိ
အဆင်ပြေနေတာကိုလည်း
အသိအမှတ်ပြုပေးတတ်ပါစေ..
************
•သင်လည်း သင့်အလုပ်မှာ
ဖိအားတွေ စိတ်ဖိစီးမှုတွေ
အဆင်မပြေမှုတွေရှိနေသလို..
သင့် အိမ်ထောင်ဖက်မှာလည်း
သင် မသိတဲ့ အခက်အခဲတွေ
သင် မတွေးမိတဲ့ စိတ်ဖိစီးမှုလေးတွေ
ရှိနေမယ် ဆိုတာ အပြန်အလှန်
ကိုယ်ချင်းစာ နားလည်တတ်ကြ
မယ်ဆိုရင်..
•သင့်လည်း ပြီးပြီးစုံနေသူ မဟုတ်သလို
မိမိအိမ်ထောင်ဘက်ရဲ့ အပြစ်
အနာအဆာတွေကိုလည်း အပြန်အလှန်
ဖြည့်တွေးပေးတတ်ကြမယ်ဆိုရင်
•အချင်းချင်း
အပြစ်ဖို့နေကြမယ့်အစား
ပြဿနာကို အဖြေရှာ အချင်းချင်း
ဖေးမကူညီတတ်ကြမယ်ဆိုရင်..
************
ကိုယ့်အတိုင်းအတာနဲ့ကိုယ်
အဆင်ပြေနေပျော်တဲ့ မိသားစု
တစ်စုဖြစ်နေမှာပါ ..
**********

CreditOriginalOwner
Resharing
🇹🇭

16/11/2024

ယောက်ျားလေးများအနေဖြင့်
အိမ်ထောင်ပြု သည့်အခါ ဝသောမိန်းကလေးများကိုသာ
အိမ်ထောင်ဖက်အနေဖြင့် ရွေးချယ်သင့်ပါသည်။
မနက်အိပ်ရာနိူးသည်နှင့်
ပိန်သောမိန်းကလေးများသည်
အလှအပပြင်ဆင်ချိန်တွင်
ဖတ်တီးမလေးများသည်
မနက်စာစားရန် ပြင်ဆင်နေပြီဖြစ်ပါသည်။
စျေ း ဝယ်ရာတွင် ငပိန်မများသည်
ကိုယ်အလေးချိန်ထိန်းရန် ဝယ်ယူရပြီး
ဖတ်တီးမလေးများသည် စားကောင်းမည့်
အရာများသာ ဝယ်ယူရပါသည်။
ငပိန်မများသည် အလှအပပစ္စည်းများ
ဝယ်ယူရန် စျေးဖိုးချွေတာနေချိန်တွင်
ဖတ်တီးမလေးများသည် သားငါးအစုံပါရန်
ဝယ်ယူနေပါသည်။
ထို့ကြောင့်
ငပိန်မလေးများအား ယောက်ျားလေးများအနေဖြင့်
ပေါင်းသင်းပါက အစားဆင်းရဲခြင်းကို
ခံစားရပါမည်။
ဖတ်တီးမလေးများအား လက်ထပ်ပေါင်းသင်းခြင်းဖြင့် စားကောင်းသောက်ဖွယ်များ စားရနိုင်ပါသည်။
ထို့ပြင်
ငပိန်မလေးများအတွက် အဝတ်အစား
နောက်ဆုံးပေါ် ခဏခဏထွက်ရှိသည့်အပြင်
ငပိန်မလေးများရဲ့ ဆိုဒ်ကိုလည်း မှတ်သား
ဝယ်ယူပေးရသဖြင့် ပင်ပန်းဆင်းရဲခြင်းကို
ခံစားရနိုင်ပါသည်။
ဖတ်တီးမလေးများအတွက် အဝတ်အစားဝယ်ရာတွင် နောက်ဆုံးပေါ်များ၌ ဆိုဒ်ကြီးထွက်ရှိခြင်း နည်းပါးခြင်းအပြင် ဝယ်ယူရာတွင် ဆိုဒ်မှတ်သားစရာမလိုပဲ
အကြီးဆုံးဆိုဒ် ဝယ်ယူပေးရသဖြင့်
သက်သာခြင်း ချမ်းသာခြင်းအကျိုး ခံစားရနိုင်ပါသည်။
ဖတ်တီးမလေးများ၏ ကောင်းကျိူ း
´´´´´´´´´´´´´´´´´´´´´´´´´
မြန်မာနိုင်ငံသည် ရာသီဥတု သုံးမျို းရှိပြီး
မိုးရာသီ နှင့် ဆောင်းရာသီ တို့တွင်
ဖတ်မတီးလေးများ၏ ရင်ခွင်သည်
အနွေးထွေးဆုံး ဖြစ်ပါသည်။
သစ္စာရှိခြင်းနှင့်ပေါ်လွင်ခြင်း
´´´´´´´´´´´´´´´´´´´´
ဖတ်တီးမလေးများသည်
နောက်ထပ်ယူမည့်သူမရှိခြင်းကြောင့်
ယောက်ျားများအပေါ် အလိုလိုက်အကြိုက်ဆောင်သည့်အပြင်
ဖောက်ပြန်ရန် အလွန်နည်းပါးလေသည်။
ဖတ်တီးမလေးများဖြင့် တွဲသွားပါက
ယောက်ျားလေးများသည် ပေါ်လွင်ထင်ရှား
လှပနေပါသည်။
***ဖတ်တီးမလေးများအား
လက်ထပ်ခြင်းဖြင့်
လှပသော ဘဝများ
ပိုင်ဆိုင်ကြပါစို့

Credit Original
Resharing
🇹🇭
😁😁😁

16/11/2024

13/11/2024

😎😎😎

13/11/2024

"နှစ်ခုဘဲလိုတာပါ"

တစ်ခါတုန်းက တောအုပ်တစ်ခုမှာ ခွန်အားဗလနဲ့ပြည့်စုံပြီး သားကောင်လိုက်တဲ့နေရာမှာ အလွန်ပါးနပ်တဲ့
ကျားတစ်ကောင်ရှိတယ်၊

တစ်နေ့တော့သူဟာ သူရဲ့ အစာအတွက် တောင်ကုန်းတခုပေါ်ကနေပြီး တောင်ရဲ့အောက်ခြေ မြက်တော စပ်မှာအစာစားနေတဲ့ သမင်အုပ်ကို ကြည့်လိုက်တယ်၊

အဲ့ဒီသမင်အုပ်ထဲမှာမှ အလွန်လှပပြီး ပြည့်ဖြိုးနေတဲ့
သမင်တစ်ကောင်ကို သူ့ရဲ့အစာအဖြစ်ရွေးချယ်လိုက်တယ်၊

ကျားဟာ သူ့ရဲ့အလွန်ထက်မြက်တဲ့အတတ်ပညာနဲ့
သမင်အုပ်အနားကို ခြေသံမကြားအောင် ချဉ်းကပ်လာခဲ့တယ်၊

ပိုင်ပြီဆိုတဲ့အနေအထားတစ်ခုကိုရောက်မှ
သူသတ်မှတ်ထားတဲ့သမင်ကို ခုံအုပ်လိုက်တယ်၊

ကံဆိုးစွာနဲ့ဘဲ သမင်ဟာ သူ့လက်ထဲက လွတ်ထွက်သွားခဲ့တယ်၊

သားကောင်လိုက်ရင် ဘယ်တော့မှလွတ်ရိုးထုံးစံမရှိတဲ့
ကျားဟာ သူ့ရဲ့လွဲချော်မှုအတွက် မကျေမနပ်ဖြစ်သွားတယ်၊

မကျေနပ်စိတ်နဲ့ဒေါသစိတ်ပေါင်းပြီး ကျားဟာ
သူ့လက်က လွတ်ထွက်သွားတဲ့ သမင်ရဲ့နောက်ကို
ရှိသမျှခွန်အားအကုန်သုံးပြီးလိုက်တယ်၊

သမင်ကလည်း သူ့အသက်ရှင်သန်မှုအတွက်
သူ့မှာရှိသမျှခွန်အား အကုန်သုံးပြီး ပြေးတယ်၊

မှီခါနီးအနေအထားလေးရောက်သွားလိုက် ကပ်သီလေး လွတ်သွားလိုက်၊

မှီခါနီးအနေအထားလေး ရောက်သွားလိုက် ကပ်သီလေးလွတ်သွားလိုက်၊

ဘေးကကြည့်နေတဲ့ သားကောင်အချို့အတွက်တော့
အသဲယားစရာမြင်ကွင်း

နောက်ဆုံး သမင်ဟာ အလွန်ကြီးမားတဲ့ ချောက်ကမ်းပါးကြီးတစ်ခုရဲ့ ဟိုဘက်ကို လွှားခနဲ ခုန်ကျော်သွားတယ်၊

နောက်ကနေ အရှိန်ပြင်းပြင်းနဲ့လိုက်လာတဲ့ကျားဟာ ချောက်ကမ်းပါးနားရောက်တဲ့အချိန်မှာတော့
တန့်ခနဲ ရပ်သွားတယ်၊

ချောက်ကမ်းပါးရဲ့ အကွားအဝေးနဲ့အတိမ်အနက်ကို တစ်ချက်ငုံ့ကြည့်တယ် ပြီးတော့ ခေါင်းငိုက်စိုက်ချပြီး ပြန်လှည့်ထွက်လာခဲ့တယ်၊

အဲ့ဒီအချိန်မှာဘဲ သူ့ဘေးချုံပုတ်ထဲကနေ အသံတခု
ထွက်လာတယ်၊

"အို မိတ်ဆွေ ဘယ်လိုဖြစ်တာလဲ ဗျ "

"တောအုပ်တစ်ခုလုံးမှာ ခွန်းအားအကြီးမားဆုံး သားကောင်လိုက်တဲ့နေရာမှာ အထက်မြက်ဆုံး တောဘုရင်ကြီးက
ဒီဘာမဟုတ်တဲ့ သမင်လေးကို ဒီတိုင်းဘဲ လွယ်လွယ်ကူကူအရှုံးပေးလိုက်တော့မလို့လားဗျ"

ကျားဟာ အသံလာရာဆီကိုလှည့်ကြည့်လိုက်တော့
ခြုံပုတ်ထဲက မြေခွေးဟာ တည်တည်ငြိမ်ငြိမ်ဘဲ ကျားရဲ့
အနားကို တလှမ်းချင်း လျှောက်လာတယ်၊

"ချောက်ကမ်းပါးက နက်တယ်လို့ထင်ရပေမဲ့
အကွာအဝေးက သိပ်မရှိလှပါဘူးဗျ ကျုပ် အကြိမ်အခါခါ စမ်းသပ်ပြီးပြီ"

"ကျုပ်လို မြေခွေးတစ်ကောင်တောင် အကြိမ်ကြိမ်အခါခါ ခုန်ကျော်ခဲ့သေးတာဘဲ ဘာအစွမ်းအစမှမရှိတဲ့ သမင်တောင် ခင်းများရဲ့ ရှေ့မှာဘဲ အသာအယာခုန်ပြသွားသေးတာဘဲ"

"ခင်များလို တောအုပ်တစ်ခုလုံးရဲ့ ဘုရင်က ဒီချောက်ကမ်းပါးလောက်ကို မခုန်နိုင်စရာဘာအကြောင်းရှိမလဲ"

"လုပ်စမ်းပါ မိတ်ဆွေ ကျုပ်စကားကို ယုံလိုက်စမ်းပါ"

ကျားဟာ မြေးခွေးရဲ့မျက်နှာကို စိုက်ကြည့်လိုက်တယ်
ပြီးတော့ ဟိုဘက်ကမ်းက သမင်ကို လှမ်းကြည့်တယ်၊

မြက်လေးစားလိုက် အမြီးလေးတနှံ့နှံ့လုပ်လိုက် သူတို့ဘက်ကိုလှည့်ကြည့်လိုက်လုပ်နေတဲ့ သမင်ရဲ့အမူအယာဟာ မသိရင် သူ့ကိုလှောင်ပြောင်နေသလို၊

ကျားဟာ ခပ်လှမ်းလှမ်းကိုဆုတ်ပြီးအားယူလိုက်တယ်
ပြီးတာနဲ့ သူ့မှာရှိသမျှခွန်းအားအကုန်သုံးပြီး
ချောက်ကမ်းပါးကို ခုန်ကျော်လိုက်တယ်၊

ဒါပေမဲ့ ဟိုဘက်ကမ်းကိုတော့ မရောက်ခဲ့

မြေခွေးဟာ ချောက်ကမ်းပါးအောက်ကထွက်လာတဲ့
ကျားရဲ့ဆူးဆူးဝါးဝါးအော်သံကို အရသာရှိရှိနားဆင်ရင်း
သူ့ရဲ့ခြုံပုတ်ထဲကို အသာအယာဘဲ ဝင်သွားခဲ့တယ်၊

ခနကြာမှ သူဆင်းနေကျလမ်းအတိုင်းဆင်းပြီး ကျားရဲ့အသားကို သူရဲ့တစ်နေ့တာအစာအဖြစ် မြိန်ရည်ရှက်ရည် စားသုံးလိုက်တော့တယ်။။။

ဒီလိုပါဘဲ
ဘဝမှာ တချို့သူတွေဟာ မိတ်ဆွေစစ်အဖြစ်
ပီပီပြင်ပြင်ကြီးဟန်ဆောင်တတ်ကြတယ်၊

သူတို့ရဲ့ပျော်ရွှင်မှု သူတို့ရဲ့လိုအပ်ချက်တွေအတွက်
ကိုယ့်ဘဝကို လှလှပပကြီး အသုံးချသွားတတ်ကြတယ်၊

ကိုယ့်ကို တိုးတက်စေချင်တာလိုလို အောင်မြင်စေချင်တာလိုလို လူရာဝင်စေချင်တာလိုလိုနဲ့ သူတို့ရဲ့ အခက်အခဲ သူတို့ရဲ့ပြဿနာတွေကြား မသိမသာ ဆွဲထည့်သွားတတ်ကြတယ်၊

ကိုယ့်ကို မပင်ပန်းစေချင်တာလိုလို အချိန်မကုန်စေချင်တာလိုလိုနဲ့ ကိုယ့်ဘဝရဲ့ တက်လမ်းတွေကို စကားလုံးမျိုးစုံနဲ့
ပိတ်ပင်တားဆီးတတ်ကြတယ်၊

တစ်ချို့အတုအယောင်တွေဟာ အစစ်ထက်ပိုပြီးကောင်းပြတတ်ကြတယ် ကိုယ့်ဘက်ကအရာရာကို ယုံကြည်ပေးလိုက်မိတဲ့အချိန်မျိုးရောက်မှ နောက်ကျောကို ဓားနဲ့ထိထိမိမိထိုးသွားတတ်ကြတယ်

အာဖရိကရိုးရာစကားပုံလေးတစ်ခုရှိတယ်
"မိတ်ဆွေအတုအယောင်တစ်ယောက်ဟာ ရန်သူပေါင်းတစ်ထောင်ထက် ပိုမိုအန္တရာယ်ကြီးမားတတ်၏"တဲ့ ၊

အဲ့လို မိတ်ဆွေအတုအယောင်တွေအကြောင်း
တွေးလိုက်မိတဲ့အခါတိုင်း

ဆရာမောင်ချောနွယ်ရဲ့ ကဗျာလေးကိုဘဲ ခနခနရေရွတ်မိတယ်၊

ဘဝမှာ
လေးငါးခြောက်ခု မလိုပါဘူး
နှစ်ခုဘဲ လိုတာ
မိတ်ဆွေစစ်စစ်နဲ့
ရန်သူစစ်စစ် ။။။

Credit original owner resharing
🇹🇭

01/11/2024

မြဝတီဒေသ သို့လာမည်ဆိုပါက
Post တစ်ခု ၏ Comment တွင် ကုန်ကျစရိတ်ကို ဖော်ပြထားသောပြည်သူတစ်ဦး၏ ရေးသားချက်

ဂိတ်ပေါင်း ၅၀ ကြောင့် ဘားအံ-မြဝတီကားခ စျေးကြီးသည်။

မြဝတီမှ မဲပလဲ့တံတား-ဝှေ့ရှမ်းဘက်ပါတ်၍ ဒေါနတောင်လမ်းဟောင်းဘက်ဆင်းပြီး ထီလုံလမ်းကြောသွားလျင် ကားလေးတစ်စီး၏ ဂိတ်ကြေးပေးဆောင်ရနှုန်း

၁။BGF နဒီတံတားခ ၃၀၀၀
(ည ၉ မှ ည ၁၂ တံတားအဝင် ၅၀၀၀ အထွက် ၅၀၀၀)
၂။BGF သဲပုံဂိတ် ၅၀၀၀
၃။BGF တောင်ထိပ်ဂိတ် ၃၀၀၀
၄။ထီးချားရာရွာဖြတ်ခ ၁၀၀၀
၅။BGF ထီးချားရာဂိတ် လက်ဖက်ရည်ဖိုးဘဲတောင်း
၆။စပရိုက်ရွာဖြတ်ခ ၁၀၀၀
၇။BGF မဲပလဲတံတားထိပ်ဂိတ် ၅၀၀၀
၈။BGF မဲပလဲ့တံတားဖြတ်ခ ၅၀၀၀
၉။မဲပလဲရွာဖြတ်ခ ၁၀၀၀
၁၀။PC မဲပလဲ့သင်ချိုင်းကုန်းဂိတ် ၅၀၀၀/၁၀၀၀၀
၁၁။PC ဇရပ်ဖြူကျောင်းနားဂိတ် ၅၀၀၀
၁၂။BGF ဇရပ်ဖြူလမ်းဂွဂိတ် ၂၀၀၀/၃၀၀၀
၁၃။KNU ရွာအဝင်ဇရပ်ဂိတ် ၃၀၀၀/၄၀၀၀/၅၀၀၀
၁၄။PDF လက်မှတ်ဖြတ်ဂိတ် ၁၀၀၀၀၀
(ကုန်အပြည့်နဲ့ကားလေးလက်မှတ်ဖြတ်ခ။ ကုန်မပြည့်ပါက ၅၀၀၀၀/၈၀၀၀၀)
၁၅။PDF ဒေါနအရှေ့တောင်ခြေဂိတ် ၁၀၀၀၀
၁၆။မိဖာလဲ့/PDF ဒေါနအနောက်တောင်ခြေဂိတ် ၂၀၀၀၀
(တစ်ဖွဲ့တစ်သောင်းစီ)
၁၇။PDF လမ်းပြင်အဖွဲ့ဂိတ် ၅၀၀၀
၁၈။PDF ထမင်းဆိုင်ဂိတ် ၅၀၀၀
၁၉။KNU သစ်တံတားဂိတ် ၂၀၀၀/၃၀၀၀/၅၀၀၀
၂၀။သိဝါးရွာဖြတ်ခ ၅၀၀၀ (အရင်က ရွာအဝင် ၅၀၀၀ ရွာအထွက် ၅၀၀၀ ကောက်လိုက်သေးတယ်)
၂၁။PC မိဖာလဲ့ဂိတ် ၅၀၀၀
(အရင်က မိဖာလဲ့ PC ဂိတ်သည် ရွာဖြတ်ခ ၅၀၀၀၊ ကားလေးတစ်စီး ၁၀၀၀၀၊ ခရီးသည်တစ်ယောက် ၅၀၀၀ ကောက်ခဲ့သည်။)
၂၂။ထီးဖိုးစံရွာဖြတ်ခ ၅၀၀၀
၂၃ PC ကျောက်တိုင်ဂိတ် အဆင်းပေးစရာမလို
(အတက်ကားလေးအတွင်းကုန်အပြည့်ဆို ၁၅၀၀၀)
၂၄။PC တံတားဖြူဂိတ် ၅၀၀၀
၂၅။PC စေတီမုဒ်ဦးဂိတ် ၅၀၀၀
၂၆။PC ၃၀၀၀ တန်ဂိတ် ၃၀၀၀
၂၇။PC ဂိတ် ၅၀၀၀
၂၈။နောင်တပွဲရွာဖြတ်ခ ၅၀၀၀
၂၉။PC ရွာသစ်ကုန်းလမ်းခွဲဂိတ် ၅၀၀၀
၃၀။PC ထန်းပင်ကုန်းဂိတ် ၂၀၀၀/၃၀၀၀/၅၀၀၀
၃၁။မအလ/PC နဘူးလမ်းဆုံဂိတ် ၃၀၀၀/၄၀၀၀/၅၀၀၀
၃၂။PC အင်းရှည်ဂိတ် ၃၀၀၀/၅၀၀၀
၃၃။PC ညောင်ကုန်းဂိတ် ၂၀၀၀/၃၀၀၀/၅၀၀၀
၃၄။PC ဝဲကင်းအံဂိတ် ၂၀၀၀/၃၀၀၀/၅၀၀၀
၃၅။PC တံခွန်တိုင်ဂိတ် ၂၀၀၀/၃၀၀၀/၅၀၀၀
၃၆။PC ကြက်ဥတောင်လမ်းခွဲဂိတ် ၂၀၀၀/၃၀၀၀/၅၀၀၀
၃၇။PC သရက်တောဂိတ် ၂၀၀၀/၃၀၀၀/၅၀၀၀
၃၈။BGF သရက်တောတံတားဂိတ် ၂၀၀၀/၃၀၀၀/၅၀၀၀
၃၉။KNU ဂိတ် စေတနာရှိသလောက်သာ
၄၀။PC ပတဂိတ် ၂၀၀၀/၃၀၀၀/၅၀၀၀
၄၁။BGF တောင်စွန်းဂိတ် ၂၀၀၀/၃၀၀၀/၅၀၀၀
၄၂။BGF ရေပူကြီးဂိတ် ၅၀၀၀
၄၃။PC ရေပူကြီးမရောက်ခင်ဂိတ် ၂၀၀၀/၃၀၀၀/၅၀၀၀
၄၄ BGF ကွီးကျယ်လမ်းခွဲဂိတ် ၂၀၀၀/၃၀၀၀/၅၀၀၀
၄၅။BGF နောင်ဘိုကြီးတံတားဂိတ် အဆင်း ၅၀၀၀ အတက် ၃၀၀၀
၄၆။BGF ကျောက်တောင်ဂိတ် ၅၀၀၀
၄၇။ထီလုံရဲ ၅၀၀၀ ဖုန်းနဲ့စာကြိုပို့ရ
၄၈။BGF စက်မှုဇုန် ၅၀၀၀
၄၉။စက်မှူဇုန်ရဲစခန်း ၅၀၀၀
၅၀။BGF/ရဲ/စစ် တောင်ကလေးမြို့အဝင်ဂိတ် ၁၁၀၀၀

မဲပလဲ့-ဝှေ့ရှမ်းဘက်မပါတ်ဘဲ မြဝတီဇုန်ဘက်ကလာလျင်
၅၁။ BGF ညီနောင်မြို့သစ်ဂိတ် ၃၀၀၀၀
၅၂။KNU/PDF ဂိတ် ၅၀၀၀/၁၀၀၀၀
ပြီးရင် လက်မှတ်ဖြတ်ဂိတ်မှာ တန်းစီလက်မှတ်ဖြတ်ရသည်။ #𝘾𝙧𝙚𝙙𝙞𝙩

31/10/2024

ပဲတွေပေးမနေနဲ့ ညည်းကိုကြည့်နေတာမဟုတ်ဘူး 😁

Credit

25/10/2024

အင်္ဂလိပ်တွေ မြန်မာပြည်သိမ်းတော့ မြန်မာလူမျိုးတွေရဲ့ စာတတ်မြောက်မှုနှုန်းကို အံ့အားသင့်ခဲ့ရပါသတဲ့။

ရှေးဘုရင်ခတ်အဆက်ဆက် ဘုန်းတော်ကြီးသင်ပညာရေးနဲ့ မြန်မာတွေဟာ လောကဓါတ်ပညာတွေအပြင်

နောဧကနော စတဲ့ သင်္ချာဘာသာကိုပါ သစ်တွက်နည်း၊ စပါးတွက်နည်းတတ်နေကြပါပြီ။

မြန်မာပြည်ရဲ့ အနုသုခုမသဘင်ပညာတွေ၊ ဘာသာရေးတွေ၊ ယဉ်ကျေးမှုဘာသာစကားတွေ၊ ကိုယ်ပိုင်စာပေ၊ စကားရှိနေတာတွေက အင်္ဂလိပ်တွေအဖို့ အံ့အားသင့်ခဲ့ရတာ နေမှာပါ။

ဒေသတွင်းက အင်္ဂလိပ်ကိုလိုနီဖြစ်တဲ့ မလေးရှားဆိုရင် စာမရှိလို့ အင်္ဂလိပ်က A, B, C, D သုံးကာ မလေးစာကို တီထွင်ပေးရတာမျိုး အခြားသော ကိုလိုနီကျွန်ပြုခဲ့တဲ့တိုင်းပြည်တွေမှာ ရှိခဲ့ကြတာကိုး။

တာထွက်စောခဲ့ပေမယ့် လူယုတ်တသိုက်ဖျက်ဆီးမှုနဲ့ မြန်မာဟာ အောက်ကျတဲ့လူမျိုးလို ဖြစ်ခဲ့ရရှာလေပြီ။

ref: hearsay
photo: my bests

Francis Zin
Resharing
🇹🇭

24/10/2024

ကမ္ဘာကျော် ဘောလုံးသမားဖြစ်တဲ့ အိုဇေးဟာ ကွင်းထဲမှာ သူ့ကိုပစ်ပေါက်ခဲ့တဲ့ ပေါင်မုန့်ကို (လူတွေ အများကြီးရှေ့မှာ) ကောက်နမ်းပြီး နဖူးနဲ့ထိကာ အရိုအသေပေးခဲ့ပါတယ် ။

အိုဇေးကို အဆိုပါ လုပ်ရပ် အတွက် အင်တာဗျုးမှာတော့ …

“ မုန့်ထုတ်လုပ်ဖို့အတွက် ကုန်ကြမ်းတွေကို တောင်သူ လယ်သမားတွေ၊မွေးမြူရေး သမားတွေဟာ ပင်ပန်းကြီးစွာနဲ့ (တစ်ချို့ဆိုရင် အသက်နဲ့ရင်းပြီး) ထုတ်လုပ်ခဲ့ကြတာပါ ။
ဒါကိုလေးစားတဲ့အနေနဲ့ မုန့်တွေကို အလဟဿ မဖြုန်းတီး မပစ်သင့်ပါဘူး “

“ စားစရာမုန့်ကို အလွယ်တကူဝယ်လို့ရတဲ့ နေရာတွေမှာ မသိသာပေမဲ့ စားစရာမုန့်တွေကို အလွယ်တကူမရနိုင်တဲ့ စစ်ဘေးရှောင် ဒုက္ခသည်စခန်းတွေနဲ့ ငတ်မွတ် ခေါင်းပါးတဲ့နေရာတွေမှာတော့ ဒီမုန့်တွေဟာ အလွန်အရေးပါ ပါတယ် “

“ ကိုယ်ပစ်လိုက်တဲ့ အစားအသောက်ဟာ အဲ့ဒီဒေသတွေက လူတွေ ကလေးတွေ အတွက်တော့ အလွန် အဖိုးတန်ပါတယ် “

ဒါကြောင့် အစားအသောက်တွေကို လေးစားပါ ၊ အလဟဿ မဖြုန်းတီးပစ်ကြပါနဲ့ ခင်ဗျာ

ဆာလောင်ဖူးမှ အစားအသောက်ရဲ့
တန်ဖိုးကို သိပါလိမ့်မယ် ❤️ “

🎙️အိုဇေးလ် 🇩🇪


🇹🇭

22/10/2024

ကျွန်မသာ ယောက္ခမ တစ်ယောက်ဖြစ်ခဲ့ရင်

😍 😍

သားရွေးချယ်တဲ့သူ ဘယ်မိန်းကလေးမဆို
ကျမ ချွေးမအဖြစ်လက်ခံမှာပါပဲ။
ဘာလို့လဲဆိုတော့
ကျမ နှစ်ရှည်လများ ပြုစုပျိုးထောင်ခဲ့တဲ့သားက
ကျမတို့နဲ့အဆင်မပြေနိုင်တဲ့သူ၊
သူ့အပေါ် အနစ်နာမခံနိုင်တဲ့သူကို
ချွေးမအဖြစ် ဘယ်တော့မှာ ခေါ်လာမှာ မဟုတ်ဘူးဆိုတာ
ယုံကြည်ထားလို့ပါ။

သားကို အိမ်ပေါ်မှာတင်မထားဘူး
သူတို့နှစ်ဦးတွက် သီးသန့်အိမ်ခွဲထားစေမယ်
အတူ နေထိုင် ကြိုးစားချင်ကြတာ မိန်းခလေးတိုင်းရဲ့မျော်လင့်ချက်ဆိုတာ သိပါတယ်။
ဒါမှလဲ အိမ်ထောင်တစ်ခုကို ဦးဆောင်နိုင်တဲ့ သားရဲ့ အရည်အချင်းတွေ ပိုမို ပေါ်လွင်လာမယ်လေ။

ကျွန်မသားကို ကျွန်မချက်ကြွေးနေကျ ဟင်းတွေ
ချက်ကြွေး ဒါတွေမလုပ်တော့ဘူး(မေမေမချက်ကြွေးတဲ့ဟင်းကတစ်ခုထဲဘဲရှ်😊
သူဇနီးက သူ့ကို ချက်ကြွေးတာကိုပဲ စားစေမယ်။
ဒါမှလဲ ချွေးမရဲ့ အရည်အချင်းတွေ သားပိုနားလည်လာလိမ့်မယ်။ နို့မို့ဆို ကျမတို့အရိပ်တွေ သားအပေါ်မှာ လွှမ်းမိုးပြီး သားတို့ မတိုးတက်မှာ စိုးရိမ်တယ်။

ကျွန်မသားကို ကျွန်မ ချစ်ခဲ့တဲ့ အချစ်တွေကို
ဝေခွဲပေးလိုက်မယ် သူ့ဇနီးဆီကိုပေါ့။
ကျမကတောဘာသာရေးအသိနဲ့ ကျန်ဘ၀ကို ငြိမ်းချမ်းစွာဖြတ်သန်းမယ်လေ။
ဒါမှ သားနဲ့ ချွေးမတို့ တချိန်မှာ မိဘနေရာရလာရင် ဘယ်လို နေထိုင်ရင်ဆိုင် ဖြတ်သန်းရမလဲဆိုတာ ပြန်သင်းပေးနိုင်မှာ။
ကျမတို့ မရှိတော့တဲ့ အချိန်မှာ ကျမသားကို သူ့မိသားစုကို အပြည့်အ၀ဦးဆောင်နိုင်သူ ဖြစ်စေချင်တယ်။

ကျွန်မချွေးမ ကိုလည်း ကျွန်မ အိမ် ခဏခဏ
အလည်မခေါ်ဘူး သူမစိတ်ကျဉ်းကြပ် မှာစိုးတယ်။
ကျမလည်း သူများအိမ်မှာနေ မျက်နှာ အောက်ကြို့ရမဲ့ အပြုအမူမျိုး ကျမသားကို မကြုံတွေ့စေချင်ဘူး
မေတ္တာဆို တာအသွားအပြန်ရှိပါတယ်။
ကျမ သူတို့အပေါ် အစစ်အမှန် မေတ္တာထားရင် ကျမနှုတ်က ပြောထွက်စရာမလိုပါဘူး။
ကျမချွေးမ နားလည်မှာပါ။

သမီးကိုဆို စိတ်စိုးရင်ဆူပစ်လိုက်မယ်
သမီးငိုလိမ့်မယ် ကျွန်မချော့နိုင်တယ်။
ချွေးမကိုစိတ်စိုးရင် ကျွန်မ ဆူတောင်မဆူချင်ဘူး။
ဆူမိရင်သူမအပြင်မငိုနိုင်ပဲ ရင်ထဲငိုလိမ့်
ကျွန်မ မချော့တတ်လို့ပါ ။
ကျမသားလဲ မချော့တတ်မှာစိုးတယ်။

ကျွန်မအသက်ကြီးလာ လို့ ကျွန်မ အလုပ်မလုပ်နိုင် ရင် ချွေးမအပေါ်သူကပြုစုရမယ်ဆိုတဲ့ တာဝန်မပေးပါဘူး ။
ကျွန်မကိုယ်တိုင်မနိုင် အလုပ်သမား ငှားခိုင်း
မယ်။ အဲဒီအတွက်လဲ ကျမnurse တွေ စုံစမ်းထားပြီးသားပါ။
အသက်ကြီးသူတွေရဲ့ လိုအပ်ချက်တိုင်းကို အသက်ငယ်တဲ့ ချွေးမက လိုက်မလုပ်နိုင်တဲ့အခါမလိုလားအပ်တဲ့ ပြသာနာတွေ ကျမသားပေါ်ရောက်သွားနိုင်တယ်လေ။

တကယ်တော့
ကျွန်မ သားရဲ့အမေ ဖြစ်လာတာက နောက်မှပါ။
ကျမ ချွေးမဖြစ်ခဲ့ပြီးမှ ယောက္ခမဖြစ်လာရတာမို့ပါ။

ချွေးမ
ဖြစ်လာတဲ့ ခံစားချက်ကို ထိုမိန်းခလေးထက် အရင်
ကျွန်မ ပိုသိလို့ပါ

ကျွန်မသား ထက် ချွေးမက ကျွန်မရဲ့ငယ်ဘဝမို့ပါ။

ဒါကြောင့်မို့ ကျွန်မ ပိုနားလည်မှု့ထားမိမှာ တကယ်ပါ။
original owner resharing
🇹🇭

19/10/2024

တစ်ခါက တောစပ်တနေရာ၌ ခွေးလင်မယား နှစ်ကောင်ဟာ အကြောင်းဆက်၍ ပေါင်းဖက်ကာ နေကြလေသတဲ့ကွယ်။ တနေ့ အစာရှာထွက်ရာ၌ သန္ဓေအရင့်မာ လွယ်ထားရ ရှာတဲ့ ခွေးမယားဖြစ်သူကို ခွေး လင်ဖြစ်သူက အစာရှာ မလိုက်ရန် ပြောဆို သတဲ့ ခွေးမယား လုပ်သူကလည်း မနေခဲ့နိုင် ဘူးပေါ့။ မောင်တထမ်း မယ်တရွက် သေအ တူ ရှင်မခွါ ပေါ့..။ပြောမရတဲ့အဆုံးမှာ အတူတူ အစာရှာထွက်လာရင်းက ခွေးမက သားမွေး ဘို့အချိန်တန်လာတော့ သားမွေးစရာ နေရာ ရှာရင်း အတန်သင့် လုံခြုံ၍ ကျယ်ဝန်းသော ဂူတ ဂူကို အဆင့်သင့် တွေ့ရလို့ မီးဖွါး လေ တော့တယ်။ ဒါပေမဲ့ သူတို့ မီးဖွါးခဲ့ရာ ဂူဟာ ကျား နေတဲ့ ဂူဖြစ်နေတော့ အလွန်ကြီးမားတဲ့ အန္တရယ် နဲ့ ရင်ဆိုင် ကြုံတွေ့ရတော့မယ် ဆိုတာ သိနေရပြီဆိုတော့ ခွေးမယားက အကြံပြုသတဲ့ရှင် ဒီလိုကြောက်နေလို့ မပြီးဘူး ကျမ ပြောသလို တဝေမတိမ်း လိုက်နာစမ်းပါ။ ဒီလိုပြောဒီလိုဆို ကျုပ်ပြောတာ မမေ့နဲ့ ပေါ့ အတိုင်အဖေါက်ညီညီ တိုင်ပင်ထား ကြတယ်။အချိန်တန်လို့ အစာရှာကပြန်လာ တဲ့ကျား သူ့ဂူထဲက ထူးထူးခြားခြား ခွေးအပေါက်ကလေးတွေ အော်မြည်သံကြားရလို့ ဂူထဲ တန်းမဝင်သေးဘဲ ဂူဝကနေ ချောင်းပြီး နားထောင်နေသတဲ့။ အဲဒီအချိန်မှာ ဂူထဲမှာရှိ နေတဲ့ ခွေးလင်မယားက အတိုင်အဖေါက် ညီညီ လုပ်ငန်း စလိုက်ကြတယ်။ရှင်မရေ ကလေးတွေက ငိုလှချေလားကွယ့် ငိုမှာပေါ့တော် ဆာတာကိုး ဟ.. ဟိုတနေ့ကမှ ငါကိုက်သတ်ချီလာ တဲ့ ကိုးတောင်ကျားကြီးကရော့ အဲဒါ ရှင့်သားတွေ စားလိုက်လို့ ကုန်ပေါ့ ရှင့်သားတွေက သိပ်အစားကြီးတာ။အေးအေး ငါထွက်ရှာလိုက်ဦးမယ် ပြောရင်းဆိုရင်း ကျားနံ့ရတယ် ငါထွက်ကြည့်လိုက် ဦးမယ်။
အပြင်မှာ နားထောင်နေတဲ့ ကျားကြီး အလိုလို ဖင်ကျောတွေရှုံ့ အမြှီးတွေကုတ် တချိုးထဲလစ်တော့တာ နောက်ကြောင်းကို မလှည့်ရဲဘူး။ဒီလိုပြေးလာတာကို သစ်ပင်ပေါ်က မျောက် တကောင်က မြင်ပြီး အကျိုး အကြောင်းကို မေးမြန်း စပ်စု သတဲ့အလို ကိုရွှေကျား ရေးကြီး သုတ်ပျာနဲ့ အမောတကော ပြေးလာလိုက်တာ ဘယ်လို များ အရေး ကြုံလာလို့လည်းပြောမပြော ခြင်ပါဘူး ကိုရွှေမျောက်ရယ် ကျုပ်အဖြစ်က ဒီလိုဗျ..ဟာ မဖြစ်နိုင်တာ ကိုရွှေကျားရယ် ကျားကသာ ခွေးသားကို စားလာတာ ကမ္ဘာ့ အစဉ်အလာပါဗျ။ ခွေးက ကျားကိုသတ်စား တယ် ဆိုတာ အစဉ်အလာ မရှိပါဘူး တခုခု တော့ လွဲနေပြီ လာဗျာ ကျုပ်နဲ့ အတူ သွားပြီး စုံစမ်းကြရအောင်..မလုပ်ပါနဲ့ ကိုရွှေမျောက်ရယ် အရေးအကြောင်းဆို ခင်ဗျားက သစ်ပင်ပေါ်တက်ပြေး လွတ်တယ်ဗျ.. ကျုပ်မှာက ဒီတခါ ခွေးရန်က လွတ်အောင် ပြေးဘို့ မလွယ်ဘူး။ကိုရွှေကျားကလည်း ကြောက်တတ်ရန် ကော ခင်ဗျား မယုံရင် ကျုပ်နဲ့ခင်ဗျား အမြှီးခြင်း ချည်ထားကြမယ်လေ.. အင်း ဒီလိုဆိုရင်တော့ ကောင်း တာပေါ့ ဒီလိုနဲ့ ကျားနဲ့မျောက် အမြှီးခြင်း ချည်ပြီးလာတာကို ခွေးကမြင်တော့ ခပ်တည်တည်နဲ့ ကိုရွှေမျောက်ရယ် ခင်ဗျားက မိတ် ဆွေ အချင်းချင်း ဂတိမတည်ရန်ကော ကျုပ်ဆီက ချေးယူစားထားတာက ကိုးတောင်ကျား အခု ခင်ဗျား ပြန်အချေးဆပ်တာက ခြောက်တောင်ကျား မကျေနပ်နိုင်ဘူးဗျာ ၊ နောက်ထပ် ကျား တကောင် ထပ်ရှာခဲ့ဦး။အလိုလိုမှ ကြောက်ရွံ့ ကြောက်ရွံ့နဲ့ လာခဲ့ရတဲ့ကျား ခွေးစကားလည်း ကြားရော တချိုးထဲ ပြေးတော့တာဘဲ ။ နောက်က အမြှီးခြင်း ချီထားတဲ့ မျောက်က ဒရွတ်တိုက် ပါသွားတော့တယ်။ပြေးရင်း လွှားရင်း ဒရွတ်တိုက် ပါလာတဲ့မျောက်က သစ်ငုတ်နဲ့ ဆောင့်မိပြီး သေရှာပါလေရော။ ကျားက မောလို့ နောက် လည်ကြည့်မိပါတယ် ။ ပါးစပ်ထဲက သွေးစို့ နေတဲ့ မျောက်ကိုကြည့်ပြီး ပြောလိုက်ပုံက..ဟင်း ဒီမှာ ပြေးလိုက်ရတာ မောလို့ အရေးထဲမှာ ကိုရွှေမျောက်က ကွမ်းစားတောင် မပျက်ဘူးဗျာ တဲ့..အသိနည်းပါးတဲ့ကျား ခွေးစကားယုံလွယ်မှားတော့ မောရပြီပေါ့ ။ ပြောတိုင်း မယုံတတ်တဲ့ အကျင့်ကို ကျင့်ကြံအား ထုတ် ၍ ဆင်ခြင်တွေးသောနိုင်ကြပါစေ..။

Credit original owner resharing
🇹🇭