KoHein Vlogs

22/01/2025

✅ပြည်တော်ပြန်ဘုရားကြီးနဲကြီးမားသောတိုင်ဆိုင်မူများ( vlog-98 )

ပထမဦးဆုံးအနေနဲ့ အခုဗီဒီယိုဟာ ဇလွန်ပြည်တော်ပြန်ဘုရားကြီးကိုဖူးမြော်ခြင်းနဲ့ပတ်သက်ပြီး ကြားဖူးကြတဲ့ ကောလဟလတွေနဲ့ စွဲလန်းမူတွေကို အားပေးခြင်းမျိုးလုံးဝမဟုတ်ပါဘူးခင်ဗျာ.။ကျွန်တော်ကိုယ်တိုင်သွားရောက်ဖူးမျှော်ခဲ့ပြီးတိုက်ဆိုင်စွာကြုံတွေ့ခဲ့ရမူများကိုပြန်လည်မျှဝေခြင်းပဲဖြစ်ပါတယ်…။ကျွန်တော့်ရဲ့ပရိသတ်တွေထဲမှာ ဇလွန်ပြည်တော်ပြန်ဘုရားကြီးနဲ့ပတ်သက်ပြီး အမှတ်တရတွေရှိမယ်ဆိုရင် သိချင်ပါတယ်ခင်ဗျာ….

#ဇလွန်ပြည်တော်ပြန်

21/01/2025

✅ မြို့ပြရဲ့အိုအေစစ် (သို့မဟုတ်) ဇလပ်တော်အပန်းဖြေစခန်း ….

ရန်ကုန်မြို့ရဲ့အနီး ၊ ပဲခူးတိုင်းအဝင်ဝလေးမှာပဲ တည်ရှိနေတဲ့ ဇလပ်တော်အပန်းဖြေစခန်းမှာ ဘာတွေရှိလဲ…???
ဒီနေရာမှာ ကျွန်တော်သဘောကျရတဲ့အချက် တွေရယ်၊ လိုအပ်နေဆဲလို့မြင်တဲ့တချို့အရာတွေကို နစ်ပိုင်းခွဲပြီးရေးပေးပါမယ်..။

အရင်ဆုံး ကောင်းတဲ့အချက်တွေ ၊ သဘောကျရတဲ့အချက်တွေကိုပြောပါဆိုရင်တော့ …

✅ သူ့ရဲ့တည်နေရာ Location လို့ပြောရမှာပါ….။ ဒီအပန်းဖြေစခန်းလေးဟာ ရန်ကုန်တိုင်းထွက်လိုက်တာနဲ့ အရင်ဆုံးမြင်ရတဲ့ ပဲခူးတိုင်းဒေသကြီးဆိုင်းဘုတ်လေးကို နည်းနည်းလေးကျော်တာနဲ့ ရောက်ပါပြီ..။

( အတွင်းလမ်းလေးထဲကိုတော့ နည်းနည်းဝင်ရပါတယ်…၊ Google Map ကပြတဲ့အတိုင်းသွားရင် လမ်းအရမ်းဆိုးတဲ့ဘက်ကို ရောက်သွားမှာမို့ အောက်ကပုံလေးတွေမှာပြထားတဲ့အတိုင်း သွားကြည့်ပါ…)

✅ ဒုတိယအချက်ကတော့ အဲ့ဒီမှာရှိတဲ့ Activity တွေပါ…

မြားပစ် ၊ မြင်းစီး ၊ ရေကူး ၊ ဘတ်စကတ်ဘော စတဲ့ကစားနည်းအများကြီးရှိသလို…ဒါတွေကိုဆော့ကစားနိုင်ဖို့ နိုင်ငံခြား ကစားကွင်းတွေပုံစံမျိုး ဝင်ကြေး(၂၀,၀၀၀)မှာ အားလုံးပါပြီးသားမို့ ဘာမှ ထပ်ပေးစရာမလိုတော့ပါဘူး…။
အရမ်းကြိုက်ပါတယ်….။

✅ တတိယအချက်ကတော့ ဝန်ထမ်းတွေရဲ့ဖော်ရွေမူပါ….။

ဝန်ထမ်းတွေအားလုံးက သဘောကောင်းပြီးပျုဌာလို့ စိတ်ချမ်းသာရပါတယ်..။အပန်းဖြေစခန်းကို ဝင်သွားလိုက်ပြီဆိုတာနဲ့ နေရာထိုင်ခင်းစီစဉ်ပေးတာအပြင် တခြားလိုအပ်တာတွေအကုန်လုံးကို စိတ်ရှည်ရှည်နဲ့လုပ်ပေးကြပါတယ်..။

🔴 လိုအပ်နေဆဲအရာများ…

အခန်းများများထပ်ဆောက်ပေးပါ…😆
ဘာလို့လဲဆိုတော့ ကျွန်တော်အခန်းမရတာပါ..😅🤭

Booking တွေပြည့်နေလို့ ညအိပ်အခန်းယူလို့မရတော့ပဲ Day Trip အနေနဲ့ပနေခဲ့ရပါတယ်..။ အခန်းခတွေကတော့ တညကို
(၂၀၀, ၀၀၀) ပေးရပြီး (၄)ယောက် အိပ်လို့ရတဲ့ အခန်းဖြစ်ပါတယ်..။ ဆိုတော့ တညစာအတွက် တယောက်ကို (၅)သောင်းပဲကျမှာဖြစ်ပြီး ဘန်ဂလိုအိမ်လေးတွေ ၊ ကိုယ်ပိုင်ရေချိုးခန်း ၊ အိမ်သာနဲ့မို့ ပိုအဆင်ပြေပါတယ်ဗျ..။

🌴🌴 ဘဝရဲ့အမောတွေခဏတာပဲဖြစ်ဖြစ်ပြေပျောက်ချင်ရင် ဇလပ်တော်အပန်းဖြေစခန်းမှာ သွားပြီးအနားယူကြည့်ပါခင်ဗျာ…။

#ဇလပ်တော်အပန်းဖြေစခန်း


https://maps.app.goo.gl/bp8HF4a4tCAZqn4L6?g_st=com.google.maps.preview.copy

18/01/2025

“ ပိုက်ဆံရှာနိုင်ဖို့ ပိုက်ဆံအရင်ရှိရတယ်တဲ့…”

2025 နှစ်သစ်မှာ ပိုက်ဆံရှာဖို့ထက် ကိုယ့်ရဲ့ဝါသနာအသစ်တွေ…ခြေလှမ်းသစ်တွေစနိုင်ဖို့ပဲ အာရုံစိုက်ဖြစ်တယ်…..

ပြီးတော့ Travel Vlogs တွေအများကြီးရိုက်နိုင်ဖို့ပေါ့…❤️

12/01/2025

💙

07/01/2025

အခုပိုစ့်လေးက လွန်ခဲ့တဲ့နှစ်ပတ်လောက် ကျွန်တော်ဘန်ကောက်ကိုမပြန်ခင်က ရေးခဲ့တဲ့ပိုစ့်လေးပါ…။ ကျွန်တော်က Page မှာမတင်ခင် အကောင့်မှာ Only Me နဲ့ရေးပြီးအရင်တင်လေ့ရှိတယ်..။ ဆိုတော့ အဲ့နေ့က ခရီးသွားရင်းနဲ့ Page မှာတင်ဖို့ရေးရင်း မတင်ဖြစ်လိုက်တဲ့ စာပိုဒ်လေးပေါ့…

တကယ်ပဲ ဇလွန်ပြည်တော်ပြန်ဘုရားဟာ နိုင်ငံခြားသွားခါနီးသူတွေမဖူးသင့်တာလား…??

အိမ်ကလူကြီးတွေကတော့ ဒါနဲ့ပတ်သက်ပြီး အဲ့လိုဖူးလိုက်လို့ဖြစ်တာလို့ဆူနေကြပေမယ့် ကျွန်တော်အနေနဲ့တော့ ဒီလိုဖြစ်လာတယ်ဆိုရင်တောင် ဘုရားဖူးလိုက်ရတဲ့အတွက် ကောင်းတာတွေဖြစ်လာတော့မှာလို့ပဲ ယုံကြည်ပါတယ်…..

ဘာပဲဖြစ်ဖြစ် ဘဝထဲကအမှတ်တရတခုပေါ့ဗျာ…

👇👇 ( 22.12.2024 ) မှာ ရေးခဲ့တဲ့စာ…

ဒီတခေါက်တော့ နာမည်ကြီးနေတဲ့ဇလွန်ပြည်တော်ပြန်ဘုရားကို သွားဖူးဖြစ်ခဲ့တယ်…
ဒီဘုရားနဲ့ပတ်သက်ပြီး နိုင်ငံရပ်ခြားသွားရမယ့်သူတွေ မဖူးရဘူး….

နိုင်ငံခြားခရီးစဉ်
နှောင့်နှေးတတ်တယ် ဘာညာဆိုပြီး အယူအဆအစွဲအလမ်းတွေရှိနေပါတယ်..

ကျွန်တော့်ရဲ့ပရိသတ်တွေထဲမှာလည်း ဇလွန်ပြည်တော်ပြန်ဘုရားနဲ့ပတ်သက်ပြီး ထူးထူးခြားခြားအမှတ်တရတွေ..၊ အယူအဆတွေရှိရင် ပြောပြခဲ့ပါအုံးဗျ…..

#ဇလွန်ပြည်တော်ပြန်ဘုရား

04/01/2025

Script မေ့သွားတဲ့နေ့ရက်များနှင့် ချစ်စရာကလေးငယ်များ…..

ပုဂံဒေသရဲ့နာမည်ကျော်စက်စက်ယိုရွာလေးက ကလေးငယ်တွေအကြောင်း သိပြီးကြပြီလားခင်ဗျာ…မကြည့်ရသေးရင် ကျွန်တော် ရိုက်ကူး တင်ဆက်ပေးထားတဲ့ Living Myanmar Media Group ကအခုဗီဒီယိုလေးကို အားပေးကြည့်ရူနိုင်ပါတယ်…❤️🙆‍♂️

https://www.facebook.com/share/v/18FuyGhHNv/?mibextid=wwXIfr

#စက်စက်ယိုကျေးရွာ

03/01/2025

နာမည်ကျော်ဓနုဖြူခံတပ် နဲ့ စစ်သူကြီး
မဟာဗန္ဓုလရှိရာသို့ ခဏတာ…..

02/01/2025

ပထမပိုစ့်အောက် ကိုထွန်းကြိုင်တို့အတွက် အစီရင်ခံစာ…..

အဲ့ဒီနေ့ည လေဆိပ်မှာ အိပ်ရေးပျက် ၊ အအေးတွေပတ်ပြီး အဖျားတက်တာက မနေ့ညကထိ ဆေးခန်းပြ ဆေးသောက်နေရဆဲပါ….ပြီးတော့ အဖျားတွေလည်းတက်နေတုန်းမို့ ပိုစ့်တင်ပြီး အိပ်လိုက်တာပါ… ပထမပိုင်း ment တွေကို သေချာလိုက်ဖြေပေးခဲ့ပါတယ်…အခုတော့ ကိုထွန်းကြိုင်(ထိုင်းကျွန်တွေ)ရဲ့ ပထွေးဘက်က ဇွတ်ရှေ့နေလိုက်ပြီး ရေးနေကြတဲ့အရာတွေကို မြင်လို့ အတိအကျ Reply ပြန်ပေးလိုက်ပါတယ်..။

🔴 ( Ed visa နဲ့ဆိုတာ စာမေးတတ်ကြောင်း ၊ တခြားသူတွေလည်း သတိထားဖို့ ယဉ်ယဉ်ကျေးကျေးရှင်းပြ ရေးပြတဲ့သူတွေကို မဆိုလိုပါဘူးခင်ဗျာ..တခြားထိုင်းနိုင်ငံမှာ အခြေအနေအမျိုးမျိုးကြောင့် အခြေခြနေထိုင် ၊ လုပ်ကိုင်နေတဲ့ မြန်မာပြည်သူပြည်သားများလည်း လုံးဝ လုံးဝ ဆိုလိုခြင်း မဟုတ်ပါခင်ဗျာ… 🙏🙏

တခြား ဆဲဆိုပြီးမှ မန့်ဝင်ရေးတဲ့….ကိုယ့်လူမျိုး နိုင်ငံသားဆိုတဲ့စိတ်မဝင်ပဲ ပထွေးတွေဘက်က အတင်းရှေ့နေလိုက်တဲ့ သူတွေကို ပြောခြင်းဖြစ်ပါတယ်….😡 )

ကျွန်တော်ယူထားတဲ့ Visa က Ed Visa နဲ့ တနှစ်စာပါ..။ Sandee School ကဖြစ်ပါတယ်..။ Sandee School ဆိုတာ Bangkok က Language Ed visa ယူထားတဲ့သူတွေကြားမှာ မသိတဲ့သူ မရှိသလောက်ပါပဲ..။ ပြီးတော့ Language School ယူထားတဲ့ Thai လိုမေးတာ မရမှတော့ ပြန်လွတ်နည်းသေး ဆိုတဲ့ *မအေေ*ဘး တွေကိုပြောချင်တာ ကျွန်တော် တက်နေတာ (၄)လကျော်ပဲရှိပါသေးတယ်…။ Level (2) ပဲရှိသေးတာပါ.. ပြီးတော့ ငါတလုံးမှ မသိဘူးလို့ဘူးခံရအောင်လည်း အဲ့လောက် နလပိန်းတုံး တယောက်မဟုတ်ပါ…။ ကျွန်တော် အင်္ဂလိပ် နဲ့ တရုတ်ဘာသာကို ကောင်းကောင်းပြောနိုင်တဲ့သူပါ..။

အရင်ဆုံး သူတို့က English လိုတောင် မဟုတ်ပဲ ထိုင်းလိုစမေးတာပါ..။ “ ထိုင်းစကား ရပြီလားတဲ့ “ ကျွန်တော်က နည်းနည်းရနေပါပြီလို့….အဲ့ဒီမှာ Full sentences သုံးပြီး ထိုင်းလို အရှည်ကြီးပြောပါတယ်…။ အဲ့လောက်အရှည်ကြီး သူပြောသွားတဲ့အတွက် ကျွန်တော် နားလည်နိုင်စွမ်းမရှိပါ…. အဲ့တာကြောင့် မင်းဘာပြောလိုက်တာလဲ ငါ့ကို နည်းနည်းပြန်ရှင်းပြနိုင်မလားလို့ English လိုမေးပါတယ်..။ အဲ့အချိန်မှာ သူတို့က မင်း Ed visa နဲ့နေတာ မယုံဘူးလို့ပြောပါတယ်…။ ကျွန်တော်ကလည်း သူတို့ရဲ့ Ministry of Education ကထုတ်ပေးထားတဲ့ ကျွန်တော်နာမည် ၊ ပတ်စပိုစ့်ပါတဲ့ အသိအမှတ်ပြု ကျောင်းခေါ်စာကိုထုတ်ပြပြီးမှ ကျောင်းသားအစစ်အမှန်ဖြစ်ကြောင်း ၊ ကျောင်းတက်နေတာအစစ်အမှန်ဖြစ်ကြောင်းပြောပြခဲ့တာပါ..။ ကျောင်းက ဆရာမကိုဖုန်းဆက်တော့လည်း ဆရာမအနေနဲ့ အခုမှ သင်နေတဲ့ကျောင်းသားတယောက်ကို ဘယ်လိုလုပ်အဲ့လောက်ထိုင်းလိုအပြည့်ပြောလို့ နားလည်မှာလဲ …..သူကိုယ်တိုင်ပြောပေးမယ်ဆိုပြီးပြောပါတယ်..။ အဲ့တာကိုတောင် Immigration က ကျောက်ပျဉ်နဲ့ထုရင် မကွဲတဲ့မျက်နှာနဲ့ အမျိုးသမီးနစ်ယောက်က ဖုန်းလာမပေးနဲ့…ငါတို့မပြောချင်ဘူး..၊ မင်းဆရာမလည်း မကယ်နိုင်ဘူး..။ ငါ့ကိုပဲမေးတာဖြေဆိုပြီး အသားကုန်ဇွတ်ဖြဲပါတယ်..။

ပြီးတော့ တနာရီကျော်လောက် အခန်းထဲမှာ ငုတ်တုတ်ထိုင်ခိုင်းပြီး ထွက်လာတော့ စာအုပ်တခုယူလာပါတယ်…၊ ပြီးတော့ အဲ့ဒီစာကိုဖတ်ခိုင်းပါတယ်….။ အဲ့ဒီနောက်မှာတော့ အောက်ထပ် Immigration Police station ထဲခေါ်ပြီး အပြန်လက်မှတ်အတွက်လက်မှတ်ထိုးခိုင်းပါတော့တယ်..။

အဲ့ဒီအချိန်မှာတော့ ကျွန်တော်လည်း ရင်ဘတ်ထဲရှိသမျှ တခုမကျန်ပြောပါတော့တယ်..။ မင်းတို့ရော ဘာသာစကားအသစ်တခုသင်ရင် အဲ့လောက်နဲ့ လွယ်လွယ်ပြောနိုင်လားလို့…၊ မင်းတို့ပညာရေးဝန်ကြီးဌာနက ထုတ်ပေးထားတဲ့ စာရွက် ၊ ပြန်ဝင်ရင်အသင့်ပါပဲဆိုပြီး ပိုက်ဆံယူထားလိုက်တဲ့ Re-Entry visa တွေကဘာတွေလဲလို့……မင်းတို့က မြန်မာတွေကို သက်သက် ညစ်ပတ်တာ …အကုန်လုံး မျက်နှာစေ့စေ့ကြည့်ပြီး ပြောပါတယ်..။ အဲ့ဒီအောက်က officer တွေကလည်း သူတို့အနေနဲ့ စိတ်မကောင်းပါဘူး..၊ အပေါ်ထပ် Immigration ကဘာလို့အဲ့လိုလုပ်လိုက်မှန်း သူတို့ကိုယ်တိုင်လည်း နားမလည်နိုင်ဘူးလို့ ကျွန်တော့်ကိုရော ကျောငိးကဆရာမကိုရော တောင်းပန်ပြီး ရှင်းပြပါတယ်..။

( အောက်ထပ်ရောက်တဲ့အခါ သဘောထားကောင်းတဲ့ officer တွေက ဖုန်းကတဆင့်ဆရာမနဲ့ စကားလက်ခံပြောပါတယ်…)

ဆရာမကလည်း အခုမှသင်ယူနေဆဲကျောင်းသားကို ထိုင်းလိုအများကြီးနားလည်နိုင်ပါ့မလား..၊ နောက်ဆုံး စာမရလို့ဆိုရင်တောင် နည်းနည်းညှိနိုင်းပေးကြည့်ပါ့လား….ပြန်လွတ်တဲ့အထိလုပ်တာတော့ လွန်လွန်းတဲ့အကြောင်း Officer ကိုပြောပါတယ်…။ သူတို့ကလည်း အပေါ်ထပ် Immigration ကဆုံးဖြတ်ပြီးလုပ်လိုက်ပြီဖြစ်တဲ့အတွက် ဘာမှ မလုပ်ပေးနိုင်တော့ပေမယိ့ တကယ်စိတ်မကောင်းဖြစ်ရကြောင်း… “ There is no reason for deny “ ဆိုပြီး သူတို့ထိုင်းလူမျိုးဝန်ထမ်းပါ ပြောလာပါတယ်…။

( ကျောင်းကဆရာမနဲ့ အောက်ထပ်က Officer တွေကိုတော့ တကယ်ကျေးဇူးတင်မိသလို အပေါ်ထပ်ကဝန်ထမ်းမျိုးမဟုတ်လို့ အဆိုးအကောင်းရှိတာပဲလို့ တွေးမိပါတယ်…။)

ဆိုတော့ ကျွန်တော်ပြောချင်တာ ဒီလောက်စာတွေမေးနေရအောင် …

(၁) သူတို့က Immigration လား..၊ စာစစ်ဌာနလား…..???

(၂) သူတို့ထိုင်းစာမေးတာ မဖြေနိုင်တာနဲ့ Passport တွေကိုသိမ်းပြီး လေယာဉ်ပေါ်ပြန်တင်ပေးသည်အထိ လုပ်ဖို့လိုအပ်ပါသလား…..???

(၃) ပြီးတော့ သူတို့ယူထားတဲ့ Ed visa and Re entry stamp ဖိုး ဘတ်သောင်းချီ ထောင်ချီက အဲ့လိုလွယ်လွယ်ကူကူလွင့်ပစ်သလို လုပ်လိုက်လို့ရတယ်ဆိုရင်သက်သက် လူပါးဝတာပါ…။ Ed visa ဆိုတာ ဘာသာစကားလေ့လာရင်း သူတို့နိုင်ငံမှာ လည်ပတ်ရင်း နေထိုင်ဖို့ သူတို့ကိုယ်တိုင် လိုလိုလားလား ဖိတ်ခေါ်ထားတဲ့ သူတို့ပိုက်ဆံရှာတဲ့ ဗီဇာတမျိုးဆိုတာ သူများတွေထက် သူတို့ပိုသိပါတယ်…။

🔴 ကိုထွန်းကြိုင်တို့ကို သိစေချင်တာ ကျွန်တော့်ပိုစ့်အောက်က Comment တွေရော ….

Share ကြတဲ့သူတွေပါ ထိုင်းလဝက ဘယ်လိုလူပါးဝကြောင်း ငွေညစ်ကြောင်းတွေနဲ့ မိုက်ရိုင်းကြောင်း ပြောထားတာတွေမြင်ပါရဲ့နဲ့ သူတို့ဘက်က ဝင်နာပြီး ဇွတ်အတင်း
ထိုင်းလဝကမှန်ကြောင်း ရေးနေကြတာ…ခင်ဗျားတို့ကိုယ်တိုင်ရော ဘာဗီဇာနဲ့ နေပြီး ဘာလူမျိုးလည်းဆိုတာ ဖြေပေးကြပါလားဗျ….

ဘန်ကောက်မှာနေတုန်းက မြန်မာချင်းမှန်းသိသိရက်နဲ့ ထိုင်းလိုစွတ်ပြောနေလို့ English လိုအပြည့်ပြောတော့မှ မြန်မာသံ ပြန်ထွက်လာတဲ့ ဇွတ်ထိုင်း တဲ့ဟာမျိုးတွေဆိုရင်တော့ ထားဗျာ…မပြောတော့ဘူး…။ 🤗



)

01/01/2025

🔴 ထိုင်းလဝကရဲ့ယုတ်မာမှုနဲ့
သုဝဏ္ဍဘူမိမှာ တညတာ…..

အခုရက်ပိုင်းလပိုင်း ထိုင်းကိုသွားမယ့်သူတွေ အထူးသတိထားပါ…။ ထိုင်းလေဆိပ် လဝကရဲ့ ရှယ်ပလန်နဲ့ငွေညစ် ယုတ်မာမှုတွေနည်းနည်း ပြောပါရစေခင်ဗျာ..။

ကျွန်တော်က Ed Visa နဲ့ ထိုင်းမှာနေနေတာပါ…အခုဒီဇင်ဘာ လဝက်လောက်မှာ အလုပ်ကိစ္စလေးရှိလို့ မြန်မာပြည်ကိုခဏပြန်ခဲ့ပါတယ်…၊ ပြီးခဲ့တဲ့ (30.12.2024) မှာတော့ ဘန်ကောက် သုဝဏ္ဏဘုမိလေဆိပ်ကို MAI လေယာဉ်နဲ့ပြန်ခဲ့ပြီး ဇာတ်လမ်းစပါတော့တယ်..။ ထိုင်း Immigration မှာ ကျွန်တော့်ကို ED Visa နဲ့နေတာဆိုရင် ထိုင်းစကားရလား ထိုင်းစာဖတ်
တတ််လား မေးပါတယ်..၊ သူတို့ယူလာတဲ့ စာအုပ်ထဲက စာတွေကို ဖတ်ပြခိုင်းပါတယ်..အဲ့ဒီဟာတွေ ဖတ်နိုင်မှ ပေးဝင်မယ်ဆိုပြီး ရစ်ပါတယ်…။ ကျွန်တော်က ED Visa နဲ့ နေပြီး Re Entry Stamp လည်း Baht(1200) ပေးပြီး အပြန်တုန်းက ယူလာခဲ့ရတာပါ..။ အခုပြန်အဝင်ကျမှ ထိုင်းစာမဖတ်တတ်လို့…ဆိုတဲ့ အကြောင်းပြချက်နဲ့ ပြဿနာရှာပြီး ထိုင်းလေဆိပ်ထဲမှာ တညလုံးအိပ်ခဲ့ရပါတယ်…၊ နောက်နေ့မနက်မှာတော့ MAI Flight ကို အတင်းပြန်ဝယ်ခိုင်းပြီး အဲ့ဒီလေယာဉ်နဲ့ မြန်မာပြည်ဘက်ကို ပြန်ပို့ခံရပါတော့တယ်…။

ပြန်ပို့ဖို့အတွက် စာထုတ်ပြီး လက်မှတ်ထိုးခိုင်းတဲ့အခါ လေဆိပ်အောက်ဖက် Underground မှာရှိတဲ့ Thai Airport police station ကိုသွားရပါတယ်..။ အဲ့ဒီရောက်တဲ့အခါ သူတို့ကို အကျိုးအကြောင်းပြောပြတော့ ထိုင်းလူမျိုး MAI လေယာဉ်မောင်ရော ၊ လေဆိပ်ရဲတွေဖြစ်တဲ့ သူတို့ကိုယ်တိုင်ပါ ဒါက မဖြစ်သင့်ကြောင်း ၊ Ed visa နဲ့ ကျောင်းတက်နေတဲ့သူတယောက်ကို ဒီလိုလုပ်တာ တခါမှမကြုံဖူးကြောင်းပြောပါတယ်..။ ပြီးတော့ သူတို့နဲ့ ကျွန်တော့်ကျောင်းကဆရာမနဲ့ ဖုန်းပေးပြောတဲ့အချိန်မှာ ကျွန်တော်ဟာ ကျောင်းသားတယောက်ဖြစ်ပြီး အထောက်အထားလည်းပြည့်စုံကြောင်း …၊ ဘာမှပြစ်ချက်မရှိတာကို ထိုင်းစာမဖတ်တတ်လို့ဆိုပြီး ပြန်လွတ်တာ အဓိပ္ပါယ်မရှိကြောင်း ပြောကြပါတယ်..။အဲ့ဒီလောက်အထိ သူတို့လူမျိုးဝန်ထမ်းချင်းပါ အံဩရတဲ့အထိ
အစွမ်းကုန်ယုတ်မာပြီး လုပ်ချပစ်ခဲ့တာပါ..။
အဖြေကတော့ရှင်းပါတယ်…လုပ်လို့ရတဲ့နိုင်ငံမို့ကို တမင်လုပ်တာပါ….၊ လူပါးဝတာပါ..။ အစဉ်အမြဲ အိမ်နီးချင်းကောင်းနိုင်ငံလေးဖြစ်ကြောင်း နဖူးတွေ့ ဒူးတွေ့ပါခင်ဗျာ..။

🔴( အဲ့ဒီအသံဖိုင်တွေလည်း Record ယူထားတဲ့အတွက် ကျွန်တော့်မှာအပြည့်အစုံရှိပါတယ်..။)

ကျွန်တော့်အတွက် Ed visa ကြေးတွေသွင်းထားတဲ့ ကျောင်းကလည်းတာဝန်မယူ ၊ Re entry stamp ဖိုးတောင်းထားပြီးမှ ပြန်ဝင်တဲ့အခါ ယုတ်မာတဲ့ ထိုင်းလဝက ကလည်း
တမျိုးနဲ့ အပြန်လေယာဉ်လက်မှတ်ဖိုးပါတခါဝယ်ရတော့ အမျိုးမျိုးဆုံးရူံးမူတွေရှိခဲ့ပါတယ်..။

ပြီးတော့ ကျွန်တော်တင်မဟုတ်ပါဘူး…၊ အဲ့ဒီနေ့က တောက်လျောက် မြန်မာပတ်စပို့နဲ့လူတော်တော်များများကို သီးသန့်အခန်း အထဲခေါ်ပြီး မျိုးစုံပြဿနာရှာ ပိုက်ဆံတောင်းပါတယ်…။

နောက်ဆုံးအနေနဲ့ ပြောချင်တာကတော့ အခုနောက်ပိုင်း ဘန်ကောက်ကိုအလည်အပတ်ပဲဖြစ်ဖြစ် သွားတဲ့အခါ ပိုပြီးသတိထားစေချင်ပါတယ်…။ ကိုယ့်ဘက်က Show money, Hotel Booking နဲ့ လိုအပ်တာတွေအားလုံး သေချာလေးပြင်ဆင်သွားပါ…။ ဒါတောင် သူတို့ယုတ်မာချင်ရင် ခံရယုံမှတပါး…..

( ကျွန်တော်က Travel History အရ စင်ကာပူ ၊ မလေးရှား ၊ ထိုင်း(၅)ခေါက်လောက် အသွားအပြန်ရှိထားတဲ့သူပါ….😞 )

21/12/2024

ရှေးဟောင်းဆုတောင်းပြည့်နန်းဦးဘုရားနဲ့ ညဘက်ဆိုရွေ့နေသော စစ်တုရင်မြင်းရုပ်များ….

ပြတိုက်တွေထဲက တချို့အရာတွေနဲ့အဖြစ်အပျက်တွေက ကြားရတဲ့အခါ ယုံကြည်ဖို့တောင်ခက်ပါတယ်…။ ဒါပေမယ့် တကယ်တွေ့ကြုံလာရတဲ့အခါ……

မမြင်ရတဲ့အစောင့်အရှောက်တွေလား…

ဒါမှမဟုတ် အစွဲအလန်းတွေနဲ့ နစ်ပေါင်းထောင်ချီပြီး မကျွတ်မလွတ်သေးတာလား ဆိုတာကတော့……

မကြာမှီလာမည်…..မျှော်….

21/12/2024

မက်မောတသဖွယ်ရာ မဟုတ်သော်လည်း ကျွန်တော်၌ လွမ်းဖွယ်သောအတိတ်ရှိခဲ့ဖူးပါသည်……

တပြည်သူမရွေထား
( တက္ကသိုလ်ဘုန်းနိုင် )

15/12/2024

ကျွန်တော်ရောက်ခဲ့သော မြန်မာပြည်တနေရာ…..

ဘန်ကောက်ရောက်ပြီးကတည်းက ခရီးတွေသိပ်မထွက်ဖြစ်ခဲ့ဘူး…။ အခုတခေါက် မြန်မာပြည်ကိုပြန်ရောက်တုန်း ခရီးတွေအတိုးချပြီးထွက်မယ်….🇲🇲

လမ်းဘေးဝဲယာမှာ စိုက်ခင်းတွေ….. ပတ်ပတ်လည်မှာတောင်တန်းတွေနဲ့ …..

14/12/2024

ပုဂံခေတ်နံရံဆေးရေးပန်းချီလက်ရာတွေရဲ့ မူလအရောင်…

11/12/2024

တောင်တန်းတွေ ရူခင်းတွေရှိတာချင်းတူပေမယ့် နွေးထွေးမူခြင်းမတူတော့ မကြာခဏအလွမ်းပြေ ပြန်နေရတယ်….🇹🇭 🛫 🇲🇲

05/12/2024

ကိုယ့်ရိုးရာအမွေအနှစ်လေး ကမ္ဘာ့အမွေအနှစ်အသိမှတ်ပြုခံရတာလေးနဲ့တင် ကြည်နူးနေပါပြီ…❤️

◾️မြန်မာရိုးရာအတာသင်္ကြန် ယူနက်စကိုဒြပ်မဲ့အမွေအနှစ်စာရင်းဝင်ဖြစ်ဖို့ အနီးကပ်ဆုံးအချိန်ကိုရောက်ရှိလို့လာပါပြီ ……

ပါရာဂွေးနိုင်ငံ၊ အာဆွန်စီယွန်မြို့မှာ ကျင်းပနေတဲ့ ယူနက်စကိုရဲ့ ( ၁၉ ) ကြိမ်မြောက် ကမ္ဘာဒြပ်မဲ့ယဥ်ကျေးမှုညီလာခံကနေ “မြန်မာ့ရိုးရာနှစ်သစ်ကူးအတာသင်္ကြန်ပွဲတော်”ကို ကမ္ဘာ့ဒြပ်မဲ့ ယဉ်ကျေးမှုစာရင်း(ICH)စာရင်းဝင်ဖြစ်မဖြစ်ကို ဒီဇင်ဘာ ( ၅ )ရက်နေ့ ဒီနေ့ည ၆ နာရီနောက်ပိုင်းမှာ မဲခွဲအတည်ပြုပြီးရင် ကြေညာတော့မှာပဲဖြစ်ပါတယ်။

ပြီးခဲ့တဲ့ အောက်တိုဘာလ “အတာသင်္ကြန်ပွဲတော်”ဟာ ယူနက်စကိုရဲ့ ဆန်ခါတင်စာရင်းထဲပါဝင်ခဲ့ပြီးနောက် ဒီဇင်ဘာ ( ၅ )ရက်မှာ မဲခွဲရွေးချယ်တော့မှာပဲ ဖြစ်ပါတယ်။

#အတာသင်္ကြန် #မြန်မာ့ရိုးရာပွဲတော်

01/12/2024

ပန်းတပွင့်ကို ပန်ဆင်ဖွယ်ဖြစ်အောင်

ပြုစုသူမှာ ဥယျာဥ်မှူးဖြစ်သည်။

အချိန်တန်၍ ပန်းကောင်းပွင့်လေသောအခါ

အရန်သင့် ပန်လေသူမှာ

တပါးသူတဦး ဖြစ်နေတတ်၏။

#တက္ကသိုလ်ဘုန်းနိုင်

#မောင့်ဘဝညအလားကွယ်

30/11/2024

ဒေါ်လာ(၆)သန်းတန် ဌက်ပျောသီးရဲ့နောက်ကွယ်…..

ပြီးခဲ့တဲ့ရက်ပိုင်းအတွင်းက တိပ်နဲ့ကပ်ထားတဲ့ ဌက်ပျောသီးတလုံးကို ဒေါ်လာ(၆)သန်းပေးပြီး ဝယ်စားလိုက်တဲ့သတင်းကတော်တော်လေး လှုပ်လှုပ်ခတ်ခတ်ဖြစ်သွားတယ်..။ဒါနဲ့ပတ်သက်ပြီးလူတွေက အံဩနေသလို ရူးနေတဲ့ကောင်ပဲဖြစ်မှာလို့ပဲ ဝေဖန်ကြတယ်…။

ပြီးတော့ တချို့ကလည်း ငွေဖြူဖြစ်အောင်ပြောင်းတာ..၊ အခွန်ရှောင်တာလို့ သုံးသပ်ကြတဲ့သူတွေလည်းရှိပါတယ်..။

ဒါပေမယ့် အရာရာတိုင်းမှာ အကြောင်းရှိတယ်ဆိုတာ သိစေချင်တယ်..။ ဒီအကြောင်းတွေပြောရရင် Cryptocurrency အကြောင်း ၊ Bitcoin အကြောင်းတွေပါထည့်ပြောရတော့မှာ..။ အခုနောက်ပိုင်းခေတ်တွေမှာ လူပြောများလာတဲ့ Cryptocurrency တွေ ၊ NFTလောကတွေမှာ အဲ့လိုမျိုး ဘာမဟုတ်တာလေးတွေကို သန်းနဲ့ချီပေးပြီးဝယ်ကြ ၊ ရောင်းချတာတွေက ပုံမှန်လိုဖြစ်နေပါပြီ..။

ဥပမာဗျာ… Bitcoin လို့ခေါ်တဲ့ ကိုင်တွယ်လို့လည်းမရ ၊ မြင်လည်းမမြင်ရတဲ့ အရာလေးတခုကို ( 2011 ) ခုနှစ်လောက်မှာ ဝယ်မယ်ဆိုရင် Coin တခုကို US Dollar ( 2$ ) မြန်မာငွေ ( ၂၀၀၀) လောက်ပဲရှိပါတယ်..။ ဒါပေမယ့် အခုချိန်မှာတော့ US Dollar (100,000 )
တသိန်း လောက် တန်ကြေးဖြစ်သွားပြီ..။ မြန်မာငွေ သိန်း(၄)ထောင်လောက်ပေါ့…။

ဒီလိုမျိုး နည်းပညာအသစ် ၊ ငွေကြေးစနစ်အသစ်တခုကို အရင်ကတော့ စိတ်ကူးယဉ် ရူးကြောင်ကြောင်အရာတွေလို့ ပြောနေကြတဲ့သူတွေများပေမယ့် အခုချိန်မှာတော့ အမေရိကန် ၊ ပြင်သစ် ၊ ဂျာမဏီ ၊ တရုတ် ၊ အိန္ဒိယ စတဲ့နိုင်ငံကြီးတွေကပါ လက်ခံလာရတဲ့ ငွေကြေးတရပ်ဖြစ်လာခဲ့ပါပြီ..။

ဒါပေမယ့် Cryptocurrency တွေအကြောင်း..၊ Bitcoin တွေရဲ့အကြောင်းကိုနားမလည်
မလေ့လာပဲ ခုချိန်မှာ လူပြောများနေလို့ ကိုယ့်ရဲ့ငွေတွေပုံအောပြီး ဝယ်မယ်လို့တော့မစဉ်းစားပါနဲ့..။
Cryptocurrency ဆိုတာ တညအတွင်း 1$ ကနေ $1000 ဖြစ်သွားနိုင်သလို နေ့ချင်းညချင်း တပြားမှမတန်လည်းဖြစ်နိုင်ပါတယ်…။

ဆိုတော့ပြောချင်တာက ဒီဒေါ်လာ(၆)သန်းကျော်ပေးရတဲ့ တိတ်ကပ်ဌက်ပျောသီးကို ဘာလို့ဝယ်တာလဲဆိုပြီးစဉ်းစားနေရင် အောက်ကပြထားတဲ့ Online ပေါ်ကမျောက်ကာတွန်းပုံလေးတပုံကို ဒေါ်လာ(၃)သန်းကျော်နဲ့ဝယ်တဲ့သူလည်းရှိပါကြောင်း…😅😅

အဲ့လိုမျောက်ပုံကို ဒေါ်လာသန်းချီပေးပြီးဝယ်တဲ့အထဲ ပရိသတ်အချစ်တော်
Justin Bieber တောင်ပါသေးတယ်…..😬

( ဌက်ပျောသီးကမှ စားလို့ရသေး )

27/11/2024

မွေးနေ့ဆုတောင်းတွေအတွက် ကျေးဇူးတင်ပါတယ်…🙆‍♂️

ဘဝရဲ့အရိုးရှင်းဆုံးမွေးနေ့ …ပြီးတော့ ဘာမှထူးထူးခြားခြားမခံစားရတဲ့ မွေးနေ့တခုပါပဲ…

နောက်နှစ်ကျရင်တော့ မွေးနေ့မှာ
တောတောင်တွေကြားထဲကနေ ကြိုချင်မိတယ်…။ စိတ်ရောလူရော အေးချမ်းမှုရနိုင်
မယ့် နေရာလေးမှာပေါ့…

(အခုပုံလေးကတော့ ကလောမြို့ကို သွားတဲ့အချိန်တုန်းကပါ…)