เว็บไซต์คืออะไร?

https://www.facebook.com/100223768946471/

Salween River, ถนนนวมินทร์ซอย 24, Bangkok (2024)

Q: ที่อยู่อะไร?

ถนนนวมินทร์ซอย 24

29/08/2024

ၸၢင်ႈပဵၼ်မႃးလႆႈပေႃးတႆးတိုၵ်ႉပတ်ႉႁူဝ်ၵၼ်ယူႇတိၵ်းတေႇ

27/08/2024

ၶိူဝ်းတႆးမူၺ်ႉမူတ်းမိူဝ်ႈလႆ
ႁဝ်းၸင်ႇၽွမ်ႉၵၼ်ၶႃႈၼေႃႈၸဝ်ႈပီႈႁဝ်းၶဝ်

24/08/2024

ประวัติศาสตร์ที่เป็นมาของคนไตหรือไทยใหญ่

16/08/2024

ၸၢမ်းထွမ်ႇတူၺ်းၶႃႈ # # @ผู้ติดตาม

12/08/2024

မိူင်းတႆးသုၵ်ႉသၢၵ်ႉပေႃးတၢၼ်ႇၼႆႉ
ပီႈၶဵဝ်ssppၶဝ်သမ်ႉၵုမ်ႇၵႂႃႇလေႇၼွၵ်ႈမိူင်းယူႇ😁

08/08/2024

ssppက အခွန်ကောက်ဖို့ပဲသိတာ
ရှမ်းလူမျိုး များကိုမကာကွယ်ပေးဘူး 😔

08/08/2024

☹️

01/08/2024

ထႅင်ႈဢိၼ်ႉၵေႃႈလူဝ်ႇသွၼ်လိၵ်ႈၶေႇလိၵ်ႈလွႆၵူၺ်းယဝ်ႉႁဝ်း

19/07/2024

ရှမ်းသွေးချင်းပြန်ကိုက်တာSSPP လူကြီးကိုဖြိုတ်လိုက်ပါပညာတတ်တဲ့လူငယ်တေတက်လာပါလားSSPPလူကြီးရှမ်းစစ်မဟုတ်ဘူးသူကဝကဗျားကာအဲကြောင့်ရှမ်းချင်းပြသနားဖြစ်တာခက်တာ

15/07/2024

ယွၼ်ႉၵူၼ်းလူင်တႆးၺႅမ်ႉၶုၺ်ႈ

15/07/2024

ၽိူဝ်ႇတေဢၢႆပိူၼ်ႈၵွပ်ႈဝႃႈ
ၸဝ်ႈၵဝ်ႇပဵၼ်တႆးၼႆၼၼ်ႉ
တႃႉလီဢၢႆဝႃႈ
ၸဝ်ႈၵဝ်ႇပဵၼ်တႆးသေ
တေယဵၼ်းပဵၼ်ၶိူဝ်းပိူၼ်ႈၼႆလႃႊ

13/07/2024

ပေႃးဢဝ်ပိူင်ပဵၼ်တေႉမၼ်းသေထွမ်ႇတူၺ်းတေႉမၼ်းၵေႃႈမၢၼ်ႇမႅၼ်ႈယူႇႁူဝ်ပၢၵ်ႇယဝ်ႉ

26/06/2024

မီးယၢင်းၶဝ်ၵူၺ်းယဝ်ႉပိိူၼ်ႈၽွမ်ၵၼ် @ #

24/06/2024

🖤🖤

23/06/2024

ဢိုမ်ႈ

17/06/2024

🙏🙏🙏

14/06/2024

ၽႂ်ႁၢႆႉမၼ်းယူႇၵူၺ်း

13/06/2024

😔😔😔

11/06/2024

ႁဵတ်းၼႆၵူၺ်းပိူၼ်ႈတေႉKNDF

08/06/2024

ၽႂ်လႅတ်းသေၽႂ် ၼႂ်းၸိုင်ႈတႆးပွတ်းႁွင်ႇ ဝၢႆးလင်ပၢင်တိုၵ်း Operation 1027 တႆးသမ်ႉလႆႈသင်?

ဝၢႆးပၢင်တိုၵ်းၼႂ်းၸိုင်ႈတႆးပွတ်းႁွင်ႇ ဢၼ်ႇၵိူတ်ႇၶိုၼ်ႈမႃးလူၺ်ႈၽႅၼ်ၵၢၼ်တိုၵ်း Operation 1027 မိူဝ်ႈဝၼ်းထီႉ 27 October 2023 ဢၼ်မီးၸုမ်းဢူၺ်းလီပွတ်းႁွင်ႇသၢမ်ၸုမ်း TNLA, MNDAA, AA ပဵၼ်ႁူဝ်ႁႅၵ်ႈ တႄႇပိုတ်ႇပၢင်တိုၵ်းယဝ်ႉၼၼ်ႉ တင်ႈတႄႇၼၼ်ႉမႃး ႁဵတ်းႁႂ်ႈၼႂ်းၸိုင်ႈတႆးပွတ်းႁွင်ႇ မီးမႃးပၼ်ႁႃ ပတိၵ်ႈၶၢတ်ႈၵႄႈၵၢင်ၸုမ်းတေႃႇၸုမ်း၊ ၶိူဝ်းတေႃႇၶိူဝ်းမႃးလႄႈ မိူဝ်ႈတႄႇပိုတ်ႇပၢင်တိုၵ်းတေႃႇသိုၵ်းမၢၼ်ႈၼၼ်ႉ ႁူမ်ႈဝႃႈတိုၵ်းၽွမ်ႉၵၼ်ၼႆသေတႃႉ ဝၢႆးပၢင်တိုၵ်းယဝ်ႉ ၸုမ်းတေႃႇၸုမ်း မိူၼ်ၶႂ်ႈၶိုၼ်းဝိၼ်ႇၽၢႆႇဝၢႆႇပၢၵ်ႇၵွင်ႈၸူးၵၼ်သေ ဢဝ်ငဝ်းလၢႆးႁၢင်ႈႁၢႆႉဝႆႉယူႇ ထိုင်ယၢမ်းလဵဝ်။

ၼႂ်းၶေႃႈထတ်းသၢင်တွၼ်ႈၼႆႉ ႁဝ်းမႃးယူႇၸဵင်ႇၼွၵ်ႈသေ မုင်ႈယဵမ်ႈတူၺ်းၶိုၼ်းဝႃႈ ၽႂ်လၵ်းလိင်း၊ ၽႂ်လႅတ်းသႅဝ်းသေၽႂ်၊ ဝၢႆးပၢင်တိုၵ်းယဝ်ႉ ၽွၼ်းလီသမ်ႉ ၵွင်တီႈၽႂ်ၼမ်လိူဝ် တႄႇၵႂႃႇၸိူဝ်းၼႆႉလႄႈ မႃးၶႆႈၼႄၵၼ်ပႃး ငဝ်းလၢႆးၼႂ်းၸိုင်ႈတႆးပွတ်းႁွင်ႇ မိူဝ်ႈပူၼ်ႉမႃးလႄႈယၢမ်းလဵဝ် ဢိၵ်ႇဢၼ်တေပေႃႇပဵၼ်မႃးၼႂ်းၶၢဝ်းၼႃႈလႂ်ၸိူဝ်းၼႆႉ လႄႈတူၵ်ႇလၢတ်ႈပႃးလွင်ႈပတိၵ်ႈၶၢတ်ႈ ပၼ်ႁႃၵႄႈၵၢင်ၸုမ်းၼိုင်ႈတင်းၸုမ်းၼိုင်ႈ ဢၼ်ၵိူတ်ႇၶိုၼ်ႈပဵၼ်မႃးၼၼ်ႉၵႂႃႇ ၵမ်းၶၵ်ႉၶၵ်ႉ၊ ၵမ်းတွၼ်ႈတွၼ်ႈ။

တီႈၼႂ်းၸိုင်ႈတႆးပွတ်းႁွင်ႇၼႆႉ ၵွၼ်ႇပႆႇၵိူတ်ႇၶိုၼ်ႈပၢင်တိုၵ်း 1027 ၼၼ်ႉၼႆ မိူၼ်ႁၢင်ႈၸုမ်းတေႃႇၸုမ်းၵေႃႈလီ ဢမ်ႇပေႃးမီးပၼ်ႁႃ ပတိၵ်ႈၶၢတ်ႈတေႃႇၵၼ်ၼမ် ၼင်ႇဝၢႆးလင်ပၢင်တိုၵ်းမႃးၼႆလႅပ်ႈတေဢမ်ႇၽိတ်း၊ ၽွင်းသိုၵ်းမၢၼ်ႈတင်း ၸုမ်းဢူၺ်းလီသၢမ်ၸုမ်း တိုၵ်ႉပဵၼ်ပၢင်တိုၵ်းၵၼ်ယူႇၼၼ်ႉ ၽႂ်ၵေႃႈလွမ်ၸႂ်ယႂ်ႇၼမ်ႉတွၼ်းၽွၼ်းလီၽႂ်မၼ်းမိူၼ်ၵၼ် ဢမ်ႇဝႃႈတေပဵၼ် ၸုမ်းဢၼ်ၶဝ်ႈပၢင်တိုၵ်းယူႇ မိူၼ်ၼင်ႇ သိုၵ်းလွႆ TNLA၊ သိုၵ်းၵဝ်ႈၵၢင်ႉMNDAA၊ သိုၵ်းရၶႅင်ႇ AA ၸိူဝ်းၼႆႉလႄႈ ၸုမ်းတီႈဢမ်ႇၶဝ်ပၢင်တိုၵ်းၸွမ်း မိူၼ်ၼင်ႇ သိုၵ်းဝ UWSA လႄႈ သိုၵ်းတႆးမၢင်ၸုမ်း ၵေႃႈမုင်ႈမွင်းၸႂ်ယႂ်ႇၽွၼ်းလႆႈမိူၼ်ၵၼ် တေႃႈဢမ်ႇလိူဝ်သေမိူင်းၶႄႇ ယင်းၸၼ်ဢဝ်ၽွၼ်းလႆႈတၢင်းၼမ် ယွၼ်ႉၼၼ် ၸုမ်းလႂ်ၽႂ်လႆႈၽွၼ်းလီၼမ်၊ ၽႂ်လႅတ်းသေၽႂ်ၼႆ မႃးထတ်းတူၺ်းၵမ်းၸုမ်းၸုမ်း ၼင်ႇတႂ်ႈၼႆႉ။

ၽွၼ်းလႆႈသိုၵ်းဝ UWSA လႄႈပၢင်တိုၵ်း 1027

ၸုမ်းသိုၵ်း ဝ UWSA ဢၼ်ဢွၵ်ႇလိၵ်ႈပိုၼ်ၽၢဝ်ႇဝႃႈ တေဢမ်ႇၵဵဝ်ႇၶွင်ႈၸွမ်းပၢင်တိုၵ်း 1027 ၼၼ်ႉ မၢၵ်ႇၵွင်ႈဢမ်ႇလႆႈတႅၵ်ႇသေလုၵ်ႈသေ လႆႈၼမ်ႉတွၼ်းၵႂႃႇ ဝဵင်း 2 ၸႄႈဝဵင်း ဢၼ်ၸုမ်းဢူၺ်းလီသၢမ်ၸုမ်း တိုၵ်းလႆႈသေ ၶိုၼ်းမွပ်ႈဢၢပ်ႈပၼ်သိုၵ်းဝ မိူဝ်ႈဝၼ်းထီႉ 5 January 2024 တီႈႁူင်းႁေႃးလူင် ဝဵင်းႁူဝ်ပၢင်ႇ ၼၼ်ႉယူႇယဝ်ႉ။

သွင်ၸႄႈဝဵင်းဢၼ်သိုၵ်းဝ ၶဝ်လႆႈၵႂႃႇၼႆႉ ပဵၼ်ဝဵင်းႁူဝ်ပၢင်ႇ လႄႈ ဝဵင်းပၢင်ႇလူင် ၼၼ်ႉယဝ်ႉ၊ ဝၢႆးၵိူတ်ႇပၢင်တိုၵ်း 1027 ယဝ်ႉသေ ၸုမ်းဢူၺ်းလီၶဝ်တိုၵ်းတီႈလႂ်ၵေႃႈ ၽၢႆႇသိုၵ်းမၢၼ်ႈသုမ်းလႄႈ ပၢင်တိုၵ်းၸင်ႇလၢမ်းထိုင်မႃးၼႂ်းဝဵင်းႁူဝ်ပၢင်ႇသေ ၶွင်ႇသီႇသိုၵ်းမၢၼ်ႈ ႁႅင်းၵူၼ်း 700 ပၢႆ ဝၢင်းၶိူင်ႈထွႆဢွၵ်ႇၵႂႃႇလီလီယူႇ။ ဝၢႆးသေဝဵင်းႁူဝ်ပၢင်ႇတူၵ်းၵႂႃႇၼႂ်းမိုဝ်း ၸုမ်းဢူၺ်းလီၶဝ်ယဝ်ႉ ၽွင်းမီးၶေႃႈထၢမ်ၵၼ်ဝႃႈ ၸုမ်းဢူၺ်းလီတေၵုမ်းၵမ်ႁႃႉ ဢမ်ႇၼၼ် သိုၵ်းဝ တေၵုမ်းၵမ် ၼႆၼၼ်ႉ ၽၢႆႇတင်းသိုၵ်းဝ UWSA ပေႃးဢဝ်ႁႅင်းသိုၵ်းၶဝ်ႈမႃးပၼ်ႇလဵပ်ႈတူၺ်းယဝ်ႉ ယူႇလၢႆဝၼ်းၵူၺ်း ပၢင်မွပ်ႈဝဵင်းၵေႃႇ လႆႈႁၼ်မႃးသိုဝ်ႈၼႃႈတၼ်းတႃ ယူႇယဝ်ႉ။

ယွၼ်ႉသင် သိုၵ်းဝၶႂ်ႈလႆႈဝဵင်းႁူဝ်ပၢင်ႇၼႆ ၵူၼ်းတၢင်းၼမ်တေမီးၶေႃႈထၢမ်ၽႂ်မၼ်းယူႇ၊ တပ်ႉသိုၵ်းဝၼႆႉ ၽုတ်းဢွၵ်ႇမႃး ဝၢႆးသေလုၵ်ႉၽိုၼ်ႉ ပၵပ မိူဝ်ႈပီႊ 1989 သေ သိုၵ်းၵဝ်ႈၵၢင်ႉ MNDAA ဢဝ်ငမ်းယဵၼ်ၵၼ်တင်း ၸွမ်သိုၵ်းၶိၼ်ႇၺုၼ်ႉယဝ်ႉ ၸင်ႇလႆႈလွင်ႈမၵ်းမၼ်ႈပၼ် သိုၵ်းၵဝ်ႈၵၢင်ႉ ပဵၼ်ၼႃႈတီႈၶိုၵ်ႉတွၼ်းမၢႆ 1 ၼႆသေ ဝၢႆးၼၼ်ႉယဝ်ႉ သိုၵ်းဝ UWSA ၵေႃႈဢဝ်ငမ်းယဵၼ်ၸွမ်းသေ ၸင်ႇလႆႈၼႃႈတီႈၶိုၵ်ႉတွၼ်းမၢႆ 2 မႃး၊ မိူဝ်ႈတိုတ်ႉၸၼ်ပိူင်ပိုင်းၸိုင်ႈမိူင်း 2008 ၼၼ်ႉ ဝဵင်းႁူဝ်ပၢင်ႇ၊ ဝဵင်းမၢၵ်ႇမၢၼ်း၊ ဝဵင်းပၢင်သၢင်း၊ ဝဵင်းမိူင်းမႂ်ႇ၊ ဝဵင်းပၢင်ဝၢႆ လႄႈ ဝဵင်းၼႃးၽၢၼ်း ၸိူဝ်းၼႆႉ ထုၵ်ႇၶွတ်ႇၽွတ်ႈၶဝ်ႈၸွမ်း ၼႂ်းၼႃႈလိၼ်ၶိုၵ်ႉတွၼ်းမၢႆ 2 ၵူၺ်းဝဵင်းႁူဝ်ပၢင်ႇ ၼႆႉသမ်ႉ ၶိုၼ်းယူႇၽၢႆႇတႂ်ႈ ၶွင်သိုၵ်းမၢၼ်ႈဝႆႉ၊ ဝဵင်းၼမ်ႉတိုၵ်း ဢၼ်ပဵၼ်ၵိင်ႇၽႄ ဝဵင်းႁူဝ်ပၢင်ႇၼၼ်ႉ လႆႈပၼ်ၶဝ်ႈၸွမ်းၼႃႈတီႈၶိုၵ်ႉတွၼ်းမၢႆ 2 သေ ယၢမ်ႈမီးလုမ်းလူင်ပွင်ၸိုင်ႈမၢၼ်ႈ ပၵ်းသဝ်းမႃးသေတႃႉ ဝၢႆးသေ ၸွမ်သိုၵ်းၶိၼ်ႇၺုၼ်ႉ ထုၵ်ႇၵုမ်းထိင်းယဝ်ႉၼၼ်ႉ လုမ်းလူင်ပွင်ၸိုင်ႈၸိူဝ်းၼၼ်ႉၵေႃႈ ထုၵ်ႇပူတ်းထွၼ်ဢွၵ်ႇ ၼႂ်းဝဵင်းၼမ်ႉတိုၵ်းၵႂႃႇယူႇ၊ ဝၢႆးသေဢမ်ႇၵုမ်းထိင်းလႆႈ ဝဵင်းၼမ်ႉတိုၵ်း ၼႂ်းၼႃႈတီႈၶိုၵ်ႉတွၼ်းမၢႆ 2 ယဝ်ႉၼၼ်ႉ လူင်ပွင်ၸိုင်ႈသိုၵ်းမၢၼ်ႈ ၸင်ႇယုၵ်ႉဢဝ် ပၢင်ႇလူင်ၼႆႉ ၶွတ်ႇၽွတ်ႈပဵၼ် ၸၼ်ႉၸႄႈဝဵင်းမႃးယူႇယဝ်ႉ။ ဝၢႆးသေၽႅၼ်ၵၢၼ်တိုၵ်း 1027 ၵိူတ်ႇဢွၵ်ႇမႃးယဝ်ႉၼၼ်ႉ ဝဵင်းႁူဝ်ပၢင်ႇ လႄႈ ဝဵင်းပၢင်ႇလူင်ၼႆႉ ၸင်ႇၶိုၼ်းတူၵ်းၼႂ်းမိုဝ်းသိုၵ်း ဝ UWSA လႄႈ ႁဵတ်းႁႂ်ႈၼႃႈတီႈၵုမ်းၵမ် ၼႃႈလိၼ်ၶိုၵ်ႉတွၼ်းမၢႆ 2 ၵႂၢင်ႈၶႂၢင်မႃးထႅင်ႈယူႇ၊ မိူဝ်ႈဢွၼ်တၢင်း သိုၵ်းဝ UWSA ၶဝ်လႆႈတေႃႇၼႃႈ ၸုမ်းသိုၵ်းမၢၼ်ႈ ဢၼ်မီးၼႂ်းၼႃႈလိၼ် ဝဵင်းၼမ်ႉတိုၵ်းၼၼ်ႉႁိုင်မႃး ၶၢဝ်းတၢင်း 34 ပီႊၼႆႉသေ တႄႇလႆႈဢဝ်သိုၵ်းမၼ်းထိုင် ၼႂ်းဝဵင်းႁူဝ်ပၢင်ႇၼႆႉ ပဵၼ်ၵမ်းႁူဝ်ႁႅၵ်ႈမၼ်းၼႆၵေႃႈဝႃႈယဝ်ႉ၊ လွင်ႈဝဵင်းႁူဝ်ပၢင်ႇ လႄႈ ၵၢၼ်ဢုပ်ႉပိူင်ႇ UWSA ၼၼ်ႉ ဢူးၺီႇယၢၼ်း ၽူႈၼင်ႈလုမ်းၵပ်းသၢၼ် UWSA ဝဵင်းလႃႈသဵဝ်ႈ ယင်းဢဝ်တၢင်ႇဝႆႉၼိူဝ် Social Media သုၼ်ႇတူဝ်မၼ်းဝႆႉယူႇၼႆယဝ်ႉ။

ၸုမ်း UWSP/UWSA ၼႆႉ ပဵၼ်ဝႆႉႁူဝ်ၼႃႈ FPNCC (Federal Political Negotiation and Consultative Committee) သေ မီးၽူႈၶဝ်ႈၸုမ်းဝႆႉ 7 ၸုမ်း ဢၼ်ပဵၼ် တပ်ႉသိုၵ်းဝ UWSA၊ သိုၵ်းၶၢင် KIA၊ ပႃႇတီႇမႂ်ႇသုင်ၸိုင်ႈတႆး SSPP၊ တပ်ႉသိုၵ်းမိူင်းလႃး NDAA၊ သိုၵ်းၵဝ်ႈၵၢင်ႉ MNDAA၊ သိုၵ်းရၶႅင်ႇ AA လႄႈ ပလွင်ႈ TNLA ၸိူဝ်းၼႆႉယဝ်ႉ။

ၽွၼ်းလႆႈသိုၵ်းလွႆ TNLA လႄႈပၢင်တိုၵ်း 1027

ပၢင်တိုၵ်း 1027 ၼႆႉ သိုၵ်း TNLA ၶဝ် လႆႈၼမ်ႉတွၼ်းၼမ်တႄႉတႄႉ ၼႂ်းဝၼ်းမိူဝ်ႈၼႆႉ တီႈယူႇၶွင်သိုၵ်း TNLA ၶဝ် တိူဝ်းၵႂၢင်ႈမႃးၵႃႈႁိုဝ် ၶဝ်မီးလွင်ႈထၢင်ႇႁၢင်ႈၵႃႈႁိုဝ်ၼႆၼၼ်ႉ တေဢွၼ်ၵၼ်ႁူႉႁၼ်ၵၼ်ၵူႈၵေႃႉယူႇ ဝၢႆးပၢင်တိုၵ်း 1027 ယဵၼ်ၵႂႃႇၼၼ်ႉ သိုၵ်း TNLA ၶဝ် လၢတ်ႈဢွၵ်ႇတႅၵ်ႇလႅင်းဝႃႈ ပိုၼ်ႉတီႈဢၼ်ပဵၼ် မိူင်းငေႃႉ၊ မိူင်းလူင်၊ မၢၼ်ႈတူင်ႈ၊ ၼမ်ႉသၼ်ႇ၊ ၵူတ်ႉၶၢႆ၊ ၼမ်ႉၶမ်း လႄႈ ၼမ်ႉတူႈ (7) ၸႄႈဝဵင်းၼႆႉ ပဵၼ်ၼႃႈတီႈၵုမ်းၵမ်ဢုပ်ႉပိူင်ႇၶဝ် (မိူင်းပလွင်ႈ) ၼႆသေ ပိုၼ်ႉတီႈဢၼ်ၸိူဝ်းၶဝ်ႁွင်ႉဝႃႈ ၼႃႈတီႈၵုမ်းၵမ်ၶဝ်ၼၼ်ႉ ပဵၼ်သၢႆပၢႆးမၢၵ်ႈမီးၶိုၵ်ႉၶႅမ်ႉ သေဢမ်ႇၵႃး တိတ်းၸပ်းၵၼ်တင်းလႅၼ်လိၼ်ၶႄႇလႄႈ ပဵၼ်တီႈဢၼ်ပၼ်ၽွၼ်းလီၶဝ်ၼမ် တႄႉတႄႉ၊ ပိုၼ်ႉတီႈၸိူဝ်းၼၼ်ႉ ၶဝ်ယင်းတူၵ်ႇလၢတ်ႈပႃးဝႃႈ လိူဝ်သေ TNLA ၶဝ်ယဝ်ႉ သင်ၸုမ်းသိုၵ်းတၢင်ႇမူႇတၢင်ႇၸုမ်း ၶႂ်ႈတူင်ႉၼိုင်ၵႂႃႇမႃး လႄႈၶႂ်ႈပၵ်းလုမ်းၼႂ်းပိုၼ်ႉတီႈၶဝ် ပေႃးၼႆၸိုင် တေလႆႈတၢင်ႇလိၵ်ႈၶိုၼ်ႈၸူး တီႈၵေႃပွင်ၵၢၼ်ငဝ်ႈငုၼ်းၶဝ်တႅပ်းတတ်းၵွၼ်ႇ သင်ဢမ်ႇလႆႈၶႂၢင်ႉၼႆ တေဢမ်ႇလႆႈႁဵတ်းသၢင်ႈလႃးလႃး ဝႃႈၼႆဝႆႉ။ ဢမ်ႇၵႃးၼႂ်း (7) ၸႄႈဝဵင်းၼင်ႇလၢတ်ႈမႃးၼၼ်ႉၵူၺ်း မိူၼ်ၼင်ႇ ၼွင်ၶဵဝ်၊ သီႇပေႃႉ၊ ၵျွၵ်ႉမႄး၊ မိူင်းမိတ်ႈ ၸိူဝ်းၼႆႉၵေႃႈ ႁႅင်းသိုၵ်း TNLA တူင်ႉၼိုင်မိူၼ်ၵၼ်သေ ၶွၼ်ႇလူတ်ႉၶွၼ်ႇၵႃးသၢႆၼၼ်ႉၵေႃႈ ၶဝ်ႈထွင်းသိုၵ်းလွႆ TNLA ၼမ်သေပိူၼ်ႈၼႆ လႅပ်ႈတေဢမ်ႇၽိတ်း။

ၼႂ်းပိုၼ်ႉတီႈၼင်ႇဢၼ်ဝႃႈမႃးၸိူဝ်းၼၼ်ႉ ႁူင်းႁဵၼ်းသွၼ်လိၵ်ႈ တီႈဢမ်ႇၸႂ်ႈၶဝ်ပိုတ်ႇဝႆႉၼၼ်ႉၵေႃႈ ၶဝ်ယုၵ်ႉလိူၵ်ႈပႅတ်ႈသေ တေဢၢၼ်းပိုတ်ႇၶိုၼ်းႁူင်းႁဵၼ်း 500 ပၢႆ ၼႂ်းလၢႆလၢႆၸႄႈဝဵင်း ဢၼ်ၶဝ်ၵုမ်းၵမ်ၼၼ်ႉၼႆသေ လွင်ႈၼႆႉဢဝ်ပဵၼ်ၶၢဝ်ႇလိုဝ်းလင်ဝႆႉယူႇ၊ ၽူႈမီးပုၼ်ႈၽွၼ်း ပၢႆးပၺ်ႇၺႃႇတဢၢင်း TLEC လၢတ်ႈၵႂႃႇတီႈသိုဝ်ႇၶၢဝ်ႇ Myanmar Now ဝႃႈ ၼႂ်းပိုၼ်ႉတီႈၵုမ်းၵမ် TNLA တင်းသဵင်ႈၼႆႉ ၶွင်ႇသီႇပၢႆးပၺ်ႇၺႃႇတဢၢင်း TLEC တေပိုတ်ႇၽုၺ်ႇႁူင်းႁဵၼ်းၵႂႃႇ 500 ပၢႆၼႆသေ ပိုၼ်ၽၢဝ်ႇႁႂ်ႈၶူးသွၼ် မေႃသွၼ် ၸိူဝ်းႁဵတ်း CDM ၶဝ်ၼၼ်ႉ ဢွၼ်ႁူဝ်ထူဝ်းၼႃႈသေ တေလႆႈၶဝ်ႈတွပ်ႇလိၵ်ႈ ပၢႆးပၺ်ႇၺႃႇလူင်ပွင်ၸိုင်ႈ NUG ဢဵၼ်ႁႅင်းမေႃသွၼ် တေမီး 2,500 ပၢႆ ႁၼ်ဝႆႉၼင်ႇၼႆ။

ၵဵဝ်ၵပ်းလူၺ်ႈလွင်ႈပၢႆးပၺ်ႇၺႃႇ ဢၼ်ၶဝ်တေပိုတ်ႇၼႆႉ ၶဝ်တႄႉလၢတ်ႈဝႆႉဝႃႈ ဝၼ်းၸၼ်၊ ဝၼ်းပုတ့်၊ ဝၼ်းသုၵ်း လုၵ်ႈႁဵၼ်းၶဝ် တေလႆႈၼုင်ႈၶူဝ်း လႄႈ ႁဵၼ်းသွၼ် ၼင်ႇဢၼ်ၶွင်ႇသီႇပၢႆးပၺ်ႇၺႃႇတဢၢင်း မၵ်းမၼ်ႈဝႆ့ ဝၼ်းဢင်းၵၢၼ်း၊ ဝၼ်းၽတ်း တေလႆႈၼုင်ႈၶူဝ်းၸၢဝ်းၶိူဝ်းၽႂ်မၼ်းလႄႈ တေလႆႈသွၼ်ပႃး လိၵ်ႈလၢႆးၸၢဝ်းၶိူဝ်းၽႂ်မၼ်း ၼႆသေတႃႉ ၵူၼ်းၵမ်ႈၼမ်တႄႉထတ်းႁၼ်ဝႃႈ ပေႃးယူႇၼႂ်းႁူင်းႁဵၼ်းၶဝ်ယဝ်ႉ တႃႇယုၵ်ႉယွင်ႈလိၵ်ႈလၢႆး ၾိင်ႈထုင်းတူဝ်ၵဝ်ႇၼၼ်ႉ တိုၼ်းတေဢမ်ႇထၢင်ႇႁၢင်ႈၼႆ ဝႆႉယဝ်ႉ။

လိူဝ်သေၼၼ်ႉ ပိုၼ်ႉတီႈဢၼ်သိုၵ်းပလွင်ႈ TNLA ၶဝ်မၵ်းမၼ်ႈဝႃႈ ပဵၼ်ပိုၼ်ႉတီႈၶဝ်ၼႆၼၼ်ႉ ၶဝ်ယင်းႁတ်းလိုပ်ႈဢွၵ်ႇ သိုၵ်းတၢင်ႇၸုမ်း မိူၼ်ၼင်ႇသိုၵ်းၶၢင် KIA လႄႈ သိုၵ်း SSPP ၸိူဝ်းၼႆႉလူးၵွၼ်ႇ၊ မိူၼ်ၼင်ႇသိုၵ်းၶၢင် KIA ဢၼ်တူင်ႉၼိုင်ၸွမ်း ၸႄႈဝဵင်းၵူတ်ႉၶၢႆၸိူဝ်းၼၼ်ႉ ထုၵ်ႇသိုၵ်း TNLA လိုပ်ႈႁႂ်ႈထွၼ်လုမ်းဢွၵ်ႇမိူၼ်ၵၼ် ထိုင်တီႈသွင်ၽၢႆပေႃးမီးလွင်ႈၶဵင်ႈၶႅင်ၵၼ်ပဵၼ်ၵမ်း။

တေႃႈၼင်ႇၼၼ်ႉ သိုၵ်းတႆး SSPP ၵေႃႈ ၵမ်းၵမ်းလႆႈထုၵ်ႇသိုၵ်း TNLA ႁဵတ်းၸႃႉတေႃႇၵမ်းၼိုင်ႈယဝ်ႉၵမ်းၼိုင်ႈ ထိုင်တီႈမီးလွင်ႈၶဵင်ႈၶႅင်ၵၼ်မႃး၊ မိူၼ်ၼင်ႇ မိူဝ်ႈဝၼ်းတီႈ 27/05/2024 ၼၼ်ႉ သိုၵ်း TNLA ဢဵၼ်ႁႅင်းၼပ်ႉႁူဝ်ပၢၵ်ႇ မႃးဝႅတ်ႉလွမ်ႉၵူၼ်းသိုၵ်း SSPP ဢၼ်ပၵ်းသဝ်းဝႆႉ ၸွမ်းသၢပ်ႇၼမ်ႉမၢဝ်း မိူၼ်ၼင်ႇ မၢၼ်ႈႁွင်း၊ ၼွင်မႃႉလူင်၊ ၼွင်တိူၼ်း၊ ၼွင်ၶမ်း၊ ၵုၼ်ႁႆး ၸိူဝ်းၼႆႉ ၵႂႃႇတၢင်း မၢၼ်ႈႁဵဝ်း ၸိူဝ်းၼႆႉသေ သိမ်းပႃးၶိူင်ႈၵွင်ႈၵၢင်ႇယဝ်ႉ ဢဝ်ၵႃးတၢင်ၵူၼ်းသိုၵ်း SSPP ထိုင်တၢင်းဝဵင်းမူႇၸေႊ ၸိူဝ်းၼႆႉ။

လႆႈႁူႉဝႃႈ မိူဝ်ႈၵၢင်လိူၼ် April 2024 ၽွင်းၶၢဝ်းသွၼ်းၼမ်ႉၼၼ်ႉ သိုၵ်း TNLA ၸႂ်ႉသိုၵ်းၶၢင် KIA ထွၼ်လုမ်းၵပ်းသၢၼ် ဢွၵ်ႇဝဵင်းၵူတ်ႉၶၢႆသေ ဝၢႆးၼၼ်ႉသင်ႇႁႂ်ႈသိုၵ်းတႆး SSPP ထွႆဢွၵ်ႇပိုၼ်ႉတီႈ ၸွမ်းသၢပ်ႇၼမ်ႉမၢဝ်းထႅင်ႈ ၵူၺ်းၵူၼ်းမိူင်းထုင်ႉမၢဝ်း တႅမ်ႈလိၵ်ႈသူင်ႇၸူး SSPP ဝႃႈ ယႃႇႁႂ်ႈလႆႈထွႆဢွၵ်ႇထုင်ႉမၢဝ်းၼႆသေ ၽၢႆႇ SSPP ၵေႃႈဢမ်ႇၶၢမ်ႇထွႆသေ တေႃႇထိုင်ဝႃႈသိုၵ်း TNLA ပေႃးလႆႈဢဝ်ဢဵၼ်ႁႅင်း မႃးလွၵ်ႇငိုတ်ႈ ဝႅတ်ႉလိုပ်ႈ SSPP ၼႆယဝ်ႉ။ တေႃႇထိုင်ယၢမ်းလဵဝ် သွင်ၽၢႆႇယင်းတိုၵ်ႉၶဵင်ႈၶႅင်ၵၼ်ဝႆႉပဵၼ်တီႈ ၼၼ်ႉယဝ်ႉ။

သိုၵ်းလွႆ TNLA ၶဝ်ၼႆႉ မိူဝ်ႈတႄႇၵေႃႇတင်ႈ တပ်ႉသိုၵ်းမႃးလႄႈ ၽွင်းၶဝ်ပႆႇပေႉတူဝ်ၼၼ်ႉ ယၢမ်ႈလႆႈပိုင်ႈသိုၵ်းတႆး SSPP မႃးတင်းၼမ်သေ တႃႇတပ်ႉသိုၵ်း ပေႃးတေပဵၼ်တူဝ်ပဵၼ်တိၼ်ႇ ဢဵၼ်ႁႅင်းယႂ်ႇမႃးၼႆႉ သင်ဢမ်ႇမီးသိုၵ်းၶၢင် KIA တူၺ်းထိုင်ၼႆ တေဢမ်ႇထိုင်လႆႈမွၵ်ႈၼႆႉ ဝႃႈၼႆသေတႃႉ သိုၵ်း TNLA ၶဝ် ယင်းၶႂ်ႈၶိုၼ်းလိုပ်ႈတိုၵ်း SSPP လႄႈ KIA ၵွၼ်ႇၼႆၼၼ်ႉ ႁူႉၵၼ်ႁၼ်ၵၼ်ယူႇ။

ၽွၼ်းလႆႈသိုၵ်းၵဝ်ႈၵၢင်ႉ MNDAA လႄႈပၢင်တိုၵ်း 1027

ၸုမ်းသိုၵ်းၵဝ်ႈၵၢင်ႉ MNDAA ၼႆႉၵေႃႈ ဝၢႆးပၢင်တိုၵ်းယဝ်ႉ ၶဝ်ၶိုၼ်းလႆႈ ၼႃႈတီႈဢုပ်ႉပိူင်ႇ ၵဝ်ႈၵၢင်ႉၶဝ်ၶိုၼ်းၽၢႆႇဢွၵ်ႇၶူင်း မိူၼ်ၼင်ႇ ဝဵင်းလဝ်ႉၵႆႇ (လၢဝ်ႇၵၢႆး)၊ ၵုင်းၵႅင်း၊ ၵျိၼ်းသူၺ်ႇႁေႃႇ ၸိူဝ်းၼႆႉတင်းမူတ်းဢမ်ႇၵႃး ၽၢႆႇတင်းတူၵ်းၶူင်း မိူၼ်ၼင်ႇ သႅၼ်ဝီ၊ ၵုၼ်လူင်၊ တႃႈမိူင်းငႅၼ်း၊ ၽွင်းသႅင်၊ မိူင်းၵူဝ်း၊ ၵိဝ်ႇၶူၵ်ႉပၢင်ႇသၢႆး၊ 105 လၵ်း လႄႈပိုၼ်ႉတီႈ ဢၼ်ၸၢပ်ႈသွၼ်ႉၵၼ်တင်း TNLA ၼၼ်ႉၵေႃႈ ၶဝ်ယင်းၵုမ်းထိင်းပႃးထႅင်ႈ၊ ၸိူဝ်းပဵၼ်တီႈ ႁူဝ်ၵူၼ်းၸၢဝ်းၶိူဝ်းတႆး ယူႇသဝ်းၼမ်သေ ယၢမ်ႈမီးၸဝ်ႈၾႃႉ ဢုပ်ႉပိူင်ႇၽွင်းငမ်း မႃးပၢၼ်သိုပ်ႇပၢၼ် မိူၼ်ၼင်ႇ သႅၼ်ဝီ၊ ၼမ်ႉၸလၢပ်ႈ၊ ၵုၼ်လူင် ၸိူဝ်းၼႆႉ ယၢမ်းလဵဝ် ၵူၼ်းၶိူဝ်းတႆးၸိူဝ်းၼၼ်ႉၵေႃႈ လႆႈယူႇပႃႈတႂ်ႈ ၵၢၼ်ဢုပ်ႉပိူင်ႇၶဝ်ၵႂႃႇတင်းပိုၵ်းယူႇယဝ်ႉ။

ဝၢႆးၶဝ်ဢုပ်ႉပိူင်ႇလႆႈပိုၼ်ႉတီႈၸိူဝ်းၼၼ်ႉယဝ်ႉ ၶဝ်တႄႇပိူင်ၵဵပ်းသိုၵ်းႁၢဝ်ႈႁႅင်း ဢမ်ႇဝႃႈၶိူဝ်းလႂ် ပေႃးယူႇသဝ်းၼႂ်းပိုၼ်ႉတီၵုမ်းၵမ်ၶဝ်ၼႆ တၵ်းတေလႆႈႁဵတ်းသိုၵ်းၵဝ်ႈၵၢင်ႉ MNDAA ၶဝ်ၼႆလႄႈ ၸဝ်ႈသၢင်ႇၸဝ်ႈၸၢင်း ၸိူဝ်းယူႇၼိူဝ်ၵၢၼ်ႇၼိူဝ်ၵျွင်း ထိုင်တီႈပေႃးလႆႈထၢၵ်ႈသေ ၶဝ်ႈႁၢပ်ႇၵၢၼ်သိုၵ်းၼၼ်ႉယူႇယဝ်ႉ၊ ၼႂ်းၸုမ်းသိုၵ်းၵဝ်ႈၵၢင်ႉၼႆ ၸိူဝ်းပဵၼ်ၽူႈယႂ်ႇၵူၼ်းလူင် ၽူႈဢွၼ်ႁူဝ်ၸိူဝ်းၼႆႉ လိူဝ်သေၸၢဝ်းၶိူဝ်းၵဝ်ႈၵၢင်ႉၶဝ်ယဝ်ႉ ၶဝ်တိုၼ်းဢမ်ႇဢဝ်တၢင်ႇၶိူဝ်းႁဵတ်း၊ ပိၵ်ႉသမ်ႉဝႃႈ ၶဝ်ၵဵပ်းၵူႈၸၢဝ်းၶိူဝ်းၼႆသေတႃႉ ၽူႈဢွၼ်ႁူဝ်ၼၼ် တိုၼ်းပဵၼ်ၸၢဝ်းၶိူဝ်းၵဝ်ႈၵၢင်ႉၶဝ်ၵူၺ်း။

ၽွၼ်းလႆႈသိုၵ်းရၶႅင်ႇ AA လႄႈပၢင်တိုၵ်း 1027

ၵွၼ်ႇလၢတ်ႈလွင်ႈၽွၼ်းလႆႈၶဝ်ၼၼ်ႉ ႁဝ်းမႃးႁူႉၸၵ်းတီႈယူႇၶဝ်လႄႈ ပိုၼ်းလင်ၶွင်ၶဝ်ဢိတ်းၼိုင်ႈ၊ သိုၵ်းရၶႅင်ႇ AA ၼႆႉ မိူင်းၶဝ်မီးတိတ်းၸပ်း ပၢင်ႇလၢႆႇပင်းၵလႃးပုၼ်ႉ ပေႃးဢဝ်ပိုၼ်ႉတီႈၶဝ်ယူႇဝႃႈၸိုင် မီးယူႇတီႈၶွပ်ႇသုတ်းမိူင်းႁူမ်ႈတုမ်ၽၢႆႇတူၵ်း တိတ်းၸပ်းတင်း မိူင်းပင်းၵလႃးတဵတ်ႉၼၼ်ႉသေ မိူင်းတႆးသမ်ႉမီးၶွပ်ႇသုတ်းၽၢႆႇဢွၵ်ႇ တေလႆႈဝႃႈႁၢင်ႇၵႆၵၼ်တႄႉတႄႉ။ မိူင်းၶဝ်ၼႆႉ တၢင်းၵႂၢင်ႈမီးယူႇ 1,400 လွၵ်းလၵ်းပၢႆ (Square Miles)၊ ၸႄႈဝဵင်းမီးယူႇ 16 ၸႄႈဝဵင်း၊ 5 ၸႄႈတွၼ်ႈ ၼၼ်ႉယဝ်ႉ။ ၼႂ်းမိူင်းၶဝ်မီးသိုၵ်းလုၵ်ႉၽိုၼ်ႉ 2 ၸုမ်း ၸုမ်းၼိုင်ႈပဵၼ် ပႃႇတီႇပူတ်းပွႆႇမိူင်းရၶႅင်ႇ/တပ်ႉသိုၵ်းရၶႅင်ႇ ALP/ALA ၵေႃႇတင်ႈၶိုၼ်ႈမႃးႁိုင်ယဝ်ႉသေတႃႉ ႁႅင်းသိုၵ်းတႄႉဢမ်ႇပေႃးယႂ်ႇ ထႅင်ႈၸုမ်းၼိုင်ႈ ဢၼ်ၵူၼ်းၵမ်ႈပႃႈၼမ်ႁူႉၸၵ်းတႄႉ ပဵၼ်ၸုမ်း ULA/AA (United League of Arakan/Arakan Army) ဢၼ်ၵေႃႇတင်ႈမႃး မိူဝ်ႈဝၼ်းထီႇ 10 April 2009 လူၺ်ႈမီးၵူၼ်းၼုမ်ႇၼင်ႇ ထုၼ်းမျႅတ်ႉၼၢႆႇ ဢွၼ်ႁူဝ်ဝႆႉၼႆႉယဝ်ႉ။

တႃႇတေပဵၼ်မႃးတပ်ႉသိုၵ်းၼႆႉ ၵူၼ်းၼုမ်ႇၸၢဝ်းရၶႅင်ႇ ၸိူဝ်းပဵၼ်ၵူၼ်းႁႃၶုတ်းသႅင် ဢွၼ်ၵၼ်ၵေႃႇတင်ႈၶိုၼ်ႈမႃး ၼႂ်းပီႊ 2009 သင်တေၼပ်ႉတူၺ်းတေႃႇထိုင်ယၢမ်းလဵဝ်ၵေႃႈ တိုၵ်ႉမီးမႃးၶၢဝ်းတၢင်း 10 ပီႊပၢႆၵူၺ်းၼႆသေတႃႉ ပဵၼ်တီႈၵူၼ်းမိူင်းရၶႅင်ႇၶဝ် လႆႈၸႂ်ယႂ်ႇပိုင်ႈဢိင်တႄႉတႄႉ မိူဝ်ႉတႄႇၵေႃႇတင်ႈတပ်ႉသိုၵ်းၼၼ်ႉ ႁႅင်းၵူႈလွင်ႈလွင်ႈၼႆႉ ယူႇတီႈသိုၵ်းၶၢင် KIA ၵမ်ႉၸွႆႈလႄႈ ယူႇၸွမ်းသိုၵ်းၶၢင် KIA တီႈငဝ်ႈငုၼ်းလၢႆႇၸႃႇ ၸွမ်းသိုၵ်းၶၢင်သေ ဢဵၼ်ႁႅင်းၶဝ်ယႂ်ႇမႃးယဝ်ႉၵေႃႈ ၶဝ်ႈတူင်ႈၼိုင်သူၼ်းတုမ် ဢဝ်ၵူၼ်းၶိူဝ်းၶဝ် လုၵ်ႉႁိုၼ်ႇတိုၼ်ႇၵၼ်မႃးတင်းၼမ် လိူဝ်သေတူင်ႉၼိုင်ၼႂ်းမိူင်းၶဝ်ယဝ်ႉ ၼႂ်းၸိုင်ႈတႆးပွတ်းႁွင်ႇၵေႃႈ မႃးတူင်ႉၼိုင်ၸွမ်း ၸုမ်းဢူၺ်းလီမၼ်းမိူၼ်ၵၼ်ယူႇ၊ ၼၼ်ႉၵူၺ်းဢမ်ႇၵႃး ၼႂ်းမိူင်းၶျၢင်းပွတ်းတႂ်ႈၸိူဝ်းၼႆႉ ၶဝ်ၶဝ်ႈတူင်ႉၼိုင်မိူၼ်ၵၼ်။

မိူဝ်ႈႁူဝ်ပီႊ 2019 ဢၼ်တူၵ်းမႅၼ်ႈဝၼ်းၶွပ်ႈၶူပ်ႇ ဝၼ်းလွတ်ႈလႅဝ်းမိူင်းႁူမ်ႈတုမ်ၼၼ်ႉ သိုၵ်းရၶႅင်ႇ AA ၶဝ်ႈတိုၵ်းႁူင်းပလိၵ်ႈမၢၼ်ႈ တီႈဝဵင်းပူးတီးတွင်ႇသေ ၽၢႆႇပလိၵ်ႈမၢၼ်ႈလူႉတၢႆ 13 ၵေႃႉ လႄႈမၢတ်ႇၸဵပ်းတင်းၼမ် ဢၼ်ထုၵ်ႇတီႉၺွပ်းတူဝ်လိပ်းၵေႃႈ ဢမ်ႇယွမ်း 18 ၵေႃႉ၊ ယွၼ်ႉလွင်ႈၼႆႉသေ ၽူႈၵိူဝ်းၵုမ်ၸိုင်ႈမိူင်း တေႃႇဢွင်ႇသၢၼ်းသုၵျီႇ ပေႃးပိုၼ်ၽၢဝ်ႇဝႃႈ သိုၵ်းရၶႅင်ႇ AA ပဵၼ်ၸုမ်းၵေႃႇၵၢၼ်ႁၢႆႉၼႆလႄႈ ၸီႉသင်ႇႁႂ်ႈသိုၵ်းမၢၼ်ႈၶဝ်ႈၵႂၢတ်ႇလၢင်ႉႁၢဝ်ႈႁႅင်း ထိုင်တီႈပဵၼ်ပၢင်တိုၵ်းယႂ်ႇလူင်မႃးၵမ်းၼိုင်ႈ၊ သိုၵ်းမၢၼ်ႈတင်းသိုၵ်းရၶႅင်ႇ AA ၼႆႉ ပဵၼ်ပၢင်တိုၵ်းၵၼ်ႁၢဝ်ႈႁႅင်း တေႃႇထိုင် 2020 ဝၢႆးလင်ပၢင်လိူၵ်ႈတင်ႈ 2020 ယဝ်ႉၵေႃႈ သွင်ၾၢႆႇၸင်ႇတူၵ်းလူင်းလႆႈၸႂ် တႃႇၵိုတ်းတိုၵ်းၵၼ်သေ ထိုင်မႃး ပီႊ 2022 ၸင်ႇႁႃမႃးပဵၼ်ပၢင်တိုၵ်းၵၼ်ၶိုၼ်းႁၢဝ်ႈႁႅင်း တေႃႇထိုင်ယၢမ်းလဵဝ်။

သိုၵ်းရၶႅင်ႇ AA ယၢမ်ႈပိုၼ်ၽၢဝ်ႇဝႃႈ ၼႂ်းမိူင်းၶဝ်ၼႆႉ ၶဝ်ယိုတ်းသိမ်းလႆႈပိုၼ်ႉတီႈသိုၵ်းမၢၼ်ႈတင်းၼမ်ယဝ်ႉလႄႈ ပေႃးထိုင်ပီႊ 2025 ၼႆႉ တေဢၢၼ်းယိုတ်းသိမ်းလႆႈမိူင်းၶဝ်ၶိုၼ်းတင်းမူတ်းၼႆယဝ်ႉ။ ယွၼ်ႉၼၼ် ယၢမ်းလဵဝ်ၼႆႉ ၶဝ်ၶတ်းၸႂ်တိုၵ်းသူၼ်းၵူၼ်းၼုမ်ႇၶဝ် ၸိူဝ်းယူႇၼွၵ်ႈမိူင်းၼႂ်းမိူင်း ႁႂ်ႈမႃးၸွႆႈႁၢပ်ႇၵၢၼ်သိုၵ်းၵူႈၵေႃႉၼႆယဝ်ႉ။ ၸွမ်သိုၵ်း ထုၼ်းမျႅတ်ႉၼၢႆႇ လၢတ်ႈဝႆႉဝႃႈ “သုၼ်ႇလႆႈၵၢၼ်မိူင်းၼႆႉ လႆႈၼမ်ၵႃႈႁိုဝ်လီၵႃႈၼၼ်ႉ တႃႇတေလႆႈမႃးသုၼ်ႇလႆႈၼၼ်ႉၵေႃႈ ၵႂႃႇယွၼ်းဢဝ်တီႈပိူၼ်ႈဢမ်ႇလႆႈ ႁဝ်းတေလႆႈႁဵတ်ႈဢဝ်ႁင်းၵူၺ်းႁဝ်း” ၼႆယဝ်ႉ။

ၵဵဝ်ႇလူၺ်ႈပၢင်တိုၵ်း 1027 ၼႂ်းမိူင်းတႆးပွတ်းႁွင်ႇၼႆႉ ၵူၼ်းၵမ်ႈၼမ်တေႁၼ်ဝႃႈ သိုၵ်းရၶႅင်ႇ AA တေဢမ်ႇလႆႈၼမ်ႉတွၼ်းသင်ၼႆယူႇ တီႈတႄႉမၼ်း ၶဝ်ၵေႃႈလႆႈၼမ်ႉတွၼ်း တင်းၼမ်မိူၼ်ၵၼ် ၼင်ႇႁိုဝ်သိုၵ်းမၢၼ်ႈပေႃးတေဢမ်ႇၸၢင်ႈဢဝ်ဢဵၼ်ႁႅင်း မိူဝ်းထႅမ်ၼႂ်းမိူင်းရၶႅင်ႇၼၼ်ႉ ၽၢႆႇၼိုင်ႈမႃးပိုတ်ႇပၢင်တိုၵ်းၼႂ်းမိူင်းတႆး ၽၢႆႇၼိုင်ႈၵေႃႈတိုၵ်းၵၼ်ယူႇတီႈမိူင်းရၶႅင်ႇ လႄႈ မိူင်းၶျၢင်း ၸိူဝ်းၼႆႉယဝ်ႉ၊ ထႅင်ႈဢၼ်ၼိုင်ႈ သင်မၼ်းပိုတ်ႇပၢင်တိုၵ်းၼႂ်းမိူင်းမၼ်းႁၢဝ်ႈႁႅင်းပေႃးၼႆၸိုင် တေၸၢင်ႈတုမ်ႉတိူဝ်ႉၵူၼ်းမိူင်းမၼ်းၼမ်ၼႆသေ ၸင်ႇမႃးပိုတ်ႇၼႂ်းမိူင်းတႆးၼၼ်ႉယဝ်ႉ ၼႆႉပဵၼ်ၼမ်ႉတွၼ်းဢၼ်ၼိုင်ႈတီႈမုင်ႈႁၼ်လႆႈ။

လိူဝ်သေၼၼ်ႉ ၵွပ်ႈတႃႇမၼ်းတေလႆႈသိုပ်ႇတူင်ႉၼိုင် ၼႂ်းမိူင်းတႆးပွတ်းႁွင်ႇ ၵႂႃႇၶၢဝ်းယၢဝ်းၵေႃႈၸႂ်ႈ သင်မၼ်းဢမ်ႇပိုတ်ႇပၢင်တိုၵ်းၸွမ်း သိုၵ်းလွႆ TNLA လႄႈ သိုၵ်ၵဝ်ႈၵၢင်ႉ MNDAA ပေႃးၼႆ ထိုင်မိူဝ်ႈပၢင်တိုၵ်းယဝ်ႉသေ ပိူၼ်ႈမၵ်းမၼ်ႈၼႃႈတီႈပၼ်ၵၼ်ၼၼ်ႉ တႃႇသိုၵ်းရၶႅင်ႇ AA တေဢမ်ႇမီးလႄႈ မၼ်းၸင်ႇတိုၵ်းၸွမ်း တႃႇမၼ်းတေလၢတ်ႈလႆႈဝႃႈ တႃႇလႆႈမႃးပိုၼ်ႉတီႈၸိူဝ်းၼႆႉ ပႃးယွၼ်ႉဢဵၼ်ႁႅင်းသိုၵ်းရၶႅင်ႇႁဝ်းၸုမ်းၼိုင်ႈၼႆၼၼ်ႉယဝ်ႉ ၼႆႉပဵၼ်တၢင်းလႅတ်းမၼ်းတီႈႁဝ်းႁၼ်လႆႈ။

သိုၵ်းၶၢင် KIA လႄႈမိူင်းတႆးပွတ်းႁွင်ႇ

ၼႂ်းၽႅၼ်ၵၢၼ်တိုၵ်း 1027 ၼႆႉ သိုၵ်းၶၢင် KIA ဢမ်ႇၶဝ်ႈပႃးၸွမ်းသေတႃႉ မၼ်းၵေႃႈတိုၵ်းႁင်းမၼ်းၸုမ်းလဵဝ်ယူႇ မိူၼ်ၼင်ႇၼႂ်းၸႄႈမိူင်းၶၢင်ၵေႃႈ မၼ်းၶဝ်ႈယိုတ်းသိမ်းလႆႈဝဵင်း ပိုၼ်ႉတီႈသိုၵ်းမၢၼ်ႈတင်းၼမ်မိူၼ်ၵၼ် ၼႂ်းမိူင်းတႆး ၸွမ်းၸိူဝ်းၵူတ်ႉၶၢႆ၊ သႅၼ်ဝီ၊ မူႇၸေႊ၊ ၼမ်ႉၶမ်း ဢၼ်ၶဝ်ဝႃႈ ပဵၼ်ၵိင်ႇၽႄၸႄႈမိူင်းၶၢင်ၼၼ်ႉ ၼင်ႇႁိုဝ်မၼ်းတူင်ႉၼိုင်ၵႂႃႇလႆႈထႅင်ႈၼၼ်ႉ မၼ်းၵေႃႈပိုတ်ႇပၢင်တိုၵ်းမိူၼ်ၵၼ် တေႃႇထိုင်ဝၼ်းမိူဝ်ႈၼႆႉ ၸွမ်းၸိူဝ်းမိူင်းမိတ်ႈၸိူဝ်းၼႆႉ တိုၵ်ႉသိုပ်ႇပဵၼ်ပၢင်တိုၵ်းယူႇ။

မိုၼ်ႉတီႈၼႂ်းၸိုင်ႈတႆးပွတ်းႁွင်ႇၵမ်ႈၽွင်ႈ မိူၼ်ၼင်ႇ ၼႂ်းၸႄႈဝဵင်းၵူတ်ႉၶၢႆ ဢၼ်ပဵၼ်တီႈ ၼမ်ႉၽၵ်းၵႃ၊ ၼမ်ႉႁႆး ၼႂ်းၸႄႈဝဵင်းမၢၼ်ႈတူင်ႈ မိူင်းမေႃႇ ၼႂ်းၸႄႈဝဵင်းၼမ်ႉတူႈၸိူဝ်းၼႆႉ လႆႈႁူႉဝႃႈ သိုၵ်းၶၢင်ၶဝ် ပေႃးတႄႇၵၢၼ်ဢုပ်ႉပိူင်ႇၶဝ်ၵႂႃႇယဝ်ႉ၊ ၵဵဝ်ႇၵပ်းလွင်ႈၼႃႈလိၼ်ၼႆႉ သိုၵ်းၶၢင်တင်းသိုၵ်းလွႆ ၵႆႉမီးပၼ်ႁႃၶဵင်ႈၶႅင်ၵၼ်လႄႈ ထိုင်တီႈသိုၵ်းလွႆ TNLA ပေႃးတၢင်ႇထိုင် FPNCC ဢၼ်သိုၵ်းဝဢွၼ်ႁူဝ်ဝႆႉၼၼ်ႉ ၸွႆႈၵႄႈလိတ်ႈပၼ်ၼႆယဝ်ႉ။

မိူင်းၶႄႇလႆႈသင် ၼႂ်းပၢင်တိၵ်း 1027 ?

ပၢင်တိုၵ်း 1027 ၼႆႉ ယွၼ်ႉၵွပ်ႈၶႄႇပၼ်ႁႅင်းမိပ်ႇဢီးသေ ႁႂ်ႈၵိုတ်းလႄႈ ၸင်ႇယဵၼ်ၵႂႃႇ တႃႇတေဢုပ်ႇဢူဝ်းၵိုတ်းတိုၵ်းၵၼ်ၼၼ်ႉ တူဝ်တႅၼ်းၸုမ်းသိုၵ်းဢူၺ်းလီပွတ်းႁွင်ႇ 3 ၸုမ်း လႄႈ တူဝ်တႅၼ်ၶွင်ႇသီႇသိုၵ်းမၢၼ်ႈ လႆႈႁူပ်ႉထူပ်းၵၼ် တီႈဝဵင်းလူင်ၶုၼ်းမိၼ် ၸႄႈမိူင်းယုၼ်ႇၼၼ်ႇ ၸိုင်ႈမိူင်းၶႄႇ မိူဝ်ႈဝၼ်းထီႉ 12 January 2024 ပူၼ်ႉမႃးၼၼ်ႉယူႇ တီႈတႄႉမၼ်း ယိူင်းဢၢၼ်းပုၼ်ႈတႃႇတေႁႄႉၵင်ႈ ပၢႆးမၢၵ်ႈမီးၶွင်မိူင်းၶႄႇ ဢၼ်လူင်းဝႆႉတီႈၼႂ်းမိူင်းတႆးပွတ်းႁွင်ႇၼႆ ၽႂ်တေဢမ်ႇၸၢင်ႈထဵင်။

တႃႇပဵၼ်မႃးပၢင်တိုၵ်း 1027 ၼၼ်ႉ ႁႅင်းဢီးယူႇတီႈမိူင်းၶႄႇၼႆသေတႃႇ မၼ်းယိူင်းဢၢၼ်းၶႂ်ႈၽဵဝ်ႈ ၸုမ်းၶႄႇၵျႃးၽႅၼ်ႉ (ၸုမ်းယွၵ်ႇၵိၼ်ငိုၼ်းပိူၼ်ႈတၢင်းဢွၼ်ႇလၢႆး) ဢၼ်ႁဵတ်းႁႂ်ႈၸိုဝ်ႈသဵင်မိူင်းၶႄႇတူၵ်းယွၼ်ႉမၼ်းၼၼ်ႉယဝ်ႉ၊ ၶႄႇဢၢၼ်းၶႂ်ႈသင်ႇသွၼ်ပႃး ၸုမ်းဢၼ်ယူႇၽၢႆႇလင်ၸုမ်းၵျႃးၽႅၼ်ႉ မိူၼ်ၼင်ႇသိုၵ်းမၢၼ်ႈလႄႈ တပ်ႉပႂ်ႉလႅၼ်လိၼ်ၶဝ်ၸိူဝ်းၼၼ်ႉယဝ်ႉ၊ ၵူၺ်းဝႃႈၼၼ်သေတႃႉ ၶႄႇဢမ်ႇမီးယိူင်းဢၢၼ်း တႃႇႁႂ်ႈပၢင်တိုၵ်းၵႂၢင်ၶႂၢင် ထိုင်တီႈတေတုမ်ႉတိူဝ်ႉၵူၼ်းမိူင်းမၼ်းလႄႈ ပၢႆးမၢၵ်ႈမီးၶွင်မၼ်း ၵမ်းလိုၼ်းဝၢႆးၽဵဝ်ႈလႆႈၸုမ်းၵျႃးၽႅၼ်ႉယဝ်ႉ ၶႄႇၵေႃႈၶိုၼ်းဢီးႁႂ်ႈသွင်ၽၢႆႇၵိုတ်းတိုၵ်းၵၼ် သေ သိုၵ်းမၢၼ်ႈလႄႈတင်းၸုမ်းဢူၺ်းလီၶဝ် ၸင်ႇလႆႈႁူပ်ႉဢုပ်ႉၵၼ်မႃး ထိုင်ဝၼ်းထီႉ 15-16 May 2024 ၼႆႉ ပဵၼ်ပွၵ်ႈၵမ်း (5) ယဝ်ႉဝႃႈၼႆယူႇ၊ ပေႃးမႃးတူၺ်း မိူၼ်ၼင်ႇသိုၵ်းၶၢင် တိုၵ်းမၢၼ်ႈၼၼ်ႉ တိုၵ်းယူႇတေႃႇထိုင်ယၢမ်းလဵဝ် ပွတ်းမိူင်းမိတ်ႈ ၸိုင်ႈတႆးပွတ်းႁွင်ႇၼႆႉ ၵူၺ်းၵွပ်ႈမၼ်းဢမ်ႇတုမ်ႉတိူဝ်ႉၶႄႇလႄႈ ၶႄႇၵေႃႈဢမ်ႇလၢတ်ႈသင်ၸွမ်း။

တေလႆႈဝႃႈၶႄႇယိပ်းၸိၵ်းလႆႈ ငဝ်ႈငႃႇၸိုင်ႈတႆးပွတ်းႁွင်ႇ ၶႂ်ႈႁႂ်ႈသုၵ်ႉၵေႃႈယူႇတီႈၶႄႇ ၶႂ်ႈႁႂ်ႈလီၵေႃႈ ယူႇတီႈၶႄႇမိူၼ်ၵၼ် ၵွပ်ႈပိူဝ်ႈၸုမ်းယိပ်းၵွင်ႉၵၢင်ႇၸၢဝ်းၶိူဝ်းပွတ်းႁွင်ႇ ၸိူဝ်းၼႆႉၵေႃႈ လႆႈပိုင်ႈဢိင်ၸႂ်ယႂ်ႇၶႄႇၼၼ်ႉယဝ်ႉ၊ ၵွပ်ႈလႅၼ်လိၼ်တိတ်းၸပ်းမိူင်းၶႄႇ လႄႈ ပဵၼ်တီႈပိုင်ႈဢိင် လွင်ႈၶိူင်ႈယိပ်း၊ ပၢႆးယူႇလီ လွင်ႈငိုၼ်းတွင်း ၸုမ်းယိပ်းၵွင်ႈၵၢင်ႇ လုၵ်ႉၽိုၼ်ႉပွတ်းၼၼ်ႉတႄႉတႄႉ၊ ၸိူင်ႉႁိုဝ်ၵေႃႈလီ မိူင်းႁူမ်ႈတုမ်ၼႆႉ ပဵၼ်တီႈလမ်ႇလွင်ႈ တႃႇမိူင်းၶႄႇသေ ၵွပ်ႈၼၼ်လႄႈ ၶႄႇလႆႈႁူမ်ႈတင်းၶွင်ႇသီႇသိုၵ်းမၢၼ်ႈမႃး ၼႂ်းၵၢၼ်ႁူမ်ႇလူမ်ႈ ပၢႆးမၢၵ်ႈမီးၶဝ်ၼၼ်ႉ ႁိုင်မႃးပဵၼ်ႁူဝ်သိပ်းပီႊမၼ်း မႃးယဝ်ႉ။

တႃႇၶႄႇတေလူင်းတိုၼ်းလၢင်း ၵေႃႇသၢင်ႈတေႃႈၵႅတ်ႉသ်လႄႈ လွင်ႈၵေႃႇသၢင်ႈၸိူဝ်းၼၼ်ႉ လႆႈၶဝ်ႈၸူးၸမ် သိုၵ်းမၢၼ်ႈမႃးယဝ်ႉလႄႈ လူင်းတိုၼ်းလၢင်းဝႆႉၼမ်ထိုင် ပီႇလီႇယၼ်ႇတေႃႇလႃႇယဝ်ႉ၊ တေႃႈၵႅတ်ႉသ်ၼႆႉသမ်ႉ ပဵၼ်တေႃႈၵႅတ်ႉသ်ဢၼ်လဵဝ် ဢၼ်သူင်ႇၸူးၸဵင်ႇၸၢၼ်းဝၼ်းတူၵ်း ဝဵင်းလူင်မိူင်းၶႄႇၼၼ်ႉယဝ်ႉ၊ တႃႇတေပႂ်ႉဢဝ်ႁူမ်ႇလူမ်ႈပၼ်တေႃႈၵႅတ်ႉသ်ၸိူဝ်းၼႆႉၵေႃႈ ပဵၼ်သိုၵ်းမၢၼ်ႈ ၵူၺ်းယူႇယဝ်ႉ။

လိူဝ်သေၼၼ်ႉဢမ်ႇၵႃး တႃႇၶႄႇတေလတ်းၽၢၼ်ႇ ပၢင်ႇလၢႆႇဢိၼ်းတီးယႃး ၵပ်းသိုပ်ႇၸူးပွတ်းၵၢင် ဢႃႊၾရိၵ လႄႈ ယူးရူပ်ႇ ၼၼ်ႉၵေႃႈ ၶႄႇလႆႈပိုင်ႈဢိင်မိူင်းမၢၼ်ႈဝႆႉယူႇယဝ်ႉ၊ ၼႂ်းၵူၼ်းၸိူဝ်းဢၼ်ၶၢႆ ၼမ်ႉမၼ်းမဵၼ်လိပ်း တေႃႇၶႄႇ 10 ၵေႃႉၼၼ်ႉ တႃႇ 9 ၵေႃႉ တိုၼ်းလႆႈလတ်းၽၢၼ်ႇပၢင်ႇလၢႆႇ ဢိၼ်းတီးယႃးၵူၺ်းၼႆယူႇယဝ်ႉ။

ပႅၵ်ႉသမ်ႉၶႄႇလဵၼ်ႈၵေႃႉႁဵတ်းၵၢၼ်ၸွမ်း ၸုမ်းယိပ်းၵွင်ႈၵၢင်ႇဝႆႉ ဝႃႈၼၼ်သေတႃႉ တႃႇတေႁူမ်ႇလူမ်ႈ ပၢႆးမၢၵ်ႈမီးၶဝ်ၼၼ်ႉတႄႉ ၶႄႇတိုၼ်းမုင်ႈမွင်း တပ်ႉသိုၵ်းမၢၼ်ႈဝႆႉယူႇ၊ ပႅၵ်ႉသမ်ႉဝႃႈသိုၵ်းမၢၼ်ႈတေလႆႈၸုၼ်ႉဢႃႇၼႃႇ၊ မီးလွင်ႈၵွင်ႉၵၢႆႇ ၵၢၼ်ၵေႃႇၵၢၼ်ႁၢႆႉၵေႃႈယဝ်ႉ ၶႄႇတင်းတိုၵ်ႉမီးတၢင်းမုင်ႈမွင်း ၼိူဝ်သိုၵ်းမၢၼ်ႈဝႆႉယူႇ။

ၵူၼ်းမိူင်းတႆးလူး လႆႈသင်ၼႂ်းပၢင်တိုၵ်း 1027 ?

တင်ႈတႄႇပဵၼ်ပၢင်တိုၵ်း 1027 တေႃႇပေႃးယဝ်ႉၵႂႃႇ လႆႈႁၼ်လင်ႁိူၼ်းတီႈၵိၼ်တီႈယူႇ ၵူၼ်းမိူင်းၵေႃႈ လူႉၵွႆပင်းၵူၼ်ႇယူတ်ႇယၢတ်ႇ၊ ဝတ်ႉဝႃးၽႃသိူဝ်ႇ ၵေႃႈလႆႈလူႉလႆႈၵွႆ၊ ၵူၼ်းမိူင်းပဵၼ်ၼမ်ႉႁူၼမ်ႉတႃ လႆႈမၢတ်ႇၸဵပ်းလူႉတၢႆယွၼ်ႉၵႂၢႆးတေႃးၵၼ်၊ မူႇဝၢၼ်ႈတီႈယၢမ်ႈၵျေႃႇယၢမ်ႈသိူဝ်း ယဵၼ်းပဵၼ်ဝၢၼ်ႈယဵၼ်မိူင်းႁၢမ်း သဵင်ၵႂၢမ်းလုၵ်ႈဢွၼ်ႇႁွင်ႉသႅၼ်ႇ သဵင်ၵႅၼ်ႇ “မ” ႁႃႈတူဝ် ဢိၵ်ႇသဵင်ႁုၼ်ႉၼူဝ်ၶူဝ်ပၼ်း ၸိူဝ်းၼၼ်ႉ မွတ်ႇဝွတ်ႈယဵၼ်ႁၢႆ လၢႆႈပဵၼ်ၵႂၢမ်းတၢင်ႇၶိူဝ်းၵႂႃႇ၊ လဵၵ်ႉယႂ်ႇၼုမ်ႇထဝ်ႈ ၸဵမ်ယိင်းလေႃးၸၢႆး ဢၼ်ယၢမ်ႈယူႇတႂ်ႈဢုပ်ႉပိူင်ႇ တပ်ႉသိုၵ်းၸိုင်ႈတႆးဢၼ်ဝႃႈၼၼ်ႉၵေႃႈ တူၵ်းတႂ်ႈဢုပ်ႉပိူင်ႇတၢင်ႇၸုမ်းၵႂႃႇ ၸိူဝ်းၼႆႉ လႆႈႁူပ်ႉႁၼ်သိုဝ်ႈၼႃႈတၼ်းတႃမႃးယဝ်ႉ ၸင်ႇလၢတ်ႈ၊ ၼႆႉပဵၼ်ၽွၼ်းလႆႈၵူၼ်းမိူင်းတႆး ၵူၼ်းၵမ်ႈၼမ်တေၶႂ်ႈထၢမ်ဝႃႈ သိုၵ်းတႆးပွတ်းၼၼ်ႉလူး ၶဝ်လႆႈၼမ်ႉတွၼ်းသင်ၼႆယူႇ။ လွင်ႈၼၼ်ႉတႄႉ ဢမ်ႇလၢတ်ႈမွၵ်ႇ ဢွၵ်ႇပၢင်ႇၵေႃႈ တေႁူႉႁၼ်ပွင်ႇၸႂ်ၵၼ်မူတ်းယူႇ လွင်ႈဝႃႈသိုၵ်းတႆး သမ်ႉလႆႈသင်ၼႆၼၼ်ႉ။

ၽႅၼ်ၵၢၼ်သိုၵ်း Operation 1027 ၼႆႉ မၢင်ၵေႃႉတေဢမ်ႇႁူႉတီႈပွင်ႇမၼ်းၵေႃႈတေမီး 1027 ၼႆႉ မၢႆထိုင်ဝႃႈ ဝၼ်းတီႈ 27 လိူၼ် October ယူႇတီႈ ၸုမ်းဢူၺ်းလီပွတ်းႁွင်ႇ 3 ၸုမ်း ဢၼ်ပဵၼ်သိုၵ်းၵဝ်ႈၵၢင်ႉ MNDAA သိုၵ်းပလွင်ႈ TNLA လႄႈ သိုၵ်းရၶႅင်ႇ AA ႁူမ်ႈၵၼ် ႁႅၼ်းသိုၵ်း တႄႇလေႃႇတိုၵ်းတပ်ႉသိုၵ်းမၢၼ်ႈ ၼႂ်းၸိုင်ႈတႆးပွတ်းႁွင်ႇ မိူဝ်ႈဝၼ်းတီႈ 27/10/2023 မိူၼ်ၼင်ႇ ၸႄႈဝဵင်းလၢဝ်ႇၵၢႆး၊ ဝဵင်းၼမ်ႉၽႃႈ (ၶျိၼ်းသူၺ်ႇႁေႃႇ)၊ ႁူဝ်ပၢင်ႇ၊ ၵုၼ်လူင်၊ သႅၼ်ဝီ၊ ၵူတ်ႉၶၢႆ၊ ၼမ်ႉၶမ်း၊ မူႇၸေႊ၊ လႃႈသဵဝ်ႈ ၊ သီႇပေႃႉ၊ ၵျွၵ်ႉမႄး၊ ၼွင်ၶဵဝ်၊ မိူင်းမိတ်ႈ၊ ၼမ်ႉတူႈ၊ ၼမ်ႉသၼ်ႇလႄႈ မၢၼ်ႈတူင်ႈ ၸိူဝ်းၼႆႉမႃးယဝ်ႉ။

ပၼ်ႁႃပတိတ်ႈၶၢတ်ႈၵႄႈၵၢင်ၸုမ်းတေႃႇၸုမ်း

မိူဝ်ႈသိုၵ်းပလွင်ႈ TNLA သိမ်းလႆႈ ဝဵင်းၵူတ်ႉၶၢႆၼၼ်ႉ TNLA လႄႈ MNDAA ၼႂ်းၵႄႈၶဝ်သွင်ၸုမ်းၼႆႉ လႆႈႁၼ်မီးပတိတ်ႈၶၢတ်ႈၵၼ်ဝႆႉယူႇ၊ မိူၼ်ၼၼ်ၼင်ႇၵဝ်ႇ ၼႂ်းၼႃႈလိၼ် MNDAA တူင်ႉၼိုင်ၵုမ်းထိင်းဝႆႉၼၼ်ႉၵေႃႈ ၸၢဝ်းၶိူဝ်းတဢၢင်း (လွႆ) လႄႈတင်း MNDAA ၶဝ်မီး ပတိတ်ႈၶၢတ်ႈၵၼ်ဝႆႉယူႇ၊ ၼင်ႇၼၼ်ၵူၺ်း ဢၼ်တပ်ႉၸုမ်း KIA တိုၵ်းသိမ်းလႆႈ ၼမ်ႉၽၵ်းၵႃၼၼ်ႉၵေႃႈ KIA လႄႈ TNLA မီးပတိတ်ႈၶၢတ်ႈၵၼ်၊ ၼႂ်းၵႄႈ KIA လႄႈ MNDAA ၵေႃႈလႆႈႁၼ်မီးပတိတ်ႈၶၢတ်ႈသေ TNLA, MNDAA လႄႈၵူၼ်းမိူင်း ၸၢဝ်းၶိူဝ်းၶၢင်ၶဝ် မီးပတိတ်ႈၶၢတ်ႈၵၼ်ထႅင်ႈ၊ တီႈၼႃႈလိၼ် ၼမ်ႉတူႈၵေႃႈ KIA လႄႈ TNLA မီးပတိတ်ႈၶၢတ်ႈတေႃႇၵၼ် တီႈၵူတ်ႉၶၢႆၼၼ်ႉၵေႃႈ လႆႈႁၼ်ထႅင်ႈဝႃႈ TNLA တင်း ၵူၼ်းမိူင်းၸၢဝ်းၶိူဝ်းၶၢင်ၶဝ် မီးပတိတ်ႈၶၢတ်ႈၵၼ်ယူႇ ၸဵမ်ၸိူဝ်းၼႆ မၼ်းသူၼ်သိၼ်းသၢၼ်ၵၼ်ၵႂႃႇ ၸုမ်းၵဝ်ၸုမ်းမႂ်း ႁဵတ်းၼၼ်။

လိူဝ်ၼၼ်ႉဢမ်ႇၵႃး မိူၼ်ၼင်ႇတီႈၼမ်ႉၸလၢပ်ႈၼၼ်ႉၵေႃႈ လႆႈႁၼ် MNDAA လႄႈ SSPP ၶဝ်ပဵၼ်ပၢင်တိုၵ်းၵၼ်သေ တီႈမိူင်းၵူဝ်း ၼၼ်ႉၵေႃႈ လႆႈႁၼ်ဝႃႈ MNDAA လႄႈၵူၼ်းမိူင်းၸၢဝ်းၶိူဝ်းၶၢင်ၶဝ် မီးပတိတ်ႈၶၢတ်ႈၵၼ်ယူႇ။ KIA, MNDAA, SSPP, TNLA ၼႂ်းၵႄႈၶဝ် 4 ၸုမ်းၼႆႉ ထိုင်တီႈမီးမႃးပၼ်ႁႃၵၼ် ထိုင်တီႈပေႃးမီးလွင်ႈပိုတ်းယိုဝ်ၵၼ်လႄႈ သိမ်းမၢၵ်ႇမိုဝ်ႉၸိုၼ်းယၢမ်းၵၼ်၊ ႁေႃႈလိုပ်ႈၵၼ် ၸဵမ်ၸိူဝ်းၼႆႉ။

ယွၼ်ႉၼၼ်ႉ ၵူၼ်းမိူင်းႁဝ်းၶႃႈၼၼ်ႉ ၸၢင်ႈၶိုၼ်းလႆႈၶၢမ်ႇတၢမ်ႇသိုၵ်းသိူဝ် ၼႂ်းၵႄႈသိုၵ်းၸၢဝ်းၶိူဝ်းၸုမ်းတေႃႇၸုမ်းႁိုဝ်ၼႆ ပဵၼ်လွင်ႈဝူၼ်ႉၼၵ်းၸႂ်ဝႆႉယူႇ။ ၵွပ်ႈပိူဝ်ႈၼၼ်လႄႈ ၼင်ႇႁိုဝ်တေၵႅတ်ႇၶႄလႆႈ ၵူၼ်းမိူင်းႁဝ်းၶႃႈၼၼ်ႉ ပုၼ်ႇၽွၼ်းယူႇၼႂ်းမိုဝ်းၵူၼ်းၼုမ်ႇႁဝ်းၶဝ်ၵူႈၵေႃႉၵူႈၵူၼ်း ၼႆသေ ယွၼ်းၵိုတ်းလိုဝ်ႈၶွတ်ႇယွတ်ႈတီႈၼႆႈၶႃႈ...။

လွမ်ႉမိူင်း ၵေးသီး
08 June 2024

ၶေႃႈထတ်းသၢင်ၼႂ်းပွင်ႈၵႂၢမ်းႁူဝ်ၼႆႉ ပဵၼ်ပၢႆးဝူၼ်ႉလႄႈတၢင်းႁၼ်ထိုင်သုၼ်ႇတူဝ် ၽူႈတႅမ်ႈလိၵ်ႈၵူၺ်း ဢမ်ႇၸႂ်ႈၶေႃႈၶၢၼ်ပၢၵ်ႇတႆးလွတ်ႈလႅဝ်း။

https://taifreedom.com/%e1%81%bd%e1%82%82%e1%80%ba%e1%80%9c%e1%82%85%e1%80%90%e1%80%ba%e1%80%b8%e1%80%9e%e1%80%b1%e1%81%bd%e1%82%82%e1%80%ba-%e1%81%bc%e1%82%82%e1%80%ba%e1%80%b8%e1%81%b8%e1%80%ad%e1%80%af%e1%80%84%e1%80%ba/

03/06/2024

သိုၵ်းဝ UWSA ဢဝ်ဢဵၼ်ႁႅင်းမႃးထိုင်ငဝ်ႈငုၼ်းဝၢၼ်ႈႁႆးတၢင်းၼမ်

03/06/2024

ၸုမ်းသိုၵ်းဝ UWSA ဢဝ်ဢဵၼ်ႁႅင်းတၢင်းၼမ်သေ ႁွတ်ႈထိုင်တီႈငဝ်ႈငုၼ်းတပ်ႉသိုၵ်း SSPP/SSA တီႈဝၢၼ်ႈႁႆးတၢင်းၼမ် ၼႆယဝ်ႉ။

မိူဝ်ႈၼႆႉဝၼ်းထီႉ 03/06/2024 လႆႈႁပ်ႉလွင်ႈပွင်ႇလႅင်း ၵူၼ်းမိူင်းဝၢၼ်ႈႁႆး ၵေႃႉၼိုင်ႈ မၼ်းၸၢႆးလၢတ်ႈၼႄဝႃႈ "မိူဝ်ႈလဵဝ်ၼႆႉသိုၵ်းဝ UWSA ဢဵၼ်ႁႅင်းၶဝ်ၼပ်ႉႁူဝ်ပၢၵ်ႇ မႃးထိုင်တီႈငဝ်ႈငုၼ်းဝၢၼ်ႈႁႆးၼႆႉဢေႃႈ ၶဝ်လုၵ်ႉလႂ်မႃးတႄႉဢမ်ႇႁူႉ လႆႈငိၼ်းဝႃႈတေၵႂႃႇတိုၵ်းၸုမ်းၶူဝ်းလၢႆးၶဝ်ဝႃႈၼႆဢေႃႈ" လၢတ်ႈၼင်ႇၼႆ။

ပၢင်တိုၵ်း RCSS/SSA လႄႈ SSPP/SSA မိူဝ်ႈပူၼ်ႉမႃးၼႆႉ သိုၵ်းဝ UWSA ပုတ်ႈလၢႆႈသႂ်ႇၶူဝ်း ၸႂ်ႉတိုဝ်းၶိူင်ႈမၢႆ ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA သေၶဝ်ႈပၢင်တိုၵ်းၸွမ်း SSPP မႃးၼႂ်းၸိုင်ႈတႆးပွတ်းၸၢၼ်းလႄႈ တေႃႇထိုင်ယၢမ်းလဵဝ် ဢၼ်ပၵ်းသဝ်းတူင်ႉၼိုင်ၸွမ်းၸွမ်းမိူင်းၵိုင်၊ ပၢင်လူင်၊ လၢႆးၶႃႈ ၸိူဝ်းၼႆႉ ပဵၼ်သိုၵ်းဝ ၵမ်ႈၼမ်ၼႆယဝ်ႉ။

ၵူၼ်းမိူင်းဝၢၼ်ႈႁႆးၵေႃႉၼိုင်ႈၵေႃႈလၢတ်ႈၼႄဝႃႈ "သင်ပၢင်တိုၵ်းၵိူတ်ႇၶိုၼ်ႈထႅင်ႈပေႃးၼႆ သိုၵ်းဝၶဝ် ဢႅပ်ႈတေၸိုဝ်ႉတိုဝ်းၶိူင်ႈမၢႆ UWSA တင်းပိုၵ်း ဢမ်ႇၼၼ်တေၼုင်ႈၶူဝ်းၶဵဝ်လၢႆလၢႆသေဢမ်ႇၸႂ်ႉတိုဝ်းၶိူင်မၢႆၸုမ်းလႂ်၊ မိူၼ်ပၢင်တိုၵ်းပူၼ်ႉမႃးၼႆႉ သိုၵ်းဝမၢင်ၵေႃႉၶိူင်ႈမၢႆ SSPP ၵေႃႈဢမ်ႇသႂ်ႇ ၶိူင်ႈမၢႆ UWSA ၵေႃႈဢမ်ႇသႂ်ႇ ၶဝ်တေၼုင်ႈၶူဝ်းၶဵဝ်ၸိူင်ႉၼၼ်လၢႆလၢႆၵူၺ်း" လၢတ်ႈၼႄၼင်ႇၼႆ။

ၶၢဝ်းၼႆႉ ၸမ်ထိုင်ၶၢဝ်းပေႃႈမႄႈၵူၼ်းမိူင်း လူင်းတူင်ႈႁႆးတူင်ႈၼႃးယဝ်ႉလႄႈ သင်ပၢင်တိုၵ်းၵိူတ်ႇၶိုၼ်ႈမႃးပေႃးၼႆ ၸၢင်ႈတုမ်ႉတိူဝ်ႉ ၵၢၼ်ငၢၼ်းၵူၼ်းမိူင်းၵူၺ်းဢမ်ႇၵႃး ၵူၼ်းပၢႆႈၽေးၵေႃႈ တေၵိၼ်းၸႂ် ၵွပ်ႈဢမ်ႇၸၢင်ႈပၢႆႈၵႂႃႇလႂ်ယဝ်ႉ တၢင်းလႂ်ၵေႃႈမီးပၢင်တိုၵ်း ၼႆယဝ်ႉ။

Lom Moung Channel

03/06/2024

vs sspp

31/05/2024

🖤🖤

29/05/2024

ၸၢမ်းထွမ်ႇတူၺ်း

28/05/2024

သိူဝ်ႁိူၼ်း

27/05/2024

သိုၵ်းလွႆ TNLA မႃးဝႅတ့်လွမ့်သိုၵ်းတႆး SSPP တီႈၼမ့်ၶမ်းသေ တၢင်ႇၵႃးၵႂႃႇတင်းၼမ်
27/ 05/ 2024

ဝၼ်းထိ 27/ 05/ 2024 မိူဝ်ႈၼႆ့ ယၢမ်းၼႂ်ၸဝ့် သိုၵ်းလွႆ TNLA ဢဝ်ဢဵၼ်ႁႅင်းမႃးဝႅၼ့်လွမ့် ဝၢၼ်ႈႁိမ်းၾင်ႇၼမ့်မၢဝ်း မိူင်းတႆးပွတ်းႁွင်ႇ တီႈဢၼ်သိုၵ်းတႆး SSPP ယူႇသဝ်းဝႆ့ၼၼ့်သေ တၢင်ႇၵႃးၵႂႃႇမွၵ်ႈ 100 ပၢႆ ၼႆယဝ့် ။

ၵူၼ်းၼႂ်းပိုၼ့်တီႈ လၢတ်ႈၼႄၸုမ်းငဝ်းႁၢင်ႈသဵင်တႆးဝႃႈ မိူဝ်ႈၼႂ်ၸဝ့်ၼႆ့ ၵူၼ်းဝၢၼ်ႈၶဝ်လႆႈ မုင်ႈႁၼ် သိုၵ်းလွႆဢဝ်ဢဵၼ်ႁႅင်းမႃးလွမ့်သိုၵ်းတႆး SSPP ဢၼ်မီးတီႈဝၢၼ်ႈၼွင်မႃ့လူင် ၊ ဝၢၼ်ႈၼွင်ၶမ်း၊ ဝၢၼ်ႈၵုၼ်ႁႆး၊ ဝၢၼ်ႈၼွင်တိူၼ်း ၊ ဝၢၼ်ႈႁွင်းလူင် ၸိူဝ်း ၼၼ့်သေ တဵၵ်းၸႂ့်ႁႂ်ႈၶၢႆ့ဢွၵ်ႇ ၊ ႁႂ်ႈၶဝ်ဝၢင်းၶိူင်ႈသေ ဢဝ်ၵႃးလူင် ၵႃးဢွၼ်ႇတၢင်ႇၵႂႃႇတင်းၼမ်ၼႆယဝ့် ။

” ငိၼ်းဝႃႈ ၶဝ်မႃးႁွင့်ၵႂႃႇၼႂ်ၼႆ့ ၸဵမ်မိူဝ်ႈ 9 မူင်း 10 မူင်းၼႆဢေႃႈ ။ တီႈၼိုင်ႈတင်းတီႈၼိုင်ႈတႄ့ ဢမ်ႇမိူၼ်ၵၼ် ၊ ဢၼ်ၵူၼ်းၼႂ်းဝဵင်းၼမ့်ၶမ်းလႆႈႁၼ်တႄ့ ယၢမ်း ၵၢင်ၼႂ်မွၵ်ႈ 11 မူင်း သိုၵ်းလွႆဢဝ်ၵႃးလူင် မၢၵ်ႇ 12 လေႃ့တၢင်ႇၵႂႃႇ 2 လမ်း ၊ ၶၢတ်ႈလၢမ်းဝႃႈ တေမီးမွၵ်ႈပၢၵ်ႇ ပၢၵ်ႇပၢႆ ၼုင်ႈၶူဝ်းသိုၵ်းယူႇ ။ ၵူၺ်းၵႃႈဢမ်ႇႁၼ်ယိပ်းၵွင်ႈသေၵေႃ့ ၊ တင်းၼႃႈ တင်းလင် မီးၵႃးသိုၵ်းလွႆ ၼမ်းၼႃႈ - ပိၵ့်လင်သေၵႂႃႇ ၊ ထိုင်မႃးဝၢႆးဝၼ်းၼႆၵေႃႈ ႁၼ်တၢင်ႇသိုၵ်းတႆးၵႂႃႇထႅင်ႈ လၢႆလၢႆလမ်း တေဢဝ်ၶဝ်ၵႂႃႇဝႆ့တီႈလႂ်တႄ့ဢမ်ႇႁူ့၊ ၵႃးပွတ်းၼႂ်တႄ့ ႁၼ်ၶိုၼ်ႈၵႂႃႇၼႂ်းဢိူင်ႇ 19 ဝၢၼ်ႈဢေႃႈ ” ၼႆယဝ့် ။

ၵူၼ်းပိုၼ့်တီႈသိုပ်ႇလၢတ်ႈဝႃႈ မိူဝ်ႈၶမ်ႈဝႃး ( ဝၼ်းထိ 26 ) ၼႆ့ၵေႃႈ ၵူၼ်းသိုၵ်းလွႆၶဝ် မႃးပၵ်းလၵ်း ဢဝ်ၸိူၵ်ႈလဵၵ်းၶၢတ်ႈသေ ႁဵတ်းႁူဝ့်ဝႆ့ ၼႂ်းၵႄႈဝၢၼ်ႈၵုၼ်ႁႆး လႄႈ ဝၢၼ်ႈၼွင်ၶမ်း ။ ပွင်ႇဝႃႈ လိူဝ်သေ သိုၵ်းလွႆယဝ့် တေဢမ်ႇပၼ်သိုၵ်းၸုမ်းလႂ်မႃးယူႇ ။ သမ့်ပၢႆ ပၵ်းဝႆ့တုင်းၸွမ်ပိဝ်သိုၵ်းလွႆ ၼႆယဝ့် ။

ၵူၼ်းပိုၼ့်တီႈလၢတ်ႈထႅင်ႈဝႃႈ တီႈတေ့မၼ်း သိုၵ်းလွႆၶဝ် သင်ႇလၢတ်ႈႁႂ်ႈသိုၵ်းတႆး SSPP ဢွၵ်ႇၵႂႃႇၼႂ်းပိုၼ့်တီႈၼၼ့် ၸဵမ်မိူဝ်ႈၼႃႈပွႆးသွၼ်းၼမ့်ယဝ့် ၊ ၵူၺ်းၵႃႈ သိုၵ်းတႆးဢမ်ႇထွႆ ၊ လွင်ႈႁၢင်ႈႁႅၼ်း လုၵ်းထႅၼ့်လုၵ်းထင်တႃႇတေၵႅတ်ႇၶႄၶိုၼ်း ၵေႃႈဢမ်ႇမီး ။ မိူဝ်ႈပိူၼ်ႈမႃးဝႅတ့်ဢဝ်ၸိူင့်ၼႆၵေႃႈ ပႃးၵႂႃႇၸွမ်းငၢႆႈငၢႆး ။ ၵွင်ႈၶဝ် ၼၼ့် ပိူၼ်ႈတေပၼ်ၶိုၼ်း ဢမ်ႇပၼ်ၶိုၼ်းၵေႃႈဢမ်ႇႁူ့ ၼႆယဝ့် ။

ၵူၼ်းၼမ့်ၶမ်းထႅင်ႈၵေႃ့ၼိုင်ႈၵေႃႈလၢတ်ႈဝႃႈ တီႈတေ့မၼ်းၵူၼ်းသိုၵ်းဢွၼ်ႇၶဝ်ၵေႃႈ မီးၸႂ်ႁတ်းႁၢၼ်ယူႇ ။ ၵူၺ်းၵႃႈ ဢမ်ႇလႆႈၶေႃႈၸိသင်ႇပႃႈၼိူဝ်လႄႈ ဢမ်ႇၸၢင်ႈႁဵတ်းသင် ၊ လႆႈႁၼ်သိုၵ်းတႆး ႁႅင်းဢူၼ်ႈဢွၼ်ႇၸိူင့်ၼႆၼႆ့ ယိၼ်းၸႂ်လဵၵ့်တေ့တေ့ ၼႆယဝ့် ။

မၼ်းၼၢင်းလၢတ်ႈထႅင်ႈဝႃႈ - ဢဝ်ၵၢင်ၸႂ်ၵူၼ်းမိူင်းပွတ်းႁွင်ႇဝႃႈတႄ့ သိုၵ်းပွတ်းႁွင်ႇၵေႃႈ ၶႂ်ႈႁႂ်ႈယူႇပွတ်းႁွင်ႇသေ ၵႅတ်ႇၶေႁေ့ၵင်ႈပၼ်ၵူၼ်းမိူင်းပွတ်းႁွင်ႇ ၊ ငိၼ်းၶၢဝ်ႇဝႃႈ လုၵ့်တီႈပွတ်းႁွင်ႇသေ သမ့်ၵႂႃႇယိုဝ်းၵၼ်တင်းသိုၵ်းတႆးပွတ်းၸၢၼ်းၼႆ့ ဢမ်ႇၶႂ်ႈ ႁႂ်ႈပဵၼ် သေဢိတ်း ၊ ပေႃးပဵၼ်လႆႈတႄ့ ၶႂ်ႈႁႂ်ႈသိုၵ်းတႆးပွတ်းႁွင်ႇ ဢၼ်ၵႂႃႇမီးယူႇတီႈပွတ်းၸၢၼ်းၼၼ့် ပွၵ်ႈမႃးၶိုၼ်းပွတ်းႁွင်ႇသေ ၵႅတ်ႇၶႄႁေ့ၵင်ႈပၼ်ၵူၼ်းမိူင်း ယႃႇႁႂ်ႈသိုၵ်းတၢင်ႇၸၢဝ်းၶိူဝ်း မႃးလူလၢႆပေ့ၵိၼ် ၼႆယဝ့် ။

တီႈမႃးၶၢဝ်ႇ # ၵူၼ်းထုင့်မၢဝ်း