Social is Evil. MMP's R

10/09/2022

NUG ကို ထောက်ခံအားပေးသွားမယ်လို့ ဂျာမနီအစိုးရ ဝန်ကြီးပြော
~~~
■ အမျိုးသားညီညွတ်ရေးအစိုးရ NUG ကို ဆက်လက်ထောက်ခံသွားမယ်လို့ ဂျာမနီနိုင်ငံ ဖက်ဒရယ်နိုင်ငံခြားရေးရုံးရဲ့ ဝန်ကြီး Dr. Tobias Lindner က ပြောလိုက်ပါတယ်။

NUG နိုင်ငံခြားရေးဝန်ကြီး ဒေါ်ဇင်မာအောင်နဲ့ ဒီကနေ့ အွန်လိုင်းကနေ တွေ့ဆုံဆွေးနွေးခဲ့ပြီးနောက် ဝန်ကြီး Dr. Tobias Lindner က သူ့ရဲ့တွိတာ စာမျက်နှာကနေတစ်ဆင့် အခုလို ပြောဆိုလိုက်တာ ဖြစ်ပါတယ်။

"မြန်မာပြည်သူတွေရဲ့ ဒီမိုကရေစီလိုလားချက် တောင်းဆိုသံအတိုင်း NUG ကို ဆက်လက်ထောက်ခံသွားမယ်" လို့ သူကဆိုပါတယ်။

အာဏာသိမ်းထားတဲ့ မြန်မာစစ်တပ်အနေနဲ့ အကြမ်းဖက် လုပ်ရပ်တွေ ရပ်တန့်ပြီး ပြည်သူလူထုရဲ့ လက်ထဲ အာဏာပြန်လွှဲပေးရမယ်လို့လည်း ပြောပါတယ်။

အိမ်နီးချင်း အာဆီယံနိုင်ငံတွေနဲ့ ကုလသမဂ္ဂတို့ကလည်း မြန်မာပြည်ရဲ့ ငြိမ်းချမ်းရေးနဲ့၊ တွေ့ဆုံဆွေးနွေးရေး ဦးတည်လာအောင် အရေးတကြီးလုပ်ကြဖို့ လိုတယ်လို့လည်း သူက တိုက်တွန်းပါတယ်။

ဒီစက်တင်ဘာလနှောင်းပိုင်းမှာ ကုလသမဂ္ဂ အထွေထွေညီလာခံ ကျင်းပဖို့ရှိနေပါတယ်။ ဒီမတိုင်ခင် NUG ဝန်ကြီးဒေါ်ဇင်မာအောင်ဟာ ဥရောပနိုင်ငံတွေဘက်က အစိုးရအဖွဲ့ဝင် ဝန်ကြီးတွေနဲ့ လိုက်လံတွေ့ဆုံတာတွေ ရှိနေပါတယ်။

ဒေါ်ဇင်မာအောင်ဟာ ပြီးခဲ့တဲ့ စက်တင်ဘာ ၈ ရက်နေ့ကလည်း ချက်သမ္မတ နိုင်ငံခြားရေးဝန်ကြီးအပါအဝင် လွှတ်တော်တာဝန်ရှိသူတွေနဲ့ လူချင်းတွေ့ဆုံခဲ့ပါတယ်။

-----------

Photo - Dr. Tobias Lindner

10/09/2022

စစ်ကောင်စီလက်ထက် ဘဏ္ဍာငွေသုံးစွဲရေး ပွင့်လင်းမြင်သာမှု မရှိကြောင်း အမေရိကန်ထုတ်ပြန်
~~~
■ မြန်မာနိုင်ငံမှာ ၂၀၁၂ ခုနှစ်ကနေ ၂၀၂၁ ခုနှစ်အတွင်း အရပ်သားအစိုးရ လက်ထက်မှာ အစိုးရရဲ့ ဘဏ္ဍာငွေ သုံးစွဲတဲ့ ပွင့်လင်းမြင်သာမှု အခြေအနေ တိုးတက်လာခဲ့ပေမယ့်၊ ပြီးခဲ့တဲ့နှစ် စစ်တပ်က အာဏာသိမ်းပြီး နောက်ပိုင်း ပွင့်လင်းမြင်သာမှု အခြေအနေ တဟုန်ထိုးကျဆင်းသွားတယ်လို့ အမေရိကန် နိုင်ငံခြားရေးဌာနက စက်တင်ဘာလ ၉ ရက်နေ့က ထုတ်ပြန်လိုက်ပါတယ်။

အရင် အရပ်သား အစိုးရဟာ ဘဏ္ဍာနှစ်တစ်နှစ် ကုန်ဆုံးတဲ့အချိန်မှာ နောက်တစ်နှစ်အတွက် အစိုးရအသုံးစရိတ် ဘတ်ဂျက်ငွေ အဆိုပြုချက်တွေနဲ့ ဘဏ္ဍာငွေသုံးစွဲမှု အခြေအနေ လေးလပတ် အစီရင်ခံစာတွေ ပုံမှန် ထုတ်ပြန်ခဲ့ ပေမယ့်၊ လက်ရှိ အာဏာသိမ်းထားတဲ့ စစ်ကောင်စီကတော့ ဒီလုပ်ဆောင်ချက်တွေကို လုံးဝ ရပ်ဆိုင်းလိုက်တယ်လို့ ကြေငြာချက်မှာ ဖော်ပြထားပါတယ်။

စစ်ကောင်စီဟာ အစိုးရ ဘက်ဂျက်နဲ့ ပက်သက်ပြီး ပြဒါန်းထားတဲ့ ဥပဒေစည်းမျဉ်းတွေနဲ့ အညီ နှစ်တစ်နှစ်အတွက် အစိုးရရဲ့ အသုံးစရိတ်နဲ့ ဝင်ငွေတွေကို တိတိကျကျ ထုတ်ပြန်တာ မရှိပဲ၊ အထူးသဖြင့် ကာကွယ်ရေး ဝန်ကြီးဌာနက လက်အောက်မှာ ရှိတဲ့ စစ်တပ်ပိုင် လုပ်ငန်းကြီးတွေအတွက် ဘဏ္ဍာငွေ သုံးစွဲမှုနဲ့ ဒီလုပ်ငန်းကြီးတွေကရတဲ့ ဝင်ငွေတွေကို အသိပေးထုတ်ပြန်မှု လုံးဝ မရှိတဲ့အကြောင်း အမေရိကန် နိုင်ငံခြားရေးဌာနရဲ့ ထုတ်ပြန်ချက်မှာ ပါရှိပါတယ်။

အစိုးရရဲ့ ဘဏ္ဍာငွေ အခြေအနေနဲ့ ပက်သက်ပြီး စစ်ဆေးထုတ်ပြန်ဖို့ တာဝန်ရှိတဲ့ ပြည်ထောင်စု စာရင်းစစ်ချုပ် ရုံး ဟာလည်း လွတ်လပ်တဲ့ အဖွဲ့အစည်း တစ်ခုဖြစ်ဖို့ နိုင်ငံတကာ စံနှုန်းတွေကို မပြည့်မှီတော့တဲ့အကြောင်း၊ သဘာဝ သယံဇာ ထုတ်လုပ်မှု လိုင်စင်တွေ ချထားပေးတာနဲ့ ပက်သက်တဲ့ ဝင်ငွေတွေကို ဥပဒေနဲ့ အညီ ထုတ်ပြန်တာမရှိတဲ့အကြောင်းလည်း ဖော်ပြထားပါတယ်။

စစ်ကောင်စီအနေနဲ့ပုံမှန် ထုတ်ဝေနေကျ ဘဏ္ဍာငွေအသုံးစရိတ် အစီရင်ခံစာတွေကို တိတိကျကျ ထုတ်ပြန်ပေးဖို့၊ ဘဏ္ဍာနှစ်တစ်နှစ်အတွက် အသုံးစရိတ် လေ့လာစိစစ်မှု အစီရင်ခံစာ ထုတ်ပြန်ဖို့၊ အစိုးရပိုင်နဲ့ စစ်တပ်ပိုင် စီးပွားရေး လုပ်ငန်းတွေရဲ့ အသုံးစရိတ်၊ ဝင်ငွေနဲ့ တင်ရှိနေတဲ့ ကြွေးမြီတွေကိုတွေကို တိတိကျကျ ထုတ်ပြန်ပေးဖို့၊ နိုင်ငံအဆင့် စာရင်းစစ်ချုပ် အဖွဲ့အစည်းကို လွတ်လပ်မှုရှိအောင် ဆောင်ရွက်ဖို့၊ စစ်တပ်နဲ့ လုံခြုံရေး အသုံးစရိတ်တွေ ချမှတ်တဲ့ နေရာမှာ အရပ်သားခေါင်းဆောင်တွေရဲ့ စီမံခန့်ခွဲမှုကို လက်ခံဖို့နဲ့ သဘာဝ သယံဇာတက ရတဲ့ ဝင်ငွေတွေကို အများသိအောင် ထုတ်ပြန်ပေးဖို့ စတာတွေကို ဆောင်ရွက်ဖို့ အမေရိကန် နိုင်ငံခြားရေးဌာနက တိုက်တွန်းထားပါတယ်။

Photo - AFP (အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်)

10/09/2022

နာမည်ကြီးတယ်ဆိုတဲ့ စစ်ကောင်စီရဲ့ တပ်မ ၆၆ ကရင်နီပြည်မှာ အ​သေဆိုးများစွာဖြင့် တပ်ပျက်၊ တပ်မမှူးပါ ဒဏ်ရာရ ​ဆေးကုရ
===========
ရန်ကုန်| စက်တင်ဘာ ၁၀

လောက်ကိုင်နဲ့ ရခိုင်ဒေသ တိုက်ပွဲတွေမှာ နာမည်ကြီးတယ်ဆိုတဲ့ တပ်မ ၆၆ ကရင်နီပြည်မှာတော့ တပ်မမှူးကိုယ်တိုင် အပြင်းအထန်ဒဏ်ရာရပြီး ဖွဲ့စည်းပုံပျက်တဲ့အထိ အခြေအနေဆိုးရွားနေပါတယ်။

ကရင်နီပြည်တိုက်ပွဲတွေမှာ စစ်ကူအနေနဲ့ တပ်ရင်း ၆ရင်းကို ဦးဆောင်လာခဲ့တဲ့ ဗိုလ်မှူးချုပ်အဆင့် တပ်မ ၆၆ တပ်မမှူး မျိုးမင်း ကိုယ်တိုင် ကရင်နီပြည်စစ်ဆင်ရေးမှာ အပြင်းအထန်ဒဏ်ရာရသွားပြီး တပ်မမှူးအစားထိုးရတဲ့အထိ ဖြစ်တယ်လို့ ကရင်နီတပ်မတော်က ပြောပါတယ်။

ကရင်နီတပ်မတော် အပါအဝင် KNDF တပ်တွေနဲ့ PDF တပ်တွေရဲ့ ခုံခံတိုက်ခိုက်မှု၊ တန်ပြန်ထိုးစစ်နဲ့ အခြား စစ်ဗျူဟာ အဝဝနဲ့ ပြန်လည်တိုက်ခိုက်မှုမှာ တပ်မ ၆၆ အခြေအနေဆိုးနေတာပါ။

ပရူးဆို တိုက်ပွဲမှာ စစ်ကောင်စီ တပ်ရင်းမှူး တစ်ဦးကျဆုံးခဲ့ပြီး ကျန်တပ်ရင်းမှူး နှစ်ဦးလည်း အခြားတိုက်ပွဲမှာ ဒဏ်ရာရခဲ့လို့ တပ်ရင်းမှူး ၃ ဦးသာ ကျန်ရှိနေတယ်လို့ ကရင်နီတပ်မတော်က ဖော်ပြပါတယ်။

ကရင်နီပြည်ရောက် တပ်မ ၆၆ အနေနဲ့ မကြာသေးတဲ့ ရက်အနည်းငယ်အတွင်းကလည်း နောက်ထပ်တပ်ရင်းမှူးတစ်ဦး အလုပ်တာဝန် ထမ်းဆောင်လိုစိတ်မရှိ​လို့ တင်ပြခဲ့ရာမှာ ပြစ်ဒဏ်ကျခံရဖို့များပြီး နောက်တန်းပြန်ပို့ခံထားရတယ်လို့ ဖော်ပြပါတယ်။

09/09/2022

Nowadays popular cartoons.

09/09/2022

စစ်တပ်ပိုင် ရွှေမန်းသူနှင့် ရှမ်းမလေး ယာဉ်လိုင်းများကို မိုင်းဆွဲတိုက်ခိုက်မည်ဖြစ်၍ ပြည်သူများ လိုက်ပါစီးနင်းခြင်းမပြုကြရန် မေတ္တာရပ်ခံသတိ ပေးချက် ထုတ်ပြန်

ရန်ကုန်၊ စက်တင်ဘာ ၉

မန္တလေး-မုံရွာ လမ်းခရီးတွင် စစ်တပ်ပိုင် ရွှေမန်းသူနှင့် ရှမ်းမလေး ခရီးသည်တင်ယာဉ်လိုင်းများကို ပြည်သူများ လိုက်ပါ စီးနင်းခြင်း မပြုကြရန် စစ်ကိုင်းပြည်သူ့ကာကွယ်ရေးတပ်မတော်က မေတ္တာရပ်ခံသတိပေးချက် ထုတ်ပြန်လိုက်သည်။

စက်တင်ဘာလ ၈ ရက်နေ့ နေ့စွဲဖြင့် ထုတ်ပြန်သော ကြေညာချက်တွင် မိဘပြည်သူများအနေဖြင့် ခရီးသွားလာရာတွင် စီးပွားရေးဦးပိုင်လိမီတက်(စစ်တပ်ပိုင်) ရွှေမန်းသူကားများ၊ ရှမ်းမလေး ယာဉ်လိုင်းကားများဖြင့် မန္တလေး-မုံရွာ ခရီးစဉ်ကို လိုက်ပါ စီးနင်းမပြုရန် မေတ္တာရပ်ခံသတိပေးအပ်ပါကြောင်း ဖော်ပြထားသည်။

အကယ်၍ အဆိုပါ စစ်တပ်ပိုင်ကားများဖြင့် ခရီးစဉ် လိုက်ပါစီးနင်းမည်ဆိုပါက တာဝန်ယူမည်မဟုတ်ဘဲ စီးနင်းသူများ၏ တာဝန်သာဖြစ်ကြောင်း၊ တော်လှန် ရေးအင်အားစုများက စစ်တပ်ပိုင် လုပ်ငန်းများကို ထိရောက်စွာ အရေးယူဆောင် ရွက်သွားမည်ဖြစ်ကြောင်း၊ ယင်းကားများ ခရီးစဉ်လမ်းကြောပေါ် ရောက်ရှိလာပါက မိုင်းဆွဲတိုက်ခိုက်မည်ဖြစ်ကြောင်း တရားဝင် အသိပေးထားသည်။

ဓာတ်ပုံ- စစ်တပ်ပိုင် ရွှေမန်းသူနှင့် ရှမ်းမလေးခရီးသည်တင်အဝေးပြေးယာဉ်များ။

09/09/2022

ချင်းပြည်နယ် ပလက်ဝမြို့နယ် သံထောင်ကျေးရွာတွင် CDF အဖွဲ့နှင့် AA အဖွဲ့အကြား စစ်ရေးတင်းမာနေ
========
ချင်းပြည်နယ် ပလက်ဝမြို့နယ် သံထောင်ကျေးရွာမှာအခြေချနေတဲ့ CDF အဖွဲ့ နဲ့ AA အဖွဲ့အကြား စစ်ရေးတင်းမာမှုတွေဖြစ် ပေါ်နေတယ်လို့ သံထောင်ကျေးရွာ ဒေသခံတစ်ဦးကပြောဆိုပါတယ်။
“သူတို့အဖွဲ့ ၂ ဖွဲ့က ဩဂုတ်လ ၂၇ ရက်နေ့ကတည်းကရောက်နေတာ ဒီနေ့မနက်မှာ အစည်းအဝေးလုပ်ရာကနေ ပြဿနာဖြစ်ကြတယ်တော့ကြားတယ်ဗျ AA က ကျနော်တို့ ချင်းအဖွဲ့တွေကို ဒီနယ်မြေမှာ ချင်းအလံမထောင်ရဘူးဆိုပြီး တားဆီးရာကနေ ပြဿနာစဖြစ်ကြတာလို့တော့ သိရတယ်”လို့ သူကပြောဆို သွားပါတယ်။
AA အဖွဲ့က CDF အဖွဲ့အနေနဲ့ သံထောင်ကျေးရွာအတွင်း စည်းရုံးရေးလုပ် ဆောင်ခြင်းမပြုလုပ်ရန် ချင်းအလံလွှင့်ထူခြင်းမပြုလုပ်ရန် တားဆီးတဲ့အပြင် AA အဖွဲ့ရဲ့ အောက်တွင်သာနေထိုင်ရန်ပြောဆိုရာမှ အခြေအတင်စကားများခဲ့ပြီး ယခုလို တင်းမာမှုတွေ ဖြစ်ပေါ်လာတာဖြစ်တယ်လို့ သိရပါတယ်။
CDF အဖွဲ့ကတော့ ချင်းပြည်နယ်အတွင်း AA ရဲ့အခုလို လုပ်ဆောင်မှုကို လက်ခံ မှာမဟုတ်ဘဲညှိနှိုင်းမှုအဆင်မပြေပါက AA ကို ချင်းပြည်နယ်ကနေ စစ်ရေးအရ တိုက်ခိုက်မောင်းထုတ်သွားမှာဖြစ်တယ်လို့ သိရပါတယ်။

# CDF နှင့် AA အကြား စစ်ရေးတင်းမာ
# သံထောင်ကျေးရွာ
Khumi New Generation

09/09/2022

ဗြိတိန်နိုင်ငံရဲ့ ဒုတိယမြောက် အယ်လိဇဘက်ဘုရင်မကြီး ကွယ်လွန်
~~~
■ ဗြိတိသျှထီးနန်းမှာ သက်တမ်းအရှည်ကြာဆုံး ဘုရင်မတစ်ပါးဖြစ်တဲ့ အသက် ၉၆ နှစ်အရွယ်ရှိပြီဖြစ်တဲ့ ဗြိတိသျှ ဘုရင်မကြီး ဒုတိယမြောက် အယ်လိဇဘက် ကွယ်လွန်အနိစ္စရောက်သွားကြောင်း ဘာကင်ဟမ်နန်းတော်က ၂ဝ၂၂ ခုနှစ် စက်တင်ဘာ ၈ ရက် ဒီကနေ့မှာ ကြေညာလိုက်ပါတယ်။

ဒုတိယမြောက် အဲလိဇဘက်ဘုရင်မကြီးဟာ လက်ရှိစံမြန်းရာ စကော့တလန်ရှိ Balmoral ရဲတိုက်မှာ ကွယ်လွန်ခဲ့တာဖြစ်ပြီး ကွယ်လွန်ရတဲ့ အကြောင်းရင်းကိုတော့ ထုတ်ပြန်ကြေညာတာတော့မရှိပါဘူး။

"ဘုရင်မကြီးဟာ ခေတ်သစ်ဗြိတိန်နိုင်ငံတော်အခြေခံတည်ဆောက်ထားတဲ့ ကျောက်စိုင်ခဲကြီးဖြစ်ပြီး သူ့လက်ထက်မှာ ဗြိတိန်နိုင်ငံဟာ ကြီးပွားဖွံ့ဖြိုးတိုးတက်ခဲ့ရကြောင်း၊ ယနေ့ ဗြိတိန်နိုင်ငံတော်ကြီးအဖြစ် ကြီးမားစွာရပ်တည်နိုင်ခဲ့တာဟာ ဘုရင်မကြီးရဲ့ ကျေးဇူးတော်ကြောင့်ဖြစ်ကြောင်း" ဗြိတိန် ဝန်ကြီးချုပ် လစ် ထရပ်စ်က ဘုရင်မကြီး အနိစ္စရောက်အပြီးမှာ ထုတ်ဖော် ပြောကြားခဲ့ပါတယ်။

ဗြိတိသျှဘုရင်မကြီးဟာ အခုနှစ် ဇွန်လက နန်းသက် နှစ် ၇၀ ပြည့်ခဲ့ပြီး နန်းသက် နှစ် ၇၀ ပြည့် အခမ်းအနားတွေကို စည်ကားသိုက်မြိုက်စွာ ကျင်းပခဲ့ပါတယ်။

ဘုရင်မကြီး ကွယ်လွန်သွားတဲ့အတွက် အိမ်ရှေ့မင်းသားဖြစ်တဲ့ သက်တော် ၇၃ နှစ်အရွယ် သားတော် ချားလ်စ်မင်းသားဟာ တတိယမြောက် ချားလ်စ်ဘုရင်အဖြစ် ထီးနန်းဆက်ခံမယ်လို့ ဗြိတိသျှ နန်းတွင်းအရေး စီမံခန့်ခွဲတဲ့ Clarence House က ဒီကနေ့ညမှာပဲ ထုတ်ပြန်ကြေညာလိုက်ပါတယ်။

အယ်လိဇဘက်ဘုရင်မ ဘုရင်မကြီးဟာ ၂ဝ၁၇ ခုနှစ် မေလက ဗြိတိန်နိုင်ငံကို လာရောက်လည်ပတ်ခဲ့တဲ့ မြန်မာ့နိုင်ငံရေးခေါင်းဆောင် ဒေါ်အောင်ဆန်းစုကြည်ကို ဘာကင်ဟမ် နန်းတော်မှာ လက်ခံတွေ့ဆုံခဲ့ဖူးပါတယ်။
--------------------

Photo - AFP

07/09/2022

အမြန်လမ်းတစ်လျှောက် လျှပ်စစ်ကားအားသွင်းနိုင်မယ့် နေရာငါးခု စစ်ကောင်စီ စီစဉ်နေ
~~~~~~
■ လျှပ်စစ်ကားတွေ အားသွင်းနိုင်မယ့်လနေရာအဖြစ် ရန်ကုန် - မန္တလေး အမြန်လမ်းမ တစ်လျှောက် နေရာငါးခုကို ရှေ့ပြေးစီမံချက်အနေနဲ့ ဆောင်ရွက်ဖို့ စစ်ကောင်စီလက်အောက်ခံ လျှပ်စစ်စွမ်းအားဝန်ကြီးဌာနက လုပ်ဆောင်နေတယ်လို့ ရန်ကုန်မြို့မှာ ကားရောင်းဝယ်ရေး လုပ်ငန်း လုပ်ကိုင်နေသူတွေက ပြောပါတယ်။

အမြန်လမ်းမတစ်လျှောက် အမှတ် (၃) လမ်းဆုံ၊ ၁၁၅ မိုင်၊ နေပြည်တော်လမ်းဆုံ၊ သီးကုန်းနဲ့ စကားအင်း လမ်းဆုံတွေမှာ ဓာတ်အားလိုင်းတွေတိုးချဲ့ပြီး လျှပ်စစ်ကား အစီးရေ ၅၀ အားသွင်းနိုင်မယ့် နေရာတွေ စီစဉ်နေတာပါ။

အခုလို လျှပ်စစ်မီးမမှန်တဲ့အချိန်မှာ အမြန်လမ်း တစ်ခုတည်းမဟုတ်ဘဲ ရန်ကုန်နဲ့ မန္တလေးမြို့တွေလို ဈေးဝယ်စင်တာတွေမှာပါ လုပ်ဆောင်ပေးဖို့လိုပြီး လျှပ်စစ်ကား တင်သွင်းမှုကိုလည်း ခွင့်ပြုပေးဖို့လိုတယ်လို့ လုံခြုံရေးအရ အမည်မဖော်လိုတဲ့ ရန်ကုန်မြို့က ကားအရောင်းစင်တာ ပိုင်ရှင်တစ်ဦးက RFA ကိုပြောပါတယ်။

“လုပ်မှာတော့လုပ်ရမှာပဲ။ မြန်မာမှာတော့ စောနေသေးတာပေါ့။ နေရာတစ်ခုမှာ အစီးငါးဆယ်လောက် လုပ်ထားတော့ လို၊ မလိုတော့မသိဘူး။ အမြန်လမ်းအပြင် ရန်ကုန်နဲ့ မန္တလေးလို မြို့တွေမှာ ပိုလိုတော့ပါ။ လျှပ်စစ်ကားတွေအတွက် အားသွင်းတဲ့နေရာမှာ ဆိုလာစနစ်တွေ သုံးနိုင်ရင်တော့ ပိုကောင်းတာပေါ့”

ဒါ့အပြင် မြန်မာနိုင်ငံရင်းနှီးမြှုပ်နှံမှုကော်မရှင်မှာ လျှပ်စစ်ကားကို ပြည်တွင်း ထုတ်လုပ် တပ်ဆင်မှုစနစ်နဲ့ တင်သွင်းဖို့ ခွင့်ပြုမိန့်စောင့်နေတဲ့ ကုမ္ပဏီ သုံးခုထက်မနည်းရှိနေပြီး အစီးလိုက်တင်သွင်းပြီးရောင်းချဖို့ စီစဉ်နေတဲ့ ကုမ္ပဏီ ၁၀ ခုလောက်ရှိတယ်လို့လည်း သူကဆက်ပြောပါတယ်။

ပြီးခဲ့တဲ့ ၂၀၂၁ ခုနှစ် အောက်တိုဘာလကတည်းက ပြည်ပကနေ ကားတင်သွင်းခွင့်ကို စစ်ကောင်စီက ပိတ်ခဲ့ပြီးနောက် ပြည်တွင်းကားဈေးကွက်ထဲမှာ ဈေးနှုန်းတွေ မြင့်တက်လာပြီး ကားသစ် ရှားပါလာနေတယ်လို့လည်း ရန်ကုန်ကားဈေးကွက်မှာ လုပ်ကိုင်နေသူတွေက ပြောပါတယ်။
- Unicode
---------------

အမြန်လမ်းတစ်လျှောက် လျှပ်စစ်ကားအားသွင်းနိုင်မယ့် နေရာငါးခု စစ်ကောင်စီ စီစဉ်နေ
~~~~~~
■ လျှပ်စစ်ကားတွေ အားသွင်းနိုင်မယ့်လနေရာအဖြစ် ရန်ကုန် - မန္တလေး အမြန်လမ်းမ တစ်လျှောက် နေရာငါးခုကို ရှေ့ပြေးစီမံချက်အနေနဲ့ ဆောင်ရွက်ဖို့ စစ်ကောင်စီလက်အောက်ခံ လျှပ်စစ်စွမ်းအားဝန်ကြီးဌာနက လုပ်ဆောင်နေတယ်လို့ ရန်ကုန်မြို့မှာ ကားရောင်းဝယ်ရေး လုပ်ငန်း လုပ်ကိုင်နေသူတွေက ပြောပါတယ်။

အမြန်လမ်းမတစ်လျှောက် အမှတ် (၃) လမ်းဆုံ၊ ၁၁၅ မိုင်၊ နေပြည်တော်လမ်းဆုံ၊ သီးကုန်းနဲ့ စကားအင်း လမ်းဆုံတွေမှာ ဓာတ်အားလိုင်းတွေတိုးချဲ့ပြီး လျှပ်စစ်ကား အစီးရေ ၅၀ အားသွင်းနိုင်မယ့် နေရာတွေ စီစဉ်နေတာပါ။

အခုလို လျှပ်စစ်မီးမမှန်တဲ့အချိန်မှာ အမြန်လမ်း တစ်ခုတည်းမဟုတ်ဘဲ ရန်ကုန်နဲ့ မန္တလေးမြို့တွေလို ဈေးဝယ်စင်တာတွေမှာပါ လုပ်ဆောင်ပေးဖို့လိုပြီး လျှပ်စစ်ကား တင်သွင်းမှုကိုလည်း ခွင့်ပြုပေးဖို့လိုတယ်လို့ လုံခြုံရေးအရ အမည်မဖော်လိုတဲ့ ရန်ကုန်မြို့က ကားအရောင်းစင်တာ ပိုင်ရှင်တစ်ဦးက RFA ကိုပြောပါတယ်။

“လုပ်မှာတော့လုပ်ရမှာပဲ။ မြန်မာမှာတော့ စောနေသေးတာပေါ့။ နေရာတစ်ခုမှာ အစီးငါးဆယ်လောက် လုပ်ထားတော့ လို၊ မလိုတော့မသိဘူး။ အမြန်လမ်းအပြင် ရန်ကုန်နဲ့ မန္တလေးလို မြို့တွေမှာ ပိုလိုတော့ပါ။ လျှပ်စစ်ကားတွေအတွက် အားသွင်းတဲ့နေရာမှာ ဆိုလာစနစ်တွေ သုံးနိုင်ရင်တော့ ပိုကောင်းတာပေါ့”

ဒါ့အပြင် မြန်မာနိုင်ငံရင်းနှီးမြှုပ်နှံမှုကော်မရှင်မှာ လျှပ်စစ်ကားကို ပြည်တွင်း ထုတ်လုပ် တပ်ဆင်မှုစနစ်နဲ့ တင်သွင်းဖို့ ခွင့်ပြုမိန့်စောင့်နေတဲ့ ကုမ္ပဏီ သုံးခုထက်မနည်းရှိနေပြီး အစီးလိုက်တင်သွင်းပြီးရောင်းချဖို့ စီစဉ်နေတဲ့ ကုမ္ပဏီ ၁၀ ခုလောက်ရှိတယ်လို့လည်း သူကဆက်ပြောပါတယ်။

ပြီးခဲ့တဲ့ ၂၀၂၁ ခုနှစ် အောက်တိုဘာလကတည်းက ပြည်ပကနေ ကားတင်သွင်းခွင့်ကို စစ်ကောင်စီက ပိတ်ခဲ့ပြီးနောက် ပြည်တွင်းကားဈေးကွက်ထဲမှာ ဈေးနှုန်းတွေ မြင့်တက်လာပြီး ကားသစ် ရှားပါလာနေတယ်လို့လည်း ရန်ကုန်ကားဈေးကွက်မှာ လုပ်ကိုင်နေသူတွေက ပြောပါတယ်။
- Zawgyi
---------------

Photo: CJ

(န်ကုန်-မန္တလေး အမြန်လမ်း တစ်နေရာကို တွေ့ရစဉ်)

07/09/2022

မြန်မာနိုင်ငံကိုလာရောက်ရင်းနှီး မြှုပ်နှံရင် အကျိုးမြတ်များမယ်လို့ ရုရှားက အရှေ့စီးပွားရေးဖိုရမ်မှာ စစ်ကောင်စီဥက္ကဋ္ဌပြော

မြန်မာနိုင်ငံမှာ နိုင်ငံခြားရင်းနှီးမြှုပ်နှံလိုသူတွေအဆင်ပြေဖို့ လိုအပ်တဲ့ ဥပဒေတွေပြဋ္ဌာန်းနေလို့ ပြည်ပရင်းနှီးမြှုပ်နှံလိုသူတွေ မြန်မာနိုင်ငံကိုလာရောက်ရင်းနှီးမြှုပ်နှံမယ်ဆိုရင် အကျိုးအမြတ်များမယ်လို့ စစ်ကောင်စီ ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ဒီကနေ့ စက်တင်ဘာ ၇ ရက်က ရုရှားနိုင်ငံမှာလုပ်တဲ့ အရှေ့ဖျားစီးပွားရေးဖိုရမ်မှာ ထည့်သွင်းပြောကြားသွားပါတယ်။

အာဆီယံအဖွဲ့ဝင်နိုင်ငံတစ်ခုဖြစ်တဲ့ မြန်မာနိုင်ငံဟာ ပထဝီအနေအထားအရအရှေ့တောင်အာရှ၊ တောင်အာရှဒေသတွင်းနိုင်ငံတွေနဲ့ ကုန်သွယ်ရေးလုပ်ငန်းတွေ‌ဆောင်ရွက်နေလို့ ဥရောပနိုင်ငံတွေကို ကူးလူးဆက်ဆံရာမှာ အဓိကကျတဲ့နေရာမှာရှိနေတဲ့အတွက် ကုန်သွယ်မှုတွေလွယ်ကူမှာလို့ "စားနပ်ရိက္ခာဖူလုံရေးကဏ္ဍတွင် မြန်မာနိုင်ငံ၏ အရေးပါမှုနှင့်ရင်းနှီးမြှုပ်နှံမှုအတွက် အခွင့်အလမ်းကောင်းများ"ခေါင်းစဥ်နဲ့ မိန့်ခွန်းပြောသွားတာပါ။

စစ်ခေါင်းဆောင်က အဲဒီလိုဖိတ်ခေါ်နေတဲ့ မြန်မာနိုင်ငံမှာတော့ အာဏာသိမ်းပြီး တနှစ်နဲ့ရှစ်လကာလအတွင်း နိုင်ငံတွင်းက နိုင်ငံတကာရင်းနှီးမြှပ်နှံမှုတွေ တစစထွက်ခွာနေသလိုဘက်ပေါင်းစုံကစီးပွားရေးအကျပ်တည်းတွေကို ရင်ဆိုင်နေရကြောင်း ပြည်တွင်းပြည်ပအကဲခတ်တွေကထုတ်ပြောထားတဲ့အခြေအနေဖြစ်ပါတယ်။

ဒါ့အပြင် ကမ္ဘာ့ ကုန်သွယ်ရေးလမ်းကြောင်းမှာ တချို့ နိုင်ငံကြီးတွေဟာ ဘဏ္ဍာရေးလုံခြုံမှုနဲ့ယှဥ်တွဲဖြစ်ပေါ်လာတဲ့ ဒေါ်လာကို လက်နက်သဖွယ်အသုံးချပြီး နိုင်ငံငယ်တွေဟာဒေါ်လာအနိုင်ကျင့်မှုကိုခံနေရပြီး နိုင်ငံရေး၊ စီးပွားရေးကိစ္စတွေမှာ နိုင်ငံကြီးတွေကို မလွန်ဆန်နိုင်တဲ့ အခြေအနေရောက်နေတယ်လို့ အာဏာသိမ်းစစ်ခေါင်းဆောင်က မိန့်ခွန်းမှာဆက်ပြောပါတယ်။

ဒါကြောင့် ရုရှားငွေကြေး ရူဘယ်အပါအဝင် တရုတ်ငွေကြေး ယွမ်နဲ့ အိန္ဒိယငွေကြေး ရူပီးတို့ကို အမေရိကန်ဒေါ်လာ အစားထိုးဆောင်ရွက်ပါက မိမိတို့ နိုင်ငံတွေအနေနဲ့ ငွေကြေးအနိုင်ကျင့်ခံရမှု အခက်အခဲတွေကို ကျော်လွှာနိုင်မယ်လို့လည်း သူ့မိန့်ခွန်းကဆိုပါတယ်။

ရုရှားနိုင်ငံ၊ ဗလာဒီဗိုစတော့မြို့မှာ ကျင်းပနေတဲ့ အရှေ့ဖျားစီးပွားရေးဖိုရမ်(EEF) ကိုတက်ရောက်ဖို့သွားတဲ့ မြန်မာစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ကို ဒီကနေ့ စက်တင်ဘာ ၇ရက်နေ့မှာ ရုရှားသမ္မတ ပူတင်နဲ့လည်း သီးခြားတွေ့ဆုံခဲ့ပါတယ်။

မြန်မာစစ်ခေါင်းဆောင်ကတော့ ရုရှားနိုင်ငံက သမ္မတပူတင်ရဲ့ခေါင်းဆောင်မှုကြောင့် ထိပ်တန်းနိုင်ငံဖြစ်လာတာလို့ ချီးကျူးပြောဆိုမှုတွေလည်း ထည့်ပြောသွားပါတယ်။

လက်ရှိမှာတော့ မြန်မာရောရုရှားပါနှစ်နိုင်ငံလုံး ကမ္ဘာ့နိုင်ငံတွေရဲ့ပိတ်ဆို့အရေးယူမှုတွေကြား ရုန်းကန်နေရချိန်မှာ အခုလိုတွေ့ဆုံမှုဟာအထီးကျန်မှုကြား နှစ်နိုင်ငံဆက်ဆံရေး အရင်ထက်ပိုအဆင့်မြင့်သွားပြီဖြစ်ပြီး ရုရှားနဲ့မြန်မာ ပိုမိုနီးကပ်သွားပြီလို့ သုံးသပ်မှုတွေရှိလာနေပါတယ်။

ဒီသတင်းအပါအ၀င် ဘီဘီစီမြန်မာပိုင်းရဲ့ နောက်ဆုံးရ သတင်းများ တင်ဆက်မှု
https://www.bbc.com/burmese/articles/cnk8j1vlj5vo

07/09/2022

07/09/2022

DKBA စစ်ဦးစီးချုပ် ဗိုလ်ချုပ်ကြီး စောစတီးနေအိမ် ဒရုန်းနဲ့ဗုံးကြဲခံရ
~~~~~
■ ကရင်ပြည်နယ် မြဝတီခရိုင် ဆုံဆည်းမြိုင် စခန်းဝန်းအတွင်းမှာရှိတဲ့ ဒီမိုကရေစီအကျိုးပြု ကရင့်တပ်မတော် (DKBA) စစ်ဦးစီးချုပ် ဗိုလ်ချုပ်ကြီး စောစတီးနေအိမ် စက်တင်ဘာလ ၆ ရက် မနေ့ည ၁၂ နာရီ ဝန်းကျင်က ဒရုန်းနဲ့ ဗုံးကြဲတိုက်ခိုက်ခံခဲ့ရတယ်လို့ ဒေသခံတွေက ပြောပါတယ်။

အဲဒီနေရာဟာ DKBA ဗဟိုဌာနချုပ်ရှိတဲ့ နေရာဖြစ်ပြီး ဒရုန်းနဲ့ နှစ်ကြိမ် ဗုံးကြဲခံရတာလို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက RFA ကို ပြောပါတယ်။

“သူ့အိမ်ကို ပစ်တဲ့အချိန်မှာက သူမရှိဘူး။ သူ့အတွင်းရေးမှူးတော့ ထိသွားတယ်။ သူက စစ်ကောင်စီတပ်တွေကို သွင်းတယ်။ သူတို့အထဲမှာ စခန်းချခွင့်ပေးတယ်။ သူ့အိမ်ကလည်း ထိုင်းမှာရှိတယ်။ ပထမတစ်ကြိမ် သွားပစ်တာက စစ်ကောင်စီစခန်းကို။ နောက်တစ်ကြိမ်သွားပစ်တာက သူ့အိမ်ပေါ်ကိုပစ်တာ။ နှစ်ကြိမ် အပစ်ခံလိုက်ရတာ”

အိမ်သွပ်မိုးပျက်စီးသွားသလို DKBA စစ်ဦးစီးချုပ် ဗိုလ်ချုပ်ကြီး စောစတီးရဲ့ အတွင်းရေးမှူးလည်း ဒဏ်ရာရခဲ့တယ်လို့ ဆိုပါတယ်။

ဒီတိုက်ခိုက်မှုကို ဘယ်အဖွဲ့က လုပ်ဆောင်တာလဲဆိုတာ သတင်းထုတ်ပြန်တာမျိုး မရှိသေးသလို ဒဏ်ရာရရှိတာနဲ့ ပတ်သက်လို့လည်း RFA အနေနဲ့ သီးခြားအတည်မပြုနိုင်သေးပါဘူး။

စစ်ကောင်စီတပ်ကလည်း မြဝတီ- ဝေါလေ လမ်းပိုင်းက သုံးထပ်ကွေ့နဲ့ ဥကရိထစခန်းတွေမှာ အင်အား ထပ်ဖြည့်ထားသလို စုံဆည်းမြိုင်စခန်းမှာလည်း အင်အားတိုးချဲ့နေတယ်လို့ ဒေသခံတွေက ပြောပါတယ်။
- Unicode
---------------

DKBA စစ်ဦးစီးချုပ် ဗိုလ်ချုပ်ကြီး စောစတီးနေအိမ် ဒရုန်းနဲ့ဗုံးကြဲခံရ
~~~~~
■ ကရင်ပြည်နယ် မြဝတီခရိုင် ဆုံဆည်းမြိုင် စခန်းဝန်းအတွင်းမှာရှိတဲ့ ဒီမိုကရေစီအကျိုးပြု ကရင့်တပ်မတော် (DKBA) စစ်ဦးစီးချုပ် ဗိုလ်ချုပ်ကြီး စောစတီးနေအိမ် စက်တင်ဘာလ ၆ ရက် မနေ့ည ၁၂ နာရီ ဝန်းကျင်က ဒရုန်းနဲ့ ဗုံးကြဲတိုက်ခိုက်ခံခဲ့ရတယ်လို့ ဒေသခံတွေက ပြောပါတယ်။

အဲဒီနေရာဟာ DKBA ဗဟိုဌာနချုပ်ရှိတဲ့ နေရာဖြစ်ပြီး ဒရုန်းနဲ့ နှစ်ကြိမ် ဗုံးကြဲခံရတာလို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက RFA ကို ပြောပါတယ်။

“သူ့အိမ်ကို ပစ်တဲ့အချိန်မှာက သူမရှိဘူး။ သူ့အတွင်းရေးမှူးတော့ ထိသွားတယ်။ သူက စစ်ကောင်စီတပ်တွေကို သွင်းတယ်။ သူတို့အထဲမှာ စခန်းချခွင့်ပေးတယ်။ သူ့အိမ်ကလည်း ထိုင်းမှာရှိတယ်။ ပထမတစ်ကြိမ် သွားပစ်တာက စစ်ကောင်စီစခန်းကို။ နောက်တစ်ကြိမ်သွားပစ်တာက သူ့အိမ်ပေါ်ကိုပစ်တာ။ နှစ်ကြိမ် အပစ်ခံလိုက်ရတာ”

အိမ်သွပ်မိုးပျက်စီးသွားသလို DKBA စစ်ဦးစီးချုပ် ဗိုလ်ချုပ်ကြီး စောစတီးရဲ့ အတွင်းရေးမှူးလည်း ဒဏ်ရာရခဲ့တယ်လို့ ဆိုပါတယ်။

ဒီတိုက်ခိုက်မှုကို ဘယ်အဖွဲ့က လုပ်ဆောင်တာလဲဆိုတာ သတင်းထုတ်ပြန်တာမျိုး မရှိသေးသလို ဒဏ်ရာရရှိတာနဲ့ ပတ်သက်လို့လည်း RFA အနေနဲ့ သီးခြားအတည်မပြုနိုင်သေးပါဘူး။

စစ်ကောင်စီတပ်ကလည်း မြဝတီ- ဝေါလေ လမ်းပိုင်းက သုံးထပ်ကွေ့နဲ့ ဥကရိထစခန်းတွေမှာ အင်အား ထပ်ဖြည့်ထားသလို စုံဆည်းမြိုင်စခန်းမှာလည်း အင်အားတိုးချဲ့နေတယ်လို့ ဒေသခံတွေက ပြောပါတယ်။
- Zawgyi
---------------

Photo: DKBA

(DKBA စစ်ဦးစီးချုပ် ဗိုလ်ချုပ်ကြီး စောစတီးအား တွေ့ရစဉ်)

07/09/2022

https://www.facebook.com/101191002618287/posts/139218632148857/

( Statement of opinion )

07/09/2022

ဖုန်းကြီးရော၊လူရော၊ ဗမာရော၊ကချင်စတိတ်သားမဟုတ်သူ ၊ရှမ်းအရေးလုပ်ရင် အော်တို ဒလံပဲ
🙅🙅🙅🙅🙅🙅🙅🙅🙅

သတ်မှတ်မြေအရ ကန့်ဘလူထိ ကချင် ဝမ်ပေါင် နိုင်ငံတော် အိမ္မက်ပါပဲ။ လူ/ စစ်သား အခက်ခဲကြောင့်သာ pdf အားကိုးနဲ့ တည်ထောင်မယ့်သဘောပဲ ကန့်ဘလူရောက်ရင် ကားတွေ ရထားတွေရပ်ပြီး ပတ်စပို့ ဗိဇာ လုပ်ပြီးမှ ကချင်ဝမ်ပေါင်နိုင်ငံတော်ကို ဝင်ရမယ်🙋 ကချင်မြေမှာ ဗမာငွေမသုံးဘူး ကချင် ကိုယ်ပိုင်ငွေသုံးမယ် ။

အခြေခိုင်ရင် PDF လည်း ကိုယ့်ဗမာပြည်ကိုပြန် ခပ်ချေချေပါဘဲ။

ဖွဲ့စည်းပုံကရေးပြီးသား ပင်လုံစာချုပ် အောင်ဆန်းအက်တလီစာချုပ် ဗိုလ်ချုပ်ရေးဆွဲခဲ့တဲ့ ၁၉၄၇ ဖွဲ့စည်းပုံမှာ ၁၀ နှစ်ပြည့်ရင် အပြီး ခွဲထွက်တာပါတော့လည်း ဒို့ကချင်က ခွဲထွက်ချင်မှာပဲ ဒီတော့ ကချင်ပြည်တွင်းနဲ့ အထက်စစ်ကိုင်း ကန့်ဘလူ/ကျွန်းလှနယ်အထိကတော့ စာပေရော၊ယဉ်ကျေးမှုရော ၊ ဘာလုပ်လုပ် ရှမ်းနီအရေး လုပ်တဲ့သူက အော်တို ဒလံပဲ။

Jinghpaw Laika မဖတ်တတ်သော ကချင်များလည်း ဖတ်ရန် ရည်ရွယ်ပါတယ်။

Kachin ဒေသ သည်
ဗမာတွေကြောင့်
ဗိုလ်ချုပ်အောင်ဆန်းကြောင့်
လွတ်လပ်ရေးရခဲ့တာ မဟုတ်ဘူး

ဗိုလ်ချုပ်အောင်ဆန်း နဲ့ မပေါင်းလည်း
Kachin လူမျိုးတွေ ခေတ်ပညာ တတ်လာရင်

Geneva သဘောတူညီချက်အရ
ကိုလိုနီ ဒေသအားလုံး လွတ်လပ်ရေး ရမှာပါ

ဗမာတွေနဲ့ မပေါင်းပဲ သီးသန့် Kachin နိုင်ငံ တည်ထောင်ဖို့ အခွင့်အရေး အပြည့်အဝ ရှိခဲ့တယ်

ရှိလာအောင်လည်း Kachin ဘိုးဘေးတွေ
English နဲ့ပေါင်းပြီး
ဂျပန်တွေကို အသက်၊ သွေးချွေး ရင်းပြီး တိုက်ခဲ့ကြပါတယ်

ဒါကို ဗမာတွေက မောင်ပိုင်စီး
မြန်မာတစ်နိုင်ငံလုံး
သူတ်ု့ ဗိုလ်ချုပ်အောင်ဆန်းကြောင့်
လွတ်လပ်ရေးရတာပါ ဆိုပြီး
သမိုင်းတွေ အကုန် ပြင်ရေး

ကျောင်းသုံးစာအုပ်မှာတောင်
တရားဝင်ထည့်သွင်းဖော်ပြလာတော့

လူနည်းစုတွေဘဝ ရေစုန်မျောလာတယ်

ပင်လုံစာ ချုပ်ချုပ်ဆိုပြီး
၁၀ နှစ်မကြာပါဘူး

ဗကပ ရော
ဖဆပလ ရော

ပင်လုံကို ချိုးဖောက်လေပါတယ်

ဦးနေဝင်း အာဏာသိမ်းတော့
ဘာပြောကောင်းမလဲ

Kachin ရိုးရာမြေတွေ ဗမာအစိုးရပိုင်သိမ်း
ဘုရားကျောင်းဝင်းတွေ အစိုးရပိုင်သိမ်း

ဆိုတော့ မဖြစ်တော့ဘူး ဆိုပြီး
Kachin တွေ တော်လှန်ရေး စလုပ် ခဲ့တာ ပန်းတိုငက နီးနေပါပီ။

➖➖➖➖➖➖➖➖➖➖➖➖➖➖➖➖➖➖

07/09/2022

I predict that the Shanni-Kachin ethnic problem may arise again.
At that time, the relationship between PDF and KIA needs to be strengthened for a certain period of time. The Burmese seem to be socialists. It is the same as the actions of the (ဗ.က.ပ) B.C.P. The last thing I found out is that Democracy, as they say, is "doing everything for those who are not the same as me/enemy". It's not possible. As Kachin political pioneer groups, do you have a plan B to release PDFs on Kachin land in the long run?

07/09/2022

PDFက‌ေတာ့ လိုက်ကနေရတဲ့ ရုပ်သေးကကြိုးပါဘဲ။ လူမျိုးရေးပြသနာ နောက်တစ်ကြိမ်ထပ်ဖြစ်လာနိုင်ဖွယ်ရှိပါတယ်။
အဲ့ခါကျရင် လူမျိုးရေးအမည်ခံပေးပို့ pdf KIA ဆက်ဆံရေးက အချိန်တစ်ခု အခြေနေတစ်ခုထိ ပိုခိုင်မြဲထားဖို့လိုပါတယ်။

ကြည့်နေစမ်းတယ် သူတို့လဲ ဆိုရှယ်လစ်ယောင်ယောင်၊ ဗကပ လုပ်ရပ်တွေနဲ့ တစ်ခြေရာတည်းပါလားး...?

နောက်ဆုံးသိလိုက်ရတာက သူတို့ပြောတဲ့Democracy ဆိုတာက
"ငါနဲ့မတူ ရန်သူ/တူဖို့အကုန်ရှင်း" ဆိုတာပါဘဲ။
မဖြစ်ချေဘူး။ ကချင့်နိုင်ငံရေးရှေ့ဆောင်အဖွဲ့တွေအနေနဲ့ ရေရှည်မှာ ကချင့်မြေပေါ်က pdf တွေရဲ့ ငါနဲ့မတူရန်သူဆိုတဲ့သဘောထားကို ကြိုတင် သုံးသပ်ပြင်ဆင်ထားသင့်ပါတယ်။

ဒါမှမဟုတ် လက်ရှိတက်ကြွနေတဲ့ pdf လူငယ်တွေကို ကချင့်လွတ်မြောက်အစည်းရုံးအောက်ထားပြီး နယ်ခြားစောင့်၊နှင့် နိုင်ငံခြားဆက်ဆက်ရေးအတွက် မူဝါဒါတစ်ခုအောက် ရေးဆွဲပီး ထားသင့်မထားသင့် သတိပြုဆွေးနွေးစေလိုပါတယ်။

07/09/2022

https://m.facebook.com/story.php?story_fbid=628106938666643&id=100068796986578

07/09/2022

ရန်ကုန် ခေတ်သစ် မီဒီယာမှ ( 6,9,2022 ) ရက်စွဲဖြင့် ပြည်သူများ အထင်မြင်လွှဲမှားစေရန် မဟုတ်မမှန်သော လုပ်ကြံသတင်းများ ဖန်တီးနေမှုအပေါ် သဘောထားထုတ်ပြန်ချက်။

07/09/2022

တွေးကြည့်တာ ပြေးကြည့်တာထက်ပိုမြန်တယ်😂😂😂

06/09/2022

နောင်ပတ် ဆရာတော် အသတ်ခံရမှုနှင့်ပတ်သက်၍ ရှုံ့ချကြောင်း ရှမ်းနီအမျိုးသားများတပ်မတော် SNA သဘောထား ထုတ်ပြန်

06/09/2022

နျူစွမ်းအင်စက်ရုံ တည်ဆောက်ရေး ရုရှား-မြန်မာ ဆွေးနွေး

ဧရာဝတီ၊ စက်တင်ဘာ ၆၊ ၂၀၂၂

ရုရှားနိုင်ငံ၊ ဗလာဒီဗော့စတော့မြို့တွင် ပြုလုပ်သည့် ၂၀၂၂ အရှေ့ပိုင်းစီးပွားရေး ဖိုရမ်တက်ရန် ရောက်နေသည့် စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်သည် ရုရှားအနုမြူကော်ပိုရေးရှင်း Rosatom State Corporations ၏ ညွှန်ကြားရေးမှူးချုပ် အလက်ဇီလီခါချော့ဗ်နှင့် တွေ့ဆုံကာ နျူကလီးယားစွမ်းအင်စက်ရုံ တည်ဆောက်ရန် ဖြစ်နိုင်ခြေများကို ဆွေးနွေးပြီး နျူကလီးယားစွမ်းအင်ကို ငြိမ်းချမ်းစွာ ပူးပေါင်းဆောင်ရွက်မည့် လမ်းပြမြေပုံနှင့် ရှေ့လုပ်ငန်းစဉ်များအတွက် လက်မှတ်ရေးထိုးကြောင်း ရုရှားသတင်းဌာန Interfax က ဆိုသည်။

ရုရှားအနုမြူကော်ပိုရေးရင်း Rosatom State Corporations ၏ ထုတ်ပြန်ချက်အရ နှစ်နိုင်ငံလုပ်ထုံးလုပ်နည်း ဆောင်ရွက်မှု မူဘောင်နှင့် မြန်မာနိုင်ငံတွင် စွမ်းရည်နည်း နျူကလီးယားစွမ်းအင်စီမံကိန်း အကောင်အထည်ဖော်ရန် ဖြစ်နိုင်မှု အသေးစိတ်ဆောင်ရွက်ရန် မျှော်မှန်းကြောင်း၊ လေ့ကျင့်သင်တန်းပေးရေးနှင့် နျူကလီးယားစွမ်းအင်နှင့် ပတ်သက်၍ မြန်မာပြည်သူများ အကောင်းမြင်မှု ရရှိစေရန်တို့လည်း ပါဝင်ကြောင်း သိရသည်။

ထို့ပြင် ရုရှားတွင် ကျင်းပသည့် ယင်းဖိုရမ်၌ပင် မြန်မာနိုင်ငံအတွင်း ရေနံနှင့် သဘာဝဓာတ်ငွေ့စီမံကိန်းများ ပူးပေါင်းဆောင်ရွက်ရေး အလားအလာကိုလည်း ရုရှားကုမ္ပဏီနှင့် မြန်မာစစ်ကောင်စီ၏ ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီး ဒေါက်တာကံဇော်တို့ အလွတ်သဘော ဆွေးနွေးခဲ့ကြသည်ဟုလည်း TASS သတင်းဌာနက ဖော်ပြသည်။

Roscongress Foundation က စီစဉ်ကျင်းပသည့် ၇ ကြိမ်မြောက် အရှေ့ပိုင်းစီးပွားရေးဖိုရမ်ကို ရုရှားနိုင်ငံ၊ ဗလာဒီဗော့စတော့ခ်မြို့တွင် စက်တင်ဘာ ၅ ရက်မှ စက်တင်ဘာ ၈ ရက်ထိ ကျင်းပနေခြင်း ဖြစ်သည်။

ကိုးကား ။ ။ Interfax နှင့် TASS

06/09/2022

မန်တုံအခြေစိုက် စစ်ကောင်စီတပ်စခန်းကို KIA ပူးပေါင်းတပ်ဖွဲ့သွားရောက်တိုက်ခိုက်၊ မန်တုံအနီးတစ်ဝိုက်တွင် စစ်ရေးတင်းမာနေ

မန်တုံ - စက်တင်ဘာ ၄၊ ၂၀၂၂။

ရှမ်းပြည်နယ်မြောက်ပိုင်း မန်တုံမြို့အခြေစိုက် ခြေလျင်တပ်ရင်း ခလရ (၁၃၀) တပ်ကို KIA ပူးပေါင်းတပ်ဖွဲ့က ယနေ့ နံနက် ခြောက်နာရီခန့်က သွားရောက် တိုက်ခိုက်ခဲ့ကြောင်းသိရသည်။

ကချင်လွတ်မြောက်ရေးတပ် (KIA) နှင့် PDF ပူးပေါင်းကာ သွားရောက်တိုက်ခိုက်ခဲ့ခြင်းဖြစ်ပြီး တစ်နာရီခန့်ကြာ အပြန်အလှန်ပစ်ခတ်ခဲ့သည်ဟု ဒေသခံအမျိုးသားတစ်ဦးက The 74 Media ကိုပြောသည်။

“ဒီမနက်က ကျွန်တော်တို့နေတဲ့ဘက်မှာ တိုက်ပွဲဖြစ်ခဲ့တာပေါ့နော်။ တိုက်ပွဲဖြစ်တယ်ဆိုတာက စစ်ကောင်စီတပ်ကို အရင်ဝင်ပစ်တာ။ ပြီးတော့ အပြန်အလှန်ပစ်ခတ်ကြတယ်။ အခုလည်း စစ်ကောင်စီက သူတို့ ပတ်ဝန်းကျင်ပတ်ပတ်လည်မှာ လက်နက်ကြီးတွေချပြီး စောင့်နေကြတာ” ဟု သူကပြောသည်။

အပြန်အလှန်ပစ်ခတ်မှုအတွင်း နှစ်ဖက်အထိအခိုက်အခြေအနေကိုမူ မသိရှိရသေးကြောင်း သူကပြောသည်။

ထိုကဲ့သို့ တိုက်ခိုက်ခံရပြီးနောက်ပိုင်း စစ်ကောင်စီတပ်က နံနက် ၁၀ နာရီခန့်တွင် မန်တုံမြို့ပတ်ပတ်လည်ရှိ ရောကျိန်းကျေးရွာနှင့် ဟိုခိုကျေးရွာလွယ်ဆိုင်ကုန်းတွင် လက်နက်ကြီးများ တပ်ဆင်ကာ ကင်းစောင့်နေကြောင်း သိရသည်။

ထို့အပြင် ရောကျိန်းကျေးရွာသို့ စစ်သည်အင်အား ၃၀ ခန့် နှင့် ဟိုခိုကျေးရွာသို့ ကားတစ်စီးဖြင့် စစ်သည်အင်အား ၃၀ ခန့်ဖြင့် ချထားသောကြောင့် ဒေသခံများ စိုးရိမ်နေကြောင်း အခြား ဒေသခံ အမျိုးသားတစ်ဦးက ဆက်ပြောသည်။

“ဟိုဘက်ကရွာတွေမှာ လက်နက်ကြီးတွေ ချထားတယ်ကြားလို့ ကျွန်တော်တို့လည်း သတိနဲ့နေနေရတာ။ လက်နက်ကိုင်အဖွဲ့တွေကြားမှာ နေနေရတော့ အမြဲတမ်း သတိနဲ့ပဲ နေနေရတာ။ လက်နက်ကြီးတွေတောင် ချထားမှတော့ စစ်ရေးက ပိုတင်းမာလာဖို့ပဲရှိတော့မယ်ထင်တယ်” ဟု သူကပြောသည်။

တိုက်ပွဲဖြစ်ပွားပြီးနောက် မန်တုံမြို့အဝင်ရှိ စစ်ကောင်စီဂိတ်စခန်းတွင် ယခင်က မှတ်ပုံတင်များ စစ်ဆေးမေးမြန်းခြင်းမရှိသော်လည်း လက်ရှိအချိန်တွင် မှတ်ပုံတင်နှင့် ပစ္စည်းများကို တင်းကြပ်စွာ စစ်ဆေးနေကြောင်း သိရသည်။

မန်တုံမြို့နယ်သည် ၂၀၁၄ သန်းခေါင်စာရင်းအရ အိမ်‌ထောင်စု အရေအတွက် လေးထောင်ကျော်နှင့် လူဦးရေစုစုပေါင်း နှစ်သောင်းကျော် နေထိုင်သော မြို့နယ်တစ်ခုဖြစ်သည်။

ပုံ - ကေအိုင်အေတပ်ဖွဲ့ဝင်အချို့ကို တွေ့ရစဉ်။ (ပုံဟောင်းဖြစ်သည်)

06/09/2022

Ga Nhpaw

06/09/2022

အမျိုးသားညီညွတ်ရေးအစိုးရ ၆၆ ကြိမ်မြောက် အစိုးရအဖွဲ့အစည်းဝေးပြုလုပ်
▪️ ပြည်သူ့ခုခံတော်လှန်စစ် ကြေညာတဲ့တစ်နှစ်ပြည့်ကာလအတွင်း အစိုးရအနေနဲ့ အောင်မြင်မှုတွေ များစွာရှိသလို စိန်ခေါ်မှု၊ ထိခိုက်နစ်နာမှုတွေရှိခဲ့တယ်လို့ ယာယီသမ္မတပြောကြား
စက်တင်ဘာ ၆ ၊ ၂၀၂၂
အမျိုးသားညီညွတ်ရေးအစိုးရရဲ့ ၆၆ ကြိမ်မြောက် အစိုးရအဖွဲ့အစည်းအဝေးကို ဒီနေ့မနက် ၁၀ နာရီမှာပြုလုပ် ခဲ့ကြ ပါတယ်။ အစည်းအဝေးကို ယာယီသမ္မတ ဒူဝါလရှီးလ၊ ပြည်ထောင်စုဝန်ကြီးချုပ် မန်းဝင်းခိုင်သန်းတို့ အပါအဝင် ပြည်ထောင်စုဝန်ကြီးတွေ၊ ဒုဝန်ကြီးတွေ တက်ရောက်ခဲ့ကြပါတယ်။
အစည်းအဝေးမှာ ယာယီသမ္မတ ဒူဝါလရှီးလက အဖွင့်မိန့်ခွန်းပြောကြားခဲ့ပြီးနောက် ပြည်ထောင်စု ဝန်ကြီးချုပ်က မိန့်ခွန်း ပြောကြားခဲ့ပါတယ်။
ယာယီသမ္မတ ဒူဝါလရှီးလက ‘အကြမ်းဖက်မင်းအောင်လှိုင် စစ်အာဏာသိမ်းယူမှုနောက် တိုင်းပြည်ဟာ အဘက်ဘက်မှာ ယိုယွင်းမှုတွေ ဆက်တိုက် ကြုံလာတာကို တွေ့နေရပါတယ်။ ယနေ့ ပြည်သူလူထု တရပ်လုံးဟာ ကျပ်ငွေ ငွေကြေးဖောင်းပွမှု၊ စီးပွားရေးပျက်ကပ်မှုကြောင့် နေ့စဥ်နဲ့အမျှ စားဝတ်နေရေး အတွက် ဒုက္ခများစွာ ရင်ဆိုင်တွေ့ကြုံနေရတာ တွေ့မြင်နေရပါတယ်။ အကြမ်းဖက်စစ်ကောင်စီမှ နေ့စဥ်နဲ့ အမျှ အပစ်မဲ့ပြည်သူများကို သတ်ဖြတ်တာ၊ ဖမ်းဆီးထောင်ချကာ နှိပ်စက်နေတာနဲ့ ကျေးရွာ များကို မီးရှို့ဖြတ်ဆီးနေတာက အင်မတန် လူမဆန် အကျဥ်းတန် လူရိုင်းဆန်တဲ့ လုပ်ရပ်တစ်ခု ဖြစ်ပါတယ်။ တဖက်မှာလည်း အကြမ်းဖက်စစ်ကောင်စီအနေနဲ့ အပစ်မဲ့ပြည်များကို နည်းလမ်းမျိုးစုံနဲ့ နှိပ်စက်ပြီး တိုင်းပြည်မှ ထွက်ပြေးသွားအောင် နှင်ထုတ်နေတာ တွေ့ရပါတယ်။ ကျနော်တို့ အမျိုးသား ညီညွတ်ရေးအစိုးရက နိုင်ငံပြင်ပကို အကြောင်းအမျိုးမျိုးနဲ့ ထွက်ခွာသွားတဲ့ တို့နိုင်ငံသားများကို ကူညီစောက်ရှောက်နိုင်ဖို့ လုပ်ဆောင်ပေးနေတဲ့ အစိုးရဖြစ်ပါတယ်။ ကာကွယ်ပေးဖို့လည်း တာဝန်ရှိ ပါတယ်’ လို့ ပြောကြားခဲ့ပါတယ်။
ဆက်လက်ပြီးတော့လည်း ‘မကြာမီကျရောက်မယ် စက်တင်ဘာလ ၇ ရက်နေ့က မိမိတို့အစိုးရအနေနဲ့ အကြမ်းဖက်စစ်ကောင်စီမှ ပြည်သူလူထုကို နည်းလမ်းမျိုးစုံနဲ့ ချိန်းခြောက် ဖမ်းဆီးသတ်ဖြတ်နေတဲ့ရန်မှ အကာအကွယ်ပေးရန်နဲ့ အာဏာရှင်စစ်အုပ်စုကို ဖြုတ်ချနိုင်အောင် ရည်ရွယ်ပြီး ပြည်သူ့ခုခံ တော်လှန်စစ် ကို ကြေညာခဲ့တဲ့ တစ်နှစ်ပြည့် နေ့ထူးနေ့မြတ် ဖြစ်ပါတယ်။ ပြည်သူ့ခုခံတော်လှန်စစ် ကြေညာတဲ့ တစ်နှစ်ပြည့်ကာလအတွင်း မိမိတို့အစိုးရအနေနဲ့ အောင်မြင်မှုများစွာ ရရှိခဲ့သလို စိန်ခေါ်မှုများ ထိခိုက် နစ်နာမှုများလည်း ရှိခဲ့ပါတယ်။ မိမိတို့အနေနဲ့ အဆိုပါ ထိခိုက်နစ်နာခဲ့မှုများကို သင်ခန်းစာအဖြစ်ယူပြီး စိန်ခေါ်မှုများကို ကျော်လွှားကာ ပြည်သူလူထုများ လိုလားမျှော်မှန်းနေတဲ့ ပန်းတိုင်ကို အမြန်ဆုံးရရှိအောင် ဆက်လက်အားတင်းပြီး ကြိုးစားရမှာ ဖြစ်ပါတယ်’ လို့ ယာယီသမ္မတက ပြော ကြားခဲ့ပါတယ်။
ဒါအပြင် မနက်ဖန်မှာ ကျရောက်မယ် ပြည်သူ့ခုခံတော်လှန်စစ်ကြေညာတဲ့ တစ်နှစ်ပြည့်မှာလည်း နိုင်ငံ တော်အခြေပြ မိန့်ခွန်းကို ပြောကြားမှာဖြစ်တယ်ဆိုပြီးတော့လည်း ယာယီသမ္မတက ပြောကြားခဲ့ပါ တယ်။
ပြည်ထောင်စုဝန်ကြီးချုပ် မန်းဝင်းခိုင်သန်းက ‘မနက်ဖြန်ဆိုရင် ကျွန်တော်တို့ အမျိုးသားညီညွတ်ရေး အစိုးရအနေနဲ့ နိုင်ငံတဝှမ်း ခုခံတော်လှန်စစ်ကို စတင်ကြေညာခဲ့တာ (၁) နှစ်ပြည့်ပါပြီ။ တကယ်တော့ ကျွန်တော်တို့ အပါအဝင် ဘယ်ပြည်သူကမှ စစ်ကို လိုလားကြမယ်မထင်ပါဘူး။ ဒါပေမယ့်လည်း လက်နက်အားကိုးနဲ့ ပြည်သူကို နှစ်ပေါင်းများစွာ အနိုင်ကျင့်ခဲ့ပြီး အခက်အခဲကြားက တိုင်းပြည်ကို ရုန်းကန်ထူထောင်နေကြတဲ့ ပြည်သူ့မျက်နှာကိုမထောက်ဘဲ အရပ်သား အစိုးရနဲ့ ပြည်သူ လက်တွဲညီညီနဲ့ ဒီမိုကရေစီ အသီးအပွင့်လေးတွေ မျှော်မှန်းရင်း ပျော်ပျော်ရွှင်ရွှင် ချီတက်နေတဲ့အချိန်မှာ မျှော်လင့်ချက်တွေကို ထပ်မံရိုက်ချိုးခဲ့တဲ့အပြင် သမိုင်းတလျှောက် လူမဆန်ဆုံး လုပ်ရပ်တွေကို လုပ်ဆောင်လာတဲ့ ဒီအကြမ်းဖက်စစ် ကောင်စီအတွက် ကျွန်တော်တို့မှာ ရွေးချယ်စရာမရှိခဲ့ပါဘူး။ ရွေးချယ်ခဲ့ပြီးတဲ့ ဒီလမ်းခရီးကို ကျွန်တော်တို့ ရုန်းကန်ကြိုးစားရင်း လျှောက်လှမ်း လာခဲ့ကြတာ အခုဆိုရင် သုညက စခဲ့ရတဲ့ ကျွန်တော်တို့ ပြည်သူနဲ့ တနိုင်ငံလုံး ဘဏ္ဍာရေး အရင်းအမြစ် အကုန် လက်ဝါးကြီးအုပ်ထားပြီး အကြမ်းဖက်ဆောင်ရွက်နေတဲ့ စစ်ကောင် စီအခြေအနေ ဘယ်လိုရှိတယ်ဆိုတာ အားလုံးသိပြီးသားဖြစ်ပါတယ်။ ပြည်သူ့ဘဏ္ဍာ တွေကို ကိုယ့်အတ္တအတွက် စိတ်ကြိုက်ချယ်လှယ်ခွင့်ရနေတဲ့ စစ်ကောင်စီ ဟာ အင်အားစုံသုံးပြီးတာတောင် ပြည်သူတွေရဲ့ ခိုင်မာတဲ့ စိတ်ဓာတ်တွေကို (၁) နှစ်ကျော်ကာလအတွင်း ဖြိုချလို့ မရသေးဘူး။ ဒါကိုကြည့်ရင် ကျွန်တော်တို့ဟာအောင်ပွဲဆီကို လျှောက်လှမ်းနေတယ်ဆိုတာ ငြင်းလို့မရဘူး။ ဒါပေမယ့် ကျွန်တော်တို့ ဒါ့ထက် မြန်မြန် လျှောက်လှမ်းဖို့ လိုတယ်။ တော်လှန်ရေးကြာလေ ပြည်သူနာလေ တိုင်းပြည်နာလေမို့ ဒီလောက်ထိ ရှည်ကြာလာတာကိုတောင် ကျွန်တော်တို့ အနေနဲ့ မချင့်မရဲဖြစ်ရပါတယ်။ ဒါပေမယ့်လည်း အစောကပြောသလို လက်နက်မဲ့ ငြိမ်းငြိမ်း ချမ်းချမ်း ဆန္ဒပြခဲ့ကြတဲ့ အခြေအနေ၊ မခံနိုင်လွန်းလို့ တူမီးနဲ့ စတင်ခဲ့ကြတဲ့ အခြေအနေ ကနေ အခုတိုင်းနဲ့ပြည်နယ်အနှံ့ တပ်တွေ အဆင့်ဆင့်ဖွဲ့စည်းထားပြီးတဲ့ PDF အင်အားတွေအပြင် တိုင်းနဲ့ပြည်နယ်အနှံ့က LDF တွေ၊ မြို့ပြပျောက်ကြားတွေနဲ့ အထိုက်အလျောက် လက်နက်တပ်ဆင်နိုင်မှုတွေအထိ အဆင့် ဆင့် ဆောင်ရွက်ခဲ့ကြရတော့ မကြာခင်ဘဲ တစ်နှစ်ကြာခဲ့ရပါတယ်။ ဒါ့ကြောင့် လာမယ့်နှစ်မှာတော့ ပြင်ဆင်မှုတွေ၊ အတွေ့အကြုံတွေလည်း အထိုက် အလျောက် ရှိလာခဲ့ပြီမို့ ကျွန်တော်တို့ ပိုမိုအားထည့် ရုန်းကန်ရင်း အောင်ပွဲဆီကို အမြန်ဆုံး သွားကြရမှာ ဖြစ်ပါတယ်။ ‘ လို့ ပြောကြားပါတယ်။
ဆက်လက်ပြီးတော့လည်း ‘ကျွန်တော်တို့အနေနဲ့ အစွမ်းကုန်ယုတ်မာရက်စက်တဲ့ အကြမ်းဖက်သမား တွေကို ရင်ဆိုင်ကာ လျှောက်လှမ်းနေရတဲ့ တော်လှန်ရေးခရီးဖြစ်တာမို့ မလွယ်ကူတာ အမှန်ပါပဲ။ ဒါပေ မယ့် ကျွန်တော်တို့ ဝန်ကြီးတွေ အားလုံးလည်း ပြည်သူ့အားတွေနဲ့အတူ အစွမ်းကုန် ကြိုးစားနိုင်မယ်လို့ ယုံကြည်ပါတယ်။ ကျွန်တော်တို့ တော်လှန်ရေးမှာ ပြည်ပက အကူအညီမရသေးတာတောင်မှ ဒီလောက် ထိ ကြိုးစားရှာဖွေ ပေးနေတဲ့ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာနကိုလည်း ကျေးဇူးတင်ရ ပါတယ်။ နည်းလမ်း မျိုးစုံနဲ့ တော်လှန်ရေး ရံပုံငွေတွေကို ထည့်ဝင်ပေးနေကြတဲ့ ပြည်တွင်းပြည်ပက ပြည်သူများကိုလည်း အထူးကျေးဇူးတင်ပါတယ်။ ဒီတစ်ပတ်အတွင်းမှာ ကျွန်တော်တို့ မဟာမိတ်တချို့နဲ့ ဆွေးနွေးတိုင်ပင်မှုတွေ လုပ်ကြတဲ့အခါမှာလည်း တော်လှန်ရေးအပေါ် ထားရှိတဲ့ သဘောထား တွေက တော့အားလုံးတူညီနေကြတာ တွေ့ရပါတယ်။ ဘုံသဘောတူညီချက်တွေလည်း ရှိကြတာမို့ ခရီး ဆက် ကြရပါမယ်။’ လို့ ပြည်ထောင် စုဝန်ကြီးချုပ်က ပြောကြားခဲ့ပါတယ်။
ဒါ့အပြင် အရေးကြီးကာလရောက်နေတာမို့ ဝန်ကြီးဌာနတွေက တိုးတက်မှုတွေ လိုအပ်ချက်တွေကို အစိုးရအဖွဲ့အစည်းအဝေးမှာ တိုင်တိုင်ပင်ပင် လုပ်ကိုင်စေချင်တယ်၊ တော်လှန်ရေးအစိုးရဖြစ်တာ ကြောင့် အရေးကြီး Issue တွေ ရှိလာနိုင်တဲ့အတွက် တင်ပြ ဆွေးနွေးတာတွေကို အားလုံးသိရှိမှသာ လို အပ်တာတွေ ဝိုင်းဝန်းအကြံပြုနိုင်မယ်၊ အဲဒီလိုတွေ ရှိလာမှ အစိုးရအနေနဲ့ ပြည်သူတွေကို ဦးဆောင်မှု ကောင်းစွာပေးနိုင်မှာဖြစ်တယ်လို့ ပြောကြားခဲ့ပါတယ်။
အစည်းအဝေးမှာ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ဒုတိယဝန်ကြီး ခူးထဲဘူးက ပြည်ပရောက် မြန်မာနိုင်ငံသားတွေရဲ့ သားသမီးတွေကို မွေးစားရင်းလက်မှတ်ထုတ်ပေးတဲ့ လုပ်ငန်းနဲ့ ပတ်သက်ပြီး ရှင်းလင်းတပြဆွေးနွေးတာတွေ ပြုလုပ်ခဲ့ပါတယ်။ အဲဒီနောက် ပြည် ထောင်စု ဝန်ကြီးချုပ်က တင်ပြလာတာတွေကို ပြန် လည်ရှင်းလင်း ဆွေးနွေးပြီး ယာယီသမ္မတက နိဂုံးချုပ်အမှာ စကားပြောကြားကာ အစည်းအဝေးကို ရုပ်သိမ်းခဲ့ပါတယ်။