01/01/2021
الشهيد بالنسبة النا كمواطنين عاديين هوي
خبر وصورة... بزعلونا دقيقتين ومننسى ..
الشهيد بالنسبة #لقائده
شب بالرتبة الفلانية استشهد في المعركة ...
الشهيد بالنسبة #لجيرانه
ياحوينتو ..
الشهيد بالنسبة #لرفقاتو
الله يرحمك يافلان كانت أيام مابتنتسى ...
الشهيد بالنسبة #لحبيبتو
صورة ... ذكرى ...
الشهيد بالنسبة #للمسؤول
نعزي أنفسنا وأياكم باستشهاد البطل ..........
الشهيد بالنسبة #للاعلام
استشهد مساء اليوم أثناء تصديه ل ........
الشهيد بالنسبة لأهله ...
هون بدك تكون حذر .. لا تكون جلموق ...لا يرتفع عندك الحس الوطني العالي .. خففلي ياه الله يرضى عليك ...
كل دمعة لأبوه بتحكي الاف القصص والذكريات والأوجاع ..
كل دمعة لأمو عم يسقط معاها عرش فرعون ..
أوعك تقول لأبوه ابنك بالجنة
الجنة بالنسبة لأبوه هي لما يحضر عرسو مو جنازتو . .
أوعك تقول لأمو ابنك راح فدا الوطن
الوطن بالنسبة لأمو هي قعدتها ع السفرة وابنها قبالها ..
وطي راسك للأرض .. و تجنب الكلام ... وكتفي بكلمة الله يرحمو...
بحضرة أم وأب الشهيد حتى الملائكة ترجف وتتلخبط بالكلام ... بتحوم بتحوم بهالبيت وبترجع للسما ....
الرحمة والخلود لأرواح شهدائنا الأبرار
