24/11/2024
النّاس يلي لسانهُن متعوِّد ع الكلمة الحلوة كتير جذَّابين ..
يلي بقولوا " شُكراً " .. على كل شي بينعمل إلهُن حتّى لو كان شي بسيط ...
يلي بضلُّوا مبتسمين بوجه النّاس أغلب الوقت ..
يلي بقولوا : " يعطيك العافية "
للعُمَّال بالشّارع أو بس يجيهُن أُوردر الأكل بالمطعم ..
يلي ما بقدروا يمشوا عن صورة حدا إلّا وكاتبين كلمة حلوة حتّى لو ما بيعرفوه ..
يلي عارفين إنّو النّاس عندهُن ضُغوطات كافية ، وأي كلمة مُمكن تخلِّي يومهُن حلو ويمشي بشكل أسهل وألطف ..
- أنتوا لا مُجاملين ، ولا مُنافقين ، ولا بِـ 100 وجه ، ولا أي مُفردة بشعة أبداً ، أنتوا بتنحطّوا على الجرح بطيب ❤️
Mohammed Ibrahim
