https://www.facebook.com/257026560831247/

Rémi Project-مشروع ريمي

Home
Syria
Damascus
Rémi Project-مشروع ريمي

مشروع Rémi، معناه الراحة، اللطف، و كمان ع اسم صبية بتحمل هي الصفات.

07/05/2024

قصة المئذنة العمرية في حي باب توما🌷

#جامع #مئذنة #قصة #حكاية #دمشق #الشام

27/04/2024

العم أبو الورد، عازف الناي المشهور بالشام القديمة، انسان جبّار و عظيم، التقينا فيه و دردشنا شوي و صورنا فيديو صغير عن تجربته بالحياة❤️
نحنا منشكره من كل قلبنا على كل نصبحة و كل كلمة حكاها لانه هو مدرسة بكل ما للكلمة من معنى✨
#عزف #ناي #عود #موسيقى #لحن #ألحان #دمشق #الشام #انسان #تحفيز #قوة #إرادة #انجاز #انستا #انستغرام #حمص #اللادقية #حياة #مدرسة #عظيم #فيسبوك

25/04/2024

منارة دمشق❤️

عمل فني تم تصممه من قبل د.عبدالناصر ونوس لصالح الاتحاد الوطني لطلبة سوريا واللي بدورهم اهدوه لمحافظة دمشق واللي كان ضمن مشروع كبير لتأهيل وتجميل منطقة باب توما.

الهيكل الاساسي للمنارة باللون الابيض، مصنوع من الطين و القنب والقش واللي استخدمت نفسها زمان لصنع حيطان البيوت الدمشقية، بينما الواجهة مصنوعة من موزاييك الزجاج بشكل يدوي، وعليها رموز بتدل على ارتباط ابواب دمشق بالكواكب المعروفة عند الحضارتين الاغريقية واليونانية (كل باب من ابواب دمشق رمز لكوكب معين، باب توما مثلا رمز لكوكب الزهرة )وكمان تم استخدام النحاس.

الساعة فوق بترمز ل إله الشمس عند الكلدانيين، و البحرة تحت مصنوعة من الغرانيت الاسود للدلالة على ثبات الموقع وعليها من جنب سبع ينابيع بيدلوا عل افرع نهر بردى السبعة.اما الاجراس عالجانبين ف اصواتها بتدل على حالة الحوار الثقافي والتاريخي لدمشق.

"دمشق هي أقدم عاصمة مأهولة في العالم"

#دمشق #الشام #العاصمة #تراث #حضارة #تاريخ #قصة #معلومة #ثقافة #صورة

20/04/2024

ليش تسمى "خان السفرجلاني" بهدا الاسم؟
عمو بسام الديري، أقدم صاحب محل موجود بالخان، من تقريب ال ٦٠ سنة، شاركنا القصة بهدا الفيديو❤️

#فيديو #تصوير #انستا #خان #قصة #حكاية #انسان #سوق #تاريخ #حضارة #سوريا #دمشق #الشام #فلسطين #القدس #موبايل #فيسبوك #حياة #حنين #آثار

19/04/2024

بتعرفوا قصة خان السفرجلاني؟

تابعوا الفيديو اللي رح ينزل قريباً لتعرفوا القصة من عمو أبو فهد، أقدم حدا موجود بالخان.

#قصة #فيديو #حكاية #خان #انسان #قديم #آثار
Shahed Elias Hammal
Ahmed Nashat

16/04/2024

العم ربيع طويل، أبو الياس، صاحب محل شرقيات و انتيكا و نحاسيات بباب توما، بيشتغل بهي المهنة من 40 سنة تقريباً و هو بهدا المحل من أول ما بلش.
قابلناه بمحله الرائع و المميز بباب توما و دردشنا معه، و اخترنا هدا المقطع اللي حكالنا فيه عن الرضى بالحياة، و ختم المقطع بضحكة طالعة من القلب❤️
كتير كنا سعيدين بالقعدة مع عمو ربيع، هو انسان مُحب جداً و لطيف و نحنا منتشكره من كل قلبنا ع الوقت اللي عطانا ياه🙏

Shahed Elias Hammal
Ahmed Nashat

14/04/2024

عمو ربيع❤️
أبو الياس، صاحب محل شرقيات بباب توما، قابلناه و حكينا معه عن حياته و تجاربه و شو اهم شي تعلمه بالحياة و اخترنا منها مقطع صغير رح نشاركه معكم.

11/04/2024

العم أنطون الطويل، شيخ كار صناعة آلة العود، انسان مثقف و جميل لأبعد الحدود، التقينا فيه و دردشنا بمواضيع مختلفة، و اخترنا منها هدا المقطع اللي حكالنا فيه عن الشباب لنشاركه معكم❤️

عمو طوني، متل ما بحب يندهولوا الناس، ورث المهنة عن والده السيد ابراهيم الطويل، و ورثها لبنته الأنسة ماري الطويل، واللي هي أول صانعة أعواد، و هو فخور فيها جداً.

وقت لا يقدر بثمن قضيناه مع العم طوني، و منتشكره من كل قلبنا❤️

10/04/2024

منتمنالكم عيد فطر مبارك و سعيد، و يارب الايام الجاية تحمللكم السعادة و الصحة و راحة البال🙏❤️🌙✨

06/04/2024

عمو طوني❤️
استقبلنا اليوم بمحله الصغير بباب توما و المخصص لصناعة آلة العود، و حكالنا عن تجربته بالحياة، و نحنا رح نرجع نشاركها معكم بفيديو❤️

قللنا عمو أنه هو كل شهر بيروح و بيعزم حاله على مطعم و بيهدي حاله هدية، و أنه هو بيسعد حاله بحاله و مو ناطر حدا يسعده، و هدا التصرف الصح بنظره.

04/04/2024

مشروع Rémi❤️

بلش بفكرة صغيرة خطرت على بالنا من كذا شهر، و بلشت تكبر شوي شوي لحتى قررنا من فترة تشوف الضو و تصير على أرض الواقع.

شو الهدف؟
هدفنا نرجع نحكي مع بعض و نسمع بعض و نتعرف على بعض نحنا السوريين، هيك ببساطة و بدون ما يكون الموضوع كبير.

ليش اخترنا هدا الاسم؟
نحنا و عم ندور على اسم كنا عم نحكي عن الفكرة و عن المشاعر اللي عشناها و قت فكرنا فيها و عن الصفات اللي بتحملها بالنسبة النا و اللي هي اللطف و الراحة و الأمان و الصدق، بلحظتها خطرت على بالنا صبية رفيقتنا، لهيك قررنا يكون المشروع ع اسم حدا لطيف بيحمل كل الصفات هي .

شو رح نشارك معكم؟
بهدا المشروع رح تحضروا فيدوهات بسيطة مليانة مشاعر من ناس قابلناهم بشكل عشوائي لنسمع منهم عن أهم الدروس اللي تعلموها بحياتهم و أهم الشغلات اللي بيحبوا يشاركوها مع الناس..
كمان رح تشوفوا صور و تقرأوا منشورات رح تحمل معها مشاعرنا.

Address

Damascus

Website

facebook.com

Alerts

Be the first to know and let us send you an email when Rémi Project-مشروع ريمي posts news and promotions. Your email address will not be used for any other purpose, and you can unsubscribe at any time.

Videos

العم أبو الورد، عازف ناي محترف و عازف عود عن جديد، بتلاقوه دائما قاعد بالشام القديمة و عم يعزف ألحان بتدخل عالقلب فوراً🌷 . غير أنه عازف شاطر كتير، هو انسان بسيط و لطيف لأبعد الحدود، و مقابلته كانت درس لألنا بالحياة و حبينا نشاركها معكم🙏 . شكراً من كل قلبنا🌷 . . . . . . . . #ناي #عود #عزف #ناي #انسان #بساطة #الحميدية #الشام_القديمة #حكاية #قصة #تحفيز #تحدي #انجاز #طموح #قوة #صبر #سوريا #حمص #اللاذقية #دمشق #الشام #انستا #انستغرام #فيديو #تأثير #مؤثر

ليش تسمى "خان السفرجلاني" بهدا الاسم؟ عمو بسام الديري، أقدم صاحب محل موجود بالخان، من تقريب ال ٦٠ سنة، شاركنا القصة بهدا الفيديو❤️ #فيديو #تصوير #انستا #خان #قصة #حكاية #انسان #سوق #تاريخ #حضارة #سوريا #دمشق #الشام #فلسطين #القدس #موبايل #فيسبوك #حياة #حنين #آثار #history #damascu #palstine #syria #story

العم ربيع طويل، أبو الياس، صاحب محل شرقيات و انتيكا و نحاسيات بباب توما، بيشتغل بهي المهنة من 40 سنة تقريباً و هو بهدا المحل من أول ما بلش. . قابلناه بمحله الرائع و المميز بباب توما و دردشنا معه، و اخترنا هدا المقطع اللي حكالنا فيه عن الرضى بالحياة، و ختم المقطع بضحكة طالعة من القلب❤️ . كتير كنا سعيدين بالقعدة مع عمو ربيع، هو انسان مُحب جداً و لطيف و نحنا منتشكره من كل قلبنا ع الوقت اللي عطانا ياه🙏 Shahed Elias Hammal Ahmed Nashat #Rémi_project

العم أنطون الطويل، شيخ كار صناعة آلة العود، انسان مثقف و جميل لأبعد الحدود، التقينا فيه و دردشنا بمواضيع مختلفة، و اخترنا منها هدا المقطع اللي حكالنا فيه عن الشباب لنشاركه معكم❤️ عمو طوني، متل ما بحب يندهولوا الناس، ورث المهنة عن والده السيد ابراهيم الطويل، و ورثها لبنته الأنسة ماري الطويل، واللي هي أول صانعة أعواد، و هو فخور فيها جداً. وقت لا يقدر بثمن قضيناه مع العم طوني، و منتشكره من كل قلبنا❤️