MHD Wissam Dergham

08/12/2023

كيف تتعامل مع المنافس ؟
الي رح احكيه هو تجربتي الشخصية
خلاصة تجربة السنين ..
هي أن المنافس هو من أكبر اسباب النمو للمؤسسات والشركات وحتى الأفراد.
بكل المرات الي كان عنا منافسة شديدة كان هاد الشي حافز كتير كبير النا
يخلينا نطور الميزة التنافسية الي عنا ونشتغل على ميزات جديدة !
المنافس كان يساعدنا نقوي قلبنا ونفوت على اسواق جديدة
وببساطة..
كان كتير احيان يعلمنا ويخسر بالنيابة عنا
يجرب شي ويتكلف ويفشل فيه ونحن نتعلم من هي التجربة
لذلك من وجهة نظري اليوم وبكرا وبعد مية سنة
أكتر شي بساعدك تتطور هو المنافس
أكتر شي بيساعد أن السوق يكبر هو المنافس
اكتر شي ممكن يجبرك تفكر خارج الصندوق هو المنافس
أكتر شي ممكن يخليك تفكر بعقلية بزنس بعيدة عن العاطفة هو المنافس
ولكن رغم كل هالايجابيات الظريفة
خليك صاحي ..
لاتحط المنافس براسك
ركز على حالك انت ..
لاتخليه يمشيك متل مابده
في حالات رح تنافس فيها شركات تكون هي الماركت ليدر
وهدول قادرين جداً يخلوك تتهور وتصرف كل شي معك بطريقة غلط
لذلك بس بدك تفوت على سوق شديد التنافسية خليك كتير صاحي
وإياك .. تفوت بعقلية الحجي
وإياك .. تفوت تكسر سعر على شركة ميزانيتها اكبر من كل طموحاتك
وإياك .. تفوت فوتة تصرفات ولادية
لأن ببساطة .. كل راس مالك وخططك هن عبارة عن قروش بالنسبة لشركة رائدة بالسوق
لذلك لاتفوت عليهن بطريقة غلط ..
فوت واشتغل اصول ..
نافس بميزات جديدة
نافس بطريقتك بالشغل ..
نافس بأبداعك
بس برجع بذكرك .. لاتفوت عليهن بكسر سعر
عقلية منبيع برخيص .. منبيع كتير ..
هي العقلية بالبزنس بتطالعك برا السوق.

27/10/2023

أخاف من المشهد الأوّل،
الّذي ستصوّره الكاميرا الأولى،
عند الاتصال الأوّل.

01/05/2023

في مرحلة قلة الوعي نعتقد أننا ننجح بسبب قدراتنا الكبيرة وذكائنا الفريد !
ولكن الحقيقة ولله نحن لا ننجح إلا بتوفيق الله ، يستر عيوبنا و ييسر أمورنا ويفتح لنا الأبواب و يلهمنا الصواب ❤
اللهم لك الحمد على كل نعمة عرفناها وعلى كل نعمة لم نعرفها
نستغفرك اللهم من غرورنا ونستغفرك من قول أنا و لي و معي .

29/04/2023

تُنسى كأنك لم تكن !
هي الجملة قديش صادقة وحقيقية ، بتتذكروا كل الناس الي كانت بحياتنا وتوفت ؟
قديش وعدناهن ما ننساهن ، وقديش قلنالهن رح تضلوا موجودين معنا وعايشين بيناتنا ..
بس نسيناهن .. ما منتذكرهن الا بلحظات معينة فيها ذكريات بتجمعنا معهم .
اللهم ارحم من غادرونا وسبقونا إليك
اللهم اجعل لنا عملاً صالحاً ودعاءً لا ينقطع إذا صرنا إلى ما صاروا إليه.

22/04/2023

صحيح أن توفى محمد قنوع ؟

20/04/2023

كل عام و أنتم بالف خير
غداً أول أيام عيد الفطر المبارك♥️

17/04/2023

ادعولي الله يكرمني ادرس ماجتسير بالمانيا ♥️

15/04/2023

مجموعة من النصائح للعاملين في مجال السوشيل ميديا
1-"النشر المستمر" : خوارزميات منصات التواصل الأجتماعي تدعم الصفحات التي تقوم بنشر مستمر والمعدل الجيد للنشر ما بين 1-2 منشور يومياً
2-"التفاعل مع الجمهور" : لتقدر تبني جمهور بشكل صحيح على السوشيل ميديا لازم يكون في تواصل بينك وبين الجمهور تذكر دائما ان خلف كل تعليق او مسج في شخص حقيقي قد يكون زبون لذلك لازم تتفاعل معو بشكل جيد وتتواصل معو بطريقة صح
3-"الصور والفيديوهات البسيطة" : من اكبر الاخطاء الي ممكن توقع فيها اذا كنت عم تسوق لمنتجات على السوشيل ميديا هو استخدام صور شديدة المثالية
تذكر دائما انك عم تبيع منتج للناس ... لازم يشوفوا بشكل واقعي ... يشوفوا كيف عم تستخدموا ... وكيف عم عم يعطي النتيجة
"تذكر لما كنت صغير وتشتري قطعة بسكويت ويكون المضمون غير الصورة كنت تشعر بالاحباط وأنك خسرت مصاريك"
4-"الناس تشتري حلول للمشاكل" : حاول تركز على هي العبارة بكل شغلك الناس دائما بتشتري منتج يحللها مشكلة او يوفر عليها الوقت او يعود عليها بالنفع المادي
حاول ما تكون مركز على المنتج والمزايا ... ركز كيف المنتج رح يساعد عميلك وكيف العميل رح يستفاد من المزايا
هاد المنشور هو جزء من سلسلة منشورات ان شاء الله رح انشرها كمختص بهاد المجال.
إذا كنتم مهتمين بالمجال بأمكانكم تتركوا كومنت على هاد البوست
رح كون جاهز للاجابة على كل الاستفسارات بالكومنت.

12/04/2023

https://www.youtube.com/watch?v=82ETlrSTHBE
حلقة خرافية بكل المقاييس .. مهمة جدا بما يخص أمور الاخترا.ق و روابط المسابقات وكل ما الى ذلك .

تابع أحمد الشقيري - Follow Ahmad AlShugairi:انستقرام https://www.instagram.com/ahmadalshugairi/تويتر https://twitter.com/shugairiفيسبوك http://www.facebook.c...

06/04/2023

انا بحب النقد البناء
"عملة ابني فيها بيت يعني"

05/04/2023

1-بتقضيلك شي شهرين زمان عم تشوف فيديوهات ع اليوتيوب عن الطاقة
2-بتعمل صفحة فيس بتسميها "الوعي الذاتي وطاقة الستاتي" تنويه ستاتي جمع ستيتية "انثى العصفور هي البنية الي معبية الطرقات"
3-بلش خرط وكذب فتاح هالات وسكر هالات
4-صورلنا فيديوهات انت وعم تتنفس بعمق لازم شعر انفك يبين "حاول ماتكون مرشح"
5-بتعلن عن كورس بتسميه "كورس الحرية المالية بس بالف وخمسمية"
مبروك .. صرت مدرب ❤️

05/04/2023

يقول نيتشه :
هنت مَتتعلم بالجامعة مواد أفي حدا ما يشتغل فيها بالحقيقة
بديني إذا أبتعمل كورسات تَ تتبهدل

02/04/2023

التسويق الرقمي بسوريا
1-منعمل صفحة فيس بوك
2-كل يوم مننشر صور اشعارات من الهرم ومنقول أن رح نربح كل يوم خمس ملايين من التعليقات
3-منكرر العملية لمدة شهر
4-منعمل حسابات وهمية ومنباركلهن بالربح
5-بيصير عنا 200 الف متابع
6-منبلش نبيع اعلانات ومنسمي حالنا المنصة الاعلانية الاقوى بسوريا😁
ملاحظة : إذا حسيت الكلام الي فوق مغري ويمثل فرصة لجني المال معناها أنت مافيك ضمير ♥️

28/03/2023

بداية معظم الطرقات الجديدة بتكون مظلمة وبتخوف !
حاول تسيطر على خوفك وتكمل ❤️

25/03/2023

اذا انت كتيير بتحب سيارتك ..
هاد لايعني انو هاد الحكي رح يرفع من سعرها..
اذا حقها 100 العالم رح تعطيك 90 ..
يمكن محبتنا للاشياء الي منملكها بتخلينا نعطيها قيمة اكبر بكتير من قيمتها الحقيقية ..
ونغض النظر عن كل المرات الي خذلتنا فيها ..
ونفس الشي علاقاتنا للناس .. الشخص الي منحبو ومنعطيه اكتر من قيمتو .. هو لحالوا رح يرجع يختار قيمتوا الحقيقية .. و ح يزيد بالغلط .. ويراهن اكتر على قدرتنا على تحملوا اكتر .. وهيك الدنيا ماشية ..♥️

21/03/2023

الجمعية الفلكية السورية خلال التماس شهر رمضان المبارك عبر "قناة نور الشام": تعذر رؤية هلال رمضان اليوم.

17/03/2023

طريق النجاح..
لن يكون معبداً أمامك..
أنه طريق صعب جداً..
ستواجه الكثير من المصاعب..
الكثير من المطبات..
الكثير من الحفر..
عليك فقط أن تتبع الشاخصات المرورية..
التي وضعها اولئك الذين سبقوك للنجاح..
عليك فقط إتباع الذين سبقوك للنجاح..

15/03/2023

15/3/2011
15/3/2023
كتير طال الوقت !
و تعبنا !